نصائح للفحص الطبي (مصر)

[القرش]

                                                السلام عليكم

 اخواني اخواتي ورود المنتدى الطيبين

 اود ان اذكركم بأن تأخذوا معكم صور عند ذهابكم للفحص . لان من الممكن ان تأتي اوراقك الفحص وتكون الصور ناقصه احيانآ . وانا اليوم اكملت الفحص الطبي وكان هناك ملف لعائله عراقيه وناقص صوره ( ممكن ان نسوا يرفقوها من المنظمه ) وحاولوا ان لا تذكروا كل امراضكم ان وجدت ( يعني مو تكولون عندي وعندي فلان مرض ) اختصروا لان الامراض ممكن ان تأخر الفحص ويرسلوكم للعلاج . والي نضره قليل ممكن يسوي نظاره طبيه ويأخذها وياه ماكو مشكله ( يلبس نظاره ويفحص ) والفحص الشامل جدآ دقيق ( يعني مو كلاوات )  والدكتوره جديه اكثر من الازم هذا بألنسبه لمستشفى الانجلو الامريكي .. اما فحص الاشعه فهو بسيط بس ارجوكم من تنطون الاوراق للكاتب في الدخول ركزوا معه عندما يكتب الاسماء لانه رجل كبير ونظره ضعيف لايرى جيد . يعني كونوا معه عندما يكتب الارقام والاسماء .. لان حصلت معي والحمد لله تلافيت الغلط منه . اتمنالكم فحص ميسر وان شاء الله تجتازونه بنجاح وموفقيه .

 واخذوا وياكم ( خرده ) عند ذهابكم لفحص الاشعه لانهم يطلبون الاكراميه . وهذا شيئ عادي ويستاهلون .

 ابو انس

[★AbN✰BaGhDaD★]

يسلموا اخي العزيز القرش  علموضوع الروعة واحب اضيف ...
1-بالنسبة للنساء نزع القلادة عند فحص الاشعة X-RAY  لان بالاشعة راح تبين عبالهم اكو فد شي لا سامح الله وممكن اعادة الفحص  وصارت هاي  الحالة  وية  اقرباء  الي 

2- بالنسبة  للمدخنين  قبل  مترحون الصبح  ينصح بنتظيف  الصدر  جيدا  لان  الدخان اللي في  الصدر ينكشف  بالاشعة  ايضا  وممكن يعيدولة  الفحص   

3- عدم الارتباك في  الفحص  لان ذلك سوف يؤثر بصورة سلبية خصوصا  من المرضى اللي  يعانون  من مشاكل في  الضغط 

4- اذا  كنت مصابا بالسعال  او  الزكام  فينصح اخذ  وصفة  الطبيب  واعطائهة للطبيب  عند الفحص 
لان الاشعة سوف  تبين ذلك (وهاي صارت بية  اني  اكلة للدكتور  والله بس كحة ههههههه ميصدك الة  انطاني antibiotic  وعادلي  الفحص  مرة ثانية  يالة  صدك   )

تحياتي للجميع
ابن بغداد

[angie-dawood]

مبروك اخي ابو انس انشااللة تسافرون وتستقرون واهم شي راح البال والامان ربي يوفقكم

[نور68]

الف شكر اخوية القرش يارب يوفقك ويسهل امرك وانشاء الله السفر القريب

اختك نور68

[احلى بابليه]

مضبـــــــــــــوط .. عاشت ايدك على هاي النصائح المفيـــــــــده
ومثل مكال الاخ ابن بغداد  الحبيبه نزع الاكسسورات والذهب وكلشي تراجي محبس كلشيييييييي ..

[يوجد امل]

شكرا اخي ابو انس على النصائح
الله يباركك
اخوك يوجد امل

[Shebo]

مشكور أخويه أبو أنس على التوضيح بس أخويه هاي المستشفى وين صايره بلكت تكلنه أماكن الفحص الأول والثاني وكلنه نفس المكان
تحياتي
شيبو

[نـور]

شكرا اخونا ابو انس على النصائح المفيدة وانشاء الله موعد السفر القريب والموفقية وتسهيل امرك يا رب والموفقية للجميع .

تحياتي........

[khldoon2000]

شكرا اخونا القرش على هاي المعلومات وان شاء الله التوفيق في جميع امورك والسفر القريب
بس الله عليك خما اكلت الدكتور هههههههههههههههههههههههههه
اتشاقة وياك اخوية العزيز وبارك الله فيك وجزاك الله الف خير

[كمال الشاطيء]

تسلم اخويه ابو انس على النصائح والله يسر امرك ان شاء الله والسفر القريب وراحة البال والاستقرار من عند الباريء عز وجل


اخوك كمال

[القرش]

                                                 السلام عليكم

 اخويه الغالي والعزيز شيبو المحترم  وكل الاصدقاء .

 مستشفى الانجلو تقع في الزمالك بجانب برج القاهره يعني بينها وبين مدخل البرج عشرين متر على جهة اليسار بنفس سايد البرج من تروح ماتنزل كَبل على الزمالك لالا تلف يمنه وتفوت من يم الاوبرا وبعدين تطلع كَبل ويسار وهناك تسأل على المستشفى .. والثاني مال الاشعه برمسيس مقابل جامع الفتح عماره عاليه  صفراء اللون واكو جوه العماره بنك مصر . ونفس العماره اكو بيها بارك سيارات . وباب البارك يم بنك مصر يعني بينهم خمس امتار وبعدين تدخل العماره وتسأل عن الدكتور صاموئيل الطابق الثاني ..
ولاتنسى تاخذ خرده لان كلهم هناك يريدون تنطي للكاتب 5 جنيه والباقين عشره مو اكثر دير بالك .. ولاتطلع الا تاخذ النتيجه . اتمنالك الموفقيه .

 ابو انس

[Shebo]

مشكور اخويه أبو انس الله يسهلها اخوي انطيهم فكه بلمصري مو مشكله بس داخاف من لفحص لأن عندي لحموظه مال معدتي صعدت من جديد لزردوم وداتعالج بس لا تسوي مشكله وتأخير بلفحص شنو برأيك أخذ لراجيته مال طبيب واكلهم تره كيت وكيت
تحياتي
شيبو

[القرش]

                                                السلام عليكم

 اخويه دير بالك تكول مريض شوف عيني هيه الدكتوره راح تسألك على كل شي وتكتب مو اني شنو اخاف تروح تكلها مريض وهل مره تجلب بيك وتحولك لغير دكتور ولازم تتعالج وهذا ياخر سفرك . بعدين الحموضه تاخذ لبراكس او اينو وتروح اني هم عندي هاي عادي من الاكل .. انت اشكد مابيك حاول لاتكول مريض وبعدين راح تنيمك على السرير وتخليك تفتح البنطلون وتبدي تفحص يعني فحص مو كلاوات ماكو مكان ماتشوفه . وهيه اشلون عكره تكول عبالك بت رئيس جمهوريه ماتتحجه ويمكن طول حياته ماضاحكه ابد ههههههههههههه . وهناك اكو كافتريا يم الحديقه وكلشي اكو اكل جاي كهوه شتريد موجود .. ان شاء الله تعدي على خير .

 ابو انس

[Shebo]

علبختك ابو انس ياسحابه فهمني علخاص مشكور ابو انس اني حطنش بس هي لوزتين بس تشوفها حيبين اكو احتقان بلكت اطيب قبل لموعد اني لدكتور كلي من لتفكير والقلق لأن حت ضغطي جان صاعد وكال انت بهذا العمر ماعندك ضغط مجرد ضغط عصبي وصدك هسه رجع طبيعي ولحمد لله

[Baguncero]

عاشت ايدك ابو انس علة المعلومات ما قصرت ... كل التوفيق ان شاء الله

أخوك

Baguncero

[good sniper]

تسلم وتعيش ابو انس يعني اذا عندي مشاكل بالشريان التاجي للقلب وعندي خفقان بالقلب من الافضل ان اكول للدكتورة لو شنو 

اسال الله العزيز ان يسهل سفرك ويوفقك



القناص

[عكعك التطوى]

تسلم اخويه ابو انس على النصائح الله يبارك بيك

[vincenzo]

هاي شنو ابو انس معقوله
اسمك اكو واحد يغلط بيه
kirsh
هع هع هع

[ورد]

 شكرا لجهودك ياقرشششششششششش,,,,

[نور68]

اخوية العزيز ابو انس انت تكول لاتطلع الا تاخذون النتيجه ليش النتيجه ناخذه بيدنا لو هم يدزوه
الى iom يارت توضحلي هذا الشي .. اكون ممنونه منك

تحياتي
نور68

[القرش]

                                          السلام عليكم

 تحياتي نور . اني من جنت يم الدكتور وخلص اجت عليه بنت تشتغل مساعده وكَالت هسه ننطيكم النتيجه شفوي وحتى تطمئنون . وسألتهه معقوله كَالت نعم انتظر وبعدين بعد شويه انطونا اكارتات الصفراء وكَالت مع السلامه ( مفيش حاجه سليم ) وهاي هيه وماكدرت الح عليها لان ازدحام تكولون عبالك باب الشرجي يوم الجمعه .

 ابو انس

[نور68]

شكرا اخوية الله يحفظك وويوفقك ويسهل امرك مبروك على نتيجة الفحص

[طائر الكناري]

ابو انس عاش ايدك على المعلومات وماشاء الله ذاكر اهم الامور

فقط اريد ان اظيف بعض المعلومات بالاخص على فحص الاشعة لانه اني اليوم كان موعدي
تاخذون الكارت الي بيه رقم الكيس مالتك والي ناطيك اياه ال IOM علمود يسهل العثور على الفايل مالتك لانه اذا ماكو الكارت او محافظ الرقم راح ياخذ جوازك ويكعد يطابق الاسم المكتوب ويأخركم وكذلك على نتجة الفحص من يخلوك تنتظر بس علمود يتاكد الدكتور من ان الاشعة صحيحة لانه اليوم عادوا اشعة امراة فحصت قبلي وكانت نتيجة الاشعة غير واظحة

مع التقدير

[srecan58]

السلام عليكم

اخويه ابو انس (القرش) اريد اعرف شلون كمشو القرش وضربوه ابره واخذو من عنده دم هاي اول مره تصير

مبروك عليك ابو انس وان شاء الله يركبون القرش بالطياره ويبوه قريب من المحيط علمود يبلبط

[eng.hussam]

شباب فد سؤال يرحم اهلكم
يعني همة يحددون المستشفى الي نسوي بيهة الفحص لو احنة نختارها
وبالنسبة للاردن وين الواحد يسوي الفحص ؟؟؟؟؟؟؟؟؟؟