عمان IOM

[العفرس]

اخواني و اخواتي السلام عليكم

 غدا ان شاء الله تعالى عندي المقابله الاولى في ال IOM عمان  و اريد استفسر من عندكم عن طبيعه هذي المقابله علما باني تقديمي هو مباشر على ال  IOM

والشغله الثانيه اللي اريد استفسر عليها هو : هل يوجد مكان مخصص للاطفال اثناء فتره الانتظار وهل يجب ان تكون العائله كلها موجوده اثناء المقابله يعني زوجتي واطفالي لازم يكونون داخلين وياي بالمقابله ؟؟

شاكر الكم سرعه الاجابه
تحياتي

[haider82]

حاليا في عمان المقابلة الاولى تعادل مقابلتين في السابق يعني صارت بنفس اليوم
ياخذون معلومات عن العائلة الميلاد والسكن في العراق والاردن و تاريخ الزواج .........
ونفس اليوم يسمعون قصتك
لا اعتقد يوج مكان خاص للاطفال واذا اكو غرفة صعب تعوفهم وحدهم
السؤال الاخير ترك لاني وحدي بالكيس لكن تكدر تخبرهم وتسال

[fddd]

السلام عليكم اخى بالنسبة لطبيعة المقابلات ومايدور بيها اكو موضوع مثبت فى قسم المواضيع المثبتة اعلى الصفحى عن المقابلات من الالف الى الياء مكتوب من قبل الاخ عكعك وكلش مفيد اما عن الاطفال فهم يكونون معك فى الغرفة بس يطوهم اقلام تلوين ورق لكى يرسمون وفى المقابلة الثانية الاطفال يكونون خارج الغرفة مع والدتهم اذكان الكيس باسمك والعكس اذكان باسم زوجتك تمنياتى لك بالموفقية

[osama5477]

اخي العزيز العفرس ، اني انشاء الله هم عندي مقابلة باجر وية ال IOM بس هاي الثانية الاولى بس جمع معلومات وتوقع على الملف ، اني هم تقديم مباشر وعندي طفل احر مرة من اجيت طبينه كلنه سوه يعني وية العائلة واني شوية اتعذبت بالطفل لأن ما قبلوا يدخلون العربانة والطفل يريد اينام وهرج المتطمة هرج ،

[ابو جيهان]

اخي الكريم
مبروك المقابلة وبالتوفيق انشاء الله
بالنسبة للمقابلة الاولى اول شي ياخذون بيهة المستندات و تقارير و اي شي يخص قضيتك يصورو
بعدين تدخل للمقابلة ياخذون تواريخك و كلشي يخص عائلتك وسيرتك الدراسية و العسكرية وكل شي من الصغر لحد الان
وهذه المقابلة تكون مع العائلة بالكامل وحتى لو كان رضيع هم يحضر و احتمال بهاي المقابلة ياخذولك صور و بصمات و وزن
المقابلة الثانية تكون مقابلة القصة وبيها راح تذكر قصتك الي قدمتها و هاي المقابلة تكون بمفردك
اما المقابلة الثالثة فهي مقابلة المحلف وتكون بوجود كامل العائلة
احتمال تعمل المقابلة الاولى والثانية سويا وهاذا ماحصل مع الكثير هذه الايام
علما انه حسب قول احد الاخوة قبل يومين كان هناك ناس قابلت مقابلة اولى وثانية ومحلفين بنفس اليوم والعهدة على الاخ ذاكر الخبر فيرجى الانتباه لان كلشي وارد هل الايام

دعواتنا لك بالتوفيق

اخوك ابو جيهان

[osama5477]

نعم اخي ابو جيهان اني شخصياً اعرف احد الأشخاص الي قابل كل المقابلات في يوم واحد وهذا كان الاسبوع الي فات واعطوه موعد استلام ضرف يوم 15-7 والشخص تقديم مباشر لكن الموضوع ان كل افراد عائلته انقتلوا في بغداد في يوم واحد دهلوا على بيتهم وقتلوهم كلهم حتى الطفل الي عمره سنه والي دا اتكلم عليه كان يعمل مترجم مع الجيش وحاليا يعاني من حالة نفسية جدا صعبة

[العفرس]

اشكر كل الاخوان اللي جاوبوني والله يوفقهم ان شاء الله وتتسهل امور الجميع ان شاء الله

تحياتي القلبيه