المحرر موضوع: عودة الامل الى المقبولين على كندا  (زيارة 1420128 مرات)

0 الأعضاء و 1 ضيف يشاهدون هذا الموضوع.

غير متصل السندبادي

  • عضو فعال جدا
  • ***
  • مشاركة: 399
  • الجنس: ذكر
  • حب لاخيك ماتحب لنفسك
    • مشاهدة الملف الشخصي
الف الف مليون مبروك اخوية ابن بلاد الرافدين ويارب الراحة والاستقرار


 اخوك السندبادي
عمري بروحي لابعد سنيني ولاسخرنة غدا من السبعيني      عمري الى الخمسين يغدو مسرعا والروح ثابتت على العشريني

غير متصل nahlahalhadithi

  • عضو فعال
  • **
  • مشاركة: 42
    • مشاهدة الملف الشخصي
    • البريد الالكتروني
الف الف مبروك اخويه ابن الرافدين وان شاء الله توصل بلسلامه

غير متصل كابرس

  • عضو فعال
  • **
  • مشاركة: 68
    • مشاهدة الملف الشخصي
    • البريد الالكتروني
شايف كل الخير اخوية ابن بلاد الرافدين وان شاء الله توصل بالسلامة
انت على ياولاية بالخير؟؟

اخوك ابو محمد

غير متصل اسامة الجميلي

  • عضو فعال جدا
  • ***
  • مشاركة: 169
  • الجنس: ذكر
  • بغداد لالاتتالمي
    • مشاهدة الملف الشخصي
الف الف مبروك اخونا ابن بلاد الرافدين وماجيكو انشاء تسهل كل الامور
 طبعا التوفيق من الله سبحان وتعالى وللجميع انشاء الله السفر الى بلاد الاحلام كندا .... امين








 ابو هيا______ الاردن
التوكل على الله

غير متصل احمد الغريب

  • عضو فعال جدا
  • ***
  • مشاركة: 131
    • مشاهدة الملف الشخصي
الف مبروك اخي ابن الرافدين ان شاء الله توصل بالسلامة. احمد الغريب

غير متصل الفاتح

  • عضو فعال جدا
  • ***
  • مشاركة: 78
  • الجنس: ذكر
  • إِنَّ مَعَ العُسرِ يُسرًا
    • مشاهدة الملف الشخصي




الف الف الف مليون ترليون مبرروووووووك اخي ابن بلاد الرافدين وان شاء الله الله يسهل امرك وتوصل بالسلامة
«اللهم إني عبدك، ابن عبدك، ابن أمتك، ناصيتي في يدك، ماض في حكمك، عدل في قضاؤك، أسألك بكل اسم هو لك، سميت به نفسك، أو أنزلته في كتابك، أو علمته أحدا من خلقك، أو استأثرت به في علم الغيب عندك أن تجعل القرآن ربيع قلبي، ونور بصري، وجلاء حزني، وذهاب همي، إلا أذهب الله همه وأبدل له مكان حزنه فرجا »

غير متصل ابن بلاد الرافدين

  • عضو فعال جدا
  • ***
  • مشاركة: 153
    • مشاهدة الملف الشخصي
تسلمون اخواني وشكرا على فرحتكم الي ويارب يوم الالكم وكل التوفيق

تسلمين اختي المسافرة انشاءالله يارب تسهل عليج وتفرحينة بخبر سفرج انشاءالله راح الكثير ومبقى الا القليل
تسلم اخوية ابو شهد ربي ييسر امرك هم ويفرجها عليك
اخوية علي ربي يوفقك ويفتحها بوجهك
شكرااااا اخوية كابرس كل التوفيق الك يارب    انشاءالله اني رايح بمقاطعة(ساسكاتشوان__المدينة::ساسكتون)
ربي يخليك ويوفقك ويسهل امرك اخوية اسامة الجميلي وانشاءالله تفرج عليك وتلحكنا بكندا
الله يسلمك اخوية احمد الغريب وربي يفتحها بوجهك ويسهل امرك
تسلم اخوية الفاتح كل التوفيق الك وربي يفتحها بوجهك ويسهل امرك انشاءالله

مواعيد خط الرحلة::
تاريخ السفر19/4/2011 من   عمان   الى   فرانكفورت     
ساعة المغادرة  2.55 فجرا  واوصل الى مطار فرانكفورت الساعة 6.25 صباحا
اغادر من مطار فرانكفورت الساعة 1.55 ظهرا ساعة الوصول الى مطار تورنتو 4.35 عصرا
بتاريخ 20/4/2011
من تورنتو اطير الساعة 12.05 ظهرا واوصل ساسكتون 1.30


وتحياتي الكم

غير متصل شكوماكو

  • عضو فعال جدا
  • ***
  • مشاركة: 745
    • مشاهدة الملف الشخصي
الف مبروك وان شاءالله سلامة الوصول وطيب الاقامة متمنيا لكم كل السعادة

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
اخويه ابن بلاد الرافدين الف الف الف مبروك عليك وانشالله حياة جديده في بلد الاحلام وسعيده انشالله

اخويه ابن بلاد الرافدين بصراحه انته حظك حلو لانك راح توصل في اول الصيف يعني راح ترتاح في كندا وتشوف جمال الطبيعه الي عمرنا ما شفنه مثل هيج جمال رباني وشايف كل الخير اخويه

انشالله تسمعونه اخباركم اخواني وتفرحونه بالاخبار الحلوه دائما




اخوك : الفريدو     وهاي احلى هلهوله لاخويه ابن بلاد الرافدين
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
هلا ابو احمد الفريدو



شلونك وشلون العائله؟؟؟؟؟؟؟؟


الله يسمع منك ابو احمد وان شاء الله خير.......


ابو جيرارد عندك بتورونتو وكل يوم نتخابر.....المسكين تغير عليه الجو.....دير بالك عليه اخى ابو الغيره....اذا تريد تلفونه تتطمن عليه انا حاضر


عبادى مر من هنا بالدردشه ;) ;) ;)بس كروب كندا عبادى ثابت هنا ;) ;) ;) ;) ;) ;)

اخويه عبادي شلونك انشالله بخير

ياريت تبعثلي رقم ابو جوجو والله اله وحشه ...  انتظر منك رساله ع الخاص  حتى اتبع اخباره دائما

اكيد يتغير الجو بس للاحسن انشالله وراح يتعود وخاصتا هسه بلش الصيف وراح يرتاحون انشالله

تدلل اخويه عبادي انته وجوجو وابو جوجو بعيوني وشتحتاجون اني بالخدمه



اخوك : الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل الخنساء ام عبدالله

  • عضو فعال
  • **
  • مشاركة: 42
    • مشاهدة الملف الشخصي
اعذروني لانقطاعي لظرف طارىء
سؤالي عن جميع اخواني اخواتي من جماعة كندا الاعزاء فردا فردا وان شاء الله الجميع بخير وان ييسر امركم الى ما تحبون .
الف مبروك لكل من الاخ ابن الرافدين لقرب سفره والاخ Majico للمقابلة وان شاء الله يوم السفر لك ولبقية الجماعة.
أخواني الفريدو وكاندي مان وعبادي 75  ارجو انكم تذكرون موضوعي (قصة الموبايل) لحد الان لم استلم أي اتصال من السفارة الكندية (اتصالهم الوحيد كان في 10/3 )  يعني صار 16 يوم دانتظر كما اني ارسلت لهم ايميل قبل عدة ايام ولم استلم أي رد والايميل ارسلته على البريد العام للسفارة حاولت ارسال عدة ايميلات على عنوان بريد قسم الفيزا والهجرة                                       dmcus-im-enquiry@international.gc.ca لكن كانت الايميلات ترجع فلهذا ارسلت على العنوان العام dmcus@international.gc.ca 
اخواني شنو رأيكم شنو اللي أكدر اسويه الان عدا الانتظار، اذا تكرمتم ممكن اتكوللي على طريقة للاتصال بالسفارة .
   
اذا الشعب يوما اراد الحياة فلابد ان يستجيب القدر

غير متصل Majico

  • عضو فعال جدا
  • ***
  • مشاركة: 83
  • الجنس: ذكر
  • • WHAT GOES AROUND COMES AROUND
    • مشاهدة الملف الشخصي
أختي أم عبد الله، شكرا على التهنئه بالمقابله ويوم اللي كل المنتظرين. بالنسبه للأيميل، طبعا من رخصة الأخوان، اذا كان الجواب كما في أدناه:
Consult our website, www.syria.gc.ca, which answers many frequently asked
questions.  We will respond only to specific case related questions that
are not addressed on the website  it may take few weeks before you receive
an answer ; do not send repeated E-mails .  We do not acknowledge the
receipt of documents.
فهذا يعني انهم أستلموا أيميلج وراح يجاوبوج بعد كم أسيوع (عادة بحدود شهر) ومو معناه انه ايميلاتج دترجع الا اذا أستلمتي غير شكل أيميل.
أنطيهه شويه صبر أختي وتابعي أيميلج بلكت يجاوبون.
تحياتي،
Majico
•   صرخه اصبحت وياك وبحلك خرسان  ... أشرت محد شاف كل ربعي عميان

غير متصل candyman

  • عضو فعال جدا
  • ***
  • مشاركة: 215
  • الجنس: ذكر
  • الحرف يبداء من عينيك رحلته وعندها تسجد الكلمات
    • ياهو مسنجر - candyman
    • مشاهدة الملف الشخصي
السلام عليكم

شلونهم الحلوين مشتاقين والله ....سمعت حس الهلاهل وجيت
 مبروك والف مبروك حبيبي الغالي ابن بلاد الرافدين وان شاء الله توصل بالسلامة يا غالي وكندا تتشرف بيك
وان شاء الله تتيسر امور الجميع يارب
شلونه الغالي ابو احمد مشتاقين ياطيب واسف على الغياب  ::)
وانته موجود وما تقصر يا ابو الغيرة
سلام للجيع
المتكبر يسكن في قصر فوق الجبال فيرى الناس صغارا ويرونه صغيرا

غير متصل ماري الينا

  • عضو فعال
  • **
  • مشاركة: 30
    • مشاهدة الملف الشخصي
تحياتى لجميع الطيبين
انشاء الله الفرج العاجل والقريب لجميع الاخوه والاخوات المنتظرين
الف مبروك لاخ ابن الرافدين توصلون بلسلامة ونسمع اخباركم الطيبه
مبروك لاخ ماجيكو انشاله السفر القريب
االشكر لجميع اللذين يسالون عنا

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
اخواني السلام عليكم

شنو السالفه شو ماكو صوت اليوم ؟؟؟؟ ::) ::) ::) ::)

نريد هلاهل

انشالله الفرج قريب اخواني وتفرحونه باخباركم السعيده دائما

نريد تواجد حتى يعود الامل من جديد لكل منتظري السفر الى كندا والفرج قريب اخواني لا تيأسو من رحمة الله

رحمة ربكم واسعه والفرج على رنة مبايل مو اكثر



اخوكم : الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل الخنساء ام عبدالله

  • عضو فعال
  • **
  • مشاركة: 42
    • مشاهدة الملف الشخصي
الاخ العزيز Majico  انا لم استلم أي رد على ايميلي المرسل الى السفارة على العنوان العام dmcus@international.gc.ca .
 اما بالنسبة الى الايملين اللي ارسلتهم في البداية على عنوان التالي
 dmcus-im-enquiry@international.gc.ca  فرجعوا على spam- MAILER-DAEMON – failure notice
Sorry we are unable to deliver your message to the following address.
Remote host said:550< dmcus-im- enquiry@ international.gc.ca>:Recipient address rejected:user unknown
أخوية شنو رأيك اعيد ارسال ايميلي على العنوان العام لو انتظر لو اكو حل اخر .

انا في انتظار اجابتك واجابة بقية الاخوة الفريدو وكاندي مان وعبادي 75
اذا الشعب يوما اراد الحياة فلابد ان يستجيب القدر

غير متصل ابن بلاد الرافدين

  • عضو فعال جدا
  • ***
  • مشاركة: 153
    • مشاهدة الملف الشخصي
تسلملي اخوية شكو ماكو ربي يفرجها عليك ويسهل امرك

حبي الفريدو تسلملي يالغالي والله يسمع من حلكك ويوفقك همينة وانشاءالله ترتاح بمدينتك الجديدة

شكرا اختي ماري الينا انشاءالله راحت البال والتوفيق بحياتج

تسلم اخوية كاندي مان ربي يفرجها عليك ويفتحها بوجهك وكل التوفيق الك يارب

تحياتي الكم جميعا  ;D

غير متصل Majico

  • عضو فعال جدا
  • ***
  • مشاركة: 83
  • الجنس: ذكر
  • • WHAT GOES AROUND COMES AROUND
    • مشاهدة الملف الشخصي
أختي أم عبد الله أيميل السفاره الكنديه في سوريا هو damascus-im-enquiry@international.gc.ca
طبعا يجيج failure notice اذا انتي ناقله العنوان غلط ياأختي دزي مره ثانيه وراح يجيج الرد أكيد بعد 5 دقايق بأنهم أستلموا الرساله وراح يجاوبوج بعدين.
شكرا أختي ماري الينا وأخويه Candyman ولازم أشوفه للظرف لو شما الفريدو معلي الحايط!
أخوان عندي سؤال عن أجازة السياقه في فانكوفر لأن اجازتي العراقيه العاديه والدوليه منتهيه ... شلون الحل أطلع وحدة من سوريا لو شلون الوضع بفانكوفر؟
أخوكم،
Majico
•   صرخه اصبحت وياك وبحلك خرسان  ... أشرت محد شاف كل ربعي عميان

غير متصل الخنساء ام عبدالله

  • عضو فعال
  • **
  • مشاركة: 42
    • مشاهدة الملف الشخصي
السلام عليكم
اخوية العزيز Majico  احب اكولك ان العنوان اللي كتبته اخذته مباشرة من موقع السفارة ولاحظت الفرق الموجود عن عنوانك لكني بالحقيقة فضلت موقع السفارة .
استخدمت العنوان حسب نصحيتك وفعلا راحت الرسالة وخلال اقل من دقيقة اجاني نفس جوابك(هذا الحجي قبل قليل) يعني هذه كليشة ترسل كرد لكل رسالة لا تتوفر بها شروط معينة.
الان هل انتظرعدة اسابيع ؟؟؟؟؟؟ وهل اتصالهم سيكون هاتفيا؟؟
وهل يعني ان رسالتي على العنوان العام وصلت الى القسم المختص لو لا؟؟؟

اذا الشعب يوما اراد الحياة فلابد ان يستجيب القدر

غير متصل Majico

  • عضو فعال جدا
  • ***
  • مشاركة: 83
  • الجنس: ذكر
  • • WHAT GOES AROUND COMES AROUND
    • مشاهدة الملف الشخصي
أختي أم عبد الله ... شفتي يعني موقعنا أدق من موقع السفاره حتى بالنسبه للمعلومات اللي تخصهم!! المهم ... فيما يخص الأيميل انتي سويتي كل ماممكن يعني مابقى الا تنتظرين جوابهم (على الأغلب ايميل خلال بضعة أسابيع ... يعني بحدود أربعه أو حتى ممكن يخابروج) وأطمئني همه يحولوه للقسم المختص ونصيحتي بعد لاتكررين أرسال الأيميلات لأن مثل مامكتوب في ردهم انهم مايحبذون أستلام أيميلات متكرره حول نفس الموضوع (عادي ماكو شي شخصي ... لاتضوجين). هسه بعد أن خلصنه من الأيميل ممكن تروحين للسفاره، أدري ميدخلوج بس أكتبي طلب بعريضه صفحه وحده (حضريهه من البيت على ورقه A4 عاديه - شرح مختصر) وخليهه بظرف وسلميهه مباشرة لحرس السفاره (مو للشرطه انتبهي أختي)، لاتنسين تكتبين العنوان ورقم الموبايل في نهاية الرساله داخل الظرف وبهذه الحاله راح يكون الجواب بشكل رساله بريديه (وهنا المصيبه لأن انتي تعرفين شلونهه الخدمه البريديه وأنه عناويننه كلهه غلط) أو ممكن يخابروج ولهذا لازم تخلين رقم التلفون مع العنوان (أختي، دائما أعتبري التلفون جزء من العنوان). مابقى الا الأتصال الهاتفي على أرقام السفاره وهذا غير مفيد مطلقا لأن راح تطلع وحده تكلج دزي بريد أو أيميل وهاي أحنه نعرفهه.
وبالتوفيق ياأم عبد الله،
Majico
•   صرخه اصبحت وياك وبحلك خرسان  ... أشرت محد شاف كل ربعي عميان

غير متصل candyman

  • عضو فعال جدا
  • ***
  • مشاركة: 215
  • الجنس: ذكر
  • الحرف يبداء من عينيك رحلته وعندها تسجد الكلمات
    • ياهو مسنجر - candyman
    • مشاهدة الملف الشخصي
ماكو شي ؟؟؟؟؟؟؟؟ اشو صنطة لاحس ولانفس ؟؟؟
اللي عندهم سفر  شاشتريتو ا؟؟  شبعتوا؟؟؟ حظرتوا الجنط لو لا ؟؟؟؟؟؟
تمنياتي للجميع بالسفر والتوفيق يارب
المتكبر يسكن في قصر فوق الجبال فيرى الناس صغارا ويرونه صغيرا

غير متصل مي فؤاد

  • عضو
  • *
  • مشاركة: 12
    • مشاهدة الملف الشخصي
اخواني واخواتي مرحبا مرة اخرى
طبعا اعرف صارلي مدة مدا ادز رسالة بس اعذروني وطبعا اريد اشكر قبل كل شي كل الي ساعدوني باي معلومة والي زيدو من معنوياتي خلال الايام الي سبقت موعد المقابلة
طبعا احب ابشركم بانه سويت المقابلة مال السفارة الكندية بعمان يوم 6/2/2011
وكانت المقابلة كلش سهلة حتى ما طولت يمكن ربع ساعة وراها اخذت اوراق الفحص الطبي وسويت الفحص الطبي وطبعا مكان الفحص الطبي اتغير من مركز الطبي العربي الى مركز بلازا الخالدي الطبي بشارع الخالدي هاي معلومة اخاف قسم من الاخوة والاخوات ما يعرفوها وهسة دننتظر موعد الدورة التثقيفية وتسليم الجوازات، ما اعرف اذا هذا الموضوع ياخذ وقت او لا بس هي الفترة ما بعد الفحص الطبي لازم يكون السفر خلال 6 اشهر ..... ويار ب يسهل للجميع الي دينتظرون السفر وطبعا اني وحدة منهم ومبروك للي سافروا

اختكم مي - عمان 

غير متصل abu shahed

  • عضو مميز
  • ****
  • مشاركة: 1100
    • مشاهدة الملف الشخصي
الف الف مبروك اختي العزيزه مي فؤاد ان شاء الله ربي يتمم عليكم بالخير والموفقيه والسفر القريب اللهم امين
اختي العزيزه ممكن اعرف متى استلمت الفورمات وشكرا


                       ابو شهد
((  وَلَسَوْفَ يُعْطِيكَ رَبُّكَ فَتَرْضَى  ))

غير متصل شكوماكو

  • عضو فعال جدا
  • ***
  • مشاركة: 745
    • مشاهدة الملف الشخصي
حبيبي واخي العزيز ابو شهد ان شاءالله يوم اللي تقابل وتكون امورك سهلة ويوم السفر ان شاءالله وآني جدا مشتاق لسماع اخبارك لان احنة من المخضرمين في هذا المنتدى. الله يسهلهة على الجميع يارب ياارحم الراحمين

غير متصل الخنساء ام عبدالله

  • عضو فعال
  • **
  • مشاركة: 42
    • مشاهدة الملف الشخصي
مبروك للاخت مي فؤاد وان شاء يوم تحديد موعد السفر والفرج لبقية الاخوة

اشكرك اخوية Majico على هذه التفاصيل واذا سمحت اسألك:
 هل مضمون الطلب الذي سأقدمه هو نفس ما ورد في الايميل ؟؟؟وهذا يعتبر من جانبنا نوع من التأكيد اما من جانبهم حسب ما قريت على موقعهم اذا استخدمت اكثر من وسيلة يسببلهم نوع من الارتباك والتشويش وبالتالي تأخير في الرد.
هل من الممكن ان اتجاوز عنوان السكن واستعيض عنه بالبريد الالكتروني والتلفون ؟؟؟ لاني اتفق معك 1000 بالمية بشغلة الخدمة البريدية فأذا كانت بريد عادي احتمال تضيع او يأخذ وقت طويل اضافة الى عدم وضوح العناوين واعتمادها على الدلالات.
عادة السفارة هل تتصل في ايام محددة لتحديد موعد المقابلة او الفورمات او في كل ايام الاسبوع؟
اذا الشعب يوما اراد الحياة فلابد ان يستجيب القدر

غير متصل Majico

  • عضو فعال جدا
  • ***
  • مشاركة: 83
  • الجنس: ذكر
  • • WHAT GOES AROUND COMES AROUND
    • مشاهدة الملف الشخصي
أختي أم عبد الله، الطلب اللي راح تقدميه هو نفس مضمون الأيميل لأن ببساطه أنتي ماعندج غير مشكله وحده وراح تكتبيهه بالأثنين. بالنسبه لكونهم يتشوشون أو مايحبذون أكثر من أتصال فهذا صحيح ومذكور بأيميل الرد مالهم انه لاتكررون أرسال الأيميلات حول نفس الموضوع والأمر مختلف بالنسبه للطلب فهو ماله علاقه بالأيميل (من حيث وسيلة الأتصال وليس الموضوع لأن الموضوع نفسه) وعلى العموم وحتى لاتقلقين قدمي الطلب أذا ماجاوبوا على الأيميل بعد شهر من أرساله. بالنسبه لأي مراسله حاولي دائما تذكرين العنوان البريدي والأيميل والهاتف كوحده واحده.
جواب الأيميل يكون أما أيميل (على الأغلب) أو مكالمه وجواب الطلب يكون أما رساله بريديه (على الأغلب) أو مكالمه والسفاره يموتون على المراسلات البريديه ... لاتسأليني ليش لأن ماأعرف بس يمكن عبالهم بعدهم عايشين بكندا!!
أما فيما يخص أيام الأتصال فهي نفس أيام الدوام الرسمي للسفاره (الأحد – الأربعاء) وخلال ساعات الدوام الرسمي (على الأغلب بعد الظهر).
تحياتي للجميع وخلي أكوم أروح للمقابله ... يمعوده أدعيلي  :)
Majico
•   صرخه اصبحت وياك وبحلك خرسان  ... أشرت محد شاف كل ربعي عميان

غير متصل مي فؤاد

  • عضو
  • *
  • مشاركة: 12
    • مشاهدة الملف الشخصي
مرحبا .... وانشاء الله يكونون الكل بخير

بالنسبة لسؤال الاخ ابو شهد اني استلمت الفورمات الخاصة بالسفارة الكندية يوم 17/12/2009 يعني ورا سنة وخمسة واربعين يوم يلة دزوا علية على مود المقابلة وجانت فترة الانتظار كلش متعبة بس الحمد لله عدت وبسلامة .... صح فترة الانتظار كلش مزعجة ومرات الواحد يحس انه ماكو امل .... بس اخواني واخواتي ابد لا اتيئسون والله يوفق الجميع وانشاء الله الكل مسافرين

اختكم مي فؤاد - عمان

غير متصل abu shahed

  • عضو مميز
  • ****
  • مشاركة: 1100
    • مشاهدة الملف الشخصي
حبيبي واخي العزيز ابو شهد ان شاءالله يوم اللي تقابل وتكون امورك سهلة ويوم السفر ان شاءالله وآني جدا مشتاق لسماع اخبارك لان احنة من المخضرمين في هذا المنتدى. الله يسهلهة على الجميع يارب ياارحم الراحمين
اخي الحبيب الغالي شكوماكو اشكرك حبيبي على دعائك يا طيب ربي يسر امرك اخويه العزيز وان شاء الله تفرحنه بسفرك الى بلد الاستقرار
اللهم امين ....اخي الغالي اخباري انا الان انتظر مقابله بالقنصليه الكنديه ولا اعرف متى هذه المقابله ادعو الله القدير ان يجمعنا انا وانت في كندا
لاني والله اتشرف بك اخ عزيز وغالي لانك انسان نبيل وطيب ربي يوفق جميع العراقيين امين يارب العالمين


                               ابو شهد
((  وَلَسَوْفَ يُعْطِيكَ رَبُّكَ فَتَرْضَى  ))

غير متصل شكوماكو

  • عضو فعال جدا
  • ***
  • مشاركة: 745
    • مشاهدة الملف الشخصي
حبيبي ابو شهد شكرا على مشاعرك الطيبة وهذا دليل على حسن اخلاقك وقلبك الطيب وان شاءالله  تتسهل امورك وتسافر واتمنى من الله عزوجل ان يجمعنا سوية

غير متصل abu shahed

  • عضو مميز
  • ****
  • مشاركة: 1100
    • مشاهدة الملف الشخصي
مرحبا .... وانشاء الله يكونون الكل بخير

بالنسبة لسؤال الاخ ابو شهد اني استلمت الفورمات الخاصة بالسفارة الكندية يوم 17/12/2009 يعني ورا سنة وخمسة واربعين يوم يلة دزوا علية على مود المقابلة وجانت فترة الانتظار كلش متعبة بس الحمد لله عدت وبسلامة .... صح فترة الانتظار كلش مزعجة ومرات الواحد يحس انه ماكو امل .... بس اخواني واخواتي ابد لا اتيئسون والله يوفق الجميع وانشاء الله الكل مسافرين

اختكم مي فؤاد - عمان
تسلمين اختي العزيزه ربي يتمم عليكم بالخير والموفقيه والسفر القريب اللهم امين

                           ابو شهد
((  وَلَسَوْفَ يُعْطِيكَ رَبُّكَ فَتَرْضَى  ))

غير متصل ام حمزة

  • عضو فعال جدا
  • ***
  • مشاركة: 85
    • مشاهدة الملف الشخصي
    • البريد الالكتروني
السلام عليكم شلون الاخوة والاخوات وشلون اخبار اخونا زيزون شنو كندا  خلتك تنسى احبابك لا ماتصور بس اكيد مشغول ونحب نطمئن عليك (التمس لاخيك سبعين عذرا)احنا من باب المعزة اختكم ام حمزة سوريا

غير متصل candyman

  • عضو فعال جدا
  • ***
  • مشاركة: 215
  • الجنس: ذكر
  • الحرف يبداء من عينيك رحلته وعندها تسجد الكلمات
    • ياهو مسنجر - candyman
    • مشاهدة الملف الشخصي
اختي العزيزة ام حمزة لا تسألين على زيزون الان هو شغول بشكل ما يوصف وما عندة نت صبري علية بحدود الشهر يلا يكدر يحكي معانا ان شاء الله
ام انتي والخنساء والمسافرة ان شاء الله من تسافرون وتوصلون بالسلامة انريد منكم وعد (حزب النسوان ) تكسرون هاي القاعدة وتتصلون بالمنتدى قبل الشهر واني كسرت القاعدة واتصلت بالمنتدى من الفندق بعد وصولي بأسبوع لكندا بس اعتقد الحظ حالفني وشوفونة افعالكم (حزب النسوان)واللله يتتم عليكم وتسافرون وتوصلون بالسلامة ونتلاكة كلنا بأرض الاحلام
المتكبر يسكن في قصر فوق الجبال فيرى الناس صغارا ويرونه صغيرا

غير متصل علي النعيمي

  • مبدع قسم الهجرة
  • عضو مميز جدا
  • *
  • مشاركة: 3022
    • مشاهدة الملف الشخصي
    • http://www.google.com/search?um=1&hl=ar&biw=1008&bih=406&tbm=isch&sa=1&q=a380&btnG=%D8%A8%D8%AD%D8%AB&oq=a380&aq=f&aqi=g10&aql=&gs_sm=s&gs_upl=375l15500l0l18469l13l11l2l3l0l0l735l2439l4-1.2.1l6l0
الف مبروك للي سافرووووووووو وان شاء الله تتحرك باقي الملفات

غير متصل klose

  • عضو
  • *
  • مشاركة: 9
    • مشاهدة الملف الشخصي
السلام عليكم اخون عندي استفسار من الاخوه الاعزاء بالمنتدى وخاصه الاخ ابو احمد الفريدو اني مرفوض من امريكا وقدمت استاناف ونرفض وبتاريخ 3\10\2010 دزو عليه المفوضيه وكالوا راح نوطنك على كندا ولحد الان كولشي ماكو وكل ما اخابر على المفوضيه واسالهم يكولون كندا ما فاتحه لحد الان شنو المساله والرجاء من الي مار بنفس حالتنا يجاوبنا وله الاجر والثواب لان احس انو دماغي وكف عن التفكير ولكم الشكر

غير متصل علي النعيمي

  • مبدع قسم الهجرة
  • عضو مميز جدا
  • *
  • مشاركة: 3022
    • مشاهدة الملف الشخصي
    • http://www.google.com/search?um=1&hl=ar&biw=1008&bih=406&tbm=isch&sa=1&q=a380&btnG=%D8%A8%D8%AD%D8%AB&oq=a380&aq=f&aqi=g10&aql=&gs_sm=s&gs_upl=375l15500l0l18469l13l11l2l3l0l0l735l2439l4-1.2.1l6l0
اخي كلوس اني نفس شغلتك بس اني بعمان انتة باي دولة بس انتظر لانو مادام كالولك نحولك لكندا يحولوك بس شوكت مااعرف لان اني هم ملفي حيتحول لغير دولة بس مكالو لاي دولة مثلك يعني محددو الله كريم ملاحظة اني رفضت امريكا بمقابلة التوطين

غير متصل المسافرة

  • عضو مميز
  • ****
  • مشاركة: 1993
  • الجنس: أنثى
  • اصبر قليلا فبعد العسر تيسير وكل أمر له وقت وتدبير
    • مشاهدة الملف الشخصي
اختي العزيزة ام حمزة لا تسألين على زيزون الان هو شغول بشكل ما يوصف وما عندة نت صبري علية بحدود الشهر يلا يكدر يحكي معانا ان شاء الله
ام انتي والخنساء والمسافرة ان شاء الله من تسافرون وتوصلون بالسلامة انريد منكم وعد (حزب النسوان ) تكسرون هاي القاعدة وتتصلون بالمنتدى قبل الشهر واني كسرت القاعدة واتصلت بالمنتدى من الفندق بعد وصولي بأسبوع لكندا بس اعتقد الحظ حالفني وشوفونة افعالكم (حزب النسوان)والله يتتم عليكم وتسافرون وتوصلون بالسلامة ونتلاكة كلنا بأرض الاحلام
إ

مرحبا اخي ابو عبد الله صدقني ان شاء الله اذا سافرنا الى كندا لك مني وعد ان ادخل بالمنتدى في اول يوم وصولي الى كندا في حالة توفر النت وسأشرح لكم عن الرحلة وبالتفصيل الدقيق جدا واكيد سنكون حزب نسائي ونتنافس معكم  بس ادعي لنا ان الله يفرجها علينا قريبا 

غير متصل العاشق_1111

  • عضو فعال جدا
  • ***
  • مشاركة: 398
    • مشاهدة الملف الشخصي
اخي ابو عبدالله    كاندي مان دزيت الك رساله على الخاص ياريت تجاوبني
اخوك العاشق_1111

غير متصل klose

  • عضو
  • *
  • مشاركة: 9
    • مشاهدة الملف الشخصي
الاخ علي النعيمي اتشرفت بمعرفتك اني اسكن في عمان وكان اخر رفض من امريكا بشهر الثامن 2010 واذا اعرفت اى معلومه ارجو ان تنورنا بيها ولك جزيل الشكر

غير متصل علي النعيمي

  • مبدع قسم الهجرة
  • عضو مميز جدا
  • *
  • مشاركة: 3022
    • مشاهدة الملف الشخصي
    • http://www.google.com/search?um=1&hl=ar&biw=1008&bih=406&tbm=isch&sa=1&q=a380&btnG=%D8%A8%D8%AD%D8%AB&oq=a380&aq=f&aqi=g10&aql=&gs_sm=s&gs_upl=375l15500l0l18469l13l11l2l3l0l0l735l2439l4-1.2.1l6l0
اخي كلوس الي لمست من اخابرهم كل شهر يحجون شكل علملف طبعا اما عن دول الي فاتحتهة هي استراليا وكندا وحسب قول المحامي الي قابلني وكال 90 بالمية يتحول ملفك لكندا ودااننتظر والله كريم

غير متصل klose

  • عضو
  • *
  • مشاركة: 9
    • مشاهدة الملف الشخصي
الاخ علي النعيمي اني هم نفس شغلتك كل ما اخابر عليهم يحجون شكل بس انت شوكت قابلت اخر مره

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
اخي العزيز كلوس تحيه طيبه

بالنسبه لملفك تبقى شغلة حظ لان هاي الفتره بين رفض امريكا والقبول على كندا جدا غامضه الشغله لان اعرف ناس قبلوهم بشهرين وناس بسنتين يعني ماكو اي قياس وخليها على الله وربك ييسر

انشالله الفرج قريب وتسمعنه اخبار طيبه

اخواني السلام عليكم شلونكم انشالله الجميع بخير



اخوكم : الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل abu shahed

  • عضو مميز
  • ****
  • مشاركة: 1100
    • مشاهدة الملف الشخصي
وعليكم السلام حبيبي ابو احمد اخبارك اخويه ان شاء الله بخير الله يسلمك ويبارك بيك
احنه بخير طول ما انت بخير اخويه الغالي الله يحفظك امين يارب


                        ابو شهد
((  وَلَسَوْفَ يُعْطِيكَ رَبُّكَ فَتَرْضَى  ))

غير متصل شكوماكو

  • عضو فعال جدا
  • ***
  • مشاركة: 745
    • مشاهدة الملف الشخصي
حبيبي والاخ العزيز الفريدو ( ابو احمد) الوردة حبيبي كلما تطل على المنتدى تزيدنا خير وبركة لانك بحق  انسان رائع تبحث عن الخير لنا دائما وهذه صفتك التي دائما انا افتخر بها والله لانك صادق في كل كلمة تقولها وفي كل توجيه وارشاد للآخرين لكي يسلكو الطريق الصحيح ومن ثم ينالو مبتغاهم  شكرا لك ولتواصلك الطيب معنا اتمنى من الله عزوجل ان يحفظكم ويديم عليكم بنعمته ويبعدكم من كل مكروه آمين يارب العالمين.

 اخوكم:
 شكوماكو (عمان)

غير متصل المسافرة

  • عضو مميز
  • ****
  • مشاركة: 1993
  • الجنس: أنثى
  • اصبر قليلا فبعد العسر تيسير وكل أمر له وقت وتدبير
    • مشاهدة الملف الشخصي
وعليكم السلام اخي الفريدو كيف حالك انت والعائلة ان شاء الله بخير وصحة نحن بخير ما دام في ناس طيبة مثلك تسأل عنا
تحياتي

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
وعليكم السلام حبيبي ابو احمد اخبارك اخويه ان شاء الله بخير الله يسلمك ويبارك بيك
احنه بخير طول ما انت بخير اخويه الغالي الله يحفظك امين يارب


                        ابو شهد

اخويه العزيز ابو شهد انته اخ والنعم منك واني جدا اسف لان مقصر وياك بس والله مشاغل الحياة كثيره

بس وعد مني انشالله راح اكون متواجد دائما لان اكو ناس طيبه مثلك بهذا المكان الرائع ويستاهلون الواحد يسمع اخبارهم دائما

انشالله نبقى على اتصال دائم وتسمعنه اخبارك الطيبه يا طيب



اخوك : الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
حبيبي والاخ العزيز الفريدو ( ابو احمد) الوردة حبيبي كلما تطل على المنتدى تزيدنا خير وبركة لانك بحق  انسان رائع تبحث عن الخير لنا دائما وهذه صفتك التي دائما انا افتخر بها والله لانك صادق في كل كلمة تقولها وفي كل توجيه وارشاد للآخرين لكي يسلكو الطريق الصحيح ومن ثم ينالو مبتغاهم  شكرا لك ولتواصلك الطيب معنا اتمنى من الله عزوجل ان يحفظكم ويديم عليكم بنعمته ويبعدكم من كل مكروه آمين يارب العالمين.

 اخوكم:
 شكوماكو (عمان)

اخويه العزيز شكو ماكو اني اعتز بيك اخ عزيز وبصراحه كلامك الطيب كبير وما اتصور اني استحق كل هذا لان احنه اخوه والاخ الي مايساعد اخوه هذا ما نسمي اخ

والله لو بيدي اقدم مساعده اكبر كان ما انتظرت ولبيت كل طلبات الطيبين امثالك

اني ممنون منك اخويه العزيز وربي ييسر امرك وتفرحنه باخبارك الطيبه دائما


اخوك : الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
وعليكم السلام اخي الفريدو كيف حالك انت والعائلة ان شاء الله بخير وصحة نحن بخير ما دام في ناس طيبة مثلك تسأل عنا
تحياتي


تسلمين اختي العزيزه المسافره وانشالله نسمع اخبارك بالخير دائما

اني بخير ماطول اكو ناس طيبه مثلك تسأل عليه وعلى عائلتي

ربي ييسر امرك ويوفقك وتسمعينه اخبارك الطيبه لان بصراحه شغلتك طولت بس فرج ربك موجود انشالله



اخوك : الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل السندبادي

  • عضو فعال جدا
  • ***
  • مشاركة: 399
  • الجنس: ذكر
  • حب لاخيك ماتحب لنفسك
    • مشاهدة الملف الشخصي
السلام عليكم ...

اشلونكم اخواني الطيبين انشاالله تكونون بخير وصحة وعافية ويارب تفرج على كل مضايق ويتظر فرج ربه وتسهل على الجميع ..اخواني الطيبين سفري قرب انشاالله ارجوا منكم الدعاء اليه بالتسهيل لان الشغلة يمنة تخوف جدا بعض الاحيان كتاب الخروجية ميجي ويروح الموعد علية وهاي سوهة بكثير ناس وراحت عليهم مواعيد ونظربو بوري ونامو اشهر والمكشلة القوانين بالساعات ومنعرف شيصير ميصير ....تحياتي لكم

 
اخوكم السندبادي
عمري بروحي لابعد سنيني ولاسخرنة غدا من السبعيني      عمري الى الخمسين يغدو مسرعا والروح ثابتت على العشريني

غير متصل ام حمزة

  • عضو فعال جدا
  • ***
  • مشاركة: 85
    • مشاهدة الملف الشخصي
    • البريد الالكتروني
السلام عليكم شلون الاخوة والاخوات الاعزاء اخوي السندبادي اتوكل على الله وان مع العسر يسرا وخلي ايمانك بالله كبير والي الله سبحانه وتعالى كاتبه يصير ان شاء الله كاتبلك الخير وتفرح ونفرح بيك ونسمع اخبارك الطيبة وتسمع الهلاهل الحلوة اختك ام حمزة من سوريا

غير متصل candyman

  • عضو فعال جدا
  • ***
  • مشاركة: 215
  • الجنس: ذكر
  • الحرف يبداء من عينيك رحلته وعندها تسجد الكلمات
    • ياهو مسنجر - candyman
    • مشاهدة الملف الشخصي
روح الله يفتحها بوجهك وييسر امرك وسهل سفرك ويرزقك من اوسع ابوابه
سلامي للحلوين العراقيين الطيبين ويارب تسهل اموركم
المتكبر يسكن في قصر فوق الجبال فيرى الناس صغارا ويرونه صغيرا

غير متصل Majico

  • عضو فعال جدا
  • ***
  • مشاركة: 83
  • الجنس: ذكر
  • • WHAT GOES AROUND COMES AROUND
    • مشاهدة الملف الشخصي
أخويه السندبادي الله يعينك و يسهل أمورك وكل العراقيين الطيبين اللي تحملوا حمل يهد جبال ... الله كريم وتصير سوالف.
أخوكم،
 :)Majico
•   صرخه اصبحت وياك وبحلك خرسان  ... أشرت محد شاف كل ربعي عميان

غير متصل sarmad81

  • عضو
  • *
  • مشاركة: 27
    • مشاهدة الملف الشخصي
السلام عليكم اخوان

طلبت السفارة تسليم الجوازات لل اي او ام عمان
وسلمتها وكالو السفر بعد شهر 6

انشاء التوفيق للجميع
اخوكم سرمد

غير متصل جنكي

  • عضو فعال جدا
  • ***
  • مشاركة: 88
    • مشاهدة الملف الشخصي
  صباح الخير على الجميع

  أخي sarmad81 الف الف مبروك وأنشاء الله تسهل أموركم وتسافرون ولو 6 أشهر مو قليله بس مع ذلك المهم عرفت أكو وقت معين وهذا بحد ذاته يخليك تكدر ترتب بعض أمورك وتتهيئ للسفر بعونه تعالى

  اخي السندبادي  الف مبروك موعد سفرك وانشاءالله ييسر كل أمورك وتسهل وين ماتروح والله يوفقك ويوكف الكم أولاد الحلال

  يارب

  اختكم جنكي

غير متصل sarmad81

  • عضو
  • *
  • مشاركة: 27
    • مشاهدة الملف الشخصي
شكراا اخت جنكي على التهنئة وعلى الدعوة الحلوة, وانشاء الله التسهيل والتوفيق لحضرتجك وكل المنتظرين السفر

لم يحددو موعد سفر ثابت بس على اساس من الشهر السادس القادم ممكن السفر والله كريم

مع الشكر

سرمد

غير متصل abu shahed

  • عضو مميز
  • ****
  • مشاركة: 1100
    • مشاهدة الملف الشخصي
الله يسر امرك اخي السندبادي يارب تسافر بالموعد المقرر ربي يكون وياك بكل لحظه امين يارب


                      ابو شهد
((  وَلَسَوْفَ يُعْطِيكَ رَبُّكَ فَتَرْضَى  ))

غير متصل abu shahed

  • عضو مميز
  • ****
  • مشاركة: 1100
    • مشاهدة الملف الشخصي
السلام عليكم اخوان

طلبت السفارة تسليم الجوازات لل اي او ام عمان
وسلمتها وكالو السفر بعد شهر 6

انشاء التوفيق للجميع
اخوكم سرمد
الف مبروك اخي سرمد ان شاء الله تسافر وترتاح اخويه شهر السادس مو بعيد حاول ترتب نفسك وتستعد للسفر ادعو الله القدير ان
يسر امرك وتوصل بااااالف سلامه امين يارب
((  وَلَسَوْفَ يُعْطِيكَ رَبُّكَ فَتَرْضَى  ))

غير متصل Majico

  • عضو فعال جدا
  • ***
  • مشاركة: 83
  • الجنس: ذكر
  • • WHAT GOES AROUND COMES AROUND
    • مشاهدة الملف الشخصي
الف الف مبروك أخويه سرمد 81 مابقه شي أخويه غمض فتح و تشوف نفسك بكندا يارب لكل المنتظرين.
أخوكم،
Majico
•   صرخه اصبحت وياك وبحلك خرسان  ... أشرت محد شاف كل ربعي عميان

غير متصل ام حمزة

  • عضو فعال جدا
  • ***
  • مشاركة: 85
    • مشاهدة الملف الشخصي
    • البريد الالكتروني
السلام عليكم اولا مبروك والف مبروك للاخ سرمد والله يسهل امرك يارب  وشلونك اخوي الفريدو والاخ السندبادي وابو عبد الله والاخت ام عبدالله وعذرا اذا نسيت احد اختكم ام حمزة سوريا

غير متصل السندبادي

  • عضو فعال جدا
  • ***
  • مشاركة: 399
  • الجنس: ذكر
  • حب لاخيك ماتحب لنفسك
    • مشاهدة الملف الشخصي
السلام عليكم ..مشكورين اخواني لدعائكم الية والله يسهل عليكم اجمعين ومايضل احد مهموم والله يريحنة من هم التفكير      والانتظار لان اصعب شي هو الانتظار ....


 اخوكم السندبادي
عمري بروحي لابعد سنيني ولاسخرنة غدا من السبعيني      عمري الى الخمسين يغدو مسرعا والروح ثابتت على العشريني

غير متصل اسامة الجميلي

  • عضو فعال جدا
  • ***
  • مشاركة: 169
  • الجنس: ذكر
  • بغداد لالاتتالمي
    • مشاهدة الملف الشخصي
مبروك والف مبروك اخونا سرمد انشاء الله التوفيق وتسهيل كل امورك للسفر الى بلاد الاحلام
بس ارجو ان تعطينا تفاصيل تواريخ تقديمك والمقابلات ؟ ؟
حتى يكون اطلاع للجميع وطبعا هي ايضا فائدة لكل الاخوان بالمنتدى
تحياتي الك






 ابو هيا_______الاردن
التوكل على الله

غير متصل ام حمزة

  • عضو فعال جدا
  • ***
  • مشاركة: 85
    • مشاهدة الملف الشخصي
    • البريد الالكتروني
السلام عليكم شلونكم يالغالين ابشركم اخونا زيزون موجود حاليا الحمد على السلامة شلونك عيني وشلون وضعك بكندا اختك ام حمزة سوريا

غير متصل الخنساء ام عبدالله

  • عضو فعال
  • **
  • مشاركة: 42
    • مشاهدة الملف الشخصي
السلام عليكم جماعة كندا فردا فردا

أبني السندبادي توكل على الله وشون ما تجي تجي لاتفكر هواية مو زين عليك بعدين ليش تفكر بالامور السلبية كون متفائل والله وياك ويحفظك وادعيلك الله يفتحها بوجهك وبوجه كل العراقيين الطيبين.

 الف مبروك للاخ sarmad 81 تحديد تاريخ السفر ان شاء الله يوم اللي نهنيك بالوصول بالسلامة.

الاخ زيزون الف الحمدالله على سلامة الوصول والاستقرار ان شاء الله يوم لبقية المنتظرين بعونه تعالى.
اذا الشعب يوما اراد الحياة فلابد ان يستجيب القدر

غير متصل sarmad81

  • عضو
  • *
  • مشاركة: 27
    • مشاهدة الملف الشخصي
شكرا اخويه ابو شهد على دعائك وانشاء الله التوفيق لحضرتك ولكل الاخوة والخوات بالمنتدى المحترمين ويسهل امركم

شكرا اخويه Majico  ,وربنا يسهل امرك ويحقق امنياتك

شكرا اخت ام حمزة وانشاء الله التسهيل والتوفيق لحضرتج

شكرا اخ اسامة الجميلي على التهنئة وانشاء الله التوفيق
بالنسبة للتواريخ, 2009 شهر ال 11 تقديم طلب كفاله من كندا
2010 شهر الثالث الموافقة من كندا على تقديم طلب الكفاله لكندا
2010 شهر السادس تقديم الاوراق الى السفارة الكندية
2010 شهر ال الثامن  رسالة تاكيد رقم الملف وطلب وثائق اضافية
2011 اواخر شهر الواحد  مقابله السفارة
2011 شهر 2 الفحص الطبي
2011 قبل ايام تسليم الجواز

شكرا اخت الخنساء ام عبد الله على التنهئه وانشاء الله يوم الي نسمع خبر سفرج
لم يحدد لي موعد سفر بشهر 6 , كالو انو السفر من شهر 6 وفوك
تحياتي للاخوة بالمنتدى وانشاء الله التوفيق للجميع

غير متصل sparky

  • مبدع قسم الهجرة
  • عضو مميز جدا
  • *
  • مشاركة: 2166
  • الجنس: ذكر
  • || الدين النصيحه ||
    • مشاهدة الملف الشخصي
    • --الدين النصيحه --


مبروك مبروك مبروك
والله افرح اقرا هذه الكلمات واتوقف لاكتبها واوصلها واكررها دون حتى ان اطلع على المحتوى الكامل لما مكتوب
لكنني صراحة افرح اشوفها هاي الكلمه اللي اتمنى اقولها واكتبها لكل عراقي
لانه معظمنا شبعان قهر والم واحزان وهموم والشكوى لله

انا ببساطه افرح لفرحكم والله يتمم على الجميع بالخير والبركه

اخوكم
سباركي
الامارات-دبي
-- لو تجري جري الوحوش غير رزقك ماتحوش --
-- واحدنا مثل عود البخور ..يحترق ومايطلع منه غير بس ريحة المسك والعنبر --

غير متصل aliz

  • مبدع قسم الهجرة
  • عضو فعال جدا
  • *
  • مشاركة: 108
    • مشاهدة الملف الشخصي

الاخ العزيز sparkyكلامك مضبو ط ميه  بالميه  ولهذا السبب اني كل يوم  ادخل واشوف شكو ماكو بالمنتدى ونفرح من كل كلبنه للي يخطون خطوات ايجابيه  ونواسي الي  اتعثرت بيه الدنيه ونشجع الي يريد يخطو خطوه ايجابيه ومثل حضرتك بعد اكثر يزيد املنه لانك انسان طيب الله يحفظك ويخليك دومك ذخر




ختك ألز

غير متصل candyman

  • عضو فعال جدا
  • ***
  • مشاركة: 215
  • الجنس: ذكر
  • الحرف يبداء من عينيك رحلته وعندها تسجد الكلمات
    • ياهو مسنجر - candyman
    • مشاهدة الملف الشخصي
شنو هالاخبار الحلوة عاشت ايديكم والله فرحتونة
شلونج ام حمزة اخبارج يمعودة اشترتي الجنط لو لا؟؟؟؟؟
سندبادي يالله يمعود (الزم التبليط) يلا عاد انضل ننتظر وينك ؟؟؟
مبروك للجميع الاخبار الحلة والله يتمم عليهم بالسلامة
زيزون وينك حبيبي طمنه عليك؟؟؟
المتكبر يسكن في قصر فوق الجبال فيرى الناس صغارا ويرونه صغيرا

غير متصل المسافرة

  • عضو مميز
  • ****
  • مشاركة: 1993
  • الجنس: أنثى
  • اصبر قليلا فبعد العسر تيسير وكل أمر له وقت وتدبير
    • مشاهدة الملف الشخصي
الف مبروك اخي سرمد المقابلة والفحص وان شاء الله موعد سفر قريب وحياة مستقرة في كندا
بالتوفيق

غير متصل شكوماكو

  • عضو فعال جدا
  • ***
  • مشاركة: 745
    • مشاهدة الملف الشخصي
مبروك لجميع المقبولين على كندا وسفر سعيد للي ينتظرون السفر ونكول يارب يوصلون بالسلامة مع تمنياتي للذين ينتظرون المقابلات بالخير والتوفيق وللجميع  ان تتسهل امورهم ويارب خلينة نشوف الكل فرحانة وسعيدة وتخلص من هذا الهم والكابوس

غير متصل ماري الينا

  • عضو فعال
  • **
  • مشاركة: 30
    • مشاهدة الملف الشخصي
تحياتى لجميع العراقيين الطيبين
الف مبروك لاخ سرمد وانشاله موعد سفر قريب باذنه تعالى
الاخ سندبادى خليه على الله الرب يرتب وانشاله انت الفرحه القادمة
الفرج العاجل لجميع المنتظرين
سلام خاص لاخ الفريدو والاخ كاندى مان لنفسهم الطيب بلمنتدى
الاخ زيزون بالنه عندك وانشاله نسمع اخبارك الطيبه

غير متصل السندبادي

  • عضو فعال جدا
  • ***
  • مشاركة: 399
  • الجنس: ذكر
  • حب لاخيك ماتحب لنفسك
    • مشاهدة الملف الشخصي
السلام عليكم اخواني الطيبين اشلونكم انشاالله تكونون بخير ومشكورين لتعاطفكم وياية وبدون اسثناء احييكم من كل قلبي والله يسهل عليكم ....اخوية الطيب  ابو عبد الله بعون الله جايك وانشاالله انتظارك ميطول تحياتي الك اخوية.....


اخوكم السندبادي
عمري بروحي لابعد سنيني ولاسخرنة غدا من السبعيني      عمري الى الخمسين يغدو مسرعا والروح ثابتت على العشريني

غير متصل ام حمزة

  • عضو فعال جدا
  • ***
  • مشاركة: 85
    • مشاهدة الملف الشخصي
    • البريد الالكتروني
السلام عليكم شلونكم اخوتي الاعزاء والله يابو عبدالله لحد الان ماشتريت الجنط لان كلش نفسيتي تعبانه صارلي من وقعت القرض والفحص الطبي 34 يوم ولحد الان محد اتصل بينا ونكول الله موجود وهو صاحب الفرج ياهم لي رب كبير 
شلونك اخوي السندبادي ان شاء الله تسهل امورك وتسافر بالسلامة مع سلامي وامنياتي بالسعادة والخير للجميع اختكم ام حمزة من سوريا

غير متصل AROMATICS

  • عضو فعال جدا
  • ***
  • مشاركة: 151
    • مشاهدة الملف الشخصي
ان شاء الله يكون هذا الشهر عليكم خير ونسمع باخبار سفركم ووصولكم لبلد الاستقرار والامان

غير متصل Majico

  • عضو فعال جدا
  • ***
  • مشاركة: 83
  • الجنس: ذكر
  • • WHAT GOES AROUND COMES AROUND
    • مشاهدة الملف الشخصي
أختي أم حمزه، لاتكوني متشائمه اني وقعت القرض وفحصت قبل أقل من أسبوع وما مأيس أبدا يمعوده اني أشتريت الجنط واللي يصير يصير (بالمناسبه من سوك الخجا كل 3 ب1000 ليره، ديري بالج لايقفصون عليج). هو صحيح الوضع هنا مو راحه بس يمعوده هاي زلاطه وسياحه بالنسبه للعراقيين. يلله انتي بس بشرينه حتى يصير عدنه أمل لاتخلينه نأيس لأن راح الكثير و ماضل الا القليل.
أخوكم،
Majico
•   صرخه اصبحت وياك وبحلك خرسان  ... أشرت محد شاف كل ربعي عميان

غير متصل السندبادي

  • عضو فعال جدا
  • ***
  • مشاركة: 399
  • الجنس: ذكر
  • حب لاخيك ماتحب لنفسك
    • مشاهدة الملف الشخصي
اختي ام حمزة الله يسهل عليج وتفرج باقرب وقت يمعودة اني من بعد 3سنين ربك فرجهة علية اشو انتي دتصبرين بية واثاري انتي اكثر مني مشائمة ههههههههههه اختي تفرج وتصير سوالف واني عكسك اول مقابلت مو بس اشتريت الجنط لا واشتريت كل احتياجاتي ووزنت الجنط وهاي من شهر 11 /2010 ولحد الان انتظروالجنط راحت اكلتهة الرطوبة بس هية الي مطيتني الامل ومصبرة علية والحمد لله هانت مضل شي بس شهر ونص والله يسيرهة انشاالله ويجي كتاب الخروجية بسرعة ونلكف خط كندا  بعون الله ويارب يوم الالك ولكل اخ او اختي يتنظرون السفر ...تحياتي الك ولكل الاخوة الطيبين ...


 اخوكم السندبادي
عمري بروحي لابعد سنيني ولاسخرنة غدا من السبعيني      عمري الى الخمسين يغدو مسرعا والروح ثابتت على العشريني

غير متصل sparky

  • مبدع قسم الهجرة
  • عضو مميز جدا
  • *
  • مشاركة: 2166
  • الجنس: ذكر
  • || الدين النصيحه ||
    • مشاهدة الملف الشخصي
    • --الدين النصيحه --


السلام عليكم يالطيبين

خيتي اليز
انا ممنون من كلماتك الطيبه
ونرجع ونكول مبروك لكل الناس اللي تسمع اخبار طيبه
-- لو تجري جري الوحوش غير رزقك ماتحوش --
-- واحدنا مثل عود البخور ..يحترق ومايطلع منه غير بس ريحة المسك والعنبر --

غير متصل ام حمزة

  • عضو فعال جدا
  • ***
  • مشاركة: 85
    • مشاهدة الملف الشخصي
    • البريد الالكتروني
السلام عليكم اشكركم اخوي Majico  واخوي سندبادي على سؤالكم والعمل على رفع معنوياتي بس والله اسفة ازعجتكم بس انتو اخواني واشكيلكم همي والله لا يهمكم هسه عدنا شويه الجو مخربط ان شاء الله اسبوع الجاي اشتري الجنط واللمل الغراض والله يسهل امري وامركم يارب
شلونك اخوي ابو عبد الله شلون اخبارك
شلونك اخوي الفريدو شلون الجو بعد بارد
شلونك زيزون ان شاء الله نسمع اخبارك الطيبة
شلونج عزيزتي ام عبدالله بشري خابروج السفارة
اخونا عبادي شلون اخبارك
العبير شلونك
واسفة اذا نسيت احد اختكم ام حمزة من سوريا

غير متصل الخنساء ام عبدالله

  • عضو فعال
  • **
  • مشاركة: 42
    • مشاهدة الملف الشخصي
السلام عليكم جماعة كندا الاعزاء
ان شاء الله الجميع بخير وعافية
حبيت ابلغكم ان السفارة اتصلت اليوم عصرا وحددتلي موعد مقابلة الاسبوع القادم وان اجلب معي المستمسكات الاصلية ونسخ مصورة منها مع صور شخصية
اخواتي المقابلة في اليو ان كانت مع موظفة سورية هذه المقابلة وية سورية لو كندية؟؟
وهذه المقابلة تعتبر مقابلة اولى؟؟؟؟
وارجو ان تنصحوني اذا اكو شي معين لازم انتبهله.

أختي العزيزة ام حمزة اشكرك على سؤالك انت سألتي منا وهي جتي منا ان شاء الله يوم يخابورج على المرحلة التالية

اذا الشعب يوما اراد الحياة فلابد ان يستجيب القدر

غير متصل ام حمزة

  • عضو فعال جدا
  • ***
  • مشاركة: 85
    • مشاهدة الملف الشخصي
    • البريد الالكتروني
السلام عليكم شلون الغالين الف الف الف مبروك عزيزتي ام عبد الله راح تقايلج سورية وجدا بسيطة المقابلة وبعدها ان شاء الله باسبوع تقابلج القنصل وهي انسانة رائعة وراح ان شاء الله توقعين القرض وتاخذين اوراق الفحص الطبي والله يسهل امرج وامر الجميع ويوم السفر ان شاء الله اختكم ام حمزة سوريا

غير متصل السندبادي

  • عضو فعال جدا
  • ***
  • مشاركة: 399
  • الجنس: ذكر
  • حب لاخيك ماتحب لنفسك
    • مشاهدة الملف الشخصي
مبروك اختي الخنساء وانشاالله يوم القبول والسفر ....


اختي ام حمزة اشلونك اختي انشاالله تكونين بصحة وعافية بشرينة اشترتي الجنط لو بعد ;D ;D ;D ;D


 اخوكم السندبادي
عمري بروحي لابعد سنيني ولاسخرنة غدا من السبعيني      عمري الى الخمسين يغدو مسرعا والروح ثابتت على العشريني

غير متصل علي النعيمي

  • مبدع قسم الهجرة
  • عضو مميز جدا
  • *
  • مشاركة: 3022
    • مشاهدة الملف الشخصي
    • http://www.google.com/search?um=1&hl=ar&biw=1008&bih=406&tbm=isch&sa=1&q=a380&btnG=%D8%A8%D8%AD%D8%AB&oq=a380&aq=f&aqi=g10&aql=&gs_sm=s&gs_upl=375l15500l0l18469l13l11l2l3l0l0l735l2439l4-1.2.1l6l0
الف مبروك اختنة الخنساء بالمقابلة مال القنصل حتبلغكم ورة شكد السفر تقريبي

غير متصل Majico

  • عضو فعال جدا
  • ***
  • مشاركة: 83
  • الجنس: ذكر
  • • WHAT GOES AROUND COMES AROUND
    • مشاهدة الملف الشخصي
ياالله يالله هلت البشاير ... ألف ألف مبروك أختي أم عبد الله على موعد المقابله و يوم موعد السفر ان شاء الله. من الأسئله والخبرات اللي تعلمتها من مقابلتي وطبعا من نصائح باقي الأخوات والأخوه:
1-   هل رجعتي للعراق من يوم اللي حولوج على كندا؟
2-   هوايه يركزون على الذكور و خدمتهم العسكريه.
3-   هل أنتميت الى البعث، ليش اذا نعم وشلون فلتتي اذا مامنتميه؟
4-   لاتتبرعين بالشرح عن شي ماسألوج عنه لأن راح تفتحين عليج أبواب انتي في غنى عنها ولايغرج انه همه لطفاء (وهذا صحيح للغايه) لأن ألسبب الرثيسي وراء وضعهم في هذا المكان ماكان اللطف بل لأنهم مدربين جيدا على طرق أستحصال المعلومات. جاوبي بالضبط على قدر السؤال و بما يطابق ماقد ذكرتيه بالفورمه سابقا (الكلام يشمل ما قد بلغتي ال UN).
5-   حضري أعذار لكل مايمكن أن يحرج مثل: موضوع الرجعات للعراق، الخدمه العسكريه، البعث والتهديدات (ان وجدت؟).
6-   كوني مسيطره وورده لأن أكيد ماراح يكصون راسج كنتيجه لأي سوأل. و بصراحه اني ماسمعت شخصيا عن واحد أنرفض من الكنديه وياريت الأخوان يكولولنه أذا يعرفون واحد (شخصيا).
7-   أخويه الفريدو بله زحمه حضرلنه فد هلهوله مرتبه من هلاهلك لما تبشرنه أم عبد الله بالقبول.
بالتوفيق ياأم عبد الله وقلوبنا وياج، :)
Majico
•   صرخه اصبحت وياك وبحلك خرسان  ... أشرت محد شاف كل ربعي عميان

غير متصل Majico

  • عضو فعال جدا
  • ***
  • مشاركة: 83
  • الجنس: ذكر
  • • WHAT GOES AROUND COMES AROUND
    • مشاهدة الملف الشخصي
أختي أم حمزه، يله يله الجو مو عذر والله لو تمطر ضفادع. آني حاضر و ممنون أذا أكو بعض الفقرات متندلين من وين تشتريهه وممكن أدليج على كد معرفتي لأن اني تقريبا مليت الجنط وهيه الغراض النه وللجهال يعني تفيد و مو خساره حتى لو ماصار سفرنا لالالالالالالالا سامح الله. أنتي بس بلشي بالتحضيرات وهيه هم طريقه لتضييع الوقت وأحسن من ماتوازين نفسج لآخر أيام، ولو لو عليه ... أقبل أروح بالهدوم اللي عليه  :).
سمعينا أخبارج الحلوه ياطيبه،
Majico
•   صرخه اصبحت وياك وبحلك خرسان  ... أشرت محد شاف كل ربعي عميان

غير متصل candyman

  • عضو فعال جدا
  • ***
  • مشاركة: 215
  • الجنس: ذكر
  • الحرف يبداء من عينيك رحلته وعندها تسجد الكلمات
    • ياهو مسنجر - candyman
    • مشاهدة الملف الشخصي
الف الف مبروك اختي ام عبودي و الله يتتم عيلج الخير وتوصلين بالسلامة انتي وام حمزة والسندبادي وابن بلاد الرافدين  وماجيكو وكل الاخوان المنتضرين السفر يارب (الجنط ......الجنط) وعليهم
المتكبر يسكن في قصر فوق الجبال فيرى الناس صغارا ويرونه صغيرا

غير متصل السندبادي

  • عضو فعال جدا
  • ***
  • مشاركة: 399
  • الجنس: ذكر
  • حب لاخيك ماتحب لنفسك
    • مشاهدة الملف الشخصي
شكرا اخوية ابو عبد الله (كاندي مان )هذا من اصلك وربي يوفقك وينورلك دربك وانشاالله يارب اوصل كندا ونتشرف باللقاء بيك


 اخوك السندبادي
عمري بروحي لابعد سنيني ولاسخرنة غدا من السبعيني      عمري الى الخمسين يغدو مسرعا والروح ثابتت على العشريني

غير متصل Majico

  • عضو فعال جدا
  • ***
  • مشاركة: 83
  • الجنس: ذكر
  • • WHAT GOES AROUND COMES AROUND
    • مشاهدة الملف الشخصي
ممنون أخويه العزيزCandyman   على أمنياتك الحلوه، حيل عجبتني الهوسه مال: (الجنط ......الجنط) وعليهم  :) :). والله هذا المنتدى مثل منجم جواهر، كلما الواحد يتعمق بيه كلما يلاكي الأنفس من الكنوز.
تحياتي للجميع بدون تحديد أسماء.
أخوكم،
Majico
•   صرخه اصبحت وياك وبحلك خرسان  ... أشرت محد شاف كل ربعي عميان

غير متصل ام حمزة

  • عضو فعال جدا
  • ***
  • مشاركة: 85
    • مشاهدة الملف الشخصي
    • البريد الالكتروني
السلام عليكم شلونكم عيوني وشلون الاخت ام عبدالله وبشايرها الحلوة شلونك ابو عبدالله وشلون السندبادي هههههههههه يارفع معنوياتي وشلونMajico تسلم ياوردة على سؤالك واني مفتقدة الفريدو لو متوهمة هههههههههههههه بين الكبر واليوم بديت المل الجنط وعلى كولة ابو عبد الله الجنط الجنط وعليهم وسلامي لكل من يسال عني اختكم ام حمزة سوريا

غير متصل ماري الينا

  • عضو فعال
  • **
  • مشاركة: 30
    • مشاهدة الملف الشخصي
الاخت خنساء الف مبروك انشاله الله يتممه عليج بخير وموعد سفر قريب
الاخ كاندى مان شكرا للتمنيات الطيبه اخ عزيز انته علينا
اخونا majico شكرا على النصائح القيمة لاخوة الى ممقابلين وانى من ضمنهم
اختى الخنساء  الله معك واحفضينه كل الاسئله الى موعلبال حته نستفيد منها
تحياتى للجميع

غير متصل Majico

  • عضو فعال جدا
  • ***
  • مشاركة: 83
  • الجنس: ذكر
  • • WHAT GOES AROUND COMES AROUND
    • مشاهدة الملف الشخصي
إختي ماري الينا ... لاشكر على واجب والمفروض أي واحد بينا يعرف أي معلومه (بس رجاءا تكون أكيده و صادقه مو أشاعات لاجئين حتى لايورط البقيه) انه يعممها على البقيه للأستفاده لأن هاي هي الحياه وخصوصا العيشه بالغربه ينرادلهه التكاتف مو مثل بعض الأخوه العراقيين ميصدكون يجيهم فد واحد مستجد ويستلموه عض. ;)
أخوكم،
Majico
•   صرخه اصبحت وياك وبحلك خرسان  ... أشرت محد شاف كل ربعي عميان

غير متصل الخنساء ام عبدالله

  • عضو فعال
  • **
  • مشاركة: 42
    • مشاهدة الملف الشخصي
جماعة كندا الاعزاء واخص يالذكر ام حمزة – السندبادي – علي النعيمي – Majico – Candyman – ماري الينا -

اعزاء قلبي كلش ممنونة منكم والله خليتوا دموعي تنزل من قريت كلماتكم  الصادقة والعفوية وعدت قرأتها مرات والله وبدون حلفان دعيتلكم كلكم دعيت للعراق والعراقيين ان يهدي سرهم وبالاخص الكم يا طيبين اللي ارتاح ان شاء الله يديمها نعمة عليه واللي ينتظرون ان شاء الله يبرد قلبهم ويرتاحون ويسافرون  الله يحفظكم اجمعين ويحفظ عوائلكم ويجمعنه على الخير دائما

اشكرك Majico  على نصايحك دايم ان شاء الله ، بالمناسبة صعدت الى الخط الاول مع الفريدو وكانديمان وعبادي75

خالتكم ام عبدالله
اذا الشعب يوما اراد الحياة فلابد ان يستجيب القدر

غير متصل الفاتح

  • عضو فعال جدا
  • ***
  • مشاركة: 78
  • الجنس: ذكر
  • إِنَّ مَعَ العُسرِ يُسرًا
    • مشاهدة الملف الشخصي
الف الف الف مبروك الخنساء ام عبد الله وان شاء الله هاي المقابلة حتكون بسيطة وهي بالاصل ما تسمى مقابلة لان انتي حتستلمين الفورمات وشوية اسئلة وخلص وان شاء الله انتي اي سؤال تحتاجيه بملئ الفورمات احنة حاظرين
والف الف مبروك لك مرة لك وللاخ سرمد وان شاء الله هالشهر نسمع هواي هلال وهوسات وان شاء الله تفرج على جميع الاعضاء
وهم اكول الجنط ... الجنط وعليهم  ;D
وسلامي لجميع الاعضاء بيبت بيت فردا فردا زنكة زنكة  ;) ;D
الفاتح
«اللهم إني عبدك، ابن عبدك، ابن أمتك، ناصيتي في يدك، ماض في حكمك، عدل في قضاؤك، أسألك بكل اسم هو لك، سميت به نفسك، أو أنزلته في كتابك، أو علمته أحدا من خلقك، أو استأثرت به في علم الغيب عندك أن تجعل القرآن ربيع قلبي، ونور بصري، وجلاء حزني، وذهاب همي، إلا أذهب الله همه وأبدل له مكان حزنه فرجا »

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
اخواني اخواتي السلام عليكم

الف الف الف مبروك لاختنه العزيزه الخنساء ام عبدالله وشايفه كل الخير
اختي ام عبدالله ماشالله اخواني كفو و وفو بالرد وبالشرح على المقابله وهذا يزيدني شرف انه الحد الان بعدنه بخير واكو ناس طيبه وربي يوفقهم جميعا وبصراحه اكولها الك مقدما الف الف الف مبروك القبول لان انشالله راح تقابلين ومن تطلعين اتمنى ان تذكري كلامي وكلام اخواني انه المقابله روتينيه جدا والقبول اكيد 100% وشايفه كل الخير اختي وربي ييسر امرك وامر كل الطيبين من اخواني واخواتي

اخويه السندبادي انشالله الامور تمشي مثل ما انته راسملها وماكو اي تاخير بس خلي ايمانك بربك وهو يقدم مابيه الخير وصدقني لو لا سامح الله صار تاخير فتاكد انه خير الك لان رب العالمين ما يترك انسان مهموم والفرج قريب بعونه تعالى          انشالله سفرتك بيومها وماكو تاخير وربي يوفقك وييسر امرك

اخويه سرمد الف مبروك عليك وانشالله سفرك لو بيوم 18   او  28 بشهر السادس وانشالله الحياة جميله كدامك وربي ييسر امرك وامر كل الطيبين


الف الف الف مبروك وصول اخويه زيزون وربي ييسر امرك وتكون سعيد في بلد الاحلام وخاصتا وصولك صار بداية الصيف وهذا شي رائع وانشالله راح ترتاح بكندا وتبدي حياة جديده سعيده بعون الله واي شي تحتاج اني بالخدمه وانشالله على تواصل دائم

الف الف الف مبروك اختي ام حمزه وواني اشكر تفقدك وسؤالك عني وبصراحه اني جدا اسف لان مشغول جدا بهاي الايام بأمور خير انشالله وربي ينطيكم الصحه والعافيه وتيسير الامور بعونه تعالى ومثل ما كالو اخواني اشتري الجنط وانشالله الايام تمشي وراح تصير سوالف لان اخر الايام راح تنخبصين وتنسين هوايه شغلات فنصيحتي من هسه رتبي امورك وانشالله خير وربي ييسر امرك وتفرحينه بموعد سفرك

اخويه ماجيكو بشرنه باخبارك انشالله بخير وننتظر الاخبار الحلوه منك واني محضر الهلاهل ونريد نفرح في بداية الصيف الجميل



اخواني اني فرحان جدا على هاي اللمه الجميله وربي يدومها علينه وعليكم وتدوم روح المحبه والاخوه الي بيناتنه بعونه تعالى





الله يوفقكم جميعا فردا فردا واشكر كل من سال عني بغيابي وانشالله الافراح قادمه والفرج قريب بعونه تعالى







اخوكم : الفريدو

قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل Majico

  • عضو فعال جدا
  • ***
  • مشاركة: 83
  • الجنس: ذكر
  • • WHAT GOES AROUND COMES AROUND
    • مشاهدة الملف الشخصي
أختي العزيزه أم عبد الله، شكرا جزيلا على مشاعرج الرقيقه، كلنا أخوه و أخوات أن شاء الله ومثلنا الأعلى الشباب اللي وصلوا كندا ومانسوا ومازالوا يمدون يد العون لبقية العاصين من أمثالنا. ومثل ماكال أخونه الفاتح، انتي بس أستلمي الفورمات وراح تشوفين أخوتج وخواتج كول و فعل وحسب ماالله يمكن كل وحده وواحد منهم. الكل بيهم البركه ويارب نعزل هالمنتدى بأستقرار الجميع ونبقى أصدقاء وأخوه.
من رخصة أخونه Candyman نستعمل هذا الشعار الحلو: الجنط ... الجنط و عليهم  :D ;)
أخوكم،
Majico
•   صرخه اصبحت وياك وبحلك خرسان  ... أشرت محد شاف كل ربعي عميان

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
اخواني احيي روح الاخوه الطيبه والله يدومها يارب

اخويه كاندي مان ابو عبدالله اني ممنون منك ومن طيبتك على روح المساعده وربي يوفقك مثل ماتساعد اخوانك

اختي المسافره اتمنى من الله ان يعطيكي ما تتمنين ودائما ادعيلك بالتوفيق وتيسير الامور

اخويه ماجيكو انته انسان طيب والله يكثر من امثالك على هاي الروح الطيبه

اختي ام حمزه الله يوفقك واشكرك على سؤالك عني دائما وربي ييسر امرك وتفرحينه باخبارك دائما

اختي الخنساء ام عبدالله اتمنالك كل التوفيق وانشالله الامور سهله وتستاهلين كل الخير

اختي ماري الينا تواجدك ويانه وروح التفائل الي تملكيها اجمل هذا شي رائع وانشالله ربي يوفقك وتنطيك كل امانيكي

اخويه السندبادي انته انسان طيب وربي ييسر امرك وتوصل الى كندا وتفرحنه باستقرارك في بلدك الثاني انشالله

اخويه عبادي الورده انته اخ عزيز واتمنالك كل التوفيق بحياتك وربي ينطيك ما تتمناه دائما لان اخ عزيز

اخويه العاشق دائما دعواتنا الك والى كل الطيبين وانشالله الفرج قريب جدا وبالتوفيق اخويه العزيز

اخويه شكو ماكو اسمك جميل وكل يوم ندخل المنتدى حتى نشوف شكو ماكو وانشالله تفرحنه باخبارك ياطيب


اختي دودو مايكل اتمنى ان نسمع اخبارك لان انقطاعك عنا يقلقنا وانشالله انقطاعك خير وترجعين وتنورينا

اخويه الفاتح شلونك اخبارك انشالله بخير ننتظر منك الاخبار الحلوه وانشالله قريبا تفرحنه بخبر حلو

اختي شموخ عراقيه اتمنالك الخير دائما وبصراحه صار فتره ماسامع اخبارك ولا تحزني لان الفرج قادم وانشالله خير بهاي الايام القريبه يارب

اخويه ابو شهد النرجس بصراحه انته اخ عزيز ودائما على بالي وانشالله نكون على اتصال لان بصراحه انته تستاهل كل الخير ياطيب

اخويه اسامه الجميلي ياورده اني جدا اسف لان اكثر من مره اكون مشغول ماكاعد تصير فرصه نسمع اخبارك وربي ييسر امرك يا طيب

اختي نهله الحديثي انتي اخت عزيزه وربي يوفقك وتفرحينه باخبارك دائما

اخويه علي النعيمي ياطيب شلونك انشالله بخير ياربي تسمعنه اخبارك الطيبه دائما وتوصل عند ابو رائد لانك تستاهل كل الخير وسلامي الى اخواني الطيبين من تراسلهم

اختي الز انشالله يمشي ملفك وتتوطنين ويكون نصيبك كندا وتفرحينه باخبارك الطيبه

اخويه احمد الغريب يا طيب بشرني باخبارك ؟؟ انشالله اكو اخبار خير بالايام القريبه القادمه بعونه تعالى

اخويه ابن بلاد الرافدين شلون الاوضاع انشالله جاهز للسفر ؟؟؟ ربي يوفقك وتوصل بسلامه وبداية حياة جديده وسعيده في بلد الاحلام انشالله

اخويه كابرس ابو محمد عاش من سمع صوتك شو من زمان مقطوع عني انشالله غيابك خير وربي يوفقك وتسمعنه اخبارك بالخير  دائما

اختي مي فواد بالتوفيق انشالله وننتظر منك خبر موعد خط الرحله بالفريب العاجل انشالله

اخويه زيزون انشالله راح ترتاح بكندا وربي ييسر امرك وتبدي بدايه صحيحه وبالتوفيق اخويه

اخويه الكاظمي شو مختفي ؟؟ مشتاقين نسمع اخبارك الطيبه وكالكري بانتظارك

اني اعتذر اذا كنت ناسي احد من اخواني واخواتي الطيبين وانشالله التوفيق للجميع ياربي





اخوكم : الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل السندبادي

  • عضو فعال جدا
  • ***
  • مشاركة: 399
  • الجنس: ذكر
  • حب لاخيك ماتحب لنفسك
    • مشاهدة الملف الشخصي
السلام عليكم ..شكرا اخوية الفريدو انت الاطيب والنعم بالله مايصير الا الي الله سبحانه وتعالى هو الرايدة (قل لن يصيبنا الا ماكتب الله لنا)


 اخوكم السندبادي
عمري بروحي لابعد سنيني ولاسخرنة غدا من السبعيني      عمري الى الخمسين يغدو مسرعا والروح ثابتت على العشريني

غير متصل abu shahed

  • عضو مميز
  • ****
  • مشاركة: 1100
    • مشاهدة الملف الشخصي
منور اخويه الغالي ابو احمد الورده والله والنعم منك حبيبي ابو احمد ربي يسر امرك اخويه ويحفظلك
الاهل والاولاد ويرزقك اللهم امين


                ابو شهد
((  وَلَسَوْفَ يُعْطِيكَ رَبُّكَ فَتَرْضَى  ))

غير متصل اسامة الجميلي

  • عضو فعال جدا
  • ***
  • مشاركة: 169
  • الجنس: ذكر
  • بغداد لالاتتالمي
    • مشاهدة الملف الشخصي
اخونا العزيز ابو احمد الله يخليك ويسلمك
انت ماكو على المنتدى ظل بالنا بس كلت حقك لان الشغل ومسؤوليات البيت الله ينطيك الصحة والعافية
سلامي لجميع الاخوان في المنتدى







  ابو هيا______ الاردن
التوكل على الله

غير متصل ام حمزة

  • عضو فعال جدا
  • ***
  • مشاركة: 85
    • مشاهدة الملف الشخصي
    • البريد الالكتروني
السلام عليكم الف هلا بكل الطيبن والف هلا بالفريدو وشلونك عيني سندبادي ابو عبدالله ميرسي على وصايك على الجنط(مو على اساس انت بجهة الفرنسي فلازم احجي وياك فرنسي الله وكيلك غير ميرسي وبنجور وبون وي) ترى ماكو وشلونك عيني عبادي شلونك واخونا زيزون شلونك واخونا العزيز Majico  واختنا العزيزة ام عبدالله والعبير واسفة اذا نسيت احد  بس اريد اسال الموافقة شوكت تجي لو هي حصلت من وقعت القرض اختكم ام حمزة سوريا

غير متصل شكوماكو

  • عضو فعال جدا
  • ***
  • مشاركة: 745
    • مشاهدة الملف الشخصي
حبيبي الغالي الفريدو ( ابو احمد) العزيز والله فرحت كثيرا عندما قرات ماكتبته وانت تشكر وتتمنى بالخير لكل احباءك من الاخوات والاخوة الاعزاء في المنتدى وانا فخور بك وبكلماتك لانني على يقين بان هذه الكلمات هي صادقة ونابعة من قلب طيب يحمله انسان طيب يريد كل الخير للغير وفقك الله وعائلتك الكريمة واسال الله عزةوجل ان يحفظكم ويرعاكم ويبعدكم من كل مكروه واطلالتك علينا حلوة كلش حلوة لانك من تبعث الامل في نفوسنا وشكرا لك ولجهودك الطيبة.

غير متصل Majico

  • عضو فعال جدا
  • ***
  • مشاركة: 83
  • الجنس: ذكر
  • • WHAT GOES AROUND COMES AROUND
    • مشاهدة الملف الشخصي
عزيزنا الغالي الفريدو ... سؤالك عن الجميع وأنت في قمة أنشغالك يدل على نبل أصلك و طيب أخلاقك. عمي صحيح انته مشغول بس سويلك طله كل يومين لأن انته وأمثالك من المؤسسين مثل الخميره مال المنتدى مايصير خبز جديد بلياهه. ربي يبارك و يوفق الجميع وتمشي معاملاتهم ونسويلنه فد منتدى زغيرون بكندا ... آمين.
سلامي للجميع بدون أستثناء وأعتزازي بصداقتكم ياعراقيين ياطيبين.
أخوكم،
Majico :)
•   صرخه اصبحت وياك وبحلك خرسان  ... أشرت محد شاف كل ربعي عميان

غير متصل احمد الغريب

  • عضو فعال جدا
  • ***
  • مشاركة: 131
    • مشاهدة الملف الشخصي
شكرا اخي ابو احمد (ابو الغيرة ) المنتدى والصفحة بيك منورة واللمة الي تكول عليهة تحلى بيك وبدون مجاملة وهذا مو رأي فقط ولكن رأي كل الاخوة والاخوات في المنتدى وان شاء الله نتفائل بهذا الشهر ومثل ماكلت لعله ان يكون خير على الجميع . وتحياتي لك ابو احمد والى كل الاخوة والاخوات . احمد الغريب

غير متصل ماري الينا

  • عضو فعال
  • **
  • مشاركة: 30
    • مشاهدة الملف الشخصي
السلام عليكم
اخونا العزيز الفريدو منورنا ومننحرم من تواجدك مع اخوتك واشكرك هذا من ذوقك وانشاله الموفقيه والسلامه
اخى majico  تسلم ياطيب بارك الله بيك وكثر من امثالك
اخونه الفاتح منور وينك صار مدة انته ماكو انشاله تسمع خبر حلو وتفرحنا وياك احنه جماعة ام الدنيا
مغتربه فى مصراشلونج حبى اريد انشوفج بلمنتدى
الفرج العاجل لكل الصامدين

غير متصل الكاظمي

  • عضو فعال جدا
  • ***
  • مشاركة: 164
    • مشاهدة الملف الشخصي


 الاخ الفريدو ابو احمد تحية طيبه
 اشكرك جزيل الشكر عن سؤالك عني وارجوا المعذره لانقطاعي في الفترات الاخيره وصدقني ياخي انت في القلب
 وكذلك اكن كل الاحترام لكل الاخوان والاخوات في المنتدى متمنيا لكل المنتظرين والطابكين عالسره سلامة الوصول
 والله ايصبر الجميع على سفارة الصبر .
 اكرر شكري لك اخويه ابو الطيبات ابو احمد الورده وسلامي للعائله وخاصة سلام خاص الى عروسة كندا اكيد كبرت
 وربي ايخليها الك ويحفظ الجميع  .

    تحياتي ...............اخوك المخضرم والطابك عالسره الكاظمي

غير متصل شموخ عراقية

  • مبدع قسم الهجرة
  • عضو فعال جدا
  • *
  • مشاركة: 208
    • مشاهدة الملف الشخصي
  السلام عليكم
اخي الفريدوو شكرا جزيلا على السؤال وانت ادرى بلحال
الاخوه الاخوات تحياتي الكم وانشءالله الفرج القريب تمنياتي لكم براحه البال
اختكم شموخ عراقيه

اختي شموخ عراقيه اتمنالك الخير دائما وبصراحه صار فتره ماسامع اخبارك ولا تحزني لان الفرج قادم وانشالله خير بهاي الايام القريبه يارب

ابكتني كلماتك يا ابو احمد واعتذر على عدم التواصل لان الظرف شويه صعب

غير متصل nahlahalhadithi

  • عضو فعال
  • **
  • مشاركة: 42
    • مشاهدة الملف الشخصي
    • البريد الالكتروني
السلام عليكم                                                                                                                                           شكرا جزيلا اخويه ابو احمد على سؤالك وبتواجدك وسؤالك علينه ينطينه الامل وان شاء الله مننحرم من تواجدك بلمنتدى                                                                                                                                                                                                           اختك نهله الحديثي

غير متصل الفاتح

  • عضو فعال جدا
  • ***
  • مشاركة: 78
  • الجنس: ذكر
  • إِنَّ مَعَ العُسرِ يُسرًا
    • مشاهدة الملف الشخصي
طبعا اخوي الفريدو مشكور على سؤالك علينا واطمن احنة بخير والحمد لله وكلما نسمع خبر منك او من بقية الاخوان نفرح كثيرا ونصير احسن واحسن وان شاء الله دوم الله يخليلنا هالجمعة وان شاء الله دوم نسمع الاخبار الحلوة
اختي ماري الينا والله اني موجود ملتهي بهاي ام الدنيا وبهالحياة وان شاء الله عن قريب نسمع الاخبار الحلوة منج و من كل جماعة ام الدنيا  :-X
واني بالي يم اختنا مغتربة هم صار مدة ماكو  عسى مالمانع شر ؟؟
وسلامي لجميع الاعضاء فردا فردا
الفاتح
«اللهم إني عبدك، ابن عبدك، ابن أمتك، ناصيتي في يدك، ماض في حكمك، عدل في قضاؤك، أسألك بكل اسم هو لك، سميت به نفسك، أو أنزلته في كتابك، أو علمته أحدا من خلقك، أو استأثرت به في علم الغيب عندك أن تجعل القرآن ربيع قلبي، ونور بصري، وجلاء حزني، وذهاب همي، إلا أذهب الله همه وأبدل له مكان حزنه فرجا »

غير متصل candyman

  • عضو فعال جدا
  • ***
  • مشاركة: 215
  • الجنس: ذكر
  • الحرف يبداء من عينيك رحلته وعندها تسجد الكلمات
    • ياهو مسنجر - candyman
    • مشاهدة الملف الشخصي
تحت شعار (الجنط ...الجنط ..وعليهم) ورفعا للمعتويات وبعد التحية والدعاء بالتوفيق اقول لكم اخواني الاعزاء السلام عليكم ورحمة الله وبركاته  وارجو من الاخوة الاعزاء القادمين الى كندا والمنتظرين بدا الربيع في كندا ولن نقبل بالاعذار والحرارة من 7 الى 11 درجة وبداء الاوز الكندي يوصل والجليد اللي بالماء ذاب والازهار بدأت تتفتح وفرحتنة ما راح تكمل اللا بوصول الجميع بأذن الله
وهاي صورة الجنط  والله شاهد قبل يومين القيتها في الازبال (اجلكم الله)
وهاي شموسة تطعم النوارس
اخوكم كاندي مان
المتكبر يسكن في قصر فوق الجبال فيرى الناس صغارا ويرونه صغيرا

غير متصل candyman

  • عضو فعال جدا
  • ***
  • مشاركة: 215
  • الجنس: ذكر
  • الحرف يبداء من عينيك رحلته وعندها تسجد الكلمات
    • ياهو مسنجر - candyman
    • مشاهدة الملف الشخصي
وهذا البط والسنجاب واني وشموسة يومية نروح لعى النهر نوكلهم
المتكبر يسكن في قصر فوق الجبال فيرى الناس صغارا ويرونه صغيرا

غير متصل الخنساء ام عبدالله

  • عضو فعال
  • **
  • مشاركة: 42
    • مشاهدة الملف الشخصي
السلام عليكم جماعة كندا

هلي الطيبين الفاتح  - الفريدو – Majico  ما اعرف شلون اشكركم  والله ما قصرتوا انتوا كدها ومثل ما يكول اخونا العزيز الفريدو شباب عراقيوا كندا كفووا ووفوا بارك الله بيكم وحفظكم وحفظ عوائلكم

اذا الشعب يوما اراد الحياة فلابد ان يستجيب القدر

غير متصل السندبادي

  • عضو فعال جدا
  • ***
  • مشاركة: 399
  • الجنس: ذكر
  • حب لاخيك ماتحب لنفسك
    • مشاهدة الملف الشخصي
الله يهنيك اخوية ابو عبدالله انت وعائلتك انشاالله كندا حلوة بيك وبكل طيب مثلك .....انتظرونة خوية جايك انشاالله وراح نخسرك عزيمة ونكلك ودينا للاوز والسناجب خلي نوكلهن اني وياك بس الاكل عليك  ;D ;D ;D ;D تحياتي الك اخوية

 اخوك السندبادي
عمري بروحي لابعد سنيني ولاسخرنة غدا من السبعيني      عمري الى الخمسين يغدو مسرعا والروح ثابتت على العشريني

غير متصل الفاتح

  • عضو فعال جدا
  • ***
  • مشاركة: 78
  • الجنس: ذكر
  • إِنَّ مَعَ العُسرِ يُسرًا
    • مشاهدة الملف الشخصي
السلام عليكم
اخوي كندي مان شكرا على تشجيعاتك والله يحفظلك شموسة وتظلون دوم فرحانين ومتونسين
اخوية نصيحة من اخوك وكلوهن للوزات زين اريد اجي اشوفهن مربربات
واني من هسة اخلي الاهل يتعلمون يطبخون الوز لان تعرف احنة بام الدنيا يعني هالاكلات تخصصهم حتى نسويلك ولكل الجماعة عنكاوا  عزيمة وز و برياني وتصير كعدة حلوة يم هالنهر  هههههههههههههه  ;D ;D ;D ;D ;D
وطبعا بس الجايات ذاك الوكت عليك اخويه وابو الهيل مو فتله  ;) ;) ;)
وثاني يوم كلنا على بغداد عدل ههههههههههه بتهمة الابادة  ::)
الله يفرحك دوم اخي ويفرح جميع الاخوان  المنتظرين السفر وان شاء الله نيسان يكون كله شهر خير ومسرات
الفاتح
«اللهم إني عبدك، ابن عبدك، ابن أمتك، ناصيتي في يدك، ماض في حكمك، عدل في قضاؤك، أسألك بكل اسم هو لك، سميت به نفسك، أو أنزلته في كتابك، أو علمته أحدا من خلقك، أو استأثرت به في علم الغيب عندك أن تجعل القرآن ربيع قلبي، ونور بصري، وجلاء حزني، وذهاب همي، إلا أذهب الله همه وأبدل له مكان حزنه فرجا »

غير متصل Majico

  • عضو فعال جدا
  • ***
  • مشاركة: 83
  • الجنس: ذكر
  • • WHAT GOES AROUND COMES AROUND
    • مشاهدة الملف الشخصي
أخويه العزيزCandyman  شحلاته منظر الجنط، صدك أحلى منظر ممكن يشوفه اللاجئ (يابط ياسنجاب) لأن يدري انه أيامه ظلت معدوده وراح يسافر.
الله يخليلك شموسه والنوارس والسنجاب والبط (يابه لو أببغداد جان مالحكت تصوره لأن جان من زمان أنطبخ :)). لو علينه نجي يوم كبل بس مثل ماتدري كلهه بيد الله و عمامنه الكنديين لمن يحنون علينه.
شكرا أخويه على جرعات المعنويات المتواصله لأن أحنه فعلا نحتاجهه.
ألله يوفقك ويديم صداقتنا.
أخوكم،
Majico
•   صرخه اصبحت وياك وبحلك خرسان  ... أشرت محد شاف كل ربعي عميان

غير متصل Majico

  • عضو فعال جدا
  • ***
  • مشاركة: 83
  • الجنس: ذكر
  • • WHAT GOES AROUND COMES AROUND
    • مشاهدة الملف الشخصي
أختي أم عبد الله، لاشكر على واجب، هاي أخلاق أغلبية العراقيين والبركه بالكل ومابيهم اللي يقصر أكيد لو أحد منهم أحتاجج بشغله ماتقصرين أبدا.
يلله بشرينه بتنيجة المقابله حتى الفرح يزيد بهالشهر ونحس انه أكو حركه.
تحياتي وأمنياتي بالموفقيه للجميع،
Majico
•   صرخه اصبحت وياك وبحلك خرسان  ... أشرت محد شاف كل ربعي عميان

غير متصل الكاظمي

  • عضو فعال جدا
  • ***
  • مشاركة: 164
    • مشاهدة الملف الشخصي

  الاخ كاندي مان الله يحفظك ويحفظ الجميع وايخليلك شموسه وعيني خلي اتكبرهن للوزات حتى من نجي يمكم
  اتسون عزيمه بيهن لكل القادمين الى كندا واكيد نفسكم طيبه .


         تحياتي ................................. اخوك الكاظمي

غير متصل ام حمزة

  • عضو فعال جدا
  • ***
  • مشاركة: 85
    • مشاهدة الملف الشخصي
    • البريد الالكتروني
السلام عليكم شلونج الجميع عساكم بخير

غير متصل ــــ{{{ABADY}}}ـــــ

  • مبدع قسم الهجرة
  • عضو مميز جدا
  • *
  • مشاركة: 4167
  • ما على الدنيا عتب كل مافيها امانى,,,
    • مشاهدة الملف الشخصي
اخت ام حمزه عليك وعلى الاخوان والاخوات السلام والرحمه


صح أنجرحنه نعم بس هذا مو مقياس... النخل من ينجرح ميشتكي من فاس
طبع النخل يرتفع ويضل شامخ الراس... ومايهزه زمن ولا عدو ولا كل الناس
عذرا "فيثاغورس" :العراق هو المعادلة الأصعب
عذرا "نيوتن" : بغداد هي التي تجذبنا
عذرا"ديكارت" : أنا عراقي إذاً أنا موجود
عذراً "دافنشي ": ال

غير متصل ام حمزة

  • عضو فعال جدا
  • ***
  • مشاركة: 85
    • مشاهدة الملف الشخصي
    • البريد الالكتروني
السلام عليكم شلونكم عيني شلونك اخوي عبادي وشلون اخبار اخوك اللي بكندا عساكم بالف خير يارب ويوم اللتبشرنه بسفرتك اختكم ام  حمزة من سوريا

غير متصل شموخ عراقية

  • مبدع قسم الهجرة
  • عضو فعال جدا
  • *
  • مشاركة: 208
    • مشاهدة الملف الشخصي
  السلام عليكم
الاخوه الاخوات
كبف الحال
عساكم بخير وصحه
تمنياتي لكم براحه البال





غير متصل مغترب بلا وطن

  • مبدع قسم الهجرة
  • عضو مميز
  • *
  • مشاركة: 1733
    • مشاهدة الملف الشخصي
    • البريد الالكتروني
صار مرتين افوت من فوك كندا , مرة بسنة 2010 ومرة بسنة 2011 كلها بحيرات  و 7 ساعات ادك بيها الطيارة ومدتخلص كندا  :o :o :o ان شاء الله تسهر اموركم وتشوفها   ::)

غير متصل candyman

  • عضو فعال جدا
  • ***
  • مشاركة: 215
  • الجنس: ذكر
  • الحرف يبداء من عينيك رحلته وعندها تسجد الكلمات
    • ياهو مسنجر - candyman
    • مشاهدة الملف الشخصي
السلام عليكم ورحمة الله وبركاتة شلع
بدون استثناء يابة البط والوز والسمك النهري  كلة ينتظر الاخوة الصيادين بس السناجب ما حد يتقرب عليها هاي شعار كندا خو مو تاكلون الشعار يمعودين ترى يرجعونة شلع .......تدرون شنو احلى من ياكل البط من ايديكم ؟؟؟؟..... من تاكلوا بأيديكم ههههههههههه
اشكركم اخوان على ردودوكم الحلوة والله يجمعنا بيكم في بلاد الوز والسناجب يارب
وهاي هم جرعات من الامل الصورة الاولى الوصول الى مطار باريس والثانية والثالثة
شموسة في مطار باريس الرابعة والخامسة والاخيرة شموسة توكل البط من كان النهر جامد
المتكبر يسكن في قصر فوق الجبال فيرى الناس صغارا ويرونه صغيرا

غير متصل ــــ{{{ABADY}}}ـــــ

  • مبدع قسم الهجرة
  • عضو مميز جدا
  • *
  • مشاركة: 4167
  • ما على الدنيا عتب كل مافيها امانى,,,
    • مشاهدة الملف الشخصي
السلام عليكم شلونكم عيني شلونك اخوي عبادي وشلون اخبار اخوك اللي بكندا عساكم بالف خير يارب ويوم اللتبشرنه بسفرتك اختكم ام  حمزة من سوريا


هلا باختى بام حمزه انا الحمد لله برحمت الله ....واخى الحمد لله بشهر العسل مع ارض الاحلام كنداااااااااااااااااااا :D :D :D يسلم عليكم اجمعين


الفرج القريب الكم جميعا


صح أنجرحنه نعم بس هذا مو مقياس... النخل من ينجرح ميشتكي من فاس
طبع النخل يرتفع ويضل شامخ الراس... ومايهزه زمن ولا عدو ولا كل الناس
عذرا "فيثاغورس" :العراق هو المعادلة الأصعب
عذرا "نيوتن" : بغداد هي التي تجذبنا
عذرا"ديكارت" : أنا عراقي إذاً أنا موجود
عذراً "دافنشي ": ال

غير متصل اسامة الجميلي

  • عضو فعال جدا
  • ***
  • مشاركة: 169
  • الجنس: ذكر
  • بغداد لالاتتالمي
    • مشاهدة الملف الشخصي
السلام عليكم
ابو شموسة الوردة شنو هاي الصور الحلوة... الله يخليلك الاولاد ويحفظكم لان انت اصيل وتستاهل كل الخير
انشاء التوفيق في بلد الاحلام كندا
وكل الاخوان بالمنتدى اتمنى التوفيق والسفر بااقرب وقت... امين يارب العالمين






 ابو هيا_____ الاردن
التوكل على الله

غير متصل sparky

  • مبدع قسم الهجرة
  • عضو مميز جدا
  • *
  • مشاركة: 2166
  • الجنس: ذكر
  • || الدين النصيحه ||
    • مشاهدة الملف الشخصي
    • --الدين النصيحه --


الله يتممها عليكم بالستر والعافيه والامن والامان
ويستر على الجميع ......اللهم امين بجاه رب العالمين
-- لو تجري جري الوحوش غير رزقك ماتحوش --
-- واحدنا مثل عود البخور ..يحترق ومايطلع منه غير بس ريحة المسك والعنبر --

غير متصل ماري الينا

  • عضو فعال
  • **
  • مشاركة: 30
    • مشاهدة الملف الشخصي
مساء الخيرات علجميع
اخونه كاندى مان

 الله يخليلك شموسه وتفرح بيه ويدوم عليكم النعمه والصحه والستر
وتحقيق الامانى الكم ولجميع العراقيين الطيبين


اختكم مارى

غير متصل السندبادي

  • عضو فعال جدا
  • ***
  • مشاركة: 399
  • الجنس: ذكر
  • حب لاخيك ماتحب لنفسك
    • مشاهدة الملف الشخصي
مساء النور عليك اختي ماري الينا وعلى كل الاخوة ويارب يكونون بخير وصحة وعافية

اخوكم السندبادي
عمري بروحي لابعد سنيني ولاسخرنة غدا من السبعيني      عمري الى الخمسين يغدو مسرعا والروح ثابتت على العشريني

غير متصل candyman

  • عضو فعال جدا
  • ***
  • مشاركة: 215
  • الجنس: ذكر
  • الحرف يبداء من عينيك رحلته وعندها تسجد الكلمات
    • ياهو مسنجر - candyman
    • مشاهدة الملف الشخصي
مساء النور اختي العزيزة ماري الينا واشكرك على الدعاء والله يفرج على كل العراقيين يارب وان شاء الله تتحقق كل امانيكم
الله يرضى عليك اخوية ابو هيا ويستر على عائلتك وتحقق كل امانيك  وان شاء الله توصلون بالسلامة وانشوف صوركم يارب
اشكرك اخي العزيز سباركي هذا من طيب اصلك الله يحفطك ويحقق كل امنياتك يارب
المتكبر يسكن في قصر فوق الجبال فيرى الناس صغارا ويرونه صغيرا

غير متصل sarmad81

  • عضو
  • *
  • مشاركة: 27
    • مشاهدة الملف الشخصي
أخوان صلواتكم معي

اليوم اتصلت بيه السفارة الكندية وكالت انو كنه غلطانين معاك ولم تحصل موافقتك الامنية بعد وغير معلوم متى ممكن ان تكمل وحنرجعلك جوازك

صاير بأحد هيجي شي قبل

واختفى الامل من جديد

غير متصل كابرس

  • عضو فعال
  • **
  • مشاركة: 68
    • مشاهدة الملف الشخصي
    • البريد الالكتروني
السلام عليكم اخوان
اخوية sarmad81
انت وين بالضبط بعمان لو بسوريا لو تركيا ؟؟حتى نكدر انجاوبك واشكد صار من سلمت الجوازات لان مسامعين هيجي شي

اخوية ابو احمد اعذرني النت ضعيف عندي
مشتاقين جدا لك

الله يفتحها على الجميع وييسر الامور

اخوكم ابو محمد

غير متصل شموخ عراقية

  • مبدع قسم الهجرة
  • عضو فعال جدا
  • *
  • مشاركة: 208
    • مشاهدة الملف الشخصي
عزيزتي سماره كلشي بلنصيب وتوقيت الباري ياما ناس صار سنين على نفس الحال وياما ناس ب6 شهور الله سهلها عليهم
دعائي الج
الاخوه بمصر شلون اخباركم هل من جديد؟
مغتربه ماكو من مده ليس بلقليله اكو احد يعرف شي عنها لان غيابها قلقني
تحياتي للجميع
تمنياتي لكم بتحقيق الاماني




عبير
[/color]

غير متصل sarmad81

  • عضو
  • *
  • مشاركة: 27
    • مشاهدة الملف الشخصي
السلام عليكم اخويه كابرس

اني بعمان وسلمت جوازي قبل اسبوعين, ومدفهم شنو الي صار

غير متصل شموخ عراقية

  • مبدع قسم الهجرة
  • عضو فعال جدا
  • *
  • مشاركة: 208
    • مشاهدة الملف الشخصي
الاخوه الي بمصر وينتظرون توطين كندا قبل كم يوم كنت في المنظمه وقابلت موظفه من قسم التوطين وابلغتني سيتم مناقشه حميع الملفات الي في قسم التوطين اي الحاصلين على توطين والتسريع في ملفاتهم وايضا صادفت امراه وابنها لديهم سفر يوم الاحد المقبل الى كندا
تمنياتي لكم بلسفر جميعا

غير متصل كابرس

  • عضو فعال
  • **
  • مشاركة: 68
    • مشاهدة الملف الشخصي
    • البريد الالكتروني
اخويةsarmad81
دزيتلك رسالة علخاص ارجوا الرد

غير متصل Majico

  • عضو فعال جدا
  • ***
  • مشاركة: 83
  • الجنس: ذكر
  • • WHAT GOES AROUND COMES AROUND
    • مشاهدة الملف الشخصي
عزيزيSarmad81  اني اسف جدا لهذه الأخبار  :'( وبصراحه اني سألت هنا بسوريا ومصايره ويه جماعة كندا بس عاديه جدا بالنسبه لجماعة أمريكا ياأخي كلنا بكنا هوه بس لا أنتقلت العدوى من أمريكا لكندا.
أخويه الله يعينك وياريت نملك غير الدعاء.
أخوكم،
Majico
•   صرخه اصبحت وياك وبحلك خرسان  ... أشرت محد شاف كل ربعي عميان

غير متصل ام حمزة

  • عضو فعال جدا
  • ***
  • مشاركة: 85
    • مشاهدة الملف الشخصي
    • البريد الالكتروني
السلام عليكم شلون الاخوة الاعزاء اخي سرمد تفائلو بالخير تجدوه وان شاء الله الصبر مفتاح الفرج وان شاء الله تسمع اخبار طيبة ومفرحة بس انت ثرت موضوع كلش قوي  سؤال هو انه الموافقة الامنية منين تحصل من كندا لو من اي مكان اخر وعلى شنو التجيك يتم
واكو عائلة هنا بسوريا اني اعرفهم قبل شهرين ونص وقعو القرض واجرو الفحص الطبي ولحد الان محد اتصل بيهم بس عدهم موضوع ماحجو هو انه الرجل صاحب العائلة كان يشتغل باحد الدوائر في العراق وكان عنده باجات من الامريكان يدخل بيها للمنطقة الخضراء  هل راح يعرفون من خلال الموافقة الامنية بهذا الموضوع علما انه قبل مايقدم على اليوان بسنة تارك العمل فشنو رأي اهل الخبرة بهل الموضوع وارجو من الله التوفيق للجميع وبالمناسبة موضوع سرمد دوخنا بس نكول الله موجود والله المفرج اختكم ام حمزة من سوريا

غير متصل newlife79

  • عضو فعال
  • **
  • مشاركة: 37
    • مشاهدة الملف الشخصي
السلام  عليكم
اني  مرفوضة  من فنلندا  ويوم 5 بشهر  4  خبروني  انو  ملفكم  تحول  لكندا   زين  الي  مرفوض  يتاخر   على  كندا  يعني  مثل  الي مرفوض  من امريكا  لان  اعصابي  تعبت  كلش  من لموضوع وهذا  اول  رفض  الي  من فنلندا  اني  بسوريا
ارجو  المساعده

غير متصل sparky

  • مبدع قسم الهجرة
  • عضو مميز جدا
  • *
  • مشاركة: 2166
  • الجنس: ذكر
  • || الدين النصيحه ||
    • مشاهدة الملف الشخصي
    • --الدين النصيحه --


اللهم فرجها على عبادك العراقيين المساكين اللي ماشافوا هدوء من سنين
اللهم فرج همنا وافتحها بوجه كل مسكين اسمه عراقي
لااله الا الله الحليم الكريم
سبحان الله رب العرش العظيم
الحمد لله رب العالمين

اللهم اذا اعطيتنا فلاتجعلنا من عبادك الجاحدين
واجعلنا من عبادك الحامدين الشاكرين
اللهم اذا منعتنا فلاتجعلنا من عبادك الساخطين القانطين
واجعلنا من عبادك الحامدين الصابرين

تذكروا ايها الاخوه ان الخير دوما من الخالق الله سبحانه وتعالى وكل فاحشه وخطا فمن انفسنا نحن فقط

الدعاء للجميع بالفرج
لاتنسوا ذكر الله رجاء وهذه لجميع الاديان لاننا كلنا موحدين لله سبحانه وتعالى وادامكم الله
-- لو تجري جري الوحوش غير رزقك ماتحوش --
-- واحدنا مثل عود البخور ..يحترق ومايطلع منه غير بس ريحة المسك والعنبر --

غير متصل Majico

  • عضو فعال جدا
  • ***
  • مشاركة: 83
  • الجنس: ذكر
  • • WHAT GOES AROUND COMES AROUND
    • مشاهدة الملف الشخصي
وعليكم السلام أختي أم حمزه، والله سالفة أخونا sarmad81 تحير وماصايره قبل بالنسبه لكندا، على العموم اني متوقع كل شي بالنسبه للعراقيين والله ماأدري شنو جريمتهم.
أخواتي وأخوتي اني راح أجاوب على قدر الأكيد من معلوماتي لأن أشاعات اللاجئين كلش هوايه. اللي أعرفه انه المعدل المنطقي بين القبول وتوقيع القرض و الفحوصات الى طلب الجوازات هو شهرين (والكلام بالنسبه لسوريا)، مره أخرى هذا المعدل لأن أعرف شخصيا حالتين (وأعذروني من ذكر الأسماء حفظا لخصوصية الناس) الأولى لعائله بمساكن برزه (منطقه في دمشق) طلبوا منهم الجوازات بعد 19 يوم فقط وحاله ثانيه من جرمانا (منطقه أخرى من دمشق) مازالوا ينتظرون من أكثر من أربعة أشهر. والفتره الثانيه بين تسليم الجوازات ووضع الفيزا وأعادة الجوازات فكانت تختلف أيضا فلي صديق هو الآن في كندا (يوم للجميع ... آمين) كانت يومين فقط أما لحاله أخرى وشفتها بعيني من كنت بباب السفاره لغرض المقابله أجه واحد ماأعرفه بس كدامنه كلنه كال لحرس السفاره انه صار6 أشهر والجوازات يمهم لغرض الفيزا وأنه طلعله سفر لأمريكا ويحتاج الجوازات وفعلا دخلوه قبلنه وطلع وره حوالي نصف ساعه وبيده الجوازات. يعني اني وصلت لقناعه انه ماكو أي مقياس وتبقى بس رحمة الله أحسن من كل شي.
أنا بالنسبه للموافقه الأمنيه وحسب كلام محامي كندي فهي من جزثين الأول ان يتصلوا بالأنتربول حتى يتأكدوا ان المقبول مامطلوب دوليا والثاني هو أن يجيكون داخل كندا انه المقبول ماعنده مشاكل سابقه ويه الحكومه الكنديه وهذا أجراء روتيني لأن الأغلبيه أصلا ماواصلين كندا حتى يسوون مشاكل بس همه لازم يجيكون لأن يمكن أحد واصل قبل ومسويله فد دكه من دكايكنه!! أو حاول يعصه وميطلع من كندا ... الخ من المشاكل.
والله أعلم
ياريت بقية الأخوان يساعدونا بالرأي ... وياأخي sarmad81 الله يعينك ويصبرك و يرزقك بفرج من عنده.
أحترامي للجميع
Majico
•   صرخه اصبحت وياك وبحلك خرسان  ... أشرت محد شاف كل ربعي عميان

غير متصل ماري الينا

  • عضو فعال
  • **
  • مشاركة: 30
    • مشاهدة الملف الشخصي
مسلء الفل علجميع
الاخ سباركي شكرا لدعواتك الله يسهل امرك وامرالجميع
 اللاخت شموخ العراقية اشكرج بس احنه شغلتنه هسه يم السفارة مو يم قسم التوطين بليوان
اخونا سرمد لتنقهر كل تاخيرة وبيه خيره بس احنه مسامعين قبل بهيجي شي لان السفارة الكندية كلش دقيقه 
اخوانى مسالة التوطين مسالة حض وماكو اى قاعدة واحد يمشى عليه
دوام الصحة والسلامه للجميع

غير متصل الخنساء ام عبدالله

  • عضو فعال
  • **
  • مشاركة: 42
    • مشاهدة الملف الشخصي
السلام عليكم اخواني جماعة كندا
الله يمسيكم بالخير
اعزائي بعد ظهر هذا اليوم اجريت المقابلة الاولى في السفارة الكندية ووقعت الاستمارات، وطلبوا مني كتاب عدم محكومية ( حسن سيرة وسلوك)
ارجو من اخواني جماعة كندا في سورية وخصوصا ام حمزة وMajico ان يعلموني وين اسويها وما هي المستمسكات المطلوبة مع جزيل شكري مقدما
اذا الشعب يوما اراد الحياة فلابد ان يستجيب القدر

غير متصل abu shahed

  • عضو مميز
  • ****
  • مشاركة: 1100
    • مشاهدة الملف الشخصي
الله يمسيج بالخير اختي العزيزه الخنساء ام عبدالله
ربي يتمم عليكم  بالخير والموفقيه ان شاء الله ادعو الله القدير ان يرزقكم السفر القريب امين يارب


                  ابو شهـــــــــــــــــــد
((  وَلَسَوْفَ يُعْطِيكَ رَبُّكَ فَتَرْضَى  ))

غير متصل Majico

  • عضو فعال جدا
  • ***
  • مشاركة: 83
  • الجنس: ذكر
  • • WHAT GOES AROUND COMES AROUND
    • مشاهدة الملف الشخصي
الف الف (كمت أحجي بالملايين!!) مبروووووووك أختي أم عبد الله، ها خويه الفريدو وين الهلاهل؟
أم عبد الله و من رخصة اختنا أم حمزه، خطوات عدم المحكوميه هي كالتالي (هذا الحجي ينطبق على كل البالغين – ذكور و أناث):
1-   تاخذين الجواز و 4 صور شخصيه وتروحين على السفاره العراقيه (شارع بغداد – مقابل السفاره الأمريكيه و جوار السفاره الصينيه) وتدخلين عد العرضحالجيه مقابل السفاره و تكوليلهم أريد صورة قيد وهمه يقومون بالباقي، تأخذين الطلب و تدخلين للسفاره (أن شاء الله آخر دخله) وتسلمين الطلب راح يكولولج أنتظري، فعلا بعد فد نص ساعه يصيحون أسمج وينطوج صورة القيد.
2-   تاخذين صورة القيد و تروحين لوزارة الخارجيه (قسم التصديقات – الطابق الأرضي) وتصدقيهه (شغلة 15 دقيقه – وحسب الأزدحام بس مو أكثر من نص ساعه).
3-   تاخذين صورة القيد المصدقه من الخارجيه وتروحين على أدارة الأمن الجنائي (أعتقد أبباب مصلى) وتسلمين الجواز و صورة القيد للأستعلامات وتكعدين و فد نص ساعه و يصيحون أسمج وينطوج عدم المحكوميه (يسموهه غير محكوم).
4-   تروحين على ساحة المرجه يم أي مترجم وتترجمين عدم المحكوميه.
5-   وبذلك تكون جاهزه للتسليم للسفاره يعني الشغله كلها ممكن تتم بيومين.
هاي كل الخطوات ولاتتأخرين أختي أبدا لأن أنتي تعرفين الوضع هنا على طكه، خلصي المطلوب منج وخلي الكره بملعب السفاره.
تتدللين أختي وأحنه بالخدمه لكل عراقي طيب.
Majico
•   صرخه اصبحت وياك وبحلك خرسان  ... أشرت محد شاف كل ربعي عميان

غير متصل ماري الينا

  • عضو فعال
  • **
  • مشاركة: 30
    • مشاهدة الملف الشخصي
الف الف مبروك لاخت خنساء الله يتممها بلخير عليك وشلون كانت مقابلتج ارجو ان تحجينه شويه عليه للفائدة والف مبروك مرة ثانيه
اخونا ماجيكو احنه بمصر مترجمنه عدم المحكوميه ولا الوراق الباقيه هى لازم تترجم انى بقه بالى

غير متصل Majico

  • عضو فعال جدا
  • ***
  • مشاركة: 83
  • الجنس: ذكر
  • • WHAT GOES AROUND COMES AROUND
    • مشاهدة الملف الشخصي
أختي ماري الينا ... عدم المحكوميه وشهادات الجنسيه وهويات الأحوال المدنيه ودفتر الخدمه العسكريه (للمظاليم الذكور) كلها بالعربي والسفاره طلبوهه مترجمه حتى يفتهمون شنو السالفه (طبعا يريدون الأصل وياهه).
تحياتي،
Majico
•   صرخه اصبحت وياك وبحلك خرسان  ... أشرت محد شاف كل ربعي عميان

غير متصل ــــ{{{ABADY}}}ـــــ

  • مبدع قسم الهجرة
  • عضو مميز جدا
  • *
  • مشاركة: 4167
  • ما على الدنيا عتب كل مافيها امانى,,,
    • مشاهدة الملف الشخصي
للرفع للفائده


صح أنجرحنه نعم بس هذا مو مقياس... النخل من ينجرح ميشتكي من فاس
طبع النخل يرتفع ويضل شامخ الراس... ومايهزه زمن ولا عدو ولا كل الناس
عذرا "فيثاغورس" :العراق هو المعادلة الأصعب
عذرا "نيوتن" : بغداد هي التي تجذبنا
عذرا"ديكارت" : أنا عراقي إذاً أنا موجود
عذراً "دافنشي ": ال

غير متصل nasnasa

  • عضو
  • *
  • مشاركة: 6
    • مشاهدة الملف الشخصي
السلام عليكم اخواتي واخواني

اني اختكم نسنوسه وهاي اول مره اسجل وادخل هنا  بس الصدك اني من زمان متابعه المنتدى واتمنى تعتبروني اختكم وتغيدوني لان اني اكو اشياء مدا اكدر افتهمها ..  وخصم الحجي والمختصر اني وعائلتي متحولين على  كندا من شهر الثامن الفات وخابرونا السفاره الكنديه  أول شهر  التاسع الفات  وكالو تعالو للسفاره ورحنا وانطونا استمارات مليناها كولها  وسلمناها للسفاره  وانطونا وراها كتاب مال الحمايه  وكالو انتظرو تلفون  من السفاره يعني  حسب ما افتهمت على اساس التلفون حتى يحددون موعد مال مقابله ...  بس ذاك يوم وهذا يوم وهاي صار  تقريبا سبع اشهر  واحنا ننتظر موعد مال مقابله واعصابنا تلفت كلش   وادري كلها بيد الله سبحانه وتعالى ..  بس اني اريد ساالكم اكو هيجي شي يعني هلكد اتطول مواعيد المقابلات ؟؟ مع العلم اني  بمصر ..  وياريت اذا اكو احد بمصر نفس الحاله  لو انطوهم  موعد مقابله  وهم مثلنا  من شهر التاسع الفات ينطينا خبر الله يخليكم ويحفظكم لان اعصابنا تلفت كلش .. واشكركم ..

اختكم نسنوسه

غير متصل candyman

  • عضو فعال جدا
  • ***
  • مشاركة: 215
  • الجنس: ذكر
  • الحرف يبداء من عينيك رحلته وعندها تسجد الكلمات
    • ياهو مسنجر - candyman
    • مشاهدة الملف الشخصي
شلونهم الطيبين شنو هاي الاخبار اشو عالكة فدنوب؟؟؟؟؟؟؟؟
مبروك اختي ام عبد الله والله يتمم عليك بالخير وتوصلين بالسلامة والاجراءات مثل ما قال  (الله يحفظة) Majicoبالضبط وكفى ووفى بالاجابة وفعلا بيومي ان شاء الله تفض والله ييسر اموركم امين
اخوية الوردة سرمدالاخطاء تصير عادي لان الموضفين ممكن يخطأون وعادي اصبر شوية وان شاء الله الامور الى احسن
وفعلا اجراءات السفارة حسب العوائل العراقية الواصلة من التقيت بيهم هنا بكندا ماكو قياس ثابت ناس من تسليم الجواز للسفر 4اشهر وناس سنة ؟؟؟؟وعائلة عندهم  حالة صحية شهر من الفورمات للسفر التقيت بيهم بالدورة التثقيفية وصارو يمي بكيبك.... وعائلة اخرى من سوريا صارلهم 9اشهر بكندا كانوا على الدنمارك وصارتلهم مشكلة مع الشرطة سولهم استثناء اليوان  وسفروهم10 ايام  فقط ...وهذه حالات لاتقبل الجدل والاشاعات ناس واصلة لكندا وحجولي قصصهم والله اعلم
فنصيحة للاخوة والاخوات لاتبنون امال او تحطمون امال على قصص العوائل اللي تقابلوها فاذا كان نصف كلامهم( صدك)فالنصف الثاني مبني على حالات فردية تقررها اللجنه بالسفارة الكندية وكل ملف بضروفة ...الصبر الصبر اخوتي والدعاء الدعء ولا تنسوا ان كل اموركم بيد الله عز وجل فاطلبوها من الله فقط
اخوكم ابو عبد الله كاندي مان وهاي هلهولة للخنساء...من رخصة اخوية ابو احمد الله يحفظة
المتكبر يسكن في قصر فوق الجبال فيرى الناس صغارا ويرونه صغيرا

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
الف الف الف مبروك اختي ام عبدالله وشايفه كل الخير

بشرينه شلون جانت المقابله مو شي روتيني ؟؟؟

المهم انشالله راح نبدي نحسب الى موعد الطيران بعونه تعالى

انشالله رجلك خضره وتخلصينه من الباقين ويسافرون لان بصراحه الانتظار قاتل وربي ييسر امرك وامر كل منتظري السفر

كولو     امين



اخوك : الفريدو             وهاي احلى هلهوله الى اختي ام عبدالله الورده
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل sparky

  • مبدع قسم الهجرة
  • عضو مميز جدا
  • *
  • مشاركة: 2166
  • الجنس: ذكر
  • || الدين النصيحه ||
    • مشاهدة الملف الشخصي
    • --الدين النصيحه --


اي عيني
بس قريت مبروك وماكنلت قراءة التعليقات
وبعدين اقرا البقية مامكتوب
بس والله افرح اشوف كلمة مبروك حتى اكتبها واعيد كتابتها حتى دون وعي ودون ان اقرا مامكتوب جوه
قريت كلمات مبروك ام عبدالله
واعيد واكتب الف الف الف مبروك باذن الله ويتمم بالخير
ايه هيه هاي الاخبار اللي كل الغراقيين يريدون يقروه
اسعد الله صباحكم جميعا
-- لو تجري جري الوحوش غير رزقك ماتحوش --
-- واحدنا مثل عود البخور ..يحترق ومايطلع منه غير بس ريحة المسك والعنبر --

غير متصل sparky

  • مبدع قسم الهجرة
  • عضو مميز جدا
  • *
  • مشاركة: 2166
  • الجنس: ذكر
  • || الدين النصيحه ||
    • مشاهدة الملف الشخصي
    • --الدين النصيحه --


نسنوسه منوره وكل الهله بيج
-- لو تجري جري الوحوش غير رزقك ماتحوش --
-- واحدنا مثل عود البخور ..يحترق ومايطلع منه غير بس ريحة المسك والعنبر --

غير متصل الخنساء ام عبدالله

  • عضو فعال
  • **
  • مشاركة: 42
    • مشاهدة الملف الشخصي
السلام عليكم جماعة كندا
الله يمسيكم بالخير
اشكر جميع اخواني الطيبين على التهنئة وانا ممنونة منكم جميعا (79 النرجس -  الفريدو – كاندي مان -  Majico – ماري الينا- عبادي75- sparky –وكل الاخوة البقية) وان شاء الله يفتح ابواب كندا امام جميع العراقيين اللي داينتظرون آمين يارب العالمين.
اما بالنسبة الى المقابلة فتمت يوم 12/4 بعد الظهر واستغرقت بحدود ساعتين والحقيقة كانت متعبة نوعا ما لنا وللموظفة اللي قابلتنا فبالرغم ان الموظفة كانت ودودة معنا لكنها غير متمرسة اعتقد انها جديدة في عملها لان عدة مرات خرجت تستسفر وركزت بشكل رئيسي على سنوات الدراسة والعمل بشكل خاص والحمدالله كان معي كتاب بخلاصة الخدمة مما ساعدني في اعطاء التواريخ الصحيحة للتدرج الوظيفي اضافة الى الزواج والاطفال والاخوة والخوات واعمارهم حسب التسلسل . واخر شي وقعنه الاستمارات.
اليوم ذهبت وانهيت معاملة عدم المحكومية والله سهلها مثل ما كال Majico مع بعض الاختلاف اولا الى السفارة العراقية خلصت بحدود نصف ساعة من ثم الى الخارجية في كفر سوسة برفقة عراقي طيب مثلكم وزوجته كان مقابل اليوم الصبح في السفارة الكندية وبعدين توجهنا الى الامن الجنائي في منطقة الكمارك وهذه اقرب الى وزارة الخارجية من باب مصلى اما الترجمة فلم اترجم عدم المحكومية حيث ان زملينا العرافي كال انه سأل بالسفارة وكالت الموظفة ماكو داعي للترجمة.
عزيزي أخوية Majico اولا اشكرك على مساعدتك وثانيا ارجو تعقيبك حسب ما افتهمت من كلامك بضرورة الترجمة للمستمسكات وبضمنها عدم المحكومية في حين انا لم اترجم أي مستمسك سابقا وقدمت المصورة فقط .

خالتكم ام عبدالله
اذا الشعب يوما اراد الحياة فلابد ان يستجيب القدر

غير متصل الفاتح

  • عضو فعال جدا
  • ***
  • مشاركة: 78
  • الجنس: ذكر
  • إِنَّ مَعَ العُسرِ يُسرًا
    • مشاهدة الملف الشخصي
مساء الخير
طبعا مبروك والف مبروك وان شاء الله السفر قريب طلعت الامور هنا بمصر تختلف عنكم لان احنة نجيب عدم المحكومية مع ملئ الفورمات اي قبل المقابلة بشهوور  وارجع واكول الف الف مبروك وان شاء الله السفر قريب لارض الاحلام

اما بالنسة للاخت nenasa   اهلا وسهلا بك وسط اهلج وان شاء الله هالزيارة ما تكون الاولى ولا الاخيرة  ;)
اختي احب اطمنج هاي حالتج مو انتي بس لكن كل الاعضاء هنا والي هم من مصر وعددنا 9 تقريبآ  واني واحد منهم بنفس الحالة ونفس التوقيت لكن الواضح ان السفارة لحد الان لم تفتح باب المقابلات للعراقيين وكلنه سلمنا الفورمات واستملنا الحماية من الشهر التاسع وفي انتظار المقابلة  وان شاء الله عالايام الجاية نسمع الاخبار الحلوة من جماعة مصر وتشتغل الهلاهل والتبريكات

وسلامي لجميع الاعضاء فرداً فرداً 
ولا تنسون شعارنا     الجنط الجنط ............ عليهم هههههههه  ;D ;D ;D
الفاتح
«اللهم إني عبدك، ابن عبدك، ابن أمتك، ناصيتي في يدك، ماض في حكمك، عدل في قضاؤك، أسألك بكل اسم هو لك، سميت به نفسك، أو أنزلته في كتابك، أو علمته أحدا من خلقك، أو استأثرت به في علم الغيب عندك أن تجعل القرآن ربيع قلبي، ونور بصري، وجلاء حزني، وذهاب همي، إلا أذهب الله همه وأبدل له مكان حزنه فرجا »

غير متصل Majico

  • عضو فعال جدا
  • ***
  • مشاركة: 83
  • الجنس: ذكر
  • • WHAT GOES AROUND COMES AROUND
    • مشاهدة الملف الشخصي
الف مبروك أختي أم عبد الله، ولايهمج من الموظفه المهم الأمور مشت على خير. بالنسبه للمستمسكات المترجمه اني طلبوها مني بهالشكل ويه المقابله النهائيه لأن هيه كلها بالعربي وهمه يريدون يفتهمون شمكتوب بيها (صحيح عدهم مترجمين بالسفاره بس همه يريدون ورق ووثائق بالفايل) وعلى ماأذكر طلبوا ترجمة: هويات الأحوال المدنيه، شهادات الجنسيه، عدم المحكوميه، دفتر الخدمه العسكريه وعقود الزواج. طبعا مثل مالاحظتي انه عدم المحكوميه صالحه لمدة ثلاثة أشهر وان شاء الله تقابلين المقابله النهائيه بله ماتحتاجين تجدديهه آمين يارب العالمين.
يلله أغاتي أنضمي لجمعية: الجنط الجنط ... زنكه زنكه ... و عليهم  :D :D
تحياتي،
Majico
•   صرخه اصبحت وياك وبحلك خرسان  ... أشرت محد شاف كل ربعي عميان

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
السلام عليكم

شنو السالفه شو ماكو صوت ؟؟؟   ::) ::) ::) ::) ::)

يمعودين نريد عودة الامل من جديد ولا تياسو من رحمة الله


تمنياتي للجميع بالتوفيق انشالله




اخوكم : الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل علي النعيمي

  • مبدع قسم الهجرة
  • عضو مميز جدا
  • *
  • مشاركة: 3022
    • مشاهدة الملف الشخصي
    • http://www.google.com/search?um=1&hl=ar&biw=1008&bih=406&tbm=isch&sa=1&q=a380&btnG=%D8%A8%D8%AD%D8%AB&oq=a380&aq=f&aqi=g10&aql=&gs_sm=s&gs_upl=375l15500l0l18469l13l11l2l3l0l0l735l2439l4-1.2.1l6l0
الف مبروك ام خنساء والله يااختي اصبري وان شاء الله مبقة شي للسفر  وكندا تستحق الانتظار  واني متحول لامريكا بلكت يحولونة لكندا حسب الاشاعات ومثل متعرفون متوقف حاليا السفر لامريكا بس حالات فردية

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي



       up
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل candyman

  • عضو فعال جدا
  • ***
  • مشاركة: 215
  • الجنس: ذكر
  • الحرف يبداء من عينيك رحلته وعندها تسجد الكلمات
    • ياهو مسنجر - candyman
    • مشاهدة الملف الشخصي
اكثروا من قول لااله الاالله محمد رسول الله وسبحان الله ولا حول ولا قوة اللا بالله
المتكبر يسكن في قصر فوق الجبال فيرى الناس صغارا ويرونه صغيرا

غير متصل nasnasa

  • عضو
  • *
  • مشاركة: 6
    • مشاهدة الملف الشخصي
السلام عليكم اخوتي واخواتي

مثل ما كتبت قبل ايام انا جديده هنا وهاي ثاني مره اكتب لان شفت الاخوان ماشاء الله عليهم متعاونين  بالجواب على اي سؤال وهذا اللي شجعني اكتب هاي المره ..
اخويه الفاتح الله يفتحها عليك وعلينا ان شاء الله  وهاي اول مره اعرف انه اكو من مصر  9 عوائل على كندا  لان الصدك ما عندي اي معلومات لا عن العدد ولا عن اي شي  بس اني اسأل سؤال يعني اذا العدد مثل ما كلت اخويه انه العدد 9 عوائل يعني العدد كلش قليل ومو صعبه على السفاره اتمشيهم بسرعه  زين ليش امخلينا على الشحن هيجي ؟؟؟يعني هسه احنا صارلنا حوالي 7 اشهر ننتظر موعد مقابله معقوله اتطول كل هاي الشهور بس علمود موعد مقابله ؟؟؟ والله يا اخويه الانتظار كتلنه كتل والوساوس دتلعب بينا لعب وما ادري شنسوي وشنكول ..  ياريت اخويه انت او اي احد من الاخوان الباقين اللي بمصر ويانا من جماعة شهر 9  يبلغونا على اي شي يسمعوه الله يخليكم ...  واشكرك اخويه والله يحفظك انته وعائلتك يارب .. اخويه الفريدو الله يخليك اذا عندك اي شي يريحنا بلغنا الله يخليك  .

اختككم نسنسه

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
اختي نسنسه اولا اهلا وسهلا بيج اخت عزيزه بين اهلك وناسك

بصراحه الاجراءات الكنديه طووووووويله جدا وطبعا هذا الشي بمعاملات السفر والامور الداخليه هنا في كندا
يعني هنا اجراءاتهم اطول من معاملات السفر بكل شيء وهذا نظامهم من كثر ما الجو بارد فهمه ابرد من هذا الجو الي عايشين بيه فلا تقلقي اختي العزيزه لان عدهم السبع شهور والسنه هذه مده عاديه وانشالله تجين لكندا وتشوفين اجراءاتهم شكد روحهم طويله وابد مايفكرون ولا يتعصبون لذلك كل واحد عمره يعبر 80 سنه وهو بعده يلعب رياضه ويمشي بالشارع احسن من ابو العشرين سنه لان هذه حياتهم واحنه مجبورين ان نعيش عدهم ونتعلم منهم الصبر وصدقيني اني ضقت هذا الانتظار الممل ولكن نحمد الله انه مرت الايام والسنين واصبحت ذكريات

لذلك يا اختي اذكري الله واصبري وانشالله تذكرين كلامي بوصولك الى كندا وتكولين ايباااااه صدك صارت سوالف

وكل واحد ما ياخذ غير نصيبه وانشالله نصيبك خير وقريب بعونه تعالى

اتمنى من الله ان يفرجها عليك وعلى كل اخوانه الطيبين منتظري السفر




اخوك : الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل العاشق_1111

  • عضو فعال جدا
  • ***
  • مشاركة: 398
    • مشاهدة الملف الشخصي
السلام عليكم شلونكم ياهلي ياعراقين ياناس ياطيبين انشاء لله الجميع بخير يارب
اخواني الاعزاء اولا انا اشكر جميع الطيبين اخواني واخواتي الي دعولي  واشكر اخويه ابو عبدالله ابو الكلب الطيب والاخ المؤسس ابو احمد يوم الثلاثاء الي مضه رحت اسال عن الملف وكالي انوا ملفك انغلق ومالك توطين وصرت عصبي وطلعت مكسور الخاطر
لكن رحمه الله  كانت اوسع واعجل  نفس اليوم العصر خابروني كالوا عندك عكب باجر مقابله توطين  وانشاء لله ربكم استجاب دعواتكم الصادقه لي وهسه اجيت من اليون فكلت خلي اكتب الى اخوتي الذين لم ينسوني في ساعه الشده وازروني انوا تم قبولي على كندا وقال لي الموضف انتظر منا اتصال نحدد لك المقابله مع الوفد الكندي وانشاء لله خير    لذلك حبيت انقل ماجرى معي ياطيبين واسالكم الدعاء لي   عسى الله ان يفرج كربتي ومحنتي هذه بالوصول الى ارض الاحلام ومجاوره الطيبين امثالكم
والله  انا من قريت سوال الاخ الفريدوا عني وانه ما ناسيني اقسم بالله فاضت عيني بالدموع  وحسيت انكم قريبين مني جدا ربي يحفظكم وييسر اموركم  سؤالي بما انه انا انظميت الى الجمعه بس بعد عضوتي مجرد عضوا جديد سوال كم ويدزون عليك المقابله مع الوفد بعد مقابله التوطين الاولى وثانيا هل يكون الرفض بعد ماتقابل لان انا سامع انوا اذا كندا ماتريد احد ماتقبل مله عليها من البدايه وجزاكم الله عني الف خير
اخوكم الذي ليس له غنى عنكم
العاشق_1111

غير متصل علي النعيمي

  • مبدع قسم الهجرة
  • عضو مميز جدا
  • *
  • مشاركة: 3022
    • مشاهدة الملف الشخصي
    • http://www.google.com/search?um=1&hl=ar&biw=1008&bih=406&tbm=isch&sa=1&q=a380&btnG=%D8%A8%D8%AD%D8%AB&oq=a380&aq=f&aqi=g10&aql=&gs_sm=s&gs_upl=375l15500l0l18469l13l11l2l3l0l0l735l2439l4-1.2.1l6l0
اي اخي العاشق اكو ناس بالبداية تنرفض بالمقابلة بس انتة تفائل بالخير وكلشي يسئلوك جاوب علة كد السؤال والف مبروك مقدما يوم القبول وتفرحنة

غير متصل abu shahed

  • عضو مميز
  • ****
  • مشاركة: 1100
    • مشاهدة الملف الشخصي
الحمد الله رب العالمين اخي العزيز العاشق والله فرحتلك ربي يكون وياك بكل لحظه ان شاء الله مقبول
اخي العزيز بما ان الموظف ابلغك تم قبولك على كندا يعني اطمئن اخي العزيز لان حسب الي نعرفه
من تجارب الاخوه والمعلومات التي كتبها لنا الاخ ابو احمد(الفريدو) كندا ترفض قبل الفورمات وبما ان الموظف
ابلغك بقبول كندا يعني انت مبدئياً مقبول بأذن الله يعني اخي العزيز اعتقد المقابله الي يقصده الموظف هي لتعبئه الفورمات
لان الاجراءات في سوريا تعبئه الفورمات في اول مقابله بالسفاره الكنديه ويتم تعبئه الفورمات من قبل موظف السفاره
وبعدها تتم المقابله بالوفد الكندي
وننتظر رأي الاخ ابو احمد (الفريدو)وباقي الاخوه
الله يسر امرك اخي العاشق ونفرح بسفرك الى كندااااااااااااااااا اللهم امين


                          ابـــــو شهــــــــــــــد
((  وَلَسَوْفَ يُعْطِيكَ رَبُّكَ فَتَرْضَى  ))

غير متصل شكوماكو

  • عضو فعال جدا
  • ***
  • مشاركة: 745
    • مشاهدة الملف الشخصي
الف مبروك حبيبي العاشق ويوم السفر ان شاءالله تعالى مع تمنياتي بالخير والتوفيق لكل العراقين

غير متصل شموخ عراقية

  • مبدع قسم الهجرة
  • عضو فعال جدا
  • *
  • مشاركة: 208
    • مشاهدة الملف الشخصي
  الف مبروك العاشق وانشاءلله يتممها عليك بلسفر ويارب الدعاء الي استجاب اله رب العباد يستجاب دعائنه لان والله دنعاني من مصر وماضل صبر

تحياتي الك ياطيب




عبير

غير متصل العاشق_1111

  • عضو فعال جدا
  • ***
  • مشاركة: 398
    • مشاهدة الملف الشخصي
السلام عليكم شلونكم يا هلي ياعراقين ياناس ياطيبين انشاء لله الجميع بخير يارب
بدايه اشكر كل اخواني واخواتي الي قدموا اليه التهنئه ويارب لي اخوانا الباقين من المرفوضين والذين ينتظرون اللهم امين
اخي العزيز انشاء لله يسمع منك يعني هو كال تبقى يم الوفد يعني احنا نحولك  بس اني  ردت اعرف منه   فكتله اني  تعبت  يعني  هم نفس الشغله مال امريكا سنتين وراها انرفض  كال انته تؤمن بشي  انو ربما تكرهون شيئا وهو خير لكم كندا احن الك بهوايه طبعا اني اعرف كتله اني اريد اعرف يعني ملفي انته بنظرك كال ملفك ماعليه اي مشكله وانشاء ملفك ماشي وانشاء لله خير  واحنا نتصل بيك ونبلغك الموعد وما اعرف بقيت يم الواحد الاحد ولكن اخوان دعواتكم معانا  الله يحفظكم  وبالمناسبه طبعا المقابله كانت مقابله توطين مثل اول مره والقصه بحذافيرها  والله الموفق اخوكم العاشق_1111

غير متصل العاشق_1111

  • عضو فعال جدا
  • ***
  • مشاركة: 398
    • مشاهدة الملف الشخصي
السلام عليكم
خالتي وتاج راسي  ام عبدالله بدايه الف مبروك ويارب السفر عما قريب كولي امين
خالتي ممكن من بعد اذنج اريد اعرف  شوكت قابلتوا المقابله بكفر سوسه مال التوطين على كندا وبعده بشكد دزوا عليكم السفاره
وثانيا  المقابله الاولى التي قابلتوها بالسفاره الكنديه كانت عن شنوا يارت تفصلينا  لان ابن اختج  جديد وكنت مرفوض من امريكا بعد تحويل علبى توطين سنتين الله يحفظكم ويسر اموركم

غير متصل aseel_msb

  • عضو فعال جدا
  • ***
  • مشاركة: 401
  • الله محبة
    • مشاهدة الملف الشخصي
اخي العاشق احلى خبر سمعتة اليوم خبر اعادة توطينك يا ربي كل الخير و الموفقية

غير متصل الخنساء ام عبدالله

  • عضو فعال
  • **
  • مشاركة: 42
    • مشاهدة الملف الشخصي
السلام عليكم
الله يمسيكم بالخير جماعة كندا الاعزاء
احب اشكر اخوي الفاتح وعلي النعيميي على التهنئة وان شاء يوم اللي نلتقي بعونه تعالى في كندا
اخواني شنو هذا التوقف والله شعرنا بالغربة ولكن اللي قطعها فرحة اخونا العاشق1111 اخوية العاشق مبروك مبروك مبروك......على سعة فرحتك مبروك والله فرحت لفرحتك وان شاء الله دائما ايامك سعيدة 
أبني العزيز العاشق1111 فيما يخص خالتك كان التالي
-   11/1/2011 المقابلة الاولى في كفرسوسة –
-   4/2 م تحويل ملفي الى السفارة الكندية
-   10/3 جاءني اتصالين من السفارة الكندية لكن خالتك جانت طالعة ما سمعت  صوت الموبايل.
-   5/4 اتصال السفارة الكندية وتحديد موعد للمقابلة يوم 12/4
-   المقابلة طويلة ما يزيد عن الساعتين وتركزت بشكل رئيسي على سنوات الدراسة (محموع سنوات الدراسة ثم مفصلة لكل مرحلة من والى) ثم العمل بشكل مفصل  والحمدالله كان معي كتاب بخلاصة الخدمة مما ساعدني في اعطاء التواريخ الصحيحة للتدرج الوظيفي ثم التقاعد اضافة الى الزواج والاطفال والاخوة والخوات واعمارهم حسب التسلسل ومنو الطيب ومنو اللي مات .واذا سبق ان قدمت الى بلد للسفر واجاك رفض(صيغة السؤال ما اتذكره ولكن هذامعناه) اتصور حتى عندي فترة سنة بين الدراسة والعمل سألت عليها، وطبعا عناوين سكنك منذ الولادة ولغاية تأريخ خروجك من العراق واخر شي وقعنه الاستمارات. وطبعا اكيد الشباب يساعدوك فيما يخص العسكرية.ملاحظتي على المقابلة انها ركزت على تواريخ السيرة الحياتية والمهنية ولم تركز على سبب اللجوء.ما اعرف يمكن نستمزج اراء بقية الاخوة......؟؟؟؟؟
-   ولاتنسى تأخذ وياك الجواز والمستمسكات الاخرى ونسخ مصورة منها و4 صور شخصية.
-   وفي نهاية المقابلة تكولك روح سوي عدم محكومية وانتظر تلفون للمقابلة الثانية وتكولك لاتنسى تجيب وياك عدم المحكوميةوتقدمهافي المقابلة التالية حتى اذا ماسألوك عنها.
وأي سؤال عندك آني حاضرة
خالتك ام عبدالله
اذا الشعب يوما اراد الحياة فلابد ان يستجيب القدر

غير متصل candyman

  • عضو فعال جدا
  • ***
  • مشاركة: 215
  • الجنس: ذكر
  • الحرف يبداء من عينيك رحلته وعندها تسجد الكلمات
    • ياهو مسنجر - candyman
    • مشاهدة الملف الشخصي
السلام عليكم ورحمة الله وبركاته
اخي العاشق العزيز المحترم مبروك حتى العظم ما شاء الله وتبارك والله يتمم عليك بالسلامة والخير وييسر امرك وتوصل بالسلامة ونتقابل ان شاء الله عز وجل لقد افرحني هذا الخبر واتنه اخ عزيز وتستاهل كل الخير ...الف الف مبروك اخوية الطيب
وشكرللاخت العزيزة ام عبد الله على اجابتها على سؤالك والله يتمم على الجميع بالخير والسلامة وتوصلون الى ارض الاحلام ان شاء الله
المتكبر يسكن في قصر فوق الجبال فيرى الناس صغارا ويرونه صغيرا

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
اخويه العاشق الف الف الف مبروك عليك وانشالله القبول الاكيد ولا تفكر بيها واخذها من اخوك قبولك 100% لكن يرادلها صبر

انطيك المعلومه حتى تطمن انك مقبول :

طبعا في بداية الامر الموظف بعد مقابلة التوطين يبلغك انه هو واسطه بينك وبين السفاره الكنديه وما ينطيك امل بالقبول المبدئي وعلى هذا الاساس انته استند انه السفاره الكنديه متابعه ملفك وموافقه عليه بشكل مبدئي ولكن محد ينطيك الامل بالقبول الى حين موعد السفر وانشالله الاخبار المفرحه قريبه وشايف كل الخير

اخويه العاشق اني ممنون منك وانشالله ما انسى احد بالسؤال دائما لان الحمدلله تجمعنا اخوه ولازم كل واحد يتفقد الثاني دائما وانشالله ربي يوفقك ويوفقك جميع اخواني واخواتي




اخوك : الفريدو     وهاي احلى هلهوله لاخويه العاشق1111   ( عاشق كندا )
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل Majico

  • عضو فعال جدا
  • ***
  • مشاركة: 83
  • الجنس: ذكر
  • • WHAT GOES AROUND COMES AROUND
    • مشاهدة الملف الشخصي
أخويه العاشق، الف مبروك ومثل ماكالوا الأخوات والأخوه كندا أحسن من أمريكا. ماظل شئ بس عوزهه شوية صبر والنتيجه تستاهل. أخي أهم شئ بالمقابله انه تجاوب على قدر السؤال ولاتتبرع بالشرح لأي شئ أذا مامطلوب منك لأن هذا طبعنه أحنه العراقيين نحب نتوسع بالكلام حتى لو ماأنطلب من عدنه ونفتح علينه بيبان ونذب نفسنه بمشاكل ماألهه داعي.
مع الأمنيات بسرعة الأتصال والقبول :)
تحياتي للجميع،
Majico
•   صرخه اصبحت وياك وبحلك خرسان  ... أشرت محد شاف كل ربعي عميان

غير متصل العاشق_1111

  • عضو فعال جدا
  • ***
  • مشاركة: 398
    • مشاهدة الملف الشخصي
السلام عليكم اخواني  واخواتي الاعزاء
علي النعيمي
 79النرجس
شكوماكو 
شموخ عراقية
الخنساء ام عبدالله
 aseel_msb
 candyman
الفريدو
 Majico

شكرا لكم من كل قلبي فهذا واله بعد  رحمه اله سبحانه وتعالى  وهو استجابه لدعواكم الصادقه ربي يسر اموركم ويحفظكم
خالتي العزيزه ام عبدالله مشكوره جزيزل الشكر  ولكم ولله قد  افرحتني كلمه  ابني انا اتشرف  واتز بيها والله وانتي ايظا بمقام الوالده الغاليه ربي يحفظج  اخيفي الله وصديقي العزيز  راعي الاوله مثل مايكولون ابو عبدالله  اشكرك على مشاعرك الطيبه  وانشاء له نلتقي  في ارض الاحلام   اخي العزيز الفريدوا صاحب القلب الطيب والنخوه  اشكرك وله كلامك طمني ومثل ماكلت الموظف كال بالظبط عبالك كاعد ويانه سبحان الله تحياتي الكم ياطيبين والاتنسونا من صالح دعواكم  وان يفرجها على اخوانا الباقين والي ينتظرون ويفرجها ويتمها عليه بخير وتخلص هل المعاناه
اخوكم اللذي ليس له غنى عنكم العاشق_1111


غير متصل abu shahed

  • عضو مميز
  • ****
  • مشاركة: 1100
    • مشاهدة الملف الشخصي
وعليكم السلام اخي العاشق_1111 ربي يكون وياك بكل لحظه ان شاء الله الموفقيه والاستقرار
وتفرحنه بسفرك بأقرب وقت بأذن الله


                        ابــــو شهــــــــد
((  وَلَسَوْفَ يُعْطِيكَ رَبُّكَ فَتَرْضَى  ))

غير متصل شموخ عراقية

  • مبدع قسم الهجرة
  • عضو فعال جدا
  • *
  • مشاركة: 208
    • مشاهدة الملف الشخصي
للرفع والفائده

غير متصل Majico

  • عضو فعال جدا
  • ***
  • مشاركة: 83
  • الجنس: ذكر
  • • WHAT GOES AROUND COMES AROUND
    • مشاهدة الملف الشخصي
أخواتي و أخواني الأعزاء، أريد أبشركم بأنه أتصلوا بيه من السفاره اليوم الساعه  التاسعه صباحا وبلغوني ان أسلملهم الجوازات عند الساعه الواحده ظهرا. عند تسليم الجوازات تم تبليغي أن أتهيأ للسفر خلال 4-6 أسابيع.
يوم لكل المنتظرين يارب آمين.
أخوكم،
Majico
•   صرخه اصبحت وياك وبحلك خرسان  ... أشرت محد شاف كل ربعي عميان

غير متصل علي النعيمي

  • مبدع قسم الهجرة
  • عضو مميز جدا
  • *
  • مشاركة: 3022
    • مشاهدة الملف الشخصي
    • http://www.google.com/search?um=1&hl=ar&biw=1008&bih=406&tbm=isch&sa=1&q=a380&btnG=%D8%A8%D8%AD%D8%AB&oq=a380&aq=f&aqi=g10&aql=&gs_sm=s&gs_upl=375l15500l0l18469l13l11l2l3l0l0l735l2439l4-1.2.1l6l0
الف مبروك اخونة ماجكو

غير متصل ــــ{{{ABADY}}}ـــــ

  • مبدع قسم الهجرة
  • عضو مميز جدا
  • *
  • مشاركة: 4167
  • ما على الدنيا عتب كل مافيها امانى,,,
    • مشاهدة الملف الشخصي
مبرووووك اخى ماجكوووو


صح أنجرحنه نعم بس هذا مو مقياس... النخل من ينجرح ميشتكي من فاس
طبع النخل يرتفع ويضل شامخ الراس... ومايهزه زمن ولا عدو ولا كل الناس
عذرا "فيثاغورس" :العراق هو المعادلة الأصعب
عذرا "نيوتن" : بغداد هي التي تجذبنا
عذرا"ديكارت" : أنا عراقي إذاً أنا موجود
عذراً "دافنشي ": ال

غير متصل كابرس

  • عضو فعال
  • **
  • مشاركة: 68
    • مشاهدة الملف الشخصي
    • البريد الالكتروني
الف مبروووووووووووووووووووووووووووووووك اخى ماجيكو
 الله يوفقك ويسر طريقك

سؤال انت وين بسوريا وماهى تواريخ المعامله مالتك ...لكى يطلع الاخوان المنتظرين سفر الى كندا

الله يسر امر الكل

ابو محمد

غير متصل علي النعيمي

  • مبدع قسم الهجرة
  • عضو مميز جدا
  • *
  • مشاركة: 3022
    • مشاهدة الملف الشخصي
    • http://www.google.com/search?um=1&hl=ar&biw=1008&bih=406&tbm=isch&sa=1&q=a380&btnG=%D8%A8%D8%AD%D8%AB&oq=a380&aq=f&aqi=g10&aql=&gs_sm=s&gs_upl=375l15500l0l18469l13l11l2l3l0l0l735l2439l4-1.2.1l6l0
شلونك اخواني واخواتي  اليوم الاهل خابرو والملف قيد الدراسة كلنالهم احنة موافقين علة امريكا جان يكول امريكا تطول زيين مكال ملفي وين ولي اعرفة انو قيد الدراسة معناها ديشوفولة دولة اخرى منو صار بية هيج موقف لانو عقلي تعب من التفكير ومقبل يكول وين

غير متصل abu shahed

  • عضو مميز
  • ****
  • مشاركة: 1100
    • مشاهدة الملف الشخصي
الف الف مبروك اخي ماجيكو ربي يسر امرك وتسافر بأقرب وقت امين يارب


                      ابـــو شهـــــــــد
((  وَلَسَوْفَ يُعْطِيكَ رَبُّكَ فَتَرْضَى  ))

غير متصل الخنساء ام عبدالله

  • عضو فعال
  • **
  • مشاركة: 42
    • مشاهدة الملف الشخصي
الف مليون ترليون مبروك اخوية العزيز Majico على هذه الاخبار السعيدة ان شاء الله يوم اللي نباركلك بسلامة الوصول آمين يارب العالمين وان شاء الله يوم لبقية الاخوة والاخوات اللي دينتظرون آمين
بالمناسبة اخوية العزيز طلعنا جيران بنفس المنطقة
اذا الشعب يوما اراد الحياة فلابد ان يستجيب القدر

غير متصل الخنساء ام عبدالله

  • عضو فعال
  • **
  • مشاركة: 42
    • مشاهدة الملف الشخصي
السلام عليكم
مساكم الله بالخير جماعة كندا
اخواني ارجو من اهل الرأي والخبرة ان يفتوني واخص بالذكر الفريدو وكاندي مان وعبادي وMajico
قابلت المقابلة الاولى في السفارة الكندية في 12/4 ولحد الان لم تصلني اية مكالمة بخصوص المقابلة الثانية (باجر يكون 15 يوم) شنو القضية هاية خارج السياق المتعارف عليه لولا؟؟؟؟؟؟؟؟؟
أحد الاخوة اللي قابلوه بنفس اليوم قابل للمرة الثانية يوم 20/4 وأخ اخر قابل يوم 13/4 والثانية يوم 26/4 شنو رأيكم؟؟؟؟
اعزائي هل انتظر هذا الاسبوع واذا لم استلم مكالمة هل ارسل ايميل او فاكس؟؟ واذا نصحتوني بهذا ماذا يكون مضمون الرسالة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اذا الشعب يوما اراد الحياة فلابد ان يستجيب القدر

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
اخويه ماجيكو الف الف الف مبروك

انشالله وصولك راح يصير في بداية الصيف واحلى ايام هي هذه الشهور وانشالله بداية خير عليك

اخوان لا تيأسو من رحمة ربكم وهذا الفرج قريب وانشالله ماجيكو رجله خضره ويسحب كل منتظري السفر بالقريب العاجل


اختي الخنساء تحيه طيبه

لو تلاحظين الشخص الاول بعد 8 ايام قابل المقابله الثانيه والثاني بعد 13 يوم قابل المقابله الثانيه ؟؟

يعني الشغله حسب الملف وحسب الشخص المسؤل على هذا الملف يعني ماكو اي مشكله بالموضوع بس الشغله يرادلها صبر وانشالله هي كم يوم ويتصلون عليكم وتبشرينه بالاخبار السعيده

انشالله ماتحتاجين لارسال اي مناشده للسفاره والفرج قريب انشالله




اخوكم : الفريدو     وهاي احلى هلهوله لاخويه ماجيكو   وقريبا هلهوله الى اختي الخنساء 
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل dodo micheal

  • عضو فعال جدا
  • ***
  • مشاركة: 297
  • الجنس: أنثى
  • احبك ربي يسوع وليس لي سواك اشكرك على عطاياك لي
    • مشاهدة الملف الشخصي
اخويا الفريدو الله يخليك والله دايما تسال عليها والتقصير من عندي
اخباركم اخبار العائلة والبنوتة الصغيرة الله يخليها الكم


الف مبروك ل اخ ماجيكو وانشالله توصل بالسلامة
اخت الخنساء انشالله كل امورك تمشي هي بس شغلة وقت ولا تقارنين ملفك ويا ملف اي واحد لان راح تعبين اعصابك خليها على الله والسفر من نصيبج انشالله بااقرب وقت

احلى سلام الى كل اعضاء المنتدى الكرام
إذا لم تستطع أن تنظر امامك لأن مستقبلك مٌظلم ولم تستطع أن تنظر خلفك لأن ماضيك مؤلم فانظر إلى الأعلى تجد ربك تجاهك إبتسم... فإن هناك من... يحبك... يعتنى بك...يحميك ...ينصرك... يسمعك ...يراك...إنهٌ (( الله)) ما أخذ مِنكَ إلا ليعطيك...وما ابكاك إلا ليضحكك...

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
اختي العزيزه ام دودو مايكل كل الهلا نورتي الموضوع بحضورك

اني بخير  ماطول انتي بخير والبنوته تسلم عليج وربي يخليلك دودو

بشرينه عنك وين صرتي هسه وشلون امورك انشالله حققتي  امنياتك ؟؟ اتمنالك التوفيق بعونه تعالى

انشالله ماكو اي تقصير واحنه اخوه ودائما نطمح ان نسمع اخبارك واخبار كل الطيبين




اخوك : الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل candyman

  • عضو فعال جدا
  • ***
  • مشاركة: 215
  • الجنس: ذكر
  • الحرف يبداء من عينيك رحلته وعندها تسجد الكلمات
    • ياهو مسنجر - candyman
    • مشاهدة الملف الشخصي
سلام للطيبين ....ما شاء الله على الاخبار الحلوة مبروك ماجيكو وان شاء الله توصل بالسلامة
وهاي هلهولة من اخوك ربي ييسر امور الجميع (الجنط ...الجنط ..وعليهم)
المتكبر يسكن في قصر فوق الجبال فيرى الناس صغارا ويرونه صغيرا

غير متصل العاشق_1111

  • عضو فعال جدا
  • ***
  • مشاركة: 398
    • مشاهدة الملف الشخصي
السلام عليكم شلونكم ياهلي ياعراقين ياناس ياطيبين انشاء لله الجميع بخير
الف الف الف مبرووووووووك اخويه ماجيكوا وانشاء لله نسمع صوتك مناك عن قريب كول امنين
اخوتي كاندي مانابو الطيبيات وابو حمودي الورد شلونك ياطيبين  شلون الصحه انشاء لله بخير  تحياتي الكم  ولكل اعضاء الجمعيه ويارب يارب سهلها علينا وعلى اخوانا المرفوضين من امريكا  دعواتكم  اخوان  لعل لله يجعل فرجا ومخرجا
اخوكم العاشق_1111

غير متصل شكوماكو

  • عضو فعال جدا
  • ***
  • مشاركة: 745
    • مشاهدة الملف الشخصي
الف مبروك للاخ ماجيكو ويوم السفر ان شاءالله وتتسهل امورك وامور الجميع لما فيه الخير بعونه تعالى

غير متصل nahlahalhadithi

  • عضو فعال
  • **
  • مشاركة: 42
    • مشاهدة الملف الشخصي
    • البريد الالكتروني
                                                                          السلام عليكم                                                                 الف الف مبروك اخويه majico وان شاء يو الي تفرحنه بوصولك الى كندا بلسلامه

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
اخويه ماجيكو شنو الاخبار ؟؟ شو سكته ؟؟


منتظرين منك تفاصيل الرحله + تفاصيل قبولك بالتواريخ وطبعا للفائده العامه


تمنياتي لك وللجميع بالموفقيه




اخوك : الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل Majico

  • عضو فعال جدا
  • ***
  • مشاركة: 83
  • الجنس: ذكر
  • • WHAT GOES AROUND COMES AROUND
    • مشاهدة الملف الشخصي
أخويه الغالي علي النعيمي، ممنون الك تبريكاتك والله يبارك بيك ويوفقك
أخويه العزيز ABADY ، الله يديمك ... شكرا
أغاتي كابرس، الله يحفظك وشكرا جزيلا ياطيب (اني بسوريا)
العزيز النرجس79 ممنوووون أخويه ويوم لكل المنتظرين يارب
وردة المنتدى الخنساء أم عبد الله (وين جيران بالعراق لو بسوريا لو بكندا؟ والله ياأختي ضاعت علينا بس نعم الجار وين ماتكونين) وبالنسبه للمقابله وحسب علمي ومن رخصة الأخوان انه ابدا لاتقارنين حالتج بحالات الآخرين لأن تتعبين، ماكو مقياس وماكو حاله تشبه الثانيه سواء من ناحية التفاصيل أو من ناحية الموظف المكلف بالمتابعه. بالنسبه للأتصال بالسفاره رأيي أنه تنطيهه شوية مجال وصبر، يعني فد أسبوعين و دزي أيميل لأن بالتلفون ماينطون جواب وأحنه كلنا بالخدمه.
أبو الغيره الفريدو، شكرا جزيلا والله يجزيك خير عن كل المساعده اللي تقدمها للغير، الله يجعل كلامك مسموع وتصير رجلي ورجل الكل خضره وتتسهل و نروح كلنه لكندا والله كافي بهذله. ممنون عالهلهوله ويارب تستعملها للكل ... كولوا آميييييييين.
أخويه، آني مايأخرني عنكم الا الصعبات والمشكله انه الأنترنيت بالبيت صاير حيل صعب وتعبان وجوازي بالسفاره وصعبه يدخلوني لمقاهي الأنترنيت من دون جواز خصوصا بهالظروف الحساسه بسوريا، التمس العذر منكم والنوب راح تصير العن لأن لازم أسلم المودم مال البيت لشركة الأتصالات قبل السفر بعشرين يوم حتى يرجعولي التأمينات. بس بحيل الله يرجعولي الجواز من السفاره حتى أكدر أدخل المقاهي ... والله حيره.
أختي العزيزه dodo micheal شكرا و تسلميلي ياطيبه
أحلى هلهوله من أحلى Candyman، عاشت أيدك ياورده ولاعاب حلكك هسه صدك (الجنط الجنط .... وعليهم) يارب الكل يبدون يستعملون هذا الشعار. شكرا مره ثانيه ياأصيل
آميييييين أخويه العاشق_1111 ويارب للجميع ... شكرا حبيبي
شكرا أختي nahlahalhadithi وعليكم السلام ويارب قبول ووصول الجميع
شكرا للجميع ياشدة ورد وواحدكم أحلى وأعطر من الثاني ... الله يديمنا ذخر و سند لبعضنا كولوا آميييين
أخوكم،
Majico  :)
•   صرخه اصبحت وياك وبحلك خرسان  ... أشرت محد شاف كل ربعي عميان

غير متصل Majico

  • عضو فعال جدا
  • ***
  • مشاركة: 83
  • الجنس: ذكر
  • • WHAT GOES AROUND COMES AROUND
    • مشاهدة الملف الشخصي
ممنون أخويه شكو ماكو ... صدك شكو ماكو هاي وين يمعود أشو ماكو تره غيبناك ولو ماأنته طيب جان دخلت هروب!  ;) دايم يالغالي.
أخوك،
Majico
•   صرخه اصبحت وياك وبحلك خرسان  ... أشرت محد شاف كل ربعي عميان

غير متصل شكوماكو

  • عضو فعال جدا
  • ***
  • مشاركة: 745
    • مشاهدة الملف الشخصي
تسلملي يالغالي Majico وربي يوفقك ويسر امورك ويوم اللي نفرح بسفرك لان انت طيب وتستاهل الخير

غير متصل Majico

  • عضو فعال جدا
  • ***
  • مشاركة: 83
  • الجنس: ذكر
  • • WHAT GOES AROUND COMES AROUND
    • مشاهدة الملف الشخصي
يمعودين وينكم ... شنو بطلتوا؟ ;)
الله يجعل سبب غيابكم خير.
أخوكم،
Majico
•   صرخه اصبحت وياك وبحلك خرسان  ... أشرت محد شاف كل ربعي عميان

غير متصل اسامة الجميلي

  • عضو فعال جدا
  • ***
  • مشاركة: 169
  • الجنس: ذكر
  • بغداد لالاتتالمي
    • مشاهدة الملف الشخصي
احنه موجودين وصامدين......
اشلون الاخوان انشاء الله الكل بخير وعافية
انشاء الله تسهيل من رب العالمين الكل تحصل على مقوله ( الجنط .... الجنط وعليهم) ههههههههههههه






 ابو هيا______ الاردن
التوكل على الله

غير متصل كابرس

  • عضو فعال
  • **
  • مشاركة: 68
    • مشاهدة الملف الشخصي
    • البريد الالكتروني
ابو هيا الورد شلونك

ا
شو انت ماكو اخبارك... شنو اخبار نسيبك ما اتصلوا بيه لتسليم الجوازات ...ماكو خبر جديد


اخوك ابو محمد

غير متصل abu shahed

  • عضو مميز
  • ****
  • مشاركة: 1100
    • مشاهدة الملف الشخصي
يمعودين وينكم ... شنو بطلتوا؟ ;)
الله يجعل سبب غيابكم خير.
أخوكم،
Majico

اخي Majico موجودين وبخير ان شاء الله ومثل ما قال اخويه ابو هيا صـــــــــــــــــــامديــــــــــــــــــن
والله يصبرنه على سفاره التعب والانتظار بس اخويه ابو هيا احنه هسه اريد المقابله قبل الجنط يعني
المقابله.....المقابله.....المقابله ههههههههههههههههههه وان شاء الله الجنط....الجنط....الجنط
طبعا اني متفائل هذا الشهر ان شاء الله ربي يفرج على كل العراقيين امين يارب


                            ابــــــو شهـــــــــــد
((  وَلَسَوْفَ يُعْطِيكَ رَبُّكَ فَتَرْضَى  ))

غير متصل Majico

  • عضو فعال جدا
  • ***
  • مشاركة: 83
  • الجنس: ذكر
  • • WHAT GOES AROUND COMES AROUND
    • مشاهدة الملف الشخصي
ياالله أخواني أسامه الجميلي والنرجس 79 طمنتوني الله يطمنكم و يسهل أموركم والله ظل بالي.
أخوكم، :)
Majico
•   صرخه اصبحت وياك وبحلك خرسان  ... أشرت محد شاف كل ربعي عميان

غير متصل candyman

  • عضو فعال جدا
  • ***
  • مشاركة: 215
  • الجنس: ذكر
  • الحرف يبداء من عينيك رحلته وعندها تسجد الكلمات
    • ياهو مسنجر - candyman
    • مشاهدة الملف الشخصي
السلام عليكم ورحمة الله وبركاته
شلونهم الحلوين الطيبين العراقيين .....سلامي للاخوة العراقيين نساء ورجال واريد ابشركم بشارة زغيرة قبل كم يوم خابروا احد اقاربي بسوريا لموعد مقابلة يوم 4/5بالسفارة الكندية  والله يتمم علية بالسلامة ان شاء الله ومعناها السفارة دتنطي مواعيد مقابلات والامر ماشية وبهذه المناسبة اقدملكم تحت شعار (الجنط.....الجنط ..وعليهم ) دفعة جديدة من مغامرات شموسة وعبد الله1
-شموسة مع كلاب صيد الدببة
2-شموسة وعبد الله فوق الاشجاربمناسة الربيع
3-شموسة تدفعني بالزلاجة اخر ايام الجليد في كيبك
وتمنياتي ان ترفع معنوياتكم
المتكبر يسكن في قصر فوق الجبال فيرى الناس صغارا ويرونه صغيرا

غير متصل candyman

  • عضو فعال جدا
  • ***
  • مشاركة: 215
  • الجنس: ذكر
  • الحرف يبداء من عينيك رحلته وعندها تسجد الكلمات
    • ياهو مسنجر - candyman
    • مشاهدة الملف الشخصي
بس ترى الثلوج ذابت
المتكبر يسكن في قصر فوق الجبال فيرى الناس صغارا ويرونه صغيرا

غير متصل Majico

  • عضو فعال جدا
  • ***
  • مشاركة: 83
  • الجنس: ذكر
  • • WHAT GOES AROUND COMES AROUND
    • مشاهدة الملف الشخصي
ممنونين أخونه Candyman على هالأخبار الحلوه، الله يديم فرحتكم و يفرح كل الطيبين من العراقيين ... حلوه الصور ويوم اللي النه (بس مو على الثلج دخيلك!!). :)
أخوكم،
Majico
•   صرخه اصبحت وياك وبحلك خرسان  ... أشرت محد شاف كل ربعي عميان

غير متصل ابن بلاد الرافدين

  • عضو فعال جدا
  • ***
  • مشاركة: 153
    • مشاهدة الملف الشخصي
شلونكم اخواني شخباركم طبعا أسف عن الانقطاع هسة يلة استقريت وأجرت شقة بعد وصولي الى كندا__ساسكاتشوان__ساسكاتون

طبعا بعد وصولي الى مقاطعة ساسكاتشوان ب 20\4\2011 كعدت بالرسبشن هاوس 10 ايام اسم الحي ابل بي مثل المجمعات السكنية وبيها شقق بس الشقة اللي كعدت بيها كلش نظيفة ومرتبة واثاثها جديد يعني اني اللي دشنتة والشقة بيها 3 غرف المهم مرتبة بقيت بيها لمدة 10 ايام وبتاريخ 1\5\2011 انتقلت الى الشقة الجديدة وأثثنا البيت من المنحة اللي نطونيها طبعا قيمة المنحة تقريبا 6500 لانه احنا 3 شيكات اني 1850 واختي 1850 ووالدي ووالدتي2950 بهالحوالي ما اتذكر بالضبط فهذا الولكم راح كلة ايجار اشقة 3 اشهر مقدما واثاث وبالنسبة للراتب الشهري لحد الان ما اعرف شكد القيمة لكل فرد انشاءالله بس ينطوني اعلمكم بيه للفائدة

_ثاني يوم من وصولنا الى الاراضي الكندية اخذونة سوينة كرت اقامة والكرت الصحي وفتحنا حساب بالبنك وتسوكولنا مسواك مال 3 ايام
_انطو لكل فرد مخدة ولحاف ومعجون اسنان والفرش مال اسنان وشراشف بس حسبوها علينة يعني دفعنة قيمتهم 155 دولار
_بالنسبة للتدفئة والتلفون الارضي والمي عليهم والانترنت والكهرباء علينة
_جو المدينة حلو ومشمس بعض الاوقات هواء بارد بس بكل الاحوال الوقت اللي اجيت فيه اني جميل والمدينة مابيها عمارات عالية وناطحات سحاب مدينة بسيطة عماراتها على كدها وبيها مناظر حلوة
_بالنسبة للتقسيم مال كهرباء لازم يكون البلك بهذا الشكل لان هنا غالية حوالي 25 دولار http://www.saudiforum.us/vb/imgcache/33166.imgcache.jpg هذا شكل الفيش
http://www.mbt3th.us/vb/imgcache/2/45753alsh3er.bmp
وانشاءالله اخبركم بالمزيد

تحياتي الكم وسلامي الى جميع اخواني واخواتي بالمنتدى ويارب يفرجها على المنتظرين وييسر امورهم ويفتحها بوجهكم ودمتم سالمين

غير متصل اسامة الجميلي

  • عضو فعال جدا
  • ***
  • مشاركة: 169
  • الجنس: ذكر
  • بغداد لالاتتالمي
    • مشاهدة الملف الشخصي
السلام عليكم
 اشلونك اخونا العزيز ابن بلاد الرافدين حمدلله على السلامه وانشاء الله الحياة السعيدة في بلد كندا
 معلوماتك القيمة والجيدة طبعا هي للفائدة الجميع
   






 ابو هيا_______ الاردن
التوكل على الله

غير متصل ــــ{{{ABADY}}}ـــــ

  • مبدع قسم الهجرة
  • عضو مميز جدا
  • *
  • مشاركة: 4167
  • ما على الدنيا عتب كل مافيها امانى,,,
    • مشاهدة الملف الشخصي
حمد لله على السلامه اخى ابن الرافدين





سلام للاهل


صح أنجرحنه نعم بس هذا مو مقياس... النخل من ينجرح ميشتكي من فاس
طبع النخل يرتفع ويضل شامخ الراس... ومايهزه زمن ولا عدو ولا كل الناس
عذرا "فيثاغورس" :العراق هو المعادلة الأصعب
عذرا "نيوتن" : بغداد هي التي تجذبنا
عذرا"ديكارت" : أنا عراقي إذاً أنا موجود
عذراً "دافنشي ": ال

غير متصل abu shahed

  • عضو مميز
  • ****
  • مشاركة: 1100
    • مشاهدة الملف الشخصي
الحمد الله على السلامه اخويه العزيز ابن بلاد الرافدين ربي يسر امرك ويكتبلك الخير دائما اللهم امين


                       ابـــــو شهــــــــد
((  وَلَسَوْفَ يُعْطِيكَ رَبُّكَ فَتَرْضَى  ))

غير متصل Majico

  • عضو فعال جدا
  • ***
  • مشاركة: 83
  • الجنس: ذكر
  • • WHAT GOES AROUND COMES AROUND
    • مشاهدة الملف الشخصي
عزيزي أبن بلاد الرافدين، الف الحمد لله على السلامه ومبروك الوصول و يوم الأستقرار النهائي.
أنتم السابقون و نحن اللاحقون.
أخوكم،
Majico
•   صرخه اصبحت وياك وبحلك خرسان  ... أشرت محد شاف كل ربعي عميان

غير متصل شكوماكو

  • عضو فعال جدا
  • ***
  • مشاركة: 745
    • مشاهدة الملف الشخصي
عزيزي ابن بلاد الرافدين الف الحمد لله والشكر على سلامة وصولكم مع دعواتنا الصادقة لكم بالخير والرفاه والتوفيق ان شاءالله.

غير متصل مغترب بلا وطن

  • مبدع قسم الهجرة
  • عضو مميز
  • *
  • مشاركة: 1733
    • مشاهدة الملف الشخصي
    • البريد الالكتروني
لازم نهديلكم هاي الاغنية  ;D ;D ;D

http://www.youtube.com/watch?v=uhTps9Aw6oY

غير متصل migrant

  • مبدع قسم الهجرة
  • عضو فعال جدا
  • *
  • مشاركة: 210
  • الجنس: ذكر
    • مشاهدة الملف الشخصي


حمدلله على سلامتك أبن بلاد الرافدين و ان شالله السعادة و شكرا على المعلومات..

تحية طيبة ابو شهدو عبادي و اسامة و ابو هياو  للجميع ..مبروك للاخ ماجيكو وان شالله يوم السفر ...
و عاشت ايدك "ابو عبدالله" كاندي مان على الصور ..

تحية طيبة والله يسهل معاملات الجميع
You must have long-range goals to keep you from being frustrated by short-range failures

:)

غير متصل Majico

  • عضو فعال جدا
  • ***
  • مشاركة: 83
  • الجنس: ذكر
  • • WHAT GOES AROUND COMES AROUND
    • مشاهدة الملف الشخصي
ممنون أغاتي migrant الله يبارك بيك و يوفقك.
أخوك،
Majico
•   صرخه اصبحت وياك وبحلك خرسان  ... أشرت محد شاف كل ربعي عميان

غير متصل candyman

  • عضو فعال جدا
  • ***
  • مشاركة: 215
  • الجنس: ذكر
  • الحرف يبداء من عينيك رحلته وعندها تسجد الكلمات
    • ياهو مسنجر - candyman
    • مشاهدة الملف الشخصي
الف الحمد لله على سلامتك ابن بلاد الرافدين والله يسهل امورك  وامور كل العراقيين الطيبين ان شاء الله
المتكبر يسكن في قصر فوق الجبال فيرى الناس صغارا ويرونه صغيرا

غير متصل السندبادي

  • عضو فعال جدا
  • ***
  • مشاركة: 399
  • الجنس: ذكر
  • حب لاخيك ماتحب لنفسك
    • مشاهدة الملف الشخصي
حمد الله عالسلامة اخوية ابن بلاد الرافدين ويارب الموفقية والنجاح وحياة هانئة وادعيلي اخوية اني جايك باقرب وقت


اخوك السندبادي
عمري بروحي لابعد سنيني ولاسخرنة غدا من السبعيني      عمري الى الخمسين يغدو مسرعا والروح ثابتت على العشريني

غير متصل الخنساء ام عبدالله

  • عضو فعال
  • **
  • مشاركة: 42
    • مشاهدة الملف الشخصي
السلام عليكم
مشتاقين جماعة كندا الطيبين

الف مبروك أخي ابن بلاد الرافدين سلامة الوصول والاستقرار  ان شاء الله يوم لبقية اخوتك وخواتك ان شاء الله يوم الفرج قريب للجميع آمين

اشكرك اخوية العزيز Candyman على الصور الجميلة اللي كسرت حاجز الصمت والملل .الله يحفظلك العائلة الكريمة.
اذا الشعب يوما اراد الحياة فلابد ان يستجيب القدر

غير متصل المسافرة

  • عضو مميز
  • ****
  • مشاركة: 1993
  • الجنس: أنثى
  • اصبر قليلا فبعد العسر تيسير وكل أمر له وقت وتدبير
    • مشاهدة الملف الشخصي
حمدا لله على سلامتك اخي ابن بلاد الرافدين وان شاء الله موفقين في كندا
بالتوفيق

غير متصل علي النعيمي

  • مبدع قسم الهجرة
  • عضو مميز جدا
  • *
  • مشاركة: 3022
    • مشاهدة الملف الشخصي
    • http://www.google.com/search?um=1&hl=ar&biw=1008&bih=406&tbm=isch&sa=1&q=a380&btnG=%D8%A8%D8%AD%D8%AB&oq=a380&aq=f&aqi=g10&aql=&gs_sm=s&gs_upl=375l15500l0l18469l13l11l2l3l0l0l735l2439l4-1.2.1l6l0
الف حمدلله على السلامة ابن الرافدين
بالنسبة الي ادعولي اصير من اهل كندا لانو ملفي بقسم التوطين قيد الدراسة وسلامي للكل

غير متصل العاشق_1111

  • عضو فعال جدا
  • ***
  • مشاركة: 398
    • مشاهدة الملف الشخصي
السلام عليكم شلونكم ياهلي ياعراقين ياناس ياطيبين انشاء لله الجميع بخير يارب
اخي ابن الرافدين الحمدلله على سلامتكم  وحياه سعيده ملئها النجاح والسعاده كول امنين
اخويه ابو عبدلله الورد والله صورك  أدبت الامل في نفوسنا والواحد كام يتأمل  ويارب نكون من سكان ارض الاحلام
تحيه لكل اخواني واخواتي في ذه الجمعيه ويارب يسرها على اخوتنا المرفوضين من امريكا الذين ينتظرون فرج الرحمن  فلا تنسوهم من صالح دوعاءكم
الف تحيه الى اخي المؤسس ابو احمد الطيب  وربي يجعلها في ميزان اعمالكم
اخوكم العاشق_1111

غير متصل العاشق_1111

  • عضو فعال جدا
  • ***
  • مشاركة: 398
    • مشاهدة الملف الشخصي
اللهم اني اسألك بأسمك الذي ما دعاك به احدا  ألا واجبته وما ناداك بيه احد الا واعطيته ان تحول ملف اخي العلي النعمي الى كندا يا ارحم الراحمين يارب

غير متصل الخنساء ام عبدالله

  • عضو فعال
  • **
  • مشاركة: 42
    • مشاهدة الملف الشخصي
اكرر دعاء العاشق 1111 لاخونا العزيز علي النعيمي وتكون كندا من نصيبه آمين.

اخوان ممكن سؤال اهو الاخت العزيزة ام حمزة ماكو ؟ عسى ان يكون المانع خيرا
اذا الشعب يوما اراد الحياة فلابد ان يستجيب القدر

غير متصل علي النعيمي

  • مبدع قسم الهجرة
  • عضو مميز جدا
  • *
  • مشاركة: 3022
    • مشاهدة الملف الشخصي
    • http://www.google.com/search?um=1&hl=ar&biw=1008&bih=406&tbm=isch&sa=1&q=a380&btnG=%D8%A8%D8%AD%D8%AB&oq=a380&aq=f&aqi=g10&aql=&gs_sm=s&gs_upl=375l15500l0l18469l13l11l2l3l0l0l735l2439l4-1.2.1l6l0
الف شكراااااااا اخوية العاشق وبارك الله بيك واتمنة من كل قلبي انو الله يعجل بسفرك لكندا والاستقرار فيها وشكرا الك اخوك علي

غير متصل Majico

  • عضو فعال جدا
  • ***
  • مشاركة: 83
  • الجنس: ذكر
  • • WHAT GOES AROUND COMES AROUND
    • مشاهدة الملف الشخصي
لاعاب حلكج أختي أم عبد الله، تعيشين أكثر مني والله على بالي هالسؤال من زمان ... وينهه أم حمزه وشأخبارها عسى خير؟ ???
تحياتي،
Majico
•   صرخه اصبحت وياك وبحلك خرسان  ... أشرت محد شاف كل ربعي عميان

غير متصل aseel_msb

  • عضو فعال جدا
  • ***
  • مشاركة: 401
  • الله محبة
    • مشاهدة الملف الشخصي
مرحباا اخواني الاعزاء
احب ابلغكم انه اتصلت بينة السفارة الكندية و بلغتنة بموعد مقابلة يوم الاثنين مع العلم  معاملتنة هي كفالة كنسية و احنا بسوريا اتمنى للجميع  كل الخير و الموفقية
اخواني عندي سؤال يا ريت تساعدوني باتخاذ القرار مثل ما معظمكم يعرف بالمقابلة مال الكفالة الكنسية يخيرونة بين انه نوقع قرض الفحص و الطيارة او نسويه على حسابنة الموضوع انه اني عندي طفل مريض و معاق يحتاج لكرسي متحرك و راحة فاي شي افضل لراحتة احنا نحجز الخطوط اللي نريدهة لو نخليهة عليهم؟و اذا همة يحجزون راح يراعون الحالة الصحية للطفل؟لانه احنا مو عن طريق اليو ان

مع خالص امنياتي بالموفقية و الخير للجميع

اختكم اسيل-سوريا

غير متصل Majico

  • عضو فعال جدا
  • ***
  • مشاركة: 83
  • الجنس: ذكر
  • • WHAT GOES AROUND COMES AROUND
    • مشاهدة الملف الشخصي
أختي أسيل، الف مبروك اني هم كان عندي كفاله خماسيه (يعني مو عن طريق ال UN) وبعدني بسوريا  منتظر موعد طيران وطرحت هذا السؤال وماكان أكو جواب واضح من الأخوان بالمنتدى بس آني سألت الكنديه بالمقابله (قبل حوالي شهر ونص) انه هل من الأفضل أحجز على حسابي  (لأن هيه الفلوس براسي يراسي ولازم أسددهه أول وتالي والحمد لله مستوره) وهل أنه لو حجزت راح يسرع المعامله والسفر وكان جوابهه واضح جدا ومباشر أنه ماكو علاقه أبدا كل ما هنالك راح أدوخ نفسي بالحجوزات فخليتهه عليهم ووقعت القرض. وبالمناسبه همه حجوزاتهم كلهه خطوط محترمه مثل الألمانيه والبريطانيه و عن طريق أسطنبول أو روما أو لندن يعني لايكون الج أي فكر. وبالنسبه للمريض (الله يشافيه) الي صديق يسافر بهالشهر وزوجته مريضه وقامو بتوفير مرافقه طبيه لها لكندا  فلا تقلقين مطلقا. أي أستفسار ثاني حاضر و ممنون.
بالتوفيق بالمقابله.
أخوك،
Majico
•   صرخه اصبحت وياك وبحلك خرسان  ... أشرت محد شاف كل ربعي عميان

غير متصل aseel_msb

  • عضو فعال جدا
  • ***
  • مشاركة: 401
  • الله محبة
    • مشاهدة الملف الشخصي
الف شكر اخ ماجيكو عالجواب يا ربي توصل بالسلامة و كل الموفقية و النجاح

صديقك اللي سافر هم خماسية او كنسية لو يو ان؟ احنا هم مفكرين نسال القنصل انه راح يوفرون احتياجات للمريض لو لا و نشوف شراح تنصحنة
احنا من اتصلو بينا قالو عدكم مقابلة بس ما عرفنة احنا و الاطفال لو وحدنة؟فراح نتصل بيهم نسال

اتمنى للجميع كل الخير و السفر القريب

غير متصل ابن بلاد الرافدين

  • عضو فعال جدا
  • ***
  • مشاركة: 153
    • مشاهدة الملف الشخصي
اشكركم اخواني جميعا ما أعرف شأكلكم على تهانيكم الي وربي انشاءالله يوفقكم ويفتحها بوجهكم ويسهل امر كل واحد دينتظر السفر سلامي الى الفريدو....... السندبادي ___ زيزون_____كاندي مان......ماجيكو____ الكاظمي .......المسافرة.....مازن البغدادي...احمد الغريب........ماكرينت ......سكن....قواعد ....اسامه الجميلي .....اسامه الهاشمي......مغتربه في مصر .....الفاتح.......ابو محمد
مؤيد العبيدي .....عبادي .....العبير ......ابو شهد.....ابو عبد الله ....علي النعيمي ....النرجس.....شكو ماكو......migrant....ماجيكو.....مغترب بلا وطن.... انشاء الله تكونون بخير وسلامه

الف مبروك اختي aseel_msb وانشاءالله يسهل امرج وتسافرين الى البلاد اللي من صدك واحد لازم يعيش بيها


تحياتي الكم جميعا

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
اخويه ابن بلاد الرافدين الف الف الف مبروك وصولك الى كندا وشايف كل الخير

اخويه العزيز البلك الي تحجي عليه موجود في الدولاراما بسعر دولار وربع  لان اغلب العراقيين اشترو بسعر 10$ او اكثر من المحلات وبعدها اكتشفو انه سعره دولار وربع من الدولاراما وشايف كل الخير اخويه وانشالله نسمع اخبارك بالخير دائما



اختي اسيل الف الف مبروك موعد المقابله وانشالله هينه و وقعي القرض الكندي احسن لان دفعاتك راح تكون جدا مريحه وما تاثر عليكم في كندا مو احسن ما تدفعوها دفعه وحده ؟؟؟ اما شغلة المريض فهذا شي مع خطوط الطيران يعني بالحجر يذكر انه عدكم مريض ويجهزوله كرسي ويقومون باللازم وماراح تفرق بين اذا انتو تحجزون او السفاره الكنديه فهذا الشي يتبع شركة الطيران

طبعا للفائده العامه اذا تريدون تحجزون تذكرة طيران تكدرون عن طريق الانترنت وتختارون المكان الي تريدون تكعدون بيه يعني اكو ناس تخاف من الكعده يم الشباك واكو ناس تريد تكعد يم الشباك حتى تشوف المناظر فوق المحيط وفوق الدول وطبعا عن طريق الانترنت تحجزون المكان واذا كنتو تحتاجون كرسي مساعده او اي شي تحتاجون واذا تحبون تطلبون اكل معين مثل الاكل الحلال فهذا كله بالحجز تكدرون تذكروه وعن طريق النت




الف مبروك لاخويه ابن بلاد الرافدين واختي اسيل



اخوكم : الفريدو    وهاي احلى هلهوله لاخويه ابن بلاد الرافدين واختي اسيل
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل Majico

  • عضو فعال جدا
  • ***
  • مشاركة: 83
  • الجنس: ذكر
  • • WHAT GOES AROUND COMES AROUND
    • مشاهدة الملف الشخصي
أخواتي وأخواني اليوم الصبح أتصلوا ال IOM وبلغوني انه سفري راح يكون يوم الخميس 19/5 (بدون أي تفاصيل أخرى) وسألوا أذا أحد عنده مشكله صحيه وقالوا أنه الجوازات تبقى عدهم و ماكو داعي أمر لأن همه راح يخابروني بعدين!!
يارب كل المنتظرين ولا يبقى واحد كولو آميييييين. :D :D :D
أخوكم،
Majico
•   صرخه اصبحت وياك وبحلك خرسان  ... أشرت محد شاف كل ربعي عميان

غير متصل abu shahed

  • عضو مميز
  • ****
  • مشاركة: 1100
    • مشاهدة الملف الشخصي
الف الف مبروووووووووووووووووك اخي Majico ربي يتتم عليك بالخير وتوصل باااااااالف سلامه
ان شاء الله الموفقيه والاستقرار والعيش الكريم اللهم امين


                     ابـــو شهـــــد
((  وَلَسَوْفَ يُعْطِيكَ رَبُّكَ فَتَرْضَى  ))

غير متصل مي فؤاد

  • عضو
  • *
  • مشاركة: 12
    • مشاهدة الملف الشخصي
السلام عليكم .... اشونكم انشاء الله الكل بخير

طبعا الف مبروك الكل الي سافروا واتمنى الهم الحياة السعيدة والاستقرار ... والي منتظرين السفر مثل حالي انشاء الله السفر القريب .... طبعا اني لحد الان ماكو احد اتصل بيا من الIOM حتى انسلم الجوازات مع العلم انه اني سويت الفحص الطبي من تاريخ 21/2/2011 فما اعرف اكو احد مثلي هلقد طولت الامنية مالتة لو بس اني؟ يعني اني سمعت انه اقصى شي التجييك الامني يطول 3 اشهر واني بعد حوالي 3 اشهر وشوية يصير الفحص الطبي اكسباير فيا ريت احد ينطيني جواب لانه كلش ضجت والقلق كام ياكلني
والكم الشكر الجزيل مقدما

اختكم مي فؤاد

غير متصل اسامة الهاشمي

  • مبدع قسم الهجرة
  • عضو مميز
  • *
  • مشاركة: 1577
  • الجنس: ذكر
    • مشاهدة الملف الشخصي
السلام عليكم
شلووووونكم شلون الصحة ان شاء الله بخير يا رب

اريد ابشركم اليوم رحت مقابلة توطين وتوطيني صار على كندا والحمد لله والشكر
اخيراً دخلت الجمعية الفريدو الي جنت اتمنى ادخل الهه ..

الفريدو اخوية تانوني ههههه


اخوكم ابو نور
بغداد وما تلاكي عاشقاً فانتي من رسم للحب معنى

غير متصل ام حمزة

  • عضو فعال جدا
  • ***
  • مشاركة: 85
    • مشاهدة الملف الشخصي
    • البريد الالكتروني
السلام عليكم شلونكم اخواني واخواتي اسفة على الانقطاع بس والله احنا بريف دمشق ولا كهرباء ولا تلفونات صار اكثر من اسبوعين واجتنه البارحة الحمد لله
اشكرج عيوني ام عبدالله على سؤالج الطيب مثلج
اشكرك اخوي Majicoعلى سؤالك والف الف الف مبروك على موعد السفر
اني سلمت الجواز للسفارة يوم 28-4   واليوم اتصلو الاي او ام وكالو موعد الطيران يوم 13-6 والف الف الحمد لله والشكر وحددو الي ولاية اوتاوا ويوم للباقين ان شاء الله
اخبار السندبادي ماضل شي على سفرك الله يسهل امرك يارب
شلونك ابو عبدالله
وشلون الفريدو وعبادي واسفة اذا نسيت احد
اختكم ام حمزة من سوريا

غير متصل abu shahed

  • عضو مميز
  • ****
  • مشاركة: 1100
    • مشاهدة الملف الشخصي
الف مبرووووووووووووك اخي العزيز اسامه الهاشمي على توطينك
وكل الهلا  بيك اخويه العزيز في جمعيتنا ربي يتمم عليك وتحصل
على الموافقه وتفرحنه بسفرك الى كندا يااااااااااارب امين


                  ابـــو شهـــــــــد
((  وَلَسَوْفَ يُعْطِيكَ رَبُّكَ فَتَرْضَى  ))

غير متصل abu shahed

  • عضو مميز
  • ****
  • مشاركة: 1100
    • مشاهدة الملف الشخصي
الف الف مبروك اختي العزيزه ام حمزه ان شاء الله توصلون بالسلامه والموفقيه والاستقرار بأذن الله
ربي يكون بعونكم اختي العزيزه على اوضاع سوريا ادعو الله القدير ان يحفظ جميع العراقيين والسوريين
من اي مكروه يارب امين


                       ابــــو شهــــــــــد
((  وَلَسَوْفَ يُعْطِيكَ رَبُّكَ فَتَرْضَى  ))

غير متصل علي النعيمي

  • مبدع قسم الهجرة
  • عضو مميز جدا
  • *
  • مشاركة: 3022
    • مشاهدة الملف الشخصي
    • http://www.google.com/search?um=1&hl=ar&biw=1008&bih=406&tbm=isch&sa=1&q=a380&btnG=%D8%A8%D8%AD%D8%AB&oq=a380&aq=f&aqi=g10&aql=&gs_sm=s&gs_upl=375l15500l0l18469l13l11l2l3l0l0l735l2439l4-1.2.1l6l0
الف مبروك اخونة اسامة الهاشمي والف مبروك ام حمزة واخيرا بدت تتحرك الامور

غير متصل اسامة الهاشمي

  • مبدع قسم الهجرة
  • عضو مميز
  • *
  • مشاركة: 1577
  • الجنس: ذكر
    • مشاهدة الملف الشخصي
اشكرك اخي النرجس وبارك الله بيك وان شاء الله تحقيق كل الاماني يارب وربي يوفقك كل هذا بفضل رب العالمين وبفضل دعواتكم  .(بعد التعديل هههههههه اعذرني اخوية الغالي)


اخوية علي النعيمي اشكرك وبارك الله بيك ان شاء الله اتنول الي ابالك

اختي العزيزة ام حمزة الف مبروك على تحديد موعد السفر وان شاء الله توصلون بالسلامة يا رب
بس هاي شغلة المي والكهرباء والتلفونات مقطوعة اتفاجئت بيهه  لان اني هم ساكن بريف دمشق ( قدسيا ) والحمد لله ماكو اي شي يمنه ولا سمعت صار اي شي ربي يكون بعونكم ان شاء الله ويبعد عنكم كل شر ومكروه ويوفقكم وتسافرون وتوصلون بالسلامة يا رب

اخوكم ابو نور (في الطريق الى كندا من اليوم )
بغداد وما تلاكي عاشقاً فانتي من رسم للحب معنى

غير متصل ام حمزة

  • عضو فعال جدا
  • ***
  • مشاركة: 85
    • مشاهدة الملف الشخصي
    • البريد الالكتروني
اشكركم اخواني على التبريكات والدعاء والله يسلم ويسهل امر الجميع اخوي اسامة اني بالزبداني واكيد سمعت شديصير

غير متصل klose

  • عضو
  • *
  • مشاركة: 9
    • مشاهدة الملف الشخصي
الاخ اسامه السلام عليكم مبروك التوطين على كندا وان شاء الله تم بخير عزيزي استفسار هل انت اول مرؤه تخوض مرحله التوطين وهل انت من المرفوضين من امريكا وهل قالوا لك تم قبولك على كندا ام ان هناك لجنه تنظر في توطينك علما اني مررت بنفس الحاله منذ سبعه اشهر ولم احصل على نتيجه لحد الان وعندما تصل بهم يخبرونني ان الملف بالتوطين كما ارجو من الاخوان اصحاب الخبره بان لا يبخلوا علينا بالمعلومه ولك ولهم جزيل الشكر

غير متصل علي النعيمي

  • مبدع قسم الهجرة
  • عضو مميز جدا
  • *
  • مشاركة: 3022
    • مشاهدة الملف الشخصي
    • http://www.google.com/search?um=1&hl=ar&biw=1008&bih=406&tbm=isch&sa=1&q=a380&btnG=%D8%A8%D8%AD%D8%AB&oq=a380&aq=f&aqi=g10&aql=&gs_sm=s&gs_upl=375l15500l0l18469l13l11l2l3l0l0l735l2439l4-1.2.1l6l0
عيني كلوز اني هم كلما اخابرهم قيد الدراسة بالتوطين على امريكا

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
اخواني اليوم هو يوم الافراح لان ما شاء الله 3 اخبار مفرحه في وقت واحد وانشالله الخير للجميع والافراح تعم الكل


الف الف مبروك اخويه ماجيكو وشايف كل الخير وانشالله وصولك في اجمل ايام كندا وربي يفتحها بوجهك وتخلص من التفكير والقلق والانتظار ومبروك مره اخرى اخويه العزيز

الف الف مبروك اختي ام حمزه وشايفه كل الخير وربي يجعل سفرك خير عليكم وعلى جميع اخوانه وانشالله الاستقرار وبداية حياة جديده وسعيده بعونه تعالى

الف الف مبروك اخويه اسامه الهاشمي ابو نور الورده وانشالله الخير كدامك وكندا تستاهل الانتظار وربي ييسر امرك وتمشي الاجراءات بسرعه وشايف كل الخير اخويه ( اخويه ابو نور راح اتانيك يم السوك بالركن )  ;D ;D ;D ;D ;D ;D ;D  مو تتاخر

اختي مي فؤاد شغلتك بعدها بس يرادلك وقت لان احسبي من بعد الفحص الطبي تقريبا 6 شهور وتستلمين موعد الطيران انشالله فلا تقلقي وانشالله سفرك راح يكون بشهر 7 وتفرحينه باخبارك الطيبه بالقريب العاجل


ربي يفرح قلوب كل منتظري السفر بالقريب العاجل انشالله




اخوكم : الفريدو   وهاي احلى هلهوله الى اخواني واخواتي بهاي المناسبه
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل ام حمزة

  • عضو فعال جدا
  • ***
  • مشاركة: 85
    • مشاهدة الملف الشخصي
    • البريد الالكتروني
 

     

--------------------------------------------------------------------------------

السلام عليكم اخواني واخواتي اشكركم على تهانيكم ودعاءكم وان شاء الله يوم للكل  تم قبولي على ولاية اوتاوا في كندا ارجو من لديه معلومات عن مستحقات اللاجئ هناك واسعار الشقة غرفة نوم وصالة وحمام ومطبخ والجو في شهر السادس علما ان طيراني في 13-6 الاسواق الحلال والمراكز الاسلامية وكل من لديه معلومات ينورنا ويغنينى ولكم جزيل الشكر اختكم ام حمزة من سوريا

غير متصل اسامة الهاشمي

  • مبدع قسم الهجرة
  • عضو مميز
  • *
  • مشاركة: 1577
  • الجنس: ذكر
    • مشاهدة الملف الشخصي
 kloseاخوية العزيز

اني اول مره اتوطن واول مره اقابل بكفر سوسة مقابلة توطين وصلت السوريا صار تقريباً اقل من سنة ولا مرفوض من امريكا ولا ابد
للعلم اثناء المقابلة كالتلي بالبداية انه انته راح تتوطن على كندا واذا انرفضت تتحول اللى اميركا .. اتوافق .؟.. كتلهه اوافق بأي مكان بس كون مو الصومال ولا افريقا لكن اذا ماكو بس هنه هم اوافق ميخالف  هههههههه
المهم اخوية العزيز ان شاء الله تمشي شغلتك وتكمل بأسرع وقت كول يا الله


الله يكون ابعونكم اختي ام حمزة وان شاء الله خلصت ما بقه شي والله ما سمعت اي اخبار عن الزبداني من عندج هسه سمعت يا رب ايسر امرج وامر كل طيب وشريف .

اخوية الفريدو يمعود انته راح اتانيني يم السوك مو اني جايب غراضي ويايه يا سوك اتريد اتحوجلني وجهالي بيه دكول يم المطعم حتى اخسرك غده عشه هههههههههه  اشكرك على التبريك
بغداد وما تلاكي عاشقاً فانتي من رسم للحب معنى

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي


     

--------------------------------------------------------------------------------

السلام عليكم اخواني واخواتي اشكركم على تهانيكم ودعاءكم وان شاء الله يوم للكل  تم قبولي على ولاية اوتاوا في كندا ارجو من لديه معلومات عن مستحقات اللاجئ هناك واسعار الشقة غرفة نوم وصالة وحمام ومطبخ والجو في شهر السادس علما ان طيراني في 13-6 الاسواق الحلال والمراكز الاسلامية وكل من لديه معلومات ينورنا ويغنينى ولكم جزيل الشكر اختكم ام حمزة من سوريا


الف مبروك اختي ام حمزه

اوتاوا عاصمة كندا ودائما العاصمه تكون غاليه بعض الشي وهادئه ةجميله واما عن الجو فحاليا اجمل 3 شهور في كندا من ناحية جمال الطبيعه ومثل ماكال اخويه اسامه ابو هيا هذه الشهور 6و7و8 هي اجمل الشهور وطبعا بالنسبه للمحلات العربيه متواجده في كل مكان في كندا يعني في مدينه يوجد كم محل وهذا الشي سهل ولاتفكرين بيه لان متواجده المحلات العربيه وحاليا تزداد هذه المحلات لكثرة الجاليه العربيه الي كاعد توصل الى كندا

اما الايجارات فهي موجوده مثل ما كال اخويه ابو هيا على موقع kijiji.com

وهذا الموقع موجود فيه كل ما تفكرين فيه من بيع وشراء وغمل وايجارات واغراض باسعار بسيطه او ابلاش وهو موقع جدا كبير واذا تمعنتي فيه راح تلاقين كل ماهو محتاجيه موجود وهذا يسهل على الناس الموجودين في كندا من احتياجات كامله

اما المساعدات فهي مشابهه لباقي المقاطعات ولايوجد اختلاف الا شيء بسيط

وشايفه كل الخير اختي


اخوك : الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل الخنساء ام عبدالله

  • عضو فعال
  • **
  • مشاركة: 42
    • مشاهدة الملف الشخصي
السلام عليكم جماعة كندا الطيبين

الاخ العزيز Majico
الاخت العزيزة ام حمزة

الف مليون ترليون مبروك على تحديد موعد سفركما والله فرحت لكما من قلبي وان شاء الله نهنيكم بالوصول بالسلامة ويوم لبقية الاخوة والاخوات اللي في الانتظار انه سميع مجيب.

الاخ العزيز آسامة الهاشمي الف مبروك على ترشيحك للتوطين في كندا وان شاء الله يوم اللي نهنيك بسفرك القريب الى كندا آمين.
اذا الشعب يوما اراد الحياة فلابد ان يستجيب القدر

غير متصل aseel_msb

  • عضو فعال جدا
  • ***
  • مشاركة: 401
  • الله محبة
    • مشاهدة الملف الشخصي
اخوتي الاعزاء تحية طيبة

الف شكر للاخوة   و اسفة عالتاخير بالجواب لكن لظروف خارجة عن ارادتي
قابلتنة القنصل يوم الاثنين و كانت المقابلة جدا بسيطة و قالت اصلا احنا ما نريد الاطفال تحت عمر الاربعة عشر بالمقابلة و اعتذرت من عدنة لان ما بلغونة و نصحتنة بتوقيع القرض و وقعنة

اتنمى للجميع كل الخير و البركة و الف مبروك للاخ ماجيكووو تحديد موعد سفر و للاخت ام حمزة

غير متصل ابن بلاد الرافدين

  • عضو فعال جدا
  • ***
  • مشاركة: 153
    • مشاهدة الملف الشخصي
تسلم اخوية العزيز الفريدو الله يبارك بيك وشكرا على المعلومة اليوم اذا صار عندي مجال اروح على سوك دولاراما هو هذا سوك الدولار اني رحتلة وبيه هواية اشياء رخيصة بس راح عن بالي سالفة البلكات الف شكرا ;) ;) ;)

بالنسبة لمدينة ساسكاتون مدينة صغيرة بسيطة جميلة ناسها بسيطين يكثر فيها هنود الحمر في بعض المناطق هههههههههه بس اني رحت لمنطقة مابيها هنود حمر كلهم مشاكل ويخوفون يعني دنمشي بالسيارة بنص الطريق لكينة صاير ازدحام ورة شوية جان نباوع هندية حمرة سكرانة دتتمشة بنص الشارع ودايخة والاغرب من هالشي الشرطة يشوفوها وتاركيها ههههههههههههههه

الاسعار هنا ما بيوت ما اكلكم رخيصة بس زينة يعني شقة بغرفتين وبأرقى منطقة وكللللش نظيفة ممكن تحصلوها ب1020 دولار بالشهر اما شقة ام 3 غرف ممكن تحصلوها ب 1150 دولار والشقة ارضية هم

هسة بعدني ممستلم الدفعة الثانية من المساعدات وممقدم امتحان السياقة علمود اخذ رخصة رقم 7 ولا مشتري سيارة ولا مرك نت حواسم من جيرانة ههههههههه

المهم انشاءالله كل اخواني اللي ينتظرون يخلصون من الحياة اللي هم عايشين بيها ويجون الى الحياة الجديدة اللي من صدك الواحد لازم يعيش

انشاءالله اخبركم بكل جديد تحياتي الكم

غير متصل ابن بلاد الرافدين

  • عضو فعال جدا
  • ***
  • مشاركة: 153
    • مشاهدة الملف الشخصي
الففففففففففففف مبرووووووووووووووووووووووووووووك الى

اختي العزيزة اسيــــــــــــــــــــــــــــــــــــــــــــــــــــــــــــــــــــــــــــــــــــل
اخوية العزيز ماجيــــــــــــــــــــــــــــــــــــــــــــــــــــــــــــــــــــــــــــــــــــكو
اخوية العزيز اسامة الهــــــــــــاشــــــــــــــــــــــــــــــــــــــــــــــــــــــــمي
اختي العزيز أم حمــــــــــــــــــــــــــــــــــــــــــــــــــــــــــــــــــــــــــــــــمزة


ويارب انشاءالله يسهلها عليكم ويوم لأخواني الباقيين اللي دينتظرون السفر
تحياتي

غير متصل abu shahed

  • عضو مميز
  • ****
  • مشاركة: 1100
    • مشاهدة الملف الشخصي
اخوتي الاعزاء تحية طيبة

الف شكر للاخوة   و اسفة عالتاخير بالجواب لكن لظروف خارجة عن ارادتي
قابلتنة القنصل يوم الاثنين و كانت المقابلة جدا بسيطة و قالت اصلا احنا ما نريد الاطفال تحت عمر الاربعة عشر بالمقابلة و اعتذرت من عدنة لان ما بلغونة و نصحتنة بتوقيع القرض و وقعنة

اتنمى للجميع كل الخير و البركة و الف مبروك للاخ ماجيكووو تحديد موعد سفر و للاخت ام حمزة

الـــــــــــــــــــــف مبرووووووووووووووووك
اختي العزيزه اسيل ربي يتتم عليكم بالخير ونفرح بسفرك بالايام القريبه اللهم امين


                                  ابـــــو شهـــــــــــد
((  وَلَسَوْفَ يُعْطِيكَ رَبُّكَ فَتَرْضَى  ))

غير متصل abu shahed

  • عضو مميز
  • ****
  • مشاركة: 1100
    • مشاهدة الملف الشخصي
تسلم اخوية العزيز الفريدو الله يبارك بيك وشكرا على المعلومة اليوم اذا صار عندي مجال اروح على سوك دولاراما هو هذا سوك الدولار اني رحتلة وبيه هواية اشياء رخيصة بس راح عن بالي سالفة البلكات الف شكرا ;) ;) ;)

بالنسبة لمدينة ساسكاتون مدينة صغيرة بسيطة جميلة ناسها بسيطين يكثر فيها هنود الحمر في بعض المناطق هههههههههه بس اني رحت لمنطقة مابيها هنود حمر كلهم مشاكل ويخوفون يعني دنمشي بالسيارة بنص الطريق لكينة صاير ازدحام ورة شوية جان نباوع هندية حمرة سكرانة دتتمشة بنص الشارع ودايخة والاغرب من هالشي الشرطة يشوفوها وتاركيها ههههههههههههههه

الاسعار هنا ما بيوت ما اكلكم رخيصة بس زينة يعني شقة بغرفتين وبأرقى منطقة وكللللش نظيفة ممكن تحصلوها ب1020 دولار بالشهر اما شقة ام 3 غرف ممكن تحصلوها ب 1150 دولار والشقة ارضية هم

هسة بعدني ممستلم الدفعة الثانية من المساعدات وممقدم امتحان السياقة علمود اخذ رخصة رقم 7 ولا مشتري سيارة ولا مرك نت حواسم من جيرانة ههههههههه

المهم انشاءالله كل اخواني اللي ينتظرون يخلصون من الحياة اللي هم عايشين بيها ويجون الى الحياة الجديدة اللي من صدك الواحد لازم يعيش

انشاءالله اخبركم بكل جديد تحياتي الكم


تسلم اخي الغالي ابن بلاد الرافدين على هذه المعلومات المفيده ان شاء الله ربي يسر امرك ويكتبلك الخير بحياتك الجديده والموفقيه
والاستقرار امين يارب


                          ابـــــو شهـــــــــد
((  وَلَسَوْفَ يُعْطِيكَ رَبُّكَ فَتَرْضَى  ))

غير متصل شموخ عراقية

  • مبدع قسم الهجرة
  • عضو فعال جدا
  • *
  • مشاركة: 208
    • مشاهدة الملف الشخصي
السلام عليكم
اخواني اخواتي عساكم بخير
شلونك اخويه ابن بلاد الرافدين والف مبروك ولو متاخر بس السموحه
شلون الاخوان في مصر منتظرين كندا انشاءلله الامور زينه

تحياتي لكم جميعا
عبير --مصر

غير متصل زيزون

  • عضو فعال جدا
  • ***
  • مشاركة: 88
    • مشاهدة الملف الشخصي
    • البريد الالكتروني
السلام عليكم اخواني
 كيف الحال مشتاقلكم جدا واني اسف على هذا التأخير بس والله مو بيدي
اني مثل ما تعرفون كلولي تورنتو وبعدين طلع ( اي او ام ) غلطان ويايه  وطلعة ولاية منتوبا  مدينة (ونبك)
وهس نحجي عل الي صار بيه وصلة الى مدينة ونبك باليل وشلون عيني لاكاني برد وثلج بوي ما احجيلكم اصار بينه وبعدين وصلنه الى مكان يسمو ( ولكم بلس ) انطونه غرف  بيه طباخ وثلاجه وكالوا باجر نحجي
كعدنه الصبح  واذا مفاجئه تهد الحيل
مدين تعبانه يعني مو مثل ما جنه متصورين بحيث ابني يكلي بابا هي هاي كندا السبيتنه بيه مصر احلى منه
المهم لكية اخ عراقي جان وياي في مصر والله ما قصر كام ياخذني بسيارته ويدليني على الاماكن
مهم  ولان الحمد لله كاعدين ومرتاحين بس لحد الان احنه في هذا المكان ايسمو ( ولكم بليس )
لحد الان ما لكينه شقة احنه طلبنه شقه مال حكومه وكالو ممكن تتأخر فد 3 اشهر كلة مو مهم اقبل اتأخر
اخويه الفريدو هي المدينه ابرد من مدينتك
اخوان خاف اتأخر عليكم اعذروني ما عندي في الغرفة نت
واي سؤال اني حاضر واسف مر ثاني على التأخير

خوكم    زيزون من ونبك  كندا

غير متصل نــــــــــوار تيتــــــو

  • عضو مميز جدا
  • *****
  • مشاركة: 2064
  • الجنس: ذكر
  • بحبـــــــــــــــــك يا يســـــــــــوع
    • مشاهدة الملف الشخصي
قديم حيل الموضوع بس حلو تحياتي :) :) :)

غير متصل ام حمزة

  • عضو فعال جدا
  • ***
  • مشاركة: 85
    • مشاهدة الملف الشخصي
    • البريد الالكتروني
السلام عليكم شلونكم اخواني واخواتي الاعزاء اشكركم جزيل الشكر على التهاني والتبريكات ولكم مثله ان شاء الله شكرا حبيبتي ام عبد الله يوم اللج ان شاء الله الف مليار هلا بزيزون الك وحشة يبو ضحكة الحلوة على كولة  كاظم الساهر هلو العبير نورتي عيوني الف مبروك لاسيل وان شاء الله يتم كل شي بالف خير تسلم اخوي ابن الرافدين الله يبارك بيك شلونك اخوي الغالي ابو شهد فرحنا باخبارك اشكرك اخوي اسامة الهاشمي والله يسهل امرك اما اخونا الفريدو الف الف شكرا والله يجازيك كل خير ويسهل امرك بس اني مفتقدة اخونا ابو عبدالله كاندي مان والسندبادي علما ان ه سفرته يوم 18-5 الله يسهل امره كولو امين وعبادي شلونك عيني وشلون اخوي ابو هيا
هسه خلي اسولفلكم اخبار ي رحت لااوام وانطوني خط الرحلة يبدء دمشق - روما - من روما -تورنتو من تورنتو -اوتاوا وكلها عى الخطوط الجوية الايطالية وكالو الاسبوع القادم الدورة التثقيفية بس مانعرف  الايام بعد  وكان الله يحب المحسنين واسفة اذا نسيت احد ماسلمت عليه
اختكم ام حمزة من سوريا

غير متصل مي فؤاد

  • عضو
  • *
  • مشاركة: 12
    • مشاهدة الملف الشخصي
شكرا للاخ الفريدو على جوابك بس ممكن اعرف اشكد يطول التجييك الامني على الفايل يعني راح يصير الي 3 اشهر من اجراء الفحص الطبي ولحد الان كلشي ماكو اخاف يصير الفحص الطبي اكسباير وبعدني ما مستلمة اي جواب ....وانت تعرف اشون الواحد يظل بقلق وحيرة ويقوم يضرب  اخماس باسداس
وشكرا على الجواب مرة ثانية

اختكم
مي فؤاد - عمان

غير متصل العاشق_1111

  • عضو فعال جدا
  • ***
  • مشاركة: 398
    • مشاهدة الملف الشخصي
طبعا بالفعل اليوم يوم الافراح
اختي العزيزه ام حمزه الف الف مبروك 
اخويهالعزيز ماجيكوا الف مبروك
اختي اسيل الف مبروك يوم السفر كولي امنين
اخويه الهاشمي الف مبروك يارب تبشرنه بيوم السفر
ويارب افرجها علينا وعلى جميع اخوانا المرفوضين من امريكا كولوا امنين
لاتنسونا من صالح دوعائكم ياطيبين

غير متصل العاشق_1111

  • عضو فعال جدا
  • ***
  • مشاركة: 398
    • مشاهدة الملف الشخصي
السلام عليكم ياطيبين
اخواني الاعزاء سوال  كم المده  بعد المقابله التوطين بكفر سوسه الى ان يدزون عليك على المقابله بالسفاره الكنديه وجزاكم الله الف خير
اخويه newlife79 الف مبروك بس  انته شوكت قابلت  التوطين بكفر سوسه اكون شاكر وممنون
اخويه العزيز كاندي مان ابو عبود الوردة شلونك ياطيب انشاء لله بخير
اخويه المؤسس ابو حمودي الورد شلونك ياطيب انشاء لله بخير
تحياتي لجميع الاعضاء
اخوكم العاشق_1111

غير متصل الخنساء ام عبدالله

  • عضو فعال
  • **
  • مشاركة: 42
    • مشاهدة الملف الشخصي
السلام عليكم جماعة كندا الطيبين

الف الف الف مبروك للاخت العزيزة   assel_msb انتهاء المقابلة الثانية وان شاء الله يوم نهنئك بتحديد يوم السفر لك ولبقية الاخوة والخوات آمين
عزيزتي اذا سمحتيلي بسؤال كم كانت الفترة بين المقابلة الاولى والثانية في السفارة وشكرا مقدما
اذا الشعب يوما اراد الحياة فلابد ان يستجيب القدر

غير متصل الخنساء ام عبدالله

  • عضو فعال
  • **
  • مشاركة: 42
    • مشاهدة الملف الشخصي
الاخ العزيز newlife 79

الف مليون مبروك على انتهاء المقابلة الاولى وان شاء الله يوم اللي نهنيك بتحديد موعد السفر ألك ولبقية الاخوة والاخوات آمين.
اما بالنسبة الى عدم المحكومية فهي كالتالي : ِاذهب الى السفارة العراقية وأخذ استمارات على العدد(لاتنسى صورة لكل شخص) وأمليها في المكتبة مقابل السفارة ثم قدمها للسفارة للتأييد كلها تأخذ اقل من ساعة . بعدها توجه الى الخارجية السورية في كفرسوسة للتأييد.ثم توجه الى دائرة الامن الجنائي في منطقة الكمارك وهي فريبة من الخارجية السورية طبعا اكو دائرة اخرىللامن الجنائي في باب مصلى ولكن منطقة الكمارك اقرب واخف ازدحاما.أخي حاول انجازعدم المحكومية سريعا لانها مطلوب تقديمها في المقابلة الثانية.
اما بالنسبة الى عدد المقابلات في السفارة الكندية فهي مقابلتين وان شاء الله يتصلون بيك في اسرع وقت . انا لاازال في انتظار المقابلة الثانيةما اعرف ليش اتأخروا في الاتصال كلها خير ان شاء الله.
اذا الشعب يوما اراد الحياة فلابد ان يستجيب القدر

غير متصل الخنساء ام عبدالله

  • عضو فعال
  • **
  • مشاركة: 42
    • مشاهدة الملف الشخصي
الى العزيز العاشق 1111
شلونك أبني والله مشتاقين الى سماع اخبارك
بالنسبة الى المدة بين مقابلة اليو ان والسفارة الكندية بحدود شهر واحد هذا الحجي من ملاحظتي مؤخرا اما في السابق ومن خلال كتابات جماعة كندا فتأخذ اكثر من شهر والعلم عند الله .
الله ينطيك الصبر مابقى شي ان شاء الله
اذا الشعب يوما اراد الحياة فلابد ان يستجيب القدر

غير متصل newlife79

  • عضو فعال
  • **
  • مشاركة: 37
    • مشاهدة الملف الشخصي
السلام  عليكم
شكرا  اختي  ام  عبد الله  وان شاء الله   قريبا  المقابلة  الثانية  وتسهل  امورنا  ونسافر  احنا  سالنا  الموظفة   عن المقابلة  الثانية   جاوبت  يجوز   بعد اسبوع  اكثر  شي  4 اسابيع  وسالنها   على  شنو   تعتمد  الفترة  بين المقابلة  الاولى  والثانية    كالت   علينا   احنا  الموظفين  لان  مو بس  انتو  مقابلين اكو ناس   غيركم  يعني  على  الدور  وكالت  المقابله  الثانية  شخص  كندي  يقابلكم    وبعدها  يتحدد  قبول  او رفض  وكالت   اكثر  الي  قابلو   مقبولين  وسافرو  بالنسبه  بين  التحويل  والمقابلة  الاولى  شهر  وهذا  الشي  صار  مع  جماعه  شفتهم  وينا وانشاء  الله   التوفيق  للجميع  والسفر  وتحقيق  الاماني

غير متصل العاشق_1111

  • عضو فعال جدا
  • ***
  • مشاركة: 398
    • مشاهدة الملف الشخصي
السلام عليكم شلونكم ياهلي ياعراقين ياناس ياطيبين انشاء لله الجميع بخير
اخي العزيزnewlife79 شكرا على الاجابه انا ايظا شهر الرابع وبلكي يتصلون
خالتي العزيزه  وامي الثانيه ام عبدلله الله يرضى عنج اني بخير  وتشتاقلج الجنه وربي يحفظج ويديمج ولاتنسيني من صالح دوعائج وبلكي لله يتصلون   وشكرا الكم مره ثانيه

غير متصل newlife79

  • عضو فعال
  • **
  • مشاركة: 37
    • مشاهدة الملف الشخصي
السلام   عليكم 
ممكن  تساعدوني  اخوان  اني  اثناء  المقابلة  بالسفارة  الكندية  سالوني  عن الانتماء  الى الحزب  وخبرتهم  انو  بالجامعه   اثناء التسجيل  وقعونا   على ورقة  انتماء  للحزب  وكانت مؤيد  مع  العلم  لم احضر  ولا  اجتماع  بحياتي  كان  انتماء   صوري
ولكن  الي  كانت تعمل  مقابله  خبرتني  انو بالحزب  لحد  السقوط  ساعدوني  اخوان  هل  هذا  يوثر  على شغلة  القبول   رجاء  ساعدوني  لان  التفكير  عذبني

غير متصل IMMIGRANT2

  • عضو فعال جدا
  • ***
  • مشاركة: 416
    • مشاهدة الملف الشخصي
 اخي newlife79  يعني انته ماتكدر تضم حجاية . مع هذا ماياثر عليك اطمئن..روح نام

غير متصل newlife79

  • عضو فعال
  • **
  • مشاركة: 37
    • مشاهدة الملف الشخصي
السلا عليكم
شكرا  على الرد  بصراحة  اني  ما اعرف اضم  شي  حجيت بصراحة بعدين  لما  خلصت  المقابلة  التفكير  دمرني   والقلق صرت افكر  لو  كان  ردي  لا  ما انتميت  بس  شسوي  الحمد لله  والشكر

غير متصل عفراء عادل

  • عضو فعال
  • **
  • مشاركة: 47
    • مشاهدة الملف الشخصي

مرحبا اخواني جمعية كندا و منورين بهاي اللمة الحلوة

اخواني يا ريت جماعة سوريا او الي عنده خبرة يفيدنا بمعلومة..

احنه عايشين بماليزيا و محصلين هوية الامم المتحدة واقاربنا بكندا قدمو النا معاملة كفالة خماسية و دننتظر النتيجة مال الكفلاء..هل يصير نحول و ماذا تنصحونا نحول الملف لسوريا لو الظروف تخوف و ما تسمح ..
و اذا بقينا بماليزيا على مكتبهم اشكد تطول المعاملة و موعد المقابلة علما انه هنا اشكد سألنا ماكو معلومات على ناس مسوية كفالة منا فياريت احد عنده اي معلومة عن ماليزيا ..
وشكرا الكم

اختكم

عفراء \ ماليزيا

غير متصل ــــ{{{ABADY}}}ـــــ

  • مبدع قسم الهجرة
  • عضو مميز جدا
  • *
  • مشاركة: 4167
  • ما على الدنيا عتب كل مافيها امانى,,,
    • مشاهدة الملف الشخصي
سلامي لكندا واللي سافروا كندا واللي ينتظروا السفر لكندا


صح أنجرحنه نعم بس هذا مو مقياس... النخل من ينجرح ميشتكي من فاس
طبع النخل يرتفع ويضل شامخ الراس... ومايهزه زمن ولا عدو ولا كل الناس
عذرا "فيثاغورس" :العراق هو المعادلة الأصعب
عذرا "نيوتن" : بغداد هي التي تجذبنا
عذرا"ديكارت" : أنا عراقي إذاً أنا موجود
عذراً "دافنشي ": ال

غير متصل newlife79

  • عضو فعال
  • **
  • مشاركة: 37
    • مشاهدة الملف الشخصي
السلام عليكم 
اعتقد سوريا  اسرع  شي  بمعاملات  السفر  ل كندا من  الاردن  او لبنان  وتركيا  وبصراحة  هنا الوضع  طبيعي  جدا  ما  كو اي  شي  الي  عنده معامله  خماسيه انصحه  يجي  لسوريا  اسهل  ملاحظه  لا تتفرجون  على قناة العربية  والجزيرة  لان  نصها  كذب

غير متصل Majico

  • عضو فعال جدا
  • ***
  • مشاركة: 83
  • الجنس: ذكر
  • • WHAT GOES AROUND COMES AROUND
    • مشاهدة الملف الشخصي
أخويه العزيز أبو شهد (النرجس 79)، شكرا جزيلا لمشاعرك الطيبه ويوم الكم و للجميع يارب
الله يبارك بيج أم حمزه الورده، يالله أستعجلي عايزين جم نفر بالطياره ... ممنون أختي
أما أنت ياتعويذة المنتدى أخونا الفريدو الطيب فألف شكر الك لكل الأسناد المعنوي اللي قدمته الي ولكل الأعضاء والزوار، يارب تظل طول عمرك تهلهل الى أن تسفر الجميع وتسد المنتدى بأيدك مثل ماكان الك الفضل بفتحه.
وعليكم السلام أختي أم عبد الله الله يسهل عليكي وعلى كل الطيبين من العراقيين يارب
الف الف الف مبروك أختي aseel_msb مو كلنالج المقابله أسهل من المي يالله يوم السفر والأستقرار
شكرا حبيبي أبن بلاد الرافدين، الله يفتحها بوجهك ووجه كل من يساعد أخوته
ممنون أخويه العاشق 111 وتحقيق الأماني يارب
أخوان تعذروني على الأنقطاع الله لا يعيده لأن الأنترنيت شويه ضعيف والمشاغل لقرب السفر كثيره جدا. بالمناسبه اليوم خلصنا الدوره التثقيفيه و الخميس السفر الساعه 10:30 صباحا: دمشق – لندن – فانكوفر – فكتوريا على الخطوط البريطانيه.
أخوان أكو فد سؤال رجاءا: أكو حاجه لهويه الأحوال المدنيه وشهادة الجنسيه العراقيه مالتي عند المغادره من مطار دمشق لأن داأريد أدزهه لبغداد لأن أحتاجها لبيع البيت ... الرجاء الأفاده.
تحياتي ...
أخوكم،
Majico
•   صرخه اصبحت وياك وبحلك خرسان  ... أشرت محد شاف كل ربعي عميان

غير متصل الخنساء ام عبدالله

  • عضو فعال
  • **
  • مشاركة: 42
    • مشاهدة الملف الشخصي
السلام عليكم جماعة كندا الطيبين
عزيزي الاخ Majico
سفرة سعيدة مقدما لك وللعائلة الكريمة وان شاء الله توصلون بالسلامة ونتمنالك  الموفقية والاستقرار في كندا وان شاء الله يوم لبقية الاخوة والخوات آمين.
بالنسبة الى شهادة الجنسية وهوية الاحوال اذكر مرة قريت بعدم الحاجة اليها بس مااذكر الصفحة ان شاء الله احد اصحاب الخبرة يجابوك على سؤالك
أخي اعرف انك مشغول ولكن اذا سمح لك وقتك بسؤال
مقابلتي الاولى في السفارة الكندية يوم 12/4 ولحد الان لم يتصلوا صار اكثر من 35يوم شنو رأيك؟ قبل يومين دزيتلهم فاكس شنو اقتراحك أأكد الفاكس لو ادز ايميل ؟وشنو المضمون؟
اذا الشعب يوما اراد الحياة فلابد ان يستجيب القدر

غير متصل ــــ{{{ABADY}}}ـــــ

  • مبدع قسم الهجرة
  • عضو مميز جدا
  • *
  • مشاركة: 4167
  • ما على الدنيا عتب كل مافيها امانى,,,
    • مشاهدة الملف الشخصي
Majico



اخى ماكو حاجه اهذه الاوراق دزهن للعراق وعادى


صح أنجرحنه نعم بس هذا مو مقياس... النخل من ينجرح ميشتكي من فاس
طبع النخل يرتفع ويضل شامخ الراس... ومايهزه زمن ولا عدو ولا كل الناس
عذرا "فيثاغورس" :العراق هو المعادلة الأصعب
عذرا "نيوتن" : بغداد هي التي تجذبنا
عذرا"ديكارت" : أنا عراقي إذاً أنا موجود
عذراً "دافنشي ": ال

غير متصل مشنتر

  • عضو
  • *
  • مشاركة: 8
    • مشاهدة الملف الشخصي
    • البريد الالكتروني
السلام عليكم
اني هسه انقبلت ع كندا كالجاري والسفر بعد 20 يوم اتمنى ان يشرحلي اي احد يعرف شي عن هالمدينه ومناطقها والسكن بيها
وهل هناك عنصريه بالتعامل مع العرب والمسلمين
اتمنى ان تساعدوني الرجاء الرجاء لان بصراحه انا رايح ع المجهول
وشكرا

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
السلام عليكم
اني هسه انقبلت ع كندا كالجاري والسفر بعد 20 يوم اتمنى ان يشرحلي اي احد يعرف شي عن هالمدينه ومناطقها والسكن بيها
وهل هناك عنصريه بالتعامل مع العرب والمسلمين
اتمنى ان تساعدوني الرجاء الرجاء لان بصراحه انا رايح ع المجهول
وشكرا

اخي انته جاي عند الفريدو

لا تشيل هم اي شي ماطول اني موجود في كالكري

اي شي تحتاج احجيلي وتدلل وانشالله راح اكتبلك كلشي عن كالكري حتى تكون عندك فكره بالموضوع



اخويه مشنتر طبعا اولا اني موجود في كالكري وانشالله ماراح اقصر وياك ويمكن بعدك جديد بالمنتدى وماتعرفني بس انشالله راح اقوملك بالواجب وتدلل .. ومبروك مقدما

طبعا اولا احب اعرف عنك انته عزابي او عائله حتى انطيك المعلومات بالضبط ؟؟؟

بالنسبه الى العنصريه طبعا لاتفكر بيها نهائيا لان هنا يحسسوك انك بشر عكس البلدان العربيه وتعاملهم ماكو اطيب منه وراح تجرب انشالله واما عن المدينه فهي بارده قارصه شتاءا تصل الى 40 تحت الصفر في الشتاء وشتاءنا طويل يعني تقريبا 9 شهور واما الصيف فهو قصير وفيه الامطار الرياح يعني شي على شي حياتنا اغلبها ثلوج واما عن العمل فهو سابقا كان من احسن البلدان من فرص العمل ولكن حاليا قليل وهو تقريبا في كل البلدان بسبب الاقتصاد .. المدينه هادئه ومن كثر الهدوء يصيبك الملل  ;D ;D ;D ;D ;D ;D ;D نسبة العرب اقل ولايه فيها عرب بالنسبه الى كندا واما الرواتب فهي جيده ولا توجد مسائله لماذا لا تعمل عكس بعض الولايات يعني مرتاح من ناحية المساعدات واما من ناحيه الشهاده فبالاول لازم تاخذ التوفل او تصل الى لفل 6 فما فوق ومن ثم تستطيع معادلة الشهاده وهي طويله نوعا ما يعني انته والجنسيه من بعد 3 سنوات واما الايجارات فهي جيده نوعا ما يعني العزابي من 400 $الى 500$ حسب المنطقه واذا عائله تختلف حسب عدد افراد العائله


اي شي تحتاج اني بالخدمه وتدلل





اخوك : الفريدو

اخوك : الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
اخواني السلام عليكم اسف على الانقطاع بسبب الدراسه والانشغالات اليوميه


الف مبروك لكل الاخوه وانشالله نبارك للباقين قريبا جدا

اخواني اني اتمنى من الله العزيز الجليل ان تسمعونه اخبار مفرحه لان بصراحه كندا في هذه الشهور جميله جدا واتمنى الكل يحضر ويشوف جمال الطبيعه ويرتاح من هم الانتظار انشالله




اخوكم : الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل abu shahed

  • عضو مميز
  • ****
  • مشاركة: 1100
    • مشاهدة الملف الشخصي
كل الهلا بالغالي ابو احمد والله مشتاقيلك يمعود خليك يوميه منورنه حتى نسمع الاخبار الحلوه
والله طكت روحي من الانتظار شووووووووووووووووووكت انقابل بالقنصليه  ;D ;D ;D ;D
((  وَلَسَوْفَ يُعْطِيكَ رَبُّكَ فَتَرْضَى  ))

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
اخويه ابو شهد غير تكلي من وكت جان خابرت على القنصل واوصي عليك  ;D ;D ;D ;D ;D ;D ;D ;D ;D بس الدوام انتهى  ;) ;) ;) ;) ;)

اخويه العزيز النور نورك


انشالله الفرج قريب اخويه ابو شهد  وكندا راح تنور بوصوله




اخوك : الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل abu shahed

  • عضو مميز
  • ****
  • مشاركة: 1100
    • مشاهدة الملف الشخصي
الله يسلم حبيبي الطيب ابو احمد بس لا تنساني باجر قبل ماينتهي الدوام  ;D ;D ;D ;D ;D
 ان شاء الله يجي اليوم ونلتقي اخويه وحبيبي ابو احمد
((  وَلَسَوْفَ يُعْطِيكَ رَبُّكَ فَتَرْضَى  ))

غير متصل candyman

  • عضو فعال جدا
  • ***
  • مشاركة: 215
  • الجنس: ذكر
  • الحرف يبداء من عينيك رحلته وعندها تسجد الكلمات
    • ياهو مسنجر - candyman
    • مشاهدة الملف الشخصي
السلام عليكم ورحمة الله وبركاته
شلونهم الطيبين شلونهم الحلوين ؟؟؟؟مبروكللجميع الاخبار الحلوة وتعذروني على الانقطاع لأسباب خارجة عن ارادتي بسسسسسسسسسس اعتب عليكم لاتسألون لاتكولون وين صار ابو عبد الله؟؟؟؟؟؟؟؟؟ والله ما يبعدني عنكم غير الموت ان شاء الله
سلامي للجميع (سلام خاص للاخ الطيب ابو احمد)
لدي بعض الملاحظات المهمة :- سأذكر بعض الاشياء التي يجب جلبها معك والتي لايجب جلبها الى كندا
1- لاتجيب ملابس عليها كتابات باللغة الانكليزية اللا تعرف شنو المكتوب ولا عليها رسومات ما تعرف شتعني
2-لاتجيب بهارات مثلا(سماك-عنبة-دارسين)كل شي موجود وبالمطار يكلفك مبالغ كبيرة وتأخير
3-لاتجيب سوائل مثلا(ماء ورد-ماء زمزم-دبس-راشي)كل شي موجود ما عدى ماء زمزم طبعا والسوائل ممنوعة على الطائرة
4-لا تجيب ادوات حادة معك على الطائرة (مقراضة- شيش حياكة ...الخ) لان تتصادر
5- لاتجيب مبايل اذا ما تدخل على موقع Belleلان احتمال كبير ما يعمل هنا
6-جيب معاك الكثير من الادوية (صداع ,اسهال, مغص, فلاونزا ,حرارة ,مضادات حيوية, الخ)
7-جيب (مهم جدا) بلك كهرباء امريكي
8- اذا عندك اطفال جيب ويالك الكثير من افلام الدي في دي لان اول 20 يوم صعبة شلون تلهيهم
المتكبر يسكن في قصر فوق الجبال فيرى الناس صغارا ويرونه صغيرا

غير متصل اينشتاين العراقي

  • مبدع قسم الهجرة
  • عضو مميز
  • *
  • مشاركة: 1158
  • الجنس: ذكر
    • مشاهدة الملف الشخصي
السلام عليكم
شلونكم اخوان شلونك عيني الفريدو انشالله بخير
شخباركم بكاكيري؟؟؟ اهم شي خلصت العواصف ههههه
وماشالله دا اشوف الجماعه الي جانو منتضرين سفر سافرو ويوم انشالله للجدد
وتقبلو تحياتي
أحب الصالحين ولست منهم لعلي أن أنال بهم شفاعة .... وأكره من تجارته المعاصي ولو كنا سواء في البضاعة

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
اخويه الغالي ابو عبدالله تعذرني والله اني هم مثلك كنت مشغول بالايام السابقه واليوم دخلت وقدمت اعتذاري للجميع لان كنت ما متواجد .... اخويه ابو عبدالله مشكور على هاي المعلومات بس بوكتنه جانو ميدققون ولا تنفتح الجنط واما مسألة البلك مال امريكي فهو موجود بسعر دولار وربع في الدولاراما وننتظر منك كل ماهو  جديد ونورتنا اخويه الغالي


اخويه اينشتاين الغالي شلونك انشالله بخير ... والله الك وحشه

وين ايامك اخويه بشرنه وين صرت وشلون امورك ؟؟؟  والله كنت مشوق الى لقاءك في فانكوفر ولكن كانت سفرتي قصيره وانشالله اجي والتقي بيك بهذا الصيف





اخوكم : الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل ام حمزة

  • عضو فعال جدا
  • ***
  • مشاركة: 85
    • مشاهدة الملف الشخصي
    • البريد الالكتروني
السلام عليكم الف هلا وغلا شلونك ابو حمودي وشلون ابو عبدالله اسم عليك من الموت اخونا ونورتو الموقع بحضوركم الكريم وانتو حتى اذا ماتكتبون في الموقع احنا متاكدين دعاءكم ونفسكم الطيب مع الجميع  مشنتر  ياخونا العزيز توصل بالف سلامة وخضره بوجهك ان شاء الله abu shahed ان شاء الله قريبا اذا حضرتك بسوريا اني لاحضت حركة كلش قوية بكل الدول بالنسبة للكندية العزيزة الخنساء ام عبدالله  ان شاء الله اخبارج الطيبة نسمعها قريبا وتفرحينه  Majico ان شاء الله توصل بالف سلامة والله يسهل امرك ويسعدك يارب وعلى كولة السوريين مهونه العاشق_1111 الله يسهل امرك ونسمع اخبارك الطيبة اسفة اذا نسيت احد
اختكم ام حمزة من سوريا

غير متصل abu shahed

  • عضو مميز
  • ****
  • مشاركة: 1100
    • مشاهدة الملف الشخصي
شكرا اخي العزيز candyman على هذه المعلومات المفيده
وعتبك على راسنه اخويه الغالي اكيد احنه ما نستغني عن كل طيب مثلك الله لا يحرمنه منكم ربي يديم المحبه بين كل العراقيين امين يارب

تسلمين اختي العزيزه ام حمزه اني بعمان واني ابو شهد نفسه (79النرجس)بس غيرت الاسم ;D ;D ;D ;D


                          ابــــو شهــــــــــد
((  وَلَسَوْفَ يُعْطِيكَ رَبُّكَ فَتَرْضَى  ))

غير متصل klose

  • عضو
  • *
  • مشاركة: 9
    • مشاهدة الملف الشخصي
السلام عليكم الى كل الاخوه والاخوات الطيبين ادعو من الله ان يسهل امر الجميع عندي استفسار رجاء اني بالشهر العاشر من السنه الماضيه سويت مقابله اعاده توطين بعد ما كنت مرفوض من امريكا لاكثر من سنه ونصف واخبرني المحامي بانه سيتم اعااده توطيني على كندا بعد ان يعرض الملف على لجنه مختصه ولم اعرف النتيجه لفحد الان وكل ما اتصل بالمفوضيه يكولولي الملف بالتوطين قيد الدراسه ما دا اعرف هذه الازدواجيه وقد مضى اكثر من سبعه اشهر ولا توجد نتيجه لحد الان هل ان الامل قد ذهب ام احتسب الى الله ام اعلل نفسي بالصبر افيدونا افادكم الله ولكم كل الاحترام والتقدير

غير متصل abu shahed

  • عضو مميز
  • ****
  • مشاركة: 1100
    • مشاهدة الملف الشخصي
    UP
((  وَلَسَوْفَ يُعْطِيكَ رَبُّكَ فَتَرْضَى  ))

غير متصل الخنساء ام عبدالله

  • عضو فعال
  • **
  • مشاركة: 42
    • مشاهدة الملف الشخصي
شلونك اخوية ابو شهد ان شاء الله زين
ما اعرف وين جماعة كندا شنو هالسكتة  عسى ان يكون المانع خيرا والله بدينا نشعر بالكآبة
اذا الشعب يوما اراد الحياة فلابد ان يستجيب القدر

غير متصل الخنساء ام عبدالله

  • عضو فعال
  • **
  • مشاركة: 42
    • مشاهدة الملف الشخصي
السلام عليكم جماعة كندا الطيبين
رجاءا جواب
اخوان بلكد احد يكولي شنو القضية ؟؟؟؟ قابلت السفارة الكندية يوم 12/4 المقابلة الاولى ولحد الان ما اتصلوا للمقابلة الثانية  شنو السبب؟؟؟
 اخواني الفريدو – عبادي – Candyman  ممكن تبدولي رأيكم؟؟؟؟؟
علما اني الاسبوع السابق دزيتلهم فاكس واليوم دزيت ايميل
اذا الشعب يوما اراد الحياة فلابد ان يستجيب القدر

غير متصل abu shahed

  • عضو مميز
  • ****
  • مشاركة: 1100
    • مشاهدة الملف الشخصي
كل الهلا اختي العزيزه ام عبدالله  اختي اني هم مستغرب يعني احنه جماعه عمان من 5/12/2010 ملينه الفورمات ولحد الان كلشي ماكو  بس ان شاء الله هذا الاسبوع تهل البشائر
ربي يسر عليج اختي وعلينه وعلى كل المنتظرين السفر الى كندا اللهم امين
((  وَلَسَوْفَ يُعْطِيكَ رَبُّكَ فَتَرْضَى  ))

غير متصل aseel_msb

  • عضو فعال جدا
  • ***
  • مشاركة: 401
  • الله محبة
    • مشاهدة الملف الشخصي
الاخ klose تحية و سلام
على الاغلب اللي يكون مرفوض من امريكا  يتأخر اكثر من المو مرفوض لكن كلهة تمشي و ان شا الله خير و بلكت تسمع الاخبار الطيبة هالشهر

غير متصل ــــ{{{ABADY}}}ـــــ

  • مبدع قسم الهجرة
  • عضو مميز جدا
  • *
  • مشاركة: 4167
  • ما على الدنيا عتب كل مافيها امانى,,,
    • مشاهدة الملف الشخصي
اختى ام عبدالله ان شاء الله عن قريب يتصلوا على المقابله الثانيه لان شايفه الوضع عندكم



عن قريب ان شاء الله




الله يوفق الجميع


صح أنجرحنه نعم بس هذا مو مقياس... النخل من ينجرح ميشتكي من فاس
طبع النخل يرتفع ويضل شامخ الراس... ومايهزه زمن ولا عدو ولا كل الناس
عذرا "فيثاغورس" :العراق هو المعادلة الأصعب
عذرا "نيوتن" : بغداد هي التي تجذبنا
عذرا"ديكارت" : أنا عراقي إذاً أنا موجود
عذراً "دافنشي ": ال

غير متصل الكاظمي

  • عضو فعال جدا
  • ***
  • مشاركة: 164
    • مشاهدة الملف الشخصي

 الاخ العزيز الفريدو ابو احمد المحترم ،،،،،، تحيه طيبه
 كافة الاخوان في المنتدى الف تحية لكم جميعا متمنيا لكم التوفيق والخير .

 اخواني اطلب منكم المساعده ان امكن عند ذهابكم الى السفاره الكنديه في سوريا(دمشق) الاستفسار
 عن معاملالت الهجره وليس اللجؤ اكرر الهجره ( هجرة الكفاءات) علما انني امقدم من تاريخ شهر ال 11 2006
 ولحد الان ماكو اي خبر يعني ولا ( تيفو) على قول حجي راضي الله يرحمه استاذ عبوسي وكل ماطلع على الموقع
 مالتهم لمعرفت معاملتي تطلعلي كلمة in process واتعقدت من هاي الكلمه ،،، فيا اخوان اذا واحد ايراجع السفاره
 اذا امكن يسالهم عن مصير هاي المعاملات مال الهجره لانه صار تقريبا 5 سنوات وماكو شى

    تحياتي لكم جميعا    ................. اخوكم الكاظمي منتظر الهجره وطابك عالسره من شهر ال 11 2006

غير متصل الخنساء ام عبدالله

  • عضو فعال
  • **
  • مشاركة: 42
    • مشاهدة الملف الشخصي
اشكرك أخوية العزيز ابوشهد الله بفتحها عليك وييسر أمرك انه سميع مجيب.
والله خليتني اخجل من نفسي انت صارلك 6أشهر تنتظر واني صارلي 45 يوم ودأتأفف لاحول ولا قوة الا بالله.
اذا الشعب يوما اراد الحياة فلابد ان يستجيب القدر

غير متصل الخنساء ام عبدالله

  • عضو فعال
  • **
  • مشاركة: 42
    • مشاهدة الملف الشخصي
اشكرك أخوية العزيز عبادي الله يوفقك ويرضى عنك دنيا وآخرة دائما تبادر بلاجابة ودائما تكون مفيدة ودقيقة
اذا الشعب يوما اراد الحياة فلابد ان يستجيب القدر

غير متصل abu shahed

  • عضو مميز
  • ****
  • مشاركة: 1100
    • مشاهدة الملف الشخصي
اشكرك أخوية العزيز ابوشهد الله بفتحها عليك وييسر أمرك انه سميع مجيب.
والله خليتني اخجل من نفسي انت صارلك 6أشهر تنتظر واني صارلي 45 يوم ودأتأفف لاحول ولا قوة الا بالله.

تسلمين اختي العزيزه ام عبدالله على دعائك ربي يكون وياكم بكل لحظه ونفرح بسفركم القريب امين يارب
اختي هنا بعمان هذا التأخير طبيعي جدا بسبب عدم وجود سفاره كنديه الي موجود هنا قنصليه كنديه فقط وهذه القنصليه
لا يوجد فيها قسم للهجره يعني احنه كل الاجراءات الخاصه بعمان تجينه من دمشق الله يسر علينه جميعا يارب العالمين
((  وَلَسَوْفَ يُعْطِيكَ رَبُّكَ فَتَرْضَى  ))

غير متصل العاشق_1111

  • عضو فعال جدا
  • ***
  • مشاركة: 398
    • مشاهدة الملف الشخصي
السلام عليكم شلونكم ياطيبين
اخواني الاعزاء  ارجو منكم توضيح اليوم اتصلت بيه الامم المتحده وكالت  انوا عندك مقابله توطين في كفر سوسه كتلها اني سويت مقابله توطين تقريبا صار شهر ودا انتظر تليفون السفاره كالت مقابله توطين مره اخرى بصراحه اني هوايه ضجت  وتضايقت ليش  ديعديون المقابله وعلما اني كنت انتظر تليفون السفاره يوم وره يوم اخواني جماعه كندا الله يرضى عنكم اذا احد صايره وياه هيج بلكي  يوضحلنه وارجو من اخواني الاعزاء ابو عبدلله وابو حمودي  يوضحولي هذا الامر ترى ولله الكابه صعدت فول وخصوصا المقابله بعد باجر اذا اكوا فد شي  ياريت يجاوبوني بسرعه

غير متصل الخنساء ام عبدالله

  • عضو فعال
  • **
  • مشاركة: 42
    • مشاهدة الملف الشخصي
أبني العزيز العاشق 1111 الله يساعدك ويعينك اكيد حسبة توديك وحسبة تجيبك
بس اكولك حط عينك بعين الله وكول يارب واتوكل عليه ماكو غيره كفيل بيك مثل ماساعدك في السابق حيساعدك في كل وقت وان شاء الله خير بلكت تطلع نقص في المعلومات او سوء فهم من جانبهم
اذا الشعب يوما اراد الحياة فلابد ان يستجيب القدر

غير متصل كلي امل

  • مبدع قسم الهجرة
  • عضو مميز
  • *
  • مشاركة: 1541
    • مشاهدة الملف الشخصي
السلام عليكم شونكم اخواني ، اخويه العاشق شسويت اليوم بلمقابله انشالله عدت على خير الله ييسر امركم وامرنا يارب

غير متصل العاشق_1111

  • عضو فعال جدا
  • ***
  • مشاركة: 398
    • مشاهدة الملف الشخصي
السلام عليكم شلونكم ياهلي ياعراقين ياناس ياطيبين
خالتي  العزيزه وامي الثانيه  ام عبدلله ربي يحفظكم ويسر اموركم ونعم بالله ماعندنه غير المولى عز وجل واشكرج على كلامج العذب وربي يسر امور الجميع يارب
اختي العزيزه كلي امل حياكم لله وبياكم انا الحمدلله على كل حال واشكرج على سؤال عني
اما بخصوص المقابله  فملفي راجع من الكنديه علمود سوال  ويريردون الاجابه عنه لان همه ما مقتنعين بالمبرر مال الاعتقال كتله ولله انته هاي الامور كدامك وشوف اني ما طولت عدهم 4 شهور وعندي كتب مال اطلاق السراح واني جنت محجوز حجز  يعني اشتباه حالي حال الاف العراقين واني من اجيت لسوريا كانوا هم بالحدود واخذوا القرنيه مال العين لو عندي شي ماكان اخذوني
 وهذا كل مادار اليوم مده ثلث ساعه المقابله والتيسير من الله

غير متصل شمعة

  • عضو مميز
  • ****
  • مشاركة: 1513
    • مشاهدة الملف الشخصي
السلام عليكم يا قوم كندا شلع كلكم ...

ادور على اخويه ابو احمد وينك حبيبي؟؟؟؟  عندي سؤال كلش مهم واحتاج عليه جواب سريع كلش ...  يعني عاجل عاجل عاجل حيل  ... السؤال هو ...

اشلونها هاجر الكنديه؟؟؟؟ ;D ;D ;D ;D ;D

مشتاقييييييييييييييييييييييييييييييييييييييين اخويه الحبيب ... ادري انته تكبرت علينه شويه ... ;D ;D ;D ;D ;D


اخوكم شمعه

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
اخواني اخواتي السلام عليكم


اعتذر عن انقطاعي بالفتره الاخيره بسبب الامتحانات الي هلت علينه بهاي الفتره واني دائما اتبع اخباركم بس ماكو مجال للرد واسف على هذا الشي ولو الطيبين موجودين وما مقصرين بالرد ولكن اوعدكم ان اكون متواجد دائما للرد على كل اسئلتكم وربي يوفقكم جميعا

اشكرك اختي ام حمزه على سؤالك عني وعن اخواني وربي يوفقك وييسر امرك

اخويه الورده ابو شهد الله يوفقك وتسمعنه خبر مفرح قريبا جدا لانك تستاهل كل الخير

منور اخويه كلوز , اختي ام عبدالله انشالله اخواني ماقصرو بالرد والله يوفقك ويوفق كل اخواني

نورتي اختي اسيل والله يوفقك وييسر امرك , اخويه عبادي الورده اشكر روحك الطيبه لانك دائما بالمرصاد للرد على سؤال وانشالله تسمعنه اخبارك الطيبه قريبا جدا

كل الهلا اخويه الكاظمي منور بطلتك علينه .. يمعود كالكري تنتظرك وين صرت شو طولتها ؟؟ اتمنالك كل التوفيق من كل قلبي

اخويه العزيز العاشق اني جدا اسف لان ماكدرت ارد عليك بالفتره الماضيه ولكن الطيبين انطوك الامل والحمدلله على كل شي ومبروك المقابله وانشالله القبول وتنورنه بجيتك الى كندا

منور اخويه كلي امل وانشالله تبقى تتأمل وتنال الي تريده بعونه تعالى


اخويه كاندي ابو عبدالله مختفي ؟؟ انشالله المانع خير ويرجع ينورنه بطلته علينه  وتحياتي لكل اخواني واتمنالهم كل التوفيق



اخوكم : الفريدو

قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
السلام عليكم يا قوم كندا شلع كلكم ...

ادور على اخويه ابو احمد وينك حبيبي؟؟؟؟  عندي سؤال كلش مهم واحتاج عليه جواب سريع كلش ...  يعني عاجل عاجل عاجل حيل  ... السؤال هو ...

اشلونها هاجر الكنديه؟؟؟؟ ;D ;D ;D ;D ;D

مشتاقييييييييييييييييييييييييييييييييييييييين اخويه الحبيب ... ادري انته تكبرت علينه شويه ... ;D ;D ;D ;D ;D


اخوكم شمعه


اخويه شموعه الورده شلونك اخبارك والله الك وحشه

ردا على سؤال العاجل وبكل اختصار راح انطيك طريقه جدا سهله


ادخل على الكوكل واكتب ( هاجر حبيبة بابا وبس ) وراح تشوف هاجر على اليوتيوب  ;) ;) ;) ;) ;) ;) ;) ;) ;)

خلينه نسمع اخبارك وانشالله اخبارك طيبه دائما



اخوك : الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل ــــ{{{ABADY}}}ـــــ

  • مبدع قسم الهجرة
  • عضو مميز جدا
  • *
  • مشاركة: 4167
  • ما على الدنيا عتب كل مافيها امانى,,,
    • مشاهدة الملف الشخصي
http://www.youtube.com/watch?v=ASYWkO1gDw4



هاجر حبيبه بابا وبس ;) ;) ;) ;) ;)



الله يخليها ويحفضها الكم يارب


صح أنجرحنه نعم بس هذا مو مقياس... النخل من ينجرح ميشتكي من فاس
طبع النخل يرتفع ويضل شامخ الراس... ومايهزه زمن ولا عدو ولا كل الناس
عذرا "فيثاغورس" :العراق هو المعادلة الأصعب
عذرا "نيوتن" : بغداد هي التي تجذبنا
عذرا"ديكارت" : أنا عراقي إذاً أنا موجود
عذراً "دافنشي ": ال

غير متصل اسامة الجميلي

  • عضو فعال جدا
  • ***
  • مشاركة: 169
  • الجنس: ذكر
  • بغداد لالاتتالمي
    • مشاهدة الملف الشخصي
السلام عليكم الجميع كيف الحال انشاء الله الجميع بخير وعافية
 طبعا بالنسبة لسوال الفحص الطبي لايختلف بين جماعة الكفالات الخماسية وجماعة (un)  لان بعد الفحص للجميع تنتقل الفحوصات الى المركز الاقليمي في فرنسا عن طريق (dhl) وبعدها يتم ارسال فيزا باستحصال الفيزا الرسمية عن طريق السفارة الكندية.
طبعا اذا يوافقنا بالراي الاخوان... اتمنى للجميع التوفيق والسفر بااقرب وقت





 ابو هيا_____الاردن
التوكل على الله

غير متصل man8484

  • عضو فعال
  • **
  • مشاركة: 45
    • مشاهدة الملف الشخصي
السلام عليكم

اخوكم مقدم كفاله كنسيه على تورينتو من عمان -الاردن و خلصنا ملي الفورمات و اندزت الاوراق من كندا الى سوريا بتاريخ 14/12/2010
و الى هسه لا حس و لاخبر و بالشهر الثالث دزيت ايميل للسفارة بسوريا كالو احنا ما عدنا معلومات عليك مع انه اني عندي الورقه الى دزوها ددائره الهجره الكنديه للكفيل كالو انه بتاريخ 14/12/2010 اندزت اوراقي ل سوريا..شنو القصه عادي هيجي لو اكو شي غلط

سوال اخر اني صدفه دادور على الحياه بكندا انصدمت بالتامين على السيارات انه هوايه اغلى من امريكا يعني شركات تنطي 700$ و ناس 360 $ بينما بامريكا 80$ بالشهر طبعا على سياره كوري موديل 2000

اتمنى احد من اخل الخبره يجاوبني

شكرا

غير متصل كابرس

  • عضو فعال
  • **
  • مشاركة: 68
    • مشاهدة الملف الشخصي
    • البريد الالكتروني
عزيزي ابو احمد الورد
شنو هلجمال ماشاء الله عليها والله يحفظها الكم وان شاء الله نحضر يوم زواجهة
بس احلى صورهة وهية بالحجاب
صدك جميلة
الله يحفظكم ويرزقكم وييسر اموركم

اخوك ابو محمد

غير متصل كابرس

  • عضو فعال
  • **
  • مشاركة: 68
    • مشاهدة الملف الشخصي
    • البريد الالكتروني
اخوية ابو احمد  انريد منك تعطينا حسب معلوماتك القيمة تفاصيل عن اسعار تأمين السيارات من موديل 98 الى 2002
مع تحياتي

غير متصل man8484

  • عضو فعال
  • **
  • مشاركة: 45
    • مشاهدة الملف الشخصي
up up up up up up

غير متصل الخنساء ام عبدالله

  • عضو فعال
  • **
  • مشاركة: 42
    • مشاهدة الملف الشخصي
أبني العزيزالعاشق1111
 الحمدالله مجرد استفسار من حقك تقلق ومن حقهم يتأكدون ان شاء الله خير شوية صبر
اذا الشعب يوما اراد الحياة فلابد ان يستجيب القدر

غير متصل الخنساء ام عبدالله

  • عضو فعال
  • **
  • مشاركة: 42
    • مشاهدة الملف الشخصي
الاخ العزيز الفريدو

 ماشاء الله لاقوة الا بالله الله يحفظلك البنوتة الضغيرونة واخوتها ويديمك خيمة عليهم ويحفظ اطفال العراق آمين بارب العالمين
اذا الشعب يوما اراد الحياة فلابد ان يستجيب القدر

غير متصل abu shahed

  • عضو مميز
  • ****
  • مشاركة: 1100
    • مشاهدة الملف الشخصي
اخي الغالي ابو احمد الطيب ربي يوفقك ويرزقك واكيد انت معذور لانك متقصر  وان شاء الله ناااااجح في الامتحانات
بس اخويه مو سوي براشيم بالامتحانات  ;D ;D ;D ;D ;D ;D ;D ;D
تسلم حبيبي وشكرا على سؤالك ودعائك ربي يحفظك ويحفظ عائلتك ياطيب
((  وَلَسَوْفَ يُعْطِيكَ رَبُّكَ فَتَرْضَى  ))

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
اخويه العزيز ORKAY كل الهلا بيك واني اوؤيد كلام اخويه ابو هيا وانشالله التوفيق وتسمعنه اخبارك بالخير

اخويه الغالي عبادي اني ممنون منك هوايه واشكرك من كل قلبي على تنزيل الرابط وربي يحفظك وييسر امرك

اخويه العزيز ابو هيا منور والله وعاشت ايدك على هذا الرد وانشالله نسلمك مكتب اوتاوا للهجره واللاجئين قريبا جدا

اخويه مان 8484 طبعا هذا جدا عادي ولا تعتمد على هذا كلام لان كم اميل يوصلهم كل يوم !!! ونظامهم ابد مايفرحون احد لحين ماتسافر يكولولك انته مقبول قبول بدائي ... انشالله خير بالايام القادمه تسمع خبر سعيد وتفرحنه

اما عن سؤالك الثاني عن التامين فلا تاخذ كلام اي واحد لان مشكلتنه مانتاكد من المعلومه ونكتبها بسرعه , بس نسمع خبر بسرعه نكتبه من دون ان نتاكد منه ... التامين بالنسبه الى البرتا : طبعا يوجد اكثر من شركه ولكل شركه سعر وتعتمد على العمر وتاريخ دخولك كندا وكم سنه صارلك تسوق وبالنتيجه تتراوح مابين 60$ الى 170$

راح اكتب شرح كامل عن التامين وتدلل





اخوكم : الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
اخويه العزيز ابو محمد كابرس مشتاقين هوايه واشكرك على كلامك الطيب وربي يحفظلك اولادك وتفرحنه باخبارك الحلوه يا طيب
بالنسبه الى التامين راح اكتب شرح كامل وعن تجربه يعني مو سمعت وتدلل اخويه الغالي

اختي الغاليه الخنساء ام عبدالله تسلميلي وربي يحفظلك اولادك ويفرج عنك بعونه ىتعالى وتفرحينه باخبارك الطيبه دائما

اخويه الغالي ابو شهد الورده منور الصفحه بطلتك علينه وربي ييسر امرك ... اخويه يابراشيم هاي  ;) ;) ;) ;)
هسه صار الغش كله بلوتوث  ;D ;D ;D ;D ;D ;D ;D الله يوفقك ويخليلك شهوده واخوانها ياربي




اخوكم : الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
اخواني السلام عليكم

اسعار شركات التامين على السيارات ( Insurance ) الانشورنس

راح احجيلكم على تامين سيارتي : طبعا اول سياره اشتريتها كانت دوج 1996 فان وطبعا التامين ( oneway ) واتصلت في اول شركه طلبو 168$ شهري , والشركه الثانيه طلبو 155$ , والشركه البعدها طلبو 164$ واخير شركه طلبو 82$ شوفوة الفرق بين الشركات !!! طبعا اعتمادهم على العمر وتاريخ دخولك كندا وكم سنه انته سائق ومعلومات كثيره وبالنتيجه الكمبيوتر يكتبلك شكد تدفع بالشهر واعرف ناس سوو تامين قبل فتره 65$ يعني يرادلك تتصل على اكثر من شركه الى ان تاخذ اقل سعر وتوافق عليه ... حاليا اخذت سياره بونتياك مونتانا 2003 فان ونقلت التامين من الدوج الى البونتياك ولما حولت التامين بقى نفس السعر وماتغير وطبعا كل سنه لازم تجدد التامين واذا كان عندك اي مخالفات او حوادث فاكيد راح يزيد التامين واذا ماعند راح ينزل بس النزول بسيط مو مثل الارتفاع يكون عالي لان هنا لكل مخالفه يوجد نقاط واذا وصلت الحد بالنقاط فراح تنسحب الاجازه منك لمدة شهر ويدخلوك كورس حتى يمسحولك منها وطبعا الكورس الواحد يكلف 84$ ورقم السياره تشتري بسعر 70$ تقريبا وكل سنه تروح تدفع 84$ سعر الرقم + الضريبه مالتها وتكدر تغيره بيوم التجديد او يبقى نفسه .. مثل مانته تحب واذا تحب تكتب رقم سيارتك من اختيارك او اسم تكدر تسوي بس بسعر 300$ يعني اكدر اسوي رقم سيارتي  hajar اسم بنتي او رقم مبايلي , واما عن تورنتو فسمعت من احد الاصدقاء انه جدا غالي ولا علم عندي لاني سمعت فقط واما كيبك عندي اصدقاء مسوين التامين مالهم بسعر 35$ وحسب كلامهم يوجد ناس مسوين تامين بسعر اقل يصل الى 25$ شهري والله اعلم بس معلوماتي متاكد منها بالنسبه الى البرتا  واي سؤال اني بالخدمه




اخوكم : الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل abu shahed

  • عضو مميز
  • ****
  • مشاركة: 1100
    • مشاهدة الملف الشخصي
تسلم اخويه الغالي ابو احمد على هذه المعلومات طبعا موضوع جدا مهم ان شاء الله في ميزان حسناتك
والف مبروك وبالخير على السياره الجديده ربي يحفظك من مخاطر الطريق اللهم امين
((  وَلَسَوْفَ يُعْطِيكَ رَبُّكَ فَتَرْضَى  ))

غير متصل Majico

  • عضو فعال جدا
  • ***
  • مشاركة: 83
  • الجنس: ذكر
  • • WHAT GOES AROUND COMES AROUND
    • مشاهدة الملف الشخصي
أخواتي وأخواني تعذروني على الأنقطاع لعدم وجود الأنترنيت لأن الأخوان في telus (مجهز الخدمه) اليوم يلله شدو الشبكه، وصلنا بالسلامه وبعد رحله طويله الى جنة الله في الأرض فكتوريا يوم كل المنتظرين.
سأكتب عن التجربه وكل مايستجد أول بأول وعذرا عن الأنقطاع مره ثانيه. :)
أخوكم،
 Majico
•   صرخه اصبحت وياك وبحلك خرسان  ... أشرت محد شاف كل ربعي عميان

غير متصل abu shahed

  • عضو مميز
  • ****
  • مشاركة: 1100
    • مشاهدة الملف الشخصي
الف الحمد الله على السلامه اخي الغالي Majico ومعذور اخويه ان شاء الله يسر امركم ويرزقكم الاستقرار والامان
والموفقيه الدائمه بأذن الله ارجو منك ان تكتب لنا تفاصيل اكثر واكيد انت متقصر تحياتي اخي الغالي
((  وَلَسَوْفَ يُعْطِيكَ رَبُّكَ فَتَرْضَى  ))

غير متصل اريد وطن

  • عضو فعال جدا
  • ***
  • مشاركة: 378
    • مشاهدة الملف الشخصي
ابو احمد شلونك

اخويه للعلم بالنسبه للتامين عدنا في اونتاريو هجمان بيوت يعني فوك ال 20 شركه مخابر ومتحصل على سعر اقل شي وافضل شي هو 200 دولار طبعن لازم عندك جي مو جي 2

يعني سعر التامين عدنا يبلش من 250 وانته صاعد وممكن يوصل الى 300 دولار شهري هذا بس تامين ولهذا السبب كل ماريد افكر شراء سياره اسال على التامين انسه الموضوع كله وبالمناسبه السعر هنا ومن خبره واحد عنده درايه بهذا الموضوع

السيارات القليله في الشارع تامينها اقل ليش لانه مسجله عد شركات التامين اقل حوادث تعمل يعني مثل دوج كرفان موجود 100 سياره بالشارع 40 سياره من هاي مسويه حوادث يعني هاي السياره هوايه حوادث نجي على سياره اخرى اي نوع ممتوفره هوايه يعني 50 سياره منها 5 سيارت مسويه حوادث يعني اقل خطوره يعتبروها وعللى هذا المنوال يعني سياره 4x4
اقل تامين لانها تعتبر امن وطبعن الفرق مو هوايه فد 40 الى 50 دولار يعني هنا قبل متشتريها السياره لازم تلزم التلفون وتخابر شركات التامين وتطيهم العنوان وتفاصيل السياره وبعدين تشتري

يعني دوخه راس وتحط بالك ب 400 الى 600 بالشهر مصرف السياره اقل شي تامين وبانزين

اخوكم اريد وطن

غير متصل man8484

  • عضو فعال
  • **
  • مشاركة: 45
    • مشاهدة الملف الشخصي
اخويه الفريدو شكرا على احابتك

احويه اريد وطن يعني الواحد اول ما يوصل و يحصل على اجازة شيسموه جي لو جي 2..هو اصلا شنو الفرق بيناتهم

و اخوان و لو ضوجنكم هسه اني كنسيه بالنسبه للتامين الصحي شنو فلمه يشملني لو لا اول ما اوصل ..وهو خوش تامين لو كلاوات


شكرا

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
أخواتي وأخواني تعذروني على الأنقطاع لعدم وجود الأنترنيت لأن الأخوان في telus (مجهز الخدمه) اليوم يلله شدو الشبكه، وصلنا بالسلامه وبعد رحله طويله الى جنة الله في الأرض فكتوريا يوم كل المنتظرين.
سأكتب عن التجربه وكل مايستجد أول بأول وعذرا عن الأنقطاع مره ثانيه. :)
أخوكم،
 Majico

الف الحمدلله على سلامتك اخويه ماجيكو

اخويه اذا انته في فكتوريا لا تنسى تسلملي على نبيل ابو وسام وابو نبيل وهاشم ابو صادق ومحمد , طبعا الجماعه اصحابي واكيد راح يكونون قريبين عنك لان قبل يومين اتصلو عليه وسألوني اكو جماعه جايين جدد اذا تعرف احد بيهم بلغنه حتى نقومله بالواجب وطبعا اكيد اتعرفت عليهم  لانهم ناس طيبين ويحبون يساعدون الناس الجدد واي شي تحتاج في فكتوريا بلغني وانشالله الجماعه يتمنون يساعدون اي عراقي طيب

شايف كل الخير اخويه في ارض الامل  وننتظر منك المزيد من الاحداث وانشالله كلها احداث مفرحه




اخوك : الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
ابو احمد شلونك

اخويه للعلم بالنسبه للتامين عدنا في اونتاريو هجمان بيوت يعني فوك ال 20 شركه مخابر ومتحصل على سعر اقل شي وافضل شي هو 200 دولار طبعن لازم عندك جي مو جي 2

يعني سعر التامين عدنا يبلش من 250 وانته صاعد وممكن يوصل الى 300 دولار شهري هذا بس تامين ولهذا السبب كل ماريد افكر شراء سياره اسال على التامين انسه الموضوع كله وبالمناسبه السعر هنا ومن خبره واحد عنده درايه بهذا الموضوع

السيارات القليله في الشارع تامينها اقل ليش لانه مسجله عد شركات التامين اقل حوادث تعمل يعني مثل دوج كرفان موجود 100 سياره بالشارع 40 سياره من هاي مسويه حوادث يعني هاي السياره هوايه حوادث نجي على سياره اخرى اي نوع ممتوفره هوايه يعني 50 سياره منها 5 سيارت مسويه حوادث يعني اقل خطوره يعتبروها وعللى هذا المنوال يعني سياره 4x4
اقل تامين لانها تعتبر امن وطبعن الفرق مو هوايه فد 40 الى 50 دولار يعني هنا قبل متشتريها السياره لازم تلزم التلفون وتخابر شركات التامين وتطيهم العنوان وتفاصيل السياره وبعدين تشتري

يعني دوخه راس وتحط بالك ب 400 الى 600 بالشهر مصرف السياره اقل شي تامين وبانزين

اخوكم اريد وطن

اخويه الغالي ابو عمار شلونك انشالله بخير والله مشتاقين نسمع اخبارك  ياطيب

اشكرك على هذا الموضوع الرائع والله يساعدك على هاي الاسعار , يعني احنه بخير وبصراحه اني مفكر اشتري سياره صغيره شخصيه واترك الفان للعائله وكلها تطلع عليه تقريبا 130$ شهري يعني التامين هنا مو كلش غالي

تحياتي اخويه الغالي وخلينه نسمع اخبارك دائما



اخوك : الفريدو

قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
اخويه الفريدو شكرا على احابتك

احويه اريد وطن يعني الواحد اول ما يوصل و يحصل على اجازة شيسموه جي لو جي 2..هو اصلا شنو الفرق بيناتهم

و اخوان و لو ضوجنكم هسه اني كنسيه بالنسبه للتامين الصحي شنو فلمه يشملني لو لا اول ما اوصل ..وهو خوش تامين لو كلاوات


شكرا

الجي2 هي تسمى في البرتا كلاس 7 يعني تمتحن على الكمبيوتر واذا عندك اجازه سياقه تكدر تقدمها وتروح تمتحن على الجي يعني عدنه كلاس 5 واذا ماعندك اي اجازة سياقه لازم تبقى لمدة سنه من تاريخ اصدار الجي2 او كلاس 7 وبعد اكمال السنه تروح تمتحن على الاجازه جي2 وهي كلاس 5 واما الفرق بيناتهم فهي :

الجي2 او الكلاس 7 تسمى اجازه مؤقته يعني ماتكدر تسوق بيها وحدك ولازم يكون يمك واحد عنده اجازه دائميه يعني جي او كلاس 5 وهذه الفكره يعني يريدوك تتقوى على السياقه قبل اخذ اجازه دائميه لان هنا الثلوج والمخاطر صعبه جدا


طبعا عدنه في البرتا تكدر تسوي التامين على اي اجازة سياقه حتى لو كانت مو كنديه هم تمشي , عكس نظام انتاريو



اخوك : الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
اخواني السلام عليكم

يوم امس اتصل بي الاخ السندبادي من الاراضي الكنديه ويدعو لكم بالتوفيق بعونه تعالى

كانت سفرة الاخ السندبادي الى كيبك المقاطعه الفرنسيه وطبعا طلب التحويل وتم اتصالي بالاخ عمار الاعرجي والحمدلله لم يقصر معاه و وقف له وقفه مشرفه وتم تحويل السندبادي من المقاطعه الفرنسيه الى مساسكا اونتاريو وهو حاليا في حالة فرح كبيره وراحه ويعتذر منكم لعدم الكتابه لانه لحد الان في الفندق وانشالله قريبا جدا سوف يستقر ويسحب انترنت ويكتب لكم عن رحلته الى كندا ارض الاحلام

نشكر اخونه عمار لمساعدته اخونه السندبادي والله يكثر من امثالك

تمنياتي للجميع بالموفقيه والاستقرار بعونه تعالى




اخوكم : الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل كلي امل

  • مبدع قسم الهجرة
  • عضو مميز
  • *
  • مشاركة: 1541
    • مشاهدة الملف الشخصي
الف حمدلله على سلامة الوصول يارب الراحه والاستقرار

غير متصل abu shahed

  • عضو مميز
  • ****
  • مشاركة: 1100
    • مشاهدة الملف الشخصي
تسلم حبيبي ابو احمد على نقل خبر وصول الاخ العزيز السندبادي وبارك الله بيك ابو احمد الطيب على مساعدتك للاخ السندبادي والله يجعل ما تقدمه من خير في ميزان حسانتك اللهم امين
والشكر ايضا  للاخ العزيز عمار الاعرجي على موقفه الرائع والنبيل والله يجزي الخير يارب
سلامي للاخ السندبادي والله يسر امره امين يارب
((  وَلَسَوْفَ يُعْطِيكَ رَبُّكَ فَتَرْضَى  ))

غير متصل اريد وطن

  • عضو فعال جدا
  • ***
  • مشاركة: 378
    • مشاهدة الملف الشخصي
اخونا  man4848

اخونا بالنسبه للاجازه جي 2 او جي

هنا في اونتاريو عدنه النظام كلاتي
جي 1  هو امتحان نظري وفحص نظر وهذه الرخصه ممكن تسوق مع شخص لازم عنده اجازه جي ومدتها خمس سنوات ويكون جالس يمك وطبعن لازم متطلع على هاي وي وبيها تفاصيل بعدها مرور سنه او 8 اشهر اذا تاخذ دوره في مدرسه اللك حق تقدم على ال جي 2 وهو امتحان العملي ( الهدف هنا من جي 1 لكي الك الحق تسوق مع مدرب )

طبعن اذا عندك رخصه اجنبيه عراقيه او اي رخصه نافذه يحق اللك تدخل مباشر على جي او جي 2 بدون انتظار واهم شي بالنسبه للرخص الاخرى الاجنبيه تترجم في كندا ويكون الاسم بيها مطابق الى نفس اسمك في اوراق الكنديه

بعدها تسوي امتحان نضري وتاخذ رخصه جي 2 وهنا تكدر تسوق وتشتري سياره وبعدها بسنه تسوي امتحان مثل الجي 2 بس مع تطلع على الهاي وي ويصير عندك جي وهاي القصه كلها

اخويه تكولي شنو هاي التطواله الهدف منها وهذا كل الكنديين يكولو هو عمليه سحب فلوس من الناس لاغير والااكثر
وبالمناسبه هنا عدهم السياقه منظمه ومرتبه جدا والكل يتبع النظام وخوبين السرعه فشي يشك البطن شارع عرض اربع سيارات اقصه سرعه تمشي 60-70 خوبين الهاي وي تمشي اكثر شي 120 وبالمناسبه غرامه تجاوز السرعه على الهاي وي هجمان بيوت رسمي يعني على الهاي وي اذا ماشي 150 غرامتها 10000 اي عشر الف دولار ومو بس هيج تزيد عليك النقاط وتامينك يطفر من 200 دولار شهري الى الف دولار شهري ولمده 2 سنه وصدكوني مو مبالغه اعرف شخص صديق انلزم على الهاي وي ماشي هيج باع السياره ورجع على المواصلات لانها بعد ميكدر ال بعد 2 سنه يمن تروح النقاط

عمي عدهم نظام بس الجميل مطبق على الكل وهذا هو الخلاهم من العالم ال 3 اسف الحظاري والمتطور

اريد وطن من اراضي مسساكا

غير متصل الخنساء ام عبدالله

  • عضو فعال
  • **
  • مشاركة: 42
    • مشاهدة الملف الشخصي
السلام عليكم جماعة كندا الطيبين

أخوية العزيز Majico  الحمدالله على سلامة الوصول ان شاء الله حياة جديدة وسعيدة لاتنسانة بدعائك  يوم نهنىء بقية الاخوة والخوات
اذا الشعب يوما اراد الحياة فلابد ان يستجيب القدر

غير متصل ــــ{{{ABADY}}}ـــــ

  • مبدع قسم الهجرة
  • عضو مميز جدا
  • *
  • مشاركة: 4167
  • ما على الدنيا عتب كل مافيها امانى,,,
    • مشاهدة الملف الشخصي
يارب الفرج من عندك


صح أنجرحنه نعم بس هذا مو مقياس... النخل من ينجرح ميشتكي من فاس
طبع النخل يرتفع ويضل شامخ الراس... ومايهزه زمن ولا عدو ولا كل الناس
عذرا "فيثاغورس" :العراق هو المعادلة الأصعب
عذرا "نيوتن" : بغداد هي التي تجذبنا
عذرا"ديكارت" : أنا عراقي إذاً أنا موجود
عذراً "دافنشي ": ال

غير متصل اسامة الجميلي

  • عضو فعال جدا
  • ***
  • مشاركة: 169
  • الجنس: ذكر
  • بغداد لالاتتالمي
    • مشاهدة الملف الشخصي
مبروك والف مبروك اخونا ماجيكو بسلامة الوصول وانشاء الله الراحةوالاستقرار
وانشاء الله ننتظر منك كيف كانت الرحلة؟؟؟بالتفصيل للاستفادة من الجميع
تحياتي للجميع







ابو هيا_______الاردن
التوكل على الله

غير متصل شكوماكو

  • عضو فعال جدا
  • ***
  • مشاركة: 745
    • مشاهدة الملف الشخصي
الحمد لله على سلامة وصولك اخي Majico وبالتوفيق ان شاء الله تعالى.

غير متصل ــــ{{{ABADY}}}ـــــ

  • مبدع قسم الهجرة
  • عضو مميز جدا
  • *
  • مشاركة: 4167
  • ما على الدنيا عتب كل مافيها امانى,,,
    • مشاهدة الملف الشخصي
حمد الله على السلامه ماجيكو


صح أنجرحنه نعم بس هذا مو مقياس... النخل من ينجرح ميشتكي من فاس
طبع النخل يرتفع ويضل شامخ الراس... ومايهزه زمن ولا عدو ولا كل الناس
عذرا "فيثاغورس" :العراق هو المعادلة الأصعب
عذرا "نيوتن" : بغداد هي التي تجذبنا
عذرا"ديكارت" : أنا عراقي إذاً أنا موجود
عذراً "دافنشي ": ال

غير متصل ام حمزة

  • عضو فعال جدا
  • ***
  • مشاركة: 85
    • مشاهدة الملف الشخصي
    • البريد الالكتروني
السلام عليكم شلون الاخوان والاخوات اسفة على الانقطاع بسب النت عدنا كلش ضعيف الف مبروك للاخ ماجيكو والاخ السندبادي والحمد لله على سلامتهم وان شاء الله تيسير الامو ر للباقين وسلامي للجميع اختكم ام حمزة سوريا

غير متصل شموخ عراقية

  • مبدع قسم الهجرة
  • عضو فعال جدا
  • *
  • مشاركة: 208
    • مشاهدة الملف الشخصي
  حمدلله على سلامة الوصول اخونه ماجيكوو
شباب الي عنده اخبار يقال ان الي مرفوض من امريكا ما اله حق التحويل لبلد اخر ممكن تاكيد للخبر او تفسيره اكثر لان مناقصين هموم
تحياتي للجميع

غير متصل العاشق_1111

  • عضو فعال جدا
  • ***
  • مشاركة: 398
    • مشاهدة الملف الشخصي
السلام عليكم شلونكم ياطيبين انشاء لله بخير
اخويه الكبير  بأخلاقه وطبيه القلب ابو عبدلله  المحترم شلونك ياطيب اشوا ماكوا عسى ما شر
اخويه صحب النخوه ابو الشيمه ابو حمد الورد شلونك ياطيب انشاء لله بخير  اخواني واخواتي اعضاء الجمعيه الطيبي شلونكم كلكلم
اختي شموخ بدايه حياج والف هلا بيج
واحب اطمئن قلبج هذه كلها كلمات الموظفين الي يريدون ان يجعلوج ماتراجعينهم  طبعا همه لا ذمه والاضمير الامارحم ربي  واحب كلج لابالعكس الي ينرفض  من مريكا مو معانا هاهاهيه اني هم كالوا اليه هذا الكلام  وراها بشهرين اتحول ملفي على غير دوله فأطماني
واني سالت المحامي باليون كانت عندي مقابله وياه واكلج اجنبي مو عربي لان بصراحه مصداقيتهم تكون اكثر  كتله الملف المتحول على التوطين اذا نرفض من دوله ينسد كال لا مدام انته عندك توطين الموفوضيه ملزمه بتوطينك الى بلد اخر حتى لو رفظك اكثر من  بلد بس تبقى على شروط البلد الى راح يتقبلك وهاي تاخذ وقت  فكولي يالله  وانشاء لله ربي يفرحج عن قريب كولي امنين
وهاي حسب تجربه مو سوالف
اخوج العاشق_1111

غير متصل قلب ام

  • عضو
  • *
  • مشاركة: 10
    • مشاهدة الملف الشخصي
السلام  عليكم
اني  اليوم قابلت بالسفارة الكندية بدمشق  قابلت القنصل مع  اولادي طولت المقابلة  10دقايق  بعدين  انطوني الفحوصات  وقعوني  على القرض بس اني  اختكم خفت  لان  كالو  هاي فلوس  تذاكر  السفر واجور الفحوصات ترجعيها و بعدين  سالوني  وين ب كندا  تحبين  تروحين اني  ما اعرف  وين اروح  لان ما اعرف احد  ب كندا زين  ب رايكم  وين راح  يخلوني  وبعدين  المترجمه كالتلي اذا  عندك  اولادك  مريضين  اطول  شغلتك  بالفحوصات  ارجو  منكم المساعده  اخواني  مع العلم  اني اول  مقابله 15-5-2011واليوم قابلنا  6 عوائل  على  المقابلة  الثانية  4  عوئل مقابلة  اولى ورحت  اسوي  الفحوصات  بال اي يو م والتقيت  بعائلة  يقابلون  الوفد  الامريكي  زين  اخوان شغلت  الفحوصات  تاخر السفر  ارجو  منكم  المساعده مع العلم  اني بركبتي  9 ايتام
مع  الشكر  اختكم  قلب  ام

غير متصل شموخ عراقية

  • مبدع قسم الهجرة
  • عضو فعال جدا
  • *
  • مشاركة: 208
    • مشاهدة الملف الشخصي
اخي الكريم العاشق
هاي المعلومه الجديده قريتها هنا بلمنتدا ومن الاخت مظلومه سوادي نزلت موضوع على اساس ان الي ترفضه امريكا ينغلق ملفه  بلحقيقه صفنتني يعني سنين مرت واحنه ننتظر على امل اليوم وباجر وتالي ينغلق الملف؟
والله يا اخوي مادري شاكولك
بس هم الحمدلله والشكر

غير متصل rr.bb

  • عضو
  • *
  • مشاركة: 12
    • مشاهدة الملف الشخصي
    • البريد الالكتروني
مرحبا اخوان اشونكم اخي العاشق انا نفس حالتك بس انا ماقلت انه اناجنت محجوز عند الامريكان ومشيت معاملتنا وطعونا طيران وبعدين اجلو الطيران وهاي اربع اشهر داخلين بلشهر الخامس وملفنا بلتحقيق اقولون جهة امنية وابصراحة اكثير ناس اقولون امريكا وكندى نفس القوانين مادام امريكا رفضتك كندى هم راح ترفضك خاصة هاي مرتين نصل للطيران مرة رفض وهسع تحقيق واعتقد بس راح تخلص فيزتنا راح يرفضونا ومانعرف اشنعمل اريد اسال اكو معتقل كن سافر لو المعتقل هاي هي انظلم بلعراق وراح يبقى مظلوم طول عمرو لاحول ولاقوة الابالله العلي العظيم ارجو لمن لدية اي معلومة ايفيدنا خاصة هسع انا افكر افصل ملفي عن زوجتي واطفالي واروح اسحب جوازي حتى ع الاقل بلكي عائلتي اتسافر وابصراحة اخاف لايكون اخربط الامور اكثر ماهي امخربطة

غير متصل شموخ عراقية

  • مبدع قسم الهجرة
  • عضو فعال جدا
  • *
  • مشاركة: 208
    • مشاهدة الملف الشخصي
اخي rr.bb
حتلو مدكول انك جنت معتقل همه راح يدكون الاسم ويطلع رقم الاعتقال بلصليب الاحمر
هاي خوش قوانه جديده المعتقل ميحقله لجوء جانت عايزه وتمت

غير متصل rr.bb

  • عضو
  • *
  • مشاركة: 12
    • مشاهدة الملف الشخصي
    • البريد الالكتروني
مرحبا اخت شموخ شكرا ع الرد والله يااختي انا معتقل خمس اشهر لاصوجي ولاذنبي لمونا من الشارع وحجزونا وعندي اوراق تثبت انة حجز فقط بس المشكلة ماعيقبلون اسفرونا يعني هاي مرتين نصل للطيران وتتخربط الامور هاي سنتين نحن بتركيا والمشكلة امريكا وكندى نفس القوانين وهسع سمعت تبادل ملفات امنية صاير بيد البلدين يعني من سابع المستحيل راح ارجعونا موعد الطيران وفيزتنا راح تخلص يوم 23\6 يعني معقولة من تخلص الفيزا يعطونا الجواز ويقلونا مرفوضين والله قلبنا خلص

غير متصل الصابر على القهر

  • عضو
  • *
  • مشاركة: 15
    • مشاهدة الملف الشخصي
السلام عليكم اخوان ارجو من الاخوه الي عدهم ردود على اسئلتي ان يكتبو لي اولا المقابله في السفاره الكنديه في مصر يوم الثلاثاء اتكون مصريه لو كنديه وثاني شي شنو الاسئله التي تطرح ومن اي نوع وشنو المستمسكات الي اخذه ويايه ارجوكم جاوبني لان اني كلش خايف ومدا اعرف شسوي

غير متصل شموخ عراقية

  • مبدع قسم الهجرة
  • عضو فعال جدا
  • *
  • مشاركة: 208
    • مشاهدة الملف الشخصي
اخي الصابر
الف مبروك موعد المقابله وانشاءالله تكون سهله والاخوه ميقصرون باي معلومه ويارب الله يسهل امركم وتوصلون بسلامه
ام عبدلله-- مصر

غير متصل زيتونه وليمونه

  • عضو فعال جدا
  • ***
  • مشاركة: 102
    • مشاهدة الملف الشخصي
السلام عليكم جميعا اني جديده بموضوعكم بس اني نفسكم من المنتظرين وان شاء الله كلنا امل اني كملت الفحوصات الطبيه ودا انتظر واليوم شفت خبر على قناة شام اف ام الخبر يقول اعلنت السفارتين الكنديه والالمانيه عودة موظفيها الاجانب بعد سحبهم بسبب الاوضاع الامنيه الاخيره وفتح باب الهجره والفيزا مره اخرى
طيب منو قابلنا وشوكت سحبوهم والله دخنا من ورا الاخبار واذا ممصدقين شوفو القناة اكو بيها شريط فوق بيه الاخبار ويطلع الخبر

غير متصل شموخ عراقية

  • مبدع قسم الهجرة
  • عضو فعال جدا
  • *
  • مشاركة: 208
    • مشاهدة الملف الشخصي
   اهلا بيج اخت زيتونه انتي وين بيا بلد؟ وليمونه وياج بنفس البلد لو بغير بلد؟وشوكت قابلتوو بلكنديه؟ الله يسهل امركم يارب



تحياتي الكم

غير متصل زيتونه وليمونه

  • عضو فعال جدا
  • ***
  • مشاركة: 102
    • مشاهدة الملف الشخصي
هلا بيج اختي شموخ اني شخص واحد اسمي زيتونه وليمونه لان كنت صغيره احب الزيتون والليمون المهم اني من سوريا قابلت بالامم المتحده يوم 22_3_2011 وراها خابروني السفاره الكنديه وجانت المقابله يوم 28_4_2011 الاولى واستلمت الفورمات ووراها المقابله الثانيه يوم 11_5_2011 ودا انتظر وصار الي سبع  سنوات من سنة 2004 قدمت عالامم المتحده هستوه طلع ملفي من التراب هههههههههههههه

غير متصل ام حمزة

  • عضو فعال جدا
  • ***
  • مشاركة: 85
    • مشاهدة الملف الشخصي
    • البريد الالكتروني
السلام عليكم شلونكم اخواني واخواتي اسفة عن الانقطاع لان النت عدنا كلش ضعيف اولا وانشغالي بامور السفر يوم اللكم جميعا واحنا اليوم الخميس 2- 6 واني سفرتي ب 12على 13 -6 ولحد الان محد اتصل بينا على ارجاع الجوازات النا او الدورة التثقيفية علما انه سلمنا الجوازات بتاريخ 28-4 ورحلتنا الى اوتاوا ولكم جزيل الشكر اختكم ام حمزة من سوريا

غير متصل nahlahalhadithi

  • عضو فعال
  • **
  • مشاركة: 42
    • مشاهدة الملف الشخصي
    • البريد الالكتروني
السلام عليكم                                                                                                                                           حمدلله على على السلامة اخويه MAJICO واخونه السندبادي ونتمنالكم الراحة والاستقرار بحياتكم الجديدة                                                                                                                                                                                          اختكم نهله الحديثي    -مصر

غير متصل nahlahalhadithi

  • عضو فعال
  • **
  • مشاركة: 42
    • مشاهدة الملف الشخصي
    • البريد الالكتروني
                      السلام عليكم                                                                                                                     اخي الصابر على القهر حبيت بس اسالك شوكت نطوك موعد لان الي اعرفه ان السفارة الكندية بمصر لاحس ولاخبر وكلما نسالهم يكولون بعد المحلفين ما اجو فا اريد اعرف شنو واخيرا بدت السفارة تشتغل ولك مني كل الشكر والتقدير
                                       اختكم نهله الحديثي   - مصر

غير متصل الصابر على القهر

  • عضو
  • *
  • مشاركة: 15
    • مشاهدة الملف الشخصي
اختي العزيزه اتصلو بيه قبل اربعة ايام وحددو موعد المقابله والظاهر انو بدو يشتغلون لان اني مسلم فورمات من نهاية شهر تسعة واني بالخدمه

غير متصل nasnasa

  • عضو
  • *
  • مشاركة: 6
    • مشاهدة الملف الشخصي
اخي  الصابر على القهر ..

يعني ممكن تذكر  يا يوم بالضبط خابروك وحددولك موعد المقابله؟؟ يعني تاريخ اليوم اقصد وشكد الفرق بين  موعد المخابره من بلغوك وموعد المقابله؟؟؟  لان مثل ما كالت الاخت نهله .. كلما انخابرهم لو انروح انراجع ايكولون المحلفين ما واصلين هاي طبعا اذا عطفو علينا وجاوبو لانهم كالعاده جوابهم  احنا نخابركم والتلفون صار بيه زنجار   وما امخابرين ليهسه ... لذلك اخويخ رحمه لوالديك انطينا التفاصيل الممكنه حتى نعرف ..

اختك نسنس

غير متصل nasnasa

  • عضو
  • *
  • مشاركة: 6
    • مشاهدة الملف الشخصي
اخوان جماعة مصر ...

يمعودين وينكم ؟؟؟ شو صايرين ولا  ( تبفو ) على كولة الله يرحمه حجي راضي استاد عبوسي ؟؟؟؟؟

يعني هاي صارلنا خلصنا 8 اشهر  من سلمنا الفورمات للسفاره وليهسى صدك ولا ( تيفو) ... وحسني مبارك طلع من الحكم وراح ياخذ لجوء واحنا بعدنا .... تالي يعني شلون ؟؟

اخويه الفريدو الله يحفظك ما تشوفلنا واحد من يمك منا منا من جماعتك ايسويلنا حرز وحجاب وايذبها على الوزاره مال الخارجيه الكنديه بلكت يعني  ينسحرون ويتذكرونا ويخلون سفارتهم هنا تشتغل رحمه لابوك ...  يبوووووووووووووووووو على ذاك اليوم ....


نسنسه

غير متصل اسامة الهاشمي

  • مبدع قسم الهجرة
  • عضو مميز
  • *
  • مشاركة: 1577
  • الجنس: ذكر
    • مشاهدة الملف الشخصي
السلام عليكم .

الف مبروك للي وصلو الى كندا بالسلام والحمد لله على وصولهم وان شاء الله يرتاحون ويستقرون ,,

يوم الخميس خابروني السفارة الكندية كالولي عندك قابلة بالسفارة يوم الاثنين الي يصادف 6/6 /2011 وكالو جيب وياك صور وان شاء الله يسهلهه عليه وعلكم كلكم يا رب ويتصلون بالكل . 

بعاً ارجو منكم ان تعذروني وتعذرون جماعة سوريا كلهه لان بصراحة النت عدنه صار فد شي معجزة لان كل خميس وجمعة يطفه ماكو نت واذا يجي وراهه يعني السبت فيجي ضعيف كلش ويكطع  ومنكدر انطب هواي يادوب ندخل ويفصل .

ام حمزة خيتي بشرينه باخبارج ان شاء الله ماكو شي يمكم والله يستركم .ان شاء الله اليوم الي او الباجر الاحد يرجعولكم الجوازات اذا الله راد وسهل وان شاء الله توصلون بالسلامة يارب
اخوكم ابو نور / سوريا
بغداد وما تلاكي عاشقاً فانتي من رسم للحب معنى

غير متصل اسامة الهاشمي

  • مبدع قسم الهجرة
  • عضو مميز
  • *
  • مشاركة: 1577
  • الجنس: ذكر
    • مشاهدة الملف الشخصي
ها بس نسيت سؤال ... هاي الي يسموهه مال فورمات المقابلة يعني راح ينطوني اوراق الفورمات امليهه زين وعدم محكوميه شوكت يردوهه بالمقابلة الثانية مال سفارة . وشكرا الكم وربي يسهل الكم والنه يا رب

اخوكم ابو نور / سوريا
بغداد وما تلاكي عاشقاً فانتي من رسم للحب معنى

غير متصل زيتونه وليمونه

  • عضو فعال جدا
  • ***
  • مشاركة: 102
    • مشاهدة الملف الشخصي
السلام عليكم شلونكم ماكو اخبار ه كاعدين بالانتظار عفيه منو منكم يعرف شكد الفتره الزمنيه بين الفحص الطبي ومخابرة الكفيل لانو اني ليهسه ممخابرين كفيلي وصار عشر ايام من اخذو رقمه وطلعت روحي حرب اعصابي وحتى فلت للكفيل من يخابروك حتى لو بنص الليل اني سويت موبايلي قلاده ودا افتر بيه بالبيت ههههههههه من قهري  صايره اضحك
مبروك اخويا اسامه اي والله العصر الحجري دا انعيشه ماكو نت وعلى المقابله ماكو شي راح ينطوك فورمات واسئله وين خدمت جيش وجنت حزبي لو لا بس وراها ينطوك الفورمات وتطلع اتسوي عدم المحكوميه ها وياخذون منك استنساخ جوازات وهويات الاحوال والجنسيه والصور حضرهم مو تنسى وراها بفتره على حسب يخابروك للمقابله الثانيه اللي راح اتكون اما ويا القنصل ومترجم لو موظفه كنديه ومترجم وتنطيهم الفورمات وعدم المحكوميه وبنهاية المقابله يقولون الك وافقنا مواقفه مبدئيه لان ميحجون بشي دائما ويسلموك الفحص الطبي والقرض اتوقع وان شاء الله كل الخير بوجهك ودعواتنا الك وبشرنا اخويا شنو صار معك

غير متصل اسامة الهاشمي

  • مبدع قسم الهجرة
  • عضو مميز
  • *
  • مشاركة: 1577
  • الجنس: ذكر
    • مشاهدة الملف الشخصي
اشكرك اخي العزيز زيتونة .. وان شاء الله يسهلهه علينه وعليكم .

اعتقد بعد الفحص الطبي مدة مو اكثر من شهرين بالنسبة النه بسوريا ويصير موعد السفر حسب الي كاعد اشوفه هسه هاي اذا انت بسوريا اما اذا بغير دولة ما ادري .
لان صار اكثر من 3 عوائل كاعد اطابق مواعيدهم لكيتهه متشابهه مية المية واني من ضمنهم بالنسبة للمقابلة الاولى يعني من كفر سوسة وره 28 يوم يتصلون السفارة ووراهه بستة او سبعة ايام المقابلة الثانية ويسوون الفحوصات هم فد يومين او ثلاثة يعني بنفس الاسبوع ووره 55 يوم بالضبط سافرو هاي الحجي وره الفحوصات ولحد الان الي شفته 3 عوائل هاي اوقاتهم بالضبط والله اعلم بلكي الله يسهل على الكل يا رب واني من ضمنهم ان شاء الله .

اخوك ابو نور /سوريا
بغداد وما تلاكي عاشقاً فانتي من رسم للحب معنى

غير متصل الفاتح

  • عضو فعال جدا
  • ***
  • مشاركة: 78
  • الجنس: ذكر
  • إِنَّ مَعَ العُسرِ يُسرًا
    • مشاهدة الملف الشخصي
السلام عليكم
شلونكم اخوان شخباركم طمنونه عنكم ؟
اخوان جماعة مصر شلونكم شخباركم  بس سؤال المقابلة يوم الاثنين كندية والثلاثاء مصرية لو بالعكس ؟؟؟
ومبروك للاخ صابر على تحديد موعد المقابلة وان شاء الله تكون مقابلة سهلة وتوقع القرض وتجهز الجنط الجنط وعليهم  ;D   ;D   ;D 
ومبروك للاخ اسامة واخوي هو بعد ما تملي الفورمات تسوي المحكومية وان شاء الله تمشي شغلتك بسرعة وتسافر باقرب وقت
ومبروك لجميع الاخوان من لم تسعفني الذاكرة لتهنئتهم وان شاء الله هالشهر يكون فاتحة خير على جميع الاخوان وتهل الهلاهل  :o
تحياتي للجميع
«اللهم إني عبدك، ابن عبدك، ابن أمتك، ناصيتي في يدك، ماض في حكمك، عدل في قضاؤك، أسألك بكل اسم هو لك، سميت به نفسك، أو أنزلته في كتابك، أو علمته أحدا من خلقك، أو استأثرت به في علم الغيب عندك أن تجعل القرآن ربيع قلبي، ونور بصري، وجلاء حزني، وذهاب همي، إلا أذهب الله همه وأبدل له مكان حزنه فرجا »

غير متصل زيتونه وليمونه

  • عضو فعال جدا
  • ***
  • مشاركة: 102
    • مشاهدة الملف الشخصي
الله يسمع منك اخويا ابو نور ان شاء الله كلنا هيج بس ليهسه محد جاوب سؤالي ورا الفحص بشكد خابرو الكفيل لان والله تعرفون والله كاعدين على اعصابنا والنوبه هاي الاخبار اللي بسوريا طلعت روحي بس الحمدالله بس كلام تلفزيون لان ماكو شي يارب الله يفرج النا مو اتصير هوسه اهنا بسوريا على حظنا وغير راح اتخبل من ورا جريدة الشرق الاوسط كاتبين ساعه انهم كندا سحبو رعاياها وعلى قناة الشام اف ام يقولون رجعو الموظفين مال السفاره الكنديه والالمانيه والله ليل ونهار  ادعي انو بردا وسلاما على سوريا هم همه حرام ومنريد يمرون باللي مرينا بيه

غير متصل اسامة الهاشمي

  • مبدع قسم الهجرة
  • عضو مميز
  • *
  • مشاركة: 1577
  • الجنس: ذكر
    • مشاهدة الملف الشخصي
السلام عليكم .

والله اخي زيتونة ما ادري وما اعرف جواب على سؤالك بس انته هسه اقلقتني على شغلت الكفيل لان اني ماعندي كفيل وما اعهرف هسه ادور على كفيل لو ابقى هيج لان خاف بدون كفيل تتأخر الشغلة مالتي واني مقابلتي يوم الاثنين يعني الباجر ان شاء الله بالسفارة الكندية وما ادري شسوي اذا سئلوني .. الله كريم

بغداد وما تلاكي عاشقاً فانتي من رسم للحب معنى

غير متصل ebnaliraq

  • عضو فعال جدا
  • ***
  • مشاركة: 213
  • الجنس: ذكر
    • مشاهدة الملف الشخصي
الله كريم

غير متصل newlife79

  • عضو فعال
  • **
  • مشاركة: 37
    • مشاهدة الملف الشخصي
السلام  عليكم
طبعا اول  مقابلة فورمات  معلومات  عن الشخص  والتركيز  اكثر  شي  على التواريخ  وسنوات  الدراسة  والوظيقة  والعسكرية  ومكان الولادة  وعقد الزواج  ومواليد  الاقارب  من الدرجة الاولى  وين  ساكنين  واذا  منتمي  للحزب  شنودرجتك وشوكت انتميت  يعني  بس  تواريخ  المفابله  بعدين  توقع  على  الفورمات الي  هيي  اوراق السفر  ويسالوك  اذا  مقدم  على هجرة من  قبل الي  ادولة  بعدين  تطلب  منك  عدم  محكومية   على  المقابلة  الثانية تروح للسفارة  العراقية  وطلع  صورة  قيد  وتاخذها  للا امن الجنائي  ب باب  مصلى  وينطوك  ورقه  بيها بيان  عدم  المحكومية   وتضمه  ليوم  المقابلة الثانية  وانشاء  الله  قريبا   يخبروك  بموعدها  اقصى شي  شهر وااقل  شي  7  ايام   اهم  شي  تكتب  التواريخ  حتى  لا  دوخ  وتفر  ب اذنك 

غير متصل newlife79

  • عضو فعال
  • **
  • مشاركة: 37
    • مشاهدة الملف الشخصي
اذا انت  على اليون  مالك  علاقة  بالكفيل  الكفيل  شغلته  وحد  يكفلوهم  5  اشخاص  خاف  المكفول  يفلس  يروحون  على الخمسة  الكافليه   يطلعون  الفلوس  من عدهم   ولمدة  سنة  يتحمل مصاريف  الايجار  وكل شي ما عدا الاطفال  ينطوهم  راتب

غير متصل اسامة الهاشمي

  • مبدع قسم الهجرة
  • عضو مميز
  • *
  • مشاركة: 1577
  • الجنس: ذكر
    • مشاهدة الملف الشخصي
newlife79 اخوية العزيز مشكور كل الشكر وبارك الله بيك
ان شاء الله سهلة وكلهه بيد ربك شقاسم يصير الله كريم .. وتسلم على المعلومات القيمه والي تسوي واهس

لا تنسونا بصالح دعائكم

ان غداً لناظره قريب

ابو نور /سوريا
بغداد وما تلاكي عاشقاً فانتي من رسم للحب معنى

غير متصل شكوماكو

  • عضو فعال جدا
  • ***
  • مشاركة: 745
    • مشاهدة الملف الشخصي
اخي اسامة بالتوفيق  وتتعدى الصعوبات ويوم السفر ان شاءالله

غير متصل اسامة الهاشمي

  • مبدع قسم الهجرة
  • عضو مميز
  • *
  • مشاركة: 1577
  • الجنس: ذكر
    • مشاهدة الملف الشخصي
اشكرك اخوية شكو ماكو وان شاء الله يوم الي الك يا رب

رحت اليوم وقاتبلت والمقابلة فد شي كلش حلو وسهل وسلس وكم سؤال سألوني عن حياتي القديمة وعن الدراسة ومراحلهه ومكاناتهه والعسكرية والحزب هيج شغلات بسيطة يعني ونتهت المقابلة وحتى فورمات ما انطوني ليش ما ادري ما سألتهم من طلعت اذكرت بس انطوني ورقة بيهه اميل الهم اذا اريد اسأل اتصل بيهم وكالولي فترة من اسبوع الى اسبوعين هيه السفارة اتخابرك وحضر عدم محكومية 
بس ليش ما انطوني فورمات ما اعرف اكو احد مر بهاي الحالة للعلم وقعت اوراق اني وزوجتي خاف همه ملوهن من يمهم يجوز ما اعرف
ورجعت وصلتهم للبيت واجيت كبل هنا ابشركم

اخوكم ابو نور / سوريا
بغداد وما تلاكي عاشقاً فانتي من رسم للحب معنى

غير متصل abu shahed

  • عضو مميز
  • ****
  • مشاركة: 1100
    • مشاهدة الملف الشخصي
الف مبروك اخي اسامه الهاشمي ربي يسر امركم بأذن الله
اخي اسامه انتم في سوريا مينطوكم فورمات هيه هذه المقابله تعتبر الفورمات يعني الموظف الي قابلك هو ملئ الفورمات
وانت وقعت عليه اما المقابله الجايه ان شاء الله ستكون مع الوفد الكندي الي ان شاء الله راح توقع على القرض وتذاكر السفر
ربي يتمم عليكم بالخير والموفقيه اللهم امين
((  وَلَسَوْفَ يُعْطِيكَ رَبُّكَ فَتَرْضَى  ))

غير متصل زيتونه وليمونه

  • عضو فعال جدا
  • ***
  • مشاركة: 102
    • مشاهدة الملف الشخصي
السلام عليكم جميعا
اخويا ابونور احب احجي عن تجربتي وكل شخص واله تجربه
اولا على موضوع الفورمات كلها انطوها فورمات بس حسب اكو ناس انطوهم الفورمات بمقابله الثانيه وعدهم همين مقابله ثالثه اللي بيها توقيع القرض واحنا انطونا الفورمات بالمقابله الاولى لكن عائله اعرفها معرفه شخصيه انطوها بالثانيه
ثانيا الاوراق اللي وقعتو عليها هي انكم كل الكلام اللي قلتوه والمعلومات انكم مسؤولين على صحتها وانها حقيقيه
ثالثا اكو شغله واني مريت بيها انهم  ينسون لان اني بالمقابله الثانيه كالت الي الموظفه الكنديه احنا موافقين عليكم موافقه مبدئيه وطلعنا وسلمنا عليهم وراها من وصلنا للباب الخارجي وانشوف يركض ورانا موظف يقول تعالو يردونكم حتى قلت يمه اخاف غيرو رأيهم وهبطت ورجعنا لنفس الغرفه كالو لا نسينا انكم اتوقعون عالقرض وتاخذون اوراق الفحص الطبي فاحسن شي انتظر عشر ايام وراسلهم ليش منطوك الفورمات بس اني متاكده راح يخابروك بعد عشر ايام وانشاء الله
وعفيه متضوج من كلامي بس العائله اللي انطوهم الفورمات بالمقابله الثانيه مطولو جانو توطينهم بشهر الواحد وهسه انطوهم موعد سفر لان سلمو جوازهم 28-4فلتخاف ابد ابد وبين كل مقابله كان عشر ايام بس

غير متصل اسامة الهاشمي

  • مبدع قسم الهجرة
  • عضو مميز
  • *
  • مشاركة: 1577
  • الجنس: ذكر
    • مشاهدة الملف الشخصي
اشكرك اخي العزيز ابو شهد ربي يوفقك ويسهل امرك ان شاء الله صحيح هسه عرفت انه سوريا ما بيهه فورمات لان سألت العوائل الي قبلي كالو ما انطونه ورقة فورمات ولا اي شي بس ورقة بيهه الاميل مال السفارة

اخي زيتونة وليمونة صح كلامك بس اعتقدت الاوراق الي وقعت عليهن اني هنه مال قرض مع العلم اني هاي مقابلتي الاولى ما ادري ليش وللعلم ولا شفت ولا قريت اي حرف منهن ليش ما ادري اعتقد لان مرتبك شوية وما اريد ااخرهم بس المقابلة حلو وسهلة كلش جانت والحمد لله والشكر .


اخوكم ابو نور /سوريا
بغداد وما تلاكي عاشقاً فانتي من رسم للحب معنى

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
اخويه العزيز اسامه ابو نور الف الف مبروك وشايف كل الخير

ربي يوفقك وتوصل لكندا وتنورنه بوصولك يا غالي



تحياتي لجميع اخواني واخواتي وانشالله الفرج القريب للجميع



اخوكم : الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل الخنساء ام عبدالله

  • عضو فعال
  • **
  • مشاركة: 42
    • مشاهدة الملف الشخصي

أخي العزيز أسامة الهاشمي
الف مبروك انتهاءك من المقابلة الاولى ان شاء الله نهنيك قريبا جدا على المقابلة الثانية
اذا الشعب يوما اراد الحياة فلابد ان يستجيب القدر

غير متصل اسامة الهاشمي

  • مبدع قسم الهجرة
  • عضو مميز
  • *
  • مشاركة: 1577
  • الجنس: ذكر
    • مشاهدة الملف الشخصي
الفريدو العزيز كندا منورة بيك يا غالي والله اتمنالك والعائلة الحياة السعيدة والمديدة وربي يوفقك ويسهل كل امرك . ادري بيك مشغول هل الايام الله يساعدك . خلصت نص الطريق اني ما بقى شي ان شاء الله .

اختي الغالية ام عبد الله اشكرج وان شاء الله يوم سفرك يا رب عن قريب . كالولي اسبوع او اسبوعين انخابرك علمود المقابلة الثانية والله كريم بيد الله بعد 


ابو نور / سوريا
بغداد وما تلاكي عاشقاً فانتي من رسم للحب معنى

غير متصل abu shahed

  • عضو مميز
  • ****
  • مشاركة: 1100
    • مشاهدة الملف الشخصي
اخي الغالي ابو احمد الطيب

الف الف الف الحمد الله على سلامه ابنك وان شاء الله مايشوف شر وربي يشفي ويعافي من كل مرض ان شاء الله ربي يحفظه ويلطف بي لانك انسان طيب ونبيل ودائما السباق في مساعده اخوانك ربي يفرحك ويفرح اهل بيتك بشفاء ابنك اللهم امين
((  وَلَسَوْفَ يُعْطِيكَ رَبُّكَ فَتَرْضَى  ))

غير متصل shlama80

  • عضو فعال جدا
  • ***
  • مشاركة: 82
    • مشاهدة الملف الشخصي

مرحبا اخواني وخواتي شنو سالفة كندا احنا متنا بالانتظار كووووووومة عوائل مقدمة من اليونان على كندا ولحد الان ماكو شي بعد شهر يصيرلنا سنة كاملة جايتنا الموافقة مع العلم دزينا الفورمات حسب الاصول ولحد هسا دننتظر يجينا بريد
فاذا اكو احد يعرف شي ياريت يفيدنا بمعلومة واكون ممنونة من الجميع ولكم التوفيق والسفر للجميع

غير متصل زيتونه وليمونه

  • عضو فعال جدا
  • ***
  • مشاركة: 102
    • مشاهدة الملف الشخصي
عفوا اخوان شنو دا نكذب احنا لو نشتري الكذب اخوان كلت الكم احنا اخذنا فورمات مليناها اني وكان معي 6 عوائل بيوم مقابلتنا واحنا بسوريا وترى ماكو مصلحه النا للكذب وحتى الموظفه كالت النا اذا معرفتو تملون الفورمات روحو لمكتب ترجمه لان مطلوب بيها مواقفكم من الخدمه العسكريه فما كو داعي العناد والتمسك بالرأي وبالعافيه عليك اخويا ابو نور مليت فورمات وقعت قرض بالعافيه بس اني ردت مجرد مساعده بس يمكن اهنا ماكو مساعده ولا احد ينطي رأيه احسن الواحد يسكت ويدخل زائر وهمه واضحين وكلامهم واضح من يقولون تعال وقع قرض ويقولون الك هذا القرض للتذاكر ويغطي مصاريف الفحص الطبي طيب اذا انته وقعت قرض لعد وين اوراق الفحص الطبي غير يسلموها الك اخوان ليش متساعدون الرجال لو بس تهاني وتبريكات

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
عفوا اخوان شنو دا نكذب احنا لو نشتري الكذب اخوان كلت الكم احنا اخذنا فورمات مليناها اني وكان معي 6 عوائل بيوم مقابلتنا واحنا بسوريا وترى ماكو مصلحه النا للكذب وحتى الموظفه كالت النا اذا معرفتو تملون الفورمات روحو لمكتب ترجمه لان مطلوب بيها مواقفكم من الخدمه العسكريه فما كو داعي العناد والتمسك بالرأي وبالعافيه عليك اخويا ابو نور مليت فورمات وقعت قرض بالعافيه بس اني ردت مجرد مساعده بس يمكن اهنا ماكو مساعده ولا احد ينطي رأيه احسن الواحد يسكت ويدخل زائر وهمه واضحين وكلامهم واضح من يقولون تعال وقع قرض ويقولون الك هذا القرض للتذاكر ويغطي مصاريف الفحص الطبي طيب اذا انته وقعت قرض لعد وين اوراق الفحص الطبي غير يسلموها الك اخوان ليش متساعدون الرجال لو بس تهاني وتبريكات

اختي زيتونه وليمونه ممكن اعرف شنو الموضوع ومن هو المقصود بكلامك ؟؟؟؟ وما معنى الكذب ؟؟ ومن كذب عليكي ؟؟

اتمنى ان توضحي كي نصل الى حل للمشكله


اخوك : الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل الطموح

  • عضو فعال جدا
  • ***
  • مشاركة: 892
  • الجنس: ذكر
  • كلنا من التراب والى التراب نعود
    • مشاهدة الملف الشخصي
اخواني وخواتي وجميع زملائي
السلام عليكم
لي صديق لديه من العمل مع قوات التحالف اكثر من 4سنوات ويريد وهو مقدم على برنامج  الاي او ام من بغداد
ولايرغب بالسفر لامريكا بل يريد الهجره لكندا
وهو بحاجه لمعلومات كيفيه التقديم وهل له الحق بتحويل ملفه الى الاردن وهل التقديم من عمان اسرع من بغداد وما هو الصحيح
وارجو منكم المساعده لكونه في حيره من امره ووضعه غير مستقر وهو في خطر لكونه مستمر بالعمل لحد الان فارجو المساعد بسرعه
اخوكم الطموح
لا تعاشر نفساً شبعت بعد جوع فأن الخير فيها دخيل
وعاشر نفساًجاعت بعد شبع ...فأن الخير فيها أصيل

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
اخي الطموح  عليكم السلام

بالنسبه الى صديقك اذا كان يريد السفر الى كندا فيوجد عدة طرق ولكن يجب ان يكون عنده احد الاقرباء او الاصدقاء يعيش في كندا حتى يكدر يمشي معاملته لان يوجد الكفاله الكنائسيه او الخماسه او الهجره وكلها تاخذ وقت طويل واما عن عمله مع قوات التحالف فهذا ماراح يفيده بشغلة كندا

وشغلة تحويل ملفه اتصور يكدر يحوله الى الاردن وهذا احسن اله من المخاوف بالعراق

بالنسبه الى التقديم على الهجره فيكدر يقدم من اي مكان عدى العراق ولكن تاخذ وقت طويل

طيب صديقك يكدر يكمل شغلة ويروح الى امريكا وبعد سنه يستلم الكرين كارد ويكدر يدخل كندا في اي وقت




اخوك : الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل زيتونه وليمونه

  • عضو فعال جدا
  • ***
  • مشاركة: 102
    • مشاهدة الملف الشخصي
السلام عليكم اخويا الفريدو اني مو قصدي انو احدكذب عليه بس كلامي اخص بيه  الاخ ابو نور اني كنت احجي اله على المقابله واعتقد غلطت من وضحت اله لان يمكن انتو لان اني امرأه وتبقى نظريه المرأهماتخذون بكلامها المهم كلت اله انو اكو فورمات واني كل اللي معي بسوريا اخذو فورمات وحتى الموظفه كالت روحو ترجمو الفورمات يطب اخوناابو شهد ويقول ماكو فورمات بسوريا يعني شنو افتهم من كلامه اني اكذب طيب شنو مصلحتي بالكذب الرجال ودا افهمه السالفه وراها دا اكول اله اخويا الاوراق اللي وقعت عليها هي انو انته كل الكلام اللي قلته هو انته مسؤول عليه يرد الاخ ابو نور يقول وقعت عالقرض وكلت اله ووضحت انو توقيع القرض لازم يكون بوجود اما القنصل الكندي او موظفه كنديه ويعطوه وياها استمارات الفحص الطبي ويقولون اله انو القرض هو تغطية لنفقات التذاكر والفحص الطبي واني اكيد راح اتكولون ليش اتردين لان ما احب احد يشكك بكلامي لانو اني صادقه والحمدلله رغم انكم متعرفون هويتي بس الانسان كلمه وموقف وكان بس همي انو يكفي انو عراقي وحبيت اساعده بس يمكن اني غلطت لازم ما افهمه واخلي معلوماتي لروحي وان شاء الله الايام تثبت كلامي
واخيرا اخويا الفريدو اسفه ثم اسفه اني اذا ضوجتك بس انته انسان اكثر من رائع وكلش اتساعد واني كل مواضيعك قاريتها وحتى  طريقة كتابتك باسلوب جميل وسهل وربي يخليك ويحفظ اولادك

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
اختي زيتونه وليمونه ما يحتاج تتأسفين وانشالله ماصار شي وتبقى الاخوه بين الجميع واكيد اخوانه مافهمو قصدك واني احيي روحك الطيبه لمساعدة اخوانك وربي يبارك بيك ويسهل امرك بعونه تعالى

اختي زيتون وليمونه لا تتوقعين المرأه ما الها كلمه ولكن بالعكس كثير من النساء يديرون دوله وملكة كندا امرأه وما اتصور احد يقصد هذا الشي وانتي الخير والبركه وكثر الله امثالك لانك طيبه وتحبين تساعدين اخوانك وانا فخور بكي لانك انسانه من اصل طيب ويكفي انك قلتي ( يكفي انه عراقي وحبيت اساعده )  هذا الكلام له معاني كثيره وانا اشكرك من كل قلبي

اتمنى ان تبقى روح الاخوه بين الجميع ويكفي عذاب الانتظار ولا اتوقع يوجد مجال للحزازيات ونبقى اخوه انشالله الواحد يساعد اخوه في هذه المحنه وربي يوفقكم جميعا

اترك الردود الجميله بين اخواني وطيبة خاطر ونبقى يد وحده  لنساعد بعضنا البعض والله مايجيب الزعل انشالله

اشكر كلامك الجميل اختي وربي يوفقك وييسر امرك   ... امين




اخوك : الفريدو

قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل nasnasa

  • عضو
  • *
  • مشاركة: 6
    • مشاهدة الملف الشخصي
اخوان جماعة مصر ...

يمعودين وينكم ؟؟؟ شو صايرين ولا  ( تبفو ) على كولة الله يرحمه حجي راضي استاد عبوسي ..
يعني هاي صارلنا خلصنا 8 اشهر من سلمنا الفورمات للسفاره وليهسى صدك ولا ( تيفو ) ... وحسني مبارك طلع من الحكم وراح ياخذ لجوء واحنا بعدنا .... تالي يعني شلون ؟؟

اخويه الفريدو الله يحفظك ما تشوفلنا واحد من يمك منا منا من جماعتك ايسويلنا حرز وحجاب وايذبها على الوزاره مال الخارجيه الكنديه بلكت يعني  ينسحرون ويتذكرونا ويخلون سفارتهم هنا تشتغل رحمه لابوك ...  يبوووووووووووووووووو على ذاك اليوم ....


نسنسه

غير متصل زيتونه وليمونه

  • عضو فعال جدا
  • ***
  • مشاركة: 102
    • مشاهدة الملف الشخصي
مشكوور اخويا الفريدو وكلامك عالراس واني مزعلانه بس ما احب احد يفهمني خطأ وماكو اي حزازيات قول يمكن احنا صايرين اعصاب وشد بسبب الانتظار وهمين الاوضاع يمنا اني لوماكو شي بسوريا مجان اهتميت جان انتظرت بس خايفين كلش احنا جماعة سوريا ومثل متعرف اكو ناس جانو طالع الهم توطين قبل سنة 2003 ومن صار الاحتلال الامريكي لبغداد سدو فايلاتهم وقالو الهم ماكو توطين اللي جنتو طالعين بسببه راح فاني هذا اللي مخوفني بس متاكده انو الله ويانا والله مخيب عبدمؤمن (انا عند ظن عبدي بي ) حديث قدسي ومشكوور على سعة صدرك وتفهمك

غير متصل اسامة الهاشمي

  • مبدع قسم الهجرة
  • عضو مميز
  • *
  • مشاركة: 1577
  • الجنس: ذكر
    • مشاهدة الملف الشخصي
اختي العزيزة زيتونة وليمونة .
اولاً اني كنت اظن انه انتي رجل مو امرأة واسف على هذاا لخطأ .
ثانياً اختي العزيزة اني تره اول مره اقابل وما مار بهاي المراحل كلهه  يعني ما اعرف الاجراءات الي اتصير والخطوات واني من كلت وقعت على الاوراق اذا اتلاحظين حجيتهه بسؤال يعني ما اعرف اعتقدت انه الاوراق الي وقعتهه مال قرض هذا جانت احجايتي وما ادري شنو هنه لان ولا باوعت عليهن ولا شفت شمكتوب ولا سألت شنو ذني بس اكو مكانتات امأشرة عليهن كالت وقعو بالمكانات الي امأشرين عليهن احنه .كلت الهه صار وقعت واني الممنون . وانتي من كلتي هذني اوراق للتأكيد على كلامك . اني شكرتج وكتلج كلامج صح وعاشت ايدج بس اني ضني جان هيج يعني اثناء خروجي من السفارة مو هنا ...
ومن رجعت سألت الناس الي اعرفهم كلهم كالو لازم ينطوكم فورمات ما عدى عائلة واحدة ما انطوهم اي فورمات للعلم كملو فحص وكالولهم كم يوم اندز على الجوازات شنو السبب ما اعرف .

فيا اختي العزيزة الي اطلبه منج اتهدئين نفسج وولا تهتمين وادعي من ربي يسهل امرج ويفرج عنج ويعجل بسفرج يا رب باقرب وقت ان شاء الله وترتاحين من هذا الظيم الي انتي وكلنه بيه ويا رب يسهل امر سوريا ويهديهه ويستر على ناسهه وربي يحفظ كل العراقيين الشرفاء بكل مكان بالعالم وعلى راسهم الفريدو الغالي ههههههههههه بعد شتريد ابو حمودي .
واذا اني ازعجتج بكلمة مستعد اروح للسفارة هسه وارفض كندا بعد شتردين واذا الفريدو ازعجج هسه اندز عليه يرجع السوريا هاااا ااااا بعد . المهم انتي وكل اهلنا العراقيين البسمه متفاركهم ابد
ربي يسهل امرج ويعجل سفرج  سامحيني اذا اخطأت بحقج ((واسف جداً كلش هواي ))  :D

ابو نور / سوريا
بغداد وما تلاكي عاشقاً فانتي من رسم للحب معنى

غير متصل abu shahed

  • عضو مميز
  • ****
  • مشاركة: 1100
    • مشاهدة الملف الشخصي
الى الاخت  زيتونه وليمونه انا ما قصدت ان اكذبك مثل ما تكولين وبعدين اني ماكفرت من رديت على الاخ اسامه ولا اني فرضت رأي عليج او على اي شخص كل الموضوع كتبت الي اعرفه عن سوريا وقد يكون اني الي اعرفه يكون غلط كان المفروض منج ان تصححي اي كلام غير دقيق من ردي على الاخ اسامه لا ان تتهميني بتكذيبك وبعدين احنه جميعا نتعلم من هذا المنتدى اختي العزيزه اذا ردي على الاخ اسامه زعلج مني اطمئني اختي هذا الموضوع اني بعد ما ادخل وارد بي اي رد مو هو هذا كلامج الي انتي دكوليه(((بس يمكن اهنا ماكو مساعده ولا احد ينطي رأيه احسن الواحد يسكت ويدخل زائر )))وان شاء الله يسر امر الجميع وشكرا للاخ (الفريدو )ابو احمد
((  وَلَسَوْفَ يُعْطِيكَ رَبُّكَ فَتَرْضَى  ))

غير متصل زيتونه وليمونه

  • عضو فعال جدا
  • ***
  • مشاركة: 102
    • مشاهدة الملف الشخصي
اخوان عفيه اني اسفه من الجميع يمكن رديت بسرعه واني مقصدي شي غير العتب واخويا ابو شهد ما لاداعي الزعل واني اسفه يمكن فهمتك غلط لان عبالي انته تعرف موضوع سوريا المهم اخويا مصار شي بس الخير وانته طبتك بالموضوع خير وبركه وكل واحد بيكم همين خير وبركه واني همين من النوع الصريح احجي مباشره من كلت اتكذبني كان قصدي عادي ماعندي كلام دبلوماسي او اغيره او اتلون عالعموم حقك عليه واسفه مره اخرى
اخويا ابو نور والله بس حبيت اساعدك لا اكثر ولا اقل واني صار الي سبع سنوات بسوريا اي عراقي اشوفه احب اساعده لان من طلعت من العراق غرفة قيمتنا ولمة الاهل واحتياجنا الها وانته همين حقك عليه

غير متصل اسامة الهاشمي

  • مبدع قسم الهجرة
  • عضو مميز
  • *
  • مشاركة: 1577
  • الجنس: ذكر
    • مشاهدة الملف الشخصي
يمعودة صدك جذب ولا يهمج ولا تفكرين بالموضوع ابد بالعكس انتي قصدج الفائدة العامة وصدكيني من عندج ومن الاخوة اني فتهمت شنو المراحل . عادي ولا يهمج ولا اكو اي حق بالموضوع .
المهم بشرينه باخبارج انتي وين وصلت شغلتج مسلمين جوازات لو بعد



ابو نور / سوريا
بغداد وما تلاكي عاشقاً فانتي من رسم للحب معنى

غير متصل اسامة الهاشمي

  • مبدع قسم الهجرة
  • عضو مميز
  • *
  • مشاركة: 1577
  • الجنس: ذكر
    • مشاهدة الملف الشخصي
ابو شهد الغالي .
والله يا اخي كلنه نتعلم منا
والله اني ما اعرف اكو اليو ان بسوريا ولا اعرف بهاي الترتيبات من دخلت على هذا الموقع بالعراق عرفت كل هاي الخطوات وتعرفت على ناس ذهب موجودين وقسم ما موجودين هسه هنا واجيت السوريا وقدمت ونقبلت واني بعدني هنا بنفس المكان وويه نفس الناس وياما وياما صارت مشاحنات بين اعضاء بس مع ذالك الكل باقين اخوة واحبة واصدقاء وربي يدوم هاي المحبة والاخوة والصداقة .

ابو شهد الورد هذا المنتدى وهذي الصفحة هيه مو صفحة الفريدو بس لان الفريدو عراقي شريف اذا هاي الصفحة هيه صفحة كل عراقي شريف يحب يساعد ويعين اخوه ولمتنه الحلوة هاي ان شاء الله تبقى طول العمر مو بس وقت انتهاء مراحل السفر وان شاء الله نتشاوف بغير مكان في يوم من الايام لان الدنيا صغيرة وكل الوجوه الطيبة تتلاكة . وان شاء الله اتنور هاي الصفحة يومية وكل ساعة لا اتكول ما اطب لان هذا مكان لكل الطيبين امثالك يا غالي

وزيتونة ... البارحة ذكرتج بالعشة لان اتعشيت جبن وزيتون هههههههههههههههههههههه
يا اطيب ناس واحلى ناس .

بس كلولي ابو حمودي شنو قضيته شو يختفي ويطلع يكتب سطر سطرين ويروح خو ماكو شي وشنو ابو شهد شبيه ابنه الله يحفظه خير خو ماكو شي .

ابو نور / سوريا
بغداد وما تلاكي عاشقاً فانتي من رسم للحب معنى

غير متصل abu shahed

  • عضو مميز
  • ****
  • مشاركة: 1100
    • مشاهدة الملف الشخصي
اخوان عفيه اني اسفه من الجميع يمكن رديت بسرعه واني مقصدي شي غير العتب واخويا ابو شهد ما لاداعي الزعل واني اسفه يمكن فهمتك غلط لان عبالي انته تعرف موضوع سوريا المهم اخويا مصار شي بس الخير وانته طبتك بالموضوع خير وبركه وكل واحد بيكم همين خير وبركه واني همين من النوع الصريح احجي مباشره من كلت اتكذبني كان قصدي عادي ماعندي كلام دبلوماسي او اغيره او اتلون عالعموم حقك عليه واسفه مره اخرى
اخويا ابو نور والله بس حبيت اساعدك لا اكثر ولا اقل واني صار الي سبع سنوات بسوريا اي عراقي اشوفه احب اساعده لان من طلعت من العراق غرفة قيمتنا ولمة الاهل واحتياجنا الها وانته همين حقك عليه


اختي العزيزه اني اشكرج جدا وماكو داعي للاسف ومبين عليج انتي انسانه طيبه وتحبين مساعده الناس
والله يجزيج الخير على ما تقدميه من مساعده بس اختي انتي هم علكيفج وياي  ;D ;D ;D ;D ;D والله اني هم قصدي المساعده وافرح جدا عندما اسمع احد الاخوه مقابل لان احنه كلنه نعاني نفس المعاناة بدول الجوار الله يكون ويه كل عراقي داخل وخارج العراق واني اسف اذا كان هناك سوء فهم مني واشكرج اختي الغاليه
((  وَلَسَوْفَ يُعْطِيكَ رَبُّكَ فَتَرْضَى  ))

غير متصل abu shahed

  • عضو مميز
  • ****
  • مشاركة: 1100
    • مشاهدة الملف الشخصي
اخي وزميلي الغالي اسامه الهاشمي (ابو نور )
اشكرك جدا على هذه الكلمات الجميله وطبعا هو مو غريب عنك انت انسان طيب وخلوق ونبيل وربي يسر امرك وتفرحنه بسفرك اللهم امين.....
اخي اسامه اكيد مهما صارت مشاحنات احنه اخوه ان شاء الله والي صار هو سوء فهم لا اكثر وحتى في هذا سوء الفهم ايضا ممكن ان نتعلم ونستفيد وبنفس الوقت لا نسمح لهذه المشاحنات ان تؤثر على روح التعاون والمساعده بيننا اخي الغالي انا اسف اذا كنت انا سبب في تعكير فرحتك بالمقابله بس والله والله اعوضكيها بالمقابله الجايه  ;D ;D ;D ;D ;D ;
ربي يسر امرك ويكون وياك بكل لحظه ونفرح بسفرك القريب امين يارب
اخويه الغالي بالنسبه الى الاخ ابو احمد فهو مشغول حاليا ومعذور لان ابنه مريض وكان داخل مستشفى بس ان شاء الله هو الان صحته افضل ولله الحمد ادعو له بالشفاء انه سميع مجيب
((  وَلَسَوْفَ يُعْطِيكَ رَبُّكَ فَتَرْضَى  ))

غير متصل اسامة الهاشمي

  • مبدع قسم الهجرة
  • عضو مميز
  • *
  • مشاركة: 1577
  • الجنس: ذكر
    • مشاهدة الملف الشخصي
ابو شهد الغالي اشكرك كل الشكر وهذا ان دل فيدل على طيب اخلاقك العالية .

اي والله لازم اتعوضني على المقابلة الجاية هههههههههههههههههه لا بالعكس ما اتعكر مزاجي ابد اصلاً زادت فرحتي فرحة من شفت كل الاعضاء يردون يساعدون ويوضحون الفكرة وكل واحد يريد يصير هو السباق للمساعدة ما اجمل هذه الروح الي بيكم يا احبابنا ويا اصحابنه واخوتنه بارك الله بيكم على لمتكم الحلوة هاي .

ارجو من الله عز وجل الشفاء لابننا وابن حبيبنا واخونا ابو احمد بعونه وقوته تعالى ان شاء الله ويارب يرجع ينور المنتدى وهذه الصفحة الجميلة وكله فرح وسرور وصحة وعافية هو وعائلته الكريمة كولو امين .

زيتونة وكعت براسج عزيمه ليش ما ادري .. هههههههههههههههههه اخت غالية وعزيزة

ابو نور / سوريا
بغداد وما تلاكي عاشقاً فانتي من رسم للحب معنى

غير متصل شكوماكو

  • عضو فعال جدا
  • ***
  • مشاركة: 745
    • مشاهدة الملف الشخصي
احبائي الاعزاء علينا وكعائلة واحدة في هذا المنتدى الرائع بكم ان نتجاهل هكذا مواضيع ونتسامح بيننا فلو انتشر التسامح انتشرت المحبة وأصبحت القلوب صافية كصفاء السماء بيضاء كبياض الثلج نبضها حب ومودة وسلام. مع امنياتي ومن كل قلبي لكم بالخير والتوفيق وتحقيق الامنيات ان شاء الله يا اطيب الناس

غير متصل الخنساء ام عبدالله

  • عضو فعال
  • **
  • مشاركة: 42
    • مشاهدة الملف الشخصي
أخي العزيز الفريدو
الف الحمدالله على سلامة ولدك الله يحفظه ويحميه واتمناله الصحة والعافية ولبقية اولادك واولاد العراق ( بالحقيقة ما اعرف الموضوع ولكن عطفا على ما كتبه الاخ العزيز ابو شهد)

بالمناسبة اخوان شنو اخبار اخونا candyman العزيز والله له وحشة ان شاء الله خير
اذا الشعب يوما اراد الحياة فلابد ان يستجيب القدر

غير متصل الخنساء ام عبدالله

  • عضو فعال
  • **
  • مشاركة: 42
    • مشاهدة الملف الشخصي
أخواني جماعة كندا الطيبين
اجريت بحمد الله هذا اليوم المقابلة الثانية في السفارة الكندية(بعد انتظار58 يوما ) وتمت الموافقة ووقعت على ورقة القرض كذلك اتممت الفحص الطبي بعونه تعالى ان شاء الله يوم لبقية المنتظرين.وبناء على طلبي استلمت رقم الفايل فقط.
سؤالي هل هناك ورقة اخرى يجب ان استلمها ام مجرد رقم الفايل؟؟؟
سؤالي الثاني هل الجنط اللي يذكرها دائما الاخوة هي ستاندر وتفضل على غيرها من الجنط؟
سؤالي الثالث ماهي المشتريات المطلوبة ؟الضرورية والملحة؟
اذا الشعب يوما اراد الحياة فلابد ان يستجيب القدر

غير متصل nahlahalhadithi

  • عضو فعال
  • **
  • مشاركة: 42
    • مشاهدة الملف الشخصي
    • البريد الالكتروني
                                        السلام عليكم                                                                                                  اارجو من الله عز وجل الشفاء تمام الصحة لابن اخونه العزيز ابو احمد

غير متصل nahlahalhadithi

  • عضو فعال
  • **
  • مشاركة: 42
    • مشاهدة الملف الشخصي
    • البريد الالكتروني
                   السلام عليكم
جماعة مصر شنو القصة اشو الكل اختفى نريد نعرف اكو مقابلا ت لو لا واذا ماكو على الاقل نسمع اخباركم             
                   
                                           اختكم -نهله الحديثي -----مصر

غير متصل اسامة الهاشمي

  • مبدع قسم الهجرة
  • عضو مميز
  • *
  • مشاركة: 1577
  • الجنس: ذكر
    • مشاهدة الملف الشخصي
اختنا الغالية ام عبد الله الف مبروك وان شاء الله السفر القريب جداً جداً ويسهل امركم يا رب
بخصوص حقائب السفر اتصور وحسب ما عرفت من الاخوة الي مسافرين سابقاً موجودات وهنه خاصات يعني يمكن تسألين عنهن بالاسواق وحسب منطقة سكنك .
اما بخصوص المشتريات ما ادري بس اكو مواضيع هواي عليهن اتصور وهم موجودة ابداية سفرة اخونة الفريدو بهاي الصفحة كاتب هواي عليهن .

بالتوفيق ان شاء الله وربي يسهل امرج يا رب


ابو نور / سوريا
بغداد وما تلاكي عاشقاً فانتي من رسم للحب معنى

غير متصل abu shahed

  • عضو مميز
  • ****
  • مشاركة: 1100
    • مشاهدة الملف الشخصي
الف مبروك اختي العزيزه الخنساء ام عبدالله وان شاء الله تفرحينه بموعد السفر وبأذن الله قريب
((  وَلَسَوْفَ يُعْطِيكَ رَبُّكَ فَتَرْضَى  ))

غير متصل الفاتح

  • عضو فعال جدا
  • ***
  • مشاركة: 78
  • الجنس: ذكر
  • إِنَّ مَعَ العُسرِ يُسرًا
    • مشاهدة الملف الشخصي
السلام عليكم
اخوان كيف حالكم اخباركم وخصوصا اهل مصر كيف الحال ؟؟؟
اخوي الصابر على القهر اخوي وينك انت  شلونك وشلون جانت المقابلة طمنا ومنو الي قابلك كندية لو مصرية وشنو نوع الاسئلة ؟؟
ترة اخوي احنة منتظرين الاخبار منك بفارغ الصبر  ::)  ::)
وان شاء الله ما ظلك شئ وتسافر
ودعواتكم النا ولكل الاعضاء بالسفر القريب والله يفرج همنا
واختي نهلة اصبري ما ظل شئ راح الكثير وما بقى الا القليل ان شاء الله واحنا ما زلنا صامدون جماعة مصر ههههه  ;D ;D ;D
حرية حرية شارع شارع زنكة زنكة كندا كندا نحن صابرون  ;) ;) ;)
تحياتي لجميع الاخوان
الفاتح
«اللهم إني عبدك، ابن عبدك، ابن أمتك، ناصيتي في يدك، ماض في حكمك، عدل في قضاؤك، أسألك بكل اسم هو لك، سميت به نفسك، أو أنزلته في كتابك، أو علمته أحدا من خلقك، أو استأثرت به في علم الغيب عندك أن تجعل القرآن ربيع قلبي، ونور بصري، وجلاء حزني، وذهاب همي، إلا أذهب الله همه وأبدل له مكان حزنه فرجا »

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
اخواني اخواتي السلام عليكم

احييكم من كل قلبي على هذه الروح الاخويه الطيبه وربي يدوم المحبه بين الجميع

اشكركم على تحمد السلامه لابني ونحمد الله على كل شيء وبصراحه مرضه كان جدا اليم لانه مرض مفاجيء وبدون اعراض

في يوم الاحد 29/5 كان عيد ميلاد ابني فريد وقد كان يوم مليء بالافراح وطول النهار كنا في نزهه وكان يلعب وفرحان مع اخيه وعند عودتنا الى البيت عملت له عيد ميلاد واستمرت الحفله الى الساعه 12 ليلا وكل شيء على مايرام وذهب الى النوم وفي صباح يوم الاثنين كنت انا في المدرسه واتصلت زوجتي تبلغني انه لا يستطيع ان ينهض من الفراش ويصرخ الم في بطنه وقد ازاع كل الذي في بطنه ولا يريد ان ياكل اي شيء .. بصراحه انا كنت اظن انه اكل كثيرا ومعدته تخربطت ولم اعير اهميه للموضوع وبعد عودتي الساعه الرابعه عصرا رأيته مصفر الى درجه كبيره وكل نصف ساعه يمسك بطنه ويتألم وبعدها يراجع ما في بطنه الى ان اخذته الى الطبيب وطلب ان اعمل له تحاليل وفي اليوم الثاني اجريت له التحاليل وبعد ساعتين اتصل الد
كتور يبلغني ان اذهب الى الطواريء بأقسى سرعه , فبصراحه انا ارتعبت وذهبت الى الدكتور فكتب لي تقرير مفصل مع نتائج التحاليل وذهبت الى المستشفى وعندما استلامو مني التقارير اخذت الممرضه ابني من بين يدي وذهبت الى غرفة العنايه المركزه واصبحت تنادي بجهازها الى الدكتور فلان والممرضه فلانه الحضور فورا الى العنايه المركزه , بصراحه انا من شدة الخوف اصبحت لا استطيع ان اتكلم وانظر الى ابني فقط وتم حضور 4 دكاتره و6 ممرضات والكل يريد ان يعرف ما الذي حصل وانا من شدة الخوف على ابني اتكلم كلمه ولا استطيع ان اكمل وانا ارتعش الى ان اعطوه المغذي والاوكسجين وركبو جهاز تخطيط القلب واجهزه لا اعرف ماهيه وبخلال ساعه حللو له وجلبو له بطلين دم وبعدها بساعتين اصبح يتكلم معي وبقي بالعنايه المركزه الى الساعه 10 ليلا وبعدها زال الخطر والحمدلله وبقينه بضعة ايام ونحمد الله على كل شيء واتضح انه اصابه مرض الانيميا وهو فقر الدم الحاد نتيجة تسمم من اكله معينه وحسب كلام الدكتوره قالت كانت نسبة دمه 40 فقط ومع العلم جسم الانسان الطبيعي نسبته 140 لذلك كان في حاله جدا خطره وحاليا اصبح لديه حساسيه من البنسلين والحمدلله حاليا يتعافى ولكن عودة الدم الى طبيعته بطيء جدا

اسف على الاطاله في الشرح ولكن اوعدكم ان اكتب لكم عن العنايه في المستشفيات للحالات الطارئه عكس الحالات الغير خطره والفرق بينهما

اشكركم اخواني جميعا وربي يبعد عنكم المرض بعونه تعالى



اخوكم  :الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
الف الف الف مبروك اختي الخنساء ام عبدالله

انشالله تبشرينه بخبر سفرك بعونه تعالى

ربي يدوم الفرجه على اخوانه جميعا

اخويه اسامه ابو نور انشالله الاخبار السعيده نسمعها منك وربي يوفقك ويفرحك بعونه تعالى

اختي نهله الحديثي انشالله جماعة مصر يفرحوج بخبر المقابلات وانتي اول وحده تقابلين بعونه تعالى

اخويه الغالي ابو شهد الورده اني اشكرك واعتز بيك اخ عزيز وربي يوفقك وييسر امرك

اخويه اسامه الجميلي الك وحشه وينك شو ماكو ؟؟ انشالله انقطاعك خير ياربي

اخويه كاندي مان هذه دعوه لسماع اخبارك وبصراحه مكانك خالي والك وحشه اخي الغالي

اخي كابرس ابو محمد اشكر سؤالك عني ولكن اعتذر لعدم الرد على الماسنجر اليوم  لاني بصراحه كنت مشغول بوصول اخي من امريكا ولاية اوهايو وتم لقائي به من بعد فراق دام اكثر من 6 سنوات 

اخواني الاعزاء بصراحه لا استطيع ان اذكر باقي الاسماء لان الكل عزيز وغالي ولكن اتمنى من الله ان تكونون بصحه جيده وربي يفرح قلوبكم بعونه تعالى


ربي يوفقكم جميعا وتدوم المحبه بين كل الطيبين



اخوكم : الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل اريد وطن

  • عضو فعال جدا
  • ***
  • مشاركة: 378
    • مشاهدة الملف الشخصي
اخونا ابو احمد الف الف الحمد لله على سلامه فريد ويارب يرجع دمه عال العال انشاء الله وعليك بالكبد وكله كبده هوايه وعصير برتقال


ربنا يرجعا الى البيت سالم ويحفظه من كل شر وتشوفه عريس بعون الله


اخوك من مسساكا اريد وطن

غير متصل ــــ{{{ABADY}}}ـــــ

  • مبدع قسم الهجرة
  • عضو مميز جدا
  • *
  • مشاركة: 4167
  • ما على الدنيا عتب كل مافيها امانى,,,
    • مشاهدة الملف الشخصي
الف حمد الله على سلامه ابنك اخى الفريدو


صح أنجرحنه نعم بس هذا مو مقياس... النخل من ينجرح ميشتكي من فاس
طبع النخل يرتفع ويضل شامخ الراس... ومايهزه زمن ولا عدو ولا كل الناس
عذرا "فيثاغورس" :العراق هو المعادلة الأصعب
عذرا "نيوتن" : بغداد هي التي تجذبنا
عذرا"ديكارت" : أنا عراقي إذاً أنا موجود
عذراً "دافنشي ": ال

غير متصل اسامة الهاشمي

  • مبدع قسم الهجرة
  • عضو مميز
  • *
  • مشاركة: 1577
  • الجنس: ذكر
    • مشاهدة الملف الشخصي
الحمد لله على سلامة فريد الغالي ابن الغالي وربي يحفظه من كل شر ومكروه ويارب يتعافى باسرع وقت . وان شاء الله ما بيه الا العافية . وان شاء الله ابو حمودي ربك ينطيك على كد نيتك وطيبة كَلبك . دعواتنا معاك الى ان يشفى فريد ويصبح بالف صحة وعافية ان شاء الله هل يومين يا رب بحق محمد والله واصحابه اجمعين ...
والاخبار الحلوة الي اتفرحنه مو اخبار سفرنه هسه لا والله الاخبار الحلوة هي شفاء فريد ويكوم بالعافية تسوه ابو السفر وان شاء الله شفاء كل مريض . امـــــــــــــين

ابو نور / سوريا
بغداد وما تلاكي عاشقاً فانتي من رسم للحب معنى

غير متصل اسامة الجميلي

  • عضو فعال جدا
  • ***
  • مشاركة: 169
  • الجنس: ذكر
  • بغداد لالاتتالمي
    • مشاهدة الملف الشخصي
الف الف حمد لله على السلامة ابن اخونا فريد وانشاء الله ماعندة الا العافية
اخوية العزيز ابو احمد والله مشتاقلك وطبعا مشتاق للمعلومات التي توفينا بها دوما
كيف حال الاخوة في سوريا؟؟ تحياتي للجميع
نحن هنا في الاردن ننتظر المقابلة بفارغ الصبر.. ندعو من الله العزيز الجليل ان يفرجها علينا وعليكم
انشاء الله التوفيق للجميع





  ابو هيا_______الاردن
التوكل على الله

غير متصل اسامة الهاشمي

  • مبدع قسم الهجرة
  • عضو مميز
  • *
  • مشاركة: 1577
  • الجنس: ذكر
    • مشاهدة الملف الشخصي
السلام عليكم .
اخي الجميلي احنه جماعة سوريا بخير ان شاء الله وندعيلكم ربي يفرج عنكم ويعجل بسفركم وان شاء الله خير يا رب

دعواتنا مع ابو حمودي لشفاء ابنه فريد .. اميـــــــــن


ابو نور / سوريا
بغداد وما تلاكي عاشقاً فانتي من رسم للحب معنى

غير متصل الصابر على القهر

  • عضو
  • *
  • مشاركة: 15
    • مشاهدة الملف الشخصي
السلام عليكم شكرا اخي فاتح على الدعاء وانشالله للجميع السفر الى كندا بالنسبه للي قابلتنه مصريه وكانت الاسئله كله حول ما مكتوب في الملف الذ ي قلته في الامم المتحده وما كتبته في الفورمات وكانت تاكد على التواريخ ولكن ليس المقابله شي صعب وكان معانا في المقابله عائلتين عراقيتين وعائلتين من السود لا اعرف جنسياتهم وبعدها قالت بعد اسبوعين نتصل ونعطيكم الجواب ودعواتكم لنا بالقبول

غير متصل اسامة الهاشمي

  • مبدع قسم الهجرة
  • عضو مميز
  • *
  • مشاركة: 1577
  • الجنس: ذكر
    • مشاهدة الملف الشخصي
الف مبروك اخي الصابر وان شاء الله يوم السفر القريب ان شاء الله


ابو نور / سوريا
بغداد وما تلاكي عاشقاً فانتي من رسم للحب معنى

غير متصل شكوماكو

  • عضو فعال جدا
  • ***
  • مشاركة: 745
    • مشاهدة الملف الشخصي
حبيبي واخي العزيز (الفريدو )ابو احمد تالمت كثيرا والله عندما علمت بمرض ولدكم الغالي علينا فريد واني اذ اشكر الله عزوجل على شفائة متمنيا له الصحة الدائمة والعافية  والله يبعده ويبعدكم من كل مكروه ان شاءالله

غير متصل الكاظمي

  • عضو فعال جدا
  • ***
  • مشاركة: 164
    • مشاهدة الملف الشخصي

 الاخ العزيز ابو احمد المحترم:
 
 الحمد الله على سلامة الغالي فريد الله يحفظه ويحفظ اولادك واهلك وايخليك خيمه عليهم امين يارب العالمين

  اخوك...................................................................... الكاظمي

غير متصل زيتونه وليمونه

  • عضو فعال جدا
  • ***
  • مشاركة: 102
    • مشاهدة الملف الشخصي
السلام عليكم جميعا يارب الكل بخير وصحه وامل وصبر 
والله كلش كلش تالمت على مرض ابن اخونا وانشاء الله صحه وعافيه ويخليه الكم وخاصه من شفت صورته والله اموت من القهر من اشوف طفل مريض اكول احنا كبار نتحمل هذول حرام  ويخليك اله اخويا الفريدو 

زيتونة وكعت براسج عزيمه ليش ما ادري .. هههههههههههههههههه اخت غالية وعزيزة

اي تؤمرني اخويا ابو نور جدر دولمه من نصعد بالطياره وحتى لجماعة مصر وعمان بس المهم نوصل يارب يارب الجميع

غير متصل rr.bb

  • عضو
  • *
  • مشاركة: 12
    • مشاهدة الملف الشخصي
    • البريد الالكتروني
مرحبا اخ الفريدو الف لاباس ع ابنك وعندة العافية وان شاء الله مايشوف لاهو ولا اي طفل اي شر امين انت انسان طيب واتساعد الناس اكثير وماتستيهل اي مكروة ايصيبك 

غير متصل احمد الغريب

  • عضو فعال جدا
  • ***
  • مشاركة: 131
    • مشاهدة الملف الشخصي
الحمد لله على السلامة اخوية ابو احمد (ابو الغيرة) والله اقرأ وأنا اتألم لان ابن اخي العزيز الفريدو . الله يحفظلك فريد حبيبي واضح عليه التعب ويكوم بالسلامة والف سلامة عليه وعليك وعلى العائلة ياطيب . تقبل تحيات اخوك احمد العريب .

غير متصل عبدون

  • عضو فعال جدا
  • ***
  • مشاركة: 313
    • مشاهدة الملف الشخصي
مرحبا اخواني واخواتي
قبل يومين قابلت مقابلة 1+2 في عمان وشفت عائلتين  عددهم 10 افراد واغلبهم كبار في السن شرحت لهم موظفة الاي او ام خط الرحلة والاجراءات الى كندا ، يسافرون يوم 27/6/2011 ، وهناك عائلتين سلموا جوازات شفرهم لوضع التاشيرة عليه وايظا الى كندا بس ماعرف شوكت .

غير متصل AROMATICS

  • عضو فعال جدا
  • ***
  • مشاركة: 151
    • مشاهدة الملف الشخصي
الف سلامه للطفل فريد وان شاء الله ما تشوفون شر وخاصه لقره اعيننا اطفالنا الاعزاء وعن قريب نسمع منك ارتفاع نسبه الهيموكلوبين مال ولدنه العزيز الله يكومه الك بالسلامه

غير متصل خولة بنت الأزور

  • عضو فعال جدا
  • ***
  • مشاركة: 225
    • مشاهدة الملف الشخصي
 اخوية الفريدو المحترم

حمد لله على سلامة فريد وان شاء الله ما تشوفون شر

غير متصل aseel_msb

  • عضو فعال جدا
  • ***
  • مشاركة: 401
  • الله محبة
    • مشاهدة الملف الشخصي
الف الحمد لله على سلامة ابنك الفريدو و  يا ربي كل الصحة و العافية

غير متصل aseel_msb

  • عضو فعال جدا
  • ***
  • مشاركة: 401
  • الله محبة
    • مشاهدة الملف الشخصي
الف الحمد لله على سلامة ابنك الفريدو و  يا ربي كل الصحة و العافية

غير متصل nahlahalhadithi

  • عضو فعال
  • **
  • مشاركة: 42
    • مشاهدة الملف الشخصي
    • البريد الالكتروني
السلام عليكم

  الف الف حمد الله على سلامةابنك فريد ويارب ان شاء يبعد عنكم كل سوء واشكرك على هاي الدعوة الحلوة وياربي يحفظك ويحفظ اولادك من كل سوء

                  اختك نهلة الحديثي-------مصر

غير متصل nahlahalhadithi

  • عضو فعال
  • **
  • مشاركة: 42
    • مشاهدة الملف الشخصي
    • البريد الالكتروني

السلام عليكم

اولا احب ابارك الى الاخت خنساء ام عبدالله وان شاء يوم الي تبشرنه بسفرها القريب وابارك الى الاخ الصابر على القهر على المقابلة وان شاء الله يوم سفرك وتفرحنه واحب اكول لاخويه الفاتح احنه جماعة مصر صامدين وصابرين لان ماكو غير حل كدامناوان شاء الله اخر صبرنا خير
           
                   اختكم نهله الحديثي------------مصر

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
اخواتني اخواتي انا جدا سعيد بلمة الاحبه وتهانيهم ودعواتهم وربي يبعد عنكم كل سوء انشالله


اختي الخنساء ام عبدالله مشكوره على دعائك الطيب وربي ييسر امرك بعونه تعالى

اخويه الغالي ابو شهد الورده مشكور وربي يخليبلك اولادك ويبعد عنهم كل سوء بعونه تعالى


اخويه الغالي ابو عمار اريد وطن والله فرحتني طلتك عليه واشكرك من كل قلبي لانك اخ عزيز

اخويه الغالي عبادي الورده اني ممنون منك وربي ييسر امرك بعونه تعالى

اخي الحبيب اسامه الجميلي ابو نور اشكرك وربي يفرحك بخبر موعد المقابله الثانيه وموعد السفر انشالله

اشكرك اخويه العزيز ابو هيا الورده وربي يخليلك هيا الورده ويبعد عنها كل سوء

اخويه العزيز شكو ماكو ربي يبعد عنك الالم واني ممنون منك وانشالله تفرحنه باخبارك الطيبه دائما

اخويه الغالي الكاظمي اشكرك من قلبي وانشالله اول من يستقبلك هو فريد ابني بالمطار ونفرح بوصولك الى كالكري

اختي العزيزه زيتونه وليمونه اني اشكرك واشكر روح الاخوه الي تملكيه وربي ييسر امرك وتطلعين من سوريا وتنورينا بكندا قريبا جدا

اخويه العزيز rr.bb اني اشكرك وربي يوفقك ويبعد عنك كل مكروه وتفرحنه بالاخبار الطيبه دائما

اخويه الغالي احمد الغريب انته اخ عزيز واتمنالك كل الخير وربي ييسر امرك وتفرحنه باخبارك الطيبه ياربي

اخويه حسن مشكور على كلامك الطيب وربي مايجيب المرض لكل طفل انشالله وربي يوفقك اخي العزيز

اشكرك اختي العزيزه اسيل وربي يفرح قلبك بخبر مفرح وتفرحينه ياربي

اشكرك اختي نهلة الحديثي وربي يوفقك ويفرح قلبك امين ربي


اشكركم اخواني من كل قلبي  وربي يبعدكم من كل سوء بعونه تعالى


اخوكم : الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
اختي خوله اهلا وسهلا

بالنسبه الى كندا بصراحه من الصعب جدا قبول اي ضابط بالجيش العراقي السابق لانني تابعت اكثر من ضابط ومنهم ضابط اداري وما اله اي علاقه بالحروب ولا داخل بالقطعات وهو مجرد اداري وتم رفضه ورفض حاله اخرى وبصراحه القبول جدا ضئيل ولم اسمع بوصول اي ضابط الى كندا لان كندا لا ترغب في اي ضابط في الجيش العراقي السابق

اما سؤالك الثاني فالقبول شبه مستحيل وطبعا ليس في كندا فقط ولكن في اغلب دول العالم حاليا
لكن اذا دخل الى الاراضي الكنديه ولم تتم الموافقه عليه فيستطيع العيش هنا في كندا ولا يوجد تسفير قسري ولكن اذا غادر كندا لا يستطيع الرجوع اليها مره ثانيه


اي سؤال اني بالخدمه



اخوك : الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل الطموح

  • عضو فعال جدا
  • ***
  • مشاركة: 892
  • الجنس: ذكر
  • كلنا من التراب والى التراب نعود
    • مشاهدة الملف الشخصي
الف الحمدلله على سلامه ابنك
والله لوبديه اتبرعلك ابطلين دم واني الممنون
سلامات والف سلامه الله ايشافيه ويبعدعنكم السوء والمرض
ويوفقك ربي بحق الانبياء
اعذرني لعدم التواصل المستمرلكوني مشغول بعملي في بغداد
تقبل من التحيه والدعاء المستمراليك والى كل الزملاء في عين كاوه بالسفر والموفقيه والاستقرار
والصحه الدائمه
اخوكم الطموح
لا تعاشر نفساً شبعت بعد جوع فأن الخير فيها دخيل
وعاشر نفساًجاعت بعد شبع ...فأن الخير فيها أصيل

غير متصل مغتربة في مصر

  • عضو فعال جدا
  • ***
  • مشاركة: 147
  • الجنس: أنثى
  • لا اله الا انت سبحانك اني كنت من الظالمين
    • مشاهدة الملف الشخصي
الف الف سلامة للغالي فريد
ميشوف شر ان شاء الله
وان شاء الله دوام الصحة والعافية اله ولكل مريض
لقضاء الحوائج و المهمات سورة المزمل
 
 تقرأ (أحد عشر يوماً) كل يوم (أحد عشر مرة) بعد صلاة الصبح
ويقرأ كل يوم هذا الدعاء (أحد عشر مرة):
 
يا مسبّب سبّب ، يا مفتّح فتّح ، يا مفرّج فرّج ، يا مدبّر دبّر ، يا مسهّل سهّل ، يا ميسّر يسّر ، يا متمّم تمّم برحمتك يا أرحم الراحمين

غير متصل العاشق_1111

  • عضو فعال جدا
  • ***
  • مشاركة: 398
    • مشاهدة الملف الشخصي
السلام عليكم اخي ابو حمودي الورد الف حمدلله على سلامه فريد الورده ولابأس طهور انشاء لله  وماعنده غير العافيه
وربي يكومه بالسلامه اللهم امنين
تحياتي لك ياطيب
ابو عهبود كاندي مان وينه عسى ماشر ياخيي
وربي يحفظ ل العراقين يارب العالمين

غير متصل شمعة

  • عضو مميز
  • ****
  • مشاركة: 1513
    • مشاهدة الملف الشخصي
اخي الحبيب ابو احمد الورده

لم اكن اعلم بخير ( فريد) ابدا وقد علمت به الان والله ... وكنت اتمنى ان اكون معكفي تلك اللحظات العصيبه والصعبه والمؤلمه التي ان شاء الله تعالى لن تعود ولن ترو مثلها ابدا ان شاء الله تعالى ....  ودعائي الى الله العزيز القدير ان يحفظ ولدكم ويحفظكم وعائلتكم الكريمه  بخير دائما ويبعد  عنكم كل سوء  وكل شر ويكتب لكم طريق الخير والبركه والعافيه والصحه والتوفيق دائما وابدا انه سميع مجيب الدعاء ...

وتقل خالص تحياتي

اخوكم المخلص

شمعه

غير متصل nasnasa

  • عضو
  • *
  • مشاركة: 6
    • مشاهدة الملف الشخصي
السلام عليكم

جماعة مصر  وينكم ؟؟ اشو صايرين  ( ولا تيفو) على كولة حجي راضي الله يرحمه ...  تالي شلون يعني ما بيكم واحد ايفرحته بخير حلو منا .. منا  ؟؟؟

يعني حسني مبارك جان يحكم بمصر 30 سنه وطلع من الحكم وراح ياخذ لجوء .. واحنا بعدنا  صافنين ؟؟؟؟ شلون يعني ؟؟ تاليها ؟؟؟؟؟؟؟؟؟؟؟؟ يمعودين جماعة مصر لا اتظلون ولا تيفو ... سمعونا خبر ايفرحنا شويه ... شويه مو هوايه ... ولا تخافون تره والله ما نحسد احد بيكم  والله العظيم ما نحسد بالعكس نفرح ..



نسنسه

غير متصل الخنساء ام عبدالله

  • عضو فعال
  • **
  • مشاركة: 42
    • مشاهدة الملف الشخصي
أخي العزيز اسامة الهاشمي (ابو نور)
أخي العزيز ابو شهد
أختي العزيزة نهلة الحديثي
اشكركم يا غاليين على التهنئة وادعو الله ان ييسر امركم الى ما تحبون ويفتحها على الجميع ونهينكم بسلامة الوصول آمين يارب العالمين
اذا الشعب يوما اراد الحياة فلابد ان يستجيب القدر

غير متصل الخنساء ام عبدالله

  • عضو فعال
  • **
  • مشاركة: 42
    • مشاهدة الملف الشخصي
أخي العزيز الفريدو
اشكرك على التهنئة ومرة ثانية الف الحمدالله على سلامة فريدي الصغير الله يحفظه ويرعاه نكول الحمدالله ان هذه الازمة حصلت بكندا مو بغير مكان.
اذا الشعب يوما اراد الحياة فلابد ان يستجيب القدر

غير متصل الخنساء ام عبدالله

  • عضو فعال
  • **
  • مشاركة: 42
    • مشاهدة الملف الشخصي
أخي العزيز الصابر على القهر
أخي العزيز عبدون
مبروك على اجراء المقابلات وان شاءالله نهنيكم بتحديد موعد السفر
اذا الشعب يوما اراد الحياة فلابد ان يستجيب القدر

غير متصل الفاتح

  • عضو فعال جدا
  • ***
  • مشاركة: 78
  • الجنس: ذكر
  • إِنَّ مَعَ العُسرِ يُسرًا
    • مشاهدة الملف الشخصي
السلام عليكم
اخوي الفريدو ابو احمد الوردة اخوي الحمد لله على سلامة فريد وان شاء الله طول العمر والصحة والعافية وما يشوف لاشر ولا مرض والله يخليه ويحفظه لكم 
اختي نسنسه اختي شنو سالفة هالتيفو يمعود خاف تعديني كلما ادخل للموضوع اقراها واعطس وادعيلج  ;D ;D ;D  بالخير والتوفيق اكيد اختي اخونا الصابر خابروا وقابل والاخت مغتربة ذكرت انه عائلة عراقية اخرى ايضا اتصلوا بيهم  وهاي بشارة خير انه بدة ملفات الي قدموا الفورمات بالتاسع من 2010 يتصلون بيهم ومثل ما كال اخونا الصابر كل اسبوع فد 6 عوائل يعني ان شاء الله خلال هالاسبوعين يكونون متصلين عليج وعلينا وعلى كل الاعضاء كولي اميييييييييييييييييييييييين مو ( تيفو )هههههههههه  :P :P :P
و الاخت مغتربة في مصر تحياتي لك وان شاء الله نسمع خبر المقابلة هالاسبوع والله يسهل ويعجل للجميع
تحياتي
«اللهم إني عبدك، ابن عبدك، ابن أمتك، ناصيتي في يدك، ماض في حكمك، عدل في قضاؤك، أسألك بكل اسم هو لك، سميت به نفسك، أو أنزلته في كتابك، أو علمته أحدا من خلقك، أو استأثرت به في علم الغيب عندك أن تجعل القرآن ربيع قلبي، ونور بصري، وجلاء حزني، وذهاب همي، إلا أذهب الله همه وأبدل له مكان حزنه فرجا »

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
اخواني السلام عليكم

اخويه الطموح اني اشكرك وربي ما يشوفك مكروه وكلامك على راسي وهذا اعتبره من طيبتك ومنبعك الاصيل يا طيب

اشكرك اختي مغتربه في مصر وبصراحه انتي كنتي على بالي لان من زمان ما اشوفك متواجده وانشالله ربي ييسر امرك

اخويه العزيز العاشق اني ممنون منك وربي يوفقك وتفرحنه باخبارك الطيبه دائما

 اخويه الغالي شمعه ابو احمد اني عاجز عن الشكر لانك دائما على اتصال معي وتتفقد احوالي وانشالله نخدمك بيوم نسمع وصولك الى ارض الاستقرار بعونه تعالى

اختي الخنساء ام عبدالله نخدمك بيوم وصولك الى كندا انشالله ونفرحلك بالقريب العاجل

اخويه الفاتح اني اشكر مشاعرك النبيله ياطيب وانشالله نسمع اخبارك بالخير دائما

اخواني اخواتي اني محتاج اخبار مفرحه لان الايام السابقه كانت متعبه ومؤلمه لذلك اتمنى من ربي ان تسمعونه اخبار طيبه ومفرحه بالايام القريبه بعونه تعالى لان بصراحه محتاجين نفرح وانا عندي قناعه بعد كل هم وتعب يجب ان نفرح وانشالله تسمعونه اخبار حلوه بخلال هذا الاسبوع وتفرحونه حتى ترجع صفحتنه منوره بالتبريكات والدعاء بالوصول الى كندا بعون الله لذلك امنياتي للجميع بالوصول الى ارض الاحلام بعونه تعالى



اخوكم : الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل زيتونه وليمونه

  • عضو فعال جدا
  • ***
  • مشاركة: 102
    • مشاهدة الملف الشخصي
الله يسمع منك اخويا الفريدو والله تعبنا ان شاء الله الله يعوض الجميع خيرا عالصبر ولو اني كنت متفائله بالاسبوع الماضي

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
الله يسمع منك اخويا الفريدو والله تعبنا ان شاء الله الله يعوض الجميع خيرا عالصبر ولو اني كنت متفائله بالاسبوع الماضي

اختي زيتونه وليمونه انشالله تفائلك يبقى على هذا الاسبوع وانا متأمل راح نفرح باخبار حلوه انشالله

الله يوفقك اختي الزيتونه والليمونه وتفرحينه بخبر حلو حتى تفتحين الجبسه على اخوانه




اخوك : الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل مغتربة في مصر

  • عضو فعال جدا
  • ***
  • مشاركة: 147
  • الجنس: أنثى
  • لا اله الا انت سبحانك اني كنت من الظالمين
    • مشاهدة الملف الشخصي
السلام عليكم
اخوي الفريدو ابو احمد الوردة اخوي الحمد لله على سلامة فريد وان شاء الله طول العمر والصحة والعافية وما يشوف لاشر ولا مرض والله يخليه ويحفظه لكم 
اختي نسنسه اختي شنو سالفة هالتيفو يمعود خاف تعديني كلما ادخل للموضوع اقراها واعطس وادعيلج  ;D ;D ;D  بالخير والتوفيق اكيد اختي اخونا الصابر خابروا وقابل والاخت مغتربة ذكرت انه عائلة عراقية اخرى ايضا اتصلوا بيهم  وهاي بشارة خير انه بدة ملفات الي قدموا الفورمات بالتاسع من 2010 يتصلون بيهم ومثل ما كال اخونا الصابر كل اسبوع فد 6 عوائل يعني ان شاء الله خلال هالاسبوعين يكونون متصلين عليج وعلينا وعلى كل الاعضاء كولي اميييييييييييييييييييييييين مو ( تيفو )هههههههههه  :P :P :P
و الاخت مغتربة في مصر تحياتي لك وان شاء الله نسمع خبر المقابلة هالاسبوع والله يسهل ويعجل للجميع
تحياتي




تسلم اخوية الفاتح على دعواتك الحلوة
وان شاء الله اخونا الصابر على القهر بداية الامل والتفاؤل لجماعة شهر التاسع 2010
والله يفرجها علينا جميعا فرجا عاجلا غير اجلا بفضلك ورحمتك ياارحم الراحمين

اللهم يافارج الهم وياكاشف الغم فرج همي ويسر امري وارحم ضعفي وقلة حيلتي وارزقني من حيث لااحتسب يارب العالمين ياارحم الراحمين
لقضاء الحوائج و المهمات سورة المزمل
 
 تقرأ (أحد عشر يوماً) كل يوم (أحد عشر مرة) بعد صلاة الصبح
ويقرأ كل يوم هذا الدعاء (أحد عشر مرة):
 
يا مسبّب سبّب ، يا مفتّح فتّح ، يا مفرّج فرّج ، يا مدبّر دبّر ، يا مسهّل سهّل ، يا ميسّر يسّر ، يا متمّم تمّم برحمتك يا أرحم الراحمين

غير متصل كلي امل

  • مبدع قسم الهجرة
  • عضو مميز
  • *
  • مشاركة: 1541
    • مشاهدة الملف الشخصي
مرحبا شونكم اخواني شونك اخويه الفريدو الصحه والسلامة يارب ،،، اخويه العاشق شسويت والله بالي يمك مخابروك بعد ، معرفت تقابل القنصل الله يسهل امرك والله بالي يمك عود بشرنا

غير متصل man8484

  • عضو فعال
  • **
  • مشاركة: 45
    • مشاهدة الملف الشخصي
اخوية الفاتح
اشكرك على معلوماتك بس احب اعرف اللي ديخابروهم هسة على المقابلات من عمان؟
وبدو بلي مقدمين اوراقهم بشهر التاسع ؟ وشونها المقابلة دينطوهم فحص طبي ؟ وهمة جماعة اليوان لو كفالات ؟


وشكرا هواااية

غير متصل man8484

  • عضو فعال
  • **
  • مشاركة: 45
    • مشاهدة الملف الشخصي
اخواني بس احب اسال
اني مقدم كفالة الى كندا ومن قدمت كفالة رادو ورقة من اليوان فقدمت لليو ان عادي وحاليا شغلتنا مال يوان دتمشي على امريكا ووصلنا فحص طبي وكندا بعد لحد الان ممخابرينا بس اريد اسال انو هسة اذا يخابرونا يكولولنا لازم تختار لو كندا لو امريكا لو شون الاجراءات بلضبط لو اتوماتيكيا ملفي مال امريكا راح ينلغي ؟انتو شنو رايكم  امريكا احسن انتظر لو ابقا على كندا  لان بامريكا راح تكون على اليوان والمساعدات موجودة اما اذا رحت كفالة على كندا ماكو اي مساعدات فحاير اني اذا خابرونا سفارة كندية نكللهم الغوها لو لا؟
وشكرا الكم

غير متصل man8484

  • عضو فعال
  • **
  • مشاركة: 45
    • مشاهدة الملف الشخصي
اخواني احد سمع انو جماعة عمان الكفالت الكنسية والخماسية ديبدون يخابروهم؟

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
اخواني بس احب اسال
اني مقدم كفالة الى كندا ومن قدمت كفالة رادو ورقة من اليوان فقدمت لليو ان عادي وحاليا شغلتنا مال يوان دتمشي على امريكا ووصلنا فحص طبي وكندا بعد لحد الان ممخابرينا بس اريد اسال انو هسة اذا يخابرونا يكولولنا لازم تختار لو كندا لو امريكا لو شون الاجراءات بلضبط لو اتوماتيكيا ملفي مال امريكا راح ينلغي ؟انتو شنو رايكم  امريكا احسن انتظر لو ابقا على كندا  لان بامريكا راح تكون على اليوان والمساعدات موجودة اما اذا رحت كفالة على كندا ماكو اي مساعدات فحاير اني اذا خابرونا سفارة كندية نكللهم الغوها لو لا؟
وشكرا الكم

اخي مان اهلا وسهلا بيك

بصراحه نصيحتي عصفور باليد خير من 10 على الشجره

ماطول شغلة امريكا واصله حدها توكل على الله وسافر لان ماتعرف الضروف شلون تصير واذا تريد تنتظر كندا فشغلتها من يوم تعبئة الفورمات يرادلك مو اقل من سنه واذا انته تريد كندا فتكدر تدخلها من بعد وصولك الى امريكا بسنه يعني من تستلم الكرين كارد واي استفسار اني بالخدمه


اخوك : الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
مرحبا شونكم اخواني شونك اخويه الفريدو الصحه والسلامة يارب ،،،


كل الهلا ومنور الموضوع بدخولك

الله يوفقك وشكرا على سؤالك عني


اخوك : الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
اخواني اخواتي نظرا لكثرة الاسئله على الخاص بخصوص الكفاله الخماسيه والكنائسيه

اقدم لكم شرح كامل عن الكفاله الخماسيه والكنائسيه للفائده العامه


الكفاله الخماسيه :


1-   يجب أن يكون الكفلاء ذوي أعمال دائمه (أو متقاعدين) وبمجموع معين للرواتب ومحاسبين الضرائب وبحد أدنى لمبلغ الكفاله كما محدد في الصفحه 3 من الفورمه المرقمه  IMM5373AE اللي لازم يمليهه الكفلاء (بالأمكان الحصول على الفورمه من البحث في الكوكل).

2-   الكفلاء هم من يتولى الصرف على العائله المكفوله خلال السنه الأولى لأن العائله لن تستلم اية مساعدات من الحكومه الكنديه عدا المبلغ المساوي لما يتقاضاه اللاجئ على ال UN للأطفال القاصرين، ولا تستلم العائله بدل ايجار أو أثاث.

3-   بعد السنه الأولى تحصل العائله المكفوله على نفس أمتيازات لاجئي الأمم المتحده.

4-   بالنسبه للأقامه الدائمه وشروط الحصول على الجنسيه فهي نفس مامتبع مع لاجئي الأمم المتحده.

5-   على العائله أن تستقر في منطقة الكفلاء على الأقل في البدايه كما يجب أن يكون الكفلاء من نفس المنطقه، يعني مثلا كلهم من تورنتو

6-   بعد أن تقبل الحكومه المحليه طلب الكفلاء (أما أن تقوم العائله المكفوله بملء الفورمات التي هي نفس فورمات اللاجئين وترسلها للكفلاء ليقدموها مع الكفاله من كندا أو أن تقوم العائله المكفوله بملئها في البلد الذي هي فيه: الأردن، سوريا، لبنان، ....الخ ) تقوم بأرسالها لوزارة الهجره التي تحولها لوزارة الخارجيه التي تقوم بدورها بأرسالها للسفاره الكنديه في البلد الذي تتواجد فيه العائله المكفوله.

7-    باقي الأجراأت هي نفس مامتبع مع لاجئي الأمم المتحده يعني ينتظرون الأتصال لغرض المقابله والباقي انت أعرف بيه.



اما الكفاله الكنائسيه فهي :

1- يذهب الكفيل الى الكنيسه المختصه بالهجره ويقدم طلب لسحب العائله او الشخص المعني

2- على الكفيل  احضار ورقه تثبت انه يعمل بمبلغ مو اقل من 25000$ في السنه  ويقدمها الى الكنيسه

3- الكنيسه تسحب العوائل او الاشخاص الاسلام والمسيحين ولا توجد اي تفرقه بين الطوائف نهائيا

4- في كل ولايات كندا ماعدى البرتا تخصص الكنيسه مبلغ معين حسب عدد العائله او اذا كان شخص واحد ويجب على المكفول ارسال المبلغ وسوف يرد على العائله او الشخص بشكل راتب شهري ولمدة سنه حتى لا يتضايقو من دفع الايجار وبنفس الوقت تكون الكنيسه مطمئنه عليهم انهم يستطيعون ان يعيلو نفسهم في السنه الاولى

5- في  اول سنه  العائله لن تستلم اية مساعدات من الحكومه الكنديه عدا المبلغ المساوي لما يتقاضاه اللاجئ على ال UN للأطفال القاصرين، ولا تستلم العائله بدل ايجار أو أثاث. بعد السنه الأولى تحصل العائله المكفوله على نفس أمتيازات لاجئي الأمم المتحده.


6- بالنسبه للأقامه الدائمه وشروط الحصول على الجنسيه فهي نفس مامتبع مع لاجئي الأمم المتحده.

اتمنى ان اكون قد وفقت بنقل تفاصيل الكفالات



اخوكم : الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل Blondy Sandy

  • عضو فعال جدا
  • ***
  • مشاركة: 75
    • مشاهدة الملف الشخصي
مساء الخير
عندي سوال الى الهجرة الى كندا او ما يعرف حاليا بالكنسية اريد اعف شكد اطول من تصدر الموافقة من الكنيسة بالنسبة لشاب وحدة  او للعائلة يعني كم شهر الى حد موعد السفر
و صدك هي تعتبر هجرة مو لجوء يعني واحد من يوصل يكدر مباشرتا يقدم على كارت  الاقامة و يكدر يسافر برة كندا خلال 3 اشهر؟
و اذا عدكم اي معلومات اضافية او لنكات او نصائح تفيدوني بيها اكوووووووووون جدا مشكووووووووووووور

غير متصل شمعة

  • عضو مميز
  • ****
  • مشاركة: 1513
    • مشاهدة الملف الشخصي
اخي Blondy Sandy

انا قلت لك في موضوعك الاول ان تدخل على موضوع اخونا وحبيبنا الفريدو وسوف تجد فيه كل ما يخص  الكفاله الكنسيه ولحسن حظك الاخ الفريدو اعاد نشر الموضوع مره اخرى وانت بعده مباشرة تسال نفس السؤال اخي العزيز ...

ارجو منك ان تقرا موضوع الاخ  ابو هاجر الكنديه ( يعني الفريدو لان اسم ابو هاجر هو اسمه الفني  ;D ;D  راح تتعود عليه بعدين ;D ;D)  وسوف تجد قيه اجابه على استفساراتك ..


تحياتي

شمعه

غير متصل man8484

  • عضو فعال
  • **
  • مشاركة: 45
    • مشاهدة الملف الشخصي
اخواني بس احب اسال
اني مقدم كفالة الى كندا ومن قدمت كفالة رادو ورقة من اليوان فقدمت لليو ان عادي وحاليا شغلتنا مال يوان دتمشي على امريكا ووصلنا فحص طبي وكندا بعد لحد الان ممخابرينا بس اريد اسال انو هسة اذا يخابرونا يكولولنا لازم تختار لو كندا لو امريكا لو شون الاجراءات بلضبط لو اتوماتيكيا ملفي مال امريكا راح ينلغي ؟انتو شنو رايكم  امريكا احسن انتظر لو ابقا على كندا  لان بامريكا راح تكون على اليوان والمساعدات موجودة اما اذا رحت كفالة على كندا ماكو اي مساعدات فحاير اني اذا خابرونا سفارة كندية نكللهم الغوها لو لا؟
وشكرا الكم

اخي مان اهلا وسهلا بيك

بصراحه نصيحتي عصفور باليد خير من 10 على الشجره

ماطول شغلة امريكا واصله حدها توكل على الله وسافر لان ماتعرف الضروف شلون تصير واذا تريد تنتظر كندا فشغلتها من يوم تعبئة الفورمات يرادلك مو اقل من سنه واذا انته تريد كندا فتكدر تدخلها من بعد وصولك الى امريكا بسنه يعني من تستلم الكرين كارد واي استفسار اني بالخدمه


اخوك : الفريدو
زين بالنسبه  للكفاله الكنيسه طلبت فلوس كضمان يرجع بعد سنه من دخولنا كندا ..هاي الفلوس اذا لغيت الكفاله تروح لو ترجع الي؟
بالنسبه الى امريكا شراح يصير بيها اذا قابلت بالسفاره الكنديه راح يتوقف الملف لو ما راح يتاثر
و اذا ردت الغي الكفاله شلون الغيها بمنو اتصل...
والله حاير كلش

شكرررررا

غير متصل abu shahed

  • عضو مميز
  • ****
  • مشاركة: 1100
    • مشاهدة الملف الشخصي
UP
((  وَلَسَوْفَ يُعْطِيكَ رَبُّكَ فَتَرْضَى  ))

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
مساء الخير
عندي سوال الى الهجرة الى كندا او ما يعرف حاليا بالكنسية اريد اعف شكد اطول من تصدر الموافقة من الكنيسة بالنسبة لشاب وحدة  او للعائلة يعني كم شهر الى حد موعد السفر
و صدك هي تعتبر هجرة مو لجوء يعني واحد من يوصل يكدر مباشرتا يقدم على كارت  الاقامة و يكدر يسافر برة كندا خلال 3 اشهر؟
و اذا عدكم اي معلومات اضافية او لنكات او نصائح تفيدوني بيها اكوووووووووون جدا مشكووووووووووووور

اخي العزيز بصراحه انا استغرب عن هذه الاسئله يعني لو تعب نفسك نصف ساعه وتتصفح بالموضوع كان لقيت كل هاي الاجوبه مكرره عدة مرات ومع ذلك راح اجاوبك

الشغله تطول من سنه الى سنه ونصف للعائله او الاعزب لا يوجد فرق

اكيد تعتبر مو لجوء ومميزاتك تختلف عن اللاجيء وتكدر تتمعن بالتفصيل الي نزلته قبل يومين

واما عن كارد الاقامه فهو يصلك بخلال شهر الى شهرين من دخولك كندا

وبعدك ما واصل كندا تريد تسافر منها ؟؟

طبعا بخلال اول 6 شهور من تسافر تصير عليك نقطه او ما يسمى متابعه لان العرب بصوره عامه اذا سافرو بالسنه الاولى هذا مو من صالحهم لان انته تعتبر مضطهد ومهدد وماتكدر تعيش في البلدان العربيه خوفا من التسفير القسري ومن توصل تريد تسافر يعني تتصور كندا مايعرفون شي او مافاهمين القصص الي نرويها الهم بالمقابله ؟؟ليش اجيت وليش تسافر ؟؟ هذا الشي مو سهل بس انته تكدر تسافر وهاي الامور ماتحس بيها حاليا بس بعدين بخلال بقائك في كندا راح تعرف اضرارها


اخوك : الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
اخي Blondy Sandy

انا قلت لك في موضوعك الاول ان تدخل على موضوع اخونا وحبيبنا الفريدو وسوف تجد فيه كل ما يخص  الكفاله الكنسيه ولحسن حظك الاخ الفريدو اعاد نشر الموضوع مره اخرى وانت بعده مباشرة تسال نفس السؤال اخي العزيز ...

ارجو منك ان تقرا موضوع الاخ  ابو هاجر الكنديه ( يعني الفريدو لان اسم ابو هاجر هو اسمه الفني  ;D ;D  راح تتعود عليه بعدين ;D ;D)  وسوف تجد قيه اجابه على استفساراتك ..


تحياتي

شمعه

اخويه الغالي ابو احمد الورده ( شمعه ) منور الموضوع

احيي روح الاخوه الي تملكها ياطيب وربي يوفقك وينطيك على كد نيتك ياربي



اخوك : الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
اخواني بس احب اسال
اني مقدم كفالة الى كندا ومن قدمت كفالة رادو ورقة من اليوان فقدمت لليو ان عادي وحاليا شغلتنا مال يوان دتمشي على امريكا ووصلنا فحص طبي وكندا بعد لحد الان ممخابرينا بس اريد اسال انو هسة اذا يخابرونا يكولولنا لازم تختار لو كندا لو امريكا لو شون الاجراءات بلضبط لو اتوماتيكيا ملفي مال امريكا راح ينلغي ؟انتو شنو رايكم  امريكا احسن انتظر لو ابقا على كندا  لان بامريكا راح تكون على اليوان والمساعدات موجودة اما اذا رحت كفالة على كندا ماكو اي مساعدات فحاير اني اذا خابرونا سفارة كندية نكللهم الغوها لو لا؟
وشكرا الكم

اخي مان اهلا وسهلا بيك

بصراحه نصيحتي عصفور باليد خير من 10 على الشجره

ماطول شغلة امريكا واصله حدها توكل على الله وسافر لان ماتعرف الضروف شلون تصير واذا تريد تنتظر كندا فشغلتها من يوم تعبئة الفورمات يرادلك مو اقل من سنه واذا انته تريد كندا فتكدر تدخلها من بعد وصولك الى امريكا بسنه يعني من تستلم الكرين كارد واي استفسار اني بالخدمه


اخوك : الفريدو
زين بالنسبه  للكفاله الكنيسه طلبت فلوس كضمان يرجع بعد سنه من دخولنا كندا ..هاي الفلوس اذا لغيت الكفاله تروح لو ترجع الي؟
بالنسبه الى امريكا شراح يصير بيها اذا قابلت بالسفاره الكنديه راح يتوقف الملف لو ما راح يتاثر
و اذا ردت الغي الكفاله شلون الغيها بمنو اتصل...
والله حاير كلش

شكرررررا


اخي انته واصل فحص طبي امريكا بعد ليش تورط نفسك بالكفاله كندا ؟؟؟

انتظر شغلة امريكا اذا ضبطت توكل على الله واذا ماصارت بلش بكفالة كندا مو احسن الك حتى لا تورط نفسك

اخوك : الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل man8484

  • عضو فعال
  • **
  • مشاركة: 45
    • مشاهدة الملف الشخصي

اخي الفريدو
شكرا هواية ودضوجك هواية  بس مشكلتي اني من جيت عمان قدمت كفالة كنسية لان كلت شغلة امريكا مال يوان تطول وماتعرف شكد والحصيلة حاليا فحصنا طبيا  مال امريكا وكندا ممخابرينا نتوقع هسة يخابرونا  لان اكو اشاعة القنصل من سوريا اجا وبد\ت المقابلات هسة اول سوال يسالونا ياهو تريد امريكا لو كندا فاني مليوصة عندي خطين مادري منو الغي وابقا على منو اخاف الغي الكفالة هلمرة اليوان تجر وتعر وحاليا مداسمع يسفرون لامريكا فاني هواية محتار هسة اعرف اول شي تكولون هذا شكد بطران العالم دتتوسل على وحدة بس  هاي اللي صار واللي ممتوقعة ابد خاصة دافكر اذا اني اطلع كفالة من اول يوم اصرف على حالي وعندي طفل وافكر بامريكا اليو\ان يساعدني ومناحية اكول اخاف كندا احسن من امريكة شتنصحوني ؟شسوي

اخر شي راح اخسر الاخضر واليابس وابقا هنا


مقتبس من: الفريدو link=topic=309907.msg5216274#msg5216274 date=1308024914
[quote author=man8484 link=topic=309907.msg5213915#msg5213915 date=1307901608
اخواني بس احب اسال
اني مقدم كفالة الى كندا ومن قدمت كفالة رادو ورقة من اليوان فقدمت لليو ان عادي وحاليا شغلتنا مال يوان دتمشي على امريكا ووصلنا فحص طبي وكندا بعد لحد الان ممخابرينا بس اريد اسال انو هسة اذا يخابرونا يكولولنا لازم تختار لو كندا لو امريكا لو شون الاجراءات بلضبط لو اتوماتيكيا ملفي مال امريكا راح ينلغي ؟انتو شنو رايكم  امريكا احسن انتظر لو ابقا على كندا  لان بامريكا راح تكون على اليوان والمساعدات موجودة اما اذا رحت كفالة على كندا ماكو اي مساعدات فحاير اني اذا خابرونا سفارة كندية نكللهم الغوها لو لا؟
وشكرا الكم

اخي مان اهلا وسهلا بيك

بصراحه نصيحتي عصفور باليد خير من 10 على الشجره

ماطول شغلة امريكا واصله حدها توكل على الله وسافر لان ماتعرف الضروف شلون تصير واذا تريد تنتظر كندا فشغلتها من يوم تعبئة الفورمات يرادلك مو اقل من سنه واذا انته تريد كندا فتكدر تدخلها من بعد وصولك الى امريكا بسنه يعني من تستلم الكرين كارد واي استفسار اني بالخدمه


اخوك : الفريدو
زين بالنسبه  للكفاله الكنيسه طلبت فلوس كضمان يرجع بعد سنه من دخولنا كندا ..هاي الفلوس اذا لغيت الكفاله تروح لو ترجع الي؟
بالنسبه الى امريكا شراح يصير بيها اذا قابلت بالسفاره الكنديه راح يتوقف الملف لو ما راح يتاثر
و اذا ردت الغي الكفاله شلون الغيها بمنو اتصل...
والله حاير كلش

شكرررررا


اخي انته واصل فحص طبي امريكا بعد ليش تورط نفسك بالكفاله كندا ؟؟؟

انتظر شغلة امريكا اذا ضبطت توكل على الله واذا ماصارت بلش بكفالة كندا مو احسن الك حتى لا تورط نفسك

اخوك : الفريدو
[/quote]

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
الف شكر عزيزتي ريم

اني ممنون منك على كلامك الطيب وانتي كدها وكدود وربي ما يشوفك شر انشالله

وسلامتك الف سلامه

فريد الحمدلله والشكر يتحسن يوم بعد اخر ونحمد الله على كل شي


نورتينا ريومه بدخولك الموضوع عزيزتي



الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
شكرا عزيزتي ريم والله يوفقك ياربي


اخواني اخواتي شو ماكو صوت اليوم ؟؟

مشتاقين نسمع اخباركم الطيبه




اخوكم : الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل زيتونه وليمونه

  • عضو فعال جدا
  • ***
  • مشاركة: 102
    • مشاهدة الملف الشخصي
السلام عليكم جميعا والله ماكو شي اذا هي اهنا بسوريا مظاهر ات التأييد كلها باوتستراد المزه يعني مقابل السفاره الكنديه شوكت لعد راح يشتغلون والله متنا يردون اشتغل الهم حرس للموظفين بس المهم يخلصون ملفاتنا :'(

غير متصل man8484

  • عضو فعال
  • **
  • مشاركة: 45
    • مشاهدة الملف الشخصي

اخي الفريدو
شكرا هواية ودضوجك هواية  بس مشكلتي اني من جيت عمان قدمت كفالة كنسية لان كلت شغلة امريكا مال يوان تطول وماتعرف شكد والحصيلة حاليا فحصنا طبيا  مال امريكا وكندا ممخابرينا نتوقع هسة يخابرونا  لان اكو اشاعة القنصل من سوريا اجا وبد\ت المقابلات هسة اول سوال يسالونا ياهو تريد امريكا لو كندا فاني مليوصة عندي خطين مادري منو الغي وابقا على منو اخاف الغي الكفالة هلمرة اليوان تجر وتعر وحاليا مداسمع يسفرون لامريكا فاني هواية محتار هسة اعرف اول شي تكولون هذا شكد بطران العالم دتتوسل على وحدة بس  هاي اللي صار واللي ممتوقعة ابد خاصة دافكر اذا اني اطلع كفالة من اول يوم اصرف على حالي وعندي طفل وافكر بامريكا اليو\ان يساعدني ومناحية اكول اخاف كندا احسن من امريكة شتنصحوني ؟شسوي

اخر شي راح اخسر الاخضر واليابس وابقا هنا


مقتبس من: الفريدو link=topic=309907.msg5216274#msg5216274 date=1308024914
[quote author=man8484 link=topic=309907.msg5213915#msg5213915 date=1307901608
اخواني بس احب اسال
اني مقدم كفالة الى كندا ومن قدمت كفالة رادو ورقة من اليوان فقدمت لليو ان عادي وحاليا شغلتنا مال يوان دتمشي على امريكا ووصلنا فحص طبي وكندا بعد لحد الان ممخابرينا بس اريد اسال انو هسة اذا يخابرونا يكولولنا لازم تختار لو كندا لو امريكا لو شون الاجراءات بلضبط لو اتوماتيكيا ملفي مال امريكا راح ينلغي ؟انتو شنو رايكم  امريكا احسن انتظر لو ابقا على كندا  لان بامريكا راح تكون على اليوان والمساعدات موجودة اما اذا رحت كفالة على كندا ماكو اي مساعدات فحاير اني اذا خابرونا سفارة كندية نكللهم الغوها لو لا؟
وشكرا الكم

اخي مان اهلا وسهلا بيك

بصراحه نصيحتي عصفور باليد خير من 10 على الشجره

ماطول شغلة امريكا واصله حدها توكل على الله وسافر لان ماتعرف الضروف شلون تصير واذا تريد تنتظر كندا فشغلتها من يوم تعبئة الفورمات يرادلك مو اقل من سنه واذا انته تريد كندا فتكدر تدخلها من بعد وصولك الى امريكا بسنه يعني من تستلم الكرين كارد واي استفسار اني بالخدمه


اخوك : الفريدو
زين بالنسبه  للكفاله الكنيسه طلبت فلوس كضمان يرجع بعد سنه من دخولنا كندا ..هاي الفلوس اذا لغيت الكفاله تروح لو ترجع الي؟
بالنسبه الى امريكا شراح يصير بيها اذا قابلت بالسفاره الكنديه راح يتوقف الملف لو ما راح يتاثر
و اذا ردت الغي الكفاله شلون الغيها بمنو اتصل...
والله حاير كلش

شكرررررا


اخي انته واصل فحص طبي امريكا بعد ليش تورط نفسك بالكفاله كندا ؟؟؟

انتظر شغلة امريكا اذا ضبطت توكل على الله واذا ماصارت بلش بكفالة كندا مو احسن الك حتى لا تورط نفسك

اخوك : الفريدو
[/quote]
شكرا اخي الفريو على اجاباتك تعبتك وياي..بس الشغله مومثل ما مفتهمه اني اصلا قدمت على كفاله من شهر 11-2010 و جنت متوقع كندا تصير اسرع لانة الي جنت اسمعه دائما انة اليو ان شغلته داجه و ما تنحزر ..و باخر شي كندا الى هسه انتظار للمقابله و امريكا وصلت فحص طبي و بانتظار الامنيه تهل علينا
لهذا اني حاير ..اكيد اكو ناس مثل حالتي

شكرا

غير متصل ام حمزة

  • عضو فعال جدا
  • ***
  • مشاركة: 85
    • مشاهدة الملف الشخصي
    • البريد الالكتروني
السلام عليكم شلون الاخوة والاخوات الاعزاء اولا الحمد لله على سلامة حمودي ابن اخونا الفريدو طهور ان شاء الله ومبارك لاختنا ام عبدالله وسؤالي عن كل اخواني واخواتي والله يسهل امر الجميع وصلنا الحمد لله لاوتاوا بعد تعب بالطريق  ونسكن حاليافي مبنى الضيافة مبنى بسيط ليس بالطموح بس نكول الحمد لله على كل حال صار عدنا اشكال في مطار تورنتو مو بس اني وانما كل العوائل اللي معانا وهي انه الطيران الداخلي مايقبل المسافر يجيب وياه حقائب 2 لكل شخص وانما حقيبة وحدة في الوقت اللي ركزوا الاي اوم انه لازم حقيبتين كل وحدة 23 كيلو ودفعنا عن كل حقيبة 20 دولار فارجو من الاخوان في سوريا يناقشون الاي اوام بالموضوع ويحلون هذا الاشكال حتى لايصير معهم مثل اللي صار معانا ومع بقية العوائل  احنا وصلنا بالليل وثاني يوم الصبح انطونا 100 دولار كندي وذهبنا اللى عمل بطاقة التامين الصحي والضمان الاجتماعي وننتظر الكارتات لانه ماتصدر بنفس اليوم والاخوان اللي راح يجون بالسلامة خلي يصرفون فلوسهم دولارات يكات اخاف يحتاجون يشترون شي بالترانزيت  واي استفسار اني بالخدمةوسوف اوفيكم بكل جديد اختكم ام حمزة سوريا سابقا ههههههههههههههههه اوتاوا حاليا

غير متصل ــــ{{{ABADY}}}ـــــ

  • مبدع قسم الهجرة
  • عضو مميز جدا
  • *
  • مشاركة: 4167
  • ما على الدنيا عتب كل مافيها امانى,,,
    • مشاهدة الملف الشخصي
مبروك اختى ام حمزه



الله يسهل امرك وامرنا


صح أنجرحنه نعم بس هذا مو مقياس... النخل من ينجرح ميشتكي من فاس
طبع النخل يرتفع ويضل شامخ الراس... ومايهزه زمن ولا عدو ولا كل الناس
عذرا "فيثاغورس" :العراق هو المعادلة الأصعب
عذرا "نيوتن" : بغداد هي التي تجذبنا
عذرا"ديكارت" : أنا عراقي إذاً أنا موجود
عذراً "دافنشي ": ال

غير متصل الصابر على القهر

  • عضو
  • *
  • مشاركة: 15
    • مشاهدة الملف الشخصي
السلام عليكم رحمه على والديكم شكد تطول بعد المقابله وينطون الجواب اني مثل ما كتبت انو قابلت قبل 10 ايام في السفاره الكنديه في مصر والي قابلتني كالتلي خلال اسبوعين نطيك الجواب هل من الممكن ان تعطيني الجواب خلال هاي الفتره لو اكثروهل ان لم يتصلو بي اذهب للسفاره واستفسر منهم لو انتظر مع شكري واعتزازي للكل

غير متصل اسامة الجميلي

  • عضو فعال جدا
  • ***
  • مشاركة: 169
  • الجنس: ذكر
  • بغداد لالاتتالمي
    • مشاهدة الملف الشخصي
مبروك الف مبروك على سلامة الوصول ام حمزة وانشاء الله تسهل اموركم في بيت الضيافة تحياتي










ابو هيا_______ الاردن
التوكل على الله

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
اختي ام حمزه الف الف الف مبروك والحمدلله على سلامتك

تسلمين على هذه المعلومات الراقيه ولكن لاول مره يتم محاسبة الطيران الداخلي لانكم ترانزيت واصلين وهذا نصيبكم وانشالله الاستقرار والسعاده في عاصمة كندا اوتاوا وشايفه كل الخير اختي


ننتظر منك المعلومات من اوتاوا والف مبروك مره ثانيه





اخوك : الفريدو    وهاي احلى هلهوله بسلامة وصولكم
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل شمعة

  • عضو مميز
  • ****
  • مشاركة: 1513
    • مشاهدة الملف الشخصي
مبرووووووووووووووك لاخونا الفريدو ابو احمد ...

اخواني قبل دقائق كنت على اتصال مباشر عبر الاقمار الصناعيه  ;D ;D ;D ;D  مع الاخ والحبيب الغالي ورفيق الدرب الفريدو ابو احمد

وكان فرحان ومسرور لان اليوم حفلة تخرج ابنه ...  وادعوله بالخير لان يستاهل الخير .. ويوم زواج هاجر الكنديه  ;D ;D ولو  مهرها عالي لان كنديه وعدكم الحساب  ;D ;D ;D ;D


تحياتي  وتبريكاتي لاخونا الفريدو الورده ...


اخوكم شمعه

غير متصل abu shahed

  • عضو مميز
  • ****
  • مشاركة: 1100
    • مشاهدة الملف الشخصي
السلام عليكم شلون الاخوة والاخوات الاعزاء اولا الحمد لله على سلامة حمودي ابن اخونا الفريدو طهور ان شاء الله ومبارك لاختنا ام عبدالله وسؤالي عن كل اخواني واخواتي والله يسهل امر الجميع وصلنا الحمد لله لاوتاوا بعد تعب بالطريق  ونسكن حاليافي مبنى الضيافة مبنى بسيط ليس بالطموح بس نكول الحمد لله على كل حال صار عدنا اشكال في مطار تورنتو مو بس اني وانما كل العوائل اللي معانا وهي انه الطيران الداخلي مايقبل المسافر يجيب وياه حقائب 2 لكل شخص وانما حقيبة وحدة في الوقت اللي ركزوا الاي اوم انه لازم حقيبتين كل وحدة 23 كيلو ودفعنا عن كل حقيبة 20 دولار فارجو من الاخوان في سوريا يناقشون الاي اوام بالموضوع ويحلون هذا الاشكال حتى لايصير معهم مثل اللي صار معانا ومع بقية العوائل  احنا وصلنا بالليل وثاني يوم الصبح انطونا 100 دولار كندي وذهبنا اللى عمل بطاقة التامين الصحي والضمان الاجتماعي وننتظر الكارتات لانه ماتصدر بنفس اليوم والاخوان اللي راح يجون بالسلامة خلي يصرفون فلوسهم دولارات يكات اخاف يحتاجون يشترون شي بالترانزيت  واي استفسار اني بالخدمةوسوف اوفيكم بكل جديد اختكم ام حمزة سوريا سابقا ههههههههههههههههه اوتاوا حاليا

الحمد الله على السلامه اختي العزيزه ام حمزه ربي يسر امركم بحياتكم الجديده بأذن الله
((  وَلَسَوْفَ يُعْطِيكَ رَبُّكَ فَتَرْضَى  ))

غير متصل الخنساء ام عبدالله

  • عضو فعال
  • **
  • مشاركة: 42
    • مشاهدة الملف الشخصي
عزيزتي الاخت ام حمزة
الف مليون ترليون مبروك على سلامة الوصول ان شاء الله حياة جديدة ملئها السعادة والنجاح
يارب يسر أمر جميع الاخوة اللي دينتظرون وفرج كربتهم آمين
اذا الشعب يوما اراد الحياة فلابد ان يستجيب القدر

غير متصل زيتونه وليمونه

  • عضو فعال جدا
  • ***
  • مشاركة: 102
    • مشاهدة الملف الشخصي
السلام عليكم اخوان شلونكم جميعا
مبروك اخويا الفريدو على تخرج الحلو ويار ب احسن جامعه
الحمدلله عالسلامه اختنا ام حمزه وانشاء الله حياة جديده بيها تحقيق كل الاماني وراحة البال اهم شي

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
اخويه شمعه اشكرك من كل قلبي وبصراحه حتى الصحاف ماكان عنده هيج اخبار سريعه  ;D ;D ;D ;D ;D ;D يعني قبل ماتبدي الحفله الخبر نزل  ;D ;D ;D ;D ;D ;D ;D  الله يوفقك اخويه الغالي

اشكرك اختي زيونه وليمونه وربي يوفقك وييسر امرك

اخواني السلام عليكم اتمنى اسمع اخبارك الطيبه وتفرحونه بخبر حلو خلينه نفرح شويه






اخوكم : الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل اسامة الهاشمي

  • مبدع قسم الهجرة
  • عضو مميز
  • *
  • مشاركة: 1577
  • الجنس: ذكر
    • مشاهدة الملف الشخصي
الف مبروك والف الحمد لله على سلامة لوصول اختنا الغالية ام حمزة وان شاء الله ترتاحون وتستقرون بولايتكم الجديدة يا رب ندعيلكم ان رب العالمين يسهل امركم وامرنا وان شاء الله تحقيق كل امانيكم يا رب .


الف الف الف مبروك تخرج الغالي ابن الغالي وان شاء الله تخرجه من احسن الجامعات الي بالعالم يا رب ويفرح اهله دووووم



ابو نور / سوريا
بغداد وما تلاكي عاشقاً فانتي من رسم للحب معنى

غير متصل شكوماكو

  • عضو فعال جدا
  • ***
  • مشاركة: 745
    • مشاهدة الملف الشخصي
حبيبي واخي العزيز الفريدو ( أبو احمد) الف مبروك على تخرج ولدكم الغالي علينا  ويارب يوم اللي نشوفة من اكبر الاطباء

غير متصل الفاتح

  • عضو فعال جدا
  • ***
  • مشاركة: 78
  • الجنس: ذكر
  • إِنَّ مَعَ العُسرِ يُسرًا
    • مشاهدة الملف الشخصي
السلام عليكم لجميع الاعضاء
اختي ام حمزة الف مبروك لك الوصول بسلامة لارض الاحلام وان شاء الله تكون باب خير وسعادة لك ولجميع اسرتك امييييين

اخي العزيز الفريدو ابو احمد الف مليون ترليون مبروك تخرج فريد وان شاء الله يوم التفرح بتخرجه من الجامعة وزواجه ونكون حاظرين  بالزفة معك اني وبقية الاعضاء  اميييين  ;)  ويوم الي تفرح بدخول هاجر للمدرسة وتخرجها منها ان شاء الله يكتبلهم ويكتبلك كل الخير وتكون حياتك دوم فرح وسعادة وسرور 

واخي الصابر اخوي راح الكثير وما بقى الا القليل وان شاء الله هالاسبوع يخابروك ويبشروك بالموافقة ونسمع الهلاهل والعطلة الرسمية بمصر بمناسبة القبول ههههههه  ::)  ;D

طبعا ونتقدم بالشكر الجزيل والامتنان الى الاخ ( شمعة ) ( طير السعد   ;D ) لانه دوم ما يقصر وينا ويبشرنا بالاخبار الحلوة ونتمنى له كل الخير والله يوفقه ويسهل امره واحب اكولك اخوي شمعة انت دوم تظل ~ فـــلة شــمعة مــنورة ~   اكيد انت معانا  ;) :D :D
تحياتي
«اللهم إني عبدك، ابن عبدك، ابن أمتك، ناصيتي في يدك، ماض في حكمك، عدل في قضاؤك، أسألك بكل اسم هو لك، سميت به نفسك، أو أنزلته في كتابك، أو علمته أحدا من خلقك، أو استأثرت به في علم الغيب عندك أن تجعل القرآن ربيع قلبي، ونور بصري، وجلاء حزني، وذهاب همي، إلا أذهب الله همه وأبدل له مكان حزنه فرجا »

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
اخواني اني اشكركم من كل قلبي

اخويه اسامه ابو نور ربي يفرح قلبك وتفرحنه باخبارك الطيبه دوم ياربي

عبادي الورده ربي يفرجها عليك بعونه تعالى وانته تستاهل كل الخير ياطيب

اخويه شكو ماكو الله ييسر امرك يا طيب وانشالله الفرج عليكم قريب

اخويه الفاتح الله يفتحها عليك ياربي وتنال الي تريده بالقريب العاجل


اخواني صدكوني اني افرح من اسمع اخباركم الطيبه


ربي ييسر امركم جميعا بعونه تعالى



اخوكم : الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل aseel_msb

  • عضو فعال جدا
  • ***
  • مشاركة: 401
  • الله محبة
    • مشاهدة الملف الشخصي
اخوتي الاعزاء تحية و سلام

اختي ام حمزة الف الحمد لله على السلامة و يا ربي كل الموفقية بالحياة الجديدة

اخي الفريدو مبروك التخرج و يوم تشوف تخرجة من احسن الجامعات

عندي سؤال هل يؤثر السفر لكندا بالنسبة للحامل ؟

مع خالص شكري و تحياتي للجميع
اختكم اسيل -سوريا

غير متصل العاشق_1111

  • عضو فعال جدا
  • ***
  • مشاركة: 398
    • مشاهدة الملف الشخصي
السلام عليكم  شلونكم ياهلي ياعراقين ياناس ياطيبين انشاء لله الجميع بخير يارب
اخي ابو حمودي شلونك ياطيب شلونه فريد انشاء لله بخير يارب
اخي ابو عبدلله اشو ماكوا انشاء لله المانع خير
خالتي ام عبدلله الف الف مبروك
اخوان محتاج الاميل مال السفاره الكنديه الي بسوريا اذا احد يعرفه لان اتصلت بيهم كالت لازم تبعث مسج واحنا نرد عليك
اذا احد يعرفه لايبخل عليه  لله يحفظكم

غير متصل abu shahed

  • عضو مميز
  • ****
  • مشاركة: 1100
    • مشاهدة الملف الشخصي
الف الف مبروك تخرج ابنك اخويه الغالي ابو احمد ان شاء الله ربي شوفه متخرج من الجامعه وتفرح بزواجه اللهم امين
((  وَلَسَوْفَ يُعْطِيكَ رَبُّكَ فَتَرْضَى  ))

غير متصل abu shahed

  • عضو مميز
  • ****
  • مشاركة: 1100
    • مشاهدة الملف الشخصي
اخي العاشق  هذا ايميل السفاره الكنديه الي بسوريا ربي يسر امر الجميع

                damascus-im-enquiry@internatinal.gc.ca
((  وَلَسَوْفَ يُعْطِيكَ رَبُّكَ فَتَرْضَى  ))

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
اخوتي الاعزاء تحية و سلام

اختي ام حمزة الف الحمد لله على السلامة و يا ربي كل الموفقية بالحياة الجديدة

اخي الفريدو مبروك التخرج و يوم تشوف تخرجة من احسن الجامعات

عندي سؤال هل يؤثر السفر لكندا بالنسبة للحامل ؟

مع خالص شكري و تحياتي للجميع
اختكم اسيل -سوريا

اختي العزيزه اسيل اشكرك وربي ييسر امرك

اختي اسيل ماكو اي تاثير اذا كانت المراه حامل باقل من 7 شهور ولا تنسين لازم تكون معاها ورقه تثبت انها حامل وفي اي شهر لان مرات يسالون بالمطار وانشالله سهله لان عندي احد الاعضاء سافر قبل سنه وكانت زوجته حامل بشهر السابع واخذ ورقه من دكتور اختصاص ومختومه منه ومشت اموره عادي




اخوك : الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
اشكركم اخواني ياطيبين

تسلملي اخويه  العاشق وربي يوفقك واني اشكرك على سؤالك عني وانشالله ربي ييسر امرك يارب

الف شكر اخويه الغالي ابو شهد الورده وربي يوفقك ويخليلك شهوده الورده





اخوكم : الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل زيتونه وليمونه

  • عضو فعال جدا
  • ***
  • مشاركة: 102
    • مشاهدة الملف الشخصي
السلام عليكم شخباركم اشو ما اخبار حلوه بموضوعناياااااااااااااارب عن قريب جدا اسمع من اي عضو والله فرحه كبيره

غير متصل اسامة الهاشمي

  • مبدع قسم الهجرة
  • عضو مميز
  • *
  • مشاركة: 1577
  • الجنس: ذكر
    • مشاهدة الملف الشخصي
السلام عليكم

ان شاء الله الكل بخير يا رب
والله اخت زيتونة اني بالنسبة اليه مرت الاسبوعين وما اتصلو بيه على المقابله الثانية كالو اذا مرت اسبوعين وما اتصلنه بيك اتصل بينه انته (( يمكن ميردون يصرفون رصيد لو ما معبين وحدات موبايل )) ههههههه

اليوم دزيت الهم اميل (( للسفارة الكندية )) بلكي الله يسهل ويوفقنه ويوفقكم يا رب

ابو حمودي بشرنه فريد الغالي شلون صار ان شاء الله بخير يا رب


تحياتي

ابو نور / سوريا

بغداد وما تلاكي عاشقاً فانتي من رسم للحب معنى

غير متصل زيتونه وليمونه

  • عضو فعال جدا
  • ***
  • مشاركة: 102
    • مشاهدة الملف الشخصي
وعليكم السلام والرحمه جميعا وابو نور خصوصا يارب ماكو شي بس انه تعرف كلش زين شنو صارت احداث بهل الاسبوعين الحمدلله على كل شي بس صدقني بس تخلص هالهوسه لازم لازم يخابروك ويارب عن قريب ولتخاف واعرف بنيه نفس سالفتك اول شي قابلوهم 6-1-2011وما انطوهم فورمات وبشهر الثالث سوو الهم مقابلتين مقابلة فورمات ومقابلة توقيع قرض وبشهر الرابع سلمت جوازها يوم 28 وسافرت ايضا مع الاخت ام حمزه يوم 13-6 فلا اتخاف بس انته تعرف الامور كلها صارت خربطه ويارب تهدأ

غير متصل شموخ عراقية

  • مبدع قسم الهجرة
  • عضو فعال جدا
  • *
  • مشاركة: 208
    • مشاهدة الملف الشخصي
   السلام عليكم
اخواني اخواتي دعائي لكم بلصحه ودوام العافيه
اخي الفريدوو
حمدلله على سلامه  ولدك ولو متاخر بس ماكنت اعلم والحمدلله عدت على خير وصحه وسلامه لجميع العائله
جماعة مصر
هل منكم احد اتصلوو بيه السفاره الكنديه هلايام؟
ارجو كتابه ما يحصل معكم اختي مغتربه الفاتح وبقيه الاعضاء ياريت تتواصلون
تحياتي لكم جميعا

غير متصل الفاتح

  • عضو فعال جدا
  • ***
  • مشاركة: 78
  • الجنس: ذكر
  • إِنَّ مَعَ العُسرِ يُسرًا
    • مشاهدة الملف الشخصي
السلام عليكم
اختي شموخ ها وين هالغيبة صار زمان ماكو , عسى ما شر ؟؟
اختي هو بس الاخ صابر على القهر اتصلوا عليه قبل اسبوعين وكان علمود موعد المقابلة وهو من جماعة شهر 9 - 2010 يعني من جماعتنا .
اما بالنسبة الي و للاخت مغتربة فماكو اي جديد وننتظر الفرج القريب النا والج ولجميع الاعضاء ان شاء الله
ان شاء الله نسمع الاخبار الحلوة عن قريب
تحياتي للجميع
«اللهم إني عبدك، ابن عبدك، ابن أمتك، ناصيتي في يدك، ماض في حكمك، عدل في قضاؤك، أسألك بكل اسم هو لك، سميت به نفسك، أو أنزلته في كتابك، أو علمته أحدا من خلقك، أو استأثرت به في علم الغيب عندك أن تجعل القرآن ربيع قلبي، ونور بصري، وجلاء حزني، وذهاب همي، إلا أذهب الله همه وأبدل له مكان حزنه فرجا »

غير متصل مغتربة في مصر

  • عضو فعال جدا
  • ***
  • مشاركة: 147
  • الجنس: أنثى
  • لا اله الا انت سبحانك اني كنت من الظالمين
    • مشاهدة الملف الشخصي
شلونج عبورة ان شاء الله تكونين بخير
حبيبتي اليوم رحت للسفارة الكندية وكلتلي لسه شوية
كتلها صارلج 8 اشهر اتكليلي لسه شوية مو كلوبنا خلصت

شلونك اخوية الفاتح ان شاء الله تكون بخير

يافارج الهم وياكاشف الغم فرج همي ويسر امري وارحم ضعفي وقلة حيلتي وارزقني من حيث لااحتسب يارب العالمين ياارحم الراحمين
لقضاء الحوائج و المهمات سورة المزمل
 
 تقرأ (أحد عشر يوماً) كل يوم (أحد عشر مرة) بعد صلاة الصبح
ويقرأ كل يوم هذا الدعاء (أحد عشر مرة):
 
يا مسبّب سبّب ، يا مفتّح فتّح ، يا مفرّج فرّج ، يا مدبّر دبّر ، يا مسهّل سهّل ، يا ميسّر يسّر ، يا متمّم تمّم برحمتك يا أرحم الراحمين

غير متصل شموخ عراقية

  • مبدع قسم الهجرة
  • عضو فعال جدا
  • *
  • مشاركة: 208
    • مشاهدة الملف الشخصي
االسلام عليكم
مرحبا اخوي الفاتح والله يا اخوي ملتهين وطكت روحنه من الانتظار كل شهر اروح لليو ان اكضي نهار كامل علمود بس دقيقتين علشباك استفسر وارجع يعني اروح بليل احجز رقم وارجع للبيت وارجع اروح مره لخ انتظر شوكت يجي السره وكل هذا علمود سؤال واروح واجي نفس الشي
مغتربه يمعوده رحماك وينج خيه لا تلفون ولا موعد ولا ياهوو والله مغتربه عيوني مو زرك والله لا تخافين مني ههههه
هسه اريد اميل بيروت دا اراسلهم اني من يمي لان جماعه اليو ان ميدزون ولا يتواصلون وياهم ملتهين بعركات السودانيين
الي يعرف اميل المركز الاقليمي لا يبخل عليه
وتحياتي للجميع والله يسهل امركم يارب

غير متصل baghdad_eye

  • عضو فعال
  • **
  • مشاركة: 31
    • مشاهدة الملف الشخصي
    • البريد الالكتروني
السلام عليكم جميعا
ابشركم اخواني وابنائي الاعزاء وبالاخص الفريدو ومغتربة في مصر اليوم وقعنا القرض و استلمنا اوراق الفحص الطبي بعد انتظار سنة تقريبا من تاريخ اخر مقابلة ان شاء الله تفرج على الجميع

غير متصل شموخ عراقية

  • مبدع قسم الهجرة
  • عضو فعال جدا
  • *
  • مشاركة: 208
    • مشاهدة الملف الشخصي
السلام عليكم جميعا
ابشركم اخواني وابنائي الاعزاء وبالاخص الفريدو ومغتربة في مصر اليوم وقعنا القرض و استلمنا اوراق الفحص الطبي بعد انتظار سنة تقريبا من تاريخ اخر مقابلة ان شاء الله تفرج على الجميع


اخي عين بغداد انت في مصر؟

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
اختي العزيزه عبير ( شموخ عراقيه ) هلت علينه البركه

مشتاقين والله الك وحشه وينك ليش هاي الغيبه ؟؟ انشالله ربي يفرج همك وهم كل الاخوان

كل الهلا بيك اخويه العزيز ORKAY نورت الموضوع اخويه .. خلينه نسمع اخبارك الطيبه شو هم مختفي ؟؟ الله ييسر امرك ياربي






اخوكم :الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
السلام عليكم جميعا
ابشركم اخواني وابنائي الاعزاء وبالاخص الفريدو ومغتربة في مصر اليوم وقعنا القرض و استلمنا اوراق الفحص الطبي بعد انتظار سنة تقريبا من تاريخ اخر مقابلة ان شاء الله تفرج على الجميع

الف الف الف مبروك اخويه عين بغداد شايف كل الخير

هيج نريد اخبار تفرحنه .. انشالله الفرج للكل ياربي

الف مبروك مره ثانيه وانشالله البشاره الكبيره بيوم السفر





اخوك : الفريدو         وهاي احلى هلهوله مني لعيون بغداد بهاي المناسبه
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل ريتا60

  • عضو
  • *
  • مشاركة: 16
    • مشاهدة الملف الشخصي
بسم الله الرحمن الرحيم



اخي الفريدو اني زوجي عسكري في الجيش العراقي السابق برتبة عميد وقد قدمت هجرة الى كندا كفالة خماسية وقد قراءت قبل فترة في تعليق لك لاحد الاخوة انه لا يوجد موافقة لهجرة العسكرين السابقين نهائيا هذا التعليق احبط معنوياتنا جدددا علما اني قدمت معاملة الهجرة من بداية سنة2007وقد اكملنا جميع المتتطلبات من فحص طبي وبصمات الاصابع وحيث تم مقابلتنا ثلاث مرات اخرها كان في 9_5_2011اصبح لتقديمنا الان خمس سنوات ولا جواب ولا اتصال اكتب لهم فاكسات ولم يردوا على ايامنها

اخي الفريدو اني افكر ان اعمل كفالة جديدة وابدء باجراءات جديدة للهجرة ولا اذكر فيها ان زوجي كان عسكري واوكل محامي جديد هل يحق لي ذلك؟؟وهل استطيع عمل هذه الفكرة ام سيعرفون اني لدي طلب قديم ومثبت فيه انه عسكري

ارجوك اخي العزيز ان تساعدني وتنورني قبل ان اخسر اموال جديدة لكفالة جديدة ومحامي جديد اني في انتظار ردك بفارغ الصبرر ولا اخطو اي خطوة قبل ان اسمع رايك و نصيحتك

ولك جزيل الشكر والامتنان

غير متصل اسامة الهاشمي

  • مبدع قسم الهجرة
  • عضو مميز
  • *
  • مشاركة: 1577
  • الجنس: ذكر
    • مشاهدة الملف الشخصي
وعليكم السلام والرحمه جميعا وابو نور خصوصا يارب ماكو شي بس انه تعرف كلش زين شنو صارت احداث بهل الاسبوعين الحمدلله على كل شي بس صدقني بس تخلص هالهوسه لازم لازم يخابروك ويارب عن قريب ولتخاف واعرف بنيه نفس سالفتك اول شي قابلوهم 6-1-2011وما انطوهم فورمات وبشهر الثالث سوو الهم مقابلتين مقابلة فورمات ومقابلة توقيع قرض وبشهر الرابع سلمت جوازها يوم 28 وسافرت ايضا مع الاخت ام حمزه يوم 13-6 فلا اتخاف بس انته تعرف الامور كلها صارت خربطه ويارب تهدأ


الله كريم اختي العزيزة ربي يسمع منج ان شاء الله الخير الي يصيبني يصيب الكل يا رب 


ابو نور / سوريا
بغداد وما تلاكي عاشقاً فانتي من رسم للحب معنى

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
اختي ريتا السلام عليكم

طبعا اكيد ماتكدرين تسوين اي معامله ثانيه لان ملفك بالسفاره الكنديه وراح تبين واذا ماذكرتي عندك تقديم سابق فاكيد راح يكون ايكس عليكم وماراح تكدرون تدخلون كندا بالمستقبل نهائيا لان اهم شي عدهم الصدق واذا حسو اي تلاعب او كذبه فبهاي الحاله ماكو رحمه عدهم وراح يكون اسمكم عليه اشاره سوده وماراح تحصلون على اي موافقه نهائيا

اختي بصراحه شغلة الضباط بالنسبه الى كندا جدا صعبه لان يخافون من شغلات عسكريه لذلك من سنين لم اسمع بقبول اي ضابط طبعا هاي بالنسبه الى اللجوء واما عن شغلة الكفالات او الهجره بصراحه لا علم لي بهذا الموضوع

لكن اختي العزيزه كولي انشالله لان مثل ماكلتي انكم فاحصين ومكملين كلشي يعني لو رافضيكم جان ما سويتو فحص طبي وانشالله هذا القانون بس على طالبي اللجوء او نكول انشالله هذا القانون على اشخاص معينين فقط الي داخلين حروب فقط او عدهم جرائم حرب
\
اختي ريتا انشالله هذا القانون مايشملك وتفرحينه باخبارك الطيبه




اخوك : الفريدو

قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل baghdad_eye

  • عضو فعال
  • **
  • مشاركة: 31
    • مشاهدة الملف الشخصي
    • البريد الالكتروني
السلام عليكم جميعا

الاخ الفريدو اشكرك على التهنئة والهلهولة الحلوة الله يحفظك ويحفظ عائلتك وان شاءالله نسمع الهلاهل دائما في المنتدى وفي كل بيت عراقي

الاخORKAY شكرا على التهنئة انشاء الله تفرج عليك وعلى كل المنتظرين

الاخت شموخ عراقية اني بسوريا مو بمصر

اعتذر عن تأخري بالرد لرداءة النت

اختكم: baghdad_eye


غير متصل زيتونه وليمونه

  • عضو فعال جدا
  • ***
  • مشاركة: 102
    • مشاهدة الملف الشخصي
اي يارررررررررررررررررررررب كريم الحمدلله اكو احد من جماعة سوريا تحرك مبرووووووووووووووووك baghdadeyeصدك لعداحنا احلى اسم لجمعيتنا عودة الامل الى المقبولين على كندا

غير متصل baghdad_eye

  • عضو فعال
  • **
  • مشاركة: 31
    • مشاهدة الملف الشخصي
    • البريد الالكتروني
شكرا اخت زيتونة وليمونه على التهنئة فعلا عاد الامل  بعد ان وصلنا الى مرحلة من اليأس والاحباط يارب تفرج على الجميع

غير متصل ريتا60

  • عضو
  • *
  • مشاركة: 16
    • مشاهدة الملف الشخصي
الاخ الفريدو

شكرا على اهتمامك ونصيحتك

بس اريد اتكولي طبيعي احنا صارلنا خمس سنين ننتظر لو مسامع مثل وضعنا

كل سنتين ايسون مقابلة المقابلة الاخير قبل شهر هل تعني بداية فرج او راح ننتظر سنتين النوب



انتظر ردكم

شكررا جزيلا

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
اختي ريتا

شنو كان مضمون المقابله ؟؟ وعلى شنو كانو يركزون ؟؟ حتى نكدر نفيدك

اما مسالة الخمس سنين فهذا الشي اكيد فتره طويله لكن في بعض الاحيان تكون اعتياديه لان السفاره الكنديه معاملاتها طويله وفي داخل كندا نفس الشي روحهم جدا طويله وهذا الروتين جدا عادي بنظامهم

لكن بتصوري ماطول فحصتو و وصلتو الى هذه المرحله فانشالله ماكو شي وصدقيني محد ياخذ نصيب غيره

انشالله يعود الامل من جديد لا تقلقي




اخوك : الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل ريتا60

  • عضو
  • *
  • مشاركة: 16
    • مشاهدة الملف الشخصي
اخي الفريدو

المقابلات الثلاثة كلها كانت تدور حول عمل زوجي من التخرج من الكلية العسكرية الى عام 2003اين عمل وباي صنف والمراكز الي شغلها وهكذا علما ان صنفه اداري ولم يشارك بايعملية قتالية

شكرا لاهتمامك اخي الفريدو وارجو منك المزيد من المعلومات كلما توفرت لديك




شكرا جزيلا...

غير متصل اسامة الهاشمي

  • مبدع قسم الهجرة
  • عضو مميز
  • *
  • مشاركة: 1577
  • الجنس: ذكر
    • مشاهدة الملف الشخصي
السلام عليكم

شلونكم اعضائنا الكرام ان شاء الله بخير ندعي من رب العالمين يفرج علينه وعليكم ان شاء الله .



ابو نور / سوريا
بغداد وما تلاكي عاشقاً فانتي من رسم للحب معنى

غير متصل abu shahed

  • عضو مميز
  • ****
  • مشاركة: 1100
    • مشاهدة الملف الشخصي
وعليكم السلام اخويه الغالي ابو نور ربي يسمع منك ويفرج علينه جميعا اللهم امين
((  وَلَسَوْفَ يُعْطِيكَ رَبُّكَ فَتَرْضَى  ))

غير متصل اسامة الهاشمي

  • مبدع قسم الهجرة
  • عضو مميز
  • *
  • مشاركة: 1577
  • الجنس: ذكر
    • مشاهدة الملف الشخصي
امــــــين يا رب .
هلا بالغالي العزيز ابو شهد شلونك اخبارك امورك ان شاء الله بخير يا رب

شو صار يومين جفاف بالاخبار والاسئلة شكو خير .

ابو حمودي ميبين عسى خير يا رب  واذا ملتهي بالدنيا الله يساعده ويريحه  ان شاء الله .
 

يارب نسمع منكم اخبار حلوة ان شاء الله ويعم الخير على الكل بحق الحبيب محمد


ابو نور / سوريا
بغداد وما تلاكي عاشقاً فانتي من رسم للحب معنى

غير متصل زيتونه وليمونه

  • عضو فعال جدا
  • ***
  • مشاركة: 102
    • مشاهدة الملف الشخصي
السلام عليكم جميعا شخباركم 
اي والله جفاف هدوووء بلكي هذا الهدوء اللي يسبق عاصفة السفر وكلنا انشاء الله سفر يارب

غير متصل زيتونه وليمونه

  • عضو فعال جدا
  • ***
  • مشاركة: 102
    • مشاهدة الملف الشخصي
صدك عندي سؤال لاخويا الفريدو اولا انشاء الله بخير وثاني شي سؤالي انته تحسب المده مال 6 اشهر من الفحص الطبي لو من مقابلة التوطين وهمين اذا الفحص الطبي لازم مو راها نحسب اسبوع على متطلع النتيجه من الدكتور ويبعثها اعرف سؤالي مكرر بس هوايه قلق مو طبيعي ووانتظار قاتل والله ماكو نوم انام بس اربع ساعات باليوم واشكرك هوايه على مساعدتك للجميع ولسعة صدرك وتحملك الناوجعل مساعدتك للعراقيين في ميزان حسناتك

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
اخواني اخواتي السلام عليكم

بصراحه اني دخولي جدا قليل لان اخي الاصغر جائني من امريكا ولاية اوهايو قبل اسبوعين ومبارح وصل اخي الاكبر من امريكا واشنطن سياتل لذلك مشغول معهم كثير ومثل ماتعرفون صار اكثر من 7 سنوات ما شايفين بعض  وربي يلم شمل كل العراقيين بعد ماشتتوهم الخونه الانذال

اشكر كل من سال عني وانشالله الاخبار الطيبه هي الي تجمعنه وربي يوفقكم جميعا


اختي زيتونه وليمونه بصراحه في وقتنا كانت من بعد تعبئة الفورمات تقريبا 6 شهور وتقابلين ومن بعد المقابله و6 شهور تكونين في كندا وشغلة الفحص الطبي فهي من ضمن هاي الفتره ولكن في هذه الضروف مع الاسف صار بيها شويه تاخير بسبب الازمه الي تمر بيها الدول العربيه لكن انشالله تصفى والامور وتصير اسرع وتسمعونه اخباركم بالخير دائما





اخوكم : الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل خولة بنت الأزور

  • عضو فعال جدا
  • ***
  • مشاركة: 225
    • مشاهدة الملف الشخصي
مشكور

غير متصل خولة بنت الأزور

  • عضو فعال جدا
  • ***
  • مشاركة: 225
    • مشاهدة الملف الشخصي
شكرا اخ الفريدو

غير متصل زيتونه وليمونه

  • عضو فعال جدا
  • ***
  • مشاركة: 102
    • مشاهدة الملف الشخصي
السلام عليكم مشكور اخويا الفريدو وبالعافيه لمتكم الحلوه وانشاء الله لايفرق اي احد
اليوم خابرو السفاره على عائله اعرفها قابلو قبل عشرين يوم توطين بكفر سوسه وباجر مقابله بالسفاره والله فرحت الهم كومه وهمين يعني دا يشتغلون ياررررب كريم

غير متصل اسامة الهاشمي

  • مبدع قسم الهجرة
  • عضو مميز
  • *
  • مشاركة: 1577
  • الجنس: ذكر
    • مشاهدة الملف الشخصي
ان شاء الله لمت خير يا رب وميصير فراك ابد ربي يحفظكم البعضكم اخوية الفريدو ويسهل عليكم يا رب .


اني همين اعرف هواي جماعة كاعد يخابروهم على كندا واكو بيهم مرفوضين من اميركا واكو بيهم حتى مقابلين محلفين على اميركا رجعو هل ايام خابروهم كالولهم حولنه ملفكم على كندا ... هذا يعني كندا طالبه عوائل هواي والله اعلم .


ان شاء الله ربي يسهلهه على الكل يا رب  ويعجل بسفرهم وسفرنه ...


ابو نور / سوريا
بغداد وما تلاكي عاشقاً فانتي من رسم للحب معنى

غير متصل خولة بنت الأزور

  • عضو فعال جدا
  • ***
  • مشاركة: 225
    • مشاهدة الملف الشخصي
هل التوطين حاليا فقط على امريكا؟؟؟؟؟

غير متصل الفاتح

  • عضو فعال جدا
  • ***
  • مشاركة: 78
  • الجنس: ذكر
  • إِنَّ مَعَ العُسرِ يُسرًا
    • مشاهدة الملف الشخصي
للرفع للفائدة  ;D  :)  ;)  :D  >:(  :(  :o  8)  ???  ::)  :P  :-[  :-X :-\  :-*  :'(
«اللهم إني عبدك، ابن عبدك، ابن أمتك، ناصيتي في يدك، ماض في حكمك، عدل في قضاؤك، أسألك بكل اسم هو لك، سميت به نفسك، أو أنزلته في كتابك، أو علمته أحدا من خلقك، أو استأثرت به في علم الغيب عندك أن تجعل القرآن ربيع قلبي، ونور بصري، وجلاء حزني، وذهاب همي، إلا أذهب الله همه وأبدل له مكان حزنه فرجا »

غير متصل دحدوحة

  • عضو فعال جدا
  • ***
  • مشاركة: 174
  • الجنس: أنثى
    • مشاهدة الملف الشخصي
السلام عليكم
اخي الفريدو الف الحمد لله علة سلامة ابنك ربي يحفضهم الك  ويباركلك بيهم والله حزنت من قريت الي مريتوا بيه اعرف شكد صعب والله لا يعيدة  اخوية داءما اقرالهم المعوذتين وارجوك رجاء اخت من اخوهة بعد لتنزل صورهم لان مو كل الي يشوف يصلي عالنبي والله الحارس
ثبت في القلب منك محبتا
كما تثبت في الراحتين الاصابع

غير متصل candyman

  • عضو فعال جدا
  • ***
  • مشاركة: 215
  • الجنس: ذكر
  • الحرف يبداء من عينيك رحلته وعندها تسجد الكلمات
    • ياهو مسنجر - candyman
    • مشاهدة الملف الشخصي
السلام عليكم ورحمة الله وبركاته
شلونهم الحلوين  الطيبين العراقيين
الحمد لله على سلامة فريد والله يشافي ويجعاها اخر الاحزان واجر وعافية بأذنه تعالى ,والله يدفع عنك البلاء اخوية ابو احمد انته والاولاد يارب وكل العراقيين
ارجوكم ان تعذروني لانقطاعي  عنكم ولكن لأسباب خارجة عن ارادتي ولكن سأحاول ان شاء الله البقاء بخدمتكم
وشكرا لكل من سأل عني مبروك لكل الاخوة الاخبار الحلوة والله يعين الاخرين
اخوكم ابو عبد الله (كاندي مان)
المتكبر يسكن في قصر فوق الجبال فيرى الناس صغارا ويرونه صغيرا

غير متصل candyman

  • عضو فعال جدا
  • ***
  • مشاركة: 215
  • الجنس: ذكر
  • الحرف يبداء من عينيك رحلته وعندها تسجد الكلمات
    • ياهو مسنجر - candyman
    • مشاهدة الملف الشخصي
السلام عليكم اخت دحدوحة اشلون اخبارج واخبار العائلة ارجوا ان تكونوا بخير يارب
المتكبر يسكن في قصر فوق الجبال فيرى الناس صغارا ويرونه صغيرا

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
اخواني اخواتي السلام عليكم

انا جدا اسف لان دخولي جدا قليل واعتذر من اختي خوله لتاخيري بالرد

اختي خوله بالنسبه الى كندا بصراحه اصبح الضابط الاداري وغير الاداري شغلته صعبه ولكن ليست مستحيله ونكول انشالله يتم قبولكم لان لا يوجد شيء اسمه مستحيل ولكن الضباط بصوره عامه شغلتهم صعبه ولذلك لا تياسي من رحمة ربك واما عن باقي الدول فلا علاقه لها بكندا لان كندا الوحيده الي تدقق كثيرا على الضباط واستمري بشغلتك وانشالله نكول الفرج من ربك اما شغلة ابنك فكندا لم تقف على شخص واحد لانها تسحب الاف الاشخاص ذو الاحتياجات الخاصه واهم شي تريد التاكد  من الاشخاص الذي كانو يعملون مع النظام السابق لان النظام السابق يسموه  خطر على الجميع حسب تسمياتهم

اما شغلة اني قفلتها بوجهك بصراحه انا هنا مجرد انسان حالي حال اي عراقي ولكن املك بعض المعلومات واحب ان اكتبها ان كانت لصالحك او لا





اخوك : الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...

غير متصل الفريدو

  • نجم منتدى الهجرة و اللاجئين
  • عضو مميز جدا
  • *
  • مشاركة: 3925
  • الجنس: ذكر
  • حبيبي ياعراق
    • مشاهدة الملف الشخصي
اشكرك اختي زيتونه وليمونه وربي يلم شمل كل العراقيين الطيبين امثالك

اخويه الفاتح منور ربي يوفقك وتسمعنه اخبارك بالخير دائما

اخويه الغالي اسامه الهاشمي ابو نور الله يوفقك واني ممنون منك على كلامك الطيب وهذا دليل على اصلك يا غالي

اختي الغاليه دحدوحه والله نورتينا بطلتك علينه واشكرك من كل قلبي على كلامك الرائع وانشالله وربي مايجيب حزن ونكول الحمدلله على كل شي

اخويه الغالي ابو عبدالله انشالله غيابك خير الك بعونه تعالى وصدقني لو ما انته انسان طيب كان محد سال عنك بس كلها من طيبتك ومساعدتك للناس لذلك نحب نسال عنك وربي يوفقك بعونه تعالى




اخوكم : الفريدو
قُلتُ لها أخبريني عن العراق وعنْ أهلي والرفاق فقدْ طالَ الفُراق قالتْ: ما سأقولُهُ قدْ لا يُطاق قلتُ: قولي ما عندَكِ قالتْ: صِراعٌ على الكراسي ودَمٌ مُراق ...