القلاقيل الي تاخذهه و الي متاخذهه وياك من تسافر

[BaghdadGhost]

السلام عليكم ...........

مثل منعرف هواي صار حجي على حقيبة السفر و الامور الي المفروض الواحد ياخذهه ويا من يوصل هناك .....

لاهمية الموضوع من الجانب اللمادي و جانب المجهود على المسافر ,,,,, ارتأيت ان اكتب هذا المووضوع ليكون ان شاء الله مرجع لكثير من الاخوان الي مقبلين على السفر (ويا مكثرهم) ,,,,

الاشتراك يكون من فئتين من الاعضاء :

الاشخاص الي سافروا و وصلوا بخير و سلام ,,,, و تكون مشاركتهم بذكر الامور الي اخذوها معهم ,,,, و شنو الشغلات الي استفادوا منها و حسوا بقيمتها من وصلوا ,,, و شنو الامور الي ما استفادوا منها (لسبب او لاخر) و حسوا بانها كانت مجرد عبيء ثقيل عليهم اثناء السفر  ......

الاشخاص الي مقبلين على سفر .... يكون اشتراكهم بذكر الامور الي مفكرين ان ياخذوها معهم ..... و اذا وصلوا بخير و سلامه ان شاء الله ,,,,,, و اذا يهتمون للموضوع اكثر ,,, يرجعون يذكرون شنو الامور الي مستفادوا منها و شنو الاسباب

ملاحظة :

قبل كل شي يذكر المشترك

الحالة الزوجية و عدد الاطفال ان وجد ......

الدولة و الولاية او المدينه الي رايحلها المشترك

اذا اكو امور غير مألوفة يذكر المشترك السبب في اخذه لهاي الامور ......


و اكيد الموضوع مفتوح للنقاش و سؤال الاخوة المشتركين على الامور الي ذكروها .......



اعرف بان البعض منكم يكول بان الموضوع مطروح للنقاش من قبل ,,,,, ولكن لم اجد موضوع شامل و بهذا الترتيب ,,, و اغلب المواضيع الي طرحت بهذا الصدد هي مجرد استفسارات من الاخوة الاعضاء لانهم مقبلين على سفر ,,,,,,  اذا تشوفون اكو فد اهميه للموضوع ,,,, نستمر بي ,,,, واذا ما اله اي داعي ,,, بكل روح رياضية و لفسح المجال لغيره من المواضيع راح امسح الموضوع ,,, شنو رايكم

[ابو الحسن]

والله يا عمي عاشت ايديك وخوش فكرة علمود الناس تعرف راسها من رجليها
صحيح هنا وهناك سوالف على نفس الموضوع بس كلها تندثثر بالارشيف بس على كلامك راح يصير عندنا قاموس ونكلب بي براحتنا
يلة عمي توكلوا على الله
ابو الحسن

[ماجلان]

.

[Shekha]

شكرا لك اخي عطر بغداد على هذا الموضوع الرائع....

[هنوة]

عاشت ايدك على الموضوع الرائع
بارك الله بيك
متألق بكل مواضيعك

ام انس

[عبسي]

عاشت ايدك شبح بغداد على الموضوع المهم واتمنة بنهاية المشاركات نسوي لستة بالشغلات المهمة اللي لازم ناخذها
اني رايي ومثل ما عرفنا من بعض الاخوة وخصوصا ابو قمر الملابس ابد لا تكثرون منها وركزو على الملابس الداخلية والجواريب لان اسعارها باميركا اغلى من دول الجوار

[بت بطوطة]

موضوع مفيد جدا وانشالله الكل يتفاعلون خصوصا الاخوة الواصلين لامريكا

واني من راي الاخ ماجلان التقليل من الملابس قدر الامكان

عاشت ايدك عالموضوع

[fady azir]

   اخي العزيز مشكور على  طرحك النير وانشالله الجميع يستفاد منه  

انا مقبل على سفر  انشالله من تركيا الى امريكا \ كاليفورنيا  لكن عندي سؤل لحد الان لم يجب احد عليه

هل بالامكان   اخذ  اجهزه كهربائيه مثل ست البيت السيشوار طاحونة القهوا  معي  واستفاد منها هناك

ام تكون عبىء علي  لعدم توفر المحوله لهذه الاجهزه وتكون علية السعر  

انا انتظر اجابة الاخوان الاعزاء في المنتدى  ولا تبخلو على الرد والله يوفقكم

                                                                وشكرا

                                         اخوكم
                                          فادي العراقي

[ذاكر ابو فابيان]

والله شباب عاشت ايديكم فعلا موضوع جميل وبيه فايدة ربي يوفقك

[عبسي]

اخي فادي اقرة الفولتية اللي مكتوبة على الجهاز اذا شفتها تبدي من 110 اخذها اذا شفتها بس 220 عوفها لان تحتاج محولة وتعذبك اضافة الى محول البلك لان مثل ما تعرف البلكات باميركا تختلف

[BaghdadGhost]

اشكركم اخواني الاعزاء  لسرعه الرد و التفاعل مع الموضوع ......

اني ايضا راح اكون من المشتركين ......

الحاله الزوجية : سنكل فيز

الدولة و الولاية او المدينه : ان شاء الله وجهتي راح تكون الولايات المتحدة , ولاية بنسلفانيا , مدينه فلادلفيا ......


الامور الي مفكر اخذها معي من اسافر ,,,,,

1. المستمسكات ,,,,,,

بالنقاش مع صديقي الساكن هناك ,,,, كال لي بان لا حاجه لجلب الجنسية و شهادة الجنسية في الوقت الحالي ,,,,, لان هاي الهويات مراح تحتاجهن هسه ,,, فقط من تتعامل مع السفارة العراقينه في امريكا ,,,, و التعامل الوحيد معهم هو تبديل الجواز من يسقط (بعد عمر طويل) ,,, و اذا احتاجهن اكيد اهلي يكدرون يدزوهن الي لان همه احوج مني الهن (اكيد تدرون شيسوون بيهن) ,,,,,,


ان شاء الله مقرر اخذ معي صورة قيد الولادة و عدم المحكومية و صورة قيد ال 57 (استخرجناهن لغرض التقديم على ال SIV ) وذلك تحسبا لاي حاجه لهم مستقبلا و باعتبار هذا الوثائق دليل اضافي على هويتي و انا اعتبرهم مثل برائه الذمه .... اكيد وثيقه التخرج مصدقه و كاملة نسختين انكليزي و عربي ,,,,,

راح تتفاجاؤن من هاي الفقرة ,,,,, صديقي نصحني باستخراج اجازة السوق الدوليه العراقيه ,, لان معترف بها في بنسلفانيا و تكدر تستخدمهه مدة سنه و قابلة للتجديد .....


2. الهندام ....

صديقي نصحني بعدم احضار ملابس كثيرة معي ,, لانها متوفرة و باسعار ارخص و نوعيه افضل ..... مع ذلك قررت بان اخذ معي كم تيشيرت (لان خفاف بالوزن) على جينز عدد 2 ,,, بلوزه واحدة لان فلدلفيا لحد الان بارد الجو مالتهم ,,,, قميص عدد 2 ,,,, احذيه عدد 2 (مكرم القاري) ,,,, ملابس داخليه اكيد مطروحه بالموضوع ,,,, و جوارب كم زوج ,,,,,

بالنسبة للتجهيزات الرياضية ,,,,, مقرر ان شاء الله ما اخذ معي اي تراكسودات ,,,, فقط زوجين من تجهيزات الجم (حذاء رياضة, شورت , فانيلة رياضية) ....


3. الاجهزة الالكترونيه ....

بالنسبة للابتوب ,,,, البعض منكم يعرف الحيرة الي اني بيهه حاليا لان لابتوبي عاطل و يكلف التصليح 400 دولار و اني حاليا استخدم لابتوب اخوية الصغير (بعد التوسل و القشمريات) ...... الحيرة هي هل اصلح اللبتوب مالتي و اخذه ,,, ام اشتري غيره جديد من شارع الصناعه ,,,, ام انتظر من اوصل و استقر ياله ذاك الوكت اشتري مناك ؟ طبعا الخيار الاخير جدا صعب ,, لان مراح اكدر اكون على تواصل مستمر مع اهلي بالبيت و اهلي بعنكاوا ....... بس على كل اني كنت مقرر اخذ اللابتوب مالتي قبل مينتحر (الله يرحمه)

الهاتف النقال اكيد راح اخذه معي (Nokia N95 8G ) لان معزته عندي مثل اللابتوب


عندي Play Station 1 & 2 ,,, اكيد الاول مراح اخذه لان عتيك كموديل (نريد نطلع ليكدام مو نرجع ليورة) ,,, بس الثاني محتار بي الصراحه ,,,,, هل اخذه معي و اذا اخته هل راح يقرا الالعاب الي هناك لو لازم اخذ وياي عدد لا باس به من الالعاب من باب الشرجي ......

من ضمن الامور الي اخذهه معي هي السيديات .... طبعا افلام مراح اخذ لان كومه عندي بالهارد ,,, ولكن بوكسات المسلسلات الفول سيزنس من باب الشرجي ,,, لان هاي يكون سعرهه بامريكا تقريبا 150 دولار بينما هنانه اطك شي ب 15 دولار ..... اكيد مراح انسة مسلسل باب الحارة ثلاث اجزاء و حرامات مراح الحك عالجزء الرابع .....

شارع الصناعه  هم عندي اله نزلة ,,,, و اخذ معي فد مجموعه حلوة من كولكشنات البرامج و الاووبريتنك سستمس (XP,,, Vista ,,, Windows 7 ) لان راح كلش تفيدني هناك ان شاء الله ...... طبعا مراح انسة الستكرات و كيبورد اكسترنل ,,,, هارد درايف خارجي عندي فميحتاج اشتري ......


4. الكتب و المحاضرات ....

اكيد هاي الامور و شارع المتنبي اله حصة في الموضوع ....... ان شاء الله اكو فرصة بان استمر بالدراسه و اكيد راح يكون واحد من اهتماماتي ان اعادل الشهادة ,,,,, مفكر ان شاء الله اخذ كتبي و محاضراتي للسنه الراابعه من دراستي لان جدا مفيدة و كلها تصب بالاختصاص ....... طبعا هاي الها حصة الاسد بالوزن ,,, و باعتبار احنه جماعه بغداد ممسموحلنه بس 20 كيلو ,,, لذلك لازم هاي الامور ادزهه قبل ما اسافر ...... سوالي هو شنو الطريقة الي تنصحوني بيهه ان اشحن الكتب و الاغراض الثقيلة قبل السفر من بغداد و اذا عدم معلومات على الاسعار اكون ممنون ........




اتمنه من بقية الاخوان ان يكون الاشتراك على هذا النمط ..... يعني فيد و استفيد .....

[sony.sony]

 شكرااااااااا شبح بغداد على الموضوع الرائع
 طبعا بالنسبة الي اني  وزوجي وبنات 2  المفروض كل واحد حقيبتين يعني المجموع 8 حقائب واللي اخذنا ويانة  8 حقائب  كل واحد من عدنا حقيبة ملابس شتوية والثانية صيفية واخذنا ايضا بطانيات 4 على العدد بس من النوع الخفيف   يعني تعبت الجنط ومن وصلت لامريكا وشفت انو الملابس حلوة ورخيصة تندمت انو اشترت ملابس هوااااااية من عمان لان بامريكا اكو ملابس حلوة ورخيصة وبالنسبة للاجهزة الكهربائية كلها  بقيتها بعمان لان متشتغل  بامريكا  طبعا ردت اخذ السشوار  وياية فسالت على سعر المحولة بامريكا طلع سعرها 20 دولار  فتركت بعمان واشتريت سشوار منابسعر 23 دولار  وبالنسبة للكومبيوتر  جبنا اللابتوب ويانة  والماوس والكيبورد واشتريت كيبورد عربي ثاني لان اهنا كلة انكليزي 
طبعا انصحك اخي شبح بغداد ان تاخذ وياك لابتوب ولو اكو اهنا اشكال والوان بس انت من راح توصل تريد بس تربط نت حتى تحجي ويااهلك واصدقائك  وانت راح تنشغل بالبداية ويا المنظمة ويا الفحوصات   رايح وجاي  وايضا اخذ سيديات وياك بس دير بالك تعبي ملابس مثل مسوت اختك سوني حتى الجنطة صاحت كافي بس راح انفجر هههههههههههههه

[صادق الحلاق]

الاخ شبح بغداد
انت رائع بكل معنى الكلمه لما يحتويه موضوعك على تفاصيل صغيره ولكن تعني للاخوه المسافرين الشى الكثير
لانها لابتداء حياة جديده في بلد جديد لانعرف به ( الخمسه من الطمسه) اومثل ما يكول المثل العراقي
(مثل الاطرش بالزفه) والله لو لا هذا المنتدى والاخوه الاعضاء لكنا مثل اليتامى
اضافه الى موضوعك المفيد اود ان اضيف شى   وهو  المسافرين اللذين سبقونا الى امريكا ان نسالهم
هذا السؤال ( ما هو الشى اللذي ندمت عليه باخذك له وما الشى اللذي ندمت عليه بتركك له)
ولكم جزيل الشكر
اخوك صادق الحلاق

[ماجلان]

.

[ahmed.khalid_87]

من ضمن الامور الي اخذهه معي هي السيديات .... طبعا افلام مراح اخذ لان كومه عندي بالهارد ,,, ولكن بوكسات المسلسلات الفول سيزنس من باب الشرجي ,,, لان هاي يكون سعرهه بامريكا تقريبا 150 دولار بينما هنانه اطك شي ب 15 دولار ..... اكيد مراح انسة مسلسل باب الحارة ثلاث اجزاء و حرامات مراح الحك عالجزء الرابع .....

شارع الصناعه  هم عندي اله نزلة ,,,, و اخذ معي فد مجموعه حلوة من كولكشنات البرامج و الاووبريتنك سستمس (XP,,, Vista ,,, Windows 7 ) لان راح كلش تفيدني هناك ان شاء الله ...... طبعا مراح انسة الستكرات و كيبورد اكسترنل ,,,, هارد درايف خارجي عندي فميحتاج اشتري ......


اخوية علاوي المسلسلات والافلام (الامريكية) كلهة متوفرة بالانترنت مجانا
اما انظمة التشغيل همين كلهة موجودة بالانترنت  والبرامج همين
كلشي متوفر بالانرنت
هناكة تحميلهة كلش سريع لئن النت سريع مو مثلنة:)
تحياتي

[siv2007]

حبيبي ابو حسين كلك ابداع ومواضيعك دائما فيها الفائدة والمتعه بارك الله فيك وسهل سفرك ووصولك بالسلامه يا رب

حبيبي اليوم كنت في الباب الشرجي(صار 3سنوات ماشايفه هواي يسلم عليك) المهم اشتريت كم سيدي واشتريت سوكتات موجوده الصور ان شاء الله تاخذوهه على موبايلاتكم حتى تشوفوهه لاهل الكهربائيات بباب الشرجي.

بالنسبة لي انا متزوج ولدي 2 اطفال اعمارهم ان شاء الله بعد شهرين تصير 3 و4 سنوات
واحب ابشرك هسه واني اكتب وصلني الايميل اللي يكول


[ ;Dcolor=maroon]Dear Mr. Siv2007,

 

Thank you for your email. We have received your Resettlement Benefits Election Form, DS-0234 Biodata forms, and copies of each member’s SIV visa.

 

We need no further clarification or documents from you on your case. Please be aware that your case processing has been completed. Your final destination in the U.S. will be Seattle , Washington , near your friend, Mr. xxxxxxxx.

 

We will be forwarding your case to IOM for travel arrangements to the U.S. this Monday, 15 June 2009. We will provide you with more information on Monday, 15 June 2009, after we have forwarded your case to IOM.

 

Please be aware that if you now request to change your final destination from Washington to another location, your case will not be forwarded to IOM, and your case processing will be delayed.

 

Regards,

 

Refugee Processing Center[/color]

يعني ان شاء الله راح اسكن في سياتل يقولون عنها جميلللللللللللللللللللله بس بيهه مطرررررررررر مو طبيعي
وحسب ما عرفت انه اكو شغل بس قليل
الIRC ستكون هي المنظمة المسؤوله عني

تحياتي وتمنياتي للجميع بالتوفيق يا رب

[MAGGIC]

عاشت ايدك اخوي العزيز BaghdadGhost

موضوع مفيد ومركز  اذا الاخوان تشاركو بي وعاشت ايد الاخوان والاخوات الي كتبو معلومات مفيدة للي راح يسافرون


تحياتي الكم

[Safaa Alkhrkhy]

اخوان اشو محد حجة على النركيلة؟؟!!! اني اذا طلعت سفرتي ان شاء الله ((لانه الاستاذ المحلف بعدهة دايدرس بيهة لحد الان!!!))  اول شي اخذهة هوة النركيلة بس ترة اكو شروط لأخذ النركيلة وهي اولا من المفضل ان تكون جديدة وغير مستعملة نهائيا حتى لاتسويلك مشكلة بالمطار (يعني تخلص من شغلة ها خاف حشيش مااعرف شنو) ثانيا تفضل ان تكون ذات طابع شرقي حتى تلفت الانظار اليك هناك ثالثا لاتأخذ معاك اكثر من علبتين معسل ويفضل ان تكون علب محكمة وعليها المحتويات باللغتين العربية والانجليزية رابعا لاتأخذ معك اي نوع من انواع الفحم لانه متوفر هناك بسعر رخيص... بالمناسبة عندي صديقي اخذ وياه نركيلة من بغداد اشتراهة من الكرادة ب80 الف دينار كانت تحفة رائعة جدا من وصل الى امريكا دفعولهة بيهة اكثر من 500 دولار!!!! تصوروا ذلك...
طبعا السيديات مال البرامج لمثلي مهمة جدا جدا وهاي اهم من الملابس عندي خصوصا انه راح اخذ وياي ان شاء الله حاسبتين لابتوب واحدة لي والثانية لابني الصغير طبعا حاسبة ابني لازم اخذلهة وياهة اقل شي فد 25 قرص العاب لانه مدمن العاب حاسبة ... اهم شيء ان تعرف طبيعة الجو والطقس في الولاية التي سوف تذهب اليها حتى تحدد نوعية الملابس التي سوف تأخذها معك ويحبذ ان لاتكثر منها .... الاجهزة الكهربائية سوف لن ااخذ معي غير كامرتين رقميتين وماكنة حلاقة 110 فولت وشسوار 110 صغير ولاانصح باخذ الكثير منها لانها متوفرة هناك بكثرة وبسعر رخيص.... نصيحة اقدمها للاخوة الذين سوف يأخذون معهم حاسباتهم الشخصية ان يأخذوا معهم كارت ستلايت خارجي حتى يستطيعون ان يستخدموه هناك في بداية حياتهم وهو حجمه صغير لايتعدى حجم علبة السكائر ووزنه خفيف وسعره لايتجاوز 30 دولار لاحسن ماركة وهذه النصيحة طبقها الكثير من اصدقائي واستفادوا منها كثيرا.... بخصوص العاب الاطفال لاتأخذوا اي شيء فهناك الاف الانواع في امريكا بأسعار رخيصة ... الدواء مهم لمن لديه مرض مزمن ولكن يجب ان يكون الدواء بعلبة ومعه الوصفة التعريفية به باللغتين العربية والانجليزية ويفضل ان تكون معه تقرير طبي من طبيب باللغة الانجليزية يشرح حاجة المريض لمثل هذا الدواء.... شيء مهم بالنسبة لي وهو ان ابني وبنتي يلبسون نظارات طبية فسوف ااخذ معي لكل واحد زوجين جديدين للاحتياط لانه في امريكا اسعار النظارات الطبية عالي جدا... بقي شيء وهو القاموس فهو مهم جدا هناك صدقوني ويفضل ان تاخذ معك قاموسين واحد الكتروني والاخر للجيب.... واشكركم    اخوكم صفاء الكرخي

[siv2007]

نصيحة اقدمها للاخوة الذين سوف يأخذون معهم حاسباتهم الشخصية ان يأخذوا معهم كارت ستلايت خارجي حتى يستطيعون ان يستخدموه هناك في بداية حياتهم وهو حجمه صغير لايتعدى حجم علبة السكائر ووزنه خفيف وسعره لايتجاوز 30 دولار لاحسن ماركة

شكرا اخ صفاء على المشاركه لكن ممكن تشرح شنو المقصود بكارت ستلايت خارجي؟

[Safaa Alkhrkhy]

اخي العزيز   كارت الستلايت الخارجي عبارة عن رسيفر لقنوات الستلايت عمله مثل عمل الرسيفر العادي ولكن يختلف عنه بأنه يعمل على الكومبيوتر من خلال وصلة USB ويتزود بالكهرباء من خلال محولة صغير مثل شاحنة الموبايل ويمكنك بعد وصله بالكومبيوتر (اي كومبيوتر) ووصل صحن وLNBله من مشاهدة القنوات التلفزيونية على الكومبيوتر مباشرة وكذلك تسجيل اي برنامج ومميزات اخرى عديدة وهو متوفر بشكل كبير في شارع الصناعة ((طبعا هو مزود بريموت ايضا)) وتقبل تحياتي

[عاشق تراب العراق]

عاشت ايدك ابو حسين على الموضوع الاكثر من رائع و فعلا اني من افكر ادوخ بشنو راح اخذ و شنو ما اخذ و ياريت الاخوان اللي وصلو يكولون شنو اللي استفادو منة و وشنو الزايد و شنو اللي اكو ارخص و شكر لكل من شارك بهذا الموضوع

[the_Striker]

شكرا اخوان عل موضوع الجيد و المفيد

اريد اسال الاخوان يلي سافرو و الي عدهم خبرة بهل موضوع كم سوال و اتمنى انو تجاوبوني عليه

1. كم عدد السيديات التي يجب اخذها يعني اكو عدد محدد لكل شخص لو شلون؟
2.اني عندي كومبيوتر بس دسك توب و اريد اخذ الغراض الموجودة بالكيس ..يصير اخذهم وييايا لو شنو؟
3.علمود موضوع الذهب احنا سمعنا هواية امور بس نكدر نطلع ذهب ويانة لو شلون؟ نكدر نحط شوية بالجنط الكبيرة و شوية بالهاند باك لو ما يصير؟
4. نكدر نطلع  ويانة غراض مطبخ ..يعني مثل ملاعق و شوكك..و هيج امور لان سمعنا هاي الامور كلش غالية بامريكا؟

وشكرا

[Shekha]

اخواني الاعزاء....

راح انطيكم كامل التفاصيل عن الاجازة الدولية للسوق واني كبل اسبوع طلعتها:

اول شي لازم عندك الاجازة العادية وراح تروح للجمعية العامة للسيارات والي صايرة بالمنصور بصف نقابة الجيولوجيين ومقابل نقابة المهندسين العراقية.

راح تتدخل للبناية وكولهم اريد الاجازة الدولية .... فراح ينطوك ورقة تكتب بيها معلوماتك مثلا الاسم بالعربي و رقم الاجازة و الجنسية وغيرها.....

تسلم الورقة الي بيها المعلومات و راح يقطعولك وصل ب 50000 دينار اجور الاجازة للعراقيين و 100000 لغير العراقيين....

باقل من ساعة راح تكمل وتطلع وانت شايل اجازة دوليه .....

[omaha]

اخوية العزيز
بالنسبة للجواب على هذه الاسئلة
3.علمود موضوع الذهب احنا سمعنا هواية امور بس نكدر نطلع ذهب ويانة لو شلون؟ نكدر نحط شوية بالجنط الكبيرة و شوية بالهاند باك لو ما يصير؟

الذهب مسموح بيه لكن المشكلة اهنا باميركا مابيه فائدة يعني ذهبهم كله 12 و جوا والكل يلبس فضة الماس والذهب قليل باستخدامهم
يعني ماكو اميركان لابسين ذهب مثلنا واذا شفت وحدة لابس ذهب كول هاي من الشرق الاوسط او الهند وحتى لو تريد اتبيعه مراح تستفاد حوله فلوس وجيب القطع الي بيها ذكريات فقط هاي نصيحتي لانه اني هيجي سويت


4. نكدر نطلع  ويانة غراض مطبخ ..يعني مثل ملاعق و شوكك..و هيج امور لان سمعنا هاي الامور كلش غالية بامريكا؟

  اكيد حسب الشي الي اني سويتة تكدر اطلع ملاعق واشواك بس لاتجيب سكاكين ولاشي حاد واني انظربت بوري لانه موديت ويايا جدرية اطبخ بيها تمن الموديلات اهنا تختلف اهواية اقصد نوعية المعدن
اخذ وياك جدرية و طاوة ومراح تندم واكيد غالية اهنا

شي ثاني اعتقد انه ميفيد احد يشتري سيديات مال برامج للحاسوب(الا اذا اخذ لاب توب وياه قبل ميجي) لانه مراح تكدر اتنصبها بالحاسوب اللي تشتريه من اميركا لانه مراح يقبل يتنصب وهذا اللي صار ويا حاسبتنا فأضطرينا نشتري البرامج منا

اتمنى انه راح اتساعدك هاي الاجوبة
اختك اوماها

[ارقى شاب بالمنطقة]

شبوحي الوردة

شكرا عالموضوع المرتب.... عاشت الايادي

اني حاليا في بغداد، موعد سفري بعد 3 ايام ان شاء الله الى سان انطونيو - تكساس
اني اعزب لا مامه ولا داده

بالبداية عندي ملاحظة صغيرة تعقيبا على كلام اخونه الشبح، الوزن المسموح هو 23 كيلو وليس 20 كيلو، ولكن آي او ام يكولون 20 كيلو للاحتياط لان يعرفون جماعتنه يكولون يله بقت عالكيلوين دمشيهه لخاطر الجهال!!
والملاحظة الثانية: يحق لك في الطائرة حمل هاند باك يكولون وزنهه 5 كيلوات بس محد يوزنهه، مع ملاحظة مهمة: جنطة اللابتوب متنحسب هاندباك، يعني تكدر تصعد وياك بالطيارة جنطة اللابتوب بالاظافة الى حقيبة صغيرة اخرى

اني عندي لابتوب شايل روحه رح اخذه ويايه اكضي بي اموري وعود بعدين اذا الله وفق وطكيت اخذلي واحد راقي (مخيل على سوني فايو)


الوثائق/ رح اخذ وياية صورة قيد 57 وقيد ولادة ونسخ مترجمة من الجنسية وشهادة جنسية ولكن الاصليات ابقيهن يم اهلي يستلمون بيهن حصة لان حسب ما سمعت نقل الحصة التموينية من منطقتنه الى تكساس معقدة شوية ووكيل الطحين بتكساس يريد توريق يله!!


بالنسبة للاقراص ما كثرت هواي بس اخذت:
وندوز اكس بي
وندوز فيستا
اوفيس 2003
اوفيس 2007
4 اقراص كوليكشنات برامج
3 اقراص برامج تصميم (احب التصميم)

ملاحظة مهمة ذكرهه احد الاخوان هي الي يلبس نظارة طبية خلي يسوي فد زوجين نظارات مرتبه لان هناك اسعارهه غالية جدا
وبالنسبة للنركيلة اني اشتريت نركيلتين حجم متوسط مع 4 باكيتات معسل وباجر ان شاء الله ادزهن بالميل
احد الاخوان سئل عن ارخص الطرق للشحن وحسب خبرتي اذا واحد بعده يشتغل حاليا او يعرف واحد يشتغل وية الجيش، يكدر يدزهه ببريد الجيش، اني دزيت نركيلتين ومعسلات وبعض الكتب، يعني صارت كارتونه حجم وسط كلها كلفت 33 دولار فقط وتاخذ اسبوع الى 10 للوصول


بالنسبة للملابس يمكن رح تتعجبون علية، بس من خلال خبرة الاعضاء والمعلومات الي حصلتها، قررت ما اخذ ولااااااااااااا اي ملابس، عدا السيت الواحد الي رح البسه، وبعض الملابس الداخلية وزوجين جواريب فقطططططط
لان حتى الي ياخذ وياه ملابس مراح يلبسهه هناك فعليمن عالاقل اخلي مجال لغير شغلات احسن

البارحة رحت على عيادة طبيب، كلي شبيك بابا شيوجعك؟ كلتله دكتور كلشي ميوجعني بس اني اريد اسافر واريدك تكتبلي راجيته بيهه باكيت كبسول انتي بايتك يفيدني هناك ضحك وهز ايده وكتبلي، طلعت رحت للصيدلية واشتريت باكيت كبسول يحتوي على 6 اشرطة كبسول اموكسيسيلين
ملاحظة: يفضل ان يكون علبة كاملة وتحتوي على النشرة الطبية، وارفاق راجيته الطبيب مع الدواء منعا للاشكال.

لان رح ابات ليله بعمان، رح اخلي فرشة ومعجون اسنان في الهاندباك، بشرط ان توضع في كيس شفاف

ياريت اذا ناسي شي بعد تذكروني اخوان

سي يو اول

[عبسي]

يمعودين شنو القصة اذا واحد اشترة لابتوب من اميركا ما يكدر ينصب عليه البرامج المو اصلية ترة هاي اذا صدك مشكلة؟؟؟؟؟؟؟؟؟؟؟؟؟

[the_Striker]

شكرا اختي العزيزة اوماها على التوضيح..و الرب يحفظك و يوفقج

تحياتي

[ايام]

موصوع جميل ومشكورين عالمشاركة,,,,

[رائد واشنطن]

uLAxbp  vcjwoybdnrsi, liriqwuzuvkm, [link=http://rewzwfjuhgth.com/]rewzwfjuhgth[/link], http://wssymanxfkij.com/

[البصير]

أخواني  -  خواتي ...

أني عندي أطفال أثنين    2.8    أشهر     -       3.8   أشهر

ياريت تنصحونه ...نأخذ ملابس .....يعني نكثر بالملابس مال الأطفال !!  لو لا

و شنو أسعار الملابس هناك بأمريكا ....رخيصه   لو غاليه ....

ياريت تفيدوونا

البصير

[رائد واشنطن]

اكو غالي وأكو رخيص بس مو ارخص من بغداد

[Safaa Alkhrkhy]

بالنسبة للي يشتري لابتوب من امريكا يكدر اينصب عليه اي برامج ايجيبهة وياه من العراق ....... والدليل على كلامي هذا انه اني اشتريت حاسبتين لابتوب من امريكا وانبعثت اليهة عن طريق البريد للعراق ونصبت عليهة اللي اريدهة وهسة راح ارجعهن الى امريكا وياي!!! لكن الظاهر انه بعض اخواننا العراقيين اتصير عندهم مشاكل بالتنصيب واللي عندهة استفسار اني جاهز..........

[البصير]

أخ رائد و اشنطن ...

شكرا لسرعة الرد ....

بس أكيد نوعية ملابس الأطفال الي بأمريكا أفضل بهواي ........لا تكلي  صناعة صينيه !!!

شكرا الك ..

[رائد واشنطن]

وداعتك اني من وصلت هنا يالله افتهمت شكد الصين غازية العالم بمنتوجاتهة بس الصيني اللي اهنا مو مثل الصيني اللي اببغداد!!!!

[Sasy]

يعني عاشت ايدك اخي الورده ابو حسين صدك معلومات جدددددددددا مهمه بس احب انوه على موضوع مهم للي عنده عائله صحيح الملابس رخيصه بس احسبها اذا تشتري للعائله كلها شكد رح تصرف؟؟؟ يعني يكلك الدولار بمريكا اله قيمة الاقصده هو اخواني واخواتي الي الاعزب مشمول هم والي عنده عائله ناخذ الجديد المتوفر عدنه ويكفينه فتره مناخذ الموضروري بس على الاقل يكفينه كفتره اولا لان الفلس ممكن يسد حاجه بهذاك الوكت ميحتاج التبذير يعني لتروح للسوك قبل مسافر وتشتري بس اخذ العندك والزين ومن الله يوفقك ذاك الوكت شكد تشتري عادي اكو مردود مادي
يعني بالنسبه الي اني وحدي مسافره مرح اروح للسوك وسوك بس عندي ملابس خير من الله اخذ الزين جداا والجديد لان ماريد اروح وشتري واني ممكن اخذه ويايه وهو دافعه فلوسه دافعتها بس مو الملم كلشي ودفع وزن هنا غلط لان الي رح ادفعه هناك اشتري احسن فما اخذ بس الضروري وعلى كد الوزن.
مسألت المناشف اخذ وحده مو متاخذ والله هم يحطون ممكن ميوفرولك ممكن متعرف شرح يوفرون اصلا فوحده تفي على الاقل الغرض.
الشسوار اذا يتغير الفولت مالته اخذه لان ليش دشتري ميحتاج ٢٣ دولار احتفظ بيها الغير شي بس ضمن الوزن

الادويه الضروريه الي مكن نحتاجها ناخذها منعرف ضروفنه بالبدايه شلونها ؟؟؟ وليش دنشتري بس مو ناخذ الصيدليه هههههه.

اخواني ممكن نبدل شي مكان شي حسب الاولوية.
 اخواني اكو شغله مهم لصحاب العوائل والناس الي رح يروحون عن طريق iom اخذوا اكل وياكم لان رح تموتون من الجوع حسب ما هوايه ناس راحوا وكالوا الاكل قليل اختي من الناس تكول متنه من الجوع وجهالي ماتوا جوع اكل الطياره مطيب ومماخذين شي ويانه يعني اخذ بسكت نساتل بالهاند باك Handbag  يعني هيجي مسآئل لان اكيد يقللون الاكل علمود سعر التذكره. اما الي يروح على حسابه فهو مخصوم من ضمن التكت.

اكو خبر لاخ بخصوص الاجازه سمعت من مدير شرطه قاطع المنصور رح يصدرون اجايز سوق داخليه جديده المفروض بشهر السادس هذا هذا الحجي هسه خابرته وكال دننتظر اليوم باجر تجينه من المانيا يعني اصليه وكال مرح طول وممكن على ضوئها نطلع الدولية للي ماعنده. وتأكدت من عدة مصادر على هاي المعلومه نفس الحجي


تحياتي
اختكم
ساسي

[BaghdadGhost]

عمي ابو الحسن .....

جدا ممنون لمشاركتك و بارك الله بيك يا طيب ....

Shekha حبيبي ......

ممنون يا ورد على شرحك الوافي لطريقة استصدار اجازة السوق الدوليه و الف شكر عالاتاجمنت .....


اختي ام انس .......

تسلمين عالمرور و الف شكر .......


عبسي حبيبي .....


 صار و تدلل ,,,, راح اسوي لسته بكل الامور الي الاخوة يقترحوها و اخليها باول مشارككة الي ......


اختي بت بطوطة ......

انتي عاشت ايدج عالمرور  و ان شاءء الله يوم تسافرين و تذكريلنه شنو الامور الي راح تاخذيهه وياج ....

[BaghdadGhost]

اخي ماجلان الورد .....


تسلم يا طيب على المشاركة و بارك الله بيك ...... بالنسبة للملابس مثل مكلت و انته هم دتشوف شون اني مراح اخذ شي وياي .......

بالنسبة للابتوب ,.,,,,,

يمكن اكو شغله الاخوة الاعضاء غلطانين بيهه ,,,,,, ترة اللبتوب ميفرق اذا تشتري منا او مناك بالنسبة لتنصيب البرامج ,,,, يعني حته لو تشتري لابتوب مناك ,,, تكدر تنصب عليه اي برنامج ,,,, اصلي او مالتنه مال سوك ,,, يعين لتخلون اببالكم ....... بالنسبة اليه ,,,, لابتوبي مناك اني اشتريته ,,, يعني يرهم الفولتيه مالته على الاثنين ,,,,,,

بالنسبة لجهاز البلي ستيشن ,,,,, هم مناك اني مشتري و ميحتاج اخذ ويا اي محولة ,,,,, و اني من وصلني حورته بباب الشرجي ,,,,, اني كان قصدي بان محتار هل اخذه وياي و اخذ ويا العاب كومه من باب الشرجي لو لا ....."و بالنسبة للستكرات اكيد راح اخذ وياي .....

[BaghdadGhost]

اخي فادي .....

شوف نصيحة عبسي ,,,, بس يا اخي والله اني اتعجب من اسمع ماخذين هيج سوالف ,,,,,, يعني ترة حمل زايد و بالخالي بلاش ,,,, لان هيه اصلا هاي الشغلات مو ماركة او فد شي يسوا الواحد ميفرط بيهه,,, و موجودة اغاتهه هناك ,,,,,, على سبيل المثال ,,, اني مراح اخذ وياي مكينه حلاقة ,,, لان اولا فولتيه تختلف و مكان البلك يختلف و اصلا اكدر اشتري مناك اغاتهه و تكون عمليه اكثر

[BaghdadGhost]

اختي سوني ,,,,,,,

مشكور على الملاحظات القيمه و ربي يوفقج ,,, اني هم راح امشي بنصيحتج و نصيحة الاخوة الاعضاء و مراح اخذ ملابس معي ,,,, بس سالفه اللابتوب هي هاي المشكلة ,,,,,,


ذاكر ابو فابيان

مشكور اخي عالمرور و الله يوفقك ......

صادق الحلاق .....

تسلم حبيبي و بارك الله بيك ..... مثل مدتلاحظ باني  دعيت الاخوة الي متواجدين حاليا بامريكا ان يذكرولنه الامور الي حسوا بان اخذها معهم كان خطا ,,, و ما هي الامور الي كان المفروض ياخذوها وعهم ........


الورد ابو شهاب ......

تدري اني هم فكرت بهذ المووضوع مال التنزيل من النت ,,,,, ولكن شمحلاها من عندك الفول سيزنس مال فريندز وياك او غيرها من المسلسلات ,,,,,, اكيد اسهل بهواي ,,,,

[BaghdadGhost]

اخي SIV2007 ......

الابداع بالموضوع هو مشاركاتكم ........ تسلم حبيبي على الصور و بالنسبة للايميل هاي خطوه صحيحة مثل مشرحتلك ....... بالنسبة لكارت الستلايت ,,,, كلام اخي الكرخي صحيح ميه بالمية بس اريد اضيف علية بان بالنسبة للابتوب ,,,, هم اكو هيج كارت و هو جهازين في كارت واحد لان يصير TV Tunner و كارت ستلايت ,,,, بهاي الحاله راح تكدر تستخدم اللابتوب مالتك كجهاز تلفاز و تكدر تستخدمه كرسيفرر ,,,, هذا الكارت موجود على فتحه ال USB و على فتحه ال PCMCIA,,,, اذا راح تاخذ الي يدخل بفتحه ال PCMCIA,, فقط تاكد من النوعيه لان اكو نوعين ,, الاعتيادي و الي تصير نهايته عدلة و النوع الثاني و الي صار باغلب اللابتوبات الجديدة و الي يسموه n Series

و ان شاء الله التوفيق,,,,

[ماجلان]

.

[يوجد امل]

اخي BaghdadGhost
شكرا على بدء موضوع مفيد جدا
الله يباركك
اخوك يوجد امل

[BaghdadGhost]

MAGGIC .....

عاشق تراب العراق .....

يوجد امل ......

نور68 .....

رائد واشنطن .....

البصير ......

ايام ......

the_Striker ......

موناليزا70 .....

بارك الله بيكم و نورتوا الموضوع يا ورود .....

[Safaa Alkhrkhy]

عيني شبح بغداد .... الظاهر احنهة سقطنة سهوا!!!!!!!!!!!.....................

[komar]

حبي شبح بغداد الورده  انته بتالق من موضوع لموضوع وكلهه موضيع مفيده عاشت ايدك  
 
بالنسبه للغراض والله اعتقد بعد وكت افكر بهالموضوع بس حبيت هم اشارك بموضوعك الحلو  اني  ناوي ماخذ شي  من الهدوم لان اهناك كلشي رخيص وحلو بس اخذ شغلات قليله وزينه لان قابل اول منروح  نفتر عله الهدوم وهم بالطريق لبنتي الصغيره ناخذ كم قطعه  بالهاند باك  يبقه اللابتوب والاكس بوكس وكيتار وعندي والله افلام اهوايه وبرامج هاي هم اخذهه وكامره وهاهيه مناك الشغلات الموجوده افضل وارخص واجدد بالنسبه لاي شي ثاني  واهم شي كل المستمسكات والهويات لان العائله اصلا اهناك المن اخليهه ........ وتحياتي الك والله يسهلك سفرك وترتاح ان شاء الله .

      اخوك كومار

[BaghdadGhost]

اخي العزيز Safaa Alkhrkhy .....

اني و الاعضاء جدا ممنونين لنصائحك القيمة ,,,, الصراحه خليتني اتذكر شغلة جدا مهمه و عمليه الي هيه التي في تيونر ,,,,,, ان شاء الله مراح انساها من انزل للصناعه ,,,,,, بالنسبة للنركيلة اني ناوي ان شاء الله حته الجكاير اتركهه ,,,, اما بالنسبة للادويه ,,, هم عاشت ايدك و ايد الاخوة الاعضاء الي ذكرونه بيهه و ان شاء الله اشوفلي فد 3 راجيتات قجق ,,,,,, اما شغله النظارات الطبيه ,,خويك هم مشمول بيهه ,,,هههههه

تسلم يا ورد عالتواصل و الاهتمام بالموضوع ,,,,

[BaghdadGhost]

اختي omaha .....

عاشت ايدج عالشرح و تسلمين ,,,,,, بس هاي مال تنصيب صدكيني تصير لان اني لابتوبي هم من امريكا و كلبته على البطانه بالبرامج مال الصناعه ,,,,,,,

اخي ارقى شاب بالمنتدى ,,,,,

تسلم يا ورد عالمرور و النصائح ,,,, اني هم يمكن مثلك مراح اخذ هواي سيديات ,,, بس راح اخذهن كلهن ام ال 9 كيكا ,,,,,,

اختي ساسي ,,,,,

عاشت الايادي عالشرح و تفكير اقتصادي بححت ,,,,,,بالنسبة لاجازة السوق ,,, اني هم ماعندي قديمة (اعتياديه) بس لكيتلي ابن حلال (ياخذ فلوس) يكدر يطلعلي دوليه اصوليه مباشرتا دون المرور بفقرة الاجازة الاعتيادية ,,,,,,,

و الي يهمه الموضوع ,,,, بس يوصل هناك للمديريه و يسال الحرس او عرض الحاجي و همه يدلو على الي يطلعلهيا بدون اجازة اعتيادية ,,,,,,,


اخي كومار ,,,,,

تسلم حبيبي عالملاحضات و ربي يخليلك بنتك الصغيرة و ان شاء الله توصل لمرحلة السفر عن قريب ,,,,

اتمنه مشاركات اكثر بالموضووع و بالاخص من الاخوة و الاخوات الي وصلوا لان كلامهم يكون ذهب و نابع عن تجربه ,,,,,, بكثرة المشاركات دائما تتذكر هواي امور ....

[★AbN✰BaGhDaD★]

عاشت ايدك اخوية العزيز شبح بغداد على الموضوع الرائع والمعلومات المفيدة

ابن بغداد

  VA

[anwarchalabi]

اخواني الاعزاء
من الشغلات اللي رزلتني امي بسببها من راحت و وصلت قبل 5 ايام الى جاكسونفيل ,فلوريدا
من الشغلات اللي رزلتني عليها لان ما عرفتها من المنتدى الحبيب و ما كلتلها تشيلها وياها
القوري والكتلي مال الشاي
ودله القهوه
لان هناك غاليه مقارنه بالعراق والدول المجاوره
هسه اهلي دا يهدرون شاي بالجدر مال الطبخ هع هع هع هع
بالمناسبه جنطه المرأه لا تحتسب هاند باكـ,,, يعني اخواتنا المسافرات يكدرون يشيلون جنطه ايد وهاند باكـ بنفس الوقت.
وبعد شغله
الميزان مال كل مطار ما مضبوط
لان احنا كان مقرر النا بكل جنطه 15 كيلو وكان مع اهلي 10 جنط
جبنا ميزان الكتروني وعبينا الجنط و وزناها ع الشعره والميزان حساسيته 2 غرام
خلينا كل جنطه 14و950 غرام
من اجوا بالمطار وزنوها طلعت الجنطه وزنها يتراوح بين 11 و12 كيلو
يعني جان نكدر نزيد بعد فد 3 كيلوات بكل جنطه
ميزان المطار ما مضبوط ولكن الوزن لصالح المسافر يعني تكدر تزيد فوك الوزن المسموح ب 2 الى 3 كيلو
وكل واحد وقناعته الشخصيه
بكل مطار تفتيش الجنط مو قوي بس كلها تمر بسونار واذا الجهاز كال طااااااااااط عاد الجنطه تنفتح
هاي كل الملاحظات اللي اذكرها الان
شكررررررررررررررا لصاحب الموضوع وشكرررررررررررررا للمنتدى
انور الجلبي

[angie-dawood]

عاشت الايادي اخي شبح بغداد وانشااللة السفر القريب والتوفيق في كل مراحل الحياة

[dodo micheal]

شكرا اخويا العزيز على الموضوع المفيد انشالله الكل يستفاد
والله يباركك ويحميك

[ابو لانا]

بلفعل مميز وكل مواضيعك مميزة دمت لنا اخ عزيز نفتخر بي
احترامي وتقديري

[فصولي]

         أخواني الاعزاء في هذا المنتدى الجميل أحييكم أجمل تحية وأجمل سلام..لقد تطرقتم الى
         
        كافة المواد من اللابتوب الى الناركيلة الى الكتب والملابس وقدور الطهي والمحولة والى ابسط
 
        الاشياء... ولي عتب عليكم كبير للذي يهمه الامر ..

        هل فكر أحدكم .أو جاء على باله .( كتاب الله العزيز.. القران .) هل نسيتوه . ولم يأتي على بال

       أحد منكم ... هذه نقطه أسجلها على أخوه لي في هذا المنتدى الغالي الذي أستفاديت منه الكثير

       أرجو أن لا يزعل واحد مني ...وأنا أخوكم فصولي وعن قريب أطلع على كاليفورنيا. الولايات المتحدة

[BaghdadGhost]

اخي ★AbN✰BaGhDaD ....

الشكر الجزيل على مرورك الكريم ولكن الصراحه اني كنت منتظر منك مشاركه تختلف باعتبارك واصل الشهر الفات ,,,, اتمنه تلبي طلبي و تشارك بذكر الامور الي اخذتها و الامور الي مفادتك من وصلت ,,

اخي انور الجلبي ......

عاشت ايدك ياورده على المعلومات القيمة ,,,,,,, ان شاء الله ربي يخليلك الوالده و الاهل ,,, والله ذكرتني بامي قبل يومين من كتلهه صبيلي جاي ,,, كالتلي مو تنسة تاخذلك فد جيسين جاي وياك ,,,,,, عبالهه رايح للصومال ,,,,

الاخت انجي ,,,,,,,

جزيل الشكر على مرورج و تسلمين ,,, بارك الله بيج ,,

اختي dodo micheal .....

مشكور لمرورج الكريم .....


اخي ابو لانا ,,,,,,

اني الي افتخر بمشاركاتكم بالموضوع لان الموضوع بلياكم مثل الشارع الاضلم ,,, مابي نور ,,,

[Safaa Alkhrkhy]

اخي العزيز فصولي.............
بالنسبة الى الطرح الذي طرحته فهو ــ بالنسبة لي ــ موجود اعني انني سأخذ معي(وبدون ادنى شك) نسخة القرآن الكريم بالاضافة الى انه عندي في الكومبيوتر ختمتين للقرأن + اربع ختمات في ال iPod  ولعل هذا الامر هو (اكثر منه شخصي بحت) من عام فهناك الكثير من الاخوة المسيحيين في المنتدى ولعل البعض يفضل ان يقوم بالحصول على نسخة القرآن الكريم من امريكا اقصد من مكتباتها........... ولك الشكر مرة اخرى

[BaghdadGhost]

اخي فصولي ,,,,,,

طبعا ما اعرف شون هيج استنتجت ,,,, ولكن احب اكلك بان عدم ذكرنا لكتب الله (القران الكريم و الانجيل و غيرها) لعده اسباب منها :

1. قدسيه هذا الشي و عدم مقارنته او ذكره مع بقية الامور الي ذكرت ....
2. الكل متاكدين بان الكل راح اول شي ياخذوه معاهم هو  كتب الله....
3. اخذ  كتب الله هو خطوة غير قابلة للنقاش ,,,, ليس مثل بقية الامور الي نتناقش بيهه ...
4. محاولة الابتعاد بشتى الطرق عن الامور الي تميز الاديان فيما بينها ,,,, و بالتالي تميز الاعضاء فيما بينهم ....
5. انا عن نفسي راح يكون كتاب الله معي طيله الرحلة وليس في حقيبة السفر ,,,, لذلك و بالاضافة الى الاسباب اعلاه ,, مراح يكون  كتاب الله طرف في نقاشنا هذا ,,,,,


لتتصور اني زعلت من قريت مشاركتك .... بالعكس اني احب ان اشكرك لان يجوز غيرك من الاعضاء هم ينتبهون لعدم ذكرنا  لكتب الله في النقاش ,,,, و الان و بعد ردي هذا ارجوا ان تعذرني و يعذرونا الاعضاء و الزوار ,,, لاننا لم ننسى ذكره و انما تجنبنا هذا الشيء لنوايانا السليمه ......

[★AbN✰BaGhDaD★]

اخوية العزيز   شبح بغداد..كل  الحاجات  اللي  اخذتهة وياية ..ذكرتهة بموضوعي  ..بس  هم راح اعيد ذكرهة  هنا  هم ...

1-  الملابس    اهم شي  هنا  الجم شوز عدد/3
وشورتات  رياضة  عدد/3

2-شغلات الحاسبة ...ستكرز للكيبور عربي
ومايكات  عدد/5 لان كلش  غالية  هنا
ماوسات  عدد/3

كامرات عدد/2  للحاسبة 

موبايل  عدد/2 عربي

ماكنة حلاقة ..

كامرات تصوير دجتال 

عطور  ..عدد 3  لان  غالية  جدا

وتحياتي للجميع 

ابن بغداد 
VA

[angie-dawood]

اخواني الاعزاء اني من ذكرت عن الكتاب الدين ( القران ) او حتى كتاب ( الانجيل ) ما كان قصدي اي اساءة لا سامح اللة والكل يعرفني  نظرتي من ناحيتة الديانات واحترامهم من كلت يشترون اسفة على التعبير لكنة ليس كان قصدي اي شي وانما فعلا موجود بالمكاتب وحتى امام عيني رايت سيدة تسال عن الكتاب من المكتبة وقالت اريد ان اهديه الى صاحبتي وهذا ارقام المكاتب حتى تتاكدون من صدق كلامي
المكتبة الاولى هي الزهراء  العالمية  هاتفها هو بدالة 1313 هاتف 5845265
والمكتبة الثانية هي غازي سعد هاتفها بدالة 1313 هاتف 8461187
والمكتبة الثالثة هي الشرق الاوسط هاتفها بدالة 1313 هاتف 5825271

طبعا كلهم في ديترويت 0 ديربون اي شخص يستطيع ان يتصل ليتاكد من صحة كلامي واسفة على التعبير ولكم جزيل الشكر 00

[★AbN✰BaGhDaD★]

اختي  الغالية انجي .. كلنة نعرفج  انتي شنو . ومنو ...وماتحتاجين شهادة  من احد ...
ومعروفة  بمواقفج وارائج النبيلة .. تجاه جميع الناس  بمختلف  قومياتهم واطيفاهم ودياناتهم ...

وشكرا لسؤالك واتصالك ..
وشكرا لخدمتك جميع الناس  والله يكثر  من امثالك يوفقك ..وربي يحقق  جميع احلامك وامانيك الحلوة

والصراحة بخصوص  هذا الموضوع هنا هم بفرجينيا ...اي  مكتبة  عند السؤال على اي  كتاب  مثلا القران الكريم ..نقول  بكم هدايتة...؟

وارجع اقول  يا اخوان ..الدين هو دين العقيدة  ..دين القلب  والنية ...

واحيانا يكون هناك سؤ فهم بالمعنى والتعبير وليس في النية  لكون اللغة تختلف في امريكا ....

تحياتي للجميع
ابن بغداد

 va

[Iron_man]

شكرا لك اخي الشبح .... لقد تعودنا دائما ان نجد مواضيع مهمة ومشوقة لأهم استعدادات السفر من قبلك ....

فيما يخص الحاجيات المراد اخذها معنا للسفر .... حقيقة لم افكر بعد وبألتأكيد فهي جملة امور يجب وضعها في List حتى لا ننسى شيئا .... منها الملابس ، وبعض مستلزمات الكومبيوتر مثلما تأكدنا من اخواننا في الولايات مسبقا ... كونها غالية الثمن .

للتذكير فقط :
الحالة الاجتماعية : اعزب
الولاية : الينــــوي

وشكرا

Iron_man

[رائد واشنطن]

الى الصديق فصولي:

تداخلا على تعقيبك وموظوع احضار القرآن الكريم:

ان موظوع النقاش هو (القلاقيل) ولا اعتقد ان ذكر الكتب المقدسة يندرج ضمن قائمة (القلاقيل)

مع تمنياتي لك بالموفقية

[شلعو كلبي ال IOM]

السلام عليكم

اخي العزيز شبح بغداد مشكور هلى مواضيعك الهادفة والي دائماً نستفاد منها ,, طبعاً اني بعني منتظر موعد السفر و ممقرر شنو حاخذ وياي بس اني محتار بشغلة وحدة وهي مكينة الحلاقة اني حاخذ وياي وحدة منا لآن اخاف من اوصل هناك ما اكدر اشتري وحدة بسع لان اني رايح وحدي و المدينة الي رايحلها ما اعرف بيها اي واحد لا عراقي ولا امريكي ,, واخاف اطول المدة واني ما مشتري مكينة و تطول لحيتي و يعتبروني من جماعت القاعدة  واني بالموت يلة حصلت على هاي السفرة ( بعد من اسمي مبين مشلوع كلبي )

تحياتي للجميع

[BaghdadGhost]

اخي شلعوا كلبي ,,,,

اسف للتاخر بالرد ,,,,, اني من رايي اذا مكينتك 110 فولت و كلش عمليه و تسوة الواحد ياخذهه ويا ,, اخذهه ,,,, اما اذا مكينه اعتيادية لا والله عوفهه و كضيهه مواسة باول ايام لما تاخذلك وحده مرتبه ,,, اني هيج راح اسوي لان مكينتي ممقتنع بيهه و مو كلش عمليه خصوصا بشغله تحديد السكسوكه .....

[عاشق تراب العراق]

اخواني الموضوع جدددددددا مفيد  ,   اني كول ناخذ اطقم صلاة لان بصراحة متوفرة و رخيصة على الاقل هذا الكلام للزوجة و للبنات اعتقد هم تفيد لان اكيد حتى اذا موجودة هناك فراح تكون غالية

طبعا قبل كم يوم دخلت محل و كان اكو عراقيين على ابواب سفر و اشترو سيت طاوات عدد 3 و جداري عدد 3 و الرجال صاحب المحل لفهة و رتبهة الهم بجنطة من جنط السفر مالتهم

[BaghdadGhost]

اخي عاشق تراب العراق ,,,,,

طبعا انته ذكرت موضوع جدا مهم الا و هو الملابس الاسلاميه ,,,,, لان اني الي سامعه بان كلش غاليه بامريكا ,,,,,, اما مساله ادوات الطبخ ,,,,, اني الصراحه مو ام بيت و راح اكضيهه توست و طماطة هناك لذلك هذا الموضوع تعذرني بي ,,,, ههههههه


احد الاخوان سال على بريد بغداد و امكانيه ارسال الاغراض الزائدة عن طريقهم ,,,, طبعا وصلت لهناك و سالت و كان الجواب بانهم كانوا يرسلون العام الفائت الى امريكا ولكن هالسنه توقفوا من فعل هذا الشي لقله الزبائن ,,,,,, فلذلك لغوهه للسالفه من العرك ,,,,,

[حلو الكلام]

بارك الله في الذين يساعدون الناس بالمواضيع الحلوة

[BaghdadGhost]

تسلم حبيبي حلو الكلام عالمرور .....

[شلعو كلبي ال IOM]

السلام عليكم

اخي العزيز شبح بغداد اشكرك على ردك و نصيحتك ألي بشغلت المكينة مال الحلاقة ,, حجيك مضبوط والله ممكن نكضيها مواسة بس المشكلة بشارب شلون يعني هم اضربة موس  زين خاف اضربة موس ويروح يبلغ علية وتدري هناك امريكا س و ج و ليش ضربتة موس فاني شلي بهاي الشغلة اخذلي مكينة و اخلص اشتغلت خيراً على خير ما شتغلت اذبها هية ب 30 جنية
و اليوم اسوكت مسواك السفر و بصراحة ما مشيت بارئي اخوانة بخصوص الملابس لان اني حاليا بمصر و اعرف هواي ناس امريكان هنا بمصر و همة من نفس المدينة مالتي الي حروحلها وكالو اشتري هدوم من مصر لان ارخص لان انته رايح الى مدينة سان فرانسيسكو والي هية اغلى مدينة بامريكا من بعد لاس فيكاس طبعا كالو ولاية فلوريدة من الولايات الغالية بكل شي ,,

بقى عندي مشكلة الشغلات الالكترونية و الكهربائية ,, بس هم لكيتلها حل ويمكن تفيد اخوانة الباقين

اخوان اكو موقع جدا معروف و مشهور واعتقد الكل يعرفو وهو ( MYEGY.COM ) هذا الموقع بي كل ما تحب من افلام اجنبي و عربي و كارتون ,, وبي احدث انواع البرامج الي تخص الكمبيوتر طبعاً هذا الموقع هو اسهل موقع تنزيل اني دخلت علية يعني اي شخص يدخل ممكن ينزل منة بسهولة وبدون تعقيدات و كلشي افلام و مسلسلات و برامج

اما شغلة الالكهربائيات فاخونة ابن بغداد ( الي دائما متميز بمواضيعة الحلوة ) فساعدنا و اني شفتة منزل موضوع و مخلي بي مواقع للتسوق في امريكا و كلشي تكدر تعرف سعرة و هذا الرابط يدخلكم على الموضوع

http://www.ankawa.com/forum/index.php/topic,298683.0.html

 فالي يريد ياخذ اي شي كهربائي يكدر يدخل على هاي المواقع ويشوف سعر اللالة اذا ارخص بامريكا يشتريها مناك واذا اغلة يشتريها من بلدة
مثلا اني ردت اشتري كامرة دجتل بس بعد ان جيكت سعرها بامريكا شفتاه بامريكا ارخص و جودتها اعلى مميزاتها اكثر قررت اشتريها من امريكا لان سعرها بامريكا ارخص من مصر ,,  و هكذا كل شي كهربائي

اكو شغلة ثانية اكدو عليها اصحابي الي بامريكا و هواي ناس شفتهم كاتبن عليها وهي ( قوري الجاي ) طبعاً هواي من اصحابنا من نزلو بالشقة مالتهم الجديدة و لكو كلشي مو جود الا (قوري الجاي) فاني اكول ليش تروح تسأل ودور هناك اخذ واحد احتياط اصغير و بعدين من تتعرف على الوضع و المكان الي انته بي بامريكا تكدر اشتري واحد اكبر
وطبعاً اسف على الاطالة و يارب يكون شرحي مفهوم

وشكرا اخي شبح بغداد على هذا الموضوع المهم و يرب الجميع يوصلون بالسلامة

[vincenzo]

صارلي اسبوع اقرا يومية شوية بهالموضوع واولا اريد اضيف رابط لموضوع متالقنا لهذا الشهر ماثيو حول الحقائب
http://www.ankawa.com/forum/index.php/topic,271751.msg3679470.html#msg3679470
ففيه معلومات جيدة حول نفس الموضوع بالاضافة الى المواضيع المهمه المثبته وخصوصا هذا الموضوع
http://www.ankawa.com/forum/index.php/topic,245217.0.html
وخاصتا الجزء اللي مسولف بيه موتوني عن الاشياء اللي ندم انه ما اخذهه واللي ندم على اخذهه

وعندي اسالة:

1-   الشبح: هل يوجد موقع بالانترنت ممكن ان نعرف من خلاله ان الاجازة الدولية مقبولة وفي اي الولايات وشنو ارخص واسرع ان نطلع هاية الدولية لو نروح لامريكا ومناك نطلع الاجازة مالتهم.
2-   الاخوة والاخوات في امريكا: شلونهه اسعار كماليات الحاسبات مثل الكيبورد والماوس وال ويب كام والهارد درايف وكارد الشاشة والتي في تيونر .... الخ في امريكا عموما مقارنتا مثلا بشارع الصناعة ببغداد.
3-   صفاء الكرخي: شكد سعر الدش الصغير جدا وال LNB بامريكا حتى هم ناخذه ويانه اذا كلش غالي.
4-   الاخت اوماها: بناءا على ما تفضلت به...ليش ماكو جداري وطاوات بالاسواق بامريكا ؟؟؟ وثم اني هم اؤيد اللي تفضلوا بيه الاخوان بالنسبة للاب توب لان اني هم جانت عندي وحده اج بي بافيليون مشتريهه من سوق بقاعدة امريكية وهم حرت شانصب بيهه برامج وحتى الاوبريتنك سيستم هم غيرته كذا مرة وقسم منهه بسيديات الصناعة وعادي.
5-   ارقى شاب بالمنطقة: الهاند باك شكبرهه؟؟ او شنو قياساتهه ؟؟ ان وجد......لان عندي صديق طلع قبل كم يوم عن طريق بغداد-دبي-لتلانتا وكان كال اللي عنده جنطتين من ذني مال الجيش اللي ممكن ينشالن عالضهر ووحدة شحنوهه ووحدة بقت وياه بالطيارة وما وزنزهه رغم كون الجنطتين متشابهات بس هو ما خله بوحده الشغلات اللي ميصير تبقه وياه بالطيارة ...... بالمناسبة هو ما مقدم على مساعدات يعني راح على حسابة والتذكرة كانت 1420 دولار.
6-   النظارات الطبية يعني شكد سعرهه بامريكا؟؟؟
7-   البصير: شنو اطفالك بيناتهم شهر واحد؟؟؟ اني متاكد خطا مطبعي
8-   ساسي: اذا الواحد يحجز على حسابة يصير يكللهم اني ما اريد اكل حتى يقللون سعر التذكرة ؟؟ وياخذله مثلا فد باكيت بسكت عملاق يكفيه طول الرحلة....(سؤال مصلاوي)
9- شنو ارخص طريقة لنقل اشياء ثقيلة وغير ثمينه قبل او بعد ما الواحد يسافر؟؟؟ يهني شغلة الكيلو بدولار او هالحوالي... وخلي تطول شكد ما تطول

[untitled.man]

اخوية شبح بغداد...

عاشت ايدك على المواضيح الرائعة والهادفة واللي فائدتهه جدا عظيمة....

بالنسبة للقلاقييل... والله ما متأكد من الاشياء اللي راح اخذهه لانه لحد هذه اللحظة ما اعرف الطفل اللي اقل من سنتين عنده جنطه حاله حال البالغ لو لا !!!؟؟؟
طبعا هذا الشي يأثر لانه اذا ماكو لازم الخمسين كيلو مالتنه تشمل حاجيات الطفل بصورة رئيسية وخصوصا الملابس الشتوية لانه انشالله رايحين لدنفر، كولورادو وهي نوعا ما شتاهه بارد... واعرف كلش زين انه اسعار الملابس رخيصة ومتوفرة بالمولات وكلشي موجود... بس واحد يحجي الصدق... خوما من اول يوم تروح تصرف... لازم انته تلزم ايدك وتعتمد على اللي عندك... فالاولوية راح تكون لتجهيزات الطفل ومثل ما تعرفون هيه صح خفيفه بس تاخذ مكان... وبعدهه شغلاتنه اني وزوجتي...

بالنسبة اللي اني رتبت اموري واشتريت (Black Trunk) عدد 2 من الـ PX وانشالله راح اخلي بيهن الشغلات اللي احتاجهه... مثل:
- ملابس شتوية
- كتب ومحاضرات
- احذية (تكرمون)
- عندي Docking station للحاسبة معتز بي جدا...
- بعض قلاقيل الحاسبة (CDs, Power Cord, webcam, mouse, keyboard, Hard Drive)
وشغلات اخرى... راح اخليهن بهذني الصندوقين واسلمهن لصديق ثقة وانشالله يدزلياهن...  او احتمال اني ادزهن للمكتب الفرعي اللي راح يتكفلني واخليهم يحتفظون بيهن لحد ما نوصل (طبعا وره ما اعرفهم همه منو وادزلهم ايميل اوضحلهم هذا الشي وعقدة العشرين كيلو مالتنه)... وطبعا باستخدام United State Post Service - USPS واللي راح تكلفني تقريبا 60 دولار لكل 34 كيلو... والعملية اسهل واضمن...

تحياتي

[ايام]

السلام عليكم ,,,اخوانى لا تشترون شى زايد بس الى عدكم وخففومن الاغراض لان بهذلة بالمطارات ,,
والله كلشى اكو اهنا بامريكا واسعار احسن ونوعيات احسن يعنى لابتوب توشيبا وبمواصفات زينة ب 400 دولار واكو اقل طبعا ..لا اجيبون ملاعق ومواعين  وما ادرى شنو اصلا هاى ببلاش ينظوها الكنيسة ,,
وكاميرات احلى واذا مو ارخص نفس الاسعار بس نوعياتها كلش زينة ..

[BaghdadGhost]

اخي شلعوا كلبك ,,,,,,

تسلم يا ورد على الكلمات الجميلة ,,,, بالنسبة للشارب ,,,, هاي سهله ,,, الحل ان تعوفة بحاله بالاسبوع الي تسافر بي و بعدين من توصل و تشتري مكينه عود ذاك الوقت اقسي بي ,,,, منو جاب شغله المواسه بالطاري ,,,,, هههه 

اليوم اني كنت بالشورجه و تحديدا بالميدان يم المحلات الي يبيعون مكاين الحلاقة ,,,,, صدكني ملكيت مكينه بيهه خير ,,,, بس الصيني و الالماني ,,,, الصيني ميحتاج اسولفلك عليه ,,,, و الالماني بس  نوعيه وحده و مو عمليه ,,,,, يعني متسوة شيلتهه ,,,,,

مشكور على اضافه الموقع الممتاز لتحميل الافلام و المسلسلات من النت و ايضا على لنك موضوع الاخ ابن بغداد لان اني بوقتهه هم استفاديت منه و من اللنكات المذكورة بي ,,,,,

اما قوري الجاي ,,,,, اويلي عالجاي ,,,,, طبعا اني راح اخذلي قوري ابو التخديرة مال بالزايد اربع استكاين ,,,,, و هم راح اخذلي نص سيت استكاين من هاي المرتبه الكشخه مو من هاي الطين اصطناعي ,,,,, كلهه انحنائات ,,,ههههههههه

[BaghdadGhost]

اخي فنجز ,,,,,

مشكور حبيبي لاضافه اللنكات للمواضيع الرائعه لاخواننا المتالقين الي سبقونا بهذا الموضوع ,,,,,

بالنسبة لسوالك لي حول اجازة السوق ,,,,,,

دورتلك على موقع بس  الصراحه ملكيت و الحل بانك مجرد ان تسال اي شخص او صديق لك في الولايه الي تريد تروحلهه و هو راح ينطيك الزبده مال اجازة السوق ,,,,,

طبعا اني مثل مكتلك قبل بان صاحبي هو الي نصحني باستخراجها لان يمكن العمل بها و معترف بها في فلادلفيا ,,,,,, و اهل الولد هم دازين بيدي اجازة لاخوه الي موجود بنفس الولايه ,,,,, طبعا هو كلي بان راح تجنبني استخراج الاجازة من بنسلفينيا و اكيد كلي بان اصرف بالنسبة للجابن المادي ,,,,,

اتمنه من بقية الاخوة الاعضاء يجاوبوك على استفساراتك ,,,,,,

[BaghdadGhost]

حبيبي الزلمه البليه اسم ,,,,,,

شكرا الك حبيبي و الموضوع منور بمرورك و مشاركتك ,,,,,

بالنسبة للطفل الي اقل من 2 سنه ,,,,, ما اله جنطة سفر ام ال 20 كيلو و همين ما اله الحق بهاند باك ,,,,,,, عندي الك تصحيح صغير للمعلومه ,,,,, انته من حقك 60 كيلو مو 50 ,, لان انته و الزوجه كل واحد يحقله بهاند باك ,,,,,, هاي سوينالكياها بعد شتريد ههههههههه  

تصدك اذا اكلك شغله المكتب الفرعي كلشي مفتهمت منهه ,,,  ممكن توضيح اكثر حبي ,,,,, زين و ال USPS عدهم فرع بالمنطقة الخضراء ؟ زين اذا عندي اسكورت اكدر ادز لامريكا لو الا بعدني اشتغل ؟

ممنون مقدما ,,,,

الاخت ايام ,,,,,

تسلمين ورده على المرور و بارك الله بيج على النصيحه ,,,,,,,, الصراحه الموضوع اني كتبته بالدرجه الاولى حته نعرف شنو الامور الزايده و الي راح تكون مجرد عبئ على المسسافر ,,,,,,

شكرا مرة ثانيه

[BaghdadGhost]

PCMCIA ,,,,,,, TV Tuner,,,,, Satellite Receiver

لسؤال بعض الاخوة عن هذا المنفذ الموجود في اغلب الاجهزة المحموله و لتعدد استخداماته التي تمكن المستخدم من تحويل جهاز الكومبيوتر الى تلفزيون او رسيفر و تلفزيون في نفس الوقت ,,,, حبيت ان اضع بين يديكم الصور ادناه لتوضيح الامور اكثر للاخوة الاعضاء ,,,,,

اول شي وين تصير هاي الفتحه في اللابتوب ,,,,, لاحظ الصور ادناه ,,,









لمعرفه شكل الكارد TV Tuner & Satellite Receiver ,, ملاحظه الاصور ادناه








الرجاء ملاحظة الاختلاف في نهايات الكارد في الصورة ادناه و التي تعتمد على نوع المنفذ في اللابتوب ,,,,





لمعرفه اليه عمل الكارد ملاحظة الصورة ادناه ,,,,,








لمعرفه شكل الكارد الي يضاف على الدسك توب ملاحظه الصور ادناه ,,,,,,









اسف للاطاله ,,,,,

[BaghdadGhost]

S-Video out

و هي طريقة من طرق ربط جهاز الكومبيوتر بالتلفزيون او اي شاشه عرض خارجيه ,,,,, لقيام بعض الاخوة بالسؤال على شكل الكيبل ,,,,,, ساقوم بتوضيح الامور التاليه ,,,,,,

اي فديو يحتوي على نوعين من الداتا ,,,,, صور متحركة و صوت متوافق مع الصور ,,,,, لذلك يجب التعامل مع الفديو على هذا الاساس ,,,,, اي يجب ان تتوفر طريقتان (كيبلان) لنقل الفديو ,,,, احدهما للصوت و الاخر للصورة ,,,,,,

اول شي لازم نعرف شكل الفتحه في جهاز الكومبيوتر ,,,,,,, لاحظ الصور







بالنسبة للدسك توب لاحظ الصور التاليه ,,,,,,,








هسه نجي لكيبلات الاوديو و الفديو ,,,,,

بالنسبة للاوديو ,,,, الكيبل يدخل في فتحه السماعه في اللابتوب ,,,, و يكون الكيبل بالشكل التالي






هسه نجي للفديو ,,,,,,, توجد نوعان من الكيبلات ,,,,,

الاول هو التحويلة المباشرة و الي بالنتيجة تحتاج كيبل اعتيادي شون الي بين التلفزيون و الستلايت (الفيشه الصفراء فقط) لاحظ الصورة



او هذا النوع ,,,,,




النوع الثاني هو الكيبل مع الفيشه كما في الصورة



بالنسبة الي حاليا استخدم كيبل مثل الي بالصورة السابقة و كيبل صوت مثل الموجود في صور الصوت ,,,,,,

ولكن الي يلكي الكيبل الموضح في الصورة ادناه ,,, ايده بالدهن ,,,,,,, ههههههههه لان يجمع الاثنين و ارتب



هم اعذروني لان طولتهه عليكم ,,,,,

[vincenzo]

يمعود شنو طولتهه!!! اصلا انته طلعت داهية بالصور
ادري متكلي منين حصلتهه
بدون مبالغة هذا ارتب توضيح بالصور اني شايفة بهالمنتدى لمسالة من المسائل بالاضافة لتوضيح احد اخواننا بامريكا (يمكن هيثم) عن التفتيش بالمطارات

بس كلي صديقي هاي الكيبلات والفيش رخيصة بامريكا لو ناخذلنه فد كلكشن من باب الشرجي اللي بيه كلشي الحاجة بربع ولو اني عندي معضمهه بس الواحد ميعرف شنو ممكن يحتاج بعدين

عاشت ايدك

[vincenzo]

بالمناسبة
اني ما شفت رسيفر كارت
وانما كلهه صور للتيفي تيونر وينراد رسيفر خارجي

[Sasy]

عاشت ايدك على هذا الشرح والصور يعني انت صدك وردة يعني المفتهم الحجي توضحت بالصور وبالنسبه للستكاين مال الجاي عجبتني اكول يكون تعزمنه على ستكان جاي ولو اني ميكفيني ستكان واحد فحط بالك ستكانين

مشكورر على هاي المبادرات الحلوه الي مو غريبه من الشبح

تحياتي
اختكم
ساسي

[Iron_man]

عاشت ايدك اخوية شبوحي الوردة .... الشرح وافي وكافي لكل من يقرأ ولجميع المستويات ....


تقبل مروري

Iron_man

[ارقى شاب بالمنطقة]

اخوان مرحبا من جديد
مثل متعرفون اني وصلت صار 10 ايام ورح اكوللهكم ملاحظاتي
اهم شغلة جبتهه، او بالاحرى شحنتهه هي النركيلة لان هنا سعرهه 5 اوراق
المعسل والفحم موجود اكو محلات عربية كلشي بيهه
بالنسبة للملابس اني كل الي اخذته وياية هو سيت واحد بالاظافة الى السيت الي جنت لابسه
وثنيناتهن ذبيتهن لان من البسهن مبين ذاااااااااك هو جاي من غير مكان
بالاظافة هنا كله شورت والحك ربعك,,,
بالنسبة للتحويلة مال كهرباء الصراحة افتريت وملكيت لذلك اضطريت احور كصيت راس البلك وشكلته ببلك ثاني وضربته تيب، ما اعرف اذا اكو تحويلة ببغداد لو لا حتى تجيبوها وياكم،، هاي بس في حالة اذا اخذتو  جهاز كهربائي وياكم لان اذا تشترون منا كله كصة وحدة ويرهم وممنون

اخوان اي واحد عنده سؤال بهالخصوص او على اي شي اخر خلي يدزلي رسالة لان ما الحك اقره كل الردود لان وقتي محدود جدا جدا
تحياتي

[شلعو كلبي ال IOM]

السلام عليكم

اخي العزيز شبوح شكرك اخي على ردك و اشكرك على تنبيهي بمسألة الستكانات ,, اني بعد كم ساعة واطير الامريكا وانشالله اكتبلك مناك وكلك شنو الاشياء الي ستفاديت منها وشنو الاشياء الي ذبيتها بس كون اوصل بسلامة

تحياتي للجميع

[BaghdadGhost]

اختي ساسي ,,,,

يمعوده جنج على استكانين جاي ,,,,,, قوري مو بس استكان بس ان شاء الله من تبشرينه باخبارج الحلوة من المقابله ,,,,,,, الموضوع منور بيكم انتوا ,,,,,


اخي الزلمه الحديدي ,,,,,,,

حبي مشكور على ملاحضتك و اني طلبت منك هذا الطلب لان اني اومن بالمثل الي يكول ,,, انطي الخبز لخبازته ,,,,,,,

تسلم ورد

حبيبي ارقى شاب بالمنتدى ,,,,,,

تسلم ورد عالملاحظات ,,,,, و الله هاي سالفه النركيلة صار اكثر من عضو ذكرهه ,,,,, يولد مو تنسوهه ترة بوري ابو ال 500 دولار ,,,,,,

والله اني من ذيج المرة قنعتني بان ما اخذ اي ملابس ويايه و هسه اكدتهه ,,,,,

اخي شلعوا كلبك ,,,,,

توصل بالسلامه ان شاء الله و اني  بس ردت اذكرك حته لتكون ناسي شي قبل السفر ,,,,,,,

[haider82]

مشكوووووووووووور شبح بغداد
والله مبين تعبان هواية على الصور والشرح عاشت ايدك

[BaghdadGhost]

تسلم حبيبي حيدوري عالمرور ,,,,,,

مو مشكله التعب ,,,,, اهم شي الواحد يعرف دربه ,,,,,,

اخواني الاعضاء ,,,,, اوعدكم بان الموضوع سيكون متجدد عن قريب ,,,,,,

[أم يلدا]

تحياتي لكم جميعا واشكر الاخ شبح بغداد على طرحه لمثل هذا الموضوع الحيوي والمهم

لقد قرأت كل المداخلات ولكن السؤالين المهمين بالنسبة لي لم يتطرق لهما أي أحد بكم..

انتم تطرقتم لموضوع القلاقيل اللي ممكن تاخذها.. لكنكم لم تطرحوا موضوع القلاقيل اللي لازم ما تاخذها وبالعكس لازم تاخذ الحذر وكل الحذر منها وتتجنب أنك تثير الشكوك عليك أو ربما اتصير مشكلة من وراها وتحقيق وأمن... شنو هي مثلا الامور اللي لازم ما ناخذها حتى ما تسوي لنا مشاكل بالمطارات؟.

السؤال الثاني هو عملية تسليم الجنط اثناء السفر.. انا في الاردن ولازلت بانتظار الفحص ولا اعرف متى السفر حسب اخير مكالمة من الاي او ام.. قالت لي جارتي بأن الجنط يتم تسليمها للمنظمة قبل السفر بثلاث ايام.. هل هذا صحيح؟؟ أم هو سفر عادي مثل باقي السفريات تكون الجنط وياك في يوم السفر وتدخل للمطار وياك عادي وبعدين تنفصل انت عن الجنط وانت تروح داخل للطيارة والجنط تروح للمخزن الخاص بالجنط؟ - هذا السؤال حيرني (ليش) ياخذون الجنط قبل السفر بثلاث ايام (لو كان كلامها صحيح)؟؟ يا ريت الأخ شبح يشوف هل هذا صحيح؟ أم جارتي غير متأكدة..

ولدي سؤال آخر وهو: هل الهارد دسك اذا وضعته في الجنطة الكبيرة سوف يتدمر اثناء الرحلة؟ هل سوف يفقد معلوماته (data) اثناء فحص السونار؟ انا أعرف انه لا يفقد المعلومات اثناء فحص السونار .. لكني احب ان اتأكد أكثر لأني لم أحمل هارد دسك في كل سفرياتي عبر العالم..

وسؤال آخر حتى تكون المشاركات كثيرة.. هو كيف يتم التفتيش للجنط؟ والتفتيش للأشخاص؟؟ في المطارات أو في مطار عمان؟ عادي مثل الروتين في السفر الدولي؟ لو الاجراءات للاجئين العراقيين تختلف وطريقهم بالسفر يختلف؟ هذا السؤال ما اعرف اجابته ..

وقبلما أروح.. كنت اريد أسال عن شياش الكباب والتكة والمعلاك؟؟ آخذهن وياي بالجنطة الكبيرة لو راح يعتبروها أدوات قتل وتصفية؟؟؟ لأن انا ما تفييدني الجدور والطاوات.. انا عايشة على الشوي والمشويات  هههههههههههههه

شكرا لكم
أختكم

أم يلدا

[كمال الشاطيء]

بارك الله بيك اخي العزيز شبح بغداد ويارب ييسر امرك لما تقدمه من فوائد لاخوتك في المنتدى واعذر تاخري في الرد على موضوعك الذي يستحق التثبيت والرائع جدا


الف الف شكر اخي الغالي

[ارقى شاب بالمنطقة]

من رخصة الاخ شبح هسه هو مشغول بالسفر رح اجاوب الاخت ام يلدا على كد الي اعرفه

اولا: الشغلات الي لازم ناخذ الحذر منها هي اهم شي والتركيز كله على حقيبة اليد الي رح تكون وياج بالطيارة
ممنوع اي نوع من الادوات الجارحة، سكاكين، مقص، ابره، مقراضه اضافر
ممنوع العطور ومعطر الجسم
في بعض الاحيان ومو بكل المطارات ممنوع اصطحاب طعام غير معلب يعني مو مسلفن من الشركة

بالنسبة للسؤال الثاني، اني كان سفري من بغداد الى عمان الى شيكاغو
الجنط يتم اصطحابها بنفس يوم السفر وتدخل وياج للمطار ومناك تنفصل عنج وتستلميها لاحقا

والتفتيش بمطار الملكة علياء، الجنط الكبار تدخل سونار
وجنطة اليد تدخل سونار 3 مرات ومرتين تفتيش يدوي مرة قبل الدخول الى قاعة الانتظار ومرة بباب الطيارة
ولتخافين ميكدرون يندكون بيج الاردنيين مادام تاشيرتج تقره امريكا

بالنسبة للهارد درايف كلشي ماعليه والمعلومات تبقى كما هي

بالنسبة لشياش الكباب والله ممتاكد لان ممجرب بس اعتقد هاي الاشياء متوفرة بالمحلات العربية فماكو داعي للمخاطرة، استغلي المكان بغير شغلات

ركزي عالدواء، اخذي كبسول التهابات (انتي بايتك) على شرط يكون مو اشرطة مفردة وانما باكيتات وبيها النشرة الطبية مالتهه منعا للاشكال

تحياتي

[ام يلدا]

تسلم عزيزي اجمل شاب بالمنطقة

هسه ممكن بعد فد طلب زغير

انت تقول انك مسافر من بغداد لعمان لشيكاغو
ممكن توصف لي الرحلة؟ وهل هذه الرحلة لشيكاغو ثابتة للمهاجرين العراقيين لأمريكا؟

وهل الطائرة مخصصة فقط للمهاجرين؟ لو هي رحلة دولية عادية

بالنسبة لمحتويات حقيبة اليد اعرف قوانينها لاني فارررة الشرق والغرب

بس امريكا ما واصلة لها

وردت أعرف ليش تقول لي ركزي على الأدوية وتريد مني آخذ انتي بايتك؟ هاي الفقرة ما فهمتها ابد 

أختك ام يلدا

[ارقى شاب بالمنطقة]

الاخت ام يلدا
بالنسبة للرحلة من بغداد الى عمان متهمج لان انتي ممشمولة بيها
وحسب معلوماتي تقريبا 80 بالمية من الرحلات تروح لشيكاغو والبقية الى نيويورك
الرحلة من عمان الى شيكاغو طويلة جدا جدا (13 ساعة ونص الى 14 ساعة)
اذا طرتو بسلامة عالخطوط الملكية الاردنية... حجاية الحق تنكال الخدمة عدهم زينه.. الطيارة حديثة جدا ويكضون الطريق يعرضون افلام ويوزعون اكل وشرابت بعدين فترة نوم... يعني اكو تنويع
الرحلة تكون دولية عادية وليست خاصة باللاجئين، ولكن رح يكون اللاجئين عبارة عن مجموعة معينة رح تلتقون وتتعرفون ببعض لان رح تشوفون اللخ هوايه

ملاحظة: موظف الآي او ام بعمان رح ينطيكم كارتات شكلهه طولاني ومملية بيها معلوماتكم عالعدد
كارتين واحد ازرق واحد ابيض... هذني تضموهن بجنطة اليد
قبل لتوصلون امريكا بساعتين هيجي المضيفات يكومن يوزعن مثل هاي الكارتات بس فارغة ويكولون الكل لازم تمليها،،، انتو لتاخذوها وكولولهم احنه عدنه اساسا
مطار شيكاغو كبير جدا جدا جدا والتنقل بيه عن طريق التيرمنال
مناك رح تطيرون لولايتكم بخير وسلامة وكلمن حسب ولايته
ملاحظة بخصوص اللبس اثناء السفر: الجو في اغلب مناطق امريكا مو بارد يعني زين لو حار في بعض المناطق ولكن اثناء الطيران خصوصا من شيكاغو الى المقصد الاخير يصير الجو كلش بارد، فيا حبذا لو تخلون فد جاكيت خفيف بحقيبة اليد للضروره فقط


بالنسبة للادوية اني ركزت عليهه لان بامريكا الدواء اول شي غالي وثاني شي صعوبة الحصول عليه لازم تروحون لطبيب وهي روحة الطبيب بحد ذاتهه صعبة، بعدين الصيدلية ميصرفون الدواء الا يتاكدون من صحة الوصفة ويخابرون الطبيب وكتابنا وكتابكم,,, فاذا لا سامح الله عدكم احد يستعمل دواء معين، من الافضل ياخذ وياه كمية زينه بس على شرط باكيتات جديدة وتحتوي على النشرات
وكذلك اذا واحد يلبس نضارة طبية خلي يسوي فد زوجين احتياط لان هنا هم غالية


تحياتي

[ام يلدا]

شكرا اخي اجمل شباب المنطقة

بس هم ما انطيتني تفاصيل دقيقة.. يعني ساعة بيش تطلع الطيارة؟ ليل نهار؟

وهل الرحلة دفعة كاملة لأن انا رايحة لبيت اقاربي في شيكاغو يعني الولاية مالتي هي شيكاغو
هل الرحلة  none stop flight

والسؤال الثاني هل هناك حجز مسبق للكراسي يعني اقصد هل كل اللاجئين يتم حصرهم في مكان واحد لو كل واحد حسب الكعدة مالته؟
بالنسبة للأدوية هسه يلا افتهمت
انا احاول اشتري بعض الادوية خصوصا حبوب الصداع والدوخة والاسهال
بس هل هاي الادوية اقدر احطها بالجنطة الكبيرة بدون راجيته الطبيب؟ لو الراجيته يردوها بس بالهاند باك؟؟
واشكرك اشكرك على كل تعاون

أم يلدا

[Iron_man]

مشكووووووووور اخي ارقى شاب وعلى كولة ام يلدا اجمل شاب هههههه ... وبارك الله فيك على هذه المعلومات ... يا ريت من الاخوة اللي طلعوا ومن لديهم الوقت ان يذكروا لنا مثل هكذا تفاصيل ....

وشكرا لك اختي ام يلدا على طرحك مثل هكذا اسئلة ومحاولة اثارة النقاش ... لأن صحيح ... كل ولاية شكل بس الشغلات اللي ذكرتوها تقريبا عامة للكل ...


وشكرا لكم

Iron_man

[ارقى شاب بالمنطقة]

اخونه العزيز الرجل الحديدي
الف هلا بيك اغاتي وان شاء الله يوم نسمع سفرك عن قريب

الاخت ام يلدا
الطيارة تطلع لشيكاغو اكثر شي بالنهار، بالنسبة النه طرنه من عمان ساعة 10 الصبح بتوقيت عمان
وصلنه شيكاغو ساعة 4 العصر بتوقيت شيكاغو
من تجين تحسبيهه من ال10 لل4 هاي 6 ساعات،، تنضافلهه 8 ساعات فرق التوقيت... يعني 14 ساعة بالجو
حسب ما ذكرو بعض الاعضاء اكو مرات يكون الطيران مراحل، كان ينزلون بالمانيا او فرنسا في بعض الاحيان، بالنسبة الي جانت سفرتي بدون توقف مباشرة من عمان الى شيكاغو

بالنسبة للكراسي، كل شخص رح يكون رقم الكرسي مالته عالتكت وغالبا يجمعون العائلة الواحدة يخلوهم سوية

بس اللاجئين ميكونون مجموعين بمكان واحد بالطائرة، كل واحد بصفحة وبيناتكم مسافرين عاديين اردنيين وخليجيين وامريكان خبط

بالنسبة للادوية خليهه بالجنطة الكبيرة والتركيز الاكبر يكون على النشرة الطبية مال دواء مو على راجيتة طبيب، بس اذا عندج راجيته يكون افضل بعد... خلي الادوية كلها بكيس شفاف واحد ورفقي وياه الراجيتات لان مرات يفتشون الجنط الكبار وانتو مموجودين

تحياتي

[ام يلدا]

أخي أجمل شاب بالحي
أشكرك على كل التعاون اللي تبذله وياي
طيب السؤال اللي هسه يطرح روحه
اذا الطيارة تطير بالعشرة الصبح مثلا
يمتى الواحد لازم يكون بالمطار؟
واشوكت يكعد من النوم اذا بيها ليلة السفر اغماضة عين ههههههههههههه
بصراحة انا كنت اتصور العصر او المغرب يكون افضل
بس السفر بالنهار طيران ما أمجربته كلشي جديد

بس هاي فقرة ان يفتشون الجنط الكبار وانتو ما موجودين
اشلون ووين؟
ومنو اللي يفتشها الاردن لو امريكا؟
وشنو دواعي التفتيش؟


أم يلدا

[ام يلدا]

أخي الزلمة الحديدي  iron man
اشكرك على المرور
كنت بس اريد اخبرك بشغلة
ان كل واحد بينا هنا عنده قصة من شكل
وكل واحد مصير شكل وكيس شكل
وسفر شكل
وصدقني ماكو اثنين لديهم نفس القصة وياخذون نفس المصير!!!


أم يلدا

[ماجلان]

.

[untitled.man]

اخي العزيز ماجلان...

بصراحة اني ما انصح بهذا الشي، تكدر تعوضه بلابتوب... بس اذا متوازي تكدر تاخذ محتويات الكيس فقط وماكو داعي للكيس كامل، ومناك تكدر تشتري واحد واللي هو تقريبا نفس سعره هنا، بين الـ 20$ للـ 40$...

بس اني اريد اسئلك سؤال... يعني معقولة عندك هيج مجال بالجنط علمود تريد تلخذ كيس كامل وياك؟؟؟

تحياتي

[ماجلان]

.

[vincenzo]

نفس سؤالي اللي جنت حاير بيه قبل حوالي 6 اشهر صديقي ماجلان
واني جنت اسال لان عندي دسكتوب سستم HP طرح حجمهه زغير كلش وشاشتهه LCD 15 انج يعني زغيرونه بس المشكله كلش ثكيلة ما اعرف شيخلون بيهه هههههههههه يعني مو بوزن الكيسات اللي احنه نجمعهه بالصناعة وبوكتهه اعضاء جاوبوني انه ماكو اي مشكله وحالهه حال اللابتوب
المشكله مال حاسبتي متتفصخ لان معقده واصلية
اما بالنسبة للدسكتوبات التجميع اللي تصير Tower غالبا ومعظم الكيس فارغ بالحقيقة فعندك خيار ثاني وهو ان تفصخهه (موذر بورد وبروسسر ورام وهارد ودسك درايف...الخ) فتصير هواية اخف واصغر وتحطهه بالجنط

اكو هم خيار لاخ للنوعين وهو ان تشحنهه بالبريد البطئ (البحري...بالنسبة الك من عمان ولاحظ موضوع عكعك الاخير )

الحاسبات من هالنوع الجديده والخوش مواصفات كلش غالية باميركا نسبتا لسوكنه بس سعرهم كلله بالوندوز واذا انضرب يذبوهه فهناك تلكه هواية جهات توزع حاسبات دسك توب ببلاش حسب ما سمعت لان المؤسسات تجدد كل فترة وتتخلص من القديم بالاضافة الى حالة عطل ال O.S اللي كتلك عليهه

بس شلون متصير اذا تنشحن بالبريد وحاسبتك ومعتز بيهه اصرفلك مما تشتري مناك او تروح تدورلك مستعمل او جديد....عليمن هالصرف!!!

نسيت ما كتلك انه جواب اهل الخبرة انه كلش عادي تخليهه بالجنط وماكو اي مشكله

[ام يلدا]

أخي العزيز نايت موون اللي تسأل عن ما هي المستلزمات اللي تاخذها
هذا الموضوع الغني المفيد جدا ً تستطيع الاعتماد عليه مية المية
وسوف اكتب لك مرة أخرى على نفس موضوعك وأضع لك الرابط أيضا ً
وتدلل انت والعائلة

-
الله يوفق الجميع
محبة


أم يلدا – مترجمة - عمان الأردن 2005 – في انتظار التجييك الأمني

[ابو راشد]

صارلي ساعة تقريبا اقره والموضوع ما خلص
على العموم هذا الموضوع مو وكته هسه بالنسبة الي وتحياتي لكل من كتب تعليقا فيه
وبارك الله بكم جميعا ووفقكم


اخوكم ابو راشد

[ayadkoo]

واله يااخوي مامقصر وعاشت ايدك على هذا الموضوع وشكرا لك

[abn iraq]

فكرة حلوة حتى و إن كانت مطروحة سابقاً لا ضرر من إعادتها ... و في الأعادة الأفادة ... و إن عملية سفر الأعضاء ما شاء الله مستمرة ... و هاي الأمور كلهه تفيدهم ... آني أأيدك بالموضوع ... و ان شاء الله يوم سفرك عن قريب.

رح أبدي بمشاركتي بالموضوع من خلال التالي :

من اللي افتهمته من الكثير من الأعضاء ... و أذكر بالتحديد الأخ العزيز زاك اللي كان له دور في هكذا أمور ... بأن مسألة الأجهزة الكهربائية ... و بالتحديد الحاسبات ... و أجهزة الألعاب الألكترونية للمولعين بها ... هي مسألة تعود الى رغبة المسافر نفسه فهناك أكثر من رأي بخصوص هذا الموضوع ... اللابتوب في أمريكا أرخص من اللابتوب في العراق و الدول المجاورة و مصر و الخليج .... طبعاً إذا أخذنا في الحسبان منشأ الجهاز و برامجه و العروض المتنوعة التي تقدم معه أثناء الشراء ... و لكن من جانب آخر فالبعض يفضل أخذ اللابتوب معه من العراق أو من البلد الذي يعيش فيه قبل السفر و ذلك لعدة أسباب ... أذكر هنا بعضاً منها :

1. البعض لا يرغب بشراء لابتوب من أمريكا بسبب أن الكيبورد لا يحتوي على الأحرف العربية ... و حتى في حالة توفر الستكرات فهو قد لا يرغب بها.
2. إذا أخذ المسافر لابتوب من العراق مثلاً فقد يكون بأستطاعته أن ينصب فيه البرامج التي يرغب بها قبل السفر و كذلك تخزين أكثر ما يمكن خزنه في الهارد دسك .
3. البعض يفكر في أخذ اللابتوب معه لكي لا يقوم بشرائه من هناك حين وصوله و هذا قد يثير انتباه المنظمة التي تساعده.
4. بالنسبة لأجهزة الألعاب الألكترونية ... و بالرغم من رخص أسعارها في أمريكا و منشأها الجيد فأنها لا تشغّل سوى الأقراص الأصليه و التي تمتاز بغلاء أسعارها مقارنة بما موجود في العراق و دول الجوار ... فالبعض يفكر في أخذ ال بلاي ستيشن مثلاً مع كمية لا بأس بها من الأقراص و أيضاً المحولة ليتم تشغيل الجهاز حسب الكهرباء الأمريكية.

أنا لو قدر الله لي السفر فأول شيْ سأفعله هو دراسة جو المدينة التي سأذهب إليها لكي أعرف ما يجب أخذه من الملابس لي و لعائلتي ... و على العموم أنا سافرت كثيراً و لبلدان عديدة ... و الخبرة التي إكتسبتها من السفر هي أخذ أقل ما يمكن أخذه من الملابس ... لأنها حمل زائد لا نفع فيه فالملابس التي سآخذها قد تكون نشازاً لو أرتديتها هناك ... و سأضطر لشراء غيرها و في هذه الحالة ستكون خسارتي مضاعفة.

طبعاً أنا لم أكمل ردي و لكني إن شاء الله سأكمل لاحقاً

تحياتي

ماجـــــــــــــــــــلان

[ام يلدا]

اخويا أبو هدى السائل عن الكتب
تلقى كل الأسئلة مع الاجابات في هذا أرووووووووووع موضوع من شبح بغداد
واصعده لكل من وصلت امورهم لمرحلة السفر والاستعداد للسفر
http://www.ankawa.com/forum/index.php/topic,308359.msg3984217.html


-
الله يوفق الجميع
محبة

المخضرمة أم يلدا – مترجمة - عمان الأردن 2005 – في انتظار التجييك الأمني - الأسبوع الثاني من السنة الخامسة انتظارا
 

[BaghdadGhost]

اخواني الاعزاء و بالاخص الاخت ام يلدا ,,,,,

جزيل الشكر على اهتمامكم بالموضوع و متابعتكم اله ,,,,,, و الف شكر للاخوان الي مقصروا بالرد على الاساله ,,,,,,,

اريد اضيف شي صغير ,,,, بالنسبة للاشخاص الي عندهم لابتوب مابي بلوتوث ,,,,,, جيبوا وياكم من هذا البلوتوث الخارجي الصغيرون ,,,,, يمكن سعرة بالصناعه بدولارين لان هنا سعرة 41 دولار ,,, شوفو الفرق ,,,,, و ارجع و اكول عالاستكرات و الكيبوردات العربي ,,, جيبوا هواي مراح تخصرون شي ,,,,,

بالنسبة للملابس ,,, مثل مذكروا اخواني ,,,, لتشترون اي شي ,,, بس اذا تريدون تجيبون وياكم الهدوم الي انتوا مشتريهه من قبل ,,,,, هاي اذا عدكم مكان بالجنطة ,,, اما الي جايين لولايات بارده و عدهم مكان بالجنطة ,,, ما اوصيكم بالقماصل ,,,,,,

[ام يلدا]

الأخ ابو عبد الله تحياتي لك مرة أخرى
حتى تغطي كل تفاصيل الحقائب ومخلفاتها
انصحك بأن تقرأ هذا الموضوع الشامل والوافي لكل شيء
وربما يفيدك ببعض الأفكار الجديدة والنصائح الضرورية
وأتمنى لك سفرة سعيدة مباركة مقدما ً


شبوحي هذا الموضوع من أروع المواضيع واللي الكل يحتاجه ويلجئ له
-
الله يوفق الجميع
محبة

المخضرمة أم يلدا – مترجمة - عمان الأردن 2005 – في انتظار التجييك الأمني - الأسبوع الثالث من السنة الخامسة انتظارا
 

[ريم عبد]

والله عاشت ايدك اخ شبوح على هذا الموضوع
ويسلمون كل الاخوه الي اضافوا للموضوع
حتى من  الواحد ييطلعله السفر ويرتبك وينخبص كالعاده فايخلي هذا الموضوع كدامه  وايلم جنطته
اكيد هوايه راح ايسهل عليه
وشكرا للجميع
اختكم ريم

[اهلي ياعراقين]

السلام عليكم ورحمة الله وبركاته
 تسلمون وعاشت اياديكم , الله يفتح عليكم

[BaghdadGhost]

اختي العزيزة ام يلدا ,,,,,

الموضوع رائع بتواجدكم و تواجد الاخوة الي مقصروا باي اضافة ,,,,, الله يبارك بيكم ,,,,,,


اختي ريم ,,,,,

هيه هاي الغايه الرايسيه من الموضوع ,,,,, حته الواحد مينخبص ,,,,,,


اهلي يا عراقيين ,,,,,

و عليكم السلام و رحمه الله و بركاته ,,,,,,, تسلم اخي عالمرور يا طيب ,,,,,

[fady azir]

 

      اشكرك اخويه عبسي على اجابتك بخصوص الاجهزه الكهربائيه

  صحيح مثل ماتفضلت مراح ناخذ اي حاجه كهربائيه

         الله ايوفقك على معلوماتك النيره


         اخوك العراقي فادي

[BaghdadGhost]

اخواني الاعضاء ,,,,,, اسف للتاخر بالرد و المتابعه ,,,,,

لكثرة تساؤل الاعضاء عن الادويه و السيديات و مبلغ المال ,,,,, قررت ان اذكر ما ذكرته بموضوع البقجه ,,,, حته يكون الكل على علم بالي صار و ان شاء الله الموفقيه ,,,,,,


المبلغ ,,,,,

الصراحه اني كنت مقرر اخذ وياي خمس الاف دولار لان هذا الي نصحني بي الكفيل ,,,, بس بيوم السفر سويتهن سبع الاف دولار لان حسبت حساب راح اصلح اللابتوب او اشتري جديد ,,, من بغداد لفلادلفيا محد سالني ولا انذكر اي شي عن الفلوس ,,,,, اخذو راحتكم ,,,, لا موضفين المطار ولا موضفين المنظمه ,,,, بس لازم تعرفون وين تخلون الفلوس و شون تقسموهن حته ميضيعن ,,,,, اني الي سويته خليت ثلاث الاف بالمحفضة و اربع الاف بجيس صغير و طاكهن لاستيكة بجيبي ,,,,, قسمتهن لان كلت خاف تسالني ام المنظمه اكللهه بس الثلاث الاف الي بالمحفظه ,,,,, بس اي شي مصار ,,,,


الادويه ,,,,

قبل السفر اشتريت كل انواع الادويه الي تخطر على بال الشخص ,,,, حته مال الامراض النسائية و الحمل ,, هههههههه  ,, جذب عمي جاي اتشاقة ,,, بس قصدي هواي ادويه و قسمتهن على 3 جياس وياهن راجيتات قجق بكل جيس ,,,, و هم نفس مساله الفلوس ,,,, لا احد كلي هاي شنو ولا هم يحزنون ,,,,,


السيديات ,,,,,

اخواني و اخواتي ,,,, يمكن اخذت وياي سيديات اكثر من ما موجود بشارع الصناعه ,,,,, محد كالي على عينك حاجب او اي شي ,,,, و بالنسبة للبرامج هم جدا اعتيادي و كلهه تتنصب على اللابتوب الي من امريكا و ماكو اي مشكلة ,,,, اوصيكم ان تهتمون ببرامج ال انتي فاروس ,,,,,,

[ماجلان]

.

[Tik Tak Tik Tak]

عاشت ايديكم ع الموضوع ...بس سؤالي هل الابتوب و البلي ستشين 3 يجب حمله بجنطه اليد و السيديات لو من الممكن وضعها في باقي الجنط....

[BaghdadGhost]

اخي ماجلان ,,,,,,

مشكور على الاضافه القيمه و بارك الله بيك ,,,,,,

اخي تك تاك ,,,,,

اخي اللابتوب يحمل بجنطه منفصله بحد ذاته ,,,,,, يعني تصير 3 جنط ,,,,,, الكبيرة و الهاند باك و جنطه اللابتوب ,,,,,, اما البلي ,,,,, تبقه يمك وين متريد تحلي خلي ,,,,,,,

[proph1]

يسلمو على الموضوع الحلو

[BaghdadGhost]

proph1 ,,,,,,


جزيل الشكر على المرور ,,,,,,,

اخواني ملاحظه صغيرونه ,,,,,, الكيبورد الفلكسبل الي سولفنه عليه قبل ,,,, لتجيبو وياكم ترة كلش فاشل ,,,,

[المواطن]

تحية طيبة .....

احب اعرف بالنسبة لاجهزة الموبايل الللي نستخدمه بالعراق تشتغل هناك  لو نتركه ......
وبالنسبة للبرامج والسيديات انتو تعرفون بالعراف مو مرخصة شلون نكدر ناخذه .... !!!! ؟؟؟؟
اما عن الاكستيرنال هارد ما اعرف ناخذ واحد من العراق لو باميركا احسن وارخص .....

[ذاكر ابو فابيان]

شكرا لكل من ساهم بمعلومات لافادة الاعضاء

                   تحياتي

[راهب الحب]

أخوية العزيز شبح بغــداد :::
أشكرك على موضوعك الراقي والمفيد جداً ..
عندي سؤال صغيرون لأنهُ ملعوماتي محدودة بالصيانة والكومبيوتر  ...
في حالة أريد أخلي بالبيت كومبيوتر دسك توب ولاب توب وأريد أوصل النت للاثنين يعني لازم أسوي نت وورك  أخذ  (هّب) ؟؟ لو اكو طريقة ثانية  ما اعرفها ... إهنا سألت أصدقائي بسوريا أصحاب النت گالوا إلا ( هـّب )  ؟
 وآني مثل ما عرفت السرعة عالية وأقل شيء 3 ميغـا وإحنا خمسة نستخدم نت وإنته قيسسسسس ؟؟ فهل اكو طريقة اخرى لو ماكو غير النت وورك ؟؟؟





                             أخــوكــُم / وسـام بهنـام داؤد الخابــوري

[Aws Iraq]

اخويه راهب الحب بعد اذن شبح بغداد راح اجاوبك خاف هوه مشغول او شتاخر بالجواب..
متحتاج هاب عيوني انته شنو نوع النت مالتك؟؟ يعني طريقة الربط مالتك شنو؟؟ بس هيه بكل الحالات احسن و اسهل طريقة ان يكون تشتري وايرلس للدسكتوب يعني هذه يصير صغير على اليو اس بي مثل البلوتوث علمود الدسك توب هم بيه وايرلس فتكدر من الابتوب تسوي HocNetwork و بهل حاله راح يوزع عندك شبكة وايرلس بداخل البيت تكدر تفتحه من اي جهاز يحتوي وايرلس يعني موبايل نوكيا جديد. لابتوب. دسكتوب.. و هاي الطريقة سهلة و مجربة و كارد الوايرلس للدسكتوب كلش رخيص..

[طوطي]

عندي سؤاليلن مهمين ارجو الاجابة عليهم اذا تسمحون الاول هل يجوز للعائلة ان تاخذ اكثر من لاب توب يعني عندي 3 جهال  وكل واحد عندة لاب توب يصير لو لازم بس وحدة ويصير انشيل ويانة اكثر من الوزن المسموح واحنة ندفع فلوس الوزن من عدنة لو ميصير الا الوزن الي همة امحدديه

[طوطي]

لازم سؤالي كلش صعب شو ماكو اي اجابة

[همر]

اختي العزيزه راح اجاوبج ولا يهمج بالنسبه الى الابتوبات مال ولدج نعم يصر
بالنسبه للوزن هم راح اكلج يصير بس حسبي حسابج على كل كيلو بين 80 ال 100 دولار وعندج الحساب
وشكرا




 همر

[BaghdadGhost]

اخي المواطن ,,,,,

بالنسبه للموبايل ,,,,,, اذا كان من النوعيه الجيده و الحديثه ,,,,, نعم جيبه وياك راح يشتغل هنا ,,,,,, اني عندي نوكيا 95 كيكا 8 جبته وياي و عادي يمشي هنا ,,,,,

بالنسبه للسيديات ,,,,, جيب وياك شكد متريد محد راح يحاسبك عليهن ,,,,,, عود اذا صار شي كللهم اني لاجي ما اعرف اي شي ,,,,,,

بالنسبه للهارد الخارجي ,,,, الصراحه الي شفته اني بان بالعراق ارخص من امريكا ,,,,, هاي بقت تعتمد على المنطقه ......

[BaghdadGhost]

اخي ذاكر ابو فابيان ,,,,,

مشكور على المرور و بارك الله بيك ,,,,,

اخي راهب الحب ,,,,,

الاخ اوس العراق جاوبك الجواب الصحيح و المنطقي و هاي الحاله صارت هنا يم وحده من العوائل و اني هم هيج سويتلهم ,,,,, مشكور اخي اوس الورد على الاجابه و بارك الله بيك ,,,,,

[BaghdadGhost]

اختي طوطي ,,,,,

اسف للتاخر بالرد ولكن الصراحه ما عندي معلومه اكيده بالنسبه للابتوب لان الحاله مصايرة وياي او كدامي ,,,,, بس الاخ همر قام بالجواب مشكورا ,,,,,, اما بالنسبه للوزن ,,,, الصارحه اني طلعت من بغداد و الي كالولنيا ذاك الوقت بان غير مسموح بوزن اكثر من المقرر ,,,, يعني حته غرامات ميقبلون ,,,,, بس اخوج صعد للطيارة و الجنطه مالته 27 كيلو ,,,,, غير الي شايله بالهاند باك ,,,, يعني الطيارة كبنت من ورايه 

[lisaa]

بالنسبة الى اللابتوب يصير اني بصراحة اعرف عائلة صديقة النا سافرت الى اميركا قبل شهر وودوا وياهم 4 لابتوبات و كانوا 6 نفرات همة فعادي يصير و بالنسبة الى الوزن فحسب ما كالولهم بالدورة التثقيفية انوا ميزيد عن 5 كيلو يعني اذا اللابتوب 3 كيلو  يبقالهم 2 كيلوا بس حسب مكلولي محد موزن الهاند باك من وصلوا الى نيورك

تحياتي
Lisaa

[WRONGED]

اخوان سوالي على تلفون الايفون هل اشتريه من سوريا واخذه ويايه لو اشتريه من امريكا ياهو الارخص علما انو سعره بسوريا  تقريبا 700 دولار

[BaghdadGhost]

الاخت ليسا ,,,,,

شكرا جزيلا للاضافه و التوضيح ,,, بارك الله بيج ,,,,

اخي WRONGED ,,,,,

اني الصراحه ماعندي علم كلش بالموضوع ,,,, بس سالت صديق الي هنا و كال سعره تقريبا 400 دولار ,,,,, يعني لتشتري احسن الك ,,,,, بس الي عليك تسوي بان تشتري 2 كيبات عربي مناك و تجيبهن وياك افضل حته من تشتري منا ,,, تكدر تغيرهه للوحه مال الارقام ,,,,,,, شنو رايك ,,,,

[Aws Iraq]

اخ wronged السعر الي يكول عليه اخونه العزيز شبح بغداد صحيح 400 او مرات اقل حسب الموديل طبعا و اذا اشتركت بعقد مع الشركة راح يصير سعرة 99 دولار فقط حسب مكلولي بس اكو شغلة.. الاي فون ميحتوي كيباد هوه يعتمد على البرنامج فقط لان شاشة لمس..

اخوية العزيز شبح بغداد ولو راح اخرج من موضوع القلاقيل بس عندي سؤال صغير.. متعرف هنا اذا واحد يكدر يشتغل بمجال الحاسبات يعني تصليح.. نصب.. فرمته و هاي الشغلات تفيد لو ما منوراها فايدة؟؟ و اذا تفيد يعني شكد سعر الفرمته مثلا؟ طبعا هاي اذا عندك معلومات و اذا ما عندك معلومات اعذرني حبيبي الغالي

و بالنسبة لموضوع السيديات اخواني اي واحد ناسي برنامج مهم خلي يدخل على www.4shared.com لان اخوتنه العراقيين مقصرو خلو شكو برنامج عدنه على الموقع و يه الكراكات و الارقام السرية و اتمنى يفيدكم.

الموفقية للجميع ان شاء الله

[Abo Andrew]

عاشت ايدك على الموضوع الراقي
جنت اتمنى لو قاري قبل ما اوصل امريكا

يلة كلشي بوكتة حلو

اخوك دان

[BaghdadGhost]

حبيبي اوس العراقي ,,,,,

مشكور يا ورد على الاضافه الجميله ,,,,, اني الصراحه ما احب الاي فون ,,, اني من مشجعين النوكيا من زمان و تلفوني N95 8G  لذلك ما اعرف بان الاي فون مابي كيبات ,,,,, ههههههه

بالنسبه لسوالك ,,,,,, اذا تحجي على الستورات الي تقدم خدمه التنصيب و الفرمته ,,,, لا هاي سالفه ,,,, يعني تسولف بين 30-70 دولار على هاي الامور البسيطه الي اني كنت اسويهه للجوارين مقابل لا شي و جنت اسويهه للغريب مقابل 20 الف دينار عراقي ,,,,,,,, اما اذا تسولف على ان تكون انته مستقل بهذا العمل و على العرف ,,,,, هاي تعتمد على شطارتك و العالاقات الي عندك بالمنطقه الي انته ساكن بيهه ,,,,,, و اكيد راح يكون سعر التنصيب مالتك اقل من الستورات او المكاتب الي تقدم هاي الخدمه ,,,, حته يصير عندك معاميل و شغل ماشي ,,,,,,


اخويه ابو اندرو ,,,,,,

تسلم ورد على المرور الجميل و الحمد لله على كل حال و ننتضر منك مشاركات اكثر بالموضوع يا طيب ,,,,,

[vincenzo]

ايييييييييييي
خوش فتحت باب على نفسك صديقي شبوح
انته ابو الفرمته والتنصيب وتصليح الحاسبات
هم صارت عندك شوية فعاليات ونشاطات بالكم شهر الفاتت بهالموضوع

واعتذر لان سؤالي شوية بعيد عن موضوع القلاقيل

[BaghdadGhost]

ورد فنجز ,,,,,

صارت عندي فعاليات من هذا القبيل ,,,, ولكن كلها كانت من دون مقابل مادي ,,,,,,, راح تكلي ليش ,,,, اكلك لاني في طور بناء علاقات و كسب اصدقاء يفيدوني مستقبلا في امور بالنسبه الي افضل من الماده ,,,,,,,,


ابو دربونه مو .............

[dodo micheal]

مرحبا اخي baghdadGhost
حبيت اسألك اقدر اطلع رخصة من العراق واني بعمان بس بدون ما اروح ل عراق اكو هيجي حجي يعني من سوق السودا صنع مريدي  اكو احد مسويها

وشكرا الك بس حبيت احجيلك انه اني بنية مو شاب
والله يباركك ويحميك
اختك دودو

[BaghdadGhost]

اختي دودو ,,,,,,,

اسف بالمرة السابقه ,,,,,, والله ممتقصد ,,, شوفي هسه عدلت على مشاركتي ,,,,,,

بالنسبه لاجازة السوق ,,,,,,, عادي تكدرين تطلعيهه من العراق بدون متروحين ,,,,, بس لازم اكو شخص بالعراق يدورلج على واحد يطلعهه بدون روحه للدائرة ,,,, كل الي مطلوب هو نسخه من الصفحه الاولى مال الجواز و نسخه من الاجازة المحليه القديمه و نسخه من الجنسيه و اتصور رسوم تقريبا 50 الف دينار عراقي ,,,, و اذا ماعندج اجازة قديمه محليه تكدرين تجملين فوك الخمسين الف فد خمسين لخه او 100 الف دينار عراقي ,,,, يعني يصير المجموع 150 الف دينار عراقي ,,,,, هذا كل مافي الامر ,,,,,,,

[dodo micheal]

تسلم اخي العزيز شبح بغداد
اني ما عندي اجازة محلية قديمة مو مشكلة ندفع الفرق المهم اخوي يعني لو طلعتها تفيدني بس اسافر اني انشالله راح اسافر كندا

وشكرا الك ماكو داعي تتأسف تسلملي ايديك على هذا الموضوع الحلوووووو


اختك
دودو

[ناردين]

تحية طيبة لكم جميعا
اخوتي ممكن اسالكم عن ولاية ماساشوستس ما اريد معلومات عامة اريد اعرف شلون وضع الاجوء بيها وهل هي غالية
وبالنسبة للفلاشة ممكن اخذ وياية لو مايصير ووين اخليها اذا يصير
وبالنسبة للماكنة (بروان) المانيا نكدر ناخذها لو ماتنفع
وسمعت انه قوري الجاي بامريكا بحدود 50 دولار ودلة الكهوة هم غالية فاذا ممكن اخوتنا بامريكا تصححون الي هاي المعلومات اكون شاكرة الكم

والف شكر الكم على هذا الموضوع الشيق والمفيد جدااااا

[BaghdadGhost]

اختي دودو ,,,,,,

لا شكر على واجب و تدللين ,,,,,,


اختي ناردين ,,,,,,

بالنسبه للسوال على الولايه ,,,,, الصراحه ما عندي معلومات عنها ,,,,,, ولكن اتصور افضل واحد يكدر يجاوبج بهذا الموضوع هو الاخ vincenzo  ,,,,,, لان كاتل نفسه على الروحه الها ,,,,,,,

اما بالنسبه للفلاشه ,,,,, الصراحه معرفت شنو الي تقصدي ,,, بس اذا تقصدين الفلاش ميموري ,,,, يصير عادي و تكدرين تخليهه بالجنطه الجبيرة ,,,,,,,

الماكنه البراون اذا اصليه و تسوة ,,,, اخذيهه وياج ,,,,,, و القوري اذا عدكم مكان بالجنطه هم اخيلج واحد جديد للجاي و دله مال كهوه ,,,, ولو موجودات هنا بس يمكم ارخص ,,,,,,

الف شكر الج لمرورج الكريم و تدللين ,,,,,,

[BaghdadGhost]

اشا ,,,, بارده ,,,,,


اليوم ياله عرفت شنو قيمه القماصل و البلوزات مالتي الي عفتهم ببغداد ,.,,,,,,

[ريم عبد]

اخ شبووووح
يعني الكومبيوترات فلستوها تفليس مخليتوا شي مااخذتوا
ولا واحد كال اخذوا فد درنفيس وياكم فد عده مال ادوات بسيطه
صح الوزن محدود بس على الاقل درنفيس ابو روس متعدده لان اكيد الواحد من يوصل اكو هوايه شغلات يرادلها بعض العده وميكدر اول ميوصل ينزل للسوك او يندل اهل العدد والادوات واحتمال هم مو رخيصه او وكت حاجتها مهم
الضاهر ماكو احد حرفي عنده واهس بشغلات الكهربائيات اوالحمامات او على الاقل تثبيت اريل  او تغير سويج بلك لو انتوا مصادف عندكم حاجه لهيج شغلات
بلكت الي وصلوا ايسعفونا بالجواب
اختكم ريم

[vincenzo]

والله يا خيتي ريومة كانك تفكرين بعقلي
لان اني العدد مالتي حتى لو تصير 20 كيلو هم كلهه اشحنهه بفلوس
لان هذني عزاز ومستنكيهن استنكاه
وحجمهن مو جبير بس وزنهن شوية مزعج
وبعدين الكتب
وما جنت احجي بالمنتدى لان ما اعتبرتهه كلش مهمه
اشكرج على bringing it up او اثارة السالفة

[ريم عبد]

اي والله ياخيي vincenzo لو تعرف هناك شلون حيره من واحد يوصل وايريد ايشد اي شغله وماعنده عدد
وهناك حتى الاثاث يشتروا بالصناديك  وهمه ايركبوا مثل الي عدنا الاثاث الجاهز وتعال دور بالمولات على درنفيس وسبانه لو حتى اذا اتركب اريل لو عندك توصيله بالحمام
الضاهر بس اني وياك نتفيتر وانحب نشتغل بايدنه
اختكم ريم

[BaghdadGhost]

اختي ريم ,,,,,, و الاخوه الاعضاء

ملاحظه جدا مهمه و الصراحه الكل كان غافل عنها ,,,,,,,  كلامج صحيح ميه الميه ,,,,,, نصيحتي للاخوه الي يفكرون بالتقليل من المصروفات و بالاخص في الاشهر القليله الاولى ان يحظر معه التالي :

1. درنفيس عدل للاستخدامات القويه و اخر للاستخدامات الاعتياديه .

2. درنفيس مربع عدد 2 و بنفس التصنيف اعلاه.

3. بلايس من النوعيه الجيده معزوله .

4. سباين مختلفه القياسات .

و لتوفير وزن و حجم في حقيبه السفر انصح بالذهاب الى عكد النصارى في الشورجه (سوق الكهربائيين) و شراء التالي :

1.  درنفيس واحد ذو قابليه على استبدال الراس و الي يجي ويا عدد مختلف من الرؤوس و باحجام مختلفه .

2. حقيبه صغيرة الحجم تحتوي على ذراع و لقم مختلفه الاحجام .

3. بلايس من النوعيه الجيدة ,,,, و لاويه حسب الرغبه .

4. شريط قياس (فيته ) ولكن التاكد من ان تحتوي على المعيار الامريكي للقياس (الفوت و الانج) .

هذا الي اجا على بالي حاليا ,,,,, اذا اكو شي جديد راح اضيفه ان شاء الله مستقبلا.

[ريم عبد]

عاشت ايدك اخ شبوح
هسه تمااااااام..
والله حقك من ادكول اخ ريم طلعت بس اني ادور سوالف التفيتر اشو محد من الزلم الخشنه ذكرها

[vincenzo]

ليش اخوية غوست هذني السوالف كلش غاليات يمكم؟؟ لان انت تعرف بالاسعار هنا الحاجة بربع وبالف وارخص شي بالعالم وراح نتحول الى فرع من الصين بعون الله

اذا اربع اضعاف السعر ما اخذ كلشي لان الكتب اوجب بس اذا عشرة لو عشرين ضعف فلا اخذ الهوسة كلهه هههههههه واحتمال حتى اشلع الدبلات مال السيارة والواتر بم اخذهن وياية لان بعدهن جدد ذاك اليوم بدلتهم

[ناردين]

السلام عليكم جميعا شلونكم انشاء الله بخير

بالبداية الف الف شكر الكم على تعب محبتكم النا
اخوان اقاربي راحو لكاليفرونيا قبل كم شهر وكلولي البطانيات والشراشف والستائر هنا غالية جيبو وياكم واني بصراحة ماعندي هاي الشغلات مامشتريتها فارجوكم انصحوني لانه وضعي المادي على كد الحال وهاي الشغلات حتى هنا مو رخيصة
واريد اضحكم بشغلة اختي بكاليفرونيا وصتني على شي واحد وهو (ماسحات )الي نشف بيها الكاع تكول ماكو هناك معقولة ؟؟؟؟؟؟؟؟
وشكرا الكم مرة ثانية
اختكم ناردين

[vincenzo]

اختي ناردين
اني راح احجيلج على الاسواق اللي بالقواعد الامريكية
البطانيات والشراشف اسعارهه جدا مقاربة للاسعار بالعراق فاعتقد بالدول العربية تكون اغلى
ثم هاي الاشياء عادة يكون حجمهه مزعج بالنقل عند السفر وخصوصا الواحد محدد بحجم الاشياء اللي يشيلهه وياه واذا يشحنهه بالبريد مثلا تطلع البطانة اغلى من الوجه فما اعرف ششنو المقصود من هالنصيحة ارجو ان تحاولين تتأكدين منهه يجوز صار سوء تفاهم او هيه قصدهه غير شي

اما بالنسبة للماسحات فيجي ببالج كان موجود وكانت كلش عاجبتني ماسحة مرة اشتريتهه ب7 دولارات بيهه دكمة بصف اليد ويتركب بيهه بطل سعرة 4 دولارات مال منضف ريته مال ديتول ومن الواحد يدوس الدكمة ترش كدام المكان رذاذ من المنضف فبهالحالة الواحد حتى ميحتاج مي للتنضيف اليومي السريع

اتمنى من شبح او اخواننا اللي بالولايات يأكدولنه هالاشياء

[MONSTER]

حبيبي كلبي انته,,,
بلكات وثامب درايف ووايرات وبلوتوث وسيار ووايرات

حبيبي هاي باول مطار يرجعونه....ها صدك علج ماي ماكو بامريكا اخذو فد كيلوين تلاثه علمود يدخلوكم قضيه مخدارات وعله ثاني طياره يذبوكم بابو الجير



تحياتي

[Abo Rami]

يابه على كلام الاخت الواحد لازم  الواحد يسوي  كونتينر ويشحنه قبله قبل مايروح لانه اني بصراحة عائلتي مو زغيره واذا كل واحد اخذه بطانية راح تقبط الجنط طيب الحاجات الباقية من ملابس  واهم شي القوري مال الشاي شلون ,, تره صدك دوخه
ابو رامي

[ناردين]

الف شكر الك اخويا vincenzo لردك على سوالي ولوتاخر شويا بس صدكني صاير عندي مرض النسيان بشكل موطبيعي وكلامك صحيح سالت الاخ يوجد امل وكلي ماكوداعي للبطانيات وهاي الشغلات لانه بكاليفرونيا رخيصة
اشكرك مرة ثانية

[علي الوكح]

للرفع

اخويه شبح بغداد وين مواضيعك الحلوه شو مختفي

[ريم عبد]

اخي علاوي
الاخ شبح ماعنده حاليا كومبيوتر يكدر يتواصل بي ويه المنتدى
وندعو من الله يرجعنه بالسلامه
لان فعلا وجوده جان منور هاي الصفحات وغيرها
ياربي ايزيل هاي الازمه وترجعنا احسن من الاول

[drlexa]

الاخوه الاعزاء

اني سفري بعد 3 اسابيع وما ماخذه دورة تثقيفيه ....والاهل موصيني على اشياء الي هي شاي كهوه بهارات وزعتر !!!!   هاي اكدر اخذهه ويايه اذبهه بلجنط مال شحن؟؟؟ لو يسويلي مشكله؟؟؟


اختكم من عمـــّـــان drlexa

[y.a.r.a]

حبيبتي drlexa
اخذي اي شي اتريدين ماكو اي مشكله
خليها بين الاغراض مراح احد ايشوفها بس لفلفي البهارات زين لان ريحتها تملي الهدوم والكهوه هم تعلن عن نفسها
الزعتر ضروري لاغنى عنه ولو اكو بمحلات العربيه بس هم غالي وهم نهكات مختلفه
ياربي ايسهل عليج سفرتج
وايوفقج

[drlexa]

تسلمين يا ورده على ردج السريع

صح هو كلشي اكو هناك ببلمحلات العربيه س يكولون غالي ومو نفس الطعم ...مدتصرفلهم اي كهوه الا يريدون مال العميد 

[مصير مجهول]

   
للرفع
 موضوع جدا قيم.... ويحتاجه الجميع دائما

[mothna]

مرحبا
كل عام وانتو بخير واننشاء الله ينعاد عليكم بالصحة والسلامة



اخواني الاعزاء
اني عندي لابتوب راح اخذة وياية   
والشاحن مال الابتوب ايصير احطة بالهاند باك لان سمعت ميصير انشيل شاحن الابتوب داخل الطيارة

[slayer85]

شكرا   و ممنون على الوضوع ..........

محتاج مساعدتكم 
شنو اهم الغراض اللي اخذها وياي  لامريكا

[الاسد الجامح]

السلام عليكم اخوان وكل عام وانتم بخير
شغلة القلاقيل صارت كلش سهلة ...........؟؟؟؟؟؟؟!!!!!
كل ما عليك اتسوي اتروح لاي ابو جنط بوسط البلد اقصد عمان الاردن
وتكولا   اريد جنطة ال   iom   وهو يفتهم
بس هذا الحتشي صدك لا  ما ادري اكو ناس كالولي
بس اذا صحيح امورنا عدلة    

[حظي حلو]

السلام عليكم
حبيت اشارك واكول ترى كلشي متوفر بامريكا بس الواحد ياخذ الاشياء الضروريه
وبلنسبه للبنات المحجبات يشترون ربطات لان مموجوده هناك وغاليه اذا اكو
وشغله ثانيه هم مهمه تاخذون وياكم صونده مال حمام (تواليت) لان ماكو هناك هاي شغلات
واتمنى لكم السفر للجميع
اختكم ام ياسر- عمان

[جنانو]

اخواني الاعزاء اني متحول الى كندا وحبيت اشارك في حال سافرت اريد اخذ كيبورد عربي مطاط هذة الي يتطوة علة شكل اسطوانة ويصير صغير موجود بالمولات وبالتاون سنتر بسوريا سعره تقريبا اقل من 20 دولار والي بكندا شينصحنة ناخذ شنو الي نحتاجة هناك والي مموجود

[احمد عباس]

اخواني الاعزاء اني متحول الى كندا وحبيت اشارك في حال سافرت اريد اخذ كيبورد عربي مطاط هذة الي يتطوة علة شكل اسطوانة ويصير صغير موجود بالمولات وبالتاون سنتر بسوريا سعره تقريبا اقل من 20 دولار والي بكندا شينصحنة ناخذ شنو الي نحتاجة هناك والي مموجود

اي بس اهم شي اخذ وياك ستكرات مال كيبورد اذا رخيصه اخذ هوايه

وهناك بصوره عامه كلشي موجود تره خصوصاً تورنتو لان هوايه بيها عرب

بس اني سمعت من هوايه

يكولون لا تكثرون بالقماصل لان هناك على بردهم متفيد قماصلنه
يعني مجرد ثكل وراح تنذب هناك بس انت اخذلك قماصل ثنين وحده لابسها وحده بالجنطه

طبعاً اخذ اثخن شي وهناك الملابس رخيصه يعني جيب من الي عندك مو تروح تشتري ويزيد عليك وزن وبعدين تروح هناك تلكي احلى وارخص ومناسبه لجوهم

[vincenzo]

صديقي
هذا الكيبورد المطاطي جربوه جماعتنا اللي سافروا واكتشفو انه مو عملي وفاشل
بس النصيحة هي فد كيبوردين عادية من هاي الزغيرة مالة اللاب توب لان الواحد ب5000 بينما بامريكا الشمالية بفد عشرين دولار وفوك وما بيه عربي اللا بصعوبة تحصله وغالي نار

[احمد عباس]

حبيبتي drlexa
اخذي اي شي اتريدين ماكو اي مشكله
خليها بين الاغراض مراح احد ايشوفها بس لفلفي البهارات زين لان ريحتها تملي الهدوم والكهوه هم تعلن عن نفسها
الزعتر ضروري لاغنى عنه ولو اكو بمحلات العربيه بس هم غالي وهم نهكات مختلفه
ياربي ايسهل عليج سفرتج
وايوفقج

مابيها شي بس اخاف هاي تاثر عليهم بالمطار عبالهم فد مواد تستعمل بالقنابل شي

وهمين ارجع واكول همه راح يعيشون هناك يعني البهارات مراح اطول وتخلص فه اول والتالي لو يكضوها بدون بهارات لو يشترون من المحلات العربيه

فه المن معرضين نفسهم لتفتيش دقيق كلش وتحقيق ليش جايبين وياكم هاي المواد

[ســـرى]

نصيحتي اللي اكدر اضيفها هي انه ما تحتاجون اي بهارات هنا كل انواع البهارات اللي تخطر ببالكم موجودة بالمناسبة احنا بفرجينيا يعني ما بيها ذيج الجالية العربية او العراقية بس اكو محل واحد يبيع اكل حلال وصاحبه عربي لكينا بيه كل انواع البهارات ومن مناشئ عربية اكوللكم حتى لكيت بهارات قيمة وكبة وبرياني ودولمة اشكال وانواع وتريدوها مطحونة او غير مطحونة واي سؤال اني حاضرة

بالنسبة للملابس بصراحة احنا عدنا هواية وجديدة بعدها فأخذنا اجدد شي واحنا جينا بوكت البرد فماكو وكت او مجال انه الواح ستوه جاي لأمريكا يطلع بالبرد يدور على هدوم فالافضل لو يجيبها وياه او يشحنها وخلي يشحن 20 كيلو ب200 دولار تطلع ارخص بالنسبة للمعاطف النسائية والقماصل الرجالية اما البلوزات والبناطير فهاي ممكن تشتروها من امريكا واكو محلات تبيع رخيص بس الكوتات النسائية غالية هنا لأن ماكو هنا تركي وسوري فأكيد غالي.


تحياتي

ملاحظة: لحد الان ما شفت قوري بس بالمحل العربي عنده قوري مغربي يعني هو شكله غريب بس يفي بالغرض

[bassfar22]

ممكن مساعده الله يخليكم
اليوم بلغونا بالدوره الثقافيه انه الكل ينتبه وما ياخذ اي سي دي برامج مو نسخه اصليه لان ممنوع تدخل لامريكا ويسوولكم مشكله
وشغله ثانيه انه جنطه اللابتوب تعتبر من ضمن ال 5 كيلو وممنوع ناخذ حقيبه يد
انتو شنو رايكم ؟؟؟؟؟؟ بس هذا المعلومات انا اتبلغت بيها وانا كنت موجود

[Abo Rami]

اخوان ممكن احد ينطينة معلومة حول البطانيات ناخذ ويانه لو لا؟؟؟؟؟ لان بصراحة ما نعرف هناك غالية لو رخيصة وخصوصا اني عائلتي جبيرة يعني لازم كل واحد عللا الاقل بطانية زين هاي شكد ينراد الي جنط والله حيره ؟؟؟؟؟؟
ابو رامي

[vincenzo]

ابو رامي
هاية اشاعة البطانيات ذاكريهه هي وجوابهه لو ببداية الموضوع لو بموضوع اقدم منه
يعني بشرفك الامريكان قابل مصاليخ
متذكر بالمعسكرات شلون جنه نشمر بيهن لان بالبي اكس ارخص من اسعار الاسواق العراقية
وحتى بامريكا
هم لو ارخص شوية
لو نفس اسعارنة
قابل انت رايح للصحراء يا خوية
لتاخذ وياك غير بس ما خف وزنه وزاد ثمنه وخصوصا الاشياء اللي متتعوض او هناك كلش غالية
باوع ذني الموضوعين وياك:
http://www.ankawa.com/forum/index.php/topic,271751.msg3679470.html#msg3679470
وهذا
http://www.ankawa.com/forum/index.php/topic,245217.0.html

[ســـرى]

الاخ السائل عن شغلة السيديات محد يكوللك هاي شنو السيديات خليها بجنطة مال سيديات وخليه بالجنط عادي بس مو بالهاند باك

واذا عندك هاردات هم جيب احنا نفرين وجبنا 4 هاردات ويانة بالجنطتين مال اللابتوب ويانة ومحد كالنا هاي شنو

ابو رامي العزيز علمود البطانيات والله ما تحتاج ترة هنا بالوولمارت كلش رخيصة ومنها اشكال وانواع من ال10 دولارات وانت صاعد بس اخذا المهمات ولاتجيب اجهزة كهربائية وياك ولاحتى سشوار ترة هنا ارخص وما يفيدك علمود الفولتية ترة ما يشتغل زين

هنا الفير ب10 دولارات وانت صاعد من محلات الCVS واللي هي مو كلش رخيصة واي سؤال اني حاضرة

[ســـرى]

وهذا ردي على موضوع الاطفال واحتياجاتهم بالطيارة في موضوع :
بالنسبة لشغلة الاطفال اني بالنسبة الي وعن تجربة شخصية لازم يكون عند كل عائلة جنطة طفل يكون بيها كل الاحتياجات ترة الطفل يدمر اهله اذا جوعان او عطشان او نعسان او تعبان وهاي هي المدمرات الاربعة واللي تخلي الطفل حتى يتصرف تصرفات غريبة


المهم جنطة الطفل يجب ان تكون من النوع الذي يحمل على الكتف (هاي مهمة حتى تبقى اليدين فارغة لان راح تحتاجون ايدكم تكون فارغة علمود سحب الجنط او حمل الاطفال )

تحتوي على:

1) اطعمة للطفل من النوع المغلف وغير القابل للتلف مثل: جبس نوعين (لان اذا ضاج من نوع يكلب عليكم الدنيا ويكوللكم هذا مو طيب ما اريده)

2) جلاتين هذا كلش مفيد علمود تخلون الطفل ياكل جلاتين بصعود الطيارة او هبوطها حتى تقلل من عملية انسداد اذني الطفل والل راح تخليه ضايج واحتمال يبجي فبما انه ما تكدرون تنطوهم علج انطوهم شي يكلوه

3) ماء بقنينة صغيرة جدا تنحط بجيب الجنطة (مو بالجيب الرئيسي اقصد تخلوها بالجانبي) وهاي تفيد هواية لان بالطيارة مو مال كل شوية تكوللولهم نريد مي للطفل مو صحيح؟ واحتمال قوي يجيبولكم ماء بارد كلش شراح تسوون؟؟

4) الجنطة يجب ان تحتوي على غيار كامل للطفل اقصد ملابس داخلية مع حفاضات عدد 3 لكل طفل على الاقل تحسبا للطوارئ اما الملابس فيجب جلب بنطرون عدد2 وبلوزات عدد واحد مع تي شيرت اخاف تصير الدنيا حارة بالطيارة او المطار لاتخلون الاطفال لابسين ملابس ثقيلة وبعدين يعرقون بيها وراح يوصلون بجو يكون بارد (يعني نشلة مضبوطة!!!!!) + صداري للاطفال الرضع

5) محارم او خاولي صغير او كلنكس باكيت جيب مفيد جدا وضروري

6) حليب مطعم (ان وجد) فد باكيتين صغار حتى تلهوهم بيها من يكونون كاعدين.

7) لعبة صغيرة الحجم ممكن توضع بالجنطة حتى تلهوهم بس مو لعبة بيها موسيقى او صوت عالي وتنهرج الطيارة والناس تكوم تصيح الداد!!!!!!!

 علاكة فارغة او اكياس فارغة عدد 4 (تفيد للحفاضة المتسخة وتفيد ايضا لوضع الملابس مال الاطفال اللي ممكن يكونون بللوها بالمي من ديشربون او اتسخت عند تناول الطعام)

9) تلبسون الاطفال ملابس مريحة واحذية واسعة ومريحة ترة يقلبون الدنيا عليكم اذا تضايقوا من الحذاء

10) طبعا اذا جايين ببرد تلبسون الاولاد كولونات طويلة (وتجيبون وياكم احتياط واحد بالجنطة)

11) معقم جل تخلوه بالجنطة وممكن تجيبون كلينكس معقم (wipes) هذا يفيد في كل الاحوال وخصوصا اذا الطفل وسخ نفسه بالاكل ومهم تمسحون الطبلة مال الاكل بالطيارة قبل ما تخلون الطفل يلزمها ترة ما تعرفون اللي جان كاعد قبلكم شعنده من امراض معدية فكونوا حذرين.

هاي قائمة تخلوها كدامكم وتعبون الاغراض بالجنطة مع تحياتي

وفي رد اخر لي:
اللابتوب اصلا لاتخليه وية الجنط عادي لازم وياكم

بالنسبة للالعاب الاليكترونية ما بيها اي مشكلة اني اني عنده لعبة صغيرة اليكترونية اخذتها وياية علمود يلتهي شوية لان الطفل خطية ما يعرف شنو السفر وهو اول وتالي ينام بعدين من التعب بس مثل ما وصيتكم

اولا: شبعوهم
ثانيا: شربوهم (ماء او عصير)
ثالثا: ريحوهم بالنومة على قدر ما تكدرون
رابعا: خلوهم ينامون وقت كافي ترة يكلبوها عليكم كربلاء!!!!
وهذا رابط الموضوع
http://www.ankawa.com/forum/index.php/topic,387087.0.html

[ســـرى]

وهذا الموضوع عن الادوية المهمة في السفر

http://www.ankawa.com/forum/index.php/topic,398587.0.html

[^Miss Violet ^]

بالله بطاري الاطفال.. شلون راح تكون نومتهم مريحة سرى؟ يعني الكرسي مال الطيارة يرجع ليورة ويصير زين للنومة لو ينامون بحضن اهلهم لو شلون

والله هاية اني شايلة همها

[ســـرى]

حبيبتي مس فايوليت الكرسي مال الطيارة ممكن يرجع ليوره عادي بس شوفي اني مثلا شسويت: اشيل الحاجز اللي بيني وبين كرسي ابني يعني ارفعه للاعلى وهو سهل الرفع واخلي راسه بحضني وامدد رجله (العفو) عدل يعني يصير نايم على كرسيين طبعا هاي في الحالات لمن نكون ما لابسين حزام الامان (يعني مو بوقت الاقلاع او الهبوط اللي لازم الواحد يكون لابس الحزام)

وبهالحالة ممكن النومية تكون مريحة نسبيا وطبعا بحالات لبس الحزام الكرسي ما يصير ترجعيه ليوره لازم يكون عدل يعني بحالات الاقلاع والهبوط وعند حدوث المطبات الهوائية تمنياتي بالسفر المريح والاستقرار ان شاء الله واني مستعدة لأي سؤال.

[^Miss Violet ^]

تسلمين حبيبتي سرى طمنتيني والله

جنت افكر بنومة بنتي

[amher4ll]

طبعا وياية 35 واحد ......طبعا احنا جان موعد سفرنة من مطار بغداد يوم 20/4/2010 وبحظنة الفكر اني وياية 35 واحد كلولي موعد سفركم اتاجل بسبب البركان في اوربا والسحب البركانية وهسة كلشي منعرف نتصل بال IOM يكول ماكو جديد وبالايميل يكولون انتو راح نعيد جدولة سفركم يعني جم شهر اتجر الشغلة سفارة وفيز وحجوز طيران ظليت اسمع بيه الما شفته وصلت للحلك وخربت الشغلة مو حض فكر وهسة مصيرنة مجهول ......اذا اي واحد عتدة معلومة لا يبخل بيه علينة وخصوصا الي مواعيد سفرهم 18/19/20/4/2010 والا اليوم ماكو اي شي منهم

[جنانو]

اخي مسالة تاخر موعد السفر بسبب الغبار البركاني فالي بسوريا تاخروا اسبوع عن موعدهم  لبعض الدول فقط وهاي معلومة اكيدة لان قريبتي سافرت السبت الي فات بعد تاجيلهة اسبوع وهية رايحة لالمانيا وصديقي سافر لكندا عن طريق ايطاليا من دون تاجيل لان السحابة ممرت بايطاليا فاعتقد انه اذا كان هناك تاخير فهو اسابيع مو اشهر والله يسهلك وتسافر وكل تاخيرة بيهة خيرة

[ســـرى]

اخونا العزيز امهر ارجو منك عدم طرح موضوع سفرك في جميع المواضيع ان شاء الله يسهل امركم وتسافرون ولكن طرحك تسمحلي ليس في مكانه تقبل نصيحتي وتحياتي

[DEFA]

السلام عليكم
اولا اريد اشكر الاخ الي وضع الموضوع وجميع الاخوة الي شاركوا الاجوبة الشافية ولكن احب اسال على شغلة وزن الجنط وهل هو 23 كيلو لكل شخص او ماذا حيث اني مسافر مع عائلتي المكونة انا وزوجتي وثلاثة اطفال اصغرهم ثلاث سنوات واكبرهم ست سنوات فما هو الوزن المسموع لنا بة كوننا عائلة وشكرا لجميع الاخوة الذين وفروا لجميعاعضاء المنتدى معلومات قيمة وكاملة عن كل متطلبات السفر,,,,,,,,,,,,, اخوكم DEFA

[Iron_man]

اخي العزيز ... DEFA

لكل شخص له حق ان يحمل حقيبة تزن 20 كيلوغرام او ما يعادل 45 LBP بقياسهم


فأنته استغلها حتى بحقائب الاطفال خلي غراض الكبار ... هو حقكم لو حقكم ؟؟؟ فأنته أخذ اللي يفيدك والسهل ...


Iron_man

[ســـرى]

اخي ديفا كل طفل فوق السنتين يكدر يخلوله حقيبتين كل وحدة وزنها 23 كيلو بس للافضل انه انت وزوجتك وابنك الكبير كل واحد حقيبة كتف والكبار كل واحد حقيبتين اما الاطفال البقية كل واحد حقيبة يعني الافضل تخلولهم مجال لان اخاف توصلون للمطار وهم ميزانهم حساس ويكولولكم وزعوا الوزن بجنطة اخرى افضللكم لا تثقلون واتركوا مجال لزيادة الوزن لان ما تنحزر.

[ام محمد]

مرحبا بكم اعزائي اعضاء المنتدى المحترمين
باقة ورد عطرة وتحيةمني لكم جميعا على هذا العرض الرائع والشامل والمفيد لكل من انتشلته يد الرحمة الله الألهيه واللذين ينتظرون هذه الرحمة بفارغ الصبر مثلي وعائلتي حيث بانتظار المقابلة ادعولنا ان نكون معكم والله لي اسبوعان لن افارق منتداكم مرة اضحك مع كلامكم وتعليقاتكم العسل على قلبي  حيث لمست فيكم نكران الذات وروح المساعدة والتخفيف عن العراقيين في محنتهم والساعات الأول حين تطأ اقدامهم ارضالوطن الثاني حين تضيع الأوطان الأم وحين نصبح غرباء في أوطاننا
ام محمد/ مدرسة اللغة الأنكليزية

[umany]

موضوع رائع وملم ...شكرا لكم وبارك الله فيكم وبالاخص الاخ زاك والاخ شبح بغداد...
يا ربي يوفق الكل

بس عندي سؤال ...طفلي عمره 8 اشهر ,اشون حتكون وضعية جلسته, بمقعد الطائره لو بحضني؟؟؟ علما انو هوه كلش ناعم وحرك حيل...

مشكورين وماقصرتو

[umany]

نسيت السؤال الأهم ..شنو قلاقيل الطفل الضروريه وشنو اللي لازم اخليه ويايه بالطائره؟

بالنسبه للطفل هل اله فد جنطه شي لو خطيه قلاقيله ويه حقائب امه وابوه ؟؟

اني كنت مقرره انو اخذ علبة سيريلاك + علبة حليب + كيس بامبرز كامل + باكيت كلنس نوع Ledo او Jipsy

ايصير اخذ ويايه بطانيه مال طفل الفلفه بيهه  ؟

اخذ من كلشي اثنين اخاف تطلع غاليه هناك غراضه ؟ عله الاقل بالبدايه ؟
زين اني ابني اذا اختلف نوع الحليب مالته تتخربط وضعيته اشون بهيجي حاله ؟؟ اخذ كارتونه سيميلاك ويايه اشون حيره ياربي؟

اذا احد عنده طفل عمره 8 اشهر ومسافر ياريت يفيدني بمعلوماته واشون دبرهه ...

تسلمون عله كل شي ولو حته قراءة اشدا احجي ...بس لو رد اكون ممنونه !!

تحياتي
انشاللهالتوفيق للجميع

[ريم عبد]

حبيبتي ام اني هذا الرابط بي عن موضوع الطفل والطيران كلش راح ايفيدج الاطلاع عليه واذا بعد عندج اسئله حايره بيها نزليها حتى ايساعدوج بيها الاخوان ميقصرون

http://www.ankawa.com/forum/index.php/topic,387087.0.html

[ســـرى]

حبي ريومة ماقصرت بالجواب واللي شفناهم ويانه كان الطفل ابو الاشهر بدون مقعد اله وحده يعني لازم تتحملوه بس بالنومة كانوا يجيبولهم مثل السرير صغير يتركب بالمقعد مال الاهل وتوصلون بالسلامة عزيزتي.وهي هم نصائح ان شاء الله تفيدكم


بالنسبة لشغلة الاطفال اني بالنسبة الي وعن تجربة شخصية لازم يكون عند كل عائلة جنطة طفل يكون بيها كل الاحتياجات ترة الطفل يدمر اهله اذا جوعان او عطشان او نعسان او تعبان وهاي هي المدمرات الاربعة واللي تخلي الطفل حتى يتصرف تصرفات غريبة


المهم جنطة الطفل يجب ان تكون من النوع الذي يحمل على الكتف (هاي مهمة حتى تبقى اليدين فارغة لان راح تحتاجون ايدكم تكون فارغة علمود سحب الجنط او حمل الاطفال )

تحتوي على:

1) اطعمة للطفل من النوع المغلف وغير القابل للتلف مثل: جبس نوعين (لان اذا ضاج من نوع يكلب عليكم الدنيا ويكوللكم هذا مو طيب ما اريده)

2) جلاتين هذا كلش مفيد علمود تخلون الطفل ياكل جلاتين بصعود الطيارة او هبوطها حتى تقلل من عملية انسداد اذني الطفل والل راح تخليه ضايج واحتمال يبجي فبما انه ما تكدرون تنطوهم علج انطوهم شي يكلوه

3) ماء بقنينة صغيرة جدا تنحط بجيب الجنطة (مو بالجيب الرئيسي اقصد تخلوها بالجانبي) وهاي تفيد هواية لان بالطيارة مو مال كل شوية تكوللولهم نريد مي للطفل مو صحيح؟ واحتمال قوي يجيبولكم ماء بارد كلش شراح تسوون؟؟

4) الجنطة يجب ان تحتوي على غيار كامل للطفل اقصد ملابس داخلية مع حفاضات عدد 3 لكل طفل على الاقل تحسبا للطوارئ اما الملابس فيجب جلب بنطرون عدد2 وبلوزات عدد واحد مع تي شيرت اخاف تصير الدنيا حارة بالطيارة او المطار لاتخلون الاطفال لابسين ملابس ثقيلة وبعدين يعرقون بيها وراح يوصلون بجو يكون بارد (يعني نشلة مضبوطة!!!!!) + صداري للاطفال الرضع

5) محارم او خاولي صغير او كلنكس باكيت جيب مفيد جدا وضروري

6) حليب مطعم (ان وجد) فد باكيتين صغار حتى تلهوهم بيها من يكونون كاعدين.

7) لعبة صغيرة الحجم ممكن توضع بالجنطة حتى تلهوهم بس مو لعبة بيها موسيقى او صوت عالي وتنهرج الطيارة والناس تكوم تصيح الداد!!!!!!!

 علاكة فارغة او اكياس فارغة عدد 4 (تفيد للحفاضة المتسخة وتفيد ايضا لوضع الملابس مال الاطفال اللي ممكن يكونون بللوها بالمي من ديشربون او اتسخت عند تناول الطعام)

9) تلبسون الاطفال ملابس مريحة واحذية واسعة ومريحة ترة يقلبون الدنيا عليكم اذا تضايقوا من الحذاء

10) طبعا اذا جايين ببرد تلبسون الاولاد كولونات طويلة (وتجيبون وياكم احتياط واحد بالجنطة)

11) معقم جل تخلوه بالجنطة وممكن تجيبون كلينكس معقم (wipes) هذا يفيد في كل الاحوال وخصوصا اذا الطفل وسخ نفسه بالاكل ومهم تمسحون الطبلة مال الاكل بالطيارة قبل ما تخلون الطفل يلزمها ترة ما تعرفون اللي جان كاعد قبلكم شعنده من امراض معدية فكونوا حذرين.

هاي قائمة تخلوها كدامكم وتعبون الاغراض بالجنطة مع تحياتي

[umany]

الاخت ريم الورده

تسلمين علموقع فادني كلش كلش كلش هوايه ...

الاخت سرى الورده

اشكرك جدا للنصائح القيمه عزيزتي, ولو هيه اتفيد اللي عمره فوك السنه ...بس لا  تطلع الفيزا ونركب الطياره ابني صاير سنه...يبووو

تحياتي الكم يا اروع منتدى مشاركه بيه

 اختكم اماني

[nen000]

اخواني الاعزاء....

راح انطيكم كامل التفاصيل عن الاجازة الدولية للسوق واني كبل اسبوع طلعتها:

اول شي لازم عندك الاجازة العادية وراح تروح للجمعية العامة للسيارات والي صايرة بالمنصور بصف نقابة الجيولوجيين ومقابل نقابة المهندسين العراقية.

راح تتدخل للبناية وكولهم اريد الاجازة الدولية .... فراح ينطوك ورقة تكتب بيها معلوماتك مثلا الاسم بالعربي و رقم الاجازة و الجنسية وغيرها.....

تسلم الورقة الي بيها المعلومات و راح يقطعولك وصل ب 50000 دينار اجور الاجازة للعراقيين و 100000 لغير العراقيين....

باقل من ساعة راح تكمل وتطلع وانت شايل اجازة دوليه .....

شكرا جزيلا ع هاي المعلومة جماعتي الي ابامريكا اكدو علية شغلة الاجازة الدولية الظاهر فائدتها جبيرة هناك تحياتي للكل

[vincenzo]

لعد شكو اني دفعت 90 الف عليهه
كلش مهمه بنيو جيرسي مولاي 

[fady azir]

 اخواني الاعزاء هنا في سانتيغو  كلشيء موجود 

كان الحديث على مصحف كتاب القران او الانجيل  موجود بكثره في مكتباتنا العامه الاستعاره  حتى السيديات  لتلاوة القران الكريم   اخوان لضوجون نفسكم واصور  ماكو مسلم او مسيحي ميكون جايب ويا  القران او الانجيل وانشالله يارب توصلون بالسلامه  او مشوفون العوزه لاي شيء   

                         اخوكم

                  ابن العراق

[jacksparrow]

اخواني هل راح استفاد اذا اخذت معاي راوتر من نوع broadband cisco ؟
سعرة تقريبن 100 دولار واشوف حرامات ما اخذه برئيكم يشتغل بامريكا لو لا؟

[BaghdadGhost]

اخواني هل راح استفاد اذا اخذت معاي راوتر من نوع broadband cisco ؟
سعرة تقريبن 100 دولار واشوف حرامات ما اخذه برئيكم يشتغل بامريكا لو لا؟

اخي العزيز ,,,,,

اذا الراوتر من نوع N الجديد جيبة وياك يسوة ,,,,, اما اذا G لتجيبة ميسوة لان اصلا هنا ارخص من 100 دولار

[ابو الحسن]

عمي صباح الخير
اكول عمي
شلون اعرف الراوتر وايرلس مالتنا ان لو جي ؟
ابو الحسن

[BaghdadGhost]

عندي سؤال عن الكربر(بلايس) متعددة الإستخدامات مال الأمريكان هل مسموح بيهه؟ علما إنه من ضمن الملحقات إلي بيهه سكين

اخي العزيز

اذا بالجنطة مال شحن عادي ,,,, دير بالك تاخذها وياك للطيار ,,,, اما اذا سوالك على هنا امتلاكها اي لو لا ,, هي مزبلة هنا بالستورات

[BaghdadGhost]

عمي صباح الخير
اكول عمي
شلون اعرف الراوتر وايرلس مالتنا ان لو جي ؟
ابو الحسن

عمي الورد ,,,

عادتا تلكي الراوتر مكتوب عليه ان لو جي ,,,,, لازم مكتوب نوعيته

[زهرة الصبار]

بلا زحمه اللابتوب يعني يشتغل هناك بشاحنته لو ينرادله محوله لو شنو نسوي

[BaghdadGhost]

احتي زهرة الصبار ,,,,,

اللابتوب ميحتاج اي محولة ,, يشتغل هنا عادي بس نصيحتي ان تجيبون سيار وياكم من تجون حته هنا تكدرون تحورون الراس مالته الى امريكي وتستخدمون المكانات البي للاجهزة الكهربائية اللي يكون نهاية الوايرات مالتها دائري لان مثل متعرفين بامريكا النهايه تكون مستطيلة وصغيرة

[انتلو]

السلام عليكم اشكر كل الاخوان والاخوات عله هاي الموضيع الي ديفيدونه بيه وربي يوفق الجميع والي عله سفر يوصل بسلامه والي باله يريد يسافر انشأالله يسافر ويحقق اماني الجميع

[زهرة الصبار]

سلام عليكم
بس احبيت اكلكم كلما تتذكرون شي حطولكم ورقة وقلم وروحو كتبو حتا من ينطوكم موعد السفر سهل عليكم تلملمون الاشياء اللي كتبتوها

[BaghdadGhost]

اوصيكم ان تاخذوا معكم اهم شيء ..... المحبة .... و ان تغرسوها في دمكم ,,,

واوصيكم ان تتركوا خلفكم ابغض شيء ... الكره و جراح الماضي .... لانها سم قاتل


توصلون بالسلامة ان شاء الله

[زهرة الصبار]

والله يا علي وصيتك تنوزن بالذهب بس كود نكدر عليها كلنا انشالله
بالمناسبه اكو محوله ب 18 دينار تحول الفولتيه اشتروها كلش مفيده بالبدايه
واخذو نومي بصرة

[yousef_basra]

السلام عليكم
عندي كم سوآل واعتقد يجابون عليه بس الي مسافرين على برنامج الاي او ام من العراق

1-   خط الرحلة من اي مطار بالنسبة لسكنة البصرة والترانزيت وين راح يكون؟
2-   في حال الترانزيت على عمان الاردن هل نستطيع الدخول للاردن ام لا في حالة الترانزيت اكثر من 24 ساعة؟
3-   هل ستكون الفيزا مختومة بجواز السفر ام منفصلة ؟
4-   هل ستكون الجوازات بحوزتنا في السفر ام لا وشكرا .

اخوكم
 بالله يوسف

[زينه 1991]

السلام عليكم

المختصر المفيد انا اكلكم بالنسبه للرجال حتى لو كلشي مياخذ وياه بس شغلات يكضي بيها اول ايام لان مو من المعقول اول ميجي لامريكا يروح للاسواق يعني شغلات الرجال متوفره من ملابس من احذيه اذا الرجل يحي ياخذ الابتوب اوكي خلي ياخذه بس بامريكا انواع الابتوبات ورخيصات بس المشكله الكيبورد اجنبي يعني تكدر تاخذ وياك لاصقات من النوع الجيد هاي حتى لا تروح تحوكل بالابتوب وعندك جنط واطفال وكلمن جنطته واكيد تعرف شلون تبرمج الابتوب الى الغه العربيه





اما بالنسبه للمرأه اذا كانت محجبه فخلي تكثر بالشغلات الاسلاميه وتاخذ دشاديش لان التراكسوتات بكثره بامريكا يعني شغلات اسلاميه مثل التنورات والاحجبه والشالات وغيرها من الملابس الاسلاميه  واما بالنسبه للبنت الي مامحجبه فنصيحيتي الها لاتكثر بالملابس لان هنا اكو اشكااااااال والوان

بالنسبه للاقراص مال مسلسلات وافلام فكلشي لاتاخذون لان  هناك النت فول يعني مثل دا تصفح بمجله قوي جدا يعني تكدر تنزل اي فلم واي مسلسل واي لعبه وبالنسبه للكتب للي ايريد ايكمل دراسته  فلا ياخذ اي كتاب لان الدراسات بامريكا تختلف عن الدراسات بالعراق   


ولو هاي السوالف ماصارت مختصره بس يلا حبيت اوضح

[زينه 1991]

نسيت شغله الي هيه شغله الشسوار وشغلات كهربائيه لاتاخذون شي لان الكهرباء تختلف بامريكا وايظا السويجات  تختلف وهنا الشسوارت تتحصل اق شي ب10 دولار وست البيت ايظا اقل شي ب10 دولار واكيييييد اكو شغلات كهربائه موجوده هنا ماموجوده بالعراق

[زهرة الصبار]

حبي زينه يعني هاي ست البيت ام ال 10 دولارات مو تنكسر باستعمال واحد لو لا
بعدين ردت اسألج ناخذ شراشف ويانا لو لا وهمين يكولون البردات غاليه شنو رايج.؟؟؟؟

[مغترب بلا وطن]

حبي زينه يعني هاي ست البيت ام ال 10 دولارات مو تنكسر باستعمال واحد لو لا
بعدين ردت اسألج ناخذ شراشف ويانا لو لا وهمين يكولون البردات غاليه شنو رايج.؟؟؟؟

 ها زهرة الصبار اشو كايمة ادورين بالقلاقيل الي تاخذيها لامريكا  شنو مدكنتلج فيزا علا كتر

[زهرة الصبار]

وداعتك غروبي عود اذا جتي اروح بطرك عبيتي وعصيتي عود اذا دخلنا من صدك اخليهم يدزوها ورايه بال دي اح ال  لان القضيه وما فيها اني متاكدة انه مراح تطلع لا امنيه ولا اورنج لانه اني مو محظوظه ابد ,اما اذا جان الي بيها شلعان كلب فاني اكلك لا والله تطلعلي حتا داروح ودينشلع كلبي زين

[BaghdadGhost]

يسعدني ان ارى بان الموضوع لا زال يفيد اخوتي و اخواتي ....

بالتوفيق ان شاء الله

[زهرة الصبار]

طبعا شلون ميفيدنا وهوه اكثر شي  نشيل همه احنا العراقيين القلاقيل اللي نعبيها بالجنط

[ســـرى]

حبي زينه يعني هاي ست البيت ام ال 10 دولارات مو تنكسر باستعمال واحد لو لا
بعدين ردت اسألج ناخذ شراشف ويانا لو لا وهمين يكولون البردات غاليه شنو رايج.؟؟؟؟

لا حبي ما يحتاج اخذي اذا عندج مجال سيت واحد لاول فترة ووراها اشتري من محلات رخيصة والبردات اكو من سبع دولارات وانتي صاعدة جاهزة ومخيطة بس تحطيها

[زهرة الصبار]

حبي سرى تسلمين عالمعلومه زين كلتيلي جماله البردات هنا غاليه نار

[ابو منتهى]

مشكور على الموضوع شبح بغداد بس للأسف هذه الموضوع بعد وكت عليه بالنسبه الي لانه مصارلي اربع تشهر من قدمت من الامارات و هنا دمهم بارد يعني السالفه حيل مطوله بالنسبه لاسعار الالبتوبابات هناك اعتقد هناك ارخص و حسن جودت الاجهزه عندهم اعلا من الييجبو هنا و تكدرون تتاكدون من مواقع البيع مثل ebay.com

شكرا مره ثانيه على الموضوع الرائع

[rocco]

يعني من صدك هذا الموضوع توب كلش ويفيدني خصوصا اني دا انتظر موعد سفر هسة

شكرا اخوية صاحب الموضوع

[28 نيسان]

شكرا اخي العزيز على الموضوع

[me3maria]

اخواني الكرام :
اني عندي راوتر انترنيت اسمه tilgin AB
هذا يشتغل بامريكا يعني يفيد اذا ناخذه ويانه لولا
وقريت باحد المشاركات انه اكو كيبل نكدر نشتري يتوصل بين اللابتوب والتلفزيون حتى يشغل القنوات الفضائية العربيه فشنو هذا الكيبل يعني شنكول لابو المحل حتى يعرفه وهل هوه فعلا يغنينه عن الاشتراك للستلايت
ارجوكم افيدوني لان ماعندي خبرة بامور الاتصالات
ودمتم بخير

[28 نيسان]

تحية طيبة
لاتنسون تاخذون قاموس المورد ينفعكم وينفع اولادكم
رب اشرح لي صدري ويسر لي امري

[rayanchase]

اهم اهم اهم شي تااخذون ويااكم    امبي ثري بلاير    وتحطون بي موسيقى  علمود    تكضون الطريق 

[دحدوحة]

up

[ام برهومي]

موضوع مميز جدااااا عاشت الايادي

[دحدوحة]

من الاشياء المهمة والي تحتاجوهة هنا ونادر متنلكي وذا نلكت فغالية هية القاموس الالكتروني  وقوالب الكليجة

[اسراء بغداد]

أخواني  -  خواتي ...

أني عندي أطفال أثنين    2.8    أشهر     -       3.8   أشهر

ياريت تنصحونه ...نأخذ ملابس .....يعني نكثر بالملابس مال الأطفال !!  لو لا

و شنو أسعار الملابس هناك بأمريكا ....رخيصه   لو غاليه ....

ياريت تفيدوونا

البصير

اخوية ملابس الاطفال هنا كلش غالية بامريكا جيب وياك من العراق

[ميمي2010]

من الاشياء المهمة والي تحتاجوهة هنا ونادر متنلكي وذا نلكت فغالية هية القاموس الالكتروني  وقوالب الكليجة

اختي دحدوحة هسة القاموس الالكتروني وافتهمنه بس قوالب الكليجة شنسوي بيها بيو يعني من نوصل لامريكا هم نسوي كليجة
لالالالالالالالالالالالالا اختي كولي غيرها
مع تحياتي الج حبيبتي

[زهرة الصبار]

من الاشياء المهمة والي تحتاجوهة هنا ونادر متنلكي وذا نلكت فغالية هية القاموس الالكتروني  وقوالب الكليجة

اختي دحدوحة هسة القاموس الالكتروني وافتهمنه بس قوالب الكليجة شنسوي بيها بيو يعني من نوصل لامريكا هم نسوي كليجة
لالالالالالالالالالالالالا اختي كولي غيرها
مع تحياتي الج حبيبتي

عزيزاتي متحتاجون لا قوالب كليجه ولاقوالب بورك كلشي اكو بالمحلات العربيه اللي موجودة بكل الولايات وكل المدن لان الحمدلله العرب حتا بزروف الحيطان هم خشو
ترة متحتاجون لان حتا الكليجه والشكرلمة موجودة ولتكولون معفنه لان ممعفنه صدكوني متحتاجون شي حتا ملابس الاطفال اسعارها بالتنزيلات او التصفيه من يسوووون رخيصه عود اشترو لان همه كل وكت عدهم تصفية وتنزيلات وعروض خاصة حتا بدون مناسبة وبعد بكيفكم

[الريم 2000]

نصيحة لوجه الله مثل مااتفضلت اختنا زهرة الصبار اللة يوفقهاا يارب كلشي موجود ولا تحملون نفسكم غير بس اللي عدكم وحاولو تقللو لان كلشي موجود وهاي عن تجربة اللة الشاهد موفقين يارب

[cool050]

مشكور اخوي عطر بغداد على مجهودك الكبير

[ساحة التحرير]

السلام عليكم
اخى العزيز اعرف ان سؤالى خارج نطاق الموضوع بس انى ابحث عن مساعده من قبل اصحاب الخبره
اخوانى الاعزاء اذا ممكن تفيدونى بمعلومات عن مدينة ساوث كارولانا وبالذان عن مدينه كولومبيا راح تكون وجهتى لهناك ان شاء الله وماعندى اى معلومه عن هاى المدينه
ارجو من الاخوه الاعزاء ابداء المساعده , صار اكثر من مره اكتب بأكثر من موضوع ومدا  احصل على جواب
الرجاء مساعدتى فيه ولكم خالص الشكر والتقدير منى 
 

[سوسو اسو]

اخوان بالنسبه للموبايلات
اني ردت اشتري موبايل منا بس احد الاصدقاء كلي لتشترين لسببين:
اولا اكو احتمال ميشتغل (بس اكثر الحديثات يشتغلون)
ثانيا والي هو المهم
من توصل امريكا ووياك موبايل وتروح تشتري سيم كارت
مو كل الشركات حتبيعلك لان لازم تشتري موبايل منهم وينطوك سيم كارت
والسيم كارت محيشتغل غير على موبايلهم الي حتشتريه
اكو شركات تبيعلك سيم كارت ويشتغل على موبايلك الي انت جايبه وياك بس شنووو
فاتورتك الشهريه حتكونن غااااليه.. مو مثل ما لو مشتري موبايل منهم ..جان فاتورتك صارت اقل ووياها مميزات هم
والموبايلات الي يبيعوها همه نوعين :
اكو مدعمه متشتغل اله على شريحتهم ويصير سعره رخيص يعني ال iphone سعره 600 دولار اذا تاخذه مدعم يصير 200 دولار
واكو غير مدعمه تشتريه ب 600 دولار ويشتغل على غير سيم كارتات

والحلو هناك انو مثلا انت شتريت منهم iphone  من ينزل الاحدث ال iphone 4s مثلا تروح على الشركه اتبدل موبايلك بالاحدث وتنطيك واحد جديد
وتكون دافع شئ بسيط 10 لو 20 دولار للتبديل

واذا انباك موبايلك او ضاع تكللهم للشركه وهمه يقفلوه لموبايلك الي ضاع يعني بعد ميشتغل ومرح يفرح بيه الي لكاه او الي باكه وينطوك موبايل بداله مجانا

طولت عليكم واعذروني اذا احد كاتب هل تفاصيل قبلي لان بصراحه مقريت كل التعليقات
تحياتي الكم

[زهرة الصبار]

اني براي تشترون سم كارد احسنلكم ويشتغل تقريبا على كل التلفونات اللي وياكم بالنسبه الي حتى الصيني اللي جبته ويايه مشغلته عليه ومشتركه ويه simple  mobile وادفع بس 40 دولار شهري ومخابرات غير محددة يعني مفتوحه ورسائل داخلية ودوليه وحتى كندا بلاش همين يعني الحمدلله كلش ممتاز مع العلم اكو غير شبكات الناس يشكون منها
فانصحكك نشتركون بي وحتا بين الولايات الخدمة ممتازة وهوايه احسن من خطوط الشحن

[الريم 2000]

تسلمين سوسو اختنا على الشرح وهوة اللي صح وعين العقل ربي يفرجها عليج حبيبتى يارب وعلينا امين

[Everything]

شكرا على الموضوع المفيد جدا
احنا ممحديدلنا سفر لحد الان .....بس همينة حبيت استفسر خاف انسى
بس صدك حبيت اسال على سالفة البهارات
شو اكو ناس كالو عادي واكو ناس كالوو لا تخوف اخاف عبالهم قنبلة لو مخدرات لا سامح الله

زين شون لعد؟ احنا راح ندز احتمال بالبريد كم شغلة جدورة وقواري واشياء بس اذا يصير فخلي ندز بهارات وياها
بس اذا مندز بالبريد فهل عادي نخليها بجنط السفر باكياس حافظة ونكتب شنو هي عربي وانكليزي؟

وسؤالي الثاني يصير واحد ياخذ وياه معجون اسنان وفرشة اسنان ويحطها بالhand bag
?

[زهرة الصبار]

بهارات اخذ وياك شنو متريد وحطها بالجنطه الجبيرة محد يفتشها
اعتيادي اخذ معجون اسنان وفرشة لعد شلون تفرج اسنانك

[ابوغيد7]

السلام عليكم

شلونهم الطيبين
عاشت ايديكم على المشاركات المفيدة
لي طلب صغير ان امكن
ممكن ملخص لاهم الامور الي الواحد ياخذها ويا
وبالنسبة للطفل الي عمره بالاشهر شنو اهم الشغلات الي ممكن الواحد يصعدها ويا بالطيارة ويوافقون عليها ؟
وشكرا

[Everything]

بهارات اخذ وياك شنو متريد وحطها بالجنطه الجبيرة محد يفتشها
اعتيادي اخذ معجون اسنان وفرشة لعد شلون تفرج اسنانك

شكرا تسلم يعني عادي واحد يخلي معجون اسنان وفرشة بالجنطة الصغيرة؟

[rmadi]

اخوان أشكركم على الموضوع المفيد
بس ممكن سؤال ؟
الي يسافر مؤ بغداد كم جنطة الة حق؟. كل خص جنطة لو جنطتين ام ال ٢٣ كيلو؟
لان كل يوم اقرة شي شكل بالمنتدى وبصراحة كل الاخوة اصدق بيهم
قسم كالوا احنة بس جنطة اخذنة وقسم كالوا احنة سافرنا ويانة كل فرد جنطتين؟
ياريت معلوماتكم  حول الموضوع خاصة الي مسافرين او مستلمين تعليمات من المنظمة

[زهرة الصبار]

من بغداد جنطه وحدة
من الدول المجاورة الى اميركا جنطتين

[A_FOX]

من بغداد جنطه وحدة
من الدول المجاورة الى اميركا جنطتين

ابني سافر من بغداد اخذ وياه جنطتين ؟ ومسموح ياخذ وياه 46 كيلو

[ORCA]

موضوع مهم

[** AL SHAEEA **]

شكرا على الموضوع معلومات مفيدة