ܕܫܢܐ ܩܐ ܟܠܝܗܝ ܢܫ̇ܐ
ܠܦܘܬ ܕܘܟܪܢܐ ܕܐܢܬܬܐ ؛ 8 ܒܐܕܪ
ܥܐܹܕܵܐ ܕܝܸܡܵܐ
ܐܝܹܢ ܐܝܼܬ ܐܲܠܗ̈ܐ ܒܫܡܲܝܵܐ ܐܢܬܢ ܝܼܘ̤ܬ ܝܵܐ ܡܵܪܝܵـــــــܐ
ܘܐܝܼܢ ܐܝܼܬܼ ܩܹܕܝܫ̈ܐ ܒܐܪܥܵܐ ܠܐܝ݂ܬ̤ܢ ܫܒܼܘܿܩ ܡܢܟܼܝ ܝܡܝܼ
ܡܢ ܝܵܘܡܵܐ ܕܫܩ̤ܠܝܼ ܪܘܼܚܵܐ ܥܘܼܠܵܐ ܙܥܘܿܪܐ ܒܓܘ ܟܲܪܣܲܟܼܝ
ܬ̤ܫܥܵܐ ܝܲܪ̈ܚ̤ܐ ܒ̤ܪܘܵܝܵــــــــܐ ܡ̤ܐܟܼܘܼܠܬܝܼ ܡܢ ܡ̤ܐܟܼܘܠܬܲܟܼܝ
ܒܠ̤ܠܝܵܐ ܘܝܘܡܵܐ ܒ̤ܫــــܚܵܢܵܐ ܬܘܼܪܣܵܝܝܼ ܡܢ ܬܘܪܣــــܝܲܟܼܝ
ܐܣܝܼܪܐܵ ܒܚܕ̄ ܚܲܒܼܠܵܐ ܕܒܸܣܪܵܐ ܡܲܠܵܐܟܼܵܐ ܒ̤ܣܪܢـــܵܝܵــــــــــܐ
ܥܲܡܵܐ ܕܚܲܫܚܝ ܚܲܫܵܢܵــــــــــܐ ܘܥܲܡ ܚܲܕܘܼܬܼܵܟܼܝ ܚܕܝܵܢܵـــــܐ
ܬܸܫܥܵܐ ܝܲܪ̈ܚܸܐ ܓܘ ܟܲܪܣܟܼܝ ܘܓܘ ܕܗܿܘ ܚ̤ܫܟܵܐ ܥܲܡܛܵܢܵܐ
ܡܢ ܒܲܬ̄ܪ ܕܗܿܘ ܟܠ ܥܸܢܝܢܵܐ ܒܚܲܪܬܵܐ ܟܲܕ ܚܙܝܼܠܝܼ ܒܲܗܪܵܐ
ܒܟܸܐܠܝܼ ܒܚܲܕ̄ ܩܵܠܵܐ ܪܵܡܵܐ ܘܡ̤ܢ̄ܕܪܫ ܓܚ̤ܟܠܝܼ ܥܲܠ ܕܵܪܵܐ
ܪܫܸܡܠܸܗ ܢܝܼܫܵܐ ܕܦܨܝܼܚܘܬܵܐ ܥܲܠ ܣܦܘܵܬܵܟܼܝ ܒـܚܲܕܘܬܼܵـــــܐ
ܘܐܵܗܵܐ ܝܠܗܿ ܚܲܝܘܼܬܵـــــــܐ ܘܝ̤ܡܵܐ ܡܲܪܬܼܵܐ ܕܐܝܼܬܼܘܼܬܼܵــــــܐ
ܟܡܵܐ ܫ̤ܢ̤̈ܐ ܙܥܘܿܪܬܿܐ ܛܠܝܼܬܵܐ ܓܘ ܩܲܦܠܲܟܼܝ̄ ܝܼܘܲܢܝ ܪܒܼܝܼܬܵܐ
ܡܢ ܨܕܪܟܼܝ ܚܲܠܒܼܵܐ ܫܬܼܝܼܬܵܐ ܡܢ ܥܘܼܒܲܟܼܝ ܚܢܵܢܵܐ ܡܠܝܼܬܵܐ
ܡܢ ܝ̤ܡܵܐ ܒܪ̤ܠܗ̄ܘܿܢ ܡܲܠܟܸ̈ܐ ܓܲܒܼܪܸ̈ܐ ܘܡܝܲܩܪܸ̈ܐ ܐܢ ܢܵܫ̈ܐܸ
ܢܒܼܝܼܐ ܘܣܵܗܕ̈ܐ ܘܩܕܝܼܫܵـــــܐ ܘܓܢ̄ܒܪܸ̈ܐ ܘܓܠܓܵܡܝܼܫ̈ـــܐ
ܘܟܠ ܡܗܲܕܝܵܢܵܐ ܐܦ ܫܠܝܼܚܵܐ ܘܢܚܫܝܼܪܬܵܢܵܐ ܘܡܲܟܝܟܼܵـــــܐ
ܒܚܲܪܬܵܐ ܒܪܸܠܗܸ ܐܲܠܗܵـــــــــܐ ܐܝܟܼ ܕܘܡܝܐ ܕܝܼܫܘܥ ܡܫܝܼܚܵܐ
ܒܪܝܟܼܘ ܥܐܕܟܼܝܵ ܝܐ ܝܸܡܵܐ ܪܵܡܵܐ ܝܼܠܸܗ ܘܚܲܠܝܵܐ ܫܸܡܵـــــܐ
ܥܘܗܕܵܢܝܼ ܥܲܡܲܟܼܝ ܒܕܸܡܵܐ ܡܢ ܡܲܘܠܕܵܐ ܠܢܘܼܚܵܡܵـــــــܐ
ܒܝܕ ــ ܦܝܢܚܣ ܚܕܒܫܒܐ ــ ܢܘܗܕܪܐ
الكاتب
