المحرر موضوع: ارشيف لمعاملات ال SIV و اخر الاخبار و نماذج للمقابلات و اساله و اجوبة حول الكيس..SIV Times (زيارة 319974 مرات)

SIVandIOM · « **رد #500 في:** 14:41 27/04/2009 »

حبي iraqgsm لا تدوخ انشالله هاي السالفه ما تطول هوايه...دعواتي الك بالتوفيق

حبي untitled man يعني شلون ما مترجم دفتر الخدمة؟؟ هوه مو من ضمن المتطلبات مال ال NVC؟ لعد شدزيتلهم على الmilitary records ؟ لو انته اصلا ممشيهه على انه انته ما عندك اي وثيقه عسكرية كونك ما خادم؟ اذا الاحتمال الاخير فاللي سويته غلط...بس مشيهه هالشكل على اعتبار انه انته ما خادم وما تعرف شنو قصدهم بال military records لكونك ما خدمت اصلا...بس بكل الاحوال خلي دفتر الخدمة بجيبك يمن تروح للمقابله...هم ما خسران شي.. لا تحجي بيهه السالفه الا اذا انسئلت ولا تطلع الدفتر الا اذا طلبوا اثبات... وانشالله سهله

تحياتي

BaghdadGhost · « **رد #501 في:** 15:08 27/04/2009 »

حبي iraqgsm .....

مبروك مرة ثانيه وان شاء الله علة كولة اخوية الزلمة الماعندة اسم .... ويدزولك ايميل يكلون بي يمعود تعال مو صارلنه قرن طابعيهه للفيزا... تعال استلمهه وفضنه.... هههههههههه

BaghdadGhost · « **رد #502 في:** 15:19 27/04/2009 »

حبيبي الزلمة البليه اسم ....

اني من راي اخي SIVandIOM ..... طبعا هو حاليا بس SIV ... هههههههه

انته شغلتك نفس شغلتي بالضبط ... اني هم عندي دفتر خدمه و ماشر 3 تاشيرات و ابد مدزيته لل ان في سي لان اني كتلهم مخادم ..... فالي عليك تسوي بان تغلس و لتذكر هذا الشي لان انته لحد الان ممسوي فد شي مخالف او خطا ..... انته بالفعل مخادم و خلصت المساله ..... كل الجهات المعنية بالهجرة تدور على شغلة العسكرية حته يعرفون الواحد وين خدم و شنو الي سوا و شنو الدورات الي دخلها و باي معارك اشترك ..... انته ولا وحدة من هذني .... لذلك لتفتح على نفسك باب ......

mongoose · « **رد #503 في:** 22:31 27/04/2009 »

اخوي iraqgsm
يا فورم مليته الزوجتك
اني زوجة واحد اعرفة ابوها اسمه عبدالحسين هم عطلوهم
هل هو فورم ing221
او غيره

untitled.man · « **رد #504 في:** 07:31 28/04/2009 »

الف شكر اخوتي الاعزاء شبح و SIVandSIV only
اني راح امشي بمشورتكم والصراحة هذا اللي جنت ناوي اسوي... بس ردت اعرف رأيكم بالمسألة...
اخي SIV.. اني اصلا كايللهم ما خادم عسكرية والتواريخ اللي ذاكرهه بالفورم مال سنوات الدراسة تبين انه اني متخرج ورة 2003 لذلك ما جبت طاري الدفتر ولا ذكرته... بالضبط مثل ما كال الاخ شبح بغداد... نفس الشغلة...
اشكركم على مساعدتكم وروحكم الطيبة وانشالله تنفتح بوجوهكم وكل الاخوان اللي دينتظرون....

تحياتي

iraqgsm · « **رد #505 في:** 08:40 28/04/2009 »

حبيبي ماكنوس مليت ورقة معلومات اضافية و بعدين انطاني الفورم 221g

ayoka · « **رد #506 في:** 09:53 28/04/2009 »

اخوان يمكن انتو تعرفون اني بعدني بالمرحله الاولى للحصول على comaproval وعقدوها وياي لان اني تارك العمل من2005 وخادم عسكريه ومتزوج وجانت علاقتي مكطوعه ويه الامريكان وبصعوبه حصلتهم وكدرت احصل من عدهم الريكمنديشن لتر وبعد عده مراسلات للحصول على Verification of 12 months employment والمشكله تايتن طلعت مبطله . والكوم دزولي ايميل يكولون راجع ال جي . اس . ال هما يكدرون ينطوك هاي الورقه ودزيت الهم بالبريد وايميل الهم بلكت الله يجاوبوني ما اعرف اكو واحد مر بهاي المشكله والجي اس ال يجاوبون لو تغليسه اني عندي عنوانهم بامريكا اذا واحد يريد يستفاد منه اني حاضر بس اذا اكو واحد يعرف ايميلهم بغداد اكون ممنون لان مشكلتي اني مو بالعراق . بقت عندي بس مشكله 12 شهر علما اني عندي 19 شهر بريكمنديشنات بس الكوم يريد اتتكون موجها من الجهه الي موضفتني وكالعاده الله كريم. اهنى كافه الاحوان الي قابلو والي حصلو على الفيز لان صراحه شغله توجع الكلب

BaghdadGhost · « **رد #507 في:** 14:01 28/04/2009 »

حبيبي ايوكة .....

انته معقد المساله زايد عن اللزوم ..... ال جي ال اس عدهم كل الداتابيس مال تايتن و ال3 .... مجرد ان تروح لجك بوين 2 و تنتظر يجي الاسكورت ابو ال جي ال اس و تكله اني جاي علمود امبلويمنت فرفكيشن ..... تروح ويا وشغلة نص ساعه تستلمهه ....

ayoka · « **رد #508 في:** 14:23 28/04/2009 »

عاشت ايدك اخويه شبح بغداد
اني هم هيج راح اسوي ولو راح اتكلفني 1800 دولار روحه وجيه والله ليعوض

BaghdadGhost · « **رد #509 في:** 16:13 29/04/2009 »

بالمناسبة اخوان .....

الي خارج القطر و ميكدر يوصل لل جي ال اس ..... يكدر يدز اي فرد من العائلة و مجرد هوية تعريفية للتاكد من صلة القرابه ..... و راح ينطوهيا بنص ساعة ......

سيف المشهداني · « **رد #510 في:** 16:45 29/04/2009 »

السلام عليكم احباب قلبي مشتاقلكم والله
اني الحمد لله وصلت بيروت قبل كم يوم وبيروت حلوة وبعد كم يوم عندي فحص ومقالبه اتمنى ان تندعولي مشتاقلك حبي نور وشبح الغالي والكل والله ربي يسهل كل اموركم يارب احبكم

NOOR 2 · « **رد #511 في:** 18:53 29/04/2009 »

هله والله بالغالي سيف ابو حسوني الورده

ليش اخويه خلية بالنه عليك
يمعود والله فرحتنا من سمعنا اخبارك
يالله لاتخيب ولا تخذل الغالي
يالله يا خير معين ........ يالله ياقادر على كل شيء

فرحنا بالغالي ورجعه منصور يالله

اخوك NOOR 2

Anthony Carmelo · « **رد #512 في:** 21:05 29/04/2009 »

عليكم السلام اخي سيف حمد لله على السلامة ان شاء الله ترجع سالم وغانم بالفيزا ويسهل امرك وامر الجميع

اخوك
Anthony Carmelo

Iron_man · « **رد #513 في:** 22:40 29/04/2009 »

السلام عليكم ورحمة الله

احب اشارك مع اخوتي في المنتدى وخصيصا (علمود) مسألة الهجرة والمهاجرين . في الحقيقة اني مقدم على البرنامج (SIV) منذ فترة وراح ادرج التواريخ في ادناه لعل ذلك يفيد الاخوة الجدد الاخرين وكذلك ارجو من الاخوة القدامى ومن انهى كل شي حتى المقابلة ووصل الى الولايات المتحدة بخير ان يمدنا بأية معلومة تفيد ولا يبخل علينا ...

لكي اكون صريح في ذلك ، اني كنت متابع هذا الموضوع معكم منذ فترة ليست بالطويلة وكنت متردد في الاشتراك ، لآن مثل متعرفون الوضعية مالتنا وفي عدم اعطاء ايه معلومة تخص من يعمل مع القوات الامريكية ، ولكن وبعد صفنة طويلة فكرت في الاشتراك والانضمام الى هذه العائلة الرائعة ذات الهدف المشترك ... وبلكي ان شاء الله نتعرف عليكم شخصيا ( حتى اذا مو هنا بالعراق يمكن هناك ) او ممكن ان نتحدث عالخاص بعد اخذ الايميل والسماح بذلك ....

هذه المعلومات المطلوبة :
1- تأريخ تقديم الطلب للحصول على Chief of Mission في 2009/1/19
2- تأريخ استلام COM Approval في 2009/2/16
3- تأريخ وصول الاوراق وكافة المستندات الى نبراسكا في 2009/2/19
4- تأريخ أول ايميل من NVC في 2009 /3 / 3
5- تأريخ استلام الاوراق من قبل الـ NVC في 2009/4/2 (وهسة اذكر ليش اتأخرت في ذلك)
6- رقمي التقريبي من NVC هو 20095710XX
7- اني مقدم على المساعدات بس مستلمت رقم IZ لأنه جنت مقدم على IOM وهناك انطوني رقم ولو هوة راح يتغير بالتأكيد
8- وصلني ايميل بحر الظلمات في 2009/4/23

ودانتظر رحمة الله ...

نبذة : غير متزوج ، مخادم عسكرية ....

التأخير اللي صار لأنه جنت دامشي بالبرنامجين (SIV) و (IOM) في نفس الوقت وهسة وقفت الـ (IOM) بناءاً على طلب من برنامج (SIV) ..

ارجو من الاخوة الذين قابلوا على الاخص ان ينورونا ببعض المعلومات التي لم تذكر ....

مع الشكر الجزيل لكم ...

اخوكم Iron_man

البصير · « **رد #514 في:** 00:30 30/04/2009 »

سيوفي الورد

سالمين و غانمين ان شاء الله ....

لا تنسى روح على كورنيش جونيه يم صخرة الروشه و اتأمل البحر و الطبيعه ...

تحياتي

BaghdadGhost · « **رد #515 في:** 09:47 30/04/2009 »

اخي سيوفي ....

موفقين ان شاء الله و ربي يسهلهه بوجك يارب ..... مكانك خالي ..... ننتظر اخبارك الحلوة ....

BaghdadGhost · « **رد #516 في:** 09:51 30/04/2009 »

اخي العزيز Iron_man ....

اهلا و سهلا بيك بين اخوتك ..... ما شاء الله .... اول مشاركة الك بالمنتدى كلهه نشاط و حيوية .. ان شاء الله تستفاد من خبرة الاخوة بالمنتدى و محد راح يقصر وياك .... بس كون لتكطع ....

تقبل مروري .... هذا الموضوع انضافلة اخ جديد

Iron_man · « **رد #517 في:** 10:27 30/04/2009 »

أشكرك صديقي BaghdadGhost والله انته النشاط والحيوية ، وطبعا اشكرك هواية لأنه بديت بمثل هيج موضوع كلش مهم ....
بس ردت اتأكد من شغلة انه رقم الـ IZ يجيني بأيميل قبل الفحص والمقابلة لو بعدها ؟؟

لأنه مثل مكتلك اني كان عندي رقم بس وية IOM وهسة طبعا كلشي تغير ... فشلون ؟

ومتقصر اشكرك ...

أخوك Iron_Man

NOOR 2 · « **رد #518 في:** 11:38 30/04/2009 »

اخي العزيز Iron

برنامج SIV منفصل تماما عن برنامج IOM

اخي لاتخلط بين اجرات البرنامجين

رقم iz هو يمكن لك ان تستلمه قبل المفابله ولو في بعض الحالات القليله جدا

استامو رقم iz بعد المقابله

تحياتي

اخوك NOOR 2

Iron_man · « **رد #519 في:** 12:50 30/04/2009 »

شكراً جزيلا لك اخ Noor2 على التوضيح ... للعلم فقط انني لم اخلط بين البرنامجين وانا اعلم ان كل برنامج هو مستقل بحد ذاته عن الاخر ... ولكن يتضح لي هنا ان في البرنامجين تأخذ رقم IZ وهذا ما كان يحيرني ..

شكرا على المرور ..

تحياتي
Iron_man

ayoka · « **رد #520 في:** 13:07 30/04/2009 »

حبيبي iron انشاء الله يوفقك بعد شتريد NOOR راسا يجاوب على سوالك روح والهوا بضهرك

Iron_man · « **رد #521 في:** 14:01 30/04/2009 »

Thanks ayoka for the compliment

Wishes

Iron_man

سيف المشهداني · « **رد #522 في:** 17:36 30/04/2009 »

اشكركم اخواني نور الورد ان شاء الله استلم الفيزة وافلت منا بس محتاج دعائك واتمنى ان تروح يم الحسين والعباس عليهم السلام تندعيلي هناك
اخوي شبوحه الورد عطر غصبا عنك تسلم على سؤالك ودعائك انته انسان رائع
البصير شكرا على ردك ورحت للروشه واني ساكن هسه بلحمره وانته تعرف شنو الحمره
انتوني حبيب القلب شكرا على دعائك

ayoka · « **رد #523 في:** 17:51 30/04/2009 »

حبيبي سيف اني راح ادعيلك وانشاء الله تاخذ الفيزه وكل الي بنفسك

BaghdadGhost · « **رد #524 في:** 18:46 30/04/2009 »

اخي Iron_man ..... اسمحلي منا و غاد اسميك الرجل الحديدي ... اسهل بالعربي ...

عندي سوال قبل ما اجاوبك .... هل انت مقدم على مزايا اعادة التوطين لجماعه ال اس اي في ؟؟؟

كراميلا · « **رد #525 في:** 18:59 30/04/2009 »

مرحبا اخوان
اني عضوة جديده بالمنتدى لكن قديمه بمتابعتي لأخبار الجميع وحبيت اشترك وياكم لأن لكيت من حقكم عليه اني اشترك وياكم وافيدكم وتفيدوني بموضوع SIV هذة نبذة عن الكيس مالتي
15 شباط تاريخ استلام الCOM
18 شباط دزيت اوراقي لنبراسكا ويوم 5 اذار دزولي الابروفال
ال NVC دزولي اول ايميل يوم 17 واني يوم 18 دزيت كل الاورلق المطلوبه مني الهم
يوم 29 اذار دزيت ايميل اسألهم اذا جانت اوراقي كامله او بيها نقص ويوم 31 اذار دزولي ايميل يقولون كامله ودخلت رسميا ببحر الظلمات واني من هذاك اليوم لهذا اليوم احسب الهم وهسه كملنا شهر ولحد هسه ما شفت شاطئ او بر الامان. اني متزوجه وما عندي اطفال وخارج العراق
اعتقد تواريخ الكيس مالتي مقاربه لتواريخ Untitled. Man
خوان الفيزة مدتها 3 اشهر اذا كنت بالعراق لأن على اعتبار ان انت حياتك مهدده ولازم تسافر بسرعه بس خارج العراق 6 اشهر على اعتبار انه انته بأمان اكثر اذا عايش في بلد ثالث

وشكرا الكم ولهذا المنتدى الرائع

كراميلا

Iron_man · « **رد #526 في:** 19:24 30/04/2009 »

اهلا اخوية شبح ، براحتك حبيبي شتريد اتسمي سمي ، وبالنسبة لسؤالك فالجواب نعم اني مقدم على اعادة التوطين مال SIV .

أرجو منك اعطائي فكرة اذا كنت تعرف شي ممكن اتفيدني .

مع اطيب امنياتي وتحياتي

Iron_man

Iron_man · « **رد #527 في:** 19:28 30/04/2009 »

اهلا وسهلا بيج اخت كراميلا بالمنتدى . ان شاء الله هنا الاخوة ميقصرون كلهم ويمكن اخص الاخوة BaghdadGhost و الاخ Noor2 و SIVandIOM لأن مقصروا ويايه رغم اني هم جديد مثلج.

ان شاء الله الخير والفائدة يعم عالجميع ...

تحياتي

Iron_man

BaghdadGhost · « **رد #528 في:** 20:45 30/04/2009 »

اختي كراميلا ......

اهلا و سهلا بيج بين اخوتج ...... شكرا لمشاركتج و ان شاء الله تفيدين و تستفيدين ... استوقفتني المعلومة الاخيرة .... شكرا للتوضيح و بالفعل الحمد لله اليوم اني استلمت الفيزا و مثل مكلتي المدة 3 اشهر ......

اني دائما عندي حجاية للمشتركين الجدد ... ولو انتي مو جديدة عالمنتدى ... بس للي مسجلين جديد اكلهم ... لتكطعون ... ههههههه

BaghdadGhost · « **رد #529 في:** 20:57 30/04/2009 »

حبيبي الرجل الحديدي .....

اوك مادام هيج يعني انك داز ال 234 الى ال ان في سي ...... اكيد مستلمت اي شي من ال ار بي سي (جماعه التوطين ) يعني ممكن تذكر حته لو استلمت ايميل منهم بس مابي اي زي نمبر مو اشكال ... يجوز انته عندك فقرات نقص بالاستمارة و همه ينتظرون منك بان تكملهه ....

هاي فقرة ... ثاني شي حته اذا هذا الشي مموجود تكدر تدز الاستمارة مرة ثانية للتاكيد و هذا الي اني افضلة لان ارسال الاستمارة مياثر على سير الكيس و انما على الترتيب للسفر ....

Iron_man · « **رد #530 في:** 21:03 30/04/2009 »

هاي شنو الخبر الحلو BaghdadGhost تستاهل وفرحتلك والله

يوم ان شاء الله السفر والوصول بأمان ....

اخي بخصوص الاستمارة 0234 اي دازها للـ NVC وتدري اني كتلكم بأنه اني في بحر الظلمات .

نسيت اذكرلك الاتي:
اني راسلت Wraspnet وكالوا دزلنا الـDs-230 واستمارة 0234 وايضا دزلنا نسخ من الفيزا مالتك ، فأني الصراحة من قريت ونسخة من الفيزا (شلون يكولوها ضربت stop) لانه اصلا بعدني ممقابل !!!

بس على احجايتك يمكن اذا ادزلهم الاستمارة على الاقل يبدون يحضرون بأجراءات السفر والتوطين هناك ...

اشكرك BaghdadGhost مرة اخرى ، رادز الايميل واخذ حجايتك ...

الله يحفظك

اخوك
Iron_man

BaghdadGhost · « **رد #531 في:** 14:22 01/05/2009 »

اخوان .... عندي كم نصيحة صغيرونه من تستلمون الجواز ......

1. احضار بطل ماء بارد او مجمد معكم وقت الاستلام ... لان وقت الاستلام يختلف عن وقت المقابلة . ... يوم الاستلام يكون فقط محدد لاستلام التاشيرات ... يعني راح تشوف اكو اشخاص قابلو قبلك او بعدك و هم جايين نفس اليوم الي انته جاي بي ..... و المغثة بالدخول لان السرة راح يكون كلش طويل و الحر يموت ...

2. احضار كيس لايمكن الرؤية من خلالة ( جيس نايلون ثخين ) عند استلام الجواز المؤشر و ذلك لحمل الضرف فيه عند الخروج تحسبا ....

3. الى سكنه بغداد .... عدم الحضور بالسيارة و ذلك لتجنب التوقف بالسيطرات العراقية المنتشرة في بغداد و تحاشي اي سؤال او جواب عن ما تحمل في طريق العودة الى المنزل... يعني احسن شي تاخذ تكسي و سفردحي توصل للبيت .....

4. الي يكدر بيكم يسوي التالي ..... عند الدخول و قبل الصعود بالباص مال السفارة و الي راح يكون متوقف بالقرب من سرة التكسيات ... عالماشي اخذلك رقم ابو تكسي و اتفق ويا بان تخابرة و يجيك ... ان شاء الله بعد اكتمال الفرحة و الخروج من السفارة تخابر ابو التكسي و بهذا التصرف راح توفر على نفسك هواي مشي .... و صدكوني ذاك الوكت الكروة ميصيرالها اي قيمة ......

5. و الاهم من هذا كله قبل متطلعون من البيت خلو المرة تطكطكلكم حرمل .... ههههههه .... جاي اتشاقة مو تسووهه صدك و تكولون شبح بغداد كال ....

بالمناسبة نسيت اكللكم منو جان وياي يوم المقابلة و يوم الاستلام ..... Shekha .... طبعا فد شاب انيق و سيم مال اماعين ..... هههه ..... هواي سولفنه عليكم و كلش الولد ابن حلال و شكد اعتذ مني لان مجان كلش متابع للمنتدى و الارشيف لانه مشغول و مستمر بالعمل (ليهساعه جاي يكرف) .... زووووووووم مو ...

هو شكد لوتي راسا عرفني بيوم المقابلة بس مكالي .... بس بيوم الاستلام كتهن كلهن و كالي راسا عرفتك انته شبح بغداد ... بس لحد الان معرفت شون عرف ..... حبي شيخا اتمنالك الموفقية و النجاح و تحقيق الاماني .....

ماجلان · « **رد #532 في:** 15:08 01/05/2009 »

BaghdadGhost · « **رد #533 في:** 20:05 01/05/2009 »

حبي ماجلان .....

هاي حلوة مال سوبر مان ..... هههههههههه .... ليش متغير اسمك تسوي حمدان ....

حبي .... بالنسبة للفورم ... تتذكر قبل فترة من ال ان في سي دزوا ال 234 لكل المقدمين و كالوا يابه دزوها لان هاي محدثة ..... بوقتها دزيناها للاثنين ,,, لل ان في سي و لجماعه التوطين .... النتيجة ... مو اشكال اذا الواحد دز الاستماير مباشرتا لجماعه التوطين .... اصلا بالبدايه هيه هيج جانت بس بعدين ال ان في سي سووهه قرض فرض بان تندز الهم و همه يحولوهه للتوطين ..... خصم الحجي .. سوي مثل ايرون مان .....

ماجلان · « **رد #534 في:** 22:44 01/05/2009 »

vincenzo · « **رد #535 في:** 03:39 02/05/2009 »

الله يساعدهم
اني ما اعرف على شنو دتسولفون
بس مثل ما تعرفون اخوان اني جنت بحجز انفرادي وهستوهه يلله فكت الجبسه
فبس ردت ابارك لاي واحد صار تقدم بشغلته
واعذروني من التقصير

ayoka · « **رد #536 في:** 06:08 02/05/2009 »

اخوان الله يساعدكم
سوالي هوا ماهي الفتره الزمنيه للحصول على الكوم ابوفل بعد ارسال كافه المستندات الى الكوم .
لان اخيرا حصلت على فتره العمل مال 12 شهر بعد عناء طويل لان مجان عندي اي اتصالات ويه الامريكان بس ربك حلها وبجهود الاخوه شبح بغداد وفينكرز وsiv and iom ودعوات اخويه عكعك التطوى والعزيز ahmed_khaled_78 وللكل على مساعده الاخرين ولحد يكلي انت بعدك على الجرف ترى اهم شي الامل واني مقدم من شهر 12 2008 ولحد الان بمرحله الكوم ابروفل بس هسه اني موجه كل جهودي عليها والله كريم . اني ما ردت ادز على الخاص لانه شفت يجوز المعلومات اتفيد اي واحد اخر لانه اني اعرف اذا ادز لشبح بغداد فما راح يقصر ولا اي واحد من الاخوان ودعائي ان الله يحفضكم من كل مكروه

untitled.man · « **رد #537 في:** 07:26 02/05/2009 »

هلا هلا هلا هلا هلا هلا هلا هلا هلا هلا هلا هلا باخوية فنننجججنننسسسنننزززووو...
الحمد الله ع السلامة يمعود...
خوما اذتك عيونك من طلعت من الانفرادي... بس ما جان اكو شمس هاليومين... عجاجة
زين سولفلي الجريدية شلونهم... يلعبون شاطي باطي... مو لو مو مو...
نورت الصفحة اخوية العزيز...

وعلى كولة اخونا شبح... لتكطع.

تحياتي

untitled.man · « **رد #538 في:** 08:07 02/05/2009 »

اخي العزيز الرجل الحديدي...
اهلا وسهلا بيك ويانه وانشالله تفيد وتستفيد...
عيوني شبح بغداد...
دتشوف شديصير..
انتايتلد مان
ايرون مان
ماجلان مان

ظلت عليك... انت هم بدله لاسمك وسوي كوست مان
والاخ نور همين نوصيه ويسوه لايت مان.... ههههههههه

بس يبقى الاسير العائد الى ارض الوطن... اويلي شيتغير من اسمه...هههههههههه

يابه هذه الزاوية... ارقى زاوية بالمنتدى... انشالله دائما

تحياتي

NOOR 2 · « **رد #539 في:** 09:20 02/05/2009 »

اخي العزيز يونتد مان او رجل بلا عنوان

والله لقد قلت الحق انه اجمل ركن في هذا المنتدى

واجمل واروع وانبل اعضاء تجدهم هنا

وعلى كولة مان
اني راح اغير اسمي الى NOOR .MAN
وكله تصير مان بمان

اخوكم NOOR .MAN

Haidor · « **رد #540 في:** 10:02 02/05/2009 »

فنجنزو الحمد لله على سلامتك ... خوما استسلمت لأحد جوه؟ أملنا بيك جبير..... هههههه

تحياتي ... حيدور

Shekha · « **رد #541 في:** 10:47 02/05/2009 »

اشكرك خويه العزيز عطر بغداد....

ان شاء الله الموفقية و السفر للكل....

بيوم المقابلة جنت شاك بيك بس مامتاكد بس تدري شلون عرفتك..... خلي تبقى هاي من نسافر سوى راح اكلك ان شاء الله.....و بعدني لحد الان مستمر بالشغل و اكرف هههههههههه

اي ليش متكوللهم من شفتك راسا جيت يمك وسلمت عليك ...كتلك اشونك عطر بغداد...

جانت فرحة كبيرة من استلمنا الجواز بحيث هو جيك الفيزة والجواز مالتي واني بالعكس (ٍShekha بس جيكه اليه شوف الاسم صح )....ههههههه

ان شاء الله نفرح من بقية الاخوان يستلمون الفيزة....

Shekha

ماجلان · « **رد #542 في:** 11:20 02/05/2009 »

Iron_man · « **رد #543 في:** 11:30 02/05/2009 »

اخي العزيز ماجلان ...
بعد التحية ... أسأل الله عز وجل ان تكون بخير وان لا تقلق كثيرا بشأن ذلك ... وعلى كولة واحد من اخواننا بالمنتدى نسيت اسمه هاي خطوة من الف خطوة .

على العموم ، اني اللي سويته كالاتي:
طبعا بعد الحديث مع الشبح (الله يوفقه دنيا واخرة) توصلنا الى ارسال رسالة الى مركز اعادة التوطين (وحتى ولو مكلولك الـNVC للقيام بذلك) قمت بأرسال رسالة الى العنوان الاتي:

siv@wrapsnet.org

لأن لو تقرأ الفرق بين برنامج IOM و SIV يكول انه هاي الخطوة يمكن التحضير لها وانته Over seas يعني وانته بالعراق بعدك ، في حين ابو اللجوء ميكدر يسويها الما يوصل الى امريكا وهمة يسوللهياه .

والان الذي ارجو منك ان تقوم بأرسال رسالة المذكور اعلاه وتبين لهم حالتك (المرحلة التي انته فيها) وطبعا هسة يردون منك استمارة 0234 ايضا يجب ارفاقها مع ورقة اعادة التوطين (ورقة المساعدات الموقعة من قبلك) ونسخة من الفيزا . (ادري والله ! انته بعدك ممسوي المقابلة . ولا اني ) فأكتبلهم (يابة هاي الاوراق بس بعد الفيزا من اكملها عود ادزلكم اياها )...

واني حاضر اذا عندك سؤال اخ ماجلان ..

تحياتي وامنياتي لك بالتوفيق الدائم

اخوك
Iron_man

ماجلان · « **رد #544 في:** 13:02 02/05/2009 »

untitled.man · « **رد #545 في:** 13:15 02/05/2009 »

اخي بالـ(man)... الرجل الحديدي...
اني هم على رأي الجماعة دزيت لجماعة التوطين ايميل وشرحتلهم المرحلة اللي اني بيهه... وهذا الحجي السبت الفات... ولحد الان ماكو غير الاتوربلاي منهم... معقولة علسوني؟؟؟ زين شكد طول الرد مالتهم وياك؟؟؟

تحياتي

BaghdadGhost · « **رد #546 في:** 18:11 02/05/2009 »

اخواني الاعزاء ....

اني جدا اسف هاليومين لعدم متابعتي بشكل مستمر للارشيف و الخلل يم الكهرباء و النت .... كالعادة ...

المهم ..... اريد شويه اسولفلكم على هاي شغلة ال IZ نمبر ....

احنه مو المهم عدنه ان نستلم الرقم ..... احنا اهم شي عدنا ان نثبت باننا من الاشخاص المطالبين بمزايا اعادة التوطين ..... اسمعوني شويه ... اني ليش انصح ال يممستلم اي زي نمبر بان يرسل استماير اعادة التوطين الى هذوله الاسمهم طويل (رابسنت ) ...!!

الواحد من ميستلم ايميل من الرابسنت ... يكون اكو احتمالين ... الاول بان الان في سي دزوا الطلب مالتك .. بس جماعه التوطين مشغولين كلش و مواصلين الك ... الاحتمال الثاني ان يكون صاير خطا بالموضوع يعني ضايعه الاستماير او راسلين الرقم الى شخص ثاني او غيرها من الامور الي تصير بارقى العوائل .... و حته نتحاشا هذه الاحتمالين ... نقوم بنفسنا بارسال الطلب الى طركاعه الرابسنت ... شون اسم ....

المهم ... هسه الواحد منكم يكول احنه ليش نجزم و نكول الاحتمال الثاني .. ليش مو الاحتمال الاول و الامور زينه .... جوابي هو هم تحسبا لان اذا صاير غلط بالموضوع ... انته راح تطنش و وعتمد بان طلبك مال اعادة التوطين موجود يم الطركاعه الرابسنت .... و تقابل و تستلم الجواز و متحس الا و انته فايتك القطار عالتقديم لان التقديم لازم يكون خلال مدة اقصاها 10 ايام بعد استلام الفيزا ....الطامه الكبرى بان الفيزا صاير تستلمهه ورة عشر ايام و خاف تروح عليك البنفتس ......يمكن دوختكم ... مو .... اذا اكو شي ممفهوم سولفولي واني اشرح اكثر ....

اخي الرجل الحديدي ... تسلم يا ورد على المتابعه و ابداء المساعدة ... خليك هيج دوم و شوف شون ربك راح يسهلهه عليك مثل ما سهلهه على هواي من المشتركين بالموضوع .......

تحياتي للجميع و اسف مرة ثانيه على التاخر بالرد ....

Iron_man · « **رد #547 في:** 20:19 02/05/2009 »

اخ ماجلان شلونك ؟ ارجو ان تكون بخير ولا تقلق كثيرا عالموضوع ، ينحل ان شاء الله قريبا .. بس صبر .. اني يمكن احجيه الك بس حقك ، والله اني مداصبر ، بس شسوي ...

جوابا على سؤالك ، لا لحد الان مدزولي شي على رسالتي مال جماعة التوطين ... واذا حصلت شي اكلك عود ، تدلل ...

أخ BaghdadGhost ، والله وبلا شقة ، اشكرك هواية على متابعتك للموضوع وليس ذلك فحسب ، وانما دائما خطواتك الكريمة تمر على جميع الاعضاء من هم في المنتدى ، وهذا اعتبره انا جمال الروح والاسلوب بعينه ... اشكرك من الاعماق .. والله يوفقك ويسهل امرك وامر الجميع ...

صديقك واخوك ان شاء الله
Iron_man

mongoose · « **رد #548 في:** 21:30 02/05/2009 »

معودين
اني لحد الان ما استلمت الفيزا شنو السالفة
ومحد يعرف شنو اخبار سبع صنايع

BaghdadGhost · « **رد #549 في:** 21:36 02/05/2009 »

مشكور حبيبي الرجل الحديدي ...... كلي ابن عمتك كلندايزر وين صار بي الدهر .... سمعت رفضوا جماعه نبراسكا .....هههههههه

اخواني الاعضاء .....

اخونا NOOR2 بحاجه للنصيحة ...... هذا الرابط

http://www.ankawa.com/forum/index.php/topic,295528.0.html

vincenzo · « **رد #550 في:** 22:05 02/05/2009 »

والله اخوية "الزلمة-الماعنده-اسم-مان"
جان اكو تلث جريدية لعبوهه لنفسي
والمشكله اني محجوز جوه
وهمه (تعرف جريدية) عدهم زروف بالحايط
وطابين طالعين
هههههههههههه

vincenzo · « **رد #551 في:** 22:11 02/05/2009 »

حياك الله صديقي باجلان-مان
والله ياخوية اني جدا سعيد لان انته تذكرت كريزو
ووالله هوه جان خوش تنين بس مرات ينفعل ويطلع من حلكه نار غصبن عليه هع هع هع

وبهالمناسبه اهديلك ابيات الدارمي التاليه:
ابي ابي ماذا تريد يا ولد
لم لا اعمل في الاطفاء هذا عمل فيه عناء

vincenzo · « **رد #552 في:** 22:14 02/05/2009 »

حيدور اخويه الجبير
والله حاولوا وياية كل اساليب التعذيب حتى انطي اسمائكم بس والله ما اعترفت بولا اسم

وفوك كل هذا طبقوا وياية اقسى انواع التعذيب النفسي
تعرف شلون
حرموني من الجاي هههههههه

اخوكم الزغيرون
فسنجون-مان

vincenzo · « **رد #553 في:** 22:35 02/05/2009 »

اخواني واخواتي الاعزاء
الرجاء التوجه الى الرابط التالي
http://www.ankawa.com/forum/index.php/topic,294620.msg3830368.html#msg3830368

فقد تاكد بموضوع اخي الكاوبوي العراقي ما ذكره
واليه البشاره
بس هوه الموضوع انعلس .... يعني انقفل
لان اخونا (وما اعرف هوه ليش منزلة خارج موضوعنه هذا) فقد اعصابة بالدفاع عن... ما ادري شنو
ومبروك للجميع
بس هم ننتضر تاكيد اكثر من فالكون-مان اللي هو المستكشف الاول للبرنامج الجديد للهجره من منتدانا

BaghdadGhost · « **رد #554 في:** 23:03 02/05/2009 »

تسلم اخي العزيز vincenzo على المتابعه و نقل الخبر .....

و مثل مكلت ان شاء الله الخبر يتاكداكثر من مصدر .....

mozart · « **رد #555 في:** 12:36 03/05/2009 »

السلام عليكم
اخوتي الاعزاء اني عضو جديد على هذا الموقع الرائع...وواصل لنهاية برنامج الاس اي في, اي انتظار موعد الطائره... وعندي علاقات وثيقه بهواي طيبين وصلو قبل فترات متفاوته وعلى درايه بواقع الامور في امريكا بواسطتهم وايضا علاقات واسعه وطيبه مع اصدقاء امريكان كوني عضو على احد المواقع الاجنبيه المهتمه,فاي استفسار واي تساؤل اني بالخدمه لكل اهلي وناسي, وبحيل الله التوفيق للجميع ويارب تكون الولايات المتحده الوطن الثاني السعيد لكل الناس اللي تعبهه الوضع بالوطن الام,امين

SIVandIOM · « **رد #556 في:** 13:26 03/05/2009 »

الاخ العزيز mozart اهلا وسهلا بيك بين اخوتك وانشالله فاتحه خير على الجميع...ممكن تنطينا معلومات عن اللي صار وياك من تاريخ حصولك على الفيزا لغاية هاي اللحظة لأنه عندي شوية غموض بهاي المرحلة..اني حصلت على الفيزا قبل اسبوعين ودزيتهه لل RPC ولحد الان لا حس ولا خبر بس IZ number(قبل المقابله دزولياه) وايميل يكول انه ديحاولون يلكون منظمة اعادة توطين تكدر تشتغل على الكيس مالتي بالولاية اللي اني اختاريتهه ولحد الان ما صار اي اتصال بالشخص اللي اني حاط عنوانه...فأذا امكن تنطينا تفاصيل مجريات الامور وياك بالتواريخ اذا مو زحمة واهلا وسهلا بيك مرة ثانية.

تحياتي

mozart · « **رد #557 في:** 13:38 03/05/2009 »

اخي العزيز

اذا انته عندك IZ نمبر وراسلوك وكالولك قضيتك تم تحويلهه للايجنسي المناسبه فهذا يعني انهم لازم يراسلون كفيلك هناك, وتكدر ايضا تدز ايميل للكفيل وتعرف اذا بدو يرتبون وياه لو بعد, ايضا حاول تدز ايميل لل اس اي في اللي استلمو السكان كوبي مال الفيزا مالتك, وتسالهم عن الكيس ستاتس مالتك, وانشاء الله بالتوفيق...

mozart · « **رد #558 في:** 14:10 03/05/2009 »

اخواني

اللي تعرض لاي حادث اثناء عمله ويه القوت الامريكيه يتصل بيه بواسطة رساله خاصهواني بدوري راح احولهه الى المهتمين في الولايات المتحده, وارجو اهمال الايميل اللي وضعته سابقا لدواعي امنيه,واني بالخدمه لكل اخواني واخواتي.

BaghdadGhost · « **رد #559 في:** 14:16 03/05/2009 »

اخي mozart ..... السلام عليكم ....

اهلا و سهلا بيك بين اخوتك و ان شاء الله مثل مكلت راح تفيد الاخوة الاعضاء و الاخوان هم مراح يقصرون وياك ..... زلم خشنه و عد عيناك ..... و البنات نسوان خشنه ,,,,, ههههههههه

حبي انته الظاهر عليك عتيك ..... لان باللست بروجكت ...... و بما انك عرضت المساعدة .... اكو امور راح اسالك عليه و نشوف شنو وجهه نظرك بالموضوع ......

اول شي اكو موضوع لاخونا الكابوي العراقي و هو مجرد خبر لحد الان محد متاكد منه ميه بالميه ... الخبر يكول بان جماعه ال اس اي في يكدرون يقدمون على الجنسية الامريكية بعد مرور سنتين من الوصول و تطول تقريبا سته اشهر للاجرائات .... يعني سنتين و نص و انته عندك الجنسية .... بلكي تسال ربعك يمكن يعرفون او سامعين بهذا الشي او احد صاير ويا هذا الشي ....

ثاني شي بالنسبة للكرين كارد .... بس شويه ركز عليه لان هواي سالت اعضاء بس محد جاوب جواب شافي .... اذا ابو ال اس اي في يوصل و يحصل الكرين كارد .... شكد المدة الي مسموح له بالسفر و البقاء خارج الولايات ؟؟؟ جماعه كالوا سته اشهر ... و جماعه كالوا سنه ... وجماعه كالو ماكو مدة محددة للبقاء خارج امريكا مادام هو عندة الكرين كارد ..... انته شنو رايك او ربعك شنو رايهم ؟؟؟

ثالث سوال يخص المدة الي يقضيهه ابو الكرين كارد خارج امريكا ..... هل هاي المدة محسوبة من ضمن الخمس سنين (او السنتين و نص لحين التاكيد ) الي المفروض الواحد يقضيها للحصول على الجنسية ؟؟؟؟

رابع سوال اذا الشخص سافر خارج امريكا و هو عندة كرين كارد ..... هل من يرجع لامريكا لازم يحسب من جديد علمود الجنسية لو يكمل حسابه ... يعني اذا بقة سنه هناك ... وراها سافر لمدة 3 اشهر ... هل من يرجع لامريكا راح السنه الاولى تكون اله محسوبه من ضمن مدة الحصول على الجنسية ؟؟؟

بالاخير اتمنه منك و للفائدة بان تذكر نبذه عن تقديمك لل اس اي في مثل ما مسوين الاعضاء في صفحات الموضوع ..... اذا تحب امشي على نفس النسق الي مسوي الاخ Iron_man في منتصف الصفحه هذه ......

ولو طولتهه عليك بس اعيد و اكرر اهلا و سهلا بيك .......

mozart · « **رد #560 في:** 14:37 03/05/2009 »

خي العزيز

بالنسنه لكل اسئلتك اني سويت كوبي وبيست الها وراح اطرحهه على الاصدقاء المهتمين بيهه, واوعدك ارجعلك بالاجابه الوافيه منهم بس اكمل ترجمتهه للانكليزيه,( لان اني مااعرف اجوبتهه بصراحه) واني بالخدمه.
بالنسبه لتواريخ انتهائي من المراحل فهي كالاتي:

تاريخ حصولي على موافقة رئيس البعثه هو 02-10-2008
نبراسكا 20-11-2009
ال ان في سي 20-03-2009
المقابله 30-03-2009
الفيزا 04-04-2009
ارسال الفيزا 05-04-20009
استلام الرد الاول07-04-2009
بانتظار الرد الثاني...

mozart · « **رد #561 في:** 16:24 03/05/2009 »

هذا بعض من اراء الامريكان المهتمين, والعهده على القائل

In NJ, and I think most states, cash benefits and food stamps last for five years as this is a federal law, not state.

Health insurance, again, depends on the state. I think all states have insurance for children regardless of the situation. But I don't think we need to worry about this for long, as many as expecting Obama to come up with a plan to insure everyone.

Haidor · « **رد #562 في:** 18:36 03/05/2009 »

شبوح بغداد

بالنسبه للسؤال الثاني و الثالث و الرابع يرجى الاطلاع على هذا اللنك:

http://www.uscis.gov/portal/site/uscis/menuitem.5af9bb95919f35e66f614176543f6d1a/?vgnextoid=12e596981298d010VgnVCM10000048f3d6a1RCRD&vgnextchannel=96719c7755cb9010VgnVCM10000045f3d6a1RCRD

Residence and Physical Presence

An applicant is eligible to file if, immediately preceding the filing of the application, he or she:

*
has been lawfully admitted for permanent residence (see preceding section);
*
has resided continuously as a lawful permanent resident in the U.S. for at least 5 years prior to filing with no single absence from the United States of more than one year;
*
has been physically present in the United States for at least 30 months out of the previous five years (absences of more than six months but less than one year shall disrupt the applicant's continuity of residence unless the applicant can establish that he or she did not abandon his or her residence during such period)
has resided within a state or district for at least three months

بالنسبه للسؤال الاول أعتقد الموضوع بيه فيكه، المعلومه اللي عندك ناقصه، و هي الفترة التي تقضيها حسب اخونه الكاوبوي العراقي كمترجم مع قوات الامريكيه تحسب من ضمن فترة الاقامة في امريكا، عليه اذا خدمتك معهم 4 سنين، ممكن تتجنس بعد سنه من استلام الاقامه، و اذا خدمتك سنتين تحتاج تقيم في امريكا 3 سنوات حتى تتجنس و هكذا...

تحياتي ... حيدور

Iron_man · « **رد #563 في:** 22:10 03/05/2009 »

السلام عليكم اخ Mozart

بدءا ارحب بيك بالمنتدى ، وان شاء الله تفيد الناس وبنفس الوقت تستفاد .. والخير ان شاء الله للجميع .

طبعا اكيد من اختيارك للاسم Mozart هذا يعطي فد طابع موسيقي على شخصيتك ،

which is something I get interest about always

بالنسبة للايميل اللي كتبته للمتعرضين الى حادث مع القوات الامريكية ،،، شنو هذا يعني هناك بأمريكا مثل شلون محامي ، لو شنو ؟ بلكي توضح اكثر !!
لأن صديقي احتاج هذا الايميل ويريد يراسلهم ويفتهم الاوليات (هو متعرض لحادث حاد) ...

وشكرا
Iron_man

vincenzo · « **رد #564 في:** 22:27 03/05/2009 »

صديقي موزارت وزميلي بال TLP
اهلا وسهلا بيك بزويتنه الختلاوية
واكيد عرفتني هنا لان مستعمل نفس الاسم
ولان بالفتره الاخيرة مصارت فرصة نحجي اني وياك عالمسنجر

واخواني اني جدا فشلان منكم لان هذا الايميل كان المفروض اني اطرحه من زمان بس ما لاحظت احد كال اني عندي اصابة فما اتذكرت
اما اخي الرجل-الحديدي-مان
فهذا هو ايميل Liz Henry وهي ناشطة امريكية مهتمة اكثر شي بالمترجمين اللي تعرضوا لاصابة وانغبن حقهم وهي جدا حبابة وخوش مرة وعبالك ملاك واذا سمعت بحالة مثل صديقك اللي مصاب اثناء العمل او حتى اذا غدر تكلبلك الدنيا هناك بامريكا

واني هم بالخدمة

بس خلوا ببالكم الحجي والمراسلات وياهم كلهه بالانكليزي وانتو كلكم اقوياء وميرادلكم شي وتفروهم فر انشاء الله

Iron_man · « **رد #565 في:** 00:10 04/05/2009 »

شكر اخي vincezo على المرور ...

المسألة كما تعلم مهمة للغاية ، خصوصا اذاكانت حالة غبن لحق المترجم .. (وهذا ما حدث فعلا).

شكرا لك مرة ثانية

BaghdadGhost · « **رد #566 في:** 04:37 04/05/2009 »

تسلملي حبيبي موزارت ..... ان شاء الله الجواب يفرحنا

حيدوري الورد ......

اني ادري بهاي السوالف و تسلم يا طيب .... بس قصدك بلكي اكو فد اشتثناءات لجماعه ال SIV ..... و ان شاء الله يكون اكو هيج شي و نفرح بي كلنا ........

ayoka · « **رد #567 في:** 06:00 04/05/2009 »

حبيبي شبح شتسوي بالجواز صار عندك 5 نجمات يعني مقدم اضرب بيها يرادلك حمايه تمشي وراك وبعد انت راح توقع الريكمنديشنات لانه جنرال واذا اتريد حمايه اني حاضر . الف مبروك اخويه

ماجلان · « **رد #568 في:** 10:39 04/05/2009 »

BaghdadGhost · « **رد #569 في:** 11:41 04/05/2009 »

والله يا خوي ماجلان شكلك ..... كل الي حجيته وتالي تكلي ارجو بان اجبت ...... ههههههههههههههه ... لك عيني اجبت و نص و عاشت ايدك يا ورد ....... هسه ارتاحيت

NOOR 2 · « **رد #570 في:** 12:11 04/05/2009 »

الاخ ماجلان العزيز

هذا لاموضوع انا تكلمت به ومنذ فتره طويله بمعنى
هذا الشي تفكر به الحكومه الامريكيه

وهذا النك يمكن ان يذكركم بموضوع الجنسيه
وان هذا الموضوع مجود فعلا ومطروح امام الحكومه الامريكيه

http://www.ankawa.com/forum/index.php/topic,269291.msg3663126.html#msg3663126

تحياتي الى الجميع

اخوكم NOOR 2

BaghdadGhost · « **رد #571 في:** 16:25 04/05/2009 »

حبيبي ابو نور الورد ......

صحيح اني اتذكر هذا الموضوع و اتذكر النقاش بي بذاك الوقت ...... احنه شنو الي نريدة ... بس نريد عالم تقدر الي سوينا و التضحية و الخطورة من ورة شغلنه ويه الجماعه

Shekha · « **رد #572 في:** 19:06 04/05/2009 »

السلام عليكم اخواني الاعزاء.....

تعذروني عن الغياب عن المنتدى بس والله اشويه مشغول....

بالنسبة لمدة مالت الجنسية تشمل بس المترجمين لو هم المشتغلين ويا الشركات الامريكية.....

Shekha

BaghdadGhost · « **رد #573 في:** 19:12 04/05/2009 »

اخواني في ال SIV ..... اريد انوه لثلاث امور ....

اكو طير غاب علينه فترة و اليوم موجود ويقرا بالموضوع ..... الاخت retayah ..... سمعينه اخبارج مشتاقين ان شاء الله تكونين وصلتي بسلامة .....

و الشغلة الثانيه بان عدنه اخ زعل من تصرف ..... اخونا Handyman S و قرر عدم المشاركة ..... لذلك اطلب منكم اخوتي بان تقومون بارسال رساله له على الخاص و دعوته بالعودة لهذا البيت المليان باعضاء و اخوه طيبين مثلكم ....... و هذا لنك ارسال رساله له

http://www.ankawa.com/forum/index.php?action=profile;u=65244

ثالث شي ..... اكو اعضاء اني منتبه عليهم ... يفوتون يوميه بس يقرون و يفلتون ..... هاي مني الهم دعوة بالاشتراك و الاختلاط و كسب اخوة و الافادة و الاستفادة ......

Shekha · « **رد #574 في:** 19:33 04/05/2009 »

تدلل اخويه عطر بغداد....بس لا تزعل....

ayoka · « **رد #575 في:** 20:06 04/05/2009 »

اخويه العزيز شبح بغداد
اني واحد من هذوله الي يطبون يوميه على المنتدى بس اني بعدني على الجرف وما عندي معلومات اتفيد الاخوان ومتاني شوكت ايذبوني بحر الضلمات حتى اشوف سندباد وعروس البحر وهذني السوالف .
لذلك ما عندي شي جديد بس اتصلت باصدقائي الي وصلو من جماعه ال500 وسئلتهم جم سوال بلكت يفيدونا بجم معلومه خصوصا شغله الخدمه الي تعتبر ضمن ال 5 سنوات لو لا وكالوي نجيك ونكلك .
و.ه.م

BaghdadGhost · « **رد #576 في:** 20:52 04/05/2009 »

حبي شيخة منو الزعلان ... الله ليجيب الزعل .... بس اني شويه مقهور لانك مكتلي شون عرفتني بالمقابلة ......؟؟؟؟؟؟

حبي ايوكة .... اني مو قصدي عليك ... لا اكو اعضاء مثل كمر و متدور و غيرهم نتمنا نتعرف عليهم اكثر و ندعيلهم ان شاء الله يوفقهم ....

.. هاي خوش سالفه اذا تجيبلنه اجوبة مؤكدة ..... بالمناسبة هاي بالاخير لازم تصير ه. و. م.

Haidor · « **رد #577 في:** 21:31 04/05/2009 »

شبح بغداد الظاهر محدق بصورة مو طبيعية

komar · « **رد #578 في:** 22:34 04/05/2009 »

اخي العزيز الورده شبح بغداد والله حقك عليه اني مقصر وياكم والباجرباذن الله انزلك كل اموري ولو ان مواصل مراحل متقدمه ببرنامج المترجمين بس اكتبلكم شصار ويه الاي او ام وهذا وعد انشاء الله لان الفصه طويله واسف عزيزي مره الثانيه لقله المشاركات تحياتي لكل الزملاء والاعضاء.

البصير · « **رد #579 في:** 23:57 04/05/2009 »

بارك الله بيك أخ شبح بغداد للدعوات المتواصله لأخوانك في المنتدى للتواصل فيما بينهم.

الله يبارك بيك

الله يوفقك

البصير

vincenzo · « **رد #580 في:** 06:30 05/05/2009 »

اخوية الشبح الوردة
ليش هو الاخ الرجل-اليدوي-مان شمسوي؟؟
او منو شمسوله؟؟
لان اني مثل ما الكل يعرف مجنت موجود

ayoka · « **رد #581 في:** 06:50 05/05/2009 »

اخواني الااعزاء
اريد مساعدتكم اني المشكله مجنت اعرف بالخطوات مال التقديم واتاخرت حيل اني من سمعت بالهجره الخاصه حطيت الريكمنديشنات والباجات ومليت الفورم i-360 وسويت صك بالفلوس بوكتها جان اكو فلوس ودزيتها لنبراسكا بعد فتره جاوبوني يريدون مني توقيع الجنرال واثبات الخدمه دخت بيها هذا الحجي شهر 9 2008 وبقيت اراسل الاصدقاء بس كلها اعتذرت وكالت منكدر المهم جنت اسوي بحث على الموضوع وصدفتا لكفت موقع عنكاوا الي عرفت انه اكو comaproval الي يعادل الجنرال المهم كملت كل الاوراق المطلوبه للكوم ابورفل يوم 1 \5\2009 وبعدي متاني الكوم . سوالي هل سوف اعيد ملى الاستماره i-360 لو لا لان نبراسكا مدزولي اي شي اخير ايميل وصل من عدهم رادو المستندات حتى الشهر 3 وبعد مراسلولي اكو واحد مر بهاي الغلطه هل القضيه تبقى بندنك لو شلون ارجو المساعده .
الشهاده لله لو جنت اعرفكم من زمان جان هسه اني يمكن كاعد اسبح بحر الضلمات شوقتوني اله . وهوايه صار عندي مشاكل وانتو حليتوها لان اني بعيد عن العراق واخبار العراق وما عندي اتصال بالجماعه منذ 2005
اسف على طول الرساله بس غير من الفراغ الي كاعد اعيشه .

vincenzo · « **رد #582 في:** 07:15 05/05/2009 »

صديقي ايوكا
انت شابجهه بين البرنامج القديم والجديد
ومع الاسف لا بهذا موضوعنا العملاق لاحظت احد وضح هذي السالفة
ولا بارشيف الهجرة واللاجئين
والمشكلة انه معظم اللي مقدمين عالقديم مجلبين بيه وكلشي ميعرفون ولا يريدون يعرفون عن الجديد
والعكس صحيح لليمقدمين عالجديد
وهذا "المعظم" ميشمل هواية اعظاء محترمين ويانه هنا
بس ما اعرف ليش محد يسولف على هالسالفة

المهم

صديقي
قبل شهر 10 بسنة 2008 جان موجود برنامج الهجرة الخاصة للمترجمين مع الجيش والسفارة الامريكية
وكان العدد 500 لسنة 2008 (و50 لسنتي 2006 و 200)
وجان التقديم ينرادلة تزكية من جنرال او FLAG OFFICER او ال CHIEF OF MISSION اللي هو السفير او من ينوب عنه ولازم هاية التزكية اللي يحصلهه الواحد تكون من الشخصية اعلاه اللي ضمن سلسلة الرتب اللي العراقي يشتغل الهه او ما يعرف بال CHAIN OF COMMAND للوحدة التي يعمل لها
وبعد كان التقديم يعبر مرحلة الكوم والواحد كبل يقدم لنبراسكا وبالمقابلة او وية التقديم يدفع بحدود ال 400 دولار
وبعد
من يوصل المهاجر الخاص لامريكا (وطبعا طيرانة على حسابة وليس قرض مثل اللاجئين) راح ميحصل اي مساعدات بامريكا.....شوف شلون جانت عاكسة ويانه...وشوف ربك شلون بعدين سهلهه

ورى 1/10/2008 تغير كلشي
لان بدا تطبيق البرنامج الجديد
ال 500 مقبول صاروا 5000
تزكية الجنرال تحولت كلهه للسفير
ولذلك التقديم صار للسفارة
وهي شبه اكيد راح تقبلك (ما يعوض عن تزكية الجنرال)
وبعدين تكمل مثل القديم ... يعني نبراسكا وبعدين ال NVC
بس بدون متدفع فلوس... وهاي هم شالوهه
المساعدات صارت تشمل المهاجر الخاص حاله حال اللاجئ

التقديم على القديم جان جدا مكيس ويشلع الكلب
فجماعة القديم حاولوا يغيرون عالجديد اويقدمون عالجديد من جدة وجديد
وواحد منهم اخونا SIV2007 اللي صارلة فترة ماكو
وانرفضت طلباتهم وبقوا مكيسين

نجي على مشكلتك اخي
انته مقدم بالضبط بفترة التحويل عالبرنامجين
بس عالقديم
متكلي شوداك عالقديم
وفوكاهه حتى تزكية جنرال ما عندك
يا اخي غير تسال
هسه همه ينتضرون منك تزكية جنرال
وقضيتك بيندنك PENDING
واذا قدمت عالجديد فاكو احتمالين
اما همه يهملون تقديمك عالقديم ونتمنالك هذا الشي
او يرفضون طلبك مثل ما رفضوا SIV2007
وبهالحالة راح تضيع المشيتين لان نبراسكا يبقون ينتضروك تدزلهم ورقة الجنرال
وانتضر الاخوان نور والشبح و SIVandIOM والاخرين اللي اعرف مني
واكيد عدهم مقترحات حلوة

ayoka · « **رد #583 في:** 07:41 05/05/2009 »

الاخ العزيز فينسيزو اشكرك على ايضاحك اني التواريخ بالضبط هيا
يوم 23\8\وصلت الاوراق لنبراسكا
يوم 25 \8\2008 دزولي وصل بالاستلام
يوم 21\11\2008 دزولي ايميل يريدون الاتي
يريدن توقيع الجنرال او فلاك افسر او
(3) “chief of mission” means the principal officer in charge of a diplomatic mission of the United States or of a United States office abroad which is designated by the Secretary of State as diplomatic in nature, including any individual assigned under section 3982(c) of this title to be temporarily in charge of such a mission or office
اعتقد انه نفس الكوم مو
بس رادو المعلومات لحد February 25, 2009
وحتى كالولي احنا انريد انسرع الطلب لذلك نقبل pdf فايل ا
وعاشت ايدك فينسينزو اول ما طلعت من الانفرادي معلومات كلش قويه

Ahmad.AlOmar · « **رد #584 في:** 09:46 05/05/2009 »

الاخوة الاعزاء ارجو المساعدة انا استلمت الفيزا يوم 16,4 وارسلت نسخة من الفيزا الى منظمة اعادة التوطين Siv@wrapsnet.org واستلمت الجواب بعد يومين على انهم حولو الاوراق الى مكتب اعادة توطين وسوفة يعلمونني فيحال ورود اي شيئ جديد فكم تستغرق هذه الى ان يحدد موعد السفر والطيارة؟ارجو المساعدة وشكرا مقدما.

ayoka · « **رد #585 في:** 10:00 05/05/2009 »

اخي العزيز احمد
انتى لو قاري المنتدى من البدايه جان المفروض منك ان تكتب تواريخ التقديم من اول مرحله لحين حصولك على الفيزه مثل مكاتب الاخ شبح بغداد اشرح شويه على الكيس مالتك حتى العالم تفتهم . يمكن اني مالي حق ادخل واكلك المفروض بس هاي اول مشاركه اللك وراسا اتريد اشرح شويه خلي نفتهم مو اخوتك محتاجين لاي معلومه وانت اتريد تاخذ من الاخير يعني مقابل ومستلم الفيزه ووو سطرين اكتب بلكت واحد يستفاد ولتزعل من عندي ترى كلنه على اعصاب

untitled.man · « **رد #586 في:** 10:40 05/05/2009 »

الاخ العزيز احمد...

اول شي... اهلا وسهلا بيك بمنتدى الهجرة واللاجئين...
انشالله تحصل مبتغاك وتوصل بالسلامة ومبروك عليك الفيزا...

ثاني شي...
احنه هنا بهذه الزاوية الخاصة بالـ SIV اكيد اللي عندة معلومة ما راح يقصر وياك ويشرحلك ويساعدك... بس بنفس الوقت الاعضاء هم الهم حق عليك وهو شرح حالتك من بداية التقديم لحد وصولك لهذه المرحلة والمشاكل اللي واجهتك وشلون تجنبتهه بصيغة عامة وبلا خصوصيات... واتصور اذا تراجع هذا الموضوع من الصفحة الاولى راح تعرف الصيغة اللي نريدهه من حضرتك...

اتمنى انه هذا الشي ما يسببلك احراج...

اما بالنسبة لسؤالك... فأتصور اول شخص سافر لامريكا على هذا البرنامج شارح اللي صار وياه وهو الاخ فالكون وتكدر تجيك على هذا اللنك:

http://www.ankawa.com/forum/index.php/topic,295709.0.html

تحياتي.. واهلا وسهلا بيك مرة ثانية

Ahmad.AlOmar · « **رد #587 في:** 11:19 05/05/2009 »

اخواني الاعزاء اني اسف اني قدمت من الشهر التاسع 2008 و حصلت على الفيزة يوم ,2009,4,9 و ماواجهتني اي مشكلة بهذي الاثناء واني سنكل ومخادم عسكرية فمتطلباتهم مني كانت قليلة وشكرا.

komar · « **رد #588 في:** 12:13 05/05/2009 »

السلام عليكم زملائي الاعزاء
بالنسبه لخطوات برنامج siv كالاتي :
ارسال اخر مستند كان 5-2 -2009
موافقه الcom كانت 14-2 2009
نبراسكا كانت 11-3 2009 والرقم التقريبي AMM200958XXXX

ولحد الان مداخل بحر اظلمات ولا شايف المي لان لازم اسوي صوره القيد واشويه صارت بيه صعوبات ولان اني مو جود بعمان وصعبه اروح لبغداد ان اصلا كنت مشتغل ويه الشركات حوالي 4 سنوات متزوج والحمد لله وعندي طفله هذا ال siv.
نجي الان لل اي او ام الي اشويه قضيتي يمكن مماره عله احد اني عراقي الجنسيه ولكن عندي جنسيه ثانيه عربيه تبعا لاب لكني مولود في العراق وحاصل على الجنسيه والجواز العراقي بس دخلت للاردن بجواز ثاني لصعوبه المرور بالجواز العراقي المهم قدمت مباشر قبل سنه ونص وطلعولي موظفين اثنين م الاي او ام واعطيتهم نسخ من كل اورا قي واوراق شغلي مع الامريكان وكالوا رح تندز اوراقي لامريكا لغرض الحصول على الموافقه الجواز الثاني وبالفعل ردولي خبر وره شهر بانوا الجواز مقبول بالاضافه للعراقي استمرت اجراءات الاتصال من الموظفين يستفسرون عله شغلي المهم الموظف الي استمر يتصل بيه كالوا بطل وغيرناه وصلت اول مقابله فحبيت ادخل والدتي ويايه كالو عادي والدتي وزوجتي عراقيين وماعدهم غير جواز المهم والله مشت الامور والمقابله الثانيه ولحد المحلفين وهم قابلت بس المحلفه كالت ميحقلك عندك بلد ثالث هاطبعا بالورقه مال الرفض مو با لمقابله المقبله عادي وشافت باجاتي واورقي انرفضت اني وزوجتي وبنتي وانقبلت والدتي عله فايلي وسافرت لان كلولهه اذ متسافرين تروح عليج وبعد محقلج ترحين واجتي ام والدتي وعله نفس الموضوع انو اني متهدد ومن هالامور وهم سافرت طبعا كل واحد من عائلتي بقه بس 5 شهور وسافروا وطبعا وبيبيتي بدون متستلم موافقه المحلفين سفروهه واني قدمت استاناف صارلي 6 اشهر وردولي يردون بعد اوراق وهم دزيته ولكيت موقع ال TLP واهناك محاميه متابعه شغله SIV و طبعا جماعه الTLP اعتقد عرفوني لان منزل كل القضيه اهناك . ... صح اتاخرت بلكتابه بالموقع بس اتعذروني وشكرا عله كل جهودكم لمساعده اخوانكم وسرعه الرد عله الاسئله وشكر خاص الك يا شبح بغداد.
هذه تفاصيل مقابلتي في السفاره الامريكيه في الاردن

السلام عليكم اخواني الاعزاء
اسف جدا عله الانقطاع هذه الفتره لضروف خاصه لكن الحمد لله اتمتت المقابله والحمد لله استلمت الفيزه

بعد ان خلص التجيك بالا nvc ارسوللي رساله بان اتريد باي سفاره تقابل طلبت بعمان لان اني اصلا موجود بالاردن - عمان , المهم وصلني ايميل الثاني من ال(NVC) بانوا ارسلوا اوراقي للسفارة الامريكية بعمان وهذا الحجي جان يوم 6\7 , المهم كلشي موصلني وراهة من السفارة لأن اني كلت خليهم همة لح يدزولي موعد مقابلة بس ولا يمهم , اني هم مجذبت خبر ورجعت دزيتلهم ايميل ال(NVC) , فيوم 14\7 خابروني وكالوا الباجر مقابلتك تجي للسفارة انت والعائلة بالثمانية الصبح وهاي الحجي شنو اني ممسوي الفحص فكلتله للبنية اني ممسوي فحص فكالت احنة نعرف بس تعال وقابل وبعدين جيب الفحص لان المحلفة عدهة موعد R&R اجازة لو اذا اتريد قابل بنهاية الثامن , فاني ابد مكلتلهة اقابل باجر , المهم رجعت للبيت هاي الحجي ساعة 1400 يعني بالثنتين الظهر للبيت وزفيتلهم الخبر وما كللكم صارت متدري الاوراق منين اطير وتطلع مال شكو اوراق دزيتهة الهم للركمنديشنات للباجات يعني كلشي وكلاشي , المهم ليش ميطلعلي غلط بال(D157) طلع غلط بالتواريخ مال السفرات الي سافرتهة وصارت العيطة وما ادري شأسوي بس الحمد لله كبل المحامية الي مستلمتني من ال(TLP) كلتلي ما الك علاقة وكالت انت كللهم مو فد مشكلة بس شنو اخوكم بطل كبل كلت تأجيل بالوجه واتوكلت على الله ورحت من الصبح للسفارة , هسة نجي للصدك ,
وصلت السفارة الصبح ودخلنة للسفارة واخذت الموظفه المسؤله عن الsiv الاوراق كامله والجوازات واني عندي جوازين واحد عراقي والثاني مغربي انطيتهن اثنينهن وانتظرنه للمقابله والحمد لله لان عند طفله خلوني ثاني واحد الاول طلع كلش ظايج كلنه ياستار المهم دخلنه ومن شفناهه المحلفه نفسهه الي قابلت اخونه فري هارت والكاوبوي كلت انلاصت وردت اطلع بس المرة جلبت بية , المهم دخلنة والحمد لله المحلفة جانت متعاونة ويانة وبصمنة وسألتني نفس الاسئلة الي بال(DS230) وكالت تحلفون على انوا المعلومات الي كلتوهة صحيحة فاني كبل كلتلهة لا والف لا , وكلتلهة اني ترة عندي غلط بال(D157) فكالت جيبهة اني انجر بوشي وكلت اني شورطني بس هم الحمد لله كالت مو مهمة واشكرك لأن كلتلي , وكالت اني ادري بيكم مفاحصين وانطتني ورقة مكتوب بيهة بس جيب الفحص وتستلم الفيزة وهية كالت اذا كملتوا الفحص قبل ما اروح حتة انطيكم الفيزة ويمكن بنفس الطيارة انسافر هاي شنو اني بس اوزع ابتسامات من كمشت الورقة , المهم اني طلعت من السفارة عدل على مستشفى الخالدي بلازا دسوي الفحص و سويت الفحص كامل فبقت بس النتيجة استلمهة ثاني يوم لأن اني اصلا وصلتهم متأخر , فجيت ثاني يوم من الصبح وكالوا طلع بالاشعة حساسية بالقصبات ولازم تاخذ مضاد حيوي اسبوعين وترجع تاخذ اشعة , ها شنو اني كبل اجة بفكري المثل المشهور (الفكر فوك البعير وعضة الشنو ؟؟؟ ) المهم اتقبل امر رب العالمين ورجعت ورة 10 ايام واستلمت الفحص الحمد لله و ارسلتة بال (Aramex) وهمة يدزو للسفارة المهم دزولي ايميل يوم 27 بانو اوكي تعال استلم الفيزة مالتكم يوم الثنين الموافق لو مموافق ابكيفكم , والحمد لله استلمت الفيزة اليوم وكلي فخر وان شاء الله للجميع وتستلمون وتخلصون ان شاء الله , هسة ردت اكللكم بانو اني مقدمت مساعدات ولح اسافر على حسابي لأن هية نفس الشي دافع فلوس الطيارة دافعهة واني وجهتي ان شاء الله لكلفورنيا والحمد لله رب العالمين واريد اشكر كل اخواني بهذا المنتدى الرائع الي قدمولي هواية من اجوبة ومساعدات شكرا ............................ السلام

ayoka · « **رد #589 في:** 12:22 05/05/2009 »

حبيبي كمر
نورت يا ورده انشاء الله تنول الي بكلبك وبلكت شغله siv تخلص دعواتي اللك يا كمر

Ahmad.AlOmar · « **رد #590 في:** 13:34 05/05/2009 »

اخواني الاعزاء انا قدمت على برنامج ال SIV في 11,9,2008 وحصلت على ال COM ابروفال في 11,11,2008 ومن ثمة ارسلت المستمسكات المطلوبة الى نبراسكا بعدة ايام قليلة من استلام الCOM ابروفال وكان جوابهم لي في 16,12,2008 على انني تم الموافقة والقبول على طلبي وانني مطالب بارسال مستمسكات اخرى على الايميل وفي 19,3,2009 ارسلو الي بانني يجب ان احضر الى المقابلة في السفارة في بغداد ويجب ان اكمل الفحص الصحي قبل ذلك لانهم يريدون الفحص الطبي في المقابلة وكانت المقابلة يوم 5,4,2009 وتمت المقابلة بصورة طبيعية وسلسة و صدرت الفيزا في يوم 9,4,2009 وانا حاضر لاي استفسار.

NOOR 2 · « **رد #591 في:** 14:22 05/05/2009 »

مبروووووووووك لك التاشيره

اخ احمد ونتمى لك سفر سعيد وسهل

والف مبروك

NOOR 2

BaghdadGhost · « **رد #592 في:** 16:09 05/05/2009 »

حبيبي ayoka ....

بما انه انته حاليا الكيس مالتك يم نبراسكا و خاليهه في خانه الرفض المؤقت لما تدزلهم الكوم .... و بما انه انته اتجاوزت الوقت المحدد الي هو 29 شباط ..... راح يكون اكو احتمالين ..

الاول بان من تحصل الكوم ان شاء الله و تدزهه راح يستمرون بالكيس مالتك و ترجع حالك حال العالم ....

الثاني .. بانهم و لانه انته تاخرت عليهم هواي بارسال الكوم .. راح يرفضون الطلب و يطلبون منك بان ترسل الاوراق من جديد .... و هذا الشي هم زين لان الاشكال الوحيد هو انه راح ياخرك لمدة تقريبا شهر ... بس اهم شي تصير حالك حال العالم ....

اما بالنسبة للخربطة مل الكيس و عدم تحديد انته حاليا عالقديم ام عالجديد .... حسب خبرتي و رايي الشخصي .. في كل الاحوال انته عالجديد لان القديم تقريبا توقف العمل بي و حته الاشخاص بقائمة الانتضار مال القديم حاليا تحولوا عالجديد و مشمولين بالموضوع و بدون تقديم اي مستمسك اضافي ....

يعني خصم الحجي .. ان شاء الله انته مدومن .. بس المهم تحصل الكوم لان بدون الكوم مراح تكدر تستمر بالبرنامج ....

BaghdadGhost · « **رد #593 في:** 16:21 05/05/2009 »

اخي و صديقي الجديد Ahmad.AlOmar .....

اهلا و سهلا بيك بين اخوتك ....اول شي مبروك على استلام الفيزا .... مو تكعد يمي بالطيارة .. هههه

تسلم على الشرح للكيس مالتك و ان شاء الله الموفقية .... بالنسبة للفترة ... اني اتصور بانه هيه تطول شهر و نص و يمكن اكثر شويه .... من راح يكملون راح يدزولك ايميل يسالوك بي هل انت حاضر للسفر .... و وراها تفلت عدل و كبل لامريكا .... في حاله انك لديك عنوان شخص ترغب بالسكن بالقرب منه ... و هذا الشخص يعرف منظمة قريبه عنه و متعامل وياهم قبل ... هذا الشخص يقوم بالتالي .. يروح للمنظمة و يشرحلهم الكيس مالتك و يسالهم اذا اكو مجال انته تجي يمهم و اذا وافقوا ينطيك معلومات المنظمة ,,, اسم ,, عنوان ,, ايميل ,,,, فاكس ,,, تلفون ,,,, و غيرها من المعلومات .... وراها تدز ايميل لجماعه التوطين و تبلغهم بكل الي صار و تنطيهم معلومات المنظمة و اسم الشخص صاحبك .... وراها راح يفرقلك كلش بالوقت مال الترتيبات ويتم سفرك يمدة اقصر .....

اهلا وسهلا بيك مرة ثانيه .... و اي شي احنه حاضرين

لتكطع ...

BaghdadGhost · « **رد #594 في:** 16:29 05/05/2009 »

حبيبي komar ....

تسلم يا ورد على المعلومات .... ان شاء الله تفض شغلتك مال صورة قيد الولادة و تذب زروك ببحر الظلمات ...... ههههههههه

بالنسبة للكيس يم ال اي او ام .... اهم شي بالي ذكرته بانها حالة نادرة ... يعني صحيح على حجايتك احنه مقارين هيج شي قبل بالمنتدى ...... ما اريد ادعيلك عال اي او ام لان اريدك تبقى عال ا س اي في لان افضل .... ههههههههه

مو تكطع

BaghdadGhost · « **رد #595 في:** 16:41 05/05/2009 »

اخي البصير .....

والله اني اتمنه بان نضل على تواصل مستمر و اني ان شاء الله مراح اكطع ابد ....

حبيبي حيدور ..... لك عيني مو شون مجان محدقين ... اني الحمد لله استلمت الفيزا و بقى همي الوحيد انتوا و الله شاهد على كلامي .....

نور حبي ... تسلم عالمرور يا ورد ....

خويي الزلمة الماعندة اسم ..... اريد فد يوم اسجلك غياب ... ماكو ... بس هم جيب ولي امرك مرة اللخ ... حته نتعرف على الاب الي جاب هيج بشر ذو اخلاق عاليه ....

حبيبي Shekha .....راح نسوي عليك حصار لما تكلي شون عرفتني يوم المقابلة ... يعني شنو جن مكتوب على كصتي شبح بغداد لو جنت لابس عبايه بيضة .... هههههههههه

komar · « **رد #596 في:** 16:54 05/05/2009 »

اخواني ايوكه وشبح بغداد ,يعني مثل ما شفتوا اني مو بس حالةنادرة بس هم بديت انقرض ,المهم شكرا على كل المعلومات وعلى هذا الموقع التووووووووووووووووب لأن اول مرة اشوف موقع هيجي يفيد العراقيين بالقضايا مالتهم لأن حتة المحامين والمنظمات ميعرفون كل هاي التفاصيل وعلى العموم انشاء الله اتمنى كل الموفقية لكل واحد منتظر الفيزة واتمنة حياة سعيدة لكل واحد اخذ الفيزة لأن هو هسة يلة يبلش يعيش الحياة ....

وبالاخير شكر خاص الك يا شبح بغداد على هاي المبادرة الحلوة الي انت سويتهة على هذا الموقع الجميل الي يخبل , المهم شكرا الك حبي وانشاء الله كلنة نتلاكةاهناك ونتشاوف...

Anthony Carmelo · « **رد #597 في:** 17:06 05/05/2009 »

السلام عليكم اصدقائي
اسف جدا للغياب وبصراحة الغياب 5 ايام عن قراءة هذة الصفحة يسبب الصداع والاحساس بلاحباط لكثر المواضيع المطروحة والمشاركات الجميلة feeling like missing something
احبائي الحمد لله اكملت الفحص الطبي في مستشفى الشفاء داخل المنطقة الخضراء بعد العودة لبغداد الحبيبة والفحص كلش سهل ولو طولوا وية زوجين كبار في السن لمدة ساعتين وصادفت ان التقي مع شاب هم عندة محدديلة مقابلة بس تدرون على يابرنامج ............ لوتري يعني فيزا لوتري وهو خطية كلشي ميعرف فنصحتة ان يبحث في النت عن منتدى عنكاوة بعد مقدمتلة هل المعلومات الي اعرفها
عزيزي BaghdadGhost احب اهنيك على التالق ولو جاء متاخر وانته دائما متالق واحب اشكرك على سوالك حول الكرين كارن الى هو شاغل بال كل اعضاء SIV وبضمنهم اني واشكر الاخوان الي جاوبوا على الاسئلة ماجلان حيدور ابو نور الورد
اريد اضيف اذا الفترة اتجاوزت ال6 اشهر شنو الي راح يصير ؟؟؟ بعض الاعضاء يكولون غرامة 500$ وهاي هية ! شنو عواقب التاخيررررررررررررررررررر في ذلك

تحياتي لكم

سيف المشهداني · « **رد #598 في:** 19:27 05/05/2009 »

اشلونكم اخواني الاعزاء مشتاقلكم
مبروك والف مبروك عطر بغداد رغم عنه ههههههههه
اني بعدني ببيروت وكملت الفحص الطبي الحمد لله الدكتورة زينه والمستشفى راقيه جدا ومنتضر الموعد وعلى كوله احد احبابي في المنتدى انه اليوم الموعود يارب اتمنى ان تندعولي الله يخليكم محتاج دعواتكم الله شاهد وان شاء الله الايام الجايه موعد مقابلتي ربي يسهل كل كل كل اموركم جميعا ومره اخرى الف مبروك عطر بغداد تستاهل والله حبيبي

NOOR 2 · « **رد #599 في:** 19:42 05/05/2009 »

اخي الحبيب انتوني الغالي
اخي بغداد الحبيبه نورت بيك برجوعك لها
ومبروك اكمال الفحص
وان شاء الله تفرحنا باستلام التاشيره

سيف الغالي

وينك اخويه سيوفي يمعود مو هذا اتفاقنه
ليش طولت هاي المده والله بالي يمك وانته ماكو حاولت الاتصال بك اكثر من مره
لاتكطع بعد والا هذا تحذير الك تره ها

السواعد والزوامل اخليهم يعلكوه عليك
وبعدين الطارميه وانته تعرف زين خوال الجهال اخليهم
يسون الك كبسه
هههههههههههه

والله فرحتني اني اسمع اخبارك سيف

ان شاء الله نفرح بيكم انتوني الحبيب الغالي وسيوفي الاخ الوفي الرائع

اخوكم وغصبا عنكم

NOOR 2

BaghdadGhost · « **رد #600 في:** 19:57 05/05/2009 »

حبيبي Anthony Carmelo .....

حمد لله على سلامتك و مبروك عالفحص الطبي و ان شاء الله مقابلة سهلة .....

بالنسبة للسؤال الي ضفته الصراحه كلش مهم و مكمل لاسالتي ...... تسلم يا ورد

حبيبي سيوفي .....

حمد لله على السلامة وان شاء الله مقابلة سهلة ... تسلم يا ورد و خلينه على علم بالتفاصيل ... داعيلك بالوجه ...

BaghdadGhost · « **رد #601 في:** 20:35 05/05/2009 »

حبيبي Anthony Carmelo .....

حمد لله على سلامتك و مبروك عالفحص الطبي و ان شاء الله مقابلة سهلة .....

بالنسبة للسؤال الي ضفته الصراحه كلش مهم و مكمل لاسالتي ...... تسلم يا ورد

حبيبي سيوفي .....

حمد لله على السلامة وان شاء الله مقابلة سهلة ... تسلم يا ورد و خلينه على علم بالتفاصيل ... داعيلك بالوجه ...

Iron_man · « **رد #602 في:** 22:09 05/05/2009 »

الاخ العزيز سيف المشهداني

ادعو الله تعالى ان يسهل عليك امرك ومقابلتك وخصوصا انت في (بلاد اخرى تشعر بالغربة اكيد هناك) ... ولجميع اخواننا في المنتدى ... امين

اخي الحبيب شبح بغداد المتألق

اهنئك على تألقك ، وهذا ليس بسببنا نحن لأن اخترناك ... بل هذا بسبب جمال اسلوبك ومساعدتك لأخوانك في المنتدى .... فهنيئاً لك ذلك ... والله يحفظك من كل مكروه

الاخ vincezo
شكرا لتوضيحك بعض الامور للاخوة .... الله يسهل امرك بالمقابل ...

اخوكم
Iron_man

Ahmad.AlOmar · « **رد #603 في:** 09:24 06/05/2009 »

شكرا جزيلا الك اخي العزيز BaghdadGhost على الرد الرائع والمفيد وانشالله محد بينة يكطع ونبقى متواصلين

البصير · « **رد #604 في:** 10:32 06/05/2009 »

أخت تارة...زوجج يكدر يقدم على برنامج SIV و هو في أي مكان في العالم ...بس ..

على شرط أن يكون مستفي شرط البرنامج وهو العمل مع الأمريكان...منظمات أو شركات أو جيش..

لا يقل عن سنه _12 شهر _ و يكدر يقدم بسهوله...

أكمال المعامله و الحصول على الفيزا كفتره من ستة أشهر الى ثمانية أشهر(الوقت المثالي).

أذا ممشتغل ....يكدر يقدم على برنامج IOM ....و لو ما عندي معرفه بيه مضبوطه ..و الأخوان يكدرون يساعدون ..

بس الي أعرفه انه موجود في سوريه و مصر و الاردن و العراق و يكدر يقدم ...بس تطول شغلته بحدود السنه حسب ما أعتقد....و الله يكون بعونج و يصبرج...

أخوك البصير

Shekha · « **رد #605 في:** 16:10 06/05/2009 »

الف الف مبروك عالتالق اخويه عطر بغداد.....

mongoose · « **رد #606 في:** 19:35 06/05/2009 »

الاخت تارة
اذا انتي بامريكا وعندج كرين كارد سويلة لم شمل اسرع واسهل

NOOR 2 · « **رد #607 في:** 09:20 07/05/2009 »

الى جميع الاخوه
الرجاء الدخول على هذا الموضوع للاهميه

http://www.ankawa.com/forum/index.php/topic,297056.new.html#new

تحياتي للجميع

اخوكم NOOR 2

البصير · « **رد #608 في:** 12:03 07/05/2009 »

حبي أبو الأنوار

أنت دز ايميل لل NVC & RPC و أنتظر جوابهم ...أذا كان شافي ..خير على خير ..لا ..

من تسافر و توصل بالسلامه و تسلم الظرف و تختم جوازك ...أشرحلهم الحاله و همه ان شاء الله ميقصرون و ياك و يكملون شغلتك و فوكه بوسه

و تقبل مروري

البصير

untitled.man · « **رد #609 في:** 12:26 07/05/2009 »

مقتبس من: BaghdadGhost في 16:41 05/05/2009

خويي الزلمة الماعندة اسم ..... اريد فد يوم اسجلك غياب ... ماكو ... بس هم جيب ولي امرك مرة اللخ ... حته نتعرف على الاب الي جاب هيج بشر ذو اخلاق عاليه ....

اخوية شبح بغداد الورد....

انته اللي كلك اخلاق ومحبة.... ومخجلنه بكلامك المعسول هذا...
انشالله دوام الموفقية والنجاح بحياتك...

اما بخصوص الوالد... فكما يعلم جنابكم بضرورة ارسال طلب معنون الى وزارة الداخلية ومرفق طيا معه الاسباب الوجيهة لخروج الوالد في غير اوقات الدوام الرسمي... راجين تعاونكم وتقديركم للاجراءات القانونية.... (كونكم لا تزالون من سكنة العراق الجديد) هع هع هع هع

تحياتي شبوح الوردة

BaghdadGhost · « **رد #610 في:** 03:36 08/05/2009 »

اخواني الاحباب ..... اني اسف عالتاخر بالرد بس والله هاليومين مكنت بالبيت .....

اختي تارة ..... يمكن الاخوان مقصروا وياج بالردود و الاخت انجي هم مقصرت وياج بموضوعهه .... امشي على كلام الاخوة وان شاء الله يصير خير ....

تسلمون يا ورود على تواصلكم الاكثر من رائع في هذه الزاوية ان شاء الله بعد اني الي ما اكطع للدوم ..

Shekha · « **رد #611 في:** 11:24 08/05/2009 »

الاخواني الاعزاء محتاج مساعدتكم.....

http://www.ankawa.com/forum/index.php/topic,297439.0.html

تحياتي

Shekha

BaghdadGhost · « **رد #612 في:** 13:48 09/05/2009 »

اخواني و اخواتي ......

حداد الشيوف واكع بمشكلة و محتاج المشورة ......

http://www.ankawa.com/forum/index.php/topic,297795.0.html

ayoka · « **رد #613 في:** 14:05 09/05/2009 »

اخوان شكرا لكم على المساعده وخصوصا شبح بغداد والاخ فنجرز والاخ احمد على المساعده وابداء الراي اني جنت شارح الاشكال الي عندي والشكوك حول هل ساعيد اجراءات النبراسكا لو لا اني دزيت لنبراسك السوال وجاوبوني بانهم ايريدون الكوم ابروفل وانه القضيه تبقى مستمره يعني مراح اعيد العمليه لان اني مقدم على فقره توقيع الجنرال يعني يمكن هاي معلومه اتفيدكم .

BaghdadGhost · « **رد #614 في:** 14:54 09/05/2009 »

اخي حداد السيوف ....

اكو شي الاخوة منتبهولة بالرد .. الا و هو ان الاكسبايريشن ديت مال الفيزا مالتك .... يعني ماعندكك وقت كافي .... و اني تعمدت ان ما اكتب رد راسا حته نشوف شنو الاقتراحات .... لكن اسمع مني التالي ...

خلي الكفيل مالتك يعوف هاي المنظمة و يروح على غير منظمة .... يشرحلهم وضعيتك بدون ميذكر الي صار مع المنظمة الحالية و ابد ليسوي نفس الخطا الي سوا ..... ويشوف المنظمة الجديدة اذا تكدر تتكفل بيك .... و اذا وافقوا ... يتصل بيك و ينطيك اسم المنظمة و عنوانهم و كل المعلومات عنهم .... انته بدورك تدز ايميل لل واربسنت و متذكرلهم اي شي و تسوي نفسك اطرش بالزفة ولا كانه شي صار قبل ... و تكللهم بانك تريد تصير على المنظمة الفلانيه لان هاي المنظمة الكفيل مالتك وصللهم و اتفق معاهم ....... راح تكلي هذا مراح ياخر السفر ..... جوابي هو ان من الشخص يذكر اسم و عنوان منظمة و الكفيل يتصل بيهم ... هذا الش راح يسرع من اجراءات السفر .... صحيح راح تفقد الوقت الي فات والي وصل الاختيار على المنظمة الحالية ,, بس ان شاء الله الوقت يكون كافي للترتيب مع المظمة الجديدة و السفر في الوقت المناسب .....

vincenzo · « **رد #615 في:** 02:05 10/05/2009 »

مشكورين جدا اخوان كومار واحمد العمر على تفاصيل قضاياكم وارحب بيكم متاخر اعذروني

vincenzo · « **رد #616 في:** 02:14 10/05/2009 »

بالنسبة لموضوع ايوكا
اختلف معك قليلا اخي شبح بغداد مع اني اشكرك على المعلومات الاخرى المتفائلة
فالذي يقدم على القديم لا يحولونه تلقائيا عالجديد
ولا حتى يقبلون اي طلب للتحويل من المتقدم نفسه
والدليل ما حصل مع SIV2007
ودليل اخر انهم لا زالوا ياخذون الاربع اوراق بالمقابلة مالة ابو القديم

ولو همه فاتحين هيجي باب جان الكل حولت ومحد بقه مو؟؟؟

وباعتقادي ان الاخ ايوكا مقدم على القديم
وحتى قبل ميبدي العمل بالجديد رسميا
واذا ما دزلهم مالة الجنرال راح ينرفض
واني سامع من المحامية واريدك تاكدلي
ان اللي ينرفض بال اس اي في بعد ميحقلة يقدم ولا حتى عالجديد
لان ماكو استاناف
وانته تعرف مشكلتي الشخصية كلش زين

vincenzo · « **رد #617 في:** 02:24 10/05/2009 »

اشكرك اخي الرجل الحديدي

vincenzo · « **رد #618 في:** 02:29 10/05/2009 »

اخت تازة راجعي موقع السفارة الامريكية ببغداد لمعرفة شروط وتفاصيل الهجرة الخاصة
كما يمكنك ان تتطلعي على موسوعة الاخ فالكون لل اس اي في وهو مثبت

ayoka · « **رد #619 في:** 06:33 10/05/2009 »

الاخ العزيز فنجرز بعد السلام اني دزيت ايميل لنبراسكا وهما جاوبوني الايميل التالي .
Sir,

Thank you for the update. We will add this information to your file. Please note that an approval email/letter from Chief of Mission (COM) will instruct you to file another I-360 petition with supporting documents to the Nebraska Service Center . However, please do not submit a second I-360 petition. This may create processing delays. You may simply forward the COM approval to this mailbox with “LINxxxxxxxx /kap” in the subject line. We will then process your case with the I-360 petition you already mailed to us.
Thank you.
مو معناته انهم ايريدون الكوم حتى ذاكرين انهم ميردون نسخه ثانيه من I-360 وبعد ما اعرف يجوز انقهرو عليه

vincenzo · « **رد #620 في:** 14:35 10/05/2009 »

اخي العزيز ايوكا
اشكرك جدا على اضافة كل هذه المعلومات لنا وعلى رسائلك التوضيحية على الخاص
اللي كلهه استنتج منهه انك اما محظوظ وعاملوك كحالة خاصة او انه اكو تغيير صاير باسلوبهم او لكونك مقدم عالقديم كلش قريب او قبيل البدء بالعمل بالجديد فعاملوك على الجديد وهذا شي ممتاز
ومليون مبروك حبيبي لان امورك انشاء الله صارت كلش سهلة

بس بقه اكو سؤال احب اطرحه واتمنى من الاخ شبح بغداد وكل الاخوة الحاضرين ان ينطوني وجهة نضرهم بيه وهو
اذا واحد هسه حصل تزكية جنرال فهل من حقة هسه يقدم كبل لنبراسكا وكانه ديقدم عالقديم لو ميصير ؟؟؟ وهل راح يفيدة هذا الشي وخصوصا اذا عرفنا اذا وراه توريق بالمقابلة اربع اوراق للنفر وانه كل اللي سمعناه على جماعة القديم قصص تعبانة ومكيسة
يعني سؤالي هو هل كاعد يعتبرون القديم حالة خاصة من الجديد والجديد هو تعميم للقديم وبيه ترتيب لشغلة الجنرال وتحويلهه للسفير او من ينوب عنه للي ما محصل جنرال ؟؟؟

ayoka · « **رد #621 في:** 15:00 10/05/2009 »

حبيبي العزيز فينسينزو
اني بعد مجموعه ايميلات ويه نبراسكا دزولي ايميلات تكولي انريد منك تزكيه الجنرال او تزكيه الكوم لان او تعني نفس الشي وبعدين اني ادزلهم شويا شويا فاخير شي دزيتلهم الفوروارد مسج الي اجتي من الكوم للضابط الامريكي والي جاوب عليها الضابط الامريكي فدزيتها لنبراسكا على انه اني متاني الموافقه من الكوم
دزولي وكالولي اول متستلمها دزها النا واني قبل فتره راسلت الاخ siv and iom وبوكتها كتله اني علكتها اهنانا على الويب سايت مال سفاره الامريكيه الي بلدي هوا خطيه يخاطب نبراسكا ويجاوبني فاخير شي كلي نبراسكا مراح اتسويلك دينايد لحين الحصول على الوثائق من بغداد يعني انطيتهم علم . وبالنسبه للمبلغ مال 375 دولار الي دافعه بصك لنبراسكا ما عندي شجاعه اسئلهم عليه هسه لان اخاف ليكلولي ها انت على القديم واحنا متوهمين وايم سوري وانتضر ومراح اسئلهم الا احط رجلي بامريكا افضحهم فضيحه واكللهم اخذو رشوه من عندي وبلكت يطلعوني برنامج اوبرا ويا هاي السوده الي دمها كلش خفيف ونسوي حلقه خرافيه هههههه شكرا اخويه فينسينزو بس بروح ابوك هسه خلي نوصل يا 400 دولار العالم خطيه تنطي 10000 دولار حتى تحصل هيج فرصه وهذا ردي للاشخاص المعارضين للذهاب لامريكا وسلامي

ayoka · « **رد #622 في:** 15:21 10/05/2009 »

اخي العزيز فينسينزو اني راجعت الايميلات الي اجتني واعتقد انه البرنامج القديم مضاف على الجديد وهذا هوا الايميل الذي يثبت ذلك ارجو الافاده للكل لك من عنده مشكله القديم
Hello. I am an adjudication officer at the Nebraska Service Center reviewing the evidence submitted in support of your Form I-360, Iraqi/Afghani Translator petition. In order to receive a benefit under Public Law 109-163 as amended by Public Law 110-36, it must be established that the translator:

A) is a national of Iraq or Afghanistan ;

B) worked directly with United States Armed Forces or under Chief of Mission authority, as a translator or interpreter for a period of at least 12 months;

C) obtained a favorable written recommendation from the Chief of Mission or a general or flag officer in the chain of command of the United States Armed Forces unit that was supported by the alien; and,

D) before filing the petition described . . . cleared a background check and screening, as determined by the Chief of Mission or a general or flag officer in the chain of command of the United States Armed Forces unit that was supported by the alien.

Additional evidence is necessary before your I-360 can be adjudicated. In an effort to expedite this matter, I am sending this email as a “Request for Evidence.” Specifically, the following deficiencies must be addressed:

ü Please submit a favorable written recommendation letter from the Chief of Mission or a General or Flag Officer in the chain of command of the United States Armed Forces unit that you supported.

The terms "general officer" and "flag officer" are specifically defined in 10 USC 101(b)(4) and (5):

(4) The term "general officer" means an officer of the Army, Air Force, or Marine Corps serving in or having the grade of general, lieutenant general, major general, or brigadier general.

(5) The term "flag officer" means an officer of the Navy or Coast Guard serving in or having the grade of admiral, vice admiral, rear admiral, or rear admiral (lower half).

The term “Chief of Mission” is specifically defined in 22 USC 3902 as:

(3) “chief of mission” means the principal officer in charge of a diplomatic mission of the United States or of a United States office abroad which is designated by the Secretary of State as diplomatic in nature, including any individual assigned under section 3982(c) of this title to be temporarily in charge of such a mission or office.

ü Please submit evidence that you cleared a background check and screening as determined by the Chief of Mission or a General or Flag Officer in the chain of command of the United States Armed Forces unit that you supported.

Please note that “official” screening documents are not required. Evidence of security clearance may be submitted by way of a letter from any U. S. Armed Forces officer, who can provide a statement that as standard operating procedure the translator received a security check/clearance prior to employment with U. S. Armed Forces, and that the officer is unaware of any derogatory information received since then. Usually, the information is included in the general officer’s letter of recommendation, however, as stated any officer may sign a letter providing necessary information.

Since we are attempting to expedite these petitions, I can accept a PDF copy of the required documentation. If you can scan the documents and email them to me it will definitely save weeks in the process. If you have any questions, please do not hesitate to contact me

SIVandIOM · « **رد #623 في:** 15:59 10/05/2009 »

حبي Ayoka من خلال المعلومات اللي تفضلت بيهه فأعتقد انه انته على القديم وما الك اي علاقه بالبرنامج الجديد ابو ال 5000 الا اللهم الفيزا اللي راح تاخذهه من حصه البرنامج الجديد لأنه معلوماتي انه فيزكم ام ال 500 مقبطه فد سنتين تلاثه ليكدام بس يحقلكم ان تسحبون من الفيز ال 5000 مالتنا..

تحياتي

ayoka · « **رد #624 في:** 16:16 10/05/2009 »

حبيبي siv and iom اشكرك على مرورك الكريم
اني الي اريده اعرفه هوا انه مرادو توقيع الجنرال رادو الموافقه مال كوم من عندي يعني جديد قديم مالاتنا مالاتكم الفيز مال هنود المهم اخذ فيزه واني كل غرضي اعطاء المعلومات الي بحوزتي يجوز اكو واحد عنده نفس المشكله بس همم شككتني وباجر اتصل بيهم حتى انطيك الجواب الشافي لان اذا على القديم اني سامع شغلته اطول والله ارحم الراحمين

SIVandIOM · « **رد #625 في:** 17:00 10/05/2009 »

حبي Ayoka همه مو ما رادوا توقيع الجنرال ...رادوا توقيع الجنرال او موافقه الكوم لأنه الكوم هوه بمقام الجنرال واطك منه هم...فأعتيادي اذا ما عندك جنرال يطلبون الكوم..وعلى كولتك قديم ولا جديد هيه يك حساب المهم تحصل الفيزا والقديم مو اطول من الجديد...هيه معامله وتمشي...قدم الاوراق المطلوبة وانشالله تحصلهه بأسرع وقت وبالتوفيق..

تحياتي

BaghdadGhost · « **رد #626 في:** 02:33 11/05/2009 »

اخوتي الافاضل .....

عذرا لعدم استطاعتي القيام بالرد الوافي لكوني اتصفح من الموبايل ..... ساوافيكم بالردود عن قريب ,,,, ولو ما شاء الله الموضوع منور باعلام من جماعه ال اس اي في

NOOR 2 · « **رد #627 في:** 13:10 11/05/2009 »

احلى بشرى الى اخوتي الاحبه
وربعي الغالين SIV

ادخلو بسرعه

http://www.ankawa.com/forum/index.php/topic,298408.0.html

اخوكم NOOR 2

سيف المشهداني · « **رد #628 في:** 17:56 11/05/2009 »

--------------------------------------------------------------------------------
بسم الله الرحمن الرحيم

(قل لن يصيبنا الى ما كتب الله لنا)
صدق الله العضيم

احبابي اولا احب ان اشكر الجميع الجميع كل اعضاء المنتدى على مساعدتي بكل حرف ربي يسهل كل اموركم يارب واخص بلذكر اخوي العزيز ابو نور الورده noor2 و حبيب الجميع المتألق دوما ودائما شبح بغداد واخوي العزيز البصير ماقصرت والله واخوي العزيز هاندي مان ماقصرت يا غالي .... اخواني اليوم قابلت في مبنى القنصريه الامريكيه في بيروت وصلت الساعه التاسعه صباحا ودخلت لتفتيش شديد جدا جدا وبعدها اعطوني رقم وهو رقم 3 وبعدها دخلنا لقاعه اخرى انا وزوجتي وحسوني عمره سنتيين وشدونه عمرها 10 اشهر ما اكلكم حسوني اسووا واول ما اجى ببالي اخوي الغالي البصير يكول عبالك يعرفون احنه بلسفاره من بعض الممارسات الضاله انه يروح على العلم الامريكي ويصير عراق عراق واني اكله حبيبي اكعد بس اكعد المهم ماكو اطفال ابد والكل كان لبناني انا فقط العراق نادو على على شباك رقم 6 فقال لي اعطني الجوازات واعطيته ثم قال صور اكطيته لكل شخص صورتيين طبعا ثم قال اعطني كلشي مطلوب منك انا تفاجئت بس غلست يعني شنطيك المهم ااتذكرت انه بل دي اس اكيد الي يريدوه ثم قالب اريد وحدا واحد يعني انته تعطني اوراقك ثم بقيه افراد العائله كنت هادئا جدا ورتبت له كل الوثائق والاوراق وما انخبصت وهاي نصيحه للي مقبليين على مقابله لا تنخبص ابد وخليه ينتضرك ولا تستعجل وتنخبص المهم اعطيته جميع الوثائق والاوراق ثم قال لي هل تملك عدم محكوميه في العراق كتله نعم بس ما طالبيها مني بس اذا بدك اعطيكياها هاي بلبناني ههههه المهم كال اي بدياها اعطيته اله وقال اذهب استريح اتذكرت انهم طالبيين مني الباجات ذهبت وقلت له لقد طلبو مني الباجات ولم اعطها لك قال ما يحتاجوها رجعت جلست وحسوني كلب الامه كلاب الدنيا حركها واني ملتزم اعصابي لابعد الحدود رقم واحد دخل هو عائله لبنانيه وطلع ما موافقين عليه وانطاه الوراقه ما تاجيل كلت يا لطيف الطف دخلت رقم 2 امراه لبنانيه طلعت تضحك وبيدها كارت برتقالي كلت يا الله سهل امري يا مسهل الامور سهل امري لا اخفي عليكم جلست حوالي نصف ساعه او اكثر بعد هاذه الامراه وكل هذه الفتره اردد ايايت الا ان قام صوت اجنبي بمناداه اسمي وقال ادخل على غرفه رقم 7 دخلت رايت انسان اسيوي هندي جالس قلت يمكن هاذه المنضف او ما شابه والان ياتي القنصل المهم سلمت عليه رد السلام من ورة خشمه حيل كلت يا ستار انسان الحقيقه كما نقول في لهجتنا العاميه الحقاره تنكط منه طبعا قال لي بلبدايه اخذ البصمات ولزوجتي هم ثم قال ارفعو ايديكم واقسمو انا قسمت وقلت له يس سير اي سوير ثم قال والمادام انا اريد ان اقول لها قولي هكذا بعدني اول حرف همو صااح اششششششششششش انته اسكت ثم قال لها بلغه العربيه الفصحى قولي اقسم ان كل المعلومات صحيحه قالت انا تفاجئت رجل لا ابتسم ولا ضحك ولا رحب بنا ثم قال لي هاك قلم وقع وقعت وزجتي هم ثم وضعنا القلم حسوني استلم القلم يمعود ذبه ماكو وهو يتكلم معي الرجل الهندي قالي لي اين والمده التي عملت بها قمت بأجابته ثم قال لي الشركه التي قامت بتعيينك يعني الشركه الي وضفتك هم قلت له وهو سؤال غريب المهم ثم جاء بي بسؤال بحمد الله ان الله اعطاني قوة قال لي وهو يتابع ال دي اس انا الحقيقه خريج اعداديه صناعه فقط شوفو النغل اشولن راد يفرها كال انته وين اتعلمت الانكليزي كلت له بل عمل صفن عليه قال اقول لك اين تعلمت الانكليزي قلت له بلعمل سيدي قال طيب كيف عملت مترجم كلت له انا مو مترجم سيدي قال لي طيب كيف قدمت على الهجره وانته مو مترجم اني انهديت بيه لان صدك انقهرت وضجت كتله سيدي هاذه برنامج يختلف عن برنامج المترجميين هاذا برنامج لجميع من عملوا في الجيش او شركات مساعده للجيش يعنمي كتله هاذا البرنامج للعراقي ووركرس صفن عليه وسوا بوجهه علامه تعجب كلت له نعم سيدي هاذا يختلف عن البرنامج القديم الخاص بلمترجميين ثم طلع اوراق جدا قديمه انا دازها لنبراسكا وهي الي فيها اذا تذكرون ما يصير نكتب عراقيين مترجمين نكتب عراقيين عمال المهم صفن عليها ثم رجع وسئلني انا اسمي مركب بلجواز سيف الدين بعقد العمل مال شركه بس سيف جان يكلي انته العقد مالتك بس سيف وانته بلجواز سيف الدين كلت له عندي شهايد وروكمندشنات تثبت انني سيف الدين لاككن بلعقفد ماعرف ليش ما كتبو الدين المهم جان ايكلي اريد اشووف باجاتك بكل هدوء فتحت الجنطه وطلعت الباجات المستنسخه كلها اخذها وقراها واحتفض بيها بهل اثناء ارجعكم على حسوني لزم القلم وسواا خريطه بل الحايط جان ايكلي الزم ابنط واخذ القلم وميك شور اخاف يخليه في عينه هو مو على عينه لان سووا خريطه واهل الصبغ راح يشتغلون ويترحمون على حسوني المهم بست حسوني وكتله حبيبي اكعد انته بطل وبهاذا الاثناء هو منتبه الي جدا كيف سوف اعامله المهم جان تمد ايدم على الكارت البرتقالي كلت يا الله افرجه وهاي المرة ما احجيلكم خلصت نص القارن وجان يختمه وكال مبروك تجي تاخذ الفيزة بعد يوميين اني الحقيقه شكرته جدا وكتله اسف اخاف ازعجناك وهاف نايس دي كلي يو تو طلعت والحمد لله والشكر

حبيب القلب ابو الانوار شكرا على مشاعرك الجياشه

komar · « **رد #629 في:** 18:00 11/05/2009 »

مقتبس من: vincenzo في 02:05 10/05/2009

مشكورين جدا اخوان كومار واحمد العمر على تفاصيل قضاياكم وارحب بيكم متاخر اعذروني

ممنون حبي واشكرك ....

BaghdadGhost · « **رد #630 في:** 21:37 11/05/2009 »

اعتذر منكم اخوتي على التاخر بالرد و راح اثبركم ثبيرة ....

الاخ vincenzo و الاخ SIVandIOM و الاخ ayoka .... و كل الاخوة الي اشتركوا في النقاش على كيس ايوكة .....

طبعا اني قريت كل الردود و النقاش الي صار ..... اخي فنجز ردا على سؤالك بخصوص القديم و الجديد ...... لتنسة بان في الاستمارة 360 فاصلين الخيارين القديم و الجديد .... و الي افتهمته من اخي ايوكة بانه مؤشر على الاختيار القديم و الدليل بانه قام بارسال مبلغ المال كذلك ..... يعني خصم الحجي ايوكة عالقديم ..... ولكن القديم مثل مكال اخي SIVandIOM مقبط منا لسبعين سنه ليكدام ,,,, و همه اصلا كايلين بصريح العبارة بان الي منتظرين دورهم على القديم يتحولون اوتوماتيكيا على الجديد من دون الحاجة لتقديم اي مستمسك اضافي ....

اما بخصوص السوال الاخر والي عندة تزكيه جنرال يكدر يقدم عالجديد لو بس القديم ..... الجواب هو اذا كانت تزكيه الجنرال مستوفية لكافه الشروط المفروض توفرها في ركمنديشن التقديم على الجديد .... نعم يحق له ... و يكدر يستمر بهذا الشي مثل الورد و شغلة جدا اعتيادية .....

ان شاء الله التوفيق للجميع ......

BaghdadGhost · « **رد #631 في:** 21:41 11/05/2009 »

حبيبي الغالي سيوفي الورد .....

الف مبروك و ان شاء الله اكتمال الفرحة باستلام التاشيرة و تسهيل امور اخي سبع صنايع الورد ..... بقة بس هو من الوجبة القديمة ....... ان شاء الله عن قريب يفرحنه ......

سيوفي عيني ..... بعد ماعندك حجة ,,,, ترة هواي تسجلت غياب بالايام الفاتت .......

ayoka · « **رد #632 في:** 02:15 12/05/2009 »

اخويه العزيز سيف الورده الف مبروك على حصولك على الفيزه وهذا ابنك اكيد جان يرسم الولايه الي راح تسكن بيها والف مبروك مره لخ .

سيف المشهداني · « **رد #633 في:** 10:19 12/05/2009 »

شكرا احباب قلبي ماقصرتوا لا حبيبي عطر بعد ماعندي حجه بس بعدني ببيروت ومنا ان شاء الله اطلع لاميركا اذا الله سهل
ayoka شكرا حبيبي على مباركتك ويوم للكل واهم شي سبع والله بالي يمك اخويه سبع بس ادعي من الله ان يسهل امور الجميع وحسوني مو بس رسم خارطع الولايه رسم خارطه امريكا كلهااا ههههه
شكرا للجميع احبكم

untitled.man · « **رد #634 في:** 11:58 12/05/2009 »

تفاصيل مقابلة الـ SIV كما اجريتها اليوم وحصول الموافقة والحمد لله

احبائي واخوتي الذين عوضني الله عنهم بكم...

الحمد لله والشكر له اولا واخرا... والف تحية وشكر واحترام وتقدير لكم فردا فردا واخص بالذكر اخوتي في الـ SIV ولكل شخص ساعدني ورفدني بمعلومة او حتى دعاء... الف تحية لكم...

اخوتي الاعزاء...
اليوم كملت مقابلة برنامج الهجرة الخاصة للمتعاقدين مع الحكومة الامريكية (SIV5000) والحمد لله عدت على خير وانطوني ورقة ذاكرين بيهه انه خلال 3 ايام يوصلك ايميل بي تفاصيل الاستلام...
راح اذكرلكم تفاصيل المقابلة بعد ان اذكرلكم تفاصيل التقديم من اول يوم الى حد هذه اللحظة... (على خطى اخوية الجبير شبح بغداد)
•   قدمت على الـ SIV يوم 08-01-2009.
•   استلمت الموافقة COM يوم 16-02-2009، تسلسلي اقل من 1200
•    يوم 18-02-2009 دزيت اوراقي الى نبراسكا عن طريق البريد العسكري USPS.
•    يوم 02-03-2009 اوراقي وصلت لنبراسكا.
•    يوم 09-03-2009 وصلني وصل الاستلام من نبراسكا، وبنفس اليوم صار ابروفال على اوراقي ودزولي الابروفل لتر.
•    الـ NVC دزولي اول ايميل يوم 21-03-2009، ورجعوا دزولي نفس الايميل يوم 28-03-2009.
•    دزيت كل الاوراق والوثائق المطلوبة للـ NVC يوم 04-04-2009.
•    يوم 10-04-2009 دزولي جكلست يريدون بيهه الـ DS-157 وجاوبتهم بنفس اليوم.
•    يوم 22-04-2009 السفارة دزولي ايميل وحددولي موعد مقابلة بمنتصف الشهر الخامس.
•   يوم 01-05-2009 اكملت الفحص الطبي في الشفاء.
•   اليوم 12-05-2009 اكملت المقابلة وحصول الموافقة.
•   لحد الان ما مستلم IZ Number من جماعة اللـ RPC

وصلت للسفارة الساعة 07:15 صباحا بمساعدة شخص DoD وجنه اول الواصلين، ضلينه بالباب ننتظر لحد الساعة 08:00 وبعدين بدوا يطببونه واحد واحد.... اني جنت اول واحد طبيت وفرغت كل جيوبي وماجان بيهن غير الموبايل والباج والفلوس... فتشوا كل الاوراق اللي جانت وياي كلشي اوكي... ونفس الشي لزوجتي وبنتي... المهم كملنه ووصلنه للقاعة اللي سبق وان شرحوهه الاخوان اللي قابلوا قبلي... كعدنه وانتظرنه (بعدهم ما جانوا مفتحين) وراها فتح شخص الشباك رقم 6 وبده يستلم الجوازات... وهمين اخوكم زرك اول واحد سلمتهن ورجعت كعدت... وراهه اجتي وحده امريكية على نفس الشباك وصاحت اسمي وبدت تسألني اسئلة روتينية وتضحك ويه بنتي مرة وويه زوجتي مرى ثانية:

الاسئلة:
خريج ايش؟؟؟
خادم بالجيش العراقي لو لا؟؟؟
مسافر خارج العراق قبل؟؟؟ وزوجتك؟؟؟
عندك جوازات قديمة ؟؟؟
بعدك تشتغل لو لا؟؟؟
طبيعة عملك بالشركة حاليا؟؟؟

تقريبا هذه كانت الاسئلة اللي سئلتني وطلبت مني الاوراق اني جنت مقسمهن 3 فايلات على عددنه وحاطهن بحافظة نايلون، اجيت انطيهه الفايلات كالتي لا اريد الحافظة كلهه كلتلهه بيهه اوراق اضافية مالهه علاقة كالت مو اشكال اني اخذ اللي اريده فانطيتهه الحافظة كاملة وانطيتهه الباج مالتي وكلتلي استريح الى ان يجي القنصل ويقابلك....
وراهه هم رجعت وصاحتني وطلبت تتأكد من الايميل مالتي وكلتلي اريد تلفونك... واستريح الى ان يجي القنصل...
طبعا بهاذي الاثناء كان القنصل يقابل شخص... قابله قبلي لانه اوراقه تحضرت اسرع ولان احنه 3 نفرات فاخذت شوية وقت الى ان حضروهه للقنصل... طبعا هذاك الولد يمكن ضلت المقابلة مالته اكثر من نص ساعة لانه كان مبين عليه مرتبك حييييييييل وانكليزيته جانت مو هلكد... وبصراحة طلع مستعجل حتى ما لحكنه نعرف سالفته... على كل... وراه جان يصحني القنصل ورحنه كللي راح اسولف وياك اول شي وخلي عائلتك تستريح... كتله اوكي... اخذ بصماتي اول شي وبده يحجي كالي راح اسئلك بعض الاسئلة بخصوص طلب الهجرة مالتك والابليكيشن... كتله اوكي...
اول سؤال: انت هنا بخصوص مقابلة الهجرة الخاصة SIV5000؟؟؟ وجاوبته
سئلني انت حاليا مستمر بالعمل مع الشركة الفلانية؟؟؟ وجاوبته
شنو طبيعة عمل الشركة هذه؟؟؟ وجاوبته
وسئلني على الشركة القبلهه وطبيعة عملهه؟؟؟ وجاوبته
بعدين سئلني انت طبيعة عملك بالشركة حاليا شنو؟؟؟ وشنو واجباتك؟؟؟ وجاوبته
وراهه سئلني من قدمت على الجامعة انضميت الى حزب البعث؟؟؟ جاوبته نعم، سئلني السبب؟؟ كتله قدمولي اوراق الانضمام الى الحزب قبل ان ينطوني اوراق التقديم للجامعه وسئلني كلي درجتك كانت مؤيد؟؟؟ كتله نعم
وراهه سئلني خادم بالجيش العراقي؟؟؟ وجاوبته
سئلني مسافر خارج العراق؟؟ وجاوبته
وراهه انطاني الـ DS-230 وكلي وقع... وانطاني ورقة التعهد مال الاستقالة ووقعت وكلي صيحلي زوجتك وكلي اني راح اسئل وانت ترجملهه (طبعا سئلني وكتله زوجتي ولا طكة بالانكلوزو) والاسئلة اللي سئلهه:
مشتغلة اي شغل عدى كونج ربة بيت؟؟؟
مشتغلة سابقا اي شغلة؟؟؟
الاعدادية اللي درستي بيهه؟؟؟
خادمة بالجيش العراقي؟؟؟
شكد عمر بنتج ؟؟؟
تاريخ زواجكم؟؟؟
واخذ بصماتهه ووقعت على استمارتهه واني وقعت على استمارة بنتي وانطاني الحافظة مال الاوراق مالتي بس اخذ منهه الـDS-230 وعقد الزواج... وانطاني الوصل وانطاني ورقة مذكور بيهه بالعربي وبالانكليزي انه خلال 3 ايام راح تستلم ايميل وبي تفاصيل الاستلام، واذا ما وصل هذا الايميل اتصل بينه على ايميل موجود بالورقة نفسهه... وشكرته وكتلهه اعتذر عن الهوسه اللي سوته بنتي وابتسم وكلي هذه الاشياء تحدث... (طبعا بنتي هوست وكمزت وملخت نفسهه الى ان كالت بس ووره ما طلعنه ظلت نايمه الطريق كله للبيت)... وطلعنه من القاعة والف الحمد الله والشكر على كل شي....
طبعا ماكو فد شي لفت انتباهي، واجراءات روتينية مثل ما شرحوهه الاخوان قبل، بس الفقرة الجديدة هي الاسئلة اللي وجهه لزوجتي... وماكو غير شي...
اتمنى لكل شخص منتظر تفرج عليه باقرب وقت...
الف الف الف شكر وامتنان لكل شخص قدملي نصيحة او معلومة...

اعذروني على الاخطاء الاملائية...

تحياتي...

komar · « **رد #635 في:** 12:57 12/05/2009 »

الف الف مبروك اخويه انشاء الله السفر القريب.

ahmed.khalid_87 · « **رد #636 في:** 13:06 12/05/2009 »

مقتبس من: untitled.man في 11:58 12/05/2009

تفاصيل مقابلة الـ SIV كما اجريتها اليوم وحصول الموافقة والحمد لله

احبائي واخوتي الذين عوضني الله عنهم بكم...

الحمد لله والشكر له اولا واخرا... والف تحية وشكر واحترام وتقدير لكم فردا فردا واخص بالذكر اخوتي في الـ SIV ولكل شخص ساعدني ورفدني بمعلومة او حتى دعاء... الف تحية لكم...

اخوتي الاعزاء...
اليوم كملت مقابلة برنامج الهجرة الخاصة للمتعاقدين مع الحكومة الامريكية (SIV5000) والحمد لله عدت على خير وانطوني ورقة ذاكرين بيهه انه خلال 3 ايام يوصلك ايميل بي تفاصيل الاستلام...
راح اذكرلكم تفاصيل المقابلة بعد ان اذكرلكم تفاصيل التقديم من اول يوم الى حد هذه اللحظة... (على خطى اخوية الجبير شبح بغداد)
•   قدمت على الـ SIV يوم 08-01-2009.
•   استلمت الموافقة COM يوم 16-02-2009، تسلسلي اقل من 1200
•    يوم 18-02-2009 دزيت اوراقي الى نبراسكا عن طريق البريد العسكري USPS.
•    يوم 02-03-2009 اوراقي وصلت لنبراسكا.
•    يوم 09-03-2009 وصلني وصل الاستلام من نبراسكا، وبنفس اليوم صار ابروفال على اوراقي ودزولي الابروفل لتر.
•    الـ NVC دزولي اول ايميل يوم 21-03-2009، ورجعوا دزولي نفس الايميل يوم 28-03-2009.
•    دزيت كل الاوراق والوثائق المطلوبة للـ NVC يوم 04-04-2009.
•    يوم 10-04-2009 دزولي جكلست يريدون بيهه الـ DS-157 وجاوبتهم بنفس اليوم.
•    يوم 22-04-2009 السفارة دزولي ايميل وحددولي موعد مقابلة بمنتصف الشهر الخامس.
•   يوم 01-05-2009 اكملت الفحص الطبي في الشفاء.
•   اليوم 12-05-2009 اكملت المقابلة وحصول الموافقة.
•   لحد الان ما مستلم IZ Number من جماعة اللـ RPC

وصلت للسفارة الساعة 07:15 صباحا بمساعدة شخص DoD وجنه اول الواصلين، ضلينه بالباب ننتظر لحد الساعة 08:00 وبعدين بدوا يطببونه واحد واحد.... اني جنت اول واحد طبيت وفرغت كل جيوبي وماجان بيهن غير الموبايل والباج والفلوس... فتشوا كل الاوراق اللي جانت وياي كلشي اوكي... ونفس الشي لزوجتي وبنتي... المهم كملنه ووصلنه للقاعة اللي سبق وان شرحوهه الاخوان اللي قابلوا قبلي... كعدنه وانتظرنه (بعدهم ما جانوا مفتحين) وراها فتح شخص الشباك رقم 6 وبده يستلم الجوازات... وهمين اخوكم زرك اول واحد سلمتهن ورجعت كعدت... وراهه اجتي وحده امريكية على نفس الشباك وصاحت اسمي وبدت تسألني اسئلة روتينية وتضحك ويه بنتي مرة وويه زوجتي مرى ثانية:

الاسئلة:
خريج ايش؟؟؟
خادم بالجيش العراقي لو لا؟؟؟
مسافر خارج العراق قبل؟؟؟ وزوجتك؟؟؟
عندك جوازات قديمة ؟؟؟
بعدك تشتغل لو لا؟؟؟
طبيعة عملك بالشركة حاليا؟؟؟

تقريبا هذه كانت الاسئلة اللي سئلتني وطلبت مني الاوراق اني جنت مقسمهن 3 فايلات على عددنه وحاطهن بحافظة نايلون، اجيت انطيهه الفايلات كالتي لا اريد الحافظة كلهه كلتلهه بيهه اوراق اضافية مالهه علاقة كالت مو اشكال اني اخذ اللي اريده فانطيتهه الحافظة كاملة وانطيتهه الباج مالتي وكلتلي استريح الى ان يجي القنصل ويقابلك....
وراهه هم رجعت وصاحتني وطلبت تتأكد من الايميل مالتي وكلتلي اريد تلفونك... واستريح الى ان يجي القنصل...
طبعا بهاذي الاثناء كان القنصل يقابل شخص... قابله قبلي لانه اوراقه تحضرت اسرع ولان احنه 3 نفرات فاخذت شوية وقت الى ان حضروهه للقنصل... طبعا هذاك الولد يمكن ضلت المقابلة مالته اكثر من نص ساعة لانه كان مبين عليه مرتبك حييييييييل وانكليزيته جانت مو هلكد... وبصراحة طلع مستعجل حتى ما لحكنه نعرف سالفته... على كل... وراه جان يصحني القنصل ورحنه كللي راح اسولف وياك اول شي وخلي عائلتك تستريح... كتله اوكي... اخذ بصماتي اول شي وبده يحجي كالي راح اسئلك بعض الاسئلة بخصوص طلب الهجرة مالتك والابليكيشن... كتله اوكي...
اول سؤال: انت هنا بخصوص مقابلة الهجرة الخاصة SIV5000؟؟؟ وجاوبته
سئلني انت حاليا مستمر بالعمل مع الشركة الفلانية؟؟؟ وجاوبته
شنو طبيعة عمل الشركة هذه؟؟؟ وجاوبته
وسئلني على الشركة القبلهه وطبيعة عملهه؟؟؟ وجاوبته
بعدين سئلني انت طبيعة عملك بالشركة حاليا شنو؟؟؟ وشنو واجباتك؟؟؟ وجاوبته
وراهه سئلني من قدمت على الجامعة انضميت الى حزب البعث؟؟؟ جاوبته نعم، سئلني السبب؟؟ كتله قدمولي اوراق الانضمام الى الحزب قبل ان ينطوني اوراق التقديم للجامعه وسئلني كلي درجتك كانت مؤيد؟؟؟ كتله نعم
وراهه سئلني خادم بالجيش العراقي؟؟؟ وجاوبته
سئلني مسافر خارج العراق؟؟ وجاوبته
وراهه انطاني الـ DS-230 وكلي وقع... وانطاني ورقة التعهد مال الاستقالة ووقعت وكلي صيحلي زوجتك وكلي اني راح اسئل وانت ترجملهه (طبعا سئلني وكتله زوجتي ولا طكة بالانكلوزو) والاسئلة اللي سئلهه:
مشتغلة اي شغل عدى كونج ربة بيت؟؟؟
مشتغلة سابقا اي شغلة؟؟؟
الاعدادية اللي درستي بيهه؟؟؟
خادمة بالجيش العراقي؟؟؟
شكد عمر بنتج ؟؟؟
تاريخ زواجكم؟؟؟
واخذ بصماتهه ووقعت على استمارتهه واني وقعت على استمارة بنتي وانطاني الحافظة مال الاوراق مالتي بس اخذ منهه الـDS-230 وعقد الزواج... وانطاني الوصل وانطاني ورقة مذكور بيهه بالعربي وبالانكليزي انه خلال 3 ايام راح تستلم ايميل وبي تفاصيل الاستلام، واذا ما وصل هذا الايميل اتصل بينه على ايميل موجود بالورقة نفسهه... وشكرته وكتلهه اعتذر عن الهوسه اللي سوته بنتي وابتسم وكلي هذه الاشياء تحدث... (طبعا بنتي هوست وكمزت وملخت نفسهه الى ان كالت بس ووره ما طلعنه ظلت نايمه الطريق كله للبيت)... وطلعنه من القاعة والف الحمد الله والشكر على كل شي....
طبعا ماكو فد شي لفت انتباهي، واجراءات روتينية مثل ما شرحوهه الاخوان قبل، بس الفقرة الجديدة هي الاسئلة اللي وجهه لزوجتي... وماكو غير شي...
اتمنى لكل شخص منتظر تفرج عليه باقرب وقت...
الف الف الف شكر وامتنان لكل شخص قدملي نصيحة او معلومة...

اعذروني على الاخطاء الاملائية...

تحياتي...

اخوية شايف كل خير
ان شاء الله تسافر بأقرب وكت
تحياتي

Iron_man · « **رد #637 في:** 13:21 12/05/2009 »

الاخ Untitled_man

الف مبروك وتستاهل كل خير ... ان شاء الله يوم السفر القريب . ودعواتكم لنـــــــا .

اخوك
Iron_man

Iron_man · « **رد #638 في:** 13:27 12/05/2009 »

اخي سيف المشهداني

مبروك ، وتستاهل .. يوم السفر ان شاء الله ... وان تجد الراحة الدائمة والاستقرار

اخوكم
Iron_man

BaghdadGhost · « **رد #639 في:** 15:44 12/05/2009 »

حبيبي الزلمه البليه اسم ......

الف الف مبروك و تستاهل كل خير ...... و مبروك للعائلة الكريمه و ربي ان شاء الله تكمل الفرحة باستلام التاشيرة و السفر ان شاء الله .... و اكيد دعواتنا للاخ سبع بتسهيل الامور و استلام التاشيرة .......

لابارحة سيوفي فرحنه و اليوم انته فرحتنه و ان شاء الله بقية اخوتي يستلمونا مربعتين بس افراح و مقابلات سهلة ان شاء الله .......

اخوك الصغير علي

ayoka · « **رد #640 في:** 16:12 12/05/2009 »

الف الف مبروك يا اخ البلايا اسم على كولتكم وانشاء الله الافراح تستمر

Anthony Carmelo · « **رد #641 في:** 20:25 12/05/2009 »

الف الف مبرووووووووووووووك اخوية untitled.man
الحمد لله عدت على خير اتمنالك الموفقية بخطواتك المقبلة

اخوك
Anthony Carmelo

BaghdadGhost · « **رد #642 في:** 21:49 12/05/2009 »

اخواني الاعضاء الاعزاء ...... اليوم محتاج مساعدتكم ......

لي صديق عزيز علي و يهمني ان اقدم له المساعدة و النصيحة ..... يعمل حاليا في مفوظية الانتخابات .... عقد مو موضف ..... عرف عن طريق النت عن احتباج المفوظية لمترجمين ... لذلك قام بالتقديم و انقبل بعقد و بصفة مترجم بين القوات الامريكية و المفوضية ..... دور الامريكان في هذا الموضوع هو الدعم المادي و المعنوي للمفوضية بكل النواحي و صديقي يعمل الوقت كله مع الامريكان و بس الراتب يستلمه من العراقيين ...

قام بالتقديم على ال SIV و هو حاليا في المرحلة الاولى وهي الحصول على الكوم .... بالتاكيد لديه ركمنديشنات من القوات الامريكية تثبت كل الامور المطلوبة .... و قمت بمساعدته في التقديم و مليء الاستماير ..... ولكن البارحة دزوله السفارة و طلبوا منه رساله من ال HR لاثبات فترة العمل .....

الحيرة تعترينا نحن الاثنان حاليا ..... ما المفروض ان نقوم به ..؟؟
اخواني ارجوكم اذا تعرفون اي حاله مشابهه لتبخلون علينا بالرد و تقديم المساعده ....

اني شاكر الكم و اي سوال او استفسار اضافي اني موجود و راح اتابع الاجوبة ..... عشمي بيكم جبير ....

Anthony Carmelo · « **رد #643 في:** 22:57 12/05/2009 »

اخي العزيز BaghdadGhost
انته اعرف بهذة المسالة وهي يجب ان يكون اكمل سنة واحدة في الاقل للامكانية التقديم
كذلك ايميل من HR او السوبرفايسر المباشر له (الامريكي الجنسية) يرسلها بنفسة اليهم يقول به انه امريكي و فلان اكمل سنة ومتهدد ولا يشكل خطر على الولايات المتحدة. لذلك الركمنديشن يجب احتوائة على ايميل ورقم الشخص الامريكي .

لذلك يجب على صديقك الذهاب للسوبرفايزر المباشر مالتة وياكد علية النقاط اعلاة

تحياتي الك

Anthony Carmelo

BaghdadGhost · « **رد #644 في:** 23:21 12/05/2009 »

حبيبي انتوني ....

المشكلة مو بالركمنديشن ...... عنده الركمنديشن و مقدمهه .... بس المشكلة يريدون من ال HR و هو عقد ويه المفوضية .... يعني ال اج ار مالته عراقيين مو امريكان ..... هل هاي الحاله تصير او صايرة قبل؟؟؟؟؟

SIVandIOM · « **رد #645 في:** 23:30 12/05/2009 »

اخوية علاوي...تعرفهه للسالفه..للأسف ما اعتقد ممكن تترهم...بغض النظر عن طبيعه عمله وويامن ...بس راتبه منين ديستلمه؟ من الحكومة الامريكية؟ الجواب لا...فللأسف ما اعتقد يكدر يقدم على ال SIV وبالنسبه للركمنديشنات هاي عادي يحصلهه عن طيب خاطر من زملاءه الامريكان بس للأسف جماعه ال SIV حاطين شغله ال HR verification of employment علمود تلكف اي واحد ما مشتغل وية الحكومة الامريكية او منظماتهه او المتعاقدين معاهه وما تعبره....نصيحتي خلي يقدم مباشر على ال IOM.

تحياتي

ابو العباس · « **رد #646 في:** 23:41 12/05/2009 »

مبروووووووك untitled.man
ويارب السفر القريب والموفقيه وتحقيق الاماني ....
بس عندي سؤالين حبي اذا ماكو زحمه
اول شىء شنو كان جوابك من سألك اذا عندك جواز ثاني او قديم ....
ثاني شىء هاي الفقرة مال رح اندزلك ايملي بيه تفاصيل الاستلام شنو هذا فد اجراء جديد؟؟
لان اني مسامع من الاخوة انه كايليلهم هيجي شىء...
تحياتي حبيبي وشكرا جزيلا مقدما...
الموفقيه والنجاح بحياتك وردة...

البصير · « **رد #647 في:** 23:46 12/05/2009 »

ألف مبروك لأخونا سيف المشهداني (أبو حسين )

ألف مبروك للأخ Untitled Man

أن شاء الله السفر القريب و الوصول بالسلامة و الأستقرار

تمنياتي لكم بالموفقيه و لعوائلكم الكريمه

BaghdadGhost · « **رد #648 في:** 00:00 13/05/2009 »

اخي العزيز SIVandIOM .......

طبعا اني جدا ممنون منك على الرد ...... الصراحه اني هم كان عندي شك بهذا الموضوع .... ولكن الي خلاني اكون متفائل هو ان صاحبي مو موضف ... يعني عقد اجور يومية ..... و مع ذلك فقط هاي النقطة الي بيهه شك ... بس باقي الامور جدا اعتيادية و مطابقة للمطلوب من حيث فترة سنه او اكثر و الركمنديشنات و المسوؤل عنه امريكي مو عراقي و هو الي طتبلة الركمنديشن و كله شنو الي تحتاجه اني اكدر اساعدك ...... اني خليت الموضوع كلت بلكي الاخوان مارين بهيج حاله مشابهه و بكدرون يفيدونه لان الصراحة هذا الشي محد تطرقلة مسبقا ......

اشكرك مرة ثانيه على الاستجابه و ننتظر رايك و راي بقية الاخوة

البصير · « **رد #649 في:** 00:18 13/05/2009 »

شبح بغداد

هو حاول كل المحاولات ...و مخسران شي للمحاوله الجايه و هي ...

يطلب من السوبرفايززر الأمريكي أن يسويله كتاب لوخ منفصل و يدرج بيه فترة العمل من ..و الى ..و يدزه و ينتظر النتيجه ....بلكي تلكح...

نتمناله كل الخير

و تقبل مروري المتواضع

ابو العباس · « **رد #650 في:** 00:23 13/05/2009 »

حبيبي شبح بغداد الذهب ...
اكيد انته دائما سباق العمل الخير وجزاك الله خير الجزاء...
بالنسبه الصديقك اني مااعرف هل هو يعتبر انه ديشتغل ويه القوات الاميركيه او لا؟؟؟
لكن مادام هو امقدم لسفارة؟؟ وهمه قابلين الكيس مالته لان هو لو ممشمول ابهذا البرنامج اتوقع كان همه كالوله هذا الحجي صح لو لا؟؟ وهو مادام مشتغل سنه وياهم فيعني يكدر ايروح للــ HR
وينطوه السرتفيكيت المطلوووبه ان شاء الله واكيد هو عنده فد سوبرفايزر اميركي هم لازم ايجيب منه الريكومنديشن لتر وبيها اسمه او ورقم تلفونه او ايميله على الاقل وكايل بيه انه هو قدم خدمه للولايات المتحدة وميشكل خطر على امن الولايات المتحدة وتعرف انته هم ايدكون على هاي الحجايه
ويارب الموفقيه
تحياتي للكل

BaghdadGhost · « **رد #651 في:** 00:40 13/05/2009 »

تاج راسي البصير ......

اني جدا ممنون منك ...... الصراحه اني بابدايه هم طلبت منه ان يحصل هذا الشي من الامريكي .... بس بعدين كلت خاف بالمقابلة ينسال على مكان العمل و تكون الاوراق غير مطابقة للواقع .... يعني هم بيهه لوفة مثل ميكولون .......

تسلم يا ورد عالرد ........

BaghdadGhost · « **رد #652 في:** 00:43 13/05/2009 »

والله حبي ابو العباس ..... شكلك ..

مو المساله بيهه مجازفة .... و احنه نريد نعرف كل الاراء قبل منقوم باي شي .... لان لا سامح الله اخاف ميقبلون بهذا الشي و السالفه تتكنسل كلهه من العرك ......

مشكور يا ورد عالمرور و الاستجابه للطلب ......

NOOR 2 · « **رد #653 في:** 00:47 13/05/2009 »

اخوتي الغالين والرائعين

اخي رجل بلا عنوان
والله اني جدا فرحت بيك من قرايت خبر
مقابلتك
وان شاء الله ادوم الافراح والمسرات
وان شاء الله نفرح بالجميع

وعلى فكره اني تره تناقشت مع اخويه وحبيبي الغالي شبوحي
بخصوص موضوع صديقه
حبيت اوضح لكم هذا لكي لا تفكرون ان ابو نور ما كتب رد

اخوكم الى الابد

NOOR 2

komar · « **رد #654 في:** 03:04 13/05/2009 »

اخوية شبح بغداد السالفة شنو بالبداية , يعني هو يشتغل مترجم وية شركة امريكية لو الجيش الامريكي , وهو مثل ما افتهمت يستلم راتبة من العراقيين , بس اني هم صارتلي هيجي الحالة نفسهةولو اني حصلت تأكيد عملي من الهيومن ريسورس مال الشركة الامريكية بس هذا الي كان مكتوب بيهة :

Mr. KOMAR employment, although not officially recorded by our Human Resources
department, has been verified by several key (my company name) personnel including
(اسماء المدراء الي اشتغلت وياهم )

فاني مجنت مسجل رسميا مع الشركة كموظف لأن بهاية الحالة لح يدفعون علية ضرايب واغلب الشركات الامريكية الي اشتغلت وياهة العراقيين غير مسجلين رسميا , اذا خلي الولد صاحبك يتوكل على الله ويطلب من جماعتة الامريكيان ورقة يكتبولة بانو هو مشتغل ويانة سنة بس ممسجل بالشركة مالتنة كموظف , وانشاء الله يصير خير حبي ....

vincenzo · « **رد #655 في:** 07:44 13/05/2009 »

هاي شلون وية الكهرباء....بالبداية حجز انفرادي عشرين يوم وهسه الكهرباء والانترنت ديلعبن بية لعب

حبيبي سيف ابو حسين الله ينور حياتك وتخلص من الظلمات وهذ ملف الغضب اغلق الى غير رجعة وانشاء الله تسافر وتتوفق وين متروح واعتذر على تاخري وياك

صديقي الزلمة انشاء الله سفرك القريب والله يحفضلك الزغيرة والاهل وانشاء الله يصيرلك اكبر اسم بالمكان اللي راح تروحلة وبالتوفيق

vincenzo · « **رد #656 في:** 08:08 13/05/2009 »

طبعا اني داجزء الرد حتى لا اكتب هواية وبعدين تنكطع الكهرباء فجاة ويروح كل الكتبته

بالنسبة لمشكلة صديق الشبح:
اخويه
صديقك جان يشتغل بمفوضية عراقية ورغم انه كان يساعد امريكان وامم متحدة قد يكون بطريقة مباشرة بس هوه ممشتغل وياهم وهذا الكلام المباشر بدون مجاملات واني من راي SIVandIOM بالكامل يعني اذا هو عراقي ومعرض للخطر نتيجة تعاملة مع الامريكان فمن حقه يقدم عال IOM وراح جدا تفيدة التزكيات بهاية الحالة لان ال SIV ترة مو لعبة يا صديقي واكو ناس هواي مشتغلين وية الامريكان ووية الجيش وسنين طويلة ومعرضين جدا للخطر وانرفضوا وبعدين قدمو اي او ام ومشت امورهم ويمكن اني راح اكون واحد من المرفوضين وانته تعرف تفاصيل قضيتي وشلون عاكسة ولذلك قدمت اي او ام

ومو بس هاي وانما انته تذكر انه الارهابيين كانوا يهددون وحتى يقتلون اللي ميتعاون ببعض المناطق وياهم ولذلك يمكن اعتبار كل من لم يتعاون مع الارهابيين كانه ساعد الامريكان بطريقة او اخرى لانجاح التغيير مثل اعضاء الصحوات اللي هواي منهم عدهم تزكيات حلوة من امريكان فاذا فكرنا بهالطريقة يعني كل الناس راح تستحق فيزة هجرة خاصة

اما من شفت قضية الاخ كومار فبصراحة تفاجات وتعجبت وارتاحيت نفسيا لانه عبر ال COM رغم كونه ممشتغل وية الامريكان بس الاخ كومار واصل لنبراسكا وبعد وراه ال NVC والمقابلة وانشاء الله يعبرهه بنجاح

فهسه عندك تلث خيارات
اما ان تنتضر اخونه كومار الى ان يستلم الفيزا وتقدمله اس اي في بس بهالاثناء انته ما خسران شي اذا تقدم اي او ام بنفس الوقت
او ان تكنسل ال اس اي في وتبقه عال اي او ام
او ان تقدم على ثنينهم من هسه

واني اشجع عالاول
واعذرني من التقصير

untitled.man · « **رد #657 في:** 08:15 13/05/2009 »

احبائي في ركن الـSIV
اشكر كل شخص بيكم باركلي... واني بدوري اتمنالكم:
مقابلات هينة (قنصل مطفي)،
انتظار قليل (بحر ضلمات ساكية صغيرونة)،
سفر قريب (طيارة ايرباص الجديدة ما اعرف شكد رقمهه يمكن A380)

حبي شبح بغداد...
الكلام اللي كاله الاخ كمر عين العقل، وهو بالضبط اللي صار ويايه بس بغير صيغة...
الشركات ما ينطون للعراقين عقد عمل علمود مايصير ورقة ضغط عليهم من الجانبين، الحكومة الامريكية من جهة والشخص او الموظف العراقي من جهة ثانية... الحكومة تتطالبهه بالضرائب والضمان... والخ من المتطلبات مالتهم... والموظف العراقي اللي مفتح باللبن يطالبهم بالضمان الصحي وبنظام الفوائد... والخ، فلذلك ما يفتحون هيج باب عليهم، واذا كلش العلاقة زينه ويه المدير او الشركة... اكثر من الرساله اللي كتبهه الاخ كمر ما يحصل...
وهم اكو فقرة ثانية اللي ما تفوت على جماعتنه العراقيين واللي سووهه ومشت والجوازات مفيزة واللي هي:
مثل ما اخذ ركومنديشن من الضباط يحاول على معرفته انه يحصل ريكومنديشن ثاني بنفس التفاصيل (مدة العمل من والى، التهديد، المعرفة الشخصية الكاملة... الخ) بس من ضابط ما ماخذ منه ريكومنديشين سابق ويدزه على انه هو الـ HR وطبعا راح تستغرب من هي العملية، بس أئكدلك انه هذي عملية صايرة كدامي وويه اكثر من شخص ولسبب بسيط، وهو انه اذا يقره الايميل اللي طالبين بي رسالة التوظيف رايح يشوف انه اكو ملاحظة: الشخص اللي يكتب رسالة التوظيف يجب ان لا يكون نفس الشخص اللي كاتب الريكومنديشين...
هذا الكلام مثل ما كتلك واقع واني حاضر بي...

تحياتي

vincenzo · « **رد #658 في:** 11:56 13/05/2009 »

بس اخوية الزلمه هذا احجي مو منطقي مع احتراماتي لرايك
لان بهالحالة راح ينفتح باب المحسوبية والرشوة ويكدر اي واحد يورقلة لظابط ويسويهه اله وما اعتقد همه يوافقون على هيجي شي وانما عدهم قائمة باسماء الاعمال والشركات اللي ممكن متعاقديها او سب-متعاقديها ممكن ان يقدمون عالهجرة الخاصة
هي مو كوترة يا عيني
والدليل انه احنة هم sub-contractors بس الشركة مالتنة عدهة فورمة خاصة لهذا الغرض يسموهه اثبات التوضيف او employment verification وبيهه مو بس انه الواحد اشتغل وياهم والفترة وانما الموقف الامني بال screening او المقابلة الامنية وما اعتقد انه اللي ما مسوي من هالمقابلات اثناء توضيفة ينقبل هجرة خاصة
لعد ليش سموهه خاصة
بعد اكو شي... قبل ما اجيب هذه الورقة من شركتي راسلت السفارة على ايميل التقديم وسالتهم هل انه هاي الشركه تنطي الورقة لو احتمال يعندون
فجاوبوني اذا ما انطوك وانته فعلا مشتغل عدهم فما معناه راح انطيحلك حضهم ههههههههههه

ولو هذا الحجي ممكن جان هسه اني فوك النخل لان اكدر اهمل ورقة الشركه وادز على اي تزكيات او اثباتات عمل من رتب الظباط اللي تعجبك من اميركا على العلاقات اللي عندي وبدون مبالغة

untitled.man · « **رد #659 في:** 12:38 13/05/2009 »

صديقي فنجوز...
كلامك على عيني وراسي...
بس انت على سبيل الفرض دتشتغل ويه شركة وعندك الريكومنديشن من السوبرفايزر مالتك والشركة كالتلك بالحرف:
انت ما محسوب موظف رسمي بالشركة، فلذلك ما عندك HR ... وكتهه شلون؟؟؟
اكيد انت ما راح تروح على ضابط بالجيش يسويلك وحدة، او صديق قديم بغير شركة انت مشتغل بيهه قبل تطلب منه يسويلك وحدة (شجاب الدولمة ع الجلاق... ولو اكو بيناتهم علاقة)...
راح تدور على شخص ثاني بنفس الشركة اللي انت بيهه حاليا وتطلب منه يسويلك ريكومنديشن ثاني وتدزهه على انه هذي الورقة المفقودة... والي ديكتبلك هذي الاسطر شايفهه بعينه وجماعته قسم استلموا الفيزا وقسم بعدهم مطوفيين... بعد اكثر من هاي... (راح ينعلسون الجماعة يمعود)

تحياتي

untitled.man · « **رد #660 في:** 12:51 13/05/2009 »

مقتبس من: ابو العباس في 23:41 12/05/2009

مبروووووووك untitled.man
ويارب السفر القريب والموفقيه وتحقيق الاماني ....
بس عندي سؤالين حبي اذا ماكو زحمه
اول شىء شنو كان جوابك من سألك اذا عندك جواز ثاني او قديم ....
ثاني شىء هاي الفقرة مال رح اندزلك ايملي بيه تفاصيل الاستلام شنو هذا فد اجراء جديد؟؟
لان اني مسامع من الاخوة انه كايليلهم هيجي شىء...
تحياتي حبيبي وشكرا جزيلا مقدما...
الموفقيه والنجاح بحياتك وردة...

اخوية ابو العباس...
اشكرك على كلامك الطيب...
بالنسبة لاسئلتك مثل ما كتبت للاخ ماجلان، همه يريدون يعرفون اذا عندك لو لا، واذا عندك تواريخ الاصدار والنفاذ فقط...
اما هذي الورقة... فاتصور مثل ما كلت يجوز اجراء جديد وما بيهه اي شي غير الحجي اللي مكتوب بيهه والايميل اللي هو نفس الايميل اللي تدز عليه من تريد تطب اسكورت للسفارة: BaghdadIVAccess@state.gov
وانشالله باقرب فرصة راح اخليلك الرابط مالتهه

تحياتي

untitled.man · « **رد #661 في:** 13:07 13/05/2009 »

اعزائي...
komar
ahmed.khalid_87
Iron_man
ayoka
Anthony Carmelo
BaghdadGhost
ابو العباس
البصير
NOOR 2

الف تحية وتقدير وشكر على مشاعركم الطيبة...
اتمنالكم الموفقية دائما... وانشالله تهون عليكم باسرع وقت

تحياتي

komar · « **رد #662 في:** 14:10 13/05/2009 »

حبي (untitled.man ) الف شكر وتوصل انشاء الله بالسلامة

هسة دورك فنجنزو , عيني انت من اشتغلت وية الشركة وقعت عقد وياهم بي ضمان صحي وعدة نقاط تضمن حقك وحق الشركة , اذا انت موقع هيجي عقد وية الشركة هذا بحث اخر بس اذا انت مثل كل العراقيين الي اشتغلوا وية الشركات الامريكية خلك ورقة وحدة او اثنين بيهة راتب ومعلومات عنك , يعني مو مثل العقد الاصلي مال الشركة لأن اولا كل موظف متعين بشركة اجنبية بالعراق يكون عندة رخصة عمل الشركة تنطيهة , مثل هسة اذا رحت امريكا لح يطلعولك رخصة عمل من الحكومة , وبما معناه انو الشركة الي انت كنت بيهة عدهة اسمك ومعلوماتك بس يشغلوك كمقاول ثانوي لنهم اذا عينوك كموظف عدهم لح دائرة العمل الي بأمريكا تلزمهم بدفع ضرايب عنك , فلهذا جنة احنة نسمة (local) وهمة (اكسبات) والي مو امريكي يسمو (TCN) يعني (ثيرد كانتري ناشنل) يعني بلدان العالم الثالث وهذا الشي اني دكيت علية لأن مثل ما ذكرت سابقا اني عندي جنسية ثانية بالاضافة للعراقي وشفتة للعقد الاصلي مالتهم يمكن بي فد 40 ورقة ويخبل وبي ضمانات اتخبل , مو مثل مالتنة مال العراقيين يعني من يكلك (بللة واشرب الماء مالتة) مجان يكذب وعلى العموم اني انصح شبح بغداد يكلة للولد صاحبة انو يطلب ورقة من الاجانب الي مشتغل وياهم يثبتون بيهة انو اشتغل سنة وياهم وهذا كل الي يكدر ينطي ويتوكل على رب العالمين ويدزهة وانشاء الله خير .....

اخوكم كومار

BaghdadGhost · « **رد #663 في:** 17:08 13/05/2009 »

اخواني رفعه الراس .....

اشكركم كلكم بدون استثناء و اسف عالتاخر بالمشاركة ولكن النقاش جان كلش حلو و بدوري راح اضيف التالي :

اخوان .... برنامج ال SIV الجديد يشمل فئتين من العراقيين ..... المترجمين الي مع الجيش .... و الموضفين في الشركات الي عدهه ارتباطات مع الحكومة الامريكية ....

بالنسبة للمترجمين ..... تاكيد العمل يكون من شركة ال جي ال اس .....

اما بالنسبة للموضفين ... فالتاكيد يكون من ال HR التابع للشركة ......

يعني كلام الزلمة البلية اسم و كمر صحيح لانهم شركات .... و كلام فنجز هم صحيح لانه مترجم مع الجيش الامريكي .....

الشغلة الثانيه الي اريد انوه الها بان مو شرط يكون تاكيد العمل ورقة ..... و هذا بناءا على تعليماتهم .... يمكن ان يكون ايميل من قسم ال HR الخاص بالشركة و يجب ان يشمل الامور الثلاثة الي مريودة و هي اسم الشخص ... العنوان الوضيفي .... و تاريخ الخدمه .....

بالنسبة لصاحبي حمودي ..... هو نظريا يعمل متعاقد مع مفوضية الانتخابات ..... و يستلم الاجر الشهري منهم .... ولكن عمليا هو كل ارتباطه و عمله مع القوات الامريكية .....
و بناءا على المداخلة المهمه الي ذكرها اخي كمر و التوضيح ..... اني قررت التالي .....

ان يقوم حمودي (صاحبي) بالاستعانه باحد الضباط من الجيش الامريكي و التوجه الى ال HR التابع للمفوضية و طلب كتابه تاكيد العمل و ادراج معلومات و توقيع الضابط بعد توقيع الموضف ....... حته نتجاوز اي التباس مستقبلا يوم المقابلة لان اذا افترضنا بان حمودي كدر يحصل هيج ورقة من الجانب الامريكي ... يوم المقابلة راح يسالو شنو الشركة الي تشتغل بيهه ... و الجواب راح يكون مناقض للاوراق المقدمه الهم ......

اون ذي اوذر هاند .... اذا جاب اثبات خدمه فقط من الجانب العراقي .... مراح يكون بنفس المصداقية و الاهليه للشمول بالبرنامج ..... ولكن من يوقع عليه الامريكي راح تختلف المساله ..... طبعا هذا الاقتراح هو اجتهاد مني ... لان اني شفت هذا الشي يمكن قبوله بالنسبة لشغله الركمنديشن وليس تاكيد العمل ..... يعني من ضمن تعليمات التقديم ... الركمنديشن لازم تكون من شخص امريكي او مسؤؤل الشركة العراقي ولن يجب ان تشمل توقيع و مصادقة الامريكي على مضمونها ......

بعد الي كتبته شنو رايكم ؟؟؟؟؟ نتوكل على الله ؟؟؟

سيف المشهداني · « **رد #664 في:** 17:08 13/05/2009 »

اشلونكم يا طيبيين
الحمد لله والشكر اليوم استلمت التاشيره والجوازات من السفاره في بيروت والبكج ومده التاشيره هيه 6 اشهر والحمد لله وان شاء الله هذه الايام سوف احجز واسافر الى نيويورك نووور لا تتفاجا نعم اخي لان اهلي راح يرجعون لنيويورك لعده اسباب ومنها ان شغل الوالد\ توقف بلوقت الحالي على العموم سوف ارفدكم باي تفاصيل جديده ان شاء الله و واني ما مقدم من البادايه على المساعدات لاسباب شخصيه المهم شكرا لكم جميعا وساكون معكم دوما ودائما ان شاء الله

ابارك والف مبروك حبيبيuntitled.man على تسهيل مقابلتك وياربي تستلم التاشيره وتسافر باسرع وقت

بخصوص قضيه صديق شبح بغداد الغالي
اني باعتقادي انه يقدر يقدم ليش
اولا هو مترجم يعني ساعد الامريكان ومو مهم اي شركه او اي منضمه قامت بتوضيفه اقول له قدم على الsiv وانته ما خسران شي واخذ العقد مالت من ال
hr العراقي طبعا واخذ شهاده او ركمندشن من الضابط الامريكي او الوحده وابعثها وان شاء الله خير

اخوكم سيف من بيروت

ماجلان · « **رد #665 في:** 18:32 13/05/2009 »

ماجلان · « **رد #666 في:** 18:59 13/05/2009 »

suzie83 · « **رد #667 في:** 19:17 13/05/2009 »

زين بهاي الحالة اخ ماجلان .. هو مطلوب مو ريكمدنيشن .. وانما Employment Verification يصير نفس الحال لو لا ؟؟؟ شنو رأيك؟

BaghdadGhost · « **رد #668 في:** 19:48 13/05/2009 »

اخي سيوفي و الاخ ماجلان و الاخت سوزي .....

جزيل الشكر لاهتمامكم بالموضوع وربي يوفقكم ... اخي ماجلان كلام اختي سوزي صحيح يعني اني ذكرت هذا الشي بارد مالتي ...... بالسطرين الاخيرة ... ذكرت بان اعرف هذا الشي يصير من جاي نسولف على الركمنديشن ..... ولكن هل هذا المقترح يرهم على الامبلويمنت فرفكيشن ؟؟؟ لذلك اني كلت هو اجتهاد مني .....

اشكركم مرة ثانيه للمرور و تقديم المساعدة .......

ماجلان · « **رد #669 في:** 19:51 13/05/2009 »

ماجلان · « **رد #670 في:** 19:56 13/05/2009 »

suzie83 · « **رد #671 في:** 20:22 13/05/2009 »

اخوية ماجلان .. قصدي انه يصير على امبوليمنت فيرفكيشن؟؟؟ انه الطرف العراقي والطرف الاميركي يوقعون على امبوليمنت فيرفكيشن ؟؟ نفس حالة الريكمنديشن ؟؟؟

BaghdadGhost · « **رد #672 في:** 20:33 13/05/2009 »

حبيبي ماجلان ......

والله الصراحه احنه لحد الان مراسين على بر ....... ان شاء الله يصير خير .... بس اني كلت بلكي واحد من الاخوة يعرف حاله مشابهه ...... بس لحد الان ماكو ...

حبي بوجودك و وجود الاخوة هذا الموضوع مال ارشيف يبقى منور و ان شاء الله يبقى بالصدارة

ماجلان · « **رد #673 في:** 20:58 13/05/2009 »

suzie83 · « **رد #674 في:** 21:21 13/05/2009 »

اخ ماجلان اني اخت والله مو مكتوب سوزي ؟؟؟ ههههههههههههههه شلون اطلع اخ يمعودين راح انجلط

komar · « **رد #675 في:** 22:31 13/05/2009 »

اعزائي فلذات اكبادي , اصلا اي مشكلة ماكو بالنسبة لصديق شبح بغداد لأن اني مثل ما ذكرت شغلة رسالة تأكيد العمل هو مو بس بالنسبة للراتب هو ايضا يعتمد على رسالة الامريكي الي مشتغل ويا ويكول بيهة هو اشتغل بهاية المنظمة الي تابعة النة ومدام همة اصلا جانوا الممولين لهاي المنظمة اذا لح تطلع يم السفارة الامريكية بأنو همة مسأوليين عن هاية المنظمة ومابيهة اي مشكلة ومثل ماكال اخوية شبح بغداد اتوكل على الله واحسن ميتخوف خلي هو يشرح للامريكي الي هو محتاجة يعني تأكيد العمل واني متأكد بأنو اي مشكلة انشاء الله متصير واذا هو كدر يدبر الرسالة من امريكي الي يذكر بيهة انو ميمثل اي خطر على الولايات المتحدة اذا الرسالة مال تأكيد العمل تكون انشاء الله سهلة وهو حلهة يم الامريكي لأنه همة ميخاذون بس بحجية وانشاء الله ميصير اي مغالطة بالموضوع بأنو ياخذ راتبة من العراقيين وهو اصلا كلنة هيجي وهمة يعرفون الموضوع كلش زين وترة حتة المالكي لو يطلب تأكيد عمل لح ينطوا الامريكان على اساس هو مشتغل وياهم , فأتوكل على الله وخلي ياخذهة من الامريكان وانشاء الله ميصير اي مغالطة ...

اخوكم كومااااااااار يمعودين مو كمر .....

BaghdadGhost · « **رد #676 في:** 22:53 13/05/2009 »

اخواني الاعزاء .....الاخ ماجلان و الاخ كومااااااااااااار .... هههههه

يمكن فاتتكم شغله رايسة بالموضوع ......

الولد صاحبي يشتغل باجور يعني عقد مو موضف بمفوضية الانتخابات .... و الي هي عراقية التمويل مو امريكية ..... بس الامريكان دورهم هو دعم مادي غير مباشر و دعم معنوي مباشر ....

صديقي ينطبق عليه المثل الي يكول ..... اسمك بالحصاد و منجلك مكسور .... يعني هو بس بالاسم ويه مفوضية الانتخابات .... لان عملة و ارتباطه كله مع الامريكان .....

هذا و لكم الامر ......

suzie83 · « **رد #677 في:** 23:04 13/05/2009 »

يمعود كومااار احمد الله واشكره مو زين يصيحولك كمر... الويل عليه اني يكولون اخ سوزي ..يبووو هههههههههههههههههه انت بنعمة ما تعرف قيمتها الا اني بالضيم ههههههههههههه

تحياتي لكل اخواني بالمنتدى ..

vincenzo · « **رد #678 في:** 23:26 13/05/2009 »

هاي شنو منك اخوية ماجلان
يعني لتخليني اتذكر الباجلة ههههههههههه
يعني بشرفك هو اكو ولد اسمه سوزي هههههههههههههههه

مبروك لاخونه سيف عالفيزا
بس لو ياكدنا موضوع الست اشهر لان غريبة
واحنه نعرف انه هو عالجديد
يجوز بلبنان غير شكل
لو احتمال كل تحليلاتنه السابقة غلط
وهو بالحقيقة غير سبب تماما
مثلا كون الواحد ما رايد مساعدات ؟؟؟
شتكولون

komar · « **رد #679 في:** 23:43 13/05/2009 »

هاي شلة شلونكم , حبي فنجنزو هيجي يحجي الولد الي اسمة سوزي ,
وبالنسبة لأختي سوزي ترة اني هم سوني اخت كمر وما ادري شنو وكاموا يدورولي عريس بس همزين اتلحمتهم بالنهاية الحمد لله وافتهموا السالفة بس على العموم فاتت سلامات و شكرا ...

وبالنسبة لشبح بغداد الورد ,الولد صديقك اعتقد بهاية الحالة بس يكدر يقدم على الاس اي في مال العراق وينقبل بالديوانية , يعني هسة ما لكة خطية الة هذا الشغل وية الامريكان , عمي الله يساعدة وانشاء الله تنحل قضيتة بس يلكالة ابن حلال امريكي ويساعدة بهذا الموضوع وانشاء الله خير .....

suzie83 · « **رد #680 في:** 23:47 13/05/2009 »

هههههههههههههههه شكرااا فجنزوو رفعت روحي المعنوية ...

بس شنو قضية الباجلة ؟؟ صار عندي فضوللل .. شننوووو ؟؟ههههههههههههه

دوروا لك على عريسسس ههههههههههههههههههه حلوة هاي

همزين عدت سلامات ....

vincenzo · « **رد #681 في:** 23:52 13/05/2009 »

بالنسبة للموضوع اللي تناقشنة بيه اكثر من اللازم وهو مبين
اخوان اني مو داحجي من منطلق عمل مع الجيش لان اني مشتغل وية المدنيين والعسكر

واللي اتفضلوا بيه الاخوان من انه مشت امورهم بدون اثبات توضيف من وحدة الافراد بالشركه فراح اكلكم التالي: (وارجو ان تراجعون ردي الاخير لان منطقي ولو بيه فلسفة زايده بس صدكوني هيه هاي طريقتهم بال JUDJEMENT)

1- اخواني انتو اشتغلتو مع الامريكان وصدكوني حتى اذا مدزيتو ورقة الاثبات من الافراد فهمه راح يتصلون بالشركة ويتاكدون واحتمال وما اتمناه لاي واحد ان يطنكرون عليه بال ان في سي او بالمقابلة او حتى بنبراسكا اذا الشركة خبثت فخلي لا نكون عاطفيين
بينما الاخ اصلا ميشتغل عند الامريكان
هيه كوه
يعني هسه اني اكدر اجيب اثبات توضيف من احدى الجامعات العراقية مثلا اللي اني مشتغل وياهه اكثر من سنه وعندي اصدقاء امريكان ممكن امون عليهم ويقعونهه الية مع اني فرضا ممكمل سنه ويه الامريكان وبهالحالة استحق اس اي في علما ان عمل المكتب الاستشاري لهذه الجامعه كان مع الامريكان احيانا لان همه موجودين بكل مرافق الحياة بالعراق واني اللي جنت اترجملهم من السايد العراقي مووووووووووو؟؟؟؟؟؟؟

2- ويه الجيش اني قريت العقد بالتفصيل قبل ما اوقعه مع انه كان مدري شكم ورقة من الخوف لان من ضمن الاسالة كان منو يستلم تعويض في حالة ان متت اثناء العمل وهو سؤال مرعب خلاني اقره كلشي وكلاشي وفهمت مته انه احنه هم Subcontractor بس بنفس الوقت اذا تعرضنه للاصابة همه يحيرون بينه واذا تمرضنا هم همه يحيرون بينا وصارت وياية كم مره
المهم مو هذا موضوعنا
اتذكروا انه كلتلكم ان السفارة جاوبتني على سؤالي بان الشركه ملزمه بان تعطيني ال employment verification وغصبا عليهم وعالخلفوهم لان هي شركه امريكية واذا ما نطونياها انه لازم اراسل السفارة وهمه ينطوني شسوي وراهه والظاهر الخيار الثاني هو انهم (السفاره) حيرزلون الشركة ويطلبون مني تزكية من ظابط بس هم يرجعون يتصلون بالشركه وراح يكولولهم هذولة ظابطين وبرتب حلوة شنو ديكذبون؟؟؟؟

3- اعتقد كلكم راح تايدون كلامي مو بس الاخ اس اي في والاخت سوزي لان مبين مثل الشمس
انتايتلدمان وكومار وسيف وهواي اصدقائنا هنا كانوا يشتغلون مع شركات امريكية او عراقية ماخذة عقود مباشرة من شركه امريكية
بينما صديق علاوي متعاقد مع هيئه عراقية تابعة لامانة مجلس الوزراء
هاي وين وذيج وين
للعلم كان اكو ظباط بالجيش العراقي وضيفتهم ترجمة من الطرف العراقي مثل ما اكو مترجمين عراقيين مع الجيش الامريكي
فانتو شتكولون معقولة الطرفين الهم اس اي في
يعني هذا ظابط عراقي وما معرض للخطر وما عنده سكرييننك
وعلى ذكر السكرييننك ما اعتقد اللي ما مسوي سكريننك لمدة سنة وناجح بيه يستحق اس اي في

4- كل كلامي لا يعني ان الولد المفروض يحط ايده على خده ويكعد وانما لازم يقدم اس اي في و اي او ام بس اشك انه راح تمشي اموره مع الاس اي في بينما اتوقع انه اموره كلش اوكي ويه الاي او ام

suzie83 · « **رد #682 في:** 23:58 13/05/2009 »

عمي كوماار على كيفك على صديق شبح .. هههههههههههههه ليش هيجي تحط معنوياته الولد متفائل خيررر ... جبحته بديوانية ليشششش على الاقل دهووك هههههههههههه هم ارحم

vincenzo · « **رد #683 في:** 00:00 14/05/2009 »

اصدقائي كمار والشبح
شنو انتو متتابعون اخبار ؟؟؟
منو كال مفوضية الانتخابات العراقية ممولة من دافع الضرائب الامريكي ؟؟؟

صديقي كومار احجي عن نفسك ولتكول كلنه هيج
واتمنى ان تمشي امورك
لان اني اشوف حالتك غريبة بصراحة كونك كنت تستلم راتب من الحكومة العراقية
ومقدم اس اي في وعبرت مرحلة الكوم
واحيي شجاعتك انه سولفتلنه هنا هيجي شغلات
لان بهالحالة نطيتنا معلومات عنيفة عن شكد واسع هالبرنامج
واني راح اطشهه واخلي نص الشعب العراقي يقدم اس اي في
ههههههههههههههههههههههه

بالتوفيق
احتراماتي

SIVandIOM · « **رد #684 في:** 00:04 14/05/2009 »

اكللهم ثور يكولولي حلبه...يمعودين ثـــــــــــــــــــــــــــــــــور يكولولي هسه دحاول بلكت تحلبه!!!

يا ولد (وبنات) شتريدون تنصحون الولد انصحوه....بس وياهه ضيفوا شغله صغيرة كلتهه من البداية ولوجه الله...خلي يقدم على الاي او ام...سواء ضيع وقته وقدم على الاس اي في او لا...اللهم اني بلغت ...اللهم فأشهد...

تحياتي

komar · « **رد #685 في:** 00:06 14/05/2009 »

شكرا اخوية فنجنزو وحيل ممنون ....

BaghdadGhost · « **رد #686 في:** 00:18 14/05/2009 »

اخواني اني هواي اشكركم ......

بس خلي اوضح شي .... هو بالركمنديشن مالته الي كتبلهيا الامريكي ... كاتبلة بانه هو يعمل مع مفوضية الانتخابات ...... هاي وحدة و ثاني شي هو من قدم للسفارة ,, قدم الباجات مالته همين و الي من ضمنهن مال المفوضية ..... يعني هو لو ممقبول بالشغلة جان اصلا رفضو و كالولة يابه فيزتك للديوانيه على كوله اخوية كوماااااااااار ...... خلي تعلك هسه و يجوز من صدك راح ينشمل نص الشعب العراقي بالشغلة

حبي SIVandIOM ..... اني اكيد راح اخذ بنصيحتك و اخل الولد يقدم عال اي او ام ...... و تسلم يا وردة .....

suzie83 · « **رد #687 في:** 00:28 14/05/2009 »

رحمة الله والديك اخوية شبوحي .ههههههههههههههه علكتها على المسكين .. لا جمالة يكلو خليها تعلك ههههههههههههه يا عيني عليك شكددددد نييييتك صافية ههههههههههههههههه

komar · « **رد #688 في:** 00:40 14/05/2009 »

اخوية شبح بغداد هو خلي يتوكل على الله ومثل ما كلت خلي يقدم على الاس اي في والاي او ام وهية تصفة لأن اكيد لح ينقبل على وحدة من عدهن والحمد لله هسة الاس اي في مثل مدشوف ديساهلون بي هواية فخلي يقدم وانشاء الله يخلص مدام عندة ركمنديشنات وباجات وانشاء الله خير ...

وبالنسبة لأخوية فنجنزو اني ترة مجبت طاري الحكومة العراقية ابد ولا كلت اني استلم منهم الراتب وأصلا اني حتة مترجم وية الجيش اشتغلت يعني من 2003 لحد 2007 مشتغل وية عدة شركات وجهات تابعين للحكومة الامريكية يعني عميل ركن صاير , وبقت انت بكيفك حبي تريد اطشهة اخذ راحتك بس هم شوية طول خلك وياية ترة اني هم بعد عندي هواية معلومات بالمستقبل واتمنة اساعد كل الشعب العراقي مو بس نصفة ....

vincenzo · « **رد #689 في:** 00:45 14/05/2009 »

غير تكول صديقك اصلا مقدم يا عيني ؟؟؟؟؟؟؟؟؟؟؟؟؟؟؟؟؟؟؟
زين من يا يوم؟؟؟؟؟؟؟؟؟؟؟؟؟
حتى نعرف اذا خوش فترة وما اجاه denial يهلهل يعني صدك بشارة قوية
واللا اخلي كل خالاتي يقدمن اس اي في ههههههههههههههههههههههههه

اخ سوزي انته شنو مقيم بهاي الصفحه
ههههههههههه
شو قبل منفكر برد نلكه ردك الكله ضحك عالعالم
وارجع واكول بس لا تسولي مشكله
ههههههههههههههههه

اتشاقه وياج وحياج الله يا بطلة

بس كلهه كوم ومال الثور اليريدون يحلبوه هاي قوية منك اس اي في
هههههههه
اخبار السفر؟؟؟؟

vincenzo · « **رد #690 في:** 01:26 14/05/2009 »

صديقي كومار انته هيجي كلت:

وانشاء الله ميصير اي مغالطة بالموضوع بأنو ياخذ راتبة من العراقيين وهو اصلا كلنة هيجي وهمة يعرفون الموضوع كلش زين

komar · « **رد #691 في:** 01:34 14/05/2009 »

اخوية فنجنزو انشاء الله خير , بس هسة هم مكلتلي منو هذا الي بالصورة ؟؟؟؟؟

vincenzo · « **رد #692 في:** 02:29 14/05/2009 »

هههههههههههههههه
يعني بشرفك انته مقدم اس اي في
وكريزو متعرفه ههههه
وبهالمناسبة راح ارجعلك عالابوذية اللي تكول

ابي ابي ماذا تريد يا ولد
لم لا اعمل في الاطفاء
هذا عمل فيه عناء

BaghdadGhost · « **رد #693 في:** 02:53 14/05/2009 »

الاخت سوزي و الاخ فنجز و الاخ كومار ......

شكرا لمداخلاتكم و اني ان شاء الله راح اخليكم على علم بمستجدات الموضوع و اي شي يصير مستقبلا و محد متطرقله من قبل .....

SIVandIOM · « **رد #694 في:** 09:43 14/05/2009 »

حبي فنسنزو ... اخباري هب بياض و سنطه وكلشي ماكو لحد الان والله الموفق.

ماجلان · « **رد #695 في:** 10:29 14/05/2009 »

suzie83 · « **رد #696 في:** 10:33 14/05/2009 »

عمي فجنزوو..بقى بطلة ... بقى دينا سويتني جطلة يمعود ههههههه ..اعرف بيك تتشاقى فجنززو عادي ..الحياة كلها تحشيشش بس مرات اني هم اربط الفيشة ..وابطل تحشيشش ههههههههه

بس هو خطية حالته كلشش مصتعصية ... ورهيبة .. ادعوله بلكي الله يوفقه وتصير قضيته

اعرف بيه .. كريسووو ...كارتوني المفضلللل جددددداا ... لانه اني اشبه كريسو من اغنث احرك الاول والتالي

دير بالك فجنززوو ههههههههههههههههه

untitled.man · « **رد #697 في:** 11:55 14/05/2009 »

اخي ابو العباس.. والاخوة الاعزاء في ركن الـSIV

هذي نسخة من الورقة اللي انطونياها بنهاية المقابلة...

تحياتي

سيف المشهداني · « **رد #698 في:** 13:12 14/05/2009 »

اشلونكم يا حلوووووين اعتقد مدوخكم شغله صديق العزيز شبوحه بس اني على يقين انو يكدر يقدم ويسافر وهم الممنونيين منه لانه ساعد الامريكان في عملهم مع الحكومه العراقيه المهم اني الحمد لله اليوم حجزت على طيران عاليه الملكي يعني الاردنيه لان احنه عراقيين مايصير غير شركه تاخدنا بس اما الاردنيه او التركيه والله يسهل امر جميع الي ينتضرون وبالي يم اخونا نووور وينك اشو سنطه اني ببيروت وكل يوم اكتب رد انته وينك حبيبي بالي يمك ربي يسهل كل امورك يارب وامور الجميع وملتقانا الستيس ان شاء الله

komar · « **رد #699 في:** 13:20 14/05/2009 »

مبروك حبي سيف , وانشاء الله توصلون بالسلامة انت واخوية نور

الأخبار:

المحرر موضوع: ارشيف لمعاملات ال SIV و اخر الاخبار و نماذج للمقابلات و اساله و اجوبة حول الكيس..SIV Times (زيارة 319974 مرات)