من فلوريدا

[bolara]

الاخوه الطيبين

مثل ما تعرفون انا صارلي 5 ايام بفلوريدا  . سانت بيترس بيرك . ولو اني بعد كلشي ممسوي ولا مفتهم راسي من رجليه . بس البارحه طلعت اتمشى واخذتلكم شويه صور ارجو ان تعجبكم . الجو حار مع رطوبه عاليه . بس كلشي اخر جميل ورائع . الناس اكثر من طيبين  اول ما جينا سوولنه حفله صغيره واجو كل جيران الناس اللي احنا ساكنين يمهم واللي همه اميركان . وتعال شوف الترحيب والهدايا واللي لبس الملابس العربيه احتراما النا . والله احنا ما اعرف اشصار بينا من الفرح والخجل  .
انا اشجع كل من الو طمع بالهجره ان يجي لامريكا ( اذا كان طموح او ميدور مساعدات لان الحياه مو سهله ويحتاج تعب ) والله المعين ولكل واحد ظروفه الخاصه اللي تفرر وين يريد يعيش . انا اتمنى لو جاي اهنا قبل 20 سنه .
انا البارحه حسيت انو انا بغداد . ودمعه نزلت . بس اهنا بغداد على شي خيالي من التطور 

وتحياتي


ارجو من الاخت انجي الرد على رسالتي الشخصيه

[عكعك التطوى]

الف حمدالله على سلامتك وانشاءالله تتوفقك بحياتك

تحياتي

[bolara]

شكرا اخي عكعك

وياريت الاخوه الموجودين بفلوريدا يجاوبون حتى نشوف حلول لمشاكلنا

[lionofiraq]

الف الف الف مبروك اخي و الحمد لله على سلامتك و ان شاء الله تبدي حياة جدية و جديدة و اتحقق الهدف الي اتريده آمين و احنة كلنا وياك

[ابو روزا]

حمدلله عالسلامه اخويه ورحم الله والد والديك هيج حجي منطقي ومشجع مو مثل (البعض) يتباجون وين متلكاهم

[BaghdadGhost]

اخي بولارا ,,,,,

مبروك سلامه الوصول و ان شاء الله الراحه في حياتك القادمة ,,,,,,,

[sony.sony]

 الف الحمدالله على سلامة الوصول

[bolara]

اخواتي اواخواني الاعزاء

شكرا على مشاعركم الجميله . وانشاء الله راح اكتبلكم بالتفصيل من اعرف شي اكيد لان  انا من البدايه صارت عندي مشكله الفلوس اللي جبتها وباي .

البارحه يالله وداني القدر على مسؤوله مهمه يشؤون المظطهدين وحجيتلها عن ظروفي ومشكله الفلوس لان دا اخاف اقدم على المساعدات .. طبعا الحجي على التلفون ... وهي كلش حبابه يااخي والله الاميركين شعب طيب ... باجر عندي موعد ويه مسؤوله المساعدات او خلي نكول مندوبه راح تجي عندي للبيت علمود ظروفي وبلكت احصل على المساعدات اللي هي حسب ما عرفت 8 اشهر بهاي الولايه .

انا لحد الان مشايف اي عراقي ... اكو مدرسه مال لاجئيين  راح اروح ادور بيها بلكي اشوف واحد .

[bolara]

تحياتي

[عبسي]

مبروك اخي العزيز بس سوال الله يخليك هاي الشوارع اشو لا بيها كواغد لا باكيتات جكاير فارغة لا قواطي بيبسي معقجة لا علاكات معادة مشكشكة والاضرب من هذا حتى حصو ماكو متكولي شنو القصة

[ابو روزا]

احب اعقب على كلام اخويه عبسي 00000000 هو اصلا اشو ماكو ناس عبالك حظر تجوال

[show]

الحمد لله على سلامه الوصول
اتمنى لك النجاح و الاستقرار الدائم


بالتوفيق للجميع   

[يوجد امل]

نشكر الله على سلامتك
الله يكمل معاك وتتوفق بحياتك
اخوك يوجد امل

[كمال الشاطيء]

الف مبروك اخي العزيز ويارب تتسهل كل امورك

[أبــو دجـــلة]

السلام عليكم

أغاتي الكريم ..  bolara

تحياتي .. الحمد لله على سلامة وصولكم , مبروك الوصول  ..
تسلم على هذه المساهمة وعلى الصور الحلوة .. منطقة هادئة
ومن خلال الصور أخذتنا معك مشكوراً .. في هذه الجولة الجميلة
الشكر الجزيل .. متمنياً لكم التوفيق والنجاح والسعادة ..
وإن شاء الله تحصلون على المساعدات المطلوبة وبأسرع وقت ..
مع تقديري

أخوكم .. أبـــو دجــــلة

**

[زهرة الصبار]

سلام عليكم اني ناويه اخي انشالله اجي فلوريدا وحدي مع ابني وبنات 2فهل تنصحني بهذي الولايه ام لا لانه اعتقد الشغل صعب ان اعثر عليه يعني مو بسهوله بهالولايه

[لورنس السفاح]

هذا الموضوع صارله اكثر من سنة
منو يكول صاحبه بعده يدخل المنتدى

[مُغترب]

اختي كتبي موضوع وسالي عن هذه الولاية افضل لان هذه الصفحة قديمة
بالتوفيق

[ريم عبد]

هذا الموضوع جان اخر مشاركات اخونا بولارا وبعدها مدخل للمنتدى