سوال الى اخواني الاعزاء شنو المقصود ب PA Name وبصفه اسم شخص اجاني وياجواب المحلفين

[moon1984]

السلام عليكم....
عندي سوالين وان شاء الله تساعدوني بيهن اجاني جواب المحلفين على الاختيار الرابع معناه شنو هاي موافقه محلف لو موافقه امنيه وجان مكتوب
 futher review of your eliglibilty for refugee resertlment in the united states

وسوالي الثاني وصل الي مع الرساله تحت الاي زي نمبر فقره مكتوب بيه
PA Name وبصفه اسم شخص ماعرفه شنو معنى ال PA name وهذا منو الشخص الي كاتبين اسمه تحياتي للجميع
اخوك moon1984

[BaghdadGhost]

اخي قمر ......

جواب السوال الثاني حسب علمي ال PA تعني ال Principle Applicant اي ابو الكيس الرايسي ...

اما السوال الاول ,,,,, اتصور بان اغلب الاخوة الي وصلوا لامريكا هم اجاهم هذا الاختيار .,,,, يعني شغله جدا اعتيادية ......

[moon1984]

تحياتي الك بغداد كوست اخوي العزيز هو اني ال Principle Applicant بس هذا الاسم ماعرف منوه ان شاء الله الاخوه الاعضاء يجاوبوني الي اجاهم رد المحلفين وبيه PA name

تحياتي الكم
اخوكم Moon1984

[Safaa Alkhrkhy]

اخي العزيز المفروض انه الاسم المقصود حضرتك ويجب التأكد منه وكذلك رقم الكيس يجب ان يكون متطابق لرقم كيسك والا ممكن ان يكون موجه لغيرك واجاك بالغلط أما الاختيار اللي اجاك فمعناه ان ملفك قيد الدراسة وانت لم ترفض ولم تقبل من المحلف اي بعبارة اخرى تراوح في مكانك وممكن ان تتقدم خطوة للأمام اذا ما جاءتك الموافقة الامنية او اي شيء من هذا القبيل وهذه عن تجارب الكثير من الاخوة فما عليك سوى الصبر نعم الصبر ولاشيء غيره    اخوك صفاء الكرخي

[alusha1]

السلام عليكم اني اليوم اول مرة اسجل بهذا المنتدى لان المواضيع اللي بيه اني كلش حايرة بيهة اتمنى اي احد يساعدني ويردلي جواب ولو انه اظاهر هاي المسجات قديمة بس عسى احد يقرة رسالتي

 زوجي كان يعمل مع الامريكان اول قدومهم ونريد نقدم لل IOM 
احنة حاليا بلعراق ونكدر ندخل للأردن لأن عدنة أقامة بسلطنة عمان _مسقط ورحنة قبل للأردن وقدمنة لليو أن

 ورفضو طلبنة من البداية لانه عدنة اقامة بغير دولة (مسقط) مع العلم انه زوجي ما خبرهم انه كان يعمل مع الامريكان فأيسنة ورجعنة وكالو اذا تسقطون الاقامة اهلا بيكم بس احنة ما نريد نسقط الاقامة لان حاطيهة مثل مانكول سبير هم تفيد للدخول للأردن بلأضافة الى انه اقامة مسقط مو تعني انه حالتنة جيدة لأن مضطرين نحافظ عليهة خوفا من الظروف حتى انه الاهل يساعدون زوجي للذهاب كل 6 اشهر حتى يحافظ على الاقامة

فشنو الطريقة اللي نقدم بيهة بلانترنيت او بلذهاب من الاردن واذا بلنت يكون افضل وزوجي ماعندة ايميل خاص من كان يعمل مع الامريكان (يعني خاص بيهم) عندة ايميل عادي خاص بيه وعندة شهادة تؤيد انه كان يعمل معاهم بلأضافة الى هويات 2


فرجاءا اتمنى الرد السريع وكتابة الطريقة والايميلات والارقام الخاصة بل IOM
شكرا جزيلا مقدما

[عكعك التطوى]

السلام عليكم اني اليوم اول مرة اسجل بهذا المنتدى لان المواضيع اللي بيه اني كلش حايرة بيهة اتمنى اي احد يساعدني ويردلي جواب ولو انه اظاهر هاي المسجات قديمة بس عسى احد يقرة رسالتي

 زوجي كان يعمل مع الامريكان اول قدومهم ونريد نقدم لل IOM 
احنة حاليا بلعراق ونكدر ندخل للأردن لأن عدنة أقامة بسلطنة عمان _مسقط ورحنة قبل للأردن وقدمنة لليو أن

 ورفضو طلبنة من البداية لانه عدنة اقامة بغير دولة (مسقط) مع العلم انه زوجي ما خبرهم انه كان يعمل مع الامريكان فأيسنة ورجعنة وكالو اذا تسقطون الاقامة اهلا بيكم بس احنة ما نريد نسقط الاقامة لان حاطيهة مثل مانكول سبير هم تفيد للدخول للأردن بلأضافة الى انه اقامة مسقط مو تعني انه حالتنة جيدة لأن مضطرين نحافظ عليهة خوفا من الظروف حتى انه الاهل يساعدون زوجي للذهاب كل 6 اشهر حتى يحافظ على الاقامة

فشنو الطريقة اللي نقدم بيهة بلانترنيت او بلذهاب من الاردن واذا بلنت يكون افضل وزوجي ماعندة ايميل خاص من كان يعمل مع الامريكان (يعني خاص بيهم) عندة ايميل عادي خاص بيه وعندة شهادة تؤيد انه كان يعمل معاهم بلأضافة الى هويات 2


فرجاءا اتمنى الرد السريع وكتابة الطريقة والايميلات والارقام الخاصة بل IOM
شكرا جزيلا مقدما

اختي هذا رابط بخصوص موضوعك واي سؤال حاضر انشاءالله

[ريم عبد]

حبيبتي "alusha1"
 اولا اهلا وسهلا بيج بالمنتدى  نرحب بيج اخت عزيزه وان شاء الله اتكونين بين اهلج واخوانج والكل مستعدين ايساعدون قدر المستطاع وميخلون احد حاير
اذا انتي مستقره ابغداد بسكن وشغل ومتريدين اتطلعين بره لان تكاليفها عاليه عليج تكدرين اتدزين  ايميل لIOMتشرحين بيه قصتج بداية من شغل زوجج مع الامريكان وانتهاء بتعرضكم للخطر  او التهديد من جراء هذا الشغل
وتنتضرين
 والمراسلات كلها اتم عن طريق الايميل
 وعندج مقابلتين وفحص طبي
واذا عندج اي استفسار لتترديدن بالسؤال
اختج ريم

[AbU.SaRa]

 والله ياأختي العزيزة.....

 تكدرين تدزين أيميل للمكتب وتشرحين التفاصيل كلها بس همه راح يطلبون منج فد شي يثبت أنه أشتغل ويا الأمريكان من باجات ومن فيريفيكيشنات وطبعا بيها أيميلات رسمية مو أيميلات عادية مال ياهو وكوكل وأيضا بيها تلفونات الشخص ألي زوده بالفيريفيكيشن وبهاي الحالة راح يسووله كيس وينتظر موعد مقابلات أذا تمت العملية بنجاح.......


  تحياتـــــــــــــــــــــــــــــــــــــــــي

[alusha1]

السلام عليكم ورحمة الله وبركاته
في البداية آني جدا آسفة على تأخري بلرد عليكم لأن آني جنت كلشي ما اعرف بلمنتدى منين ادخل للمواضيع وشلون اشوف الردود على مواضيعي وحتى أصبت بأحباط لان ماحسيت احد جاوب علية وهسة وعن طريق الصدفة شفت أنه مجاوبيني بصراحة فرحت اكثر من فرحتي بجواب موضوعي

شكر جزيل وخاص لكل اللذين ردو على موضوعي

الى الأخت ريم وألاخ ماجلان والأخ ابو سارة شكرا لاعطائكم جزء من وقتكم للرد علية
وشكر أيضا لكل شخص يحب يساعد وماعندة حل

سؤالي الكم هل التقديم لل  I O M في بغداد افضل؟ ام في عمان افضل؟  (عن طريق الايميل بلحالتين)

المقابلات تتم في عمان؟ في  حال راسلتهم بلأيميل( الIOM عمان) ؟
ماعندي مشكلة بلدخول لعمان كون عندي اقامة في مسقط
وهل وضع الهجرة يختلف عن اللجوء من ناحية الرواتب والمساعدات ؟
والف شكر لكل شخص يحب يساعد وما يبخل بأي معلومة لأي شخص بلمنتدى وخارجه
أتمنى في بعض الأحيان عندي ردود لأخواني وخواتي بلمنتدى لأفادتهم لكن مع الأسف ماعندي خبرة في هذه المجالات
فقط انه اللي عندة اقامة بغير دولة ما يحقلة يقدم لليو ان الة يسقط اقامتة مثل ماصار ويانة
بس رفضنة تسقيط الاقامة
 آسفة لأن اطلت عليكم
شكرا جزيلا
أختكم علوشة

[Hotel California]

اخت alusha1
لا يحق لحامل الاقامه في دوله ثالثه ( في حالتك سلطنه عمان ) التقديم على اليو ان ولكن التقديم المباشر على الاي او ام ليس له علاقه بالاقامه في الدوله الثالثه يعني عادي تقدرين تقدمين و هذا الكلام عن تجربه شخصيه

تحياتي وامنياتي

[ريم عبد]

حبيبتي علوشه
لكل طريقه محاسنها ومساويئها وانتي اتقدرين حسب ضرفج
اذا قدمتي من بغداد فانتي باقيه بمكانج وبس اتراسلين بالايميل وهيه اصرف واقل تعقيد بس تحضرين وقت المقابله وهاي اتكون اوفر من الناحيه الماديه لكن احتمال الوقت ايكون اطول
اما اذا قدمتي في عمان فيتوجب سفرج وتواجدك بالاردن اثناء المقابلات فاحتمال ايكون بيها اختصار للوقت وارتفاع بالتكاليف
اما اذا كان زوجك مشتغل مع الامريكان من سنه فما فوق فايحقله ايقدم على ال اس اي في وانتي بمكانج وهاي الها موضوع مفصل في المنتدى
اما سالتي عن المساعدات بين اللجوء والهجره فهيه ماتختلف وانما الاختلاف بحصول المهاجر على الكرين كارت باول وصوله الى الولايات المتحده اما الاجئ فيحتاج سنه واربع اشهر يله ايحصل الكرين كارت
ارجو ان اكون ساهمت بالاجابه واذا عندج اي استفسار اخر احنا ممنونين
اختكم ريم

[alusha1]

شكرا جزيلا عزيزتي ريم على معلوماتج  فادتني حقا وشكرا ايضا الى الاخ العزيز  hotel california
 لجهودك الطيبة ومعلوماتك الاكيدة\