هذا العرااااااااااااااااااااااق الحلو ماغيره حبينه

[*retooo*]

دكيت باب الوطن وبوابه مسدوده

ومنفتح باب انزلن دمعاته بخدوده

صب الدمع واشتكى من دون ما يحجي

صعبه علي من شفت عين الوطن تبجي

اه ياوطنه الحلو يازين ياغالي

مو انته الاول جنت ليش اصبحت تالي

الناس جانت كبل تتوسل تشوفك

هسه صفت بلعكس تتوسل تعوفك

اه ياوطنه الحلو يلزين يلغالي

مو انته الاول جنت ليش اصبحت تالي

ابجي على بلدي ابجي على بغداد

علمتحف ابجي انه التاريخ والامجاد

ابجي على الصحفي وابجي على الفنان

وعلماي ابجي انه والشجر والاغصان

ابجي انه علقتل مابين هلخوان

وابجي انه علغدر وعلاسه الجيران
هذا العراق الحلو بيه الزمان اندار

ولو نار هسه انطفت تشتعل باجر نار

الليل ذاك الحلو ليجنن ابغداد

اصبح يضيك الخلك وايامه ماتنراد

والماي ذاك العذب ماعاد نفس الماي

روجاته يبجن دمع واحزان بيهه هواي

الصار بينه وجرى مايخطر على البال

ومو كل دمع ينبجي ولا كل حجي الينكال

بسبب وبلا سبب نتكاتل عله المال

ونسينه عدنه وطن واجروح بيه اشكال

هذا العرااااااااااااااااااااااق الحلو ماغيره حبينه

وبغداد بيت الاهل البيه تربينه

شاف العراق الحلو من الهموم اشكال وياما انجرح هلوطن بس مابجت عينه
خايف يضيع البلد مابين هذا وذاك

وشيعوضه النه الوطن لا مال لا املاك

نحتاج مال الدول اموال تهدينه

بس لوطلبنه وطن ياهواللي ينطينه

[nuhra]

الله كلمات روووعة ومعبرة عن واقع عراقنا الحزين والمؤلم
عاشت الايادي

[Loleeee]

كلمات روووووووووووعة ريتو يسلموووووووووو

[angie-dawood]

روعه يسلمو غاية الروعه

[زياد ميخائيل السندي]

عاشت الايادي روعه

[ButTeRfLy Of IrAq]

دكيت باب الوطن وبوابه مسدوده
ومنفتح باب انزلن دمعاته بخدوده
صب الدمع واشتكى من دون ما يحجي
صعبه علي من شفت عين الوطن تبجي
اه ياوطنه الحلو يازين ياغالي
مو انته الاول جنت ليش اصبحت تالي
الناس جانت كبل تتوسل تشوفك
هسه صفت بلعكس تتوسل تعوفك

سلمــــــت يمنـــــاكِ ريتـــو... كلمــــات بصـــراحة فــاقـــت الــروعــة بــوصــف عــراقنــا الحبيبـــب ...

[نـور]

رووووووعة يسلمووووا

[غزال الرافدين]

كلام رائع وجميل ويؤلم القلب لان كله كلام صحيح عاشت الايادي على الموضوع الاكثر من رائع

[رضوان ღ عذراء]

? ? ? ? ? ?




?? ?? ???