مواصفات العريس اللي تتمناه كل عروسة عراقية

[Loleeee]

أني بنت عراقية
صبية جميلة
حلوة ؟ أكيد حلوة
لأن ماكو عراقية ما تملي العين
أحلم مثل كل البنات
لا مو مثل كل البنات لأن أني عراقية
والعراقية ما تشبه أي البنات
أحلم بعريس زين يحمل هواية صفات
هي صفات بسيطة
بس كلش مهمة الي كعراقية
بأختصار أني عروس ألها شروط ومتطلبات
وأعتقد أنو مو هواية عليه
لأن أني عراقية
أحلم بعريس يحبني أكثر من كل البنات
وأكثر حتى من حوريات السماوات
أحلم بعريس مثقف أنيق
مو لابس بجامة ونعال ومتطوع بالمليشيات
أحلم بعريس ما ينتمي لأي حزب أو هيئة أو تيار
أريده ينتمي بس لأرض العراق
أحلم بعريس مدرس ، مهندس ، عامل
بس ما أريده بعد دكتور
أحلم بأديب ، شاعر ، كاتب
بس لا يكتب عن الديمقراطية والأنتخابات
ولا يكتب قصايد عن الأحزاب والفدرالية
أريد بيت على شواطىء الأعظمية
والذهب من سوق الكاظمية
أريد بحنة البصرة أنقش أيديه
وبخلاخل الموصل أزين رجليه
أريد عريس أهله من المذهبين

أريد بعرسي تدبك فرقة العلم
ويغني ماجد المهندس
وبعد أحسن لو وياهم لندا جورج شحرورة الكلدوأشوريين
أريد عريس يلبس بالعرس قاط وأحلى رباط
ولا يكلي الرباط مو عادتنا
لأن أني عروسة عراقية مو فارسية
يلبس دشداشة همينة ميخالف
بس لا يكصرها عبالك ده ينافس صبايا لبنان
لأن أني عروسة عراقية مو سعودية
أريد أني البس فستان أبيض جميل
وأنثر شعري الطويل
ولا يكلي شنو هاي؟
لأن أني عروسة عراقية مو أفغانية
أريد عرسي يكون عرس عراقي مغنى وهلاهل وفرح
ولا يزعل الجنسين
أريد شهر عسل بجبال السليمانية
بس لا يفرشولي سجادة حمرة
ويستقبلوني بحرس وفرقة وأستعراض
لأن أني مثلهم عراقية
أقصد همه مثلنا عراقيين
أتمنى الله يرزقني بأولاد وبنات حلويين
من يسألوني : يمه أحنا كلدانين لو اشورين
أهم على حلكهم وأكوللهم:
أنجبوا أنتو عراقيين وبس
العفو ، نسيت .. أحنا ببلد ديمقرطي
العنف وال ضد القوانين
راح أحضنهم بحب وحنان وأكوللهم
أكسكيوزمي ماي جلدرن
أنتو عراقيين وبس .. وهذا هو المهم
وصدكوني هذا حلم كل بنت عراقية

[احــــلام]

عاشت اياديكي خاثي لولي
 

[ღ♥ღ LoVely__87ღ♥ღ]

هههههههههه

يســلموووو عزيزتي  لــولى

انــ شاء الله بناتنا  كولهم يزوجون ويروحون لسليمانيه
لووول

[رضوان ღ عذراء]

 

[سوسو الالقوشيه]

يسلموووووووو لولي

[Loleeee]

تسلمولي يا حلوين على ردودكم الحلوة نورتو الموضوع

[nuhra]

حلوووووووووووووووووة خوش مواصفات
يسلمووووووووووو

[✪KlaRa ALmaRghi✪]

ههههههههههههههههههههه مواصفات رووعه  لوولي يسلمووو

[عيون العراق]

أريد بيت على شواطىء الأعظمية
والذهب من سوق الكاظمية
أريد بحنة البصرة أنقش أيديه
وبخلاخل الموصل أزين رجليه
أريد عريس أهله من المذهبين

هههههههههه
حلوة يسلمووووو

[Loleeee]

تسلمون يا حلوين على ردودكم الحلوة نورتووووووو

[احلى عيون عراقيه]

                عاشت الايادي لولي كلام حلووووووووووووووووو

[Loleeee]

تسلمين عزيزتي احلى عيون على مرورج الحلو

[robena_enshketha]

واووووووووووووووووووو عاشت ايدك كلمات تخبل هاي صدك عراقية مظبوطة حلووووووو

[Loleeee]

ميرسي يا وردة على مرورج الحلو