من شفتج غزال وفات ماضنيتج إنسية
الملامح والوجه مرسوم بألوان زيتية
الشفايف جنة من قداح تشع أنوار ليلية
تموع الكاع من تمشين عليها بكل شفافية
ويخضر كل شبر ريحان لأنج مو طبيعية
ولأن حسنج سحر للعين والخطوات وردية
واكف والكلب مولوع ومفضوح بعلانية
إرحمي الحال ياحلوة ترة خبالاتي شرقية
من أشوفج أشتعل وأنصاب بألف إطلاقة نارية
وأشمّر بالحجي وماشوف وأظل أحتاج عوجية
شكول وشحجي ياهالناس صرت عاشك هالبنية
وحاير بأمري بأشواطي الإضافية
أخاف أحجي وأصارحها وتكب العيطة عصرية
تخطيت بكلب ملهوف وتساندني سمتية
وصلتلها وكمر جنها والتصميم حورية
ولمن صرنا عين بعين شعرت بهزة أرضية
وكتلها الغزال منين ومن يادولة غربية
كالت انا من تلكيف بلاصل تلكيفيه
