نيسان

[ايفان جــاني]

  ܢܝܣܢ ܘܐܘܡܬܐ ܐܬܘܪܝܬܐ

ܐܝܒܼܢ ܓܢܝ


    
ܐܒܼܗܝ̈ܢ ܐܬܘܪ̈ܝܐ ܚܝܢ̈ܐ ܕܢܝܢܘܐ ܘܒܒܼܠ، ܫܢ݇ܬܐܝܬ ܟܐ ܙܝܚܝܗ݇ܘܐ ܒܐ݇ܬܝܬܐ ܕܢܝܣܢ، ܝܪܚܐ ܕܚܘܕܬܐ ܘܚܐܪܘܬܐ ܘܫܘܦܪܐ ܘܚܝ̈ܐ ܚܕܬ̈ܐ ܘܦܘܠܚܢܐ. ܙܝܚܬܐ ܕܥܡܢ ܒܐܗܐ ܝܘܡܐ ܠܐ ܝܗ݇ܘܐ ܗܪ ܗܕܟܼܐ ܐ݇ܬܝܬܐ ܕܠܐ ܗܟ̰ ܬܚܡܢܬܐ، ܝܼܢܐ ܐܝܬܗ݇ܘܐ ܠܗ ܣܒܒ̈ܐ ܕܓܢܗ، ܕܪܒܐ ܟܬܘܒܼ̈ܐ ܟܬܝܒܼ̈ܐ ܝܢܐ ܒܘܬ ܕܝܝ̈ܗܝ، ܘܟܠ ܚܕ݇ ܒܚܕ݇ ܐܣܟܝܡܐ ܦܪܝܫܐ، ܐܚܢܢ ܠܟܼܐ ܠܐ ܥܒܼܪܚ ܓܘ ܥܘܡܩܐ ܬܫܥܝܬܢܝܐ ܕܐܗܐ ܝܘܡܐ ܐܠܐ ܐܚܟ̰ܝ ܒܬ ܗܡܙܡܚ ܒܘܬ ܚܕ݇ܟܡܐ ܢܘܩܙ̈ܐ ܐܢܢܩܝ̈ܐ ܕܟܐ ܚܒܼܫܠܗ݇ܘܢ ܢܝܣܢ.
 ܗܡܫܐ ܐ݇ܢܫܐ ܟܐ ܫܠܗ ܡܢ ܙܘܥܐ ܘܦܘܠܚܢܐ ܘܟܫܝܪ̈ܘܬܐ ܦܪܝܫܐ ܒܥܕܢܐ ܕܩܪܬܐ، ܐܬܘܪ̈ܝܐ ܝܼܗ݇ܘܐ ܚܕ݇ ܥܡܐ ܡܚܒܢܐ ܕܦܘܠܚܢܐ، ܘܬܡܒܠܘܬܐ ܠܐ ܠܚܡܐܗ݇ܘܐ ܥܠܝ̈ܗܝ، ܒܘܬ ܗܕܟܼ ܥܡ ܐ݇ܬܝܬܐ ܕܒܝܬ ܢܝܣܢ̈ܐ ܘܫܪܝܬܐ ܕܦܫܪܬܐ ܕܬܠܓܐ ܚܠܝܡܐ ܕܛܘܪ̈ܢܐ، ܟܐ ܡܠܝܗ݇ܘܐ ܠܒܝ̈ܗܝ ܡܢ ܚܕܘܬܐ ܕܕܥܪܝ ܚܕ݇ ܓܗܐ ܐ݇ܚܪ݇ܢ݇ܬܐ ܒܝܪ̈ܝܐ ܩܐ ܡܪ̈ܥܝܐ، ܘܓ̰ܘܢܩ̈ܐ ܠܨܝܕܐ، ܘܙܥܘܪ̈ܐ ܠܡܛܐܘܠܐ ܓܘ ܕܫܝܬ̈ܐ ܫܡܝܢ̈ܐ ܕܐܬܘܪ، ܘܣܒܼ̈ܐ ܘܣܒܼܝܬ̈ܐ ܠܝܬܒܼܬܐ ܩܕ݇ܡ ܡܫܚܘܢܝ̈ܬܐ ܕܫܡܫܐ ܕܒܝܬ ܢܝܣܢ̈ܐ، ܐܬܘܪ̈ܝܐ ܚܕ݇ ܥܡܐ ܝܼܠܗ ܕܚܙܐܠܗ ܪܒܐ ܪ̈ܕܘܦܝܐ ܘܩܫܝܘܝܬ̈ܐ، ܝܼܢܐ ܗܪ ܓܘ ܗܿܝ ܥܕܢܐ ܝܼܠܗ ܚܕ݇ ܥܡܐ ܚܝܠܢܐ ܘܡܪܐ ܕܗܒܼܝ، ܕܠܐ ܐܬܐ ܠܫܡܛܐ ܒܗܣܢܝܘܬܐ، ܐܗܐ ܡܢܕܝ ܝܼܗ݇ܘܐ ܚܕ݇ ܡܢ ܥܠܠܬ̈ܐ ܕܟܐ ܡܠܝܗ݇ܘܐ ܠܒܐ ܕܕܫ̰ܡܢ ܡܢ ܙܕܘܥܬܐ ܒܫܡܥܬܐ ܕܫܡܐ ܐܬܘܪܝܐ.
 ܐܢ ܓܫܩܚ ܥܠ ܡܦܐ ܕܐܬܪܢ، ܒܬ ܚܙܚܠܗ݇ܘܢ ܡܬܘܬ̈ܐ ܕܐܬܘܪ̈ܝܐ ܐܢ ܒܘܫ ܫܦܝܪ̈ܐ، ܘܥܬܝܩ̈ܐ، ܘܡܘܪ̈ܝܙܐ ܘܐܗܐ ܝܼܠܗܿ ܡܙܒܛܬܐ ܕܝܼܠܗ ܚܕ݇ ܥܡܐ ܡܚܒܢܐ ܕܚܝܘܬܐ، ܘܥܦܪܐ ܕܐܒܼܗ̈ܐ، ܗܟ̰ ܝܘܡܐ ܠܐ ܝܠܗ ܬܘܚܡܢܐ ܕܪܚܩ ܡܢܗ، ܐܦ ܥܕܢܐ ܕܝܼܠܗ ܡܛܝܐ ܣܝܦܐ ܕܕܫ̰ܡܢ ܠܝܛܐ ܥܠ ܦܓܼܪܗ ܨܦܝܐ ܘܚܝܠܢܐ.

[dany.k]

يسلمووو عاشت الايادي

[alashoty10]

يسلموووووووو

عاشت الايادي


تحياتيـــــــــــــ