ܫܘܬܦܘܬܐ ܕܩܕܝܫܐ في شراكة القديسين

ܫܵܘܬܵܦܘܼܬܵܐ ܕܩܲܕܝܼܫܹ̈ܐ

ܟܘܼܪ ܐܲܦܸܣܩܘܿܦܵܐ ܓܝܼܘܲܪܓܝܼܣ ܬܐܘܿܡܵܐ
ܡܲܪܥܝܼܬܵܐ ܕܡܵܪܝ ܐܲܢܕܪܵܐܘܿܣ
ܕܥܹܕܬܵܐ ܕܡܲܕܢܚܵܐ ܕܐܵܬܘܿܪ̈ܵܝܹܐ. ܫܝܼܟܵܓܘܿ

ܡܝܲܩܲܪܬܵܐ ܕܩܲܕܝܼܫܹ̈ܐ ܗܘܝܼܬܵܐ ܝَܠܵܗܿ ܚܕܵܐ ܕܝܼܠܵܝܬܵܐ ܕܛܲܟܼܣܵܐ ܕܣܓܼܵܕܬܵܐ ܕܥܹܕܬܵܐ ܕܡܫܝܼܚܵܐ ܗܵܐ ܡܼܢ ܫܘܼܪܵܝܵܐ ܕܫܲܬܐܵܣܬܘܼܗܿ. ܒܪܵܒܵܐ ܛܲܟܼܣܹ̈ܐ ܕܥܹܕܵܬܹ̈ܐ ܫܠܝܼܚܵܝܹ̈ܐ ܫܸܡܵܢܹ̈ܐ ܕܩܲܕܝܼܫܹ̈ܐ ܟܹܐ ܦܵܝܫܝܼ ܗَܘܵܘ ܩܸܪ̈ܝܹܐ ܒܥܕܵܢܵܐ ܕܩܘܼܕܵܫܵܐ ܕܐَܪ̈ܵܙܹܐ ܩܲܕܝܼܫܹ̈ܐ. ܒܛܲܟܼܣܵܐ ܕܡܵܪܝ ܐܲܕܵܝ ܘܡܵܪܝ ܡܵܐܪܝܼ ܫܸܡܵܢܹ̈ܐ ܕܩܲܕܝܼܫܹ̈ܐ ܟܹܐ ܦܵܝܫܝܼ ܩܸܪܝܵܐ ܡܼܢ ܓܵܘ ܟܬܵܒܼܵܐ ܕܝܘܼܦܲܛܟܝܼܢ. ܝܵܘܡܵܢܹ̈ܐ ܕܝܼܠܵܢܵܝܹ̈ܐ ܦܝܼܫܠܗَܘܿܢ ܪܫܝܼܡܹܐ ܠܸܕܟܼܵܪܵܐ ܕܣܵܗ̈ܕܹܐ ܘܩܲܕܝܼܫܹ̈ܐ. ܟܲܕ ܥܹܕܬܵܐ ܦܪܝܼܣܠܵܗܿ ܘܩܵܕَܡ ܗܵܘܹܐܠܵܗܿ ܚܲܕَ ܫܘܼܠܛܵܢܵܐ ܪܘܼܚܵܢܵܝܵܐ ܩܸܢܛܪܘܿܢܵܝܵܐ ܗܵܝܓܵܗܿ ܡܘܼܬܸܒܼܠܵܗܿ ܩܵܢܘܿܢܹ̈ܐ ܩܵܐ ܦܪܵܫܬܵܐ ܘܝܵܗَܒܼܵܠܬܵܐ ܕܪܘܼܫܡܵܝܘܼܬܵܐ ܩܵܐ ܩܲܕܝܼܫܘܼܬܵܐ ܕܚܲܕَ ܦܲܪܨܘܿܦܵܐ. ܗܲܕܟܼܵܐ ܕܟܼܵܪܵܐ ܕܐܵܢܝܼ ܩܲܕܝܼܫܵܐ ܕܪܘܼܫܡܵܐܝܼܬ ܦܝܼܫܹܐ ܝܗَܘܵܘ ܫܘܼܪܸܪܹܐ ܘܡܘܼܟܫ̈ܛܹܐ ܒܥܹܕܬܵܐ ܦܝܵܫܵܐ ܝܗَܘܵܐ ܡܘܼܥܒܼܸܪܵܐ ܓܵܘ ܛܲܟܼܣܵܐ ܕܣܓܼܵܕܬܵܐ ܕܥܹܬܵܐ ܘܡܙܘܼܝܸܚܹܐ ܫܹܢَܬܵܐܝܼܬ. ܐܲܢܹ̈ܐ ܩܲܕܝܼܫܹ̈ܐ ܦܝܵܫܵܐ ܝܗܵܘܵܘ ܝَܕܝܼܥܹܐ ܐܲܝܟܼ ܛܘܼܦ̮ܣܵܐ ܕܕܗܲܝܡܵܢܘܼܬܵܐ ܡܫܝܼܚܵܝܬܵܐ. ܪܵܒܵܐ ܐَܢܵܫܹ̈ܐ ܥܝܵܕܝܵܐ ܟܹܐ ܐܵܙܠَܝܼ ܗَܘܵܘ ܒܫܵܘܦܵܦܹ̈ܐ ܕܐܲܩ̈ܠܹܐ ܕܩܲܕܝܼܫܹ̈ܐ. ܐܝܼܢܵܐ ܥܲܡ ܟܠܵܗܿ ܕܐܵܗܵܐ ܢܝܼܚܵܐ ܒܢܝܼܚܵܐ ܚܲܕَ ܓܘܼܒܵܐ ܥܲܡܘܼܩܵܐ ܐَܬܹܐܠܹܗ ܠܐܝܼܬܘܼܬܵܐ ܒܲܝܢܲܬ ܩܲܕܝܼܫܹ̈ܐ ܘܐَܢܵܫܹ̈ܐ ܥܝܵܕܵܝܹ̈ܐ
ܒܗܿܝ ܕܐَܢܵܫܹ̈ܐ ܗܲܡܘܼܢܹܐ ܝܗَܘܵܘ ܕܩܲܕܝܼܫܹ̈ܐ ܩܸܢܝܹܐ ܝَܢܵܐ ܦܘܼܪܩܵܢܵܐ ܡܫܝܼܚܵܝܵܐ ܒܘܼܬ ܐܵܗܵܐ ܫܘܼܪܹܐܠܗَܘܿܢ ܒܸܣܢܵܕܵܐ ܥܲܠ ܡܸܨܥܵܝܘܼܬܵܐ ܕܩܲܕܝܼܫܹ̈ܐ، ܨܲܠܘܼܝܹܐ ܩܵܬܵܝܗܝ ܘܡܝܲܩܘܼܪܹܐ ܠܫܟܼܝܼܢܵܝܵܬܵܝܗ̈ܝ
ܒܕܵܪܵܐ ܕܐܲܪܒܥܵܐ ܒܡܲܥܸܪܒܼܵܐ ܦܝܼܫܠܹܗ ܪܫܝܼܡܵܐ ܚܲܕَ ܝܵܘܡܵܐ ܠܸܕܟܼܵܪܵܐ ܕܟܵܠܝܗܝ ܩܲܕܝܼܫܹ̈ܐ ܡܸܚܕܵܕܹ̈ܐ. ܐܵܗܵܐ ܦܝܼܫܠܵܗܿ ܥܒܼܝܼܕܬܵܐ ܩܵܐ ܕܕܟܼܪܵܐ ܕܟܠܵܝܗܝ ܩܲܕܝܼܫܹ̈ܐ ܦܵܐܹܫ ܕܒܼܝܼܩܵܐ ܘܐܘܼܦ ܚܲܕَ ܠܵܐ ܦܵܐܹܫ ܫܒܼܝܼܩܵܐ ܕܠܵܐ ܕܘܼܟܼܪܵܢܵܐ ܘܐܘܼܦ ܙܹܐ ܩܵܐ ܕܒܐܝܼܩܵܪܵܐ ܚܫܝܼܚܵܐ ܕܟܼܵܪܵܐ ܕܩܲܕܝܼܫܹ̈ܐ ܦܵܐܹܫ ܕܒܼܝܼܩܵܐ.
ܐܲܚܢܲܢ ܠܹܐ ܨܲܠܲܚ ܩܵܐ ܩܲܕܝܼܫܹ̈ܐ، ܐܝܼܢܵܐ ܟܹܐ ܫܲܩܠܲܚ ܚܲܝܠܵܐ ܘܣܢܲܕܬܵܐ ܪܘܼܚܵܢܵܝܬܵܐ ܡܼܢ ܕܐܲܢܹ̈ܐ ܓܲܢَܒܵܪܹ̈ܐ ܕܗܲܝܡܵܢܘܼܬܲܢ ܡܫܝܼܚܵܝܬܵܐ. ܩܲܕܝܼܫܹ̈ܐ ܟܹܐ ܝܲܗَܒܼܝܼ ܠܸܒܵܐ ܩܵܐ ܡܫܝܼܚܵܝܹ̈ܐ ܡܗܘܼܡܢܹ̈ܐ ܟܠ ܐܝܼܡܲܢ ܕܟܹܐ ܢܲܦܠܝܼ ܓܵܘ ܐܘܼܠܨܵܢܵܐ ܒܡܸܬܚܵܐ ܕܚܲܝܘܼܬܵܝܗܝ ܐܲܪܥܵܢܵܝܬܵܐ. ܪܵܒܵܐ ܥܹܕܵܬܹ̈ܐ ܟܹܐ ܡܙܲܝܸܚܝܼ ܠܕܘܼܟܼܪܵܢܵܐ ܕܩܲܕܝܼܫܹ̈ܐ ܩܵܐ ܕܝܵܠܦܝܼ ܡܼܢ ܚܲܝܘܼܬܵܐ ܕܩܲܕܝܼܫܹ̈ܐ ܕܵܐܟܼܝܼ ܚܲܝܝܼ ܒܕܸܟܼܝܘܼܬܵܐ ܘܒܩܲܕܝܼܫܘܼܬܵܐ ܥܲܠ ܐܲܪܥܵܐ.
ܒܗܿܝ ܕܩܲܕܝܼܫܹ̈ܐ ܒܢܘܼܢܹ̈ܐ ܘܒܢܵܬܹ̈ܐ ܕܥܹܕܬܵܐ ܝَܢܵܐ ܒܲܣ ܕܘܼܟܼܪܵܢܵܐ ܕܩܲܕܝܼܫܹ̈ܐ ܚܲܕَ ܙܘܼܝܵܚܵܐ ܥܹܕܬܵܢܵܝܵܐ ܝَܠܹܗ ܘܘܵܠܹܐ ܕܦܵܐܹܫ ܕܡܙܘܼܝܸܚܵܐ ܒܥܹܕܬܵܐ ܘܓܵܘ ܥܘܼܡܪ̈ܵܢܹܐ ܕܥܹܕܬܵܐ ܒܲܫܗܪܵܐ ܘܒܨܵܘܡܵܐ ܘܒܨܠܘܼܬܵܐ ܘܒܩܲܕܲܫܬܵܐ ܕܐَܪ̈ܵܙܹܐ ܕܩܘܼܪܒܵܢܵܐ ܩܲܕܝܼܫܵܐ ܛܲܟܼܣܵܢܵܐܝܼܬ. ܒܘܼܬ ܐܵܗܵܐ ܕܘܼܟܼܪܵܢܵܐ ܕܩܲܕܝܼܫܹ̈ܐ ܘܵܠܹܐ ܕܠܵܐ ܗܵܘܹܐ ܡܘܼܠܟ ܕܚܕܵܐ ܟܘܼܠܦܲܬ ܐܵܘ ܚܕܵܐ ܡܵܬܵܐ ܐܵܘ ܚܲܕَ ܫܵܘܛܵܐ ܘܦܵܐܹܫ ܕܒܼܝܼܩܵܐ ܓܵܘ ܒܲܝܬܵܐ ܐܵܘ ܒܚܲܕَ ܟܲܪܡܵܐ ܒܕܸܫܬܵܐ ܘܒܛܘܼܪ̈ܵܢܹܐ ܒܐَܟܼܵܠܬܵܐ ܘܫܬܵܝܬܵܐ ܘܒܪܸܩܕܵܐ ܘܫܘܵܪܵܐ ܘܒܩܵܠܐ ܕܙܘܼܪܢܵܐ ܘܕܵܘܘܿܠܵܐ. ܥܒܼܵܕܬܵܐ ܕܗܲܕܟܼܵܐ ܥܵܒܼܘܿܕܘܼܝܵܬܹ̈ܐ ܒܝܵܘܡ ܕܘܼܟܼܪܵܢܵܐ ܕܚܲܕَ ܩܲܕܝܼܫܵܐ ܒܸܬ ܡܲܒܸܨܸܪܝܼ ܡܼܢ ܐܝܼܩܵܪܵܐ ܕܕܘܼܟܼܪܵܢܵܐ ܕܗܿܘ ܩܲܕܝܼܫܵܐ.
ܡܗܘܼܡܢܹ̈ܐ ܗܵܐ ܡܼܢ ܕܵܪܵܐ ܩܲܕَܡܵܝܵܐ ܕܡܫܝܼܚܵܝܘܼܬܵܐ ܫܘܼܪܹܐܠܗَܘܿܢ ܒܸܚܙܵܝܵܐ ܕܦܲܓܼܪܵܐ ܕܩܲܕܝܼܫܹ̈ܐ ܒܸܥܒܼܵܕܵܐ ܝَܢܵܐ ܥܵܓ̰ܸܒܘܼܝܵܬܹ̈ܐ. ܩܵܐ ܛܘܼܦ̮ܣܵܐ ܪܵܒܵܐ ܦܲܓܼܪܹ̈ܐ ܕܩܲܕܝܼܫܹ̈ܐ ܡܼܢ ܚܲܝܠܵܐ ܕܐܲܠܵܗܵܐ ܠܵܐ ܩܝܼܕܠܗَܘܿܢ ܐܝܼܡܲܢ ܕܦܝܼܫܠܗَܘܿܢ ܪܘܼܦܹܐ ܒܐܵܬܘܿܢܵܐ ܕܢܘܼܪܵܐ ܒܝܲܕ ܕܸܫܡܸܢܹ̈ܐ ܕܡܫܝܼܚܵܝܘܼܬܵܐ. ܦܝܼܫܠܵܗܿ ܚܙܝܼܬܵܐ ܕܩܲܕܝܼܫܹ̈ܐ ܒܚܲܕܘܼܬܵܐ ܪܲܒܬܵܐ ܩܲܒܘܼܠܹܐ ܝܗَܘܵܘ ܓ̰ܘܼܢܓ̰ܵܪܹ̈ܐ ܡܫܲܚܸܠܦܹ̈ܐ ܡܼܢ ܟܲܡܪ̈ܵܢܹܐ ܕܬܵܘܕܝܼܬܵܐ ܡܫܝܼܚܵܝܬܵܐ.
ܒܕܵܪܵܐ ܬܠܝܼܬܵܝܵܐ ܡܗܘܼܡܢܹ̈ܐ ܫܘܼܪܹܐܠܗَܘܿܢ ܠܡܙܲܝܘܼܚܹܐ ܠܕܘܼܟܼܪܵܢܵܐ ܕܣܵܗ̈ܕܹܐ ܘܩܲܕܝܼܫܹ̈ܐ. ܗܲܕܟܼܵܐ ܟܸܢܫܵܐ ܓܘܼܪܵܐ ܕܡܗܘܼܡܢܹ̈ܐ ܟܹܐ ܟܲܦܫܝܼ ܗَܘܵܘ ܠܐܲܝܟܵܐ ܕܦܲܓܼܪܵܐ ܕܩܲܕܝܼܫܹ̈ܐ ܦܝܵܫܵܐ ܝܗَܘܵܘ ܡܘܼܬܒܼܹܐ. ܐܵܢܝܼ ܐَܢܵܫܹ̈ܐ ܕܟܹܐ ܟܲܦܫܝܼ ܗَܘܵܘ ܥܲܠ ܫܟܝܼܢܵܬܹ̈ܐ ܘܩܲܒܼܪ̈ܵܘܵܬܹܐ ܕܩܲܕܝܼܫܹ̈ܐ ܟܹܐ ܨܲܠܝܼ ܝܗَܘܵܘ ܕܒܲܣܡܝܼ ܡܼܢ ܡܲܪܥܵܝܗܝ، ܕܦܵܝܼܫܝܼ ܦܘܼܚܠܹܐ ܚܛܝܵܬܵܝܗܝ، ܦܵܝܫܝܼ ܢܛܝܼܪܹܐ ܡܼܢ ܕܸܫܡܸܢܵܝܗܝ. ܪܵܒܵܐ ܒܲܟܼܬܵܬܹ̈ܐ ܕܠܲܝܬ ܗَܘܵܘ ܠܗَܘܿܢ ܒܢܘܼܢܹ̈ܐ ܘܒܢܵܬܹ̈ܐ ܟܹܐ ܨܲܠܹܐ ܗَܘܵܘ ܘܟܹܐ ܛܲܠܒܝܼ ܝܗَܘܵܘ ܙܲܪܥܵܐ ܡܼܢ ܩܲܕܝܼܫܹ̈ܐ. ܫܟܼܝܼܢܵܬܹ̈ܐ ܕܩܲܕܝܼܫܹ̈ܐ ܗܘܹܐܠܗَܘܿܢ ܚܲܕَܟܡܵܐ ܕܘܼܟܵܢܹ̈ܐ ܩܲܕܝܼܫܹ̈ܐ ܥܲܠ ܐܲܪܥܵܐ ܘܦܠܝܼܚܠܗَܘܿ ܥܵܓ̰ܸܒܘܼܝܵܬܹ̈ܐ ܓܵܘ ܥܵܠܡܵܐ. ܗܲܕܟܼܵܐ ܢܝܼܚܵܐ ܒܢܝܼܚܵܐ ܣܲܚܒܲܪܬܵܐ ܕܐَܢܵܫܹ̈ܐ ܥܲܠ ܫܚܝܼܢܵܬܹ̈ܐ ܕܩܲܕܝܼܫܹ̈ܐ ܚܲܕَ ܗܵܕܟܼܵܐ ܙܝܼܕܠܵܐ ܕܥܹܕܬܵܐ ܬܘܼܚܡܸܢܵܗܿ ܒܡܲܩܝܵܡܬܵܐ ܕܡܲܕܒܚܹ̈ܐ ܘܒܢܵܝܬܵܐ ܕܥܘܼܡܪ̈ܵܢܹܐ ܥܲܠ ܫܟܝܼܢܵܬܹ̈ܐ ܘܩܲܒܼܪ̈ܵܘܵܬܹܐ ܕܩܲܕܝܼܫܹ̈ܐ. ܡܼܢ ܫܟܼܝܼܢܵܬܹ̈ܐ ܘܩܲܒܼܪ̈ܵܘܵܬܹܐ ܕܩܲܕܝܼܫܹ̈ܐ ܐܘܼܦ ܙܹܐ ܦܝܼܫܠܗَܘܿܢ ܫܩܝܼܠܹܐ ܚܲܕَܟܡܵܐ ܩܸܛܥܵܛܹ̈ܐ ܘܡܘܼܬܒܼܹܐ ܒܒܸܢܝܵܢܹ̈ܐ ܕܥܘܼܡܪ̈ܵܢܹܐ ܚܲܕܬܹ̈ܐ ܕܦܝܵܫܵܐ ܝܗَܘܵܘ ܒܸܢܝܹܐ ܒܡܕܝܼܢܵܬܹ̈ܐ ܘܒܡܵܬܘܵܬܹ̈ܐ. ܐܵܗܵܐ ܡܘܼܥܒܼܸܕܠܵܗܿ ܕܟܠ ܡܕܝܼܢَܬܵܐ ܘܟܠ ܡܵܬܵܐ ܗܵܘܹܐܠܵܗܿ ܩܲܕܝܼܫܵܐ ܕܝܼܠܵܢܵܝܵܐ ܕܓܵܢܘܼܗܿ. ܟܠ ܡܵܬܵܐ ܘܡܕܝܼܢَܬܵܐ ܫܘܼܪܹܐܠܵܗܿ ܡܙܲܝܘܼܚܹܐ ܠܫܲܗܪܵܐ ܘܕܘܼܟܼܪܵܢܵܐ ܕܓܵܢܘܼܗܿ.
ܐܝܼܩܵܪܵܐ ܩܵܐ ܫܟܼܝܼܢܬܵܐ ܕܩܲܕܝܼܫܹ̈ܐ ܗܵܕܵܐ ܙܝܼܕܠܵܗܿ ܓܵܘ ܥܹܕܬܵܐ ܩܵܐ ܕܡܲܬܲܒܼܬܵܐ ܕܫܟܼܝܼܢܬܵܐ ܒܡܲܕܒܚܵܐ ܕܥܘܼܡܪ̈ܵܢܹܐ ܗܘܹܐܠܵܗܿ ܩܵܢܘܿܢ. ܥܹܕܬܵܐ ܒܝܵܘܡ ܕܘܼܟܼܪܵܢܵܐ ܕܩܲܕܝܼܫܹ̈ܐ ܡܙܲܝܘܼܚܹܐ ܝَܠܵܗܿ ܠܫܘܼܢܵܝܵܐ ܕܐܵܢܝܼ ܡܝܼܬܠܗَܘܿܢ ܒܩܲܕܝܼܫܘܼܬܵܐ ܒܗܲܝܡܵܢܘܼܬܵܐ ܫܲܪܝܼܪܬܵܐ ܒܡܵܪܲܢ ܝܼܫܘܿܥ ܡܫܝܼܚܵܐ. ܩܵܬܘܿܠܝܼܩܵܝܹ̈ܐ ܟܹܐ ܗܲܡܸܢܝܼ ܕܟܠܵܝܗܝ ܐܵܢܝܼ ܕܡܲܢܝܸܚܝܼ ܒܩܲܕܝܼܫܘܼܬܵܐ ܚܲܕَܪܹܫܵܐ ܟܹܐ ܫܲܢܝܼ ܡܼܢ ܡܵܘܬܵܐ ܠܚܲܝܹ̈ܐ ܐܵܒܵܕܝܼܢܵܝܹ̈ܐ ܘܟܹܐ ܚܲܝܝܼ ܥܲܡ ܡܵܪܲܢ ܝܼܫܘܿܥ ܡܫܝܼܚܵܐ ܒܡܲܠܟܘܼܬܵܐ ܕܫܡܲܝܵܐ. ܒܘܼܬ ܐܵܗܵܐ ܘܵܠܹܐ ܕܗܵܘܝܼ ܟܵܡܝܼܠ ܒܩܲܕܝܼܫܘܼܬܵܐ ܕܠܵܐ ܠܲܟܵܐ ܡܼܢ ܩܵܕَܡ ܕܟܵܠܝܼ ܩܵܕَܡ ܗܕܝܼܪܘܼܬܵܐ ܕܡܵܪܲܢ ܝܼܫܘܿܥ ܡܫܝܼܚܵܐ ܒܡܲܠܟܘܼܬܵܐ ܕܫܡܲܝܵܐ.
ܨܠܘܵܬܹ̈ܐ ܘܐَܪ̈ܵܙܹܐ ܕܟܹܐ ܦܵܝܫܝܼ ܡܘܼܩܪܸܒܼܹܐ ܡܼܢ ܓܹܒܵܐ ܕܐܵܢܝܼ ܕܟܹܐ ܫܵܢܝܼ ܡܼܢ ܕܐܲܢܹ̈ܐ ܚܲܝܹ̈ܐ ܠܚܲܝܹ̈ܐ ܐܵܒܵܕܝܼܢܵܝܹ̈ܐ ܟܹܐ ܗܲܝܸܪܝܼ ܪܵܒܵܐ ܩܵܐ ܐܵܢܝܼ ܕܒܸܣܦܵܪܵܐ ܝَܢܵܐ ܕܥܵܒܼܪܝܼ ܟܵܠܝܼ ܩܵܕَܡ ܬܪܘܿܢܘܿܣ ܕܡܵܪܲܢ ܝܼܫܘܿܥ ܡܫܝܼܚܵܐ ܒܡܲܠܟܘܼܬܵܐ ܕܫܡܲܝܵܐ.