اي استفسار عن ولايه اريزونا مدينه توسان

[العراقي الغريب]

سلام عليكم والحمد لله لقد وصلنا الى ولايه اريزونا مدينه توسان فاي استفسار عن الولايه فنحن مستعدين

[HILLAL]

اخي العزيز الحمد لله على السلامه
ولايه اريزونا جميله الجو والعمل متوفر
لكن صعوبه التنقل لعدم وجود وسائل النقل العام خصوصا الطرف الشمالي من الولايه
في  جلندل,
ولااعلم عن توسكان
هلال

[عكعك التطوى]

العراقي الغريب

حمدالله على سلامه الوصول والف شكر على هذه المبادره الله يبارك بيك اتمنالك التوفيق

[ايات]

حمد لله على سلامتك اخونا وان شاء الله تحقق كل امانيك

اخي اذا امكن ان تبين لنا عن التامين الصحي ماذا  يشمل  (الاسنان وماهي الاعمار  المشمولة ....العمليات البسيطة مثل اللوزتين الفتق  / الزائدة / وغيرها /
 المدارس الثانوية  / ماهي الاختبارات /والعمر المشمول بدخول المدارس / وهل الوثيقة المدرسية ضروري ام اختبار فقط  .....
نوع المساعدات المادية والسكن وباقي االمساعدات  وشكرا جزيلا .......اختك ايات

[كمال الشاطيء]

الحمد لله على سلامتك ان شاء الله التوفيق وتيسير الامر


اخوك كمال

[القرش]

                                             السلام عليكم

 الف الحمد لله على السلامه وان شاء الله تشوف كل الخير بموطنك الجديد . الله يسهل امرك ويوفقك . وارجو منك ان تشرح لنا ماشفت وماواجهت .

 ابو انس

[العراقي الغريب]

السلام عليكم
اختي بلنسبه للتامين الصحي اني اتبلغت مدا الحياة لان عندي  اطفال اما الفود استامب فشدولي ايضا مدا الحياة لان عندي اطفال في حال اشتغلت انا وزوجتي وكان عدد الساعات ليس فل تايم فيستقطع مبلغ قليل واذا كان وقت العمل فل تايم فيستقطع بحدود خمسين بلميه من الفود استامب والتامين الصحي ولاكن  يبقى فود استامب للاطفال والتامين الصحي للاطفال مدا الحياة

اما بخصوص وثائق الدراسه نعم يااخي انا امس تمت مقبله الاطفال ودائره التربيه الي قابلنه بيهه اعتمدت الوثائق الي جبناها من عمان وحطوهم بنفس الصف ولاكن بلغونه بلعطله الصيفيه الاطفال رح ايدخلوهم دورات مكثفه ملاحظه مهمه صح العمر اله دور بلنسبه للصف لان عندي طفل متاخر سنه يعني  الوثائق مالته صف خامس رعمره مال طفل صف سادس رجعوا للسادس وتدللين اخت ايات اي استفسار

[صابر للابد]

السلام عليكم...
اخي العزيز (العراقي الغريب) الف الف مبروك وانشالله تستقر بهذي المنطقه وتشوف بيهه كل الخير لان اني بصراحه ما اتذكر فد يوم سمعت كلام سيء عن اريزونا بالعكس كله كلام مشجع والحمد لله...

بس حبيت اسالك اخويه بالنسبه للتامين الصحي اذا شخص مثلا جايبلهم تقارير طبيه عن حالة مرضيه معينه شنو نوع التامين الصحي اللي يامنولهياه ولمدة شكد...وشنو نوع الامراض اللي ممكن يغطيهه التامين الصحي فترات طويله...

مع تحياتي...
اخوك صابر للابد

[hopeforall]

الحمد لله على السلامه وان شاء الله كل التوفيق بحياتكم الجديده .ممكن توضحنه عن طبيعه الاعمال المتوفره هناك وهل الراتب يكون كافي للمعيشه كبدايه ,مدة اشهر المساعدات هل 3 او 4 اشهر....الخ؟

ممنونين اخويه وبارك الله بيك

hopeforall