܀ܒܫܡܐ ܕܬܠܝܬܝܘܬܐ ܩܕܝܫܬـܐ܀
܀ܡܼܢ ܢܸܣܝܵܢܘܼܟܼ܀܀
ܦܘܼܫ ܒܲܫܠܵܡܵܐ ܓܲܒܼܪܵܐ ܡܫܘܼܡܗܵܐ ܒܲܓܙܝܼܪ̈ܘܵܬܼܵܐ
ܡܢ ܢܸܣܝܵܢܘܼܟܼ ܫܡܵܐ ܕܥܝܼܪܵܐܩ ܦܪܸܚܠܹܗ ܠܪܘܼܡܬܵـܐ
ܒܪܘܼܚܘܼܟܼ ܨܦܝܼܬܵـܐ ܕܒܼܚܠܘܼܟܼ ܓܵܐܢܘܼܟܼ ܒܫܲܪܝܼܪܘܼܬܼܵܐ
ܥܲܦܪܵܐ ܕܥܝܼܪܵܐܩ ܚܦܸܩܠܹܗ ܠܫܠܲܕܘܼܟܼ ܒܟܠ ܠܗܝܼܩܘܼܬܼܵܐ܀
ܥܲܡܵܐܢܘܼܐܹܝܠ ܥܲܡܘܼ ܒܵܒܵܐ ܒܟܠ ܡܲܫܛܵܚܵܐ
ܐܝܼܬܠܗ̄ܘ̇ܢ ܫܲܘܦܵܐ ܦܵܣܘ̇ܥܝܵܬܘܼܟܼ ܒܓܘܼܬܵܐ ܕܐܲܩܠܵܐ
ܡܲܫܛܵܚ ܕܥܲܡܵܐ ܒܟܼܵܝܵܐ ܥܲܠܘܼܟܼ ܒܡܲܪܝܼܪܘܼܬܵܐ
ܘܟܠܹܗ ܩܘܼܛܢܵܐ ܒܕܸܡܥܹ̈ܐ ܡܢ̄ ܠܒܵܐ ܒܥܵܝܵܐ ܡܲܘܬܵܐ܀
ܐܲܢܬـܝܼ ܐܝܼܬ ܗ̄ܘܵܐ ܗ̇ܘ ܓܲܢ̄ܒܵܪܵܐ ܒܛܵܐܲܠܝܵܬܘܼܟܼ
ܟܠܵܗ̇ ܬܹܒܹܝܠ ܟܹܐ ܡܥܲܓ̰ܒܵܐ ܗ̄ܘܵܐ ܒܐܘܼܡܵܢܘܼܬܘܼܟܼ
ܣܵܗܕܝܼ ܥܲܠܘܼܟܼ ܟܠ ܝܘܼܒܵܠܹ̈ܐ ܬܚܘܼܬ ܐܝܼܕܵܬܘܼܟܼ
ܒܐܹܡܐܵܐ ܘܐܲܠܦܵܐ ܕܡܛܹܐܠܗ̄ܘ̇ܢ ܠܡܓܘܼܒܝܵܐ ܬܚܘܼܬ ܡܬܲܓܒܵܪܬܘܼܟܼ܀
ܫܡܘܼܟܼ ܢܩܝܼܪܵܐ ܓܲܘ ܬܲܫܥܝܼܬܼܵـܐ ܐܲܬܼܠܝܼܛܵܝܵܐ
ܠܲܝܬ ܗ̄ܘܵܐ ܒܕܘܼܡܝܘܼܟܼ ܘܒܲܟܝܼܫܘܼܪܘܼܬܘܼܟܼ ܟܲܕ ܐܲܢ̄ܬ ܚܲܝܵܐ
ܒܕܲܪ̈ܓܹܐ ܪ̈ܵܡܹܐ ܒܟܠ ܕܘ̇ܪ̈ܝܵܬܼܵـܐ ܐܲܢ̄ܬ ܩܲܕ̄ܡܵܝܵܐ
ܒܬܪ̈ܝܢ ܕܪ̈ܲܥܢܵܢܘܼܟܼ ܟܹܐ ܡܲܪܡܸܬ ܗ̄ܘܵܐ ܟܵܣܵܐ ܠܫܡܲܝܵܐ܀
ܐܝܼܡܵܢ ܠܡܲܝܕܵܢ ܟܹܐ ܨܵܠܸܬ ܗ̄ܘܵܐ ܒܓܲܢ̄ܒܵܪܘܼܬܘܼܟܼ
ܣܲܒܼܪܵܐ ܕܩܘܼܛܢܵܐ ܒܝܼܝܘܼܟܼ ܐܝܼܗ̄ܘܵܐ ܘܒܝܼ ܓܙܝܼܪܘܼܬܘܼܟܼ
ܠܟܠ ܛܲܐܠܵܢܹ̈ܐ ܟܹܐ ܝܲܗ̄ܒܸܬ ܗ̄ܘܵܐ ܢܲܣܝܼܗܲܬܘܼܟܼ
ܐܵܬܵܐ ܕܥܝܼܪܵܐܩ ܪܲܦܪܸܦܵܐ ܗ̄ܘܵܗ̇ ܒܝܼ ܐܝܼܬܘܼܬܘܼܟܼ܀
ܐܲܬܪ̈ܵܘܵܬܵـܐ ܐܝܼܡܵܢ ܕܫܡܝܼܥ̄ܠܗ̄ܘ̇ܢ ܒܝܼ ܫܵܢܹܬܘܼܟܼ(ܫܘܼܢܵܝܘܼܟܼ)
ܪܵܒܵܐ ܦܫܸܡܠܗ̄ܘ̇ܢ ܒܝܼ ܗ̇ܘ ܝܵܘܡܵܐ ܘܒܟܹܐܠܗ̄ܘ̇ܢ ܩܵܬܘܼܟܼ
ܝܲܕܥܝܼ ܗ̄ܘܵܐܠܘܼܟܼ ܢܸܫܪܵܐ ܐܝܼܬܗ̄ܘܵܐ ܒܫܲܘܬܵܦܝܵܬܘܼܟܼ
ܪܵܒܵܐ ܚܩܸܪ̈ܘܼܢ ܒܫܸܡܘܼܟܼ ܛܒܼܝܼܒܼܵܐ ܘܒܝܼ ܩܢܵܝܵܬܘܼܟܼ܀
ܕܡܘܼܟܼ ܒܡܲܢܝܵܚܬܵـܐ ܓܲܒܼܪܵܐ ܠܒܼܝܼܒܼܵܐ ܡܵܪܹܐ ܨܒܘܼܬܵܐ
ܦܪܸܚܠܵܗ̇ ܪܘܼܚܘܼܟܼ ܪܚܸܩܠܵܗ̇ ܡܢܲܢ ܠܗ̇ـܝ ܚܹܐܪܘܼܬܼܵܐ
ܐܝܼܢܵܐ ܫܡܘܼܟܼ ܥܲܡܘܼ ܒܵܒܵܐ ܕܠܵܐ ܡܲܢܫܵܝܬܵـܐ
ܕܟܼܵܪܘܼܟܼ ܦܵܐܹܫ ܡܢ̄ ܕܘ̇ܪܵܐ ܠܕܘ̇ܪܵܐ ܒܟܠ ܦܸܢܝܵܬܼܵـܐ
ܐܵܢ̈ܝ̄ ܐܲܬܘܵܬܹ̈ܐ ܕܫܡܘܼܟܼ ܢܩܸܪ̈ܘܼܢ ܓܲܘ ܟܠ ܪܥܵܫܬܵـܐ܀
ܥܲܒܼܕܝܼܫܘܼܥ ܣܵܗ̄ܕܵܐ ܝܘܼܚܲܢܲܢ
29 – 5 – 2009
ܥܪܘܼܒܼܬܵـܐ
