المحرر موضوع: مابعد استلام الظرف 11/7 __ عمان (زيارة 179929 مرات)

ستروبري · « **في:** 15:18 12/07/2009 »

اخواني واخواتي ارجو من كل شخص استلم القبول والحمد الله ان يكتب في هدا الموضوع ما سيحصل في الايام القادمة من فحوصات او موافقات امنية او تحديد ولاية او مواعيد سفر انشاء الله وشكرا لتعاونكم

جعفر ___ عمان

كمال الشاطيء · « **رد #1 في:** 16:15 12/07/2009 »

ان شاء الله يسهل امر الجميع ويسافرون ويرتاحون

الحلاويه · « **رد #2 في:** 18:18 12/07/2009 »

ان شاء الله اخويه جعفر اني اليوم ساعه 3\ونص خابروني على الفحوصات وكالولي باجر روحي على الخالدي ماعرف انت سويت فحص لو بعدك

toofy · « **رد #3 في:** 18:26 12/07/2009 »

اخويه جعفر عبالك كاعد بقلبي ....اني اليوم ردت اعرف شلون راح نتواصل بعد ما اخذنه الظرف
بالنسبه اللي اني مكمل فحوصات من زمان وهاي هيه يعني هم ورانه بعد حصبه وجدري لو خلصنه؟
تحياتي toofy من عمان

ستروبري · « **رد #4 في:** 23:02 12/07/2009 »

اختي الحلاوية اني سويت فحص الاسبوع الفات والحمد الله

اخوية توفي القلوب سواجي مثل ما يكولون ومال ورانة حصبة وجدري فأكيد بس نرجع ونكول من الله التساهيل وانشاء الله نسافر بأسرع وقت ونرتاح

Baguncero · « **رد #5 في:** 01:12 13/07/2009 »

أخوان السلام عليكم ورحمة الله وبركاته
أني فاحص بمصر ومكمل مناك المحلفين و جيت لعمان وأستلمت النتيجة شفهية من الموظف يوم السبت وياكم والحمد لله موافقة
ورح أسافر لحين مايخابرون علة البيت ويكولولهم تعالو دورة ارجع ان شاء الله لأن شغلي بالبحر .... وبلغت المنظمة بأيميل رسمي
أنتو هنا بعمان ... شتتوقعون شكد وتجينة الأمنية ان شاء الله؟؟
أرجو أفادتي كي احسب حساباتي في العمل ولكم مني كل الحب

أخوكم

Baguncero

roea · « **رد #6 في:** 02:10 13/07/2009 »

اخواني الاعزاء

أني اليوم رحت سويت أول يوم من الفحص الطبي و بعد أكو موعد ثاني
و سمعت من الناس الموجودين أنو ألي مأخذين بصماتهم من المقابلة الاولى رح توصلهم الموافقة الامنية أسرع من إلي أخذوا بصماتهم بيوم مقابلة المحلفين لأن الموافقة الامنية تعتمد على البصمات
مال الشخص هذا هم شوية ينطينا امل من ناحية ان الوقت جان ديمر على الامنية و أحنا ما جنا حاسين و لا جنا نعرف وأن شاء الله خير على الكل .

للعلم أني أخذوا بصماتي بالمقابلة الاولى و إلي جانت في يوم 31\5\2009

أختكم روية \ عمان

toofy · « **رد #7 في:** 10:13 13/07/2009 »

شلونكم جماعة 11 /7
اني المتفائل جدا البارحه اتصلت بمصر !!!!
طبعا سدتهه بوجهي الاخت وكالمعتاد من اللي عرفناه بالمنتدى كالتلي لسه مكتش والولايه لسه متحددتش

بس اني ماخذين بصماتي ويه المحلفين مو من المقابله الاولى مع الاسف
يلله كلكم جربو اتصلو على مصر وكولولنه شتجاوبكم الاخت
ان شاء الله كلنه سفر قريب يا رب ونخلص من هالهم
تحياتي toofy

ستروبري · « **رد #8 في:** 10:48 13/07/2009 »

اني هم البارحة خابرت على مصر وكلمعتاد مكدش ومتحددش علما انو اني اخدو بصامتي يوم مقابلة المحلفين 29/6
شكرا اخت روية على المعلومات المفيدة

هلهول · « **رد #9 في:** 17:52 13/07/2009 »

السلام عليكم اخوان اني من جماعه استلام الضرف يوم 11_7 واستلمت الضرف بالموافقه الحمدلله بس اني سويت الفحص الطبي من قبل اسبوعين او خابرت للكفيل مالتي باميركا كلي انو مخابري اهناك علمود اييروح ايوقع على الاوراق مالتي يوم الاربعاء.اوكي اخوان باااااااي اني من عمان

toofy · « **رد #10 في:** 12:21 15/07/2009 »

صباح الخير اخواني واخواتي جماعة 11/7
شنو الاخبار اشو لا جديد

برايكم يا يوم احسن نتصل عالامنيه الاحد لو الخميس ؟يعني بداية الاسبوع لو بنهايته؟
زين محد اتصلو بيه عالدورة ؟اخوان دائما خلونه up to date بالنسبه للي ديصير وياكم
تحياتي toofy

ستروبري · « **رد #11 في:** 18:30 17/07/2009 »

لا جديد

ستروبري · « **رد #12 في:** 13:04 18/07/2009 »

صدك اشو كلش سكتة شنو القصة

roea · « **رد #13 في:** 13:13 18/07/2009 »

بالنسبة إلي أني هم لا جديد $:-\$

و أختي الحلاوية هم لا جديد بس شوية اللابتوب مالتها عاطل هاي الايام أعذروها

روية \ عمان

myiraq · « **رد #14 في:** 13:41 18/07/2009 »

مرحبا ...
والله انا هم ماكو شي جديد...بس انا اعتقد انه وجبة 4/7 تخلص وبعدين احنه ...او ممكن لا...والله الواحد ما يعرف شنو اولوياتهم..بس احنه بعدنا جدد...^_^...والله كريم

اختكم myiraq ..عمان

iraqi83 · « **رد #15 في:** 17:46 18/07/2009 »

والله اني سمعت من شخص من جماعه 11\7 بانه منطيه موعد سفر نهايه هل الشهر
الله كريم انشاء الله خير

toofy · « **رد #16 في:** 17:59 18/07/2009 »

اني صديقي ويايه استلم الظرف متصلين بالكفيل مالته ....بس اني ما عندي كفيل ...اعتمادنه على الله وحده ...والله كريم....بس اهم شي همه ديشتغلون وما تاركينه
تحياتي toofy

roea · « **رد #17 في:** 18:07 18/07/2009 »

أخوية toofy
؟؟؟؟ يعني صديقك أستلم الظرف مالته ويانا يوم 11\7 ؟؟؟
زين هو الكفيل مالته وين يا ولاية ؟؟؟ و هل هو لوحده عزابي لو عنده عائلة وياه
ياريت تفهمنا ؟؟؟

روية \ عمان

toofy · « **رد #18 في:** 19:36 18/07/2009 »

اي اختي رويه هو استلم ويانه وعنده عائله من 6 اشخاص ولاية كفيله تنيسي .....
تحياتي toofy

roea · « **رد #19 في:** 00:08 19/07/2009 »

شكرا أخوية toofy

على التواصل
يارب يوم ألـ ألنا يحددون الولاية
أو يتصلون بالكفيل

روية \ عمان

ورد القرنفل · « **رد #20 في:** 00:35 19/07/2009 »

صدك سوال يايوم احسن شي يجاوبون على الاسئله من نخابرعلى الاي او ام كل مره يحجون شي ارجو من الي يعرف يجاوبنا

ستروبري · « **رد #21 في:** 13:42 19/07/2009 »

مرحبا اخواني وخواتي هليوم اتصلت بمصر واكيد الجواب متحددش و مكتش عادي
هاي اخر الاخبار
وشكرا

iraqi83 · « **رد #22 في:** 19:15 19/07/2009 »

والله اني اليوم خابرت عمان
وياريت ممخابر
طلعلي رجال وهاي اول مرة تصير وجان يكلي لسوووووء الحظ مجايه الوافقه
حجاه عبالك ديكلي أأأيس
اسبوع الخ نخابر علمصر والله كريم
موفقين الكل انشاء الله

From amman · « **رد #23 في:** 19:24 19/07/2009 »

مرحبا اخوان اني من عمان وحبيت اشارك وياكم وافيد واستفيد
احنة استلمنة الظرف همين يوم 11-7 والحمدولله جانت موافقة
وبعدين وراها ب5 ايام الي صادف يوم 15-7 خابرونا عالدورة التثقيفية
الي كلولنا يوم 19 و20 و21
واليوم جان اول يوم النا,,وقسم من الي ويانا تحددلهم موعد السفر
وان شالله الخير للكل

[/b]

Baguncero · « **رد #24 في:** 19:37 19/07/2009 »

أخي اعزيز from amman تحية طيبة
ممكن تكلي انتة شوكت قابلت المحلفين؟؟ وهل انت توطين أم مباشر علة ال iom؟؟

بالتوفيق ان شاء الله وسرعة السفر

أخوك

Baguncero

iraqi83 · « **رد #25 في:** 19:41 19/07/2009 »

والله خويه انطيتنه امل مو طبيعي الف مبروك وموفق انشاء الله
و اني سامع بصراحه من جهه ثقه حييييل
كالوا الكل لازم تتصفه قبل شهر 9 لو اي لو لا
بعد ما اعرف كله بيد الله
بس دا الاحظ مقابلات جديده ماكو فاعتقد الكلام صحيح
بعد شوكت يخابرونه على الدورة التثقيفيه مندري؟؟ بس ياريت نعرف اذا مخابرين على احد
مع العلم اني جماعه 11\7 ساعه 8 الصبح

ستروبري · « **رد #26 في:** 20:39 19/07/2009 »

اخواني صدك اني هم سمعت بنية اصدقائنة خابروه على الدورة التثقيفية وهي هم من جمتعة استلام الظرف 11 / 7 بس هي ما راحت اني هم استغربت على السرعة الي تم بيه كلشي ومتا افتهم على شنو يستندون ومن شوكت تبدي الامنية تتجيك والا شلون اول ما يستلمون الظرف او بعده بأسبوع ينطون مواعيد سفر علما انو البنية جانت بحدهة عموما يا ريت احد يكدر يفهمني شوكت تبدي الموافقة الامنية تتجيك بعد موافقة المحلف لو بعد استلام الظرف وشكر

جعفر ------ عمان

haider82 · « **رد #27 في:** 21:47 19/07/2009 »

اخوية جعفر الامنية اكيد من يوم المحلفين تبدي او يوم البصمات .
اكو ناس انطوهم موعد سفر قبل استلام الظرف .

toofy · « **رد #28 في:** 11:13 20/07/2009 »

اخويه جعفر مثل ما كالو الاخوه رويه وحيدر من يوم اللي اخذو بصماتك بدت الموافقه الامنيه تاخذ مجراهه
يعني اني راح يصير شهرين من اخذو بصماتي ولسه مجتش المحروسه

والله حيره شنو اللي يمشي اسرع بكفيل لو بدون كفيل ..........اذا صدك يصفونه منا للتاسع هاي خوش اخبار بس اذا لا فكلش حيره

تحياتي toofy

From amman · « **رد #29 في:** 18:27 20/07/2009 »

ان شالله للكل يا ربي احنة جانت مقابلة المحلفين يوم 28-5-2009
والفحص خابورنا يوم 9-6 و 8-6
بس همة شوية يطولون الا ان تجي الموافقة الامنيه قسم تطول قسم لا
هسة احنة بمرحلة الختم الي هية اخر مرحلة
واي سؤال اني حاضر

[/b][/size]

starxb · « **رد #30 في:** 18:49 20/07/2009 »

اخي العزيز فروم عمان الف مبروك وانشاءالله يوم ختم الملف ودوره تثقيفيه والسفر عن قريب .وبالتوفيق .

اخوك ابو مريم من سوريا

iraqi83 · « **رد #31 في:** 18:57 20/07/2009 »

اخي From amman
الي وياك بالدورة كلهم جماعه 11\7 لو عدد قليل منهم؟؟؟؟واشكد الناس بالدورة بصورة عامه؟؟؟
بلكي الله مقسمينه مجاميع ومن تخلص هاي الوجبه يبلشون بالخ
بس اني لحد الان ممخابرين الكفيل ما اعرف شوكت ناوييين

myiraq · « **رد #32 في:** 19:05 20/07/2009 »

مرحبا شلونكم...
اليوم اتصلت بمصر والموظفة كالتلي انه الموافقه الامنية مالتي جايه وباقيه على ختم الملف بس اختي اللي انا وياها رابط قوي لهسه مجاية موافقتها الامنية...
اختكم Myiraq
عمان

From amman · « **رد #33 في:** 20:32 20/07/2009 »

والله اخوية الحقيقة ماعرف اذا جانو وياية من استلمو الظرف تدري كومة ناس والواحد ميلحك بس همة بيهم 30 نفر واكو شعبة اللخ لانه بالمحاضرات تصير مثل صفوف على مدى 3 ايام و5 ساعات باليوم واي سؤال اني حاضر

Baguncero · « **رد #34 في:** 20:41 20/07/2009 »

الأخ العزيز From Amman
شكرآ جزيلآ لكم على المعلومات أتمنى لك من أعماق قلبي السفر السريع الآمن والموفقية لك وللأسرة والسعادة في أرض الأمل

أخوكم

Baguncero

ستروبري · « **رد #35 في:** 01:02 21/07/2009 »

الف مبروك للي حصلو على الموافقة الامنية وللي حصلو على دورة تثقيفية وانشاء الله مواعيد سفر قريبة لكل جماعة 11/7 والي اني منهم الله يوفق الجميع انشاء الله علما انو اني لسة متحددددددددددش ولا كتششششششششش

myiraq · « **رد #36 في:** 10:14 21/07/2009 »

مرحبا ... طبعا اليوم اتصلت بمصر حتى اسأل عن امنية اختي بس مع الاسف مكتشششششش ...
الله كريم ان شاء الله الايام المقبلة خير على الجميع .... هسة لو يعطونا دورة تثقيفية حتى شوي ننشغل بيها عن الامنية ... الحمد لله والشكر على كل شيء ..

اختكم myiraq

ستروبري · « **رد #37 في:** 14:51 21/07/2009 »

اخواني والله حيرة رح يصير شهر من مقابلة المحلفين والي جانت يوم 29 / 6 لي هسة ما مخابرين الكفيل ما اعرف شنو القصة بس الصدك ضل بالي علما انو اني استلمت الموافقة يوم 11 / 7 واكو هواية ناس سمعت وراة مقابلة المحلفين بشكم يوم خابرو الكفلاء او بعد الفحص الطب بس اني الي محيرني انو لا حس ولا خبر بس ندعي الله يفرجه علينة كلنة وما عدنة غير الانتضار

وشكرا

iraqi83 · « **رد #38 في:** 19:18 21/07/2009 »

والله اني اليوم خابرت مصر
وكالوا لا متصلين بكفيل والامنيه بعده مجايه
فالقلق صار يمي فووووول كلت منا لسنه اني كاعد
بس اخر شي الموظفه حجت حجايه بيه خير
كالت كل اسبوعين خابرنه
معناه اكو امل كل اسبوعين تجي مجموعه موافقات

الله كريم انشاء الله كلنه نستقر ونخلص من هل السالفه

haider82 · « **رد #39 في:** 19:52 21/07/2009 »

مقتبس من: jafarmaysam في 14:51 21/07/2009

اخواني والله حيرة رح يصير شهر من مقابلة المحلفين والي جانت يوم 29 / 6 لي هسة ما مخابرين الكفيل ما اعرف شنو القصة بس الصدك ضل بالي علما انو اني استلمت الموافقة يوم 11 / 7 واكو هواية ناس سمعت وراة مقابلة المحلفين بشكم يوم خابرو الكفلاء او بعد الفحص الطب بس اني الي محيرني انو لا حس ولا خبر بس ندعي الله يفرجه علينة كلنة وما عدنة غير الانتضار

وشكرا

اخوية جعفر الاتصال بالكفيل تحصيل حاصل صحيح اكو ناس قبل الموافقة بس انت مقابلة المحلفين مالتك مصارلها شهر اصلا .اني متاكد راح يتصلون بكفيلك قريبا بس اصبر شوية .

ahmad.13 · « **رد #40 في:** 21:09 21/07/2009 »

اخوان منو من جماعة 4/7 ارجو الجواب

toofy · « **رد #41 في:** 21:30 21/07/2009 »

اخويه احمد 13 احنه هنا كلنا جماعة11/7 اما جماعة 4/7 عدهم صفحه خاصه بيهم كاتبهه الاخ typhoon بيهه اخر اخبارهم تكدر تدخل عليهه وتشوف
تحياتي toofy

ستروبري · « **رد #42 في:** 21:31 21/07/2009 »

الله يسمع من حلكك اخ حيدر

From amman · « **رد #43 في:** 22:34 21/07/2009 »

اخوان الي وياية تحددلهم مواعيد السفر يوم 10-8 ويوم 13-8

ان شالله خيـــــر

iraqi83 · « **رد #44 في:** 07:39 22/07/2009 »

يا خويه دتلاحظ السرعه بالموضوع
اول مره تصير موافقات هيج تجي بسرعه !!!! وبعدين سفر
واول مرة تصير هيج اعداد رفض مرة وحده خلال اسبوع
وداعتكم قبل ال9 الكل طافرة انشاااااااء الله
والسبب بانه المنظمات المسؤوله عن الاجئين كله ماعده تمويل ومتريد عراقيين بعد
لهذا مديخابروني يمي وخلصت فلوسهم

بس لحد يضوج من المرفوضين معناه راح يتحولون لغير دوله وهذا احسن الهم مليون مرة
الخيرة فيما اختاره الله

toofy · « **رد #45 في:** 08:45 22/07/2009 »

الله يسمع من حلكك عراقي 83 لان اني البارحه هم خابرت داسال عالمحروسه وخلصت رصيدي كلله وبالتالي تكللي لسسسسسسسه مكتتششششششش!!!!!!!!

والكابه حاليا كلش صاعده فينرادلنه خبر حلو يرجعلنه الامل بالحياة
تحياتي toofy

iraqi83 · « **رد #46 في:** 10:03 22/07/2009 »

اخي توفي ادخل على موضوع (جماعه محلفين شهر ال28/3)
واقرا الرسائل الاخيره راح تشوف كلامي صحيح
بس اخر رساله هسه انكتبت هناك من شخص اسمه allosea
نزلت المعنويات لتحت الصفر

romel_nano · « **رد #47 في:** 00:31 23/07/2009 »

اخواني واخواتي الاعزاء اليوم خابروني على موعد السفر الي راح يكون 10/8/2009 .... اني جماعة 11/7 ... وللعلم بعدهم ما خابوني على الدورة ؟ ما اعرف ليش؟؟
انشاء تسمعون اخبار حلوة الجميع

عمان / الاردن

roea · « **رد #48 في:** 00:37 23/07/2009 »

مبرك أخوية ألف مبروك romel_nano
بس ياريت تكوللنا أنت شوكت قابلت المحلفين؟
و انت وحدك لو عائلة ؟

أختك روية \ عمان

Baguncero · « **رد #49 في:** 00:47 23/07/2009 »

بالخير والمبارك أخونة العزيز romel مفتوحة بوجهك ان شاء الله وكل السعادة تلكاها كدامك

أكرر سؤال الأخت أعلاه
اذا ممكن تجاوبنة

تحياتي

Baguncero

ام يلدا · « **رد #50 في:** 00:59 23/07/2009 »

الأخ روميل
اتمنى لك التوفيق والنجاح
بس اعتقد الدورة التثقفية ممكن انها تكون في الأسبوع الأخير
يعني لا تقلق
طالما تم تحديد موعد السفر هاي الأمور الثانوية مو مشكلة
يعني it is not that big deal

-
الله يوفق الجميع
محبة

المخضرمة أم يلدا – مترجمة - عمان الأردن 2005 – في انتظار التجييك الأمني - الأسبوع الأول من السنة الخامسة انتظارا

ستروبري · « **رد #51 في:** 01:37 23/07/2009 »

اللف مبروك اخوية العزيز وانشاء الله تكون فاتحة خير للجميع يارب بس اني هم اظم صوتي للاخوان شوكت قابلت محلفين ويا ولاية انت رايح بأدن الله

وشكرا

romel_nano · « **رد #52 في:** 13:43 23/07/2009 »

مقابلة المحلفين جانت يوم 28/5/2009 الفحوصات 8+9/6/2009 استلام الموافقة 11/7/2009

اتمنى كل الخير والموفقية للجميع

روميل ننو
عمان الاردن

ستروبري · « **رد #53 في:** 14:01 23/07/2009 »

اخوان سمعو البوري الي صار بية اليوم طبعا وبكل ثقة كات خلي اخابر على مصر اسأل على الامحروسة مالي
كيت التليفون وجان يطلعلي ولد كتلة ممكن بس اسأل على الامنية كلي العفو شوفو الاحترام كال العفو هليوم مفيش دوام كتلة شنو هليوم مو خميس اني خفت لا اكون متيه المهم كال لا احنة اسفين بس النهرضة 23 يوليو فانبي طبعا كتلة اسف وكل عام وانو بخير

وشكرا

toofy · « **رد #54 في:** 17:08 23/07/2009 »

اول شي ابارك لاخويه روميل وان شاء الله توصل بالف سلامه ....اني هم المحلفين كان يوم 28 /5 استبشرت خيرا

ثانيا اخويه جعفر انته غير تباركلله للاخ ابو البداله وتهني وتكبر راسه حتى من تخابر الاحد عندك واسطه يمه

يحولك على بنيه تبشرك بالخبر السعيد
يلله خللي كلنه نخابر الاحد ونجرب حظنه
تحياتي toofy

ستروبري · « **رد #55 في:** 22:00 23/07/2009 »

هههههههههه والله ضحكتني اخ توفي بس اني هم كتلةكل عام وانتو بخير بس على شنو ما عرفت ليش هو صار يوم 23 يوليو بمصر يا ريت احد يفهمني

وشكرا

haider82 · « **رد #56 في:** 22:46 23/07/2009 »

اخوية جعفر ثورة ضد الحكم الملكي (جماعة عبد الناصر ) .

ستروبري · « **رد #57 في:** 22:53 23/07/2009 »

اللف رحمة على والديك اخ حيدر هسة افتهمت

شكرا

toofy · « **رد #58 في:** 11:58 26/07/2009 »

جماعتنه صباح الخير .....شنو الاخبار اشو مسويهه سكته ...محد كتب نتيجة اتصاله اليوم ؟
اني بالنسبه اللي كالمعتاد لسسسسسسسه مكتشششششششششش

بس الولايه تحددت.....زين هي من تتحدد الولايه يعني الموافقه راح تجي قريبا لو ما الهه علاقه؟
ننتظر نسمع منكم
تحياتي toofy

haider82 · « **رد #59 في:** 12:23 26/07/2009 »

مقتبس من: jafarmaysam في 22:53 23/07/2009

اللف رحمة على والديك اخ حيدر هسة افتهمت

شكرا

ووالديك اخوية جعفر .

اخوية توفي ان شاء الله تكون قريبة الموافقة بس اعتقد ما الها علاقة بالامنية .

roea · « **رد #60 في:** 16:52 26/07/2009 »

مبروك أخوية toofy ألف مبروك كول يا الله مابقى شيء سهلة أن شاء الله

أني جبتلكم اليوم خبر عن أختنا الحلاوية أليوم هي خابرتهم لمصر و كالولها أنو الموافقة الامنية مالهتا وصلت و الولاية هم تحددت ألها و حددولها كاليفورنيا بس بقى عندها ختم الملف أن شاء الله خير و ألف ألف مبروك ألها

أخوية toofy حددولك يا ولاية ؟؟

أما بالنسبة ألي أتصلت بيهم و كالولي لسة ما جتش و لا تحددتش و الحمد لله
و الله كريم

روية \ عمان

iraqi83 · « **رد #61 في:** 20:04 26/07/2009 »

الف مبروك لكل
اني البارحه دك عليه رقم خاص وكلت الووو وانكطع الخظ
كلت هاي هي خل اكوم احضر الجنطه هههههه
فاليوم خابرت الاي او ام عمان
كلتلهم خير كالوا ممخابريك احنه ولسه الموافقه مجايه والولايه ممتحدده انتظررر
لييييش محد يدري

ستروبري · « **رد #62 في:** 22:52 26/07/2009 »

لا جديد متحددش ولا كتش

الحلاويه · « **رد #63 في:** 20:57 28/07/2009 »

مساء الخير
شلونكم اخواني وخاصه جماعه استلام الظرف 11\7 ان شاء الله بخير

طبعا ماعندي شي اضيفه لان اختي رويه حجتلكم شصار وياي

خابرت على مصر وكالتلي الموافقه الامنيه جايه وحددولي الولايه كليفورنيا مدينه سان هوزيه وان شاء الله يوم الي تجيكم ونفرح

نخله عراقية · « **رد #64 في:** 20:58 28/07/2009 »

مرحبا ...شلونكم ...هاي شنو اشو الموضوع صار بالنهايه ...

...انا عضو جديد...انا من جماعتكم ومنتظره الموافقه الامنية ...حبيت اشارك وياكم بالموضوع ...انا بالحقيقة اخت (myiraq)...هي طلعت موافقتها الامنيه وباقيه على ختم الملف بس انا لهسه انتظر والله كريم بس هي متكدر تفلت مني لان انا وياها رابط قوي

...ارجوا ان تقبلوني كعضو جديد

نخله عراقية
عمان

starxb · « **رد #65 في:** 21:46 28/07/2009 »

اهلاوسهلا اخت نخله عراقيه بين اهلاج والناسج .

نخله عراقية · « **رد #66 في:** 22:03 28/07/2009 »

اهلا وسهلا starxb وشكرا جزيلا عالترحيب وفعلا انتم اهلنا وناسنا وانا من خلال اختي عرفت المنتدى وحبيته هواااي وقررت اشارك بي...لان فعلا نحتاج هشكل تشكيلة جميله من الاطياف العراقية ولو احيانا تعصف بيها رياح قويه بس ميخالف هاي هيه الحياة...
اختي الحلاويه الف الف الف مبروك وان شاء الله السفر القريب...
اختكم نخله عراقية
عمان

toofy · « **رد #67 في:** 22:46 28/07/2009 »

ما شاء الله ودكوا عالخشب ديزيدون جماعتنه ....

الف هلا بيج اختنه النخله العراقيه ان شاء الله موافقتج تطلع بسرعه ونسمع اخبار حلوة عن موعد سفرج
تحياتي toofy

أبن زيونة · « **رد #68 في:** 20:11 29/07/2009 »

السلام عليكم
جماعة الخير الظرف أستلمته يوم 4/7 ومحد خابرني على الموافقة الأمنية بس خابرت اليوم مصر وسألتها على الولاية طبعا وهاي أول مخابرة الي لمصر أشو رأسا وره منطيتها اسمي ورقم الملف كالتلي طلعتلك ولاية أريزونا مقاطعة توسان لو توكسون متعرف تلفظها الي ردت عليه بعدين طلعتها تاكسون بس نسيت اسألها على الموافقة الأمنية فأنشاء الله تصير وتطلع الموافقة للكل واني رحت للفحص بالسادس

haider82 · « **رد #69 في:** 20:46 29/07/2009 »

مقتبس من: أبن زيونة في 20:11 29/07/2009

السلام عليكم
جماعة الخير الظرف أستلمته يوم 4/7 ومحد خابرني على الموافقة الأمنية بس خابرت اليوم مصر وسألتها على الولاية طبعا وهاي أول مخابرة الي لمصر أشو رأسا وره منطيتها اسمي ورقم الملف كالتلي طلعتلك ولاية أريزونا مقاطعة توسان لو توكسون متعرف تلفظها الي ردت عليه بعدين طلعتها تاكسون بس نسيت اسألها على الموافقة الأمنية فأنشاء الله تصير وتطلع الموافقة للكل واني رحت للفحص بالسادس

مبروك تحديد الولاية وان شاء الله الامنية واصلة .بالمناسبة اكو موضوع مستقل لجماعة 4-7 ولو هو ميفرق هواية قابلوا نفس المحلفين.

toofy · « **رد #70 في:** 23:22 29/07/2009 »

الف مبروك تحديد المدينه والولايه يا اخونه ابن زيونه ...اني هم مثلك كلتلي حددولك الولايه اللي هي واشنطن بس من الفرحه نسيت اسالهه يا مدينه

رجعت خابرت ثاني يوم كلتلي مدينة سبوكان بس اشو اني ما سامع بيهه ???ان شاء الله خير
اخويه حيدر 82 تره ماكو فرق بيناتنه 4/7 او 11/7 كلنا حبايب ان شاء الله

roea · « **رد #71 في:** 00:26 30/07/2009 »

أخوتي الاعزاء

أخباري و الحمد لله أولا و للأخ العزيز و الأداري الكريم أخوية بيرج
كفلني بأمريكا في ولاية كاليفورنيا في منطقة سان ديكَو
و اليوم أتصلوا بيه المنظمة و هسة هو رايح ألهم بالطريق
حتى يوقع على كفالتي يعني الحمد لله أتحددت الولاية
و هسة بقيت أنتظر المحروسة " الأمنية "
الله يحرسه أخوية بيرج و يحفظه لأهله و لعائلته و يسعده

روية \ عمان

نخله عراقية · « **رد #72 في:** 07:18 30/07/2009 »

مقتبس من: toofy في 22:46 28/07/2009

ما شاء الله ودكوا عالخشب ديزيدون جماعتنه ....
الف هلا بيج اختنه النخله العراقيه ان شاء الله موافقتج تطلع بسرعه ونسمع اخبار حلوة عن موعد سفرج
تحياتي toofy

مرحبا

...شكرا توفي على الدعوات الجميله وان شاء الله نسمع الاخبار الحلوة من الكل وما يطول انتظارنا
الف الف الف مبروك اختي رويه ...وان شاء الله السفر القريب...وشكر خاص للاخ بيرج وطبعا هاي الفروسية واخلاق الفرسان ابدا مو غريبه عن العراقيين...
نخلع عراقية
عمان

نخله عراقية · « **رد #73 في:** 07:21 30/07/2009 »

قصدي اختكم نخله عرااااااااااااااااااقيه

سوري خطأ مطبعي.... بس يالله هم ياريت نخلع من عمان ........

haider82 · « **رد #74 في:** 09:15 02/08/2009 »

السلام عليكم
هاي لخاطر توفي نرفع موضوعكم جماعة 11-7 النشطين ان شاء الله نسمع اخباركم الزينة قريبا .

toofy · « **رد #75 في:** 12:00 02/08/2009 »

مشكور حبيبي حيدوري وبالتوفيق ان شاء الله
وينكم جماعتنه اشو لا حس ولا خبر
هسه خابرتهم لمصر وكالعاده لسسسسسسه مكتششششش

يمعودين كتبو اي شي بس لتخلون موضوعنه يرجع للصفحه الثانيه والله متتصورون شكد تصعد الكابه من اشوف مو عالصفحه الاولى .....رويه جعفر احمد نخله عراقي 83 وين صرتو؟؟

تحياتي toofy

نخله عراقية · « **رد #76 في:** 16:33 02/08/2009 »

هلو توفي شلونك...الله لا يجيب الكآبه ...ما ظل شي ان شاء الله ...بس مرات واحد يحتار شيكتب لان ماكو شي جديد...

...بعدني على حطة ايدك ...منتظره الامنية...وشكرا للاخ حيدر على رفع الموضوع ورفع المعنويات.........
اختكم نخله عراقية
عمان

ستروبري · « **رد #77 في:** 17:33 02/08/2009 »

مرحبا اخوتي اعدروني على عدم الكتابة بالفترة الفاتت لان الابتوب كان خربان الله هسة اتصلح بالنسبة الي لا جديد لسة ما تحددش ولا كتش وتا انتر رحمة الله بصراحة ضل بالي كلش لان ما خابرو الكفيل لي هسة وما اعرف شنو القصة حتة الليوم من خابرت مصر البنية كالت لا تستعجلون انتو جماعة الشهر السادس بعدكم بالبداية شلون ورطة هاي الله كريم تنشوف وين تصفة وندعي من الله انو تفرج علية وعلى الكل يا رب ونسافر بأسرع وقت وخصوصا اني عندي اطفال ولازم اندل دربي اسجلهم بالمدرسة لو اتفال خير بلكي قبل التاسع نكون مسافرين بأدن الله
وشكرا

roea · « **رد #78 في:** 18:58 02/08/2009 »

أخوتي الاعزاء

أخوية توفي حقك علينا بس والله ماكو شيء جديد و الكآبة فل شكتبلكم ؟؟؟

و على كولة أختي الغالية نخلة عراقية الواحد يحتار ما يعرف شيكتب لأن ماكو شيء جديد

أخوية العزيز جعفر والله أني هم نفس الحيرة حيرتي لأن أني هم حايرة أنزل فصل جديد لو لاء لأني بعدني طالبة و حاليا اني مرحلة ثالثة بالجامعة و ما أعرف شسوي و هنا الدراسة غالية كلش,
أخاف أنزل الفصل و تروح فلوسي بلاش و أسافر بنص الفصل و أخاف ما اسجل و أسافر بعد نهاية الفصل و هم يروح عليه والله حايرة الله لايحير عبده

اختكم روية \ عمان

عبسي · « **رد #79 في:** 19:03 02/08/2009 »

اختي العزيزةطبعا ما تنزلين شي لان بكل الاحوال انتي راح تعوفيها قابل هوة الكورس شراح يفيدج

roea · « **رد #80 في:** 19:13 02/08/2009 »

أخوية عبسي

حقك بس هو الواحد من يكون ما ضامن شيء
بيده يضل ينتظر و يفكر و يحتار لأنو يريد ما يضيع
شيء من الي مضمون بيده على الاقل, و العمر
ديضيع بالانتضار شنسوي الحمد لله على كل حال

روية عمان

Wingo · « **رد #81 في:** 20:27 02/08/2009 »

السلام عليكم
أختي روية أنا عندي نفس المعاناة
بس الإختلاف أنه أنا وضعي بعده قيد الدراسة (و هذه بحد ذاته قلق)
و أنا عندي دراسة عليا و دوام تدريبي
أنا ليهسة ما مسجل ، بس دأداوم و الله كريم ، يجوز يوم من الأيام أكتشف أنه أني مفصول !
المشتكى إلى الله

أبن زيونة · « **رد #82 في:** 03:03 04/08/2009 »

هلو شباب وشابات شلونكم اعذروني على التأخير بس والله صارت صدك الشغلة وعالسريع مو عالقناة ;Dاضحكوا الله عليكم ولو قديمة حبيبي حيدر 82ممنون الك وتسلم والله يوفقك بس كولي شنو الفرق بظرف4/7و11/7يعني علمود 4/7بعيد اميركا القومي يعني احنه طكينه انفلقنه لو ماكو شي الكل خير وبركة والله يوفق الجميع toofyمااعرف كتبتها صح لأن مطفي تسلم ومبروك الك على الولاية والله يوفقك ويسهلها عليك وعلينه وعلى الكل طبعا الفلم الي صار بيه انه خابرت على مصر مرة الخ وسألتها على الموافقة كالتلي وصلت كلت حلو استفاد لك شنو هالسرعة بخت والله حسدت نفسي كتله شوكت نفلت كالت حسب فرع عمان هو يخابرك وطرب ثاني يوم خابروني على خط الرحلة ورحت البارحة استلمته طبعا اول شي كتلها اني اريد ااجلها كالت ماكو تاجيل ترفض الروحه هاي المرة الأولى المرة الثاني نخابرك اذا متجي ينسد ملفك ويرجع على الأمم رحت اليوم كرنت مني كالتلي انت مو خابرتك البارحة ليش كلتلي مااريد اروح احمد ربك مشطبت اسمك من هالخرط مال الiomكتلها هسه تردين تنطينه خط الرحلة لو لا كالت لا انطيك اياه عللى20/8لندن ترنزيت الى شيكاغو بعدين من شيكاغو الى اريزونا ويها التعليمات واكو فحص يوم18/8بالخالديويم19/8نروح نوقع بiom على مال التذاكر اتصور وراها افلت بس والله اخوان اني مااريد اروح هسه بعد ممضبطين وضعنا وصارت ركض ركض ماارعف دايخ لا نوم ولا كعده مثل الناس اخاف اروح وانضرب بوري والله ارحم الراحمين سلامي للكل الي موجودين بالمنتدى فردا فردا
اخوكم أبن زيونة

haider82 · « **رد #83 في:** 08:16 04/08/2009 »

اخوية ابن زيونة اتوكل على الله وروح لايسووها صدك وبعدين شمدريك الموعد الثاني ينطوكياه اذا مخلوك على الشحن .
شغلة 4-7 و 11-7 بس للشقة اخوية وان شاء الله 4-7 القادم تحتفل وياهم .

toofy · « **رد #84 في:** 12:27 04/08/2009 »

الف الف مبروك ابن زيونه الورد .....دير بالك تاجل الرحله تره صديقي اجلهه من شهر الواحد وليهسه ما اتصلو بيه تلحك تصفي امورك عندك اسبوعين والله يسهل امورك ان شاء الله
هو مو بس انته دايخ دوختنه كلنه وياك

منو راكض وراك من دتكتب الموضوع
تحياتي toofy

roea · « **رد #85 في:** 18:54 04/08/2009 »

مبروك أخوية أبن زيونة ألف مبروك
أتمنالك الوصول بالسلامة و الراحة و الاستقرار

طبعا أني اليوم خابرت على مصر لهسة ما وصلت المحروسة

روية \ عمان

Wingo · « **رد #86 في:** 20:25 04/08/2009 »

مبروك عيني إبن زيونة
توكل على الله و سافر و لا تأجل
ما تعرف باجر شيصير
خليها على الله و روح
الله يوفقك و ييسر أمرك
و الله يرزقنا جميعاً السفر و الإستقرار

ستروبري · « **رد #87 في:** 16:59 05/08/2009 »

اللف مبروك ابن زيونة على موعد السفر ومثل ما كالو الاخوان لا تأجل السفر لان مو بصالحك وارة بقسمة الله وكول الحمد الله والشكر

اختي روية هي من ناحية الحيرة فهي حيرة واللة لان على كولتج ما نعرف ندفع الفلوس مال المدرسة لو لا لو شنسوي

اخواني بس ردت اسأل اكو احد ممخابرين الكفيل مالته لي هسة لان اني القلق صار عندي فول اني مقابلة محلفين يوم 29/6 والفحص كان الاسبوع الي بعدة ولي هسة ما خابرو الكفيل وما اعرف شنو القصة

iraqi83 · « **رد #88 في:** 17:45 05/08/2009 »

سلام عليكم
شلون الشباب
الف مبروك للكل وانشاء الله الراحه والاستقرار والسفر السريع للجميع
بالنسبه الي خابرت عمان البارحه والامنيه مواصله طبعا ولا متحدده الولايه
مع انه قبل 3 اسابيع كالولي ديشتغلون على تحديد الولايه
واني مقابل محلفين 27/5
فخويه جعفر لتدير بال الله يسهله انشاء الله

toofy · « **رد #89 في:** 10:37 06/08/2009 »

شلونكم جماعتنه؟؟؟؟ان شاء الله بخير
اليوم جبتلكم خبر شويه يرفع المعنويات ....
اليوم صديقي اللي حجيتلكم عنه اتصلو بكفيله وهمه عائله......اليوم اتصل كلوله موافقتك جايه بس احنه نتصل بيك عالدورة التثقيفيه
ابشرو ان شاء الله كل موافقاتنه توصل هالايام
علما انه اني وصديقي قابلنه محلفين بنفس اليوم ......اني شسويت تشجعت وخابرت مصر وعمان والاثنين سدوهه بوجهي لسه مكتش

الله كريم يجي يوم تكتش

تحياتي toofy

ستروبري · « **رد #90 في:** 10:48 06/08/2009 »

توفي يعني صديقك هم ممخابرين كفيلة يعني اقصد شكد يلة خابروا كفيله بعد موافقة المحلف لان اني خلص شهر وشكم يوم ولي هسة ممخابرين كفيلي والموافقة الامنية لسة مكتش

toofy · « **رد #91 في:** 11:18 06/08/2009 »

اخويه العزيز جعفر ...
اتصلو بكفيله بعد استلام الظرف ب6 ايام بس هو مقابل محلفين ويايه .....
لتقلق هسه يتصلون بكفيلك اني تفائلت لان بلشو يمشون العوائل من جماعتنه مو بس العزاب لان والله شغلة المدارس كلش حيره ...
تحياتي toofy

ستروبري · « **رد #92 في:** 11:34 06/08/2009 »

شكرا اخوية توفي الله يطمن قلبك انشاء الله ونتظر رحمة الله

ابو جيهان · « **رد #93 في:** 12:14 06/08/2009 »

اخواني الاعزاء
بس حبيت اعرف منكم افضل تلفون للهجرة بعمان
لان مدااحصلهم نهائيا وعندي شغلة اريد اسالهم عليهة
بارك الله بيكم ويسر الله امركم و انشاء الله يفرحنا جميعا

اخوكم
ابو جيهان

ام كريم10 · « **رد #94 في:** 12:49 06/08/2009 »

السلام عليكم
اخويه ابو جهان هذه الرقام
065625080
065625423
065625426
065659660
بس انته اخويه شويه طول بالك ولح همه ايجاوبون
اختكم
ام كريم
عمان منتضره موعد محلفين

toofy · « **رد #95 في:** 12:52 06/08/2009 »

اخويه ابو جيهان الورد ...
هي هوايه ارقام اني اخذهه بالسره الى ان يجاوبون ومرات يجاوبون ويكولون الموضفين عدهم بريك (من11 ونص لل2)فافضل وقت للاتصال من الصبح او بعد 2 وهاي بعض الارقام لان كل مرة واحد منهه يرد
065625089
065625585
065625225
065902280
065659660
واكو موضوع بالارشيف كاتبين بيه كل الارقام
تحياتي

ابو جيهان · « **رد #96 في:** 12:58 06/08/2009 »

شكرا جزيلا اختي ام كريم
يسر الله امركي وانشاء الله يتصلون على موعد المحلفين باسرع وقت
شكرا اخي توفي وانشاء الله تسمع اخبار حلوة قريبا

اخوكم
ابو جيهان

ستروبري · « **رد #97 في:** 12:23 08/08/2009 »

سلام اخواني وبلاخص توفي
هاي وينك اشو هم كلب المووع للصفحة الثانية هاي الظاهر انت سافرت وما تحتاج رفع معنويات
اخت روية انشاء الله اكو اخبار جديدة عنج بشرينا
عراقي 83 بشرنا وينك وصلت امريكا لو بعد
اسف ادا نسيت احد من مجومه 11/7 بس يا ريت على كولة الاخ توفي ما يرجع الموضوع للصفحة الثانية وداما نسمع اخبار زينة
تدعولي اخوتي لان اني لا مخابرين الكفيل ولا الامنية جاية لي هسة والله اعصابي رح تنفجر ومدا اعرف شنو القصة هسة على الاقل لو مخابرين الكفيل هم جان الواحد شوية ارتاح وعرف انو الموظوع تيمشي
بس ارجع واكول كلشي بيد الله ويارب تفرج على الكل وعلية
شكرا

ام يلدا · « **رد #98 في:** 13:43 08/08/2009 »

أخويا العزيز جعفر
صدقني انا قارية هذا الموضوع من البداية لحد آخر تعليق حوالي فد أربع مرات
وفي كل مرة أدخل واحب أشارك بس اتردد
-
بس هسه الوضع صدق صار مقلق وشفت من الضروري أطمن قلبك
صدقني أخي الكريم ان شاء الله هذا شهر الثامن راح تنحط النقاط على الحروف
ولا تقلق ولا تضوج ولا تظل تلح بالموضوع من شدة التفكير والقلق
أدري الوضع ما يستحمل بعد
ووالله لو اشرح لك ظروفي ووضعي تبكي عليه
بس ما عندنا حل أو خيار آخر سوى الصبر والانتظار والدعاء
انت أهم شي تدير بالك على صحتك ولا توتر اعصابك أكثر
ترة هذا التوتر المستمر يأذيك بعدين
-
اخذها مني انا اختك الكبيرة
اقول لك شهر الثامن هذا كلشي راح يبين للي ماشية أمورهم مثلنا
وارجو أني اكون خففت عنك وكذلك عن بقية الأصدقاء
لأن ما راح أتصور ان شهر الثامن يطلع واحنا باقيين مكانك راووح

-
الله يوفق الجميع
محبة

المخضرمة أم يلدا – مترجمة - عمان الأردن 2005 – في انتظار التجييك الأمني - الأسبوع الثاني من السنة الخامسة انتظارا

ستروبري · « **رد #99 في:** 15:09 08/08/2009 »

الله يسمع من حلقكي اختي ام يلدا انشاء الله باسرع وقت نسافر لان صدق اعصابنا ما ظل بية شي
ومدا اعرف شاسوي اسجل الاولاد لو لا والصدق هاي الاخبار الي تنقراهاتتخوفنة علمود هاي انا قلقتو من ما خابرو الكفيل وصدقيني مرح ارتاح لي حد ما اوصل امريكا على هاي الاخبار
بس اقول انشاء الله رب العالميين يفرجه علينة وعلى كل تعبان وما طيل لا سمة ولا كاع

وشكرا

toofy · « **رد #100 في:** 18:27 08/08/2009 »

اخويه جعفر مساك الله بالخير .....تره الكابه عندي واصله مرحله متطوره جدا بحيث بس اقرا واحيانا حتى ادخل كزائر لان ما بيه حيل اسوي دخول ........ ولدي 24 ساعه كاعدين يلعبون باللابتوب مكيفين لان ليهسه ما سجلتهم ...بس اني قررت هاذ اخر اسبوع انتظر وراهه راح ادفع القسط والله كريم شاسوي $:-\$ $:-\$
الجمعه والسبت عادة تصير ثكييييله لا نكدر نتصل ونسمع الصوت الحلو من مصر ولا من عمان دنشوف هاذ السبوع بلكي خير
ام يلدا العزيزه بارك الله بيكي والله يسمع من حلقكي ونتمنى نسمع اخبار حلوي ومليحه لان ملينه من الانتظار واذا كلامك صحيح وتفرج بهاذ الشهر الكي الحلوان

يا رب كل الموافقات توصل هالشهر ويحددولنه موعد سفر حتى لو برمضان نكمل صيامنه عالبرد بامريكا

تحياتي للجميع ولا تكطعون اخوانه واخواتنه

roea · « **رد #101 في:** 19:57 08/08/2009 »

لا جديد بس الكآبة صاعدة عندي فل
و كلش كلش ضايجة و كل صبر ماضل بعد عندي
بس هم أرجع و اكول الله كريم ويكون يصبرني و ما يطول الانتظار
أكثر من هيج و نرتاح عاد لأن الخميس خابرت مصر و تكول
الامنية مكتش و حتى الولاية بعد متحددتش شلون ما ادري

لا تسألوني هو هذا الخبر إلي مزيد الكآبة عندي لأن أخوية بيرج
من الخميس مو الي راح ألي قبله راح و وقع على الكفالة مالتي
شلون متحددتش مدا أفتهم يعني من وقع الكفيل الى اليوم
صار 9 أيام معقولة بعد ما وصلت ؟؟؟

بس لا تاهت أوراقي بالطريق

سلامي للكل و الله يسمع منكم و تفرج علينا أجمعين قريبا

أختكم روية \ عمان

ستروبري · « **رد #102 في:** 21:59 08/08/2009 »

اخوية توفي اتفأل لمن اشوفك كاتب بالموضوع لان انت تسوي حركة
اخت روية على بختج هاي شتتكولين يمعود مو اني تفألت لمن كلتي حددولج اللاية ليش هشكل مو اني مناقص كأبة انشاء الله تفرج على الكل

نخله عراقية · « **رد #103 في:** 22:17 08/08/2009 »

هلو اخوان شلونكم ...هاي شنو ليش هالكآبه ...اصلا يمكن انا اقدم وحده بيكم ...قابلت محلفين يوم 26/5 انا واختي وتمرمرنا يالله طلعت النتيجه يوم 11/7 وقبل هذا التاريخ بأسبوعين تقريبا اتصلو بخالتي اللي هي الكفيله بسياتل وراحت وقعت الاوراق ولحد الان كل شي ماكو ....
ولو ملينا وتعبنا بس ما عدنا غير الصبر ...وثقوا انه كل شي الله سبحانه وتعالى يقسمه هو الافضل..صدقوني

...ان شاء الله الاسبوع المقبل يحمل الاخبار السعيدة
اتمنى الموفقية للجميع
اختكم نخلة عراقية
عمان

الحلاويه · « **رد #104 في:** 23:15 08/08/2009 »

السلام عليكم

ولو اني مقصره وياكم اخوتي

الله يسمع منج اخت ام يلدا واخويه جعفر راح الهواي وظل القليل ان شاء الله
واني لاجديد بس الامنيه واصله وحددو الاولايه مثل ماكالتلكم اختي رويه وبعد ختم الملف هم هاي اسبوعين

والله كريم ويسهل على الجميع ان شاء الله نصوم كلنه هناك

toofy · « **رد #105 في:** 23:57 08/08/2009 »

الف مبروك اختنه الحلاويه على وصول الامنيه وعلى اصلاح اللابتوب....نورتي
يا رب يحددولج موعد سفر قريب وتخلصين من عمان وتكونين فاتحة خير لكل جماعتنه
تحياتي toofy

ستروبري · « **رد #106 في:** 10:48 09/08/2009 »

صباح الخير اخواني و اخواتي هسة اتصلت على الاي او ام عمان وسألت على موضوع الكفيل كالت بعد ممخابرين الكفيل سالته عن السبب كالت ما نعرف بس كالت انو موضوع الكفيل يطول من ست اسابيع الى ثمانية اما بخصوص الامنية بعدة ما جاية وهاي اخر الاخبار

محمد زيونه · « **رد #107 في:** 15:09 09/08/2009 »

شباب راح اتخبا اني من جماعه استلام الضرف 11/7

وعلما انه مقابلة المحلفين جانت 10/6

وااني مسوي فحوصات ومتصلين بلكفيل

وجنت داانتظر الموافقه الامنيه

خابرتهم اليوم لعمان دااسأل كالولي باقي ختم الملف

اخابر على مصر يكولولي الموافقه الامنيه بعدها مجايه

شنو الفلم تره حرنا والله شنو هاي

الي عنده معلومه ويكدر يفيدنا ويكللنا وره حجي منو نمشي عمان لو مصر

واكون ممنون الكم

اخوكم محمد زيونه

ستروبري · « **رد #108 في:** 15:23 10/08/2009 »

اخوان شنو القصة الضاهر الكل سافرت وينكم يمعود
مو رح انجلط لا مخابرين الكفيل ولا الامنية تتشوفون السعادة

iraqi83 · « **رد #109 في:** 16:25 10/08/2009 »

شلونكم اخوان
مبروك للي واصلته الامنيه
اني البارحه خابرت مصر كالولي نفس الحجي الولايه متتحدده والامنيه مواصله
والاضافه الحلوة كالتلي الفحص الطبي همين ممسويه
واني فاحص يوم7\6
فرجعت خابرت عمان هم كالتلي الفحص ممسويه انت
كلتليه مسويه فلان يوم فراحت ربع ساعه ورجعت كالت اوكي مسويه
الظاهر الاذكياء ممدخلين معلومات كامله عن الفحص
وبعدين كالت المحلف كان موافق عليك لو لا؟؟ هههههههه كلتله خوش حته هاي مطالعه يمج
فمعنوياتي صفر صارت
بس احنه شبينه تخبلنه على الموافقه ومصارلنه شهر اكو ناس طولت سنه لعد الله يساعدهم والله
بس والله اخبار اكييدددده بانه بالثامن راح يخابرون الكل فخل نصبر هل الايام والله كريم
وعلى الكفيل اني سمعت من المنظمه بانه نتيجه للسرعه صايرين يمشون الفايل بدون ما يتصلون بالكفيل
علمود تمشي المعاملات بسرعه
الله كريم وموفقين الكل انشاء الله

عاشق تراب العراق · « **رد #110 في:** 17:26 10/08/2009 »

اخوية عراقي 83 اي هم زين خابرت و سويتلهم ابديت لان معلوماتك ممظبوطة لهذا مدتوصل الامنية هسة يجوز يلة راح تجي هههههههههههه

roea · « **رد #111 في:** 13:32 11/08/2009 »

و أخيرا و أخيرا

خابرت مصر و كلولي الولاية تحددت يعني و الحمد لله اوراقي وصلت
بس بعدني انتضر المحروسة وياكم أخوتي و أن شاء الله تفرج
علينا كلنا أجمعين قبل نهاية هذا الشهر آآآمين يارب العالمين

شكرا و أمتنان للأخ الرائع و الاداري الذهبي بيرج مع كل الاحترام

أختكم روية \ عمان

ستروبري · « **رد #112 في:** 14:32 11/08/2009 »

مبرررررررررررررررررروك اختي روية وانشاء الله وصول الامنية والسفر القريب بأدن الله
انشاء الله الموفقية لكل الاعضاء

starxb · « **رد #113 في:** 15:10 11/08/2009 »

الف مبروك اخت رويه على تحديد الولايه وانشاء الله توصل الامنيه ويتحدد موعد السفر .
بس ما كلتينه يا ولايه حددولك . الف مبروك مره ثانيه.

ابو مريم

عاشق تراب العراق · « **رد #114 في:** 20:05 11/08/2009 »

مبروك اخت روية و ان شاء الله توصل الامنية بسرعة و تسافرين

عمار البصري · « **رد #115 في:** 23:57 11/08/2009 »

اخوان الشهر االتاسع انشاء الله نهايه لمعاناتكم كلها وذلك عن مصدر كبير امريكي في مطار البصره

اخوكم البصري

roea · « **رد #116 في:** 01:49 12/08/2009 »

أخوية starxb
حددولي الولاية بسبب الكفيل و لأن
الأخ الكريم بيرج الاداري المحترم هو الي كفلني و وقع على أوراق كفالتي
فـ على هذا الاساس حددوا لي كاليفورنيا \ سان ديكو بالقرب من من الاخ بيرج

شكرا ألكم أخوتي و يارب يوم ألي كلنا نوصل بالسلامة لأرض الاحلام و نرتاح

روية \ عمان

iraqi83 · « **رد #117 في:** 09:45 12/08/2009 »

الف مبروك رويه انشاء الله يوم موعد السفر
واني هم على اساس نفس الولايه بس لحد الان ممخابرين الكفيل

ستروبري · « **رد #118 في:** 11:05 12/08/2009 »

اني هم بعدهم ممخابرين الكفيل والي هو نفس الولايةكاليفورنيا

zeni tee · « **رد #119 في:** 17:04 12/08/2009 »

شلونكم اخواني اني الغريبة كلها صارت بسرعة بس وصلت للموافقة الامنية ونامت اني من جماعة 11/7بس لحد هسة لاخابرو الكفيل ولاانطونة امل رغم اني محضرة جنطتي ومنتضرة حتى واهس للشغل ماعنديوالبصمات سويناها باول مقابلة والمقابلة الثانية بنفس يوم المقابلة الاولى ورء اسبوع خابرونة على المحلفين ويوم 12 خابرونة على الفحص
وخلصنا كلشي بعد الحروسة شوكت تجي مادري

starxb · « **رد #120 في:** 17:41 12/08/2009 »

الف مبروك اخت رويه على تحديد الولايه . وشكرا على الرد وانشاء الله السفر الامن عن قريب .

ابو مريم

deved83love · « **رد #121 في:** 18:51 12/08/2009 »

الف الف مبروك روية انشاءالله توصلين الف سلامه الله يوفقج وين متروحين خلينه نسمع اخبارج الحلوه مو تنسينه روية هههههه اي شي يصير عندج جديد انطينه خبر حتى نعرف اخبارج الحلوه

تقبلي تحياتي

toofy · « **رد #122 في:** 10:22 13/08/2009 »

صباح الخيرات على جماعتنه ....
الف مبروك اخت رويه على تحديد الولايه ويوم اللي يحددولج موعد السفر القريب باذن الله
اما اني فلا جديد لا جتي المحروسه ولا اتصلو عالدوره وهاذ السبوع هم خلص واحنه بالانتظار والله كريم .....ز
تحياتي toofy

محمد زيونه · « **رد #123 في:** 14:11 13/08/2009 »

ها شباب بشروا محد بيكم مخابر على عمان لو مصر

شنو فلمهم هذوله وشنو السياسه الي ديشتغلون بيها

اكو هوايه ناس طلعو ومطولو شهرين

يعني شلع من المقابله الولى لحد موعد السفر

بدون لا موافقه امنيه ولاصخام

والله حرنا نريد نفتهم شنو فلمهم وشنو سياستهم

أن شاء الله الله يفرجها عليه وعليكم أن شاء الله

ويحددولنا موعد سفر بأقرب وقت مممكن

zeni tee · « **رد #124 في:** 03:51 14/08/2009 »

اني اليوم اتصلت بالكفيل كتلة يعني معقولة مادزو عليك ولاوقعت اوراق قبولنا كالو لادزو علينة بعد اسبوع من المقابلة المحلفين بس بعد لما يسلموكم الموافقة الامنية هم يدزون علية اوقع اوراقكم بس اذا سمحتو ممكن تنطوني تلفون مال iomالي بمصر حتى اخابرهم واشوف وين وصل ملفي

zeni tee · « **رد #125 في:** 04:16 14/08/2009 »

اليوم اسمعت من الكفيل انو يمكن ديخلصون شغل الجماعة الي جايبيهم من العراق وبعدين يلتفتون لاهل الاردن الي جماعة 11/7 والي اني منهم يارب يخلصوهم بسرعة ترى روحي طكت حتى نوم باليل مانام

starxb · « **رد #126 في:** 04:38 14/08/2009 »

ليش هلأرق

roea · « **رد #127 في:** 06:31 14/08/2009 »

أخوية zeni tee
أرقام IOM مصر هي

0020227357053
0020227360848
0020227350879

مقتبس من: starxb في 04:38 14/08/2009

ليش ماكو عرك

أخوية starxb ترى مفتهمت شنو قصدك ؟؟؟

روية \ عمان

starxb · « **رد #128 في:** 18:47 14/08/2009 »

لا العفو اختي رؤيا اخر رد مو الج الرد كان الاختي زين .

zeni tee · « **رد #129 في:** 14:05 15/08/2009 »

starxb لا العفو اختي رؤيا اخر رد مو الج الرد كان الاخويه زين . اني بنت واسمي زين

zeni tee · « **رد #130 في:** 14:08 15/08/2009 »

شكرا لاختي روية على الارقام ويارب لما اتصل ينطون جواب شافي

iraqi83 · « **رد #131 في:** 08:30 16/08/2009 »

سلام عليكم
شلونكم اخوان
اليوم اني خابرت عمان
ونفس القوانه لا امنيه ولا ولايه
والجديده الي طللعتلي الفحص النتيجه مواصله لحد الان

بس عمان متغيرين وصايرين يجاوبون علسريع مو مثل قبل
وخاصه على هل الرقم
065902280
انشاء الله تبشرونه

zeni tee · « **رد #132 في:** 15:22 16/08/2009 »

كللللللللللليييييييشششششش خابرت على مصر وكالو اتحددت الولاية بس الامنية مكجتش
والولاية هية نيويورك

بس اني خايفة منها لان كالو اغلى ولاية فاريت احد ايطمني وايكولي اشكد اسعار شقق والاسواق اشلون والعدد جرائم اني طلعتها من نت كبير جدا ايكولون يعني بعد ساعة 8 حضر تجوال يعني اشلون اخلص من عراق تطلع امريكا هم $:-\$

roea · « **رد #133 في:** 22:24 16/08/2009 »

مبروك ألف مبروك zeni tee
أن شاء الله يكون سفرك بأسرع وقت
و ترتاح بهاي الولاية تفائل بالخير

روية \ عمان

ام يلدا · « **رد #134 في:** 00:41 17/08/2009 »

يا جماعة
انا من أدخل لهاي المجموعة روحي تنقبض
والله عبالك سجن ومستشفى
يمتى تطلعون كلكم وتنغلق هاي الصفحة وتصير سوالف
بس معاناة
-
الأخت زين الله يوفقكي ويسهل أمركي وتمشي المعاملة وتستقرين
-
الأخ: star xb هسه انت اشورطك يا عيوني؟؟

-
الأخت روية
اصبري عزيزتي وان شاء الله تفرج عليكم ونسمع أخباركي تفرحينا كلنا
-
اخواتي واخواني في الشقاء وطول الانتظار
صحيح انا مو من مجموعتكم وأنزل يمكم ضيف بس
لكني اتوقع أكو تغييرات كبيرة نهاية شهر الثامن
لا عندي خبر ولا سمعت من ناس ولا قريت من جريدة
بس هو هاجس راح يمشونا كلنا
ونصبر والصبر طيب
-
الله يوفق الجميع
محبة

المخضرمة أم يلدا – مترجمة - عمان الأردن 2005 – في انتظار التجييك الأمني - الأسبوع الثالث من السنة الخامسة انتظارا

starxb · « **رد #135 في:** 07:43 17/08/2009 »

مقتبس من: zeni tee في 14:05 15/08/2009

starxb لا العفو اختي رؤيا اخر رد مو الج الرد كان الاخويه زين . اني بنت واسمي زين
[/ اختي العزيزه زين اني جدا اسف وما اقصد الاسائه او الاستهزاء ولاكن صار عندي خطء مطبعي وبصراحه ما كنت منتبه . واسف على التاخير بالاعتذار لئن كان عندي مشكله بالنت . ارجو ان تتقبلي اعتذري اختي العزيزه وانا حاضر اذا ارتي ان انزل اعتذار خاص بكي في نفس الصفحه .

اخوكي الصغير ابو مريم سورياquote]

الهدهد · « **رد #136 في:** 17:41 17/08/2009 »

جميع الاخوة الاعزاء في منتدى الهجرة واللآجئين,

قبل كل شيء أود أن أشكر جميع القائمين على هذا الموقع وأنا أكتب لاول مرة بالرغم من متابعتي لكل مواضيع الهجرة واللاجئين والتي ساعدتني كثيرا في أجتياز مراحل التقديم والمقابلات وغيرها وأنا حاليا من مجموعة أستلام الظرف يوم 11/7 -عمان وبأنتظار الموافقة الامنية.
أود أن أطرح مشكلة واجهتني في الفترة الحالية وهي بأختصار , أن أبتي الكبيرة تزوجت من شخص أردني قبل أكثر من سنة وأبلغت UN في حينها حيث حذفوا اسمها من الفايل وتم ترحيل الفايل الى IOM وأنجزت جميع المقابلات والموافقات للعائلة بدونها, حاليا أبنتي لديها مشاكل نفسية مع زوجها ووصلت الامور الى الطلاق وأصبحت انا والعائلة أمام خيارات صعبة أولها طبعا هو رفض موضوع السفر والبقاء في الاردن مع أبنتي , والخيار الآخر وأرجو من أصحاب الخبرة أن يشاركونا بمعلوماتهم فيما اذا كانت هناك حالات مشابهة هو الرجوع الى IOM لأضافة أبنتي الى فايل العائلة مرة أخرى وما هي الالية المناسبة لتنفيذ ذلك.
نسأل الله أن يوفق الجميع ودمتم...
أخوكم الهدهد,

ستروبري · « **رد #137 في:** 18:20 17/08/2009 »

اخوية الهدهد الله يعينك واله ما اعرف شكلك بس اني اكول لو تخابر الاي او ام وتسالهم يمكن هم يفيدوك احسن وانشاء الله رب العالمين يسهل امورك وترتاح

اختي ام يلدا مادام هشكل تتدعيلنة رح نل نكتب لي حد ما نسافر كلنة ههههههه
ويارب تنبؤاتكي تكون صحيحة ونرتاح

الاخت زين اللف مبروك تحديد الولاية ويا ريت تكوليلنة الفترة بين مقابلة المحلفين وبين تحديد الولاية
وانشاء الله يوم السفر القريب

الاخ عراقي بصراحة اني هم حسيت انو معامله الموضفين بعمان صايرة هواية احسن وتيجاوبون وياناة بالسؤال
الله يديمه نعمة لان اني اخر مكالمة رد علية رجل وجان كلش مؤدب وطبعا كلي

الامنية مجاية ولا الولاية متحددة والله كريم نصبر وننتضر رحمة الله

وشكرا

ابو جيهان · « **رد #138 في:** 12:59 18/08/2009 »

اخواني واخواتي الاعزاء
اليوم اتصلت بالمنظمة بعمان واخبرتني بوصول الموافقات الامنية و انه تم ختم الملف وبانتظار تحديد موعد سفر
علما اني استلمت الموافقة المبدئية يوم 11-7-2009
انشاء الله يسمعكم الاخبار الحلوة جميعا و الجميع يسافر ويستقر وربي يفتحهة بوجه جميع اخوتنا وخواتنا

اخوكم
ابو جيهان

toofy · « **رد #139 في:** 13:31 18/08/2009 »

الف الف مبروك اخويه ابو جيهان ....يا رب ينطوك موعد قريب جدا وتكون فاتحة خير الجماعتنه كلهم
بس يا ريت تكوللنه شوكت انت مقابل محلفين وشد عدد افراد العائله ؟
امنياتي لك بالتوفيق
حياتي toofy

ابو جيهان · « **رد #140 في:** 13:42 18/08/2009 »

اشكرك اخي العزيز توفي
وانشاء الله نفرح بيك و بجميع الاخوة و الاخوات وربي ييسرها علجميع
اخي اني قابلت محلفين يوم 16-6 واني عائلتي مكونة من خمس افراد
وكان عندي شوية ضرف مكدرت اتواصل وياكم هاي الفترة
وانشاء الله تكون فاتحة خير عالجميع

اخوك
ابو جيهان

iraqi83 · « **رد #141 في:** 13:47 18/08/2009 »

مبروك ابو جيهان انشاء الله كل الراحه والتوفيق

ليش ام يلدا سجن ههههههه شنسوي غير نحجي الحقيقه ولو تلاحظين كل المواضيع اللطم بيه بفلس
عراقيين ماعلينه عتب
ولو اني كايل كم مرة هل الشهر راح يسرعون بتمشيه المعاملات ويوميه الحمد لله نسمع اخبار عن ناس ديخابروهم

واني البارحه خابروني والله من شفت رقهم كلت هاي هي
بس كالولي مدنكدر نحصل الكفيل فحاول تجيبنله رقم ثاني اله
مع انه اني اخابره عادي على نفس الرقم
ومن كنت اخابر اسال على الولايه محد كان يكلي سبب المشكله مدنكدر نحصل
بس همين الحمد لله والشكر الظاهر ديتشغلون بالموضوع

اذا اكو بشهر رمضان طيران فانشاء الله خير بس اذا يوفقون السفر فلازم نصبر للعيد

ورمضان كريم للكل بالمناسبه انشاء الله تعيديون بامريكا

alani · « **رد #142 في:** 15:03 18/08/2009 »

السلام عليكم عراقي صابر اني من جماعه 11|7 وكلشي مكمل بس اريد اعرف شنو سبب التاخير وشكرا

ستروبري · « **رد #143 في:** 15:40 18/08/2009 »

اخوان ابشركم

لي هسة لا متصلين بالكفيل ولا الامنية جاية

بطرك الفحص الطبي واستلام الظرف يوم 11 / 7

zeni tee · « **رد #144 في:** 02:32 19/08/2009 »

اني قابلت مقابلة الحلفان كان يوم 28 او 27 الي صادف بشهر السادس وخابرت على مصر يوم الاحد الي راح الي صادف16 بشهر الثامن

zeni tee · « **رد #145 في:** 02:56 19/08/2009 »

مقتبس من: starxb في 07:43 17/08/2009

مقتبس من: zeni tee في 14:05 15/08/2009
starxb لا العفو اختي رؤيا اخر رد مو الج الرد كان الاخويه زين . اني بنت واسمي زين
[/ اختي العزيزه زين اني جدا اسف وما اقصد الاسائه او الاستهزاء ولاكن صار عندي خطء مطبعي وبصراحه ما كنت منتبه . واسف على التاخير بالاعتذار لئن كان عندي مشكله بالنت . ارجو ان تتقبلي اعتذري اختي العزيزه وانا حاضر اذا ارتي ان انزل اعتذار خاص بكي في نفس الصفحه .

اخوكي الصغير ابو مريم سوريا لاخوية ماكو اي شي واني مزعلانة بس حبيت اوضح لااكثر وان شاء الله ادوم الاخوة بينة

starxb · « **رد #146 في:** 06:49 19/08/2009 »

الله ايديمج اختي العزيزه زين واشكرج على تقبل اعتذاري .

ابو مريم

roea · « **رد #147 في:** 16:36 19/08/2009 »

أخوية أبو جيهان
مبروك و ألف مبروك و مثل ما كال أخوية toofy
أن شاء الله تكون فاتحة خير علينا و فعلا أنت صرت
فاتحة الخير علينا لأن حبيت أفرحكم اليوم بهذا الخبر أخوتي

أختنا الغالية الحلاوية انتوا تعرفون أنو الامنية مالتها واصلة و الولاية متحددة
اليوم خابروها و حددولها موعد السفر باركولها و أدعولها لأنها رايحة وحدها مثلي
بس هي ماعدها كومبيوتر هسة حتى تفرحكم هي فطلبت مني أخبركم أخبارها الحلوة
يوم سفرها رح يكون يوم 2\9
و أن شاء الله الحبل على الجرار و كلنا يوصلنا السرى

روية \ عمان

ستروبري · « **رد #148 في:** 17:05 19/08/2009 »

اللف الف اللف مبروك لاختنا الحلاوية الله يسهل سفرج وتوصلين بالسلامة وتبدين حياة جديدة وسعيدة انشاء الله
ويارب يوم الي يخابرونة كلنة ويبلغونة بموعد السفر انشاء الله
يلة اخوان هاي فاتحة خير ويارب كلنة وراها نسافر بأسرع وقت
مبروك اختي مرة ثانية ويوم للكل

عاشق تراب العراق · « **رد #149 في:** 19:12 19/08/2009 »

الف مبروك اخوية ابو جيهان و ان شاء الله السفر القريب

الف مبروك لاختنة حلاوية و توصلين بالسلامة

يا رب يخابرونة كلنة و نرتاح

roea · « **رد #150 في:** 19:23 19/08/2009 »

هههههه صارلي ساعتين دايخة أكول أشو محد
علق هسة يلى أفتهمت أنو موضوعنا أطور و تحول
الى صفحتين هههههههههههههههه يعني دخل مرحلة التحديق
* أرجو تغير اسم الموضوع أخوية جعفر الى ...
( حديقة جماعة عمان إلي أستلام الظرف كان يوم 11\7 )

روية \ عمان

ابو جيهان · « **رد #151 في:** 21:26 19/08/2009 »

الاخت رويا العزيزة
الاخوة توفي الغالي و الاخ عراقي 83 الكريم
اخي الرائع عاشق تراب العراق
انشاء الله نسمع الاخبار الحلوة باقرب وقت وربي يسهل علينا و نفرح كلنا سويا
اختي الحلاوية ....... الف مبروك موعد السفر وانشاء الله توصلين بالسلامة و تفرحينا باخبارك دائما

اخوكم
ابو جيهان

toofy · « **رد #152 في:** 21:43 19/08/2009 »

الف الف مبروك لاختي الحلاويه توصلين بالف سلامة والله يوفقج ويهنيج

رمضان المبارك عليكم جميعا وينعاد علينا وعليكم بالخير والبركه وان شاء الله بهذا الشهر الفضيل تفرج علينه كلنه ويحددولنه مواعيد سفر ومثل ما كال اخويه عراقي 83 نعييد بامريكا

اخويه تره مستمر السفر برمضان ميتوقف وان شاء الله الخير لكل اعضاء المنتدى وتفرج علينا اجمعين كولوا اميييييييين!!!
تحياتي toofy

starxb · « **رد #153 في:** 21:51 19/08/2009 »

شكرا اختنه روياعلى نقل الخبر . والف الف الف مبروك اختنه العزيزه الحلاويه وانشاء الله الوصول الامن وبالسلامه والموفقيه والسعاده . ويارب كل اخونه الي ينتضرون مواعيد السفر ايبشرونه بمواعيد سفر قريبه .

ابو مريم

zeni tee · « **رد #154 في:** 04:42 20/08/2009 »

على خير لاخت الحلاوية وان شاء الله توصل بسلامة يارب يوم الانا اني صار يومين اخابر على iomالي بعمان حتى اشوف اصار مصار ميردون علية لو ترد وكلي عفوا ان مامور المقسم مشغول بس وداعتكم وراهاهم لحد ميزهكون مني مثل مزهكت unوشمروني على iomوهسة راح ازهكهم لحد ميشمروني بامريكاههههههههههههههههه

iraqi83 · « **رد #155 في:** 08:26 20/08/2009 »

والله صحيح تلفون عمان تصلح كم يوم وهسه رجع مثل قبل
بس اذا واحد حصل وكالت الموظفه مشغول (كالعاده) فكولوله خلوني انتظار فهي راح اتضل كل دقيقتين تطلع تكلك همين مشغول (مثلا) وارجع كولوله خليني انتظار
يعني خلال 10 دقايق تكون محولتك على القسم الي تريديه
لان اذا فصلت الخط يجوز متحصل مرة لخ طول اليوم
اني هيج احصل كل مرة
تحياتي الكم جميعا

toofy · « **رد #156 في:** 09:38 20/08/2009 »

وهاي كم كارد تحتاج يلله تحصللهم اخويه العزيز عراق 83 وفوكاهه من نحصلهم نسمع نفس القوانه

اني صارللي هاذ الاسبوع كلله ما حصلتهم لا عمان ولا مصر ام مصر كالت مشغولين بالتحويل للمبنى الجديد وانطتني ارقامهم الجديده كالت اتصل الاحد...

خللي نخليهه على الله وهمه يتصلون بينه يكولولنه حددنالكم موعد سفر

تحياتي

ستروبري · « **رد #157 في:** 09:52 20/08/2009 »

صباح الخير
اخوان هسى اتصلت على الاي او ام بس طبعا بدون ما اصرف كارتات لان اتصلت من التليفون العادي
صبعا بعد انتظار عشر دقايق طلعلي اخ كلش محترم وكــــــــــــــــــــــــــــــــــــال الامنية بعدة مجاية فسألته يعني هم شغالين بيه لو اصلا بعدهم ما بادين كال لا ما دام موجود عندي انو الامنية بالتجيك الامني يعني شغالين علية اما بالنسبة للكفيل فعادي كال ما اكدر اني اسوي اي شي لان احنا من نرسل الملف بعد احنا ما نكدر نسوي اي شي كل الموظوع بأمريكا بس لو كان المووع بالمراحل الاخير كنت اقدر ابلغكم
والنتيجة لا جديد لا امنية واتصال بالكفيل

وشكرا

iraqi83 · « **رد #158 في:** 09:54 20/08/2009 »

والله انشاء الله يتصلون ويفضوهه
عسما يكلولك بشهر فلان تسافر بس المهم واحد يعرف مصيره

وعلى موضوع التلفون فعلى الارضي اني اقصد ومن عمان يعني ميكلف شي
والله البارحه واول بارحه خابرتهم
تحياتي

ستروبري · « **رد #159 في:** 11:56 20/08/2009 »

اخوية عراقي 83 اتصلو يكفيلك لو بعد ؟؟؟؟؟؟؟؟؟

iraqi83 · « **رد #160 في:** 18:49 20/08/2009 »

والله البارحه رجعت خابرتهم
كالوا لا مدنحلصه
لان المشكله هو بالشغل ميشيل تلفون
بس الموظفه مرة كالتلي اذا منحصله يصير توطين عشوائي
فاني كل 3 ايام اخابر الح عليهم

من تخابهرم خويه كولهم حولوني على قسم dh
هو مسوول عن الكفيل
تحياتي

ستروبري · « **رد #161 في:** 01:43 21/08/2009 »

عاشت ايدك اخوية عراقي والاحد انشاء الله رح اجرب اخابر واكلهم حولوني على هدا القسم لان اني من تا اخابر تا اطلب قسم المعلومات
شكرا اخوية مرة ثانية والله يوفقك ويسهل امرك

zeni tee · « **رد #162 في:** 02:14 21/08/2009 »

زين يا رقم الخاص بالامنية اني هم احول للمعلومات وانتضر وماكو بالاخر يخلص الرصيد وهاي تبقى اكلي ان مامور المقسم مشغول لو مرات تطلعلي انسر مشين فاسلنك ان الرصيد قد ننفذ
ابارك هاي احنا نسمع بس اصوات بالانسر مشين وبس وبعدين لما iom انتقلت للمنى ثاني شنو الارقام الجديدة

roea · « **رد #163 في:** 03:01 21/08/2009 »

أخوية toofy من فضلك تكتبلنا
الأرقام الجديدة مال IOM مصر مع جزيل الشكر مقدما

روية \ عمان

toofy · « **رد #164 في:** 12:37 21/08/2009 »

تدللين اخت روية وجميع الاخوه ...الارقام اللي ردتلياهه هي
0020223595060
0020223582054
تحياتي toofy

roea · « **رد #165 في:** 15:35 21/08/2009 »

تسلم أخوية العزيز toofy
ما تقصر

روية \ عمان

iraqi83 · « **رد #166 في:** 17:03 21/08/2009 »

خويه لا شكر علواجب
انشاء الله تبشرنه بيوم تحديد السفر
بس جماعه عمان ترة مجرد يقرولك معلومات من الكمبيوتر
لان اني جنت اخابرهم علكفيل كل اسبوع يكولولي ممتتحده الولايه واسال علسبب يكولون هي اطول الشغله

بس صدفه اجاني تلفوني يسالني على الكفيل قبل كم يوم
الظاهر الخبر يجيهم من امريكا وهم يوصلوه فقط

واحيانا ميوصلوه وصارت بيه مقابله محلفين ممخابرني وكالولي خابرناك وراحت عليه وخابروني على مقابله محلفين ثانيه ورة شهرين

حته الامنيه هوايه ناس يسالوهم عالامنيه يكولون مواصله ورة يومين يخابروهم على موعد سفر
فخلي نخليه على الله والله كريم
بس خابر علكفيل وكلهم اذا مدتحصلوا حته اني احاول ادبرلكم معلومات اضافيه عنه او ارقام جديده
وخابرهم كل سبوع مرة اقل شي وانشاء الله موفقين الكل

تحياتي

الحلاويه · « **رد #167 في:** 22:03 21/08/2009 »

رمضانكم مبارك وكل عام وانتو بخير

شكرا لكل عائله عنكاوا وماقصرتو والله اشكر اخواني عكعك وابو انس وابو غانم واخت انجي وكلكلم بدون استثناء لان انتو ماقصرتو بمعلوماتكم علينه تسلمون وان شاء الله تحققون امانيكم

وشكرا الى اخواني من جماعه استلام الظرف 11\7 اخويه جعفر وتوفي وعاشق تراب العراق وزين وابو جهان ووعراقي 83

وطبعا اختي رويه حبيبتي ومقصرت وياي واشوفه هناك ان شاء الله وطبعا اني طلعلي كليفورنيا سان خوزيه وان شاء الله اي واحد يحتاج شي من اوصل اني بخدمتكم وتسلمون عيوني ولو متاخره عليكم بلشكر بس والله نت ماعدنه بلبيت

zeni tee · « **رد #168 في:** 02:42 22/08/2009 »

اولا كل عام وانتم بخير ورمضان كريم علينا وعليكم وان شاء الله نسمع اخبار حلوة بهاي الايام اني لاجديد عندي بس ان شاء الله يوم الاحد اخابر المصر واشوف الاخبار ويارب اكون اخبار حلوة على شهر الخير رمضان ينطونة خبر حلو حلوان بمناسبة رمضان هههههههههههه يارب يارب

:Dاني متفائلة خير مادري ليش والله كريم اللله مينسى اعبادة

zeni tee · « **رد #169 في:** 11:36 23/08/2009 »

مقتبس من: toofy في 12:37 21/08/2009

تدللين اخت روية وجميع الاخوه ...الارقام اللي ردتلياهه هي
0020223595060
0020223582054
تحياتي toofy

والله ياخ توفي اتصلت على الرقم الاول محد رد علية واتصلت على الرقم الثاني طلعي بيت مال واحد مصر واليوم ابد حتى كلمة مكش مافي اليوم شسوي بحالتي مسمعت صوت الموظفه

toofy · « **رد #170 في:** 12:51 23/08/2009 »

والله يا اخت زين اني نفس الحاله من الصبح ليهسه ما حصلت لا مصر ولا عمان .....
اني ولا رقم من مصر يرد لا بيت ولا غير شي

اني لاحظت بانه في اكثر من موضوع مكتوبه نفس هذه الارقام
على العموم تمنياتنه للجميع بالخير وان شاء الله همه اللي يتصلون بينا مو احنه
تحياتي toofy

ستروبري · « **رد #171 في:** 13:31 23/08/2009 »

مرحبا اخوان اتصلت اليو على عمان وطلبت قسم dh والولد بعد شوية جان رح يطلع من التليفون ما اعرف شبي الظاهر الصيام امأثر علية كلي ليش تسأل على موظوع الاتصال بالكفيل وتحديد الولاية الاول خلي تجي الامنية بعدين اسأل
وشكرا

mohammed2009 · « **رد #172 في:** 16:17 23/08/2009 »

اخويه جعفر

ممكن بس توضيح منك شنو قسم DH ؟ هو هذا المسؤول عن تحديد الولايه ولاتصال بالكفيل والواحد من ايخابر ممكن ايحولوه اذا طلب هذا القسم !!! لو هو نفسهم جماعه الي ايطلعون وايكلولك اخر التطورات على ملفك يعني قسم المعلومات !!!

شكرا

اخوك محـــ2009ـــمد

ستروبري · « **رد #173 في:** 17:36 23/08/2009 »

اخوية محمد قسم dh هو قسم تحديد الولاية والاتصال بلكفيل وطبعا الاخ توفي مشكور جدا جدا نطانة هاي المعلومة الله يوفقة
بس ادا انت مجاية الامنية مالك ما انصحك تخابر
وانت من تخابر عمان وتطلعلم البنية ام البدالة بس كله قسم dh وهي تحولك

ستروبري · « **رد #174 في:** 17:41 23/08/2009 »

اخوية عراقي 83 اني جدا اسفة عبالي الاخ توفي الي نطاني المعلومة وهد ادا دل على شي يدل على انو اني شكد دايخة اعدرني اخوية
اخ محمد هاي المعلومات من الاخ عراقي الله يوفقة
ومرة ثانية اعدرني اخوية عراقي 83

mohammed2009 · « **رد #175 في:** 17:54 23/08/2009 »

اشكرك اخويه جعفر على هاي المعلومه .. واشكر كذلك اخويه وصديقي عراقي 83 .

تحياتي لكم جميعا وبالموفقيه

محــ2009ــمد

iraqi83 · « **رد #176 في:** 19:59 23/08/2009 »

خويه جعفر ماكو فرق اني او توفي
المهم تستفادون وكلنه اخوه هنا انشاء الله
وميه هله بيك وmohammed 2009

ويجوز صدك الموظف مأثر عليه الصوم لان اني اسبوع الفات 3 مرات مخابر قسم DH ومكال شي
وهم iom مرة كالولي انطينه معلومات الكفيل بس اطلب قسم الDH

وماله علاقه بالامنيه علمود يكلك انتظره

خويه انتظر فد كم يوم وخابر وكله حولني لان عندي مشكله بتلفون الكفيل (مجرد حجه علمود يحولك) وكللهم شنو سبب عدم اتصالكم علمود احاول اشوفيلكم طريقه اخرى او رقم تلفون اخر

ولو بيني وبينك كله متفيد ههههه شوف شوكت يجيك السره وداعتك بيومين يفضوهه
بس احنه صبرنه قليل وملييينه واحد يريد يعرف راسه من رجله
والله الله يساعد الي صارلهم سنه واكثر

ابو يويو · « **رد #177 في:** 07:29 24/08/2009 »

السلام عليكم
اخوان اكو احد يعرف تلفونات IOM مصر الجديده ياريت اتكون الارقام صحيحة وشكرا

اخوكم ابو يويو

ستروبري · « **رد #178 في:** 10:31 24/08/2009 »

اخوية هاي الارقام الموضفة انطتنياها
0020223595060
0020223582054

roea · « **رد #179 في:** 12:12 25/08/2009 »

كوليييييييييييييييييييييييييييييييييييييييييييييييييييييييييييييييييييييييييييييييييييييليش
دا أهلهل لنفسي
تعرفون ليش لأن الامنية وصلت بس بقى ختم الملف
خابرت مصر اليوم و كالولي هذا الخبر الحمد لله أولا و أخير
و من ثم كل أخ و أخت أعزاء عليه بالمنتدى دعولي و تمنوا ألي الخير و ساعدوني
أحس رح اطير من الفرحة هاي لو يحددولي الموعد مال السفر شرح يصير بيه ما اعرف ؟؟!!!
يارب الكل توصل أمنيتهم يارب آآآمين ياربي توصل و الكل يفرح مثل فرحتي و أكثر منها بأضعاف

أختكم روية \ عمان

ابو جيهان · « **رد #180 في:** 12:20 25/08/2009 »

الف مبروك اخت رويا
تستاهلين كل خير وانشاء الله موعد سفر قريب
بعد كم يوم ينختم الملف وتبقين بالاستعداد وابدي حضري نفسكي
دعواتي بالموفقية

اخوك
ابو جيهان

ريم عبد · « **رد #181 في:** 12:38 25/08/2009 »

الف الف الف مبرووووووووووووووووووووووووووك اخت رويه
وياربي افراح دائمه للجمييييييييييع ان شاء الله
الله ايسهل سفركم ان شاء الله ويفتح طريقكم وايهيالكم منظمه عدها ضمير تستقبلكم
وابتدااااااااا المشواااااااااارر
وان شاء الله سفر قريب
اختكم ريم

ستروبري · « **رد #182 في:** 13:04 25/08/2009 »

اللف اللف اللف مبروووووووووووووووووووووك روية انشاء الله يوم موعد السفر

iraqi83 · « **رد #183 في:** 13:43 25/08/2009 »

الف الف مبروك اخت رويه
يوم السفر القريب انشاء الله

والله انطيتنه دافع معنوي نخابر باجر ونسال
وهذا معناه الحمد لله وصل السره لجماعه 11/7

toofy · « **رد #184 في:** 17:34 25/08/2009 »

الف الف تريليون مبروك اخت روية اني جدا اسف هسه يلله كعدت وشفت الخبر .....متتصورين شكد فرحتللج
ان شاء الله يحددولج موعد سفر قريب وتروحين ويه الاخت الحلاويه وتكونون فاتحة خير لكل جماعتنه
والف الف مبروك ......خوش خبر قبل الفطور
تحياتي toofy

RE7-ALJANOOB · « **رد #185 في:** 18:24 25/08/2009 »

الف الف الف مبروك اختنا الغالية روية وانشالله يوم السفر القريب

ولجميع المنتظرين انشالله الفرج قريب جدا

تحياتي

starxb · « **رد #186 في:** 20:12 25/08/2009 »

الف مبروك اخت رؤيا وانشاء الله ختم الملف وموعد سفر قريب بعون الله . ونتمنا الى جميع اخوانه وخواتنه الي ينتضرون الامنيه واني من ضمنهم ان توصل خلال هذا الشهر . كولو امين .

ابو مريم

abdo_99 · « **رد #187 في:** 01:14 26/08/2009 »

الف الف مبروك اختنا
يوم السفر انشاء الله

اخويه العزيز ابو مريم الورد
أميييييييييييييييييييييييييييييييييييييييييييييييييييين انشاء الله عن قريب

ابو مرتضى

starxb · « **رد #188 في:** 02:03 26/08/2009 »

الله ايعزك اخويه ابو مرتضى . دعوه صادقه من القلب بوقت السحور الى جميع الاخوه والاخوات المسيح والاسلام والصابئه واليزيد واللجميع ربي ايفرح كلوبكم جميعا دون استثناء .

اخوكم ابو مريم

roea · « **رد #189 في:** 05:25 26/08/2009 »

أخوتي و خواتي الاعزاء
رمضانكم مبارك وكل عام وأنتو بألف بخير

شكرا لكل أهلي و أخوتي الكرام ما قصرتوا وياية والله بدعائكم أليه و أمنياتكم الصادقة
تسلمون و مشكورين أن شاء الله كلكم توصل المحروسة الامنية لملفاتكم و يتحدد سفركم

يارب يوم الـ يصير بيه هذا الموضوع مجرد ذكرى بالأرشيف
و الكل يسافر و يستقر و يبدي حياة جديدة يارب آآآمين

روية \ عمان

نخله عراقية · « **رد #190 في:** 11:13 26/08/2009 »

السلام عليكم.......
شلونكم والله مشتاقتلكم واحد واحد بس الانترنت مالتي عاطل وهسه اطلعت لمركز الانترنت... اولا وقبل كل شي رمضان كريم عليكم وعلى كل البشرية ان شاء الله ينعاد عليكم بالخير والصحه والعافية وتحقيق الاماني الاخرويه والدنيوية...
بس الله يعلم بحالنا بعد انقطاع النت لانه فعلا وياكم ما كنا نحس بوحده ابدا ونحس انه احنه بين اهلنا وناسنا ...
الف الف مبروك لاختي الحلاوية موعد السفر وان شاء الله سفره مريحة وتوصلين بالف سلامه ...والف مبروك لاختي رويه الموافقة الامنيه وان شاء الله موعد سفر قريب ...ان شاء الله تكونون فاتحه خير لجماعتنه ..أنا هم اعرف عائله مكون من 3 اشخاص كانو ويانا بالمقابلات والفحص وطلع الهم موعد سفر يوم 31 من هذا الشهر والله يسهل عالجميع بحق هذا الشهر الكريم...
اما اخباري فانا بانتظار الامنية ...واختي myiraq خلصت كل شي وانختم ملفها بس انا اللي مأخرتهه

الله كريم هذا شهر الخير وان شاء الله الدعاء مسموع والكل ترتاح قبل العيد بأذن الله...
سلامي لكم جميعا فردا فردا ومااريد اذكر اسماء اخاف انسى احد......
اختكم نخله عراقية
عمان

ابو البيانو · « **رد #191 في:** 12:46 26/08/2009 »

السلام عليكم يا اخوان
هذة اول مشاركة الي وياكم, و من جماعة 11-7 هم مثلكم لا خبر ولا جفيه
و دائما الجواب لسه مكتش

يللة الله كريم

ستروبري · « **رد #192 في:** 15:10 26/08/2009 »

الف هلا بيك اخوية ابو البيانو بس ادا امكن تكتبلنة تواريخ مقابلة المحلفينو وتواريخ الاتصال بالكفيل
يعني بالمختصر شوية توضيح
وشكرا

ابو البيانو · « **رد #193 في:** 18:26 26/08/2009 »

مقتبس من: jafarmaysam في 15:10 26/08/2009

الف هلا بيك اخوية ابو البيانو بس ادا امكن تكتبلنة تواريخ مقابلة المحلفينو وتواريخ الاتصال بالكفيل
يعني بالمختصر شوية توضيح
وشكرا

اهلا اخوية جعفر

والله مقابلة المحلفين جانت يوم 27-5

و خابرو الكفيل يوم 16-7 بامريكا و راحوا و وقعوا الاوراق. ودننتظر $:-\$

ريم عبد · « **رد #194 في:** 21:27 26/08/2009 »

اهلا وسهلا بيك اخي ابو البيانو
وان شاء الله تفرج عليك وعلينا احنا هم تقريبا نفس التواريخ وهم لسه على قائمة الانتضار
اختكم ريم

toofy · « **رد #195 في:** 01:14 27/08/2009 »

اخواني واخواتي الاعزاء جماعة 11 \7 شلونكم ؟ان شاء الله بخير
اليوم صارللي 3 اشهر على مقابلة المحلفين ولحد الان المحروسه مكتش!!فالكاابه واصله للقمة

فرجعت قريت موضوعنه كلله من البدايه وشوفو شنو اللي اكتشفته.....
*اخويه العزيز جعفر نزل الموضوع 12\7 بعد يوم من استلام النتيجه
*المشاهدات راح توصل 4000 مشاهده(اللهم صللي على محمد وال محمد)
*المشاركات ويه مشاركتي هذه وصلت 198 مشاركه
*عدد اعضاء المنتدى الكرام اللي استلمو النتيجه في 11\7 واشتركو بالموضوع همه 17 عضو
*عدد اللي وصلت موافقاتهم الامنيه لحد الان من المشاركين بموضوعنه هم 5 واحد منهم بس سافر وواحد متحدد له موعد سفر
*اللي ما واصلله امنياتهم ليهسه 12 ولو بعض الاخوه مديتواصلون يعني يجوز سافرو او اجتي الموافقه بس خاليهه سكته
*اما الفائزين بالمراتب الخمسه الاولى بعدد المشاركات فهم كما يلي
المركز الاول .....القائد المؤسس للموضوع الاخ العزيز جعفر بواقع 39 مشاركه
المركز الثاني ....اني (واعوذ بالله من كلمة اني )بواقع 27 مشاركه
المركز الثالث....الاخت العزيزه روية بواقع 21 مشاركه
المركز الرابع .....للاخ العزيز عراقي 83 بواقع 19 مشاركه
اما المركز الخامس ....فللاخت زين بواقع 10 مشاركات
بالنهايه احب اشكر كل من شارك بهذا الموضوع باي تعليق او دعاء وان شاء الله الباقيين كلهم توصل امنياتهم ويحددولنه مواعيد سفر ونفتح موضوع جديد اسمه جماعة 11\7 من امريكا

شنو راييكم مو دابدع ....
تحياتي toofy

محمد زيونه · « **رد #196 في:** 10:49 27/08/2009 »

خوش احصائيه مسوي بارك الله بيك

والله طلعت روحنا شوكت راح توصل الامنيه ويحددولنا موعد سفر

ان شاء الله ان شاء الله عن قريب يتصلون بينا كلنا

وعلى كولتك نسوي موضوع جماعه 11 /7 في امريكا

ونكتب مواضيع من داخل امريكا ونفيد الاعضاء البقيه

ونتذكر شلون جنا ننتظر الامنيه وموعد السفر ونكول والله جانت ايام عصيبه وعدت وارتاحينا

ستروبري · « **رد #197 في:** 12:25 27/08/2009 »

هههههههههههه والله موتوني ضحك عيني توفي انت الاساس هنا اني كلش افرح من اشوف كتاباتك لان انت الي تنوبني من يكون الكمبيوتر عاطل لا سامح الله او من يكون النت شوية تعبان الله لا يكوله
وعلية انا اعلن الاخ توفي من ينوب عني في حالة الطوارء

وشكرا لكل شخص شارك بالموظوع

اخوكم جعفر واختكم ام عمار في انتظار الامنية والاتصال بالكفيل بعد اكمل شهرين من مقابلة المحلفين
27/8/2009 وعلية وقعت

toofy · « **رد #198 في:** 13:13 27/08/2009 »

الله يخليك قائدنه المؤسس ....يعني هسه اني صرت نائب القائد

بس اخاف الجماعة ميقبلون خللي نسوي انتخابات احسن هههههه ديموقراطيه

بس اخوان اني من سويت الاحصائيه اكتشفت انه فقط 29 %من المشتركين طالعه موافقاتهم الامنيه ومعظمهم من الشباب والشابات اللي كيس وحدهم فمعناهه ماكو داعي نقلق لان اكو هوايه متاخرين قبلنه مستلمين الظرف لكن هذا ميمنع انه نتامل كل الخير بهذا الشهر الفضيل وان شاء الله تفرج على جميع منتظري الموافقات ....
تحياتي toofy المرشح عن نائب القائد المؤسس فهل من منافس؟؟؟؟

ستروبري · « **رد #199 في:** 13:51 27/08/2009 »

يلة اخوان باب الترشيح مفتوح
توكلنا على الله

الأخبار:

المحرر موضوع: مابعد استلام الظرف 11/7 __ عمان (زيارة 179929 مرات)