المحرر موضوع: برنامج كرسي الاعتراف ... فوتو كلكم ما مشتاقين  (زيارة 59876 مرات)

0 الأعضاء و 1 ضيف يشاهدون هذا الموضوع.

غير متصل ɱЯ.ŠɧДЯǾkəəή

  • اداري منتديات
  • عضو مميز متقدم
  • *
  • مشاركة: 8058
  • الجنس: ذكر
  • † מـغـرۈر ۈصـ۶ـُب בـُبـﮧ †
    • مشاهدة الملف الشخصي
صباحكم / مسائكم
فل ورد وياسمين

احلى شباب وصبايا
 عنكاوة كوم

احبتي واخواني صحيح احنا كلنا عائلة وحدة وتجمعنا الصداقة والاخوة في هذا المنتدى الجميل
الي صار بالنسبة النا مثل البيت يجمعنا ..
لكن لكل منا اسئلة يريد يوجها لعضو من الاعضاء ويتمنى يعرف اجوبتها...
هنانة فكرت وكلت ليش ما اسوي موضوع نستضيف بي احد الاعضاء لمدة اسويع ونطرح عليه اسئلتنا واستفساراتنا ويكون هذا العضو على كرسي الاعتراف لمدة اسبوع... واكيد راح يجاوب بكل صراحة عن اسئلتنا

اخوتي واجبتي اسمحر لي ان ارشح احد الاعضاء نيابة عنكم ..

في هذا الاسبوع العضو المتورط ويانة بالكرسي
هو العضو المتالق دوما في منتدى التعارف واحد ركائز

نادي اسرة الترحيب والتعارف

العضو المبدع

ابــو خالـــــــد


يالة شباب لا تقصرون وية اخونا ابو خالد وشوفو الضيافة الحلوة عالكرسي
منور كرسي الاعتراف حبيبي ابو خالد



اخوكم المحب
شـــاروو
mY fAcEb00K




غير متصل ابو خالد

  • مبدع قسم الهجرة
  • عضو مميز جدا
  • *
  • مشاركة: 4463
  • الجنس: ذكر
    • مشاهدة الملف الشخصي
هههههههههه الله يسامحك يااخونا شارو على هاي التوريطه على كولة اخوانا المصرين ربنا على الظالم والمفتري ....رجاء اخواني اخواتي على كيفكم مع ابو خالد ترى صاحبكم ومااعتقد تنسون العشره بسرعه فخلي تكون اسألتكم مو محرجه وسهله الله يسهل عليكم


ما فائدة القلم اذا لم يفتح فكرا
.. أو يضمد جرحا ..
أو يرقأ دمعة ..
أو يطهرقلبا
.. أو يكشف زيفا ..
أو يبني صرحا يسعد الإنسان في ضلاله..

غير متصل عبير الحب

  • عضو مميز
  • ****
  • مشاركة: 1429
  • الجنس: أنثى
  • جميل هو الانسان الذي يحب ولايخدع ؟يتالم ولايصرخ؟تد
    • مشاهدة الملف الشخصي
هلووووووووووووووووووووو شارووووووووووو تسلم على الموضوع الحلووووووووووووو وتدلل ابـــــــــــــو خالد


                         زوجتك هي حبك الاول لو كان اكو حب قبلها؟؟؟؟؟؟؟؟؟؟؟؟

يلا جاوب :D :D :D :D :D :D :D
الى من ابعدتني عنه الدروب الى من ذابت به القلوب ساضل احبك رغم الفراق المكتوب رغم حزني ......رغم دمعي @@عن حبك لان اتوب

غير متصل hewy

  • الاداري الذهبي
  • عضو مميز متقدم
  • *******
  • مشاركة: 26588
  • الجنس: أنثى
    • مشاهدة الملف الشخصي
دائما تبهرنا بافكارك الحلوة يا شارووووووووووووووووو

اخي العزيز ابو خالد كيف الحال ؟ انشاء الكرسي مريح وما مضوجيك احنا باسئلتنا
شارووووووووو انت لازم تضيف اخينا ابو خالد لان هو ضيفنا المعزز والمكرم


اسئلتي لك يا اخ ابو خالد
احتار الشعراء في وصف المراة فتارة توصف بالقمر وتارة بالبحر وتارة بالفرس الجامحة وبالوردة والخ
فماذا عنك يا اباخالد بماذا تصف المراة ؟

سؤالي الثاني :
ان اردت ان تشكي همك فلمن شتشكيه : لحبيبتك ام لصديقك ام لقلمك؟

سؤالي الثالث : هل هناك اشخاص اثروا في حياتك وكان لهم الفضل في ما انت عليه اليوم( نفسيا ومعنويا ) ؟ ومالذي استطاعوا ان يغيروه في شخص ابو خالد؟


وبالتوفيق



غير متصل ابو خالد

  • مبدع قسم الهجرة
  • عضو مميز جدا
  • *
  • مشاركة: 4463
  • الجنس: ذكر
    • مشاهدة الملف الشخصي
طبعا اختنا هيوي العزيزه ماصدكت بسرعه رفعت الموضوع فوك وثبتته من كد ماحاقده علي ههههههه وشدعوى ثلاث اسئله مره وحده اسألي سؤال واحد لعد شخليتي للجماعه الباقين بس الله يستر منهم ههههه

انا بالبدايه اجاوب اختي عبير الحب على سؤالها لانه سؤال واحد وراح انطرد من البيت من وره جوابي الها وبعدين اجاوب اختي هيوي على اسئلتها لان يراد فنجان كهوه اشرب حتى اجاوبها
بالنسبه لسؤالك يااختي عبير زوجتك هي حبك الاول لو كان اكو حب قبلها؟؟
الجواب زوجتي مع الاسف مو حبي الاول بس حبي الاخير انا كنت احب بنت الى حد الجنون وعندما فرقنا الزمن توقعت انني لايمكن ان انساها ولكن ام خالد شاطره وخلتني انسى حبي الاول وصارت ام خالد حبي الاول والاخير


ما فائدة القلم اذا لم يفتح فكرا
.. أو يضمد جرحا ..
أو يرقأ دمعة ..
أو يطهرقلبا
.. أو يكشف زيفا ..
أو يبني صرحا يسعد الإنسان في ضلاله..

غير متصل ابو خالد

  • مبدع قسم الهجرة
  • عضو مميز جدا
  • *
  • مشاركة: 4463
  • الجنس: ذكر
    • مشاهدة الملف الشخصي
هسا اجاوب على اسئلة اختي هيوي العزيزه...وبالنسبه للكرسي مالكم حيل مريح ههههه
السؤال الاول وصفي للمرأه الجواب هو كما يقولون وراء كل رجل مجلوط امرأه العفو اقصد عظيم..فوصفي لها الشجره المثمره فما اروع من الشجره المثمره...
السؤال الثاني ان اردت ان تشكي همك فلمن ستشكيه..الجواب والله بدون مبالغه اشكيه لزوجتي دائما واذا شفت اكو هموم ممكن تخلي زوجتي تحزن او تزعل فأشكيه لصديقي او الى الله عز وجل
السؤال الثالث هل هناك اشخاص اثروا في حياتك ..الجواب نعم اكو اشخاص كانو اقربائي وهم يعيشون بالخليج وسكنت بقربهم لمدة 10 اعوام فكانو اغنياء جدا وكنت اسافر معهم الى دول كثيره واستطاعو ان يغيرو كثير شغلات فيني وحتى تطبعت بأطباعهم.... الحمدلله خلصت من اسئلة اختنا هيوي


ما فائدة القلم اذا لم يفتح فكرا
.. أو يضمد جرحا ..
أو يرقأ دمعة ..
أو يطهرقلبا
.. أو يكشف زيفا ..
أو يبني صرحا يسعد الإنسان في ضلاله..

غير متصل الجوهره

  • عضو مميز جدا
  • *****
  • مشاركة: 2660
    • مشاهدة الملف الشخصي
تسلم شارو على هاي الفكره الحلوه الي هي كرسي الاعتراف وكشف الاسرار ...مسكين ابو خالد هو اول واحد راح نسأله ....
سؤالي هو ..هل طعنك او غدرك صديق انت تعزه

سؤالي الثاني .. تحب طبخ امك لو زوجتك ههههههههه

مو تفلت من الجواب


   الجوهره

غير متصل ابو خالد

  • مبدع قسم الهجرة
  • عضو مميز جدا
  • *
  • مشاركة: 4463
  • الجنس: ذكر
    • مشاهدة الملف الشخصي
شنو هاي اذا الجوهره صديقتنا ماترحمنا بالاسئله شلون راح ترحمنا اوتافيا اوووويلي وجماعة اوتافيا
يامعود استاذ شارو ترى مايصير كل واحد يسألني اكثر من سؤال لازم تطلع قرار تكول حدكم سؤال واحد لان الظاهر اكو ناس حاقده علي وجاي تستغل الفرصه ههههههههه

بالنسبه لسؤالك الاول اكو صديق غدرك..الجواب نعم والله كنت اسمع المثل اللي يقول احذر عدوك مره واحذر صديقك الف مره بس ماكنت مؤمن بهذا المثل لكن عندما طعنني اعز صديق انصدمت حيل وعرفت ان هذا المثل حقيقي وكانت علاقتي بهذا الشخص قديمه وكنت اثق به جدا جدا واعطيته بضاعه ماتعادل ($$$$$$$$$)والله ثمينه حيل ومع الاسف ضربني وانا الى الان لااستطيع ان اسامحه مع ان قلبي مسامح لكن على كولة العراقيين هجم بيتي ومستغرب شلون هيج الناس تغيرت بيوم وليله..ومع الاسف خلاني اغير فكرتي عن الصديق الوفي وخلاني اوصي ابني دائما عندما تكبر ان تنتبه من الصديق ولاتعطيه كل ثقتك

وبالنسبه لسؤالك الثاني ؟؟تفضل طبخ زوجتك لو امك ههههههههههه
راح اجاوب اولا ماراح اكدر اكول طبخ امي احسن من طبخ زوجتي لاني هسا بغربه ومعي زوجتي بالغربه وامي بعيده عني الان فاذا جاوبت عكس المطلوب راح انحرم من الاكلات الحلوه كون زوجتي تقرأ المواضيع والردود فخلي استر على روحي واكول طبخ زوجتي الحبيبه وسامحيني ياامي الغاليه قدري الظرف اللي انا بيه ياماما...


ما فائدة القلم اذا لم يفتح فكرا
.. أو يضمد جرحا ..
أو يرقأ دمعة ..
أو يطهرقلبا
.. أو يكشف زيفا ..
أو يبني صرحا يسعد الإنسان في ضلاله..

غير متصل روزماري

  • اداري
  • عضو مميز جدا
  • ***
  • مشاركة: 3098
  • الجنس: أنثى
  • على الرب أتكالي وفيه رجائي
    • مشاهدة الملف الشخصي
بصراحة ماكو مثل هيج موضوع رائع شارو لا والمشكلة بمنو وكعت براس أبو خالد الوردة ولا مراح تخلص من عدنا ومن أسئللتنا الئيمة الله يعينك أبو خالد وتنفك ضيقتك  ياألله  جهز حالك أبو خالد للسؤال

المدام تعرف أسرارك  لو لا  ويكل صراحة وشجاعة  والله ياخوفي  هاي الأسئلة راح  تخلي أبو خالد يضيع

تحياتي لا تزعل من عدنا ابو خالد  كلها مجرد أسئلة  هههههه

تحياتي روزماري
كيف لي ان اشفى من حبك.... من يداوي جرح شوقي اليك... كيف لي ان اشفى من بحثي عنك ووجعي اليك ..من يوقف ادماني على عشقك .. من يوقف سكرتي في عينيك  ابسُط صلاتي اليك على الليل. ناراً لمجامير العاشقين نااااراً ناراً لمجامير العاشقين وانتظرمع الفجر وجهك ... انشد لك  مع القديسين اناشيد الوجد والحب يارب..

غير متصل YOSRA

  • عضو مميز متقدم
  • *******
  • مشاركة: 5845
  • † الرب نوري و خلاصي فمن من اخاف †
    • مشاهدة الملف الشخصي
هاي شارو شلونك انشاء الله زين . عاشت ايديك على هاي الفكرة  تجنن وبالاخص اختاريت بيها
الشخص المناسب في المكان المناسب ابو خالد الوردة الطالب المجتهد .
يلا ابو خالد حضر نفسك للاسئلة  اليوم يومنا لان انت الي على الكرسي وراح تعترف بكل شئ
راح ناخذ بثارنا منك من ايام الحملة تتذكر الي شنيتها علينا هههههههههه
سؤالي الاول هو  ماهي الغربة بالنسبة لك وكيف عشتها ؟؟

سؤالي الثاني هو شنو الشئ الي يخليك فرحان ؟؟

سؤالي الثالث هو شنو الاكلة الي ما تستغني عنها في يومك؟؟

سؤالي الرابع هل يتغير الحب بعد الزواج ؟؟

سؤالي الخامس هو الاخير حاليا اريد منك نصيحة لكل الشباب (الصبايا &الولد)يعني بشنو تنصحهم
بصورة عامة ؟؟؟


اخي العزيز ابو خالد الورد هاي هي اسئلتي اليوم بس لا تفرح مخلصت ها اكو بعد .هههههههه
على فكرة ماكو اي سؤال ترك الاجابة على الكل  :D :D بعد وينك بعد اوتافيا محست على الموضوع
خلي تقرا الموضوع بعدين استلم استلم اخوي ابو خالد ..ربي يساعدك بالاجوبة .


                                                 محبتك يسرى
                                                 شمعة الامل
 

غير متصل ابو خالد

  • مبدع قسم الهجرة
  • عضو مميز جدا
  • *
  • مشاركة: 4463
  • الجنس: ذكر
    • مشاهدة الملف الشخصي
هههههههههه ياصديقتنا روزماري الظاهر تردوني انكتل من ام خالد حتى ترتاحون بس دمي بركبة شارو
بالنسبه لسؤالك اختي العزيزه المدام تعرف اسراري؟؟ الجواب هيه المدام مدعيه بيها على اساس تعرف عني صغيره وكبيره وانا دائمن اتظاهر امامها اني الحمل الوديع الورقه البيضاء الكتاب المفتوح لكن بالحقيقه ماخفي اعظم بس ماعدها اي دليل لان مانطي نقطه على نفسي حتى تحاكمني.... واشكر كرمك لانك سألتيني سؤال واحد


ما فائدة القلم اذا لم يفتح فكرا
.. أو يضمد جرحا ..
أو يرقأ دمعة ..
أو يطهرقلبا
.. أو يكشف زيفا ..
أو يبني صرحا يسعد الإنسان في ضلاله..

غير متصل ابو خالد

  • مبدع قسم الهجرة
  • عضو مميز جدا
  • *
  • مشاركة: 4463
  • الجنس: ذكر
    • مشاهدة الملف الشخصي
هلا هلا بأختنا يسرى جايه كلش بدون رحمه هههههههه بسيطه يوم لك ويوم عليك
راح اجاوبك على السؤال الاول...بالنسبه للغربه مره حيل بس اذا خليت عليها شكر من الاعضاء الحلوين تصير حلوه وانا تقريبا عشت قبل سنين غربه فعادي بالنسبه الي الغربه وخاصة معي زوجتي واطفالي يخففون عني الغربه...
وبالنسبه للسؤال الثاني شنو الشي الي يخليني فرحان ...الجواب عندما ارى زوجتي واطفالي سعيدين
واما السؤال الثالث الاكله الي ماستغني عنها ..الجواب هو اللحوم الحمراء اذا يوم اكل بدون لحم احس نفسي ماكلت وماشبعت...
السؤال الرابع هل يتغير الحب بعد الزواج...الجواب نعم يتغير ولكن التغير نحوى الزياده وليس النقصان يعني يزيد الحب اكثر واكثر ..
السؤال الخامس..بشنو انصح الجواب انصح الشباب اولا ...اذا تعرفتو بيوم من الايام على بنت اياك ان تتكلم عليها بالسوء امام اصدقائك كونك لاتحبها في اول الايام حب حقيقي فربما في مرور الايام ستحبها حب كبير  وتتمنى ان ترتبط بها وتتزوجها
وتكون بين نارين نار الحب ونار نظرات اصدقائك لك..فلذلك الله عز وجل امرنا بالستر...
واما نصيحتي للبنات ان تتفائل بالحياة وتؤمن ان يوجد رب وسوف يقسم لها نصيب جيد حسب طيبتها لان الطيبون للطيبات ولخبيثون للخبيثات وانشالله جميعكن طيبات ولاتتزوجون الا  رجل طيب واياكم ولرجل  البخيل حتى لو بقيتو بدون زواج  ..وهاي الوصايا مالتي الاخيره الكم لاني راح امووووووووت.وانشالله يااختي يسرى يجعلها خاتمة اسئلتك لي


ما فائدة القلم اذا لم يفتح فكرا
.. أو يضمد جرحا ..
أو يرقأ دمعة ..
أو يطهرقلبا
.. أو يكشف زيفا ..
أو يبني صرحا يسعد الإنسان في ضلاله..

غير متصل sandy 88

  • اداري
  • عضو مميز جدا
  • ***
  • مشاركة: 4480
  • الجنس: أنثى
  • المحبة ثم المحبة
    • مشاهدة الملف الشخصي

   اخواني واخواتي تحيتي القلبية لكم وشكرا شارو عالافكار الحلوة وعاشت ايدك

 اخوية العزيز ابو خالد لتخاف من اسألتي لان راح تكون سهلة ههههه وما اوصيك
اذا اجه دوري انت هم ديربالك علية  ;)
  س1 / ماهو لونك المفضل ؟
 س2 /  ماهي الاغنية التي تذكرك بموقف معين يجمعك مع زوجتك ؟

 
   تحياتي
ساندي(نجمة المنتدى)

غير متصل ابو خالد

  • مبدع قسم الهجرة
  • عضو مميز جدا
  • *
  • مشاركة: 4463
  • الجنس: ذكر
    • مشاهدة الملف الشخصي
تسلمين اختي العزيزه الورده ساندي على اسئلتك الحلوه والله يحفظك ويحفظ اليسا ويارب تروحين الى لبنان
بالنسبه لسؤالك عن الاغنيه التي تجمعنا انا وزوجتي ..الجواب هيه اغنيه ماجد المهندس ((انا احب غيرك شبيا انجنيت ومنو يستاهل ياخذ مكانك))وانا حاطها نغمه خاصه الها بجوالي

وبالنسبه للسؤال الثاني ماهو اللون المفضل ..انا لوني المفضل الرمادي


ما فائدة القلم اذا لم يفتح فكرا
.. أو يضمد جرحا ..
أو يرقأ دمعة ..
أو يطهرقلبا
.. أو يكشف زيفا ..
أو يبني صرحا يسعد الإنسان في ضلاله..

غير متصل ɱЯ.ŠɧДЯǾkəəή

  • اداري منتديات
  • عضو مميز متقدم
  • *
  • مشاركة: 8058
  • الجنس: ذكر
  • † מـغـرۈر ۈصـ۶ـُب בـُبـﮧ †
    • مشاهدة الملف الشخصي
هلة هلة بابن ولايتي
هاي شمسوين بيك اهنانة اخوية

على كيفكم شباب ترة الدور جاي عليكم واحد واحد ههههه
يعني دارو لاحلى ابو خالد

اخوية اني ما اطول عليك لان عندي نادي اخوية جرزلي بهالــ كم سؤال وارجعلك اجيبلك باقي الاسئلة



1 _ ماذا يوحي لك البحر ..؟

2 _  هل أنتَ من محبين ألقصص .. ؟

3 _ ماذا تعني لكِ الكلمات ألاتيه .. ؟

♪ ألحب ..
♪ ألليل ..
♪ ألقمر ..


4 _ هل تضن أن ألمواضيع ألتى يختارها ألاعضاء .. تكشف بعض جوانب من شخصيتهم ..؟

5 _ ما هو رائيك بلصديق .. صاحب وجهين ؟

6 _ شعر قرائته’ وعلق في ذاكرتك .. هل يوجد ..؟ أمتعنا بهِ..؟

7 _ طموحكَ في ألحياة ..؟

8 _ هل برئيك ألثقه ألزايده بالنفس .. تصبح غروراً شئً فشئ ..؟

 

♪♪ ♪♪ ♪♪


ودمت بخير
ودام تواجدكِ ألذي يعطي للمنتدي عطراً فواحاً ..
يعطرنا جميعاً بجميل مشاركتكِ وردودك ألتى تزين صفحاتنا



تحيـــــــــــتي
اخوك الي ورطك هع
شــاروو
mY fAcEb00K


غير متصل نـور

  • مبدع قسم الهجرة
  • عضو مميز متقدم
  • *
  • مشاركة: 39381
  • الجنس: ذكر
  • عــــرااااقــــي غـــيـــــوووررررر
    • مشاهدة الملف الشخصي
اول شي احب اكول الفكرة رووووعة عاشت ايدك يامتالق دومك  متالق وبكل قسم بمواضيعك الحلووة شاروو 



نجي هسة اهلا وسهلا بيك اخونا ابو خالد الوردة نورت كرسي الاعتراف حبيت اليوم اسئلك كم سؤال حلووين وحتى جوابهم هم اصغير يا ابو خلودي ...

1- شنو يعنيلك خلودي الوردة الله يحفظة الك  وكم ابن عندك ؟؟؟

2- شنو نظرتك للخيانة ؟؟؟ ومنو الي يخون اول بأعتقدك الرجل ام المرأة ؟؟؟

3_ احجيلنا عن الرياضة الي اتفضلها انت اكثر شي ؟؟؟   

غير متصل سود العيون

  • عضو فعال جدا
  • ***
  • مشاركة: 356
    • مشاهدة الملف الشخصي
    • البريد الالكتروني
مرحبا ابو خلودي قلبي معاك والله ولا يهمك ابد علقة تفوت ولا حد يموت يمعود اكو ناس تتعارك

وتذابح علكراسي وانت ما عاجبك  ههههههههههههههه  على كل حال عندي سؤالين الك

الاول وجاوب بصراحة ايهو احسن الصور اللي تحول العيون اللي دزيتها الك اهون ولا هاي الاسئلة؟؟

اسؤال الثاني وقت الترجع انت على البيت متاخر من برة شتكون ردة فعل ام خلودي تجاهك ؟؟؟

تحياتي للوردة ام خالد والاولاد  وارجوك وقت اليجي دوري لاتسالني اسئلة صعبة عفية الله يخليك*

واوعدك اذا تزورنا مرة والله راح اسويلك من تحت ايدية كبة موصل راح تاكل اصابعك وراها


                                         والله يعينك على هاي البلوة ههههههههه

                                            اختك سود العيون

angie-dawood

  • زائر
طبعا مشكور اخي شاروو مواضيك  رائعة يسلمو 000000
خلي هسى نسال اخونا ابو خالد خطية اللة يساعدك من هل الاسئلة ومن اخوتك الاعضاء بس كلها تهون لا دير بال 0000000000

سؤالي الاول  ;D   وين كان اول لقاء الك مع ام خالد الوردة
سوال الثاني  :'(  شنو طلبوا اهلها منك مهر يعني شكد فلوس لو ماكو هذا الشي
سوال الثالث شنو اول هدية جبتها لام خالد باي مناسبة  ;D 
اتمنى ما تكون اسئلتي صعبة عليك هي ورطة بعد شدسوي

غير متصل زهرة القرنفل

  • عضو مميز جدا
  • *****
  • مشاركة: 2277
  • الجنس: أنثى
    • مشاهدة الملف الشخصي
موضوع حلو كلش وعاشت افكارك
بس حاليا ماعندي وهس اسأل شي  بس اكيد مراح ارحمة لاابو خالد
يامار انطونيوس الشفيع . كن لدعوانا السميع . قوي ايماننا . احيي رجاءنا . علم الحـــــــــــب للجميع

ارحمنا يالله وارحم جميع الموتى واشفي جراح العراق

غير متصل gasmeya

  • عضو فعال جدا
  • ***
  • مشاركة: 197
  • الجنس: أنثى
    • مشاهدة الملف الشخصي
 في البدايه  احب اشكر خويه Sharokeen على الموضوع

وين تروح من سؤالي جا عبالك تفلت اكلك خويه انه الاسئله مالتي تتكون من جزئين راح اسلك جم سؤال اليوم واعتبرهن الجزء الاول واريدنك تنضر الدزء الثاني

سؤال الاول لو زارك صديق هو وزجته وكعتو كعده عائليه وضليتو تسلفون سوه  ومرت صاحبك ارتاحت لك كا اخو وانت ما تدري ولا زوجتك وكل الكعده هيه اتنكت وتشاقه وياك وتوجه الاسله لك  وبعدهه يرحون ضيوفك شنهو يكون شعور ام خالد ما تحاسبك على اي شي

سؤال الثاني  انت كاعد  تسوي جات   ودخلت عليك ام خالد  شنهو يكون وضعك هههههههههههه
 انه اريدن  اوضح لام خالد حتى تعرف مصايب النت   لا تخليك لوحدك على النت ههههههه لا تزعل من اختك جاسميه

غير متصل ابو خالد

  • مبدع قسم الهجرة
  • عضو مميز جدا
  • *
  • مشاركة: 4463
  • الجنس: ذكر
    • مشاهدة الملف الشخصي
هلا حبيبي شارو هاي عود انا ابن ولايتك وهيج ؟؟؟صدك لوكالو الحمه تجيك من الرجلين...وشدعوى هيج موجهلي اسئله قليله.. شنو  يوحي البحر ومادري شنو ادري انا ولبحر كجا مرحبا..ادري انا الي اعرفه هذا البرنامج مال الكرسي من تنحرج من السؤال يمك واحد يدوس على الجرس ويلغي السؤال اشو ماعدكم جرس هنا شعجب...راح اجاوبك على الاسئله

1 _ ماذا يوحي لك البحر ..؟احس انه قلبه كبير واشكي له همومي واصيد منه السمج ههههههه

2 _  هل أنتَ من محبين ألقصص .. ؟اي والله وخاصه القصص البوليسيه

3 _ ماذا تعني لكِ الكلمات ألاتيه .. ؟

♪ ألحب ..شيء جميل وخاصة من يتبادل معك الحب الشخص الذي تحبه
♪ ألليل ..الهدوء وراحة الاعصاب احلى شي عندي الليل
♪ ألقمر ..القمر منير والباز يطير,,اعجاز الخالق ((رمز الرومانسيه))


4 _ هل تضن أن ألمواضيع ألتى يختارها ألاعضاء .. تكشف بعض جوانب من شخصيتهم ..؟الجواب نعم

5 _ ما هو رائيك بلصديق .. صاحب وجهين ؟الجواب لااحبه ولا احب قربه لان يكون ابو الوجهين غدار وجبان

6 _ شعر قرائته’ وعلق في ذاكرتك .. هل يوجد ..؟ أمتعنا بهِ..؟الجواب كان شعر الى الشاعر فلاح عسكر ويقول بيه...كلبي طير وشاف بعيونه بساتين المحبه......وشوكج يردني زغير وردود نلعب طره كتبه....
اخ ياظفر الكصيبه الظفر كلبي بالف حسبه....شنهي الورده العلى شعرج ...انتي ورده وهيه ورده وانا فلاح بحديقه...ويرضى الله يضيع تعبه... اخ ياشوك العراق وشمايعذبنا نحبه.

7 _ طموحكَ في ألحياة ..؟الجواب ان اسعد عائلتي واطفالي

8 _ هل برئيك ألثقه ألزايده بالنفس .. تصبح غروراً شئً فشئ ..؟الجواب الثقه بالنفس حلوه ولكن لاتزيد عن حدودها وتصبح غرور ...بووووووووووويه الحمدلله خلصت منك حتى ارد على البقيه
 
وتدلل اخوي شارو وهاي جاوبتك على اسئلتك بس احب اكلك بسيطه راح يجيك يوم هههههههههه
[/color


ما فائدة القلم اذا لم يفتح فكرا
.. أو يضمد جرحا ..
أو يرقأ دمعة ..
أو يطهرقلبا
.. أو يكشف زيفا ..
أو يبني صرحا يسعد الإنسان في ضلاله..

غير متصل ابو خالد

  • مبدع قسم الهجرة
  • عضو مميز جدا
  • *
  • مشاركة: 4463
  • الجنس: ذكر
    • مشاهدة الملف الشخصي
حبيبي العراقي الغيور الورده اشكرك على اسئلتك الحلوه وراح اجاوبك
1- شنو يعنيلك خلودي   وكم ابن عندك ؟؟؟الجواب خلودي يعنيلي الامل بالحياة واتمنى اني احقق له حياة سعيده ...وكم ابن عندي ...عندي اولاد اثنين وبنات اثنين

2- شنو نظرتك للخيانة ؟؟؟ ومنو الي يخون اول بأعتقدك الرجل ام المرأة ؟؟؟الجواب الخيانه شي مكروه وبأعتقادي مع الاسف اكثر شي يخونون هم الرجال

3_ احجيلنا عن الرياضة الي اتفضلها انت اكثر شي ؟؟؟ الجواب كرة القدم ولسباحه


ما فائدة القلم اذا لم يفتح فكرا
.. أو يضمد جرحا ..
أو يرقأ دمعة ..
أو يطهرقلبا
.. أو يكشف زيفا ..
أو يبني صرحا يسعد الإنسان في ضلاله..

غير متصل ابو خالد

  • مبدع قسم الهجرة
  • عضو مميز جدا
  • *
  • مشاركة: 4463
  • الجنس: ذكر
    • مشاهدة الملف الشخصي
اشكرك اختي سود العيون على اسئلتك الحلوه ولبسيطه وماطول هيج راح اوديلج تمر البصره..
الاول وجاوب بصراحة ايهو احسن الصور اللي تحول العيون اللي دزيتها الك اهون ولا هاي الاسئلة؟؟
الجواب مليون مره الصور مالتج احسن من هذا الكرسي وانا متعجب ليش يتذابحون على الكراسي بس يمكن كراسيهم مابيها لاسؤال ولاجواب هههههه

اسؤال الثاني وقت الترجع انت على البيت متاخر من برة شتكون ردة فعل ام خلودي تجاهك ؟؟؟
الجواب يعني على اساس غريبه عليكم ماتعرفون شنو ردة الفعل وخاصة اذا ماعندك عذر بيه حظ وماجايب وياك الها عشا سفري طبعا حتى لو متعشيه بس نريد جفاية الشر ههههههههه


ما فائدة القلم اذا لم يفتح فكرا
.. أو يضمد جرحا ..
أو يرقأ دمعة ..
أو يطهرقلبا
.. أو يكشف زيفا ..
أو يبني صرحا يسعد الإنسان في ضلاله..

غير متصل ابو خالد

  • مبدع قسم الهجرة
  • عضو مميز جدا
  • *
  • مشاركة: 4463
  • الجنس: ذكر
    • مشاهدة الملف الشخصي
هلا بأختي انجي ليش هيج مو انا صديقكم بالهجره شنو هاي الاسئله((؟؟؟))راح اجاوب على اسئلتك وامري الى الله

سؤالي الاول وين كان اول لقاء الك مع ام خالد الوردة ..الجواب كان بالصدفه جاي امشي بشارع كان فيه محلات وشافتني حلو وانجبرت بيه خطيه لان ماشايفه حلوين هههههههههه
سوال الثاني   شنو طلبوا اهلها منك مهر يعني شكد فلوس لو ماكو هذا الشي ..الجواب شلون ماكالو شي شلون ماطلبو زينوني صفر كرعوني..دفعت شبكة ذهب كامله عيار21ومبلغ كان في وقتها 10 الاف عراقي شويه مو ...بس كانت العشره تكرك بذاك الوكت
سوال الثالث شنو اول هدية جبتها لام خالد باي مناسبة  ..الجواب بالخطوبه جبت الها عطر ولازالت معتزه بيه وساعه  ريموندويل مازالت محتفظه بيها
وانشالله جاوبتك بالشكل المطلوب يااختي انجي



ما فائدة القلم اذا لم يفتح فكرا
.. أو يضمد جرحا ..
أو يرقأ دمعة ..
أو يطهرقلبا
.. أو يكشف زيفا ..
أو يبني صرحا يسعد الإنسان في ضلاله..

غير متصل ابو خالد

  • مبدع قسم الهجرة
  • عضو مميز جدا
  • *
  • مشاركة: 4463
  • الجنس: ذكر
    • مشاهدة الملف الشخصي
هلا هلا بأختنا جاسميه هاي وينج شجابج اليوم حظي ..هاي على عيني  واجيتي بسرعه انتقمتي مني هههههههه بس راح اجاوبك
سؤال الاول لو زارك صديق هو وزجته وكعتو كعده عائليه وضليتو تسولفون سوه  وزوجة صاحبك ارتاحت لك كا اخو وانت ما تدري ولا زوجتك وكل الكعده هيه اتنكت وتشاقه وياك وتوجه الاسئله لك  وبعدها يرحون ضيوفك شنهو يكون شعور ام خالد ما تحاسبك على اي شي ...
الجواب ام خالد دايمن اتكول احنا نسوان ونعرف بعضنا فأذا مارتاحيت لهاي البنت انزعج واغار حتى لوكانت اقرب الناس لك وانا صحيح مار بهاي السوالف ومتعاقب ومتحاسب

سؤال الثاني  انت كاعد  تسوي جات   ودخلت عليك ام خالد  شنهو يكون وضعك هههههههههههه
الجواب ..والله ام خالد صايره مثل المراقب علي ودايمن تقلب بجهازي مع العلم عدها جهاز لوحدها بس مامفتك من الدوريات والتفتيش المستمر
وانشالله جاوبتك يااختنا جاسميه بالشكل المقبول (( وجا)) لاتكطعين علينا


ما فائدة القلم اذا لم يفتح فكرا
.. أو يضمد جرحا ..
أو يرقأ دمعة ..
أو يطهرقلبا
.. أو يكشف زيفا ..
أو يبني صرحا يسعد الإنسان في ضلاله..

غير متصل ann_alnoury

  • عضو مميز متقدم
  • *******
  • مشاركة: 5304
  • الجنس: أنثى
    • مشاهدة الملف الشخصي
احييك اخي العزيز شاروكين لما تتحفنا من روائع ومن افكار نيرة فشكرا لك ...وتحية معطرة بأزكى انواع الزهور ابعثها لضيفنا العزيز ابو خالد .....معي بعض الاسئلة اتمنى ماتكون ثقيلة عليك...

 1 كتاب حياتك بم تصفه لنا في كلمات معدوده .......
2  هل سألت يوما نفسك من انا .....
3  وجه كلمات او نصائح الى خمس اعضاء قم باختيارهم انت.....


واخيرا ...وفقك الله بحياتك ....ولك مني اجمل الود وارق التحايا...
احيـــانا تسعــدنا الايـــام حتــى نظــن اننــا لــن نحــزن ابـــدا ......
ثـــم تـــدور الايـــام وتحــزننا حتــى نظــن اننـــا لا نسعـــد .......

غير متصل ابو خالد

  • مبدع قسم الهجرة
  • عضو مميز جدا
  • *
  • مشاركة: 4463
  • الجنس: ذكر
    • مشاهدة الملف الشخصي
هلا باختنا العزيزه(( ان)) وسوف اجاوب الان

 1 كتاب حياتك بم تصفه لنا في كلمات معدوده .......
الجواب .. هو كتاب حياتي ياعين ماشفت مثله كتاب الفرح بيه سطرين والباقي كله عذاب
2  هل سألت يوما نفسك من انا .....
الجواب ماسألت نفسي هذا السؤال يوم من الايام لاني اعرف نفسي من انا...

3  وجه كلمات او نصائح الى خمس اعضاء قم باختيارهم انت.....
اول كلمه اوجهها الى الجوهره ((حاولي ان تهتمي بطلبات زوجك وحتى لو اراد باجه سويله بدون تذمر))...
ثاني كلمه اوجههاالى اختنا انجي الف مبروك على موافقة اختك وانشألله تلتقين بها عن قريب
ثالث كلمه اوجهها الى اختي روزماري ((تفائلي بالخير تجديه))
رابع كلمه اوجهها الى اختي اوتافيا((ترى الدنيا ماتسوى))
خامس كلمه اوجهها الى جميع الاعضاء((يارب يدوم الصداقه ولمحبه))


ما فائدة القلم اذا لم يفتح فكرا
.. أو يضمد جرحا ..
أو يرقأ دمعة ..
أو يطهرقلبا
.. أو يكشف زيفا ..
أو يبني صرحا يسعد الإنسان في ضلاله..

غير متصل روزماري

  • اداري
  • عضو مميز جدا
  • ***
  • مشاركة: 3098
  • الجنس: أنثى
  • على الرب أتكالي وفيه رجائي
    • مشاهدة الملف الشخصي
أشكرك أخي العزيز أبو خالد على نصيحتك الرائعة بس ترى أني متفائلة  دائما  واملي وتقائلي أخذة من الله  بس مرات  لا يخلو الأمر  وهنيئا لك بالأسئلة  والله  خايفة من يجي دورنا راح تاخذ حقك من عدنا

تحياتي  للنخلة الباسقة أبو خالد

روزماري
كيف لي ان اشفى من حبك.... من يداوي جرح شوقي اليك... كيف لي ان اشفى من بحثي عنك ووجعي اليك ..من يوقف ادماني على عشقك .. من يوقف سكرتي في عينيك  ابسُط صلاتي اليك على الليل. ناراً لمجامير العاشقين نااااراً ناراً لمجامير العاشقين وانتظرمع الفجر وجهك ... انشد لك  مع القديسين اناشيد الوجد والحب يارب..

غير متصل ابو خالد

  • مبدع قسم الهجرة
  • عضو مميز جدا
  • *
  • مشاركة: 4463
  • الجنس: ذكر
    • مشاهدة الملف الشخصي
اليوم من الصبح يااختي روزماري اندك الباب مال شقتنا واجاني واحد كال انا رجل امن حبيت اخذ معلومات منك وطاح علي دك بالاسئله يمتى دخلت القطر وشنو شغلك بالعراق وشنو شغلك بسوريا وجوازاتكم واقاماتكم ومية سؤال كلت بيني وبين نفسي هذا بس لادازه علي اخونا شارو...هسا انا يالله اخلص من اسئلة الاعضاء هنوب انت جايني وماخلصت منه على ماانطيته (500)ليره وكال مشكور وبطل من الاسئله وراح..فأنتي يااختي روزماري اذا وصل دورك انطيني 500 وانا اسكت مااسألك هههههههه


ما فائدة القلم اذا لم يفتح فكرا
.. أو يضمد جرحا ..
أو يرقأ دمعة ..
أو يطهرقلبا
.. أو يكشف زيفا ..
أو يبني صرحا يسعد الإنسان في ضلاله..

غير متصل ɱЯ.ŠɧДЯǾkəəή

  • اداري منتديات
  • عضو مميز متقدم
  • *
  • مشاركة: 8058
  • الجنس: ذكر
  • † מـغـرۈر ۈصـ۶ـُب בـُبـﮧ †
    • مشاهدة الملف الشخصي
اي اخوية ابو خالد
شلونك والله مبين عليك مرتاح ومبسوط

وعاشت ايدك عالاجوبة الصريحة كلش

اي اخوية جايبلك وجبة اسئلة خفيفة عالمعدة
مثل السوب مال قاسم ابو الكص انطيك هالاسئلة قبل الاكل

اي اخوية نبدي


1_ هل انت تفعل ما تقوله هنا بالمنتدى ؟

2_ اعتذار تريد ان تقدمه لمن؟

3_ ما ردة فعلك عندما يقول لك حبيبك : أحبك نعم أتزوجك لا ؟ قبل الزواج

4_ ماذا ستكتب لنا لتعبر عن حياتك التي عشتها الى الان في كلمات قليله ؟

5_ اذا اردت ان تبكي الان , فعلى من تبكي؟

6_ من ستختار ليمسح دموعك ؟

7_لو خيروك بين حبيبك وبين اعز صديق فمن تختار ؟

8_ماهو تقييمك لهذا المنتدى بصراحه ؟

9_ من يسكن قلبك؟

10_ هل تعتقد ان حظك سيئ؟

11_ هل تدخل الشات ؟

12_ هل هزمك حزنك في يوما من الايام؟

13_ ((مستحيل انساك)) لمن تقولها ؟

14_ (( اللي راح راح وماتفيد كلمة ياريت )) إذا أردت ان توجه هذه العباره لنفسك, فماذا
تقصد بها ؟

15_ (( انت كل شيء بحياتي )) لمن تقولها ؟

16_ متى اخر مره بكيت؟

17_ اي الدول تتمنى ان تزورها ؟

18_هل لديك الجرأه ان تقول عمرك أمامنا ؟ لوووول

19_هل انت راضي عن نفسك ؟

20_بماذا تقر وتعترف أمامنا الان ؟

21_ اغمض عينيك دقيقه لو سمحت, ماذا خطر على بالك وانت مغمض العينين ؟

22_هل تؤيد الزواج العاطفي ام الزواج التقليدي ؟ ولماذا ؟

23_ايهما اهم شهادتك الجامعيه أم الزواج ممن تحب ؟

24_ هل من الممكن ان تتحول الصداقه الى حب ؟

25_هل تعترف بشيء اسمه الصداقه بين الرجل والمرأة ؟

26_هل كنت السبب في يوما من الايام ان تدمر حياة شخص سواء العمليه او الاجتماعيه او العاطفيه؟

27_هل انت مدمن تفكير؟

28_ من هو اكثر شخص تفكر فيه؟

29_ اذا تم تعيينك ملك لجميع البلاد العربيه فما اول قرار ستتخذه ؟

30_هل تكره شخص بشده في حياتك ؟

31_ ما هو اقتراحك الذي تتمنى ان يحدث في هذا المنتدى ولم يحدث الى الان ؟

32_هل ملابس الشخص امامك تؤثر فيك لتأخذ عنه انطباع ؟؟

33_ماالذي يلفت انتباهك بسرعه في الشخص لكي تعجب به ؟

34_ اذا احببت شخصا في الوقت الخطأ وفي المكان الخطأ فماذا تفعل ؟؟

35_ حكمة تؤمن بها جدا؟؟

36_ عاده تفعلها دائما تتمنى ان تتركها ؟

37_ ماهو اجمل اسم لولد واجمل اسم لبنت من وجهة نظرك؟

38_ ماذا تفعل اول شيء اذا ربحت مليونا ؟ بالدولار طبعا

39_ هل انت من لديهم رغبة حب التملك واذا تملك الشيء اصابه الملل منه ؟


اي اخوية وابن ولايتي
احلى بصراو جرز بين ما كتبلك غيرهم تعبت والله ههههه

اخوك
شـــاروو
mY fAcEb00K


غير متصل hewy

  • الاداري الذهبي
  • عضو مميز متقدم
  • *******
  • مشاركة: 26588
  • الجنس: أنثى
    • مشاهدة الملف الشخصي
تسلم يا ابو خالد على اجوبتك الحلوووووووووووووة
شارو يمعود ارحم ابو خالد يرادله سنة حتى يجاوب
الله يعينك اخي ابو خالد حتى امتحان الدكتوراه مو هيجي

غير متصل زهرة القرنفل

  • عضو مميز جدا
  • *****
  • مشاركة: 2277
  • الجنس: أنثى
    • مشاهدة الملف الشخصي
هلووووووووووووووووووو شلونكم اخباركم هيج مو ابو خالد متسال عني

سؤالي الاول شدسوي انت هسة ؟    سؤال بايخ هههههههههه

سؤالي الثاني  لوحبيت تكول كلمة لزوجتك شتكولها

سؤالي الثالث لو حبيت تكول كلمة لنفسك شتكول او تحاسب نفسك على شنو

سؤالي الرابع  اي لون تحب  ;)
يامار انطونيوس الشفيع . كن لدعوانا السميع . قوي ايماننا . احيي رجاءنا . علم الحـــــــــــب للجميع

ارحمنا يالله وارحم جميع الموتى واشفي جراح العراق

غير متصل ابو خالد

  • مبدع قسم الهجرة
  • عضو مميز جدا
  • *
  • مشاركة: 4463
  • الجنس: ذكر
    • مشاهدة الملف الشخصي
والله المفروض يااختي هيوي تتخذين قرار صارم بخصوص هذا العضو الي اسمه شارو ههههههههه

حبيبي شارو ..اليوم جابولي سمك صبور من البصره بس شلون صبور من هذا الي يعجبك وانت تدري اهل بغداد مايعرفون للصبور مثلنا شنو رايك انطيك كم زوج صبور وتخفف عني الاسئله...وشعجب 39 سؤال كان كملتهم 40 مو احسن ....هسا اجاوبك وتدلل


1_ هل انت تفعل ما تقوله هنا بالمنتدى ؟
الجواب نعم والله افعل مااقوله ببعض الاحيان بعيد عن شغلات المزاح

2_ اعتذار تريد ان تقدمه لمن؟
الجواب اعتذر لعراقنا العظيم لاني تركته غصبن علي

3_ ما ردة فعلك عندما يقول لك حبيبك : أحبك نعم أتزوجك لا ؟ قبل الزواج
الجواب اهرب منه لان اكول ذابه روحها علي

4_ ماذا ستكتب لنا لتعبر عن حياتك التي عشتها الى الان في كلمات قليله ؟
والله احمد ربي واشكره لان عشت حياة حلوه وحياة مترفه ولحمدلله ماتعبت مثل اخواني بخدمة العسكريه وغيرها لان كنت خارج البلد في ايام الحروب

5_ اذا اردت ان تبكي الان , فعلى من تبكي؟
الجواب ابكي على امي لان الشخص مهما كبر يضل يفتقد حنان الام

6_ من ستختار ليمسح دموعك ؟
الجواب زوجتي

7_لو خيروك بين حبيبك وبين اعز صديق فمن تختار ؟
الجواب حبيبتي

8_ماهو تقييمك لهذا المنتدى بصراحه ؟
الجواب ..والله وبدون مجامله منتدى رائع وفعلا يحسسني اني عايش بين اخواني واخواتي وعلما اني غير مشترك بأي منتدى اخر

9_ من يسكن قلبك؟
الجواب من يسكن قلبي كانو ناس مأجرين وساكنين وبعدين شالو وهسا اكيد زوجتي حبيتي

10_ هل تعتقد ان حظك سيئ؟
الجواب لا ماعتقد حظي سيء بس مرات اكو امور تتعرقل فأكول ماعندي حظ وبعد فتره تنحل

11_ هل تدخل الشات ؟
الجواب ابد عمري مادخلت شات

12_ هل هزمك حزنك في يوما من الايام؟
الجواب لالالا ...لاني ايماني بالله قوي ودايمن اقول مابعد الضيج الا الفرج

13_ ((مستحيل انساك)) لمن تقولها ؟
الجواب ..((الخالق عز وجل))

14_ (( اللي راح راح وماتفيد كلمة ياريت )) إذا أردت ان توجه هذه العباره لنفسك, فماذا
تقصد بها ؟
الجواب..الامان الذي نفتقده الان ببلدنا

15_ (( انت كل شيء بحياتي )) لمن تقولها ؟
الجواب عائلتي

16_ متى اخر مره بكيت؟
الجواب عندما زرت بيت الله الكعبه

17_ اي الدول تتمنى ان تزورها ؟
لندن ولمغرب لان احبهم وعندي ذكريات حلوه بيهم

18_هل لديك الجرأه ان تقول عمرك أمامنا ؟ لوووول
الجواب ..اتذكر قبل كم سنه كان عمري 20 سنه والله العظيم

19_هل انت راضي عن نفسك ؟
الجواب الحمدلله راضي على نفسي

20_بماذا تقر وتعترف أمامنا الان ؟
الجواب اعترف ان مواضيعك مصيبه وانت مصيبه والله يستر منك

21_ اغمض عينيك دقيقه لو سمحت, ماذا خطر على بالك وانت مغمض العينين ؟

الجواب من غمضت عيوني اتذكرت انقطاع الكهرباء من كنت بالعراق لان صارت ضلمه

22_هل تؤيد الزواج العاطفي ام الزواج التقليدي ؟ ولماذا ؟
الجواب اؤيد الزواج العاطفي افضل حتى واحد يعرف الثاني اكثر

23_ايهما اهم شهادتك الجامعيه أم الزواج ممن تحب ؟

الجواب الزواج مما احب لان الزواج مماتحب سيجعلك سعيدا

24_ هل من الممكن ان تتحول الصداقه الى حب ؟
الجواب ...اكيد

25_هل تعترف بشيء اسمه الصداقه بين الرجل والمرأة ؟
الجواب لالالا ..

26_هل كنت السبب في يوما من الايام ان تدمر حياة شخص سواء العمليه او الاجتماعيه او العاطفيه؟
الجواب لا

27_هل انت مدمن تفكير؟

الجواب نعم

28_ من هو اكثر شخص تفكر فيه؟
الجواب افكر بمستقبل اطفالي

29_ اذا تم تعيينك ملك لجميع البلاد العربيه فما اول قرار ستتخذه ؟
الجواب اول قرار اصدره هو اعدام صديق عزيز علي بالمنتدى اسمه ((شارو))وبعدين اوحد الجيش والعمله

30_هل تكره شخص بشده في حياتك ؟
الجواب نعم اكو شخص اكرها بشده

31_ ما هو اقتراحك الذي تتمنى ان يحدث في هذا المنتدى ولم يحدث الى الان ؟
الجواب والله سبق وان اقترحنا على اختنا هيوي ان تخلي لنا زاويه بالمنتدى وماقصرت ويانا واقتراحي الجديد هسا طلبته منها ان تتخذ اجراء صارم  بحق( شارو )وانشالله تأخذه بعين الاعتبار

32_هل ملابس الشخص امامك تؤثر فيك لتأخذ عنه انطباع ؟؟
الجواب نعم عندي المظهر ضروري بشخصية الانسان

33_ماالذي يلفت انتباهك بسرعه في الشخص لكي تعجب به ؟
الجواب روحه المرحه

34_ اذا احببت شخصا في الوقت الخطأ وفي المكان الخطأ فماذا تفعل ؟؟

الجواب انسحب

35_ حكمة تؤمن بها جدا؟؟
الجواب لاالعظمه ولا الذهب يجعلانك سعيد

36_ عاده تفعلها دائما تتمنى ان تتركها ؟
الجواب .. التدخين

37_ ماهو اجمل اسم لولد واجمل اسم لبنت من وجهة نظرك؟
الجواب اسم الولد راشد ..او خالد..واسم البنت..دلال او هاجر

38_ ماذا تفعل اول شيء اذا ربحت مليونا ؟ بالدولار طبعا
الجواب اوووووه اضل اخيط واخربط اول شي اتزوج على زوجتي ترى اجذب عليك موتصدك..والله انا احب السفر فتلكاني كل يوم ببلد وكل بلد احطلي شقه بيه حتى ماحير بالسكن ومانطيك ولا دولار حتى لو تفرفح جدامي

39_ هل انت من لديهم رغبة حب التملك واذا تملك الشيء اصابه الملل منه

الجواب..والله صحيح تلكاني احب امتلك الشغله واشتريها وبسرعه اضوج منها حتى لو نقال وحتى الاثاث احب دايمن ابدل لان اضوج منه وزوجتي دايمن تكول انا اخاف منك من كثر ماتبدل وتضوج من الشغله واخاف ان يجي يوم تبدلني
بووووووووووووووووووووووووووووووووووووووووووووووووويه الحمدلله خلصت


ما فائدة القلم اذا لم يفتح فكرا
.. أو يضمد جرحا ..
أو يرقأ دمعة ..
أو يطهرقلبا
.. أو يكشف زيفا ..
أو يبني صرحا يسعد الإنسان في ضلاله..

غير متصل ابو خالد

  • مبدع قسم الهجرة
  • عضو مميز جدا
  • *
  • مشاركة: 4463
  • الجنس: ذكر
    • مشاهدة الملف الشخصي
شلونج اختي اوتافيا الورده ها حبيبي شو مو على بعضك احسك لخاطري لاتأذي نفسك منو الزعلك انت...
صدك اشو داحس بيج هاي اليومين ضايجه خير خو ماكو شي ترى ركبتنا سداده احنا اخوتج والله وتدللين
راح اجاوبك على اسألتك واشكرك انك راعيتيني بالاسئله

سؤالي الاول شدسوي انت هسة ؟
الجواب كاعد وفاتح اللابتوب وجاي اقرا واكتب

سؤالي الثاني  لوحبيت تكول كلمة لزوجتك شتكولها
الجواب اكول الها كومي سويلي عشا ههههههه

سؤالي الثالث لو حبيت تكول كلمة لنفسك شتكول او تحاسب نفسك على شنو
الجواب اكول لنفسي الله يعينني على اسئلتكم وشيخلصه الاسبوع ومادري شعجب شارو مخلي الاسئله لمدة اسبوع بس الله موجود

سؤالي الرابع  اي لون تحب

الجواب افضل اللون الرمادي اغلب ملابسي لون رمادي وحتى سياراتي الي اشتريها دايمن لون رمادي

واشكرك وانشالله يبعد عنك الهموم يارب


ما فائدة القلم اذا لم يفتح فكرا
.. أو يضمد جرحا ..
أو يرقأ دمعة ..
أو يطهرقلبا
.. أو يكشف زيفا ..
أو يبني صرحا يسعد الإنسان في ضلاله..

غير متصل ماهر الراوي

  • عضو فعال جدا
  • ***
  • مشاركة: 648
    • مشاهدة الملف الشخصي
    • http://www2.0zz0.com/2009/05/08/10/699945507.jpg
حبيب كلبي ابو خالد الوردة...كلبي معك وادعيلك بكل سؤال وجواب لان انت عضيدي وميصير نعوفك مثل هيج مواقف بس اعرفك ذيب امعط ومينخاف عليك والظاهر هذا الكرسي الكل تجلس علي ومحد يفلت بس راح نستمد عزيمتنه وقوتنه منك اذا اجه دورنه لان انت منور ورائع بكل اجابتك ...وراح اسئل سؤالين بس

الاول هل للحزن نصيب من حياتك..انشالله حياتك كلهه افراح بافراح .

الثاني اكثر اله مويسيقيه تحبهه وسلطن عليهه .

وما اوصيك اريدك شامخ دوم مثل الجبل على عناد العذال ههههههههه

غير متصل ɱЯ.ŠɧДЯǾkəəή

  • اداري منتديات
  • عضو مميز متقدم
  • *
  • مشاركة: 8058
  • الجنس: ذكر
  • † מـغـرۈر ۈصـ۶ـُب בـُبـﮧ †
    • مشاهدة الملف الشخصي
هاي شباب اني اجيت بس هسة توني راجع من الشغل
يعني ما عندي ولا سؤال لان بعدني ما مفكر شسألك  ;D  ;D

ههههه هيوي غير نشوف منو راح يطلع الاول بالصف

وشكرا ابن ولايتي شنو هالاحوبة الروعة
وصدكني من تشوف غيرك بالكرسي كاعد راح تكول همزين ربي خلصت اني ههههه

وداعتك واحد واحد جايلهم الدور  :-[  :-[
الله عالصبور دزلي فد وقية هههه  ;D  ;D

وسؤالي ال 40

انت وين ساكن بسوريا  ???  ???

اخوك
شــاروو
mY fAcEb00K


غير متصل ابو خالد

  • مبدع قسم الهجرة
  • عضو مميز جدا
  • *
  • مشاركة: 4463
  • الجنس: ذكر
    • مشاهدة الملف الشخصي
حبيبي الغالي اخوي العزيز ماهر هاي وينك مخليني لوحدي اقاتل ههههههههه واشكر تشجيعك الي

وراح اجاوبك على السؤالين الحلوات مثلك ...

الاول هل للحزن نصيب من حياتك..
الجواب ..يااخوي ماهر العزيز يا((نبض المنتدى)) ماكو واحد بالدنيا يخلو من الاحزان مهما كان وضعه ..سأروي لك قصه لانك انت تحب القصص ..فد يوم عزمت يمي الفنان الراحل رياض احمد وضلينا نسولف طبعا من وره ما غنالي شويه من اغانيه الحلوه لان كان العود ماله وياه فقال لي تصدق اني قبل يومين دعاني عدي ابن صدام حسين وغنيت اله كم موال ضل يبجي بجي ماصاير يكول حتى انا تفاجئت بيه ..فقلت انا الى رياض احمد الله يرحمه  معقوله هيج شخص عنده احزان ويبكي كال والله العظيم حتى انا استغربت ؟؟؟ فاذا كان هيج شخص ومتوفر له جميع امور الحياة وعنده احزان شحال احنا الله يكون بعونا....

الثاني اكثر اله مويسيقيه تحبهه وسلطن عليهه .

الجواب والله احب ((العود)) حيل وسلطن عليه

واشكرك اخي ماهر على اسئلتك وانشالله جاوبتك بالشكل المطلوب

وبالنسبه لسؤال اخي شارو اين تسكن بسوريا

الجواب اسكن بمنطقة اليرموك واذا ردت تزورنا كل الهلا بيك




ما فائدة القلم اذا لم يفتح فكرا
.. أو يضمد جرحا ..
أو يرقأ دمعة ..
أو يطهرقلبا
.. أو يكشف زيفا ..
أو يبني صرحا يسعد الإنسان في ضلاله..

غير متصل ★AbN✰BaGhDaD★

  • مبدع قسم الهجرة
  • عضو مميز جدا
  • *
  • مشاركة: 4634
  • الجنس: ذكر
  • ★☠❶☠★
    • ياهو مسنجر - a7baab_alroo7_79@yahoo.com
    • مشاهدة الملف الشخصي
    • البريد الالكتروني
بالبداية احب اشكر شارو الوردة على  مواضيعة المميزة  والحلوة بنفس الوقت  ...

واحب اسأأأأأأأأأأأأأأأأل ابو  خالد...؟؟؟؟؟؟؟؟

ماهو اصعب سؤال وجه لك لحد هذه اللحظة وبصراحة ها ؟؟؟؟ ;D ;D ;D

لا آله الا الله وحدة لا شريك له,له الملك وله الحمد وهو على كل شيء قدير

غير متصل زهرة القرنفل

  • عضو مميز جدا
  • *****
  • مشاركة: 2277
  • الجنس: أنثى
    • مشاهدة الملف الشخصي
شاروو  عزيزي الله يخليك وكلوني بعض الاعضاء بهذا الحجي
عزيزي ياريت كل عضو يكون الا يومين بس يسالوه هيج كلش هواية
اتمنى تتقبل كلامي
 تلميذتك اوتافيا
يامار انطونيوس الشفيع . كن لدعوانا السميع . قوي ايماننا . احيي رجاءنا . علم الحـــــــــــب للجميع

ارحمنا يالله وارحم جميع الموتى واشفي جراح العراق

غير متصل الجوهره

  • عضو مميز جدا
  • *****
  • مشاركة: 2660
    • مشاهدة الملف الشخصي
هاي شنو ابو خالد شنو  باجه والله انا اموت من الباجه هنوب اطبخها هسا هاي الاكلات الي اسمائها نازكه هالستيك والفليه والفيلاديفيا وكرسبي يعني باجه اسمها ماادري شلونا الظاهر تريد اسئله زياده هههههههههههه
بس لا حرام والله الاعضاء مامقصرين وياك


   الجوهره
ا

غير متصل ابو خالد

  • مبدع قسم الهجرة
  • عضو مميز جدا
  • *
  • مشاركة: 4463
  • الجنس: ذكر
    • مشاهدة الملف الشخصي
هلا حبيبي ابن بغداد شلونك اشو ماكو
يعني على اساس سؤالك سهل بس هم راح اجاوبك

ماهو اصعب سؤال وجه لك لحد هذه اللحظة وبصراحة ها ؟؟؟؟
الجواب سؤال شارو شكد عمرك بس عرفت شلون افلت من عنده هههههههه

واشكر اختي اوتافيا  على موقفها الحلو ..صحيح يومين كافي لان باقي الاعضاء هم مستعجلين يريدون يكعدون على الكرسي ومايصير يااستاذ شارو تأخرهم هيج حتى الله مايرضى...

ونشكر مروك الجوهره واحب اكلج هاي الاكلات كلها ماتعوض عن ((الباجه)) مستحيل فسوي لزوجك باجه رحمه على والديك هههههههههه


ما فائدة القلم اذا لم يفتح فكرا
.. أو يضمد جرحا ..
أو يرقأ دمعة ..
أو يطهرقلبا
.. أو يكشف زيفا ..
أو يبني صرحا يسعد الإنسان في ضلاله..

غير متصل ماهر الراوي

  • عضو فعال جدا
  • ***
  • مشاركة: 648
    • مشاهدة الملف الشخصي
    • http://www2.0zz0.com/2009/05/08/10/699945507.jpg
شاروو العزيز ...حتى لانفسد متعة الموضوع والمشاركات الجميله من قبل الاعضاء المحترمين ...وحتى لا يكثر النقاش حول مدة بقاء العضو في كرسي الاعتراف انا اقترح الاتي ..ويبقى اولا واخيرا مجرد اقتراح

1 تكون مدة الاسبوع ثابته بالنسبه للشباب وحتى لايزعل علينه ابو خالد الورده.

2 تكون المدة بالنسبه للشابات اختياريه وان لا تقل عن يومين ولا تزيد عن اسبوع ...يعني عندما يتم اختيار عضوة معينه للجلوس على كرسي الاعتراف يتم سؤالها عن المدة التي ترغب بها بالبقاء في هذا الاعتراف وهي تختار مثلا يومين او ثلاثة اوووووووو اسبوع ..مراعاة لمشاعر واحاسيس الجنس اللطيف .

تقبل مروري وارجو ان لا اكون قد اثقلت عليك بمداخلتي هذه .

غير متصل YOSRA

  • عضو مميز متقدم
  • *******
  • مشاركة: 5845
  • † الرب نوري و خلاصي فمن من اخاف †
    • مشاهدة الملف الشخصي
بداعة بداعة يا ابو خالد دتترقى بالاسئلة وانشاء الله يرتفع الكرسي مالتك اكثرواكثر
وتوصل لمنصب اعلى يعني اسئلة اصعب  هههههههههه لان املنا بك كبير اكيد انت هسى
مثالنا الاعلى هنا ........

اريد اسئلك كم سؤال الخ ميخالف استحملني بس لا تنتقم مني اذا جالي الدور لان اعرف انت
مراح تسوي مثلي مو ؟
سؤالي شنو رائيك بكل هاي الاسئلة الي سالوك ياها الاعضاء ؟؟
وشنو الي كنت تريده يصير بحياتك ومصار ؟؟؟يعني مثلا امنية كنت تتمناها او شغل كنت تريد تشتغله
او مكان كنت تريد توصلا او اي شئ ؟؟؟

راح اكتفي بهاي الاسئلة ونشوفك باجر والله يعينك بس يلى انت قلب المنتدى تتحمل كل شئ
ربي يوفقك ويساعدك ...


                                                     اختك يسرى
                                                    شمعة الامل

غير متصل ابو خالد

  • مبدع قسم الهجرة
  • عضو مميز جدا
  • *
  • مشاركة: 4463
  • الجنس: ذكر
    • مشاهدة الملف الشخصي
هلا بعودتك يااختي يسرى مره ثانيه واتمنالك من كل قلبي انك تكعدين على هذا الكرسي عن قريب العاجل يارب وانشالله مايحرمك منه كولي امين هههههههه
راح اجاوبك على السؤالين مالتك

سؤالي شنو رائيك بكل هاي الاسئلة الي سالوك ياها الاعضاء ؟؟
الجواب ...والله اسألة الاعضاء زينه وحلوه بس الله يستر اذا اجا عضو ثاني وكعد على الكرسي راح يتدمر لان الاعضاء راح يصيرون متمرسين اكثر بالاسئله ....

وشنو الي كنت تريده يصير بحياتك ومصار ؟؟؟يعني مثلا امنية كنت تتمناها او شغل كنت تريد تشتغله
او مكان كنت تريد توصلا او اي شئ

الجواب والله ذهابي الى امريكا كنت اتمناه بس بعده ماصار ونكول كل تأخيره وبيها خيره والخيره بما اختارها الله...

وانشالله جاوبتك جواب وافي والله يجعلها خاتمة اسئلتك يارب




ما فائدة القلم اذا لم يفتح فكرا
.. أو يضمد جرحا ..
أو يرقأ دمعة ..
أو يطهرقلبا
.. أو يكشف زيفا ..
أو يبني صرحا يسعد الإنسان في ضلاله..

غير متصل ɱЯ.ŠɧДЯǾkəəή

  • اداري منتديات
  • عضو مميز متقدم
  • *
  • مشاركة: 8058
  • الجنس: ذكر
  • † מـغـرۈر ۈصـ۶ـُب בـُبـﮧ †
    • مشاهدة الملف الشخصي
منورين احلى شباب وصبايا

اشكر ابو خالد على اجوبتة الصريحة كلش

وبالنسبة لاقتراحاتكم كلها محسوبة وداعة احلى شباب
بس الموضوع راح يكون كل عضو يجلس مدة اسبوع

واذا شفت ان العضو بدة ينزعج او شي راسا  اقوم بتبديلة
وباقي لابو خالد يومين الى ان ينتهي لووول

وبنات ماكو فرق هنانة
انتو مو 50% من المجتمع  ;)  ;)

شــاروو
mY fAcEb00K


غير متصل sandy 88

  • اداري
  • عضو مميز جدا
  • ***
  • مشاركة: 4480
  • الجنس: أنثى
  • المحبة ثم المحبة
    • مشاهدة الملف الشخصي

  هاي خواتي واخواني الاعزاء
 اني مع شارو في ما قاله هو كل واحد لازم اسبوع وماكو فرق بين البنات والولد
انتوا مدتسمعون الاخبار حتى البرلمانيات ديطالبون بالمساواة بين الرجل والمرأة !
وما اتصور راح تكون اسألة تعجيزية .... واللي يكتفي مثلا ب3 او 4 او 5 ايام هم بكيفه
وتدرون كلما زادت الصعوبة والاسئلة صارت اللعبة احلى .... ميخالف ابو خالد اتحمل مبقى شي



  تقبلو مني كل الود
  ساندي(نجمة المنتدى)

غير متصل ابو خالد

  • مبدع قسم الهجرة
  • عضو مميز جدا
  • *
  • مشاركة: 4463
  • الجنس: ذكر
    • مشاهدة الملف الشخصي
انا بالنسبه الي انشالله متحمل يااختي ساندي وفات الكثير ومابقى الا القليل وجاي انتظر على احر من الجمر العضو اللي راح يكعد على الكرسي وراي وياريت انا اقدمه للجميع وانا انضفله الكرسي كبل لايكعد


ما فائدة القلم اذا لم يفتح فكرا
.. أو يضمد جرحا ..
أو يرقأ دمعة ..
أو يطهرقلبا
.. أو يكشف زيفا ..
أو يبني صرحا يسعد الإنسان في ضلاله..

غير متصل الجوهره

  • عضو مميز جدا
  • *****
  • مشاركة: 2660
    • مشاهدة الملف الشخصي
والله احيك ابو خالد ياقلب المنتدى على هاي الاجوبه ويالله هانت راح الكثير ماضل الا القليل..... وانا اريد اصير طماعه وعندي كم سؤال واتحملنا شويه

سؤالي الاول ..هل تحب التحدي
سؤالي الثاني ..من هو قدوتك بالحياة
سؤالي الثالث ..ماهي اصعب ذكرى في قلبك

مااكول الا الله يعينك ياابو خالد


     الجوهره

غير متصل ابو خالد

  • مبدع قسم الهجرة
  • عضو مميز جدا
  • *
  • مشاركة: 4463
  • الجنس: ذكر
    • مشاهدة الملف الشخصي
هاي شنو صديقتنا الجوهره اشو هم رجعتي وسألتي شنو نمتي وحلمتي وتذكرتيني راح اجاوبك على اسئلتك انشالله
سؤالي الاول ..هل تحب التحدي
الجواب..اموت على التحدي واحبه حيل

سؤالي الثاني ..من هو قدوتك بالحياة
الجواب .. قدوتي بالحياة كل شخص ناجح يكون قدوتي

سؤالي الثالث ..ماهي اصعب ذكرى في قلبك
الجواب ..امتنع عن الاجابه لان جوابي راح يسببلي طلايب تأثر على حياتي الزوجيه ههههههه
بس هم مو مشكله عندي ذكرى موشرط ذكرى عاطفيه اكو ذكرى صعبه مرت علي فد يوم كنت مسافر وخلصت فلوسي وخابرت على اهلي وحولولي فلوس فهاي الذكرى كانت صعبه وابد مانساها ها شرايك الجوهره جواب مقنع لو لا...هههههههههه


ما فائدة القلم اذا لم يفتح فكرا
.. أو يضمد جرحا ..
أو يرقأ دمعة ..
أو يطهرقلبا
.. أو يكشف زيفا ..
أو يبني صرحا يسعد الإنسان في ضلاله..

غير متصل ɱЯ.ŠɧДЯǾkəəή

  • اداري منتديات
  • عضو مميز متقدم
  • *
  • مشاركة: 8058
  • الجنس: ذكر
  • † מـغـرۈر ۈصـ۶ـُب בـُبـﮧ †
    • مشاهدة الملف الشخصي
شكرا ساندي عالمرور والرد
مممم
جوهرة خوب ما مصدكة  ;D  ;D

ابو خالد اني راح انطيك اسئلة سهلة

اول سؤال

شنو رأيك بالاعضاء التالية اسمائهم

هيوي
اوتافيا
نهرا
جوهرة
يسرى
ماهر
ساندي
نجمة البحر
كيتاريست
وحش الطاوة
ابن بغداد
عراقي غيور
روز ماري
انجي
سود العيون
شاروو
عبير الحب
ديراني
فنار
جاسيمة


هذا اول سؤال

الثاني هو

شنو هو التحدي الي مريت بي بحياتك وفشلت بتحقيقة
بكل صراحة


ما بقى الا باجر يالة شباب لحكو ترة الفرصة مرة وحدة تجي بالعمر
mY fAcEb00K


غير متصل نـور

  • مبدع قسم الهجرة
  • عضو مميز متقدم
  • *
  • مشاركة: 39381
  • الجنس: ذكر
  • عــــرااااقــــي غـــيـــــوووررررر
    • مشاهدة الملف الشخصي
تحية طيبة ...



وماشاء الله على الاسئلة اصار بيك ابو خالد والله خطية ..


المهم حبيت اسئلك سؤال اصغير هو شنو رئيك بالنركيلة  ??? ??? ;D

سؤال سهل ابو خلودي

تحياتي... الك

غير متصل ابو خالد

  • مبدع قسم الهجرة
  • عضو مميز جدا
  • *
  • مشاركة: 4463
  • الجنس: ذكر
    • مشاهدة الملف الشخصي
اهلا بعودتك من جديد اخوي العزيز شارو وانشالله هانت بس اليوم واسلم الكرسي لعضو من الاعضاء الحلويييين والله يكون بعونهم وراح اجاوبك على اسئلتك انشالله


اول سؤال

شنو رأيك بالاعضاء التالية اسمائهم

هيوي
الجواب اكيد ماراح اكدر اكول انها شايفه روحها او اكول عنها كلام مو زين لان اول شي اخاف تنقل مواضيعي او تحذفهم ولسبب الثاني عدها صديقتها تخوووف وتضرب بالابطاله هههه فارجوك شارو لاتورطني والله اختي هيوي خوش هيوي وصدك روحها مرحه وطيبه وتستاهل كل خير وبالتوفيق انشالله

اوتافيا
الجواب اوتافيا وماادراكم مااوتافيا ورده وحبوبه وطيبه
نهرا
الجواب والله نهرا ماحصلي الشرف وعرفتها بس اللي اعرفه انها تكون اخت هيوي واكيد ماطول اخت هيوي يعني طيبه مثل اختها

جوهرة
الجواب الجوهره خوش بنيه وغاليه على قلبي واتمنالها النجاح بمواضيعها وبردودها الحلوه

يسرى
الجواب يسرى روعه هاي دكتوره وشمعة الامل ويسعدني مرورها حيل بصفحاتي
ماهر
الجواب ماهر حبيب كلبي ماهر الطيب الغالي والله احبه حيل وعبالك واحد من اخواني واعرفه من زمان
ساندي
الجواب ساندي هاي ملكه واحبها اختنا الغاليه وكمت احب اليسا من وراها

نجمة البحر
الجواب نجمة البحر مشاركاتها جديده معنا لكن اثبتت وجودها معنا من تعليقاتها الحلوه ومبينه روحها طيبه
كيتاريست
الجواب اووووووه كيتاريست هذا عملاق بكل معنى الكلمه اخلاقه عاليه وهو انسان محترم ومثقف ولكن هاي الايام جاي نفتقده وانشالله المانع خير

وحش الطاوة
الجواب وحش الطاوه لم تربطني فيه بصراحه اي علاقه بس من خلال مافهمته من الاعضاء القدماء انه حريص على المنتدى وعلى بنات المنتدى وهذا الشي يدل على انه شهم وطيب بس هم مع الاسف زعل وزعله طول ولمفروض انه يرجع بين اخوانه واخواته حتى يفيدهم

ابن بغداد
الجواب ابن بغداد ورده وصدك احبه وتحس من خلال كتابته وتعليقاته بانه قريب الى افكارنا وهو صديقي من ايام موقع الهجره واحبه واحترمه

عراقي غيور
الجواب العراقي الغيور هم حيل غالي على قلبي واحبه واحترمه وايضا صديقي من موقع الهجره وهو شاطر بمواضيعه وبردوده وكلنا جاي نشوف نشاطه بالكوفي ومامقصر مع الكل ولو انه فتحلي باب بالبيت من يشوفون اهلي الصور مال العصاير والكيك والكاتو ...كالو والله اشتهينا يابوخالد جيبلنا وانا اطلع واشتري الهم واكول هاي منين جبتها الي العراقي الغيوووووووور ههههههه

روز ماري
الجواب روزماري والله غنيه عن التعريف هاي البنت البطله الصامده في كل شيء وحنونه وحبوبه وادعي من كل قلبي ان يوفقها بحياتها

انجي
الجواب بعد انجي وعليكم الحساب انجي الملاك الطاهر التي تحب مساعدة الغير من خلال مواضيعها بالهجره وردودها للناس والله يوفقها لعمل الخير

سود العيون
الجواب سود العيون هاي اختي العزيزه الورده الغاليه  ولو انها هاي الايام جاي تغيب كثير بس مو مشكله الغايب حجته وياه

شاروو
الجواب شاروو ههههههههه بعد ابن ولايتي اكيد عزيز علينا والله بصراحه بوجودك انطيت نكهه جميله للمنتدى ياشاروو والله يحفظك

عبير الحب
الجواب اختنا عبوره الغاليه ومواضيعها حلوه وردودها احلى والله يحفظها

ديراني
ديراني خوش عضو ومميز ومواضيعه حلوه والله يوفقه بحياته الجديده ويعود لنا من جديد

فنار
الجواب والله اخوي فنار انا بصراحه من اجيت للمنتدى ماشفت مشاركاته بس يمكن لحكت على ردين اله وبيها طرشي وعنبه فما اعرفه زين بس يكولون عضو نشط وكانت مواضيعه حلوه

جاسيمة
الجواب جاسميه((جا)) وينك ياجاسميه اجت سألت سؤالين وخبثت وراحت هههههه بس خوش عضوه وروحها لطيفه والله يحفظها


الثاني هو

شنو هو التحدي الي مريت بي بحياتك وفشلت بتحقيقة
بكل صراحة

الجواب التحدي الي فشلت بيه حاولت ان اتحدى رغبتي للجكاير وان اقلع عن التدخين فما كدرت كطعت شهرين وانتصرت علي رغبتي ...فما طول خلصت من الاسئله بسرعه جيبولي ناركيله وكهوه بوووووووووووويه


ما فائدة القلم اذا لم يفتح فكرا
.. أو يضمد جرحا ..
أو يرقأ دمعة ..
أو يطهرقلبا
.. أو يكشف زيفا ..
أو يبني صرحا يسعد الإنسان في ضلاله..

غير متصل ابو خالد

  • مبدع قسم الهجرة
  • عضو مميز جدا
  • *
  • مشاركة: 4463
  • الجنس: ذكر
    • مشاهدة الملف الشخصي
العراقي الغيور انت ورده اسئلتك حلووووه مثلك مو مثل بعض الناس هههههههههه

شنو رأيي بالناركيله

الجواب الناركيله احبها ولكن احب يجيبولها الي جاهزه مااحب انا اسويها واعمرها وخطيه طايحه براس زوجتي واحب اشربها من اطلع رحلات او اكعد بمكان او بمقهى


ما فائدة القلم اذا لم يفتح فكرا
.. أو يضمد جرحا ..
أو يرقأ دمعة ..
أو يطهرقلبا
.. أو يكشف زيفا ..
أو يبني صرحا يسعد الإنسان في ضلاله..

غير متصل sandy 88

  • اداري
  • عضو مميز جدا
  • ***
  • مشاركة: 4480
  • الجنس: أنثى
  • المحبة ثم المحبة
    • مشاهدة الملف الشخصي

   تحياتي الك ابو خالد الوردة
واو شنو هالكلام الحلو اللي حجيته عني انت اروع اخ يا ابو خالد
والله يخليك لعائلتك وتكون دائما ترفع راسهم ان شاء الله
وتدلل يمعود اليسا هم تحبك صدكني اني احبها لان احس
احساسها صادق وكلش ارتاح من اسمع اغانيها ما ادري اني ما اعرف اجذب
واموت من واحد يجذب  واني صريحة بشكل ....
قبلاتي لأبنك خالد


  تحياتي
ساندي(نجمة المنتدى)

غير متصل ابو خالد

  • مبدع قسم الهجرة
  • عضو مميز جدا
  • *
  • مشاركة: 4463
  • الجنس: ذكر
    • مشاهدة الملف الشخصي
نشكركم اخواني واخواتي على طرح الاسئله لي واشكر اختي ساندي على رسالتها الجميله واحب ابلغكم بأن اليوم انتهى جلوسي على الكرسي والله يساعدني صارلي اسبوع كاعد على الكرسي واريد اكوم اتمشى والله يعلم منو راح يجي وراي والله يكون بعونه واحب اكول اله هذا الدعاء يقراه قبل لايجلس على الكرسي حتى تتسهل اموره والدعاء يقول((ياالله لقد مسني الضر وانت ارحم الراحمين)) هههههههه
وخلي يكون بعلمكم انا ماراح ارحم احد بيكم ابد بالاسئله ههههههههه


ما فائدة القلم اذا لم يفتح فكرا
.. أو يضمد جرحا ..
أو يرقأ دمعة ..
أو يطهرقلبا
.. أو يكشف زيفا ..
أو يبني صرحا يسعد الإنسان في ضلاله..

غير متصل sandy 88

  • اداري
  • عضو مميز جدا
  • ***
  • مشاركة: 4480
  • الجنس: أنثى
  • المحبة ثم المحبة
    • مشاهدة الملف الشخصي

 هاي اخواني وخواتي الاعزاء
اشو محد ماكو عالكرسي اليوم يعني يوم كامل خلص والكرسي فارغ
هذا اللي راح يكعد عليه شيريد بعد لان باقيله 6 ايام
خطية استاذ شارو ماكو خبر عنه ان شاء الله يكون بخير
يمعودين اطلقوا سراحه مو الكرسي فارغ

  تحياتي
ساندي(نجمة المنتدى)

غير متصل ɱЯ.ŠɧДЯǾkəəή

  • اداري منتديات
  • عضو مميز متقدم
  • *
  • مشاركة: 8058
  • الجنس: ذكر
  • † מـغـرۈر ۈصـ۶ـُب בـُبـﮧ †
    • مشاهدة الملف الشخصي
هاي شباب وصبايا شلونكم شباب

مشكور ابو خالد الوردة
ابن ولايتي على الكلمات الحلوة

وشكرا على تحملك الكرسي اسبوع كامل

وجانت اجوبتك كلش صريحة وجميلة عاشت ايدك

شتكولون شبابا نجيب ابو خالد اسبوع الخ لو نطلق سراحة خطية
ههههههههههه


لا لا اليوم ويانا عضو جديد
لو ممكن عضوة
نزلة جوة حتى نشوف





























































































هو عضو/ة كلش متالقـ/ــة
نزلة نشوف منو





























































































جميل/ة بردودة او ردودها
نزلو بعد
































































كلنا بحبة / نحبها كلش



























































العضو الجديد عالكرسي هو




















































































بعد شوية راح نوصل
































































































بعد بعد


























































































ساندي  :D  :D


منورة ساندي الكرسي
كل الهلا بيج خاااااااااااثي

اتمنالج اسبوع حلو ومليان اسئلة لوووول

شــاروو
mY fAcEb00K


غير متصل روزماري

  • اداري
  • عضو مميز جدا
  • ***
  • مشاركة: 3098
  • الجنس: أنثى
  • على الرب أتكالي وفيه رجائي
    • مشاهدة الملف الشخصي
هلو  شارو  وشكرا على أختيارك لساندي الرقيقة

أحب أكون أول من يوجهون السؤال الأول لساندي  الفراشة  لا تخافين ساندي راح اتكون أسئلئتي خفيفة عليج  حياتي

شنو سر  حبج  للبنان ؟

أختك  ساندي
كيف لي ان اشفى من حبك.... من يداوي جرح شوقي اليك... كيف لي ان اشفى من بحثي عنك ووجعي اليك ..من يوقف ادماني على عشقك .. من يوقف سكرتي في عينيك  ابسُط صلاتي اليك على الليل. ناراً لمجامير العاشقين نااااراً ناراً لمجامير العاشقين وانتظرمع الفجر وجهك ... انشد لك  مع القديسين اناشيد الوجد والحب يارب..

غير متصل ابو خالد

  • مبدع قسم الهجرة
  • عضو مميز جدا
  • *
  • مشاركة: 4463
  • الجنس: ذكر
    • مشاهدة الملف الشخصي


ههههههههه هاي شنو شاروو اشو ساندي بس والله صوجك ياصديقتنا ساندي انتي تحارشتي بشاروو كان الرجال ناسي ومامخلي احد على الكرسي وانتي نبشتي تستاهلين والله انا كان ودي احد غيرك جالس على الكرسي حتى اقسي عليه بس بعد مابليد حيله تحمليني وتحملي اسألتي ...اولا قبل كلشي شنو تحبين اقدملك مشروب تشربين حتى تروقين دمج وتهدين اعصابك
السؤال الاول ...بطاقتك الشخصيه
1..اسمك
2..سكنك
3..مؤهلك التعليمي
4..عملك
5..هواياتك
6..سلبياتك
7..ايجابياتك
8..عمرك

السؤال الثاني
شنو رأيك بشباب هاي الايام يستحقو ان يكونو مربين اجيال

السؤال الثالث

سر حبك الى الفنانه اليسا
السؤال الرابع
هل يسكن قلبك احد
السؤال الخامس
لون بشرتك
السؤال السادس
شنو الاكله المفضله الى ساندي
السؤال السابع
لو وجدت مصباح علاء الدين السحري وقال لك اختاري ثلاث امنيات شنو راح تختارين
السؤال الثامن والاخير
شنو رأيك بأسئلتي
ملاحظه الله يعينك يااختي ولي عوده ثانيه انشالله


ما فائدة القلم اذا لم يفتح فكرا
.. أو يضمد جرحا ..
أو يرقأ دمعة ..
أو يطهرقلبا
.. أو يكشف زيفا ..
أو يبني صرحا يسعد الإنسان في ضلاله..

غير متصل الجوهره

  • عضو مميز جدا
  • *****
  • مشاركة: 2660
    • مشاهدة الملف الشخصي
هلو الله يكون بعون بصديقتنا ساندي والكعده على الكرسي هو انتي لو ماسأله شارو ليش الكرسي ضل فارغ بس هو يجي الدور على الكل ماكو مفر من الكرسي ههههههههه
واتمنالج التوفيق ..وانا عندي كم سؤال

سؤالي الاول ..كلمه تتمنين سماعها كل يوم
سؤالي الثاني ..هل تحبين قراية الفنجان
سؤالي الثالث ..قرار اتخذته وتسرعت به ومن ثم ندمتي عليه

تقبلي تحياتي الجوهره
 

غير متصل sandy 88

  • اداري
  • عضو مميز جدا
  • ***
  • مشاركة: 4480
  • الجنس: أنثى
  • المحبة ثم المحبة
    • مشاهدة الملف الشخصي

 هاي اخواتي واخواني الاعزاء .... شارو هاي شنو هالمفاجأة ؟؟؟ بس اكيد مفاجأة حلوة
بوجودكم , ان شاء الله يكون اسبوع حلو ويمر بسرعة وشوية رحموني
لان اني هواية هواية احبكم ديربالكم على اختكم ..... مشكلتي اني كلش كلش صريحة
وشتريدون اسألوا عادي
 تقبلوا ودي
 ساندي

غير متصل sandy 88

  • اداري
  • عضو مميز جدا
  • ***
  • مشاركة: 4480
  • الجنس: أنثى
  • المحبة ثم المحبة
    • مشاهدة الملف الشخصي

 حبيبتي روزماري كلك رقة تسلمين قلبي عالسؤال الحلو

س/شنو سر  حبج  للبنان ؟
ج / لبنان هو اول بلد ازوره بحياتي وكنت اتمنى ان اشوف الحياة شلونها خارج العراق عشت تجربة جميلة في لبنان مراح انساها كان عندي دورة هناك في شمال بيروت كان معنا عدد من شابات وشباب العراق
ومن لبنان كانت الفكرة  كيفية ايجاد الحلول لكل المشاكل وبالفعل تدربنا على هذا الشيء فالشعب اللبناني شعب كريم وفيه حب لا يوصف للعراقيين اكتشفنا من قصصنا عن الوقائع بأن لبنان والعراق يمرون بنفس الظروف وبنفس القصص 100% .. لبنان هو بلد عريق بحضارته وبشعبه الطيب والاصيل وبجوه الجميل وطبيعته الخلابة
مختصر مفيد احس بأن هنالك حياة حقيقة هنالك .. فقد كنا نذهب الى شارع حمرا اللي صور فيه المطرب فارس كرم اغنيته (شفتا بشارع الحمرا) ومررنا بنفس الشارع الذي صورت المطربة نجوى كرم اغنيتها الجديدة ومررنا ب rotana coffee وزرت عدد كبير من الكنائس كانت اجمل تجربة بحياتي اضافتلي الكثير
اذا يوم من الايام قررت السفر الى خارج فسوف اذهب اما الى لبنان او لندن
 تحياتي
ساندي (نجمة المنتدى)

غير متصل sandy 88

  • اداري
  • عضو مميز جدا
  • ***
  • مشاركة: 4480
  • الجنس: أنثى
  • المحبة ثم المحبة
    • مشاهدة الملف الشخصي
هاااااااااااااااااااااااااااااااااااااااي ابو خالد
يمعودة مخليت شي للباقين وشلون اسئلة اويلي راح انفضح ..... ;D بس ولا يهمك راح اجاوبك
لان انتوا من محبتكم الي دتسألوني واذا مجنتوا تحبوني جنتوا تعبرون الموضوع ولا كأنه

س / السؤال الاول ...بطاقتك الشخصيه
1..اسمك  : عاشقة اليسا
2..سكنك :    وسط مدينة كركوك
3..مؤهلك التعليمي   : حاصلة على شهادة دبلوم نفط و شهادة حقوق الانسان وشهادة تبادل الخبرات 
4..عملك  : قبل يومين استلمت العمل بمؤسسة اسوي رواتب الموظفين وادققها وانزلها عالحاسبة
              فضلا عن طباعة الكتب الرسمية .... قبلها كان في مجال ngo اذا كان عملي طوعيا
5..هواياتك  : سماع الاغاني الرومانسية , سياقة سيارة ,مراسلات ,متابعة الامور الساسية والاجتماعية,
                شرب القهوة , كرة سلة ,المشي, التقاط الصور ,الرسم,اعشق السفر
6..سلبياتك  : لا اثق بأي شخص , صريحة جدا , لا اجيد التعامل مع المتكبرين ,                   
7..ايجابياتك : حنونة جدا ,عاطفية ,جدية في عملي,طموحة ,الابتسامة لاتفاقني,صريحة ,احب المساعدة
8..عمرك    : حاليا 21 سنة يمكن بعد شهر راح يصير 21 ونص  :D

السؤال الثاني
شنو رأيك بشباب هاي الايام يستحقو ان يكونو مربين اجيال
ج /  نعم لانه شباب اليوم اكثر منفتحين على العالم الخارجي وذوي معرفة ملمة بأمور الحياة
وهم برأيي على يقين بأن المرأة هي ملح الحياة وطموحين للغاية فمنهم من يشتغل ليلا ونهارا
من اجل ان يوفر كل شي لعائلته ويحرص على توفير الحب والسلام الداخلي مع زوجته ويعمل
على رفاهية عيشه ....


السؤال الثالث
سر حبك الى الفنانه اليسا
ج / عندما اسمع اغاني اليسا ارتاح نفسيا كأن صوتها يدفء مشاعري ويخترق احاسيسي
ويجعلني اعيش بحالة سلام مع نفسي بحيث اكون يقينة بوجود الحب الحقيقي في هذا
العالم المجهول وليس بضرورة ان تكون اغانيها كلها معبرة عن حالة قد عشتها
وانما اشعر بأن فنها اصيل وهي مخلصة لعملها ولصوتها ... كأن اغانيها تلون حياتي
وكذلك احب الفنان فضل شاكر بقدر ما احب اليسا لنفس الاسباب ومن حسن حظي
لقد اصدروا ديو سوية وكل يوم صباحا اسمع هذا الديو الرائع  (جوا الروح)


السؤال الرابع
هل يسكن قلبك احد
ج / لا يسكن بقلبي احد ... فأني لاانتظر الحب ابدا لاني متأكدة بأن الحب سيجدني
     وعندما يجدني سوف لن اتخلى عنه ..


السؤال الخامس
لون بشرتك
ج/ ههههه كانت بيضاء ولكن قمت بتسميرها حاليا لونها حنطي فاتح


السؤال السادس
شنو الاكله المفضله الى ساندي
ج /مممم هواية طبعا انا من النوع اللي ماعنده مشكلة مع الاكل لان طبخ ماما كلش طيب
   احب الكبة بكل انواعها والمشويات كلها واموت على التبولة واحب مرقة القيسي وشيخ محشي
     والبرياني والبتيتة كاري والبرغل والدولمة ههههههه ما اتصور بقى شي :D حتى السمك مكنت احبه
بس ماما تسوي مزكوف وباجة  بحياتي كلها ما ماكلة مثلة .


السؤال السابع
لو وجدت مصباح علاء الدين السحري وقال لك اختاري ثلاث امنيات شنو راح تختارين
ج/ امنياتي هي:
1_يعم السلام على العالم كله
2_ اعيش  اما بلبنان او بلندن او حتى بأي بلد بس المهم بيه غابات وبحر
3 _ اكون اسعد وحدة مع حبيبي  وعائلتي بحيث اكون احسن زوجة واحسن ام  واخلي
اطفالي يحققون كل امنياتهم .

السؤال الثامن والاخير
شنو رأيك بأسئلتي
ج / بصراحة بالبداية شفتها هواية بس بعدين من جيت اجاوب على سؤال سؤال
يعني صدك استمتعت بأسئلتك العفوية شكرا الك يا ابو خالد الوردة واذا عندك اي اسئلة اخرى
تدلل من هالعين قبل هالعين


  تحياتي
ساندي(نجمة المنتدى)

غير متصل sandy 88

  • اداري
  • عضو مميز جدا
  • ***
  • مشاركة: 4480
  • الجنس: أنثى
  • المحبة ثم المحبة
    • مشاهدة الملف الشخصي

 هاي الجوهرة عزيزتي منورة بوجودج يا قلبي ...ههههه اني لو ادري هيجي جان ولا سألت
بس يلا الكرسي بالبداية جان مكسور ف الله ينطي العافية ل ابو خالد اللي صلحه
والحمد الله لحد الان مريح

 س /سؤالي الاول ..كلمه تتمنين سماعها كل يوم
ج/ اتمنى يجي يوم اكعد الصبح على انغام صوت حبيبي ويكولي صباح الخير حبيبتي وبيده وردة حمرا
   وطبعا اتمنى اسمعها كل يوم

 س/ سؤالي الثاني ..هل تحبين قراية الفنجان
ج/ هههههه كلش ..هواية احب اشرب كهوة وكلما اشرب اقلب الفنجان بس ما اعرف شي
  اخلي غيري يقراه الي هو مجرد للتسلية مو اكثر وكلش استمتع بيه مرات تصير بيها نصب وضحك

س/سؤالي الثالث ..قرار اتخذته وتسرعت به ومن ثم ندمتي عليه
ج/ صدكي حبي ماكو قرار معين ومدا اتذكر هو اكيد صارت اشياء بحياتي قد ربما تأسفت
عليها ولكني لم اندم ابدا لاني افكر قبل ان اقدم على اي شيء

  تحياتي القلبية لك
   ساندي (نجمة المنتدى)



 

غير متصل نـور

  • مبدع قسم الهجرة
  • عضو مميز متقدم
  • *
  • مشاركة: 39381
  • الجنس: ذكر
  • عــــرااااقــــي غـــيـــــوووررررر
    • مشاهدة الملف الشخصي
ماشاء الله زين اني هسة شنو اسئل ماكو بعد اسئلة ....؟؟؟  :P :P :P


طبعا اهلا وسهلا بيج ساندي في كرسي الاعتراف او الكرسي المدمر اسبوع كامل كلة اسئلة

اوكي اسئلتي هي كالتالي .. سهلة  ;D ;D

1- اسم الاغنية المفضلة عندج اليسا طبعا
2- شنو رائيج بالشاب الصريح
3- شنو مواصفات فتى احلامج
4- اجمل هدية قدمت الج
5- خبر مزعج سمعتي
6- خبر مفرح سمعتي
7- اجمل لون عندج
8- شنو رائيج بالحب
9- هاي هية سلامتج ههه

اانشاء الله اتكون سهلة

بس هاااا هم ارجع اسئل بس مو هسة اخير يوم  ;D ;D 

غير متصل sandy 88

  • اداري
  • عضو مميز جدا
  • ***
  • مشاركة: 4480
  • الجنس: أنثى
  • المحبة ثم المحبة
    • مشاهدة الملف الشخصي

 مساء الخير العراقي الغيور وشكرا على اسئلتك الحلوة والله يستر من الجايات

 1- اسم الاغنية المفضلة عندج اليسا طبعا
ج /احب كل اغانيها بس الاكثر   : احلى دنيا , شو الحل,انا لمين, اغنيتها مع فضل شاكر (جوا الروح)
كلش تعجبني

 2- شنو رائيج بالشاب الصريح
ج/اروع شاب بالعالم

3- شنو مواصفات فتى احلامج
ج/ههههه من جنت مراهقة جان عندي مواصفات بس اكتشفت ان الشكل والمظهر مو قياس الحب
وانما الاخلاق والصراحة والوفاء والحب الصادق الابدي والتضحية والغيرة ..مختصر مفيد فتى احلامي هو الفتى اللي راح يدقله قلبي ولازم يكون يحبني ويموت علية واني اكون الانسان الوحيدة بحياته
ويكون مثقف حتى هو يعلمني معنى الحياة ..

4- اجمل هدية قدمت الج
فستان مال حفلات كان هدية من والدتي...
باقة ورد من زميلاتي بمناسبة العيد
حمرة شفاه من صديقة لبنانية
(بالنسبة الي الهدية ليست بثمنها وانما بمحبة الشخص الصادقة تجاهك)

5- خبر مزعج سمعتي
فقدان شخص عزيز

6- خبر مفرح سمعتي
اعادة الحياة لوالدي بأعجوبة ..... هاي قصة طويلة اعرف مراح تفهموها واكو هواية اخبار حلوة بس هذا الخبر الاروع بحياتي

7- اجمل لون عندج
احب كل الالوان لان طبيعتي انه اني انسانة تحب الحياة ومتفائلة دائما بس ما احب البرتقالي
واكثر شي احب اللون الاحمر والوردي والازرق الفاتح هذولة الالوان قريبة من شخصيتي

8- شنو رائيج بالحب
اذا كان الحب صادق ومن الطرفين فهذا اروع مافي الحياة

9- هاي هية سلامتج ههه
ههههه شكرا يا عراقي الغيور على هاي الاسئلة اللطيفة واتمنى اكون جاوبت على اكبر قدر من الصراحة


  تحياتي
ساندي(نجمة المنتدى)

غير متصل njmat_alba7r

  • اداري منتديات
  • عضو مميز متقدم
  • *
  • مشاركة: 39379
  • الجنس: أنثى
  • مااجمل ان تبتسم وانت في قمة الانهيار 。◕‿◕。
    • ياهو مسنجر - yahoo.com@◕‿◕
    • مشاهدة الملف الشخصي
داكول ليش الكرسي منو ر

  لان كاعدة علي احلى ساندي منورة الكرسي لبوووووووووووووو

 مراح اسالكي سوال  واللة يعينكي على الاسيلة الجماعة ههههههه ^_^

 ت7يتي
: عًــــنًـدمـًا يتـًشـاـبًه آلكـًـــل أتمـًـيز أنـًـــــــــا :





غير متصل sandy 88

  • اداري
  • عضو مميز جدا
  • ***
  • مشاركة: 4480
  • الجنس: أنثى
  • المحبة ثم المحبة
    • مشاهدة الملف الشخصي
 لبي آيت , حبيبتي نجومة انتي اللي نورتينا ..... بس وجودج كافي بالنسبة الي
يا احلى نجمة بسماء عنكاوا دوت كوم


  تحياتي
ساندي(نجمة المنتدى)

غير متصل ★AbN✰BaGhDaD★

  • مبدع قسم الهجرة
  • عضو مميز جدا
  • *
  • مشاركة: 4634
  • الجنس: ذكر
  • ★☠❶☠★
    • ياهو مسنجر - a7baab_alroo7_79@yahoo.com
    • مشاهدة الملف الشخصي
    • البريد الالكتروني
كل الهلاا بيك اخت ساندي منور الكرسي بوجودك ;D ;D ;D..
ويمكن راح تضوجين من اسئلتي بس هو الموضوع من اسمة (كرسي الاعتراف ) ها ..فاتحمليهة شوية  ::)

السؤال الاول ...ماهو اصعب سؤال بالنسبة الك سئلتي من قبل باقي الاعضاء الورود لحد هذه اللحظة ؟؟؟ ???

السؤال الثاني...ماهو اصعب موقف محرج مريتي بيه ..؟؟؟ :)

السؤال الثالث ...لو كان عندك قنبلة  ووردة الى من سوف تهديهة ....؟ 8)

السؤال الرابع ...لماذا تحبين اليسا ...؟ ;D

لا آله الا الله وحدة لا شريك له,له الملك وله الحمد وهو على كل شيء قدير

غير متصل زهرة القرنفل

  • عضو مميز جدا
  • *****
  • مشاركة: 2277
  • الجنس: أنثى
    • مشاهدة الملف الشخصي
منور شاروو ومنورة ساندي الحلوة

سؤالي  والله احتاريت شنو اسال لان كل الاسئلة موجودة

سؤالي بسيط

بشنو توصفين شخصيتج

بشنو توصفين شكلج 

شنو رايج بشكلج وشخصيتج

ومنو من اهلج اطلق عليج اسم ساندي ويعجبج لو لا

حبيبي عذريني لان معرفت شنو اسال كلها كايليها 
يامار انطونيوس الشفيع . كن لدعوانا السميع . قوي ايماننا . احيي رجاءنا . علم الحـــــــــــب للجميع

ارحمنا يالله وارحم جميع الموتى واشفي جراح العراق

غير متصل hewy

  • الاداري الذهبي
  • عضو مميز متقدم
  • *******
  • مشاركة: 26588
  • الجنس: أنثى
    • مشاهدة الملف الشخصي
يا هلا باحلى ساندي
يمعود شارووووو يبس قلبها البنية غير تضيفها بفد عصير بارد مو انت ابو الكرم


ساندي سؤالي الكي :
الاغاني الرومانسية تفضليها بصوت مطرب ام مطربة ولماذا ؟

لو اتتكي فرصة التطوع في عمل انساني فاي مجال ستختارين للخدمة ؟مثلا طفولة ،مهجرين، اسرى، الخ

غير متصل sandy 88

  • اداري
  • عضو مميز جدا
  • ***
  • مشاركة: 4480
  • الجنس: أنثى
  • المحبة ثم المحبة
    • مشاهدة الملف الشخصي

 مساء الخير بـ ابن بغداد هههههه ولا يهمك راح اتحمل امري لـ الله
يمعود ما اضوج منكم انتوا تأمروني أمر  ;)

 وهسه راح ابدي اجاوب على اسألتك .. يا الله
س /ماهو اصعب سؤال بالنسبة الك سئلتي من قبل باقي الاعضاء الورود لحد هذه اللحظة ؟؟؟
ج/ بصراحة
اسمك  : عاشقة اليسا ...هذا السؤال الوحيد اللي مجاوبت عليه 100% وبس
ولو تسألوني اصعب سؤال راح يكون سهل علية صدكني لان انتوا مو غربة علية

س/ السؤال الثاني...ماهو اصعب موقف محرج مريتي بيه ..؟؟؟
ج/ هههههههه بصراحة هواية مواقف لان اني بطبيعتي خجولة فبسبب هذا تصادفني هيجي مواقف
مدا اتذكر .. يلا راح اكولك اول يوم داومت بالجامعة جنت كلش استحي فأول يوم خليت بابا وماما يوصلوني ويدخلوني وتعرفت على وحدة من البنات يلا خليتهم يروحون المهم ثاني يوم الدوام بابا وصلني بس شنو
اكو مسافة امشيها تقريبا 30 متر يلا ادخل للجامعة فبهل اثناء شفت واحد لابس قميص ابيض ديدخل لفد
بناية فعبالي هاي البناية هي نفسها مالت البارحة اللي دخلتها المهم ليش ما دادخل لهاية البناية
وارفع راسي واقرا القطعة فتراجعت وكملت مشيت فد 3 امتار ووصلت للمكان المقصود  ;D


السؤال الثالث ...لو كان عندك قنبلة  ووردة الى من سوف تهديهة ....؟
ج / القنبلة اهديها الى فاعلي الشر
والوردة اهديها الكم كلكم

السؤال الرابع ...لماذا تحبين اليسا ...؟
ج/ راح اجاوبك بأختصار احب اليسا لان احساسها نفس احساسي لان هي هم صوت وشكل هههه
 بالمناسبة كلش حبيت المنظر اللي حاطه ذكرني بلبنان الحبيبة لان بيها نفس المناظر

 تحياتي الك
ساندي(نجمة المنتدى)






 

غير متصل sandy 88

  • اداري
  • عضو مميز جدا
  • ***
  • مشاركة: 4480
  • الجنس: أنثى
  • المحبة ثم المحبة
    • مشاهدة الملف الشخصي

 يا هلا بـ اوتافيا يا زهرة المنتدى شكرا لبي على اسألتج الحلوة

 س/بشنو توصفين شخصيتج
ج / طموحة ودقيقة بأختيارتي ولا استعجل مطلقا بأتخاذ القرارات وعاطفية وعنيدة وغيورة
 على من احب  كثيرا بعملي ووفية وما احب الكذب ومرحة جدا وحدسي ميخوني ابدا

س/ بشنو توصفين شكلج
ج/ممممم بصراحة يا اوتافيا جنت متأكدة راح تسأليني هيجي سؤال
اوكي حبي راح اجاوبج بكل صراحة ...لون عيوني قهوائي متوسط وعيوني كبار ما ادري بعد الكل يكولون
 عيونج حلوة ومرات يشبهوها بعيون اليسا وشعري كان طويل بس هسه موديل كاري قصير موديل القصة
(من الامام اطول من الخلف) متوسطة الطول ...ممممم لون شعري حاليا صابغته بني غامق
يعني على اسود لان هسه الموديل لون شعر اسود ممممم بعد حبي شتريدين تعرفين ؟


س/ شنو رايج بشكلج وشخصيتج
ج/ حاليا عاجبني شكلي ;D بس ممكن اغير شوية من المظهر الخارجي من فترة لـ اخرى لان دائما احب اجدد ... اما بالنسبة لشخصيتي فآني كلش احبها ومستحيل اغيرها وممكن ان تتطور طبعا بمرور الزمن
وبزيادة الخبرة عن طريق اجتياز تجارب الحياة

س/ منو من اهلج اطلق عليج اسم ساندي ويعجبج لو لا
ج/ههههههه ما اتذكر بصراحة بس من جنت صغيرة جنت كلش احب افلام كارتون ساندي بيل
لذلك اطلقوا علية هذا الاسم طبعا .. ويعجبني هذا الاسم لانه يذكرني بطفولتي


                  قبلاتي لك يا احلى وردة
                 ساندي(نجمة المنتدى)

غير متصل ماهر الراوي

  • عضو فعال جدا
  • ***
  • مشاركة: 648
    • مشاهدة الملف الشخصي
    • http://www2.0zz0.com/2009/05/08/10/699945507.jpg
مساء الخير على الجميع

مساء الخير ساندي منوره الزاويه ومنوره الكرسي وقلبي معك والله يكون بالعون بس انت نجمة المنتدى واكيد كده وكدود

واحب ابارك لاخويه العزيز ابو خالد المحترم على اجتيازه اسبوع الاعتراف وبنجاح باهر وكان فعلا نجم باجوبته وصارحته ومداخلاته الجميلة واحب اشكره الشكر الجزيل على مشاعره الرائعة باتجاهي واتجاه كل الاعضاء واكله رب اخ لم تلده لك امك واكيد انت هذا الاخ اللي اعتز واتشرف باخوته .

هسه راح اسئل نجمتنه الحلوه ساندي

1 دائما من نقرأ ونشوف اسمك نلاحظ ساندي 88 ماذا يعني لك هذا الرقم؟

2 عندي معلومات بسيطه بخصوص نشاطاتك ياتجاه نهوض المرأه العراقية وانك تنشطين بنهوض الواقع العراقي ...ما هو واقع المرأه العراقيه الان وهل هناك رؤيه واضحه بخصوص مستقبلها؟؟؟؟

هل تفكرين بمغادرة العراق ؟؟؟

سكون الليل ... هدوء البحر ....المطر ....ماذا تعني لك؟؟؟؟

ومبروك على الوظيفه الجديدة ويا رب انشوفج مدير عام ........

غير متصل ɱЯ.ŠɧДЯǾkəəή

  • اداري منتديات
  • عضو مميز متقدم
  • *
  • مشاركة: 8058
  • الجنس: ذكر
  • † מـغـرۈر ۈصـ۶ـُب בـُبـﮧ †
    • مشاهدة الملف الشخصي
وكل الهلا بالشباب منورين
بس لا تعبوها لساندي هاا

لان غالية علينا

وتددلل هيوي
وهاي احلى كاسة عصير



لاحلى ساندي
تدللين

وراجعلج بعدين بأسئلة
mY fAcEb00K


angie-dawood

  • زائر
اني حبي ماراح اسال اي سوال يكفي الاعضاء ما سالوا بس حبيت اكو اللة يعينك على اسئلتهم 00تحياتي

غير متصل ann_alnoury

  • عضو مميز متقدم
  • *******
  • مشاركة: 5304
  • الجنس: أنثى
    • مشاهدة الملف الشخصي
تحية مرتوية بماء الورد اهديها لكِ عزيزتي ساندي اتمنى ان تكوني بــ أطيب حال....معي بعض الاسئلة اتمنى ان تكون خفيفة عليكِ....

1 أيهما أجمل في المرأه (قوة الشخصيه أم الانوثه).....

2  (ما أقـل حاجاتنا الحقيقية .. وما أكثر مانتوهم أننا محتاجـون إليه ) مارايكِ بهذه المقولة ....

3  هل انتِ من النوع الذي يستشير الاخرين في اتخاذ القرار..؟ ام تفضلين اتخاذ القرار بنفسكِ .؟

4  اختاري خمسة اعضاء وامنحيهم القابا ....

....واخيرا دمت ودام عطاؤكِ بالابداع والتالق والرب يوفقكِ دائما ....تحياتي لكِ
احيـــانا تسعــدنا الايـــام حتــى نظــن اننــا لــن نحــزن ابـــدا ......
ثـــم تـــدور الايـــام وتحــزننا حتــى نظــن اننـــا لا نسعـــد .......

غير متصل sandy 88

  • اداري
  • عضو مميز جدا
  • ***
  • مشاركة: 4480
  • الجنس: أنثى
  • المحبة ثم المحبة
    • مشاهدة الملف الشخصي

  حبيبة قلبي هيوي كلج كرم ... شكرا لبي والله يبرد قلبج عمري انتي

س/ الاغاني الرومانسية تفضليها بصوت مطرب ام مطربة ولماذا ؟
ج/ حبيبتي هيوي بالنسبة الي ماعندي اي مشكلة اذا كان صوت الاغنية بصوت مطرب
او مطربة اهم شي يمي الاحساس والدليل انه اني شكد احب اليسا بنفس المقدار احب
مطرب الاحساس فضل شاكر...... هيوي واحبج همينة  ;D


س/لو اتتكي فرصة التطوع في عمل انساني فاي مجال ستختارين للخدمة ؟مثلا طفولة ،
مهجرين، اسرى، الخ
ج/ حبيبتي هيوي انا بطبعي اموت على الاعمال اللي بيها عمل الخير ,انا عملت لمدة سنتين
مجانا في ngo قمنا بمساعدة كثير من الناس وعلى مختلف المستويات والفئات
ومع العلم لم يكون لدينا لا دعم ولا راتب ولا اجور نقل كان كله على حسابنا
وبالرغم من هذا استفاديت كثيرا والحمد الله والشكر توصلنا الى نتائج مرضية
واذا اتتني اي فرصة بأي مجال ان شاء الله ما اقصر بعملي ...

 قبلاتي لكي
 ساندي(نجمة المنتدى)

غير متصل sandy 88

  • اداري
  • عضو مميز جدا
  • ***
  • مشاركة: 4480
  • الجنس: أنثى
  • المحبة ثم المحبة
    • مشاهدة الملف الشخصي
مساء الخير ماهر راوي ...شكرا لكلامك الجميل انت هو  النجم
وانا بدوري اهنيئ اخونا ابو خالد بصراحة طيلة فترة وجوده استمتعنا كثيرا
وهو  هم ماقصر كان يجاوب على كل الاسئلة .......وان شاء الله اني هم ما اقصر وياكم

س/دائما من نقرأ ونشوف اسمك نلاحظ ساندي 88 ماذا يعني لك هذا الرقم؟
ج/ ساندي هو الاسم الثاني الي ويذكرني بأفلام كاتون ساندي بيل اللي جنت احبه
والرقم 88 هو مواليدي ...بصراحة اول ما جنت دأسجل بالمنتدى حبيت اسجل بأسم
سندريلا بس كان موجود هذا الاسم لذلك كتبت ساندي 88

س/عندي معلومات بسيطه بخصوص نشاطاتك ياتجاه نهوض المرأه العراقية وانك تنشطين بنهوض
الواقع العراقي ...ما هو واقع المرأه العراقيه الان وهل هناك رؤيه واضحه بخصوص مستقبلها؟؟؟؟
ج/هههههههههه هاي شنو عيني انت مطلعت راوي طلعت تشتغل بال CIA
بصراحة ومن وجهة نظري شخصيا ان واقع المرأة العراقية في الآونة الاخيرة شهد كثير
من التطورات على جميع الاصعدة لان في نهاية المطاف اثبتت المرأة العراقية بأنها ليست  قادرة
على ادارة البيت وتربية الاطفال وتولي شؤون العمل في جميع القطاعات فحسب وانما
دخلت على الساحة السياسية وتعاونت مع اخيها الرجل جنبا الى جنبا للوصول الى كافة
الطرق والسبل التي تهدف للنجاح  لكن هذا ايضا يعتمد على مدى كفاءة الانسان بنفسه
في توفير كافة مستلزمات وضرورات الحياة للشعب وخدمة الصالح العام.....

بالنسبة لي اني ارى بأن هنالك نظرة واضحة بشأن المستقبل فالمرأة اليوم هي ليست نفسها
بالامس فاليوم اصبحت اول من تقرع باب العلم  فهي اصبحت اليوم ملمة حتى بأمور قانون الاحوال
الشخصية لان المرأة كانت تعاني وتعاني سابقا من ويلات الرجل عديم المسؤولية الذي يطلق زوجته
وعلى عاتقها اطفال لا ذنب لهم ان كان والدهم لايصرف عليهم وقد اغوته مغريات الحياة
فالقانون يقتضي بألزام هذا الزوح والاب النكرة بالانفاق على مصاريف عيش اولاده لانهم ببساطة
تلامر اولا واخيرا اولاده من لحمه ودمه فكيف يقتضي به الامر بتركهم بالشارع دون معيل ...
المرأة اليوم تناضل من اجل تربية جيل صالح يتطلع نحو غد مشرق ومفعم بالخير والعطاء..

س/ هل تفكرين بمغادرة العراق ؟؟؟
ج/ منذ ان كان عمري 4 سنوات وانا اعشق السفر واتطلع اليه بفارغ  الصبر
لكن ماذا بوسعي ان اعمل فأذا كان قدري ان ابقى فسوف ابقى

س/ سكون الليل ... هدوء البحر ....المطر ....ماذا تعني لك؟؟؟؟
ج/ سكون الليل...اه وما اجمل الليل اني من عشاق الليل يذكرني بأيام الدراسة فكنت
انتظر مجيء الليل حتى اقرا دروسي لان كان مدى استيعابي اكبر في الليل
والليل يشعرني بطريقة او بأخرى بان هنالك شيء ما ينتظرني في الصباح قد يكون جميلا
ففي الليل ايضا اعيد في ذاكرتي ومع نفسي كل شيء عملته اليوم ولا انام مطمأنة الى ان
اتاكد بأني لم اجرح احدا ولم اخذله ....
هدوء البحر...... طبعا اجمل بحر رأيته كان في لبنان ولكني رأيته مرة واحدة في حياتي
واخشى ان تكون المرة الاخيرة ولكن مع ذلك اشعر بأني اسعد انسانة عندما اتطلع الى جمال البحر
اشعر بان الحياة مستمرة وقد وجد هذا الشيء الجميل من اجل كل الناس من اجل الشخص السعيد
والحزين ...

المطر.....واو اجمل شيء هو المطر وخاصة ليلا وخاصة عندما تكون مع الحبيب هههههههه
ولكني لم اجرب هذا الشيء مطلقا في حياتي لكني  كلما ارى المطر اتخيل نفسي مع هذه
اللحظات ..

واخيرا اشكرك على تهنئتك لي وان شاء الله تتوفق انت ايضا في اي عمل تقدم عليه


  تحياتي
ساندي(نجمة المنتدى)

غير متصل sandy 88

  • اداري
  • عضو مميز جدا
  • ***
  • مشاركة: 4480
  • الجنس: أنثى
  • المحبة ثم المحبة
    • مشاهدة الملف الشخصي

 عاشت ايدك شـــــــــــــــــــــــــــــارو كلش طيب العصير
يعني اذا ايقى اسبوع ثاني هم راح تجيبلي عصير ..؟ ;D
بس شنو انت وصيتهم يديرون بالهم علية بس اني خايفة
من اسألتك والله  يستر ... يمعود ما اوصيك اني بنت بلدك ;)

       تحياتي
ساندي(نجمة المنتدى)

غير متصل ابو خالد

  • مبدع قسم الهجرة
  • عضو مميز جدا
  • *
  • مشاركة: 4463
  • الجنس: ذكر
    • مشاهدة الملف الشخصي
تسلمين اختي ساندي على اجوبتك الصريحه ورده والله ورفعة راس النا ..انا كنت قلق عليك اول ماكعدتي على الكرسي بس زين ماينخاف عليج بس اكو اسئله من اختنا ((ان النوري)) اشو صار يومين تجاوبين على الاسئله ومالت ((ان)) ماجاوبتي خير خو مواسئله صعبه ..وانا ماطول دخلت هم راح اسألك سؤال واحد مايصير ادخل واطلع بدون سؤال بعدين يكولون اني متواطأ وياك هههههه
فسؤالي هو شنو رأيك بهؤلاء الاعضاء

هيوي
اوتافيا
روزماري
جوهرة
يسرى
سود العيون
ماهر
ابو خالد
حنان
ان النوري
زيد الحسيني
روبرت
نجمة البحر
كيتاريست
وحش الطاوة
ابن بغداد
عراقي غيور
انجي
شاروو
عبير الحب
ديراني
انطون مترى
فنار
جاسيمة
بنت النجف




ما فائدة القلم اذا لم يفتح فكرا
.. أو يضمد جرحا ..
أو يرقأ دمعة ..
أو يطهرقلبا
.. أو يكشف زيفا ..
أو يبني صرحا يسعد الإنسان في ضلاله..

غير متصل سود العيون

  • عضو فعال جدا
  • ***
  • مشاركة: 356
    • مشاهدة الملف الشخصي
    • البريد الالكتروني
مرحبا ساندي ما شاء الله على عدكي ازدحام بالاسئلة الله يعينكي بس انا اكيد سؤالي مو صعب

اي فصل من فصول السنة تحبين اكثر ؟   شفتي سؤالي كلش سهل فلمن يجي دوري لازم

انتي هم تساليني سؤال خفيف  وشكرا                                سود العيون

غير متصل sandy 88

  • اداري
  • عضو مميز جدا
  • ***
  • مشاركة: 4480
  • الجنس: أنثى
  • المحبة ثم المحبة
    • مشاهدة الملف الشخصي

   حبيبة قلبي انجي شكرا لتعاطفك معي وفعلا  الله يعيني عالاسئلة ههههههههه
عمري انتي بس صدقيني اني هم اريد اتعرف عليج اكثر لان انتي مثل اختي
ومرة الثانية اريد سؤال منج يا وردة لان من هسه متفائلة بأسئلتج.. :D


        تقبلي ودي
       ساندي(نجمة المنتدى)

غير متصل sandy 88

  • اداري
  • عضو مميز جدا
  • ***
  • مشاركة: 4480
  • الجنس: أنثى
  • المحبة ثم المحبة
    • مشاهدة الملف الشخصي

  صباح الخير على اجمل واطيب فتاة بالعالم ...صباح الخير ياعمري آن
اتعلمين ان اسمك يعجبني كثيرا منذ ان كنت صغيرة ... :D.. اشكرك على اسئلتك
الراقية واعذريني لاني تأخرت قليلا عليك لاني كنت مشغولة بعملي الجديد


س/ أيهما أجمل في المرأه (قوة الشخصيه أم الانوثه).....
ج/ بكل صراحة سوف اجيب يا حبيبتي واقول ... ليس هناك في العالم اجمل من المرأة ذات
الشخصية القوية والانوثة الرقيقة ..اني اعمل دائما على تقوية شخصيتي واكيد بنفس الوقت
المحافظة على انوثتي لان المرأة الناجحة لا يمكن ان تتخلى عنهما مهما مر الزمن
فقوة الشخصية والانوثة يجب ان تكون متلازمة لكل امرأة ... في يوم من الايام كنت حاضرة
لورشة عمل ما وقلت رأيي للجميع لماذا المرأة عندما تتولى مناصب معينة تترجل
وكأن ترجلها هذا سيزيد من قوة شخصيتها واحترام الناس لها لان هذا اكبر غلط
فالمراة بانوثتها تثبت للعالم بأنها امراة حقيقة رقيقة المشاعر وقوية الشخصية ومتعلمة
وفاهمة لأمور الحياة هذه المرأة تسمى بكر فخر المرأة القيادية.....احيانا نتوصل لحل كثير
من المشاكل والعراقيل في حياتنا بأنوثتنا وبنفس الوقت نكسب احترام الرجال ايضا ..
فما اجمل منظر المرأة وهي تترأس منصب او تقوم بعمل ما يفيد الجميع وهي تتطل لنا بأحلى
حلى فتبدو لنا كالزهرة الفواحة التي تعطر العالم بعطر طيبتها وذكائها ...

س/ (ما أقـل حاجاتنا الحقيقية .. وما أكثر مانتوهم أننا محتاجـون إليه ) مارايكِ بهذه المقولة .
ج / هذه المقولة صحيحة 100% بالنسبة الي اني اتوهم بأني محتاجة الى كثير من الاشياء
لكن في الواقع اني لست بحاجة اليها مثلا ابسط شيء عندما ارسم لوحة ما يتراءى لي
بأني احتاج اقل شي الى 6 او 10 الوان لكن عندما ادرك الحقيقة اجد بأن لون واحد يكفي
لذلك فقد احصل من هذا اللون على مستويات مختلفة من درجات اللون نفسه فأستطيع
بالتلوين ان احصل على درجة الغامق منه والمتوسط والفاتح و.... الخ
فأحيانا نرى في دول المتطورة رسام يقف بالشارع ويرسل شيء معين امامه نجده يستخدم
لون واحد وبالتالي تضهر لوحته اجمل ما تكون ومشابهة كثيرا للحقيقة ...

س/ هل انتِ من النوع الذي يستشير الاخرين في اتخاذ القرار..؟ ام تفضلين اتخاذ القرار بنفسكِ .
ج/ عزيزتي آن قد لم تعاشريني ولكني بطبيعة الواقع انسانة شفافة جدا في تعاملي مع الاخرين
وهذا يولد رابط عميق بيني وبين صديقاتي مما يجعلهن يفصحون عن تاريخ حياتهم كلها وهذا مايزيد
من خبرتي بالحياة من كل تجربة من تجاربي وتجارب الغير واني انسانة حكيمة جدا لا اتخذ
قرار الا وقد فكرت به مئات المرآت واخذت برأيي كل الذين اعرفهم والحمد لله لم اتخذ بحياتي قرارا
ندمت عليه يوما....واتمنى ان ابقى هكذا طيلة حياتي ...لاني على يقين بأن اتخاذ القرار
يتطلب التفكير العميق ودراسة كل الامور السيئة في حال اتخاذ اي قرار وكيفية تجنبها.


س/ اختاري خمسة اعضاء وامنحيهم القابا ....
ج / حنان ... فراشة المنتدى
     آن النوري.... الحكيمة
     يسرى ... الحنونة
     زهرة القرنفل.. الدلوعة
     روزماري...الروح الجميلة
وليعذروني باقي الاعضاء لاني كنت ملتزمة ب5 اعضاء لكن سأجيب على سؤال ابو خالد
وسأقول ما رأيي بكم جميعا وبكل صراحة :D


     تحياتي
ساندي(نجمة المنتدى)

غير متصل عبير الحب

  • عضو مميز
  • ****
  • مشاركة: 1429
  • الجنس: أنثى
  • جميل هو الانسان الذي يحب ولايخدع ؟يتالم ولايصرخ؟تد
    • مشاهدة الملف الشخصي
صباح الخير اذا كان صباح ومساء الخير اذا كان مساء  يااحلى ساندي ماراح اسئل هواية راح اسئل اسئلة حلوة وانشالله تعجبج ومنورة الكرسي

ســـــــ الاول :- اذا انطوج ساعة من الوقت تقضيها ويا فنان منو وتختارين ؟؟؟من هذولة ؟؟؟



                                                          او



                                                          او




                                                        او


ســــــــــ الثاني:-ماذا يعني لكي منتدى عينكاوا

ســـــــــــــــ الثالث :- تحققت احلام ساندي بالحياة وماذا تحقق ؟؟؟

تحياتي الج وانشالله تكون اسئلة خفيفة

الى من ابعدتني عنه الدروب الى من ذابت به القلوب ساضل احبك رغم الفراق المكتوب رغم حزني ......رغم دمعي @@عن حبك لان اتوب

غير متصل sandy 88

  • اداري
  • عضو مميز جدا
  • ***
  • مشاركة: 4480
  • الجنس: أنثى
  • المحبة ثم المحبة
    • مشاهدة الملف الشخصي

مرحبا اخي العزيز ابو خالد منور بمرورك الثاني  طبعا جنت مشغولة بالفترة الاخيرة
هههه لا خطية آن العزيزة مقصرت كانت اسألتها واضحة الحمد الله والشكر
هههه الله عليك يا ابو خالد هاي على اساس متريد تطول وسألتني هيجي سؤال
عجبا لو تطول شلون الوضع يكون  ;D ولا يهمك تدلل راح اجاوبك


س/ فسؤالي هو شنو رأيك بهؤلاء الاعضاء؟
ج/ هيوي ... برأيي ان هيوي هي ادارية ناجحة لان بأستطاعتها ترضية جميع الاعضاء
وبالرغم من ذلك فهي ملتزمة بقوانين المنتدى وتطبقها بحذافيرها وانا اهنئها على ذلك

اوتافيا....العزيزة اوتافيا ما اعرف ماذا اقول فهي تجمع مابين المرح والمشاغبة والدلع
احسها قريبة مني من هذه الناحية واني احبها كثيرا

روزماري
.. حبيبة قلبي روزماي احس هذه الانسانة مخلصة بحياتها وصريحة
وتملك بقلبها الرقة اهنيها على شخصها الكريم فهي منورة المنتدى

جوهرة ..طبعا الجوهرة هي حبيبة قلبي دائما اذا كان لدي موضوع ترد عليه بكل صراحة
وبروح طيبة الله يوفقها ويحفظها لديها صفة تتمتع بها وهي انها تقدر الشخص المقابل
واني اكن لها كل الاحترام

يسرى...لا استطيع ان اوصغها بالكلام احسها اختي الكبيرى التي تعتني بي دوما
واني افقد هذا الشيء بحياتي لاني لا املك اختا اكبر مني ...الله يحفظي عزيزتي يسرى

سود العيون
.. العزيزة سود العيون اثبتت لي محبتها لي من خلال المنتدى والله لا يحرمني منها
ماهر
... ممكن لا اتكلم عن هذا الشخص لاني لا اعرف ماذا اقول ..حسنا سوف اقول
حتى لا تقول بأني افرق بينكم الشيء الذي اكتشفته من خلال كتاباته بأن لديه
حنان في داخله فهو شخص حنون وهو مبدع جدا بكتاباته فأهنيه على ابداعاته

ابو خالد
..ابو خالد سأقول بكل صراحة والله ليست مجاملة ابو خالد اثبت لنا مقدار وفائه لعائلته
و زوجته خاصة لان كان باستطاعته ان يخفي عنا موضوع زواجه واعجبني اسمه بالمنتدى
المسجل بأسم ابو خالد .... اتمنى ان تكمل حياتك على هذا الطريق طريق الوفاء..
ها كي لا انسى هذا الرجل فيه روح المداعبة التي يتميز بها وطبعا هذه الصفة جميلة فيه


حنان
.. العزيزة حنان يكفي انها دخلت بأعماق وتفكير كل منا وشخصتنا واطتنا القابا
مشابهة لنا فهذا يدل على مدى حبها واهتمامها لنا ... الله لا يحرمنا منك يا اختنا العزيزة


آن النوري
..لم اتعرف عليها شخصيا لكني احس انها مثقفة ولديها قدرة على القيادة
اتمنى لها النجاح في حياتها ولا انكر رقتها التي تتمتع بها ..عزيزتي آن لقد اكتشفت
بك موهبة الا وهي قدرتك بأن تكوني صحفية ناجحة او مقدمة برامج سياسية


زيد الحسيني
... بصراحة لم اتعرف عليه لكن الظاهر لديه علاقات طيبة مع باقي الاعضاء
تحياتي له

روبرت...
اتصور اسمه روبرت ديراني ايضا هذا الشخص الكريم لم اتعرف عليه
لكن ارى مشاركاته في كافة المنتديات تقريبا حتى عالصفحة الرئيسية

نجمة البحر
.... حبيبتي نجومة ان لهذه الوردة صفة التجدد واحس ان لها حركة ديناميكة
على طول فأحس بنشاطها اينما ذهبت بهذا المنتدى ..تحياتي لك عزيزتي


كيتاريست
.. واو اعجز عن وصف هذا الشخص الرائع فعلا اثبت لنا براعته على طول
فترة وجوده معنا واتمنى ان يعود وينور هذا المنتدى بكتاباته الرائعة تعجبني فيه
طريقة وصفه للاشياء فهي رائعة ومعبرة وملونة بروحه وبمشاعره الحقيقة
احس ان هذا الشخص لا يعرف الكذب فهو صريح ..ابدا لا انسى في يوم من الايام
عندما كنت اقرأ ردوده اتضح بأنه اكتشف بأني مهما كبرت سأظل طفلة من ناحية الحنان

وحش الطاوة
.. لقد ترك هذا الشخص بصمة في قلوب الكل لانه كان يثبت وجوده في كل صفحة
وموضوع تابع للاعضاء وكان صريح بردوده


ابن بغداد
...هذا الشخص يمثل 100% شباب بغداد الحبيبة ففيه روح النكته والمغامرة
واسلوب الكلام الذي تحتويه كلمات المجاملة لكن بالواقع هي ليست مجرد مجاملة
لان اهل بغداد بصورة عامة يتكتعون بالكلام الجميل مع الناس

عراقي غيور
... الشيء الذي يعجبني فيه بأنه لم يخفي بأن لديه حبيبة في حياته
وهذا الشيء قرأته في احدى ردوده على احد مواضيع الاعضاء ..وهو يتمتع بالنشاط
في كل زوايا المنتدى

انجي.. الاخت العزيزة انجي هذه اخت عزيزة عالكل وماتقصر في محبتها النا
اقدر تعاونها وتعاطفها ومشاركتها واهداءاتها لنا


شاروو....... ممممم شارو ماذا اقول يا شارو شلون مصيبة اخاف اتكلم عليه
لان هو استاذي وصارلي كم يوم مرايحة للدوام فأخاف يعاقبني بس راح اقول
على مدة طول هذه الفترة الاخيرة تكيف معنا نحن اسرة التعارف والترحيب
واصبح واحد منا بفترة قصيرة واثبت وجوده وحبه لنا ونورنا بأفكاره الجميلة بس صارت حسرة
بقلب ان اعرف منو هو بالحقيقة لان عندما نسأله اسأل يتهرب منها ليش استاذ شارو ;D
فعلا لقد اضاف روح الدعابه والمتعة الى منتدانا ها نسيت واضاف روح الضيافة

عبير الحب
... هذه اخت وصديقة عزيزة علي.. حبيبتي عبير ..فهي صريحة مع
الكل عنما تعطي رأيها واتمنى لها كل الخير  وان تتحقق كل امنياتها


ديراني
... هذا الشخص اعجبني كثيرا الشي الذي اعجبني فيه هو مواضيعه كلها
هادفه فهو يتطرق الى حالات كثيرة في الحياة ويلونها بمشاعره الفياضة
اتمنى ان ينجح بحياته وان يصل الى مبتغاه

انطون مترى
...طبعا انطون بالفترة الاخيرة انضم الينا لكن اثبت لنا جميعا اخوته
ونال تقديرنا له ومطلقا على طيلة وجوده لم يتجاوز حدوده مع اي عضو ..
الله يهنيه بحياته



فنار
...على حسب علمي انه عضو قديم بهذا المنتدى الرائع لكني لم اتعرف عليه مطلقا
هههههه فقط اتذكر بان احدى خواتنا هنا هنته بعمله الجديد وانا ايضا بادرت مع الجميع بتهنئته
لان احسست بأن هذا الشخص له هدف بالحياة ويسعى الى تحقيقه والله يوفقه بعمله


جاسيمة
.... حبيبتي جاسمية لم اتعرف عليها كثيرا لكني على مدى معرفتي بها
فهي انسانة طيبة وصريحة جدا ومرحة جدا جدا ... تحياتي لها

بنت النجف
... الاخت العزيزة بنت النجف هذه الانسانة اكن لها كل الاحترام فهي تستحق ذلك
لانها مؤدبة وخلوقة .. تحياتي لها ..



واخيرا سوف اعطي رأيي بأنسانه مرهفة وعطوفة وحنينة ومحبة لجميع الا وهي الاخت
(احلام ) هذه الاخت الرائعة في يوم من الايام عندما علمت بأني احب اليسا اهدتلي
الاغنية التي احبها (احلى دنيا) وبصراحة فاجأتني كثيرا ففي نفس اللحظة دخلت بقلبي
وربما هذا الشيء اقل شيء اقدمه لها الا وهو اعطاء رأيي بها ..حبيبتي احلام
ورودي اليوم كلها لك سوف اهديك في موضوع (اهدي ثلاثة وردات ) واحدة لقلبك الطيب
وواحدة لروحك الجميلة وواحدة لشخصك الكريم ..


   تحياتي القلبية للجميع
    ساندي(نجمة المنتدى)








غير متصل sandy 88

  • اداري
  • عضو مميز جدا
  • ***
  • مشاركة: 4480
  • الجنس: أنثى
  • المحبة ثم المحبة
    • مشاهدة الملف الشخصي

 اختي العزيزة سود العيون اشكر محبتك لي وان شاء الله نبقى على طول خوات
تسلم ايدج على هل السؤال الخفيف بخفة روحج الطيبة ولا يهمج عمري ماراح انسى
هذا الشيء راح اردلج من يجي دورج وتنورين الكرسي

س / اي فصل من فصول السنة تحبين اكثر ؟
ج / بصراحة احب  فصل الصيف
 لان بالشتاء احس بالوحدة واكره الخريف بشكل لايطاق
لان احسه فصل يفترق بيه كثير من الناس عن بعضهم كما تتساقط اوراق الشجرة
اما بالنسبة للربيع فهو اكيد حلو بس ميطول احسه كمحطة قصيرة يقف القطار عندها
ثم يكمل رحلته الطويلة

   تحياتي القلبية
   ساندي(نجمة المنتدى)

غير متصل YOSRA

  • عضو مميز متقدم
  • *******
  • مشاركة: 5845
  • † الرب نوري و خلاصي فمن من اخاف †
    • مشاهدة الملف الشخصي
حبيبت قلبي ساندي يا (نجمة المنتدى )دتنورين وتبدعين حبيبتي صارلي مدة كل يوم ادخل اريد
اسالك كم سؤال بعدين كنت اشوف ازدحام عليك عزيزتي فما كنت اسالك انتظرت شوية كلت خلي
تخف الاسئلة عنك وبعدين اسال وهسى اجالي الدور .وشكرا لك على رائيك وكلماتك الجميلة
اني سعيدة لان عندي اخت مثلك وربي يحميك ويخليك الي وتعرفني شنو امنيتي ساندي
امنتي اشوفك واكون قريبة منك صدكيني ... ما اطول عليك هسى راح اسال بس لان اريد اعرف
رائيك بها ....

س \ هل تنزعجين من  طيبتك احيانا ؟؟؟

س \ ماهو اجمل يوم في حياتك ؟؟؟

س\ ماهو اصعب يوم مر بحياتك ؟؟؟

اتمنى ان تكون اسئلتي خفيفة عليك ولا تزعجك وربي يساعدك ويعينك على الاسئلة
بس تريدين الصراحة يشكلك تكونين على الكرسي او بمكان عالي ومرموق ....
اتمنى لك الافضل دائما ودمتي بهذا الجمال ....


تحياتي القلبية وقبلاتي لك
اختك ومحبتك يسرى
شمعة الامل

غير متصل sandy 88

  • اداري
  • عضو مميز جدا
  • ***
  • مشاركة: 4480
  • الجنس: أنثى
  • المحبة ثم المحبة
    • مشاهدة الملف الشخصي

  اختي العزيزة عبير الحب تسلمين قلبي على اسئلتج الحلوة بحلاوة روحج
وشكرا لحبك الي صدكيني انت مثل اختي وان شاء الله اني هم ما اقصر وياج
عندما تنورين الكرسي ...

س /اذا انطوج ساعة من الوقت تقضيها ويا فنان منو وتختارين ؟؟؟من هذولة ؟؟؟
ج/ بكل صراحة وبدون تفكير راح اختار مطرب الاحساس فضل شاكر
حبيب قلبي لان احب احساسه وطيبة قلبه وتواضعة واخلاصه لفنه
ومهما كان لنجوم الهوليوود جمالا خارجيا لكنهم يفتقدون لجمال الروح الداخلي
الذي يتمتع به حبيب قلبي فضل شاكر...انا اتأثر كثيرا باحساس الشخص اكثر
من مظهره ..

س /  ماذا يعني لكي منتدى عينكاوا ؟
ج / منتدى عينكاوا يعني لي الكثير فهو برأيي اجمل منتدى بالعالم
ففيه اصبح لي اخوة واخوات كنت احله بهم وبالفعل اشعر وكأني بين
اهلي وناسي عندما اكون معكم ... واتمنى لهذا المنتدى التألق الدائم
واتمنى لكم كل الخير


س/ تحققت احلام ساندي بالحياة وماذا تحقق ؟؟؟
ج / ربما تحقق شيء واحد الا وهو رؤية لبنان والبحر والغابات
لكن بالنسبة الى امنياتي الكثيرة فهي لن تتحقق بعد ولا يهمني ذلك
لان لي ارادة قوية وواثقة بأني سوف احققها لكن الشيء الذي كنت احلم به
طوال حياتي واسعى له هو ان اكون طبيبة لكن مع الاسف شاء وان تدخل القدر
بذلك ولم يتحقق هذا الشيء ولكن لايهم لان كل مانع له خير والحمد لله والشكر
اكتشفت بأني استطيع ان انجح بمجالات لم اتوقعها بحياتي ..ومن الله التوفيق للجميع


     تحياتي القلبية لك
     ساندي(نجمة المنتدى)

غير متصل sandy 88

  • اداري
  • عضو مميز جدا
  • ***
  • مشاركة: 4480
  • الجنس: أنثى
  • المحبة ثم المحبة
    • مشاهدة الملف الشخصي

 مساء الخير على اجمل اخت بالعالم (يسرى ) حبيبة قلبي
عمري انتي تأمريني أمر شوكت ماتريد تسألين اسألي واني اكيد راح
اجاوب على كل الاسئلة .....الله لايحرمني من محبتكم

س/ هل تنزعجين من  طيبتك احيانا ؟؟؟
ج / بكل صراحة كلا لا انزعج من طيبتي لكن ما يزعجني هو تدخل الغير
المستمر بحياتي ومحاولاتهم المستمرة لتغييري وكأن طيبتي في نظرهم هي
عبارة عن قلة التجربة والخبرة وظعف الشخصية تصوري عندما كانت لدي دورة
في لبنان ليلة رجوعنا الى العراق بكيت كثيرا ومن اعماق قلبي لاني لم اكن اريد
ان اودع اخواتي واخواني اللبنانيين لان ربما سوف لم اراهم مرة اخرى طيلة حياتي
وبعد دقائق معدودة تأتي الي مجموعة من الفتيات وتنتقدنني ويقولون بأني لا اعرف الحياة
جيدا وانهم مجرد اناس ومروا بحياتي ولا يستحقون دموعي  :o
كنت انصدم من مدى قسوتهم حتى في الايام العادية كانوا يقولون لي لاتحبيهم
كثيرا وتعتبريهم كأخوتك لانك لاتعرفيهم جيدا وبنفس اللحظة اراهم يتملقون لهم
ويضحكون معهم ويظهرون محبتهم لهم لاتتصورين ما احسست صدقيني عزيزتي
كانوا يغارون من مدى حب هؤلاء الناس لي ففي نفس اللحظة ادركت بأني
واعية وقوية الشخصية ولاتوجد قوة بالعالم تستطيع ان تغير طيبتي ومن لا يعجبه ذلك
فهو لانه غير انسان غير مكتمل ...ومتملق وسطحي وغيور انا لا اجيد التمثيل على الناس
ان احببت انسانة معينة واعتبرتها صديقتي ومثل اختي فهذل لايعني بأني ضعيفة الشخصية

س / ماهو اجمل يوم في حياتك ؟؟؟
ج/ كثيرا ما تمر علي ايام جميلة وبصراحة لا اتذكر لان كلما يمر يوم جميل اقول
بأنه اجمل يوم بحياتي لكن ربما استطيع القول عندما ركبت الطائرة لأول مرة فهو
احساس لايوصف من الرهبة

س/ ماهو اصعب يوم مر بحياتك ؟؟؟
ج / بصراحة لايوجد انسان بهذا العالم ولم يمر بوقت عصيب ربما عندما ضاع حلمي
بأن اكون طبيبة
عزيزتي يسرى اتمنى ان تصلي الى مبتغاك بالحياة كما فعلت اليسا ووصلت الى التوب

      قبلاتي لك يا اجمل اخت :-*
       ساندي(نجمة المنتدى)
 

غير متصل ann_alnoury

  • عضو مميز متقدم
  • *******
  • مشاركة: 5304
  • الجنس: أنثى
    • مشاهدة الملف الشخصي
اجمل باقة ورد معطره بالفل والياسمين  اهديها لكِ ولقلبك المليء بالحب لكل الناس...اشكركِ على اجوبتكِ الرئعة والمتميزة ومبدعة دائما لما ينثره قلمكِ العطر بــ أروع الكلمات ... وفقكِ الرب في كافة دروب حياتكِ....لكِ تحياتي ....
احيـــانا تسعــدنا الايـــام حتــى نظــن اننــا لــن نحــزن ابـــدا ......
ثـــم تـــدور الايـــام وتحــزننا حتــى نظــن اننـــا لا نسعـــد .......

غير متصل sandy 88

  • اداري
  • عضو مميز جدا
  • ***
  • مشاركة: 4480
  • الجنس: أنثى
  • المحبة ثم المحبة
    • مشاهدة الملف الشخصي

  الاخت الرقيقة والمثقفة آن كلامك هذا سأضعه تاج فوق رأسي
يكفيني محبتكم لي شكرا عزيزتي على الكلام الجميل النابع من اطيب قلب
اتمنى ان تتوفقي في حياتك وان تحافظي على تألقك اينما ذهبت

      تحياتي القلبية
    ساندي(نجمة المنتدى)

   

غير متصل hewy

  • الاداري الذهبي
  • عضو مميز متقدم
  • *******
  • مشاركة: 26588
  • الجنس: أنثى
    • مشاهدة الملف الشخصي
شكرا يا ساندي على اجوبتكي الحلوووووووة واتمنى لكي من القلب كل التوفيق

غير متصل ɱЯ.ŠɧДЯǾkəəή

  • اداري منتديات
  • عضو مميز متقدم
  • *
  • مشاركة: 8058
  • الجنس: ذكر
  • † מـغـرۈر ۈصـ۶ـُب בـُبـﮧ †
    • مشاهدة الملف الشخصي
روعة ساندي
بكل شي روعة

باجوبتج مبدعة

من هيجي اخر يوم الج اليوم وحبيت اسالج اسئلتي كولهة دفعة وحدة
 ;)  ;)  ;)  ;)

شنو رايج نبدي ونكول

يا الله



راح انطيج شغلات وانتي رتبيها

الوطن....الام....المستقبل ...المال...الصديق ...   

تامر حسني ...عمرو دياب ..وائل كفوري...فضل شاكر ... واني  لووووووووووول

نصرت البدر..وليد الشامي...علي بدر ..

كاظم الساهر...ماجد المهندس...حسام الرسام..تيسير السفير ..


وهسه راح انطيج شغلات المن تحبين تهديها

دبدوب......
جكليته.......
قلم.........
مصاصه...........
علج بوبي هع.............
توقيع...............
ساعه.............
موبايل..............
ورده بيضه...........
ورده صفره..............
ورده حمره.............
ورده ورديه............
وسيارة مغخخة هع هع بس لا الية

وهسه راح انطيج القاب المن تحبين تنطيها من الاعضاء

عــضــو مفـتـقـده..............
عــضــو مشاكس..............
عـضــو مميز...............
عـضــو نشيط.................
عـضــو عسول................
عضــو مثقف...................
عــضــو عـنـيـد...........
عـضــو فوضوي...............
عـضــو مـحـبوب...........
عـضـو مكروة.............
عـضــو مغرور............... مو اني هااا
عـضـو مـبـدع................
عـضـو يستاهل الاشراف............
فارس المنتدى..... اهنا اني تكدرون تختاروني هع هع 
دلوعة المنتدى.......
شااعر المنتدى......
شاعرة المنتدى......

واذا اكو لقب تزيدي زيدي


هسة اجي عالقسم الثاني من الاسئلة


1- ليش اختاريت اسمك هذا بالمنتدى

2- شنو هيه حكمتك بالحياه

3- شنو امنيتك

4- شنو تعنيلك كلمه العائله وشنو مكانه عائلتك عندك

5- اي قسم تتواجد بي اكثر شي

6- شنو شغلك (عملك)

7- كلمه توجها للشباب

8- كلمه توجها للبنات

9- اكثر شخص قريب الك بالمنتدى

10- اكلتك المفضلة

11- نوع مو بايلك

12- المـــــــــــــــــن تهدي
.مااعيش الدنيا دونك
.سامحيني \ سامحني
.احبـــــــــــك
.الله لا ـيحرمني ـمــــــنـــــــــــك

13- كم اخ عندك واخت

14- اكثر اسم بنية يعجبك

15- اكثر عضوة بالمنتدى تعجبك

16- اكثر عضو بالمنتدى يعجبك

19- فتى او فتاة الاحلام شنو مواصفاتة

20- تحبين الجمال بالشاب لو اكو غير شي يجذبج تجاهة للبنات
ونفسة للشباب معكوس

21- ماهي التجربه التي تتمنون تكرارها ؟

22- ماهو أفضل مكان تترددون إليه ؟

23- اجمل منطقة زرتوها

24- اجمل منطقة بالعراق

25- من هو توأم روحك ؟

26- ماهو اكثر شئ تخشاه ؟

27- مالذي يشعرك بأكثر قدر من الاحراج ؟

28- شخص تحتاجون لقربه الآن منك ؟؟

29- شخص تتمنون ان يكون الان بجانبك ؟؟

30- متى ...............

نعصب
تبدع
تنقهر
تبجي
تزعل
تتعارك
تتألق
تفرح
تضحك
تحزن

31- باقة ورد لمن تهديها ؟
باقة شوك لمن تهديها ؟

32- شخص لاترفضون له طلبا ؟

33- أعظم شيء فقدته ؟
 
34- أعظم جرح دفنته ؟

35- اسوأ خبر سمعته ؟

36-  اخيراً صفو نفسك بكلمات بسيطة كما يراك الناس ؟؟؟؟ وكما يراك اصدقائك


ممممممممممممم

وجبة الخ ساندي بليززز اوكي

هاي شوية اسهل




1\العضو اللي تتمنين تشوفين شكله هو ........


2\العضو اللي امنيتك تنطيه راشدي مزح .......


3\العضو اللي امنيتك تنطيه راشدي(((مو))) مزح .......



4\عضو تلقبيه بسوبر ستار شباب المنتدى......


5\عضوه تلقبهيا بسوبر ستار بنوتات المنتدى.........


6\عضو تكليله (ياغايب ليه ماتسأل).........


7\عضو تكوليله(والله العظيم اشتاقينالك).........


8\عضو تقوليله الله يجازيك خير وينطيك العافيه.......


9\عضو تكليله ما تخيلتها منك ويجي منك اكثر.......


10\عضو تكليله (خير انشاء الله)..........


11\عضو تكليله الله يسهل لك .........


12\عضو ارتاحيتيله من اول ماشفتي اسمه بالمنتدى.......


13\عضو اول من شفتي ماكنتي تطيقيه ويوم عرفتيه زين حبيتيه......


14\عضو تتخيلين شكله وتقولين شنو مواصفاته الي تخيلتهيا بي .....
عضوة تتخيلين شكله وتقولين شنو مواصفاته الي تخيلتهيا بي .....

15\عضو تحسيه حلو....


16/عضو طيب على نياته......


17\عضو شعبيته كبيره ومحبوب عند غالب الاعضاء........


18/عضو تحسيه برييء براءه اطفال........


19/(الثقل والركاده والرزانه والهدوء والوناسه)تجتمع في العضو........


20\عضو رومانسي.....


21\عضو مثقف.....


22\عضو مرح ....


23\عضو شاعر......


24/عضو ذواق.........


25/ عضو تحبين تهديله هديه منو وشنو هي الهديه .........


26/ عضو تحبين تهديله اغنيه منو وشنو الاغنيه .............


27/ عضو تحبين تهديله بيت شعر منو وشنو هو بيت الشعر ...............


28 /عضو دلـــوع ....


29/ عضو عصبي .....



هاية مال اعضاء بعد اكو شي منا منا ناسي شي شباب

اوكي ساندي

والله ما احب اتعبج بس اليوم يالة فتت عالموضوع

جاوبي عالاسئلة وعندي الج هدية
 ;)  ;)  ;)

اوكي

شــــــاروو
mY fAcEb00K


غير متصل ابو خالد

  • مبدع قسم الهجرة
  • عضو مميز جدا
  • *
  • مشاركة: 4463
  • الجنس: ذكر
    • مشاهدة الملف الشخصي
بوووووووويه الله يساعدج يااختي ساندي على اسئلة شارو يعني صدك المثل اللي يكول الي يشوف مصيبة غيره تهون عليه مصيبته...وانا اثاري صدك كان مداريني شارو ابن ولايتي وماكنت ادري ...الله يساعدج وهاي صورة اليسا هديه الج صحيح اليسا بالصوره خايفه وحاطه ايدها على بطنها بس انتي لاتهتمين وخليج قووووووويه لاتخلين الناس تتشمت بينا اخر وكت والله ينصرك


ما فائدة القلم اذا لم يفتح فكرا
.. أو يضمد جرحا ..
أو يرقأ دمعة ..
أو يطهرقلبا
.. أو يكشف زيفا ..
أو يبني صرحا يسعد الإنسان في ضلاله..

غير متصل الجوهره

  • عضو مميز جدا
  • *****
  • مشاركة: 2660
    • مشاهدة الملف الشخصي
انتي بالفعل نجمه براقه في سماء المنتدى واحيكي على اجوبتكي الجميله والرائعه ... واشكركي كل الشكر على كلامك عني لانك انسانه طيبه ورقيقه .. واتمنى من الله ان يوفقك بحياتكي
والله يساعدك على اسئلة شارو .... مامخلي سؤال ماذكره

   
    اختك الجوهره

غير متصل ɱЯ.ŠɧДЯǾkəəή

  • اداري منتديات
  • عضو مميز متقدم
  • *
  • مشاركة: 8058
  • الجنس: ذكر
  • † מـغـرۈر ۈصـ۶ـُب בـُبـﮧ †
    • مشاهدة الملف الشخصي
ههههههههههههههههههههههههههه
يمكن ساندي راح تفلت بعد ما تفوت

هههه
mY fAcEb00K


غير متصل sandy 88

  • اداري
  • عضو مميز جدا
  • ***
  • مشاركة: 4480
  • الجنس: أنثى
  • المحبة ثم المحبة
    • مشاهدة الملف الشخصي

  شكرا عزيزتي هيوي بس جان وصيتي شارو شوية يدير باله علية


   تحياتي
ساندي(نجمة المنتدى)

غير متصل sandy 88

  • اداري
  • عضو مميز جدا
  • ***
  • مشاركة: 4480
  • الجنس: أنثى
  • المحبة ثم المحبة
    • مشاهدة الملف الشخصي

 هاااااااااااااااااااااااااااااااااااااااااااي شـــــــــــــــــــــــــــــــــــــــارو
أويـــــــــــــــــــــــــــلي مخليت سؤال ومسألت لعد لو مجنتوا تحبوني شجنتوا تسوون
بس راح اتحداك واجاوب عالاسئلة ههههههه بعدك متعرفني زين

هـــــــا قبل ما انسى طبعا شارو بالقسم الثاني من الاسئلة طافر من 16 الى 19
ههههههههههههه شوف الله شكد يحبني  ;D


    تحياتي
ساندي(نجمة المنتدى)

غير متصل sandy 88

  • اداري
  • عضو مميز جدا
  • ***
  • مشاركة: 4480
  • الجنس: أنثى
  • المحبة ثم المحبة
    • مشاهدة الملف الشخصي

 هههههه تحياتي الك ابو خالد الوردة شفت شصار بية احمد ربك
واشكره , اسألتك الف رحمة عليها بس تدري شنو هههههههه
الله اخذ حقي من شارو تدري ليش ؟؟؟؟؟؟؟؟؟؟؟؟؟؟؟؟؟؟
لان من شكد دايخ بالاسئلة خطية فد سؤال طافر من 16 الى 19ههههه
شوف شــــــــــــــــارو شكد نيتي صافية ؟؟؟ ;D

   تحياتي لكم
   ساندي(نجمة المنتدى)

غير متصل sandy 88

  • اداري
  • عضو مميز جدا
  • ***
  • مشاركة: 4480
  • الجنس: أنثى
  • المحبة ثم المحبة
    • مشاهدة الملف الشخصي

اختي العزيزة الجوهرة لو تسنى لي الوقت كنت اتكلم اكثر عنك
والكلام اللي حجيته عنج كان بالنسبة الي كلام عن الواقع وهذا اقل شي تستحقيه

    تحياتي القلبية
   ساندي(نجمة المنتدى)

غير متصل sandy 88

  • اداري
  • عضو مميز جدا
  • ***
  • مشاركة: 4480
  • الجنس: أنثى
  • المحبة ثم المحبة
    • مشاهدة الملف الشخصي

 هههههه شــــــــــــــــارو مساء الخير اولا
وثانيا ابد ما اكدر افلـــــــــــــت منك بس ماشاء الله مبين
هواية داير بالك علية يمعود خليتني انسى اسمي :o

 بس اول مرة اريد اعرف شنو هي الهدية واريدها تكون تسوى تعبي

     تحياتي
   ساندي(نجمة المنتدى)

غير متصل زهرة القرنفل

  • عضو مميز جدا
  • *****
  • مشاركة: 2277
  • الجنس: أنثى
    • مشاهدة الملف الشخصي
الله يساعدج ساندي لبي وعفية عليج والله خوش مثال انتي لنساء المنتدى
يامار انطونيوس الشفيع . كن لدعوانا السميع . قوي ايماننا . احيي رجاءنا . علم الحـــــــــــب للجميع

ارحمنا يالله وارحم جميع الموتى واشفي جراح العراق

غير متصل نـور

  • مبدع قسم الهجرة
  • عضو مميز متقدم
  • *
  • مشاركة: 39381
  • الجنس: ذكر
  • عــــرااااقــــي غـــيـــــوووررررر
    • مشاهدة الملف الشخصي


احم احم هاي شنوووووووووو عيوني مجاي اتشوف الاسئلة الله يساعدج ساندي هاي اشلون هسة

خطية والله بس يلة انتي هسة كلها  اتفضيها على السريع ادري بيج مو لو مومو

وبالفعل انتي نجمة  وتستاهليين كل الخير يا وردة 

 

غير متصل ابو خالد

  • مبدع قسم الهجرة
  • عضو مميز جدا
  • *
  • مشاركة: 4463
  • الجنس: ذكر
    • مشاهدة الملف الشخصي
تسلمين اختي ساندي وانشالله شامخه وراسك مرفوع مثل اليسا بالصوره


ما فائدة القلم اذا لم يفتح فكرا
.. أو يضمد جرحا ..
أو يرقأ دمعة ..
أو يطهرقلبا
.. أو يكشف زيفا ..
أو يبني صرحا يسعد الإنسان في ضلاله..

غير متصل ɱЯ.ŠɧДЯǾkəəή

  • اداري منتديات
  • عضو مميز متقدم
  • *
  • مشاركة: 8058
  • الجنس: ذكر
  • † מـغـرۈر ۈصـ۶ـُب בـُبـﮧ †
    • مشاهدة الملف الشخصي
ههههههههههههههه
ساندي انتي باقية ويانا لحد ما تخلصين الاسئلة
وملاحظة بعد ماكو اسئلة الج بس هاي اخر وجبة عيناي ههههه

وصدكيني اني هاية السؤالين شلتهم وداعة امي هههههه

لان ما حبيت اسالج اياهم
وخليج اكيدة انتي وحدة من الي رحمت بحالهم لان هاليومين مريض شوية

ههههههههه

بس اويلي على الباقين هههه

mY fAcEb00K


غير متصل sandy 88

  • اداري
  • عضو مميز جدا
  • ***
  • مشاركة: 4480
  • الجنس: أنثى
  • المحبة ثم المحبة
    • مشاهدة الملف الشخصي

 اختي العزيزة اوتافيا الوردة شكرا لكلامك الطيب عني مني لك كل الود والاحترام
وبما انه اليوم اخر يوم الي وراح يفرج عني شارو لذلك حضري نفسج المشاريب كلها على
حسابي واريد اسوي حفلة كلها دك وركص واريدج انتي تنظمين قائمة المدعوين  :D

   تحياتي القلبية
  ساندي(نجمة المنتدى)

غير متصل sandy 88

  • اداري
  • عضو مميز جدا
  • ***
  • مشاركة: 4480
  • الجنس: أنثى
  • المحبة ثم المحبة
    • مشاهدة الملف الشخصي

  شكرا العراقي الغيور انت الورد يا ورد ها قبل لا انسى انت اليوم معزوم للحفلة
واي شي تطلبون طلبوا لان راح ادفع الحساب

   تحياتي
ساندي(نجمة المنتدى)

غير متصل sandy 88

  • اداري
  • عضو مميز جدا
  • ***
  • مشاركة: 4480
  • الجنس: أنثى
  • المحبة ثم المحبة
    • مشاهدة الملف الشخصي

 يا عيني يا ابو خالد هاي شنو ؟؟؟؟  هههههه صرت من محبي اليسا واني ما ادري
بس صدكني كلش فرحت مو بس علمود الصورة هذا يدل على محبتكم الي
واني اتشرف بصداقتكم وبأخوتكم .... تسلم يا وردة ..
جنت احب اني هم اخليلك صورة المطربة اللي تحبها بس ما اعرف منو تحب ؟


    تحياتي
ساندي(نجمة المنتدى)

غير متصل sandy 88

  • اداري
  • عضو مميز جدا
  • ***
  • مشاركة: 4480
  • الجنس: أنثى
  • المحبة ثم المحبة
    • مشاهدة الملف الشخصي

 هههههه يا هلا بـ شارو يمعود هو اني اكدر افلت منكم لو جنت اكدر جان سويتها
من زمان بالمناسبة اليوم انت هم معزوم اوكي وحضر نفسك لان راح نطلب ان تغنيلنا اغنية
لان كالوا صوتك حلو  ;D
ههههه وما اعتقد جنت متعمد تطير سؤالين لان لو جنت تريد جان حذفتلي اخر سؤالين من الاخير


  تحياتي
ساندي(نجمة المنتدى)

غير متصل sandy 88

  • اداري
  • عضو مميز جدا
  • ***
  • مشاركة: 4480
  • الجنس: أنثى
  • المحبة ثم المحبة
    • مشاهدة الملف الشخصي

 هاي احبتي صبايا وشباب المنتدى صباحكم عسل ومسائكم ياسمين
اليوم راح اجاوب على اسئلة شـــــــارو

يالله


 س/راح انطيج شغلات وانتي رتبيها
 1_  (الوطن....الام....المستقبل ...المال...الصديق ... ) 
ج / الام ..الوطن..المستقبل...المال...الصديق
اما في حال اذا كان الصديق مثل توأم الروح ووفي كوفاء الاخوة لبعضهم فيكون الترتيب
الام...الوطن..المستقبل...الصديق...المال

2_ تامر حسني ...عمرو دياب ..وائل كفوري...فضل شاكر ... واني  لووووووووووول
ج/ فضل شاكر...وائل كفوري..شارو(وكل الاعضاء)...تامر...عمروذياب

3_ نصرت البدر..وليد الشامي...علي بدر
ج/ ههههه بما انه مطلوب مني ان اجاوب بصراحة فأعذرني شارو ما اكدر ارتبهم
لان ما اسمع اغاني عراقية هواية واذا تكولي كل واحد اسمه اغنية الة يمكن
اكدر ارتبهم بلكد سامعة بأغانيهم بس مسامعة بأسمائهم

4_ كاظم الساهر...ماجد المهندس...حسام الرسام..تيسير السفير ..
ج/ ماجد المهندس...كاظم الساهر...تيسير..حسام
هذولة سامعة اغاني الهم لذلك كدرت ارتبهم


   تحياتي
ساندي(نجمة المنتدى)

غير متصل sandy 88

  • اداري
  • عضو مميز جدا
  • ***
  • مشاركة: 4480
  • الجنس: أنثى
  • المحبة ثم المحبة
    • مشاهدة الملف الشخصي

 هسه راح اجاوب على قسم اخر من اسئلة شارو اني قسم قسم
دأجاوب حتى لا احس بأنه الاسئلة مطولة ههههههه شوفو لعد ليش يكولون
لكل مشكلة حل

يا الله

س/
وهسه راح انطيج شغلات المن تحبين تهديها


دبدوب......  يسرى

جكليته....... عزيزتي جوهرة لان قلبها عسل

قلم......... العزيزة والمثقفة آن

مصاصه........... لأصغر واحد بينا

علج بوبي هع............. اللي يحب العلج اهديه الة

توقيع............... حنان

ساعه............. ابو خالد

موبايل..............ماهر هههههه حتى يستفاد منة في حالة بنية انطتله رقمها

ورده بيضه........... عراقي الغيور

ورده صفره.............. العزيزة انجي وهنا أاكد بأن الوردة الصفرة ترمز الى قوة الشخصية
                            وكذب الذي يقول بان الاصفر معبر عن الغيرة لان الاصفر يرمز الى الشمس
                            لان الوردة تبقى وردة برقتها وجمالها مهما اختلفت الالوان

              
ورده حمره............. العزيزة روزماري

ورده ورديه............ شارووسيارة مغخخة هع هع بس لا الية
هههههه خلي نعطل
                                         مفعولها ونبيعها حتى على الاقل اطلع مصاريف الحفلة مالكم  ;D


   و اريد انطي بعد هداية لباقي الاعضاء اللي احبهم
كيتار ... كيتاريست الوردة

سيارة حلوة ولعبة سبايدر مان.... الى ابن ابو خالد يعني خالد ;D لان خلودي    ديشترك ويانا  لان من نكول ابو خالد يعني خالد وابوه  ;D

نستلة ... اوتافيا

قصيدة شعر... ديراني

علبة مكياج... لـ  هيوي الحلوة

تراجي... سود العيون

عطر.... عبير الحب

حمرة شفاه... انجي الوردة

باقة ورد .... احلام

اغنية لـ اليسا .... وحش الطاوة


 واتمنى منسيت احد الله عليكم احبابي اذا نسيت اي واحد ذكروني


  تحياتي القلبية
 ساندي(نجمة المنتدى)

غير متصل روزماري

  • اداري
  • عضو مميز جدا
  • ***
  • مشاركة: 3098
  • الجنس: أنثى
  • على الرب أتكالي وفيه رجائي
    • مشاهدة الملف الشخصي
ميرسي حياتي ساندي  على الوردة جانتي جانتي انتي لاني كلش احب الورد وخصوصا الاحمر والليلكي ومني ألك أجمل وردة كاردينا مع ريحها العبق من موطنها الاصلي هولند  ياكلك رقة واحساس أختي ودمتي لنا

أختك روزماري
كيف لي ان اشفى من حبك.... من يداوي جرح شوقي اليك... كيف لي ان اشفى من بحثي عنك ووجعي اليك ..من يوقف ادماني على عشقك .. من يوقف سكرتي في عينيك  ابسُط صلاتي اليك على الليل. ناراً لمجامير العاشقين نااااراً ناراً لمجامير العاشقين وانتظرمع الفجر وجهك ... انشد لك  مع القديسين اناشيد الوجد والحب يارب..

غير متصل sandy 88

  • اداري
  • عضو مميز جدا
  • ***
  • مشاركة: 4480
  • الجنس: أنثى
  • المحبة ثم المحبة
    • مشاهدة الملف الشخصي

  حبيبتي روزماري اني احس بالناس اللي احبهم حتى لو ما اشوفهم واني حسيت
بهذا الشي انه انتي تحبين الاحمر لان انتي رومانسية و رقيقة ...قبلاتي لك :-*
وشكرا على وردة الكادينيا واتمنى ان ازور هولندا لان يقولون جوها كلش حلوة ربيع دائمي
ويشتهر بأرقى انواع الورد..


     تحياتي القلبية
   ساندي(نجمة المنتدى)

غير متصل sandy 88

  • اداري
  • عضو مميز جدا
  • ***
  • مشاركة: 4480
  • الجنس: أنثى
  • المحبة ثم المحبة
    • مشاهدة الملف الشخصي

 وهسه هم راح اجاوب على قسم اخر من اسئلة شارو

يا الله


س/ وهسه راح انطيج القاب المن تحبين تنطيها من الاعضاء


ج/ عــضــو مفـتـقـده.............. وحش الطاوة

عــضــو مشاكس..............هههه اكو هواية مشاكسين

عـضــو مميز............... انجي

عـضــو نشيط.................العراقي الغيور

عـضــو عسول................يسرى

عضــو مثقف...................حبيبتي آن

عــضــو عـنـيـد...........شـــــــــــارو

عـضــو فوضوي...............لا يوجد

عـضــو مـحـبوب...........سود العيون

عـضـو مكروة.............لا يوجد

عـضــو مغرور............... مو اني هااا... لا يوجد

عـضـو مـبـدع................نجمة البحر

عـضـو يستاهل الاشراف............ديراني

فارس المنتدى..... اهنا اني تكدرون تختاروني هع هع  ...مممم ما اعرف

دلوعة المنتدى.......لا يوجد

شااعر المنتدى......ماهر

شاعرة المنتدى......
روزماري

واذا اكو لقب تزيدي زيدي


عضو صادق.... عبير الحب

عضو صريح...كيتاريست

شخص دؤوب... هيوي

عضو دمه خفيف.... ابو خالد

عضوة دمها خفيف... اوتافيا

عضو تعقيبه مابيه مبالغة........ ابن بغداد

اتمنى منسيت احد واذا نسيت ارجوكم ذكروني



   تحياتي القلبية
 ساندي(نجمة المنتدى)

غير متصل sandy 88

  • اداري
  • عضو مميز جدا
  • ***
  • مشاركة: 4480
  • الجنس: أنثى
  • المحبة ثم المحبة
    • مشاهدة الملف الشخصي
 
  وهسه القسم الثاني من الاسئلة

 يا الله

س/ ليش  اختاريت اسمك هذا بالمنتدى
ج/ ممممم بالحقيقة لم اكن اريد اختيار هذا الاسم بالبداية كنت احب ان يكون اسم تسجيلي
بالمنتدى بأسم سندريلا لكن الظاهر كان موجود هذا الاسم لذلك خطر على بالي اسم ساندي
مرافقا الى مواليدي 88 ...... وهاي هية القصة

س /  شنو هيه حكمتك بالحياه ؟
ج / 1 _ وردة واحدة لكل شخص على قيد الحياة افضل من باقة ورد على قبره
     2_ القضاء على العدو ليش بقتله وانما بتغيير مبدئه

وحكمة الثالثة يجب ان نتحلى بالصبر والتفاؤل لان ماممكن ان نصعد السلم بدون
ان نتعثر وعندما نتعثر سوف نقف مرة اخرى وان لا نيأس ونصعد خطوة خطوة بدون تراجع
وبالصبر والمثابرة نصل الى ما نريد


س/ شنو امنيتك ؟
ج / هواية عندي امنيات
1_ ان يعم السلام والامان على ربوع بلدنا حتى نعرف شلون نعيش حياتنا مثل ما نتمنى
2_ اعيش حياتي بالخارج وانا مطمئنة على اهلي
3_ اساعد اكبر قدر ممكن من الناس
4_ اعيش حياتي ويا الانسان اللي احبه ههههههه هذا هم اذا صار هذا الشي
لان منعرف شنو مخبيتلنا الايام
5_ ان ارفع راس اهلي واخليهم يفتخرون بيا


س / شنو تعنيلك كلمه العائله وشنو مكانه عائلتك عندك ؟
ج / اذا ملكت شي بحياتي فسيكون اجمل شيء املكه هو العائلة
وبالنسبة لعائلتي يعني اقصد اهلي اموت عليهم لان الحمد الله والشكر
ابد ما مقصرين وياية منطيني كل الامان والحنان والحب والاحترام و ....
اللي طول عمري راح ابقى احتاجلها ...


س /اي قسم تتواجد بي اكثر شي ؟
ج / منتدى التعارف والترحيب ويمكن هذا اسهل سؤال ههههه


س/  شنو شغلك (عملك)؟
ج/ ههههه ما عندي عمل مستقر واني كلش من النوع اللي يحب التغييبر
كنت اعمل بمجال ngo  ولحد الان بس عمل طوعي ومجاني خدمة لأبناء شعبنا
وحاليا مستلمة الاشراف على رواتب الموظفين في دائرة حكومية هم احمد ربي
واشكره على كل شي لان صارلي جم شهر ومتخرجة ...

س / كلمه توجها للشباب ؟
ج / يجب على شباب اليوم ما ييأس ابدآ ويبقى يستمر ان يبحث على عمل شريف
ليكسب عيشه وان يحترم الاخرين وان لايفرض وجوده بالقوة بل بالعمل الخير ليكسب
احترام الاخرين واحترام الذات وان يسعى جاهدى ليثقف نفسه لان ذلك يفيد اولا
واخرآ نفسه لان شباب اليوم هم عمادة الحاضر والمستقبل وان يتذكر دائما بان الفتيات
هم ارولا واخرا بنات وطنهم وارضهم اذن فليحافظوا على شرفهم ..


س / كلمه توجها للبنات ؟
ج /  ان كانت هنالك عادات وتقاليد تؤدي الى تقييد حياتكم وتيسيرها نحو الاسوء
لان ليس من العيب ان تعمل الفتاة او تكمل دراستها فأكسروا هذه العادات
وثابروا وطالبوا العلم وتثقفوا بكل الوسائل المتاحة لان العلم هو سلاح ذو حدين
فتكسبوا احترام الاخرين ولاتنسوا تربية اهالينا لنا لانها اساس نجاحنا لاختبارات الحياة ...
اجعلوا من طيبتكم واخلاقكم السامية مفتاح لسر النجاح ..زز


     تحياتي القلبية
   ساندي(نجمة المنتدى)

غير متصل عبير الحب

  • عضو مميز
  • ****
  • مشاركة: 1429
  • الجنس: أنثى
  • جميل هو الانسان الذي يحب ولايخدع ؟يتالم ولايصرخ؟تد
    • مشاهدة الملف الشخصي
هاي ساندي تسلمين حبيبي على الرد الحلو والكلام الحلو علية وانشالله ياربي تحقق كل احلامج وتشوفين فنان الاحساس فضل شاكر وصاحبة اجمل صوت اليسا
والله يساعدج على اسئلة ابو خالد وشاروووووووووووووووو



                                                                           اختج المحبة
                                                                      عبير الحـــــــــــــــــــــب






الى من ابعدتني عنه الدروب الى من ذابت به القلوب ساضل احبك رغم الفراق المكتوب رغم حزني ......رغم دمعي @@عن حبك لان اتوب

غير متصل روزماري

  • اداري
  • عضو مميز جدا
  • ***
  • مشاركة: 3098
  • الجنس: أنثى
  • على الرب أتكالي وفيه رجائي
    • مشاهدة الملف الشخصي
ياوردتنا المعطرة ساندي اشكرك لاطرائك الرقيق والجميل واشكرك على منحي لقب شاعرة ياريت بعدين اصدق نفسي وسلمت على ردودك الجميلة على اسئلتك  وانشالله دايما رافعة راسك ورأس عائلتك ادعو لك بالتوفيق في كل دروب حياتك

تحياتي ساندي الرقيقة

روزماري
كيف لي ان اشفى من حبك.... من يداوي جرح شوقي اليك... كيف لي ان اشفى من بحثي عنك ووجعي اليك ..من يوقف ادماني على عشقك .. من يوقف سكرتي في عينيك  ابسُط صلاتي اليك على الليل. ناراً لمجامير العاشقين نااااراً ناراً لمجامير العاشقين وانتظرمع الفجر وجهك ... انشد لك  مع القديسين اناشيد الوجد والحب يارب..

غير متصل sandy 88

  • اداري
  • عضو مميز جدا
  • ***
  • مشاركة: 4480
  • الجنس: أنثى
  • المحبة ثم المحبة
    • مشاهدة الملف الشخصي
                                               عبير الحب
                                                  روزماري

     اخواتي العزيزات شكرا الكم وان شاء الله دائما اسمع اخبار حلوة منكم
     واتمنى هذه المحبة تدوم بين الكل .... مني لكم كل الحب والاحترام  والتقدير


        تحياتي
  ساندي(نجمة المنتدى)

غير متصل زهرة القرنفل

  • عضو مميز جدا
  • *****
  • مشاركة: 2277
  • الجنس: أنثى
    • مشاهدة الملف الشخصي
اختي الصغيرة والحلوة ساندي احيج على ردودج الحلوة الي عكستلهنا شخصيتج الروعة والله يساعدج لي هسة على الكرسي اشو مخلوا واح الخ ههههههه الله يعينج
يامار انطونيوس الشفيع . كن لدعوانا السميع . قوي ايماننا . احيي رجاءنا . علم الحـــــــــــب للجميع

ارحمنا يالله وارحم جميع الموتى واشفي جراح العراق

غير متصل ابو خالد

  • مبدع قسم الهجرة
  • عضو مميز جدا
  • *
  • مشاركة: 4463
  • الجنس: ذكر
    • مشاهدة الملف الشخصي
نداء الى الاخ العزيز شارو انا اقول كافي بالنسبه للاخت ساندي ماقصرت على كثير من الاجوبه مالت الاعضاء وجاوبت فلا تحملها اكثر من طاقتها وخلي شخص ثاني على الكرسي لان ساندي غركت خطيه بالاسئله مثل اليسا بالصوره شلون غركانه بالماي


ما فائدة القلم اذا لم يفتح فكرا
.. أو يضمد جرحا ..
أو يرقأ دمعة ..
أو يطهرقلبا
.. أو يكشف زيفا ..
أو يبني صرحا يسعد الإنسان في ضلاله..

غير متصل sandy 88

  • اداري
  • عضو مميز جدا
  • ***
  • مشاركة: 4480
  • الجنس: أنثى
  • المحبة ثم المحبة
    • مشاهدة الملف الشخصي

  مساء الخير عزيزتي اوتافيا شكرا حبي انتي الروعة يا روعة
ههههههههه هذا شارو مصيبة مال الله ...مصيبة وابتليت بيها

  تحياتي
ساندي(نجمة المنتدى)

غير متصل sandy 88

  • اداري
  • عضو مميز جدا
  • ***
  • مشاركة: 4480
  • الجنس: أنثى
  • المحبة ثم المحبة
    • مشاهدة الملف الشخصي

   هههههههههه هاي شنو ابو خالد مبدع ويا صور اليسا
هو بالفعل  اني غركانة ودانتظر سوبر مان يجي لان وعدي راح ينقذني :D


       تحياتي
ساندي(نجمة المنتدى)

غير متصل sandy 88

  • اداري
  • عضو مميز جدا
  • ***
  • مشاركة: 4480
  • الجنس: أنثى
  • المحبة ثم المحبة
    • مشاهدة الملف الشخصي

  مساء الخير جميعا هاي اجوبة اخرى  لأسئلة شــــــــــارو

يا الله

س/ اكثر شخص قريب الك بالمنتدى؟
ج/  الكل

س/  اكلتك المفضلة؟
ج / التبولة والترايفل


س/ نوع مو بايلك؟
ج/ هههههههه بكل صراحة موبايلي نوعه نوكيا سلايد 6500 وكلش يعجبني

س /  المـــــــــــــــــن تهدي
ج/ مااعيش الدنيا دونك...... فارس احلامي

.سامحيني \ سامحني...اذا بيوم من الايام اسألت التصرف بحق اي شخص
                               او جرحتة فأكوله سامحني او سامحيني

.احبـــــــــــك......  الله ويسوع ومريم عذراء

.الله لا ـيحرمني ـمــــــنـــــــــــك..... اهلي وكل الناس اللي تحبني


س/ كم اخ عندك واخت ؟
ج / 2


س/  اكثر اسم بنية يعجبك ؟
ج/ 1_ اسم آرلي ...وهذا الاسم اني اخترعته ;D
2_ شانتال ...هم يعجبني هلى  اسم صديقتي
3_ سامانتا..على اسم بنية في فلم اجنبي


س/  اكثر عضوة بالمنتدى تعجبك؟
ج / الكل لان كلهم مبدعات وقلبهم طيب

س/ اكثر عضو بالمنتدى يعجبك ؟
ج / كل عضو موجود بأسرة التعارف والترحيب لان ما اعرف غيرهم


س17/ هذا السؤال فارغ على اساس هدية من شارو
س18 / نفس الشي

س19 / فتى او فتاة الاحلام شنو مواصفاتة؟
ج / مممم فتى احلامي من جنت صغيرة بعمر المراهقة جان عندي صفات معيتة الة
بس حاليا وابدآ ماعندي مواصفات لان اهم شي يمي هو ان يكون يحبني ويموت علية
ويحسسني بالامان ويكون انسان ناجح و ذو مبدأ ويعرف شلون يربي اطفاله
واكيد لازم يكون رومانسي


س / تحبين الجمال بالشاب لو اكو غير شي يجذبج تجاهة للبنات
ونفسة للشباب معكوس؟
ج / بالنسبة الي الجمال مطلقا مو مقياس لحبي لأي شخص والشي اللي يجذبني
بالشخص سواء ولد او بنت هو الاخلاق وطيبة القلب والاحساس الصادق



       تحياتي القلبية
    ساندي(نجمة المنتدى)

غير متصل sandy 88

  • اداري
  • عضو مميز جدا
  • ***
  • مشاركة: 4480
  • الجنس: أنثى
  • المحبة ثم المحبة
    • مشاهدة الملف الشخصي
 
 تكملة الاجوبة للقسم الثاني من الاسئلة

 يا الله

س21 /  ماهي التجربه التي تتمنون تكرارها ؟
ج / السفر الى لبنان


س/ ماهو أفضل مكان تترددون إليه ؟
ج / لايوجد اي مكان واحد ياخذ بيه راحته


س / اجمل منطقة زرتوها ؟
ج / بيروت

س/ اجمل منطقة بالعراق؟
ج / ما زايرة كل مناطق العراق بس  لحد الان اعتقد المناطق الشمالية هي الاحلى


س / من هو توأم روحك ؟
ج / صديقة لي منذ ايام دراستنا بالمرحلة الاعدادية


س/ ماهو اكثر شئ تخشاه ؟
ج / الموت والخيانة


س/ مالذي يشعرك بأكثر قدر من الاحراج ؟
ج / هههه عندما يصارحني شخص بحبه الي ...اتذكر فد مرة خطية فد واحد
ابتلة بيا جاي ديصارحني واني من الخجل عفته ورحت ولا خليته يكمل كلامه



س/ شخص تحتاجون لقربه الآن منك ؟؟
ج / مممم لان اهلي والناس اللي احبه دائما بقربي والحمد الله والشكر.


س/  شخص تتمنون ان يكون الان بجانبك ؟؟
ج /  كل شخص اشعر وياه بالامان احتاجله دائما


س30 / متى ...............
ج /
نعصب .....  اتعصب عندما لافهمني احد

تبدع..... ابدع عندما يثق الشخص المقابل بمدى قدرتي

تنقهر... انقهر عندما ارى شخص بريء مظلوم

تبجي... ابجي من يظلمني الشخص اللي احبه

تزعل... ازعل عندما اكتشف خيانة شخص معين لي

تتعارك... هههههههه ما اعرف بس اعتقد من واحد يتعارك وياية
            بالمناسبة اني الشخص اللي يريد يتعارك ابد ما اجاوبه ختى بالكلام
            حتى ازيد من عصبيته ... لان ابد ما احب ادوخ راسي

تتألق....  عندما احتاج الى اثبات نفسي للعالم

تفرح.....  افرح بفرح غيري وسعادته

تضحك... اضحك من اسمع نكتة او موقف حصل ويكون مضحك

تحزن.... احزن عندما افارق شخص عزيز علية



        تحياتي القلبية
     ساندي(نجمة المنتدى)

غير متصل sandy 88

  • اداري
  • عضو مميز جدا
  • ***
  • مشاركة: 4480
  • الجنس: أنثى
  • المحبة ثم المحبة
    • مشاهدة الملف الشخصي
وهاي مجموعة اخرى من اسئلة القسم الثاني اويـــــــــــلي
ليش الاسئلة تخلص يمعود مدتخلص يمعود سوبر مان وين بقيت  ???

يا الله

س31 _أ / باقة ورد لمن تهديها ؟
ج / لكل من يحبني
س 31_ب / باقة شوك لمن تهديها ؟
ج/ لكل عدو يريد ان يزرع الشر بدل الخير



س32/ شخص لاترفضون له طلبا ؟
ج / اهلي وصديقاتي


س/ أعظم شيء فقدته ؟
ج / كلية الطب

س/ أعظم جرح دفنته ؟
ج / الحمد الله ماكو


س/ اسوأ خبر سمعته ؟
ج / سفر صديقة عزيزة لي الى الخارج
وصارلي جم سنة ماعندي اخبارها


س/ اخيراً صفو نفسك بكلمات بسيطة كما يراك الناس ؟؟؟؟ وكما يراك اصدقائك؟
ج/ ههههههههههه هذا اسهل اسهل سؤال لان اني شمدريني شكو في بال
كل شخص وشلون ماخذ نظرة عني .. لازم انتوا تجاوبون على هذا السؤال



       تحياتي القلبية
     ساندي(نجمة المنتدى)

غير متصل sandy 88

  • اداري
  • عضو مميز جدا
  • ***
  • مشاركة: 4480
  • الجنس: أنثى
  • المحبة ثم المحبة
    • مشاهدة الملف الشخصي
    
     هاي اجوبة لأخر قسم من اسئلة شارو

 يا الله

س / العضو اللي تتمنين تشوفين شكله هو ........ ؟
ج/ ممممممم كلكم

س/ العضو اللي امنيتك تنطيه راشدي مزح .......؟
ج / اني عندي عقدة من الراشدي وابد ما احبه حتى لو بالشاقة

س/ العضو اللي امنيتك تنطيه راشدي(((مو))) مزح ....... ؟
ج/ ماكو اي شخص

س/ عضو تلقبيه بسوبر ستار شباب المنتدى......؟
ج /  كلكم سوبر ستار

س/ عضوه تلقبهيا بسوبر ستار بنوتات المنتدى........؟
ج / كلهم حبيبات قلبي وسوبر ستار


س/ عضو تكليله (ياغايب ليه ماتسأل).........؟
ج / لا يوجد

س/ عضو تكوليله(والله العظيم اشتاقينالك)......... ؟
ج/ كيتاريست

س/ عضو تقوليله الله يجازيك خير وينطيك العافيه.......؟
ج / الله ينطي للكل العافية


س/ عضو تكليله ما تخيلتها منك ويجي منك اكثر....... ؟
ج / ابن بغداد لان مجنت متصورة هو يكتب اشعار
وشارو هم مجنت متصورة عنده افكار حلوة ومتنوعة

س /     عضو تكليله (خير انشاء الله)..........؟
ج/ لا يوجد


س/ عضو تكليله الله يسهل لك ......... ؟
ج/ ديراني .. وثاني شخص الي راح يجي بعدي ويكعد عالكرسي

 
س /عضو ارتاحيتيله من اول ماشفتي اسمه بالمنتدى....؟
ج / sandy 88 هههههههه... لاجديات الكل ارتاحيتلهم

س / عضو اول من شفتي ماكنتي تطيقيه ويوم عرفتيه زين حبيتيه......؟
ج / لا يوجد


س/ عضو تتخيلين شكله وتقولين شنو مواصفاته الي تخيلتهيا بي .....
عضوة تتخيلين شكله وتقولين شنو مواصفاته الي تخيلتهيا بي .....؟
ج / بالنسبة للاعضاء
1_ماهر .. اتخيلته شعره اسود ومتوسط الطول و حنطي اللون وعيونه بني
2_ ابوخالد..... هههههه بصراحة اتخيلته مثل اسمر وحاط عكال بس عيونه ملونة
3_شارو....ولد اشقر وابيضاني و وكيح

بالنسبة للغضوات
سود العيون...عيونها سود وكبار وحلوين والها جاذبية وبيضو وشعرها طويل
والله اعلم



س/ عضو تحسيه حلو....؟
ج / الكل حلوين

س/ عضو طيب على نياته...... ؟
ج/ بنظري الكل وبعد الله اعلم

س/ عضو شعبيته كبيره ومحبوب عند غالب الاعضاء........؟
ج / تقريبا الكل بدون مجاملة

س/ عضو تحسيه برييء براءه اطفال........ ؟
ج/اني ههههههه


س/ (الثقل والركاده والرزانه والهدوء والوناسه)تجتمع في العضو...
ج / ما اعرف

س/ عضو رومانسي.....
ج/ ماهر وروزماري وآن والعراقي الغيور وبعد اكو هواية


س21\عضو مثقف.....
ج/ الكل نخبة من المثقفين


س22 \عضو مرح ....
ج/ اوتافيا وابو خالد ويسرى وشارو والعراقي الغيور وماهر


س23\عضو شاعر......
ج / ماهر وكيتاريست وديراني

س24/عضو ذواق.........
ج / انجي وآن وباقي الاعضاء


س25/ عضو تحبين تهديله هديه منو وشنو هي الهديه ........؟
ج / اوتافيا  اهديلها بوسة

س26/ عضو تحبين تهديله اغنيه منو وشنو الاغنيه .............؟
ج / كل العضوات اهديلهم اغنية اليسا اللي احبها ( انا مين )


27/ عضو تحبين تهديله بيت شعر منو وشنو هو بيت الشعر ...............
ج / الكل اهديلهم مقطع شعر مال اغنية اليسا عيشالك
(قربني حبيبي كمان انا شوقي اليك ولهان
املالي الدنيا حنان نسيني معالك كل الاحزان)



28 /عضو دلـــوع ....
ج/ العزيزة اوتافيا


29/ عضو عصبي .....
ج / اتصور كيتاريست والله اعلم لان هو من يشوف شي غلط يتعصب


   واخيرا حلصت من اسئلة شارو


    تحياتي القلبية
ساندي(نجمة المنتدى)

غير متصل ابو خالد

  • مبدع قسم الهجرة
  • عضو مميز جدا
  • *
  • مشاركة: 4463
  • الجنس: ذكر
    • مشاهدة الملف الشخصي
عاشت ايدك ياساندي الورده رووووووووووعه ومتألقه بأجوبتك وانشالله حياتك كلها نجاح وتفوق والله يحفظك


ما فائدة القلم اذا لم يفتح فكرا
.. أو يضمد جرحا ..
أو يرقأ دمعة ..
أو يطهرقلبا
.. أو يكشف زيفا ..
أو يبني صرحا يسعد الإنسان في ضلاله..

غير متصل sandy 88

  • اداري
  • عضو مميز جدا
  • ***
  • مشاركة: 4480
  • الجنس: أنثى
  • المحبة ثم المحبة
    • مشاهدة الملف الشخصي

  صباح الخير ابو خالد شنو هالنشاط من الصبح .... طبعا صورة اليسا كلش حلوة
والفستان اللي لابسته بعد احلى

 هاي شنو ابو خالد يعني هسه لازم اتخيلك مثل عادل امام والظاهر رايج للحفلة .. ;D
على العموم اتمنالك امسية سعيدة


     تحياتي
ساندي(نجمة المنتدى)

غير متصل ابو خالد

  • مبدع قسم الهجرة
  • عضو مميز جدا
  • *
  • مشاركة: 4463
  • الجنس: ذكر
    • مشاهدة الملف الشخصي
هلا صباح النور اختي ساندي اي انا نشيط ولازم اكعد من الصبح حتى اروح للمدرسه حتى لايعاقبني استاذ شارو ههههههههه
وهسا غيرت الصوره مالت عادل امام ورجعت صورة اسمر حتى لا تدوخين كل يوم تتخيليني شكل ههههههه


ما فائدة القلم اذا لم يفتح فكرا
.. أو يضمد جرحا ..
أو يرقأ دمعة ..
أو يطهرقلبا
.. أو يكشف زيفا ..
أو يبني صرحا يسعد الإنسان في ضلاله..

غير متصل زهرة القرنفل

  • عضو مميز جدا
  • *****
  • مشاركة: 2277
  • الجنس: أنثى
    • مشاهدة الملف الشخصي
حبي ساندي هدية تخبل  :-* :-* :-* :-* :-* :-*وهذه مني الج
وعلى فكرة توقعج عني صحيح اني دلوعة بس مو كلش ها

اشو شاروو ماكو
يامار انطونيوس الشفيع . كن لدعوانا السميع . قوي ايماننا . احيي رجاءنا . علم الحـــــــــــب للجميع

ارحمنا يالله وارحم جميع الموتى واشفي جراح العراق

غير متصل sandy 88

  • اداري
  • عضو مميز جدا
  • ***
  • مشاركة: 4480
  • الجنس: أنثى
  • المحبة ثم المحبة
    • مشاهدة الملف الشخصي

 حبي اوتافيا هو احلى شي الدلع ترى اني هم دلوعة  :-*
ههههههههه تدرين شارو ليش ماكو .........................؟ لان اني اللي علية سويته
وهسه لازم هو يجيبلي هدية  :D


     تحياتي القلبية
    اختك ساندي

غير متصل ɱЯ.ŠɧДЯǾkəəή

  • اداري منتديات
  • عضو مميز متقدم
  • *
  • مشاركة: 8058
  • الجنس: ذكر
  • † מـغـرۈر ۈصـ۶ـُب בـُبـﮧ †
    • مشاهدة الملف الشخصي
هلو شباب شلونكم اخباركم
شكو ماكو سوري عالتاخير ساندي وهديتج راح تنزل بموضوع وحدة بالنادي

هسة شباب مو كافي ساندي خل ابدلهة

وفعلا جانت اجوبتج روعة وفوك الروعة بخمس درجات

العضو الجديد المتورط ويانا لهذا الاسبوع هو


الفرفور

الاخ العزيز

ماهر الراوي


يالة شباب ما انصحكم توكفون لازم نستجوبة بسرعة
لان ما عدكم غير اسبوع واحد هههه
mY fAcEb00K


غير متصل ابو خالد

  • مبدع قسم الهجرة
  • عضو مميز جدا
  • *
  • مشاركة: 4463
  • الجنس: ذكر
    • مشاهدة الملف الشخصي
اهلا بيك حبيبي فرفور اقصد ماهر ونورت الكرسي والله يكون بعونك وانشالله يخلص الاسبوع وماتحس بيه طبعا من وره ماتطلع روحك ههههههه مو اسبوع راح يصير سنه عليك الله يساعدك
وانا بالنسبه الي ماراح اكثر عليك بالاسئله سؤال واحد كافي بس السؤال بيه نقاط ....



.اسمك
مواليدك
.سكنك
.مختاركم منو هههههه
..فصيلة دمك
..برجك
..هل يسكن قلبك احد
- صفه تحبها في نفسك وصفه تكرهها ؟

- الهوايه الي لايعرفها عنك أحد ؟

- عادات اكتسبتها من والديك ؟

-مكان تشعر فيه بالراحة النفسيه وتنسى كل مشاكلك وهمومك ؟

مكان تتمنى ان تعيش فيه ؟

مكان تكره نفسك فيه ؟

-قرار اتخذته وندمت عليه ؟

متى شعرت ان حياتك تغيرت للاحسن ؟

جمله شهيره دايما ترددها ؟

مالونك المفضل؟

عضو مفتقده ؟


-عضو نفسك تفتح راسه وتشوف شنو بداخله  ؟

-عضوين تحسهم مقريبن من بعض ؟

شنو اكثر حاجه مهتم بيها ؟(موبايل_كمبيوتر الخ)..

اعتقد كافي مشي حالك بهاي الاسئله وانشالله الي عوده ثانيه


ما فائدة القلم اذا لم يفتح فكرا
.. أو يضمد جرحا ..
أو يرقأ دمعة ..
أو يطهرقلبا
.. أو يكشف زيفا ..
أو يبني صرحا يسعد الإنسان في ضلاله..

غير متصل روزماري

  • اداري
  • عضو مميز جدا
  • ***
  • مشاركة: 3098
  • الجنس: أنثى
  • على الرب أتكالي وفيه رجائي
    • مشاهدة الملف الشخصي
الله يعينك  ماهر الراوي  أذا ببداية  الأسئلة  هيج  اخونا ابو خالد  سوى شبقى الله يعينك

أكتفي أنا بسؤال  واحد فقط  حرام

سؤالي هو   هل حققت طموحك ووصلت الى مرحلة الرضا  ام تطمح  الى الاكثر

تحياتي  لك  وأرجو ان يكون  اسبوع خفيف الضل عليك

تقبل مروري

روزماري
كيف لي ان اشفى من حبك.... من يداوي جرح شوقي اليك... كيف لي ان اشفى من بحثي عنك ووجعي اليك ..من يوقف ادماني على عشقك .. من يوقف سكرتي في عينيك  ابسُط صلاتي اليك على الليل. ناراً لمجامير العاشقين نااااراً ناراً لمجامير العاشقين وانتظرمع الفجر وجهك ... انشد لك  مع القديسين اناشيد الوجد والحب يارب..

غير متصل الجوهره

  • عضو مميز جدا
  • *****
  • مشاركة: 2660
    • مشاهدة الملف الشخصي
هلو اخ ماهر ونورت الكرسي بوجودك وهم اكول الله يكون بعونك والله يعينك على الاسئله
وانا راح اسئلك كم سؤال
1..اعتذار الرجل للمرأه ذل أم احترام للذات ؟؟
2..ماذا تقول لمن ظلمك ؟؟؟
3..هل ترى ان الحب الاول ناجح ام فاشل ؟؟؟
4..هل تؤمن بالحكمه التي تقول ((اقرب طريق الى قلب الرجل معدته ))
واتمنى لك الموفقيه يااخوي

    اختك الجوهره

غير متصل YOSRA

  • عضو مميز متقدم
  • *******
  • مشاركة: 5845
  • † الرب نوري و خلاصي فمن من اخاف †
    • مشاهدة الملف الشخصي
اهلا اهلا صدك وكعت  والكل حس عليك بس انت  الله يساعدك على هاي الاسئلة ويعينك
ابو خالد طبعا مخلى سؤال الواحد يسال شنو هاي ابو خالد انطي فرصة لغيرك وعلى كيفك
ويا الي يكعد على الكرسي طبعا اني من هسى لازم اهديك حتى اذا كعدت اني لاتسالني هيج
ههههههههه اسئلة متفرعة هههههه  ...

شفت اخويا فرفور اقصد ماهر جنت بس تريد يعاقبني استاذ شارو بس الله طلع رب الزغل ههههههههه
ومن حفرة حفرتا لاخيه وقع فيها ههههههههههههه اكيد داشاقا وياك .. ;) :D
احب اسالك اني هم كم سؤال ..

  
س\ماهو هدفك في الحياة ؟؟؟
س\لو كنت ممحاة ماذا ستمحي ؟؟بصورة عامة ؟؟
س\هل يوجد حب من دون لقاء ؟؟ماهو رائيك ؟؟
س\الى اين رحل حبك ؟؟؟
س\لو كنت شمعة فلمن تحترق ؟؟؟
س\هل تنزعج عندما نناديك فرفور ؟؟؟

ساكتفي الان بهذا القدر من الاسئلة ولكن لا تفرح لم انتهي بعد  ;) ;) ;)
اتمنى ان تكون اسئلتي خفيفة عليك واذا ارت ترك سؤال فلا باس ..يد الرب معك تحرسك ..


                                     اختك يسرى

غير متصل ɱЯ.ŠɧДЯǾkəəή

  • اداري منتديات
  • عضو مميز متقدم
  • *
  • مشاركة: 8058
  • الجنس: ذكر
  • † מـغـرۈر ۈصـ۶ـُب בـُبـﮧ †
    • مشاهدة الملف الشخصي
احم .. احم

اني جيت ههههههههه

بس لاتخاف اخوية اجيت بس اشوف الاعضاء هههههه
هاي شنوو

شراح يسوون بيك

طبعا ابو خالد مع مرور الاسابيع دا تصير خبرتة بالاستجوابات احسن ههههههه
اني خايف على الاعضاء المستقبلين

طبعا احنا ولد الملحة كولنا هيجي
 ;D  ;D  ;D

على اساس اني مقصر بالاسئلة هههههه

منور فرفور ويالة تعال

جاااااااااااوب
mY fAcEb00K


غير متصل ابو خالد

  • مبدع قسم الهجرة
  • عضو مميز جدا
  • *
  • مشاركة: 4463
  • الجنس: ذكر
    • مشاهدة الملف الشخصي
بس اطمئن يااخي شاروو اخونا ماهر كدها وكدود وخاصة ماهر بالذات انسان واضح وانا متأكد راح يجاوب على الاسئله وهاي عنده زلاطه ولاتنسى ماهر اول المؤيدين ان يبقى الشخص على الكرسي اسبوع والله يعينه انشالله بس اوصيك لاتنسى هذا الدعاء يااخي ماهر ((يالله لقد مسني الضر وانت ارحم الراحمين))
وكلشي يتسهل وياك هههههه


ما فائدة القلم اذا لم يفتح فكرا
.. أو يضمد جرحا ..
أو يرقأ دمعة ..
أو يطهرقلبا
.. أو يكشف زيفا ..
أو يبني صرحا يسعد الإنسان في ضلاله..

غير متصل سود العيون

  • عضو فعال جدا
  • ***
  • مشاركة: 356
    • مشاهدة الملف الشخصي
    • البريد الالكتروني
مرحبا عزيزي ماهر الله يعينك وقلبي معاك بالتاكيد وخطية ما يشتهي ابو خالد الورد يسال ابدا

وخطية البقية ما قصروا بالاسئلة همينة بس قول يا الله وغمض عين وفتح عين وتشوف الاسبوع

خلص قول اامين سؤالي الك باي طريق تحب السفر جوا ام برا ام بحرا ؟؟ سؤال خفيف مو؟؟

وشكرا                                             سود العيون

غير متصل عبير الحب

  • عضو مميز
  • ****
  • مشاركة: 1429
  • الجنس: أنثى
  • جميل هو الانسان الذي يحب ولايخدع ؟يتالم ولايصرخ؟تد
    • مشاهدة الملف الشخصي
هلووووووووو فرفور شلونك الله يساعدك على الاسئلة


اني راح اسئل اسئلة بسيطة جدااااااااا

اووووووووووووووول سوال :- انت ليش تحب تاكل النستلة مال يسرى؟؟؟ ;D ;D ;D ;D


ثاني سوااااااااااااااااال :- احلى مكان ببغداد تحبة؟؟؟

ثالث سوااااااااااااال :- شنو رائيك بالحب عن طريق النت هل هو حب صادق؟؟؟؟


انشالله تكون اسئلتي خفيفة
الى من ابعدتني عنه الدروب الى من ذابت به القلوب ساضل احبك رغم الفراق المكتوب رغم حزني ......رغم دمعي @@عن حبك لان اتوب

غير متصل ɱЯ.ŠɧДЯǾkəəή

  • اداري منتديات
  • عضو مميز متقدم
  • *
  • مشاركة: 8058
  • الجنس: ذكر
  • † מـغـرۈر ۈصـ۶ـُب בـُبـﮧ †
    • مشاهدة الملف الشخصي
هااا فرفور وينك يمعود
مشتاقووون
mY fAcEb00K


غير متصل YOSRA

  • عضو مميز متقدم
  • *******
  • مشاركة: 5845
  • † الرب نوري و خلاصي فمن من اخاف †
    • مشاهدة الملف الشخصي
هاي استاذ شارو  اريد بس اكلك يمكن هذا فرفور اقصد اخويا ماهر رايح لسفرة وناسي نفسى
ويمكن ملتهي بالشغل خطية من هيج ميعرف هو المرشح على الكرسي ها ودياكل نستلة ميترو
ههههههههههه  ;) ;) :D



                                           اختكم ومحبتكم يسرى

غير متصل ابو خالد

  • مبدع قسم الهجرة
  • عضو مميز جدا
  • *
  • مشاركة: 4463
  • الجنس: ذكر
    • مشاهدة الملف الشخصي
والله صحيح كالت اختنا روزه فتح عين وغمض عين وماتحس الا والاسبوع خلص طبعا يخلص الاسبوع خلصا علينا ماهر بالغياب وطار الاسبوع بس انا اطلب من الاستاذ شارو يمدد المده للاخ ماهر وينطيه اسئله قوووووويه حتى يكون عبره للاعضاء البقيه التي تسول لهم نفسهم بترك الكرسي فارغ وينهزمون هههههه


ما فائدة القلم اذا لم يفتح فكرا
.. أو يضمد جرحا ..
أو يرقأ دمعة ..
أو يطهرقلبا
.. أو يكشف زيفا ..
أو يبني صرحا يسعد الإنسان في ضلاله..

غير متصل ماهر الراوي

  • عضو فعال جدا
  • ***
  • مشاركة: 648
    • مشاهدة الملف الشخصي
    • http://www2.0zz0.com/2009/05/08/10/699945507.jpg
مساء الخير على احلى واجمل واغلى اعضاء حبايبي انا اعتذر جدا على تاخري بالردود لاني فعلا لم اكن اعرف باختياري على كرسي الاعتراف لاني اجريت عمليه استئصال الزائده وانا الان بصحة جيدة والحمدالله ....وداكتب على السرير حتى لا اتاخر اكثر ..........
واني اشكر حبيبي استاذ شاروو على هاي العمليه الثانيه واللي اعتقد اصعب من الاولى هههههههه
بداية احيي واصفق بحراره للرائعة الجميله ساندي على ردودها القيمه والمعبره عن روح جميله وقلب كبير مسنودة بثقافه عاليه وتجربه كبيرة بالحياة فهنيئا لها نجاحها الباهر واجتيازها اسبوع الكرسي الصعب ...والله يكون بعوننا ..

وهسه راح نبدي باسئلة ابو خالد الوردة ....... هاي ليش ابوخالد اني سالتك ثلاثة اسئله وبسيطه كلش وانت هسه هم مقصرت سالت ثلاثة اسالة بس ضاربهه بعشرة يعني 30 سؤال ههههههههه بس اكيد هاي من محبتك الزايدة الي وعلى كولة المثل من حبك سالك اسئله هوايه ههههههههه


اسمك: فرفور اوووووووو اقصد ماهر ههههههههه
مواليدك: 16|9|78
.سكنك: حاليا انجز اعمال لشركتنا بالعراق مقيم الامارات لبنان الجيك
.مختاركم منو هههههه: انت هههههههه
..فصيلة دمك: B+
..برجك: العذراء
..هل يسكن قلبك احد: انتم جميعا نادي التعارف 
- صفه تحبها في نفسك وصفه تكرهها ؟: احب طيبة قلبي واكره طيبة قلبي الزائدة التي مرات تنقلب ضدي

- الهوايه الي لايعرفها عنك أحد ؟: الصيد فانا استمتع به كثيرا 

- عادات اكتسبتها من والديك : الحب والحنان واحترام الناس


مكان تشعر فيه بالراحة النفسيه وتنسى كل مشاكلك وهمومك ؟: البحر

مكان تتمنى ان تعيش فيه ؟: بلدي الحبيب عندما يستقر وينعم بالامان

مكان تكره نفسك فيه ؟: بلدي بالفتره السابقه

-قرار اتخذته وندمت عليه ؟حبي الاول

متى شعرت ان حياتك تغيرت للاحسن: عندما تعرفت بكم وبدون مجامله


جمله شهيره دايما ترددها ؟: اشعل شمعة بدل من ان تلعن الظلام

مالونك المفضل؟: الاحمر

عضو مفتقده ؟: حنان


-عضو نفسك تفتح راسه وتشوف شنو بداخله  ؟: الجميع واضح ومنور ويخبلون

-عضوين تحسهم مقريبن من بعض ؟:  انا وانت ههههههههه الجميع مقربين من بعض


شنو اكثر حاجه مهتم بيها ؟(موبايل_كمبيوتر الخ)..:الكمبيوتر لانه من خلاله اشوفكم واسمع اخباركم يوميا

اعتقد كافي مشي حالك بهاي الاسئله وانشالله الي عوده ثانيه: رحمه الله والديك

بووووووووووووووووووووووووويه طبعا هاي مالتك بس كلش حلوة خلصت من اسئلة ابو خالد واتمنى جاوبت بصراحه واعذرني على اجابتي المختصره بسبب وضعي الصحي

غير متصل ɱЯ.ŠɧДЯǾkəəή

  • اداري منتديات
  • عضو مميز متقدم
  • *
  • مشاركة: 8058
  • الجنس: ذكر
  • † מـغـرۈر ۈصـ۶ـُب בـُبـﮧ †
    • مشاهدة الملف الشخصي
مالك غير العافية فرفور
وان شاء الله الصحة والسلامة وترجعلنا باقرب وقت

ربي يحفظك ويسلمك

اخوية اذا كلش كلش ناجل الاستجواب
واني هم وية فكرة ابو خالد امددللك الاسبوع ههههه

ولا يهمك اخوية مالك غير العافية
واجوبة روعة

اخوك
شـــاروو
mY fAcEb00K


غير متصل روزماري

  • اداري
  • عضو مميز جدا
  • ***
  • مشاركة: 3098
  • الجنس: أنثى
  • على الرب أتكالي وفيه رجائي
    • مشاهدة الملف الشخصي
ألف ألف سلامة عليك ماهر الراوي وأنشالله تستعيد نشاطك ولاترهق نفسك بالجواب عن الاسئلة أبدا صحتك بالدنيا كلها 

تحياتي

روزماري
كيف لي ان اشفى من حبك.... من يداوي جرح شوقي اليك... كيف لي ان اشفى من بحثي عنك ووجعي اليك ..من يوقف ادماني على عشقك .. من يوقف سكرتي في عينيك  ابسُط صلاتي اليك على الليل. ناراً لمجامير العاشقين نااااراً ناراً لمجامير العاشقين وانتظرمع الفجر وجهك ... انشد لك  مع القديسين اناشيد الوجد والحب يارب..

غير متصل ابو خالد

  • مبدع قسم الهجرة
  • عضو مميز جدا
  • *
  • مشاركة: 4463
  • الجنس: ذكر
    • مشاهدة الملف الشخصي
عندك العافيه حبيبي ماهر والحمدلله على سلامتك وانشالله ترجع عافيتك مثل الاول واكثر وسامحنا خاف كثرنا عليك بالاسئله وماندري انك مريض وتعبان وانشالله الشفاء العاجل


ما فائدة القلم اذا لم يفتح فكرا
.. أو يضمد جرحا ..
أو يرقأ دمعة ..
أو يطهرقلبا
.. أو يكشف زيفا ..
أو يبني صرحا يسعد الإنسان في ضلاله..

غير متصل YOSRA

  • عضو مميز متقدم
  • *******
  • مشاركة: 5845
  • † الرب نوري و خلاصي فمن من اخاف †
    • مشاهدة الملف الشخصي
حمدا لله على سلامتك اخي العزيز والغالي فرفور انشاء الله ماعندك الا العافية يارب .
وربي يحفضك من كل مكروه اينما كنت .....ولاترهق نفسك اخي بالاسئلة اهم شئ صحتك بالدنيا


                                            اختك ومحبتك يسرى

غير متصل hananesho

  • عضو مميز جدا
  • *****
  • مشاركة: 4896
  • أحباب الــــــــــــــروح
    • مشاهدة الملف الشخصي
نشكر الاخ العزيز شارو على الموضوع الجميل واني اسفة لان ما شاركت برد على اخونا العزيز

ابو خالد و علي اختي الحنونة العزيزة ساندي واشكركم لان ذكرتم اسمي بموضيعكم الحلوة

 واحب اكول حمد الله على السلامة يا اخي العزيز ماهر ونعمة الاخ  وانشاء الله تكون بخير

واشكرك هواية على ذكرك لاسمي دائما في موضيعك الجميلة  ...

وبنسبة الى سوالي هو ؟؟
 

ماهو الشي الذي تتمنى ان يتحقق في حياتك

ومن هو اول عضو لفت انتباهك

                                              اختك حنان

غير متصل ماهر الراوي

  • عضو فعال جدا
  • ***
  • مشاركة: 648
    • مشاهدة الملف الشخصي
    • http://www2.0zz0.com/2009/05/08/10/699945507.jpg
مساء الخير على اطيب قلوب واجمل عيون مساء الخير على احلى مشاعر وارق ابتسامه مساء الخير على الاقمار والبدور والنجوم مساء الخير عليكم احبتي اصدقائي اخواني واخواتي اعضاء نادي اسرة التعارف ...
في البدايه اود ان اتقدم بشكري وامتناني العميقين لكل الدعوات والامنيات الرائعه بالسلامه التي تقدم بها احبتي الاعزاء ..سواء كانت على المنتدى او على الرسائل الخاصه.
حبيب كلبي ابو خالد
استاذي العزيز شاروو
العزيزه الرائعه روز ماري
العزيزه الرائعه يسرى
العزيزه الرائعه زهرة القرنفل
الاخت العزيزه الجوهره
العزيزة المتالقه الرائعه حنان والحمدالله على سلامة العوده ونورتي النادي.
جميع اسرتي الغاليه واعذروني ان نسيت اسماء لم اذكرها


وهسه نجي على سؤال العزيزة روز ماري الخفيف والرائع بنفس الوقت


سؤالي هو   هل حققت طموحك ووصلت الى مرحلة الرضا  ام تطمح  الى الاكثر

اعتقد يا سيدتي العزيزه انني حققت طموحي ووصلت الى مرحلة الرضا التام والحمدالله وهذا بفضل الله وجهود اسرتي الغاليه .

شكرا لسؤالك ومشاركتج روز تمنياتي لك بان تحققي كل طموحاتك وتصلين الى مرحلة الرضا واكثر وان متاكد من ذالك لانك انسانه رائعه ومجتهده.







غير متصل ann_alnoury

  • عضو مميز متقدم
  • *******
  • مشاركة: 5304
  • الجنس: أنثى
    • مشاهدة الملف الشخصي
تحية معطرة باريج الورد ابعثها لك اخي العزيز اطلب من الرب ان تكون بألف خير والحمدلله ع السلامة تمنياتي لك بالصحة والعافية ودوام الموفقية ....معي بعض الاسئلة وانشاءلله تكون خفيفة الظل عليك ....

1  المسؤولية ماذا تعني لك ...
2  أسعد لحظه في حياتك متى تكون ....
3  ماذا تفعل عندما يقتلك الاشتياق لمن تحب ولكنه رحل من حياتك دون عوده....
4  اكتب لنا خاطره او بيت شعر يعجبك ....
5  اختار خمسة اعضاء وامنحهم القابا ...

واخيرا....وفقك الله في كافة مجالات وفرص الحياة ...تحياتي العطرة ...
احيـــانا تسعــدنا الايـــام حتــى نظــن اننــا لــن نحــزن ابـــدا ......
ثـــم تـــدور الايـــام وتحــزننا حتــى نظــن اننـــا لا نسعـــد .......

غير متصل ماهر الراوي

  • عضو فعال جدا
  • ***
  • مشاركة: 648
    • مشاهدة الملف الشخصي
    • http://www2.0zz0.com/2009/05/08/10/699945507.jpg
مساء الخير اختي الغليه الجوهرة راح اجاوب على اسئلتك واتمنى تعجبكم اجوبتي

1..اعتذار الرجل للمرأه ذل أم احترام للذات ؟؟: اعتقد اذا كان التقصير من الرجل فاعتذاره قمة الرجوله واحترام للنفس والذات واعطاء حق المراءه ما تستحق
2

..ماذا تقول لمن ظلمك ؟؟؟:الله يسامحك
3
..هل ترى ان الحب الاول ناجح ام فاشل ؟؟؟: بالنسبه الي حبي الاول فشل واتمنى ان لا يفشل لبقية المحبين ...كان الطرف الثاني هو الذي بدء بالظلم ومن ثم عاد يعتذر ولكن بعد ايش...
4
..هل تؤمن بالحكمه التي تقول ((اقرب طريق الى قلب الرجل معدته )): والله بالنسبه لابو خالد اعتقد (ماعون الباجة) مشكله ههههههههههههه . لا اعتقد اقرب طريق لقلب الرجل هو قلبه .

تمنياتي لك بالموفقيه والسعادة الدائمه ولاسرتك العزيزه.
 

غير متصل ماهر الراوي

  • عضو فعال جدا
  • ***
  • مشاركة: 648
    • مشاهدة الملف الشخصي
    • http://www2.0zz0.com/2009/05/08/10/699945507.jpg
هلو عزيزتي نوسه اقصد سوسو ............. يسسسسسسسسسسسسسرى الامل مساء الخير هاي ليش هيجي فوك ما اغششج بالامتحان وانطيج نقل لان اني كلش شاطر وانتي يعني مو كلش ههههههههه بسيطه وين تطرين الكرسي وراج وراج ........لا تدللين شمعتنا الغاليه واني حاضر لاي سؤال وبالمناسبه ترى يسرى كلش شاطرة واني الي اغش منهه ههههههههه ....

س\ماهو هدفك في الحياة ؟؟؟:
ج/ الحمدالله اعتقد ان اغلب اهدافي قد تحققت في جميع المجالات الا في مجال الحب هدفي ان اجد قلب اعشقه ويعشقني .
س\لو كنت ممحاة ماذا ستمحي ؟؟بصورة عامة ؟؟
ج/ الظلم والحروب والتعصب والالم الذي وقع على بلدي وشعبي وعلى جميع شعوب العالم ..
س\هل يوجد حب من دون لقاء ؟؟ماهو رائيك ؟؟
ج/ نعم يوجد لان المشاعر والخواطر والاحاسيس تلتقي فبل ان تلتقي الاعين والاذن تعشق قبل العين احيانا وقصص الحب الرائعه عن طريق النت دليل على ذالك .
س\الى اين رحل حبك ؟؟؟
ج/ الى ارض الله الواسعه الى اللا عوده .
س\لو كنت شمعة فلمن تحترق ؟؟؟
ج/ لبلدي واسرتي ولكم انتم اسرتي الغاليه.
س\هل تنزعج عندما نناديك فرفور ؟؟؟
ج/ تدرين كلش عاجبني ويمكن راح اغير اسمي من ماهر الراوي الى فرفور ههههههههههههه

يا يابه همزين خلصت من اسئلة نوسه اوووووووووو اقصد يسرى بس المشكله يمكن هذه اسئلة الجزء الاول وبعد ورانا اجزاء شراح يخلصنه هههههههه تمنياتي لك بالموفقيه والنجاح والسعادة .

غير متصل ماهر الراوي

  • عضو فعال جدا
  • ***
  • مشاركة: 648
    • مشاهدة الملف الشخصي
    • http://www2.0zz0.com/2009/05/08/10/699945507.jpg
حبيب كلبي ابو خالد ما طول نفسك ودعائك الصادق ويايه ما ادير بال حتى لو شهر مو اسبوع شكرا الك

مرحبا سود العون مشتاق كلش اسمع اخبارج الطيبه وانشاالله تكونين بخير وباحسن حال وشكرا على سؤالك خفيف الظل ..

انا احب السفر بحرا لاني اعشق البحر وعندما اسافر بحراكنت اتحدث معه كثيرا وكان يهمس لي باشياء كثيرة تريحني.
شكرا سود العيون وتمنياتي لك بالموفقيه والسعادة

غير متصل روزماري

  • اداري
  • عضو مميز جدا
  • ***
  • مشاركة: 3098
  • الجنس: أنثى
  • على الرب أتكالي وفيه رجائي
    • مشاهدة الملف الشخصي
عزيزي ماهر الراوي انت الذي أكثر من رائع بذوقك بالكلام  وشفافيتك في التحدث أشكرك على أطرائك ودوعائك لي اشكرك مرة أخرى ياذواقا بكل شيء موفق في كل شيء والى الأمام في أجابة الأسئلة والله يعينك

تحياتي

روزماري
كيف لي ان اشفى من حبك.... من يداوي جرح شوقي اليك... كيف لي ان اشفى من بحثي عنك ووجعي اليك ..من يوقف ادماني على عشقك .. من يوقف سكرتي في عينيك  ابسُط صلاتي اليك على الليل. ناراً لمجامير العاشقين نااااراً ناراً لمجامير العاشقين وانتظرمع الفجر وجهك ... انشد لك  مع القديسين اناشيد الوجد والحب يارب..

غير متصل ماهر الراوي

  • عضو فعال جدا
  • ***
  • مشاركة: 648
    • مشاهدة الملف الشخصي
    • http://www2.0zz0.com/2009/05/08/10/699945507.jpg
هلو عبوره طبعا اسئلتج كلش حلوة مثلج وهسه راح اجاوبج

انت ليش تحب تاكل النستلة مال يسرى؟؟؟   
ج/ الحجي بيناتنه هي النستله كلش طيبه واني مصدك يسرى متجي للمدرسه واكلهه راسا ههههههههه شسويلهه كلما اجيبلهه نستله هي تغيب ...

ثاني سوااااااااااااااااال :- احلى مكان ببغداد تحبة؟؟؟
ج/ هوايه اماكن بغدادنا الحبيبه احبهه الكراده العرصات شارع الرشيد الاعظميه بغداد كلهه على بعضهه حلوة .
ثالث سوااااااااااااال :- شنو رائيك بالحب عن طريق النت هل هو حب صادق؟؟؟؟
ج/ الحب هو الحب وان اختلفت المسميات فاذا كان الحب صادقا وهذا يعتمد على صدق ومشاعر الطرفين سيبقى صادقا سواء عن طريق النت او الجامعه او اي مكان اخر يعني يعتمد على صدق الانسان مع نفسه اولا ومع الحبيب ثاني .

شكرا عبير الحب وتمنياتي لك بحب صادق ونستله طيبه في احب مكان الج بغداد ..السعاده الدائمه لك

غير متصل ماهر الراوي

  • عضو فعال جدا
  • ***
  • مشاركة: 648
    • مشاهدة الملف الشخصي
    • http://www2.0zz0.com/2009/05/08/10/699945507.jpg
العزيزه ارائعه حنان فرحتنا لا توصف بعودتك الجميله لاسرتك الغاليه وشكرا والف شكر لامنياتك لي بالسلامه وهذا كله من طيب اصلك ..على الاقل انتي صاحبة الالقاب الجميله الرائعه التي نعتز بها كثيرا واصبحت مرافقة لاسمائنا دائما ... بالنسبه لاسئلتك


ماهو الشي الذي تتمنى ان يتحقق في حياتك
ج/ احمد الله ان اغلب ما اتمناه قد تحقق على الصعيد العام اما الخاص لحد هسه ماكو شي ههههههههه
اتمنى ان يعم الامن والامان على عراقنا الحبيب والالفه والمحبه على جميع مكوناته ..
ومن هو اول عضو لفت انتباهك
ج/كلكم رائعيين وملفتين للانتباه بتالقكم وروعتكم بس اعتقد العزيزه يسرى .

شكرا لك ولمشاركتك معنا وتمنياتي لك بالهناء والفرح والسعادة الدائمه ...

غير متصل ماهر الراوي

  • عضو فعال جدا
  • ***
  • مشاركة: 648
    • مشاهدة الملف الشخصي
    • http://www2.0zz0.com/2009/05/08/10/699945507.jpg
سيدتي الرائعة دائما أن النوري .....دائما شمسك تبزخ بنورها علينا باجمل ما يكون كلماتك ومشاعرك وروحك الجميله وقلبك الطيب ...شكرا لامنياتك ودعواتك لي بالسلامه وهذا من سمو شانك ...وهسه راح نجي على اسئلتك ..

1  المسؤولية ماذا تعني لك ...
ج/ سيدتي انا  ادير شركتي الخاصة وان مسؤول عن عدد ليس بالقليل من الموظفين والعاملين ضمن الشركة ...المسؤليه كبيرة وحمل ثقيل يجب على الانسان ان يكون عند حسن ظن الجميع به ليكون ناجح في عمله انا اعتقد المسؤليه اختبار وامتحان ولازم الواحد يكون مذاكر بصورة جيده حتى ينجح في هذا الامتحان .فالمسؤوليه تعني اثبات للذات ونجاح في الحضور .
  أسعد لحظه في حياتك متى تكون ....

ج/عتدما التقي باسرتي وعندما افتح النت والتقي بكم اسرتي الغاليه وبدون مجامله.
 
 ماذا تفعل عندما يقتلك الاشتياق لمن تحب ولكنه رحل من حياتك دون عوده....

ج/ لقد رحل كل الاشتياق معه الى غير رجعه لذالك لن اشتاق له ابدا .
4  اكتب لنا خاطره او بيت شعر يعجبك ....

ج/
5 ...
جروحي لفراقك نزفت
وأحــزانـي لن تفارق مقلي طول العمر
فقليل بحقك حبيبى
كل كلمات الشعر
وقليل بحقك ان يبكيك كل البشر
وان يبكي لفراقك
حتى القمر
 وان يبكي لفراقك
حتى القمر

 
    اختار خمسة اعضاء وامنحهم القابا   

ج/ ابو خالد.... ابتسامة المنتدى

روز ماري ........العطر الفواح

يسرى.....شمعة الامل

أن النوري ....ملكة على عرش الكلمة

ساندي......اميرة الجمال

زهرة القرنفل....اللؤلؤة المتالقة

شكرا لك سيدتي وحفظك الرب وحماك تمنياتي لك بالسعادة ودمتي باسعد حال...



غير متصل YOSRA

  • عضو مميز متقدم
  • *******
  • مشاركة: 5845
  • † الرب نوري و خلاصي فمن من اخاف †
    • مشاهدة الملف الشخصي
شكرا اخي العزيز والوردة فرفور اقصد ماهر  يا (نبض المنتدى ) تعرف الكرسي يشكلك هواية
واجوبتك رائعة وشكرا لذكر اسمي باجوبتك وشكرا لعبير الحب لان سالتك سؤال ليش تاكل نستلة
يسرى حتى تعرف اني مو وحدي ها كل البنات وياي ودير بالك تاكل نستلتي مرة الخ ههههههههه
انت امنيتك بس اكعد على الكرسي بسيطة فرفور بسيطة الدنيا صغيرة  ;)
ويا ريت لو جنت اكدر اطير جان طرت من الكرسي هههههههه  وهاي الورود مني الك هم على الكرسي..
عاشت ايديك على الاجوبة يا متالق وانشاء الله من ابداع لابداع ويد الرب معك تحميك ..


                                            اختك ومحبتك يسرى

غير متصل ماهر الراوي

  • عضو فعال جدا
  • ***
  • مشاركة: 648
    • مشاهدة الملف الشخصي
    • http://www2.0zz0.com/2009/05/08/10/699945507.jpg
تسلميلي يا شمعتي الغاليه على اطرائك ومشاعرك الجميله ....وين طيرين ما بيهه كل مجال الكرسي وراج وراج تدرين اني راح اسئلج اسئلة كلش هوايه حتى بس استمتع بردودج الجميله واسلوبج السلس الرائع لان كلماتج كلهه حكم وعبر .........شكرا الج يا نوسه ويا سوسو الجميله ويا يسرى العزيزه  على الورود الجميله ....

تقبلي ودي    نبض المنتدى

غير متصل نـور

  • مبدع قسم الهجرة
  • عضو مميز متقدم
  • *
  • مشاركة: 39381
  • الجنس: ذكر
  • عــــرااااقــــي غـــيـــــوووررررر
    • مشاهدة الملف الشخصي
اخي العزيز

 ماهر الراوي


امنور كرسي الاعتراف




ماشاء الله الاخوان مبقولي شي اسئلة الك

اريد تكلي شنو رئيك بالاعضاء

هيوي
اوتافيا
روزماري
جوهرة
يسرى
سود العيون
ماهر
ابو خالد
حنان
ان النوري
زيد الحسيني
روبرت
نجمة البحر
كيتاريست
وحش الطاوة
ابن بغداد
عراقي غيور
انجي
شاروو
عبير الحب
ديراني
انطون مترى
ساندي
فنار
جاسيمة
بنت النجف

اتمنى ما نسيت احد واذا نسيت حضرتك ذكرني وكلي شنو رئيك بيهم

ت7يتي .. الك


العراقي الغيور


غير متصل ماهر الراوي

  • عضو فعال جدا
  • ***
  • مشاركة: 648
    • مشاهدة الملف الشخصي
    • http://www2.0zz0.com/2009/05/08/10/699945507.jpg
حبيبي العزيز العراقي الغيور نورك هو الي ينورنه دائما اعتز بك كثيرا وباسلتك الحلوة بس ما اعرف شنو راح اكتب عن احبتي الاعضاء لان كلهم منورين ومبدعين ومتالقين في كل شي بس انشالله اتمكنمن ان اعطي ولو شي بسيط بحق كل واحد واكيد هم يستاهلون اكثر.........



هيوي / اداريتنا ارائعه والي بفضلهه بقينه عائله واحدة يجمعنه الحب والاخوة والاخلاص فشكرا لها الف مرةاتمنى لها كل النجاح والموفقية.
اوتافيا/ الؤلؤة البيضاء التي تزيد اشرقا وتوهجا يوما بعد يوم ومو بس هذا ايضا متالقه جدا وصارت خمس نجوم على عناد ؟؟؟؟؟؟؟؟؟؟؟؟؟؟ هههههههههه بس تستاهل ....
روزماري/ اسمها له تاثير عجيب على الجميع رائعة في كل شئ تحتل مكانه كبيرة في داخل كل واحد منا نجلها ونقدرها ونحترمها كثيرا وهذ اقل ما يمكن ان اوصف به روز ماري فارجو المعذرة..تمنياتي له بالسعادة الدائمة
جوهرة / السيدة الرائعه والمحترمة قيادية في كل شئ وصاحبة قلب كبير فهنيئا لاسرتها بها وهنيئا لها باسرتها الغالية ...تمنياتي له ولاسرتها بالسعادة الدائمة
يسرى/ شمعة الامل نورها ينساب الى القلوب بدون استئذان كبيرة في شخصيتها صاحبة اسلوب ولا اروع وتحب نستلة المترو كثيرا بس خطيه لهسه محصلت ولا وحدة لان اني دائما اكلهه ههههههههههههههه.اتمنى لها كل السعادة والنجاح 
سود العيون/انسانة رائعة جدا تمتلك روح مرحة جميلة اسلوبها بالكتابة يخبل وصورهه الي دزهه دائما تحول كل العيون ههههههههههه.تمنياتي لها بالسعادة والنجاح والموفقية .
ماهر/محظوظ جدا وسعيد بكم وباخوتكم .
ابو خالد/ هذا الاخ العزيز اذا اكتب عنه وعن قلبه الرائع ومشاعره الجميله وروحه المرحه وشخصيته الفذة يرادلي ساعات وساعات حتى اوفي جزء بسيط من حقه .......بس راح اوجزها بكلمات اخ وصديق وصديق واخ بكل ما تحمله هذه الكلمات من معاني الاخوة الصادقة المخلصة يحب الباجة بشكل مو طبيعي هههههههههههههه..اتمنى له كل الموفقية والنجاح وتحقيق الماني
حنان/كلهه حنان وطيبه نورتنه بعودتهه الحلوة لاسرتهه صاحبة الالقاب الجميلة الرائعة التي وسمت بها كل عضو منا تمتلك من النقاء والصفاء والحب الشئ الكثير احترمها واجلها كثيرا شخصية جدا رائعة .اتمنى لها كل السعادة وتحقيق جميع الاماني
ان النوري/صاحبة حضور مميز دائما ابحث عن مواضيعها وردوددها لامتع النضر بما تكتب من احاسيس رقيقة صادقة شخصية راقية ومثقفة جدا .تمنياتي لها بالسعادة والموفقية وتحقيق كل الاماني.
زيد الحسيني/صديق واخ عزيز اعتز به كثيرا شخصية محترمة ونفتقده كثيرا هذه الايام.اتمنى له كل الموفقية والنجاح
روبرت/انسان رائع يمتلك احساس جياش ومشاعر قمة في الحب والرقة احترمه كثيرا.
نجمة البحر/ ادارية وصديقة رائعةبكل ما تحمله هذه الكلمة من الابداع والروعة شخصية تفرض احترامها على الجميع بما تملكه من قوة وحضور مميز.اتمنى لها كل السعادة والنجاح.
كيتاريست/الصديق الرائع صاحب القلم الجميل الذي يمتعنا باحاسيس ومعاني جميلة الموسيقار القدوة صاحب الانامل الذهبية حالم وطموح اتمنى له كل الموفقيه والنجاح في مشوار حياته .
وحش الطاوة/صديق عزيز فرض حبه واحترامه بداخلنا وذهب وتركنا اتمنى ان يعود الينا وهذه دعوة صادقة له من جميع اسرته اتمنى له كل الموفقية .
ابن بغداد/صديق جميل وصاحب حضور كبير قلمه مبدع واحاسيسه صادقة اتجاه الجميع اتمنى له كل السعادة والنجاح.
عراقي غيور/عراقي وغيور مذا تريد ان اكتب بحقك فانت تحمل عنوان كبير وشامخ صديق رائع وشخصية فذة وحضور جميل في كل المواضيع تسعى دائما لكل ماهو جميل ورائع.
انجي /مثال للانسانة المتفانيه ونموذج رائع للخير شخصية جميلة وجهود مشكورة اتمنى لها كل الخير والموفقية.
شاروو/استاذي العزيز ولازم اكتب عنه كلمات كلش حلوة حتى لا يرسبني بالامتحان ههههههه شخصية جميلة ورائعة صاحب افكار قيمه ساهمت كثيرا في نجاح نادي التعارف حضور مميز يحب الجميع وبالمقابل يحبه الجميع نحترمه ونعتز به كثيرا واتمنى له كل النجاح والموفقيه.
عبير الحب/عبورة الحبابة شخصية جميلة ودلوعه وحلوة وتخبل بكل شي مواضيعهه وردودهه تعبر عن روح وتسامح وحب اتمنالهه كل السعادة والنجاح بكل حياتهه .
ديراني/صاحب القلم الرومانسي الجميل صديق اعتز به كثيرا شخصية جميلة ومحترمة مبدع ومتالق في كل شئ اتمنى له الموفقيه والنجاح.
انطون مترى/صديق رائع صاحب قلم فكاهي جميل حضور مميز وشخصية محترمه نفتقده كثيرا هذه الايام اتمنى له كل النجاح والسعادة.
ساندي/أه اقف كثيرا واراجع كل الكلمات الجميلة التي اعرفها لاختار منها ما يليق بهذه الانسانة الجميله الرائعة ..هي جميلة ومثقفة ومتفانية تحب الخير لكل البشر حبوبة استمتع بكلامها واسلوبها واتمنى ان تكتب وتكتب داءما قلب كبير مشاعر ورقة ولا اجمل عيون جميله 0 ومحاسبة ههههههههه اتمنى لها كل النجاح والموفقيه والسعادة وان تذهب الى لبنان مرة اخرى وتاخذ صورة مع اليسا بعد .
فنار/صديق عزيز وشخصية رائعة ومحترمة اتمنى له كل الموفقية والنجاح والحب الدائم .
جاسيمة/لم تسمح لي الفرصة بالتعرف بها جيدا ولكن حضورها ومشاكستها الجميلة وشخصيتها المحترمة تفرض احترامها بكل الود والحب على الجميع تمنياتي لها بالسعادة والنجاح.
بنت النجف/صديقة واخت رائعة لها من المواقف الجميلة الكثير شخصية محترمة ومحبوبة تركتنا من غير لا احم ولا دستور اتمنى لها العودة من جديد وكل الموفقية والسعادة.
الحمدالله انتهت اسئلة اخوية العراقي الغيور واتمنى ان اكون قد وفقت بالاجابة مع الاعتذار الشديد ان قصرنا بحق اي منكم .

تقبلو ودي نبض المنتدى

غير متصل ann_alnoury

  • عضو مميز متقدم
  • *******
  • مشاركة: 5304
  • الجنس: أنثى
    • مشاهدة الملف الشخصي
باقة معطرة بالجوري والفل اهديها لك ولقلمك المتميز دومابــ اروع وارق الكلمات...اشكرك اخي الغالي على اجوبتك القيمة وكلماتك الرائعة بحقي واكيد هذا من ذوقك الرفيع دعائي لك بالتوفيق والنجاح المتواصل كافة دروب حياتك....لك تحياتي ....
احيـــانا تسعــدنا الايـــام حتــى نظــن اننــا لــن نحــزن ابـــدا ......
ثـــم تـــدور الايـــام وتحــزننا حتــى نظــن اننـــا لا نسعـــد .......

غير متصل ماهر الراوي

  • عضو فعال جدا
  • ***
  • مشاركة: 648
    • مشاهدة الملف الشخصي
    • http://www2.0zz0.com/2009/05/08/10/699945507.jpg
سيدتي أن النوري ...كلماتي القليلة بحقك لم تكن سوى نقطة من بحرك الواسع الجميل الذي نستمتع بنسائمه الجميلة يوميا اعذري قلمي ان لم يوفي حقك فقلمي يلتزم الصمت امام ابداعك ورونقك الزاهي .

تفبلي ودي

غير متصل روزماري

  • اداري
  • عضو مميز جدا
  • ***
  • مشاركة: 3098
  • الجنس: أنثى
  • على الرب أتكالي وفيه رجائي
    • مشاهدة الملف الشخصي
لاأعرف ماذا أقول لك ياسيد الكلمات وسيد الذوق وجنتل مان  بكل شيء والدليل  حبك للبشر  وأنتقاء أجمل وأعذب الكلمات للتتويجهم  أشكرك ماهر صدقا بكل ماتعني كلمة شكر وهي قليلة في حقك أنا لم أكن روزماري لولاكم عرفت معنى الصداقة والمحبة بينكم  وأدرك وأعرف أني مقصرة معكم كثيرا لغيابي المتقطع وذلك لأسباب عدة من أهمها الأنترنت  يعني أسباب تقنية وانشالله تنحل

أشكرك ماهر  بل ماهر بالكلمات

تحياتي وتقبل مروري

روزماري
كيف لي ان اشفى من حبك.... من يداوي جرح شوقي اليك... كيف لي ان اشفى من بحثي عنك ووجعي اليك ..من يوقف ادماني على عشقك .. من يوقف سكرتي في عينيك  ابسُط صلاتي اليك على الليل. ناراً لمجامير العاشقين نااااراً ناراً لمجامير العاشقين وانتظرمع الفجر وجهك ... انشد لك  مع القديسين اناشيد الوجد والحب يارب..

غير متصل ماهر الراوي

  • عضو فعال جدا
  • ***
  • مشاركة: 648
    • مشاهدة الملف الشخصي
    • http://www2.0zz0.com/2009/05/08/10/699945507.jpg
سيدتي الموقرة روز ماري...شكرا لاطرائك الجميل الذي اخجلتيني به ...صدقيني انا اعتبرك كالجبل الشامخ ورمزا للكبرياء والصمود والرقة والاحساس فكل هذا يتجسد بشخصيتك دائما عندما ينتابني شعور سئ او امر بموقف صعب استعين بالله اولا واتذكر روز ماري فاستمد منها مشاعر القوة والعزم لذالك مهما كتبت بحقك فهو دائما قليل ..

تقبلي ودي وانشالله تنحل جميع المشاكل التقنيه وغير التقنيه حتى لا تحرمنة من طلتك الحلوة علينا ..

غير متصل ابو خالد

  • مبدع قسم الهجرة
  • عضو مميز جدا
  • *
  • مشاركة: 4463
  • الجنس: ذكر
    • مشاهدة الملف الشخصي
عاشت ايدك حبيبي ماهر على اجوبتك الروعه وبارك الله بيك على هاي الروح الطيبه التي تحملها ونشكرك جزيل الشكر على ماكتبت بحقنا من كلام لطيف وانت الاخ والصديق الطيب والقلوب سواجي والله شاهد ونطلب من الله ان لايحرمنا منك ومن صداقتك واخوتك لنا والله يوفقك بحياتك وانشالله النجاح المستمر في حياتك وتحقيق جميع ماتتمناه


ما فائدة القلم اذا لم يفتح فكرا
.. أو يضمد جرحا ..
أو يرقأ دمعة ..
أو يطهرقلبا
.. أو يكشف زيفا ..
أو يبني صرحا يسعد الإنسان في ضلاله..

غير متصل YOSRA

  • عضو مميز متقدم
  • *******
  • مشاركة: 5845
  • † الرب نوري و خلاصي فمن من اخاف †
    • مشاهدة الملف الشخصي
اخي الوردة ماهر شكرا على اجوبتك الروعة وكلامك الاروع بحق كل واحد منا لك شكري وتقديري
الله يحرسك وبما ان ماكو اسئلة الك حاليا احب اسئلك كم سؤال ....تعرف ميصير المرور على صفحتك
بدون سؤال ...

س\ لو خيروك بين ثلاث امنيات ماذا تختار ؟؟؟
س\ هل ندمت على صراحتك يوما ما مع شخص ؟؟؟

     تحيتي لك ولروحك العذبة

                                        اختك يسرى

غير متصل نـور

  • مبدع قسم الهجرة
  • عضو مميز متقدم
  • *
  • مشاركة: 39381
  • الجنس: ذكر
  • عــــرااااقــــي غـــيـــــوووررررر
    • مشاهدة الملف الشخصي
اخي العزيز ماهر ..

شكرا الك على اجوبتك الرائعة وكلمات الجميلة في كل عضو من الاعضاء وانشاء الله اتشوف كل السعادة في حياتك ياطيب

تحياتي.. الك بالموفقية

غير متصل زهرة القرنفل

  • عضو مميز جدا
  • *****
  • مشاركة: 2277
  • الجنس: أنثى
    • مشاهدة الملف الشخصي
هلو عزيزي شاروو رجاءا بدل الصفحة لان من كثر الاسئلة كلشي مديطلع يمي وماداعرف ليش
والاسئلة شوية قلولها والايام همين هواية اسبوع
يامار انطونيوس الشفيع . كن لدعوانا السميع . قوي ايماننا . احيي رجاءنا . علم الحـــــــــــب للجميع

ارحمنا يالله وارحم جميع الموتى واشفي جراح العراق

غير متصل ابو خالد

  • مبدع قسم الهجرة
  • عضو مميز جدا
  • *
  • مشاركة: 4463
  • الجنس: ذكر
    • مشاهدة الملف الشخصي
بالنسبه للصفحه يااوتافيا اضغطي على رقم 2 وتطلع الصفحه لان الصفحه صارت بيها رقمين واحد واثنين
وبالنسبه للاسبوع خلاص ثبت اسبوع على كل واحد لان اذا يقلل الفتره راح نحتج انا وساندي وماهر بس نكدر نكول بالنسبه للاسئله نقللها كل شخص اله حق يسأل عشرة اسئله لا اكثر وهذا مجرد اقتراح


ما فائدة القلم اذا لم يفتح فكرا
.. أو يضمد جرحا ..
أو يرقأ دمعة ..
أو يطهرقلبا
.. أو يكشف زيفا ..
أو يبني صرحا يسعد الإنسان في ضلاله..

غير متصل ماهر الراوي

  • عضو فعال جدا
  • ***
  • مشاركة: 648
    • مشاهدة الملف الشخصي
    • http://www2.0zz0.com/2009/05/08/10/699945507.jpg
ابو خالد الاخ والصديق العزيز ....دائما احسد نفسي على اني بين اسرة واخوة واصدقاء رائعيين مثلكم فانا مهما كتبت وابدعت وتالقت في وصفكم فلن اصل للحد الادنى من ان افي بحقكم فانتم رائعيين بكل شئ
تمنياتي لك وللعائله الكريمه السعادة والهناء

غير متصل ماهر الراوي

  • عضو فعال جدا
  • ***
  • مشاركة: 648
    • مشاهدة الملف الشخصي
    • http://www2.0zz0.com/2009/05/08/10/699945507.jpg
شمعة الامل يسرى العزيزة ....انتم جميعا تستحقون اكثر الروعة بكم والابداع والتالق فيكم الحب والاخلاص و الرقة والاحساس وحب الخير طبعكم فمهما كتبت فانتم الاروع دائما..تحياتي لك وامنياتي بالسعادة ..

بالنسبة لسؤالك الاول ....ساختار الحب والامان والسلام والخير والطمأنينه لبلدي ولشعبي ولكل شعوب الارض

اما سؤالك الثاني....  بانسبق للاصدقاء والمقربين لا لانني اختارهم بعناية واما بالحب فنعم مصارحتي لحبي الاول ولكني تغلبت على هذا الندم بحبي للناس وللحياةو لللامل .

تقبلي ودي واحترامي

نبض المنتدى

غير متصل ماهر الراوي

  • عضو فعال جدا
  • ***
  • مشاركة: 648
    • مشاهدة الملف الشخصي
    • http://www2.0zz0.com/2009/05/08/10/699945507.jpg
حبيبي العراقي الغيور... الشكر موصول لك فانت المبدع والاروع والمتالق دائما ومكسب لنا بانضمامك لاسرتنا الغالية تمنياتي لك بالسعادة وتحقيق جميع امنياتك ...

تقبل ودي واحترامي

نبض المنتدى

غير متصل hewy

  • الاداري الذهبي
  • عضو مميز متقدم
  • *******
  • مشاركة: 26588
  • الجنس: أنثى
    • مشاهدة الملف الشخصي
منور الكرسي يا اخي ماهر واحييك على اجوبتك الحلوة التي تدل على شخصية حكيمة وواعية وقلب طيب وتواضع ملفت للانظار


اسئلتي لك يا اخي الطيب هي :

هل كان للمراة دور مهم في وجود ماهر الراوي اليوم بالشخصية الذكية والحكيمة وطيب الخلق والشاعر ذو الاحساس الراقي ؟

هل تعتقد ان الصداقة بين الرجل والمراة هي امر مستحب وممكن ان تكون علاقة ناجحة ؟ اكيد اخصك انت كرجل شرقي بالسؤال ؟

ما رائيك بمنتديات عنكاوا سواء من ناحية ضيافة اهل المنتدى او من ناحية الصداقات ما بين الاعضاء وبينكم ؟ وما الذي اكتسبته من تواجدك بين اعضاء منتديات عنكاوا ؟

مع كل الود
اختكم هيوي

غير متصل ماهر الراوي

  • عضو فعال جدا
  • ***
  • مشاركة: 648
    • مشاهدة الملف الشخصي
    • http://www2.0zz0.com/2009/05/08/10/699945507.jpg
الاداريه الرائعة والعزيزة جدا الاخت هيوي ...جود كرمك واطرائك وثنائك لشخصي وسام اعتز به كثيرا واتقلده بكل فخر ...فاكيد محظوظ اللي يحظى بمثل ههيج كلمات من اختنا العزيزة هيوي ....

هل كان للمراة دور مهم في وجود ماهر الراوي اليوم بالشخصية الذكية والحكيمة وطيب الخلق والشاعر ذو الاحساس الراقي ؟
ج/ نعم وبكل فخر كان للمرأة دور كبير ومميز في صنع وبلورة شخصية ماهر الراوي على ماهي عليها الان ان كان دور الام العزيزة الغالية وما قدمته وزرعته في من الحب والاخلاص والصدق واحترام الذات وان كان دور الحبيبة ولو اني اشعر بالانزعاج عندما اتحدث عنها ولكن الشء بالشء يذكر كما يقولون سيدتي...التي كانت حبيبتي كانت ملهمتي ومصدر ابداعي كانت تعلمني ابجديات الحب والعشق والشعر والرقة والاحساس وهذا ما لا انكره ابدا .فدور المراة بحياتي كان كبير ولها فضلا لا ينسى ..
هل تعتقد ان الصداقة بين الرجل والمراة هي امر مستحب وممكن ان تكون علاقة ناجحة ؟ اكيد اخصك انت كرجل شرقي بالسؤال ؟
ج/ سيدتي ...تقالدينا وعاداتنا الشرقية تستنكر هذا الشئ ولكني اعتقد ان العلاقة بين النضوج والوعي والثقافة والاحترام المتبادل تكون محببة وتؤدي الى علاقة ناجحة ولا اقصد هنا العلاقات المشبوهه او علاقات المصالح او علاقات الظلام فهذه العلاقات لها عالمها الخاص التي يحتويها اقصد هنا العلاقات الواضحة اي التي تحت الشمس وامام كل الانظار .


ما رائيك بمنتديات عنكاوا سواء من ناحية ضيافة اهل المنتدى او من ناحية الصداقات ما بين الاعضاء وبينكم ؟ وما الذي اكتسبته من تواجدك بين اعضاء منتديات عنكاوا ؟

ج/منتديات عنكاوا رمز للابداع ومثال للجمال والروعة بيت اهله غاية في الجود والكرم والطيبة وقمة في الاخلاق والتضحية صاحب البيت ورب الاسرة اقل ما يقال عنه انه انسان رائع جدا اداري ومشرفي واعضاء اسرة هذا البيت مشروع للحب والاخوة الصادقة وتجسيد لكل معاني الجمال .

اكتسبت الشئ الكثير بتواجدي في منتديات عنكاوا وخاصة نادي التعارف اكتسبت اروع واجمل واثمن صداقات اكتسبت اخوة واخوات رائعين جدا اكتسبت ثقافة وموهبة وابداع وتالق بفضلكم وفضل اعضاء نادي التعارف اكتسبت الحب النقي الصادق اكتسبت مشاعر الاخوة الحنينة .

شكرا لك عزيزتي هيوي لمشاركتك معي باسئلتك التي تعبر عن وعي وثقافة ونضوج صاحبتها

تمنياتي لك بالسعادة الدائمة ودمتي باسعد حال .........




 

غير متصل ɱЯ.ŠɧДЯǾkəəή

  • اداري منتديات
  • عضو مميز متقدم
  • *
  • مشاركة: 8058
  • الجنس: ذكر
  • † מـغـرۈر ۈصـ۶ـُب בـُبـﮧ †
    • مشاهدة الملف الشخصي
مشككككككككككككور مهوري الوردة
يا احلى فرفور

والله اعرف طولت عليك
بس وداعة امي مو قصدي شي
بس تعرف شوية صارت عندي ضروف والحمد الله انحلت

هسة شنو رايك يومين بس هم نضيفك ونكسب كلامك الحلو

لان صدك اجوبتك روعة يا روعة

واني سؤالي الك

ضجت لو بعدك
 ???  ???  ???

اخوك
شـــاروو
mY fAcEb00K


غير متصل ماهر الراوي

  • عضو فعال جدا
  • ***
  • مشاركة: 648
    • مشاهدة الملف الشخصي
    • http://www2.0zz0.com/2009/05/08/10/699945507.jpg
حبيبي استاذي شاروو العزيز اني حاضر وطلباتك اوامر والحمدالله على انو ظروفك انحلت ونتمناللك كل الخير والموفقية في مسيرة حياتك وانشالله بعد مشوف اي ظروف صعبة وجوابي لسؤالك اكيد لا لان وجودي بين ناس رائعيين مثلكم اكيد يشعرني بالسعادة والفرح

تقبل ودي ودمت باسعد حال

نبض النتدى

غير متصل ابو خالد

  • مبدع قسم الهجرة
  • عضو مميز جدا
  • *
  • مشاركة: 4463
  • الجنس: ذكر
    • مشاهدة الملف الشخصي
هاي شنو اشو بعدك كاعد على الكرسي ومجلب بيه صحيح لو كالو الواحد مايترك الكرسي بسهوله ..ماطول هيج انا راح اسألك سؤالين على السريع
السؤال الاول ؟؟اول ماتكعد من النوم شنو تفضل تتريك ريوك دسم يعني باجه اوتشريب باكلا ..لو مثلي نازوكي قطعة كاتو وعصير برتقال بس ماعتقد مثلي لان كلش قليل النازكين بهاي الايام

السؤال الثاني ؟؟سمعنا قبل كم يوم سويت عمليه مالت مراره ..منو اللي فت مرارتك منو السبب

السؤال الثالث ؟؟اي نوع من العطر يحبه ماهر الراوي ويرتاح اله
وهاي اسئلتي وانشالله خفيفه عليك


ما فائدة القلم اذا لم يفتح فكرا
.. أو يضمد جرحا ..
أو يرقأ دمعة ..
أو يطهرقلبا
.. أو يكشف زيفا ..
أو يبني صرحا يسعد الإنسان في ضلاله..

غير متصل hananesho

  • عضو مميز جدا
  • *****
  • مشاركة: 4896
  • أحباب الــــــــــــــروح
    • مشاهدة الملف الشخصي
شكرا لك يا اخي العزيز ماهر الراوي على كلامك الرائع  لنا

 واني اشكركم من كل قلبي على انكم اعتزيتو بالقابكم وانتو تستحقون اكثر من هذه الالقاب

وانتو فعلا عائلة واحد يعتز بيها والله لا يحرمنا منكم ابدا واتمنالك النجاج والموفقية .



                                               اختكم حنان





غير متصل YOSRA

  • عضو مميز متقدم
  • *******
  • مشاركة: 5845
  • † الرب نوري و خلاصي فمن من اخاف †
    • مشاهدة الملف الشخصي
فرفورنا الحلو  عجبتك الكرسي مو مرتاح انت عليها مووووووو
راح اسالك سؤال انطيلك ورقة فارغة وقلم شتحب تكتب بيها ؟؟؟



                                              اختك ومحبتك يسرى

غير متصل ماهر الراوي

  • عضو فعال جدا
  • ***
  • مشاركة: 648
    • مشاهدة الملف الشخصي
    • http://www2.0zz0.com/2009/05/08/10/699945507.jpg
حبيبي ابو خالد الوردة ..والله الظاهر الكرسي الي مجلب بيه مو اني الي مجلب بي هههههههه شسويله لاستاذ شاروو هناك بالمدرسة وهنا بكرسي الاعتراف وين نفلت ما بيهه مجال لازم نكله حاضر واكيد هو يستاهل ...واني جدا سعيد بيكم وباسئلتكم الحلوة اللي تعبر عن وعي وثقافة وتجارب كبيرة بالحياة ..وانت هم ما صدكت اني بقيت على الكرسي وجيب واسئل هههههههه اني حاضر لاي سؤال اخوية العزيز وهسه راح اجاوبك.........

السؤال الاول ؟؟اول ماتكعد من النوم شنو تفضل تتريك ريوك دسم يعني باجه اوتشريب باكلا ..لو مثلي نازوكي قطعة كاتو وعصير برتقال بس ماعتقد مثلي لان كلش قليل النازكين بهاي الايام
ج/ بصراحة اني احب المشويات بس مو من الصبح كلش يعني ساعة تسعة عشرة حتى الواحد يجوع زين
واذا ماكو مشويات اكتفي بشوية مربى وقشطة وحليب يعني اصير نازوكي مثلك هههههههههه  

السؤال الثاني ؟؟سمعنا قبل كم يوم سويت عمليه مالت مراره ..منو اللي فت مرارتك منو السبب
ج/ ههههههههههه اولا اني سويت عملية زائدة بس اطمئن لان راح هم اسوي مرارة وهل المرة انت تعرف كلش زين منو السبب ههههههههههههههه ؟؟؟؟؟؟؟

السؤال الثالث ؟؟اي نوع من العطر يحبه ماهر الراوي ويرتاح اله
ج/الحقيقة اكو هوايه عطور مميزة بس اني اكثر شي ارتاحله (opeen >>>ETERNITYCALVINKLEIN

شكرا الك ابو خالد الوردة واتمنالك كل الخير والسعادة ولعائلتك الكريمة ...

نبض المنتدى

غير متصل ɱЯ.ŠɧДЯǾkəəή

  • اداري منتديات
  • عضو مميز متقدم
  • *
  • مشاركة: 8058
  • الجنس: ذكر
  • † מـغـرۈر ۈصـ۶ـُب בـُبـﮧ †
    • مشاهدة الملف الشخصي
احم .. احم

شلون الشباب الحلوين

شلونك مهوري الوردة ان شاء الله بخير

شباب مو كافي مهورنا كافي خطية انشلع كلبة بالاسئلة

هسة راح نغيرة

ونخلي مكانة




الدلوعة





الحلوة








المتالقة










الي ما نكدر نستغني عنها












الوردة




















اوتافيا

يالة ابو خالد فرفور يالة شباب لاتقصرون وية اوتافيا
mY fAcEb00K


غير متصل ماهر الراوي

  • عضو فعال جدا
  • ***
  • مشاركة: 648
    • مشاهدة الملف الشخصي
    • http://www2.0zz0.com/2009/05/08/10/699945507.jpg
واخيرااااااااااااااا الحمدالله حن علي اخوية العزيز شاروو وخلصني من كرسيه( المريح جدا) وانتو راح تجربو وشوفو شكد مريح ...حقيقة بس حبيت قبل لا اترك الكرسي ان اشكر اخوية العزيز شاروو لحسن الاستقبال والضيافة واكله انت فعلا انسان مبدع ومتالق وتستاهل كل الخير ويارب تحقق كل امنياتك وامالك بالحياة ...
الى اختي العزيزة حنان ..انتي انسانه رائعة وكل الي كتبته بحقج هو قليل واكيد انتي تستاهلين اكثر وكلش كافي انتي اسمج حنان يا اروع حنان ...

الى اختي العزيزة يسرى الامل ...صدكيني اذا اكتب اي شي راح اكتبه الكم واكول انتم جميعا اعزائي واحبتي وانا جدا سعيد ومحظوظ اني بينكم فانا احبكم فانتم شمسي ونجومي وقمري انا احبكم في هتافي وفي همسي وصمتي ..

الشكر موصول لكل الاعضاء الي شرفوني باسئلتهم وكنت سعيد جدا وانا اجاوبهم .

تقبلو ودي واحترامي ودمتم جميعا بالف الف خير 
نبض المنتدى

غير متصل YOSRA

  • عضو مميز متقدم
  • *******
  • مشاركة: 5845
  • † الرب نوري و خلاصي فمن من اخاف †
    • مشاهدة الملف الشخصي
شكرا لك اخي العزيز ماهر على كلماتك الجميلة في حق كل واحد منا .
دمت بهذا الجمال ودام  نبضك بالمنتدى ...


واحب اكون اول من يسال اوتافيا زهرتي الغالية على قلبي واتمنى لها
اسبوع جميل ورائع وخفيف عليها بالاسئلة واللع يكون بعونك على هذا
الاسبوع .. وربي يوفقك .

س\ ما الفرق بين الاعجاب والمجاملة ؟؟؟
س\ ماهو مدى تسامحك مع مستغفليك ؟؟؟
س\ ما هو الشئ الذي لا تحبيه في شخصيتك وتحبين تغيره ؟؟؟

اتمنى تكون اسئلتس خفيفة عليك عزيزتي دمتي بكل خير وسعادة .


                                     اختك ومحبتك يسرى

غير متصل ابو خالد

  • مبدع قسم الهجرة
  • عضو مميز جدا
  • *
  • مشاركة: 4463
  • الجنس: ذكر
    • مشاهدة الملف الشخصي
هلا بالبطله اوتافيا شلونج نورتي الكرسي والله وانشالله تقضين اسبوع ممتع مع اسئلتنا الحلوه بس انا متأكد بعد ماراح تكدرين تكملين المسلسله التركيه مالتج لان بعد ماراح يصير عندج وقت والله يكون بعونك انا اليوم ماراح اسألك اسئله هواي لان اريد اراعيج بالبدايه حتى لاتنهزمين من الكرسي وتروحين تسوين عمليه مالت زايده او ناقصه هههههه
السؤال الاول ...شنو اكثر شي يعجبج بشكلج
السؤال الثاني ..شعرج طويل لو قصير
السؤال الثالث ..كم ضرس عندج مسوس وكم ضرس محشيه لو اسنانك ليلو مثلي
السؤال الرابع..اسباب فشل العلاقات العاطفيه
السؤال الخامس ..شنو اكثر شي يعجبك بشخصية الرجل
السؤال السادس ..لماذا استخدامك للنت فقط ساعتين باليوم مو اكثر
واليوم كافي اسئله بس انشالله الي عوده ثانيه الج انشالله


ما فائدة القلم اذا لم يفتح فكرا
.. أو يضمد جرحا ..
أو يرقأ دمعة ..
أو يطهرقلبا
.. أو يكشف زيفا ..
أو يبني صرحا يسعد الإنسان في ضلاله..

غير متصل زهرة القرنفل

  • عضو مميز جدا
  • *****
  • مشاركة: 2277
  • الجنس: أنثى
    • مشاهدة الملف الشخصي
احب اشكر شاروو على الكلمات الرقيقة الي كاتبها علية حتى يقشمرني واكعد هههههههههه

واحب اسال نفسي قبل لااجاوب يسرى وابو خلدوني

ماهو اتعس شي حاليا بحياتك
والله بداعتج يااخت اوتافيا اتعس شي هو الكرسي هذا لان ماوعد احد اني راح التزم بالاجوبة لان خطي ضعيف ويادوب الحك اجاوب مواضيعي

وابو خالد صورة بداعة والله ههههههههههههههههههههههههه
ها شتريدون خوما تردون من كل عقلكم اكعد لاعفيييييييييييييييييييييييييية

ديلا راح  اكعد

اي يسرى كولي
س\ ما الفرق بين الاعجاب والمجاملة ؟؟؟
شوفي لبي حسب راي الاعجاب هو شي صادق من داخل الانسان انه اعجب بفلان شخص حقيقة شي حلو اشبه بالحب حب انساني
المجاملة هي احيانا تكون صادقة بس مو كل مرة الاكثر تكون كذب يعني اكره شخص واجاملة واكولة الله عليك فااني بصراحة مو هواية اجامل اجامل مو لا بس مو هواية

س\ ماهو مدى تسامحك مع مستغفليك ؟؟؟

والله ماعندي ذرة تسامح مع الي يئذيني او يستغفلني ولو اني مااحب هذه الكلمة وماعش الي يستغفلني ولا راح يعيش

س\ ما هو الشئ الذي لا تحبيه في شخصيتك وتحبين تغيره ؟؟؟

اتصور تقريبا كلي مااحبها لان مهما كانت شخصيتي قوية او زينة بهواية اشياء من كول كلشي لان ماكو انسان كامل اكيد اكيد بعد مرور فترة علية وارجع نفسي بعض الاشياء اتمنى اغير شي بنفسي

بس راح اجاوبج
اكو شي قبل فترة حسيت بنفسي اريد اغيرة وهو رومانسيتي بزمن مابيه رومانسية ولاحب صادق

اعتقد جريتي شعرج من اجوبتي هههههههههههه

ابو خالد رادها من الله اسال وكول
ولاتخاف على وكتي لان مو شرط اجاوب بالكرسي ههههههه
وراح اسوي عملية لكلي حتى لاابقى واجاوب

السؤال الاول ...شنو اكثر شي يعجبج بشكلج
كلشي الله خلقة بيا حلو ونعمة من الله

السؤال الثاني ..شعرج طويل لو قصير
طويل
السؤال الثالث ..كم ضرس عندج مسوس وكم ضرس محشيه لو اسنانك ليلو مثلي
ولا واحد مسوس لان لحكتهم وحشيتهم  حشوة بيضة يعني ماكو لاحشو ولا تسوس ههههه 4 اسنان محشي والباقي مكدوس
السؤال الرابع..اسباب فشل العلاقات العاطفيه
والله سؤالك محرج هو انواع مال الفشل منها الحب الكاذب الي مالة اصلا وجود بالقلب ومنها الغيرة العمية
ومنها الفشل من الاهل او من الظرفين نفسهم ماكو تفاهم بينهم ولا بكلشي ومنها تدخل الناس وماادري بعد هواية اشياء سبب الفشل
السؤال الخامس ..شنو اكثر شي يعجبك بشخصية الرجل
 انه يكون رجل بمعنى الكلمة
يعني يكون كد كلمتة وغير لحووووووووووووووووووووووووح لا بكلامة ولا بحبة لان اتخبل اني واموت قهر واكرهة واصير ماطيقة
السؤال السادس ..لماذا استخدامك للنت فقط ساعتين باليوم مو اكثر
لا عاد طوختها ههههههههههههه ومراح ارد لان سبب يخصني ههههههههههه

يامار انطونيوس الشفيع . كن لدعوانا السميع . قوي ايماننا . احيي رجاءنا . علم الحـــــــــــب للجميع

ارحمنا يالله وارحم جميع الموتى واشفي جراح العراق

غير متصل الجوهره

  • عضو مميز جدا
  • *****
  • مشاركة: 2660
    • مشاهدة الملف الشخصي
الحمدلله على السلامه اخي العزيز ماهر والصراحه ابدعت بالاسئله وماقصرت
واكول لاختي العزيزه اوتافيا انشالله الكرسي مريح حبوبه بشرينا لان ورانا ورانا ههههههههههه
وانشالله اسئلتي تكون خفيفه عليج
1..من هو قدوتك بالحياة ؟؟؟

2..لماذا اخترتي منتدى عنكاوا ليكون بيتك ؟؟

3..متى كان تعرفك على النت ؟؟؟

4.. ماهو لونك المفضل ؟؟

5.. مارأيك بكرسي الاعتراف ؟؟

واتمنى لكي الموفقيه عزيزتي زهرة القرنفل

           اختكي الجوهره

غير متصل ɱЯ.ŠɧДЯǾkəəή

  • اداري منتديات
  • عضو مميز متقدم
  • *
  • مشاركة: 8058
  • الجنس: ذكر
  • † מـغـرۈر ۈصـ۶ـُب בـُبـﮧ †
    • مشاهدة الملف الشخصي
هاي شباب منورين الكل

اول شي اخوية ماهر اشكرك على كلماتك والله خجلتني
وانت اخ وعزيز ومبدع بكلشي ردود ومواضيع وكلمات ومتالق دوم ان شاء الله

اوتافيا ههههه
اتحملي هو اسبوع بس احتمال يمدد
لان احنا منتدى ديمقارطي ونشوف اراء الشباب
بس مرات استخدم دكتاتورية اني  ;D  ;D خاصة بشغلة الكرسي
وانتي كعدتيني علاكرسي
مالتج هم هههه

منورة باجوبتج وراجعلج بعد الفاصل

شــاروو
mY fAcEb00K


غير متصل ann_alnoury

  • عضو مميز متقدم
  • *******
  • مشاركة: 5304
  • الجنس: أنثى
    • مشاهدة الملف الشخصي
تحية نابعة من القلب اهديها لكِ عزيزتي المبدعة دوما..اتمنى من الرب ان تكوني بألف خير  ....معي بعض الاسئلة وانشاءلله تكون خفيفة الظل عليكِ ....

1 (فاقد الشئ لايعطيه ) ماهو رأيكِ بهذه العبارة ....
2  كيف تبعدين عن فكركِ اليأس وتزرعين التفاؤل لمن هم حولكِ...
3  الخيانه اصعب على الرجل ام على المرأة ....
4 اختاري 6 اعضاء وامنحيهم القابا ....

امنياتي لكِ بالتوفيق والنجاح المتواصل ... والرب يحميكِ وينور لكِ دروبكِ ...تحياتي المعطرة بعبق الورد ...
احيـــانا تسعــدنا الايـــام حتــى نظــن اننــا لــن نحــزن ابـــدا ......
ثـــم تـــدور الايـــام وتحــزننا حتــى نظــن اننـــا لا نسعـــد .......

غير متصل زهرة القرنفل

  • عضو مميز جدا
  • *****
  • مشاركة: 2277
  • الجنس: أنثى
    • مشاهدة الملف الشخصي
هلوووووووووووووووووو شلونكم البارحة صار عندي انهيار عصبي من الكرسي هههههههههه

شاروو الحباب لاتخاف اني لو خطي زين جان شهر اكعد مايهمني اني خلكي طويل ههههههههههه
يلا وين اسئلة اليوم حبابين

اها الجوهرة هلو حبيبتي شلونج قلب شنو اخبار الباجة بالمسلسل

..من هو قدوتك بالحياة ؟؟؟
اخي الكبير

2..لماذا اخترتي منتدى عنكاوا ليكون بيتك ؟؟
لان المكان الوحيد الي مابيه شباب مزعجين ومواضيعة حلوة والي بيه اصدقاء هواية كلش

3..متى كان تعرفك على النت ؟؟؟
من 2004

4.. ماهو لونك المفضل ؟؟
الوردي والاسود

5.. مارأيك بكرسي الاعتراف ؟؟
عوفينا الله يخليج من ولاتذكرني هو مريح لحد الان بس مااعرف بعدين هههههه هو موضوع حلو واخيار حلو من شاروو بس عندي ملاحظات عليه انه الاسبوع هواية كلش بحيث جنت ادخل اريد اسال الشخص الي كاعد مالكة سؤال اكولة كلهم كاتبين نفس الي بالي وراد الشخص هذا الاسبوع يسوي هيج وهمين الخطوط تعبانة يعني مو مال تكعدين على تفتح الصفحة وعلمى تقرين فد مليون سؤال خلال الاسبوع وتحاولين تلكين لنفسج سؤال واحد ما مطروح حتى تكتبيه هوااااااااااااااية

شكرا الج لبي على هذه الاسئلة الحلوة

هلا ان شلونج حبيبتي

1 (فاقد الشئ لايعطيه ) ماهو رأيكِ بهذه العبارة ....
هواية تردد بس اتصور لا مو صحيحة يعني كامثال اذا وحدة فاقدة الحب والحنان بيت اهلها وحبت شخص مراح تنظي الحب الكافي اكيد تنظي كل الحب وهذا الشي كلنا نعرفة ومن تزوجة راح تنظي لكا افراد اسرتها الحب والحنان مو بالله  جيبي السؤال الثاني

2  كيف تبعدين عن فكركِ اليأس وتزرعين التفاؤل لمن هم حولكِ...
اني بصراحة يااختي ما فد يوم جنت متفاءلة ههههههه ولا ابعد عن فكري اليأس هذه حقيقة بس عن غيري اي احاول بكل طريقة ابعد عنهم هيج فكرة بمثل اني انصحهم بشغلة او بالصلاة حتى النفسية ترتاح بعدددددددد

3  الخيانه اصعب على الرجل ام على المرأة ....
ثنينهم صعبة ماكدر اكول احنا النسوان اصعب علينا لان مجنت رجال وحاسة بحاس الرجال ثنينهم قهر
وشي اكيد المرأة من تحس بالخيانة مثل لو نكول ماتت والموت اهون

4 اختاري 6 اعضاء وامنحيهم القابا ....

هذه صعبة يا ان

ابو خالد       حياة للمنتدى

ساندي عصفورة المنتدى

يسرى    نجمة المنتدى

الجوهرة     لقباها خاص الي  اختي الحنونة

حنان         المحبة

ماهر         النبيل والخلوق
 اسم زايد مني
شاروو        الانتقام ههههههههههههههههه
يامار انطونيوس الشفيع . كن لدعوانا السميع . قوي ايماننا . احيي رجاءنا . علم الحـــــــــــب للجميع

ارحمنا يالله وارحم جميع الموتى واشفي جراح العراق

غير متصل ابو خالد

  • مبدع قسم الهجرة
  • عضو مميز جدا
  • *
  • مشاركة: 4463
  • الجنس: ذكر
    • مشاهدة الملف الشخصي
شلونج اوتافيا اشو محد جاي يسألج شعجب خاف موصيتهم على الخاص محد يسألك شعجب خلص الاسبوع مالتج بدون اسئله بس انا راح اسألك كم سؤال
السؤال الاول ..امس مافتحتي نت وينك
السؤال الثاني ..اي مكان ببغداد تحبين تزورينه
السؤال الثالث..وين كان بيتكم ببغداد
السؤال الرابع ..شنو اكلتك المفضله
السؤال الخامس..اي يوم من ايام الاسبوع تحبينه
السؤال السادس..اي افلام كارتون تحبين
السؤال السابع..شنو رأيك بالاعضاء التاليه

..يسرى
..كيتاريست
..فنار
..حنان
..عبير
..روزماري
..ماهر
..سود العيون
وانشالله ماكثرت عليج بالاسئله



ما فائدة القلم اذا لم يفتح فكرا
.. أو يضمد جرحا ..
أو يرقأ دمعة ..
أو يطهرقلبا
.. أو يكشف زيفا ..
أو يبني صرحا يسعد الإنسان في ضلاله..

غير متصل زهرة القرنفل

  • عضو مميز جدا
  • *****
  • مشاركة: 2277
  • الجنس: أنثى
    • مشاهدة الملف الشخصي
هلو ابو خالد شلونك والله ماادري ليش محد سالني بس زين الحمدلله

الاسئلة مالك هسة راح اجاوب عليها

السؤال الاول ..امس مافتحتي نت وينك
 جنت موجودة بس مافتحت بالمنتدى لان الخط كلش تعبان يمي والصفحة مجانت تفتح

السؤال الثاني ..اي مكان ببغداد تحبين تزورينه
كل الاماكن بغداد احب ازورها

السؤال الثالث..وين كان بيتكم ببغداد
بشارع الكرادة شارع 62 يم مرطبات السائحة ويم مطعم صاج الريف

السؤال الرابع ..شنو اكلتك المفضله
تمن بعدس احب شي على قلبي لو اكل منها كل يوم مااضوج وتبسي باذنجان همين

السؤال الخامس..اي يوم من ايام الاسبوع تحبينه
الاحد احبة حيل

السؤال السادس..اي افلام كارتون تحبين
نيلز

السؤال السابع..شنو رأيك بالاعضاء التاليه

..يسرى
حبابة وحنونة وتحسها قريبة لكل الاعضاء ومتفهمة لكلشي

..كيتاريست
عصبي وكاتب مبدع ويمكن عازف مبدع

..فنار
شاب حلو

..حنان
الانسانة الي احسها قريبة مني رغم اني مااعرفها

..عبير
صديقة
..روزماري
روز مبدعة بشكل بكل شي

..ماهر
اخ وصديق في وقت الضيق

..سود العيون
احسها الاخت الاكبر
وانشالله ماكثرت عليج بالاسئله
يامار انطونيوس الشفيع . كن لدعوانا السميع . قوي ايماننا . احيي رجاءنا . علم الحـــــــــــب للجميع

ارحمنا يالله وارحم جميع الموتى واشفي جراح العراق

غير متصل hananesho

  • عضو مميز جدا
  • *****
  • مشاركة: 4896
  • أحباب الــــــــــــــروح
    • مشاهدة الملف الشخصي
شكرا يا احلى اخت على الاحساس الجميل واني هم احسج قريبة مني واخت غالية

يا احلى زهرة يا صاحبة المواضيع الرائعة والله لا يحرمني منكم واتمنالج التوفيق والنجاح

 يا لؤلؤتي الغالية .


                                       اختك حنان
:D :)

غير متصل روزماري

  • اداري
  • عضو مميز جدا
  • ***