عـــــــــــــاجل..للمشتغلين مع البريطانيين فقط...الدخول فورا

[SIVandIOM]

السلام عليكم

اخوان اللي اشتغلوا مع القوات او المؤسسات البريطانية...اعلنت الحكومة البريطانية عن ايقاف العمل ببرنامج ال LE Scheme للموظفين السابقين فقط في منتصف الشهر الرابع نيسان\ابريل....البرنامج نفسه مستمر بالنسبة للموظفين المستمرين بالعمل للفترة الحالية...

اخوان اللي بعده ما مقدم عنده اقل من 15 يوم يقدم وراهه ينسد وانسوه....اي واحد مشتغل مترجم وية القوات البريطانية او موظف بالسفارة او المؤسسات او فرق الاعمار البريطانية لمده 12 شهر يحقله التقديم وعنده خيارين...اذا كان مسجل كلاجي بال UNHCR يقدم على اعاده توطين في بريطانيا او اذا ما يريد يقدم على تعويض مالي ......اللهم اني بلغت....اللهم فأشهد...واسف انه ما اكدر انطيكم فد لنك يوضح هاي المسأله لأنه الشغله صارت بس عن طريق تبليغ اداري لأنه مطمطمين على السالفه علمود لحد يقدم...

تحياتي

[ENG.MEDO]

عاشت ايدك اخوية ومقصرت

[BaghdadGhost]

مشكور حبي عالتبليغ و الاهتمام بالموضوع ......

تسلم يا ورد

[NOOR 2]

شكرا لك اخي الغالي  SIV  AND IOM

على هذه المعلومه القيمه وان شاء الله يستفاد منها باقي الاخوه

بارك الله بك

اخوك NOOR 2

[البحارالعراقي]

اخي   SIV  AND IOM
تحية طيبة
كنت قد اجرت داري على منظمة انسانية بريطانية وعندي تاييد واعتراف بذلك من المنظمة نفسها , اي مستند رسمي فهل استطيع التقديم على اللجوء الى بريطانيا علما باني قد تعرضت للتهديد بسبب هذا الشيء وانا حاليا في مصر ومسجل في اليو ان , فان كان الجواب نعم , ماذا يتوجب علي ان افعل.
وشكرا جزيلا

[NAZGOL]

بارك الله بيك اخي الكريم على روح المساعده لاخوتك ...ان شاء الله ربي يسهل على الجميع

تحياتي والف شكر

[SIVandIOM]

الاخ البحار العراقي

حسب التعليمات الموجودة في ال LE scheme فانت غير مشمول لأنك لم توقع عقدا كموظف...بما انك مسجل لدى ال UN وانت حاليا في مصر فلدي لك نصيحه:

اكو شي اسمه UK gateway اللي هوه نظام للهجرة واللجوء الى بريطانيا قد تعتبر مؤهل للدخول في هذا النظام لأنه انته عندك حجه قوية جدا ومقنعه هذا بس احتمال لا باس ان تجيك...ممكن ان تراجع السفارة البريطانية في مصر او ان تجيك على الانترنت...

تحياتي

[SIVandIOM]

الاخوان MEDO وشبح الورده ونور العزيزو NAZGOL اشكركم على المشاركة وهذا اقل شي ممكن اقدمه..

تحياتي

[سبع صنايع]

الهجرة الى بريطانيا جدا صعبة
وما اتذكر واحد بالمنتدى طلع على هذا البرنامج وحتى الأعضاء من بريطانيا جدا قليلين
والسبب هو الصعوبات والكلاوات والحجج الي يخلوهه البريطانيين حتى يصعبون الشغلة
بالنسبة اليه اني اشتغلت وياهم اكثر من سنتين اخذت التعويض المادي وسكتت احسن من لغوة الانتظار
وشكرا على الموضوع

[vincenzo]

عفيه عليك اخويه سبع على هالتنبيه واني هم منتبه انه محد بالمنتدى ديكتب عن انه مشتغل ويه البريطانيين (غير هسه تصريحك الخطير ) بس اعتقد همه اخذو جماعتهم من زمان وبطريقه هم تختلف عن البرامج الامريكيه اللي ينرادلهه خلك وطول بال والبارحه هم بالاخبار طلعوهم ديسلمون البصره للقوات العراقيه والامريكيه وانسحابهم يطول فد 3 اشهر ووراهه ميبقالهم اي وجود بالعراق ويمكن اني هم راح الحك واقدملهم مو لان مشتغل وياهم بس علمود سببين وهي اولا حتى على الاقل متصير عدهم كاابه من ميشوفون واحد مقدم ومحد ديريد يروح يمهم وثانيا عملا بالمبدا العشائري اللي يكول انه الامريكان والبريطانيين ولو كل واحد من فخذ بس تره يرجعون لنفس العشيره والامير مالت عموم العشيره موجود بالقطب الشمالي لان يحب البطريق هع هع هع هع هع

[Shebo]

مشكور اخي علخبر ممكن نعرف التعويض المادي مال شنو واذا واحد تارك العمل من سنتين يحقله لتقديم علتعويض لان كنت متطوع قبل خروجي من العراق مع جمعية خيريه عراقية تابعه لعراقيين ومسجله في بريطانيا فأكيد تعتبر بريطانيه لانها مسجله في ال ان جي او هناك وكنت استلم مبلغ بسيط جدا لتغطية تكاليف عملي
تحياتي
شيبو

[SIVandIOM]

اخ شيبو التعويض المالي هو راتب شهر لكل شهرين خدمة وبما انه انته ما مستلم راتب من الحكومة البريطانية او المؤسسات التابعه الهه فما اعتقد انه تكدر تقدم ...وتكدر تتأكد من القنصلية بمصر...تحياتي

[سبع صنايع]

اخ فينشينزو

هاي حلوه مال تصريح خطير
ليش هو اني بقيت جنسية مشتغلت وياهه
واعتقد ماكو احد طلع بالبرنامج لأن مثل مكتلك الشغلة كلش بطيئة يعني اتخيل سنتين حتى بس تحصل مقابلة
وبالنسبة للعائد المادي فمثل ما كال اخونة اس اي في انه يدفعون راتب شهر لكل شهرين عمل بالأضافة الى 10% المبلغ الكلي عن كل شخص بالعائلة مقدم وياك يعني الزوجة والابناء تحت 21 سنة والام والأب والجد والجدة بشرط ان لا يقل عمر كل منهم عن 65 سنة وهذا ايميلهم يمكن يفيدكم
IraqLEStaffSchemeBaghdad@fco.gov.uk

[SIVandIOM]

"اعلان" يرجى من السيد سبع صنايع مراجعه المقر (SIV Times)... يرجى من السيد سبع صنايع مراجعه المقر (SIV Times)...وشكرا..

ابو اسد حبي...بحدود ال 200 شخص طلعوا من البصرة على هذا البرنامج...وبس خمس اشخاص من بغداد لحد الان

ونعم سالفتهم حيـــــــــــــــــــــل طويله لأنه بقوا فتره صافنين كلشي ميسوون بعدين ببداية 2008 يلا بدوا شوية يتسلحفون ... يعني تاتي تواتي...

[vincenzo]

شنو هاي اصدقائي يعني صدك طلعتوني خائن زغيروووووووووووووون وعلى كد حالي
يلله بلكي نحصل شغل ويه فضائيين E T و ربعه
واغلبكم بضربات الجزاء

[AbEr SbiL]

السلالام عليكم شكرااا عل المعلومه الحلوووة وبارك الله بيك خوش خبر ...... اني عملت معه شركتيين امنيه بريطانيه اول شركه عندي منها عقد عمل والثانيه عندي منها كتاب تزكيه مرتب والمدة التي عملت بها سنتين زين شلون اقدم عل البرنامج واني حتى اميل ماعرفه ... انطيني الاميلهم حتى اقدم بسرع وقت وبارك الله بيك ومشكوووووور

[SIVandIOM]

احتمال الشركات الامنية ما مشمولة اذا كان عقدك ما يندفع بفلوس الحكومة البريطانية مباشرة...المهم الايميل موجود بمشاركة اخوية سبع..

[Lobna Sami]

I have a question please: if somebody apply to take the money from the British, does he still eligible to apply to the IOM progrm to USA or not? please I need the answer from you brothers and sisters

Sincerely
Lobna Sami

[يوجد امل]

شكرا اخي SIVandIOM على الموضوع
الله يباركك
اخوك يوجد امل

[kh_basrawy]

اشكر الاخ siv على اهتمامه بهذا الموضوع بالذات واحب ان اضيف مايلي
جميع المتقدمين والمقبوليين خيرو باستلام المبلغ او التوطين والبرنامج
ماشي تمام وبترتيب واللي انقبلو توطين همه هسه بالاردن ينتظرون
دورهم بالسفر وكل نفقاتهم على السفاره البريطانيه منذ وصولهم الى
الاردن كذلك راتب شهري معقول

[Al-Kailani]

السلام عليكم
أخوان ممكن اعرف شلون واحد يقدم على هذا الموضوع (يعني اروح للسفارة او عن طريق ايميل او عن طريق اليوان)علما بانني تم اعادة توطيني في امريكا ولازلت انتظر الموافقة الامنية (اي انني في المرحلة الاخيرة وما احجيلكم صار اكثر 11 شهر انتظر) ولكني سبق وان عملت سنتين في شركة بريطانية في العراق وهل التقديم على هذا البرنامج سوف يؤثر على التوطين في امريكا

مع الشكر والتمنيات بالموفقية للجميع

[maitham iraq]

مشكور على المعلومات بس اريد اسئل اني مشتغل وي البريطانيين وعندي اصابه معهم او عندي العقد او عندي الباج يصر اقدم على اللجوء وشكرا لكم

[kh_basrawy]

اخي العزيز
             انت وين كنت جميع العاملين مع القوات البريطانيه كمترجمين استفادو من البرنامج
            قسم منهم هسه ببريطانيا و مرتاحين اللي عرفته ان البرنامج توقف لاكن اذا تريد تستفسر
            يوجد مكتبهم في مطار البصره اسمه كليم اوفيس