الجواب الاكيد على تحويل من لاجئ الى مهاجر

[عراقي للوريد]

السلام عليكم اخواني الاعزاء

طبعا كثرت التساؤلات من قبل الاخوه الذين قدموا على برنامجي IOM و SIV ....
حول اذا تم السفر عن طريق IOM الى الولايات المتحده هل بالامكان تحويل صفه الاجئ الى مهاجر اذا كان الشخص مستوفي لشروط برنامج SIV او لديه مايعرف بال COM Approval وهي رساله الموافقه على تطبيقه في برنامج SIV ....

طبعا اني احد هولاء الاشخاص الذين لديهم شغف بهذا الموضوع وقرات الكثير من المواضيع بهذا المنتدى الرائع حول امكانيه التحويل ومع العلم انها اول مشاركه لي حبيت افيد اخواني وبشي رسمي ليس مجرد اقاويل او كلام محامين .....

لقد قمت بمخاطبت الجهه المسؤوله عن هذا الشي وهي دائره الجنسيه والهجره الامريكيه لاستبيان الموضوع وسؤالي كان كالاتي :-

"اذا شخص دخل الولايات المتحده كالاجئ هل بالامكان الاستمرار في معالجه تطبيقه او فايله في برنامج SIV اذا كانه لديه موافقه رئيس البعثه لتحويل صفه الاجئ الى مهاجر واستلام الكرين كارت في وقت اقل فما اذا كان لاجئ "


وكان هذا الجواب من قبل دائره الجنسيه والهجره الامريكية USCIS

Hello

If you enter the United States as a refugee, you are required by law to apply for lawful permanent resident status (green card status) one year after entering the U.S. in refugee status.  Refugees may not adjust status to a lawful permanent resident (obtain a green card) under the SIV classification.  (Refugees cannot “convert” their status to SIV once they arrive in the United States .) 

 

The following USCIS link explains the process for refugees to obtain a green card:     http://www.uscis.gov/files/article/D3eng.pdf.

 

Good luck to you.

 

I-360 SIV Team
Nebraska Service Center
U.S. Citizenship and Immigration Services
Department of Homeland Security
kap

باختصار شديد امثله ب 3   نقاط

1_ انته اذا دخلت الولايات المتحده كلاجئ حسب القانون بعد سنه من دخولك تكدر اتقدم على الكرين كارت

2_ لاتستطيع تحويل صفه الاجئ الى مهاجر عن طريق برنامج SIV

3_ لاتستطيع الاستمرار في برنامج SIV عند وصولك امريكا

وشكرا اخوتي

اتمنى ان تعم الفائده للكل

اخوكم
عراقي للوريد

[عكعك التطوى]

مشكور اخويه على على التوضيح بارك الله بيك

 بس عندي سؤال لو تكرمت

قبل فتره كانت نقاشات بالمنتدى حول اللاجي والمهاجر بعد حصولهما على الكرين كارد

هل هناك مميزات او افضليه بين الحاصلين على الكرين كارد بواسطه فيزه الهجره الخاصه وبين اللاجئين المقدمين على ال un وال iom  ام كلهم يتمتعون بنفس الحقوق والواجبات بعد حصولهم على الكرين كارد ؟

وشكرا لك مقدما

[عراقي للوريد]

اخويه العزيز عكعك

طبعا ابو ال UN او IOM  اذا حصل على الكرين كارت بعد سنه وشهرين ايصير حاله حال ابو SIV اله ابشغله واحده هيه مساله رجوعه الى العراق ابو IOM لايستطيع الرجوع الى العراق الى بعد الحصول على الجنسيه لان سبب طلب الاجئ سوف يسقط عنه وهو الرجوع الى بلده العراق وتخياتي الك اخويه

شكرا

عراقي للوريد

[vincenzo]

 حبيبي هذا الرد كلش دبلماسي وانته استنتجت ثانيا وثالثا من عندك لان هو الرجال ما كايلهه
وبعدين ما معقولة زاك وماثيو وسمارة وفالكون كلهم غلط وانته صح وهمه شايفين بعينهم ناس مسويهه للتحويلة

اشكرك جدا على التعب وانشاء الله بميزان حسناتك
وارحب بيك جدا اخ عزيز ويانه

[عراقي للوريد]

اخي vincenzo

اشلون ماكو النقطه الثانيه والثالثه اتفضل اقره من جديد :-

2_ لاتستطيع تحويل صفه الاجئ الى مهاجر عن طريق برنامج  SIV
Refugees cannot “convert” their status to SIV once they arrive in the United States .) 

3_ لاتستطيع الاستمرار في برنامج SIV عند وصولك امريكا
وهاي النقطه هيه تحصيل حاصل اذا متكدر اتحول على برنامج SIV يعني متكدر تستمر على هذا البرنامج

وياريت من الاخوه زاك وماثيو وسمارة وفالكون ان ينفعونه باجوبتهم ويكتبونه شصار وياهم...

وثانيا اني ماكول هذا الكلام مالتي هذا كلام USCIS اذا تعرففهم ... فروح وناقشهم وكللهم اعرف ناس حولوا وهذا كلامكم غلط

ارجوا ان توصل الفكره

عراقي للوريد

[freeman2]

اخواني الاعزاء
اعتقد هذا الموضوع يتبع امور كثيرة اولها قانون الولاية نفسها وثانية تعتمد وضع الشخص نفسه هناك ما اذا كان اكو مشاكل او لا..
واعتقد الاخوان الذين مروا بنفس التجربة هم الاكثر للحصول على الخبر اليقين لانهم اصحاب تجربة
مع تمنياتي للدجميع بالتوفيق

[عكعك التطوى]

اخواني الاعزاء
اعتقد هذا الموضوع يتبع امور كثيرة اولها قانون الولاية نفسها وثانية تعتمد وضع الشخص نفسه هناك ما اذا كان اكو مشاكل او لا..
واعتقد الاخوان الذين مروا بنفس التجربة هم الاكثر للحصول على الخبر اليقين لانهم اصحاب تجربة
مع تمنياتي للدجميع بالتوفيق

اخويه العزيز فري مان ما اعتقد هذه الموضوع له علاقه بالولايه او قانونها لا ن هذه المساله متعلقه بدائره الهجره والتجنس USCIS  وهذا قانون عام  يخص الدائره المعنيه ولا يخص قانون الولايه وحسب ما افتهمنه من احد الاعضاء بموضوع سابق انه العمليه ان صحت على حد قوله فانها تاخذ فتره طويله فوق السنه فبهذه الحاله تكون غير مجديه لانها نفس الفتره التي يحصل عليها اللاجيء عللى الكارد

تقبلوا مروري

[محمد ابن زيونه]

شكرا اخويه العزيز على هاي المعلومات . ومرحبا بك عذو جديد في المنتدى .

[ايات]

شكرا اخوية وبارك الله بيك على هذه المعلومات القيمة ..........اختك ايات

[سماره]

تعقيبا على رد اخويه الغالي فنجنزو عن موضوع التحويل اني مشفت اي شخص حول من iom الى siv بس اعرف جماعه siv رجعوا لبغداد بعقود عمل ويا شركات امريكيه بعد استلموا الكرين كارد
بس حبيت اوضح ,,, وان شاء الله الي عنده خبره بالموضوع يجاوب

[Shebo]

تعيش وتسلم على هذا الموضوع المفيد

[كمال الشاطيء]

بارك الله بيك اخي وموضوع مفيد شكرا لك

[vincenzo]

عاشت ايدج سماره
يعني بعينج بعينج شايفتهم
 
هو هذا جان نقاشنه
وهو باختصار يا كرين كارد الافضل مال اللجوء لو مال الهجرة الخاصة
وتبين انه اللاجئ يبقه لاجئ وميكدر يرجع للعراق الى ان يقدم عالجنسية (لازم) ويحصلهه
اما ابو الهجرة الخاصة فيكدر يبقه بامريكا ويروح ويرجع للعراق بدون ميضطر يقدم عالجنسية
بالاضافة للفرق الاعتباري بين المهاجر واللاجئ
اما عن طريقة التحويل فاني موضحة بموضوعي لتصيل والتاكيدات بوقتهه اجتني من اعضاء مخضرمين ومتالقين بالمنتدى مثل فالكون وماثيو
وماكو داعي لمواضيع جديده من شرايين واورده تضهر وتختفي
ودايمين وسالمين

[Mark_usa]

لا يوجد فرق بالگرين كارت بين الللاجئ والمهاجر وجماعة SIV (الي منعرف وية يا جماعة هم هالصوب لو ذاك الصوب لانه وزارة الخارجية تعاملهم كلاجئين بينما دائرة الهجرة والجنسية تعاملهم كمهاجرين). على العموم فالكارد واحد والحقوق واحدة في الدولة واحدة تحت رعاية الله الواحد.

أما عند التقديم على وثيقة السفر فأن التمييز يبدأ ههنا، فالحاصل على الگرين كارد عن طريق اللجوء يعطى وثيقة سفر لاجئ تختلف عن وثيقة سفر للحاصلين على الگرين كارد بغير طريقة اخرى. عدا ذلك فهنالك عدة تنبيهات في سايت دائرة الهجرة www.uscis.gov وفي سايت دائرة متابعة اللاجئين www.wrapsnet.org تحذر من ان العودة للبلد الام قد يؤثر على حالة اللجوء (بأستثناء اذا تعاقدت مع الجيش والشركات المعتمدة لديه) .

وتقبلو تحياتي

[أبن خير]

والله يأخوان ماأدري شكول وشحجي .. يومية خبر جديد وتحويلة جديدة
كمنا منفتهم كلشي .. صارلنا سنة أو أكثر بهذا المنتدى الراقي ويومية
نسمع خبر جديد .. يمعودين ترة أحنا أرواحنا طافرة .. دحجولنا حجاية وية
عاد .. مو ترة صرنة مثل الطرشين بالزفة .. تحياتي وتقديري للجميع .

أخوكم أبن خير

[ام يلدا]

تحذر من ان العودة للبلد الام قد يؤثر على حالة اللجوء (بأستثناء اذا تعاقدت مع الجيش والشركات المعتمدة لديه)

طبعا ً اتصدقون؟؟
هسه يلا يلا يلا افتهمت القصة شنو!!
بس ترة انا القفها وهي طايرة
الفرق بين المهاجر واللاجئ
-
طبعا ً انا اعتقد اني لاجئة لأني مقدمة على برنامج
Direct access program
لاجئ مو؟
المهم كنت اريد افتهم من الأخ مارك

اشلون الواحد يطلع لجوء (لاجئ) لأمريكا ويقدر بعدين يسوي عقد مثلما اتفضلت ويرجع للعراق تحت الوصاية الأمريكية وحمايتها
هل هناك خطوات معينة مثلا ً ؟
يا ريت تشرح لي اشوية اشقد الفترة الزمنية المطلوبة حتى يتم استحصال كافة المستلزمات
بحيث المترجم اللاجئ الداخل لأمريكا عن طريق IOM   يصبح مؤهل للتعاقد مع الشركات او الحكومة او حتى الجيش
واعذروني اذا سألت اسئلة غير واردة
بس هو استفسار
-
طبعا ً اشكر كافة اللي شرحوا ووضعوا معلوماتهم وأفادوني خير فائدة

-
الله يوفق الجميع
محبة

أم يلدا – مترجمة - عمان الأردن 2005 – في انتظار التجييك الأمني
 

[Mark_usa]

بالنسبة للاستفسار حول تحويل الاجئ الى SIV بعد الدخول الى الولايات المتحدة فقط وجدت هذا السؤال في موقع وزارة الخارجية التالي(وهو السؤال قبل الاخير باللون الازرق تحت الفقرة step2 http://travel.state.gov/visa/immigrants/info/info_4172.html#4l

أما ادعائي بان قسم من دوائر الحكومة الفيديرالية تعامل الـ SIV مثل الاجئين استند الى:
1. الشرط السادس من شروط التقديم على SIV هو وجود خطر أو تهديد على الحياة نتيجة العمل مع الحكومة وبالتالي وجود اضطهاد وهذا احد تعريفات اللاجيء http://iraq.usembassy.gov/root/pdfs/siv-vs-usrap.pdf

2. مرور معاملة SIV بدائرة شؤون اللاجئين التابعة لوزارة الخارجية http://www.wrapsnet.org

3. شمول مقدمي الـ SIV بالمساعدة المقدمة من وزارة الخارجية للاجئين كما هو موضح في عدة مواقع منها موقع وزارة الخارجية ( وهو السؤال الثالث باللون الازرق تحت الفقرة Step 3) . 
http://travel.state.gov/visa/immigrants/info/info_4172.html#4l

بالمقابل فإن دليلي على ان دائرة الهجرة والجنسية تعاملهم كمهاجرين يستند الى أن جميع اللاجئين (سواء المقدمين من داخل الولايات المتحدة أو من خارجها) وبعد اخذ الوايت كارت فأن عليهم هم ان يقدموا طلباً للحصول على الگرين كارت بعد سنة اما في حالة الـ SIV فإن الگرين كارت يأتي اوتوماتيكياً بالبريد بعد الدخول بفترة وجيزة تماماً كما هو الحال مع بقية المهاجرين لاميركا (لم شمل، زواج..الخ).

لكن على أيه حال فكما اسلفت وبالنهاية فالكارد الاخضر واحدٌ (والجنسية لكليهما في خمس سنوات) تحت رعاية السيد الرئيس الواحد.

ويبقى السؤال قيد التداول: عند التقديم  على وثيقة سفر كيف سيتم معاملة ابو siv ؟، وهل هو مشمول بتحذيرات عدم العودة للبلد الأم؟ فما زال رأي الفقهاء غير واضح!!...والسلام عليكم

[عكعك التطوى]

عاشت ايدج سماره
يعني بعينج بعينج شايفتهم
 
هو هذا جان نقاشنه
وهو باختصار يا كرين كارد الافضل مال اللجوء لو مال الهجرة الخاصة
وتبين انه اللاجئ يبقه لاجئ وميكدر يرجع للعراق الى ان يقدم عالجنسية (لازم) ويحصلهه
اما ابو الهجرة الخاصة فيكدر يبقه بامريكا ويروح ويرجع للعراق بدون ميضطر يقدم عالجنسية
بالاضافة للفرق الاعتباري بين المهاجر واللاجئ
اما عن طريقة التحويل فاني موضحة بموضوعي لتصيل والتاكيدات بوقتهه اجتني من اعضاء مخضرمين ومتالقين بالمنتدى مثل فالكون وماثيو
وماكو داعي لمواضيع جديده من شرايين واورده تضهر وتختفي
ودايمين وسالمين

اخي فينوس عندك خلط بالامور بعض الشيء فتعريف الكرين كارد (الاقامه الدائميه) هي : انتقال الأشخاص أو الجماعات من منطقة إلى مناطق جغرافية أخرى، القصد منها الإقامة الدائمية.

فاي انسان يحصل على الاقامه الدائميه ينطبق عليه قانون الدوله التي لجأ او هاجر اليها من الحقوق والواجابات ونقاشنا هنا هو ليس يا كرين كارد الافضل مال اللجوء لو مال الهجرة الخاصة لان ماكو فرق بينهم كما وضحتلك وانما هو هل يمكن التحويل من صفه لاجيء الى مهاجر بعد وصوله الى امريكا ام لا

بينما شغله الرجوع الى العراق سواء (لاجيء او مهاجر) لايمكنه الرجوع الى البلد الام الا اذا كان الشخص متعاقد مع الجيش او الشركات المتعاقده معه لان الاثنين من شروط التقديم والقبول ان يكون معرض او لايزال معرض للتهديد ويمكنك الرجوع الى شروط التقديم لكلا البرنامجين (SIV - USRAP )

اما بخصوص موضوعك الذي كتبته فلم يثتبت لحد الان انه واحد استطاع التحويل من صفه الى اخرى
ولم يثبته الاخوه الاعزاء فالكون و ماثيو ولو كان هناك معلومه اكيده 100% لديك فارجوا توضيحها
للفائده العامه واكون من احد المستفيدين من هذه الحاله


واخيرا وليس اخرا ارجوا توضيح الفرق الاعتباري بين المهاجر واللاجيء لو امكن لانك لم توضح الفرق

تحياتي

[vincenzo]

صديقي عكعك
اني اعرف ناس حولوا بس ما اكدر اجيبهم للمنتدى حتى يسولفون تحت القسم والايمان المغلضة وانشاء الله اذا الله راد ووصلنه اني وياك نلتقي كلنه ونسولف شكد متريد بس لازم يكون الواحد مكمل على الاقل ال Com Approval ومناك يكمل عال USCIS

مارك اخوية:

1- هذا الشرط ميدققون بيه بالمقابلة وحاول تجيك مواضيع مقابلات الاعضاء اللي قابلوا القنصل باكثر من دولة وهي صارت بالعشرات

2-متمر المعاملة بشؤون اللاجئين...شنو هيه كوه
اني معضم اصدقائي ما قدموا على مساعداتكم وسافروا وميعرفون شنو هيه الرابسنت

3-المساعدات مو اجبارية يكدر الواحد يقدم او لا بينما اللاجئ يكودون بيه كود للويل فير وغيرهه

الكارد الاخضر مو نفسه وانما حاول تتصل بجماعة اي او ام محصلينه ويشوفوكياه بالويب كام مثل ما اني سويت وهم وية جماعة ال اس اي في وانته تشوف الفرق وشمكتوب بيه
الجنسية مو بخمس سنوات للي مشتغلين مترجمين وية الجيش وانشاء الله اوصل اني واحصل الجنسية باقل من اللاجئين واحرك العراقية واسوي الحرك فلم واحطه على يوتيوب وادزلك نسخة حتى تصدك

اخيرا سؤالك العوييييييص مال وثيقة السفر
اصلا ابو الاس اي في ميحتاجهه لان يروح ويجي بجوازه ال G

وتعيشون وتسلمون (واذا الك واهس ترجع للعراق تشتغلك فد سنه وفوك مترجم وية الجيش تكدر تقدم عالاس اي في اذا الك واهس )

[traveler]

اخوتي الاعزاء انتوا ليش امدوخين نفسكم بهاي السالفة تره كلها نفس الشي اذا جان عندك GC  او SSN انت بأجازة السوق تكدر تروح وتنتقل بأي ولاية اتريد محد راح يكلك وين رايح وبالنسبة لشغلة التحويل من لاجيء الى مقيم دائم اني سويت اتصالاتي ويه اصدقائي الي رايحين عن طريق USRAP كلهم كلولي نفس جواب الرسالة الي دازيها للأخ جماعة نبراسكا واخويه العزيز ابو الاسم الغريب vincenzo شويه على كيفك ويه الاعظاء من تجاوب على الاسئلة take it easy

Traveler

[Mark_usa]

أود ان اوضح نقطة مهمة انه وعلى فرض  ان شخصاً دخل فعلياً للولايات المتحدة على الاي او ام لاجئ وحصل على الوايت كارت في نقطة الدخول كلاجئ، وسنفترض -للجدل فقط- بانه قام بتحريك معاملة الـ SIV من داخل الولايات الامريكية ووافقت عليها دائرة الهجرة (فرضاً) واعطته status جديد واصدرت له گرين كارت فانه هنا سيخسر مدة الانتظار (وهي عدة اشهر تصل الى سنة) لغرض احتساب مدة الاقامة للجنسية لآن مدة الـ status القديمة (من يوم دخوله واستلام الوايت كارت لحين استلام الستاتس الجديدة) تعتبر ملغاة لغرض احتسابها للجنسية. وبذلك سيخسر وقت للجنسية لانه القانون يحتسب خمس سنوات من تاريخ الحصول على status وليس بالضرورة عدد الايام التي قضيتها في اميركا تحت اي نوع اقامة كان.

[vincenzo]

لا صديقي راجع نفسك انته يمكن غلطان لان راح يستفاد الوقت اللي كضاه وية الجيش الامريكي يلكط ارهابيين

[المهاجر 2009]

الاخوة الاعزاء
اليوم نقاشكم جدا مهم ومفيد وعاشت ايد كل من شارك
بس حبيت ابينلكم من خلال صديق بفلوريدا وصل عن طريق ال siv
يدعي انهم يحصلون على الجنسية بعد 3 سنوات وليس 5 مثل برنامج iom
وانهم مستفادين سنة لي كدام لانه يستلمون الكرين كارت مباشرة وليس بعد مرور سنة مثل ال iom
دتلاحظون اشكد الفرق بالاضافة الى حق السفر للعراق مثل ما تفضلتوا بيه.

[عكعك التطوى]

الاخوة الاعزاء
اليوم نقاشكم جدا مهم ومفيد وعاشت ايد كل من شارك
بس حبيت ابينلكم من خلال صديق بفلوريدا وصل عن طريق ال siv
يدعي انهم يحصلون على الجنسية بعد 3 سنوات وليس 5 مثل برنامج iom
وانهم مستفادين سنة لي كدام لانه يستلمون الكرين كارت مباشرة وليس بعد مرور سنة مثل ال iom
دتلاحظون اشكد الفرق بالاضافة الى حق السفر للعراق مثل ما تفضلتوا بيه.

ما راح اعقب على كلام صاحبك لان هو مماخذ الجنسيه لحد الان
والشي الثاني اخويه المهاجر مده الجنسيه تحتسب من دخولك الااراضي الامريكيه وليس من حصولك على الكرين كارد  وبالنسبه للسفر للعراق هم وضحنا سابقا انه الاثنين المفروض ميرحون العراق لان العراق يعتبر
خطر على حياتهم واتصور الرجوع للعراق له تبعات ليست ظاهره الان على الحصول على الجنسيه

تحياتي

[Mark_usa]

صديقي ..اگولك على شغلة،

أكو واحد جان يفلس باگلة بالعراق اثناء فترة التعاقد مالته هناك، ماتچيكلنة مصادرك {رحمة الله والديك}، شوفلنا راح يستفاد بالوقت الي گضاه بهاي الشغلة كمدة مدة اقامة تحتسب لصالح فترة التقديم على الجنسية كما يقولونها.

وصاحبي راح يبقى ممنون الك طول عمرة  

[عكعك التطوى]

صديقي عكعك
اني اعرف ناس حولوا بس ما اكدر اجيبهم للمنتدى حتى يسولفون تحت القسم والايمان المغلضة وانشاء الله اذا الله راد ووصلنه اني وياك نلتقي كلنه ونسولف شكد متريد بس لازم يكون الواحد مكمل على الاقل ال Com Approval ومناك يكمل عال USCIS

مارك اخوية:

1- هذا الشرط ميدققون بيه بالمقابلة وحاول تجيك مواضيع مقابلات الاعضاء اللي قابلوا القنصل باكثر من دولة وهي صارت بالعشرات

2-متمر المعاملة بشؤون اللاجئين...شنو هيه كوه
اني معضم اصدقائي ما قدموا على مساعداتكم وسافروا وميعرفون شنو هيه الرابسنت

3-المساعدات مو اجبارية يكدر الواحد يقدم او لا بينما اللاجئ يكودون بيه كود للويل فير وغيرهه

الكارد الاخضر مو نفسه وانما حاول تتصل بجماعة اي او ام محصلينه ويشوفوكياه بالويب كام مثل ما اني سويت وهم وية جماعة ال اس اي في وانته تشوف الفرق وشمكتوب بيه
الجنسية مو بخمس سنوات للي مشتغلين مترجمين وية الجيش وانشاء الله اوصل اني واحصل الجنسية باقل من اللاجئين واحرك العراقية واسوي الحرك فلم واحطه على يوتيوب وادزلك نسخة حتى تصدك

اخيرا سؤالك العوييييييص مال وثيقة السفر
اصلا ابو الاس اي في ميحتاجهه لان يروح ويجي بجوازه ال G

وتعيشون وتسلمون (واذا الك واهس ترجع للعراق تشتغلك فد سنه وفوك مترجم وية الجيش تكدر تقدم عالاس اي في اذا الك واهس )

صديقي فينوس

انته كلت بردودك السابقه انك وضحت هذه الحاله واكدوها الاخوه الاعزاء ماثيو وفالكون
و زاك وسمارة ولكن لو نرجع لموضوع والردود ما راح نطلع بنتيجه فردي كان على هذا الشي
وطلبت منك ان توضحها للفائده العامه جاوبتني انته بانه متكدر اجيبهم للمنتدى حتى يسولفون تحت
القسم والايمان المغلضة اذن اسالك سؤال شنو الفائده من الموضوع الذي كتبته اذا ما تبرهن بي
النتيجه من الموضوع لان الذي يرجع لموضوعك سوف لن يستفاد منه  بشي ويظل بحيره من امره
واني ما اكلك جيبهم هنا بس اشرح للاعضاء الطريقه والكيفيه لذلك حتى يستفاد من هذه المعلومات
اكبر قدر ممكن من الاعضاء الذين تنطبق عليهم هذه المواصفات لان كلامك هذا وبدون دليل يعتبر
مع احترامي لك قشه في مهب الريح

ولي تعقيب على بعض النقاط التي اشرت لها

1- هذا الشرط ميدققون بيه بالمقابلة وحاول تجيك مواضيع مقابلات الاعضاء اللي قابلوا القنصل باكثر من دولة وهي صارت بالعشرات

اخي فينوس اثناء التحقق من صاحب التزيكه او الرسبونسر مالتك راح يذكرلهم انه صاحب الكيس متهدد وعليه خطر ببقائه

اني معضم اصدقائي ما قدموا على مساعداتكم وسافروا وميعرفون شنو هيه الرابسنت

اذا انته الله مفضل عليك صديقي ورازقك من نعمه هناك ناس ماعده مصرف يكفيه 3 اشهر
وهي بامس الحاجه للمساعده بس هذا هم يثير تسائل هل كنت ولا زلت تستلم حصه تموينيه ام لا ؟


3-المساعدات مو اجبارية يكدر الواحد يقدم او لا بينما اللاجئ يكودون بيه كود للويل فير وغيرهه

اللاجي او المهاجر يكدر يرفض المعونات المقدمه اليه اذا كان الله مفضل عليه ومحد يفرض عليه شي


الكارد الاخضر مو نفسه وانما حاول تتصل بجماعة اي او ام محصلينه ويشوفوكياه بالويب كام مثل ما اني سويت وهم وية جماعة ال اس اي في وانته تشوف الفرق وشمكتوب بيه

صديقي فينوس اذا  نفسه او مو نفسه واذا بي حرف زايد واذا ناقص هذا ميغير شي من ناحيه الحقوق والواجبات واذا عندك مقارنه بينهم  او اختلاف اذكره حتى نستفاد بمعلومه مفيده

الجنسية مو بخمس سنوات للي مشتغلين مترجمين وية الجيش وانشاء الله اوصل اني واحصل الجنسية باقل من اللاجئين واحرك العراقية واسوي الحرك فلم واحطه على يوتيوب وادزلك نسخة حتى تصدك

صديقي هذا  كلامك حبر على ورق لان الجنسيه  يحصل عليها المقدمين على برنامج ال SIV  
بعد خمس سنوات من دخولهم الاراضي الامريكيه واذا  عندك اثبات عكس ذلك قدمه حتى نستفاد
من المعلومه


وتحياتي

[SIV]

صح لسانك ابو العكاعك.......اني من استلمت الفيزه على برنامج الاس اي في انطوني ورقتين بيها هوايه حجي من ضمن الحجي انه الجنسيه وره 5 سنين من الكرين كارت
واعتقد الموضوع صار واضح لانه  الشباب والشابات ما قصرووووووووو
سلامي للجميع

[vincenzo]

صديقي مارك هاي انته هم طلعت تعرفه لهذا صديقي ابو الباكلا
بس والله جان مناضل بتفليس الباكلا
دروح شوفه هسه شلون جنسية دبل ناطيه
بخخخخخخخخخخخخت

SIV صديقي انته مترجم وية الجيش جنت؟؟؟ لو شنو؟

عكعوك صديقي والله الك واهس تكتب
شكد تكتب (هستوني شفت الموضوع مال النروج وانته شكد كاتب بيه- يعني حتى اذا نقل وكوبي بيست هم الله يساعدك ويقويك)
حيييييييييييييييل
بس طبعا اذا يمكم بام الدنيا الكهرباء متطفه ليش لا
وعمي احسبهه علية واني الغلطان
واني كليتني هواء وشبك وسمج بالماي ويابط يابط العب بالشط هع هع هع هع
والسبع اليعبي بالسكله ركي
وحسب نضرية التطور لتشارلز داروين يكول "البقاء للعكاعيك"
وميكون خاطرك اللا طيب
يمعود احنا شكم عكعك عدنا
اكلك ما عندك اخبار من اخونا صاحب الموضوع ابو الوريد؟؟؟ اشو غط فد غطه؟؟ مدري اني كبرت وكمت ما اوجد

[عراقي للوريد]

السلام عليكم ورحمة الله وبركاتة

الف شكر الى جميع الاعضاء والاخوان الي شاركوا ويانه بهذا الموضوع وتحياتي اخويه عكعك على توضيحك المستمر للاخ vincenzo بخصوص الحقوق والواجبات بالنسبه للمهاجر والاجئ ...

طبعا اخوتي مثل متعرفون انه الاجئ والمهاجر هيه مجرد تسميات للاشخاص الذين يدخلون امريكا بصوره رسميه وان من حق المهاجر الرجوع الى بلده لان اغلب المهاجرين الذين يدخلون الولايات المتحده هيه لتحسين اوضاعهم الماديه لذلك لاضرر في العوده الى بلدهم اذا كان بلدهم مستقر امنيأ ...
اما الاجئ فعند حصوله على الاقامه الدائمه يحق له الرجوع لبلده بكل حريه لزياره الاهل او ممكن لعمل ما لكن كما قلنا اذا كان الوضع الامني في بلده مستقرأ ...

انتوا عرفتوا شنو الفرق الفرق هو بالوقت العوده الى البلد الام وهو بالعاده سنه ونصف على اكثر تقدير بين الاجئ والمهاجر في حال الاستقرار الامني للبلد ....

لـــــــــــــــــــكن  ... واخ من كلمه لكن احنه نتكلم على المهاجرون والاجئون من العراق العظيم يعني البلد الي مامستقر امنيأ والي المهاجر والاجئ خرج منه لنفس السبب وهو التهديد الامني على حياته وحياة عائلته ... فكيف يسمح الرجوع للمهاجر حتى لو كان مهاجر ومعه كرين كارد من العوده الى العراق وهو هرب منه لانه مهدد حسب كلامه المثبت في في ملفه لدى دائره الهجره والجنسيه الامريكيه .... هاي من الناحيه المنطقيه والتفكير بالعقل

من الناحيه القانوينيه انه لا يحق للمهاجر او الاجئ الرجوع بلده الام اله ان كان متعاقد مع الجيش الامريكي تحديدأ وليست الشركات المتعافده مع الجيش مثل تايتين ...

وطبعا بالنسبه الي يدخل لاجئ وحسب كلام اخي vincenzo تم تحويله الى مهاجر .. اني اكله كلشي ممكن بس هاي حالات استثنائيه او فرديه وليست حاله عامه ... ممكن لديهم عقود مع الجيش وكان هذه احدى المميزات ...

وياريت الي حصل كرين كارد ورجع للعراق يكتبلنه علمود نستفاد من خبرته

اعذروني على الاطاله

عراقي للوريد

[مصطفى السيماتي]

مشكورين على هذا المجهود الراقي وبارك الله بيكم

[محمد ابن زيونه]

شكرا على الردود القيمه والحلوه وان شاء الله التوفيق للجميع .

[vincenzo]

يا هله باخونا العراقي الللوريد
هاي وين يمعود
اشتاقيتلك بربي
شنو جنت مضيع ال IP
وهم مع الاسف حجيك كله تناقضات ومغالطات مع احتراماتي
شنو جيش شنو حصرا
عمي انت وين عايش؟؟؟

[ayoka]

ها بويه سالمين بعدكم تتناكرون هسه لاجى مهاجر طماطه دكولوا ياكريم هسه بعدكم واحد بالعراق واحد بمصر واحد مدري وين وتتناكرون . اخوان الاجي ماله حق يرجع للبلد الي حصل براسه لجوء والدليل يكون التقديم من خارج هذا البلد ما عدا امريكا الي سمحت بهاذا الشي من داخل العراق والي يحصل لجوء يعتمد على القصه مالته والاضطهاد . اما الهجره الرسميه غير شكل لانها عباره عن امتيازات من الحكومه الامريكيه لكل من ساعدها يعني مكافئه فيكدر الحاصل على الهجره الخاصه يرجع للعراق من يستلم الكرين كارد وحتى ميسئلون الطالب على الهجره الخاصه عن اسئله كثيره حول الاضطهاد والتهديد بالاستماير بس سوال واحد واني واحد من اصدقائي عبى الفورمه مال هل تعرضت لاذى او اضطهاد جراء عملك مع القوات الامريكيه هوا جاوب لا متعرضت ومشت شغلته وقابل وهوا هسه بامريكا ها هوا مجاوب لا لانه صدك بس السوال بيه دالغه الي مو قوي بالانكليزي يفتهمه هل شاركت بعمليات مسلحه ومن هذا القبيل فهوا بدون تردد جاوب لا فالهجره الخاصهمالها علاقه بالاضطهاد بل هيا مكافئه وانت شتسوي سوي بيها بس يا اخوان احنا جنا نحلم بالسودان هسه امريكا بعضمتها كمنا نتبطر لجوء هجره لوتري تعددت الاسباب وامريكا حره ويوم الكم كلكم

[عراقي للوريد]

اخي العزيز vincenzo

اهلا بيك ... ماعرف اشو حظرتك بس اتعارض واتغالط المقابل واتشكك ابكلامه ... اخي اني وبقيه الاخوه حجينه الي عدنه فانته اذا عندك قانون من ويب سايت رسمي وتابع للحكومه الامريكيه ايكول ممكن التحويل من الاجئ الى مهاجر جيبه علمود نستفاد منه واذا عندك شخص اتعرفه فهم ياريت تشرحنله تجربته علمود انكون على بينه ليش اتاقض كلامنه وانته ماعندك اي دليل واي تفسير للامور ؟؟؟

شكرا

عراقي للوريد

[Leroy Jethro Gibbs]

موضوع مفيد ورائع جدا

[Bluebird2013]

السلام عليكم
اخوان اني اخويه طلع عن طريق ال IOM ورجع زياره للعراق لمدة شهر بعد سنتين من بقائه في امريكا وطبعا بعد ماحصل الكرين كارد . شنو هاي حاله نادره لان كلكم كلتوا اللاجيء ميصير يرجع لبلده . وشكرا .