هـدفـك في الحـيـاة ايــه...؟؟؟ ...(تـقـدر تجـاوب)

[Malka]

هاي للكل  شلونكم 

موضوع اليوم  هـدفـك في الحـيـاة ايــه...؟؟؟ ...(تـقـدر تجـاوب)

انا شنو اريد ؟

عايش ليش ؟

شلون اوصل لى الحياة ؟


هبـدأ أخطط لحياتـي امتــه...؟؟؟


هشتغــل ايــــــه ....؟؟؟


هتجــوز يامتـــه....؟؟


طبعــا يا جمـأعـه كل الحـاجـأت هذى مستقبليــه
يعني الواحد مش ضامن العمـر
بس  لازم يكون في امـل ونـفـكر شوية
 هدفـك في حياتـك ايــه
..؟؟

[sarina patio]

عاشت الايادي اخون ملكا الموضوع جدااااا ريئع تسلم

اخ ملكا هاذا جوابي لجميع الاسئله وشكرا لجميع

** الأهـــــداف في الحـيـاة **

 يجب أن يــكون هـدفـك النهائي هو أن تبذل قصارى جهدك و تستمتع بذلك .

 النجاح يـتـطـلـب شــخصاً صــاحب رســــالة .

 يجب أن يكون لديك حلم حتى يمكنك أن تـــسـتـيـقـظ في الصباح .

 مأســاة الـحـيـاة لا تـكمن في عــدم وصـولـك إلى الـهـدف ، و لـكـنـهـا تــكمن في ألا يكون لك هدف تحاول الــوصــول إلـيـه .

 الهدف هو ما يعطي الحياة معنى .

 
** الأهـــــداف في الحـيـاة الإيـــمــــان **

 لكي ننجح ، يجـب عـلـيـنـا أولا أن نؤمن أنه بـمـقـدورنـا تـحـقـيـق الـنـجـاح .

 ما يــستطيع الـعـقـل الـبشري إدراكه و الإيمان به ، تستطيع الإرادة البشرية تحقيقه .

 ليس هـنـاك شخـص يــشعر بالـسـعادة إلا إذا كان يـعـتـقـــد أنه ســـعـيد .

       

[warda girl]

موضوع حلو ملكا


اني شنو اريد؟
اني اريد طبعا السلام والطمأنينة والصحة في هذه الحياة

عايش ليش؟
والله خوش سؤال
علمود اشوف الحياة واتمتع بالشي الي دتقدمه النا لول

شلون اوصل الى الحياة؟
الانسان يوصل الى الحياة بالعزيمة والارادة والقدرة على تحدي مصاعب الدنيا


هبـدأ أخطط لحياتـي امتــه...؟؟؟
طبعا من يوم بدأ دراستي واني بديت بتخطيط حياتي ومستقبلي وراح نشوف وين راح اوصل

هشتغــل ايــــــه ....؟؟؟
طبعا بالشغل الي دا ادرسه حاليا واذا اشتغلنا غير شي هم ميخالف

هتجــوز يامتـــه....؟؟
هذا هم خوش سؤال
طبعا لمن اكون غير قادرة على صنع اي شي


هدفـك في حياتـك ايــه؟؟؟
هدفي هو حاليا انهاء دراستي



شكرا على الاسئلة ملكا

[البغدادية المهاجرة]

مساء الخير
شكرا يا اخ ملكا على هذا الموضوع وهي خوش اسئلة لان صحيح لازم ايكون للانسان هدف بل حياة مو  مجرد ناكل ونشرب ونفتر بس لازم انسوي شي بهاي الحياة علمود نعرف انه عشنة حياتنة بشي مفيد لان الله خلقنا علمود نشتغل وننتج ونجدد بهذا العالم  مثل ما هو خلق هذا العالم بطريقة عجيبة وانطانة الحياة وحبة النا لازم انقدر كل هذا الشي بكل شي انسوي خلال حياتنة الي دنعيشها  ولازم لكل واحد منة ايكون الة هذف بل حياة وانشاء الله كل واحد يوصل للهدف الي ايريدة ويحقق امنياتة بل حياة
وشكرا الك يا اخ ملكا وانشاء الله اتكون واصل الهدف الي اتريدة
مع تحياتي الك
البغدادية المهاجرة

[Malka]

شكرااا للمشاركة 

[كارولين-البغدادية]

موضوع حلو اخ ملكا..تعجبني هيجي اسالة ..


 بس اشو مصري ؟؟


اوكي رح اجاوب.. على الاسئلة ..


1 - اني شنو اريد؟

والله معرف شريد ..!!


2 - عايش ليش؟

خوش سؤال
هم معرف ليش عايشة.. مرات احس الدنيا ظلمة ولا عبالك عايشة بيها ..!!

3 - شلون اوصل الى الحياة؟

معرف.. بس اعتقد بالصبر كلشي ينحل ..!!!


4 - هبـدأ أخطط لحياتـي امتــه...؟؟؟

من دخلت للكلية..


5 - هشتغــل ايــــــه ....؟؟؟

هم معرف.. الزمن يحدد.. والضروف..!


6 - هتجــوز يامتـــه....؟؟
 
ههههه هذا خليه على صفحة.. خلي اكمل دراستي الاول وبعدين الله كريم..


7 - هدفـك في حياتـك ايــه؟؟؟

هدفي حاليا ان اكمل كليتي واروح للجامعة واخذ الماجستير وان اكون عند حسن ظن اهلي وكل من يحبني ..



الرب يحميكم

[ghada]

مرحبا ملكا و الجميع،

الموضوع طبعا مهم جدا، و سوف اقول لكم شيء جوهري قبل الغوص في التفاصيل.
ليس مهما ان تعلن اهدافك و تنشر احلامك لكل من يمر في الطريق، و لا ان تضع طائلا من الأفكار و البنود الصعبة والمعقدة على قصاصات ورق.   بل المهم ان تجلس مع نفسك كل يوم صباحا و تقرر ما تريد عمله في هذا اليوم وتتفق مع نفسك لا مع الناس ان هذا الطريق هو ما سيوصلك إلى الهدف. و احذروا الثرثرة فالأهداف تعتلن بعد تحقيقها و ليس قبل ذلك.

و للحديث بقية،

غاده

[Malka]

مرحبا ملكا و الجميع،

الموضوع طبعا مهم جدا، و سوف اقول لكم شيء جوهري قبل الغوص في التفاصيل.
ليس مهما ان تعلن اهدافك و تنشر احلامك لكل من يمر في الطريق، و لا ان تضع طائلا من الأفكار و البنود الصعبة والمعقدة على قصاصات ورق.   بل المهم ان تجلس مع نفسك كل يوم صباحا و تقرر ما تريد عمله في هذا اليوم وتتفق مع نفسك لا مع الناس ان هذا الطريق هو ما سيوصلك إلى الهدف. و احذروا الثرثرة فالأهداف تعتلن بعد تحقيقها و ليس قبل ذلك.

و للحديث بقية،

غاده

فى البداية اود اشكر جميع المشاركين  وانشالله تحقيق الى بالهم


غادة الوردة كلامك  صحيح  هدفى من هذا الموضوع هو ان كل منا ان يعرف نفسه وان يعرف مذا يريد فى الحياة هذا الموضوع مجرد تنبه كل واحد منا ان يفكر فى مستقبله فى كثير من شباب لا يفكرون فى المستقبل وانما يعيشون فى هذا اليوم كيف ما كان فى النهاية العمر يمضى ولا يجد نفسه ....بلتاكيد كل واحد يجب ان يفكر مع نفسه وليس مع للاخرين  شكرااا  لكم 

[مهند الكانون]

موضوع جميل أخي العزيز ملكا

هدفي في الحياة هو الاستقرار وضمان مستقبل اطفالي

رغم كل شيء يجب أن تستمر الحياة وأذا تلاشت أهدافك

فأجعل الأمل له مكان في قلبك وكل هذهِ الاشياء لن تكون في أعماقك

ولن تتحقق أذا لم يكون أساسك مبني على الصخرة والصخرة هي أيمانك .


ليحميكم الرب
أخوكم / مهند الكانون

[hewy]

اسئلة بالصميم خوني ملكا تسلم وعاشت ايدك

اني شنو اريد؟
ان اعيش بما يرضي ربي ويخلي عائلتي مرتاحة وتفتخر بي ويفرح قلبي

عايش ليش؟
اكيد كل واحد منا ينولد وهو مكلف برسالة يؤديها ....واحنا كل يوم نكتشف مهمة وهدف جديد حتى نعيش لاجله.


هبـدأ أخطط لحياتـي امتــه...؟؟؟
بديت اخطط نوعا ما من عرفت شنو تعني المسؤولية ...يعني من سنين طويلة لكن تعلمت انه احسن مخطط للحياة هو الله .يا ما غير خطط بحياتي لكن الصدق... اروع تخطيط هو ماخططه الله لحياتك

هشتغــل ايــــــه ....؟؟؟
اشتغلت فعلا الشغل اللي احبه وهو البرامج الانسانية ...واختصيت بمعالجة سؤء التغذية عند الاطفال وبرامج توعية وارشاد الكبار

هتجــوز يامتـــه....؟؟
لمن يخلص دوري الفردي حتى يبدا دور الكبل.....بالملخص لمن الله يريد

هدفـك في حياتـك ايــه؟؟؟
انه من اموت ميكون احد زعلان مني ولا مئذية احد والكل يذكرني بالخير وان اساعد مساعدة فعلية اكبر عدد ممكن من الناس 

[الزعيم مالك]

اني شنو اريد؟

هواية امور  اني اريدها صعب التكلم بها على النت

عايش ليش؟

 علمود اعيش واعمل وحقق كثير من الشغلات الي ببالي

هبـدأ أخطط لحياتـي امتــه...؟؟؟

اتصور من واحد يعرف معنى الحياة شنو  اكيد راح يخطط بالنسبة الي من زمان كنت اخطط لحياتي
ولكن الله هو الذي يسيرني ويخطط لي بنفس الوقت

هشتغــل ايــــــه ....؟؟؟
الحمدلله عندي شغل وربما اشغال ومرتاح بشغلي

هتجــوز يامتـــه....؟؟
عندما اكون نفسي اكثر وعندما القى الشريك المناسب للحياة


هدفـك في حياتـك ايــه؟؟؟
ان يرضى الله على اعمالي ويكون لي اصدقاء حقيقين في الحياة وهناك اهداف اخرى اتصور كل واحد منا عنده  هواية اهداف


شكرا ملكا لموضوعك الجميل فعلا وعاشت هل الافكار

الزعيـــــــــــــم

[nuhra]

شكرااا على الاسئلة خوني ملكا خوش اسئلة
اني شنو اريد؟
اريد السلام والطمانينة ترجع لبلدنا حتى نكدر نعيش بشكل طبيعي مثل كل الناس

 عايش ليش؟
عايشة حتى اشوف واعيش والمس الجمال اللي الله خالقة

هبـدأ أخطط لحياتـي امتــه...؟؟؟
هو كلشي بايد الله و مجرد التفكير خلال اليوم  شراح اسوي هو تخطيط لحياتي

هشتغــل ايــــــه ....؟؟؟
انشاء الله اتخرج واخذ ماجستير واشتغل بمجال دراستي

هتجــوز يامتـــه....؟؟
من يجي الوقت والشخص المناسب والله كريم بعد عندي دراستي اكملها

هدفـك في حياتـك ايــه؟؟
هدفي انه ربي يرضى عني بافعالي وعن حياتي

[Malka]

شكرااا  لمروركم  انشالله تحقيق اهدافكم

[لولو 90]

هاي ملكا
بس حبيت اجاوبك على الموضوع هو الاسئلة مالتك حلوة
والاجوبة صعبة لان كل واحد  بها الدنيا ميعرف شنو يسوي
ومحتار بحياته وياريت كل واحد يلكة اجوبة لهذه الاسئلة
شكرا

[roz mere]

عاشت ايدك ملكا موضوع جميل يسلمووووووو وراح اجاوب على الاسئلة اوكى
انا شنو اريد ؟

انا اريد ان اعيش حياتي سعيدة وان تكون ماما وبابا فرحانين بية  ويكونون فخورين بية اهم شي رضى الوالدين الك حتى تكدر تستمر  بحياتك وانت مرتاح 


2 - عايش ليش؟

عايشة لان ربي يريدني اعيش حتى استمتع بكل لحظة بحياتي واعيش يوم بيومة واحاول استمتع بي


3 - شلون اوصل الى الحياة؟

اوصل  للحياة بعزيمة وبالايمان  واكيد الصبر لان اني ما عندي صبر ابد احاول اكون صبورة والله كريم


4 - هبـدأ أخطط لحياتـي امتــه...؟؟؟

اكيد لمن اكمل دراستي
5 - هشتغــل ايــــــه ....؟؟؟

والله ما مقررة ليهسة لوووووووووووول  بس لا من صدك اني احب  علوم حاسبات احب اي شي يخص الحاسبة


6 - هتجــوز يامتـــه....؟؟

اكيد لمن يجيلي الشخص المناسب والي اكون مفتنعة بي  حتى اكدر اقضي بقية حياتي ويا 


7 - هدفـك في حياتـك ايــه؟؟؟

هدفي  هو اول شي ان اكمل دراستي  وان يكونون ماما وبابا راضين عليا انا هذا اهم شي عندي