هنوني كل احبابي واصدقائي
مبروك صار الك وطن ثاني
وصدكت صار الي وطن ياخواني
وافرحت ونسية الاصل لحضاة وعنواني
ضليت الوب والوب ومابيه صدك حجي الناس
كلما افز اتذكر غربتي وارجع عراقي
غريبه هل الدنيه تبعثرنه وغيرت جوازي
ماضل بل الوطن بس غربه وحرمان اصدقائي
تبعثرت جنسياتك ياوطن اغراب كل انتمائاتي
كلمن تغرب بديره وصاح هذا الوطن الفاني
مابي لا طائفيه ولاموت بس بيه غربه اعزائي
ازهكت وقدمت كل وثائق وقدمت اوراقي
طلبت ارجع للوطن وارجع شهيد عراقي
وشضل بالعمر خلصته حرمان واشتياقي
احن والشوك دريته شكد مابعدنه يذكرني
وارجع احن للاصل غريب مضيافي
اخذ مني حزن وفراك وللوطن وديني
ابجي على الفرات البمايه رواني
واصيحا يادجله وينك ليش ماتنخاني
شكد مابعدوني عنك انت بل القلب باقي
وصيت طارش لو يمر يجيبلي من ميك الصافي
عطشان والغربه ماروتني
صرت طير مفارك وطن والغربه احزاني
اني ابن النهرين والعراق باسمي انكتب عنواني
مسيحي كلد واشور مايوم تخليت وللابد باقي
وغصبن على كل العواذل يبقه المسيحي عراقي
لو دكت اجراص الكنائس تذكرني وتذكر اشتياقي
عراق ومانبيعه وحزمتنه جانت رزمة تاخي
فرقونه وصارت ايران وشهرستان وعلان خواني
دويلات احتلال والمحافضات مابيه ضل عراقي
تعريب وتبعيه واجانب واغراب كلهم عليه
وين الوطن واسمه واعلامه البابليه
تعرفون الوان العلم هاي الوان بابليه
حته الله واكبر شالوه خاوه الحراميه
يخافون من ذكر الله لو يشوفون القتل يوميه
واعلام باحفادك ياعراق ملفوفه يوميه
خل يكتب التاريخ كل عبارته الورديه
واذا منقص حبر اكتب بدمايات عراقيه
شهداء وابرياء وموت يوميه
خل يكلون الوطن جنه ويعلون صوت الكراهيه
الوطن جنه نعم جنه مو النه جنه ايرانيه
بقلمي اكتب لكم من معتقداتي الشخصيه
ومن حرية الراي
الكاتب والملحن وسام بجوكا
من سنتياكو
