تحياتي اولا لكل اعضائنا الغاليين,,,
اليوم اكتبلكم عن برامج موجودة في المجتمع الامريكي ومدعومة كاملا من قبل الحكومة,,
1- برنامج التقاعدssi (وهو مخصص لكبار السن من 65 عاما,, والمريض جسديا او عقليا او عاهة وهنا المريض حتى لو كان طفلا امراة وبأي عمر اوجنسية او عرق يعني وصلت للولايات المتحدة بشكل قانوني وتعاني من اي حالة من المذكورة تروح تقدم على التقاعد ومقدار هذا التقاعد من 550 دولار شهريا الى 700دولارواذا كانوا زوج وزوجته كبار السن ومستحقين تقاعد فأكوا فقرة تكول ياخذون اثنينهم 900دولار شهريا (يعني 450لكل واحد).
2- التامين الصحي (المدكيت) وشرحناه سابقا هو نوعين ونحب نذكر انه للاطفال يبقى وردي ومينكطع عنهم الى ان يبلغو ال18 عاما وافضل فقرة بيه هو التلقيحات وطبعا هذه غالية جدا بلنسبة لغير اللاجئ.
3- الهاوسنك (سكشن
هو عبارة عن بيت او شقة انت تختارها والحكومة تدفعلك مايقارب نسبة95بلمية من الايجار والباقي انت تكمله مثلا اذا الايجار 700انت عليك بس 100 وهكذا ويحقلك لما تحصل على الهاوسنك ان تنتقل بيه باي ولاية,,وهو تقريبا للكبار والمعوقين والارامل والمطلقات والام التي بدون زوج وطبعا نسبة القبول الغالبة للي عدها اطفال والهاوسنك قبل كان بسرعة تحصل عليه لأن كان لاجئيين وناس قليلة حاليا ديطول يالله تحصله يعني من سنة الى سنة ونص سابقا كان ب6اشهر لكن انت لما تقدم عليه توصلك رسالة منهم انه انت على قائمة الانتظار ومن يصير اسمك في اعلى القائمة تحصل عليه ,,وكذلك يوجد برنامج بيوت الهوم ليس (المشردين)وهذا كله تدفعه الحكومة ولا دولار يدفع من هؤلاءحتى الكهرباء والماء .
4- برنامج wic هذا برنامج لدعم الطفل من عمر ايام الى ان يكمل 5سنوات ويشمل حليب وبيض وعصير وجبن وسريال هذا بس تسجل الطفل ياخذون قطرة دم ويشوفون على اساسها جسمه شمحتاج وينطوك صكوك تصرفها على مدار الشهر بهذه المواد وكل 3 اشهر تراجعهم يجددون للطفل.
5- برامج كثيرة لدعم الحوامل من تلقيحات وعناية كاملة الى ان توصل للمرحلة الاخيرة فيجهزوها بجهاز للطفل حتى يضفون الفرحة على الام ونفسيتها.
6- برنامج الهيت(التدفئة) وهذا برنامج تسجل عليه شهر11من كل سنة وهو عبارة عن دعم للمواطن في فصل الشتاء واكيد فاتورته رح تصعد,, بعدها تستلم رسالة من الولاية بكمية المبلغ الي حددوه الك مثلا800دولار تنقسم بين تدفئة 400دولار وكهرباء400دولار وبهلحالة تكوم متدفع ولا سنت الى ان تخلص هاي الفلوس من رصيدك الي بلكهرباء والهيت يعني اذا اقتصدتوا تكفيكم فترة زينة وتشيل من كاهلكم ولو لأشهر.
طبعا هاي بولايتنا كلها موجودة (غير ولايات مموجودة اشياء مثلا بتكساس ماكوا سكشن 8 لأن يعتبروها ولاية غنية واقتصادها وناسها اغنياء)انشاءالله كلنا اغنياء,,,,,,,,,,,
وانشاء الله مااكون نسيت شيء وطبعا اني حضرت ندوة عن التقاعد وتفاصيله يعني انه كل الي ذكرته مارة بيه بحيث الكيس وركر من جنت اكلها على معلومة تكلي هاي شمدريج لأن ميردون الواحد يجيهم مفتح عينه بحيث من كتلها سجلي ابني ب الويك اتعجبت وبلفعل سجلته ,,واتمنى ان تستفادون من هيج معلومات لأن الولايات تختلف اختلافات بس اتصور اكوا اشياء موجودة بكلها,,مع تحياتي
