[ [ [ [ [ مــسؤول كلـــش چــبـــيــر..

[✪KlaRa ALmaRghi✪]

موضوعنا اليوم راح نتخيل فد مسؤول چبير كلش بالدوله أي بالحكومه العراقيه (وما نريد ندخل الموضوع بالنطاق السياسي)

نريد نتخيل شلون يعيش يوميه .. ويلا خلي أبدي أسولف ألكم ..

ترن ..ترن..طا طا .. طخ ..طخ .. طبعاً هاي كلها أصوات الموبيلات والمنبهات حتى يكعد حضرة المسؤول .. أي نعم سيدي هسه الساعه بالتسعه والنص صباحاً (ما ادري شبقه علظهر) ..
الله يخليك يا ريت تتكرم وتكعد من النوم حتى تشوف مصالح العالم ..

بعد عناء عنيء ..كعد حضرة المسؤول .. دخل للحمام غسل وجهم سته سبع مرات وجه يظل أسود (يا سبحان الله) ..

كعد يفرش أسنانه المسوسه .. على أئل من مهله هع هع ..
وولبس الشب شب مالته (لونه برتقماوي) .. ونزل يتريكً (يتنزقنب)

طبعاً الريوك مالته مأدبه مال ملوك بيض ست انواع كل انواع الجبن كيري وكرافت وبشيرا الفرنسي
وابو الولد وجبن عرب وكيمر حر .. ما عنده البقره الضاحكه لأن هو ما يحب احد يضحك بوجه ..

شرب نص قوري چاي ويه الريوكً (الله يكون بعونه ورا دوخة راس لازم يضبط الجمجمه)

رجع صعد الغرفته ..وكعد يبدل وطلع القاط الي مشتري بل300$ والحذاء والرباط ..
وساعه ونص بس يبدل عروس خوما عروس
لبس المناظر ..طلع براد بيت ..
ونزل يتمخطر.. وصاح .. خلي الحمايه تتحضر والسايق (أي مو انته رايح تقاتل) ..

طلع من الباب الرئيسي للبيت وأشتغلت اللواكًه صباح الخير سيدي ..شلونك سيدي .. أن شاء الله نوم كان هني .. الخ .. صعد ليوره .. وحده من السيارات المظلله .. طاط طاط أشتغلت أصوات السياره المزعجه
وما تمر دقايق الى أن يوصل المكتبه ...

المهم وصل وكعد على الكرسي مالته بل11 ونص .. (والله عمي شاغول)

أمرهم أني يجبون الكهوه مالته بسرعه .. وكعد ياكل كعك أبو السمسم بدون دهن ..

هسه وره هلتعب ... يجي يشوف المعاملات الي صارلهم 6 أشهر على مكتبه (مال مواطنين فقره)

ويبدي .. يقبل وحده ويرفض عشره .. حظك نصيبك .. ويوقع او يختم حسب الرغبه ..

وراها يبدي يخابر .. يشوف فلوسه الي دزها للبنكً وصلت .. والعماره الي بلندن وين وصل البناء مالتها .. ..
ما أكًلكً يظل على هاي الجره للظهر وما يسمع غير حان الاّن موعد صلاة الظهر
ينزل ركض للجامع يأدي الفريضه ..

وره ما صله ودعى انو يبقى على الكرسي طول العمر .. يرجع للمكتب مالته ..

يشوف سره المواطنين .. الي كاتلهم الشمس من ال3 الصبح .. طبعاً هوه ماله علاقه دخل للمكتب مالته
الي بي كل وسائل الراحه
سبلت طنين ونص .. فديو سي دي DVD >>
كرويته .. ستلايت ..براد مال مي .. الخ ..
رجع أستراح شوي .. صفن .. وره فتره أنتهى الدوام عنده وكال رجعوني للبيت ..

طبعاً يرجع للبيت وهو يتغده ويه العائله .. ويبدي التهمبل مالته اليوم أشتغلت شغل الا خرافي ميت تعب اني ..

رفضت هلكد عدد من المعاملات ..
طلبت اجازه الكم موظف .. وقعت 10 تواقيع ..ظليت أبواع على الشباك ساعه كامله

وراها يجر نفس وأوووووووووووووف طويله والله تعب ...

وعلى هلرنه كل يوم .. الى أن تمر فد 40 سنه يلا يطلع تقاعد ..
وراها يعين أبنه أبن أخته بمكانه ويصير
( خير خلف لخير سلف )

......................

هسه الموضوع شوي بي روح دعابه .. بس ليش هيج ؟
ليش محد ديشتغل ؟ ليش هلواسطات .. ومو بس بالعراق لا بكل مكان
المسؤول كلشي ما يشتغل مخلي منظر طبيبعي ..
وهذا الموضوع  منقوووووووووووووول 

[ღ♥ღ LoVely__87ღ♥ღ]

لووووووول

يســلمووو عزيزتي علــ موضوع

[angel_f]

هذا حال الدنيا مع الاسف....
مشكورة على الموضوع يا كلارريتا....
تحياتي Angel_F.

[shakar]

وعلى هلرنه كل يوم .. الى أن تمر فد 40 سنه يلا يطلع تقاعد ..
وراها يعين أبنه أبن أخته بمكانه ويصير
( خير خلف لخير سلف )
اي والله حجيج صدك وردة ويسلمووووو..

[NAHIL_TLKEFE]

عاشت ايدج عالموضوع

[m*r*e*n*a]

هذا حالنا  ويبقى هيجي دائما

يسلموو  حبي  على  موضوع

[✪KlaRa ALmaRghi✪]

منورين يااحلى ورود يسلمووووووووووووووو

[Romance Lover]

هههههههههههههههههههه

موضوع روعه شوشو عاشت ايدج دلبي

[✪KlaRa ALmaRghi✪]

منوره حب يسلموو للمرور الحلووو

[ستيفن الالقوشي]

يسلمو كلاريتا الوردة


دومج مميزة ومتالقة



تحياتي الج ستيفوووو

[✪KlaRa ALmaRghi✪]

تسلم ستيفو نورت الموضوع خووون

تحياتي