(الى الطيبين) في كاليفورنيا استغاثة من عمان

[ابن دجلة و الفرات]

وكلكم طيبين  نعم كلكم طيبين فانا اتابع هذا المنتدى العظيم منذ عام تقريبا واصبحت من اهل البيت رغم اني خارجه واصبح حديث بيتنا اليومي (شكو ماكو في عين كاوة)ويجلس الاهل ليستمعوا للطائف عكعك وابن زيونة وشهامة انجي الملاك والطيب بيرج واجوبة نازكول الوافية ومعلومات ابو دجلة القيمة ودعواته المباركة وتجارب سلاما للعراق المفيده وقصة ابو قمر العجيبة----ووووووو---كل يوم خبر جديد ومعلومة مفيدة وامل واعد---ولكن اليوم انا من يطلب منكم ان تقبلوا بي صديق جديدو رفيق درب قديم اليوم هو بحاجه الى مساعدتكم لتنقذوه وخاصة الاخ الطيب birj والاخوة في كليفورنيا الاخbeepeep ,haider67 ,وغسان الاشقر والاخوات سوسن كليانة وهوليا وhannan.s family وكل من يسمعني في كاليفورنيا ومستعد لانقاذي من مشكلة لاعلبال ولاعلخاطر وقصتي هي:انا اب لثلاث اطفال والرابع في الطريق بعد ان تم تحويل ملفي الى التوطين في امريكا عن طريق الUN كنت قد بحثت عن كفيل فوجدت كفيل في كاليفورنيا وهو شاب عراقي عندة الجنسية الامريكية لانة من مواليد امريكا وكان في غاية اللطف والطيبةوالتعاون وقدقام سابقا بكفالة ومساعدة العراقيين هناك وكنت قد قدمت اسمة وعنوانة ككفيل لي في الIOM ولكن للاسف تاخرت موافقتي وعندما جائت موافقتي في نفس اليوم اتصل بي الكفيل معتذرا وآسفا انه للاسف اصيب بحالة صحية(في العمود الفقري) اقعدته عن العمل والحركة وتاسف واعتذر عن تكفلي وذلك بعد ان رتبت اموري انه سيكون ذهابي الى كاليفورنيا حتى عناوين مدرسة الاطفال كنت قد هياتهاو المصيبة الان ان الموافقة الامنية قد جائت ولم يبقى سوى موعد الفحص الطبي وتحديد الولاية وطبعا الاتصال بالكفيل الذي سيعتذر عن كفالتي مماقد يؤدي الى ان تعين المنضمة لي ولاية اخرى وهذا مايرعبني فانا قد وطنت نفسي وعائلتي على ولاية كاليفورنيا حتى اني اتابع درجات الحرارة هناك اول باول --وطلبت الاستعانه باحد الاصدقاء والمعارف هناك لكنه رفض بحجه انه مرتبط بعمل وانا اعذر الجميع فانا لااعرف ضروفهم ولكن يااخوان اعود فاقول اني لااريد ان أزعج اي أخ في المنتدى بكفالتي وما يترتب على ذلك من مسؤولية كبيرة ولكن والله ليس لي امل غيركم ولاملجئ سوى الى الله و اليكم احبتي ----وأنا آسف مرة ثانية ان تكون أول مشاركاتي طلب أستغاثه وهسا يكول عكعك (يافتاح يارزاق) وشكرا والف شكر للجميع
اخوكم ابن دجلة و الفرات

[tiger-ALtlkefy]

الاخ ابن دجلة والفرات اولا اهلا وسهلا بيك بين اخوتك وخواتك  وانشاء الله تفيد وتستفيد
اخي العزيز فارق الوقت وانشغال الاخوة والاخوات هناك باعملهم  لا يجعلهم متواجدين بهذا الوقت وانشاء الله حال تواجدهم سوف تجد المساعدة

تحياتي

[Shebo]

اهلا وسهلا بيك بين اخوانك وان شاء الله الأخوه في كليفورنيا يساعدوك طبعا اخوك أسوء من سالفت صارت بيه هم جنت ناوي بلبداية ولاية كليفورنيا وبس جبت طاري لكفيل (عمي إلح) ووصيت اخويه يتصل بي اخبروه نايم بمستشفى وره أسبوع انطاك عمره

[★M a r t i n a★]

هاي وردة منور
بصراحة اني كلش منقهرة ونشالله ينطوك كاليفورنيا
بصراحة لو كان عندي مجال بل كفالة تدلل اخوية
بس بصراحة هل سنة كفلنا هواية بيوت  وهسة نريد نكفل جماعة  منكدر والا غالي والطلب رخيص وردة
ونشالله ما يصير الا الخير



واكيد اخواني الي يكدر يتكفله يكون احسن اتمنى انو احد يكفله

وانا بدوري اسال  اذا يصير تدلل وردة

تحياتي

[عكعك التطوى]

يافتاح يا عليم يارزاق يا كريم هايه شلون طلابه من الفجر لا وجماله حافظ كل الي بكلفورنيا

اخويه العزيز ابن دجله والفرات وشط العرب والخليج العربي اهلا وسهلا بيك ونورت المنتدى
اخويه انشاء الله الاخوه ميقصرون وياك فلهم سوابق بفعل الخير وانشاء الله مشكلتك
محلوله بوجود الطيبين وهسه اخذلك شويه قيلوله وارتاح وبعد فتره ارجع للمنتدى راح تلكه
ردود تريحك انشاء الله وهسه اني هم راح اخذ قيلوله لان تعبت وعيوني راحا من وره المنتدى

وتحياتي واهلا وسهلا بيك مره ثانيه

[angie-dawood]

اخي العزيز ابن دجلة والفرات اولا 0 اهلا وسهلا بيك بين اهلك واخوانك واخواتك كل الهلا 00
اخي العزيز لو بمشكن تدلل اني ارسلك عنواني باي وقت تحتاجه يااخي واني حاضرة اذا يصير بمشكن

[ألمــــدرس]

أخي العزيز ابن دجلة و الفرات

لتهتم واحنه اخوتك موجودين ..
واني متأكد باقي الاخوان ميقصرون بس اني قريت الموضوع قبل الباقين واني مستعد لكفالتك.

دزيتلك رقم تلفوني في سان دييغو على الخاص . اتصل بيه حتى اعطيك عنواني واعرف على أي منظمة هنانه انت وأشرحلك كم شغلة لازم تحجيهه من تنطي العنوان ... واني بخدمة اهلي العراقيين .

أخوكم
غسان الاشقر
كاليفورنيا - سان دييغو

[سبع صنايع]

خلص فضهه اخونة غسان
واللـــــــــــــــــــــــــــــــــــــه ميكطـــــــــــــع

[suzie83]

الحمد لله ابن دجلة انفضت واخونا غسان طول عمره وردة وما  يقصر  ان شاء الله  ويا ربي يوفقه دايما  على فعل الخير .. والنعم منك اخوية غسان

[نـور]

الحمد الله اخوية  ابن دجلة و الفرات الاخ الكريم غسان انشاء الله ميقصر ويااك وانشاء الله تفرح واتفرحنا ابيوم سفرك

تحياتي..   

 

[سوسن كليانه]

اهلا وسهلا بيك اخي ابو دجله والفرات ,,,,وشكرا لاخ غسان الاشقر على المبادره الحلوه وانشالله خير,,,اخي ابو دجله الاخ غسان راح يتكفلك (( باذنه تعالى)),,,بس لاسامح الله اي مشكله انطيني خبر ,,,وانشالله اقوم بالواجب واني عندي اتصال بالمنظمه مالتنا,,,ادلل اخويه ولايهمك,,, وبصراحه وسان دياكو احسن واحلى من مودستو بهوايه وبيها اشغال كثيره ومنطقه رائعه جدا,,, اني هم مفكره بس اكمل دراستي راح انتقل اهناك اذا الله راد,,,بالموفقيه انشالله

[Haider 67]

اخوك بالخدمة انا في لوس انجلس اذا تحب اتصل بي على الخاص

تحياتي

[ابن دجلة و الفرات]

اشكركم اعزائي على تفاعلكم مع مشكلتي
 واجوبتكم السريعة التي لم اتصور انها ستكون بهذه السرعة وبهذا الاخلاص ولكن هذا املي بكم وهذا ديدنكم يا منتدى الخير .
السيد tiger المحترم يشرفني ان اكون احد اعضاء هذا المنتدى العظيم والذي هو تحت اشرافكم واشراف الطيبين من امثالكم يا ابطال المنتدى
السيد غسان الاشقر لا اعرف كيف اعبر لك عن فرحتي واعجابي بك يا وردة البستان بارك الله بك و بامثالك انتم اصحاب المهمات الصعبه والنخوة العراقية الاصيلة وكلمة الشكر صدك بحقك قليلة وانشاء الله نكون على اتصال يا وردة
السيد shebo والله (شر البلية ما يضحك) متدري يا خوية تضحك مدري تبجي على حالنة بس على الاقل انت من البداية قطعت الامل مو اني الي بنيت كل آمالي على هذه الولاية
الاخت hannan المحترمة بارك الله بك وبامثالك ممن يساعدون الاخوان في الغربة وعسى ان يهئ الله لكل محتاج مساعدة من هم من امثالك ياوردة
السيد عكعك وداعتك آني حافظ حتى أهل مصرمو بس اهل كاليفورنيا وترة هاي من المعزة وانت العزيز
الاخت ملاك المنتدى انجي اني عرفت راح يكون هذا موقفك العظيم فهو ليس غريباعنك ولاعجيب ولكن صدك انتي (اعجوبة )ومنك نتعلم وفقك الله دائما لفعل الخير يا انجي الخير
الاخ سبع صنايع والله الله مايكطع الله يسهل امرك وحاشالله ان يحير عبدة
الاخت suzie 83 اشكرك واشكر كل الطيبين في المنتدى
السيد IRaQI JEALOUS اتمنى لك وللجميع تحقيق الاماني وسفر قريب واهم من ذلك سفر مبارك
الاخت سوسن كليانة آني متاكد بان كلكم متقصرون وكلكم والله ولد خير ووفة وفقك اللة بدراستك وجعلك رفعة راس لكل العراقيين
السيد Haider 67 بارك الله بك والله تعجز الكلمات عن التعبيروتخونني العبارات ولكن لم اجد غيرها علها تساعدني قليلا وهي كلمة شكرا وبارك الله بكم يا نجوم المنتدى
 ويبقى هذا المنتدى وروادة الملاذ الامن والاخير لكل عراقي ومنارة حب ووفاء وتقدير تهدي التائهون والحيارى الى بر الامان

اخوكم ابن دجلة و الفرات

[ابن دجلة و الفرات]

الاخ العزيز birj المحترم
بارك الله بكم وبكل الطيبين الاعزاء الان احاول الاتصال بالاخ العزيز غسان الاشقر وانشاء الله التسهيل من رب العالمين وماقصرت يا اصيل

[ايات]

اخي ان شاء الله تسهل شغلك وان شاء الله الاخوة مايقصرون كلهم طيبين .....اختك ايات

[ابن دجلة و الفرات]

شكرا العزيزة ايات وفعلا كلهم طيبين وانا استطعت الاتصال بالعزيز غسان الاشقر وكان على قدر المسؤلية واعطاني عنوانه ورقم الهاتف والاسم الكامل وقمت بنقلها الى IOM ومااعرف ليش الموضف ارتبك من تغيير الكفيل واخذ يسالني عن الاسباب واشياء اخرى شخصية عن الكفيل الجديد لااعرفها واخبرته انة صديق ولا اعرف شئ عن امورة الشخصية واخبرني ان هذا التغيير المفاجئ سوف يؤخر سفري لمدة لاتقل عن 7---8 اسابيع وربما اكثر  فاخبرتة ان الحمدلله على كل حال والله الموفق

بس حبيت اضع الصورة كاملة امام رواد المنتدى الكرام

وشكر وتقدير خاصيين للعزيز غسان الذي انتظر اتصالة الاخر على احر من الجمر

اخوكم ابن دجله و الفرات

[ألمــــدرس]

اخي ابن دجلة والفرات

انت تتدلل

واني حاضر لاي شئ بس عندي مشكلة في الهاتف الارضي والانترنيت ماعندي

بس انته شنو تريد بعد معلومات اني حاضر دزليان على المسنجر واني اجاوبك وانشالله يتصلح التلفون الارضي هاي الايام . بس انته انطيهم هاي المعلومات اللي انطيتكياهه .

مع التقدير