عودة الامل الى المقبولين على كندا

[شمعه منوره]

اخويه الدكتور ...

اضافه لما ذكره الاخ والصديق العزيز الفريدو بخصوص عدم امكانية التقديم على لجوء الى كندا من داخل العراق احب ان اقول لك :

في العراق لا توجد سفاره كنديه حتى الان وانما على حسب معلوماتي موجود شعبه لرعاية المصالخ وكل اجراءات المقابلات للتوطين في كندا تتم في السفاره الكنديه وعندما لا توجد سفاره  فمعنى هذا انه ليست هناك امكانيه  للتقديم  الى كندا من العراق  ...  


تحياتي

شمعه

[شمعه منوره]

اخويه ابو هاجر الكنديه

ما اتشوفلنا اخونا الغالي اسامه الهاشمي ابو نور  شنو قصته ؟؟؟؟ مختفي وخاتل ختله  غريبه ...


يمعود ابو نور  ووووووووووووووووووووووووووينك ؟؟؟؟


تحياتي

 شمعه

[strongway]

كيف حالكم اخواني الاعزاء انا اخوكم طبيب اخصائي في الامراض الجلدية واعيش في العراق حاليا. ارجو منكم اذا احد يعرف ان تخبروني هل يوجد لجوء الى كندا عن طريق الامم المتحدة في العراق ام فقط  في دول الجوار . وشكرا جزيلا يا اخوتي الاعزاء.   


              اخوكم الدكتور ع.

اخوية العزيز الدكتور ع.

تكدر اتقدم على اليو ان من احدى دول الجوار  واذا تريد تسريع في اللجوء تكدر اتسوي معاملة كفالة كنسية او كفالة خماسية اذا عندك اقرباء او اصدقاء في كندا .... وان شاء الله التساهيل من الله

                                                                    اخوك سترونك وي

[monthaer]

مرحبا اخ الفيردو

انشالله تكون مبسوط وبصحة تمام

انا حكيت معك ابل فترة ومع الاخت كندا 

ياريت تخربي اش اخبار الاخت كندا اذا عندك معلومات


وبدي اسالك سؤال اخر 

شو رايك بتقديم اللجوء من داخل الاراضي الكندية نفسها ؟؟؟
 
او تقديم اللجوء من الاراضي الامريكه لكندا ؟؟
هل لديك استفسار او معلومات بهاذا الخصوص  وشكرا شكرا لك

[مغترب في وطني]

اني دائما اقره عنوان الموضوع ويمكن هسه واصل بيه 21 صفحة بس حبيت اسئلكم شنو سالفة الامل مال لاجئيين الى كندا ؟؟
بعدة راح ؟؟ عدكم انتو امل بيه ؟ دة يسافرون جماعه لكندا ؟؟
اني ممقدم على كندا بس الفضول خلاني اسئل
شكرا الكم

[strongway]

اني دائما اقره عنوان الموضوع ويمكن هسه واصل بيه 21 صفحة بس حبيت اسئلكم شنو سالفة الامل مال لاجئيين الى كندا ؟؟
بعدة راح ؟؟ عدكم انتو امل بيه ؟ دة يسافرون جماعه لكندا ؟؟
اني ممقدم على كندا بس الفضول خلاني اسئل
شكرا الكم

اخوية مغترب في وطني

اي اخوية اكو امل ان شاء الله واكو ناس دتسافر  الى كندا سواء عن طريق اللجوء على اليو ان
 او عن طريق الكفالات....واكو هسه عائلة رح اتسافر الشهر الجاي بأذن الله  ....  والله الموفق

                                                                           اخوك سترونك وي

[мαяyαи]

مرحبا اخ الفريدو شلونك ؟ اتمنى تكون بخير يارب عندي سؤال بخصوص تقديم معاملة كفالة خماسية او كنسية لغير جنسيات غير

العراقية فيه وحدة اقاربنا هي سوريا الاصل ابوها سوري وهو متوفي وامها عراقية وهي الان عايشة بالاردن وحدها وتريد تقدم   

على معاملة كفالة خماسية وكانت تسألني اذا اكو من غير جنسيات التقديم وشكرا الك علما هي عدها ورقة اليو ان ، تحياتي لك

اختك ماريان

[المسافرة]

مرحبا اخوتي واخواتي كيف حالكم جميعا ان شاء الله بخير وصحة
اخي الفريدو كف حالك انت والعائلة ان شاء الله بخير
تحياتي للجميع

[شمعه منوره]

مرحبا اخ الفريدو شلونك ؟ اتمنى تكون بخير يارب عندي سؤال بخصوص تقديم معاملة كفالة خماسية او كنسية لغير جنسيات غير

العراقية فيه وحدة اقاربنا هي سوريا الاصل ابوها سوري وهو متوفي وامها عراقية وهي الان عايشة بالاردن وحدها وتريد تقدم   

على معاملة كفالة خماسية وكانت تسألني اذا اكو من غير جنسيات التقديم وشكرا الك علما هي عدها ورقة اليو ان ، تحياتي لك

اختك ماريان

الخت ماريان

من رخصة الاخ الفريدو ساعطيكي الجواب ...

بالنسبخ للكفاله الخماسيه مفتوحه لكل الجنسيات وغير محدده باي جنسيه ويستطيع اي شخص ومن اي دوله في العالم ان يقدم عليها بعد توفر الشروط المطلوبه كلها ..
اماب النسبه للكفاله الخماسيه فاعتقد حسب معلوماتي هذه الكفاله هي مستحدثه وخاصه باللاجئين العراقيين وخصوصا من اخوانا المسيحيين بعد الهجمات التي تعرضو لها في العراق ثم عدلت الكنائس من  شروط هذه الكفاله وشملت حتى المسلمين الذين يتعرضون ايضا لنفس المخاطر ...

بالنسبه لصديقتك طالما انها حاصله على ورقة اليو ان فتستطيع التقديم على الامم المتحده وربما يشملها اللجوء الى كندا حسب ما توفره الامم المتحده نفسها لها ... وللعلم الكفاله الخماسيه لا علاقه لها بورقة اليو ان يعني غير مطلوبه ..

وان شاء الله الاخ الفريدو يضيف معلومات اخرى مفيده ....

تحياتي

شمعه

[شمعه منوره]

اني دائما اقره عنوان الموضوع ويمكن هسه واصل بيه 21 صفحة بس حبيت اسئلكم شنو سالفة الامل مال لاجئيين الى كندا ؟؟
بعدة راح ؟؟ عدكم انتو امل بيه ؟ دة يسافرون جماعه لكندا ؟؟
اني ممقدم على كندا بس الفضول خلاني اسئل
شكرا الكم

اخي العزيز مغترب

هذه التسميه ( عودة الامل) هي تسميه قديمه لموضوع اخونا الغالي الفريدو قبل اكثر من سنتين تقريبا وفي وقتها كانت امال القبول على كندا ضعيفه جدا وعدد المفبولين على كندا اقل من القليل نفسه ... ثم بعد فتره بدات الحركه تعود في ملفات القبول على كندا ولذلك كتب اخونا الفريدو الموضوع تحت هذا العنوان واستمر الموضوع لان الاسئله والمواضيع والمعلومات التي تم طرحها في الموضوع كانت يوميه  واصبح الموضوع معروف ولم تسنح الفرصه لتغيير العنوان ...

اتمنى ان يكون القصد واضح الان ..

تحياتي

شمعه

[ܓღ أنجـــــي ღܓ]

وينهم الشباب شو اليوم هدوووووووووووء

يرفع للفائده العامه







اخوكم : الفريدو

الاخ الفريدو عضو يطلب المساعدة منك لسؤاله

 هذة رابطة الموضوع

http://www.ankawa.com/forum/index.php/topic,540793.0.html

[мαяyαи]

شكرا عالمعلومات القيمة اخ شمعه السباق دائما بالاجابة وهي صح مقدمة عالامم المتحدة ولكن صار سنين وما متوطنه لاي دولة بأعتبار هي سوريه وما يحقلها اللجوء والان هي تريد تسوي كفالة كنسية او خماسية تحياتي لك

[الدكتور ع.]

مرحبا اخواني الاعزاء والطيبين، اشكر Darkangle، الفريدو، شمعة،  Strongway وكل الاخوة، شكر جزيل يعجز اللسان عن وصفه على ردودكم واهتمامكم بالرد على رسالتي. وان شاء الله دوام التواصل.


         أخوكم
     
         الدكتور ع.

[strongway]

مرحبا اخواني الاعزاء والطيبين، اشكر Darkangle، الفريدو، شمعة،  Strongway وكل الاخوة، شكر جزيل يعجز اللسان عن وصفه على ردودكم واهتمامكم بالرد على رسالتي. وان شاء الله دوام التواصل.


         أخوكم
     
         الدكتور ع.

تدلل اخوية الدكتور ع. انا بالخدمة

                                  اخوك سترونك وي

[الفريدو]

اخويه ابو هاجر الكنديه

ما اتشوفلنا اخونا الغالي اسامه الهاشمي ابو نور  شنو قصته ؟؟؟؟ مختفي وخاتل ختله  غريبه ...


يمعود ابو نور  ووووووووووووووووووووووووووينك ؟؟؟؟


تحياتي

 شمعه

هلا باخويه الغالي شمعه

شغلة ابو نور انشالله قريبه بس كله بسبب المكمط تاخر الرجال 



اخوك : الفريدو

[الفريدو]

كل الهلا بيك اخويه منذر بصراحه الاخت كندا حاليا في منتدى ثاني وصارلها زمان ماداخله بعنكاوا  وتحياتنا الها وياريت ترجع وتنورنه بمعلوماتها

التقديم من الاراضي الكنديه اصبح شبه مستحيل وهذا حال جميع دول العالم وليس كندا فقط اما من امريكا فلايجوز نهائيا


اخويه مغترب في وطني السلام عليكم مثل ما كتب الاخ شمعه , هذا موضوع من كنت في الاردن منتظر السفر وفجأه صارت حركه قويه وتم استلام مواعيد سفر لكثير من العوائل وكتبت في اول صفحه عن شخص قريب مني كثيرا وهو حاليا في فانكوفر لذلك الامل يتجدد دائما والحمدلله وانشالله محد يبقى ينتظر السفر ونعزل قريبا جدا 


اختي العزيزه ماريان السلام عليكم
اختي شغلة الكفاله الكنائسيه تعتبر لكل شخص مضطهد والكنائس عملوها مساعده منهم لتخليص العوائل من الاضطهاد ولكل ولايه نظام مختلف بالنسبه للكفاله

اما الخماسيه فهي معموله لكل الجنسيات واجراءاتها موجوده في الموضوع واتصور عندك علم بيها لانك من الاعضاء القداما ومن المتابعين كل المواضيع

اختي الغاليه المسافره شلونك انشالله بخير مشتاقين نسمع اخبارك
بشرينه عنك شلونها تركيا و وين وصلت شغلتك ؟؟ تحياتي وسلامي لزوجك 



اختي انجي شكرا للتنبيه وتمت الاجابه


تدلل اخويه الدكتور واي شي تحتاج اني بالخدمه





اخوكم : الفريدو

[المسافرة]

مرحبا اخي الفريدو
نحن بخير والحمد لله
اخي قابلنا مقابلة اولى وننتظر وصول الملف من الاردن لنقابل مرة اخرى واتكالنا على الله بصراحة تعبنا جدا لانه الانتظار في الاردن 7 سنوات دمرنا والان مرحلة جديدة من الانتظار الله يفرجها علينا جميعا قريبا ان شاء الله
تحياتي

[monthaer]

مرحبا اخي الفريدو
نحن بخير والحمد لله
اخي قابلنا مقابلة اولى وننتظر وصول الملف من الاردن لنقابل مرة اخرى واتكالنا على الله بصراحة تعبنا جدا لانه الانتظار في الاردن 7 سنوات دمرنا والان مرحلة جديدة من الانتظار الله يفرجها علينا جميعا قريبا ان شاء الله
تحياتي

شكرا ع الاجابة ع سؤالي
بس اخوي يعني بدي انوه وسمحلي منشان ما نظلم حد
تقديم اللجوء من داخل اي بلد مسموح وكندا وامريكا مسموح ولكن بشرط
ان تقنع البلد او دائرة الهجرة انك انت بجد مضهد او مهدد وتاخد معك الشغلة من 4 شهور  لحتى 4 سنوات  ومادام قضيتك شغالة ماحد بحكي معك

ونويه اخر ومعلومات مؤكدة

امريكا مثلا بلد لو انت رح الها عن طريق الزيارة وضليت هوناك ما حد بمنعك ولا حد بطردك مادام انت انسان ما بتعمل مشاكل وسجلك نظيف
بس طبعا ما تقدر تشتغل وين ما بدك ما الك تامين صحي ما ما  ما شغلات كتيرة ما تقدر تعملها لانك غير حامل جنسيه ورقم

اما بخصوص اللجوء فيمكن تقديم اللجوء من داخل البلد لكن بشرط اقناعهم بشي مقنع كثيرا

وشكرا لك اخ الفيردو وياريت تسالي عن هاي المعلمومة اكتر

[мαяyαи]

شكرا اخ الفريدو عالاجابة الوافية واعتذر لان ما انتبهت بوجود الموضوع بين الصفحات تحياتي الك

[الفريدو]

مرحبا اخي الفريدو
نحن بخير والحمد لله
اخي قابلنا مقابلة اولى وننتظر وصول الملف من الاردن لنقابل مرة اخرى واتكالنا على الله بصراحة تعبنا جدا لانه الانتظار في الاردن 7 سنوات دمرنا والان مرحلة جديدة من الانتظار الله يفرجها علينا جميعا قريبا ان شاء الله
تحياتي

شكرا ع الاجابة ع سؤالي
بس اخوي يعني بدي انوه وسمحلي منشان ما نظلم حد
تقديم اللجوء من داخل اي بلد مسموح وكندا وامريكا مسموح ولكن بشرط
ان تقنع البلد او دائرة الهجرة انك انت بجد مضهد او مهدد وتاخد معك الشغلة من 4 شهور  لحتى 4 سنوات  ومادام قضيتك شغالة ماحد بحكي معك

ونويه اخر ومعلومات مؤكدة

امريكا مثلا بلد لو انت رح الها عن طريق الزيارة وضليت هوناك ما حد بمنعك ولا حد بطردك مادام انت انسان ما بتعمل مشاكل وسجلك نظيف
بس طبعا ما تقدر تشتغل وين ما بدك ما الك تامين صحي ما ما  ما شغلات كتيرة ما تقدر تعملها لانك غير حامل جنسيه ورقم

اما بخصوص اللجوء فيمكن تقديم اللجوء من داخل البلد لكن بشرط اقناعهم بشي مقنع كثيرا

وشكرا لك اخ الفيردو وياريت تسالي عن هاي المعلمومة اكتر

اخويه منذر كلامك صحيح واني ذكرته اكثر من مره تكدر تقدم وبالنسبه الى كندا تعال ابقى عشرين سنه ومحد يكلك اطلع بس بالقانون انته غير مرغوب فيك هنا وعليك الخروج وهنا ماكو احد يكلك اقامتك او انته منين ماطول ماعندك مشاكل بس لجوء من امريكا الى كندا مستحيل لان عندي اخواني في امريكا وقدمنالهم هجره وغيرها بس ماكو فايده  مابيها مجال لان القانون صريح وماكو بي اي تلاعب

اما عن قصتك فهذه كانت زمان ولكن حاليا ماكو لجوء من الداخل في كل دول العالم واتصور كاعد تشوف اوربا شدسوي بالعراقيين بس الفرق بين كندا واوربا هو كندا مابيها تسفير قسري والمعامله تطول من سنه ونصف الى سنتين وهاي هم معلومه اكيده لان ماكو شي اسمه شهور هنا مستحيل  وشنو الفايده تكعد في امريكا او كندا وماراح تكدر تطلع منهن لان اذا طلعت بعد ماكو رجعه والوضع مو مثل قبل حتى تجي تكون نفسك وترجع لان صارت صعبه انك تجمع المبالغ مثل ايام زمان والكل يعرف الاقتصاد دمر العالم كله


اخي معلوماتي مؤكده ومايحتاج اسئل بيها لاني متابع كثير حالات واتصور ذكرت اكثر من حاله في كثير من المواضيع





اخوك : الفريدو

[الفريدو]

شكرا اخ الفريدو عالاجابة الوافية واعتذر لان ما انتبهت بوجود الموضوع بين الصفحات تحياتي الك

تدللين اختي واي شي تحتاجين اني بالخدمه




اخوك : الفريدو

[مغترب في وطني]

الله يوفقكم اخ الشمعه المنورة واخ الفريدو وينطيكم على نيتكم ويزيد الامل الكم وللجميع شكرا للتوضيح

[baghdad_eye]

السلام عليكم اخواني جميعا

والله الكم وحشه اشتاقيتلكم هوايه واعتذر عن الانقطاع لان مثل ما يعرفون الاخوان الي وصلوا كندا قبلي شلون يكون الوضع اول 

شي تعب السفر وثاني شي من اول يوم يستلمونا معاملات وروحه وجيه وثالث شي السكن مشترك وماكو نت وهسه يلا استقرينا

والحمدلله .

الحقيقه الحياة في كندا تسوى التعب والانتظار واوصي كل الاخوان الي دينتظرون السفر ان يتحلوا بالصبر لان اكيد الله راح يفرجها

عليهم مثل ما فرجها علينا ويسافرون وتصير سوالف.سلامي لكل الاخوان الاعزاء واني عند وعدي مستعدة الان لاستقبال المدعوين
 
وحاضره للرد على اي استفسار.




اختكم /baghdad_eye

[abu shahed]

الف الف مبروك اختنا العزيزه  baghdad_eye ان شاء الله الموفقيه والنجاح والاستقرار والامان 
بحياتكم الجديده في بلد الاحلام كندا اللهم امين
دعواتج لنا اختنا العزيزه احنه جماعه عمان لان تعبنه والله من الانتظار راح يصير سنه واحنه ننتظر المقابله
ربي منك الصبر صبرنه يااااااااااااااااااااااااارب

[Dark...Angel]

السلام عليكم اخواني جميعا

والله الكم وحشه اشتاقيتلكم هوايه واعتذر عن الانقطاع لان مثل ما يعرفون الاخوان الي وصلوا كندا قبلي شلون يكون الوضع اول 

شي تعب السفر وثاني شي من اول يوم يستلمونا معاملات وروحه وجيه وثالث شي السكن مشترك وماكو نت وهسه يلا استقرينا

والحمدلله .

الحقيقه الحياة في كندا تسوى التعب والانتظار واوصي كل الاخوان الي دينتظرون السفر ان يتحلوا بالصبر لان اكيد الله راح يفرجها

عليهم مثل ما فرجها علينا ويسافرون وتصير سوالف.سلامي لكل الاخوان الاعزاء واني عند وعدي مستعدة الان لاستقبال المدعوين
 
وحاضره للرد على اي استفسار.




اختكم /baghdad_eye

حمد الله علسلامة اختنا عيون بغداد وان شاء الله يوم الجنسية
فعلا كندا بلد رائع ويستحق كل معاناة ان شاء الله الف مبروك

وبلتوفيق ولنجاح ان شاء الله في حياتكم

بس سؤال انتو يو ان لو كفالة ؟؟

تحياتي

[الباحث عن وطن]

مرحبا اخ الفريدو
كلامك عن تقديم اللجوء من الداخل هو شبه مستحيل ولكن ماذا عن تقديم لجوء في المطار وانت جاي لكندا بفيزا دراسية ......... وشكرا

[الفريدو]

اختي عيون بغداد الف الحمدلله ع السلامه وانشالله الفرحه دوم وتستقرون وربي يوفقكم ياربي
منتظرين نسمع اخبارك دائما لان اغلب الي وصلو من فرحتهم كتبو اشياء خياليه عن كندا ولكن بعد فتره وبسبب المشاغل نسو المنتدى نهائيا وكامو مايدخلون ولا يكتبون اي شي ونسونه بسرعه 
اتمنى لك التوفيق والاستمرار لخدمة اخوانك لان كلنه مرينه بمرحلة الانتظار والكلمه الطيبه صدقه ولا تنسين اني اريد اسلمك الرايه لانك حاليا كنديه 

تحياتي اختي الغاليه





اخوك : الفريدو

[الفريدو]

مرحبا اخ الفريدو
كلامك عن تقديم اللجوء من الداخل هو شبه مستحيل ولكن ماذا عن تقديم لجوء في المطار وانت جاي لكندا بفيزا دراسية ......... وشكرا

اخويه العزيز بالنسبه الى اللجوء من المطار اصعب من اللجوء في الداخل لان بصراحه صورة العرب عند الدول الغربيه اصبح صوره غير موثوق بيها يعني يخافون من الارهاب لذلك بالمطار اذا كشفوك منين جاي راح يرجعوك وخاصتا حاليا الاجهزه الحديثه في كل المطارات فنصيحتي انك اذا تريد تجي لكندا فتعال واطلب اللجوء من الداخل احسن من المطار لان المطار يحجزوك وتحقيق ومنين اجيت ومنين صعدت وشغله طويله وتتعب نفسيا لذلك اللجوء صعب جدا وانته تعرف كل دول العالم ماتعطي لجوء بهاي الصوره بس تكدر تدخل وتشوف كندا بعينك وبعد ماتخلص الدراسه تكدر تفكر هل راح تبقى او لا !! لذلك هي فرصه لدخولك لكندا واذا تريد تبقى فاكيد محد راح يكلك وين رايح ومنين جاي




اخوك : الفريدو

[خولة بنت الأزور]

السلام عليكم اخواني جميعا

والله الكم وحشه اشتاقيتلكم هوايه واعتذر عن الانقطاع لان مثل ما يعرفون الاخوان الي وصلوا كندا قبلي شلون يكون الوضع اول 

شي تعب السفر وثاني شي من اول يوم يستلمونا معاملات وروحه وجيه وثالث شي السكن مشترك وماكو نت وهسه يلا استقرينا

والحمدلله .

الحقيقه الحياة في كندا تسوى التعب والانتظار واوصي كل الاخوان الي دينتظرون السفر ان يتحلوا بالصبر لان اكيد الله راح يفرجها

عليهم مثل ما فرجها علينا ويسافرون وتصير سوالف.سلامي لكل الاخوان الاعزاء واني عند وعدي مستعدة الان لاستقبال المدعوين
 
وحاضره للرد على اي استفسار.




اختكم /baghdad_eye

مبروك اختنا  العزيزة baghdad_eye  وصولج كندا
وان شاء  الله ياربي تستقرون وتشوفون الراحة وتتعدون كل الصعاب يا طيبة

                                                               اختج خولة

[اسامة الجميلي]

مبروك اختنا العزيزة bagdad_eye سلامة الوصول لكندا وانشاء الله الحياة السعيدة بعد ذلك التعب للوصول الى بلد meaple leaf(كندا)
وطبعا احنه جماعة عمان ننتظر بفارغ الصبر والتحمل مقابلة في القنصلية الكندية وانشاء الله رب العالمين يفرجه النا وللجميع وتصير سوالف
انه سميع مجيب.
طبعا مثل ماعودونا الاخوان بالمنتدى اول وصولهم يحجون للاعضاء سفرهم وماهي المساوى؟ والمحاسن؟ وشنو اليأخذ؟ وشنو الميأخذ؟ من ملابس وغراض واي شي واكيد انتي مراح تقصرين معنا .
تحية وسلام لكي ولكافة الاخوان في المنتدى وانشاء الله تحقيق كل الاماني





ابو هيا_____الاردن

[شمعه منوره]

الله يوفقكم اخ الشمعه المنورة واخ الفريدو وينطيكم على نيتكم ويزيد الامل الكم وللجميع شكرا للتوضيح
[/quote

الاخ العزيز مغترب ...

شكرا لك على هذه المشاعر الاخويه الصادقه ونحن بالخدمة دائما ان شاء الله ..


تحياتي

شمعه

[شمعه منوره]

الاخت baghdad eye

مبروك لكم سلامة الوصول الى كندا ونتمنى لكم كل التوفيق .. وكما ذكر الاخ والرفيق المناضل الفريدو ابو احمد  نتمنى ان تتواصلين معنا هنا لان الكثير من الاخوان نسو المنتدى تماما بعد وصولهم ...

وكنت اتمنى ان تذكري ولو بصوره سريعه ومختصره الولايه التي انتي فيها الان وانطباعاتك الاولى عنها لكي ياخذ بقية الاخوان فكره اوليه ...

وياريت لو الاخوه والاخوات الذين وصلو الى كندا يبادرون ويكتبون عن الولايات التي هم فيها الان وانطباعاتهم واراؤهم فيها لكي تساعد الاخرين في الاطلاع عليها وتكوين فكره ولو اوليه مصغره لكي تساعدهم في معرفة ظروف المرحلة الاولى ...

الرفيق المناضل الفريدو   ياريت لو تبلغ اعضاء الجمعيه بهذا المضمون ..


تحياتي

شمعه

[الفريدو]

اخويه الغالي شمعه تم التبليغ  

بس اكو مفاجئه بهذا الاسبوع راح اكتبها الكم او الاخ شمعه يكتبها وانشالله الافراح دائما مستمره والامل يتجدد بين حين واخر


شتكول اخويه شمعه ابلغهم لو انته تبلغ  




تحياتي للجميع وامنياتي لكم بالتوفيق دائما وابدا




اخوكم : الفريدو

[baghdad_eye]

السلام عليكم جميعا

شكرا لكل الاخوه والاخوات الي باركولي على وصولي الى كندا وادعيلهم الله يسر امرهم ويفرجها عليهم ويوفقهم .اكيد اني  
 
 حاحجيلكم عن تجربتي بالتفصيل بس حبيت الاول اسلم عليكم بعد غياب طويل .

اعزائي اني طبعا كنت في سوريا وقدمت على اليوان منذ اكثر من خمس سنوات ,بعد 3سنوات انتظار حولونا توطين على امريكا

وبعد مقابلات وانتظار تقريب سنه اجانه رفض واحنه هم مسوينا استئناف ,بعد سنه من الرفض حولونا على كندا وسوينا 3مقابلات

 بالسفاره الكنديه وحده لملئ الفورمات كانت بتاريخ 3/6/2010واثنين مع القنصل وكانت  الاخيره بتاريخ 14/7/2010وبعد  

تقريبا سنه انتظار اتصلوا من السفاره لتوقيع القرض واستلام الفحص الطبي وكان بتاريخ  23/6/2011, اجرينا الفحص الطبي

وبعدها بستة اسابيع اتصلوا من السفاره وطلبوا تسليم الجوازات طبعا هنا يلا  حسينا بالاطمئنان وبعد تسليم الجوازات بعشرة ايام

 دخلونا دوره تثقيفيه وحددوا موعد السفر يوم 21/9/2011 على مدينة لندن / اونتاريو وفي هذا التاريخ انتهت رحلة العذاب وبدانا

 مرحله جديده حاحجيلكم عليها في الحلقه القادمه ان شاء الله. تحياتي


اختكم/baghdad_eye

[شمعه منوره]

اخويه الغالي شمعه تم التبليغ  

بس اكو مفاجئه بهذا الاسبوع راح اكتبها الكم او الاخ شمعه يكتبها وانشالله الافراح دائما مستمره والامل يتجدد بين حين واخر


شتكول اخويه شمعه ابلغهم لو انته تبلغ  




تحياتي للجميع وامنياتي لكم بالتوفيق دائما وابدا




اخوكم : الفريدو

حبيبي الفريدو ابو احمد ياورده ...

اني اشوف التبليغ لو انخليها على المكمط هوايه احسن لان عنده اسلوب كلش حلو بالتبليغات    ... واذا المكمط ما بلغ ذاك الوكت انبلغ اني وياك سوه حبيبي  

بعدين احتمال اكو مفاجعات جديده    .. عمي شمدرينا شيصير ميصير هاي الدنيا صايره مو امان  


تحياتي للغالي ابو هاجر الكنديه  

شمعه

[الفريدو]

اخواني يوجد موعد سفر لعضوين من جمعيتنا يوم 31 بهذا الشهر

طبعا مفاجئه كبيره العضوين من الاعضاء القداما وهي مفاجئه ننتظر تنزيل الموضوع وسوف تتفاجئون من هم هذين العضوين ؟؟

الاول من الاعضاء القداما في موضوعي

الثاني من عضو بارز جدا وسوف تتفاجئون من وصوله الى كندا

نحن بالانتظار خلال هذين اليومين والتوفيق للجميع

 





اخوكم : الفريدو

[ــــ{{{ABADY}}}ـــــ]

 


 



لا احد يقول عبادى مووووووووووو انا


شمعه+شكو ماكو

[мαяyαи]

الف الف مبروك للعضوين الغامضين  بموعد سفرهم وان شاء الله يوصلون بالسلامة لأرض الاحلام ويوم الالك اخ عبادي 

[ــــ{{{ABADY}}}ـــــ]

الف الف مبروك للعضوين الغامضين  بموعد سفرهم وان شاء الله يوصلون بالسلامة لأرض الاحلام ويوم الالك اخ عبادي 

يسلم اخت ماريان وان شاء الله اخر سنه لى هنا

[abu shahed]

اكيد اني مو واحد من العضوين   اخويه عبادي شمعه +شكوماكو  والله يستاهلون كل خير الله يسر امرهم يارب الف الف مبروووووووووووووووووك للعضوين مقدما وربي يسر امرهم ويوصلون بالف سلامه اللهم امين
يله يمعودين خلي نفرح شويه مو ملينه من الانتظار حبيبي ابو احمد الغالي انت الخير والبركه والجميع يتفائل بيك وبأخبارك يا طيب
ربي يحفظك ان شاء الله

[بشار ابن الجامعة]

السلام عليكم اخواتي اخواني اعضاء منتدانا الراقي .. شلونكم اخباركم طيبة انشاءالله .. عرابنا الغالي الفريدو كيف الحال والعائلة الكريمة يارب بأحسن حال انتم والجميع .. شنو هلاخبار الحلوة انشاءالله ربي يسر امر الجميع وكل الاخوان والاخوات المنتظرين يسافرون ويبدأون حياة جديدة وجميلة ملؤها الخير والبركة والنجاح والاستقرار .. يلا خلي الكل يسمعنا ويفرحنا .. ومن يوصلون بالسلامة ويرتاحون نريد تفاصيل غير مملة حتى الكل يستفيد والله الموفق


  اخوكم .. بشار

[Dark...Angel]

كلالالالالالالالالالالالالالالالالالالالالالالالالالالالالالالالالالالالالالالالالايش

ان شاء الله الف مليـــــــــــــــــــــــــــــــــــوووون مبروك عبادي الورد

تستاهل والله والف مبروك للاخ شكو ماكو

هسه صار كلشي اكو 

تستاهل عبادي والله فرحتلك من كل كلبي

لانك انسان طيب واصيل وتستاهل كل خير والله

يابة عبادي وشكوماكو والفريدو وشمعة انريد

البيبسي لانو انته مسؤؤلين علجميعية

ولشباب الي راح يطلعون من جمعيتكم واخوتنه

فماكو مجال للهروب 



الف مبروك وان شاء الله توصلون بلسلامة يارب

تمنياتي لكم بلموفقية ولنجاح يارب

[رسل السلام]

السلام عليكم ..كيف الحال .. ان شاء الله تتيسر امور الجميع

اني اختكم ام رسل اني بمصر من 2006 وقدمنا اعادة توطين

وقابل ابو رسل سنة 2010 على امريكا وكان ردهم انو بس العاملين

مع الامريكان يطلعون واليزيدي المضطهد وهاي الشغلتين ماعدنه

ومنطونه اي رد طبعا" هاي ب اي او ام هسه ممكن اسال لو ميصير

واحنه اساسا منريد امريكا ونتمنى غير دوله ممكن يكون ملفنه اتحول

لو لا الله يرضه عنكم كلشي مداعرف شسوي احد يكدر يوضحلي

ويساعدني شسوي طولت عليكم اسفه بس من حيرتي والله

الله يبارك بيكم ويريح بالكم جميعا" 

[وسفه عالعراقيين]

الف الف مبروك للي اتسهلت امورهم ويارب يسهل امر اللي ينتظرون
انا كنت من المعارضين بشده لموضوع الهجره واللجوء وكنت اتهجم بتهور على كل من يفكر بالسفر بهذه الطرق ولكن اليوم اسأل ربي ان يسامحني على ما فات وانا اليوم من اشد المؤيدين للابتعاد عن ارض الحروب والفتن والدمار
اسأل الله ان يفك اسر كل شريف يريد ان ينفذ بنفسه واهله من جحيم هذا البلد اللي ما شاف راحه على مر العصور

اشكر اخويه الفريدو واشكر كل الشرفاء اللي همهم عون الاخرين ومساعدتهم وانا ممنون لاخويه نور الموسوي اللي بذل مجهود خاص من اجلي ويارب يوفقه ويوفق جميع الشرفاء من ابناء  هذا البلد

تحياتي

[ــــ{{{ABADY}}}ـــــ]

على ماذا تتكلمون ؟؟؟؟؟؟؟؟؟؟؟؟؟؟؟!!!!!!!!!!!!!!!!!11


والله مو انا واحد من الاثنين اللى راح يسافروا نهايه الشهر



يالله فااال خير على ان شاء الله

[الدكتور ع.]

مرحبا اخواني الاعزاء.. ان شاء الله تكونون جميعا بألف خير وصحة وامل... اخواني اردت ان اسألكم عن الكفيل، دائما تقولون ان كفالة الكفيل هي معنوية فماذا تقصدون. وهل اذا ذكرت ان عندي كفيل فهذا يعني ان لا احد سيستقبلني من الامم المتحدة في المطار ويتركون هذا الامر للكفيل؟ وهل يجب ايضا ان تسكن في بيت الكفيل في فترة الاستقبال الاولى بدل بيت الاستقبال التابع لمنظمة اللاجئين؟ واذا عندي كفيل لكنهما من بعيد وكبيران في العمر قد لايستطيعون حتى استقبالي في المطار هل تنصحوني بعدم ذكرهما وهل يؤثر ذلك على سرعة معاملتي. ارجو من الاخوان الذين وصلوا الى كندا ان يجيبوني واكون ممتنا جدا منهم.  مع فائق الشكر والتقدير...

                                  أخوكم
                                  الدكتور ع.

[المسافرة]

مسا الخير على الجميع
اخي الفريدو كيف حالك انت والعائلة ان شاء الله بخير
تحياتي

[بشار ابن الجامعة]

السلام عليكم اخواتي اخواني كيف الحال .. شو عرابنا الغالي مختفي ليش يلا اكيد ملتهي وية الاهل بالويكيند .. حبيت اخبركم اليوم طارت طيارة من مطار دمشق متوجهة الى ارض الاحلام كندا .. وعليها كذا عائلة احداها لصديق الي مع عائلته متوجهين الى مانيتوبا-وينبك اسأل الله له الحياة الجديدة السعيدة والمستقبل الرائع المستقر ولي ولجميع المنتظرين الفرج القريب انشاءالله انه سميع الدعاء ...


      اخوكم بشار

[الفريدو]

اخويه عبادي انشالله خبر سفرك قريب واني اكتب البشاره مو بعيده على ربك والفرج قريب انشالله

اختي ماريان اشكرك على دعواتك للاعضاء وربي يوفقك ويزيد من ثلجكم بهذا الشتاء 

اخويه ابو شهد الورده انشالله الافراح مستمره وتفرحنه باخبارك الطيبه دائما ياطيب

اخويه الغالي بشار ابن الجامعه اشكرك من كل قلبي على سؤالك عني وربي ييسر امرك وتفرحنه باخبارك الطيبه . الف سلامه للجاين لكندا وانشالله اعضائنه كلكم شلع تطيرون وخلي نخلص منكم نريد نعزل عاد مو كافي 

اخويه العزيز Dark...Angel  احلى هلهوله والله  بس ياريت اخوانه همه الي راح يسافرون    اكو التباس بالخبر ههههههههه راح نعلن عن العضوين  انشالله بعد ساعات انشالله

اخويه وسفه مبين شغلتك كلش تعبانه لذلك تريد بس تخلص !! الله يفرج همك وييسر امرك وانشالله الاخوه محد يقصر وياك بعونه تعالى


اختي المسافره الف هلا بيكم وربي يسلمك وييسر امرك واني ممنون على سؤالك عني واتمنالك كل التوفيق




اخوكم : الفريدو

[الفريدو]

السلام عليكم ..كيف الحال .. ان شاء الله تتيسر امور الجميع

اني اختكم ام رسل اني بمصر من 2006 وقدمنا اعادة توطين

وقابل ابو رسل سنة 2010 على امريكا وكان ردهم انو بس العاملين

مع الامريكان يطلعون واليزيدي المضطهد وهاي الشغلتين ماعدنه

ومنطونه اي رد طبعا" هاي ب اي او ام هسه ممكن اسال لو ميصير

واحنه اساسا منريد امريكا ونتمنى غير دوله ممكن يكون ملفنه اتحول

لو لا الله يرضه عنكم كلشي مداعرف شسوي احد يكدر يوضحلي

ويساعدني شسوي طولت عليكم اسفه بس من حيرتي والله

الله يبارك بيكم ويريح بالكم جميعا" 

اختي رسل السلام السلام عليكم

اختي  اذا نرفضتو من امريكا اكيد التحويل يكون على غير بلد واما عن مصر فاتوقع اكيد تتحولون على كندا والمشكله ماعندك غيبر الانتظار او تراجعين الامم المتحده وحاولي تستفسرين عن ملفك لعله  تحصلين اخبار خير

انشالله جماعة مصر يجاوبون الجواب الاكيد لان حسب هذه الظروف محتمل تغيرت الامور




اخوك : الفريدو

[الفريدو]

مرحبا اخواني الاعزاء.. ان شاء الله تكونون جميعا بألف خير وصحة وامل... اخواني اردت ان اسألكم عن الكفيل، دائما تقولون ان كفالة الكفيل هي معنوية فماذا تقصدون. وهل اذا ذكرت ان عندي كفيل فهذا يعني ان لا احد سيستقبلني من الامم المتحدة في المطار ويتركون هذا الامر للكفيل؟ وهل يجب ايضا ان تسكن في بيت الكفيل في فترة الاستقبال الاولى بدل بيت الاستقبال التابع لمنظمة اللاجئين؟ واذا عندي كفيل لكنهما من بعيد وكبيران في العمر قد لايستطيعون حتى استقبالي في المطار هل تنصحوني بعدم ذكرهما وهل يؤثر ذلك على سرعة معاملتي. ارجو من الاخوان الذين وصلوا الى كندا ان يجيبوني واكون ممتنا جدا منهم.  مع فائق الشكر والتقدير...

                                  أخوكم
                                  الدكتور ع.

اخويه الدكتور اني راح افهمك على الشغله كامله وتدلل

اخويه شغلة الكفيل اذا كنت طالع عن طريق الامم المتحده فهو كفيل معنوي والكفيل المعنوي هو مجرد حافز يوصلك الى الولايه الي هو ساكن بيها وما اله اي علاقه بيك من الناحيه القانونيه

يعني نفرض انته قبلوك على كندا وتعطيهم اسماء العائله الي هم اقرباءك فالسفاره راح تتصل بيهم قبل تسليمك الجوازات بكم يوم ويبلغوهم هل توافقون على دخول الدكتور الى كندا فاكيد الجواب راح يكون نعم وبهذا انتهى دورهم ومن راح توصل راح يكون ممثل للمنظمه ينتظرك ويوديك الى المنظمه وتمشي امورك  عاديه وياجرولك بيت والكفيل ما اله اي علاقه بيك

اما كفيل الكفاله الخماسيه او الكنائسييه فراح يكون كفيل بكل شيء يعني يستقبلك وياجرلك ويمشي كل امورك لانك ماعندك اي ارتباط في اي منظمه عند وصولك بس اكو منظمات انسانيه تكدر تساعدك بس اكيد الكفيل لازم يكون الدليل الك حتى تعرف شلون تروح وشلون تجي



اي استفسار اني بالخدمه



اخوك : الفريدو

[الفريدو]

اخواني اخواتي ازف لكم البشرى ويبقى الموضوع هو عودة الامل الى المقبولين على كندا

بتاريخ 31 من شهر 10 سوف تقلع الطائره المتجهه من مصر الى كندا وفيها العضوين الاعزاء على قلوبنا

العضو الاول : هو الاخ العزيز علينا جميعا هو الاخ ((((  سكن  )))) ادعو له بالوصول الى كندا بالف سلامه

اما العضو الثاني فهو الاخ العزيز علينا وصاحب المعلومات القيمه والكلمه الرائعه هو الاخ
((((  شمعه منوره )))) دعواتكم له بالوصول بالسلامه


فانبارك الى اخواننا الاعزاء بالسفر الى بلد الاحلام كندا

السفر فجر يوم الاثنين اي بعد ساعات قليله يكون سفرهم وانشالله ربي يوصلون بالف سلامه وتتم الافراح دائما وننتظر الاخبار الطيبه من باقي الاعضاء انشالله ولا تنسو ان فرج ربكم لقريب فلا تيأسو من رحمة ربكم




اخوكم : الفريدو     وهاي اجمل هلهوله للغالين بموعد سفرهم

[ــــ{{{ABADY}}}ـــــ]

مبرووووووووووووووووووووووووووووووك شمعه


سويتها يا بطل



مبروووووووووووووووووووووووك سكن

[شموسه123]

السلام عليكم جميعا

الف مبروك للاخوه وخصوصا شمعه منوره وان شاء الله يوصلون بسلامه وربي يوفقهم

وشكرا لك اخ الفريدو على نقل الخبر

[رسل السلام]

أخي الفريدو

ربي فرح قلبك ويخليك تدري انطيتني

امل وفرحت شويه رح اسال بالمنظمه باجر

الله يرضى عنك انته وكل الطيبين ويسهل امورك

[abu shahed]

الف الف مبروك للاخوه الاعزاء  الاخ سكن والاخ شمعه
ان شاء الله يوصلون بالسلامه الى كندا مع تمنياتنا لهم ولعوائلهم الموفقيه والاستقرار والامان بأذن الله

        وشكرا للاخ الغالي ابو احمد لنقل الخبر

[كلي امل]

واخيييييرا شمعه فرجت عليك الله وياك وتوصلون بألف سلامة انت وكل الي وياك شكرا الفريدو والله فرحتنا

[Dark...Angel]

اني افتر عندي ديلكو 
بس يله عبادي حبيبي هاي بشارة خير ان شاء الله ولمن تعلن خبر سفرك همين راح اهلهلك ولايهمك 

مبروك للاخ سكن وان شاء الله توصل للارض الاحلام بخير وسلام

اما شمعة فشكد ما اني فرحان اله اشكد ما مقهور منه لانه ما خبرني 

بس المهم راح يطفر واخلص منه نايم على كلبي 

واكول ليش صارله جم يوم ماكو علماسنجير وكيح مايكعد راحة 

الف مليووووووووووووووووووووووووون مبروك ابو حمودي الورد

فعلا انك اخ وصديق واستاذ وتاج علراس ولواحد يتشرف بمعرفتك تستاهل كل الخير ياطيب وسويتها يابطل



كلالالالالالالالالالالالالالالالالالالالالالالالالالالالالالالالالالالالالالالالالايش



وهاي كيك ولبيبسي على حسابي ....ابو حمودي حتى اخلص منك وبعد ما تطلب مني بيبسي 












ان شاء الله يارب سفرة سعيدة وتوصلون بلسلامة حبايبنه


عاشت ايدك ابو احمد (الفريدو) على هلبشارة بس هلمرة اذا طلع التباس همين ترى انسحب وقد اعذر من انذر 


تحياتي قلبية

[мαяyαи]

الف الف مبروووووووووووك اخ شمعه منورة واخ سكن وكندا تنور بيكم ويارب توصولون بالسلامة

[nahlahalhadithi]

 الف الف مبروك للاخ شمعة منورة والاخ سكن وان شاء الله توصلون بخير وسلامة


  نهله الحديثي------------ مصر

[اسامة الجميلي]

الف الف مبروك للاخوان سكن وشمعة منورة وانشاء الله للجميع السفر وراحة البال. تحية الى جميع الاخوان والاخوات الموجودين في المنتدى والى الاخ العزيز ابو احمد . وهاي احلى كليجة للطريق
تحياتي وسلامي للجميع








ابو هيا_____الاردن

[baghdad_eye]

السلام عليكم جميعا

مبروك للاخ شمعه منوره والاخ سكن اتمنالكم سلامة الوصول والاستقرار والتوفيق بحياتكم الجديده وان شاءالله الفرج لكل المنتظرين.
اخواني حاكملكم رحلتنا الى كندا التي بدأت يوم 21/9/2011الساعه اربعه واربعين دقيقه فجرا من مطار دمشق على الخطوط الايطاليه وكانت ترانزيت الى روما وبقينا بمطار روما حوالي 6 ساعات وثم الى مطار تورنتو طبعا بكل مطار كان اكو موظف من الهجره يرافقنا ويساعدنا الى ان نكمل كل الاجراءات,المهم وصلنا الى مطار تورنتو وكانت الرحله شاقه جدا بس كل التعب يروح لما تشوف الكل يستقبلوك بابتسامه ويركضون حتى يساعدوك شتان بينهم وبين ما يحدث على حدود الدول العربيه.طبعا اول ما وصلنا مطار تورنتو اجوا علينا موظفات من السي اي سي وعدهم كل الاسماء والمعلومات الخاصه طبعا اني عائلتي متكونه من 6 افراد اني وزوجي واربعة بنات كل اثنين اخذتهم موظفه وتركض كدامنا  كملت كالاجراءات وبعدها اخذتنا الى ضابط الهجره الى استقبلنا ايضا بابتسامه وكمل الاجراءات الخاصه  بالاقامه الي تكون لمدة خمس سنوات من تاريخ دخولنا كندا ويكبس ورقه الهجره بالجواز طبعا هاي الورقه جدا مهمه يطلبوها منا وين ما نروح لازم نحافظ عليها لحين منحنا الجنسيه بعد ثلاث سنوات.بعد ما خلصنا من ضابط الهجره اخذتنا الموظفه نفسها الى المكان الي به الجنط هنا صار عدنا اشكال وحده من الجنط مفقوده بلغنا الموظفه  بفقدانها وبدون اي تأخير بلغت الجهه المسؤوله وثبتت ومواصفاتها رقم الجنطه وانطتنه نسخه من التبليغ وكالت سيتم اجراء اللازم ومشت واحنا وراها رحنا على التفتيش هنا سألتنا جايبين سكاير او مأكولات  لان المسموح هو 10باكيتات لكل فرد والاكل لازم يكون مغلف ومفرغ من الهواء غير هذا ممسموح به المهم خلصنا التفتيش بسلام هنا ضحكت بوجهنا وكالت ولكم تو كنداااااااااااااا وبعدها اختنا للبوابه وكانوا محضرين حجز الباص الى لندن كالتنا انتظروا هنا وانطتنا نسخه من ورقه الحجز طبعا هذه الاجور هي قرض يضاف الى قرض الطائره,انتظرنا شويه واجه السايق صاحنا بالاسماء والموظفات لازالوا معانا ينتظرون الى ان صعدنا الباص وكان الجو مطر وهم واكفين ينتظرون الى ان حرك بينا الباص وودعونا وهم مبتسمين.كافي الى هنا اخواني الاعزاء ان شاءالله اكمل لكم لاحقا ما جرى بعد وصولنا الى لندن /اونتاريو واسفه اذا اطلت عليكم .مع تحياتي






اختكم/baghdad_eye

[بشار ابن الجامعة]

السلام عليكم اخواتي اخواني الاعزاء .. اليوم الافراح عامرة بجمعيتنا الغالية .. الف الف مبروك للاخوان شمعة وسكن ربي يوفقكم ويسر سفركم وكل امركم وانشاءالله تنتظركم حياة جديدة رائعة اساسها النجاح والاستقرار وانشاءالله تنور بيكم كندا وتعمر مثل ما نورت بعرابنا الغالي الفريدو من قبل وبكل اخواتنا واخوانا الاعضاء .. دعائنا للكل بالتوفيق والنجاح والله يسر امر الجميع .. والحمدلله على سلامة اختنا عين بغداد ولو جتي متأخرة عذريني وننتظر منج تفاصيل اكثر .. والدعاء بالتوفيق للجميع


  اخوكم بشار

[الدكتور ع.]

 مرحبا.. وشكر خاص الى الاخ الحبيب الفريدو وأسأل الله تعالى ان يوفقه الى كل خير في كل امور حياته ويجعله من الناجحين دائما... ودوام الاخوة بأذن الله.

             أخوك الدكتور ع.

[aseel_msb]

الف مبروك للاخوة شمعة و سكن و ان شا الله كل الموفقية بالحياة الجديدة

[touma]

السلام عليكم
الف الف مبروك للاخوة المفرج عنهم  .....وانشاء الله يفرج عن كل العراقيين الطيبين

تحياتي
ابو رضاا

[الريم 2000]

الدنيااا زغيرة والف مبروك ماعدنة غير هذا التعبيررررر بس من يتلاكة الاحباء ولاصدقاء شراح يكول؟ المهم بلتوفيق شششو كلشي صار عاااادي وللة اللي يحجي بلمبادئ وانى وانت مايسووي هيج بلتوفيق اكرر؟انى هذا راي كلمن وكيفه






ربي افرجهاا على كل العراقيين؟؟؟؟؟؟؟؟؟؟؟؟

[الحلـــــــوه]

السلام عليكم
تحيه خاصه لاخونا الفريدو وتحيه لكل الاخوه والاخوات بلمنتدى
ارجو ان تقبلونى صديقه جديده بمنتداكم الرائع علما بانى من المنتظرين السفر الى كندا ومقيمه فى مصر

الف مبروك لاخوه والاخوات الواصلين كندا والفرج العاجل لجميع المنتظرين

[monthaer]

شكرا الك اخ الفريدو ع الرد  عن استفساري عن اللجوء


واكيد متل ما قلك اللجوء من داخل الاراضي الكنديه اسل بكثير من التقدم من المطار


انا بدي احكيلك شو صار معي  وبدي نصيحتك الي

شوف انا حاصل على فيزا سياحية قبل شهر ونصف  الي الولايات المتحدة الامريكيه

وطبعا ايل معارف بامريكا والله يخليهم هم مستعدين يستقبلوني ويساعدوني على تقديم اللجوء من داخل امريكا بصفتي فلسطيني

وبنفس الوقت عندي اعمامي وخالتي بكندا

اريد الحصول من هنا  على فيزا كندية واقول لهم اني ارغب بزيارة عائلتي في كندا بعد انتهاء رحلتي من امريكا


وين فرصتي بالحصول ع اللجوء افضل امريكا ولا كندا  
شو نصيحتك الي  وبكون مشكور الك كتير وممنولك

[عدنان صالح]

الف الف مبروك للاخوى شمعه منوره وسكن موفقين في حياتكم القادمه

[شمعه منوره]

اخواني اخواتي ازف لكم البشرى ويبقى الموضوع هو عودة الامل الى المقبولين على كندا

بتاريخ 31 من شهر 10 سوف تقلع الطائره المتجهه من مصر الى كندا وفيها العضوين الاعزاء على قلوبنا

العضو الاول : هو الاخ العزيز علينا جميعا هو الاخ ((((  سكن  )))) ادعو له بالوصول الى كندا بالف سلامه

اما العضو الثاني فهو الاخ العزيز علينا وصاحب المعلومات القيمه والكلمه الرائعه هو الاخ
((((  شمعه منوره )))) دعواتكم له بالوصول بالسلامه


فانبارك الى اخواننا الاعزاء بالسفر الى بلد الاحلام كندا

السفر فجر يوم الاثنين اي بعد ساعات قليله يكون سفرهم وانشالله ربي يوصلون بالف سلامه وتتم الافراح دائما وننتظر الاخبار الطيبه من باقي الاعضاء انشالله ولا تنسو ان فرج ربكم لقريب فلا تيأسو من رحمة ربكم




اخوكم : الفريدو     وهاي اجمل هلهوله للغالين بموعد سفرهم

اخواني واخواتي الاعزاء وفي المقدمة منهم الرفيق المناضل والحبيب الغالي الفريدو ابو هاجر الكنديه  

احييكم اجمل تحيه من كــنـــــدا  واتمنى من صميم قلبي ان يسافر كل المقبولين على كندا باسرع وقت ممكن ان شاء الله سفرا  عاجلا غير اجل ببركة الله تعالى ...
وصدقوني اول ما وصلت كان قراري الاول هو الكتابه اليكم رغم مشقة السفر الطويل والارهاق الكبير الذي عانيناه ولكن الحمد لله على كل حال ووصلنا كندا سالمين برعاية الله ..

واوعدكم بانني  ساكتب لكم خلال اللايام القليله القادمهفي منتداي الخاص الذي يعرفه الجميع تفاصيل الرحله كامله وما واجهناه فيها لكي يستفاد منها الجميع كما ساكتب لكم ملاحظات وانطباعات مهمه عن كندا منذ لحظه دخول اول مطار كندي والاجراءات التي واجهناها اضافة لماشرحه الاخ الغالي الفريدو ابو احمد لكي تكون هذه المعلومات توثيقيه وكامله للجميع ...واوعدكم بانني لن انقطع عنكم مهما جرى بعون الله
وساكون في خدمتكم دائما للاجابه على كل اسئلتكم واستفساراتكم ..

اخواني واخواتي الخص لكم بكلمات بسيطه كندا  واقول لكم الاتي :

اذا احب الله احدكم كتب له كندا وارسله اليها يقدرته ...

وساعطيكم المزيد والمزيد من التفاصيل حال اكمال مستلزمات المرحله الاولى التي هي حاليا اصعب المراحل من حيث الاجراءات الاداريه ... ومع الاسف الشديد فقد انثطع الكثير من الاخوان عن خدمة اخوانهم بعد وصولهم الى كندا وان شاء اله سنتعاون انا والاخ الفريدو دائما لخدمتكم ...

شكرا ثم شكرا ثم شكرا لكل واحد منكم ولكل من كتب تهنئة بمناسبة سفرنا الى كندا ..

وشكرا ثم شكرا ثم شكرا للرفيق المناضل والاخ الفالي والصديق الحبيب والوفي الفريدو ابو احمد على ( فضحنا ) قصدي تهنئتنا ...

واقول لاخي الحبيب ابو احمد  (( حضر المنقله والفحم حت  نشوي المكمط تره بعد ما بيها مجال تاخير )) ودا اخابرك مدا احصلك ...


تحياتي  لكل الاحبه ودعائي الى الله ان يكتب لكم السفر السريع عاجلا غير اجلا ....


احوكم شمعه - كندا

[мαяyαи]

الحمد الله عالسلامة اخ شمعة بوصولك  ... وكندا نورت بيك واتمنالك الموفقية بحياتك الجديدة

[الدكتور ع.]

مرحبا أخواني جميعا، وعاشت ايدك اخت Baghdad_eye على هذا الوصف للاحداث التي مرت بكم، لاننا محتاجين فعلا لادق التفاصيل وكل الاجراءات والامور الادارية مثل كيفية الايجار للشقة وقيمة المعونات المادية والاجتماعية وما الى ذلك من التفاصيل. فشكر لك ولكل الاخوة الاعزاء في هذا الموقع الرائع وبارك الله بك وبهم جميعا.

            أخوكم
            الدكتور ع.

[زيتونه وليمونه]

السلام عليكم جميعا 
ابونور شلونك اخويا والله صار كومه مداخله اهنا بس طبيت اليوم لان ردت اسمع خبر عنك حلو وخاصه اليوم خابروني منظمه اللي استقلبتنا وسالوني عن ناس منطين اسمنا من سوريا وهمه من جماعة شهر الخامس قابلو المقابله الاولى والثانيه ما اعرف لان كنت مشغوله بسفري وخابرتهم وبشرتهم وقالو الي انو ماخذين جوازاتهم وقايلين الهم بعد العيد ان شاء الله للجميع السفر ارجو ان تطمنوني عنكم وسلامي للاخت ام نور

[الفريدو]

اخويه شمعه الف الحمدلله على السلامه

والفضايح  عفوا التهاني بالطريق جايتك لاتستعجل على رزقك  

بشرنه شلون اخبار وندزر وننتظر المعلومات منك بس بدون اولا ولا ثانيا الله يخليك   نريدها جفتتا  

لاتنسى اليوم ماكل سمج وديربالك تتحارش بيه  

بس كلي وصلت الامنيه لو بعدها شمعه الكندي  

واقول لاخي الحبيب ابو احمد  (( حضر المنقله والفحم حت  نشوي المكمط تره بعد ما بيها مجال تاخير       )) ودا اخابرك مدا احصلك ...


خليكم شاهدين يريد احضر المنقله  اكول شنو جبتلي لو 

اخوك : الفريدو

[baghdad_eye]

السلام عليكم جميعا

اخي شمعه منوره الف الحمدلله على سلامتك اكيد كندا نورت بوجودك اتمنالك الموفقيه والاستقرار بحياتك الجديده.
اخي الدكتور ع شكرا لاطرائك الحقيقه اني اعتبره هذا واجب عليا ان ارد الفضل الى هذا المنتدى الكريم وكذلك امانه اؤديها بحق كل من قدم لنا المساعده هنا في كندا اتمنالك التوفيق.
اخواني الاعزاء اليوم حاكمل لكم بقية الرحله , وصلنا لندن /اونتاريو بعد ساعتين من انطلاقنا من مطار تورنتوكان ا لوقت تقريبا الساعه التاسعه والنصف ليلا من يوم 21/9بتوقيت اونتاريو وساعه الثالثه والنصف من يوم 22/9بتوقيت سوريا شوفوا الفرق بالوقت هنا يعني احنا قضينا 23ساعه بالسفر بتوقيت سوريا بينما بتوقيت اونتاريو 15 ساعه , حلو واحد يعيش هذه الحاله المهم وصلنا السايق امام بنايه ونزل حجى بالانتركم ونزل الجنط ويانا وودعنا وراح وره شويه نزلت وحده فتحتلنه الباب واخذتنا بالمصعد الى الطابق الثالث واخذتنا اني وزوجي بغرفه وبناتي بغرفه ثانيه طبعا الغرف محضره النا حتى اسمائنا مكتوبه على الباب ومجهزه بأثاث جديد وخالين على كل سرير شرشفين ولحاف ومخده ومنشفه وخاولي صغير وبرده مال حمام وصابونه وكالتنا الموظفه هذه الاغراض الي على السرير الكم من تروحون منا تاخذوها وياكم واخذتنا شوفتنا الطابق الثالث كله والي هو مخصص للسكن واسمه جرمايا هاوس طبعا احنه لحد الان مثل الاطرش بالزفه حشاكم هلكانيين من التعب بس نريد فراش ننام عليه وهاي ماخذتنه وتشرحلنه كل على كل غرفه ومكان الاكل ومكان الحمامات ومكان المصعد وكلشي له قوانينه كل هذا شرحته النا بالتفصيل اوقات الاكل ونظامه واستعمال المصعد   واستعمال الحمامات الخ وراها اعتذرت من عدنا لان دوامها خلص وراحت بس كالتنا غيروا ملابسكم وتعالوا لغرفة الاكل حتى تتعشون وراحت. وره ما غيرنا ملابسنا اجانا واحد ثاني عرفنا على نفسه وعاد الحجي كله من اول وجديد وحضرلنا العشا وراح واحنه اكلنا ورحنا نمنا للصبح . لما صحينا الصبح شفنا وجوه جديده استقبلتنا مديرة السكن ورحبت بينا وقدمت لنا الريوك وراها استلمتنا نفس الحجي مال الليل كملت محاضرتها وراحت لغرفتها. واحنه وراها تعرفنا على الموجودين بالسكن طبعا غرفة الاكل والجلوس والحمامات مشتركه ولهذا احنه مجبرين ان نتعرف على الجميع بس الحقيقه كل الي شفناهم كانوا منسجمين ومتالفين واحنه ايضا انسجمنا معاهم رغم اختلاف اللغه والدين كنا عائله وحده . بعن هذه البنايه هي خاصه بمنظمه اسمها cclcوهو مختصر ل(cross cultural learner center) وهي منظمه خدميه تقوم بمساعدة القادمين الجدد فقط الي جايين عن طريق اليو ان وتعتبر مثل حلقة الوصل بين القادمين الجدد ودائرة الهجره . البنايه مكونه من ثلاث طوابق الطابق الاول يشغله فريق الراب الي هسه احجي يكم بالتفصيل شقدمولنا وكذلك فيه المكتبه والقسم الي تقام به الدورات ونسيت اذكر بانه اكو طابق اخر الي هو تحت الارضي الي بيه قاعات المحاضرات والاجتماعات نوجع على الطابق الثاني به الرسبشن وغرف المستشارين وبهذا الطابق ايضا يسوون امتحان اللغه وتحديد المستوى والطابق الثالث حجينا عليه نجي هسه نحجي على عمل هذه المنظمه طبعا شكد ما احجي عن الخدمه الي قدموها لنا هو قليل الكل متعاون من مسؤولهم الى اصغر موظف بيهم وهسه احجيلكم شلون طبعا المديره قبل ما تتركنا كالت لنا ابقوا لا تروحون لاي مكان لان عدكم محاضره ساعه عشره طبعا صباحا هي المحاضرات المفروض ساعه 9ونص بس لان اول يوم دللونا شويه ,كلشي هنا بالمواعيد الاكل والمحاضرات وحتى الطلعه بره وطبعا التدخين ممنوع داخل البنايه.ساعه عشره اجانا شخص عراقي عرفنا بنفسه  وهو من فريق الراب وكعد ويانا بغرفة الجلوس وشرحلنا عمل المنظمه وشنو راح يقدمولنا من خدمات وبنفس الوقت دون معلومات خاصه عن كل فرد بالعائله باستمارات جاهزه وكالنا هسه حنصرفلكم 50$ لكل شخص هذا مصرف جيب خلال الفتره الي حتقضوها ويانا وراها بشويه اجه وجايب وياه الفلوس وكال كل يوم عدكم محاضره من ال9ونص لل12 الي هو موعد الغداء ومن الواحده ظهرا الى الثالثه بعد الظهروبقينا اسبوع على هذا الوضع طبعا خلالها اخذونا بسيارتهم لدائرة الهجره وسوولنا معامله رقم الضمان الاجتماعي الSIN الي يعتبر من البطاقات المهمه جدا وايضا سوولنا معامله بطاقة الصحه الي مدتها سنه والي تشمل كل شي حتى الاسنان والعيون ال IFHوهاي مدتها سنه وتسقط وايضا سوولنا معاملة كارت الصحه الدائمي ومعاملة الاقامه طبعا هاي من اول يوم محضريها الي هي ال PR واخر يوم بالسبوع كالوا اليوم تجي ضابط من دائرة الهجره تسلمكم الشيكات طبعا هم شرحولنا خلال المحاضرات استحقاقاتنا والقروض الي علينا ونطونياها كلها مفصله بورقه مطبوعه  وفعلا اجت الضابط وسلمتنا الشيك والي يتضمن مبلغ هديه من الحكومه الكنديه وراتب شهر واحد ومقداره 741$ لكل فرد ومبلغ اخر هو قرض يضاف الى قرض الطائره والفحص الطبي والباص يعني بالمختصر استلم كل فرد بالعائله تقريبا2400$ لان الكل بالغين واني مع زوجي سوا استلمنا شيك واحد تقريبا4800$ ووقعنا على الاستلام وشكرتنا الضابط وراحت . وراها بنفس اليوم اخذونا للبنك وفتحولنا حساب لكل واحد من عدنا .وبعدها بدوا يدورولنا على سكن طبعا كل هذا عمل فريق الراب وكل واحد بالفريق مسؤول عن شغله من الي ذكرتها وبالنسبه للسكن ايضا سألتنا المسؤوله عن السكن عن المواصفات الي نريدها بالسكن وعلى ضوئها بدت تتحرك اول شي اخذتنا على بيت معجبنا رفضنا وراها بكم يوم اخذتنا على بيت ثاني احسن من الاول زينه مواصفاته مثل ما ردنا بس شويه بعيد عن الاسواق بس متوفره مواصلات قريبه عليه احنه وافقنا عليه لان شغلة السكن صعبه مو بسهوله واحد يلكي الشي الي يريده اول ما يوصل والشي الثاني مهما يكون الاهتمام والرعايه بس واحد اذا مو ببيته ميرتاح واحنه قضينا حوالي اسبوعين بالسكن المشترك وشفناها كلش هوايه المهم وافقنا على البيت وكان اجاره 979$طبعا من غير الهيت والكهرباء والحمد لله تحولنا بالبيت يوم 7/10/2011. طبعا مو هاي هيه بعد اكو حجي هواي ان شاءالله اكمله الكم لاحقا . تحياتي


اختكم/Baghdad_eye

[الفريدو]

عاشت ايدك اختي عين بغداد على الشرح المفصل وبصراحه تذكرت ايامي من وصلت نفس الاجراءات وهي اجمل ايام كانت لانها ايام لاتنسى وهي فترة التحويل من الدول العربيه الى كندا والفرق لايوصف من كثر الاحترام والعنايه ولاتستغربي من تعاملهم لانه راح تلاكين تعاملات اكثر وبصراحه شكد تفرحين من تشوفين هاي التعاملات وبنفس الوقت تنقهرين لان ليش احنه العرب تعاملاتنا تختلف جذريا عن الدول الغربيه والحمدلله على استقرارك في بلد الاحلام وشافين الف خير وننتظر منك المزيد ...





اخوك : الفريدو

[الفريدو]

السلام عليكم
تحيه خاصه لاخونا الفريدو وتحيه لكل الاخوه والاخوات بلمنتدى
ارجو ان تقبلونى صديقه جديده بمنتداكم الرائع علما بانى من المنتظرين السفر الى كندا ومقيمه فى مصر

الف مبروك لاخوه والاخوات الواصلين كندا والفرج العاجل لجميع المنتظرين

كل الهلا بيج اختي الحلوه والله يحلي ايامك ياربي

نتشرف بدخولك جمعيتنا بين اهلك وناسك

اذا تحبين تذكرين الى اي مرحله واصله بالاجراءات حتى نكدر نساعدك في حال احتجتي الى اي معلومه

اهلا وسهلا اختي الحلوه مره ثانيه في جمعيتنا





اخوك : الفريدو

[اسامة الجميلي]

انشاء الله الحياة السعيدة في بلد الاحلام (meaple leaf) لاختنا العزيزة baghdad_ eye
ومعلوماتج جدا متسلسلة وقيمة بالتوفيق للجميع انشاء الله








ابو هيا______الاردن

[abu shahed]

عاشت ايدج اختي العزيزه عين بغداد شرح رائع ومفيد جدا ان شاء الله الموفقيه في كندا بأذن الله

[بشار ابن الجامعة]

تحياتي واشواقي لكل اخواتي واخواني اعضاء منتدانا الجميل .. تحية خاصة مليئة بالورد لاخونا الغالي عرابنا الورد الفريدو .. الي لولاه ما أنجمعنا هلجمعة الحلوة بهلجمعية العامرة .. ربي يوفقه ويوفق الجميع .. اختي عين بغداد اكرر تبريكاتي بوصولكم بالسلامة الى ارض الاحلام .. كندا .. وعاشت ايدج على الشرح الوافي والشامل على كل خطوات معاملاتكم من وصولكم بالسلامة الى الان .. مبروك البيت الجديد والحياة الجديدة اسأل الله لكم دوام الصحة والسعادة .. بس حبيت اكلج والقرار يعود لحضرتج ان الاخ الفريدو عنده جمعية اخرى غير جمعية عودة الامل .. وهي معلومات عن مستحقات اللاجئ في كندا .. وبما ان وصلتو لكندا وبدت مستحقاتكم كلاجئين تصل الكم رأيي ان تعملين نسخ للكتبتي سابقآ بهذه الجمعية بخصوص مستحقاتكم فقط ولصقه بجمعية مستحقات اللاجئ الي ذكرتها لحضرتج الي هي ايضآ لاخونا الغالي الفريدو .. والقرار الج اختي العزيزة والف الحمدلله على سلامتكم وربي يوفقكم وتنعمون بالصحة والنجاح .. آمين يارب العالمين .. تقبلوا مروري ..


                                                http://www.ankawa.com/forum/index.php?topic=453088.0

  اخوكم بشار

[خولة بنت الأزور]

حياج الله اختنا  baghdad_eye على الشرح الرائع  اختي العزيزة
وما شاء الله عليج كان الشرح بالتفصيل   الله يحفظج وما تقصرين اختنا
وان شاء الله ترتاحون انتي والعائلة وبالتوفيق

                                                               اختج خولة

[الحلـــــــوه]

مســــــــاء الحلا

اخونا الفريدو اشكرك جزيل الشكر على ترحيبك وانشاله الله يحلى ايامك وايام جميع الاخوه والاخوات بلمنتدى الرائع وتبقى حظرتك منوره


نشكر اختنا baghdad eye على شرحها الوافى واللى يشفى الخاطر بارك الله بيج اختنا وانشاءالله الموفقيه انت وعائلتك

انى بانتظار رجوع الفحص الطبى من لندن والله كريم....

[الفريدو]

منورين اخواني

اشكرك اخي بشار على هذا المقترح وتم رفع موضوع المستحقات للفائده العامه

مقترح جميل وانشالله الاخت عين بغداد تلبي طلبك وطبعا حسب رغبتها

اشكرك اخي بشار وانشالله التوفيق


تمنياتي للجميع بالتوفيق





اخوكم : الفريدو

[baghdad_eye]

السلام عليكم جميعا

اشكر جميع الاخوان الي علقوا على موضوعي  مع تمنياتي لكم بالتوفيق وان شاءالله اكون قدمت فائده ولو بسيطه لكل الاخوان

في المنتدى واني على استعداد لتقديم اي خدمه لجميع اعضاء المنتدى الكرام .

اخواني الفريدو وبشار اكيد حاكتب موضوع خاص بالمستحقات الي حصلنا عليها في كندا وانزله في جمعية مستحقات اللاجى

في كندا عن قريب و شكرا لاهتمامكم الله يبارك بيكم ويوفقكم.

[بشار ابن الجامعة]

مساء الورود والرياحين والنرجس والياسمين .. على اروع اعضاء بأرقى جمعية .. منور عرابنا الغالي ابو أحمد الورد شلونك وشلون العائلة الكريمة انشاءالله تكونون بأتم صحة وعافية .. منورة اختي عين بغداد وممنون منج على ذوقج الراقي واستجابتج لرجائنا الاخوي من حضرتج الله يبارك بيج ويسر امركم .. تمنياتي بألتوفيق للجميع ..



   
    اخوكم بشار

[baghdad_eye]

اخواني الاعزاء حاسترسل بالكلام بدون مقدمات , يوم 7/10/2011 صباحا اخذونا بسيارتين فان احنه واغراضنا الي هي 12 جنطه الي البيت الجديد طبعا اني هسه اتذكرت سالفه الجنطه الي انفقدت بالمطار نسيت احجيلكم عنها ثاني يوم وصولنا بلغونا بانهم لكوا الجنطه  وحيوصلوها النا الي مكان اقامتنا وفعلا ثالث يوم جابوها النه لجرمايا هاوس يعني وصلوها للطابق الثالث ,نرجع لموضوعنا السيارتين وحده تسوقها المسؤوله عن السكن والثانيه يسوقها شخص خصصوا يكون معانا فتره يعلمنا كيفيه التعايش في المجتمع والي يسموا اللايف سكل ووركر وفعلا اول ما وصلنا للبيت نزلنا الاغراض وقعنا عقد الايجار مع المندوبه من الشركه المؤجره وباشرافهم .وراها راحت المسووله عن السكن بعد ان صافحتنا كلنا وتمنت لنا التوفيق وكالت بعد ساعه توصلكم اغراض البيت .هنا انتهى عمل فريق الراب وحولنا على المشتشار الي التقى بينا قبل يوم وعرفنا على نفسه وكال اني حابقى وياكم لمدة سنه اي شي تحتاجوا تتصلون بيه واني اقدملكم المساعده ,المهم احنا بالبيت ووينا اللايف سكل ووركر كالنا هسه يجون اثنين ويايه حتى نروح نتسوق احتياجاتكم الضروريه  والباقي يبقون بالبيت حتى يستلمون الاثاث,رحت اني وبنتي الكبيره معاه الى طبعا بسيارته الى السوبر ماركت وتسوقنا كل احتياجاتنا طبعا احنه دفعنا الحساب اكيد لان سلمونا الشيك بعد الصرف صار كله علينا كافي دلال ,رجعنا للبيت لكينا الاثاث واصل ولو انه اثاث بسيط بس يفي بالغرض ,الاثاث متكون من قنفتين كبيره وقنفتين صغيره ووياهم طبله كبيره واثنين صغار وميز طعام كبير ومثله واحد زغير وتسع كراسي طعام واسره اربعه نفر ووحده نفرين وكومديات اربعه صغار وواحد كبير  طبعا  وتيبل لمب صغير عددسته لغرف النوم واثنين طوال لغرفة الجلوس ,طبعا واحد من التبل لمبات طلع مكسور بلغناهم راسا اتصلوا على الشركه جابوا واحد غيره واخذوا المكسور مع الشكر,واستاذن من عدنا اللايف سكل ووركر وكال حاجيكم مره ثانيه نروح نكمل احتياجاتكم وراح . هنا احنه شعرنا فعلا بالاستقرار وبدينا نفكر بالمستقبل الي طول عمرنا معرفنه نفكر به او نخطط له لا ببلدنا ولا ببلد الجوار الحمدلله على كل شئ.واستمر ويانا اللايف سكل ووركر يجينا كل يومين تلاثه مره الى ان كمل شغله معانا حتى علمنا شلون نستخدم الباص بالتنقل وشكرنا طبعا على جهوده معانا وهو هم كذلك كان مرتاح جدا معانا وكال اي شي تحتاجون بالمستقبل اني بالخدمه طبعا هو عربي فلسطيني بس هنا حتى العرب غير شكل مو مثل العرب الي ببلادنا متعاونين جدا لان النظام يفرض عليهم هذا الشي .واستمرت الحياة اعملنا تست اللغه وسجلنا بالمدرسه وهسه احنه دنداوم بالمدرسه واحب اذكر هنا للافاده ان هناك نوعين من المدارس نوع اسمها اللنك وهذه الحكومه الكنديه متكفله بجميع المصاريف يعني مجانيه ميه بالميه واكونوع ثاني اسمه الاي ا س ال وهذا ندفع عشرين دولار فقط كل فصل دراسي واحنه سجلنا بالنوع الثاني لانه النوع الاول يكون عليه زخم ويخلونا على الانتظار وثاني شي النوع الثاني به انضباط اكثر ولان اني بناتي محتاجيات يكملون اللغه باسرع وقت حتى يلتحقون بالجامعه لهذا فضلنا النوع الثاني .اعزائي هذا كل ما مر بينا خلال وجودنا بكندا من يوم الي وصلنه ولحد الان وان شاء الله اكون قد قدمت لكم شي مفيد ورديت الجميل لك من قدم لنا العون والمساعده سواء من اعضاء المنتدى الكرام اوالي استقبلونا هنا في كندا. شكرا لاصغائكم واتمنى للجميع الفرج  والتوفيق .وان شاء الله اتواصل وياكم واكتب لكم نبذه عن مدينة لندن  طبيعتها ,ايجابياتها وسلبياتها .تحياتي


اختكم / Baghdad_eye

[strongway]

بارك الله بيج اخت Baghdad_eye على الشرح المفصل وعلى هذا المجهود الرائع في الكتابة

ونتمنى لكم الاستقرار وراحة البال اختنا المحترمة والله يفرج على الجميع


                                                                  

[عدنان صالح]

الله يتقبل اعمالكم ومبارك عليكم العيد
                                                و يعود عليكم بصحه وسعاده وعمر مديد

[Dark...Angel]

baghdad_eyes عاشت الايادي على شرح مفصل وان شاء الله الاستقرار ويوم الجنسية ان شاء الله

اعضاء جمعيتنا اشلونكم ان شاء الله (عيد سعيد على الجميع وكل عام وانتو بالف خير)

تحياتي للجميع

[الفريدو]

كل عام والجميع  بالف خير ينعاد على الجميع بلصحة والعافية والستر والامن والامان والرزق

ويارب  الفرج القريب لكل الطيبين


عيدكم مبارك



اخوكم : الفريدو

[abu shahed]

كل عام والجميع بالف خير وعيد سعيد على الجميع ان شاء الله الامن والامان والموفقيه وتحقيق الاماني للجميع
               وعساكــــــــــم مـــــــــــن عـــــــــــواده

[خولة بنت الأزور]

احب ابارك واهنئ جميع اخواني واخواتي الاعضاء بمناسبة حلول عيد الاضحى وكل عام وانتم بالف الف خير
و اتمنى لكم تمام الصحة والسلامة والسفر القريب لكل منتظري السفر  يا رب       

      وعساكم من عوادة        

                                                                 اختكم خولة

[شمعه منوره]

الاخوه والاحبه جميعا

اسجل لكم خالص شكري وتقديري على تهانيكم الرقيقه التي تدل على اخلاصكم الاخوي ومعدنكم الطيب واخلاقكم الراقيه وبارك الله بكم جميعا فردا فردا بلا استثناء ..وارجو المعذره لعدم ذكر الاسماء لان الاحباب والاعزاء على قلبي كثيرون والحمد لله ...

الرفيق المناضل الفريدو .. عمي شوكت تعزمنا عزيمة الوصول تره صار 3 ايام ما ماكل انتظر عزيمتك ؟؟؟

العزيز الغالي  عبـــــــــــــــــــــــــــــادي .... اصيل ودومك اصيل ... وصير بطل مثلي  

الصديق المخلص دارك انجل .... ما تخلص مني ابدا وصناديك الببسي دين عليك  


اخوكم

شمعه - كندا

[شمعه منوره]

الأخوه والأحبه جميعا

اكرر لكم شكري وتقديري على تهانيكم الرقيقه بمناسبة وصولي الى كندا والحمد لله على كل حال ...

واطلب منكم جميعا طلب خالص من القلب لأن ندعو جميعا بالتسهيل والسفر العاجل غير الاجل والسريع باذن الله لاخوتنا واحبتنا التاليه اسماؤهم ادناه بالاضافة لكل منتظري السفر الاخرين  وهم :

الاخ العزيز عبـــــــــــــــــــــــــــــــادي - الاردن

الأخ العزيز اسامه الهاشمي ابو نور - سوريا

الأخ العزيز ابو شهد ( ما اتذكر وين)

الاخ العزيز اسامه الجميلي - الاردن

الاخ العزيز ابو هيا - الاردن

وادعو معي  لهم دعاءا طيبا خالصا من القلب بالخير والبركه والسفر السريع لهم جميعا وتسهيل الطريق لمن بعدهم ان شاء الله ..


اخوكم

شمعه - كندا

[ام نورااااا]

الف الف مبروك اخ شمعه
شايف الخير
ربي يسهل امرك
ان شاء الله يفتحها بوجهك وبوجه الاخوان اللي ذكرتهم
 وبقيه الاخوان اللي ينتظرون سفر واللي بعده بنص الطريق
اسال الله رب العزه والجلاله تسهيل امور الجميع

[الحلـــــــوه]

كل سنه والجميع بالف الف خير وايامكم سعيده الموفقيه والنجاح وتحقيق الامانى لجميع الاخوه والاخوات

[nahlahalhadithi]

       السلام عليكم


ايامكم سعيدة وكل عام وانتو بخير وينعاد عليكم بلخير وتحقيق الاماني ان شاء الله


     نهلة الحديثي-------مصر

[الفريدو]

كل عام والجميع بالف خير

ينعاد عليكم بالصحه والسلامه وراحة البال والوصول الى كندا بعونه تعالى

[الدكتور ع.]

كل عام وانتم بالف ألف خير، وعيد سعيد على الجميع ،وان شاء الله الخير والامان والموفقيه والنجاح الدائم وتحقيق الاماني يا أخواني الاعزاء (اللي بعدة ما امسافر الى كندا ان شاء الله يسافر ، واللي امسافر ان شاء الله يلقي التوفيق في كندا.. ياااااارب) واتمنى يرتاح بالكم كلكم بأذن الله تعالى.
                     
                          أخوكم
                          الدكتور ع.

[بشار ابن الجامعة]

عيد سعيد ومبارك على الجميع وعساكم من عواده .. وكل عام والعراقيين الشرفاء بألف خير اينما حلوا ونزلوا ..

اختي عين بغداد عاشت ايدج وبارك الله بيج انتي وعائلتج على شرحج الوافي الشامل وننتظر المزيد

اخونا شمعة منور بعودتك والله يستجيب دعائك ويسر امر الجميع

دعائي للجميع ان ينعمون بألصحة والعافية والسلامة والامن والامان والخير والبركة وبألتوفيق والمستقبل الرائع



   اخوكم بشار

[Dark...Angel]

ان شاء الله كل عام وجمعيتنا بالف خير وان شاء الله يوم كلنا شلع  نلحك بشمعة
ويعزمونا الفريدو وشمعة 
حبيبي شمعة بس خلي اسافر مو بس اجيبلك بيبسي
اشتريلك نص اسهم شركة بيبسي 

عبادي اشلونك اخوية ان شاء الله انته اول واحد تسقبنا لهناك
مع تحياتي وتمنياتي للجميع بلراحة ولسعادة

[السندبادي]

كل عام والجميع بالف خير وانشاالله من عوادة ويارب الي ممسافر يحقق حلمة ويوصل الى مبتغاه..

اخوكم السندبادي

[ــــ{{{ABADY}}}ـــــ]

كل عام واحبتى واخوانى واخواتى بالف خير





شمعه حبيب الشعب قاعد تطبخ الطبخه على نار هادئه انتظر شوى حبيبي ادعيلى





 كل عام وDark...Angel انت صديقى واخى

[اسامة الجميلي]

كل عام وانتم بالف الف خير انشاء الله الجميع الموفقية والسفر وتحقيق كل الامنيات









ابو هيا____الاردن

[touma]

عيد سعيد وكل عام وانتم بالف خير وتحقيق الاماني انشاء الله

[معلك]

ألأخوة والأخوات أعضاء المنتدى
كل عام وأنتم بخير تمنياتي لكم بالسفر القريب (للمنتظرين الصابرين) والتقدم والأزدهار (للواصلين المستقرين) وأستمرار التعاون بين الجميع.

[strongway]

كل عام وجميع اخواني واخواتي في المنتدى بخير متمنياً لكم دوام الصحة والعافية مع تحقيق الاماني وأولها السفر القريب

[baghdad_eye]

كل عام وانتم والامه الاسلاميه جميعا بخير الله يعوده عليكم بالصحه والسلامه وتحقيق الاماني.




اختكم /baghdad_eye

[المسافرة]

السلام عليكم جميعا
كل عام وانتم بخير ينعاد علينا وعليكم بالصحة والسلامة ان شاء الله
تحياتي للجميع
 

[شمعه منوره]

كل عام والجميع بكل الخير والود والمحبه والعافيه والتوفيق ودامت ايامكم اعيادا ...



عبااااااااااااااااااادي ... وعيونك ... انا مو بس ادعليك وانما اشعلك العشره شمع  ... بس مثل ما كتلك حبيبي صير مثلي 


DARK ANGEL .... المثل ايكول كل واحد اله جتال ... وانا جتالك    وين تروح مني ؟؟؟



تحياتي وتمنياتي للجميع بالسفر العاجل ان شاء الله ..


اخوكم

شمعه - كندا

[ــــ{{{ABADY}}}ـــــ]

كل عام والجميع بكل الخير والود والمحبه والعافيه والتوفيق ودامت ايامكم اعيادا ...



عبااااااااااااااااااادي ... وعيونك ... انا مو بس ادعليك وانما اشعلك العشره شمع  ... بس مثل ما كتلك حبيبي صير مثلي 


DARK ANGEL .... المثل ايكول كل واحد اله جتال ... وانا جتالك    وين تروح مني ؟؟؟



تحياتي وتمنياتي للجميع بالسفر العاجل ان شاء الله ..


اخوكم

شمعه - كندا

بالثوفيق اخى شمعه

[الكاظمي]

 الاخ الفريدو المحترم
 كافة الاخوان والاخوات في المنتدى الاعزاء

   تحيه طيبه وكل عام وانتم بالف خير بمناسبة حلول عيد الاضحى المبارك ,, اعاده الله عليكم بالخير والبركات
   وانشاء الله تحقيق الاماني للجميع .

      تحياتي .................................................................. اخوكم الكاظمي

[الفريدو]

 الاخ الفريدو المحترم
 كافة الاخوان والاخوات في المنتدى الاعزاء

   تحيه طيبه وكل عام وانتم بالف خير بمناسبة حلول عيد الاضحى المبارك ,, اعاده الله عليكم بالخير والبركات
   وانشاء الله تحقيق الاماني للجميع .

      تحياتي .................................................................. اخوكم الكاظمي

كل عام وانت بخير اخويه الغالي الكاظمي وانشالله يوم الي نستقبلك في كالكري

عيدك مبارك وربي ييسر امرك وتخلص مرحلة انتظارك وتستقر في كندا انشالله



اخوك : الفريدو

[بشار ابن الجامعة]

السلام عليكم اخواتي اخواني شلونكم اخباركم .. الظاهر كسلة العيد يمنا وصلت ليمكم .. ارجو ان يكون الجميع بخير وصحة وسلام




   اخوكم بشار

[بشار ابن الجامعة]

عرابنا الورد الفريدو شلونك اخبارك انشاءالله بخير سلامي للعائلة

اختي عين بغداد شلونكم اخباركم انشاءالله مرتاحين .. ننتظر اخبار حلوة

اخوية شمعة شلونك وشلون راحتك .. اخوية انت مو كلش هواية كتبتلنا عن وضعك الحالي وعن وندزور .. ننتظر الكثير منك ياورد

اخواتي اخواني انشاءالله الفرج القريب للجميع يارب




   اخوكم بشار

[baghdad_eye]

السلام عليكم جميعا

اخويه العزيز بشار شكرا للسؤال عنا  الله يبارك بيك ويوفقك احنه الحمدلله بخير واني اليوم نزلت موضوع عن المستحقات

االي حصلنا عليها في جمعية معلومات عن مستحقات اللاجئ في كندا ان شاءالله اكون وفيت بوعدي ,اتمنى ان يكون ذو فائده للجميع .

تحياتي



اختكم /عين بغداد

[شمعه منوره]

عرابنا الورد الفريدو شلونك اخبارك انشاءالله بخير سلامي للعائلة

اختي عين بغداد شلونكم اخباركم انشاءالله مرتاحين .. ننتظر اخبار حلوة

اخوية شمعة شلونك وشلون راحتك .. اخوية انت مو كلش هواية كتبتلنا عن وضعك الحالي وعن وندزور .. ننتظر الكثير منك ياورد

اخواتي اخواني انشاءالله الفرج القريب للجميع يارب




   اخوكم بشار

اخي العزيز بشار

انا فعلا لم اكتب هنا عن وندزور الكنديه ولكن  ساكتب في منتداي الخاص سلسلة مواضيع كامله وتفصيليه بعنوان ( الطريق الى كندا ) وستكون هذه السلسله شارحه ومفسره للكثير من القضايا والامور المهمه التي ربما لم يشرحها احد وفعلا نشرت الجزء الاول منها وعلى امل ان اكمل بقية مواضيع السلسله قريبا جدا ان شاء الله  في قسم كندا في منتداي الخاص  ...

تقبل مني خالص تقديري وتحياتي

اخوكم

شمعه - كندا

[ام نورااااا]

السلام عليكم
ممكن نعرف المنتدى الخاص للاخ شمعه منوره
حتى نقرا اكثر عن كندا
شكرا

[بشار ابن الجامعة]

السلام عليكم جميعآ
شلونكم اخواتي اخواني انشاءالله الجميع بأتم صحة وعافية
اختي الغالية baghdad_eye  شكري وعرفاني الج وكتبت لحضرتج بجمعية المستحقات وممنون جدآ
اخي الغالي شمعه بارك الله بيك وبجهودك الكريمة بس من فضلك ومن رخصة اخونا الكبير الغالي عرابنا الورد الفريدو .. نوه عن اسم وموقع منتداك الخاص بهذه الجمعية او ترسلة على الخاص بكيفك لان بعض الاعضاء ديسألون عن اسمه وموقعه ليتسنى لهم الفائدة منه .. اكرر شكري اخي العزيز ..

سلامي وامتناني العميق لاخونا الكبير الغالي ابو احمد عرابنا الورد لان الله جعله سبب في انشاء هذه الجمعية وهو الي لمنا وافادنا الكثير الكثير من معلوماته القيمة ويردفه اخوانه الاعضاء الباقين .. شكرآ للجميع

   اخوكم بشار

[بشار ابن الجامعة]

السلام عليكم

   عرابنا الغالي شو مختفي .. ابو احمد الورد ما نكدر اذا ما نشوف طلتك الحلوة وابتسامتك الروعة يومية


   جاوبنا عيوني .. سلامي لك وللعائلة الكريمة

[اينشتاين العراقي]

شلونك اخويه الفريدو مشتاقين وين ما وين اخبارك
انشالله بخير
وسلامي للجميع ودعواتي للجميع ان شاء الله كلكم توصلون وتستقرون بكندا بالقريب العاجل
تحياتي

[بشار ابن الجامعة]

السلام عليكم جميعآ

شو سكته اخوان ماكو شي جديد سولفو الله يخليكم 

عرابنا الفريدو .. وينك اخوية عسى المانع خير من حضورك الحلو

تحياتي للجميع .. 

[khalid plus]

السلام عليكم شلون الاخون ان شالله الجميع بالف خير  بس عندي سوال حول تسليم الجوزات ومدة الفحص الطبي لان صارلي شهرين وماكو شي ليحد الان من كملت الفحص الطبي ودزيت ايميل اسال بي السفارة قبل يومين وليحد الان ماكو رد

[ــــ{{{ABADY}}}ـــــ]

هسه يتصلوا فيك على تسليم الجوازات ان شاء الله ميسره

[بشار ابن الجامعة]

السلام عليكم اخواني انشاءالله الجميع بخير وعافية


 صار كم يوم عرابنا الغالي الفريدو ماكو الله يجعل المانع خير .. للاسف ماعدنا وسيلة للاتصال بي غير المنتدى حتى نطمئن عليه وعلى كل اخوانا الي نحب دائما نسأل عليهم

 اخونا شمعه منوره هم ماكو يمكن ملتهي بالحياة الجديدة .. الله يديم الراحة والسعادة له وللجميع

 تحياتي للجميع ..   




   اخوكم بشار

[الفريدو]

صباح الخير اخواني واخواتي الاعزاء وكل عام وانتم بخير وانشاء الله الجميع يسافر بااذن الله تعالى

سؤالي لصديقي وزميلي الفريدوا ولااخواني الاعزاء. احد الاخوه يسأل اذا كان طالعله توطين على امريكا وعمل مقابلات وهو بانتظار الامنيه بس الامينه طولت وقدم بالجديد على معامله كفاله خماسيه على كندا فهل هذا يؤثر على سير معاملة  الكفاله الخماسيه وهو سوف يسالوه بالسفاره الكنديه انه طالعلك توطين لو لاء هل يوجد هذا الشي ؟وهل راح يكوله انتظر الى تبين نتيجة التوطين مالتك يله نمشي معاملة الكفاله ؟ ام مالها علاقه بالموضع وكل معامله تمشي بحاله ؟ فياريت اللي عامل كفاله خماسيه وطالع توطين يكدر يفيدنا بهذا الموضوع ولكم جزيل الشكر والاحترام


اخوكم
ابو خالد

اخويه ابو خالد اسف جدا لانقطاعي وعدم ردي على سؤالك
اخي الكريم بالنسبه الى كندا ما الها اي علاقه اذا كان عندك توطين او لا وماراح تتعرقل اي معامله

لكن سؤالي هو اذا واصل الى الامنيه يعني ليش يتعب نفسه ويسوي معامله جديده كفاله على كندا ؟؟ لان الكفاله  تطول اكثر من سنه وهل معقول الامنيه ماتجي بهاي المده  ؟؟

المهم اخي بالتوفيق انشالله وخلي يمشي بالمعاملتين واي وحده تجي بالاول يروح بيها ويترك الثانيه



اخوك : الفريدو

[الفريدو]

السلام عليكم جميعآ

شو سكته اخوان ماكو شي جديد سولفو الله يخليكم 

عرابنا الفريدو .. وينك اخوية عسى المانع خير من حضورك الحلو

تحياتي للجميع .. 

اخويه الغالي بشار اني ممنون منك لسؤالك عني ولكن والله مشاغل الحياة يوم بعد يوم تكون اصعب وماكو مجال الواحد يكعد ويفتح نت لان من الدراسه للعمل ومن العمل للفراش والروتين اليومي نفسه وماكو تغيير وبالعطله تخلصها تسوق وتكمل امور البيت يعني الي تاخذه بخلال الاسبوع تصرفه بيوم العطله 


اني اشكرك واشكر كل اخواني الطيبين وننتظر منك الاخبار المفرحه حتى يكون تواجدنه دائما معكم  سوولنه واهس عاد 


اما بخصوص الاخ شمعه فاكيد كاعد يركض ورى معاملاته لان بصراحه ماكو اي اتصال بيني وبينه بخلال هذا الاسبوع وانشالله اتصل بيه وابلغكم


اخوك : الفريدو

[الفريدو]

شلونك اخويه الفريدو مشتاقين وين ما وين اخبارك
انشالله بخير
وسلامي للجميع ودعواتي للجميع ان شاء الله كلكم توصلون وتستقرون بكندا بالقريب العاجل
تحياتي

اخويه الغالي اينشتاين شلونك مشتاقين

اني موجود بس انته ماكو ؟؟ زرت فانكوفر مرتين بس ماصارت فرصه امر عليك لان رقمك كان عندي ومن غيرت المبايل نمسحت كثير ارقام لذلك ماكدرت اتصل بيك

والله الك وحشه اخويه .. اني الحمدلله بعدني في البرتا وماباقي شي اكمل دراستي واخذ الكورس مال النيرس والحياة ماشيه والحمدلله


خلينه نسمع اخبارك اخويه

تحياتي اخوك : الفريدو

[بشار ابن الجامعة]

السلام عليكم جميعا شلونكم اخباركم يارب تكونوا بخير وعافية

 هلا بعرابنا الورد ابو احمد والله الك وحشة وبالي يمك .. والله ينطيك الصحة والعافية ويقويك ويرزقك ويريح بالك .. الحمدلله على رجعتك والعود احمد .. سلامي للعائلة الكريمة اخي العزيز

 دعائي للجميع بالصحة وان يسر امركم رب العباد


  اخوكم بشار

[الفريدو]

اخويه بشار اني بخير ماطول الطيبين امثالك بخير . الله يوفقك اخويه ويسهل امرك ياطيب


اخواني اليوم بلش الثلج بكالكري وطبعا اخذت صوره من شباك البيت وهاي بالبدايه يعني اول مانزل الثلج وننتظر شوكت توكف لان حياتنه راح تصير بيضه سماء وارض وجدران وكلشي ابيض وربي يبيض ايامكم 

[мαяyαи]

هاي شنو اخ الفريدو اني متت بس اريد اشوف ثلج وماكو يمنا بتورنتو بس مطر  روعة المنظر كلش حلو بالعافية 

[شمعه منوره]

الأخوه والاحبه جميعا..
اسجل لكم  اعتذاري عن انقطاعي في التواصل معكم خلال الأيام الماضيه بسبب انشغالي باكمال مستلزمات الاجراءات الرسميه من جهة وظروف انتقالي الى ولاية أخرى في كندا وما يتطلبه هذا الانتقال من ضرورات استوجبت انقطاعي عنكم بالاضافة الى انشغالي بتأسيس البيت الجديد في الوطن الجديد ووصول خط الانترنيت عندي اليوم بعد الانتقال الجديد ...

اخويه الفريدو صار يومين ادك عليك تلفون وماكو جواب ... شنو تلفونك هم امثلج من ثلج كالكاري ؟؟؟

تحياتي لكم

شمعه - كندا

[شمعه منوره]

الاخت ماريان ....

اذا عاجبج الثلج مو مشكله هسه الفريدو ايحول اتجاه الثلوج لتورنتو  وتدللين   ... يمنا هم بس مطر  



تحياتي اختي العزيزه


شمعه - كندا

[мαяyαи]

هلا اخ شمعه منوره ان شاء الله دائما منور  وين هالغيبة  هو الثلج وين يروح جاي يعني جاي ورانة ورانة عاجلا ام آجلا   

[شمعه منوره]

هلا بالاخت العزيزه ماريان

الحقيقه انا انقطعت من فتره لان كنت مشغول بالاجراءات الاداريه اول الوصول مثل ما تعرفين تاخذ وقت شويه وبعدين انتقلت الى ولاية اخرى وايضا ظروف الانتقال سببت انقطاعي ثم تاسيس البيت الجديد في الوطن الجديد ايضا عمليه شاقه ومتعبه وتاخذ وقت ... لذلك كنت منقطع ولكن من الان (راح اكعد على قلب اخويه الفريدو هنا )

وعلى كولتج هوا الثلج ورانا ورانا .... واحنا هم وياه وياه  والله كريم  


تثلجاتي .. قصدي تحياتي  

شمعه - كندا

[بشار ابن الجامعة]

السلام عليكم اخواتي اخواني .. كيف حال الجميع .. انشاءالله بخير

 الاخ الغالي الفريدو اشكر كلامك الرقيق يا طيب يا ابن الطيبين .. وعاشت ايدك على الصورة التحفة الي خلتنا نحمة على الجية لكندا ما خلتنا نبرد  الله يوفقك ويوفق الجميع ..

 الاخ الوردة شمعتنا المنور دائمآ اشكر كلامك الرائع وتواصلك ومجهودك وبالنسبة لموقعك فمعلوماتك صارت بايتة لان سجلنا كأعضاء بمنتداك الخاص وساهمنا وانت حتى ترحيب ماكو منك  ها أخوية  بس يلا على كولة الجماعة هنا مسامح ومعذور لان ملتهي .. الله يوفقك ويرزقك ويريح بالك يا شمعتنا المنور دائمآ

 سلامي وشكري للجميع



    اخوكم بشار

[angel_f]

السلام عليكم أحبابي..
يابة باركولي طلع الاستيطان كندا وأخيرا..عندي كم سؤال أذا ممكن اتجاوبوني..
البارحة طلعلنه الاستيطان بالنت ..واليوم خابرونه كالو راح اندز الفورمات للأمنيات بعد اسبوع تروحون تاخذوها..نكدر أحنه نمليها لو نروح لمترجم هو يمليها النا ؟ شتنصحوني؟؟
وثاني سؤال أحب أعرف شكد يتأخر موعد المقابلة؟؟والطيران؟
وأهممم سؤال أحنه نختار الولاية لو همة يختاروها النا ؟؟
ومشكورين مقدماّ على مجهودكم..
 

[الحلـــــــوه]

الف مبروك لاخ انجل الله يتممها عليك بخير

اذا لغتك الانكليزيه زينه امليها انت هيه مو صعبه واذا لا خلى مترجم يمليها
موعد المقابله يختلف من شخص لاخرماكو مقياس ثابت على نوع الكيس
اما بلنسبه للمقاطعه فهى بلغالب على عنوان الكفيل
حضرتك باى دوله؟

[angel_f]

أشكرج هواية يا حلوة على المعلومات المفيدة..
أولا أني بنوته
ثانياّ اني بتركيا..

[Dark...Angel]

الف مليووووووووووووون مبروك انجل
احمدي ربج مليون مرة طلعتلج كندا
بلتوفيق ان شاء الله ويوم السفر


تحياتي

[strongway]

مليوووووووووون مبروك اختنا angel  والله يتمملج على خير  وبالتوفيــــــق

[المسافرة]

مسا الخير على الجميع
الف مبروك اختي انجل وان شاء الله السفر قريبا
منذ متى وانت في تركيا وهذا اول تحويل لدولة وهل عندك اقارب درجة اولى في كندا ؟؟؟؟؟؟؟؟
اسفة لكثرة الاسئلة مع الشكر والتقدير لكي
تحياتي

[abu shahed]

الف الف مبروك اختي العزيزه angel_f وبالتوفيق باذن الله



              ابــــو شهــد
                 عمــــان

[angel_f]

مشكورين أحبابي على التهنئة الجميلة ..

مرحبا أختي المسافرة تدللين اجاوب على مليون سؤال ادا عندج..

منذ متى وانت في تركيا وهذا اول تحويل لدولة وهل عندك اقارب درجة اولى في كندا ؟؟؟؟؟؟؟؟
اسفة لكثرة الاسئلة مع الشكر والتقدير لكي..

صارلنه 5 اشهر ونص بتركيا .. وهدا اول تحويل .. عدنه عمي بكندا ..

[خولة بنت الأزور]

الف مبروك اختي angel_f وان شاء الله السفر العاجل ونتمنى لكي كل الخير وبالتوفيق اختي العزيزة

[ــــ{{{ABADY}}}ـــــ]

angel_f



ان شاء الله يووووم السفر

[الحلـــــــوه]

مساء الخير
اختى المسافره موشرط انو عندك اقارب حتى تتحولين لكندا انى من الناس الى ماعندى اقارب لامن الدرجه الاولى ولامن العاشره
بس هى شروط تكون متوفره بلكيس مالتك ومطلوبه عندالحكومه الكنديه

[المسافرة]

حبيبتي انجل اشكرك على لطفك كثيرا وعلى اجابتك على اسئلتي جميعها والف مبروك مرة ثانية واتمنى ان تتواصلي باخبارك دائما مع هذه الجمعية لتعم الفائدة
تحياتي

[المسافرة]

مساء الخير
اختى المسافره موشرط انو عندك اقارب حتى تتحولين لكندا انى من الناس الى ماعندى اقارب لامن الدرجه الاولى ولامن العاشره
بس هى شروط تكون متوفره بلكيس مالتك ومطلوبه عندالحكومه الكنديه

اشكرك اختي الحلوة على اهتمامك وتوضيحك المهم
عزيزتي منذ متى وانت في تركيا؟؟؟
وهل هذا اول تحويل الى دولة ؟؟؟؟
هذه الاسئلة مهمة جدا لي لانه نحن في تركيا من 4 اشهر فقط و لدينا ملف في الاردن وطلبنا نقله الى تركيا وايضا نحن مرفوضين من اميركا في الاردن لهذا حبيت تخذ فكرة عن الوضع هنا وازعجتك باسئلتي انت والاخت انجل
شاكرة تعاونكم معي
وان شاء الله تفرحونا قريبا بموعد سفركم قريبا
تحياتي

[ARNEST]

مساء الخير احبائي الاعزاء طبعا اني اول شي ووقبل كلشي دخلت هنا ومشتاق ال اخوية الفريدو الوردة يطلبني تكة جكاير قبل سنة ونص من جنة بسوريا بس اني مشكلتي نزلت بولاية وهوه بعيد عني اخوية الفريدو شلونك اخبارك امورك صدك مشتاقلك هواية كولش ومشتاق الكل شخص كان يتابع معاملته هنا من قبل اكثر من سنة ونص بس تعرف ظروف الشغل والمعيشه كلش صعبه متخليك تفتح انترنيت صدكني المهم الحمد الله ع كلشي انته اخبارك امورك صديقي اوتاوا ليهسه مبيها ثلج بس باردة سلامي ومشتاقلك هواية وربي  الفريدو خير اخ لم تدله لك امك

[الحلـــــــوه]

تحياتى للجميع واولهم اخونا العزيزالطيب الفريدو

اختى المسافره انا فى مصر وليس فى تركيا و هذا اول تحويل الي واى سوال انى بخدمتج

سوال لاخوان الى سافروبلنسبه الى وثائق المدارس يطلبوها بكندا وموضوع الكهرباء شلون نوع المحوله الي نحتاجها هناك

[الفريدو]

السلام عليكم أحبابي..
يابة باركولي طلع الاستيطان كندا وأخيرا..عندي كم سؤال أذا ممكن اتجاوبوني..
البارحة طلعلنه الاستيطان بالنت ..واليوم خابرونه كالو راح اندز الفورمات للأمنيات بعد اسبوع تروحون تاخذوها..نكدر أحنه نمليها لو نروح لمترجم هو يمليها النا ؟ شتنصحوني؟؟
وثاني سؤال أحب أعرف شكد يتأخر موعد المقابلة؟؟والطيران؟
وأهممم سؤال أحنه نختار الولاية لو همة يختاروها النا ؟؟
ومشكورين مقدماّ على مجهودكم..
 

اختي انجل الف مبروك الاستيطان وانشالله بالتوفيق ياربي

اختي بالنسبه الى المده فبصراحه حاليا الامور كلها تخربطت بسبب الازمه بالدول العربيه بس توقعي تقريبا سنه وشويه زياده او نقصان حسب حظكم لان الشغله شغلة حظ وماكو شي اله ميزه على الاخر

اما الفورمات فحسب لغتكم اذا كانت الانكليزيه قويه فالفورمات كله معلومات عاديه ومابيها صعوبه واذا ما مطمنين من المعلومات روحو لمترجم وعبوها

اما الولايه فراح يذبوكم يم عمك الي هو يعتبر الكفيل وتروحون لولايته لان هو الحافز الي ساعدكم بالقبول على كندا مباشره


اي استفسار انشالله مانقصر




اخوك : الفريدو

[الفريدو]

مساء الخير احبائي الاعزاء طبعا اني اول شي ووقبل كلشي دخلت هنا ومشتاق ال اخوية الفريدو الوردة يطلبني تكة جكاير قبل سنة ونص من جنة بسوريا بس اني مشكلتي نزلت بولاية وهوه بعيد عني اخوية الفريدو شلونك اخبارك امورك صدك مشتاقلك هواية كولش ومشتاق الكل شخص كان يتابع معاملته هنا من قبل اكثر من سنة ونص بس تعرف ظروف الشغل والمعيشه كلش صعبه متخليك تفتح انترنيت صدكني المهم الحمد الله ع كلشي انته اخبارك امورك صديقي اوتاوا ليهسه مبيها ثلج بس باردة سلامي ومشتاقلك هواية وربي  الفريدو خير اخ لم تدله لك امك

اخويه ارنست منووووووور شلونك اخبارك والله مشتاقين نسمع اخبارك ياطيب

يمعود ياجكاير هاي  هسه صارن طرشي  اخويه الغالي ماطول انته بخير هاي تسوى ابو الجكاير

اهم شي اخويه استقريت واشتغلت هاي تسوى الدنيا ومايهمك شي احنه دائما ننتظر نسمع اخبار كل طيب مثلك وكلما يصير عندك مجال اكتبلنه عنك وعن اخبارك لان الطيبين الهم وحشه

اخويه لا تخاف الثلج جايكم جايكم وين تروحون ههههههههههه بس احنه نحب الثلج لهذا يجينه من وكت 


والنعم منك اخويه وانشالله اخوه نبقى ماطول الروح الطيبه موجوده بقلوبنه فهذا دليل على اصلك وطيبك




اخوك : الفريدو

[الفريدو]

تحياتى للجميع واولهم اخونا العزيزالطيب الفريدو

اختى المسافره انا فى مصر وليس فى تركيا و هذا اول تحويل الي واى سوال انى بخدمتج

سوال لاخوان الى سافروبلنسبه الى وثائق المدارس يطلبوها بكندا وموضوع الكهرباء شلون نوع المحوله الي نحتاجها هناك

اختي الحلوه الله يحلي ايامك ياربي وتخلصين من الكدعان وتستقرين بكندا وترتاحين ياربي

اختي بالنسبه الى الوثائق اذا كانو الاطفال صغار فمايحتاج لان راح يدخلوهم على اعمارهم وطبعا اضافه الى اللغه ولا تشيلين هم لان العنايه هنا جيده جدا بالنسبه الى المدارس

اما المحول فلا تفكرين بي لان موجود في محلات الدولاراما بسعر دولار وربع وهي قطعه صغيره تشكليها بالفيشه مال الكمبيوتر او اي جهاز  وتعتبر موصل فهي شغله جدا سهله



اي استفسار اني بالخدمه واشكرك على سؤالك عني




اخوك : الفريدو

[المسافرة]

اشكرك اختي الحلوة على ردك وتعاونك معي
تحياتي

[angel_f]

أشكرك أخوية الفريدو على المعلومات بس حبيت اذكرك اني بتركيا يعني مو بدولة عربية هم نفس الشي اطول سنة او اكثر لو اقل ..
والله بردت قلبي من كلت يذبوج يم عمج مشكورررررررررررررررر عزيزي..

[الحلـــــــوه]

      اشكرك الفريدو العزيز الله ربى تحله ايامك
اني قصدت بلمحوله الي تحول الكهرباء من110الى220 لان ناويه اجيب كم جهاز كهربائى مثل اوتي شسوار  عندك فكره عن المضوع
     
    الف شكر مره ثانيه

[angel_f]

عفية عليج يا حلوة والله جان ابالي هذا السؤال..

[الفريدو]

اختي الحلوه السلام عليكم

بما ان الاخت انجل هم على بالها نفس السؤال فراح اكلج شي وكوني على ثقه اني بلغت كثير ناس قبل وصولهم ولكن بعض الاخوان كانو يعارضون كلامي والنتيجه من وصلو الاعضاء الى كندا ندمو لان ماجابو الاجهزه الكهربائيه وياهم

اختي اي جهاز كهربائي معتزه بي جيبي وياج لان كلها تشتغل هنا وماكو محول ولكن هي قطعه صغيره تكون بين البلك مال الجهاز والفيشه مال الكهرباء

طبعا الاوتي هنا جدا رخيص اما الشسوار فموجوده انواع كثيررررررره بس اذا عندك شي معتزه بي ونوعيه زينه جيبي ولاتفكرين بالكهرباء لان كلشي يشتغل هنا وبدون محول وهذا الكلام اني مسؤل عنه لان كلشي كهربائي جبته ويايه ولحد الان يشتغلن والحمدلله ماكو مشاكل




اخوكم : الفريدو

[angel_f]

راح اجيب سشواري لعد :D:D:D
مشكور عزيزي الفريدو....

[angel_f]

عزيزي الفريدو دا تكول..

ولكن هي قطعه صغيره تكون بين البلك مال الجهاز والفيشه مال الكهرباء

شنو اسمها؟؟ انجيبها ويانه لو نشتريها مناك؟؟

[بشار ابن الجامعة]

السلام عليكم جميعآ
 
 شلونكم اخباركم ربي يسر امر الجميع ونفرح باخبار الجميع الحلوة

 عرابنا الورد شلونك اخبارك مشتاقون ..

  تحياتي للجميع


   اخوكم بشار

[الفريدو]

اخويه بشار مية هلا بيك اخويه الغالي

شلونك انته انشالله بخير ؟؟ اشكرك ياطيب على سؤالك عني دائما





اختي انجل اذا متعوده على الشسوار  دوري على هاي القطعه واشتريها وهي بكندا سعرها دولار وربع يعني رخيصه

وهاي الصوره حتى تعرفين الفرق بينها وبين الدول العربيه



اخوكم : الفريدو

[мαяyαи]

اي اني اول ما وصلت اشتريت للابتوب بس كان بيه عدة رؤوس واشتريته غالي تقريبا 59 دولار  لان ما عرفت وين ادور تقسيم وراسا استعجلت و اللابتوب كان ابو المثلث ما رهم عليه هذا التقسيم بس للسشوار اكيد يرهم  ومبروك اخت انجل توصلين بالسلامة تحياتي لكم

[الفريدو]

اختي ماريان بالعافيه خوش بوري ههههههههههه

طبعا كل محل اله سعر والمحلات الصغيره اسعارها جدا غاليه بس الي يريد يشتري يروح على دولاراما وهاي محلات معروفه في كل مكان في كندا وطبعا التقسيم الي حجيتي عنه هم موجود بنفس المكان وسعره نفس سعر القطعه الوحده

بالعافيه ع الشسوار  يستاهل 59%



اخوك : الفريدو

[мαяyαи]

اختي ماريان بالعافيه خوش بوري ههههههههههه

طبعا كل محل اله سعر والمحلات الصغيره اسعارها جدا غاليه بس الي يريد يشتري يروح على دولاراما وهاي محلات معروفه في كل مكان في كندا وطبعا التقسيم الي حجيتي عنه هم موجود بنفس المكان وسعره نفس سعر القطعه الوحده

بالعافيه ع الشسوار   يستاهل 59%



اخوك : الفريدو

لالالا اخ الفريدو اني اشتريته عاللابتوب مو علمود السشوار اني اصلا ما جبت وياية سشوار بس اشتريته منا اول ما وصلت   وبعدين يلة عرفت اكو منه بدولاراما يله عادي يستاهل اللابتوب 59 دولار  

[المسافرة]

مسا الخير على الجميع
مسا الخير اخي الفريدو كيف حالك انت والعائلة ان شاء الله بخير وصحة
تحياتي

[المسافرة]

مسا الخير على الجميع
مسا الخير اخي الفريدو كيف حالك انت والعائلة ان شاء الله بخير وصحة
تحياتي

[الحلـــــــوه]

lمساء الفل والورد والجورى على اخوتى وخواتى
مساءك فل وجوري الفريدو اشكرك هوايه تظل دائما حظرتك سباق الى المساعده وفيت وكفيت

[angel_f]

مشكوررررررر عزيزي الفريدو على الصورة

[الحلـــــــوه]

السلام عليكم
اخوتى بلنسبه للستلايت يفيد نخاذه ويانه مو بلنسبه للكهرباء بلنسبه للارسال والستائر شنو فلمها
اسئلتى كثيره بس ميخالف اتحملونى
جزيل الشكر   

[الفريدو]

اختي المسافره عليكم السلام شلونك انشالله بخير

تدللين اختي انجل وشتحتاجين اني بالخدمه


اختي الحلوه السلام عليكم

طبعا شغلة الستائر جدا ضروريه واخذيهن وياج لان موديلات الدول العربيه ماكو هنا والموديلات الموجوده تعبانه مو مثل دولنه العربيه فهذه شغله ضروريه وطبعا الستلايت ممكن تستفادين منه بس تركبين صحن وهنا مو كل بيت يوافق على ربط الستلايت لان البيوت كلها خشب واصحاب البيوت مايقبلون بس اكو طرق عن طريق ناس يشتغلون بالستلايت بدون ان يزرفون الحائط يركبوه بطريقة ربك وماتاثر على البيت وطبعا ماتجيب غير 18 قناة واغلبها تعبانه بس الموجود الفيحاء والانوار والسوريه دراما وقطر يعتبرن القنوات الي بيهن مسلسلات والباقي سودان سعوديه وغيرهن تعبانات

لكن يوجد جهاز حاليا يربط على واير الانترنت اسمه ( زاب zaap ) وهو يجيب قنواة الستلايت وسعره 350$ امريكي ومايعادلها بالدولار الكندي وانا حاليا اشتريته وكاعد اتفرج كل القنوات العربيه والعراقيه مباشر والتحكم عن طريق الريمونت وما اله اي علاقه بالانترنت او الحاسبه بس يربط من الواير لس وتتفرجون على جميع القنوات


ولا تنسين الشغلات الالكترونيه ضروريه لان هنا جدا غاليه



تدللين واي شي تحتاجين احنه بالخدمه





اخوك : الفريدو

[мαяyαи]

لكن يوجد جهاز حاليا يربط على واير الانترنت اسمه ( زاب zaap ) وهو يجيب قنواة الستلايت وسعره 350$ امريكي ومايعادلها بالدولار الكندي وانا حاليا اشتريته وكاعد اتفرج كل القنوات العربيه والعراقيه مباشر والتحكم عن طريق الريمونت وما اله اي علاقه بالانترنت او الحاسبه بس يربط من الواير لس وتتفرجون على جميع القنوات

اخ الفريدو ممكن تفاصيل اكثر على هذا الجهاز وين يتوفر يعني اذا نشتريه ماكو اشتراك شهريا عالقنوات الفضائية ؟؟ واي قنوات تطلع بالضبط يعني اقصد قنوات MBC وغيرها من القنوات الاساسية هم تطلع؟؟ تحياتي لك

[الفريدو]

اختي ماريان السلام عليكم

تكدرين تتصفحين بهذا الموقع مالتهم http://www.zaaptv.com/

طبعا هاي القنوات تتحدث بين فتره واخرى يعني توجد قنوات يتغير التردد مالتها فنحن لا نستطيع ان نعمل سيرج مثل ماكان بالدول العربيه ولكن الشركه تحدثها بين فتره واخرى والقنوات موجوده ال mbc كلها واضافه الى قنوات كثيره وحاليا عندي 138 قنات موجوده وطبعا كل فتره تلغي قنوات واما ترجع او تنزل غيرها يعني تقريبا كل القنوات موجوده حاليا عندي

اكيد ماكو اي اشتراك شهري

تكدرين تسوين اوردر على الشركه ويصلك الى البيت مباشرا





اخوك : الفريدو

[мαяyαи]

اشكرك اخ الفريدو عالمعلومات القيمة ما قصرت وان شاء الله اشتريه لان القنوات الي عدنا بصراحة كلش ممله بس سوريا دراما اتابعها واحنا متعودين عال MBC والمسلسلات المدبلجة 

[الفريدو]

اختي ماريان السلام عليكم

طبعا حبيت اضيف شغله مهمه حتى اسويلج واهس تشتريه بسرعه  

طبعا بالنسبه للمدبلجه اشكال والوان حاليا  

اكو مميزات كثيره بالجهاز وهي :

الجهاز يشمل 6 اقمار وهي : عربي + يوناني + افريقي + تركي + سبورت + كردي

يشمل افلام كارتون اشكال وبجميع اللغات قنوات كثيره + صحف عربيه من كل الدول العربيه + افلام حديثه + قنوات تعليميه + راديو .. يوجد عدد جدا كبير من الافلام العربيه مخزنه في الجهاز وبصراحه لم احسبها من كثرتها وتشمل الافلام القديمه مثل اسماعيل ياسين والحديثه ايضا ولكن جدا كثيره وممتعه , وتوجد فقره بيها كم قناة لجميع دول العالم مثل امريكا والصين وكوريا وفيتنام ......الخ

بالاضافه الى كل هذا تكدرين تفتحين يوتيوب او عندك يوتيوب معين تريدين تشوفي هم تدخلين على السيرج ويطلعلك كيبورد وتكتبين الي تريدي ويعرضلك انترنت او تكتبين اميلك مال اليوتيوب او الكوكل ويتخزن عندك بالجهاز وشوكت ماتريدين تفتحي تكدرين تتصفحين بموقعك او غير مواقع

اني اول شي فتحت اليوتيوب مال هاجر بنتي وكعدت اتفرج  




تحياتي : الفريدو

[мαяyαи]

شكرااااا اخ الفريدو  على هذا التقرير المفصل شجعتني اشتري الجهاز خوش برامج بيه  تحياتي لك

[معلك]

مرحباً
أولاً مبروك للأخوة اللي وصلو كندا بخير وسلامة وثانياً شكراً للأخ الفريدو للرد على سؤالي(عن الأدوية)نعم قبل شهر (لأن طول هذه الفترة ما انفتح عندي المنتدى)
ثالثاً في 15/11/2011 سلمت الجوازات للسفارة ونحن الان دننتظر موعد طيران أو دورة الطيران
حسب معلوماتكم شكد اتطول حتى يسلمونا الجوازات؟
تحياتي للجميع وأهلاً وسهلاً بالمشاركين الجدد

[الحلـــــــوه]

مساء الخير
يسلمو اخى الفريدو والف شكر الك بس ممكن تكلي اكثر عن الالكترونيات والاجهزه الي نحتاجها بكندا ويكون سعرها هناك غالى

تحياتي

[Dark...Angel]

السلام عليكم اخواني واخواتي اشلونكم شخباركم

الفريدو , شمعة , عبادي , بشار, انجل , مسافرة

اعتذر اذا نسينا احد

تحياتي

[мαяyαи]

مرحباً
أولاً مبروك للأخوة اللي وصلو كندا بخير وسلامة وثانياً شكراً للأخ الفريدو للرد على سؤالي(عن الأدوية)نعم قبل شهر (لأن طول هذه الفترة ما انفتح عندي المنتدى)
ثالثاً في 15/11/2011 سلمت الجوازات للسفارة ونحن الان دننتظر موعد طيران أو دورة الطيران
حسب معلوماتكم شكد اتطول حتى يسلمونا الجوازات؟
تحياتي للجميع وأهلاً وسهلاً بالمشاركين الجدد

اخ معلك تنتظر شهر ينطوك موعد سفر وبعدها يخابروك عالدورة التثقيفية وجوازك تستلمه بالمطار هاية اذا معاملتك كفالة خماسية تحياتي لك

[المسافرة]

السلام عليكم اخواني واخواتي اشلونكم شخباركم

الفريدو , شمعة , عبادي , بشار, انجل , مسافرة

اعتذر اذا نسينا احد

تحياتي

وعليكم السلام اخي نحن بخير والحمد لله واخبارنا ما زلنا ننتظر الفرج وان شاء الله يكون قريبا
اشكرك اخي على سلامك وسؤالك
تحياتي لك وللجميع

[معلك]

شكراً أخ maryan على الرد ونعم أني على الكفالة الخماسية على Vancouver سؤال اخر: شكد مسموح أطلع فلوس وياية وأذا عندي أكثر من المسموح شسوي (طبعاً لحد يكلي انطيني أياها !!!!)
تحياتي للجميع

[الاصيل1]

السلام عليكم
هنالك موعد طيران الى كندا يوم الثلاثاء القادم
والسفر مستمر

[strongway]

السلام عليكم
هنالك موعد طيران الى كندا يوم الثلاثاء القادم
والسفر مستمر

شكرا اخوية على نقل الخبر  والله يتمم للجميع على خير .... بالتوفيق

[angel_f]

أيييييييي أنشاء الله يوم الطيران وأرتاح يا ربي وللجميع أنشاء الله ..
فعلا خوش سؤال يا معلك شكد مسموح نشيل ويانه؟؟ بالنسبة الي أني بتركيا ..
اذا زايد اتصور نكدر أندزها لكرايبنه هناك .. بس المشكلة تطلع فلوس التحويل هواية

[رائد رائد]

السلام عليكم اخوتي واخواتي الاعزاء
طبعا انا في تركيا منذ حوالي اكثر من سنه وقبل شهرين تقريبا تم الاتصال بي من قبل اليوأن
وتكلم معي الموضف وقال سوف نقوم بتحويل ملفك الى كندا للاستيطان وقال عليك الانتضار لمدة شهرين او اكثر او اقل لمعرفة النتيجه
وبعد شهر تقريبا تم الاتصال بي من اليوأن وتكلمت معي موضفه وقالت لقد تم رفض ملفك من كندا وقالت سوف نقوم بتحويل ملفك اذا امريكا
وانا قلت لها انا لا اريد امريكا قالت الان لا توجد هنا بس امريكا وكندا وقلت لها استراليا موجوده قالت لا توجد استراليا ولم اوافق على تحويل ملفي الى امريكا وبعدها قالت عليك الانتضار لحين وصول وفد جديد طبعا هذا الكلام قبل شهر تقريبا
واليوم تم تحديث اليوأن على الانترنت ولقد ونزل استيطان كندا في ملفي ولكن الاستيطان وكتب
(( تم توصية وتأييد الترشيح لدولة أعادة الأستيطان )) هكذا مكتوب في الملف والدوله طبعا كندا فهل هذا استيطان او ماذا ارجو الاجابه وطبعا في تاريخ اليوم تحدث الملف وشكرا للجميع

[المسافرة]

مرحبا اخي رائد بالبداية الف مبروك تحويل ملفك الى كندا
عندما قابلت لاول مرة بالمفوضية هل رفضت تحويلك لاميركا ؟؟؟؟
اذا نعم ماذا كان رد الموظف الذي قابلك ؟؟؟؟
مع خالص شكري
بالتوفيق

[رائد رائد]

اهلا اختي المسافرة نعم رفضت تحويل ملفي الى امريكا منذ البدايه
ولقد تأخرت على القبول واخذ الفسفورة كثير اكثر من سنه وانا لم يتم قبولي
ولقد قابلت مايقارب 4 مقابلات في اليوأن مع محامين حتى تم قبولي
وبلنسبه للموضف لم يعلق على رفضي لامريكا فقط ذكر الاسباب
اختي المسافرة هل انتي في تركيا او لا اذا كنتي في تركيا هل يعتبر هذا استيطان لي او لا
لان كتبول لي تم توصيه وتأييد الترشيح لدولة اعادة الاستيطان ؟؟؟

[ام نورااااا]

اخ رائد ان شاء الله توصل كندا وتستقر
المقابلات بال un والمحامين انت تطلبهم؟
 لو المنظمه تكلفهم لمقابلتك حتى تصر على كندا؟
تحياتي

[رائد رائد]

اخ رائد ان شاء الله توصل كندا وتستقر
المقابلات بال un والمحامين انت تطلبهم؟
 لو المنظمه تكلفهم لمقابلتك حتى تصر على كندا؟
تحياتي

اهلا خيتي ام نورا
بلنسبه للمقابلات الي صارت بليوأن ليس انا من اطلبها بل كل هذه المقابلات كانت تحدد مصير قبولي
هنا في تركيا هناك من يقابل وياخذ القبول او الفسفورة من اول يوم وهناك من يتاخر على القبول كلاجئ مثلما حدث معي
وانا لم احدد كندا او غيرها فقط رفضت امريكا
والحمدلله تم تحويلي الى كندا واتمنى السفر القريب لكل الاعضاء والاخوة

[المسافرة]

اشكرك اخي رائد كثيرا على ردك لاسئلتي
اخي نعم انا في تركيا
ممكن تذكر اسباب تاخيرك لاستلام الفسفورة ورجاءا اخي لا تعتبرني اتدخل في امورك الخاصة ولكن لاخذ فكرة واقارن وضعي معك لا اكثر
ونعم اخي هذا استيطان الى كندا مرة ثانية مبروك
بالتوفيق

[رائد رائد]

اشكرك اخي رائد كثيرا على ردك لاسئلتي
اخي نعم انا في تركيا
ممكن تذكر اسباب تاخيرك لاستلام الفسفورة ورجاءا اخي لا تعتبرني اتدخل في امورك الخاصة ولكن لاخذ فكرة واقارن وضعي معك لا اكثر
ونعم اخي هذا استيطان الى كندا مرة ثانية مبروك
بالتوفيق

شكرا اختي المسافرة الله يبارك بعمرج ويحفضج
اختي بلنسبه للتأخير هو اولا انا كنت مقدم في سوريا وبقيت انتضر نقل ملف سوريا
ثانيا انا رفضت امريكا من البدايه من المقابله الاولى وبعدها كانت كل شهرين تقريبا مقابله في اليوأن مع محامي ونفس الكلام
وبقيت انتضر النتيجه وبعدها اعادة نضر في القرار وبعدها تم قبولي كلاجئ
وان شاء الله القبول والسفر والتوفيق للجميع

[خولة بنت الأزور]

السلام عليكم اخوتي واخواتي الاعزاء
طبعا انا في تركيا منذ حوالي اكثر من سنه وقبل شهرين تقريبا تم الاتصال بي من قبل اليوأن
وتكلم معي الموضف وقال سوف نقوم بتحويل ملفك الى كندا للاستيطان وقال عليك الانتضار لمدة شهرين او اكثر او اقل لمعرفة النتيجه
وبعد شهر تقريبا تم الاتصال بي من اليوأن وتكلمت معي موضفه وقالت لقد تم رفض ملفك من كندا وقالت سوف نقوم بتحويل ملفك اذا امريكا
وانا قلت لها انا لا اريد امريكا قالت الان لا توجد هنا بس امريكا وكندا وقلت لها استراليا موجوده قالت لا توجد استراليا ولم اوافق على تحويل ملفي الى امريكا وبعدها قالت عليك الانتضار لحين وصول وفد جديد طبعا هذا الكلام قبل شهر تقريبا
واليوم تم تحديث اليوأن على الانترنت ولقد ونزل استيطان كندا في ملفي ولكن الاستيطان وكتب
(( تم توصية وتأييد الترشيح لدولة أعادة الأستيطان )) هكذا مكتوب في الملف والدوله طبعا كندا فهل هذا استيطان او ماذا ارجو الاجابه وطبعا في تاريخ اليوم تحدث الملف وشكرا للجميع

مبرووك اخوية رائــــــــد  استيطانك على كندا ...ونتمنى لك كل الخير وبالتوفيق ان شاء الله

[المسافرة]

اخي رائد اشكرك كثيرا وجزاك الله خيرا على تعاونك معي
بالتوفيق

[so soft]

مبروووووووووك اخ رائد ونتمى لك كل التوفيق والتساهيل من الله

[رائد رائد]

شكرا للجميع ويارب التوفيق والتساهيل للجميع وان شاء الله السفر القريب والاخبار المفرحه للجميع يارب

[strongway]

السلام عليكم اخوتي واخواتي الاعزاء
طبعا انا في تركيا منذ حوالي اكثر من سنه وقبل شهرين تقريبا تم الاتصال بي من قبل اليوأن
وتكلم معي الموضف وقال سوف نقوم بتحويل ملفك الى كندا للاستيطان وقال عليك الانتضار لمدة شهرين او اكثر او اقل لمعرفة النتيجه
وبعد شهر تقريبا تم الاتصال بي من اليوأن وتكلمت معي موضفه وقالت لقد تم رفض ملفك من كندا وقالت سوف نقوم بتحويل ملفك اذا امريكا
وانا قلت لها انا لا اريد امريكا قالت الان لا توجد هنا بس امريكا وكندا وقلت لها استراليا موجوده قالت لا توجد استراليا ولم اوافق على تحويل ملفي الى امريكا وبعدها قالت عليك الانتضار لحين وصول وفد جديد طبعا هذا الكلام قبل شهر تقريبا
واليوم تم تحديث اليوأن على الانترنت ولقد ونزل استيطان كندا في ملفي ولكن الاستيطان وكتب
(( تم توصية وتأييد الترشيح لدولة أعادة الأستيطان )) هكذا مكتوب في الملف والدوله طبعا كندا فهل هذا استيطان او ماذا ارجو الاجابه وطبعا في تاريخ اليوم تحدث الملف وشكرا للجميع

مبروك اخ رائد على الاستيطان ونتمنى لك التوفيق والسفر العاجل ان شاء اللــه

[بشار ابن الجامعة]

مساء الخيرات على اخواني واخواتي الاعضاء

  شلونكم اخباركم .. الله يسر امر الجميع يارب

     اخوية الغالي Dark...Angel  ممنون على سؤالك الحلو يا طيب يا أصيل .. الله يحفظك النا يا ورد

   اخي اني موجود وانتظر الفرج .. بس النت بسوريا كلش ما يسوي واهس ومتعب لذلك شوية اتأخرت بالرد
اشكر سؤالك عني مرة ثانية .. والله يسر الامر للكل

     تقبلو تحياتي ..


      اخوكم بشار

[ــــ{{{ABADY}}}ـــــ]

السلام عليكم اخواني واخواتي اشلونكم شخباركم

الفريدو , شمعة , عبادي , بشار, انجل , مسافرة

اعتذر اذا نسينا احد

تحياتي

هلا باخى الطيب

[جنا من مصر]

السلام عليكم اخواتي واخواني الأعزاء

اولا اشكر كل من رد عليه وافادني بأن اقدم تقاريري الطبيه للسفاره الكنديه واخص الشكر الى الاخ الفريدو والى الاخت ريم كندا والى الاخ عبادي والى الجميع والله ييسر امر الجميع
ابشركم اني البارحه جان عندي موعد الفحص الطبي والحمد لله علما ان مقابلتي كانت ثالث ايام عيد الاضحى المبارك اعاده الله عليكم بالخير والبركه ولكن لكوني خضعت للعلاج الكيميائي لم استطيع التواصل معكم لان مثل متعرفون الوضع ما بعد الكيمياوي
المهم اني اخبرتهم بالمقابله ان الجواز مالتي مفقود لكن كانت عندي نسخ مصوره من الجواز قدمتها لهم وقدمت للسفاره العراقيه في مصر بطلب الحصول على جواز جديد علما اني من 2008 لم اسافر الى خارج مصر واعلمتهم بذلك فهل هذا سوف يؤثر على السفر بعد موافقة الفحص الطبي فأرجو ممن لديه الخبره افادتي وانتو تعرفون معاملة الجواز تطول وبالنسبه للمده من الفحص الى موعد السفر شكد تكون تقريبا ؟

ولكم مني كل تقدير وشكر واحترام

اختكم جنا من مصر

[monthaer]

شكرا الك اخ الفريدو ع الرد  عن استفساري عن اللجوء


واكيد متل ما قلك اللجوء من داخل الاراضي الكنديه اسل بكثير من التقدم من المطار


انا بدي احكيلك شو صار معي  وبدي نصيحتك الي

شوف انا حاصل على فيزا سياحية قبل شهر ونصف  الي الولايات المتحدة الامريكيه

وطبعا ايل معارف بامريكا والله يخليهم هم مستعدين يستقبلوني ويساعدوني على تقديم اللجوء من داخل امريكا بصفتي فلسطيني

وبنفس الوقت عندي اعمامي وخالتي بكندا

اريد الحصول من هنا  على فيزا كندية واقول لهم اني ارغب بزيارة عائلتي في كندا بعد انتهاء رحلتي من امريكا


وين فرصتي بالحصول ع اللجوء افضل امريكا ولا كندا  
شو نصيحتك الي  وبكون مشكور الك كتير وممنولك

اجو من لديه معرفة او اقتراح يجيب

[ــــ{{{ABADY}}}ـــــ]

السلام عليكم اخواتي واخواني الأعزاء

اولا اشكر كل من رد عليه وافادني بأن اقدم تقاريري الطبيه للسفاره الكنديه واخص الشكر الى الاخ الفريدو والى الاخت ريم كندا والى الاخ عبادي والى الجميع والله ييسر امر الجميع
ابشركم اني البارحه جان عندي موعد الفحص الطبي والحمد لله علما ان مقابلتي كانت ثالث ايام عيد الاضحى المبارك اعاده الله عليكم بالخير والبركه ولكن لكوني خضعت للعلاج الكيميائي لم استطيع التواصل معكم لان مثل متعرفون الوضع ما بعد الكيمياوي
المهم اني اخبرتهم بالمقابله ان الجواز مالتي مفقود لكن كانت عندي نسخ مصوره من الجواز قدمتها لهم وقدمت للسفاره العراقيه في مصر بطلب الحصول على جواز جديد علما اني من 2008 لم اسافر الى خارج مصر واعلمتهم بذلك فهل هذا سوف يؤثر على السفر بعد موافقة الفحص الطبي فأرجو ممن لديه الخبره افادتي وانتو تعرفون معاملة الجواز تطول وبالنسبه للمده من الفحص الى موعد السفر شكد تكون تقريبا ؟

ولكم مني كل تقدير وشكر واحترام

اختكم جنا من مصر

اختى ان شاء تتسهل امورك واذا ماكو جواز يطلعوا جواز الصليب الاحمر

[جنا من مصر]

زين كولي اخويه انت متأكد من انو يطلعون جواز من الصليب الاحمر ؟

[الفريدو]

اخواني اخواتي السلام عليكم

اسف لانقطاعي عنكم هذه الفتره بسبب المشاغل والثلوج الجميله في كالكري 

اشكر كل من سال عني واسف لعدم ردي على الرسائل الخاصه ولكن تمت الاجابه اليوم



تمنياتي للجميع بالموفقيه وتسهيل الامور




اخوكم : الفريدو

[هباوي]

السلام عليكم
عندي استفسار بخصوص الكفيل
شنو الاجراءات الي تترتب عليه ؟
اليوم اتصلت بليوان وكتلهم عندي كفيل بكندا لان حسب اخر مكالمه وياهم كلولي منحولج لكندا الا عندج كفيل وبلموت يله لكيت وحدة تكفلني بس هيه مو اقارب مجرد وحدة حبت اتساعدني واليوم من خابرتهم وكتلهم عندي كفيل كلي لا الغريب ميصير لازم اقارب زكندا راح ادقق بلموضوع واذا عرفو انه غريبه راح ايرفضوني
زين شلون حيتاكدون يعني اذا اكللهم هيه اقربائي ؟
ممكن التوضيح ررررجاءا بخصوص الموضوع واكون شاكرة تعاونكم

[الفريدو]

اختي هباوي السلام عليكم

كوليلهم اقربائي ولاتخافين وماكو شي يكشف انهم غربه او اقرباء لان ماكو شي اسمه تجييك على اي اسم في كندا ومحد اله الحق بالتدقيق على اي شخص الا في حال لاسامح الله اكو قضيه كبيره وبذاك الوقت يتم التجييك

اختي بلغيهم بنت خالتي ومحد راح يسالها عن اسم امها او اي استفسار لان الكفيل معنوي فقط

توكلي على الله ولاتشيلين هم بالموضوع

اتصور انتي في تركيا صحيح ؟؟ لان بس تركيا تطلب كفيل حتى تتحولين على كندا وقد تكفلت شخص قبل فتره طويله في تركيا وطلبو منه نفس الطلب بس لحد الان ماكو اي اخبار عنه



اخوك : الفريدو

[هباوي]

اشكرك اخي الفريدو على الاجابه طمنتني
اي نعم اني بتركيا
ورجاءا اخي ممكن اعرف الكفيل شنو راح تترتب عليه؟ لو بس بلاسم كفيل؟اعتذر على الازعاج وكثر اسالتي

[الفريدو]

اختي هباوي تدللين

الكفيل معنوي فقط وماراح تترتب عليه اي مسؤليه

فائدة الكفيل هي حافز يوصلك الى كندا وبنفس الولايه الي هو ساكن بيها

ماكو اي شي راح يترتب عليه




اخوك : الفريدو

[angel_f]

مساء الخير أخواني وأخواتي الاعزاء..
طبعا مثل ما تعرفون وبلغتكم قبل فترة أنه طلع الاستيطان مالتنه كندا واستلمنه الفورمات
سؤالي هو الفورمات لازم نمليها على الحاسبة ونطبعها لو بالايد أتصير؟؟
وأذا لازم طباعة وين الكيها على النت دورت لكيت 3 ملفات بس اكو ملف ما لكيته وملف العسكرية همين ما لكيته ؟؟
بليز أخواني جاوبوني بسرعة لان كلش حايرة؟؟

[عفراء عادل]

مساء الخير أخواني وأخواتي الاعزاء..
طبعا مثل ما تعرفون وبلغتكم قبل فترة أنه طلع الاستيطان مالتنه كندا واستلمنه الفورمات
سؤالي هو الفورمات لازم نمليها على الحاسبة ونطبعها لو بالايد أتصير؟؟
وأذا لازم طباعة وين الكيها على النت دورت لكيت 3 ملفات بس اكو ملف ما لكيته وملف العسكرية همين ما لكيته ؟؟
بليز أخواني جاوبوني بسرعة لان كلش حايرة؟؟

نعم عيني تتعبى  بالكومبيوتر اكو نسخة من برنامج البي دي اف تستطيعن تملين بيها الفورم و بعدها تعطين امر طباعة و تصبح جاهزة..

اختكم
عفراء \ ماليزيا

[angel_f]

مشكورة أختي العزيزة بس وين الكي هدا البرنامج؟؟

[المسافرة]

صباح الخير على الجميع
مبروك اختي انجل استلامك الفورمات وان شاء الله السفر قريبا
عزيزتي هل معنى استلامك الفورمات هو الموافقة المبدئية ؟؟؟؟؟
تحياتي

[المسافرة]

مرحبا اخي الفريدو كيف حالك انت والعائلة ان شاء بخير وصحة
ما اخبار الثلوج ودرجة الحرارة ؟؟؟
تحياتي

[angel_f]

هلا أختي العزيزة ..

عزيزتي هل معنى استلامك الفورمات هو الموافقة المبدئية ؟؟؟؟؟

ممممم ما اعرف بصراحة..
بس أتصور راح يجينه رفض من ورا الفورمات لان شغلتها كلش صعبة
أني أيست من هسة..

يا ريت أدا أكو أحد يعرف الموقع الي بي الفورمات يسعدني
لكيت كم فايل بس بعدلي 2 

تحياتي للجميع..

[المسافرة]

اشكرك اختي انجل على الرد
ان شاء الله تحصلين على المساعدة وبسرعة
نحياتي

[ARNEST]

اخوية العزيز الفريدو الوردة اني اليوم يله دخلت وشفت الرسالة مالتك وردة واني ضفتك وان شاء الله اب اقرب فرصة نحجي واسمع اخبارك الطيبة ربي يحميكم ويسرع معاملاتكم والكل ينورد كندا بس خلي قسم منكم يجي اوتاوا تره اواتاوا مبيها عراقين هواية يارب نشوفكم هنا ومستقرين تحياتي اخوكم ارنست

[شمعه منوره]

الاخوه والاخوات جميعا ..


الاخ الفريدو مصاب بوعكه صحيه اضطر بسببها الى الانقطاع وان شاء الله سيعود معكم بعد شفاءه ...

تمنياتنا بالشفاء العاجل لأخونا الفريدو ابو احمد والعوده مجددا .....

وكذلك أرجو منكم جميعا أن تدعو بالشفاء العاجل والسلامه لوالدة اخونا العزيز عبادي والتي أصيبت مع الاسف الشديد بجلطه دماغيه وندعو الله العزيز الحكيم ان يشفيها ويعافيها ببركته ورحمته وقدرته انه سميع مجيب الدعاء ...


حفظ الله الجميع من كل مرض وشر ومكروه ان شاء الله تعالى ...



اخوكم

شمعه - كندا

[nahlahalhadithi]

السلام عليكم



 سلامات اخونة العزيز ابو احمدوان شاء الله نتمنالك الشفاء العاجل و تمام الصحة والعافية وترجع تنور المنتدى بخير وسلامة


وندعو الله عز وجل ان يمن بلشفاء العاجل لوالدة الاخ عبادي



نهلة الحديثي--------مصر

[جنا من مصر]

السلام عليكم

ادعو من الله بالشفاء للاخ العزيز ابو احمد ويرجع ان شاء الله ينور المنتدى
وبالسلامة لوالدة الاخ العزيز عبادي واتمناله الشفاء ان شاء الله





جنا من مصر

[so soft]

ندعو من الله الشفاء العاجل الى اخونا العزيز الفريدو ...ونتمنى له تمام الصحة والعافية

وندعو بالشفاء العاجل ايضا الى والدة الاخ عبادي ..ونتمنى لها السلامة

[the lion]

ندعو من الله الشفاء العاجل الى الاخ الفريدو  والى والدة الاخ عبادي...

اللهم شافي كل مريض ......

[بشار ابن الجامعة]

السلام عليكم اخواتي اخواني الاعضاء الاكارم .. شلونكم انشاءالله الجميع بخير والله يسر امر الجميع


  اخوكم بشار

[بشار ابن الجامعة]

السلام عليكم

   اللهم ياربنا يامشافي يامعافي .. شافينا وعافينا جميعآ .. وشافي وعافي والدة اخونا عبادي وشافي وعافي اخونا ابو احمد

شفائآ من عندك عاجلآ غير اجل تامآ عامآ شاملآ كاملآ .. لايغادر سقمآ ولا مرضآ ولا بأسآ ولا عارضآ ولا طارئآ .. بحولك وقوتك ياقوي ياعزيز يارحيم ياودود يا لطيف .. بيدك الخير انك على كل شيئ قدير و بالاجابة جدير ياسميع يابصير .. اللهم آمين يا أرحم الراحمين

[شمعه منوره]

بارك الله بكل الأخوه والأخوات الذين دعو بالشفاء العاجل لاخونا الفريدو ولوالدة اخونا عبادي ...

وهذه هي الروح الأخويه الطيبه التي نتمنى ان تسود بين الجميع دائما وأبدا .. روح التعاون والمحبه والمسانده في السراء والضراء ...

تحياتي .. ودعائي الى الله تعالى أن يحفظ الجميع ... اللهم امين ...


اخوكم

شمعه - كندا

[aseel_msb]

اخواني و اخواتي الطيبين تحية و سلام
بالبداية ادعو بالسلامة لاخونا الفريدو و يا ربي كل الصحة لجميع المرضى
احب ان ابلغكم انه احنا وصلنا كندا صار اسبوعين بعد الكثير من التعقيدات لكن الحمد لله و اعذروني للتاخير بالكتابة لان صار يومين بس من وصلنا النت اتمنى تكونون بكل خير و صحة و عافية و سلامي للجميع

اختكم اسيل -كنداااا

[خولة بنت الأزور]

اللهم شافي اخونا الفريدو ....ووالدة الاخ عبادي ...ونتمنى لهم تمام الصحة والعافية

[خولة بنت الأزور]

اخواني و اخواتي الطيبين تحية و سلام
بالبداية ادعو بالسلامة لاخونا الفريدو و يا ربي كل الصحة لجميع المرضى
احب ان ابلغكم انه احنا وصلنا كندا صار اسبوعين بعد الكثير من التعقيدات لكن الحمد لله و اعذروني للتاخير بالكتابة لان صار يومين بس من وصلنا النت اتمنى تكونون بكل خير و صحة و عافية و سلامي للجميع

اختكم اسيل -كنداااا

مليوووووووووون مبروك اختي اسيل وصولكم والف الحمد لله على سلامة وصولكم
                      ونتمنى لكم كل الاستقرار والموفقيــــــــة

                                                                                                       
                                                                            اختج خولة

[angel_f]

الله يشفي الجميع يا ربي بأسرع وقت أنشاء الله..

[المسافرة]

اللهم شافي اخي الفريدو ووالدة الاخ عبادي شفاءا تاما وابعد عنهم كل سوء
تحياتي

[المسافرة]

الف مبروك وصولك بالسلامة حبيبتي اسيل ان شاء الله حياة سعيدة ومريحة في كندا
تحياتي

[بشار ابن الجامعة]

السلام عليكم
  الف شكر اخونا الغالي شمعه لان انت نبهتنا على موضوع اخونا وعرابنا الغالي ابو احمد ووالدة اخونا عبادي .. الله يشفيهم ويشافي ويعافي الجميع

واتمنى من كل الاخوة الي عنده معلومات مفرحة او لا سمح الله غيرها ان ينبهنا ولو ما عدنا شي غير التبريكات والتهاني او الدعاء .. بس هذا واجب بين الاخوة والاصدقاء .. وانشاءالله كلنا اخوة واخوات .. الله يحمي ويعافي الجميع ويديم كل ايامكم افراح

 

     اخوكم بشار

[بشار ابن الجامعة]

الف الف مبروك للاخت اسيل وصولكم الى ارض الاحلام كندا .. وانشاءالله تشوفون الخير والنجاح والموفقية ويرزقكم راحة البال ..

 وننتظر منج اختنا العزيزة تفاصيل الرحلة والاجرائات منذ اقلاعكم وحتى وصولكم وسكنكم لا تنسين شي حبابة 

مبروك مرة ثانية وربي يسر امرنا وامر الجميع انه سميع مجيب

[the lion]

الف مبروووك للاخت اسيل وصولكم كندا  ونتمى لكم كل الاستقرار

[so soft]

اخت اسيل ... حمدا لله على سلامة وصولكم لكندا ...والف مبرووووووووووك

وان شاء الله الاستقرار ...وتبدون ان شاء الله  بداية جديدة موفقــــــــة

[جنا من مصر]

الف مبروك للاخت اسيل على سلامة الوصول الى ارض الاحلام وانشاء الله يرزقكم راحة البال والاستقرار والحياة السعيده الجديده

[ام نورااااا]

السلام عليكم
عندك العافيه ابو احمد الغالي وماتشوف شر
ان شاء الله ازمه وتعدي
الله يشافيك ويعافيك
طمنا عنك
تحياتي

[ام نورااااا]

الحمد لله اسيل على سلامة الوصول لكندا
ان شاء الله ترتاحون ويتحقق كلما تتمنونه
الصحه والسلامه
تحياتي

[مي فؤاد]

مرحبا اخواني واخواتي
احييكم بعد انقطاع بس اعذروني لانه كنا مخبوصين بالتحويل الى الشقة الجديدة وانشاء الله راح ابقى في تواصل معكم
احنة هسة ساكنين في كبلنج في تورنتو اجرنة شقة غرفتين نوم وصالة وحمام ومطبخ وبيها بالكون
شقة حلوة ومرتبة
الثلج اهنا بعدة ما اجا بكثرة اتصير ايام تثلج بس ما يكون على طول يعني تثلج شوية وترجع تغيم ويبطل الثلج والكل يقولون اهنا انه الثلج هاي السنة تاخر هواية بتورنتو
وبصراحة اني قريت انه اخونة الفريدو مصاب بوعكة صحية انشاء الله الصحة والعافية الة ويرجع ينور المنتدى مرة ثانية
طبعا حسب ما يعرف الجميع بالمنتدى احنة وصلنة كندا عن طريق اليو ان ومن تحولنة للشقة اليو ان ساهمت وانطتنة بعض الاثاث والي تشمل
1- قنفة بيها 3 مقاعد وكرسي
2- ميز تواليت بي مراية ودولاب مجارير
3- ميز وطبلة
4- اسرة منفردة عدد 2 وبيها دواشك اثنين
5- ميز طعام وبي 4 كراسي
6- table lamps عدد 3
وطبعا هاي الاثاث تختلف من عائلة الى اخرى حسب عدد انفار العائلة
وانشاء الله تبشروني بوصول وبسفر اكبر عدد ممكن من اخوانة واخواتنة الى كندا


مي - كندا - تورنتو

[мαяyαи]

هاية شنو الاخبار اني غبت فترة اسبوع لان انتقلنا الى غير شقة والنت اتأخر اسبوع ومن رجعت سمعت هالاخبار  المحزنة الف سلامة لاخونا الفريدو ان شاء الله يرجع للمنتدى بالسلامة ، واتمنى الشفاء العاجل لوالدة الاخ عبادي ويارب تمر الازمة بخير ونسمع اخبار حلوة بأقرب وقت وشكرا أخ شمعه لنقل الاخبار وتفقدك لاخوانا الاعضاء

[abu shahed]

  الف سلامه لاخونا الغالي ابو احمد وان شاء الله اجر وعافيه بأذن الله وما شوف شر اخونه الطيب وننتظر عودتك النه بصحه وعافيه يارب

والف سلامه الى والدت الاخ الطيب عبادي نسال الله القدير ان يشفيها وان يمد بعمرها اللهم امين

[abu shahed]

اخواني و اخواتي الطيبين تحية و سلام
بالبداية ادعو بالسلامة لاخونا الفريدو و يا ربي كل الصحة لجميع المرضى
احب ان ابلغكم انه احنا وصلنا كندا صار اسبوعين بعد الكثير من التعقيدات لكن الحمد لله و اعذروني للتاخير بالكتابة لان صار يومين بس من وصلنا النت اتمنى تكونون بكل خير و صحة و عافية و سلامي للجميع

اختكم اسيل -كنداااا

الف الف مبروك والحمد الله على السلامه اختنا العزيزه اسيل يارب الموفقيه والاستقرار بأذن الله

[شكوماكو]

أتقدم بدعاء صادق لوالدة اخونا العزيز عبادي بالشفاء  العاجل و المعافاة التامة من المرض بإذن الله تعالي.
اللهمّ اشفِ اخونا الغالي الطيب الفريدو ( ابو احمد) والطف به واشفِ كل مرضانا يارب.

[Dark...Angel]

الهم اشفي والدة اخونا عبادي

وبلشفاء العاجل ان شاء الله لاخونه ابو احمد

وتمنياتي لكي بلموفقية اختي العزيز اسيل في حياتك الجديده

تحياتي للجميع

[الفريدو]

السلام عليكم

الف سلامه لوالدة الاخ الغالي عبادي وانشالله ربي يشفيها ويبعد عنها كل مكروه

اخواني اخواتي يعجز اللسان على شكركم لانكم اخواني ونعم الاخوه , ربي يدوم روح الاخوه بين الجميع

اشكر اخويه شمعه واشكر كل الاخوه والاخوات على دعائهم وربي يوفقكم جميعا وييسر امركم

انا الحمدلله بصحه جيده وهذا فضل دعائكم وربي يبعد عنكم كل سوء


جزيل الشكر اخواني




اخوكم : الفريدو

[شمعه منوره]

الحمد لله على سلامة العوده ( سالم مسلح  ) اخونا  الفريدو ... وان شاء الله صحه وعافيه دائما ...




تحياتي


شمعه

[strongway]

ندعو بالشفاء الكامل لوالدة الاخ عبادي ونتمنى لها تمام الصحة والعافية ......

اخي الفريـدو ... الف الحمد لله على سلامتك.... ونورت المنتدى برجوعك ...

                                                                   
                                                                   اخوكم ستررونك وي

[معلك]

مرحباً
تمنياتي بالصحة والسلامة للأخ الفريدو والشفاء العاجل للوالدة يا أخ عبادي
أخوان أود التأكيد على سؤالي السابق أذا عندي مبلغ أكثر من المسموح فكيف اخذه؟
علماً اني عندي موعد سفر يوم 20 /12 تمنياتي بالموفقية للجميع
تحياتي

[Dark...Angel]

يابه ابو احمد الورد حمد الله علسلامة ظل بالنه يمك ابن عمي
 ان شاء الله يوم يجينا عبادي ويبشرنه همين ماعدها الا العافية والدته

تحياتي

[nahlahalhadithi]

   السلام عليكم


حمدلله على السلامة اخونة العزيز والمنتدى نور برجوعك

نهله الحديثي------مصر

[بشار ابن الجامعة]

السلام عليكم
 

   شلونكم اخواني اخواتي يارب الجميع بخير ... نورت المنتدى برجعتك عرابنا الورد ابو احمد الغالي والف لا بأس عليك تحياتي لك وللعائلة
 

وانشاءالله نفرح برجعة اخونا عبادي ووالدته بألف صحة وعافية .. وانشاءالله الجميع بصحة وعافية وشفاء تام من عند الباري عز وجل


   تحياتي للجميع ...





          اخوكم بشار

[Dark...Angel]

هاي ليش جمعيتنا راجعه ليوره 

حبيبي بشار عاش من شافك

تحياتي للجميع

[الفريدو]

اخواني السلام عليكم

اشكر مشاعركم الطيبه والحمدلله انا بخير وبصحه جيده وربي يوفقكم جميعا وييسر امركم

اخويه معلك الف مبروك خط الرحله وانشالله توصل بالف سلامه

بس على اي ولايه انشالله ؟؟

اخويه بالنسبه الى المبلغ المسموح اكيد بلغوكم بالدوره التثقيفيه وهي 10000$ للشخص البالغ

اما المبلغ الزائد الي تريد تاخذه فتبقى الشغله يمك اذا تريد تاخذ فلوس وماتبلغ بيهن يعني تضمهن فهذا شي يرجعلك وخلي في بالك محد راح يفتشك ولكن يسالوك كم المبلغ الي جايبه معك وانته تجاوب بكيفك واذا كنت خايف فيوجد مكاتب تحويل تكدر تحولهن اما قانوني بعلم الدوله او عن طريق مكاتب اهليه مثل شركة الطيف وماراح تعلم بيه الدوله

اي شي تحتاج تدلل




اخوك : الفريدو

[ام الهنا]

 مرحبا اعضاء الجمعية وان شاء الله تعالى يسهل اموركم وامري ونسافر ، سألت سؤال سابق ولم يجبني احد ( لكن مو بجمعيتكم ) واكرر السؤال للاخ الفريدو :
انا كيس وحدي وتحدد لي موعد سفر الى امريكا وتأجل بسبب احداث كنتاكي سؤالي هل هناك طريق ثالث لطلب اللجوء الى كندا غير ارجاع الملف الى اليو ان ، او طريقة الكفالة ، يعني مثلا لجوء انساني يمكن مخاطبة السفارة الكندية ويتحول الملف وبأقصى سرعة ممكنة لان ملفي متأخر من 2009 ، ان شاء الله اكو رد وباب فرج لي عن طريق جمعيتكم . تحياتي لكم .


ام الهنا

[الفريدو]

كل الهلا اختي ام الهنا

اختي بالنسبه الى اسهل الطرق للوصول الى كندا هي اما اللجوء عن طريق الامم المتحده او الكفاله الكنائسيه وهي يجب ان يكون عندك كفيل عايش في كندا وله عمل قانوني او كفاله خماسيه وهي 5 كفلاء ولديهم عمل قانوني

طبعا شغلة المخاطبه ماتنفع نهائيا لان الكنديين مايتجاوبون نهائيا وماعدهم شغلة العواطف في هذه الاجراءات


اي شي تحتاجين تدللين


اخوك : الفريدو

[ام الهنا]

 
شكرا اخي الفريدو على الرد وكان عندي امل اطلع بطريق آخر ، لان الانتظار تعبني . وما اكدر ارجع ملفي الى نقطة الصفر مرة ثانية . وان شاء الله يصير عندي ( مبلغ ابو 6 اصفار  :Dواروح وين ميعجبني ) .
دعائي لكم بالتوفيق جميعا .

ام الهنا

[بشار ابن الجامعة]

السلام عليكم اخواني اخواتي الاعضاء .. شخباركم شلون اموركم .. الله يسر امر الجميع

  تقبلو تحياتي ..



     اخوكم بشار

[بشار ابن الجامعة]

اخوية الغالي Dark...Angel

   شلونك اخبارك وانت العايش ياورد .. ممنون على سؤالك الحلو ياطيب .. اني بخير اذا انت والطيبين بخير

طمني عن اخبارك...


    اخوك بشار

[بشار ابن الجامعة]

عرابنا الورد الفريدو .. اخونا الكبير ابو احمد .. شلونك اخبارك شلون صرت انشاءالله احسن

  اتمنالك الصحة والعافية ولافراد اسرتك يا أصيل ... ولكل الاخوة والاخوات وعوائلهم .. انه سميع الدعاء



     اخوكم بشار

[هباوي]

مرحبا اخويه الكريم ابو احمد
والله حرنه وحيرنه زمانه ويانه وتعبناك هم ويانه
اني بتركيا وسبق وفهمتك انه اليو ان ميقبلون ايحولون ملفي لكندا اله في حاله وجود كفيل وكل ما الكه كفيل يروح يسال ويكلي لاماسويهه لان الكفاله ماليه مو بس معنويه ؟؟؟؟؟
وسوال ثاني عندي صديقتي وصلت لكندا قبل 6اشهر عن طريق اليوان تكدر هيه تكون كفيل الي لو بعدهه جديدة؟
اسفه عيني ابو احمد راح اتعبك ويايه ؟؟؟
اشكرك مقدما على المساعدة وربي يوفقك ويسعدك

[الفريدو]

اخويه بشار اني ممنون منك على سؤالك عني دائما واني بخير ماطول انته وكل الطيبين بخير
اشكرك اخويه الغالي وربي ييسر امرك وامر كل الطيبين امثالك

اختي هباوي السلام عليكم

بصراحه لانها جديده اكيد ماراح تصير لان الشروط ماراح تنطبق عليها واكيد هسه بعدها جديده وعدها راتب من الدوله فاكيد ماتصير

الا في حال تعمل وتكون مدة عملها مو اقل من 6 شهور حتى تسوي الكفاله



اخوك : الفريدو

[السندبادي]

السلام عليكم
اشلونكم اخواني جميعا شخباركم انشاالله زينين اشلونك اخوية ابو احمد شخبارك انشاالله زين الاهل اشلونهم  . شخبار الثلج يمكم ثلجت لو بعد.

اخوكم السندبادي

[الامانـــــي]

السلام عليكم

اسعد ربي اوقاتكم بطاعته وبنعيم عافيته

سؤالي للاخوان والخوات  اذا  ام واطفالها رادت تروح لكندا  من غير الامم رغم هي لاجئه فشنو انسب فيزه تحصل عليها
وعندها  اللي يسويلها فيزه هناك بكندا

وما  شروط ذلك  ان وجدت طريقه عدا الكفالات الكنسيه والخماسيه

تحياتي وشكري مقدما وكل عام وانتم بخير

[بشار ابن الجامعة]

السلام عليكم اخواني اخواتي الاعضاء

  شلونكم اخباركم انشاءالله الجميع بخير .. شو سكتة اخوان سولفو فرحونه بخبر حلو .. الظاهر البرد مأثر على جمعيتنا


دعائي للجميع بالصحة والعافية والله يسر امر الكل


    تقبلو تحياتي



      اخوكم  بشار

[بشار ابن الجامعة]

                                     UP   UP   UP   UP

[امل انتظار صبر]

سلام عليكم شلونكم اخوان واخوات ان شاء الله بخير وسلام وامان وبصحة وعافية
اني اختكم واريد منكم مساعدة بسيطة ان شاء الله ما اثقل عليكم بالاسئلة
اني بالعراق و زوجي بكندا مهاجر وزوجي قدملي معاملة سحب الزوجة من داخل كندا وهسة المعاملة تحولت الى مكتب الهجرة في السفارة الكندية بسوريا و صارلها 7شهر بمكتب الهجرة الكندي في السفارة الكندية بسوريا
الي اريد اعرفه من عدكم اخوان انه الاوضاع هسة متدهورة في سوريا ,,,,يعني السفارة الكندية بعدها مفتوحة وتشتغل رغم ضروف سوريا الامنية؟؟ هل اكو احتمال تنغلق؟؟ زين ومعاملة الهجرة والسحب للناس الي مقدمين للسفارة الكندية وين راح تصير؟؟ اني كل فترة افتح موقع cic مال هجرة الكندي وقريت انه ديخلون الرعايا الكنديين من سوريا واحتمال تنسد السفارة الكندية بسوريا ,,زين احنا وين نروح وشنسوي؟؟
اشكركم جزيل الشكر لسعة صدركم ومساعدتكم وان شاء الله الفرج يعم على الجميع ويجمع الاحباب ويحقق احلام وطموحات الجميع يارب

[هباوي]

السلام عليكم
شلونك اخويه ابو احمد انشالله تكون بخير
بلنسبه للكفيل هوة الحقيقه مو اقاربنه بس المفروض نكول للامم المتحدة اقارب لان هيج يردون الامم المتحدة وكندا  بهل حاله شنو اكول درجه القرابه حتى متبين الشغله؟؟؟؟ يعني مثلا ابن خالتي او بحسب خبرتك اخي ممكن اتفيدني بهل موضوع ؟؟؟
شكررررا مقدما اخي ابو احمد

[اسامة الجميلي]

مبروك والف مبروك الى الاخ العزيز والقدير صاحب الكلمة الجميلة والمواقف الجميلة اخونا العزيز الفريدو (ابو احمد) بولادة الابن يوسف
 وبحمد من الله تعالى تمت العملية بخير وعافية.. فتحيا والف تحيا لاخونا ابو احمد
 وانشاء الله الحياة السعيدة والعمر المديد






  اخوك ابو هيا

[السندبادي]

الف الف مبروك لاخونا الغالي ابوحمودي بولادة ابنه يوسف جعله الله شبيه يوسف خلقا وادبا  مبروك مرة ثانية اخوية ابو  حمودي

اخوك السندبادي

[شمعه منوره]

الأخ اسامه الجميلي

حضر نفسك اخويه صارعليك فصل عشاير ..وشلون فصل بس لو تدري بيه لان نشرت خبر ولادة يوسف لاخونا ابو احمد قبلي علما انه حقوق النشر والطبع والتوزيع والاعلان والتصوير والنقل التلفزيوني عبر الاقمار الصناعيه لاخبار اخونا ابو احمد محصوره يمي وماكو غيري  

وان شاء الله يكون يوسف على سر أبيه من الصالحين ...والف مبروك ...

اخويه ابو احمد الفريدو يا ورده هسه (هجوره الكنديه) لازم اتزوجها ولا توكف بطريق سعادة البنيه ...

وعلى عنادكم ربع كالكاري الجو يمنا كلش حلو  


تحياتي

شمعه - كندا

[المسافرة]

اخي الفريدو حمدا لله على سلامة زوجتك والف مبروك ولادة يوسف جعله الله بارا بوالديه
تحياتي

[الريم 2000]

ابو احمد الف مبروك على ولادة يوسف ويتربى بعزك يارب وحمدلله على سلامة ام احمد ----- ربي يجعلهاا ذرية صالحة وبلتوفيق يارب----اختكم زينب

[امل انتظار صبر]

مبروك ابو احمد الفريدو  المولود الجديد وان شاء الله يكون من الصالحين البارين بوالديهم

[the lion]

 الف مبروك اخي ابو احمد ...وان شاء الله يتربى بعزك ...ويجعله من الذرية الصالحة

[angel_f]

الف مبروك أبو أحمد يتربى بعزك أنشاء الله..

[мαяyαи]

اولا الف الف مبروك عالمولود الجديد لاخونا الفريدو ويتربى بعزك ان شاء الله ، وثانيا مبروك عالصفحة ال 23

وآخر شي اريد بس اسئل الأخ الفريدو او الاخ شمعة عن هذا الموقع هل تعليماته جديدة او قديمة واذا جديدة ان شاء الله يستفادون اخوانا واخواتنا من هالمعلومات

http://alhijra.info/%D9%83%D9%86%D8%AF%D8%A7-%D8%AA%D9%81%D8%AA%D8%AD-%D8%A8%D8%A7%D8%A8-%D8%A7%D9%84%D9%84%D8%AC%D9%88%D8%A1-%D9%84%D8%A7%D8%B3%D8%AA%D9%82%D8%A8%D8%A7%D9%84-%D9%85%D8%B2%D9%8A%D8%AF-%D9%85%D9%86-%D8%A7/

تحياتي للجميع

[بشار ابن الجامعة]

السلام عليكم اخواني الاعزاء

 شلونكم شخباركم انشاءالله الجميع بخير وعافية .. الله يسر امركم


  تحياتي لكم



     اخوكم  بشار

[ــــ{{{ABADY}}}ـــــ]

اشكر كل من دعا لوالدتى بالشفاء العاجل ان شاء الله


مبروك اخى ابو احمد ويتربى بعزك

[بشار ابن الجامعة]

السلام عليكم

  عرابنا الورد واخونا الكبير وحبيبنا ابو أحمد المحترم

الحمدلله على سلامة اختي ام احمد وربي يحفظها لك ويحفظك لها

 والف الف مبروك ولادة ابنكم يوسف جعله الله من ابناء السلامة الصالحين وحفظه لكم واحمد وفريد وهاجر وجعلهم قرة عين لكم وتشوفهم سعداء مرتاحين بحياتهم همه وولد ولدهم لان تستاهل وعائلتك كل الخير يا أبو حمودي الغالي

  وبهذه المناسبة اباركلك ايضآ بميلادك الميمون وكل سنة وانت طيب وبخير .. ولو شوية ابو يعقوب منتظر وجاي بيوم عيد ميلادك  

  يلا انشاءالله السنة الجاية تحتفلون سوة بعيد ميلادكم بنفس اليوم

  قبلاتي لحمودي واخوانه وتبريكاتي لاختي ام احمد .. وآسف على الاطالة


    اخوك  بشار

  

[شمعه منوره]

اولا الف الف مبروك عالمولود الجديد لاخونا الفريدو ويتربى بعزك ان شاء الله ، وثانيا مبروك عالصفحة ال 23

وآخر شي اريد بس اسئل الأخ الفريدو او الاخ شمعة عن هذا الموقع هل تعليماته جديدة او قديمة واذا جديدة ان شاء الله يستفادون اخوانا واخواتنا من هالمعلومات

http://alhijra.info/%D9%83%D9%86%D8%AF%D8%A7-%D8%AA%D9%81%D8%AA%D8%AD-%D8%A8%D8%A7%D8%A8-%D8%A7%D9%84%D9%84%D8%AC%D9%88%D8%A1-%D9%84%D8%A7%D8%B3%D8%AA%D9%82%D8%A8%D8%A7%D9%84-%D9%85%D8%B2%D9%8A%D8%AF-%D9%85%D9%86-%D8%A7/

تحياتي للجميع

الاخت العزيزه maryan

تحيه طيبه ..

 بالنسبه للرابط الذي حضرتك ذكرتيه هو فعلا موجود ولكنه من فتره طويله ( يعني قديم )  ومنشور ايضا في منتدانا ولكن انا اعتقد انه مع ذلك مفيد لأخوانا واخواتنا الراغبين بالاطلاع على المعلومات الوارده فيه  .. شكرا لك على نشر الرابط ..



تقبلي تحياتي

اخوكم

شمعه - كندا

[мαяyαи]

اولا الف الف مبروك عالمولود الجديد لاخونا الفريدو ويتربى بعزك ان شاء الله ، وثانيا مبروك عالصفحة ال 23

وآخر شي اريد بس اسئل الأخ الفريدو او الاخ شمعة عن هذا الموقع هل تعليماته جديدة او قديمة واذا جديدة ان شاء الله يستفادون اخوانا واخواتنا من هالمعلومات

http://alhijra.info/%D9%83%D9%86%D8%AF%D8%A7-%D8%AA%D9%81%D8%AA%D8%AD-%D8%A8%D8%A7%D8%A8-%D8%A7%D9%84%D9%84%D8%AC%D9%88%D8%A1-%D9%84%D8%A7%D8%B3%D8%AA%D9%82%D8%A8%D8%A7%D9%84-%D9%85%D8%B2%D9%8A%D8%AF-%D9%85%D9%86-%D8%A7/

تحياتي للجميع

الاخت العزيزه maryan

تحيه طيبه ..

 بالنسبه للرابط الذي حضرتك ذكرتيه هو فعلا موجود ولكنه من فتره طويله ( يعني قديم )  ومنشور ايضا في منتدانا ولكن انا اعتقد انه مع ذلك مفيد لأخوانا واخواتنا الراغبين بالاطلاع على المعلومات الوارده فيه  .. شكرا لك على نشر الرابط ..



تقبلي تحياتي

اخوكم

شمعه - كندا

شكرا أخ شمعه للتوضيح ما قصرت تحياتي لك

[هباوي]

الف الف مبروك  اخويه على المولود الجديد  وربي يتربى بعزكم انشالله وحمدله على سلامه ام احمد

[snono32]

الاخوة الاعزاء في هذه الجمعية المباركة
على الرغم من ان مشاركاتي جداً قليلة ولكني من القراء المواضبين لكتابات هذا المنتدى
جلبت اليوم لكم كتاب ارجوا أن يكون مفيداً أسمه ( وحيداً في كندا ) فيه معلومات كثيرة حول الحياة في كندا والمشاكل التي يمكن أن تعترض المهاجر الجديد لكندا .
حصلت على هذا الكتاب من احد المنتديات ورأيت انه من المفيد ان اذكره في هذا المنتدى لكي يستفيد منه الذي سوف يسافر الى كندا
طبعاً في هذا الكتاب توجد حلول لبعض المشاكل التي يعاني منها القادم الجديد لكندا ولكنها لا تتوافق مع عاداتنا أو تعاليم ديننا ولكن يمكن للقارئ أن يأخذ منه ما يتناسب مع قيمه التي يحملها
رابط تحميل الكتاب هو :

http://www.2shared.com/document/2QgkZvTC/alone_in_canada_arabic.html

تقبلو تحياتي الحارة
اخوكم
السنونو

[بشار ابن الجامعة]

السلام عليكم اخواني واخواتي الاعضاء

  شلونكم اخباركم انشاءالله الجميع بخير .. وسنة سعيدة مباركة على الجميع

شلونك عرابنا الورد الفريدو بالنا يمك اخوية شوماكو انشاءالله صرت احسن مفتقديك والله .. عسى المانع خير

اخونا شمعه شخبارك هم مفتقديك

اخونا DARK ANGEL وينك شوماكو شخبارك


شو ماكو احد وين اخباركم .. الله يسر على الجميع


   

     اخوكم  بشار

[Dark...Angel]

هاي شنو ابو احمد اجا ولد واني ليحد هسه ما مباركله 
يابه تعذرنا ابو احمد ان شاء الله الــــــــــــــــــــــف مليون
مبروك ويتربى ب عزك ان شاء الله وتشوف عريس
وتشوف احفاده واتصير جدووو 





حبيبي عبادي اشلون صارت الوالدة ان شاء الله احسن
اخوية الغالية بشار مشتاقين ياطيب شكو ماكو اخبارك
واحب ان استغل الفرصة وندعو كلنا ل اختنا ريم كندا
بلشفاء العاجل ان شاء الله


تحياتي وسلامي لجميع اعضاء جمعيتنا

[ام الهنا]

 اخي الفريدو ، أللللللف مبروك المولود الجديد وربي يجعله من الصالحين والبارين بالوالدين ، وتشوف الخير على عيون اطفالك .
وكل عام وانتم جميعا بخير وعافية .
دعائي لاعضاء الجمعية بالسفر القريب العاجل .

ام الهنا

[IRAQ.CA]

حبيبي الفريدو ، مبروك المولود الجديد وحمدلله على سلامه زوجتك ياربي يتربه بعزكم ويحفضه الكم


اخوك


IRAQ.CA

[شكوماكو]

حبيبي الفريدو (ابو احمد) الوردة
الف الف مبروووووك على المولود الجديد والحمد لله على السلامة, الله يحفظه لكم ويتربى في عزكم
ان شاء الله.

[جنا من مصر]

الاخ الفريدو الف مبرووك على المولود  الجديد وان شااء الله يتربه بــعزك وتشووف اولاده ويكون من الصاالحين البارين


واخيرا كل عاام وانت بالف خير وسنه سعيده عليك وعلى العائـله الكريمه

اختك جنـــا من مصـــ(ام الدنيا)ـــــر

[ــــ{{{ABADY}}}ـــــ]

هاي شنو ابو احمد اجا ولد واني ليحد هسه ما مباركله 
يابه تعذرنا ابو احمد ان شاء الله الــــــــــــــــــــــف مليون
مبروك ويتربى ب عزك ان شاء الله وتشوف عريس
وتشوف احفاده واتصير جدووو 





حبيبي عبادي اشلون صارت الوالدة ان شاء الله احسن
اخوية الغالية بشار مشتاقين ياطيب شكو ماكو اخبارك
واحب ان استغل الفرصة وندعو كلنا ل اختنا ريم كندا
بلشفاء العاجل ان شاء الله


تحياتي وسلامي لجميع اعضاء جمعيتنا

هلا باخى والحمد لله على كل حال ومشكور على السؤال يا اصيل

[الكاظمي]

  الاخ ابو احمد العزيز
   تحية طيبه وكل عام وانتم بالف خير
  الف الف مبروك على قدوم المولود الجديد (يوسف) والحمد الله على سلامة الاخت ام احمد وربي يحفظكم جميعا
 

    اخوك .................................................................. الكاظمي

[الفريدو]

اخواني اخواتي السلام عليكم

اني اشكركم جميعا على التهاني وربي يوفقكم وييسر امركم اجمعين

اني جدا اسف بسبب انقطاعاتي المتكرره ولكن يوم بعد يوم الانسان ينشغل بامور جديده والحياة هنا عمليه للغايه لذلك الوقت جدا ضيق والحمدلله يوجد عباقره حاليا في المنتدى للرد على اي تساؤلات وانشالله اكون معكم دائما وانا جدا سعيد حين اقدم اي مساعده الى اي عضو وانشالله الخير موجود والاخوان الموجودين كلهم خير وبركه

اكرر شكري لجميع اخواني على كلامهم الطيب وربي يوفقكم جميعا





اخوكم : الفريدو

[بشار ابن الجامعة]

السلام عليكم ..
 
  شلونكم شخباركم يا اعضاء جمعيتنا الكرام .. انشاءالله بخير

   
  ربي يسر امر الجميع ونسمع اخبار حلوة .. آمين يارب العالمين



    اخوكم  بشار

[بشار ابن الجامعة]

اخوية الغالي الفريدو .. حللت اهلآ ورجعت سهلآ والعودُ احمدُ

  نور المنتدى والجمعية .. اخوية لا تكطع .. بالنا يظل يمك .. شخبارك شلون صرت وشلون العائلة يارب تكونون بخير


   
   اخوك  بشار

[الفريدو]

اخويه بشار اني ممنون منك اخويه الغالي على سؤالك عني

نحمد الله على كل شيء وبصراحه كنت جدا مشغول بتشريف اخر العنقود يوسف وبعد الولاده كانت هناك بعض الصعوبات لان استمريت لمدة اسبوعين مراجعات وتجييكات وبنفس الوقت وابو صفار يعني كانت اياك جدا صعبه والحمدلله ربي مرت على خير وقبل يومين تم طهور يوسف وارتاحيت من كل المشاغل حاليا وانا الان معكم وانشالله لن ابتعد عنكم لاني افرح بافراحكم وربي يزيد الافراح لان محتاجين الفرحه

اخواني نريد تواجد وسمعونه اخبار مفرحه لان هاي السنه انشالله تكون سنة خير على الجميع




اخوك : الفريدو

[IRAQ.CA]

مبروك  طهور يوسف وان شاء الله يوم زواجه يارب

اخوك

IRAQ.CA

[بشار ابن الجامعة]

السلام عليكم اخواني واخواتي الغالين الله يسعد جميع اوقاتكم ويسر امرنا جميعآ


    اخوية الغالي عرابنا الورد .. الحمدلله على سلامتكم والف الف مبروك طهور ابو يعقوب الورد وانشاءالله تزوجه واحنا حاضرين وياك


دامت ايامكم افر احآ اخي الغالي .. وجعلها سنة سعيدة على الجميع



   اخوكم  بشار

[رائد رائد]

السلام عليكم اخواني واخواتي الاعزاء
حبيت ابشركم الحمدلله استلمت الفورمات
وان شاء الله الفرج القريب والسفر لكل الاعضاء ويارب هاي ان شاء الله سنة خير على الجميع وعلى كل المنتضرين
والف مبروك الى اخي الفريدو بمناسبه المولود الجديد وربي يحفضه ويتربه بعزك وان شاء الله تشوف ولد ولد ولده

اخوكم رائد

[abu shahed]

الف الف مبروك اخي رائد ان شاء الله ربي يسر امرك وتقابل بأسرع وقت بأذن الله بالموفقيه اخويه

[so soft]

السلام عليكم اخواني واخواتي الاعزاء
حبيت ابشركم الحمدلله استلمت الفورمات
وان شاء الله الفرج القريب والسفر لكل الاعضاء ويارب هاي ان شاء الله سنة خير على الجميع وعلى كل المنتضرين
والف مبروك الى اخي الفريدو بمناسبه المولود الجديد وربي يحفضه ويتربه بعزك وان شاء الله تشوف ولد ولد ولده

اخوكم رائد

مية مليووووووون مبروك اخوية العزيز  رائد  وان شاء الله السفر القريب ودعاءنا لك بالموفقية  

[المسافرة]

الف مبروك اخي رائد وان شاء الله تفرحنا بخبر السفر قريبا
بالتوفيق

[رائد رائد]

شكرا لجميع الاعضاء واشكركم على التهاني الجميله
وان شاء الله الفرج والسفر لكل المنتضرين يارب
واكيد نبقى متواصلين وابلغكم بكل ماهو جديد

اخوكم رائد

[الفريدو]

الف الف مبروك اخويه رائد

شايف كل الخير وانشالله التوفيق ياربي

انشالله كلها كم شهر وتسمعنه اخبار خط الرحله وتبدء حياتك الجديده في كندا انشالله





اخوك : الفريدو

[الريم 2000]

الف مبروك وربي يوفقك وتبشرنة بموعد سفرك وتستقر بحياتك الجديدة يارب --انشالله لكل المنتظرين يارب-----تقبل مروري --زينب

[رائد رائد]

اشكرك اخي العزيز الفريدو الله يخليك ويبارك بعمرك يغالي

.......

شكرا اختي العزيزة زينب ربي يحفضج وان شاء الله لكل الاخوة المنتضرين يارب

تحياتي

اخوكم رائد

[امل انتظار صبر]

سلام عليكم  تحياتي لكل اعضاء المنتدى ولكل الصابرين المنتظرين الفرج  ولكل المهاجرين الي ديكافحون لبناء حياة جديدة حلوة في المهجر,الله يكثر افراحكم ويزيل هموم كل مهموم ويفرج على كل العراقيين المظلومين الطيبين , اني قليل ادخل المنتدى ومشاراكاتي قليلة لان ملتهية بالدراسة والشغل بالعراق ودا انتظر تجيني المقابلة في السفارة الكندية بسوريا لاستكمال اجرائات معاملة سحب الزوجة الي قدمها زوجي من كندا ,عندي سؤال لاصحاب الخبرة بهل موضوع خصوصا الاخ الفريدو لانك عايش بكندا او الاخت شمعة او اي شخص يحب يقدم مساعدة او راي بموضوعي يحب يساعد او يزرع الامل والحياة لللاخرين,اريد اعرف شكد تطول اجرائات سحب الزوجة الى كندا؟علما انه زوجي مهاجر الى كندا من 2004 وكان مقيم بكندا ورجع للعراق وصارت القسمة و تزوجنا وهو رجع سافرلكندا  وقدم معاملة سحب الزوجة من شهر 5 \2011 وتم الموافقة على المعاملة وتحولت لمكتب الهجرة الكندي في سوريا في شهر 6\2011 والسفارة الكندية بسوريا بعد مازوجي استفسر منهم بايميل  ارسلوا رد عل ايميل لزوجي قالوا انتظروا الرد ولحد اليوم ماكو اي خبر ولا اتصال ولا رسالة تبلغنا انه اكو عندي مقابلة,هذا الشي ديقلقني اني وزوجي لان نتصور انه تاخرت, شكد ممكن تتاخر سحب الزوجة,علما انه اوراقنا كاملة مابيها اي نقص وزوجي حاليا عايش بكندا ويشتغل.هسة فاتت 7 اشهر واسبوعين,هل يطول سحب الزوجة؟ وشكد؟ ارجو الرد وشكرا جزيلا للجميع 

[الفريدو]

اختي امل انتظار صبر السلام عليكم

شغلة سحب الزوجه بالظروف الاعتياديه تطول 6 شهور فقط وهذه الخطوه عن تجربه من عدة اصدقاء تم سحب زوجاتهم بنفس طريقة زوجك ولكن حسب ضروف سوريا حاليا اصبحت الشغله اطول بس ماتصور تطول اكثر وتوقعي باقرب وقت يتم الاتصال بك وتتبلغين بموعد المقابله والسفر

اختي شغلتك بالحلقات الاخيره ولولا ظروف سوريا لكان انتي حاليا في كندا وتتمعنين بالثلوج الجميله 

انشالله قريبا جدا تفرحينه بخبر موعد المقابله والسفر

على اي ولايه انشالله وجهتك ؟؟؟؟



اخوك : الفريدو

[شمعه منوره]

اختي العزيزه

اولا : انا اخوك مو اختك وروح المرحوم عبد الحليم حافظ والمرحومه ام كلثوم  

ثانيا :كلام الاخ الفريدو بخصوص معاملة سحب الزوجه صحيح ولكن احب اضيف تعقيب على كلام الاخ الفريدو حول مسألتين مهمه  يجب ان تعرفيها وهي :

1-معاملة سحب الزوجه بكامل اجراءاتها تستغرق من الناحيه الزمنيه (6 - 12) شهر يعني ما ذكره الاخ الفريدو عن فترة ال 6 اشهر هو صحيح ولكنها فترة الحد الادني والحد الاعلى تقريبا سنه ..

2-السفاره الكنديه في سوريا حاليا اجراءاتها الاداريه شبه متوقفه بسبب ظروف الاوضاع الجاريه الان في سوريا علما ان بعض اخوانا الموجودين في سوريا كيساتهم كامله وينتظرون تبليغ السفاره لهم بتسليم الجوازات فقط ومع ذلك لحد الان لم تتصل بهم السفاره لتسليم الجوازات ومنهم اخونا العزيز اسامه الهاشمي (ابو نور) ..

والمسأله باختصار عليكم بالصبر والانتظار خلال الفتره القريبه القادمه وان شاء الله تتصل بك السفاره لتحديد موعد مقابله ثم بعدها الاجراءات الاخرى باقرب وقت ممكن ...

اي سؤال او استفسار اخر حاضر وبالخدمه ... والاخ الفريدو ايضا ما يقصر ان شاء الله ...ومن تجين جيبي وياج صوبه علاء الدين 


تحياتي

شمعه - كندا

[امل انتظار صبر]

اختي امل انتظار صبر السلام عليكم

شغلة سحب الزوجه بالظروف الاعتياديه تطول 6 شهور فقط وهذه الخطوه عن تجربه من عدة اصدقاء تم سحب زوجاتهم بنفس طريقة زوجك ولكن حسب ضروف سوريا حاليا اصبحت الشغله اطول بس ماتصور تطول اكثر وتوقعي باقرب وقت يتم الاتصال بك وتتبلغين بموعد المقابله والسفر

اختي شغلتك بالحلقات الاخيره ولولا ظروف سوريا لكان انتي حاليا في كندا وتتمعنين بالثلوج الجميله 

انشالله قريبا جدا تفرحينه بخبر موعد المقابله والسفر

على اي ولايه انشالله وجهتك ؟؟؟؟



اخوك : الفريدو

شكرا جزيلا اخ الفريدو على الرد السريع على سؤالي لحضرتكم و  بالفعل نطيتوني امل بالموضوع ,ان شاء الله بيها خير هذا التاخير
ان شاء متوجهة لتورنتو اذا الله سهل
اشكرك مرة ثانية واتمنالك الموفقية والنجاح والامن والسلام

[امل انتظار صبر]

اختي العزيزه

اولا : انا اخوك مو اختك وروح المرحوم عبد الحليم حافظ والمرحومه ام كلثوم  

ثانيا :كلام الاخ الفريدو بخصوص معاملة سحب الزوجه صحيح ولكن احب اضيف تعقيب على كلام الاخ الفريدو حول مسألتين مهمه  يجب ان تعرفيها وهي :

1-معاملة سحب الزوجه بكامل اجراءاتها تستغرق من الناحيه الزمنيه (6 - 12) شهر يعني ما ذكره الاخ الفريدو عن فترة ال 6 اشهر هو صحيح ولكنها فترة الحد الادني والحد الاعلى تقريبا سنه ..

2-السفاره الكنديه في سوريا حاليا اجراءاتها الاداريه شبه متوقفه بسبب ظروف الاوضاع الجاريه الان في سوريا علما ان بعض اخوانا الموجودين في سوريا كيساتهم كامله وينتظرون تبليغ السفاره لهم بتسليم الجوازات فقط ومع ذلك لحد الان لم تتصل بهم السفاره لتسليم الجوازات ومنهم اخونا العزيز اسامه الهاشمي (ابو نور) ..

والمسأله باختصار عليكم بالصبر والانتظار خلال الفتره القريبه القادمه وان شاء الله تتصل بك السفاره لتحديد موعد مقابله ثم بعدها الاجراءات الاخرى باقرب وقت ممكن ...

اي سؤال او استفسار اخر حاضر وبالخدمه ... والاخ الفريدو ايضا ما يقصر ان شاء الله ...ومن تجين جيبي وياج صوبه علاء الدين 


تحياتي

شمعه - كندا

اول شي اعتذر اخ شمعة منورة على الخطا المطبعي
وثانيا اشكرك جزيل الشكر على الرد السريع وبالتفصيل المفيد جدا وان شاء الله تكون توقعاتكم انت والاخ الفريدو سريعة التحقق و يتصلون بينا قريبا وتنتهي هاي القصة على خير في كندا
اشكرك مرة ثانية اخ شمعة واتمنالك الموفقية والنجاح والامن والسلام

[الفريدو]

اخواني اخواتي السلام عليكم

اجمل جو في كالكري البرتا كندا نعيشها في هذه الايام الجميله

صدقوني مكانكم خالي : وصلت درجات الحراره في يوم 17-1-2012 الى 49- تحت الصفر وتخيلو شلون عيشه حلوه 

اليكم صوره بسيطه عن كالكري حتى يصيرلكم واهس وتجون نلعب بالثلج سويه 

[شمعه منوره]

اخويه الفريدو ...

ولو اني حيل زعلان عليك ... بس لخاطر الثلج راح احجي   .. عمي ادري انت تحب الناس بس مو تريد حبك ايجمدنا ب (49) تحت الصفر ؟؟ ... بعدين على شنو هذا الواحد التايه بالباقي ؟؟ سويها ( 50) عدل  

هسه احنا يمنا بمسسياكا هم متروسين ثلج  بس بعدنا ما وصلنا لا 49 و لا خمسين  ... والله يرحم ايام صوبات علاء الدين  



تحياتي

شمعه - كندا

[السندبادي]

بالعافية اخوية ابو حمودي هاي اشلون جو يمك يخبل ..... وتريدني اجي بطلنة وفصخنة العقد وماريد الشغل وماريد كلشي بعد.... انشااالله اجيك بالصيف اشوفك وارجع لولايتي الحبيبة 


اخوك السندبادي

[الفريدو]

اخويه شمعه ماعاش الي يزعلك  والله مشتاقين وحقك تعتب بس من الثلوج حتى الخطوط نايمه للظهر هههههههه

انته تعرف احنه ماناكل حرام لذلك درجة الحراره 50 الا واحد  شفت شلون حقانيين 


اخويه السندبادي احنه وقعنه العقد وماكو تراجع بعد 

مشتاقين اخويه وكالكري تنتظرك ومحتفله بالثلوج وبانتظارك 




اخوكم : الفريدو

[мαяyαи]

مرحبا أخ الفريدو والأخ شمعه شلونكم ان شاء الله انتو بخير ،،،

عندي سؤال بخصوص القرض يعني شوكت نبدي بدفع القرض اني اتصور بعد السنه بس قابلت ناس جايين قبلنا كالو قبل السنه تدفعوها يعني من 5 او 7 أشهر نبدي ندفعها اذا ممكن توضحون هاية النقطة  وشكد تكون الدفوعات  وشكرا لكم

[الفريدو]

اختي ماريان السلام عليكم

شغلة القرض بالنسبه للعائله تدفع بعد وصولكم ب 3 الى 6 شهور وتكون الدفعات لمدة 3 سنوات وقيمة الدفع الشهري يجب ان تكون  83$ شهري او اذا تحبون تدفعون اكثر لان هاي الدفعات ماتسدد لمدة 3 سنوات وراح يبقى عليكم مبلغ ولازم تدفعوهن قبل الجنسيه لذلك حاولو تدفعون اكثر من المبلغ المقرر حتى تكدرون تسدون الدين الي عليكم

اما العزابي فيكون مدة الدفعات لمدة سنه واحده والمبلغ المقرر دفعه 44$ شهري واما المبلغ الكلي المطلوب دفعه هو 1200$ بخلال السنه الاولى

في حال لم تسددو المبلغ بالمده المقرره فسوف تدفعون فوائد على المبلغ وهي فائده 2% يعني رمزيه

ملاحظه : لا تستطيعين الدفع الا عند وصول رساله من الحكومه يطالبونكم بدفع القرض وبحينها تبدؤن الدفع واحسبوها على 3 سنوات وشوفو كم المبلغ الي تدفعو حتى لا توصلون الى شغلة الجنسيه وتدفعون المبلغ المتبقي دفعه واحده


اي استفسار انا بالخدمه




اخوك : الفريدو

[мαяyαи]

شكرا أخ الفريدو عالتوضيح وما قصرت الله يوفقك يارب ... تحياتي لك

[بشار ابن الجامعة]

السلام عليكم اخواني اخواتي

  انشاءالله الجميع بأتم صحة وعافية ... والله يسر امر الجميع


شخبار اخونا الكبير عرابنا الورد الفريدو ابو الغانمات ..

  اخونا شمعه اشونك ابويي .. مليح .. اغشع ماكو انت 


 تحياتي للجميع




    اخوكم  بشار

[هيفاء يوسف]

السلام عليكم اخواني واخواتي الاعزاء
شلونكم انشاالله بالف خير
انا اختكم هيفاء قدمت عل اليو ان بلبنان واليو ان حولو ملفنا على كندا
وحاليا داننتظر الوفد الكندي يجي للبنان حتى يقابلنا
بدون زحمة عليكم اذا اكو احد يعرف متى يجي الوفد الكندي للبنان بلكي يفيدنا بمعلوماتا ومايبخل علينا
وانا اشكركم مقدما والله يبارك بيكم جميعا ويسهل اموركم يارب
تحياتي

[الفريدو]

اخويه بشار كل الهلا بيك

اني بخير ماطول انته وكل الطيبين بخير واني موجود دائما بس لضيق الوقت تواجدي يكون بالليل بتوقيت كندا يعني الفجر بتوقيت بغداد الحبيبه لذلك لما ادخل الاكيكم كلكم نايمين  يعني ادخل اغلق ابواب الموضوع وطفي الضوه واروح انام 

اختي هيفاء مبروك القبول على كندا

بصراحه شغلة الوفد محد يعرف مواعيدهم  لان حسب اوضاع الدول العربيه اصبحت الامور غير واضحه ولكن كندا تستاهل الانتظار وانشالله خير




اخوكم : الفريدو

[هيفاء يوسف]

مرحبا اخوان شلون الصحة والاحوال انشاالله بخير

حبيت اشكر الاخ فريدو على اهتمامك وجوابك وبارك الله بيك وكثر من امثالك

تحياتي

[بشار ابن الجامعة]

السلام عليكم اخواني واخواتي

   شلون صحتكم انشاءالله الجميع بخير وعافية ..

اخوية الغالي الفريدو عرابنا هلا بيك يا وردة احنا نريد تقفل موضوع المنتدى من نجي كلنا يمك انشاءالله

   الله يسر امرنا جميعآ اللهم آمين

مبروك اختنا هيفاء تحويلكم الى كندا وانشاءالله تسمعينا اخباركم الطيبة



       اخوكم  بشار

[بشار ابن الجامعة]

السلام عليكم


   يوم السبت الماضي انتهت الدورة التثقيفية لجماعة عراقين متوجهين الى كندا عددهم الكلي 30 بين عوائل وعزاب

واليوم طارت طيارة من دمشق بيها جزء منهم ويوم 29\30 يطيرون الباقين بضمنهم عائلتين وعزابية واحدة اعرفهم

   تمنياتني للجميع الله يسر امرنا ويجمع شملنا في بلد الاحلام كندا عن قريب انشاءالله ...



     اخوكم  بشار

[شمعه منوره]

الاخ بشار ابن الجامعه


اشتغلت الواسطات من هسهه ؟؟؟  شلون صاير مندوب جمعية كندا بالمطار وجايب كل هاي المعلومات ؟؟

منو عينك ؟؟؟    أكيد داز صوبة علاء الدين لأبو احمد الفريدو  وسوالك تعيين هناك بلا حسنه ؟؟

انا احتج وارفض واستنكر وأدين وأشجب لأن اذا الفريدو ولايتهم متروسين ثلج ترس احنا ولايتنا هم متروسين بس عالنص 

مبروك للمسافرين ومبروك للذين سوف يسافرون وان شاء الله يكون السفر السريع من نصيب الجميع .. قولو معي امين ..



تحياتي

شمعه - كندا

[الريم 2000]

شمعة متجي لامريكا؟

[اينشتاين العراقي]

السلام عليكم
شلونك عمي الفريدو مشتاقين
وين ما وين؟؟
شلونك عالحر اليمكم هههههههه
ان شاء الله تكون بخير
وسلامي للجميع

[بشار ابن الجامعة]

الاخ بشار ابن الجامعه


اشتغلت الواسطات من هسهه ؟؟؟  شلون صاير مندوب جمعية كندا بالمطار وجايب كل هاي المعلومات ؟؟

منو عينك ؟؟؟    أكيد داز صوبة علاء الدين لأبو احمد الفريدو  وسوالك تعيين هناك بلا حسنه ؟؟

انا احتج وارفض واستنكر وأدين وأشجب لأن اذا الفريدو ولايتهم متروسين ثلج ترس احنا ولايتنا هم متروسين بس عالنص 

مبروك للمسافرين ومبروك للذين سوف يسافرون وان شاء الله يكون السفر السريع من نصيب الجميع .. قولو معي امين ..



تحياتي

شمعه - كندا


  ابويي واخويي انت شمعتنا الغالي يا شمعة المنتدى .. اني اذا ادز لابو احمد الغالي صوبة علاء الدين الك هم ادز صوبة وفوكاها كبي مال موصل اشوني تخبل ...  ها شتريد بعد حاضر اني .. اهم شي انتو اهل كندا تدعولنا حتى نلحككم .. والله يسر امر الجميع .. وهم قولو آمين



   اخوكم   بشار

[مسره]

مرحبا

شنو السالفه؟ يامعودين ماكو واحد يجاوبني عن موضوع الهجره الى كندا للذين يمتلكون الجنسيه الاوربيه
شنو هي الشروط وهل ممكن؟ وهل يحتاج الى محامي مختص بالهجره؟
ارجوكم جاوبوني

منتظره ردم يااخوان ويااخوات

الله يوفقكم جميعا

[الريم 2000]

اختى مسرة --هسة يدخلون جماعة كندا الاخ الفريدو واخونة شمعة ويجاوبوج بس الشغلة شوية انتظار  ومايصير خاطرج الا طيب -تقبلي مروري

[الفريدو]

اختي مسره اني رديت على موضوع وبصراحه شغلة الهجره من اوربا الى كندا معلوماتي غير متكامله لان الشغله نادره انه احد يجي من اوربا الى كندا ولو اني بمكانك صدقيني ما اطلع من اوربا لان الوضع صعب في كل الدول بسبب الاقتصاد يعني العمل يادوب يسد الحاجه والحمدلله على كلشي

اختي ادخلي على موقع السفاره الكنديه وتصفحي

اختي الولايات لكل ولايه سلبيات وايجابيات يعني ماكو شي متكامل من كل النواحي




اخوك : الفريدو

[الريم 2000]

سوينالكم هم ---up--لان اليوم اخونة شمعة نور المنتدى تستاهل كندا

[اسامة الهاشمي]

صباح الخير ..

بعد غياب 4 اشهر

يعني 120 صباح الخير




ابو نور / دمشق

[اسامة الهاشمي]

ابو حمودي مبروووك على المولود الجديد ولو اجتي متأخرة تبريكاتي بس عذراً ما دريت اله هسه من راجعت جمعيتنا الف الف الف الف مبروك وان شاء الله يارب يتربه بعزك .

يمعودين ليش هيج مهمولة الجمعية مو تره خطية احنه شنو عفتونة .






ابو نور / دمشق

[الفريدو]

اخويه ابو نور الف هلا بيك اخويه الغالي شخبارك

بالي يمك والله على الاوضاع الي نشوفها بسوريا .. الله يعينكم ويصبركم ويسهل امركم


حبيبي اني اشكرك وانشالله يوم تسمعنه خبر سفرك بالقريب العاجل





اخوك : الفريدو

[بشار ابن الجامعة]

                                            السلام عليكم ورحمة الله وبركاته


اسعد الله ايامكم اخواتي اخواني الاعضاء .. كيف الحال انشاءالله الجميع بخير وعافية

    الاخ العزيز الفريدو .. عرابنا الورد شلونك شخبارك عساك والعائلة الكريمة بخير ورحمة

دعائي للجميع بالتوفيق والله يسر امرنا جميعاً


     
       اخوكم   بشار

[الفريدو]

اخويه الغالي بشار منور الموضوع

اني بخير ماطول انته وكل الطيبين بخير

اني اشكرك اخويه الغالي على سؤالك عني دائما


امنياتي لك ولجميع الاخوه بالتوفيق بعونه تعالى




اخوك : الفريدو

[مستعد لخوض التحدي]

السلام عليكم
الاخ ابو احمد والاخوة العراقيين الاخرين في البرتا و كالغيري
اني اخوكم عبد الرحمن طلعلي لجوء على كندا من سوريا وسلمنا الجوازات يوم 6 - 2 - 2012 وكالوا انتظروا الفيزا خلال 20 يوم
وبعدين اتصلوا بينا وكالوا راح نذبكم على البرتا كالغيري رغم اني اخترت فانكوفر
بس اني كلت على الاقل بكالغيري ابو احمد وغيره من الاخوة وماراح يقصرون  ويه اخوانهم العراقييين
طبعا اني عرفت الاخ ابو احمد من خلال مشاركاته في موقع عينكاوا وبالمناسبة ابو احمد دزيتلك رسالة عالخاص
الاسئلة اللي اريد اسالها
هل تقترحون تغيير الوجهة بعد الوصول الى مدينة اخرى وهل هذا ممكن ام ارضى بقسمتي وابقى على كالغيري؟
هل تستطيعون في حال وصولنا الى كالغيري مساعدتنا في تدبير مسكن وترتيب اوضاعنا ؟
ماهي الاشياء اللي تنصحون ان اجيبها ويانا من سوريا ؟
هل من الممكن ان تزدوني بارقم تلفوناتكم وايميلاتكم حتى اتواصل معاكم
اي نصائح اخرى لاتبخلون علينا بيها
ارجو الرد بسرعة
اخوكم ابو عبد الرحمن

[الفريدو]

اخي السلام عليكم

اخي اهلا وسهلا بيك في كالكري وانشالله اني موجود وماراح اقصر وياك

اخي بالنسبه للتحويل تكدر تحول في اي وقت يعني جدا عادي لانك داخل كندا تتجول براحتك

اما المسكن والامور الثانيه فتوجد منظمه تتكفل بكل امورك من يوم وصولك الى ان تستاجر بيت وتستقر ومع ذلك اني راح اكون معك انشالله وتدلل

اما الاشياء الي تجيبوها معاكم فحاليا كلشي موجود وما اتصور اكو شي يستاهل تجيبه وياك

اخويه بس الجكاير جيب شكد ماتكدر محد يحاسبك  لان هنا الباكيت 10$ 

تم الرد على رسالنك الخاصه وتدلل



اخوك : الفريدو

[بشار ابن الجامعة]

الاخ العزيز ابو عبد ألرحمن الف مبروك تسليم جوازاتكم وانشاءالله يارب يسر امركم وتوصلون الى كندا بالسلامة وتتوفقون بحياتكم




   اخوك   بشار

[بشار ابن الجامعة]

بس سؤال للاخ ابو عبد الرحمن ممكن اذا متوفرة عندك بالتواريخ من اول مقابلة الى حد ما اتصلو بيك

   هل السفارة همه خابروك لو الــ  iom

لان اني هم مثلك في سوريا ومقابل بالسفارةالكندية

شكراً اخي العزيز .. تقبل تحياتي



     اخوك    بشار

[امل انتظار صبر]

ممكن سؤال للاخ عبد الرحمن
او اي شخص يملك الجواب لان يجوز هو مشغول بتحضيرات السفر الله يوفقه ويوصل بالسلامة
من وين راح يستلم الفيزا مال كندا؟ من سفارة كندا بسوريا؟ لو سفارة كندا بالاردن؟
وشكرا جزيلا

[الفريدو]

اخواني اخواتي السلام عليكم

يعود اليكم الامل من جديد ونعود لنحمل لكم بشرى ساره لمنتظري السفر الى كندا

اخواني السفاره الكنديه في سوريا تعمل حاليا ولن تغلق ولكن الكادر في السفاره تم تقليصه وتم وبعونه تعالى استلام جوازات من الاخوه العراقيين في سوريا لغرض تهيئتهم للسفر وحسب قول موظف السفاره هذه المره سوف يكون السفر بعد 20 يوما وعدد الملفات التي تم استلام جوازاتهم يقدر 200 ملف لحد الان حسب المصدر الذي بلغني وقد تم استلام الجواز من اخونه مستعد لخوض التحدي بتاريخ 6 بشهر الثاني وانشالله الاجراءات ماشيه ولم يتم غلق السفاره نهائيا اما  الموظفين هم سوريين الذين يعملون حاليا في السفاره الكنديه في سوريا وهم الذين يباشرون بتبليغ اصحاب الملفات


انشالله الامل موجود والفرج على رنة مبايل وانشالله مبايلاتكم كلها ترن بهذا الاسبوع






اخوكم : الفريدو

[مستعد لخوض التحدي]

الاخوة الاعزاء
احب اولا ان اشكر جميع الاخوة اللي ردوا على الموضوع الاخ ابو احمد والاخ بشار والاخ امل انتظار صبر وبشكل خاص الاخ ابو احمد اللي خصصلي شيء كثير من وقته وما قصر وتكلمت وياه بشكل مطول وفهمني على كثير من الاشياء
وللاجابة على تساؤلات الاخوة احب ان اقول
نعم السفارة الكندية استدعتنا يوم 6 - 2 - 2012 لتسليم الجوازات وكان اكو موظفين سوريين استلموا جوازاتنا واخبرونا ان ننتظر استلام الجواز والفيزا وتكت الطائرة بعد 20 يوم
وبعد يومين خابروني وكالو راح تروحون لالبرتا مو لفانكوفر مثل مااني ردت
كانت اول مقابلة النا بكفر سوسة يوم 4-6 -2011
واتممنا الفحص الطبي يوم 6-9- 2011
والله ييسر ويتمم بخير ونوصل لكندا ويوفقنا  بحياتنا الجديدة
وان شاء الله جميع الاخوة اللي ينتظرون اكمال طلبات لجوءهم راح يسمعون اخبار طيبة تسر قلوبهم وتطمئنهم
اخوكم ابو عبد الرحمن

[مستعد لخوض التحدي]

بالمناسبة كان ويايه عدد من العراقيين سلموا جوازهم
وشفت امراة عراقية مسلمة جوازها من 11 - 1 وكالت انه اكو في السفارة حوالي 200 جواز والعهدة عليها

[IRAQ.CA]

يارب يارب يارب يارب يارب الله يسهل امرنا جميعا



IRAQ.CA

[اسامة الهاشمي]

بشااااااااااااااااااااااااااااااااااااااااااااااااااااااااااااااااااااااارة


طلبو جوازاتي اليووووووووووووم
الباجر اوديهن
ابو حمودي اريد الهلهولللللللللللة بسرعة



س/ الصورة الي يردوهن الهن مقاسات لو عادي صور مثل مال الجواز



ابو نور / دمشق

[بشار ابن الجامعة]

                        السلام عليكم اخواتي اخواني الاعزاء



عرابنا الورد الفريدو .. الاخ العزيز ابو عبد الرحمن .. بارك الله بيكم على اخباركم الطيبة الحلوة والي دائما تبعث الامل بينا من جديد


   الله يسر امرنا جميعاً


اخوكم   بشار

[بشار ابن الجامعة]

السلام عليكم


    الف الف الف مبروك اخونا الغالي ابو نور واخيراً سويتها يا بطل ... الله يسر امرك وامرنا جميعاً ويفرحنا كلنا .. تستاهل اخونا صبرت ونلت

بالتوفيق انشاءالله وظل على تواصل وخبرنا باخر المستجدات واني هم مثلك بسوريا .. الله يديم الافراح



    اخوك   بشار

[رائد رائد]

الف الف الف مبرووووووك اخ اسامة الهاشمي
ان شاء الله السفر القريب وتبلغنه بخط الرحله
ويارب ان شاء الله لكل المنتضرين ونسمع الاخبار والبشائر الحلوة
 
اخوك رائد

[اسامة الهاشمي]

اخواني اخواتي السلام عليكم

يعود اليكم الامل من جديد ونعود لنحمل لكم بشرى ساره لمنتظري السفر الى كندا

اخواني السفاره الكنديه في سوريا تعمل حاليا ولن تغلق ولكن الكادر في السفاره تم تقليصه وتم وبعونه تعالى استلام جوازات من الاخوه العراقيين في سوريا لغرض تهيئتهم للسفر وحسب قول موظف السفاره هذه المره سوف يكون السفر بعد 20 يوما وعدد الملفات التي تم استلام جوازاتهم يقدر 200 ملف لحد الان حسب المصدر الذي بلغني وقد تم استلام الجواز من اخونه مستعد لخوض التحدي بتاريخ 6 بشهر الثاني وانشالله الاجراءات ماشيه ولم يتم غلق السفاره نهائيا اما  الموظفين هم سوريين الذين يعملون حاليا في السفاره الكنديه في سوريا وهم الذين يباشرون بتبليغ اصحاب الملفات


انشالله الامل موجود والفرج على رنة مبايل وانشالله مبايلاتكم كلها ترن بهذا الاسبوع






اخوكم : الفريدو

والله صحيح يا اخوية والحمد لله والشكر على هاي البشارة .. ابو حمودي عيني حضر نفسك راح اجيب المكمط وجايك طبعاً كالولي انته كلت عندك صديق بكالكري تكدر تنطينه اسمه ورقم تلفونه كلت الهم هااااا هوه اسم الفريدو ههههههههههههههههههههههههههه
ادري غير تنطيني رقمك واسمك هيه مال الفريدو هههههههه
المهم عندي رقم تلفون واسم ولد صديق انطيتهميا كاعد بتورنتو مسساكا .
كالو لا انته كلت كالكري كلتلهم ميحضرني اسم ابو كالكري هههههههههههه

عمي وين ما جان بس خلي اطلع من سوريا .



اخوية الغالي بشار الوردة ربي يوفقك ويسهل امرك وان شاء الله يا رب تسمع خبر مفرح هل يومين الجاية ياااااااااااااااارب
طبعاً متواصل وياكم الى اخر يوم بعمري  ان شاء الله وعلى الي اكدر عليه وربي يسهل امرنه وامر الجميع
وان شاء الله كل المنتظرين يسمعون اخبار حلوة ومفرحة اذا كانو على كندا او اميركا او اي دولة ياررررررب


اشكرك اخوية الغالي رائد رائد وان شاء الله اتسمعنه خبر مفرح منك يارب ومن كل الموجودين يارب

ابو نور / دمشق

[abu shahed]

بالخير حبيبي ابو نور ان شاء الله يسر امرك وامر جميع العراقيين الي بسوريا
اخويه لا تنسى المكمط تره والله ابو احمد متخلص منه هههههههههههه
انت بس كله هذا المكمط واني اريد اهدي النفوس هو يعرف 
بالموفقيه ان شاء اخويه ابو نور

[الفريدو]

بشااااااااااااااااااااااااااااااااااااااااااااااااااااااااااااااااااااااارة


طلبو جوازاتي اليووووووووووووم
الباجر اوديهن
ابو حمودي اريد الهلهولللللللللللة بسرعة



س/ الصورة الي يردوهن الهن مقاسات لو عادي صور مثل مال الجواز



ابو نور / دمشق

الف الف الف مبرووووووك اخويه الغالي ابو نور الورده

والله فرحتني بهذا الخبر الحلووووووووو

مو كتلك عدنا وعاد الامل معنا وبشارتي بيها انه مو لو مومو ؟؟؟؟؟


اخويه شنو قصدك ماتجي لكالكري ؟؟؟ غير اسويها حرب على المكمط اذا مادخل لكالكري

اخويه اذا على كالكري كول واني انطيك اسمي واسم كل الي ساكنين بكالكري بس تعالو يمعود ههههههههههه


وهاي احلى هلهوله لاخويه الغالي ابو نور الورده

[الفريدو]

اخويه الورده ابو نور بعثتلك رقمي واسمي ع الاوف لاين ومنتظر منك تبعثلي اسم المكمط ههههههه عفوا انتظر ردك خخخخخخخخ


اخويه ابو شهد بس بشرني بيوم سفرك الا اهديلك النفوس من هاي الي تعجبك بس بشرني هههههه

الله يفرجها على جميع اخواني واخواتي وتفرحونه مو كافي عاد ملينه كل يوم مكابليني وكاعدين    ربي يخلصني منكم ويسفركم الى كندا حتى نرتاح من هم الانتظار   




اخوكم : الفريدو

[اسامة الجميلي]

 مبروك والف مبروك اخونا العزيز ابو نور وانشاء الله السفر القريب بعون الله
وطبعا فرحة اخونا ابو احمد لاتوصف لان وقوفة مع الجميع ومسانتدة لكل الاخوان والاخوات لاتوصف...تحياتي لك
وانشاء السفر السفر القريب للجميع






ابو هيا______الاردن

[اسامة الهاشمي]

بالخير حبيبي ابو نور ان شاء الله يسر امرك وامر جميع العراقيين الي بسوريا
اخويه لا تنسى المكمط تره والله ابو احمد متخلص منه هههههههههههه
انت بس كله هذا المكمط واني اريد اهدي النفوس هو يعرف 
بالموفقيه ان شاء اخويه ابو نور

ابو شهد الغالي اشكرك على التبريك . ..
بس على تهديه النفوس ما اشكرك هههههههههههههههههههه  والله ابو حمودي يستاهل قطيع مكاميط مو مكمط لان هوه بس الدعوي الدعاها النه تسوه ذاك الحساب هههههه
ان شاء الله يوم سفرك ويرتاح بالك .



ابو نور / دمشق

[اسامة الهاشمي]

بشااااااااااااااااااااااااااااااااااااااااااااااااااااااااااااااااااااااارة


طلبو جوازاتي اليووووووووووووم
الباجر اوديهن
ابو حمودي اريد الهلهولللللللللللة بسرعة



س/ الصورة الي يردوهن الهن مقاسات لو عادي صور مثل مال الجواز



ابو نور / دمشق

الف الف الف مبرووووووك اخويه الغالي ابو نور الورده

والله فرحتني بهذا الخبر الحلووووووووو

مو كتلك عدنا وعاد الامل معنا وبشارتي بيها انه مو لو مومو ؟؟؟؟؟


اخويه شنو قصدك ماتجي لكالكري ؟؟؟ غير اسويها حرب على المكمط اذا مادخل لكالكري

اخويه اذا على كالكري كول واني انطيك اسمي واسم كل الي ساكنين بكالكري بس تعالو يمعود ههههههههههه


وهاي احلى هلهوله لاخويه الغالي ابو نور الورده

حبيبي ابو حمودي الغالي والله انته ذهب يا غالي ربي يحفظك ويرعاك يارب .
بس هيه الي خابرتني كلت الها الباجر اجيبلج رقم التلفونوالاسم كالت لا لازم هسه بهل لحظة عندي ولد صديق بمسساكا . كتلها زين ميصير  بمسساكا اول شي ما رضت بعدين وره الملحة كالت ديله ميخالف كتلها بس بالتلفون لازم اطفي واطلعه الرقم كالت يله خمس دقايق واخابرك . وصدك وره خمس دقايق خابرت انطيتها الرقم  . بس وين ايروح المكمط انجيبه انجيبه الكالكري ونجيك ما الك علاقه هههههههههههههههه

 بعدين تعال اكلك انته المن انطيت رقمك واسمك ههههههههههههه ما وصلني شي خاف دازه الغير واحد يمعوووود  جيك زين



ابو نور / دمشق

[اسامة الهاشمي]

مبروك والف مبروك اخونا العزيز ابو نور وانشاء الله السفر القريب بعون الله
وطبعا فرحة اخونا ابو احمد لاتوصف لان وقوفة مع الجميع ومسانتدة لكل الاخوان والاخوات لاتوصف...تحياتي لك
وانشاء السفر السفر القريب للجميع






ابو هيا______الاردن

اشكرك اخوية الغالي اسامة وربي يوفقك وان شاء الله تسمع خبر يفرحك يارب
واكيد ابو حمودي غني عن التعريف
ربي يوفقكم جميعاً ويارب الكل اتسافر وتخلص



ابو نور / دمشق

[Dark...Angel]

يابه السلام عليكم مشتاقين اشلونكم شخباركم

الفريدو اشلونه المحروس الله يخلي ويتربى ب عزك اشو ما شفنا لا حامض حلو لا شربت 
بشار الغالي ان شاء الله تمشي معاملتك وتسافر ب اقرب وقت ممكن شخبارك ياطيب
اخي العزيز اسامة الف مليون مبروك والله فرحتني
حبيبي الغالي عبادي شخبارك وشخبار الاهل طنا
شمعة ما راح اسئل عليك لانو كل يوميه تطفى الكهرباء واشوفك ب كصتي 

تحياتي للجميع واعتذر اذا كنت قد نسيت اي احد من اخوتنا
اعضاء جمعيتنا

تحياتي

[امل انتظار صبر]

سلام عليكم اخ الفريدو تتذكرني مرة سالتكم على سفارة كندا بدمشق مفتوحة لو لا هسة اني من متابعتي للموقع عرفت انه بعدها مفتوحة ودتنطي فيزا للعراقيين اللاجئين  بسوريا ,وحسب كلام موقع سي اي سي قالوا ملفات الهجرة والسحب مال عراقيين تحولت للاردن.
زين هسة ملفي وين؟ ماسامع شي من العراقيين بكندا الي ديسحبون زوجاتهم يعني ملفات السحب وين صارت هسة بعدها بسوريا لو تحولت للاردن
اني حسب متابعتي لموقع كندي بي منتدى كل الجنسيات بالعالم وبي جماعات من ايران ولبنان والعراق والاردن همة ديقولون سفارة كناد بانقرة بالنسبة للايرانيين دتتصل بيهم وبلغتهم انه ملفاتهم هسة بانقرة وكذلك اللبنايين بس سفارة كندا بعمان لحد هسة سنطة وماكو اي حركة بالنسبة لملفات السحب يمكن لانه المكتب جديد
بس كون انه سفارة كندا بدمشق بعدها مفتوحة ودتنطي فيزا هذا الشي ديشوش تفكيري ويحيرني
اذا عندك اجابة عن سؤالي ارجو ان تزودني بمعلومات ولو اسوي عليك زحمة

[الفريدو]

اختي امل انتظار صبر السلام عليكم

لو تقرين الردود الاخيره بهذه الصفحه راح تلكين جواب لسؤالك !!!!

اني كتبت عن السفاره الكنديه في سوريا لم تتحول ولن يتم تحويل اي ملف الى اي بلد

كل الكلام الي قريتي وسمعتيه ما اله اي صحه لان لو تقرين هذه الصفحه راح تلاكين اثنين من اخوانه سلمو جوازاتهم وطبعا العدد كاعد يتزايد وبصراحه حاليا حركة السفاره الكنديه في سوريا اسرع من الاول بس المشكله انتو تريدون كل ما تروحون للسفاره لازم تسولفون ويه الموظفين ومن شفتو صارت الشغله مثل الطرده يعني كلمن يروح مايستقبلو صرتو توهسون !!

اختي الشغل ماشي احسن من الاول وماكو اي شي تغير واما شغلة معاملات الزواج او الهجره او الكفالات فهي نفس المعاملات وماكو اي فرق . كل معامله تكمل يخابرون صاحبها للاستلام وتسليم الجواز يعني ماكو اي شي بس يرادلها صبر




اخوك : الفريدو

[اسامة الهاشمي]

اختي العزيزة امل  انتظار صبر ... كلام الاخ الفريدو صحيح 100% واني من ضمن الناس الي سلمت جوازاتي يوم الثلاثاء 14/2 .
وكان ويايه حوالي من 15 الى 20 شخص ايظاً يسلمون جوازاتهم .
بينما من يجون الناس يسألون اباب السفارة يكلولهم معزلة السفارة وماكو احد بالسفارة ومن طبينه ماكو اي احد بس احنه المجموعة الي سلمنه جوازاتنه حسب التسلسل الي ينادون بي همه وموجود عدهم على ورقة مطبوعة .
يعني برايي اني انهم كاعد يشتغلون بهدوء يعني ميردون ازعاج ومراجعات حتى يخلصون اكبر عدد ممكن من الناس الي منتظره ... والله اعلم
للعلم قبل يوم من اتصالهم بيه اني خابرت السفارة ولحيت وياهم بالحجي بدون اي فايدة يكولولي ما عدنه اي ملف بالسفارة وكلهن اتحولن الى عمان وبيروت وتكدر تتصل بيهم وهمه  يجاوبوك عدهم الملف وشوكت يتصلون بيك احنه منعرف اي شي ملفاتكم كلها اتحولت ... كلت الها خاطبتهم بايميل وما ردو عليه ... يعني لحيت زايد كلش كلش من الضوجة والقهر مالتي ...
اخر شي كالتلي روح راجع  اليو ان بكفر سوسة همه يكلولك شتسوي ووين اتروح .
سديت التلفون وخلص اليوم شلون ماجان اجه الصبح وخابروني كالولي جيب جوازاتكم ونفس الرقم الي جنت اخابره قبل يوم وايسوني من الحياة .
اختي العزيزة بس يراد شوية بعد صبر وان شاء الله يارب تفرج عليكم وعلينه وعلى كل الي ينتظرون يااااااااارب .
انتي بس خلي ابو حمودي(( الفريدو )) يدعيلج هسه تفرج عليكم بسرعة بسرعة ما ادري هذا الرجل عنده علاقات قوية 



ابو نور / دمشق

[امل انتظار صبر]

اختي امل انتظار صبر السلام عليكم

لو تقرين الردود الاخيره بهذه الصفحه راح تلكين جواب لسؤالك !!!!

اني كتبت عن السفاره الكنديه في سوريا لم تتحول ولن يتم تحويل اي ملف الى اي بلد

كل الكلام الي قريتي وسمعتيه ما اله اي صحه لان لو تقرين هذه الصفحه راح تلاكين اثنين من اخوانه سلمو جوازاتهم وطبعا العدد كاعد يتزايد وبصراحه حاليا حركة السفاره الكنديه في سوريا اسرع من الاول بس المشكله انتو تريدون كل ما تروحون للسفاره لازم تسولفون ويه الموظفين ومن شفتو صارت الشغله مثل الطرده يعني كلمن يروح مايستقبلو صرتو توهسون !!

اختي الشغل ماشي احسن من الاول وماكو اي شي تغير واما شغلة معاملات الزواج او الهجره او الكفالات فهي نفس المعاملات وماكو اي فرق . كل معامله تكمل يخابرون صاحبها للاستلام وتسليم الجواز يعني ماكو اي شي بس يرادلها صبر ف

اخوك : الفريدو

اول شي شكرا لان جاوبت عل سؤالي اخ الفريدو
ثانيا اني قريت كل ردودك بس كلامك نفسه قريته بغير مكان ماكو تغيير , اغلب كلامكم عن ملفات اللجوء وكل الي ديستلمون فيزا هي طبعا فيزا اللجوء واني ملفي هو سحب زوجة مو لجوء .
طبعا مثل ماقرينابمو قع الهجرة الكندي باخر اعلان الهم عن تقليص عدد الموظفين بدمشق او غلقها بالمستقبل لحين استباب الامن بسوريا ايضا كانوا كاتبين عن 300 فيزا للعراقيين اللاجئين جاهزة لتسليم الهم وهذا بالفعل ديصير حاليا مثل ماشفنا الاخ ابو نور وغيره من الاجئين العراقيين الي ديستلمون هل ايام فيزا كندا وهذا يعني انه الكنديين ماكذبوا بهذي الفقرة بالذات من قالوا انه اكو 300 فيزا كاملة وجاهزة لتسليم للاجئين العراقيين بسوريا .
 اني مشتركة بمنتدى كندي يضم مختلف الجنسيات واكو قسم بالمنتدى يخص المقدمين عل سحب الزوجة في سفارة كندا بدمشق وطبعا الجنسيات الي كانت تابعة لمكتب هجرة كندا بدمشق هية ايران,العراق,سوريا,لبنان,الاردن,فلسطين,قبرص,سوريا يعني هذا المنتدة يضم بالعشرات  او المئات من ملفات سحب الزوجة او الزوج لسفارة كندا دمشق من الجنسيات الي ذكرتها هسة ومعظم الي اعرفهم بالمنتدى تم تبليغهم بالايميل انه ملفاتهم تحولت لدول الجوار واكو لبنانية ملفها بدمشق بس استلمت الفيزا من سفارة كندا بلبنان هذا الكلام بشهر 12 \2011 والايرانيين الي ملفاتهم كانت بدمشق هسة طبعا تحولت بتركيا وديستلمون ايميلات من سفارة كندا بتركيا دتطلب منهم اوراق رسميةاو اعادة فحص طبي , اتصور هذا يدل انه ملفاتهم تحولت من دمشق الى انقرة فعلا ؟.المشكلة الحالية بالنسبة للعراقيين انه سفارة كندا في الاردن لحد هسة ماسمعنا عنها شي ولا اتصلت باي شخص من اصحاب ملفات سحب الزوجة حسب متابتعتي لتعليقات المنتدى
اما سفارة كندا بدمشق فنهائيا لا تتصل ولم تمنح فيزا لاي ملف من ملفات سحب الزوجة من حوالي 3 شهر و لحد الان ؟؟
هذا رابط المنتدى وتكدر تلاحظ انه الكل دينتظر رد من سفارات كندا في انقرةاو بيروت او عمان ودمشق خارج قوس
.http://www.canadavisa.com/canada-immigration-discussion-board/damascusspousal-since-jan-2010-or-late-2009-t51197.13080.html
صراحة اخ الفريدو اني من الناس اتمنى ملفي يكون تحول للاردن لان اني اخاف اسافر لسوريا خصوصا بهل اوضاع الامنية المتدهورة بس اني لحد هسة مو متاكدة تمام انه ملفي بالفعل تحول للاردن لو لا ,لهذا من اشوف سفارة كندا بدمشق دتنطي فيزا للعراقيين اللاجئين استغرب لان اعلانهم كان واضح جدا بموقع الهجرة الكندي عن غلق السفارة,لو سفارة كندا بدمشق دتستلم ملفات من الاجئين العراقيين هسة والان كان ممكن نقول صحيح سفارة كندا بعدها مفتوحة ودتشتغل بشكل طبيعي ,بس الوضع والطريقة الي ديعملون بيها حاليا حسب شرح الاخ ابو نور تدل انه عدهم 300 فيزا كاملة ودينطوها لاصحابها ومن تكمل ال300 فييزا راح تغلق السفارة ابوابها بوجه اللاجئين مؤقتا لحين استقرار الوضع الامني في سوريا وبعدها ممكن تستلم ملفات ملفات اللجوء وتجري مقابلات مثل السابق
ملاحظة: اني ما رحت لسوريا ولا وقفت بباب السفارة اسولف ويا اي موظف من موظفين السفارة لان مو هاي طريقتي للحصول على المعلومات انما الانترنت وموقع الهجرة الكندي الرسمي وموقع سفارة كندا بدمشق هو مصدر حصولي على المعلومات الرسمية من الحكومة الكندية ومكتب الهجرة الكندي لذا اني ما اسمح لنفسي اكون عرضة لاي موقف محرج مثل  الي انت وصفته(طردة؟)
شكرا عل ردك ولو ما كان بي معلومات جديدة عن السابق
واتمنى للجميع تحقيق احلامهم والسلام والامان للجميع

[الفريدو]

اخويه ابو نور ياورده كلامك ذهب وصدقني اني اتمنى الكل يسافر وادعي من قلب صافي لذلك ربك مايخلي حمل مطروح

اشكرك على شرحك للموضوع واني ممنون منك اخويه الغالي


اختي امل انتظار صبر شكرا جزيلا لردك اللطيف

وخاصتا الملاحظه الاخيره !!!!! 

اذا كنت ماعندي معلومات ما اتصور موضوعي يوصل الى 23 صفحه

هاي الردود تعودت عليها مع الاسف ولكن رصيدي هو الناس الطيبه الي تعرفت عليهم بهذا المنتدى








اخوكم : الفريدو

[nahlahalhadithi]

   
السلام عليكم

الاخ العزيز ابو احمد والاخوة الاعزاء السفارة اتصلو بينه وبلغونة بموعد السفر يوم 12-3 لمقاطعة وين بك فارجو من الاخ ابو احمد اذا تعرف اي معلومات عن هذه المقاطعة واذا ردنة تغير المكان كيف ومتى يتم الامر ولك مني كل الشكر والتقدير


           اختكم نهلة الحديثي---------مصر

[الفريدو]

 
السلام عليكم

الاخ العزيز ابو احمد والاخوة الاعزاء السفارة اتصلو بينه وبلغونة بموعد السفر يوم 12-3 لمقاطعة وين بك فارجو من الاخ ابو احمد اذا تعرف اي معلومات عن هذه المقاطعة واذا ردنة تغير المكان كيف ومتى يتم الامر ولك مني كل الشكر والتقدير


           اختكم نهلة الحديثي---------مصر

اختي نهله الف مبروك وشايفه كل الخير وياربي تسمعونه اخبار باقي الاعضاء وماشالله صار 3 اعضاء بهذا الشهر وننتظر المزيد

اختي وينبيك هي عاصمة مانيتوبا وهي مدينه مناخها جيد ولكن فيها جاليه عربيه قليله يعني اقل من باقي الولايات
تقع وينيبيك على ملتقى نهرين، هما النهر الاحمر، ونهر اسينيبوين فى ما يسمى The Forks. وتعتبر وينيبيك ملتقى خطوط التجارة بين شرق و غرب كندا فى السابق وتعتمد اساسا على انتاج المحاصيل الزراعية و تصدير الكهرباء الى الولايات المتحدة.. والتجارة مع اوروبا من خلال خليج هودسون.تحتوى مقاطعة مانيتوبا على الالاف من البحيرات. اهمها بحيرة وينبيك الخامسه فى كندا والحادية عشر فى العالم من حيث المساحة. بالاضافة الى بحيرة مانيتوبا وبحيرة الغابه. اما عن موقعها فلها موقع جدا رائع وهي تكون بين ساسكاجوان واونتاريو يعني يكون التنقل من ولايه الى اخرى سياقه بالسياره لان اجور الطيران في داخل كندا بين الولايات جدا غاليه اسعارها لذلك موقع هذه الولايه جدا راقي ولكن هذه الولايه تعتبر فقيره من بين باقي الولايات

اختي اما عن النقل فتستطيعين النقل الى اي ولايه من بعد وصولك الى كندا فهذه حريه شخصيه وانتي قرري وين تريدن تنقلين وانشالله في اي ولايه تحبين راح اكون مستعد لمساعدتك لان الطيبين كثيرين والحمدلله عندي معارف في كل ولايات كندا وانشالله اكدر اساعدك بالوصول الى اي ولايه تحبين

النقل عند وصولك الى وينبك يستحسن ان تنتقلين قبل استلام اي شي من هذه المدينه حتى تستطيعين استلام مميزاتك في ولايتك الجديده يكون احسن لان في كندا لاتستطيعين نقل الاغراض الي راح تستلميهن لان اجور النقل اكثر من سعر الاغراض بعشرات المرات لذلك كل من ينتقل يرمي اغراضه ويسافر لذلك النصحيح ان تنتقلي قبل استلامك اي شي واذا كنت ماحابه ان تنتقلي او تريدين ان تجربي المدينه فهذه حريه شخصيه

اي شي تحتاجين اني بالخدمه


ومبروك مره ثانيه وتستاهلين احلى هلهوله بهذه المناسبه وانشالله تستقرين في بلدك الثاني والف هلا بيكم

اخوك : الفريدو

[بشار ابن الجامعة]

             السلام عليكم اخواتي اخواني الاعضاء الكرام .. شلونكم شخباركم انشاءالله تكونون بأتم صحة وعافية


عرابنا الغالي ابو احمد الوردة شلونك يابه يارب تكون والعائلة بالف خير .. شخبار ابو يعقوب انشاءالله ما متعبك بالبجي بليل 

    الله يحفظه هو واخوته وتحياتي لاختي ام احمد

انشاءالله تكون الايام الجاية احسن واحسن لكل الاعضاء وخصوصاً المنتظرين على بلد الاحلام كندا

   ربي يسر امرنا وامر الجميع انه سميع الدعاء



         اخوكم   بشار

[بشار ابن الجامعة]

    السلام عليكم


الف الف الف مبروك اختنا العزيزة نهلة الحديثي .. والله فرحتينا .. الله يديم افراحه علينا دائماً الحمدلله والشكر

  الله يوفقكم ويسر امر سفركم وتوصلون بالسلامة وتستقرون وترتاحون .. وانشاءالله لجميع المنتظرين تتيسر امورهم حتى عرابنا الفريدو يعزل كافي عاد شنو خطية ما عنده شغل وعمل غيرنا 

  حبيبنا ابو احمد الله يديمه النا اخ كبير وعزيز


      اخوكم   بشار

[الفريدو]

اخويه بشار شلونك ياورده

اني بخير ماطول انته والطيبين بخير

والله ياخويه كلامك مضبوط اريدكم تسافرون حتى اخذ تقاعد بس يكولون رواتب المتقاعدين صايره توب 

دومك احسن مني وتسالي عني واني ممنون منك يا طيب




اخوك : الفريدو

[الفريدو]

اخويه الغالي ORCA اشوف الموضوع منور

اني اشكر كلامك ياطيب وهذا كله من اصلك وطيبك واني الممنون

اخويه كلامك على راسي بس اني ماكلت شي يزعل وكاتب انه ماكو ولا كندي بالسفاره بس السفاره كاعد تمشي المعاملات المنتهيه بس اكيد ماكو مقابلات ولا تقديم لان اذا بقت بيد السوريين راح تصير سوريا كلها بكندا لان تعرف السوريين بالرشوه يبيع الدنيا كلها بس هاي النماذج عدنه منها كثير لان لو تشوف رسائلي الخاصه وصلت الى 1217 رساله ومن تنتهي شغلتهم يكومون يصيرون العرافه والفريدو مايعرف اي شي بس اشاعات والله هذه النماذج تكطع المعروف وعمل الخير يعني هو منو حضه كاعد غير ال..... !! 

هاي النماذج بس توصل لكندا تعال شوفهن شيسون هسه صار الزوج يعرف كلشي لعد ليش كاعده ومكابله النت ؟؟ نماذج تعبانه وتعال شوف الرسائل الخاصه العندي وانته تحكم .. والله الي وصلن لكندا بهاي الطريقه اغلبهن كثير عليهن جنبر مال علاوي بس شتكول للحظ الي يكعد بس لل .....    على كلا خلينه نساعد الطيبين والمثل يكول الكلاب تعوي والقافله تسير


حبيبي ORCA اني اشكر مداخلتك الطيبه وهذا فخر الي لانك من الطيبين الي اعتز بيهم





اخوك : الفريدو

[بشار ابن الجامعة]

اخويه بشار شلونك ياورده

اني بخير ماطول انته والطيبين بخير

والله ياخويه كلامك مضبوط اريدكم تسافرون حتى اخذ تقاعد بس يكولون رواتب المتقاعدين صايره توب 

دومك احسن مني وتسالي عني واني ممنون منك يا طيب




اخوك : الفريدو




      السلام عليكم

العفو منك اخونا الكبير والغالي عرابنا الورد ابو احمد الطيب ابن الطيبين

   استغفر الله اني مو احسن منك بالعكس انت متفضل بعد الله علينا بجمعيتك الي جامعنا بيها وفايدنا كأعضاء وزوار بمعلوماتك القيمة

بس اني ما عندي غير السؤال عنك والدعاء لك وللجميع بما يرضي الله ويرضيكم انشاءالله

   تحياتي اخوية الكبير الغالي


      اخوك   بشار

[بشار ابن الجامعة]

 السلام عليكم

العفو منك اخونا الكبير والغالي عرابنا الورد ابو احمد الطيب ابن الطيبين

   استغفر الله اني مو احسن منك بالعكس انت متفضل بعد الله علينا بجمعيتك الي جامعنا بيها وفايدنا كأعضاء وزوار بمعلوماتك القيمة

بس اني ما عندي غير السؤال عنك والدعاء لك وللجميع بما يرضي الله ويرضيكم انشاءالله

   تحياتي اخوية الكبير الغالي


      اخوك   بشار

[nahlahalhadithi]

السلام عليكم

اخوية العزيز ابو احمد اني اشكرك لتواصلك وعدم ترددك في الاجابة على الاسئلة رغم التزاماتك ومشاغلك وهذا دلالة على اصلك الطيب وحسن اخلاقك واني جدا ممنونة منك لان كلما احتاج الى مساعدتك اجد فيك نعم الاخ فيارب ان شاء الله هذا يحسب لك في ميزان حسناتك ويحفظ اولادك  اخوية العزيز بلنسبة الي ما اعرف هذه الولاية او المقاطعة ولكن اي واحد من يسمع بيها يكول تعبانة فاني من سالتك ردت منك النصيحة واذا ردت اغير مثلا شنو المكان الي هو احسن وسؤال اخر ولو اطول عليك اذا دخلنة كندا شكد الفترة الي مسموح بيها الواحد يسافر على غير دولة مثل بلغارية واكرر شكري وامتناني

شكرا اخوية العزيز بشار ان شاء يوم تفرحنة بموعد سفرك

اختكم نهلة الحديثي----------مصر

[الفريدو]

اخويه العزيز بشار انته اخ عزيز وغالي وماكو افضال بين الاخوه وانشالله بس توصل تكوم انته تزودنه بالمعلومات لانك طيب وابن خير

اخويه الغالي ابو خالد كلامك على راسي من فوك بس مرات الواحد يطلع من طوره بسبب ازعاجات من ناس مع الاسف ....  على كلا اخي انا ممنون منك وانشالله نحن باقون على مسيرتنا نزود الطيبين بالمعلومات وانشالله مانقصر مع اي شخص
وشهادتك اني اعتز بيها لان الطيبين يشوفون الناس كلهم بنفس الطيب وممنون منك اخي الغالي

اختي نهله الحديثي السلام عليكم

اختي شغلة اي ولايه فهذه النصيحه صعبه لان هذا مستقبل عائله .. اختي الغاليه لكل ولايه سلبيات وايجابيات مثلا تورنتو غاليه بعض الشيء والايجارات اغلى مقاطعه تقريبا واما فانكوفر جميله ولكن العمل فيها قليل اما البرتا فهي مكان للدراسه والعمل احسن من غير مقاطعه ولكن جوها ابرد من غيرها واما كيبيك عيبها فرنسيه

اختي انتي حسب المعلومات الي كتبناها والي تسمعيها في اي ولايه حابه تروحين واني موجود وانشالله ما اقصر

بالنسبه الى السفر تستطيعين السفر حين استلام الاقامه الدائميه الي راح تستلميها من تاريخ دخولك تقريبا من شهر الى شهرين وبعدها براحتك وين تريدين روحي بس حاولي تسافرين لمده قصيره حتى لا تاثر عليكم بالجنسيه





اي شي تحتاجين تدللين





اخوكم : الفريدو

[رائد رائد]

ياجماعه تعوذو من الشيطان وماكو داعي لهذا الكلام والتجاوز
كلتنه اخوة والكل بحاجه اي معلومه وبارك الله بلي يقدم الخير لاخوته
واني اشهد الاخ الفريدو مواضيعه حلوة ويساعد الاخوة والله يجازي خير وهذا من طيب اصله
والكثير من الاعضاء ايضا يساعدون ويقدمون الخير في هذا المنتدى الرائع
وياريت لو تحذف هذه التعليقات التي فيها اساءة للأخوة وأساءة لاخونه الفريدو
حتى لو صار سوء فهم ماكو داعي يكبر الموضوع ويصير تجاوز بلكلام
واحنه الكل تعبانه والكل تنتضر الفرج والله يسهل على الجميع
وتحياتي لكل الاخوة الاعضاء وبلاخص الاخ العزيز صاحب المواقف الجميله والرائعه اخونه الفريدو

[الفريدو]

اشكرك اخويه رائد

اخويه العزيز هاي كل فتره يطلعنه شخص وعبالك نشتغل عنده بس شنسوي كلمن يشتغل باصله

الحمدلله الي اكدر اساعد بيه ما اقصر وانشالله الكل توصل وترتاح من هم الانتظار

اشكرك اخويه الغالي وانشالله جمعيتنا تبقى نظيفه وهاي النماذج تجي وتروح تعودنه عليهم ويكلك ليش العراق مايصير براسه خير !! كله من ورى هيج نماذج الله يبعدنه عنهم وعن شرهم




اخوك : الفريدو

[اسامة الجميلي]

اخونا العزيز ابو احمد
لا يهمك من هذا الكلام الذي يثير الكلام داخل المنتدى مااتصور  له مكان بالجمعية وبالطائرة الذاهبة الى كندا
والجمعية ابو احمد هو  اساسها وهو ادرى بااكثر المعلومات التي تخص كل شخص يذهب الى كندا
فتحية لك اخونا العزيز ابو احمد وكللهم احنه اساسنا الملعب واحنه النلعب بي. هههههههههههههه





ابو هيا______الاردن

[الفريدو]

حبيبي ابو هيا الورده

اشكرك اخويه الغالي وانشالله نحن باقون على العهد لحين ما اوصلكم كلكم بعون الله


تمنياتي للجميع بالتوفيق ياربي



اخوك : الفريدو

[@المهندس@]

الأخ العزيز والي أفخر بخوته.....ألفريدو (أبوحمودي الغالي) السلام عليكم
بداية أسف لأنقطاعي كل هاي الفترة بس وألله لأسباب فوق أرادتي
وأسف أيضآ لأني والله ما اعلم أجاك مولود جديد...أسأل من الله أن يتربى بعزك ويجعل قدومه خير عليك وعلى ذويك جميعآ وإن شاءألله تقبل أعتذاري وتقبل هاي التهنئة ولومتأخرة

أخوك في ألله
أبو مصطفى/دمشق

[الفريدو]

اخويه الغالي ابو مصطفى الف هلا بيك

والله بالي يمك يا اخي واني اشكرك من كل قلبي

اخي الغالي بشرني عنك انشالله بخير ؟؟

الله يحفظك ويحفظ العائله ويبعد عنكم كل سوء ياربي




اخوك : الفريدو

[nahlahalhadithi]

السلام عليكم

الاخ العزيز ابو احمد اني تعبتك وياية لكن رب اخ لم تلده امك واني محتارة لان مدا اعرف اي ولاية اختار لان ما عندي المعلومات الكافية واي واحد ديسمع عن وينبيك يكول عليها تعبانة ومتفيدكم ولذلك اني طلبت نصيحتك ومساعدتك واكو شغلة ثانية السفارة من اتصلو بينه مطلبو تسليم الجوازات مالتنه ومن سالناهم كالو منريد الجوازات لانها تعتبر ساقطة وراح ننطيكم كروت تسافرون بيها بس طلبو صور وديناها بس مرادو الجوازات يعني هاي الشغلة عادية لو شنو القصة مدا افتهم
وارجع اكرر شكري وتقديري واني جدا ممنونة منك



اختك نهلة الحديثي----------مصر

[@المهندس@]

حبيبي الغالي ألفريدو (أبو أحمد)
ليضل بالك أخويه...الحمد لله والشكر كل أحنه بخير وإن شاء ألله ربك يهونهه وتخلص وأصير سوالف
ربي يديمك أخ عزيز وذخر.

لك مني كل الأحترام والتقدير
أبومصطفى/دمشق

[@المهندس@]

الأخ العزيزأسامة الهاشمي(أبونور الطيب)
وألله فرحتلك من كل قلبي....لأنك طيب وستاهل كل الخير وأسأل من ألله أن يكمل الفرحة بيوم وصولك أنت والعائلة بالسلامة
بس بداعتي من توصل أجل المكمط خليه على جيتي
وما أعتقد أبو حمودي راح يزعل لأن أكيد ميهون بيك أجيب مكمط لاخ من أوصل

تقبل تحياتي
أخوك أبو مصطفى/دمشق

[اسامة الهاشمي]

ابو مصطفى الوردة الغالي اشكرك وان شاء الله ربي يسمع منك

بس هاي مال سالفة المكمط لا والله اعذرني ابو مصطفى ما ترهم يمعود ابو حمودي يسويه عليه فيل مو مكمط ههههههههههههههه

عمي اني وياك قبل لا اروح نذبح النه مكمط ونشويه بس كون عنده جناحات ورجلينات ثنين بس هههههههه



ابو نور / دمشق

[ام نورااااا]

السلام عليكم اخواني واخواتي الاعزاء عساكم بالف خير
مبروك  للي راح يسافر ويستقر وان شاء الله الكل تسافر وترتاح
شونك ابو احمد عساكم بالف خير واني باركتلك على يوسف بس مره ثانيه اكول الله يخليه الكم
حبيت اسالك وللاخوه اللي يعرفون عن كندا
عدنا اصدقاءنا سووا هجره كفاءات لكندا طبعا هو الاب واولاده وبناته
الولد الكبير طبيب وهسه بمرحله معادله الشهاده ويكولون انو همه يدزوله 50 ورقه يلا تكفيه بكندا
تتصورون هذا الكلام معقول؟ علما انو بس هو وزوجته
زين همه ورا سنه من دخولهم لكندا    اذا مهاجرين  يكدرون يحولون على برنامج اللجوء لو لا؟
زين اذا همه عدهم اقامه دائميه وفتره طلعو من كندا لان عايشين باحدى دول الخليج هل تسقط الاقامه عنهم؟ وهل تاثر على الجنسيه؟
جزاكم الله خيرا لان احنا قدمنا على نفس البرنامج ونريد نعرف شنو اللي راح يصير
تحياتي للجميع

[اسامة الهاشمي]

السلام عليكم .

يابه اخذت موعد سفر يوم 11/3  وان شاء الله للجميع وتخلصون من هم الانتظار .

واليوم خابروني طلعت اكو دورة طيران راح نبلش بيها يوم 27 بالشهر اذا الله سهل





ابو نور / دمشق

[بشار ابن الجامعة]

               السلام عليكم

بالخير عليكم اخويه ابو نور بالتوفيق انشاءالله .. ربي يسر امركم وامر الجميع انه سميع الدعاء



      اخوك   بشار

[DEFA-AL-AIRAQI]

بالتوفيق انشاء الله اخي ابو نور

[الفريدو]

السلام عليكم اخواني واخواتي الاعزاء عساكم بالف خير
مبروك  للي راح يسافر ويستقر وان شاء الله الكل تسافر وترتاح
شونك ابو احمد عساكم بالف خير واني باركتلك على يوسف بس مره ثانيه اكول الله يخليه الكم
حبيت اسالك وللاخوه اللي يعرفون عن كندا
عدنا اصدقاءنا سووا هجره كفاءات لكندا طبعا هو الاب واولاده وبناته
الولد الكبير طبيب وهسه بمرحله معادله الشهاده ويكولون انو همه يدزوله 50 ورقه يلا تكفيه بكندا
تتصورون هذا الكلام معقول؟ علما انو بس هو وزوجته
زين همه ورا سنه من دخولهم لكندا    اذا مهاجرين  يكدرون يحولون على برنامج اللجوء لو لا؟
زين اذا همه عدهم اقامه دائميه وفتره طلعو من كندا لان عايشين باحدى دول الخليج هل تسقط الاقامه عنهم؟ وهل تاثر على الجنسيه؟
جزاكم الله خيرا لان احنا قدمنا على نفس البرنامج ونريد نعرف شنو اللي راح يصير
تحياتي للجميع

كل الهلا باختي العزيزه ام نورا واشكرك ياربي على تبريكاتك

اختي مافهت شنو تقصدين 50 ورقه هل يعني 5000$ ؟؟ وهاي شكد تكفيهم ؟؟ هاي ماتطلعهم يادوب شهرين  او 3 شهور بالكثير

طبعا من بعد سنه من دخولهم مو يحولون على لجوء وانما يقدمون على الولفير  وهذا يشمل اي شخص داخل كندا بشرط ان يكون يدرس وما يعمل نهائيا لذلك الحكومه  تسلمه مساعده شهريه لا تزداد على 1200$ شهري

من بعد استلام الاقامه الدائميه يكدرون يسافرون ولكن الفتره الي يخرجون منها من كندا ماتنحسب من فترة ال 3 سنوات




اخوك : الفريدو

[الفريدو]

السلام عليكم .

يابه اخذت موعد سفر يوم 11/3  وان شاء الله للجميع وتخلصون من هم الانتظار .

واليوم خابروني طلعت اكو دورة طيران راح نبلش بيها يوم 27 بالشهر اذا الله سهل





ابو نور / دمشق

الف مبروك اخويه الغالي ابو نور وشايف كل الخير

كندا راح تنور بيوم وصولك وشايف كل الخير اخويه





وهاي احلى هلهوله الى اخويه العزيز ابو نور الورده


اخوك : الفريدو

[اسامة الهاشمي]

اشكرك ابو حمودي الغالي ربي يوفقك ويسهل امرك ويحفظلك اطفالك يارب




ابو نور / دمشق

[ام نورااااا]

شكرا ابني العزيز ابو احمد المحترم
الله يوفقك يارب
اقصد ب 50 ورقه اي 5000 دولار ويكولون تكفي شهر واحد فقط لشخصين
يعني اذا الولد بس يدرس بالبيت لغرض معادله الشهاده مو يدرس بالجامعه هل يستحق الولفر؟
وال 1200 دولار شكد تكفي هناك؟
عدهم ابنهم الثاني ساكن بالخليج بس عنده اقامه دائميه بكندا
يكدر يسوي معامله سحب لزوجته ويرجع للخليج ومن يوافقون على سحب الزوجه يروح وياها لكندا؟
ولو طولت عليك
بما انو انت اختصاصك طبي تتصور الطبيب يحصل شغل بكندا؟واذا ماعادلو شهادته لانها صعبه المعادله شنو يكدر يدرس شي قريب منه
او نصيحه منك لانك هناك واكيد سامع وشايف هوايه اطباء شنو ممكن يكمل؟او يدرس اقرب شي لمهنته
شكرا جزيلا ممنونه منك لانك تسهل علينا هوايه امور مانعرفها

[ام نورااااا]

هاي شنو نشمر الموضوع بالصفحه الثانيه
ردت ابو احمد يرد على سؤالي
تحياتي

[الفريدو]

اختي ام نورا اني جدا اسف على التاخير بالرد

اختي العزيزه شغلة 5000$ بالشهر لشخصين تكفيهم وزياده يعني يكدرون يعيشون بيها شهرين

اما الولفير فيكدر يقدم عليها بعد ال 6 شهور مو سنه بس على شرط مايخلي حساب بالبنك باسمه

1200$ تكفيهم تقريبا ايجار مع بلات مال مبايل انترنت كهرباء ماء هيت  واما العيشه فعلى حسابه راح تكون

الشخص المقيم في كندا وهو خارجها مايكدر يسوي عملية السحب لان السحب لازم يكون عنده شغل بداخل كندا ومحاسب ضريبيا في ذاك الوقت يكدر يسوي معاملة السحب

اقرب شغله للدكتور هي الفيتر .. يمكن راح تضحكين ههههه بس الدكتور يعالج بشر والفيتر يعالج السيارات وثنينهم رواتبهم جدا عاليه
ماكو شغله مماثله الا اذا دخل كورس وهنا هوايه كورسات بعد اكمال الدراسه الانكليزيه واتقان اللغه يكدر يدخل كورسات هوايه منها الحسابات او ممرض او ..... بدون شهاده بس كلها تاخذ وقت والكورس هنا اله مده حسب المهنه فنصيحتي اذا عنده امكانيه خلي يبقى يدرس على الشهاده ومن يخلص دراسه راح يعوض كل السنين الي كعدها يدرس بيها لان اجور الاطباء جدا عاليه




اي شي تحتاجين تدللين اختي





اخوك : الفريدو

[ام نورااااا]

شكرا جزيلا على الرد
بس ضحكتني مال فيتر
ولو هي شغله حلوه بس هم يرادله واحد يتقن الشغله
ويجوز تطول اكثر من معادله الشهاده
الله يحفظك
تحياتي للعائله

[Ashurram]

مرحبا اخواني وخواتي شلونكم
اني اخوكم بلبنان صارلي 3 سنين واريد اسوي كفالة خماسية بس اكو كم شغلة اريد اسألكم عليها

اولا: اني ابني مولود في لبنان وما عنده اي اوراق غير وثيقة الولادة بس هو موجود ويانة بورقة الامم فهل هذا يشكل مشكلة في التقديم على الكفالة الخماسية لو لا؟؟ يعني لازم جواز لو بيان الولادة وورقة الامم المتحدة تكفي عند التقديم؟؟

ثانيا: السفر شلون يصير؟؟ عن الطريق ال IOM لو السفارة الكندية لو شلون؟؟

ثالثا: شكد تاخذ وقت المعاملة من تاريخ التقديم الى حين السفر؟؟؟

رابعا: اذا وصلنا يصير ما اسكن عند كفيلي؟ واذا اجرت بيت اكو منظمة تساعدني بالايجار؟

اذا اكو رابط بالمنتدى شرح بخصوص موضوع الكفالة الخماسية يا ريت لو تنزلوه مرة ثانية

وشكر للجميع مقدما

[الفريدو]

اخويه  Ashurram السلام عليكم

اخي بالنسبه الى الطفل بسنة 2009 اني وصلت الى كندا واولادي بدون جنسيه اثنينهم ببيان ولاده ولكن هل الامور تغيرت حاليا او نفسها !! ما اعرف بصراحه .. انشالله الاخوان الجدد يجاوبون على هاي الفقره

اخي معاملتك راح تمشي مثل معاملة اللاجيء تقريبا هم مقابله بالسفاره والاي او ام ينطوك الفيزه وتسافر بس الفرق بينك وبين اللاجيء انك اول سنه ما الك اي راتب شهري

سؤالك الثالث ما اله اي جواب حاليا لان الامور كلها تخربط واكيد مو اقل من سنه

اخي انته تسكن وين ماتريد بس على حسابك لان كتلك اول سنه ما الك اي راتب من الحكومه ومحد يساعدك ماعدى رواتب الاطفال دون 18 سنه يستحقون مساعده

اخي موجوده التفاصيل بالموضوع نفسه ,, تعب نفسك وتصفح من اول صفحه الى ان توصل الى الصفحه الاخيره يعني 23 صفحه وراح تلاكي معلومات كثيره تفيدك





اخوك : الفريدو

[Ashurram]

الف رحمة على والديك ريحت قلبي.. مادام السفرة على ال IOM يعني الجواز مو اجباري  لان يكدرون يسوون جواز مرور مؤقت.

بس شغلة ماكو مساعدات اول سنة مو حلوة... اعرفها اني لكن حبيت اتأكد.


اشكرك اخوي ع الجواب الوافي

[nedaa123]

السلام عليكم .

يابه اخذت موعد سفر يوم 11/3  وان شاء الله للجميع وتخلصون من هم الانتظار .

واليوم خابروني طلعت اكو دورة طيران راح نبلش بيها يوم 27 بالشهر اذا الله سهل





ابو نور / دمشق

الف مبروك والله يفرج عليك يارب
وزين سمعتنا خبر يفرح ويارب للكل والي يفرح لايفرح وحده خلي يكتب حتى نباركله ونفرح وياه ونكوول يوم النا

[اسامة الهاشمي]

اخوية الغالي  nedaa123  ان شاء الله تسمع كل الاخبار المفرحة طول العمر يارب وان شاء الله اتفرحنهع بخبر سفر بعون الله

الف رحمة على والديك ريحت قلبي.. مادام السفرة على ال IOM يعني الجواز مو اجباري  لان يكدرون يسوون جواز مرور مؤقت.

بس شغلة ماكو مساعدات اول سنة مو حلوة... اعرفها اني لكن حبيت اتأكد.


اشكرك اخوي ع الجواب الوافي

اخوية العزيز Ashurram كلام اخونة الفريدو صحيح بخصوص الاطفال واني كان ويايه بالدورة  خص بنته عمرها سنه واربع اشهر بدون جواز وسوولها جواز مرور مؤقت وطيارته ويايه هوه يوم 11 بالشهر فان  شاء الله هاي الشغلة متاثر بعون الله



ابو نور / دمشق

[steven_siv]

اكو البعض سال هل دا يستلمون لو يسلمون فورمات من السفارة الكندية اجواب لاااااااااااااااااااااااااااااااااااااااااااااااااااااااا ولحين فتح مكتب الفيز و التاشيرات في سوريا واللي يعرف يقرا خلي يدخل على صفحة السفارة الكندية في سوريا

[اسامة الهاشمي]

اكو البعض سال هل دا يستلمون لو يسلمون فورمات من السفارة الكندية اجواب لاااااااااااااااااااااااااااااااااااااااااااااااااااااااا ولحين فتح مكتب الفيز و التاشيرات في سوريا واللي يعرف يقرا خلي يدخل على صفحة السفارة الكندية في سوريا

صحيح اخوية العزيز ستيفن ماكو اي مقابلات بس الي كاملة شغلتهم بس اعتقد العدد مو قليل لان يوميه اكو سفر يعني الموظفين الي بالدورة كالو يومية احنه بالمطار يعني يومية اكو سفر .
ان شاء الله ربي يسهلها على الكل ويارب ينفتح المكتب باسرع وقت بحق الحبيب محمد .
وان شاء الله الكل تخلص من هم الانتظار .

للعلم والاطلاع باقي 6 ايام لسفري
ادعولي اوصل بالسلامة



ابو نور / دمشق

[IRAQ.CA]

ياربي توصل بالسلامه انت والعائله الكريمه ان شاء الله والله يفتحها عليكم ويسهل امركم يارب .... ولتنسى دعائك النا بالطيارة دعاء المسافر مستجاب وان شاء الله دعائك مستجاب


اخوك
IRAQ.CA

مصر

[اسامة الهاشمي]

ياربي توصل بالسلامه انت والعائله الكريمه ان شاء الله والله يفتحها عليكم ويسهل امركم يارب .... ولتنسى دعائك النا بالطيارة دعاء المسافر مستجاب وان شاء الله دعائك مستجاب


اخوك
IRAQ.CA

مصر

اشكرك اخوية الغالي ويارب يسهل امرك وامر الجميع .. ومستحيل انساكم وان شاء الله ادعي للكل بجاه الحبيب محمد تفرج عليكم ويسهل امرنه .




ابو نور / دمشق

[Aiham_]

طريق السلامة ابو نور ربي يفتحها بوجهك

[IRAQ.CA]

اميييين يارب

[المسافرة]

ان شاء الله توصل بالف سلامة انت وعائلتك الكريمة وتكون حياة سعيدة ومستقرة في كندا
بالتوفيق

[اسامة الهاشمي]

اشكركم يا غالين وان شاء الله ربي يفرجها عليكم مثل ما فرجها عليه وتفرحونه باخباركم الطيبة ونبارك الكم بحق الحبيب محمد


ابو نور / اخر 3 ايام دمشق

[كلي امل]

توصل بألف سلامة اخونة اسامة مودع بالله

[اسامة الهاشمي]

تسلميلي اختي الغالية كلي امل وان شاء الله يارب اتفرحينه باخبارج الحلوة باسرع وقت



ابو نور / دمشق

[Dark...Angel]

ان شاء الله توصل بلسلامة اخي العزيز اسامة

تحياتي لجميع اخوتي واخواتي في جمعيتنا

تحياتي

[اسامة الهاشمي]

السلام عليكم ورحمة الله وبركاته ...


ابمداخلتي هذه راح اساهم برفع الصفحة اولاً علمود الناس تستفاد 

وسؤالي ايكول. هاي وره ما راح ارفع الصفحة يعني هههههههههه

التقديم على اليو ان راح يفرض امريكا اولا لو واحد يكدر ايكول اني اريد كندا
وثانياً هل التقديم على كندا من سوريا افضل لو من عمان لان اني افتهمت انه السفارة بس بسوريا اما بالاردن قنصلية ..
زين ...
اذا كان الجواب لا بالاردن احسن راح اكول بالنسبة الية مصاريف اكثر وما اتحملهه وبسوريا عندي فرصة عمل اكثر لان بعمان ما اعرف اي شخص ابدددددد اما سوريا لا بها مجال هواي يعني احسن اليه ...
يعني بشكل عام اني اريد اسافر واقدم وكملت كل اوراقي بس بقيت حاير بالفيزة منين ابدي اخيرا قررت سوريا  فاريد بس تاكيد حتى اعرف شلون التقديم الهه قصدي ( كندا )
حيل شكد احجي اني هاي عود بس ارفع الصفحة ؟؟؟
وسلامي للاخ الغالي الفريدو.



ابو نور / بغداد

سبحان الله  جنت محتار اليا دولة اروح .. والله وسويتها  الف الحمد لله والشكر ان شاء الله يوم للجميع ياررررررب



ابو نور / دمشق اخر يومين

[اسامة الهاشمي]

ان شاء الله توصل بلسلامة اخي العزيز اسامة

تحياتي لجميع اخوتي واخواتي في جمعيتنا

تحياتي

تسلملي اخوية الغالي وان شاء الله يوم الي الك يارررررب وتفرحنه



ابو نور / دمشق

[IRAQ.CA]

للرفع

( ما احب اشوفه الجمعيه بالصفحه الثانيه )


IRAQ.CA

[IRAQ.CA]

توصل بالسلامه اخويه الغالي ابو نور

اخوك

IRAQ.CA

[@المهندس@]

الأخ الغالي أسامة الهاشمي(أبو نور الغالي)
وينك يمعود والقرءآن قلبي يمك....البارحة أخر أتصال بيناتنه قبل لتصعد الطائرة بثلث ساعة......هسه أنت المفروض صار ساعة ونص من وصلت تورنتو إذا شاء ألله...فدوه لعينك طمني بأقرب لحظة وربي عيني عالموبايل كل شويه أكول هسه يطلعلي رقم يبدي ب001
يارب تكون وصلت بالسلامة بحق الحبيب محمد

دعواتي من كل قلبي بحياة جديده مليئة بالمسرات والتوفيق
أخوك أبو مصطفى
سوريا/دمشق

[كلي امل]

ودعواتنا وياك اخ المهندس لاخونة  اسامة ياربي بألف سلامة وخير

[IRAQ.CA]

UP

[زيتونه وليمونه]

السلام عليكم جميعا شلوكم
والله فرحانه كلش يارب سعاده وهنا وافراح اخويا ابو نور الحمدلله غبت عن المنتدى وسمعت اخبار رائعه عك والله اخويا تستاهل على صبرك ويارب خير صبرك اني اسفه كلش انقطعت لا اهنا الحياة عباره عن ركض وهالاسبوع يلا فرغنا لان عطلة نص السنه بس متصدكون احمد ربي على وصولنا لكندا لان هوايه اشياء جيده بيها ان شاء الله اكدر اتواجد واحجي الكم 
وسلامي لاخويا ابو احمد وشمعه

[الفريدو]

اخواني اخواتي السلام عليكم

نبارك بوصول اخونه الغالي ابو نور الى كندا وانشالله الافراح دائما موجوده وتسمعونه اخباركم الطيبه

مع العلم كثير من الاعضاء مختفين وبصراحه البعض منهم يراسلني وهم في كندا حاليا  بس ما اعرف ليش ما كتبو بموعد سفرهم وتاريخ وصولهم !!!

بصراحه عتبي على اخواني الي وصلو الى كندا شو بعد ما كتبو شي لان الكل هنا محتاج معلومه صغيره كي تريح باله ولا تنسو كلنا كنا في مرحلة الانتظار والتعب النفسي والمعلومه الصغيره تريح

بصراحه انا رغم مشاغلي بس كل يوم افتح المنتدى واشوف اخباركم وانشالله تسمعونه اخبار دائما

اختي زيتونه وليمونه عليكم السلام وينكم يمعودين ؟؟ عاش من سمع اخبارك
يمعوده نريد تواجد لان وحدي بقيت وكل الي وصلو بعد ماشفناهم .. ياريت تكونين متواجده وتكتبين عن الوضع عندك وشلون الحياة وخلي الناس تستفاد من تجاربك .. الحياة ركض ركض مضبوط بس هم اخوانه الهم ولو نصف ساعه يوميه بس نكتبلهم لحين مايوصلون وانشالله كلها بميزان حسناتك وربي يوفقكم جميعا



اخوكم : الفريدو

[Dark...Angel]

كلالالالالالالالالالالالالالالالالايش حمد الله علسلامة وان شاء الله يوم لكل واحد منتظر السفر
عمي الفريدو ابو احمد شخبارك مشتاقين يارب تحياتي لكل اعضاء جمعيتنا الموقرة

تحياتي

[الفريدو]

اخويه العزيز  دارك انجل احنه الاشوق شلونك انشالله بخير

انشالله هاي الهلهوله نردلك اياها بيوم سفرك ياربي


يوم نسمع اخبارك واخبار كل منتظري السفر بالسفر القريب انشالله





اخوك : الفريدو

[ابو ايمن المياحي]

 

[بشار ابن الجامعة]

             السلام عليكم

شلونكم اخواني واخواتي اعضائنا الكرام انشاءالله الجميع بخير

   شلونك اخونا الغالي عرابنا ابو احمد الورد .. عساك والعائلة الكريمة بالف خير

مبروك للغالي ابو نور الورد سفره والحمدلله على سلامة وصوله اتمنى له حياة جديدة حلوة ملؤها النجاح والاستقرار وراحة البال

  والف مبروك ابو احمد الصفحة 24

وانشاء الله تكون التعزيلة

   الله يسر امرنا جميعاً انه سميع الدعاء


             اخوكم   بشار

[aseel_msb]

مرحبا اخواني الاعزاء شلونكم؟يا ربي تكونون بكل خير
صار فترة منقطعة عن المنتدى و هسة يللا كدرت اكتبلكم لان صارت ولادتي بكندا و جانا يوسف و صار كندي و هسة شفت اخوية الفريدو هم اجاهم يوسف يا ربي خير و بركة
احنا صارلنة اربع شهور بكندا و الحمد لله ولادتي صارت بعد شهر ونص من وصولنا يعني الحامل لا تخاف انه ما تسافر لان اني سفروني و اني حامل بالاسبوع 33 بس كان اخر اسبوع يسمحون بيه للسفر 
احنا حاليا بمدينة لندن -اونتاريو و اي احد يحب يستفسر  يتدلل

اختكم اسيل-كندا

[الفريدو]

الف الف مبروك اختي اسيل وشايفه كل الخير اختي ام يوسف

الف الحمدلله على سلامتك بالوصول والولاده وانشالله استقرار وراحه وبداية حياة جديده وسعيده ياربي

عاشت الاسامي اختي واحسن ما اختاريتي يوسف اسم النبي يوسف عليه السلام

اللهم يخلي الك ويتربى بعزك ومنتظرين منك الاخبار الحلوه وتكتبيلنه عن تجربتك انشالله بعد ما ترتاحين



هاي احلى هلهوله بالمناسبتين

تستاهل ام يوسف



اخوك : الفريدو

[الفريدو]

اخويه بشار السلام عليكم

شلونك انشالله بخير انشالله هاي الصفحه الاخيره والكل يسافر ونعزل بعد لان بصراحه طولتوها 

اخويه الغالي اشكرك على سؤالك عني دائما واني بخير ماطول انته وكل الطيبين بخير




اخوك : الفريدو

[IRAQ.CA]

الف الف مبروك اختي اسيل وشايفين الف خير ويتربى بعزكم يارب


اخوج

IRAQ.CA

[اسامة الجميلي]

مبروك اختنا اسيل بسلامة الوصول اولا وبالولادة ثانيا ويتربى بعزكم
كيف كانت رحلتكم؟وماهي هي المصاعب التي واجهتوها؟ انشاء الله ماكو اي مصاعب؟ لان يكلك ليوصل لكندا يعرف معنى الحياة الجميلة
نرجو منك شرح تفاصيل سفرتك ليستفاد الجميع منها
اما ابو احمد الذهب فهو شخص تعجز الكلمات عن وصفة
لان كل شخص وصل كندا مباشرة انقطع عن المنتدى  ولا كتب اي شي عن وصوله  ايكلك يمعود هو شكو بالمنتدى بس لو يرجع لقبل السفر ويشوف حالة كل يوم يدخل على المنتدى ويستنجد بهذا وذاك فقط يريد كلام عن سفر اوموعد السفر ماعلينا كل انسان ويعرف ضميرة ويعرف معانته في اصعب الظروف
فقط الاخ العزيز ابو احمد( الفريدو) بقى على تواصل مع الجميع فتحية والف تحية لاخ العزيز ابو احمد وانشاء الله نلتقي في فترة قريبة
اسف على الاطالة  مبروك مرة ثانية اختنا العزيزة اسيل وانشاء الله الحياة السعيدة في كندا

[Dark...Angel]

مرحبا اخواني الاعزاء شلونكم؟يا ربي تكونون بكل خير
صار فترة منقطعة عن المنتدى و هسة يللا كدرت اكتبلكم لان صارت ولادتي بكندا و جانا يوسف و صار كندي و هسة شفت اخوية الفريدو هم اجاهم يوسف يا ربي خير و بركة
احنا صارلنة اربع شهور بكندا و الحمد لله ولادتي صارت بعد شهر ونص من وصولنا يعني الحامل لا تخاف انه ما تسافر لان اني سفروني و اني حامل بالاسبوع 33 بس كان اخر اسبوع يسمحون بيه للسفر 
احنا حاليا بمدينة لندن -اونتاريو و اي احد يحب يستفسر  يتدلل

اختكم اسيل-كندا

حمد الله علسلامة اختي اسيل الف مبروك مولودكم الجديد ويتربى ب عزكم ان شاء الله


تحياتي

[اسامة الهاشمي]

السلام عليكم يا غالين
شلونكم شلون الصحة ان شاء الله الكل بخير يارب
اشكر الجميع على تبريكاتهم اليه ويارب نسمع الاخبار الحلوة منكم يارب

اني الحمد لله والشكر وصلت الكندا تورنتو يوم الاثنين 12/3 والف الحمد لله والشكر مرتاح واليوم اتحولت للكوستي لان اول ما اجيت جان الكوستي مقبط وكعدوني بفندق اليوم اتحولت للكوستي الباجر اشرح شنو الي صار ويايه بالضبط بس المهم اني مرتاح واتمناكم كلكم يمي تجون ان شاء الله ةدعيت الكم هواي بالطيارة


ابو نور / تورنتو

[كوكي 2004]

                                                 بسم الله الرحمن الرحيم

                                  اللهم صلي على سيدنا محمد وعلى آله وصحبه وسلم

       أااااااااااالف مليون مبروك أخويه العزيز والغالي أسامة والحمد لله على سلامة الوصول

       الله يوفقك ويسهل أمرك ويفتحهه بوجهك ويجعلك بكل خطوة سلامة وان شاء الله بلد الخير

                                           والرزق والعاااااااااااافية

                                           أنت طيب وأصيل وتستاهل كل خير

                                             بالتوفيق يا أروع أخك


                    تحياتي   
                  أختك كوكي  

[الفريدو]

اخويه ابو نور الورده الف الف الف الحمدلله على سلامتك

بس الله عليك المكمط لا تنطيه الى ..... انته تعرف منو  ما اريد افضحه

شايف كل الخير اخويه الغالي وننتظر منك الاخبار الحلوه اخويه ابو نور


اخويه الغالي اسامه الجميلي ابو هيا
اني اشكر كلامك الطيب وهذا دليل على منبعك الاصيل وربي يوفقك ويفتحها بوجهك انشالله
اني بصراحه اعتب على الاخوان الي انقطعو بس عتبي عتب احباب ولوما اعزهم ما اعاتبهم لذلك العتب بس للطيبين


تمنياتي للجميع بالموفقيه والاستقرار ياربي




اخوكم : الفريدو

[اسامة الهاشمي]

صباح الخير ..

اختي الغالية كوكي ربي يوفقج ويسلمج ويحفظج ويريح بالج ان شاء الله .. اشكرج كل الشكر اختي العزيزة وان شاء الله ربي يفرحكم مثل ما فرحتي يا غاليه .

العزيز الغالي الفريدو الوردة ربي يحفظك ويرعاك ويه اهل بيتك يارب ويسلمكم .الف الحمد لله والشكر وصلت بفضل رب العالمين وبفضل دعائكم الطيب يا غالي . لا اتخاف على المكمط موجود هههههههه يمعود الي ابالك هذا دمرني راح ارجع السوريا من وراه من اخابره لو طالع لو نايم الله يساعده من الفرفرة 24 ساعة هههههههه.
طبعاً اني رجليه صايره خيوط من الفره لان فرفرت تورنتو كلها يوميه من الصبح لليل افتر ما خليت مكان يعتب عليه ابد  هههههه

هسه نجي للتفاصيل
اول يوم وصلنه نورنتو الساعة 3.5 الظهر تقريبا بالمطار كملنه تفاصيل الدخول وطلعنه تقريبا 3 ساعات كل واحد اخذوله تكسي اني نفس الحالة بس اني ما ودوني للكوستي لان جان مقبط فاخذوني الى فندق محترم ودرجة اولى خمس نجوم بس المشكلة وين ؟؟. ابو التكسي ذبني بالشارع وكال هذا الفندق وراح  بس طب ويايه وكلي هذا الباب نزلت اغراضي وجنطي وجهال بالشارع راح ابو التكسي طببت الجنط اني الفندق عبارة عن مول جبير ومن ظمن المول اكو هذا الفندق المهم طببت كل اغراضي ودا افتح الباب طلع مقفول هذا الباب لازم افتر من وره بالعكس هم ما كلت شي رحت افتريت للفندق صعدت طبيت للرسبشن مال الفندق كتلهم حجز باسمي دور كال وين اكو هيج شي كتله يمعود اني اني اسامة اكو حجز باسمي كال لا ابد والله ماكو (( طبعاً بالانكليزي )) كتله من الاي او ام .. ما فاد كتله من السي اي سي ما فاد كتله الخاطر الله ما فاد كال اله فيزا عندك يله احجزلك نزلت على ابو التكسي ماكو رايح جاي اطب بالمول على اطفالي والجنط لكيت الباب مقفول عليهم والحارس رايح كايللهم ممنوع بعد الساعه تسعة يبقة المول مفتحوعزلوه والجهال والجنط جوه بالمول ه المهم رجعت على ابو الفندق طنكر بس باحترام كال اعذرني .. المهم تعبت الى درجة وصارت الساعه 11 بليل وماكو اي شي صفنت كلت وين اروح اني ارجع السوريا للمطار لو وين ومنو الي راح يستقبلني المهم صارت الساعة 11 ونص وجان واحد كاعد بالرسبشن كام على حيله كال شكو حجه ويه ابو الرسبشن كاله هذا يكول اكو حجز باسمي باوع عليه كلي شسمك كتله اسامة كال اي انيمنتظرك كتله صدط تحجي انته كال اي كتله مو صارلي 4 ساعات واكف هنا احجي ويه ابو الفندق كال اسف اني جنت منتبه على الشارع عبالي تنزلون بهاي الصفحة كتله رحمه الله والديك المهم رحت للغراض والجهال وبالتواسيل يله قبل الحارس يفتح الباب النه وطلعنه الغراض ورحنه فوك وكعدنه بالفندق وكلش تعبانين نامو الجهال واني طلعت افتر بتورنتو    وما نمت غير الساعة 3 الصبح هاي عود تعبان

المهم الصبح ثاني يوم الساعة بال 11 اتفقنه يجينه شخص وبالفعل الساعه 11.5 اجتي بنيه حبابه واخذتنه مشي للكوستي الي هوه الفندق مال الجايين لكيت جماعتي الي ويايه بالطيارة كلهم هنابس الازدحام هم امبهذلهم وتعبانين والباكستانيين اعدادهم كلش ضخمة المهم كمت اروح اتغده واتعشه بالكوستي والريوك بالفندق ويه المبيت والكعده كملنه معاملاتنه وخلصنه هل ايام والبارحة اتحولت للكوستي لان فرغ عادي وكاعد هسه ويه الجماعة . بس المشكلة الاقوى بالمعاملات عندي نقص صاير بالمطار لازم اراجع المطار يوم الاثنين لان ما كاتبين تاريخ دخولي الى كندا الضابط المسؤل بالهجرة غلط ويايه وكذالك السفارة الكندية هم غلطت ويايه واكو فقرة ناسينهه لذالك التامين الصحي مالتي مراح يصير هسه اله بعد ما استلم البي ار هوية الاقامة المهم بشكل عام اني هسه مرتاح كلش واتمنى كلكم ترتاحون وتخلصون من هم الانتظار بحق الحبيب محمد .
شمعـــــــــــــــــــــــــــــــة اني الك هههههههههههههههه

يارب يسهل على الجميع يارررررررب

ملاحظة : السفر مستمر من دمشق والبارحة الجمعة ناس وصلو عددهم بالطيارة كان تقريباً 18 شخص بشكل عام وهنا بتورنتو اتقسمو منهم سنكل ومنهم عوائل واكو سفر يوم 29 بالشهر هذا هم وتقريبا كل ايام الاسبوع اكو سفر ما عدى يوم الاسبت والاحد محد كاعد يوصل




ابو نور / تورنتو

[الفريدو]

اخويه الغالي ابو نور الف الف الحمدلله على سلامتك

احرمه لشمعه من المكمط ولا تخلي حتى يشوفه  مو كتلك تعال يمي بس هذا الي مايسمع كلام ماما وبابا    المهم اخويه مبروك عليك الوصول

ننتظر منك الاخبار الحلوه




اخوك : الفريدو

[المسافرة]

مساء الخير على الجميع الحمد لله على سلامتك اخي اسامة الهاشمي ان شاء الله حياة سعيدة ومريحة في كندا
بالتوفيق

[المسافرة]

مساء الخير اخي الفريدو كيف حالك انت والعائلة الكريمة ان شاء الله بالف خير وصحة
الف مبروك حبيبتي اسيل وصولك الى كندا وولادتك يوسف والحمد لله على سلامتك
تحياتي

[الخديدي 2008]

الف مبروك وصولك اخ اسامة
بالتوفيق

[كلي امل]

مبروك اخونة ابواسامة والحمدالله على سلامة الوصول وبشرنا شونة البرد يمك

[@المهندس@]

حبيبي أبو نور
أللهم صلي على محمد وآل محمد
ألف الحمد لله والشكر
يمعود موتتنه ونشفت دمنه آني وأم مصطفى
لأن كل الناس الي راحوا قبلك ثاني يوم يتصل حتى لو ميت من التعب
أو على الأقل ينشر قصته ثاني يوم بعين كاوا
وألله العظيم خفت عليك حيل
كمت أحسب,المهم......
الف الحمد لله والشكر على سلامتكم ياطيب
أللهم ربي يسهل أمورك بجاه الحبيب محمد
ويوكفلك ولد الحلال ويرزقك من أوسع الأبواب
ويوم الي تكتبلي وتبشرني بيومك الأول بالعمل
يارب
أسف عالأطالة .........
بس وربي فرحتي بسلامتكم لاتوصف
سلامي لأختي أم نور
وقبلاتي للجهال
وأستودعك ألله الذي لاتضيع ودائعه

أخوك أبومصطفى
سوريا/دمشق

[@المهندس@]

الأخ الغالي والعزيز والطيب ألفريدو(أبو حمودي الذهب)...
لله در الشاعر إذ يقول:
من ذا يكافيء زهرة فواحة.........أومن يذيب البلبل المترنما؟!
بشنو أبدأ وربي ما أجازيك لأنك طيب وأبن أصول وتعمل لله سبحانه وتعالى ورغم ظروفك ومسؤلياتك تاخذ من وقتك وتتواصل وتسدي النصح لأخوانك...أسأل من ألله العلي القدير أن يوفقك ويسهل أمورك ويحقق لك ماتصبو أليه بجاه كل من له جاه عند ألله....

لك مني كل التقدير والأحترام
أخوك في ألله أبومصطفى
سوريا/دمشق

[@المهندس@]

السلام عليكم جميعآ
شلونكم أخوان؟أشوصار يومين بس آني بهاي الصفحه يمعودين موالنت رجع يمي بالكوه وآني كلت يوميآ راح نتواصل
حبيبي الغالي أبو أحمد(الفريدو)......الأخ الغالي شمعه(أبو أحمد).......العزيزأسامه الهاشمي(أبونور الذهب) الأخ المتواصل دائمآ بشار أبن الجامعة...خو ماكو شي يمعودين تره أموت قهر ليش بس آني موجود

عالعموم عسى أن يكون المانع خيرآ وياربي الجميع بصحة وأمان
لكم مني كل الحب والأحترام

أخوكم أبو مصطفى
سوريا/دمشق

[بشار ابن الجامعة]

            السلام عليكم

اخواني اخواتي اعضاء جمعيتنا الحلوة .. شلونكم انشاءالله الجميع بخير

  عرابنا الورد ابو حمودي شلونك وشلونها كندا بعد وصلة اخونا الغالي ابو نور وكلي رحمه لاهلك ضربتو المكمط لو بعده بالشحن مثلنا

اخويه ابو نور الهاشمي يمعود والله قدسيا بلياك ظلمة والساحة مشتاقتلك وتسأل عليك 

  اخويه الغالي ابو مصطفى الورد ممنون منك على سؤالك الحلو وتفقدك النا ورحم الله والديك والله يسهل امرك ويدفع البلاء عنك .. بس انت تعرف هنا الوضع

مخربط والكهرباء داويه والنت فشل فيا دوب تجي الكهرباء وشوية سرعه فاشلة يلا نفتح

  بس اخونا شمعه مطلكنا بالارباطعش ملتهي يجوز بالمكمط مال ابو نور الورد

اخويه DARK  ANGEL   هم ماكو عسى خير خاف هم ظل وحده واكف بالساحة مال قدسيا ورة مسافر ابو نور 

     الله يوفق ويسر امر الجميع   ...   تحياتي



                 اخوكم   بشار

[بشار ابن الجامعة]

          السلام عليكم

الاخت العزيزة اسيل الف الف مبروك ولادة ابنكم يوسف جعله الله من الصالحين وقرة عين الكم .. والحمدلله على سلامتج .. وانشاءالله ترتاحون بحياتكم الجديدة في ارض الاحلام وتتوفقون بيها ويرزقكم راحة البال والطمئنينة  ... تحياتي


    اخوج   بشار

[@المهندس@]

الأخ العزيز بشار أبن الجامعة ممنون من عندك على ردك المهذب ودعواتك الحلوه...أسأل من ألله أن يوفقك ويستر عليك وعلينا ويخلصنا من الهم الي عايشي بسوريا....وألله موقصدي الوقت لا أحنه مصار ألنه هواي 6 أشهر ....بس التحدي يكمن بالخطورة الي دتزداد يوم بعد يوم....عالعموم ألله موجود وللبيت رب يحميه.

تحياتي لك ياغالي

أخوك @المهندس@
سوريا/دمشق

[ــــ{{{ABADY}}}ـــــ]

اخى ابو نور حمد لله على السلامه



اخت اسيل يتربى بعزكم


سلامى للجميع

[الفريدو]

اخويه الغالي ابو مصطفى اني ممنون منك ومن كلامك الرائع ياطيب وهذا دليل على اصلك الطيب يا ورده وربي يوفقك ويفتحها بوجهك ياربي

اختي العزيزه المسافره اشكرك على سؤالك عني دائما . اني بخير ماطول انتي وكل الطيبين بخير وانشالله ربي ييسر امرك ويوفقك

اخويه الورده بشار ابن الجامعه دومك سباق بالخير وتسال عن الجميع وربي يوفقك ويسر امرك وتفرحنه باخبارك الطيبه

اخوان ابو نور كاعد يشوي بالمكمط والظاهر شمعه من كثر الشوي والاكل خمخم على معدته لذلك مختفين الجماعه واني ما لاحني غير بس الدخانه لان طلع باخبار الساعه ( توجد عاصفه دخانيه قادمه من تورنتو وسوف تصيب كالكري وظواحيها ) يرجى من الجميع اخذ الحيضه والحذر وحضرو الكمامات لان الدخانه كلش قويه 

نورت اخويه عبادي .. شنو هاي الغيبه



ربي يوفقكم جميعا وتفرحونه باخباركم دائما




اخوكم : الفريدو

[IRAQ.CA]

الف الف مبروك اخويه ابو نور و ياربي الله يفتحها بوجهك و ان شاء الله يجي اليوم الي نوصل لكندا وادوخكم تلفونات انت و الفريدو و شمعه ( كل خطوه اخابركم شسوي شسوي )

اخوكم

IRAQ.CA

[abu shahed]

الف الف مبروك اخويه الغالي ابو نور وصولكم الى كندا ان شاء الله الاستقرار والامان والموفقيه بأذن الله

اختي اسيل الحمد الله على السلامه ويتربى بعزكم ان شاء الله

سلامي للاخ الغالي ابو احمد والى جميع الاخوه والاخوات في جمعيتنا ان شاء الله التوفيق للجميع والكل
يسافرون ويرتاح من عدنه ابو احمد

[@المهندس@]

حبيبي الغالي أبوحمودي(الفريدو)......ربي يوفقك ويستر عليك من كل مكروه......
أدعيلي ياربي يجي اليوم الي أتوفق بي وأساعدك في أسداء النصح لأخواني وهذا نذر عليه مراح أبخل بأي معلومه وربي يشهد عليه....ممنون منك على كلامك الطيب.

لك مني كل الأحترام

أخوك أبومصطفى
سوريا/دمشق

[الفريدو]

up[/size][/color]

[IRAQ.CA]

UP

[بشار ابن الجامعة]

                       السلام عليكم

اخواني اخواتي اعضاء جمعيتنا الحلوة ... شلونكم شخباركم انشاءالله الجميع بخير

        اخونا اسامة ابو نور الورد ماكو ؟ انشاء الله نطمئن عليه من خلال عرابنا الغالي الفريدو ...

اللهم ربي يسر امر الجميع انه سميع مجيب الدعاء



       اخوكم   بشار

[شمعه منوره]

الاخوه والاحبه جميعا

السلام عليكم كلكم بالسره وحسب الطول والعمر  

اولا من رخصة اخي العزيز الفريدو ابو احمد وابو هاجر وابو خالد وابو بعد مدري منو (تاهت علينه وان شاء الله السنه الجايه انصيحه ابو الخلفاء الراشدين)   ...


الى : اسامه الهاشمي ابو نور  :

اكو مثل ايكول وين يروح المطلوب النه سامعه لو لاء ؟؟؟؟ اذا ما سامعه اسمعه مني ... لا عبالك تختفي تره انا هم شمعه وهم مصلاوي يعني ما تفلت مني .... الكفك يعني الكفك لو تختل جوا الثلج هم االكفك   .. بالمناسبه بشار الاسد يسأل عليك ايكول وين طفر ابو نور  ؟؟؟


الى : الفريدو الورده ..

عمي لا اتصدك بكلام ابو نور تره كلشي ماكو لا دخان شوي ولا دخان جكاير الله وكيلك ومحمد كفيلك   ... وداعتك وعيونك سالفة ابو نور طلعت كولها يابسه على تمن    .. بس وداعتك واكفله بالمرصاد والرادارات كولها تشتغل عليه   وين يفلت واني بمسسياكا موجود ؟؟؟ وين يروح المطلوب النه ؟؟؟؟

وداعتك خابرني واتفقنا ثاني يوم نلتقي وطفر الاخ الكريم وبعد ما شفناه ذاك يوم وهذا يوم .. وعيونك احنا اثنين اندور عليه انا وحيدر الشامي بس الظاهر ابو نور بسوريا داخل هناك دوره مال (الشبيحه) وصاير شبح  

بس مثلما كتلك وانت طبعا تدري باخوك شمعه ما يعبر عليه شي ... الكفه يعني الكفه .. وعيونك الا احرمه من الورث  

طبعا انت تدري شنو الورث مالته   واني وياك انصير الوصي عليه  

باقي الاخبار توصلك بعدين حبيبي  


تحياتي

شمعه

[زيتونه وليمونه]

السلام عليكم للواصلين الى كندا واللي قلوبنا ودعواتنا انهم يوصلون عن قريب 
اشكر الاخت خوله على سلامها
وابو احمد شلونك ويستحيل اتكون لوحدك يكفي انو جمعيتك كبيره ورائعه وزاخره بالمواضيع المهمه والجديده بس تعرف اخويا حياتنا ركض اهنا مدا نلحق واسفه واعرف اني مقصره
اكتب عن نفسي اني حاليا اشتغل بمدرسه بشكل تطوعي اريد ان احسن لغتي وايضا التقيت بكثير من الناس اللي استشاريتهم شلون ابدي حياتي اهنا الصراحه لقيت انو الدراسه او العمل التطوعي واني الدراسه حاليا الا اكمل سنه حتى يحق لي اخذ قرض من الحكومه و طبعا درست اني مواد الثانويه العامه وتعبت تقريبا شهر وطلع ما الها داعي لان خريجة كليه يكفي انو اقدم امحان توفل فتركت المشروع هذا واتطوعت بالمدرسه واستفاديت جدا وتعرفت ايضا على ناس وقصص من اغلبها القصص انهم بدوا العمل اولا بشكل تطوعي ثم تم تثبيتهم يعني هسه وحده لبنانيه مدرسه بدات لمدة سنتين تطوعي وراها تم تثبيتها وغيرها
اما الشغله الثانيه الجيده هو اجازة السياقه اهنا مهم يعني مو شرط موضوع السياره لكن بكثير من المكانات مطلوبه وحضرت مؤنمر الشهر الماضي اسمه (ITP) كان المحاضر يشرح قصة نجاحه بكندا وقال انو اجازه السوق مهم حتى ترحون اتصيدون سمك بالبحر واضحكنا جدا واستفاديت منه عرفت انو العمل التطوعي يختصر من ساعات التدريب بالدراسه الجامعيه وان شاء خير يارب
وان شاء الله اذا اتذكرت شي اكتبه واحاول ما انقطع وسلامي للاخ شمعه والاخ ابو نور (عفيه اجلو المكمط للصيف راح اجي لتورنتو )

[Dark...Angel]

السلام عليكم اخواني واخواتي اعضاء جمعيتنا الموقرة

تحياتي للجميع من الفريدو الى عبادي الى ابو نور الى بشار صديقي العزيز واسف اذا نسيت احد

بشار صح ما رحنا وصلنا ل ابو نور للمطار بس ان شاء الله هو يستقبلنا اهناك

وتكون انته اول واحد همين

واحب ان اشكر الاخت زيتونة وليمونه فعلا معلومات جميلة بارك الله فيكي

وان شاء الله الفرج ولسفر القريب للجميع

تحياتي وتقديري

[ــــ{{{ABADY}}}ـــــ]

الحبايب بدون استثناء جميعا شلووونهم؟؟؟

[اسامة الهاشمي]

صباح الخير كلش هواي ..
الاخوة والاخوات الاعزاء
كوكي
الفريدو
كلي امل
الحديدي
المسافرة
المهندس
بشار ابن الجامعه
عبادي
ابو شهد
عراق سي اي
زيتونة وليمونة
شمعه منور
دراك انجل
وكل من سألأ عني وبارك بوصولي ... اشكركم جزيل الشكر ويارب تتوفقون بحياتكم وين ما كانت بحق الحبيب محمد
هسه نجي الى تكملت موضوع سفري ..
طبعاً اولاً عذرا على التاخير بس التهيت بالمعاملة وبالاجار مال بيت والتدور والتبحوش هههههههههههه ..
اكمل الكم  من بعد ما اكتشفو خطا بتاريخ دخولي
بعد ما وصلت للاوتيل الخاص بالاجئين طبعاً جماعتي الي ويايه من سوريا موجودين كلهم اني كان عندي خطا بتاريخ دخولي الى كندا يعني ما ذاكرين تاريخ الدخول كالولي لازم ترجع للمطار وتصلح الخطأ بس المشكلة ماكو واحد يروح وياك تكدر اتروح وحدك كلت الهم ميخالف اروح بس خلي اخلص للعلم المسئول مالتي كان عراقي الجنسية  ان شاء الله ميصير مسوول عن احد منكم لان كل شغله خطأ بخطأ ومتلكأ يعني ماخذ الطريقة العراقي بتأديه واجباته ما عنده مصداقيه ابد وبطي وينسه كلشي وميكمل شغله ابد وياخره بس هوه خوش ولد وحباب (( شبقيت بيه بعد اني هههههههه )) المهم رحت للمطار على الخريطة وصلت وكملت النقص الي عندي ورجعت  وبعدين بلشت من جديد بالسوشل والمدكيت وكملت كلشي الحمد لله والشكر هسه بقه عندي لازم الكه بيت للايجار والحمد لله اول بيت شفته صارت قسمه وقبلت بيه وابو العمارة هم قبل بس بقت مشكلة الكفيل اتعروجت لان لازم كفيل يكفلني حتى يقبلون بيه لان ما عندي تاريخ بكندا  بس بعدين صارت الف الحمد لله اصدقاء وكفولي طبعا لا اعرفهم ولا ابد مجرد ايام تعرفت بيهم بكندا  وشمعة يكلي نتشاوف هههههههه اني حاير بروحي وشمعه يكلي نتشاوف وحيدر الشامي يكلي تعال فرمتلي الحاسبة لان متشتغل المهم هاي بعدين هسه عاد  انتظرت استلم كل اوراقي حتى ااجره وبالفعل الخميس كملت كل شي ورحت اجرته للبيت والسبت انتقلت للبيت بس جان عدهم عطلة كالولي اذا رحت هسه للبيت مراح اندزلك الاثاث الى يوم الاثنين كلت الهم ميخالف اقبل بس خلي افلت من الكوستي ورحت للبيت الجديد بطرك اللحافات والبطانيات وفرشنه وكعدنه يومين بدون اثاثق على الكاع ههههههههههههه طبعاً الشقة متكونه من 3 غرف وصالة وكل الملحقات جديدة نظيفه وحلوة وطابق ارضي وسعرها رخيص بالنسبه لبقيت الشقق بمنطقتي الي هيه ميسيسوكا / تورنتو المهم الاثنين جابولي الاغراض والي هيه اسرة ثنين للاطفال كل واحد واحد وواحد ابو نفرين  وميز تواليت واحد ومجرات للاطفال واربعه تيبلامات ونص تخم قنفات شغل باب الشرجي وميز طعام مع اربعة كراسي وميزين صغيرات مال هول  ها نسيت بيوم الي طلعت من الكوستي هذا مسؤلي العراقي ما كمل اوراقي وكلي تعال يوم الاثنين اكمل اوراقك علمود اتروح لمدرسة وعلمود راتب الاطفال اني هم رجعت رحت اله يوم الاثنين وهم ما كمل اوراقي بس انطاني اوراق كلي كملهن انته بيدك ودزهن علمود راتب الجهال وعلمود المدرسة وعلمود تغيير العنوان هم كلت ميخالف وكملتهن الاوراق ورحت للمدرسة وسويت امتحان وسجلت بالمدرسة ولا خلفت الله عليك يا مسؤلي ههههههههههههههههه ..
وره الاثنين بعد ماكملت كلشي واجتي الاثاث ورتبت البيت طلعت ابحوش على محلات ومولات ومكانات  حتى اسوك منهن شغلاتي الي احتاجهن بالبيت وبالفعل دورت وفتهمت وبدون استعجال ولكيت اشياء اسعارهن ارخص من سوريا والعراق واصليات كملت نواقصي الي احتاجهن وبعدين اشتريت موبايل وحاسبة لان اني ما اخذت ويايه حاسبة ورحت اشتركت انترنيت بدون مساعدة اي احد الحمد لله والشكر دبرتها اصلا كلش سهلة وهسه اني كاعد ومرتاح واستقريت وكاعد ادعيلكم يارب يفرجها عليكم كلكم وتخلصون من هم الانتظار والصبر الطويل ويارب تفرج على الكل وتسافرون باسرع وقت بحق الحبيب محمد .
ملاحظة :- اول يوم وصولي للبيت الجديد جاي انسوي عشه بالبيت وبدون اي دخان او اي شي ودك جرس الانذار ههههههههههههههه شلنه جنطنه وردنه نشرد ههههههههه  بعدين لحكت اهفي للجهاز وابرده يله سكت (( خطية ))
هسه هاي اول خطوة والخطوات الجاية ان شاء الله يصيرن اسهل بفضل دعائكم يارب
لان الحياة اهنا مثل متعرفون صعبة ويراد الها ركض . ولو اني هسه كاعد اشوفها حلوة بس متاكد بعدين تبدي الصعوبات والي اولها الشغل لذالك من هسه اني بديت ادور شغل وان شاء الله لكيت واحتمال الاسبوع الجاي اشتغل الي هوه ثاني اسبوع بشهر الرابع  
ها نسيت شي بعد اول ما وصلنه للمطار وقبل لا نطلع منه انطونه ملابس شتوية شي بسيط وعادي وبعدين من وصلنه للفندق ثاني يوم انطونه كل شخص 50 $ اطفال وكبار  والهدية  انطونياها وره ما كملنه كل المعاملات والي هيه اتصير تقريبا كل شخص سواء كان طفل او كبير 1150$ وطبعا مقسمه ايجار وطعام وملابس ومن ضمنها قرض ايضا يطلع تقريبا 867 دولار بالنسبة لكل العائلة مو للشخص الواحد وراتب الزوج والزوجة يصير 1454 $والاطفال كل واحد تقريبا من 350 الى 400 دولار
وعاشو عيشة سعيدة ولو بيتنه قريب جان جبتلكم سله عنب
واني حاضر وبالخدمة لاي سؤال
بالمناسبة هذه الكتابة كتبتها من جان المنتدى ميشتغل وخزنتها على الوورد خاف بيها تواريخ تختلف واكو منهن صلحتهن


ابو نور / تورنتو

[اسامة الهاشمي]

ها بالمناسبة  كلشي موجود بالعراق وبسوريا موجود هنا وبعد اكثر يعني حتى صمون عراقي موجود صح الاسعار غالية بس كلشي موجود واني اتندمت جبت ويايه كومة جنط لان اكو اشياء هنا لكيتها ارخص من سوريا ما عدا الكيبورد العربي والكاميرا وهاي الشغلات الي ذاكرهن اخونه الفريدو بالمنتدى ابداية موضوعه
يعني الكترونيات بسيطة بس هنا غالية بالسعر .
ولكينه الخبز والصمون العراقي هم غالي سعره هنا .. فبدينه نخبز بالفرن انسوي خبز او صمون شوية اصرف واطيب واسهل .
واكو محلات شلون مال باله عدنه بس هاي باله مال كلشي وكلاشي حتى اجهزة كهربائية وتلفزيونات بيهاواسعارها هيج بفلس ونص يعني تلفزيون حجم 34 بس عادي مو ال سيدي يعني ضخم سعره 19 $ شاشه حاسبة حجم 19 ال سي دي  سعرها 19$ وكل شي موجود وبكل الاسعار ومحلات هواي مو واحد او اثنين ميعجبك هذا طب بغيره وبيهن ملابس بالات هم كومة .. واكو بتورنتو سوق اسمه السوق الصيني او الحي الصيني هوه كله .. بيه محلات عارضة بالشارع البضاعه واسعارهم ارخص من سوريا يمكن للنص فرق او اقل وكله جديد صح صيني بس درجة اولى .

وكل ما اذكر شي اكتبه واني حاضر لاي شي .



ابو  نور / دمشق



















لالالالا يا دمشق نسيت عبالي بعدني



ابو نور / تورنتو

[abu shahed]

ربي يوفقكم اخويه الغالي ابو نور ولله الحمد على استقراركم بكندا 

والف الف شكر على المعلومات القيمه ان شاء الله الموفقيه دائما اللهم امين

[الخديدي 2008]

شكرا اخ اسامة على هاي المعلومات الرائعة عن تجاربك عن الحياة بكندا
بالتوفيق للجميع ان شاءالله

[اسامة الهاشمي]

اخوية امير العراقي اولا شكرا جزيلاأً الك يا غالي

بخصوص الكفالة اتصور كلش عادي وما متاخره حسب الي اسمعه وهسه هم يجيك اخونه الفريدو يكلك الحجي التمام 100%
بس تره شغلة اربعة اشهر وعلى هاي الاوضاع يعني بعد وكت
ان شاء الله تخلص باسرع وقت يارب وتوصل الكندا


ابو شهيد الغالي اشكرك كل الشكر وربي يسهل امرك يارب بحق الحبيب محمد

اشكرك اخوية الخديدي ويارب يسهل امركم وتحقيق الاماني يارب ..


ابو نور / تورنتو

[بشار ابن الجامعة]

            صباح الخيرات والانوار يا ابو نور الورد

تحية لك من نسمات الضاحية ملفوفة بعبق ساحة قدسيا وروشتها وزحمة الغندور .. اكيد كل ذولة انت ما مشتاقلهم  

   شلونك اخوية شخبارك بالنا يمك غاطس خوش غطسة بس الله يعينك على تعبك واحنا مقدرين هذا الشي

انشاءالله تكون وعائلتك بخير وسعادة واستقرار وراحة بال

   وعاشت ايدك على شرحك الوافي لخطواتك الي مسويها بس ابد ما متدمر ومشلوع قلب  

تمنياتي للجميع بالسفر القريب والله يسر امرنا انه سميع الدعاء




       اخوكم   بشار

[اسامة الهاشمي]

حبيبي بشار الغالي تسلم ياورد ربي يوفقك .
اتريد الصدك اخوية .. مشتاق للناس الي هناك بس ما مشتاق للمنطقة .
اني الحمد لله بخير هسه ومرتاح وكملت كل اموري تقريبا .
هل ايام راح اخليكم تشبعون مني لان كاعد ما عندي شي
ربي يسهل على الجميع يارب وان شاء الله يوم الي نشوفكم بكندا كلكم يارررررررب


ابو نور / تورنتو

[snono32]

الاخ العزيز ابو نور الوردة ..... ربي يوفقك دنيا وأخرة وأتمنى لك طيب الاقامة في كندا ومستقبل زاهر لك ولأبنائك
لقد أسعدتنا بمشاركاتك وشرحك المفصل عن الايام الاولى لأقامتك هناك
وكأننا معك بكل خطوة تخطوها في حياتك الجديدة



بالتوفيق ان شاء الله ... واتمنى ان تجد عملاً بأسرع وقت لاني اعرفك ما تستطيع ان تكعد بلا شغل

اخوك السنونو ابو اسيد/ دمشق

[@المهندس@]

الأخ العزيز الفريدو(أبو أحمد المحترم)
أسأل من ألله أن تكون بخير نت وجميع الأخوان....
والي أتمناه متزعل من عندي لآني راح أنشر في صفحتك موضوع ...بس ثق بألله من ثقتي بيك وبالناس الي تتعامل معاهم وأنت تعرفني أولآ وأخرآ وأله من وراء القصد
الموضوع بغاية الأهميه وأتمنى من الجميع يأخذوا على محمل الجد....وبالتوفيق مقدمآ وأنت أولهم أبو حمودي..

معلومات رائعه جدا

راتب شهري مجاني مدى الحياة!!!!!
رجاءآ أقرأ الموضوع حتى النهايه وبالحالتين انت مخسران شيء

أعرض عليك فرصة عمل سهلة جدا وبمرتب شهري للأبد في شركة عالمية . الإسم هو وَازآب هذه الشركة هي عبارة عن شركة تستثمر الملايين لتأسيس موقع ضخم ومتعدد الاهداف مثل Google .
لكن هذه الشركة تعتمد حاليا طريقة مسجلة كبراءة اختراع لنشر الموقع وخدمة الزبائن.
ملاحظة: قبل البدء بشرح المشروع أرجو من جميع من يقرأ الاعلان أخذه بجدية لأنه يمكن يغير حياتك
كيفية العمل؟؟
رح توزع الشركة 50 % من أرباحها على المشتركين ممن سجل قبل 9 ابريل 2012 وهو تاريخ اطلاق الموقع.
كثير منكم يعرف انه جوجل خدماتها مجانية لكنها تربح أكثر من 500دولار كل ثانية وهذا من الاعلانات .
وكذلك شركة ووَازآب وهي شركة ليست بجديدة حابة توزع 50 بالمية من ارباحها كنوع من برامج الدعاية لكل مشترك قبل تاريخ الاطلاق
كيف الحسبة؟؟
في شيء اسمه معامل الدولار: أو $ factor
وهو يزيد 1 مقابل كل شخص انت دعيته عن طريق الرابط الخاص بك وهو يساوي 1 دو...لار لكل شخص شهريا للأبد حتى 5 مستويات للدعوة. يعني كل شخص مدعو عن طريقك أو عن طريق من تحتك هو سهم عائده يساوي 1 دولار شهري. الموضوع سهل. منو بينا ما عنده 5 أصدقاء؟ تخيل لو انت وهم كل واحد دعا 5 أصدقاء؟ كم يكون عن طريقك من المشتركين؟ 5×5×5×5× 5 = 3125 شخص. أي 3125 سهم في الشركة أي 3125 دولار شهري للأبد!!.
ملاحظة: هذا ليس تسويق شبكي وهو غير محدود للمستوى الواحد. يعني ممكن تدعو 3 أشخاص أو 300 انت حر بقدر كم من المجهود ستبذل.
يعني لو اتخلينا انه انت الأب واللي اشترك عن طريقك مباشرة هو ابنك وهكذا للجيل الخامس ، كل شخص في هذه العائلة لحد الجيل الخامس هو سهم لك في الشركةتحاسب عليه بقيمة 1 دولار للشخص شهريا للأبد وهذا خاص فقط للناس المشتركة قبل 9 ابريل.
كيفية الاشتراك؟؟ (المجاني دائماً)
اشتركوا عن طريق الرابط التالي
http://signup.wazzub.info/?lrRef=20707820
ملاحظة: يفضل عدم استخدام ايميل Hotmail أو Live لأنه يواجه صعوبة في استقبال ايميل التأكيد.


كيف ستدفع لنا الشركة؟؟

عن طريق حوالة بنكية شهرية تبدأ من 15 / 5/ 2012 أو شيك بنكي. وهنالك طرق الكترونية أخرى مثل PayPal

بالتوفيق للجميع. , وما تنسوا تأكدو الاشتراك وتدعوا الناس عن طريق الرابط الخاص بيكم من حسابكم.

ملاحظة: الاشتراك مجاني مرة أخرى ،ولا تفكروا تشتركوا بأكثر من ايميل للشخص الواحد لأنه بالنهاية انت شخص واحد، ومثل ما ذكرت خلينا نتعامل مع الموضوع بحسن نية و الرجاء من الجميع تأكيد الاشتراك عن طريق ايميل التأكيد التي ستبعثه الشركة...لأنه إذا ما أكدت الأشتراك مراح يتفعل وراح تحذف الشركة هذا الحساب...لذلك الرجاء الدخول على أيميلك والضغط على الرابط الذي ستبعثه لك الشركة...وبعدها همه راح يدزولك أيميل ثاني بي الأيميل الي راح تدخل بي والباسوورد....ومن راح تدخل لحسابك راح تلكي رابط الدعوه الخاص بك والي يجب عليك نسخه ولصقة بدل الرابط الي آنه خليته الك فوق وترسله لأصدقائك بالأيميل والمنتديات وتويتر وفيس بوك و....الخ حتى ينحسبون ألك وتاخذ عموله عليهم وهاي فرصه أخوان ومدى الحياة وجرب والتجربة خير برهان.
ملاحظة جدآ مهمه/لما ترسل الرابط أو تنشرة على الفيس بوك يرجى عمل التغيير التالي:
تستبدل بداية الرابط الأصلي الذي بعثته لك الشركة لغرض الدعوة,أي
http://signup.wazzub.info
تستبدله ب:
www.club4cash.com
فمثلأ الرابط الموجود أعلاه لو فرضنا آني رايد أنشره لأصدقائي على الفيس بوك راح يكون التغير التالي:


رابط الدعوة الأصلي:   http://signup.wazzub.info/?lrRef=20707820

رابط الدعوة الجديد للفيس بوك: www.club4cash.com /?lrRef=20707820
وتذكروا جيدآ مباقي بس خمسة أيام!!!! فرجاءآ فيدوا أنفسكم وفيدوا غيركم وخل يكون دخولك للنت بي فائدة ألك ولعائلتك بالأضافة إلى المتعة....وأنتوا بكيفكم
و لمزيد من المعلومات زوروا هذا الموقع
http://for-making-money.blogspot.com/
و حظا طيبا للجميع!!

تمنياتي للجميع بالتوفيق
أخوكم أبومصطفى
سوريا/دمشق

[اسامة الهاشمي]

الاخ العزيز ابو نور الوردة ..... ربي يوفقك دنيا وأخرة وأتمنى لك طيب الاقامة في كندا ومستقبل زاهر لك ولأبنائك
لقد أسعدتنا بمشاركاتك وشرحك المفصل عن الايام الاولى لأقامتك هناك
وكأننا معك بكل خطوة تخطوها في حياتك الجديدة



بالتوفيق ان شاء الله ... واتمنى ان تجد عملاً بأسرع وقت لاني اعرفك ما تستطيع ان تكعد بلا شغل

اخوك السنونو ابو اسيد/ دمشق

ابو اٌسيد الغالي حبيب قلبي ربي يخليك ويسلمك يارب ان شاء الله طول العمر سعيد وفرحان يارب وان شاء الله ترتاح باقرب وقت واتمنى انه توصل الكندا باي طريقة .
بشرني شلونها قدسيا شخبارها جماعتنه شلونهم ان شاء الله زينين سلملي على الكل امانة ... وكلهم اسامة راح يجيكم بعد فد 20 سنه هههههههههههههههههههههههههههههههههه .
يارب يسهل امرك ويستعجل بسفرك بحق الحبيب محمد .



ابو نور/ تورنتو 

[اسامة الهاشمي]

اخوية المهندس / ابو مصطفى الغالي شلونك يمعود .. مشتاقلك طعم البرياني بعدهي ريحته ويايه بكندا .. اخر غداء اليه بسوريا هههههههههههه
شلونك شخبارك ..
الباجر اشترك بموقعك ولا يهمك اني اول واحد اعتبرني بس الربح بالنص ها ... ههههههههههههه
يارب تجي الكندا واعزمك العزومة الاولى بكندا مثل ما عزمتني العزومة الاخيرة بسوريا
سلامي للجميع ..
ويارب يسهل امرك ويحقق امانيك


ابو نور / تورنتو

[اسامة الهاشمي]

هاي شنو شو جفاف صفحتنه ... معقولة الكل سافرو .ان شاء الله يارب 





ابو نور / تورنتو

[اسامة الهاشمي]

مساكم الله بالخير


هههههههههههههههه



ابو نور / تورنتو

[شمعه منوره]

اخي العزيز ابو مصطفى .. المهندس

شكرا لك على موقفك الطيب واخلاقك العراقيه الاصيله ... وارجو ان تعلم ان ما بيني وبين الاخ اسامه الهاشمي محصور في كلمتين فقط ساقولها لك لكي تعلم وتعرف ...

ما بيني وبين اسامه الهاشمي هو ( زعل وعتب حبايب ) فقط ليس الا ... بس وين يروح المطلوب النه ؟؟


تحياتي

شمعه - كندا

[بشار ابن الجامعة]

                           السلام عليكم

اخواني اخواتي اعضاء جمعيتنا الحلوة .. شلونكم شخباركم ادعو الله جل في علاه ان يمن علينا وعليكم جميعاً بأتم الصحة والعافية


     مشتاق للجميع ومشتاق للاخبار الحلوة .. رحمه لوالديكم فد خبر خبرين تازة وحلو يريحنا شوية


انشاءالله ربي يسر امرنا جميعاً  ..  انه سميع الدعاء





      اخوكم   بشار

[اسامة الجميلي]

الف الف حمدا لله على السلامة اخونا اسامة الهاشمي ابو نور وهاي المعلومات القيمة انشاء الله توافينا بكل الايجابيات والسلبيات التي تواجهك
بس عندي سوال  ماافتهمته  ال1150$ لكل شخص هدية الحكومة الكندية لو شنو هاي ارجو منك التوضيح ابو نور وسلامي لك







ابوهيا_______الاردن

[شمعه منوره]

الاخ اسامه الجميلي ابو هيا


سأعطيك الجواب بدلا من الاخ اسامه الهاشمي ابو نور لنه مشغول ب ( المكمط )  

هذا المبلغ هو من ضمن مبلغ ( الويلكم) المقرر من قبل الحكومة الفدراليه الكنديه لكل لاجيء ولكن طبعا هناك فروقات حسب عدد افراد العائله والاعمار يعني الذين هم اقل من 18 سنه تختلف عن الذين هم  اكثر من 18 سنه وكذلك بالنسبة للاطفال ...


صار عدنا نفرين اسامه بس لا يطلعلنا الثالث وتنلاص علينه لان لازم انسوي ترقيم  


تحياتي

شمعه - كندا

[شمعه منوره]

اخويه الفريدو ابو احمد  ...


يمعووووووووووووووووود وينك ؟؟؟ الحك الحك ...

ابو نورشعل المنقله والدخاخين تارسه الأمه والدنيه والمكمط طلع تازه فريش ماكو اطيب منه 

الحك يمعووووود تره تعبنا من الشوي تعال ساعدنا اخوي    عمي الدخانه مال منقلة ابو نور تنشاف من يمكم والريحه مال الشوي واصله لكالكاري  ... تره انا ما مسؤؤل اذا حصتك راحت عليك 

الله يرحمك يا مكمط 

تحياتي

شمعه - كندا

[@المهندس@]

يا ألله....وأخيرآ وصل المكمط؟!!!....مليون عافية......بس بداعتي ابو احمد(شمعة الغالي) أكل بالنيابة عني...
أو تريد تضملي حصتي بالثلاجة ماعليهه شي متخرب....وإذا الكهرباء يمكم مو زينه...دزهه يم أخويه ألفريدو يضملياهه بالثلوج

لكم مني كل التقدير
ومليون عافية
وخل ياكلون ماطول أبو نور طيب


تقبلوا تحياتي
أخوكم أبو مصطفى
سوريا/دمشق

[اسامة الهاشمي]

الف الف حمدا لله على السلامة اخونا اسامة الهاشمي ابو نور وهاي المعلومات القيمة انشاء الله توافينا بكل الايجابيات والسلبيات التي تواجهك
بس عندي سوال  ماافتهمته  ال1150$ لكل شخص هدية الحكومة الكندية لو شنو هاي ارجو منك التوضيح ابو نور وسلامي لك







ابوهيا_______الاردن

الاخ الغالي العزيز ابو هيا الوردة اشكرك على التبريك ويارب يوم الي الك بحق الحبيب محمد ...
اخوية مثل ما كالك الاخ شمعه بس بالنسبة اليه وللمجموعه الي جانت ويايه تقريبا كلنه نفس المبلغ لان كلنه عوائل بس الشخص الوحده او العائلة الي اطفالهم اكبر بالعمر وبالغين تختلف طبعا .



ابو نور / تورنتو

[اسامة الهاشمي]

اخويه الفريدو ابو احمد  ...


يمعووووووووووووووووود وينك ؟؟؟ الحك الحك ...

ابو نورشعل المنقله والدخاخين تارسه الأمه والدنيه والمكمط طلع تازه فريش ماكو اطيب منه 

الحك يمعووووود تره تعبنا من الشوي تعال ساعدنا اخوي    عمي الدخانه مال منقلة ابو نور تنشاف من يمكم والريحه مال الشوي واصله لكالكاري  ... تره انا ما مسؤؤل اذا حصتك راحت عليك 

الله يرحمك يا مكمط 

تحياتي

شمعه - كندا

يمعود حتى الاطفاء راح يجون علينه من بره الشوي بنص السكوير وان ههههههههههههههههههه
لا اتصدكون لا شوي ولا ابد .. المكمط طلع نستله كت كات ام العشر ليرات جبتها من سوريا هههههههههه




ابو نور / تورنتو

[بشار ابن الجامعة]

               السلام عليكم

ابو نور اخويه اذا تفض شغلتك ويا الجماعه بالكتكات اني من هنا ادزلك صندوكين كتكات بس ترة للعلم والاطلاع صارت بــ 15 ليرة مو بــ 10 ليش تكول 


    سلامي وتحياتي للجميع




اخوكم   بشار

[@المهندس@]

الأخ بشار أبن الجامعة...السلام عليكم.....ياربي تكون بخير.

حبيبي قريت من تعليقاتك انه حظرتك تريد خبر لو خبرين تازة...
آني ماعندي حاليآ خبر تازه...بس الي عندي أكول:
ياربي بجاه كل من له جاه عندك يوفقك ويستر عليك ويحقق مرادك وتجيك الأخبار الطيبة والمفرحة تباعآ يارب....وتبشرنه
هذا الي أكدرله وياربي توصل هاي الدعوات وربي يفرج عليك وعلينه جميعآ وعلى كل طيب..

تقبل تحياتي
لك مني كل الأحترام
أخوك أبو مصطفى
سوريا/دمشق

[@المهندس@]

الأخ الغالي الفريدو (أبو حمودي) السلام عليكم ورحمة ألله وبركاته...
حبيبي والله ضل بالي عليك؟؟...من زمان ماكو وهاي مو عوايدك!!!
أخر رد الك يوم 23/3 يعني صار 16 يوم ماكو؟
عسى أن يكون المانع خيرآ؟؟.....ياربي ميشوفك مكروه..ويفتحلك ابواب الخير ياطيب ويستر عليك على قدر طيبتك وقلبك الواسع

تمنياتي لك بان تكون بخير وصحة
أخوك ابومصطفى
سوريا/دمشق

[/b][/color]

[اسامة الهاشمي]

يمعود بشار شعندي صندوكين شنو قابل راح اعزم كل كندا هههههههه .
بشرني بقدسيا شلونها شخبارها شكو ماكو وصلتني اخبار ايكولون مسوين بنايه مقابيل بيتي القديم مسويها مقر عسكري .. لا خربت الشغلة .. هههههههههه ...

  الله يساعدكم ويسهل امركم وزيفرجها عنكم باسرع وقت يارب .

والله صدك يا خوية يا مهندسنه شو ماكو ابو حمودي الفريدو مختفي . ان شاء الله المانع خير ويجوز ملتهي بالشغل والدراسه والاطفال والله اعلم .
ندعي ان يكون بخير وصحة وسلامة


ابو نور / تورنتو

[snono32]

شلونك اخوية ابو نور ان شاء الله بخير
بالنسبة لقدسيا فوضعها من سيء الى اسوء
اما بالنسبة لبنايتك الي جنت ساكن بيها , بيوم الجمعة الفاتت رحت للساحة اني وابني الصغير فشفت الجيش ناصب سيطرة مقابل بنايتك وفوك القهر جانوا يسون جاي بالمساحة الي اسفل بنايتك ويشربون جاي اخوية
يعني لو انت موجود هنا جان قمت بالواجب وياهم .... يعني اسويلهم جاي خطية هههههههههههههه

شلون قهر اخوية الله يفرج علينا ونطلع من هالحفرة الي احنا بيها

اخوك السنونو / سوريا دمشق

[@المهندس@]

اخويه ال snono32  ربي يسهل اموركم ويوفقكم ويسدد خطواتكم ياربي وينطيكم وينطينا الصبر ...وبإذن ألله تزول هذه الأزمة يارب..
وتذكر دائمآ ....إذا كان ألله معك فمن عليك....
شدة وتزول حبيبي وأسأل من ألله يوم الي تخبرنا وتفرحنا بموعد سفرك أنه على كل شيء قدير

لله در الشاعر إذ يقول:
ولرب نازلة يضيق بها الفتى ..............ذرعآوعند ألله منها المخرج
ضاقت ولما أحكمت حلقاتها...............فرجت وكنت أضنها لاتفرج
ألله يفرج علينا يارب

تقبل تحياتي
أخوك أبو مصطفى
سوريا/دمشق

[/b][/color]

[بشار ابن الجامعة]

الأخ بشار أبن الجامعة...السلام عليكم.....ياربي تكون بخير.

حبيبي قريت من تعليقاتك انه حظرتك تريد خبر لو خبرين تازة...
آني ماعندي حاليآ خبر تازه...بس الي عندي أكول:
ياربي بجاه كل من له جاه عندك يوفقك ويستر عليك ويحقق مرادك وتجيك الأخبار الطيبة والمفرحة تباعآ يارب....وتبشرنه
هذا الي أكدرله وياربي توصل هاي الدعوات وربي يفرج عليك وعلينه جميعآ وعلى كل طيب..

تقبل تحياتي
لك مني كل الأحترام
أخوك أبو مصطفى
سوريا/دمشق

      السلام عليكم اخويه الغالي ابو مصطفى يا أطيب من الطيب واحلى من العسل .. اللهم ربي يستجيب دعائك الي والك ولكل المنتظرين بأذنه تعالى
وازيد عليه انشاءالله ينعم عليك واهل بيتك دائماً بالصحة والعافية والستر والامان والرزق ويا رب نكون بطيارة وحدة اني وياك وانشاءالله ما نتأخر وربي يسمع دعائنا ويستجيبه ياطيب اتشرف بيك اخ وصديق والله يكثر من امثالك يا أصيل يا ذهب


     اخوك  بشار

[اسامة الهاشمي]

شلونك اخوية ابو نور ان شاء الله بخير
بالنسبة لقدسيا فوضعها من سيء الى اسوء
اما بالنسبة لبنايتك الي جنت ساكن بيها , بيوم الجمعة الفاتت رحت للساحة اني وابني الصغير فشفت الجيش ناصب سيطرة مقابل بنايتك وفوك القهر جانوا يسون جاي بالمساحة الي اسفل بنايتك ويشربون جاي اخوية
يعني لو انت موجود هنا جان قمت بالواجب وياهم .... يعني اسويلهم جاي خطية هههههههههههههه

شلون قهر اخوية الله يفرج علينا ونطلع من هالحفرة الي احنا بيها

اخوك السنونو / سوريا دمشق

اني بالف خير لحد الان والحمد لله بفضل رب العالمين ودعائكم  .
الله يساعدكم وان شاء الله يارب يفرجها عليكم وتسافرون وتخلصون باقرب وقت والله بالي يمكم لان اني شفت ايامي الاخيرة بسوريا صارت مرار ودمار وعذاب ..
يارب نسمع اخباركم الحلوة باسرع وقت وترتاحون وتخلصون بحق كل الانبياء والمرسلين  .
اني لو موجود مو بشس اسويلهم جاي لا حتى الغداء والعشاء عليه والببسيات من الغندور  هاي اذا ما جبت الهم شاورمة من النور  .

بالمناسبه عندي صور بسوريا للجهال البارحة جنت اقلب بيهن بعدين مسحتهن من شفت صورهم هسه بميسيسوجا وهاي وحده منهن

ابو نور / تورنتو

[اسامة الهاشمي]

ها وهاي صورة بداخل السكوير وان مال شقاوات ...

طبعا السكوير وان هوه عبارة عن مول كبير جداً وتلكي بيه كلشي الي اتريده ومن كل الماركات .. يعني الرخيص والغالي



ابو نور / تورنتو

[اسامة الهاشمي]

وهذي صورة جهالي ووياهم سنجاب كندي يسوه واحد بالعراق ما اريد اكول اسمه ههههههههههههههه






ابو نور / تورنتو

[اسامة الهاشمي]

ها بالمناسبة هاي الي ابظهرهم شقتي .. لان اجرت طابق ارضي




ابو نور / تورنتو

[بشار ابن الجامعة]

                          السلام عليكم

حبيبي ابو نور الورد ماشاءالله تبارك الخالق .. ربي يحفظلك همه ويجعلهم من الصالحات
وتفرح بيهم .. ويرزقكم راحة البال وتتوفقون بحياتكم الجديدة

     



      اخوك  بشار

[اسامة الهاشمي]

اشكرك حبيبي امير العراقي ويارب يرزقك وينطيك الي ابالك


ابو نور / تورنتو

[اسامة الهاشمي]

الغالي بشار جاري القديم ..
الله يسلمك ويحفظك ويرعاك ويرزقك . ويخلصك من سوريا باسرع وقت يارب .
اشكرك حبيبي على هذا الدعاء .
ويارب توصلون يمنه باسرع وقت .

ابو نور / تورنتو

[snono32]

عيني ابو نور صور الاطفال كلش حلوة اتمنى من الله ان يدخل الى قلوبكم السعادة ويزيدها
الاخ ابو مصطفى بارك الله فيك على هذا الدعاء الجميل ونسأل الله الفرج لنا ولكم ولكل العراقيين الذين ذاقت عليهم الدنيا بما رحبت

اخوكم السنونو / دمشق

[شمعه منوره]

              السلام عليكم

ابو نور اخويه اذا تفض شغلتك ويا الجماعه بالكتكات اني من هنا ادزلك صندوكين كتكات بس ترة للعلم والاطلاع صارت بــ 15 ليرة مو بــ 10 ليش تكول  


    سلامي وتحياتي للجميع




اخوكم   بشار

اخويه بشار

دز حبيبي دز ...دز عمي ولا تخاف ... شكو صناديك كيت كات دزهن وسجلهن على حساب ابو نور  ... واذا ما ينطيك عنوانه انا انطيك عنواني ولا اتدير بال .. دز اخوي رحمه على جدك  .. ولا تنسى من اتدز الصناديك اكتب عليها ( من بشار الاسد مو من بشار ابن الجامعه ) حتى ما يكدر ايكول ما ادفع  

فوت بيها وعالزلم خليها  


تحياتي

شمعه - كندا

[اسامة الهاشمي]

عيني ابو نور صور الاطفال كلش حلوة اتمنى من الله ان يدخل الى قلوبكم السعادة ويزيدها
الاخ ابو مصطفى بارك الله فيك على هذا الدعاء الجميل ونسأل الله الفرج لنا ولكم ولكل العراقيين الذين ذاقت عليهم الدنيا بما رحبت

اخوكم السنونو / دمشق

الغالي ابو اٌسيد .. ان شاء الله يوم الي الك يارب وتخلص من سوريا وظيمها ..
فرج ربك بين لحظة ولحظة .. الف الحمد لله والشكر


ابو نور / تورنتو

[اسامة الهاشمي]

اخويه المهندس

اكو اغنيه قديمه اسمها (يا حيف ضاع التعب وياك) تتذكرها مو ؟؟؟؟ وداعتك .. وعيونك ...لا اتصدك تره لا الكيت كات ولا الكات كيت .. ولا الميو ميو   .... وداعتك لا انا ولا الفريدو شفنا شي  

اخوك ابو نور طلع ( هبياض اصلي)    ... ولا تعتبون عليه اذا اختفا كم يوم لان مشغول خطيه ديدور على دريل يزرف الحياطين حتى ايعلك البردات علمود المكمط ما ينصاب بالعين   وعين الحسود بيها نخله مو بس عود  

وهذه اغنية ( نسيتنا مالك وفه) اهديها الى الاخ ابو نور مع التحيات  


تحياتي

شمعه - كندا

والله جبته وجبت  .. اليوم من الصبح طالع ادور دريل .. طبعاً هوه اكو مو ماكو مكومات بس اني ما احب اشتري شي وبعدين اتندم عليه واكول لالالا حرامات لو صابر شوية .. لذالك فريت ميسيسوجا كلها على الدريل . لكيت الانسب والارخص والاحسن ولو الوقت اتاخر بعد ما اكدر ازرف الحايط اليوم ان شاء الله الباجر الظهر او العصر ارتب اموري
لان الصبح عندي دوام والظهر عندي موعد ويه دكتورة علمود الاطفال اتصير دكتورة العائلة ووره الظهر عندي موعد اروح استلم حصة تموينية من جمعية اسمها (( مسلم ويلفر )) ..
لان هنا اكو جمعيات هواي تنطي مواد غذائية ومنها كنائس ايضا وبكثرة اتصور .. اني سجلت بوحده هسه وحتى بيها لحم يوزعون وتمن وشكر وجاي ورايح ودجاج  وطحين وعدس وهوايه شغلات كلش هواي يعني اتكفي شهر وزيادة . واكو بعد غيرها هم واكو كنائس كومة هم اتوزع يعني واحد ميحتار هنا بالاكل او الحصة التموينية .
طبعا اي واحد من عدنه اول ميجي يتفاجأ بالاسعار مثل ما اني متفاجي هسه بس بعدين اعتقد شوية شوية راح نتعلم مثل ما اتعلمو الي قبلنه وشوكت نتعلم من نشتغل ويصير النه دخل ونستلم فلوس شغلنه ذاك الوكت انحس انه الموازنة متعادلة شكد متستلم انته تصرف .
قبل كم يوم بالصدفة شفت وحده اتعرفت عليه بالصدفة طلعت تشتغل ويه الحكومة او مثل الوكيله جنسيتها كندية بس باكستانية الاصل كالت انه هيه  اتحاول اتساعد القادمين الجدد بكل الطرق ومن ظمنها انه اتخلينه انشارك ابرنامج خاص بالاطفال (( طبعاً البرنامج هذا شرح عنه الاخ الفريدو شرح مفصل 100% قبل سنه يمكن )) وهو عبارة عن انه اخلي بالمصرف مبلغ من المال كل شهر اقل شي 10 $ والدولة اتخلي 40% من المبلغ الي اخليه اني يعني اذا اني خليت عشرة دولار الدولة اتخلي اربعة دولار  ومن يصير عمر الطفل 18 سنة ينسحبن ذني الفلوس بصكين صك واحد باسمي وصك ثاني باسم الاطفال .. الصك الي باسمي هو المبلغ الي دفعته خلال هاي السنين والصك الي باسم الجهال هو المبلغ الي دفعته الدولة .. وهاي الفلوس هيه للاطفال لاكمال دراستهم الجامعية وهواي اكو تفاصيل بعد يعني اذا بطلت او اذا سحبت الفلوس الي خليتهن بس ذني التفاصيل مو مهمة بالنسبة للي يريد يكون مستقبل اطفاله  .
المهم  هذي الباكستانية تعبت ويايه وراحت واجت ودورت اليه شغل وخلتني اسجل بمكاتب مال عمل وخابروني على شغل بمطعم صيني بس اني رفضته ..
اليوم خابرتني لكتلي شغل بمعمل بلاستك واحتمال فد يومين اروح اشوف شنو الوضع بالمعمل وشنو طبيعة الشغل ويمكن راح اشتغل .
المهم _ نسيت شنو موضزعنه ............................................
 
ها موضوعنا شمعه ... يمعود دخلي بشار براحته لا اتضوجه  واني مقرر ما ادفع اي فلس الواحد اسمه بشاررررر ههههههههههههههههههه
حتى لو بشار ابن الجامعه فاذا راد بشار يدزلي كت كات اقبل بس بدون ما ادفع اله فلوسهن .. يعني على حسابه  .

تعبت من الحجي والكتابه والله ..
بس المهم كندا شنو بيها من تعب وشنو بيها من غلاء وشنو بيها من صعوبات كلهن يصيرن سهلات بالنسبة للامان وللنظام وللحياة الحلوة ولاحترام الانسان ولوسائل الراحة الي متوفرة .
بالمناسبة اليوم على على اساس اروح اسوي اجازة مال صيد بس مصار عندي مجال ان شاء الله الباجر  لو الي بعده اروح اسويها حتى بالصيف اروح اصيد سمج براحتي لان اني احب هاي الفقرة ... واعتبرها هواية بالنسبة اليه .

..... ابو حمودي اشتاقينالك يمعود شو متبين وووووووووووووووووووووينك




ابو نور / تورنتو

[اسامة الهاشمي]

وينكم يمعودين شنو الكل سافروووووو
ماكو احد بسوريا او بالاردن او بالعراق
شنو القضية بس ابو اسيد وابو مصطفى
الوووووووووووووووووووووووووووووووووووووووووووووو






ابو نور / تورنتو

[اسامة الجميلي]

نحن هنا ابو نور جماعة عمان صامدوووووون تحية وسلام لك وهذي الصور الحلوة للبنات الله يخليهم ويحفظهم
المعلومات طبعا مفيدة لكل شخص يصل الى كندا
تحية لك وللعراب ابو احمد (الفريدو) يمعود انت قريب عليه خابرة ترة ابو احمد شخص قل ماتجدة في العالم
انشاء الله التوفيق في الحياة الجديدة






ابو هيا______الاردن

[Dark...Angel]

هاي همين رجع شمعة منورة اهنا هاي اشلون مشكلة   
ابو حمودي مشتاقين وبعنف شديد والله اشو مختفي من الايميل

ابو نور الله يحميلك البنات الحلوات ويتربون ب عزك ان شاء الله
والله يساعدك على جيرانك عرفت منو اقصد مو 

الفريدو الورد اشو مختفي عمي ان شاء الله الامور كلها تمام

بشار صديقي وبعدين ويه قدسيا يعني طلعنا بيه اقامة دائمية
وفوك القهر همين كفيل ماعدنا بيها ان شاء الله تفرج عليك اخويي
وتسافر اليوم كبل باجر

تحياتي لجميع اخوتي واخواتي

[شمعه منوره]

العدو  dark angel  

اكعد راحه ولا اتسوي وكاحه    
تره بعدين اسويك مو دارك انجل اسويك ( ظلمه انجل ) وداعت اموري