اخي عاشق الصمت ,,,,,,
توصل بالسلامه و ان شاء الله يختارولك مدينه تريح بالك و بدنك ,,,,,,
اخي راهب الحب ,,,,,,
الي بي الخير الك و للعائله ان شاء الله يقدمه رب العالمين اذا انت استراليا او لاس فيغاس ,,,,,,
شكرا لاقتراحكم بتثبيت الموضوع ,,,,,
اخواني الاعضاء ,,,,,,
لدينا في المنتدى اخ عزيز علينا هو النورس الحزين و الذي اثلج صدورنا البارحه باخباره الجميلة و الذي استوقفني بالموضوع هو روح الاخوة و التكاتف بين العراقيين في الغربه (باختلاف اطيافهم),,,,,, لذلك و من رخصة اخي النورس احببت ان تشاركوني فرحتي هذه باجمل ما قرات في المنتدى منذ اشتراكي لليوم ,,,,,, احببت ان اضيف كلام اخي هنا لانه يصب في نفس الموضوع و نفس التوجهات ,,,,,,,,
هذا اقتباس من كلام اخي النورس ,,,,
اهنا نجي لسؤال مهم شلون راح ااثث بيتي واشتري احتياجاتي الاخرى لان الكيس ووركر مو مكابلك وكاعد راح تكون عندك بعض الاحتياجات مثل قطع الاثاث والشسوار والاوتي ووو؟؟اهنا اخواني تدخل النخوه العراقيه والطيبه والكرم العراقي اخوتي الاعزاء سوف اسرد عليكم امر موجود لكن للاسف اغلب المهاجرين ما سولفو النه اخوتي بعد سكنك بايام سوف يتوافد اليك عراقيين القدامه ((عراقيين المعارضين والمهاجرين القدامه من كل الطوائف والاديان))وسوف يقدمون اليك كل احتياجاتك من اثاث ولحوم وحليب وخبز وحتى اجهزه اخوتي صدقوني يوميه يجون يدكون بابك ويتمنوك تحتاج شي حتى يجيبو الكم اني مثلا اجتني مره سفرها المقبور صدام كرديه وجابتلي مسواك اكل وغراض مطبخ اقدر مبلغها بما لا يقل عن مائتين دولار واجاني اخر من رجال الانتفاضه الشعبانيه واشترالي جهاز تلفون مع اشتراكه لمدة شهر وكان ما دفعه امامي ما يقارب السبعين دولار واجاني شخص اخر من الفلوجه ووداني الى السوق العربي وخلاني اسوق منه بعض احتياجاتي الاخرى طبعا حتكولون هذا الفلوجي ما قدم الكثير راح اجاوبكم غلطانين لان منطقة الاسواق العربيه تبعد عني بالسياره تقريبا ثلاث ارباع الساعه ذهاب ومثلها رجوع غير المسافه المقطوعه من سكنها الى سكني فلو حسبنا مصاريف الوقود والمجهود سوف تعرفون كم الرجل كان كريما ومتعاونا المهم اود ان افاجئئكم بشيء اكبر بكثير وهو اني تفاجئت بان كل العوائل العراقيه الي بمنطقتي وطبعا كلهم جدد لكيت هذوله نفسهم مقدميلهم نفس الشيء بل في بعض الاحيان اكثر اخوتي صدقوني ما يمر يوم اذا ما يخابرون كل عائله ويسئلوهم عن احتياجاتهم بل هنالك جمعيه للععراقيين وهي قيد الانشاء ايضا من الان يقدمون خدمات موطبيعيه للعراقيين الوافدين جدد طبعا هذا كله في فورت وورث ودالاس وارلينتون ما ادري عن باقي المناطق والولايات الي عليه بهاي المناطق اتصورو اخوتي هذوله مرات من يشوفون واحد مستحي منهم تدرون شيسوون ؟؟؟؟ يكومون يلزمون ورقه وقلم ويفترون بالمطبخ وبالغرف ويسجلون ويفاجئوك بيوم اخر بانهم ياتون محملين بالاغراض اخوتي هذا الكلام شفته بعيني لما يقارب العشرين عائله صار وياهم نفس الشيء ونفس الاشخاص المتعاونين
اذا اخوتي هنا سوف نعرف بان اول فتره سوف لن تشعر بغربه ان شاء الله ولاتشيل همها ولكن ولكن ولكن هنا اطلب منكم جميعا بان تجازون هؤولاء الناس اولاد بلدكم بان تجازوهم بدعائكم اخوتي عليكم بالدعاء لهم فهم اكثر الناس استحقاقا به لعونهم للغريب
الموضوع هو بمثابه دعوه لكل الاعضاء الي ممشتركين لحد الان بان يكونوا مستقبلا من العراقيين الغيارى الي ذكرهم اخي النورس ,,,,,,
الله يبارك بيكم دنيا و اخرة ,,,,,,
التصويت
