حلوة يالعراقية ولبيتي احلى هَدية
صفَنْت حاير ومَكفوف ودَوَرْت حتى الكهوف
ولحَد بعد مااشوف ومَجنون صرت ومَلهوف
كل هَلّي وناسي سألت وكلامي ماكَمَلْت ردّو عليّ بصَمْت
وباشارة اصْبْع فهَمت وبقَصدهُم ماتْعَجَبت وبيج يالحلوَهْ فَكَرْت
وحلوه يالعراقية والبيتي احلى هَدية
حلوَه بنت هَلْي وناسي زَهرَه ومعَطره انفاسي
وماحيه كُل هَمّي ويأسي وزارعه الأمَل بإحساسي
لأبعْد منها الأذية وأشيل عنها المْنْيَة
وساعَة فرح يَعيوني......اضمها بين جفوني
تاج ويلمَع فوكَ راسي مشروب ومنَوْرَه بكاسّي
وشَفرَهْ مَحدودَه بفاسّي تْشْطر كُل كَلْب قاسّي
روحي الها عَطيّه وما من وراها جْزْيَه
حَقهُم كُلهم يلوموني......وعلى جمالها يحسدوني
احْضْنها بطيفي وهَمسي وعَطف أرويها بلَمْسّي
لأحلى خيوط بشَمسي حاركَّه شَقائي وبُّوسي
نَفْسي أذبَحها فْدْيَة واهديها للحورّيْه
بمآي البَحْر غَركَوني .....ومـ شوفَتْها لاتحرموني
نهـــاد حنانـــي جمعة
كرمشايا
04-03-2006
[/b][/color]
