الثقافات وتأثيرها

[البغدادية المهاجرة]

مساء الخير لجميع الاعضاء.
حبيت اخذ رأيكم بموضوع الثقافة والشهادات الجامعية وتأثيرها على الزواج.
لان اكو هواية من الاهل يفرضون هذا الشرط على كل من يتقدم لبناتهم  لان باعتبارهم انه كل واحد عندة شهادة ايكون هو الافضل بغض النظر عن باقي الصفات الي لازم تتوفر بيه   واكيد  ان الشهاد علم واحنة في وقت محتاجين للعلم بس  اكيد اكو ناس ميملكون شهادة بس عدهم ثقافة واسعة وهم مقدروا ان يكملو دراستهم. هذا هو موضوعي ارجو ان يعجبكم وانتظر ردودكم .
مع تحياتي لكم  البغدادية المهاجرة
باي

[jan_communication]

شكرا على الموضوع بغدادية
بصراحة الكل نعاني من نفس المشكلة يعني هسة اني متخرج من هندسة
فلمن مرات يطرحون بالبيت اسماء عليه علمود اختار فكل الاسماء تكون من الخريجات
هاي وحدة الشغلة الثانية لحد الان الاهل مديعترفون انة الابن يمكن يختار شريكة حياتة
هي القصة مو بس يختارون خريجات وبس حتى الاختيار يكون الهم
صح الشهادة تبرز وعي البنت والثقافة اكيد مو قليلة وهواية اكو ممخلصين اي شي بس بثقافتهم واسلوب حياتهم وكلامهم يمشون البقية من اصحاب الشهادات
بس يبقى هذا واقعنا صح اني هسة كلامي كان على البنات بس هم للولد من يتقدمون على البنات نفس الشي فاخر شي بس اكول يبقى الحال على ما هو عليه
بس اللي يكدر يغير هل شي اني وياه لان الحياة الزوجية احنا راح نعيشها ودور الاب والام بالاختيار مهم مثل ما هو مهم دورنا احنا بالاختيار يعني يكون شي مشترك بيناتنا مو بس من طرف واحد ونهمل الطرف الثاني اللي هم الاب والام
واشكرج بغدادية على هل موضوع

[البغدادية المهاجرة]

مرحبا شكرا يا اخ جان على رأيك الحلو  وهواية عجبني لان هذا حال الشباب كلهم  ومثل ما قلت لازم احنة انغير هذا الشي لان احنة الي نعيش بيه .
وشكرا مرة ثانية
باي
البغدادية المهاجرة