مشكلة ردود بعض الاعضاء ...

[RoOoVi]

مســاء الـخـير
.......
...
..
رساله لجميع الأعضاء أرجو تقبلها بكل سعة صدر ..
الموضوع وما فيه يا جماعة الخير ان فيه شغله رافعتلي ضغطي هنا 
والشغله هي الردود أو التعليقات على المواضيع .. فلاحظت ان كثير من الأعضاء
يستخدمو تقريبا رد واحد على جميع المواضيع .. مثلا تعليق ( يسلمو عالموضوع الحلو ) .. تلقا نفس الرد في 20 موضوع .. فالكثير هنا فاهمين غلط ..
يعني مختصر الكلام .. ان الرد أو التعليق المفروض يكون عن الموضوع سواء بزيادة فوائد للموضوع أو للمعارضة ( بأدب طبعا ) .. أو جواب للموضوع أو ملاحظة .. مره ثانية أرجو ان تتقبلو كلامي بصدر رحب .. بس أي شخص يتصفح المواضيع راح يلاحظ ان كلامي صح ميه بالميه .. واللي يريد يزيد عدد مشاراكاته لا ينسى ان المشاركات القليله المفيده أفضل من الكثير ومن غير فايده ..
وفي الأخير ما أقول الكلام هذا الا لتطور المنتدى للأفضل وللفائدة الأكبر ..
و تقبلو تحيااااااااااتي ..

[warda girl]

مساء النور
سلامتك من الضغط العالي اخون روفي


اوكي اني هم وياك بهيج شغلة بس اكو مواضيع ما تكدر ترد عليها غير بانها حلوة. مثلا اذا كان الموضوع عبارة عن شعر او وا او..الخ...
واذا كان الموضوع يتكلم عن مشاكل او اسئلة فا اكو هواية يجاوبون ويناقشون بالموضوع واكو هم اشخاص الي عدهم نفس الرأي ويسون كوبي من جواب العضو الي مجاوب وبهيج مايحتاجون الي اضافة رد جديد.

وطبعا الي كاتب الموضوع يحب دائما ردود جديدة ومفيدة واني اعتقد كل هاي الشغلات تتوقف على الموضوع واهميته.


واني احييك على الصراحة مالتك روفي

[Nancy_S.K.]

هاي يا اخ روفي

اني حبيت اشارك بهذا الموضوع

و بصراحة عندك حق بلي كلتة  لان اني هم لاحضت هذا الشي خلال اليومين الي دا اشارك بيهم

كل المواضيع الي قيريتها لحد الان بيها تشابة  بلاجوبة

وارجو ان يشوفو موضوعك و يبدو بكتابة ارائهم بطريقة اوضح حتى الواحد يكدر يستفيد شي

[الزعيم مالك]

الموضوع الي تتكلم عنه كلش موضوع مهم بس الاهم انك مايرتفع عندك الضغط
هو لازم وضروري الاجابة  ماتكون بهل الطريقة التقليدية او الكلاسيكية  لازم يكون اكو نقد للموضوع
الي يردون عليه الشباب واهم شيء اشوفا انا بنظري انه من الواحد يريد يجاوب على موضوع  اذا دينزل
نفس الكريشة  الي تعودنا عليها افضل انه ماينزلها احسن
اكيد الانسان لازم يطور قابلياته على كل شيء بالحياة واتصور توافقوني الرائي انتوا



الزعيـــــــــــم
malk_kink

[RoOoVi]

اخ مالك مو قضية تطور
اني قصدي خلي ناخذ الموضوع بجدية
اكو هوايه مواضيع مادا نتاقش بيها
حرامات هيجي مواضيع مهمة تروح منا


وشكرا على مشاركتكم الجميلة

[warda girl]

اوكي روفي انت كلت اكو مواضيع هواية ما دانتناقش بيها حرامات
 
سوأل اشو احنا سوينا موضوع وانت كلت النقاشات ما داتفيد والموضوع راح لسبيله واتنسى وليش هسة غيرت رأيك؟؟؟؟؟؟





سوري اذا ضوجتك بتعليقي


تحياتي
warda girl

[Firass]

حبيبي روفي .. الف هلة بيك

احب اكلك آني أئيدك 100 بالمية ..... آني واحد من الناس الي هواية من الردود على مواضيعي دتكون هالشكل .. كله اقتباس .... شباب اخذوه برحابة صدر ترة مو قصدنة شي ... يعني عشرين ثانية تكتب ردك ماعندك علمود رأسا اقتباس وفي امان الله .... لا آني اشوفه ابد مو حلوة ... بعدين زيادة عدد المشاركات بهاي الطريقة تعتقدون صحيحة ؟ .... اتمنة تجاوبون نفسكم وتتأكدون
شباب احنة هاي الحالة مجانت موجودة قبل والأعضاء القديمين وياية يعرفون هذا الشي... هاي قبل شهرين تلاثة بدت وما اعرف شنو السبب حتى مموجودة بغير منتديات  .. ولتزعلون مني اذا كتلكم قسم من مشرفين همين يردون هيج
طبعا كلامي هذا للي يردون بهاي الطريقة بس مو الكل يعني ... وآني اخوكم الصغير اتقبلوه مني بصدر واسع لأن بي مصلحتكم ومصلحة المنتدى ....
واشكرك حبيبي ابو الروف لأن آني قبل يومين فكرت انزل هذا الموضوع

[RoOoVi]

اي كيرل اني كلت هيجي وماراح ابدل رائي
لان فعلا مادا تفيد النقاشات والدليل هذا هو الموضوع ...
وين المشاركات ؟؟؟؟ افتهميها انتي هسه ...


حبيبي فراس فرحتني بالمشاركة مالتك
اني هم وياك بكلشي اللي حجيتى ...
بالنسبة اللي كلشي مقبول منك ولا يهمك حبيبي انت [/color]

[daloo3a]

يسلمو عالموضوع الحلو
7
7
7
7
7
7
7
>>لووووووووول <<

اولا- صباح الخير ..
 ثانيا- اسم الله عليك عيني من الضغط..
ثالثا- اني وياك 1000000000000000 بالمية على كل اللي طرحته لان اني دا اشوف هذا المنتدى شي والمنتدى اللي سجلت بيه بالبداية كان شي مختلف كليا .. يعني قبل اتذكر من كنت اضيف موضوع انتظر نقد الاعضاء ورأيهم وكان هذا الشي يحفّزنا نكتب مواضيع ونبحث عن اشياء مفيدة.. اتذكر حتى ألعاب اللي هسة دا ننتقدها كانت بالمنتديات القديمة وكنا نلعب ونكتب شعر وقصص ومواضيع تخص الشباب .. بس هسة مع احترامي لكل الاعضاء بس لو نسمي الزاوية زاوية الشعر المنقول والالعاب المتكررة يكون احسن..
واللي دا ألاحظه هالفترة وابتداءًا مني وأعرف غيري كثير أعضاء دا اندخل المنتدى ونقرا بس ما احد ما دا يرد لان طرح المواضيع تغير هواية.. اتمنى ما يكون أحد زعل مني بس هذا رأيي بالموضوع ..

[peacegirl]

في البداية احييك روفي على طرح الموضوع الصريح.

اني ايدك بهذه النقطة انه بعض  المواضيع تكون مهمة وتتطلب النقاش بيها وتجى و ما تلكى غير رد متكون من كلمتين مثلا شكرا على الاضافة الجميلة ............
وطبعا مثل ما كلنا نعرف رد الاعضاء مهم جدا لانه يشجع الواحد انه يكتب اكثر.
وحلو انه انطرح هالموضوع حتى الواحد ينطي رايه بكل صراحة.

دلوعة اني وياج وايدج بكل شي وحتى اني اسال نفسي وين الزاوية الي لفتت انتباهي بالبداية بمواضعيها المختلفة والمهمة والمتنوعة والمسلية بنفس الوقت. 

اتمنى انه ترجع الزاوية مثل ما كانت واهم شي انه نلكى حل للمشكلة وما نعوف الموضوع يعني مو بس مجرد ردود وبدون حل.
اتمنى انه ما اكون ضوجت اي واحد بهل رد وهذا كان رائيي بكل صراحة.
 

[RoOoVi]

شكرا دالوعة هذا الراي الحلو
فعلا ايام هذيج الزاوية راحت واعتقد ماراح ترجع


شكرا وردة speacegirl
كلنا هوايه كافي اشعار وكلنا كافي اللعاب ومحد دايسمع
صراحة اني ضجت هواية ... شوفي هي الزاوية كلها خربطه ...

[daloo3a]

انشاء الله ترجع واذا ما رجعت بعد فترة رح اكون اول وحدة تنسحب لان ما ادري شلون وضعية صايرة ما دا نستفاد من شي .. وتجي ايام اشوف 5-6 مواضيع ضايفين بيوم واحد وادخل المنتدى ايام اشوف ما احد ما كاتب شي عبالك زاوية مهجورة!!!!..

[Malka]

هاي للجميع شلونكم اريد ان  اعلق  انى هم  من هم الاعضاء الذين في الزاوية هم  نحن فلماذا نحن لا نعمل هذا لماذا فقط نقول ؟  عندما نقول يجب ان نفعل وانا ارى اذا فعلنا فننجح شكرااا  لكم

[warda girl]

شنو نكول اخ ملكا وشنو نسوي ما داتشوف كم مرة كلنا وعدنا وحجينا على هالمواضيع المشكلة الاعضاء ما عدهم مشاركة وهاي الي تحرق الاعصاب لو بس يدخلون وينطونا على الاقل رأييهم جان افتهامنا بس محد   ميدخل ما اعرف ليش!!! 

وشكرا

[RoOoVi]

احنا كل يومدا نقول وكل يوم جا نعمل
وين النتيجة ؟؟؟

[razor]

اخوية روفي كلامك كلش صحيح

اكو شغلة اللخ همين وهي المواضيع المتكررة هسة ميخالف اذا موضوع مستواه كلش عالي وتم تنزيلة قبل فترة طويلة ما بيها شي انو الواحد ينقلة ويكررة بس اكو بعض المواضيع دا تنزل وبعد اسبوعين او اقل تشوف نفس الموضوع و اعتقد هنا العتب على اداري الزاوية رجاء بدون زعل .. والشغلة اللخ مرات اكو مواضيع تكون فكاهية او صورة او مسلية او   او   او   ويكون الرد عليها وعلى سبيل المثال ( الى التي اعطت طعما لحياتي       وسرقت مشاعري و احاسيسي ) وبالنهاية ( شكرا على الموضوع ) يعني ابدا ماكو علاقة بين الرد وبين الموضوع ومع احترامي لكتاب الشعر يعني اذا كان الشعر عنده موهبة و من تاليفة ويحب يطلع الاعضاء عليه ميخالف بس تشوفة بكتابة الشعر فطحل بس اذا كتب رد عادي مكون من 3 كلمات يكون بيها 10 اخطاء املائية يعني دا يثبت انه الشعر اللي دا ينزلة كلله منقول وما عندة قابلية على الكتابة

اسف على الاطالة في الرد ورجاء اخوي ان ما يزعل اي عضو مني

اخوك رايزر

[كارولين-البغدادية]

هللووووو روفي شلونك خوني ؟؟!!

طبعا اولا اشكرك واحييك على مواضيعك المهمة.. والصريحة.. والجريئة.. !

اني وياك بكل كلمة كلتها.. ووية رأي جم عضو ..!

صح .. اكو هواية مواضيع حرامات دا تنزل ومدا نستفاد منها.. لانه بصراحة ما دا نلحك نقرا اي موضوع ..

بالنسبة إلي.. اكو هواية مواضيع حلوة.. هلكد مو هواية ، ما اعرف شكتب بصراحة.. لاني اريد ان اشترك بالكل... وما اكدر ، فأظطر ان اكول شكرا عالموضوع او اكول موضوع حلو او من هذا القبيل..

واحيانا .. بس اقرا.. واتصفح كل المواضيع..

بس لما اشوف الردود قصيرة ، آني اكول لنفسي ليش دا اكتب وبالنهاية يطلعلي واحد يكوللي مواضيعج وكلامج ومشاركاتج ومعرف شنو وشنو سخيفة !

بس الظاهر اللي يشترك ويحجي هواية ويشارك من كل قلبه ، يصير انسان مو زين ويتفلسف هواية ..!


اما عن الشعر.. اكوللك شي روفي بصراحة.. ويا ريت ليزعل احد مني..

حقهم اللي دا يكتبون الاشعار هنانة.. لانهم ما يكدرون يكتبون بزاوية الشعر اي شي.. إلا إذا تكون اشعارهم كاملة ومكلمة.. !



صح دلوعة ، قبل جانت الزاوية احلى بهواااااااااااااااااااااية.. اني شنو اللي شدني إلها .. ...؟؟

بصراحة المواضيع والمشاركات مال الاعضاء جذبتني لهذه الزاوية..
واني ضليت فترة اقرا واقرا وعرفت الكل يلا سجلت بالمواضيع والمشاركات مالتي..

بس هسا كلشي إختلف..

 واكو مواضيع كلش حلوة مع الاسف متروكة ومحد مشايفها.. او اكو هواية مشاهدة بس ردود اكو " 0 " ..!


اسفة إذا طولتها عليكم..



الرب يحميكم..

[Malka]

اخوانى واخواتى  كم عضو  شارك هنا ؟ واذا شاركنا نحن  نقدر ان  نحل المشكلة  لماذا لا نشارك فى المواضيع المهمة ماشالله  هسى احنا هواية رينا ونكول نقدر من خلالنا نكسب الاعضاء الاخرين ويكونون معنا فحلينا المشكة مو  لو مو مو ؟

[warda girl]

اي مو طبعا سيد ملكا


بس والله ماكو فائدة المواضيع الي مو مكانها اهنا نازلة نازلة حتى لو سوينا هوسة

[Queen_of_Babylon]

مرحبا شباب و شابات
انا حبيت اشارك في هذا الموضوع الجميل و الذي هو صحيح 100% يا اخ رووفي
انا مع جميع الذين قاموا بكتابة ردهم من الاخ فراس و الاخ الزعيم و الاخت وردة...
انا بالنسبة الي كثير من ردودي هي عبارة عن اقتباسات من الاعضاء الاخرين و السبب هو انه مرات انا اكون بالمدرسة و عربي ما عندي لازم استعمل الماوس و الكيبورد الي في المنتدى.. و انا اتعاجز من استخدمهم هذولي .. هههه ... و مرات ما اكون عندي مجال فلذلك اسوي اقتباس على السريع و اروح و مراااات اقراء الموضوع و يعجبني بس ما اعرف شنو اكتب بالرد فأسوي يا اما اقتباس يا اما رد صغير بتشكري للعضو على الموضوع الحلو... و بسسس ... ارجو اني لم اقم بالازعاج
شكرا على الموضوع الصريح يا اخي العزيز روفي
اختكم ملكة بابل

[RoOoVi]

شباب اني مو قصدي نشارك بالرد بكل المواضيع
قصدي انو اكو مواضيع متروكة و كلها مهمة ... وكاتبين شكرا على الموضوع
يعني خلي يستفاد كل واحد من الثاني .... هذا هو المهم ... --

وردة كارووو تعرفين ليش مادا يكدرون يشاركون بزاوية الشعر ؟؟؟
لان كل الاشعار منقولة .... مع احترامي للكل ...
لان مستحيل الشاعر يكتب كل يوم 5  اشعار  ويضيفها بنفس الوقت ...[/color]

[قره قوش]

اخي ......................
انت هم اذا تلاحظ ردودك على الاعظاء كاعد ترد بنفس الطريقة الي دا تحجي عليها
وشكرا

[قره قوش]

وبالنسبة لردك الاخير اذا تلاحظ اني منزل موضوع على هذا الحجي (المواضيع المنقولة الزائدة )

[شهرزاد]

مرحبا يا جماعة الخير
و الله انا مشكلتي مثل مشكلة ملكة بابل....

بس هم يعني يا اعزائي يا اخواني المحترمين ما يحتاج اضوجون على هذا الشيء ان كان روفي او قره قوش .... يعني بلكت اكو اعضاء ما يعجبهم اضيفون ردود طويلة او مع احتراماتي ما يعرفون اعبرون فلذلك يكتبون رد قصير او اقتباس او ما شابه ... انا معضم الاوقات اكتب رد صغير معبر عن رأي بالموضوع او اعمل اقتباس ... انا معاكم بكل كلمة كلتوها ... ما كو داعي للعتب .. و انا املاحظة الاعضاء كاعدة ازيدون بالمنتدى ماشاء الله ... و هذا ادل على نجاح المنتدى و توسعهُ .... و اعتقد الاخ ملكا كتب رد صحيح في الموضوع الذي قام بأنزاله الاخ قره قوش و هو يلائم موضوع روفي و موضوع قره قوش....
و شكراً ارجو ان لا تفهموني خلط
اختكم بالرب
شهرزاد

[RoOoVi]

قره قوش عزيزي اني ما دا احجي على المواضيع الزائدة
وبالنسبة لردي ... اني ارد بهذا الشكل لما يكون كاتبين شعر او فات شي مسلي
واما بالنسبة للمواضيع الاخرى اللي هي للنقاش تكدر تشوف ردودي بيها ... واولهم موضوعك ... وشكرا اللك


اختي شهرزاد اني مااضوج من احد ...
 اللي يريد يرد على موضوعي اهلا وسهلا واللي مايريد هم اهلا  وسهلا
بس قصدي اني انو حتى بالمواضيع الجادى ماكو تفاعل ... [/color]

[Malka]

يا اخوى نحن كلنا قاصرين فى الرد  وانشالله راح يتغير اشياء فى الزاوية نحو الافضل واكيد بمشاركتكم  وردودكم  ......

[wassam]

اخوي روفي موضوعك كلش حلو

ارجو ان ما اكون ثقيل عليكم اخ روفي جانت هاي الزاويه كلش حلوة قبل بس هسه للاسف

قامت تنزل مواضيع محد يستفاد منها وانما تنزل لمجرد انو نزل موضوع وصارت بس اشعار وصور وغير اشياء

وابتعدو عن المواضيع الجادة  الي لازم نستفاد منها وثانيا اذ نزل موضوع جاد محد يشارك بس خمسه سته

الموجود ين هنابموضوعك وثانيا اكو اعضاء جدد ينزلون خوش مواضيع بس للاسف محد يشارك لانه هو عضو

جديد اذ وطبعن هذا العضو راح يصيب بغيبه امل لانه محد شارك وانطا رايه حتى لو كانت الكلمه بس شكرا

عبالك صايرة عصابات كل شله وحده واعذرني لين قلت هيج بس هذا الدا اشوف هنا مو عبالك اني عضو جديد

صار اكثر من ثلاثه اشهر اني اقرة بهاي الزاويه وجنت منزل موضوع ومحد شارك غير ثلاثه بس بغير اسم

 واعذرني لين طولت بلرد  بس كل همي هو ان يستفاد الجميع                            شكر الك روفي

[RoOoVi]

شكرا حبيبي وسام على المشاركة
اني هم هيجي دا اكول ... بس محد دايسمعنا ..
صراحة تعبنا من كثرة الحجي ... الله كريم نشوف وين نوصل

لا شكرا على الواجب حبيبي وسام
ونورت المنتدى بوجودك ويانه ...[/b]