انتقادات حرة.......

[peacegirl]

انتقادات حرة


بعد التحية والسلام الى الجميع الاعضاء الورود بالمنتدى .
فكرنا بعد نقاش طويل بيننا نحن warda girl & peacegirl   بان نطرح عليكم هذا الموضوع .
طبعا يوجد الكثير من الاعضاء   يوافقونا الراءي  بان هذه  الزاوية  لم تعد مثل ما  كان الحال عليها  ان شئ ما قليل من التسلية و روح المرح ينقصها .
صحيح انه يوجد استراحة المنتديات لطرح المواضيع المسلية ولكن فكرنا بكثير من الاعضاء الذين لا يدخلون الى استراحة المنتديات لاسباب مختلفة...لذلك فكرنا ان ننشر هذا الموضوع في هذه الزاوية ونتمنى  طبعا من السيدة المديرة ام مريم و  الانسة لولي عدم نقل الموضوع الى اي زاوية او منبر من منابر عنكاوا كوم..

طبعا المشاركة مفتوحة لكل الاعضاء في هذا الموضوع وسوف نكون سعداء بمشاركة االجميع.

الموضوع هو عبارة عن اعطاء الراءي في المواضيع المطروحة في الزاوية بشكل مسلي يعني انتقاد الاعضاء, مثلا انتقادات مسلية بالاسامي المستعارة و ما شابه  وكل هذا على سبيل المثال.
الغاية من الفكرة هي التسلية ونشر روح المرح في الزاوية.
طبعا سوف تكون الانتقادات بحدود وبدون تجريح  لاءي عضو كان .  لاننا نريد ان نطرح شيء جديد و مسلي في نفس الوقت .
واكرر الموضوع للتسلية فقط لا غير.

رجاء خاص الى كل الاعضاء الذين لايريدون ان يطرح اسمائهم في الانتقادات ان يراسلونا ويعطونا راءيهم ونحن بدورنا سوف نحترم جميع الاراء.

وفي النهاية شكرا لكم

ونتمنى التفهم من المديرات العزيزات ومنكم يا اعضاء المنتدى.

مع تحيات
Peacegirl & wardagirl

[mimirita]

اخواتي  الاعزاء

اني  ارحب  بل  فكره  بس  اتمنى  ميكون  مثل  كل  مره  يعني لايطلع  الكلام  من  الموضوع  الاساسي  ويبدا  التجريح  والغلط  مع  الاسف  هذا  الي  دا  الاحضه  بكل  مره  ودا اضطر  ان  احذف  الموضوع   .

وشكرا  الكوم  واتمنى  ان  تكونو  افتهمتوني  وشكرا  على  الفكره  .

[warda girl]

شكرا اختي العزيزة ام مريم على تقبلج بالفكرة مالتنا واحنا هم قبل  نشرنا للموضوع فكرنا هواية وهمينا كلنا شلون اذا بدا اي واحد بالغلط. من هيج كلنا و كتبنا انه هاي الشغلة بس للترفيه لا اكثر ولا اقل يعني مالازم يكون بيها اي تجريح واحنا همينا ما نقبل بهيج شي.

وكلنا همينا بان الي ما يريد ينذكر اسمة يكول النا.
اذا صار اي شي لاسامح الله و صار الي صار احنا راح نطلب منج بان تمسحي الموضوع.

واعتقد بان كلنا اهنا نكدر نتحمل مسؤلية كلامنا.


وشكرا مرة ثانية

[Malka]

اود ان اعطي راى  واكيد  الائدارين  يحترمون هل الشى وهذا فد شى حلوا كلنا نحب الدمقراطية والراى اخر والمنتدى منوير بمواضيع الاعضاء .....

الاعزاء قبل فترة كتب موضوع  عن هل اشياء  واكثرية صوت  على ان المواضيع المسلية ليس مكانها هنا ونريد ان يكون هذه الزاوية زاوية متعلقة بشباب و مشاكل الشباب التى نعيشها فى هذا الزمن ولا ارى اي تخلف بنشر المواضيع المسلية في الاستراحة  ةان تكون هذه الزاوية جدية  وان نحاول ان نساعد بعضنا بعض بمواضيع المهمة وان نستفاد من بعضنا وطبعا هذا راى  واتمنى كل عضو ان يقول صوته بكل جدية وان يكون دمقراطي ...   واتمنى من الكل المشاركة وهذا  لي مصلحة الزاوية  شكراااا   لكم

[peacegirl]

في البداية اشكرج ميميريتا على الرد وطبعا مثل ما كالت وردة فكرنا هواية بهل شي ولهذا طرحنا عليكم قبل ما نبداء بالموضوع .

اما بالنسبة الى الاخ مالكا شكرا على ردك الصريح واحنا هم اكيد نريد مصلحة الزاوية احنا بس ردنا نسوي فت تغيير خفيف و ردنا اراءكم واحنا نحترم راءي اي عضو واني اشكرك مرة ثانية على هذه المشاركة

[warda girl]

شكرا الك اخونا العزيز ملكا على الرأي مالتك الي احترمة هواية

اني هم اتمنى من الاعضاء ان ينطونا رأييهم بصراحة و ان يكونون دمقراطيين مثل ما كلت حضرتك.

وشكرا الك مرة ثانية

[Sermed]

مساء الخير خاثي حمامه السلام peacegirl وجنبده الفتيات wardagirl

طبعا مثل ما تعرفون اني مكرك بلاستراحه وصارلي زمان ما مشارك هنا لسببين الاول شايب والثاني مو جدي

بس اني هم اعتقد تره الانتقادات للاسماء او الموضيع ....حيسبب احراج ...
لكن يله اني شعليه  خلي ....قبل متلاص .....

بلنسبه للاسماء ....وبدون ذكر اسم من لكن مثل
دخل احد الاعضاء الجدد وكتب اسمه
اول حرفين من اسم سيارته ومواليدها و ااخر حرفين من سياره جيرانه ومواليدها  ....
زين دخت اشلون اصيحله من اريد اردد اسمه... اكوله  خوني كخ79بح74 ؟؟
بس اعتقد كان خطا ...لان استعمل الاسم بدل الباسورد ،والباسورد بدل الاسم
يا ناس ارحمونا من تختارون الاسم ...لان اكو وراكم ناس حتصيحلكوم بيه فلا تحرجونا


بلنسبه لمواضيع ....كتب احد الاعضاء المخضرمين موضوع بعنوان
... بهذليني ولكن احبك...
 حبيبتي امسحي بيه الكاع
طمسيني بل الطين ،مرغليني بل التراب  ،ولكن احبك
ذبيني من السطح
دوسي عليه بل السياره
جريني من شعري وسحليني بل الشوارع ، لكن احبك

طبعا البنات كلهم كتبوله ...عاشت ايدك على المشاعر الرائعه والتضحيه الجميله وفي انتضار المزيد
؟؟؟بعد اكثر من هاي البهذله شكوا بعد مزيد يا ضلام ؟؟والولد هم كتبوا شكرا لواكه للبنات واني منهم

لكن احدى المخضرمات كتبت لحبيبها
احبك من ايام العداديه وغمزتلك  لكن انت لبستني وسانتضرك
رحت للجامعه وتخرجت وتعينت وبعدك لا بسني وسانتضرك
خطبت وتزوجت ولكني سانتضرك
حتى لو صاروا عندك جهال سانتضرك
حتى لو تشيب وتزوج جهالك سانتضرك
واذا متت ودفنوك ستجد روحي ابجنم تنتضرك
اي شنوا لزكه؟؟؟؟ خلصوا الرياجيل ؟؟؟ ساعه السوده من شفتيه ... طبعا هم الكل كتبلها يحيى الوفاء

ارجوا ان ما اكون غثيت احد برائي المتواضع والمختصر ......وشكرا على الموضوع

[peacegirl]

ههههههههههههههههههههههه سرمد لووووووووووووووووووول

شكرا على رايك و  مشاركتك الحلوة وانت معودنا دائما بروحك المرحة ان تجمل الاجوبة والمواضيع

اما بالنسبة الى الاسامي فاحنا ما قصدنا اي تجريح الى الاعضاء بالعكس هذا كان مجرد مثل للفكرة يعني مو لازم نذكر الاسامي.

على العموم اشكرك مرة ثانية على مرورك المرح واتمنى من باقي الاعضاء ان ينطونا ارائهم

[warda girl]

ههههههههههههههه

شكرا اخوية  سرمد على المشاركة الحلوة منك وعلى الرأي مالتك


اما بالنسبة الى الاسامي فاحنا ما قصدنا اي تجريح الى الاعضاء بالعكس هذا كان مجرد مثل للفكرة يعني مو لازم نذكر الاسامي.

على العموم اشكرك مرة ثانية على مرورك المرح واتمنى من باقي الاعضاء ان ينطونا ارائهم

[razor]

شكرا  warda girl & peacegirl  على الفكرة

بصراحة اني اكو شي لفت نظري هوة مواضيع الشعر واللي هية موجودة في كتابات وخواطر واخترنا لكم واستراحة المنتديات و منتدى الشباب يعني بعد شوية و تنكتب قصائد بزاوية الرياضة همين ؟؟؟؟؟؟؟ وياريت تكون استراحة المنتديات فعلا للمواضيع الترفيهية مو للمآسي !!

 مو قصدي ازعل اي عضو واتمنى ان تتقبلون رأيي برحابة صدر

اخوكم رايزر

[warda girl]

شكرا على المشاركة وعلى الرأي اخ رايزر

طبعا احنا نتقبل الاراء و هاي هي الغاية من موضوعنا واني هم من رأيك من ناحية الاشعار

بلكن راح يجي يوم ونلكى شعر بزاوية الرياضة الايام راح تثبتنا الامر لوول.

[peacegirl]

شكرا كارو على مشاركتج وعلى اعطاء رايج الي يهمني بصراحة.

اني وياج انه لازم ندخل بجدية ويا المواضيع الي تخص الشباب او النقاشات المهمة بس هو وين النقاشات الي تشمل  مشاكل الشباب انتي موضوعج الي جان مهم كلش وحسيتا اهم موضوع يطرح الاسئلة والاجوبة  حول مشاكل الشباب انمسح مجرد لدخول واحد او اثنين وانطو رائيهم بشكل مجرح او قللو من الادب.

اني الي ردت اكولة انه احنا ما كتبنا هذا الموضوع لتقييم الاعضاء نهائيا لانه ماكو احد يكدر يقيم الثاني احنا قصدنا من الموضوع جان شوية تغيير او بس لا اكثر ولا اقل  .واني اشكركم على ردودكم وارائكم لانه احنا ما طرحنا الموضوع مباشرتا لانه ارائكم بفكرة الموضوع تهمنا .


وفي النهاية اشكرج كارو مرة ثانية على مشاركتج الحلوة

[RoOoVi]

شكرا peacegirl و warda girl على الموضوع

اني هم اريد اكول شي ...

احنا هسه كاعدين بزاوية الشباب بس ما دا اشوف اي موضوع جدي
كلها صارت اشعار ... اعتقد عدنا بالموقع زاوية للشعر ...

ومن نريد نضيف موضوع خلي نضيف 3 مواضيع باليوم
على مود نلحك نقراهم ....


شكرا الكم مرة ثانية

[warda girl]

شكرا كارو على المشاركة ومثل ما كالت peacegirl موضوعج جان مهم بس انمسح واني هم ما راح ازيد بالحجي رأيي مثل رأي paecegirl.


شكرا روفي على المشاركة
صدك الزاوية صارت زاوية اشعار واذا تدور بيها ما راح تلكى موضوع او موضوعين خاصين بالشباب
وحتى لو كان اكو موضوع مهم بالبداية اكو حماس مثل ما كالت كارو وبعدين الباتري يخلص ومفعول الموضوع همينا ينتهي
بس الله كريم.

شكرا مرة ثانية الكم يا ورود

[مهند الكانون]

موضوع جميل وفكرة أجمل عاشت أيدكم


*في البداية أحب أوضح شي بما أحنا هنا كولنا أخوة أكيد لازم يكون ماكو تجريح لآن الاخ ما يجرح أخو
اما اذا كان أكو هناك أي معلومة تريد تنقلها للشخص المعني وتحس أنو ما تريد يكون هناك أحراج  تكدر تبعثها ألة بالرسائل الخاصة مثلاً نستعمل هذا الشي عند تكرار الموضوع جميل أن ننبهه في هاي الطريقة  .

*وبالنسبة الى الاشعار أيضاً كلامكم صحيح المفروض كـُلشي يكون بمكانا بس أكيد الي ديشوف أكو أشعار  بالزاويا أكيد راح ينشر أو ينقل شعر ألة .. وأولهم أني .. وبالأخص بعد التشديد الذي قامت بهِ الزاويا الادبية وأكيد هي بصالح الشاعر بس مو الى هذا الحد .. لا يسمح لأي غلطة ومثل ما تعرفون أحنا مو فطاحل أكو كثيرين مغمورين ويحبون الشعر ويريدون ينشرون ويشفون ردة فعل .

*وأما بالنسبة الى زاوية الشباب في أعتقادي لازم تكون المواضيع بيها ذو فائدة للشباب أي يكون هناك هدف بالموضوع وأكيد هذا الشي ينرادلة تفرغ لأختيار المواضيع والافكار وتقيمها بينك وبين نفسك ومن ثم تنشرها يعني خلي نكول ينرادلها تعب .

*وبخصوص أستراحة المنتدى هي أسمها أستراحة يعني خلي نحجيها بالعامية أخذ راحتك بس حتى تكون مميز بس الافضلية هم قيم موضوعك وخلي يعكس شخصيتك ليكون هناك فن وذوق في كل المواضيع .

وارجو أن اكون ما كثرت عليكم بس هناك أشياء يجب أن تقال لمصلحتنا جميعاً
و مثال ما كال أبو المثل  (( الصراحة راحة ))




مع حبي وتـقديري وأحترامي للجميع 

† ليحميكم الرب †
أخوكم / مهند الكانون

[Senalko]

ياجماعة، ما دام الشغلة صارت بيها صراحة فاني ابو الصراحة lol

بالحقيقة كنت افكر مع نفسي، هل انا في منتدى شبابي او في منتدى الازمات العاطفية hehe,

فلاحظت الكثير من الاشعار الرائعة و العديد من المواضيع العاطفية، يعني كال الحبيب و اكل الزبيب، بعد اسبوعين في المنتدى، صار عندي ازمة عاطفية و عقدة نفسية من الحب، حتى بعد ماريد اتزوج hehehehe

الصراحة احب اشوف اكثر مواضيع اجتماعية تهمنا جميعا و احب المناقشات الدينية لكوننا مسيحيين و نعيش في المسيح، و مواضيع تهمنا مثل اكمال الدراسة في المجتمعات الغربية او الانخلاط في المجتمع الغربي او الزواج من غير العراقية او المخدرات او القمار او المهن و الوظائف و الى اخره

[peacegirl]

شكرا اخ مهند على مرورك و ردك الصريح والجميل .

واحنا هذا كان هدفنا انه نسمع ارائكم بكل صراحة

واشكر روفي على راءيك الصريح والحلو واني اوافقك الراءي انه الزاوية صايرة كلها اشعار  مع احترامي للجميع .

  وعندي ايضا راءي ثاني وهو انه الزاوية مثل ما تعرفون اسمها زاوية الشباب يعني لازم تكون منوعة من كل الجوانب لان الشباب يطرحون و يناقشون بمواضيع عديدة يعني مو  لازم يكون اكو مشاكل علمود يناقش الواحد بيها بالعكس اكو مواضيع هواية يكدر الواحد من عدنا يطرحها بس المشكلة لما دا نطرح هيجي مواضيع للمناقشة دا تدخل فئة معينة ودا تجاوب بكلام مجرح فدا تضطر الادارة من مسح الموضوع .

على العموم اني ووردة فرحنا هواية من ردودكم ومناقشتكم للموضوع وهذه كانت مجرد  فكرة ردنا نطرحها و نسمع راءيكم بيها .

بس هسة هذا الموضوع هم صار مثل النقاش دا نتناقش بي وشكد حلو انه الجميع يمتلكون روح الصراحة و احترام الاخر يعني قصدي انه الموضوع او المناقشة تنجح بس بالمشاركة الحلوة والصريحة واحترام راءي الاخر.

مرة ثانية نشكر الجميع على المشالركة الحلوة.

[peacegirl]

شكرا سينالكو على مشاركتك واقتراحاتك الحلوة واني اشوف انه المناقشة  بالمواضيع الي طرحتها ايضا مهمة جدا.

[warda girl]

شكرا اخ ابو ماريو على ردك الصريح والحلو على موضوعنا واكيد مثل ما كالت paecegirl هذا كان هدفنا هم استماع الاراء والمناقشة ايضا

واشكر الاخ سينالكو على المشاركة واعطاء الرأي
اني هم اشوف الاقتراحات الي كلتها كلش زينة والواحد يكدر يتناقش بيها

[albabely]

شكرا على هذه الاطروحة . بس اني دااشوف زاوية الشباب واستراحة المنتديات نفس لشيء بالظبط ماكو اي فرق بيناتهم لانه نفس المواضيع  ونفس اسماء المشاركين ومتطابقة بكل اشيء تقريبا . اذا تسمحولي ان اعطي راي ان تندمج هذه الزاويتين بقسم احد او بزاوية واحدة حتى القارئ او المشاهد لاتتشتت افكاره بي الزاويتين او القسمين وشكرا لكم  .[/font] [/color] 

[warda girl]

باسمي وباسم peacegirl نشكر كل من الاعضاء المشاركين في الموضوع الذي لم يتم فهمه بالصورة التي رسمناها وخططنا لها.

مع انه القليل منكم فهم والباقي يعني ليس بالكثير


وقد لفت انتباهنا من خلال الاراء التي انطرحت انه الكثير منكم يرغب في النقاش ولذلك قررنا بان ننزل موضوع جديد الذي سوف ينشر في الايام القادمة وسوف يكون عبارة عن نقاشات بيننا حول المشاكل والازمات التي يمر بها شبابنا.

وشكرا مرة ثانية

تحياتنا للجميع

warda girl & peacegirl










[الملحق حذف بواسطة المشرف]

[warda girl]

شكرا اخ البابلي على المشاركة واعطاء الرأي

بس الاقتراح مالتك تكدر تنطي للادارة وهية تكدر تقرر بعدين اذا تبقى الزاوية هيج او تتغير

[RoOoVi]

عفوا وردة بس اعتقد النقاش ما دا يفيد
ناقشنا هوايه  بهيجي مواضيع وماحد استفاد
واعتقد ماراح نستفاد هسه هم ...

هذا راي اني بس
واذا اكو اراء ثانية نحب نشوفها ونقراءها

[warda girl]

ليش مايفيد النقاش روفي شنو الاسباب؟؟

احنا بهذا النقاش راح نسأل اسئلة وراح يكون تقريبا مثل موضوع كارو الي انمسح اذا تتذكره

[peacegirl]

شكرا روفي على راءيك الصريح بس اني عندي راءي ثاني بالنسبة الى النقاش .

اني اشوف انه النقاش الي يدور بين الشباب دائما يكون مفيد لانه كل واحد يطرح راءيه والموضوع الي يكون بي نقاش احسه اكثر بي حيوية من المواضيع الثانية  طبعا هذا راءيي.

واذا كان موضوع النقاش مهم فليش ما راح نستفيد منه بالعكس الواحد يستفاد من الموضوع والاراء المطروحة.

مرة ثانية اشكرك روفي على مشاركتك واعطاء راءيك بصراحة.

[Malka]

اكيد كلنا  نحترم الراي الاخر اما بلنزبة النقاش اكيد يفيد  ما يصير ان  نقطع الامل يجب ان نناضل حتى ان نوصل الهدف ولازم يكون عدنا روح رياضية  ما يصير ان نستسلم بسرعة   شكراا

[warda girl]

اني احييك ملكا على الرأي مالتك

والنقاش برأيي راح يكون بيه فائدة اكثر اذا عدد جبير يشارك بيه