فعلاً سؤال حلو و يستحق يكون موضوع...
أخونة العزيز
rafid82
"الاساسي الحصول على الكرين كارد يعني لازم اتكون متواجد في امريكا لمدة سنتين من غير سفر خارج امريكا خلال هذه المدة وطبعا شرط الخدمة اما في العراق او أفغانستان واكيد طبعا الحصول على الجنسية الامريكية فورا"
بما انه ما زلت بالعراق...فما اكدر اكول متأكد، لكن اوافقك على كثير من المعلومات...بس إذا عندك
Green Card
فلا يوجد شرط ان تكون متواجد في امريكا لمدة سنتين، هاي شغلة، شغلة شرط الخدمة إلة بالعراق او افغانستان، فما اعتقد(رغم انه آني ممتأكد) انه هية شرط، و انما اكيد تحصيل حاصل، يعني انت جندي، وين ما يكلولك تروح و مثل متدري هسة ماكو غير افغانستان و العراق...و اكيد يذوبك على العراق حتى يستفادون من عامل اللغة...
شغلة الجنسية فوراً، فبصراحة ما اعتقد(ممتأكد) الأمور بهكذا بساطة و الدليل راجع موقع السفارة و موقع الجيش، و اشوية بحوش بالنت، خصوصاً موقع:
about.com
بعدين حتشوف، انه اول شي، تكدر تقدم على الجنسية بعد مرور سنة على خدمتك على الأقل.....و و كم شهر المعاملة تخلص و كلشي يصير تمام، لكن مال فوراً منا تدخل الجيش منا ينطوك الجنسية، فهاي معلومة جديدة و حلوة بنفس الوقت، و صدك فيكة...إذا اطبقت على احد الأخوة.
كان اكو مشروع قرار انه يحتسبون الخدمة للمترجم المحلي في العراق من ضمن الخمس سنوات الخاصة للحصول على الجنسية، بس لم يقروا هذا القانون لحد اللحظة.
اما بالنسبة للاجئين الي ما عدهم كرين كارد، فقريت، انه بعد مرور سنتين من تواجدهم في امريكا، يستطيع ان يقدم على الجيش....(مع الأسف ممحتفظ بالمواقع، لكن اوعدك بس اشوفهة مرة ثانية، احطهة مباشرةً)
الأخ العزيز
AliAli
العقد مع الجيش، حالياً اقل مدة ٣ سنوات، و ما يسمى بالـ
commitment
اي الإلتزام، فنعم مدته ٨ سنوات، و المقصود به: كمثال:
حضرت وقعت عقد ٣ سنوات، بعدهة طلعت اشتغلت بشركة مدنية، الجيش الة حق يطلبك(شلون كان عدنة يطلبون مواليد، بس بغير طريقة) خلال ثمانية سنوات من تاريخ توقيعك العقد، تعتمد، يعني صارت حوادث....راحوا الغير بلد....اختلفت الأسباب، و النتيجة واحدة، انه تمتثل لهذا الشي.
ayoo11
و الله آني الي افتهمتة انه الخدمة الإنتقائية كل فرد بالغ حتى بالولايات المتحدة، يجب او يستحسن ان يعلن مو ولائه، و انما نكدر نكول رغبته بالجيش كحسن نية و رغبة بخدمة بلده إذا احتاجه فد يوم......و ليس معناه انه هو صار بجيش الأحتياط...لكن اكيد، إذا افترت و نادوك، يعني محتكول شي...بس صدكني اخوية ما دام الجيش طوعي، فحتلكة كومة اشخاص، و بالتالي محتكون مجبور فد يوم إلة برغبتك ان تنتمي للجيش.
الأخ العزيز شلعوا كلبي الـ IOM
كلام مضبوط جداً ، ليس جواز و انما الكرين كارد او وثيقة سفر او ماشابه، لإن الجواز فقط للي عدهم جنسية......فقط.
اتمنى فدتكم و لو القليل...
بالنسبة للمواقع مال الجيش...فأكو موقعين:
الأول يتكلم عن الجيش بصورة عامة و مفصلة(موقع جميل و مفيد)
اتفضلوا:
http://www.goarmy.com/الموقع الثاني( يتكلم عن قسم خاص بالجيش، و هو القسم الخاص بما يسمى برنامج
9L
و هو البرنامج الخاص بالمترجمين الجنود، اي انك جندي في الجيش، لكن وظيفتك و موقعك الوظيفي مترجم...
تفضلوا:
http://www.armyinterpreters-09l.com/خالص التحيات
عاشـــــق*شمـــــس*
