مابعد استلام الظرف 11/7 __ عمان

[ريم عبد]

عيني توفي
خليت عينك على وصلة الكيكه الي جابلياها الريس
هاي فوك مديسد عنك الدولارين الي اكلتها عليه
مدكولي شلون اتريد توصلك دعوات وانت ماكل عليه حقي
خليني ساكته


سيادة الرئيس
ان شاء الله عيد سعيد وان شاء الله مينعاد عليك
وياربي قبل الشمعه السابعه انت  شاعل شمعة السفر وجايبلي كيكه بعد اطيب من هاي
وام الطابقين ان شاء الله وما انطي منها لاحد

[حبيب بغداد]

اخواني اخواتي اعضاء الجماهيرية العزيزة (بعرضي مشتاقلكم)  اخوية توفي اشلونك حبي اشلون الريس وياك انشاللة تكونون بخير   اخوان ترة اني الكمبوتر مالتي انتحر قبل العيد   فهسة حديقة والحمد لله     انشاللة بين ما يطك الدبل واشتري واحد  جديد لو الريس ايوزعلنة كل واحد لابتوب جديد بمناسبة العيد     المهم اخوان حبيت اعايد عليكم واكول كل عام وانتم بخير وانشاللة  العيد الجاي بمريكا





تحياتي للجميع حبيب بغداد

[ابو البيانو]

هلا اخوية قيس
والله ظل بالي عليك ، كلت خو ما اكو شئ إ المهم الحمدلله علسلامه ،، اخذلك جهاز و ارتاح، ولو الاجهزة بامريكا ارخص بهواي، نص السعر و مواصفات اقوه،

كل عام و انتو بخير.

[ستروبري]

شلونكم اخوتي وخاوتي اتصلت هسة والجواب الاتوماتيكي بعده بالتجيكات الامنية والله يصبرنة
ممكن كلمن يخابر يكللنة صار وياة


غاندي في انتضار الامنية

[الاسد الجامح]

السلام عليكم جميعا
اول البارحة دزيت ايميل كلتلهم كل عام وانتم بخير
يابا اشصار بالملف
والبارحة دزيت ايميل ثاني
واليوم همين دزيت ايميل
بس كلشي ماكو الظاهر الجماعة لو ظاجو لو فد شي صار

[ابو طبر]

صباح الفل والياسمين على اطيب جماهير حلوين
مشتاقلكم واحبكم موت موت موت
اسف على النقطاع وشكراً للسؤال  اني جنت في جوله سياحيه مع اصدقائي   وكلت خلي بدربي اسئل وادور  على مكموعه الشيب امل   
كل الهلا بالاعضاء الجدد ونورتونا 
قائدنا المفدى  اني  صارلي شهر بالتمام والكمال ممتصل على iom والاعصاب صاير بارود   
يبو اشكد عيب معايدتكم اسف    ايامكم سعيده وكل عام وانتوا بالف الف خير ويارب تحقيق الاماني   

بس شنو نسوي  راح عيد ويجي عيد واحنه على حطت الايد 
 سولفولي من ازوج منو  سافر  منو مصخم وجه مثلي وكاعد  تره مشتاق لخباركم  وياربي  اتكون اخبار كله فرح ومسره

اخوكم : ابو طبر   
عمان

[نخله عراقية]

مرحبا شلونكم يا جماعه ...
هلو اخويه ابو طبر ..وين هاي الغيبة شلونك ...المعنويات عالية الظاهر...الله يديمها عليك ويكملها بوصول الامنية ان شاء الله.
اليوم اتصلت ونفس الجواب التقليدي ...بالتجييك الامني ...
نخله عراقية
عمان

[toofy]

جماهير.....قيادة

شنو القصه يمعودين .....المعنويات الظاهر كلهه تحت الصفر بحيث موضوعنه ولاول مرة يمر يومين دون اضافة رد....ونزل موضوعنه الى اسفل الصفحه 
كولو يا الله وان شاء الله باجر بداية اسبوع ونتبشر بخير   
والله من اشوفكم هيج متتصورون شيصير بيه 
 هسه خللي نعوف امل ونحول على زوجهه (تفاؤل )بلكي كصته خير علينه  ........وتفائلو بالخير تجدوه
تحياتي toofy

[الاسد الجامح]

اخوي العزيز توفي
اكو هواي شغلات صعبة بالحياة
بس الظاهر اصعب شي انك اتباوع للسما تشوف نهار ورا ليل بس من اتباوع على الساعة
تشوفها واقفة وانت متبسمر ابمكانك كلشي ما تكدر اتسوي
ااااااااااااااااااااااااااااااااااااااخخخخخخخخخخخخخخخخخخخخخخ
حياتنا كلها متوقفة على رنة تلفون وحدة وكلمة وحدة (مبروك اجت المحروسة ) هي هاي الماساة
ندعو من الله الصبر
واحساسي يكول هذا الاسبوع اكو بي مفاجئات
 ان شاء الله

[نخله عراقية]

مــســــــــــــاء الخير والاحساس والطيبة ....
وبمناسبة الاحساس... ولو اننا فقدنا الاحساس بالوقت بسبب طول انتظارنا مثل ماقال الاخ الاسد الجامح..بس انا عندي احساس قوي انه الفرج قريب ... ياربي كلما اكتب شي يطلع اسم جديد ..هذا منو فرج  ...شكرا توفي ابن ولايتي على تحريك الموضوع وان شاء الله نسمع اخبار حلوة هذا الاسبوع .يارب..
اختكم نخلة عراقية
عمان

[ابو البيانو]

التفاؤل حلو شباب بس لما تطول الشغلة تصير مو حلوة، خلي ننتظر و الله كريم
بس القائد وين صار اشو صارله ثلاث ايام ماكو ؟ بس لا ......... و مخليهة سكتة ؟   

عيني توفي شخبار الطيارة  اذا امعلك تايراتهة و امجودرهة دير بالك خلي بيهة دهن فول. ترة الدنية شته اخاف اتزنجر .
 هاي اشلون شغلة !!!!!,,,, ماكو موضوع نحجي بيه , خلي اروح انام احسن شئ ,

[toofy]

يا اخويه ابو البيانو .....لتخاف الطياره واتر بروف متتاثر بالظروف الجويه !!!!
ومال طولت صدك طولت واكثر من اللازم وملينا من الانتظار ويمكن الريس صام عن الكلام والطعام من الضوجه فاني اليوم راح اكلكم قوله الماثور "تصبحون على رنــــــــــــــه" والله يفرح الجميع عن قريب ان شاء الله
واختي وبنت ولايتي فرج ابن امل مثل امه زعلان علينه هسه حولنه على ابوه 
تحياتي toofy

[الاسد الجامح]

اخوان سؤال
احنا جماعة 11\7\2009 كم واحد بقينا ؟؟؟؟ !!!!!
لانو اكو هواي جمعيات كلها تنطبق علينا

[toofy]

والله يا اخويه الاسد ...تريد الصدك ....اللي بقوا من جماعتنه ينعدون عالاصابع 
اما الجمعيات فاني منتمي لجمعية منتظري الموافقة الامنيه من ثاني يوم استلام الظرف ويمكن هاي الشغلة عمت عليه 

[ريم عبد]

السلام عليكم
شلونهم جيرانه الحبابين
ان شاء الله اينقصكم ميزيدكم
وياربي ايشتت شملكم وميجمعكم
مدكوليلي شكد بقه منكم ياريت لو اتسوولنا جدول باسماء الباقين بلكت الله ايسهل عليهم

اخويه العزيز توفي
ياريت لو اتعوف هاي الشغله وتجي تشتغل يمنا
بالنظر لغياب لوتس قررت ان اسوي ابديت للجدول وداضيف كل التصليحات الجديده
وانت انقلي المعلومات الي تعرفها
وبهاي الحاله انقسم الدولارين بيناتنا ففتي ففتي
اني اخذ 1.99 وانت تاخذ 1 سنت
وعلى الاقل اتلم فلوس للسفر ماطول كاعد لاشغل ولا عمل
اتفقنااااااااا؟؟؟؟؟؟
ياريت اترجعلي خبر بالموافقه على السريع لان تعرف اكو هوايه دزولي السيفيات مالتهم بس كلت انت اولى لان مشتغل ويانه من قبل وثبتت جداره
وبلكت الله ايوفقك واتشيل النحس الجاثم على معاملتك

[الاسد الجامح]

السلام عليكم
اختنا ريم ليش انت وين
لانه كلتي جيرانا الحبابين
اني اقدم السي في مالتي
اخوك ابو سرمد

[ريم عبد]

اخويه الاسد الجامح ولو اسمائكم اتخوف انت وابو طبر واني تره بس جايه اسلم واطلع
احنا جيرانكم بالموضوع مال اعرف جيرانك
وهلكد مو النهار كله مسفطين وكاعدين وانتوا  هم ماعدكم شغل  او واكفين براس الدربونه فداخلين الجيران على بعض
وتوفي يجي مرات ايساعدنا  وايسد الشاغر احيانا
واكيد انت خليت عينك على السنت مالت توفي واتريد تاخذ مكانه بس يرادلك شهادة خبره بموضعنا مال اعرف جيرانك بس لتثرد وياهم

[الاسد الجامح]

صحيح   
لو تعرفين هذا السنت شي سوي
ايباااااااااااااااااااااااااااااااااااااااااااااااخخخخخخخخخخخ

[الاسد الجامح]

السلام عليكم  توفي
من خلال الردود الي قريتها بكل الجمعيات اكتشفت انه
اكو اصطوانة او كليشة حافظها الموظف وهي ( لسا بالتشييك الامني )
وبدون ما يسالك شكد رقم الملف او اي شي ثاني
اني استلمت الظرف يوم 11\7\2009  وبيوم 4\10 دزيت ايميل
خابروني كالو مبروك اجت الامنية بقي رتوش انتظر تليفون من عندنا
ورا اسبوعين كالو لا اجت بس لابنك سرمد والي عمره 2 سنة
ورا اسبوعين خابرو كالو طلعتلك ولاية اريزونا
ورا اسبوعين خابرتهم كالو الموافقة لسا ما طالعة
وقبل اسبوع تقريبا كالو ننتظر تيجينا بالبريد
والبارحة كالو لسا ماكو موافقة     
         
شنو السالفة راح اتخبل
اخوكم ابو سرمد     عمان 

[ريم عبد]

اخويه الاسد الجامح
مبروك عليك
احسب حسابك بشهر الواحد انت ان شاء الله شاد الرحااااااااال
وهذا السنت خليه لاخوك توفي لان بعد شغلته طويله
وعليه ديوووووووووون هوايه مديسدها لاصحابهااااااا

[الاسد الجامح]

لازم انت من الديانة
على العموم النص بالنص

[ريم عبد]

ايييي والله شلون عرفت
 اني اطلبه دولارين وكلت خلي يشتغل لما ايوفيهاااااااا
منين طلعتنا اتريد اتقاسمه بهذا السنت
اتروح تطلعله الامنيه وهوه مموفي الدين الي عليه

[toofy]

ريمة يا ريمة .....حتى السنت خللو عينهم عليه          ولوتس رجعت بس سمعت اكو فلوس 
متكوليلي اني ليش مطلوب دولارين؟؟؟؟اشو اني ناسي  لا دعيتيلي دعوة واشتغلت ويايه ولا عينتيني يمكم؟؟ اشو ملفي ونايم تحت ثلوج ولايتي في سبات عميـــــــق حتى كل انواع الشعوذه متوصلله
شنو القصه  تجييك التهايم وانته نايم 
وهاي راح اعرض عليج ورقتين 200$    مو سنتين اذا كدرتي تحركين ملفي منا لنهاية عام 2009 بقاللج 24 يوم دنشوف شيصير لان اني بديت اشك انه رجلج الخضراء مفعولهه صار اكسباير 
تحياتي toofy

[ستروبري]

توفي انت تتشك اني اتأكدت لان اني مثلك لا خبر ولا جفية ولا حامض حلو ولا شربت ولا شوربة ولا كرواسون ولا ولا ولا ولاولا

[toofy]

اخويه العزيز ابو سرمد ....ولو اني الاستشارة بخصوص المحرووووسه اخذ عليهه دولارين بس ميخالف هالمرة راح اجاوبك مجانا لان انته من الجماهير   بس المرة الجايه لازم تدفع مو تكول
هو احنه كلنه نفس الاجابات ونفس اللعب بالاعصاب ...
اني متحدده ولايتي وره استلام الظرف باسبوعين ومن نص رمضان كالو نص موافقاتنا واصلله ولحد قبل 3 اسابيع اخر مرة اتصلت بيهم ويكولون لسه بالتجييك الامني
واني بصراحه بعد لا اخابر ولا اسأل وراح اخليهه على الله وما ادوخ روحي

يا هلا بالريس ...اخيرا خلص صيامك  متشوفني دخلت وياهه بتحدي هو انته اللي اطلقت عليهه اللقب وكامت تستغلله تمشي امورهه على كل المنتدى واحنه من تدخل يمنه تدور فلوس 
تحياتي toofy

[zeni tee]

شلونكم اخوان اني حبيت اسلم عليكم واني مطار نيويورك دانتظر طيارة شيكاغو ومن شيكاغو اروح لوسكنسن

[toofy]

اختنا العزيزة زينه ....توصلين بالف سلامه والله يسهل الرحلة عليكم
ونريد تقرير تفصيلي بالرحلة من توصلين الى ملواكي بالسلامة
تحياتي toofy

[حبيب بغداد]

تسلم اخوية ابو الابيانو وكل الاخوة   تحياتي للكل  واسف للانقطاع بس واللة مو بيدي   اني بالنسبة الي ماكو شي جديد ولا حتة اتصلت  ومخليهة على رب العباد وانشاللة خير    اني بس حبيت اسلم عليكم     وانشاللة تفرج بعون اللة     




سلامي للكل بالاخص اخوية ابو البيانو واخوية توفي والقائد العزيز  وجميع الاخوة   


تحياتي للجميع حبيب بغداد

[ريم عبد]

اخواني الاعزاء
جيراني الحبابين
اتريدون اتصدكون او متصدكون
لا 24 يوم ولا 25 يوم منا الى شباط لحد ايصدك راح يجي اي خبر
بمناسبة الموسم الشتوي القارس البرد
 جمدت كل قدراتي ودخلت بسباااااات بعد راحت عليكم
ولتضوجون ولا اتفكرون ولا اتملون منا الى ان تنتهي هاي فترة الاعياد والعطل والاجازات لتصدكون راح تتحرك قضيتكم
عاد من هسه اخذوا حباية فاليوم اتنيمكم لمدة شهرين ومن تخلص عود تعالوا بلكت انفخلكم عليها و انطلعها من جوه الثلوج
لو تستغلون هاي الفتره واتحولون الجمعيه الى كافتريا المنتدى وتلتهون بطبخ وجبات واتبيعوها هم تستفادون احسن من هاي الكسله

وعيني توفي لتنسي نفسك انت مو كتلي تنطيني الدولارين وبعدين من دعيتلك نكرتها عليه وكلت روحي اخذيها من لوتس
واني هم لغيت الدعوه وجمدتها لحين استحصال المبلغ بعد شلون اتريد تمشي امورك بلالالالالاش

[osama5477]

خبر تازة ، صدكو او متصدكون واحد صديق استلم الضرف يوم 5-12 يعني قبل يومين واني اليوم كنت معاه من اتصلوا بيه الاي او ام وانطوه موعد سفر 17-12 يعني بعد عشر ايام وهو مقدم مباشر ومصارله غير 6 اشهر من قدم زين اشلون اجتي الامنية بهاي السرعة ؟؟؟؟؟؟ لعد احنة ليش هيج طولنه الموضوع اله علاقة بمقابلة المحلف ، مقابلته فقط 10 دقايق حسب مايكول وما سائله اي شي عن القصة بس معلومات عامة عن العسكرية وحزب البعث ، والمفاجئة الثانية من سائلة عن حزب البعث كايله كنت عضو وهو بالفعل كان عضو بالحزب بالكلية ؟؟؟؟؟؟؟؟؟؟!!!!!!!! راح اتخبل اني اعرف اخوانة 2 كانوا بالمخابرات بوقت صدام

[ابو البيانو]

والله شغلة تحير , شنو القصة محد يعرف ! هذا اكيد بدون موافقه امنية لان ممعقولة تجي وهي اصلا ما راحت.

اخوان شنو الايميل مالتهم ؟ ممكن تكتبولي حتي ادزلهم ايميل ,, صخام على وجوههم !

[الاسد الجامح]

IC@IOM.INT
وبلكت الله نسمع من عندك اخبار طيبة

[ابو البيانو]

تسلم اخوية الاسد ...

[الاسد الجامح]

اخوي توفي شدعوة دولارين احنا هم اخوتك
ثانيا تقبل شيكات لو نقد كاش لو بالاجل
 

[toofy]

حبيبي اسد...يفضل كاش    حتى مضمون ...شنو بالاجل وين الكاك بعدين؟؟
هي كلهه فتاوي وفكرنه يودي ويجيب ....وهمه ديضحكون علينه...وخصوصا احنه جماعة 11\7 لا العزاب مشوهم ولا العوائل ....واللي يحصل اي خبر مفرح خللي يبشرنه بيه 
ولو هي مبينه الشغلة راح تنام للسنة الجديده فعلى شنو غاثين روحنه خلوهه على الله وهي تفرج   

كل الهلا بيك حبيب بغداد ...عالخير اشتريت لابتوب جديد 

تحياتي

[ابو البيانو]

دزيت ايميل و بعد 3 ساعت خابروني من ونفس الجواب بالتجييكات الامنية

كتلة ليش تاخرت الامنية كال طبيعي 6 شهور . مرات يقل و مرات تطول حسب الاسم, ردت اكلة لعد اشلون اكو واحد يستلم الظرف يوم 5-12 و يوم 7-12 يخابروه حتى يحددولة يوم سفر بس كلت خليني ساكت و كل واحد ياكل خبزتة...

[نخله عراقية]

مرحبا ...شلونكم جميعا
والله يااخي ابو البيانو تعبنا ...والله تعبنا ...وبس الله عالم بالحال
الله كريم ...ان شاء الله تفرج

[osama5477]

اخواني الاعزاء ،

بس حبيت اوضحلكم شغلة بالنسبة لصديقي الي انطوه موعد سفر وره يومين من استلام الضرف ، صاحبنة هذا طلع مشمول برنامج ال Area 4 ، اكيد محد سامع بيه ، هذا البرنامج لعوائل ضباط المخابرات الي كانوا بوقت صدام وساعدوا القوات الامريكية بالعراق ، بالمناسبة اخوانة الي كانو بالمخابرات اثنينهم بامريكا حالياً والمشمول ببرنامج ال area 4 حتى مساعدات تختلف ، والبرنامج مخصص للي ينطون معلومات او يساعدون القوات الامريكية بمكافحة الارهاب ، وبالمناسبة هواية عوائل مسؤلين عراقين بوكت صدام سافروا على هذا البرنامج من ضمنهم عوائل وزراء بوكت صدام ، وهذا الكلام موثوق مية بالمية ، للتقديم على هذا البرنامج تحتاج توصية من رتبة جنرال او من السفير ( يختلف هذا البرنامج عن ال SIV ) وبالمناسبة بعد ما يوصلون لأمريكا حتى اسمائهم ايغيروها ، وبالنسبة لكلامي عن عوائل الوزراء كلامي موثوق لان اني شخصياً اعرف عائلة وزير سابق بوكت صدام حالياً في كالفيورنيا وسافروا عن طريق ال IOM من عمان مشمولين ببرنامج area4 واحنة ايدورون جنت بعثي لو جنت عسكري لو لا  وخاطرنة بحياتنة على وهم ، بعدين موافقاتنة الامنية تنام اشهر لو سنة ومحد يكلبنه ، اكبر ازدواجية

[الاسد الجامح]

يمعود على بختك دكول هيتش من الاول
وكعت قلبنا ردنا نتعارك ويا الموظف
ونسويها ظلمة بس الحمد لله جتي سلامات
على العموم الله يسهل امر الجميع

[الاسد الجامح]

اخواني خابرتني منظمة ACR تريد مقابلتي
شنو السالفة ما ادري
افيدوني افادكم الله

[نخله عراقية]

مرحبـــــــــــــــا بالجميع..
هلو اخويه اسد ...شنو هاي منظمة ACR ...ممكن توضح اكثر ..
نخلة عراقية
عمان

[الاسد الجامح]

اني نفسي ما اعرف
خابرو كالو ممكن نحكي مع السيد سرمد
كلتلهم ابني سرمد عمره سنتين
كالو زين الكتور اسامة
كلتلهم اني مو دكتور
كالو لعاد لازم انقابلك احنا انخابرك

[نخله عراقية]

والله يااخي يابو سرمد ماادري شنو تاليها ...ان شاء الله خير ..اذا ممكن وافينا بالتفاصيل  ...الله يفرج عليك وعلينا وعالجميع...
اختك نخلة

[الاسد الجامح]

اشكرك عزيزتي وان شاء الله خير

[toofy]

اخويه العزيز ابو سرمد.....انت متاكد من اسم المنظمه لان بصراحه ما سامع بهيج منظمه وهل كان رقمهم برايفت ؟؟
على العموم ان شاء الله خير ....ويوم اللي يتصلون بيك الIOM ويبشروك بوصول المحرووووسه ان شاء الله
تحياتي toofy

[الاسد الجامح]

شكرا حبيبي
نعم الرقم برايفت
وان شاء الله خير

[الاسد الجامح]

مشكورين اخوان على الردود

خابرت على منظمة كير وسئلتهم اكو هيج منظمة
كالولي نعم هاي منظمة انسانية مال مساعدات
اذا استجد شي ابلغكم

[ابو البيانو]

يلله ماطول انسانيه لتخاف  

بس اذا الشغلة بيهة جبن كرافت كللنة حتى نروح نلزم سره  

خير انشالله اخوي الاسد.

[الاسد الجامح]

بس جبن كرافت لو كيري ميخالف
 

[toofy]

جماهير  ....صابرين .....تحولنه للثامنه فقررت التنحي عن المنصب 
لن اكتب رد حتى احصل على خبر مفرح لي او لكم ان شاء الله 
تحياتي للكل toofy

[الاسد الجامح]

مبروك علينا الثامنة
وان شاء الله شوف على وجها الخير

[ابو طبر]

مساء الورد والياسمين على جماهيرنه الطيبين التعبانين اللي مدري شكول عليهم والله ملينه من هاي السالفه يعني اشلون من ساعة السوده الي قدمنه بيه على هاي الشغله وانحبسنه  هنا وفوك القهر وصلنه للصفحه الثامنه وحطمنه كل الارقام القياسه يعني اشلون اخواني مو حته الصبر بزع من عدنه وكال شنو انتوا لزكتوا  راح اتخبل والله يعني ماكو واحد عنده فد خبر زين مفرح شنو نسونه لو ضيعوا الملفات مالتنه قابل نقلوهن باللوري وكان مكشوف وطارن الله اكبر  حسبي الله ونعم الوكيل
اسف اخواني واخواتي  شكول وشحجي  تره الاعصاب خلصت والمعنويات صارت زفت يعني اذا اجتي المحروسه الطايح حظه لازم اول منسافر يخصصولنه اطباء نفسيين بسبب الكئابه اي فرحه مبقت اشو كاعدين ومكابلين الموبايل صار مرتين ابدل النضيده من القهر والشحن
بالمناسبه اني صار اكثر من شهر ونص  مدري شهرين والله حته الايام تاهت  ممتصل عليهم والصراحه ايست من هم وكلت كافي بعد كاعدين ونفكر اتخبللللللللللللنه
اخواني اخواتي مشتاقلكم والله  واعتذر على الانقطاع الطويل وعدم التواصل معكم  بس صدكوني اني ادخل واقره مشاركات الاخوه والاخوات  واشبع قهر نفس الحاله مافي شي جديد ومااعرف شكول واشارك 
بس الحمد لله انتوا بخير وسالمين ويارب اتكونون بصحه وعافيه

اخوكم : ابو طبر   
غابات الامزون   

[ابو البيانو]

عيني ابو طبر لا تأيس اخوية كلنة تعبانين من هاي الشغلة و كوه جايين نكتب و نشارك بالمنتدى , اني عندي امل و انشالله متظل هيج , شويه صبر واتذكروني بعدين و كولو كال ابو البيانو .
و عيني توفي شنو هاي السالفة مال التنحي عن المنصب ؟ هلله هلله بينة ! القائد مفقود انت هم تريد تروح ؟ ترة لا صايرة ولا دايرة على كولت الاغنية.

بالمناسبة امل شفتهة بالحلم كالت راح اجي قريبا انشالله 
وكالت خلي يطلع غاندي من الاعتكاف مالتة.   

[الاسد الجامح]

السلام عليكم
اخوان شنو ها الاحباط شدكول علينا الجمعيات الثانية مو احنا قدوة الهم
واحد اعتزل والثاني ما يشارك؟؟؟؟؟؟؟
شنو يعني اذا انتظرنا عشرين سنه 
اصلا تكظي وتصير اسوالف
 
بعدين الحماعة من حقهم يتاكدون من عندنا امنيا من كل دول العالم مو 
 

[ابو البيانو]

وين الاسد ؟
يابة ماطول هيج الجماعة تركوا الشعب بدون قائد و نواب , اعتقد لازم نختار قائد جديد . و باب الترشيح مفتوح

شتكول ؟  

[نخله عراقية]

صباح الخير يا جماعه شلونكم...ان شاء الله بخير
لا احنه كجماهير لــــــــــــــــــــــــــــــن نقبل بأي تلكأ ...والا مثل ماقال اخويه ابو البيانو راح نسوي انقلاب ..
وينك قائدنا .احنه ندري انت موجود وتشوف الصفحة .. ..ارجع يمعود خلي نعايدك بالميلاد المجيد ..وان شاء الله بالصلاوات والدعاء محد يبقى بشهر الواحد ونغلق الصفحة تماما...
تووووووفي ابن ولايتي هاي شنو لطالما كنت علميا وماتحرمنه من الاحصائيات ..ومتفائل ايضا ..لا ياجماعه لازم امل ترجع من جديد  ...اكلك توفي اشو هاي الولايه شلعت قلبنا ..شنو رايك نغيرها؟؟بلكي يجينا الخير ...
اكلكم تكساسي مختفي فد مره ..اخويه تكساسي شلونك شخبارك وينك ...وين صار الجمبر  ...اخويه ابو طبر ..ليش هالعصبية شحال لوما هسه راجع من جوله سياحية   ..تفرج صدكني
والله يااخوان الحال من بعضو ...بس اذا فقد الامل (اي امل وراح تبقى امل) بطل العمل ...الله يساعد قلبي انا واختي لا ماما ولا بابا ولا احد نعرفه ولاندخل ولا نطلع ..بس انتو هنا عائلتنا وتردون ترحون ..حرام عليكم
يارب يا ودود فرج عنا بحق وجهك الكريم ...ورحمتك التي وسعت كل شي
اختكم دائما ...
نخلة عراقية
عمان حاليا .....سياتل قريبا ...شوفو التفاؤل (طبعا راح ابجي )

[ابو البيانو]

والله كسرتي قلبي يا نخلة   

بس والله صدك انت نخلة عراقية صامدة ولا تنهز !!!

وينهم القادة والنواب تعالو شوفو الشعب اشلون صامدين ! 

اني خايف بس لا يطلعون القائد بالتلفزيون قابضا خخخخخخخخ   

[نخله عراقية]

الله يخليك اخويه ابو البيانو اشكرك  ...والله ماجاي اتشاقه ..همه مو يقولون حشر مع الناس عيد ...احنه هنا واحد يساعد الثاني واحد يصبر الثاني .
الصبر متعب خصوصا واحنه بعيدين عن الاهل وغربه وماكو شغل ..كلها تأثر ..ادري هو بشر لو مكينه ...بس الله كريم ..تفرج ان شاء الله ...ان الله مع الصابرين.
اخويه ابو البيانو ..ياريت كل الروؤساء مثل اخونا جعفر ..والله زاهد بالكرسي فد مره
نخلة عراقية
عمان حاليا .....سياتل قريبا...  

[zeni tee]

سلام عليكم اني وصلت وهسة دامشي وية المنظمة حتى اخذ السوشل سكورتي وداتعلم محل على الكاش وان شاء الله عن قريب اكتب لكم التقريرمفصل

[نخله عراقية]

صباح الورد والياسمين عيني زينه ...الف الحمد لله على السلامة ...بالتوفيق حبيبتي ..الله يسهل امرج ويفرجها عالجميع بحق محمد وآله...
منتظرين اخبارج الحلوة ...
نخله عراقية
عمان

[ابو البيانو]

بالخير انشاءالله اختي زينيتي و خبرينا اول باول شيصير وياج حتي يصير عندنا خبرة لما نجي منتفاجئ

[texasy]

صباح الخير والعافية لكل الاخوة والاخوات في هذا المنتدى الرائع وهذه الجماهيرية اللي دائما صابرة وتحاول رفع الروح المعنوية للجميع في اصعب الظروف.
اعرف اني غايب صار فترة طويلة (حالي حال غاندينا) هههه بس دائما متابع لاخباركم وكل ماافتح النت اتمنى انه اشوف احد من جماهيرنا او القيادة عندة خبر حلو بس كل مرة انصدم انه لاجديد عالساحة فاقرر واكول اني هم مااكتب وازيد الطين بلة مثل ميكولون واضوجكم لان ماكو لاخبر ولا امل ولا بشرى ولا سعدون
طبعا اشكر كل من سال عني وخاصة الاخت العزيزة نخلة عراقيـــــــــة الصامدة والمشكورة برفع الروح المعنوية للجميع ويارب يسهلها عليج وعلينا جميعا والله مينسى عبده والفرج ان شاء الله قريب وتكتبين سياتل حاليا ... القمر قريبا هعهعهع
اخواني غاندي (جعفر سابقا) .. توفي الوردة .. ابو طبر .. ابو البيانو .. الاسد الجامح ان شاء الله نسافر عن قريب ونكون كلنا بطيارة وحدة لان طيارة الريس مطرة لخ وتزنجر مبقة شي
الاخت زينة مبرووووك الوصول والحمد لله على السلامة وبانتظار التفاصيل المملة من مطار الملكة علياء الى اخر شي وصلتيله.
بعد اربع ايام رح تبدي سنة هجرية جديدة ان شاء الله تكون خير عالجميع ووراها ب 14 يوم نبدي بالسنة الميلادية الجديدة ويارب الكل يسمع خبر الكشرة بهذه الفترة القليلة القادمة وبالتوفيق للجميع

اخوكم تكساسي يريد يوصل لتكساس مو صارت حسرة

[ابو البيانو]

هلا اخوية تكساسي انشالله توصل و متتحصر و كلنا ابفد طيارة على كولتك.

بس انريد مشاركات من جماعتنة ! يعني علاقل مشاركة وحده باليوم تكفي .

علعموم لا حياة مع الياس ولا ياس مع الحياة !!!

شوية اتحركو خلي نسمع اخباركم !! ترة ابيع اللابتوب مو تكولون !!  

[نخله عراقية]

مرحبـــــــــــــــــــــــــــــــــــــا ...شلونكم
هلو تكساسي شلونك مشتاقين ..يمعود هاي وينك ..شلونك وشلون الاهل ...بالله عليكم لا تغيبون غيبة طويله هشكل ...هسه امل عرفناها بشرى منو ... ...لاتحرمونا من مشاركاتكم ...وان شاء الله تفرج
قائدنا وينك ...شلونك يمعود ميلاد مجيد ..هسه عرفت اخويه جعفر ماذا بعد 11/7 .... ...انتظاااااااار
اخويه ابو البيانو خلينا وراهم الى ان يرجعون مره ثانيه ...لاتمل زين
وانا من هذا الموقع احذر ابن ولايتي توفي انه ماكو سياح اذا مارجع يكتب ويتحفنا بمشاركاته ..
نخله عراقية
عمان حاليا ....سياتل قريبا ...القمر مستقبلا  

[نخله عراقية]

صباح الخير ...شلونكم ...
اذا ممكن عندي سؤال ..عندي تجديد لورقة اليو ان شهر الثاني ...سؤالي هو اللي بمثل حالتنا (يعني انتظار للموافقة الامني وفايلنا بالهجرة ) هم يقابلونا مقابلة باليو ان لو مجرد ينطونا ورقة اليو ان الجديدة ؟...اذا ممكن تجاوبوني ...
نخله عراقية
عمان

[ابو طبر]

صباح الفل والياسمين على الجماهير الطيبين
اختي العزيزه ورفيقه الطرب الطويل شعار علم جماهيريتنه  انشاء الله راح اجاوبج على سؤالج
عيني نخوله روحي راجعي الun وجددي الورقه هم مالهم دخل بال iomهسه من اتروحين راح ينطوج موعد بعد شهر ومن اتراجعين لتخافين ماكو اي مقابله بunبس اتسلمين الورقه المنتهيه وهمه يجددوه ونصيحه لتروحين من وكت بالتجديد خلي دخولج يمهم ساعه 11 حته متتاخرين وتنتظرين بس من اتروحين حته تاخذين موعد روحي من وكت ساعه 9 انتي يمهم
اني بخدمة الطيبين 


اخوكم : ابو طبر     
لازك بعمان لايحيص ولا يفيص

[ابو البيانو]

صباح الخير شباب اشلونكم ! هاي شنو عيني ابو طبر الاملاء مالتك صاير ضعيف ! رفيقة الدرب سويتهة  رفيقة الطرب  

المهم اختي نخلة مثل ماكال ابو طبر روحي اخذي موعد و هم بالموعد يكتبون اي ساعة تراجعين, وانت روحي قبل الموعد احسن , و مراح اتطولين ربع ساعة بس انطيهم الورقة القديمة والجواز و هم يصيحون اسمج وتاخذين الورقة الجديدة .

[نخله عراقية]

اهلا اخواني ابو طبر وابو البيانو ..الطيبين ...تعجز الكلمات عن الشكر بالحقيقة ...شكرررررررررا جزيلا ..ان شاء الله موعد التجديد على شهر الثاني والله كريم ....تحياتنا للمعتكفين ..
الله يسهل امر الجميع ...
اختكم دائما نخلة عراقية
عمان

[ابو البيانو]

نسيت اكلج اختي ,
مو شرط تروحين الشهر الثاني حسب انتهاء التاريخ ! مثلا روحي 15-1 حتى لما ينطوج موعد يكون الموعد بالشهر الثاني. القصد صيري اشطر منهم, لان اني هيجي سويت 

[نخله عراقية]

شكرا اخوية ابوالبيانو ...شكرا جزيلا لاهتمامك ..بس انا اصلا رحت واخذت موعد ..لانه الورقة تنتهي بداية شهر الواحد ..ومن رحت انطوني الموعد على شهر الثاني ..والله كريم...
نخلة عراقية
عمان

[حبيب بغداد]

السلام عليكم جميعا  اولا مبروكة علينة الصفحة الثامنة وانشاللة الاخيرة   
اخواني  اني اليوم خابروني علمود الدورة التثقيفية يعني باجر اول يوم الي هوة يوم الاربعاء  وبرغم اني محدق ماعندي كمبيوتر بس كلت لازم ادخل واخبركم واشوف منو وياية بالدورة   تمنياتي بالتوفيق للجميع    وسلامي للجميع 



تحياتي حبيب بغداد

[نخله عراقية]

اهلا اخويه حبيب بغداد..الف الف مبروك...الف الحمد لله والشكر ...هاي اول بشائر الخير ان شاء الله...ويارب موعد سفر قريب بأذن الله ...
نخلة عراقية
عمان

[toofy]

الف مبروك اخويه حبيب بغداد وان شاء الله السفر القريب باذن الله   

[texasy]

شلونكم اصدقائي ورفقاء الدرب المطفي بيه الكهرباء
الف مبروك حبيب بغداد وان شاء الله يوم اللي تفرح بموعد السفر
عيني نخلة عراقيــــة اني جددت ورقة اليو ان يوم 9 بالشهر وجنت وية الاهل ومثل مكلولج الاخوان همة ماالهم علاقة بال اي او ام واحنا قابلونا مقابلة مثل كل مرة لان هم سمعت راسا ياخذون القديمة وينطون وحدة جديدة بس اشو نفس الاسئلة وطولنا وية الانتظار المزعج 3 ساعات ... فانت توكلي على الله وروحي ويصير خير ..
اخواني ابو طبر وتوفي دااكول المنتدى منور عبالي جاية الكهرباء بدربنا الطويل .. والله توفي لو نشتريلنا مولدة جبيرة ونوزع خطوط لجماهيرنا الضايجة شتكول بيها خوش لغف
يمعود سيدي القائد غانديكو هاي وين هالغيبة هسة بس كول هلووو بس مجرد نطمأن عليك ظل بالنا عليك

تكساسي لاطش بعمان ولا لزكة جونسون

[Baguncero]

السلام عليكم جميعآ
بعد التحية والدعاء لكم بالفرج والسفر السريع ... أود لو جبتوني على سؤالي
أنا أنتظر المحلفين في الأردن لغرض رؤية ولدي المولود حديثآ .... وأننا جميعآ مستوفين الأجراءات ومستلمين الموافقات الأمنية والحمد لله
أقاماتنا السياحية في الأردن ستنتهي يوم 11 من شهر كانون الثاني القادم
سؤالي
أذا ذهبت لليو ان في دير غبار هل سيعطوني اي شئ يفيدني بالبقاء في عمان رسميآ بعد أنتهاء الأقامة ولا يوجد من يهددني بالمغادرة؟ وهل يتطلب أجراءات طويلة؟
أرجوممن لديه وقت ان يجيبني بالتفاصيل وله مني كل التقدير والأحترام

أخوكم

Baguncero

[toofy]

اخي العزيز Baguncero اللي فهمته من كلامك انه ما عندك ورقة حمايه من اليو ان ؟؟؟يعني حضرتك تقديم مباشر؟؟
فتكدر بهالحاله تروح تاخذ موعد منهم من دير غبار وتطلب تسجيل عائلتك وراح ينطوك موعد اقل شي شهر وراهه تاخذ العائله باكملهه بيوم المقابله حتى يطلعولك ورقة الحمايه
وان شاء الله اجرائات المولود الجديد متاخذ وقت ويحددولك موعد سفر بعد ما تقابل محلفين مباشرة لان الاطفال ميحتاجون موافقات امنيه
الله يسهل امرك
تحياتي toofy

[Baguncero]

شكرآ أخي العزيز توفي .... نعم انا تقديم مباشر من مصر ونقلت الملف للأردن
يعني بين ماينطونة موعد المراجعة آني والعائلة احنة نكون مسافرين ان شاء الله ,,,,, أشكرك مرة أخرى

بالتوفيق للجميع

أخوكم

Baguncero

[حبيب بغداد]

يسلمو اخوية توفي واخوية تكساسي واختي نخلة  واللة اتمنة كلنة تتسهل امورنة ونخلص من هذا القلق الدائم  اني جدا ارتاحيت من شفت دعواتكم وانشالله الكل تسافر عن قريب يارب يارب يارب   





تحياتي حبيب بغداد

[ابو البيانو]

مبروك اخوية قيس علدورة انشالله السفر القريب,

خبرنة شنو يصير وياك و يمته يحددولك السفر, 

[ابو البيانو]

اخوية تكساسي
قصدك سوو مقابلة عادية وياك و شرحتلهم قصتك من اول و جديد ؟ لو شنو ؟

[نخله عراقية]

شلونك اخويه ابو البيانو ...
والله انا اعتقد والله اعلم انه اللي عنده كارت ازرق ما يقابل بالتجديد ..بس يجددوله الورقه وخلاص ...عموما ياخبر النهارده بفلوس بكره ابلاش 
نخلة عراقية
عمان

[حبيب بغداد]

اخواني اخواتي اعضاء الجماهيرية
اني اليوم جان اول يوم الي بالدورة التثقيفية من الساعة 9 لل 2 ونص طبعا الحمد لله وبعد عناء وصلت الموافقة الامنية   لان الي انطتنة المحاضرة   جانت اتصيح بالاسماء وتكول لكل واحد وين وصل ملفة وشكد باقيلة على الاكثر  واحنة تقريبا 30 واحد كلهم كالولهم انتو عدو ايام لخط الرحلة والموافقة الامنية واصلة واني الحمد لله همات موافقتي الامنية واصلة  بس كالو انتة الفحص الطبي عبر ال6 شهور ولازم اتعيد الفحص كالو انتضر تلفون علمود تعيد الفحص لان الفحص القديم صار اكسباير واول ميخلص الفحص ويروح لل اي او ام  يقدمولي على خط الرحلة   ....   واي سؤال او استفسار اني جاهز   واتمنة التوفيق للجميع بعون اللة   



تحياتي حبيب بغداد

[toofy]

عالخير والف مبروك قيوسي وصول موافقتك وان شاء الله يحددولك موعد سفر قريب 
وبما انه انت مراسل الجماهيريه بالدورة التثقيفيه ....غير تكوللنه الجماعه اللي وياك شوكت مستلمين موافقة المحلف يعني نريد بالتفصيل الممل     

بالمناسبه اني هم صار اكسباير الفحص الطبي 
تحياتي toofy

[نخله عراقية]

هلو اخويه حبيب بغداد ...الف مبروك...وان شاء الله موعد سفر قريب...واضم صوتي لصوت ابن ولايتي توفي ...نريد تقرير مفصل  ...اكلك الجماعه اللي وياك بالدوره من 5/9 لو 5/12 لو 11/7 ...يعني اغلب الموجودين يمته اسلموا المغلف  ..وشكرا مقدما
نخلة عراقية
عمان

[حبيب بغداد]

اخواني اخواتي اعضاء جماهيريتنة الموقرة  الاخ العزيز توفي الوردة ولاخت نخلة تسلمون يارب التوفيق للجميع امين  
بالنسبة لليوم الاول راح ابزعكم  لان راح احجيلكم بالتفصيل الممل
بالبداية طبينة سوولنة جلسة تعارف طبعا الغرفة الي جنت بيهة متكونة من 30 واحد تقريبا  اول وحدة الي انطتنة المحاضرة وطبعا وردة مال اللة كلش طيبة طبعا حجتلنة اشوية عن نفسهة وشلون صارت تنطي محاضرات و وين اشتغلت قبل لتشتغل بال اي او ام
وبعدين طلبت من عدنة ياهو الي تصيح باسمة يكول اسمة الكامل هوة وكاعد ونبذة عن حياتة بصورة عامة (طبعا اول واحد يتورط) لان الكل تباوع شراح يحجي مثلا اشكد الك بعمان شتشتغل اشكد الك بال اي او ام اسمك الكامل عمرك دراستك  وهكذا يعني اسئلة عامة ومختصرة  
وبعدين طبعا تطلب الي عندة سؤال يسئل الي عندة  وهية تكتبهة علة الصبورة علمود تجاوب عليهن بعدين  (طبعا ذبحوني بالاسئلة السخيفة) المهم وراهة تحجيلنة اشوية عن الحقوق والواجبات كلام عادي الكل يعرفة
وبعدين ينطونة فرصة (استراحة) لمدة ربع ساعة الي ايريد ايدخن يشرب جاي نسكافية عادي همة حاطي ابلاش بس لازم متغادر الطابق الي انتة بي بي ممر بي مكان للتدخين حضانة وصالة كمبيوتر انترنت
بالمناسبة ممنوع تاخذون وياكم جهال بالقاعة لو امة طلع تكعد بي  بالحضانة لان البيبي ستر مجازة الى شعار اخر حسب ما كالو لو اتخلو بالبيت احسن المهم تخلص الربع ساعة  اطبون للمحاضرة نفس الشرح تقريبا وراح تنعسون اكيد بس الحلو بالموضوع انو هية الي المدرسة الي بس طلبنة منها اتشوف الكيس وين واصلة المعاملة كالت بالرغم من انو ممنوع ومو اختصاصي  بس راح اسويهلكمياها خدمة مني راح جابت الاسماء وكامت اتصيح كل واحد اشكد باقيلة  وصار بملفة ومختوم لو لا وشكد تقريبا باقيلة للسفر والحمد لله الكل جانو جاية موافقاتهم الامنية فماكو واحد مدلغم يعني معبس وتشرح كل واحد شلون الولاية مالتة ونسبة الشغل والجو والمعيشة (خوش مدرسة مو) طبعا اتصير الساعة 1 اتصير فترة الغدة طبعا اني وبعض الاخوان ما اكلنة لان الجكارة اهم طلعنة اندخن برة وبينة الحجي اني ما احب المعجنات مال زعتر هوة لان جان الغدة و ويا سبرايت لو سفن واللة منتبهت طبعا الفرصة الثانية نص ساعة وبعدين نرجع من 1 ونص لل 2 وربع هم شرح واخر ربع ساعة حطولنة فلم وثائقي لل 2ونص عن المهاجرين الي طالعين قبلنة والطريقة الي سافرو بيهة خوش وعاشو عيشة سعيدة  وفد معلومة اكو تقريبا 10 من اصل 30 بالقاعة من جماعتنة 7.11  والبقي اكو قبل واكو مستلمين الموافقة مال محلفين بشهر 11 يعني عدهم بخت هلكبرة جبير كلش لان د ااشر بيدي واكيد مدشوفون ايدي وباجر انشاللة اوافيكم باخر المستجدات والاحداث واني بخدمة الجماهيرية الحبيبة وانشاللة الكل تتوفق وتسافر ونعزل الموقع هذا ومنلكة احد معلك كولو امين



تحياتي حبيب بغداد

[نخله عراقية]

اخويه حبيب بغداد ..اشكرك جدا على الاهتمام وعلى طولة البال ...والله ضحكت على هذوله اهل البخت ... ....الله يرزق الجميع ان شاء الله ...واتمنالك كل التوفيق وموعد سفر قريب بأذن الله
اخويه توفي الظاهر اعتكافك بي فايده ..اشو اعتكفت وقررت متشارك الا بوصول خبر سعيد وهاي اخونا حبيب بغداد فرحنا ...ممكن تعتكف مره ثانيه بلكي يتصلون بيه  ......لا تصدك جاي اتشاقه ..من اشوف مشاركاتكم هواي افرح ...الله يفرح الجميع يارب
نخلة عراقية
عمان   

[toofy]

اميــــــــــن

عاشت ايدك على هالتفاصيل قيوسي ....خوش مراسل 
بس باجربلا زحمه عليك  تاكدلنه سبرايت لو سفن 
وتدللين اختي نخلة اذا اعتكافي بيه هيج نتائج ارجع اعتكف الى ان كل الجماهير والقياده تطلع موافقاتهم ولو ما اكدر على فراككم كوه تحملت 3 ايام ساكت  ما ادري شلون الريس ليهسه متحمل
تحياتي toofy

[ابو البيانو]

خوش معلومات اخوية قيس . انشالله موعد قريب.
والله اعتقد قبل شوية شفت توفي ديشيل الجادر من فوك الطيارة   لان هو جان امجودرهة  , و اشو هسة دا اسمع صوت طيارة دتطير بس لا هو ؟؟؟  

اختي نخلة يجوز كلامج صح لان اني عندي الكرت الازرق و اخذت الورقة بدون مقابلة,,,
و انت ابدربج اساليهم علكرت تره هم ينسوهة, لان اني من استلمت الكرت جان خلصان المدة مالتهة خخخخخ

يلله باجر نسمع الاخبار  

[toofy]

شلون شفتني ابو البيانو  ردت ارجع اتدرب بس الجو كلله غيم ورجعت جودرتهه

ان شاء الله العام الجديد يحمل كل الاخبار الحلوة للجميع....وبمناسةالسنه الهجريه وعيد الميلاد المجيد والسنه الميلاديه الجديده احب اهنيكم واتمنى للجميع سنة خير وتحقيق الاماني...وكل عام وانتم بالف خير

[حبيب بغداد]

شلونكم حبايب الجمهورية شلع  الحبيب توفي والحبيب ابو البيانو والاخت نخلة وال (مفقود) زعيمنة المفدى غاندي عجل الله فرجه
اخواني يعني اني كلش فرحان بردودكم    انتو حبايبي  اخوان الي جواز قديم لو بي فترة بسيطة خلي ايغيرة لان لازم اقل شي الجواز يكون بي صلاحية اقل شي 6 اشهر  طبعا اني اليوم من كالتلنة المدرسة رجعت للبيت شفت الجواز لكيتة بشهر ستة ينتهي   يعني بوري فاريد الحك اغيرة انشاللة يوم الاثنين من تنتهي الدورة   لان اذا اقل من 6 اشهر ميقبلون الجواز بالسفر    اما بخصوص اخوية الحبوب توفي باجر اجيبلك علبة من الغدة وانتة شوفهة سبرايت لو سفن بلكي من تشربهة يخابروك  


 تحياتي حبيب بغداد

[toofy]

حبيبي قيس بس اذا مو دايت ما اشربهه 

[ابو طبر]

مساء الورد والياسمين على جماهيرنه الطيبين
هاي شنو الاخبار الحلوه الف الف الف الف الف الف الف الف الف الف مبروووووووك اخونه حبيب بغداد اي يمعود اشويه فرحنه  مو راح انزنجر قبل الطياره ويارب توصل بسلامه وتستقر  وتكون سفرتك سهله
اخويه توفي هسه دايت لو مو دايت انته لتشربه كله خلينه اشويه كل واحد كمع  بلكي ناخذ مراد وتفرج   
 

[zeni tee]

مرحبا

[zeni tee]

مرحبا شباب طبعا اني هسة بالدورة التثقيفية بال اي او ام  واني للعلم مو زينتي زينة الي اتعرفوهة اني (حبيب بغداد) بس بالصدفة كعدت علة النت بالاستراحة وفتحت الكمبيوتر وفتحت الموقع ولكيت مسيف على الكمبيوتر الاكاونت مال زينة  الي سافرت ( شلون صدفة حلوة مو)  شكلهة     هية جانت كاعدة علة نفس الكمبيوتر قبل لتسافر   

[الاسد الجامح]

الف الف الف مبروك
وان شاء الله سفرك قريب وتوصل بالسلامة
ومشكور على هاي التفاصيل الحلوة صدك جتي بوكتها
واتمنالك كل الخير

[حبيب بغداد]

شكرا اخواني ابو طبر الوردة والاسد الجامح الحبيب انشاللة يوم الي تسافرون بي  وتتوفقون امين يارب  بالمناسبة  توفي حبي هوة كلة يقدمون دايت حتة الاكل دايت علمود اتروح خفيف (هم علمودنة مو بخلاء لا يابة)





حبيب بغداد

[texasy]

شلونكم اعزائي الطيبين .. ان شاء الله الكل مرتاح ولو ادري صعبة
حبيب بغداد ممنونين عالمعلومات المفيدة وننتظر منك اخبار الايام الجاية وكل التفاصيل ..زين اني مااحب لا سفن ولا سبرايت هاي شلون لعد اذا يخابروني عالدورة مااروح مو لومومو هههههه (اريد بيبسي)
عيوني توفي اني مو بس الفحص الطبي صار اكسباير حتى اني هم صرت اكسباير من الانتظار
والله اليوم الشيطان وسوسلي وكلي خابر الاي او ام بعد غياب يمكن شهرين جنت صابر وحباب ومااسمع مغثات وخابرت وياريتني مخابرت لان نفس الحجي (بالتشييكات الامنية) اوووووووووووووووووووف
حبيب بغداد هسة شيخلصك من زينة بس خلي تلكفك فايت باسمها اويلي عليك رح تدكلك منع من امريكا

يارب الكل يسمع اخبار حلوة عن الشالعة كلبنا

اخوكم تكساسي (اكسباير الا شوية)

[حبيب بغداد]

هههههههههههههههه اخوية تكساسي اللة يبارك بيك ويوم الي تسافر انتة وكل الحبايب 

حبي زينة هية عايفتة مفتوح  بال اي او ام واني فتحت الكمبيوتر لكيتة مسيف وهمزين اني الي دخلت مو واحد ثاني علمود اسدة سويت ساين اوت  مو زين 

[حبيب بغداد]

اعضاء الجمعية الموقرة   السلام عليكم  ورحمة الله وبركاته
  بالنسبة لليوم الثاني فطبعا جان كلش عادي يعني تقريبا بس افلام وثائقية شرح قليل جدا كانو كاعدين بسينما مطفين الضوة ومشغلين فلم   بس اخواني الاعزاء الي تبين الي انو تقريبا 5 بس من اصل 30 واحد بالقاعة ويانة بالدورة عدهم كفيل اما الباقي  بدون كفيل وهذا ياكد انو البدون كفيل معاملتة اسرع   
اما بالنسبة للاخت نخلة عراقية  اختي لحد الان اكو ويانة 5 من جماعة 9.5     والباقي قبل وبعد   
 وانشاللة يوم الاحد الي هوة اخر يوم انطيكم الزبدة الختامية واي سؤال او اي احد عندة سؤال يسئلة وممكن الاحد من اروح اسئلة بي    اتمنة التوفيق للجميع


تحياتي اخوكم حبيب بغداد

[ستروبري]

شلونكم جماهيري الطيبين الصابرين مو صابرين الممثلة
مشتاقلللكم هواية
بالبداية احب اكول للاخت زينة وعاءلته الكريمة اللف الحمد الله على سلامت وصولكم لامريكا وان شاء الله تلكون كل الموفقية والنجاح بحياتكم الجديدة
وثاني شي احب ابارك لاخونا حبيب بغداد واتمنالك موعد سفر قريب جدا وكل التوفيق بحياتك يا رب
اخواني اني بصراحة مجنت رايد اكثب اي شي لي حين ما على الاقل اكتبلكم شي يفرح بس مع الاسف ما عندي جديد على حطة ايدكم بس مكدرت ابعد عنكم اكثر من هدا الوقت لان الله الشاهد انتو بمثابة اخوان الي الله يوفق الجميع ويارب ان شاء الله السنة الجاية سنة افراح للكل وكل الي تعبانين يرتاحون واني من منهم لان فعلا كلش كلش كلششششششششششش تعبت وخصوصا اطفالي وهدا الي المني اكثر وياريت اخوية العزيز حبيب بغدا تسأل ام الدورة شنو نكدر نسوي علمود نسرع وصول الامنية والسفر السريع لان الاطفال حالتهم النفسية جدا تعبانة ياريت يكون عده الحل
اشكر كلمن سأل علية واتمنالكم عيد سعيد وسنة جديدة تكون خير وبركة وسعادة على الكل

اخوكم غاندي في انتضار الامنية ست شهور الا عشرة ايام

[نخله عراقية]

مرحبا اخويه جعفر شلونك عاش من شافك ...ميلاد مجيد ..ان شاء الله يارب السنه الجديده كلها خير ...وفات الكثير مابقى الا القليل...
اشكرك اخويه حبيب بغداد على الجواب ...وان شاء الله تسمعنا اخبار حلوة ...
نخله عراقية
عمان

[حبيب بغداد]

السلام عليكم جميعا   
عودة حميدة اخونة جعفر وزعيمنة  واللة جنة عتبانين عليك على عدم التواصل   بس حبيبي لا تهتم بين ساعة وساعة فرج    احنة اهنا اسرة وحدة  اني بالنسبة الي راح اسئل باجر حبي واردلك الخبر   وانشاللة الجميع يرتاح    والكل يتوفق لان صدك تعبنة  واللة المعين


تحياتي اخوكم حبيب بغداد

[ابو البيانو]

بالتوفيق اخوية قيس , شلونج يا نخلتنة الصامدة !

هلا بيك هلا ,,,,, وبجيتك هلا !!!! طبعا تعرفون المن !!!

هاي وينك يمعود قائدنة !! ترة طوختهة ! يمعود لا تضوج ولا هم يحزنون , ترة كلنا مثلك بس شنسوي , غير الله هيجي يريد !

خلي ايمانك قوي بالرب.

بقيت أيام قليلة وتنتهي السنة بحلوها ومرها..وتجي سنة جديدة.. 


لاتنظر خلفك فذالك ماضي يؤلمك.. 

ولا إلى اليوم فإنه حاضر يزعجك...

 

ولا إلى الأمام فهو مستقبل قد يؤرقك..

 

لكن انظر إلى فوق فإن لك ربا يرحمك..

 

وهذه أجمل كلمات نبدا بها عامنا الجديد   
                                                نشكرك يارب

[ستروبري]

حبيبي ابو البيانو تسلم وميلاد مجيد وعيد سعيد لنا ولكم وللكل
كلامك حلو واني اعرف انو دوجتكم بس استحملوني لان كلش تعبت وما شفت استقرار صالي اربع سنوات
ان شاء الله عيد ميلاد يسوع حبيبي يكون خير على الكل ونسمع اخبار تفرح الكل بأدن الله وتنفرج
نخلة اختي اللف شكر اللج وانتي بالف خير وشكرا على معايدتكي لي
تكساسي ابو طبر الاسد الجامح واخوية العزيز توفي شلونكم مشتاقيين

سلامي ودعواتي للكل بسنة جديدة وسعيدة على كل المنتظرين سواء الامنية او  الدورة التثقيفية او ختم الملف او تحديد موعد السفر


اخوكم غاندي بأنتضار الامنية ست شهور الا 9 ايام

[ابو طبر]

صباح العسل ياعسل
منو القائد المفدى مشششششششششششتاقين 
اخواني اخواتي اشششلونكم شلع اخباركم  يارب اتكونوا بصحه وسلامه اني اتصلت يوم الخميس بعد قرار بعدم الاتصال دام شهرييييييييييييييييين وبكل اراده حديديه وبعد الاتصال كان نفس الجواب لسه بالتجييك الامني  (خلص حفضناها) ماكو بعد داعي نزعل لو ننقهر
سيدي القائد احنه بعدنه على حكمتك الي تقول  موبايلك يم راسك تعرف خلاصك
اخونه حبيب يارب تخلص الدوره ويحددون موعد سفرك وتسافر بسلامه وتستقر بس اخويه خلينه نسمع اخبارك  مو تنسانه  زين عيني 
اخواني اباركلكم السنه الهجريه الجديده ويارب سنة خير واخبار حلوه ونرتاح بيه  كل عام وانتوا بخير وسلامه
انشاء الله بعد ايام وندخل سنه ميلاديه هم جديده وكل عام وانتوا بخير ويارب بعد هاي الاعياد والافراح نسمع الخبر المفرح للكل بوصول امل  وتحل البشاير ونذبح الذبايح كولوا امين

سلامي لكل الجماهير   نفر نفر
 
اخوكم : ابو طبر   
عمان

[ستروبري]

شلونك اخوية ابو طبر العزيز
جماهيري اني هم اتصلت اليوم ونفس الجواب لسة بالتجيك الامني وسألته يعني مو بالمراحل الاخير كال لالالالالالالالالالالالالالالالالالالالالالالالالالالالالالالالالالالا كتلة يعني منا لشهرين كدام ماكو امل كل ما الها وقت محدد كتلة يعني مثلا ممكن تجي الاسبوع الجاي (((( هههههههههه شوفو الثقة  ))))) كال منعرف
وعاشو عيشة تعيسة خلصت القصة

عاندي بأنتضار 

[ريم عبد]

هلالالالالالالالا بيييييييك هلالالالالالالالالا
وبجيييييييييييتك هلالالالالالالالالالا
ياهلا وسهلا برجعتك
والله الك وحشه يابو ضحكة الحلوه 
(ولو انت متضحك ) لان القائد ميصر ايوزع ابتسامات
بس هذا من باب النفاق الاجتماعي
اهلا برجعتك للجماهيريه والله تركت الداااااااااار خليييه بلياااااااك
يوم ان شاء الله يرجع الناااائب مالتك  وينلم الشمل تحت الصفحه التاااااااااااسعه بأذن الله

اني اليوم كلت اجي اسلم عليكم واهنيكم بالعوده
وجايبتلكم شغله هيه معفنه وعتيكه حييييييل
بس كلت احسن الهيكم بيها لما ان شاء لله  تنفك الجبسه

بما انه اني نضمتلك جدول خاص بجماعة عمان
فاريد منكم تواريخ معاملاتكم حتى اضيفها للاكسل شيت
وانقيم مسيرتكم النضاليه عسى ان تستفاد منها الاجيال القادمه
عسى ان تنظروا الى طلبي بعين العطف
ودمتم للنضااااااااااااااااال

[/size]

[حبيب بغداد]

السلام عليكم ورحمة الله وبركاته

اخواني اخواتي اعضاء الجمعية الموقرة   (وبعد)
 اخوان اني اليوم جان اخر يوم الي بالدورة التثقيفية   وانطونة شرح مفصل لكل شي من الابرة للمكينة  انشاللة من تروحون للدورة تسمعوهة وهية بالنهاية اتصور الكل سامع بيهة هاي الامور يعني الواحد صار عندة خبرة اكثر من المدرسة الي تنطي المحاضرة  بس هية كل يومين اكو دورة يعني مجموعات متسلسلة بدون توقف وهذا شي يبشر بخير    والدورة حلوة ليش لان ايكون كل الي بالقاعة عبالك اسرة وحدة حتة تصير تشتاقلهم يعني ونسة وتكسب علاقات حلوة  طبعا اليوم جان اخر يوم فانطونة شهادة تخرج من الدورة وكتابين خاصة بالاجئين  و(6) دنانير لكل فرد بدل مواصلات وبعدين ايكولولك هسة انتة تنضر بس خط الرحلة   وحسب ما كالت اقصى شي شهرين والباقي يم اللة وانشاللة خير  وسالتهة علمود اخوية جعفر بخصوص الموافقة الامنية وكيف ممكن تتسرع بيهة كالت هاي مابيهة انو احد يسرعهة  لانو هاي مو منعدنة هاي تجي من امريكا واحنة ما دخلنة بيهة اذا تاخرت او لا  كلهة من امريكا احنة ملنة علاقة بالموضوع احنة يحطولنة اسماء  واحنة نتصل بس 


اتمنة التوفيق لجميع الاخوان وان تتحقق جميع الاماني للجميع امين رب العالمين

اني هسة هم رجعت حديقة  وهم انتضار  لان جنت ملتهي بالدورة 3 ايام 

وهسة هم راح ارجع انتضر ايمتة يخابروني علة الفحص الثاني وبعدين موعد الطيارة وكلهة حرك اعصاب واللة كريم



تحياتي للجميع اخوكم حبيب بغداد

[نخله عراقية]

مرحبا يا جماعه شلونكم ....
اهلا اخويه ابو البيانو شلونك شخبارك ...اهلا بقائدنا المفدى ...هلو حبيبتي ريم نقيم عاليا هذه المبادره ...وساسرد تواريخ المقابلات 
اهلا بيك اخويه حبيب بغداد ...ان شاء الله موعد سفرك قريب وماتتأخر ..
مقابلة التوطين .....16/2/2009
مقابلة اولى اي او ام ......6/5/2009
مقابلة ثانية اي او ام .......10/5/2009
مقابلة محلفين ..............26/5/2009
استلام المغلف ..............11/7/2009
والصبــــــــــــــــــــــــــــــــــــــــــــــــــــــــــــر طـــــــــيــــــــــــــــــــــــــــــــب
نخله اللي يبست من الشوق للاهل والانتظار والله
عمان

[ستروبري]

شكرا اخوية العزيز حبيب بغداد رح ننتضر والله كريم بلكي الله يفرجه



غاندي الي بعدة ينتضر الامنية

[osama5477]

ميلاد مجيد وعيد سعيد وان شاء الله نسمع اخبار حلوة عن قريب اني بالنسبة الي هم لاجديد يعني هم نايمة بس اني ما اكعد راحة ومن خلال اتصالاتي بمعارفي بامريكا كدرت اوصل لطريقة للاتصال بال DHS لمعرفة المعاملة وين واكفة وشنوا اخر اخباره ( احد اصدقائي بالجيش اتصل بال DHS وال عندهم شخص بكل ولاية متخصص بمتابعة معاملات الهجرة يسموه Ombudsman  يعني اذا القظية متأخرة يتصلون بهاذا وهوة يتابعه ويكلهم شنو سبب التأخير ) واهنا المفاجئة الكبرى الي كانت بأنتضاري والي كنت متوقعه ، تبين انه الفقظية تم طلب تجيكات اضافية عليها من قبل السي اي اي وال الف بي اي بسبب الاسم والاسم المركب الي هوة اسم العائلة ، وحسب كلام صاحبي متى ما اجتي الموافقة من هاي الجهتين يالة يتم تحريك الملف ( قد تستغرق اسابيع او اشهر ) يعني نايمة بلوكة دبل على الملف مالتي ، الله كريم ننتظر ونشوف بالمناسبة اسمي اسامة واسم العائلة بالجواز هو اسم الجد محمد علي وهذا سبب تأخيري ،

معلومات المقابلات ( اني تقديم مباشر )

1 سبتمبر 2008 التقديم على IOM بغداد ولم احصل على اي رقم او اي شي فأني طلبت نقل الملف الى عمان الاردن وتم نقل الملف والمساعدة بالحصول على فيزا دخول للاردن واجيت للاردن في شهر السادس 2009 المقابلات كالتالي

المقابلة الاولى 1 - 6 - 2009
المقابلة الثانية والثالثة 2 - 7 - 2009 وتم فيه اخذ البصمات
مقابلة المحلفين 24 - 8 - 2009
الفحص الطبي 2 - 9 - 2009
استلام المغلف 5 - 9 - 2009 وكان موافقة المحلف
الكفيل وقع الاوراق يوم 10 - 9 - 2009 وتم تحديد الولاية الي هية اوركن مدينة بورتلاند

ولحد الان بأنتظار المهجومة الامنية

[الاسد الجامح]

شغلة اتحير   
البارحة اتصلو الصبح اني كيفت وبدت ايدية ترجف توقعت وصلت الامنية
بس مع الاسف فاجئتني  الموظفة تريد من عتدي كتاب عدم محكومية
كلتلها زين منين اجيبه كالت دقيقة
حتشت ويى موظف ثاني بس ورا شوية كالتلي
خاص ماكو داعي
اصريت اني ترى اذا هذا الكتاب مهم اجيبه
كالت لا مو ضروري وسدت التلفون
؟؟؟؟؟؟؟؟؟؟؟؟؟؟؟؟؟؟
شنو السالفة ما ادري
مع تحيات اخوكم ابو سرمد

[ابو البيانو]

عيني الاسد ! هاي دتتحارش بيك تره خخخخخخخخ

[osama5477]

نفس الموضوع حصل معي اليوم ال IOM اتصلوا بيه الصبح ساعة 10 وكالوا انريد كتاب عدم محكومية من العراق ، ومن الاردن اذا صارلك اكثر من ستة اشهر ، ومن ايطالياً لأن اني كنت رايح لأيطاليا قبل ، فاني جوابته مال الاردن بسيطة ممكن اجيبه بس مال العراق شبه مستحيل واني اول مرة اسمع بيه وكلته هوة بموقع الفيزل مامطلوب ليش انتوا تردوه اما ايطاليا فكلتلها اني بقيت شهر واحد والمعلومات مال موقع الفيزا يكول ستة اشهر يعني ما مشمول وكالتي ابقة وياي على الخط دقيقة ورة دقيقتين كالتي خلص ماكو حاجة ، كلتله اكو تطورر بالكيس جاي الموافقة الامنية او شي ، كالتي لا لحد الان بالتجيك الامني

[حبيب بغداد]

اخواني اخواتي السلام عليكم ورحمة الله وبركاته
اليكم اخر المستجدات

خابروني اليوم اصدقاء الي من الدورة التثقيفية وكالو انو خابروهم وانطوهم موعد طيارة   قسم منهم 1.7 وقسم 1.11  يعني انشاللة قربت     



تحياتي اخوكم حبيب بغداد

[الاسد الجامح]

اخوي العزيز  osama5744
اني هم اسمي اسامة الظاهر اكو فد شي
اليو خابرو  يسئلون عن اهل زوجتي كالتلهم زوجتي انهم بسوريا
الموظف اتعجب كلنالهم هاي المعلومة انتو تعرفوها قبل سنة ونصف
كال زين اذا استجد شي انخابركم

[الاسد الجامح]

السلام عليكم
اخوي اسامة انت بيا دولة هسا
وانت من جماعة 11\7 لو لا
لانه اني بالاردن واستلمت الظرف يوم 11\7\2009

[osama5477]

اني بالاردن واستلمت الظرف 5-9-2009 ولحد الان ماكو امنية

[نخله عراقية]

ياجماعه شلونكم ...عندي اخبار البارحه خابرو myiraq ودوا عليها على فحص ...وسالت الشخص اللي اتصل لانه انا اللي رديت علي ...قال بلكي هاي بادره زينه والله كريم ...رجعت خابرت الاي او ام قالو ..بعد ملفي بالتجييكات الامنية ...وماافتهمت .....وانا كنت خايفه ليش كل وحده وحدها  لانه سالته وقتله اذا هي الفحص مالتها اكسباير انا هم هسه صار اكسباير ليش انا مو وياها..بس قال الموظف عادي لانهم مايراعون الرابط القوي بالفحص ويمكن يرنون عليج قريبا... ورحت اليوم وياها للفحص ..والطبيبة قالتلهم انه هذا فد شي زين لانه هذا الفحص يكلف ومايعيدون اذا مامتاكدين انه خلال شهر شهرين 3 اشهر ..عموما اقل من سته اشهر تخلص السالفه ...وانا هناك رن التلفون عليه ...ونطوني موعد لاعادة الفحص الاسبوع الجاي ..هذا كل اللي عندي والله كريم
نخله عراقية
عمان

[الاسد الجامح]

ان شاء الله تنفك الازمة قريبا على الجميع
سؤال اختنا تخلة عراقية انت وين
وشوكت استلمتي الظرف
اخوك ابو سرمد

[ابو البيانو]

عيني نخلة انشالله خير

هذه مقالة من ميدل ايست ,,


آلاف اللاجئين العراقيين تواقون للغرب
 
مفوضية اللاجئين لا تقدم اسماء الا 10% من الراغبين بمغادرة سوريا من العراقيين الهاربين من مشاكل بلادهم.

ميدل ايست اونلاين
دمشق - عقدت اللاجئة العراقية ليلى إيشو العزم على أن تكون هذه السنة آخر سنواتها في سوريا. وتعلق على عزمها هذا، وهي تحتضن أطفالها الثلاثة داخل الغرفة المزدحمة التي يقيمون فيها بحي مساكن برزة بدمشق، قائلة: "معظم أفراد أسرتنا متفرقون في أوروبا بالإضافة إلى قريب لي في كندا أيضاً. لذلك، فأنا لا أهتم كثيراً بالمكان الذي سأنتقل إليه بقدر ما يهمني كثيراً أن نتمكن من الخروج من هذا المكان لأن الحياة هنا أصبحت صعبة للغاية".

وتشهد أعداد الأسر العراقية الراغبة في إعادة التوطين من سوريا والشرق الأوسط إلى أوروبا وأميركا الشمالية تزايداً سريعاً في ظل نفاذ المدخرات وقصور الدخل وفرط التضخم وتطبيق شروط صارمة للحصول على التأشيرات بالإضافة إلى خطورة العودة إلى بغداد بالنسبة للبعض.

وكان أندريج ماهيسك، الناطق باسم المفوضية السامية للأمم المتحدة بجنيف، قد صرح في وقت سابق من هذا الشهر أن المفوضية أوصت منذ 2007 بإعادة توطين 82,500 لاجئ عراقي من الشرق الأوسط إلى بلد ثالث، منهم 62,000 إلى الولايات المتحدة والباقي إلى كندا وأستراليا ونيوزيلندا والسويد وعدد آخر من الدول الأوروبية.

من جهتها، أفادت الحكومة السورية أنها قامت بتسجيل 1.1 مليون عراقي عبروا إلى سوريا منذ 2007 في الوقت الذي سجل فيه مكتب مفوضية اللاجئين بدمشق رسميا 215,429 لاجئا حتى آخر سبتمبر 2009 منهم 27,198 لاجئا تم تسجيلهم خلال عام 2009 وحده.

وتستعد المفوضية لاستقبال المزيد من اللاجئين في ظل احتمال استمرار تدهور الأوضاع الأمنية في العراق بعد تفجير 25 أكتوبر في بغداد الذي يعتبر الأسوأ من نوعه على مدى عامين والذي أودى بحياة 155 شخصا على الأقل.

وبعد مرور عام على إعلان المفوضية لبرنامج العودة الطوعية للعراق، لم يُقبِل حتى الآن سوى عدد قليل فقط من العراقيين على هذا الخيار. حيث شهد البرنامج عودة أقل من 300 أسرة فقط من سوريا إلى العراق في الوقت الذي شهدت فيه أعداد العراقيين المطالبين بفرصة إعادة التوطين تزايدا سريعا.

وتشير الأرقام الصادرة عن مكتب المفوضية بدمشق أنه تم ترشيح 28,500 لاجئ عراقي يقيمون بسوريا لإعادة التوطين خلال الفترة من فاتح يناير حتى أوائل شهر أكتوبر. وكانت المفوضية قد قامت منذ شهر فبراير 2007 بإحالة 34,014 حالة إعادة توطين لم يحظ منها سوى حوالي 15,084 شخصا بفرصة لحياة جديدة في الخارج.

وشرحت فرح دخل الله، الناطقة باسم المفوضية في دمشق، تدني العدد بقولها أنه "لا يتم عرض فرصة إعادة التوطين سوى على نسبة قليلة من اللاجئين. حيث يتم تقديم طلبات أقل من 10 بالمائة من العدد الإجمالي، ولا يتمكن إلا عدد قليل من هذه النسبة من السفر فعلا". وأضحت أن "معايير الاختيار تعتمد على مدى تعرض الحالة للضرر ومدى حاجتها للسفر. ويكمن دورنا في تحديد الأشخاص الأكثر عرضة للضرر والأمس حاجة لإعادة التوطين ثم التعامل مع السفارات المختصة. غير أن القرار النهائي يبقى للدول نفسها".


لا مجال للعودة


وغادرت ليلى إيشو وزوجها بسام المنحدرين من أسر مسيحية العاصمة العراقية في شهر نوفمبر 2004 بعد أن دفعا لمختطفي بسام الكثير من المال ليطلقوا سراحه. وكان بسام يعمل في ما قبل كخادم في قصر الرئيس الراحل صدام حسين. وبعد فشله في العثور على عمل في دمشق، انتقل إلى قطر في العام الماضي حيث التحق بالعمل في أحد الفنادق هناك. وهو يقوم بإرسال معظم راتبه البالغ 700 دولار شهريا لأسرته في سوريا.

وقد أجبر ارتفاع أسعار الإيجار ليلى وأطفالها على تغيير بيتهم مرتين ولا زالوا ينوون الانتقال مرة ثالثة في القريب العاجل. وقد تسبب سحب الدعم عن الوقود خلال شهر مايو الماضي في تضاعف أسعار الوقود ثلاث مرات مضيفا إلى نسبة التضخم العالية ورافعا كلفة المعيشة فوق طاقة العديد من فقراء دمشق.

ومع ذلك، تستبعد ليلى احتمال العودة إلى العراق قائلة: "ليس لدينا أية نية للعودة إلى العراق. هناك أسرة أخرى تعيش في بيتنا فضلا عن أننا علمنا أن المكان قد اختلف تماما". كما أن المفوضية نفسها لا تعتبر العراق آمنا بما يكفي للعودة إليه. حيث قالت دخل الله أن "العديد من اللاجئين على اتصال مع أسرهم وأصدقائهم في العراق وقد علموا بالأوضاع هناك وقرروا أنها غير آمنة بما يكفي للعودة. كما أن المفوضية ذاتها لا تعتبر الأوضاع آمنة بما يكفي لعودة كريمة لعدد كبير من اللاجئين العراقيين".

وبالرغم من استقبال الولايات المتحدة لعدد كبير من اللاجئين العراقيين إثر تغير في سياستها قبل ثلاث سنوات (حيث انتقل أكثر من 30,000 عراقي إلى أميركا ضمن برنامج لإعادة التوطين بدأ في 2007)، فإن الدول الأخرى لم تساعد إلا بالقسط اليسير، إذ استقبلت كندا 1,890 لاجئا عراقيا وأستراليا 1,757 لاجئا والسويد 1,180 لاجئا، حسب ماهيسيك. كما أفادت المفوضية أن أول دفعة من العراقيين، خصوصا المنتمين لأقليات مضطهدة، تمكنت من الدخول إلى ألمانيا ضمن برنامج لإعادة توطين 2,000 لاجئ عراقي من سوريا و500 لاجئ آخر من الأردن.

وفي وقت سابق من هذا الشهر، طالبت المفوضية السامية للأمم المتحدة لشؤون اللاجئين الدول "بتسريع" مساعداتها للاجئين "قدر الإمكان". حيث أشارت دخل الله إلى أن "المفوضية تواصل تشجيعها للدول لاستقبال اللاجئين العراقيين المستضعفين. ونحن نعتقد أنه باستطاعة الدول المضيفة أن ترفع حصتها. كما سيكون من الرائع حقا أن نرى بعض الدول الأخرى تتقدم لاستضافة اللاجئين. فلا يوجد مثلا أي بلد عربي على لائحة دول إعادة التوطين بالرغم من أن هناك حاجة فعلية لذلك". (ايرين)

[نخله عراقية]

اهلا اخي ابو سرمد...انا بالاردن واستلمت الظرف يوم 11/7...وسويت الفحص يوم 8و10/6...اهلا اخي ابو البيانو والله يسمع منك وان شاء الله الخير للجميع...
نخله عراقية
عمان

[الاسد الجامح]

اخونا العزيز توفي اشو ماكو وينك وين مشاركاتك
 

[الاسد الجامح]

اخوان السلام عليكم
بس حبيت انقللكم تحيات وسلامات حارة من اخونا الصبر طيب
وهو يعتذر عن عدم المشاركة لانه باع الكومبيتر مالته
عبالى السفر قريب
خابرو بشهر العاشر وكالو سفرك مجرد ايام
ولي هسا ماكو شي
الله يصبرا ويصبرنا

[الاسد الجامح]

السلام عليكم
دا احاول اخلي صورة على اسمي
بس مدى ترهم وياية بس كدرت اخلي توقيع ودا احاول اكبر الخط
بس ماكو فائدة ارجو المساعدة

[texasy]

شلونكم اخواننا الاعزاء ان شاء الله الكل بخير وسلامة
بالبداية احب اكول لاخواننا المسيحيين جميعا وخاصة قائدنا المفدى (غانديكو) ايامكم سعيدة وكل عام وانتم بالف خير وينعاد عليكم بالصحة والموفقية وان شاء الله الكل يسمع الاخبار الحلوة بهاي الفترة ويفضها الموبايل ويرن مو ذبحنا.
نخلة عراقيـــــــــــة هاي الاخبار الحلوة واللي تفرح وان شاء الله تعيدين الفحص وتسافرين باسرع وقت وبالمناسبة انت الفحص الثاني جان يوم 10 وهو نفس يوم الفحص الاول مالتي.
توفي عيني دطلع الطيارة من الكراج واغسلها ورتبها واخذ الريس وعائلته فد فرة فوك عمان بمناسبة العيد خلي يغيرون جو شوية بس دير بالك لتسوق سريع
طبعا الكل يعرف بدت العطلة الطويييييييييييييلة بامريكا ويكلك ملفاتنا نايم عليها الثلج بواشنطن يعني ينرادلها فد شمس قوية بلكت يموع وتتحرك شوية واني احب اهديلة للموظف اللي يمة ملفي هاي الاغنية بلكت يحس ويداوم بالعطلة ههههههههههه وعلى عناد حسام الرسام اكلة:

اليوم يومك ياموظف .. هلة يابو الغيرة
داوم اتعب وسهلها .. ترة اني بحيرة
هاي تكساس الحبيبة .. تنتظر منك بشارة
الامنية تجي بعون الله .. واعزمك يم ابو جبارة
خلي حيل الدنيا بيك .. التعب ميبين عليك
يلة شوف ملفي وينة .. ترة ماالي غيرة
جيب الامنية جيبها .. جيب الامنية جيبها

يارب سهل وعجل موافقاتنا الامنية ... ياااااااااااااااااااارب

[ستروبري]

اللف شكر اخواني على تهنأتكم الي بالعيد وان شاء الله يعود على الكل بالفرح والخير والسعادة
شكرا تكساسي ولو توفي ما اعرف وين مختفي الضاهر جت امنيتة ورح يسافر ان شاء الله عن قريب 
نخلة اختي العزيزة اللف مبروك وفعلا هاي بشاير خير واتمنى ان تفرحينة بأسرع وقت بموعد السفر
 انتي والصبر طيب والاسد الجامح وابو طبر وابو البيانو وتكساسي وتوفي والكل بأدن الله عدروني اخاف نسيت احد وطبعا اني هم ان شاء الله
تكساسي لا فرة بالطيارة ولا فرة بالسيارة رح تخليني اغير جو لان فعلا الجو يمي كلش مغيم وممطر وماكو فاءدة لان طاختتتت كلش الله يعينة ويساعدنة وينطينة الصبر بالنسبة اللي لا جديد على حطة ايدكم لا خبر ولا جفية ولا حامض حلو ولا شربت وكلش عجبتني هاي اغنيتك بس بدلته على كلفورنيا بلكي الجو ما بي ثلوج والموضف يدكرني
ابو البيانو عيوني كل عام وانت بالف خير وعيد سعيد ان شاء الله عليك وعلى العاءلة الكريمة

غانديكو بأنتضار الامنية ست شهور الا خمسة ايام

[ريم عبد]

اخواني الغاااااااااااااااااااااالين
اشكر تجاوبكم مع طلبي وبالاخص
اختنا العزيزه نخلة الجيران
ورئيسنا الغالي
والاخ اسامه
وتم اضافتهم للجدول
ولان انتوا حبايبنا وجيرانا فاني اتوصيت بيكم وسويتلكم فد جدول كلش حلوووووووو
واريد بعد بس اتووجه بموعد السفر ان شاء الله عن قريب
وراح ارفقلكم نسخه خاصه هاي بس الكم
واتمنى من كل واحد ميلكي اسمه بالجدول ينطينا بياناته حتى انضيفها

[ريم عبد]

رئيسنا الغالي كل عام وانت وكل الاخوان بالف خييييييييييير
بعد تمحيص تواريخكم شفت انت مقابل ورايه
 واني كاعده ابجي عليك وعلى التاخير
طلعت اني كبلك ومااحجي ولا ابجي على نفسي
ونازله دك دعوات وحاسب نفسك من المخضرمين
 طلعت بعدك ممكمل خدمه ومنصب نفسك رئيس
هسه اني احق بهذا المنصب
طلع انت مزور بالاوراق وماخذه بالغش
فاما هسه تتنحى عن هذا المنصب وتنطيني الكرسي الي
واما اركعك بدعوه افلش الكرسي والجمعيه واطيركم بنفخه ولا نفخة صاحب البووووووووق
بس خلي يجي شباااااااااط وشوفوا وين راح تصفوووووووووون

[نخله عراقية]

مرحبا ياجماعه شلونكم ...اشكركم على امنياتكم الجميلة ...شكرا ريسنا الله يخليك ...وتفرج عليك بحق عيسى عليه السلام ...وكل عام وانت بخير
هلو اخويه تكساسي شلونك ...اشكرك على امنياتك الجميلة والله يسمع منك وتفرج علينا كلنا..هاي شنو يعني انت يوم 10 / 6 موجود ..انقهرت لعد ليش ماشفتك ...
هلو ريم حبيبتي ..لا شكر على واجب ...بالعكس انتي جاي تسوين شي مفيد للجميع ..انت اللي تستحقين الشكر ...
ياجماعه تدرون انه اغلب الموجودين بأعادة الفحص من جماعتنه  ..جماعه 11/7 عبالك محد مسافر كل واحد يدخل يقول للثاني ..هاي شنو انتو بعدكم لعد منو مسافر ....فالله كريم حشر مع الناس عيد ...
اختكم دائما
نخله عراقيه
عمان

[نخله عراقية]

هلو اخويه توفي شلونك مشتاقين ...اشو مختفي ...لعل المانع خيرا 

[toofy]

MERRY CHRISTMAS AND HAPPY NEW YEAR


رئيسنا الغالي غانديكو والعائله الكريمة واخويه العزيز ابو البيانو وكل اخواننا المسيحيين ....كل عام وانتم بالف خير....وعيد سعيد على الجميع




تحياتي toofy المعتكف

[ابو البيانو]

شكرا اخوية جعفر و اخوية توفي كل عام و انتو والاهل بخير انشالله السنة الجديدة يكون خير علينة و على كل جماعة 11-7 تكساسي و نخلة وقسي حبيب بغداد والاسد و ريما وكلكم والعراقيين كلهم ,

كل عام وانتم بخير

[حبيب بغداد]

اخواني كل عام وانتم بالللللللللللللللللللللللللللف خير
 الريس العزيز شلونك حب انشالله بخير وكل سنة وانتة طيب ونتمنالك الموفقية وسلامة والاهل
واخونة ابو الابيانو انشاللة يارب تحقيق الاماني  ولم الشمل انتة والاهل امين رب العالمين
اخوية توفي اني جدا مشتاق حبيبي انشاللة تكون بخير وصحة وسلامة دوم يارب
اخوية العزيز الاسد الجامح ابو سرمد حبيبي اشلونك انشاللة تمام  
والاخ الورد تكساسي اشلونك اخوية وشلون المعنويات
والاخت الوردة الحبوبة حبيبة الجماهيرة نوارة المنتدى نخلة عراقية اشلونج عيني اشلون المعنويات  
عيني انتي انطوج موعد فحص ثاني قبل الدورة مو ؟ يعني انشاللة الدورة قريبة وخط الرحلة بعون الله  لان اني لمن سويت الدورة  كالو بقة بس اتعيد الفحص ونحطلك خط رحلة  بس ردت اسئل انتي استلمتي المغلف يوم 9.5 لو 7.11  
تمنياتي بالتوفيق للجميع  اخوكم حبيب بغداد

[حبيب بغداد]

اخوان  عندي اقتراح صغير خاصة للي بعدهم ما ماخذين دورة تثقيفية

اقتراحي طبعا بالنسبة للكروب مالتنة  لو كل واحد يحط اسمة الحقيقة علمود كل الكروب يعرفة ليش علمود بالدورة  لان هم يسوون تعارف بالاسماء واذا اكو احد من جماعتنة ويا يعرفة  ويجوز حتة ايكون بنفس الطيارة يعني اتصور يصير تقارب بالمسافات اشوية 


يعني هوة مجرد اقتراح   وتحياتي للجميع

[نخله عراقية]

شلونكم ياجماعه ...ان شاء الله زينين...
اشكرك اخويه ابو البيانو على الامنيات ويارب نسمع اخبار حلوه قريبا ..يارب السنه الجديده كلها خير ..
هلو ابو طبر ..شلونك ...شخبارك ...اشو هم مختفي ....صايرين الجماهيرية الخفية...
هلو اخويه حبيب بغداد...شلونك ...شكرا على كلماتك الجميلة والاكثر من رائعه ..انا بعدني مااخذت دوره تثقيفية ..الله يسمع منك ويارب خير ..وتفرج علينا وعلى الجميع ...بالنسبة لسؤالك ..بالله عليك صارلي سنين وياكم بالجماهيرية وبالسراء والضراء  ..وعرفنا امل وفرج وتفاؤل وكل اهلهم  ..وتقلي انت يمته استلمتي المغلف ...جاي اتشاقه ..لا تزعل يمعود ..انا من جماعه 11/7 الساعه 8 الصبح 
يارب نسمع اخباركم الحلوه
اختكم دائما نخله عراقية
عمان ...

[ستروبري]

اخواني واخواتي ان شاء الله كلكم بخير وعافية

ريمو كل عام وانتي بخير ويارب تتسهل امورج وتتطشرين ويانة بنفس الطيارة  وادا على المنصب فبألف عافية عليج بس ديري بالج يمكن هو سبب التأخير وقد اعدر من اندر

اخواني ياريت الي عاد الفحص يكللنة شكد صالة ينتضر الامنية لان اني كملت ست شهور ولا حس ولا خبر ولا استفسار ولا اعادة فحص ولا اي شي سكتة يا لفته وهدا الي قالقني اتمنى تكتبولنة اي شي جديد علمودنعرف التطورات والسستم الجديد


غانديكو في انتضار العاصية ست شهور الا 3 ايام ونص

[حبيب بغداد]

سلام الله ورحمته وبركاته على جماهيريتنة الحبيبة وجميع المنتسبين اليها
اول شي عيني نخلة تدرين ليش سالتج اني لان مرة انتي سالتيني كلتي شوف اكو احد وياك بالدورة من جماعة 9.5  فلهذا السبب اني سالت
بس ابشرج اختي ترة %99  انتي انشاللة موافقتج جاية كولي انشاللة
اخوية جعفر حبيب الشعب شلونك حبي اخوية الفحص الطبي مينعاد اذا الموافقة الامنية مجاية او اقل شي بالطريق ويكونون متاكدين منهة لانو الفحص يكلف وثانيا اذا بعدهم ممتاكدين من الامنية ايمتة توصل ممكن اتطول فيصير لازم ايسوون فحص ثالث   ولحد الان محدد سوة اثلث فحوصات   فانشاللة السنة الجديدة اتجيب اخبار حلوة للجميع امين رب العالمين 

اخوكم حبيب بغداد

[الاسد الجامح]

شلونكم اخواني اخواتي جميعا
حبيت اكللكم
كل عام وانتم بخير
 

[ريم عبد]

شووووووووووووو هايييييييييييي
هاي العييد كله يمكم وملاعيب العيد كلها هنااااااااااا
ميري كرسمس للكل
من رئيسكم وانتوا نازلين
عيني توفي  مبارك رجعتك بالسلامه ياربي ليخلي مكانكم الا بس على الطياره كبل
وان شاء الله تتفلش هاي الجمعيه الحلوه مالتكم
ولو انتوا عزاااز بس تره اني اضوج من هاي التجمعاااااااات
وادخل بيناتهم مثل زعيب خراااااب اللعيب
وان شاء الله ياربي كل واحد بولايه
واتخيلوا كرسمس الجاي انتوا محتفلين بيه بامريكا ومقدمين على الكرين كارت
وعوووووووووووووود
 اتذكرونيييييييييييييييييييييييييي لالالالالالالا تنسوووووووووووووووووووووووني

[الاسد الجامح]

اخوي العزيز حبيب بغداد
قصدك اذا انطينا اسمائنا ممكن الكى توفي يمي
بالدورة التثقيفية ان شاء الله او نخلة عراقية
 
على العموم اني اسمي اسامة

[toofy]

اخويه العزيز ابو سرمد....ان شاء الله كلنا نلتقي بالدورة التثقيفيه واكيد واحد راح يعرف الثاني لان صرنه اهل  واني وياك ملتقين من قبل لان انت مقابلتك الاولى بال IOM  صادفت ويه مقابلتي للمحلفين واني وتكساسي يمكن فحصنا بنفس اليوم  وعن نفسي  كلكم راح تعرفوني من اول نظره 

تحياتي toofy بانتظار الامنيه سبعة اشهر الا يومين 

[حبيب بغداد]

حبيبي ابو سرمد الوردة   

انشاللة يارب كلنة نروح بالنهاية وتصير سوالف 
واتمنالك التوفيق يارب حبي وكل الاخوان



اني اسمي قيس
تحياتي للجميع اخوكم حبيب بغداد

[ابو طبر]

مساء الورد والرياحين على اطيب جماهير حلوين 
اشلونكككككككككككككم مشتاقلكم كلكم نفر نفر   
اول الكلام ايامكم سعيده وكل عام وانتوا بخير  والف خير
هبي نيوووو ييييييرررررررر
عيني نخوله متكوليلي اشلون عرفتيني مختفي وادخل صامت شنو انتي مكشوف عنج الغطه  دشوفيلي لعد اموله وين صارت 
قائدنه المفدى شنو هذا خبر التنحي عن المنصب  لا وفوكاه لمن تعطي الكرسي للعدو اللدوود ريمووووووو  وسفه بكل سهوله تتركنه احنه ايد وحده بالسراء والضراء  انشاء الله نسمع اخبار مفرحه  يعني اشكد اتريد اطول بعد امل  بس خلي نتوكل على رب العباد ونكظيه شلون مجان  -- دشوف اخونه تكساسي اصاير بي امس رحت اوديله فطور المكرود متيبس بالجنبر  لكيته شاد مغذي والمصيبه الجنبر مباقي بي شي كاعد يبيعه تفصيخ  ربي يكون بعونك اخويه تكساسي  سلامي للداخليه وايامكم سعيده
بصراحه اريد من الداخليه وصفه تمن الباكله مشتهي واريد اسوي بيوم راس السنه يارب اتكون سنه سريعه ونفاثه  كولوا امين

النائب الاول توفي الورد اخبارك مشتاقين نسمع صوتك وكعداتك الحلوه شنو اشو ماكو تعداد ولا احصائيات ليش منكطع ارجع تره اسويه شذر مذر 
حبيب بغداد يارب اخبارك دوم مفرحه وتفرحنه معاك وشكرا على نقل الاحداث اول بول اتمنالك كل الموفقيه

عيني ريمووووووو  انتي بعدج اشلون يعني مو  راح اتموتيني اشوكت الكفج واشفي غليلي ديري بالج تره الطبر حاد وصاير مثل الموس --امزح معج اختي ريم نورتينه انتي ابقي يوميه سويلنه تعداد وجرد  احسبي بينه يوميه الى ان اطير البركه مالتنه ونخلص  بس لعيونج  راح انمشي معاملتج بطلب المعلومات بسرعه ونجاوز الروتين  تعرفين هاي الشغله يرادله تقديم طلب وتشترين استماره من الجنبر  ويشوف القائد  وبعدين نعطي الموافقه بس واضح انتي عندج واسسسسسسسسسسطه  وامورج تدعبل بسرعه
18/ 1/ 2009 مقابله un
2009/4/6مقابله ثانيه un
2009/5/10 مقابله iom
2009/5/27  مقابله محلفين
2009/6/10-9 فحص طبي
2009/7/11 نتيجة محلفين
ومن الله التوفيق
 
اخوكم : ابو طبر     
عمان

[ابو طبر]

عيني ريم انسيت المقابله الاول iom
2009/5/6
اسسسسسسف

[ستروبري]

شلونك اخويةالعزيز ابو طبر كل عام وانت والاخوان بالف خير يارب يعود على الكل بالخير والبركة 
يمعود هاي شنو قصة تكساسي خليت بالنة يمة 
اخوان ترة الريس تيتنحة عن المنصب علمودي  لان اني زهكتة ودمرتة وكل يوم اكولة لازم تصير دمقراطي وتنطيني اجرب المنصب بالكي تتحرك معاملة الجماهير ومعاملتنة  فعلمود هيجي راد يقهرني وكال رح اتنحة عن المنصب لريم  ولو اني احبة لريم ومرة اتنازلتله على حصتي بالكرافت  بس مو اخلص من زوجي النو ب تطلعلي ريم ام رجل الخضرة  وعليه اني اكوله الريم ومن هدا المنبر الحر ادعيلنه دعوة زينة علمود تاخدين المنصب وتخلصين مني ومن الريس ويفرغلج الكرسي 

ابو طبر اخوية ماكو اسهل من التمن باكلة 
انت اول شي تسلك اللحم ويكون لحم غنم مع العظم وبعد ما يستوي زين اتلجعة بالجدر وبعدين اتخلي الزيت وتكلي شوية وتخلي فوكاه  الشبنت طبعا تكون مكطع الشبنت يعني ثارمة بس مو كلش ناعم ولا كل خشن
وتشتري باكلة امريكانا او اي نوع فول اخضر تفتح الجيس مال الفور وتخلي بالماي وتبدي تكشر الباكلة وهي كلش سهلة تتكشر من كيفه وتنقسم الباكلا بسهولة وهم تخليه فوك اللحم والشبنت والزيت ومن تحسه شوية تكلت شغلة خمس دقايق اتكلبه  مو تعوفه على النار تحترك  تخلي الماي وتعوفه تفور شوية علمود الباكلا تستوي يعني بس تفور شوية وتخلي التمن

وبالف عافية  مو تنسة الملح 


زوجة غانديكو بأنتضار الامنية ست شهور بس عبالك ست سنين

[حبيب بغداد]

السلام عليكم اخوان جميعا شلع

عودة حميدة اخوية ابو طبر حبي وشكرا لدعواتك الصادقة واتمنة السنة الجديدة سنة خير ومحبة علة كل الطيبين امثال جماهيريتنة الحبيبة

اخوان بالنسبة بالمقابلات مالتي ترة اني شوية التواريخ ما اذكرهة لان كلش عتيگ بس اختصرلكمياها علة حسب الذاكرة

اول مقابلة بالامم جانت
بشهر 3 .2003
وجرت طبعا حسبو انتو جم مقابلة لحد مقابلة توطين جانت
بشهر 4 .2009
باقي التواريخ محافضهة بس جان مقابلت المحلفين
2009.6.23
والموافقة
2009.7.11
والدورة التثقيفية
قبل جم يوم  وخلصت ومنتضرين رحمة الباري عز وجل 
تمنياتي بالموفقية للجميع
 

اخوكم حبيب بغداد

[texasy]

شلونكم جماهيرنا الطيبين واحد واحد (ادري عطلة بس ميخالف)
ان شاء الله الكل بخير ويارب الفرج قريب للجميع مع بداية السنة الجديدة ...
الحمد لله الجو حلو صار كم يوم لان تبهذلت بالجنبر وية البرد وجمالة لا كرافت ولا فول ولامعدنوس ولا امل يعني صدك داابيع الجنبر تفصيخ ... وبمناسبة السنة الجديدة رح انطي الجنبر وكافة محتوياته (فااارغ) الى ريم ام رجل الخضرة وعين الزركة وشعر الاصفر بلكت تدعيلي واطلع كبل للمطار.
هاي شنو طلعنا اني وتوفي وابو طبر ونخلتنا العراقية كلنا جنة بنفس اليوم يوم 10 ملتقين بمستشفى الخالدي بس واحد ميعرف اللاخ مع الاسف .. يارب يجمعنا بدورة وحدة وطيارة وحدة ونخلص من التعب.

بالتوفيق للجميع ..
رن رن رن .. رن وفرحني

[zeni tee]

اولا السلام عليكم اخوان وان شاء الله سنة محبة وحب وسعادة عليكم بسنة الجديدة وثانيا اسفة على التاخير لان اني مودائما اكعد يم الجهاز وثالثا اني الك حبيب بغداد لما توصل بخير وسلامة مطار نيويورك اجيك هدادة ليش تدخل باسمي غير متخلي ورقة ام المي هندرد دولار ودوروبالمنتدى راح تلاكو تقرير مفصل عن رحلتي

[myiraq]

مرحبا.... شلونكم جماعة 11/7
اقدملكم نفسي myiraq  اخت نخلة عراقية يعني تكدرون تعتبروني فسيلة 

والله اجواء المحبة بهذه الصفحة لو تنعكس على عالمنا جان احنا بخير (اعتقد راح تتعاركون ورة ما اطلع هههههه)

يارب تكون السنة الجديدة سنة خير علينا كلنا ومانتأخر اكثر لان جدا" متشوقين نركض بالمطار مثل ركضة الاخت زينتي المشكورة على تقريرها .




 

[استبرق العراقي]

السلام عليكم شلونكم شباب وبنات اني الحمدلله طلعتلتي تذكرا السفر وراح اسافر يوم 11\1 من عمان الى امريكا بولاية نورث كارولينا الي يعرف عنها شي اكون ممنون الة اذا اطيتوني اي اخبار عنها وشكرا الكم وتحياتي الى الجميع.

[ابو طبر]

صباح الورد والياسمين على جماهيرنه الطيبين
الف شكر  اختي الداخليه  على وصفه تمن الباكله  بس  عندي ملاحظه  التمن اول اطبخه واظيفه للخبطه لو اشلون  لو اخلي مي كثير واطبخ التمن مع الخبطه  مع فائق الشكر والتقدير
كل الهلا باختنه zeni tee ] نورتينه ويارب اتكونين مستقره وامورج تمام  وسنه سعيده   
 ياهلايهلا اختنه myiraq  عاش من شافج هاي وين  ليش هاي الغيبه يعني اشلون تكاطعت الاوادم خو ما تكاطعت الاوادم خلي نشوفج دوم ونسمع  اخبارج   
اخويه تكساسي اشلونك اخبارك مششششششششتاقين بس شنو هاي صدك احنه يوم واحد  بالفحص الطبي يامحاسن الصدف تذكر الحجي الي لابس غتره وعكال  ابو الناصريه وعنده عوجيه اذا اكو واحد يتذكره  شنو كان اسمه كان موجود بايام الفحص 9--10  /6  والله مشتاقله ربي يكون اخباره زينه   
  استبرق العراقي كل الهلا  والف مبروك على موعد تحديد السفر ويارب  اتكون رحله سهله ومريحه  بس اذا ممكن  تذكر  مواعيد  المقابلات وتاريخ استلامك الظرف راح نكون ممنونين  اسف اني ما اعرف شي عن ولايه نوث كارولينا بس انشاء الله الاخوه بالمنتدى  يعرفون اكثر مني ويساعدوك  نورتنه والف مبروك مره ثانيه  وعيد سعيد


اخوكم : ابو طبر     
عمان -- المطبخ

[الاسد الجامح]

صباح الخير جميعا
وهلا باختنا العزيزة zeni tee
  نورتينا

[حبيب بغداد]

السلام عليكم

اهلا استبرق اخوية   طبعا   استبرق جان  وياية بالدورة التثقيفية   وهوة من جماعتنة  7.11   

ورايح لنورث كارولينا بالتوفيق حبي

[الاسد الجامح]

مبروك الف مبروك اخونا استبرق

ويوم الي الك اخونا حبيب بغداد ولكل المنتظرين



بالمناسبة البارحة فتت يم جماعة 5\12   عيني باردة عليهم
نسبة عالية منهم صارو مسوين دورة تثقيفية
عمي بختتتتتتتتتتتتتتتتتتتت
 

[ستروبري]

اخوية ابو طبر لا تخلي ينطبخ ويان باقي الغراض وانت من تضيف الماي على اللحم والشبنت والباكلة تغسل التمن وتخلي ينطبخ ويان باقي الاشياء بس بعد ما يفور الماي والغراض شوية علمود تستوي الباكلة  وبالف عافية
شلونج اختي زينة المد الله على السلامة ولو متأخرة اعدريني و غاندي يكول سلامي للحجي انشاء الله تكونون بخير

زوجة غانديكو

[abo abo]

السلام عليكم اني اخوكم من جماعة 5-12 دخيلك اخويه الاسد الجامح استر علينه تره والله اني ممسوي دوره ولا مستلم الامنيه واني من 2007 مقدم بشهر الثامن 2009 ياله حولونه توطين والله احنه خطيه ولا واحد من عدنه سافر بس فحص والله والله  >:(بس نكول الله كريم تفرج انشالله علينه وعليكم باقرب وكت ودائما خلي عينك بارده علينه لان والله احنه نحبكم ونتمنى للجميع الموفقيه باسرع وقت

اخوكم ابو علي عمان 

[حبيب بغداد]

السلام عليكم ورحمة الله وبركاتة
جماهيريتنة الصامدة
وبعــــــــــــــــــــــــــــــد

اخر المستجدات اليوم خابروني من الصبح اصدقائي من الدورة التثقيفية الي جانو وياي ديغوروني جانو كاعد ايسلمون الجوازات والحمد لله نتمنالهم التوفيق كولو يارب
المهم استفزوني وكلت خلي اخابر اشوف اني وين صرت وبعد معانات ردو   فكتلة يابة اني وين واصل كلي الموضف انتة مخلص كلشي والحمد لله الموافقة جاية والملف مختوم  بس الفحص الطبي هوة فعليا ما منتهي بس باقيلة جم يوم وينتهي  يعني ست شهور يصير اكسباير كتلة يعني كال ما اعرف يمكن ينتضرون اشوكت ايصير اكسباير بالمرة وبعدين ايخابروك علمود اتعيدة   واللة كريم كتلة اشكد اتطول كال يم اللة والنعم بالله فيا اخواني اتصور انو احنة كلنة اكسباير بالفحص   

وانشاللة الكل هالسنة اتكون اخر سنة يارب يارب يارب كولو امين

[ستروبري]

حبايبي اني اليوم اتصلت وسالت الموضفة على الفحص الطبي كالت احنا نتصل بيكم وانت بعدلك لي بداية الواحد يلة يصير الفحص اكسباير
وطبعا الامنية مجتي ولا حتة بالمراحل الاخيرة شلون احباط معنويات بس الله كريم بلكي الله يفرجهه على السنة الجديدة وبصراحة البنية الي ردت علية جانت قمة بالاخلاق وكلش حبابة وطبعا تقريبا جانت تريد تكولي ايس تسمع خبر هسة لي حد شهر الواحد بالسنة الجديدة


غاندي في انتضار 

[ابو طبر]

مساء الورد والياسمين على جماهيرنه الطيبين الحبابين
نورتنه قائدنه المفدى يمعود اضهر وبان عليك الامان هسه الحمد لله الفحص بعده مصار اكسباير   والجنه الجديده بعدله كم يوم يعني انشاء الله هانت  ومبقه شي خلينه متفائلين اشويه موخلص الصبر
اخويه حبيب بغداد انشاء الله شغلتك تخلص بسرعه وتفحص  وتسلم الجواز  وتصير سوالف لتظوج  ويارب ترتاح وتستقر بالسفر وتكدر اتعيش حياه جديده  كوووول آميييييين


اخوكم : ابو طبر     
عمان

[حبيب بغداد]

اميــــــــــــــــــــــــــــــــن رب العالمين كل احد عندة امنية تتحقق بحق سيد المرسلين

اخوية ابو طبر حبي  اشكرك على كلماتك الطيبة وانشاللة يارب الكل تسافر وتصير سوالف


اخوكم حبيب بغداد

[ريم عبد]

هاي شنووووووو اخوااااااااااااااااااني الاعزااااااااااااء
شنو هالمه الحلوه
ياربي ليديمها عليكم كلش اضوج من هاي التجمعااااااااات
اخويه الغالي ابو طبر شوكت انصير اصحاب يمعود دخلي العلاقات تتحسن بيناتنا بلكت انفخك بدعوه لو  تطلعلك الامنيه لو اتجيب اجل الطبر مالتك
اذا هشكل اتضل اتهزمني كلما اطب اتهددني شلون راح اتحل عليكم البركااااااات
عمي نزلت بياناتك وهسه صرت لاجئ شرعي وعندك ملف يمنا وان شاء الله اي تطور اتبلغنا حتى انسوي ابديت للملف مالتك
تره محد يطلع قجغ منا
الله ايخلصني منكم ساعه كبل

[ريم عبد]

عفواااااااااااااااااا حرم السيد الرئيس نزلت للسااااااااحه
ياأم حسين جنتي بوحده صرتي باثنين
هسه بالله احنا متنا لما نحينا الرئيس عن منصبه هنوبه السده حرمه شيشلعها
ياربي عسااااااااكم متتهنون بهذا الكرسي ولا اتلحكون تكعدون علي بحق السميع العليم
يشلعكم شلع العائله كلها ليروح تالي يطلعنا ابن السيد الرئيس
ان شاء الله كبل ميخلص شهر الواحد انتوا مترحلين عبر القارااااااااااات

[ريم عبد]

اخونا  الغالي حبيب بغداد الله ايعينك ياربي
 نزلت بياناتك بس ان شاء الله هاي خاتمة الاحزان وان شاء الله ختامها مسك وياربي ان شاء الله انت على طيارة شباط ومتنتضر احد روح وحدك علك وعوف الجماعه يتفيترون  بطيارتهم تره هاي طيارتهم متوصل للحدود بس مكتلي بيا ولايه رايح ان شاء الله
اخويه التكساسي  اشكرك على الجنبر هاي وره متعزلون راح افتح بمكان جمعيتكم سوبر ماركت اسمي باب الاغا مال كراكيب كل الجمعيات وشكو كراسي رئاسيه حصلت عليها بجهودي الجباره حتى اطلع فلوس سفرتي
بس منطيتني مسيرتك النضاليه تره متطلع اذا متسجل يمي اني يوميه افتح الجدول واندعي بس الي اسمائهم مسجله والي ميسجل متوصله الدعوات

حبيبتي myiraq اهلا وسهلا بيج حياتي بس ياريت متسجلين بهاي الجمعيه بله زحمه عليج بس سجلي واطلعي وياريت تنطينا بياناتج حتى ننطيج عضويه بجمعيه مرتبه

اخي استبرق العراقي اهلا وسهلا بيك ومبروك على تحديد موعد السفر وياريت تنطينا تواريخ مقابلات وهذا سؤالك اذا اتطرح على العام حتى ايجاوبوك عليه هنا متحصل منهم بس جبن الكرافت

[حبيب بغداد]

ههههههههههههه  عيني ريم ام السانين اشلونچ اكلج انتي اشكد عمرج لان اسوالفج اتضحك مال عجايز 

بعدين ترة استبرق ولد مو ابنية جان وياية بالدورة    اتمنة يارب الكل تتوفق وايسافرون وكافي معانات لان يمكن اني لمن راح ايعيدولي الفحص يلكون بية امراض الدنية من ورة التفكير والانتضار    انشاللة وبعون اللة الواحد الاحد اللة يهونهة علة الجميع  والكل تسافر قبل شهر الثاني امين يارب



اخوكم حبيب بغداد

[ريم عبد]

عمي حبيب بغداد الله ايسلمك  وينطيك الصحه والعافيه
غير هاي سوالف بيبتي الله ينطيها الصحه والعافيه همه الخير والبركه
صح اني طولي شبر بس لساني 3 امتار
عمي صلحته استبرق ويعذرنا
وان شاء الله ياربي ايسهل عليك واتطير كبل الكل
 بس دير بالك على كلبك لتعبه هوايه

[الاسد الجامح]

السلام عليكم اخوان
شنو هاي العركةى على الكرسي
احنا هسا بلدنا ديمقراطي فلازم انحل الرئاسة القديمة
ونسوي انتخابات جديدة
يمكن الرئيس الجديد انشوف على قصته الخير
 
 
مع احترامي للرئيس وزوجة الرئيس
والله يخلي الريس
 

[حبيب بغداد]

السلام عليكم ورحمة الله وبركاته

اخوان اني اليوم خابروني علمود اعيد الفحص الطبي باچر انشاللة    وانشاللة خير


اخوكم حبيب بغداد

[toofy]

وعليكم السلام ورحمة الله وبركاته اخويه العزيز قيس
ان شاء الله يوم اللي يخابروك ويحددولك موعد السفر وتفرحنا حتى من اكتب تقريري يصير بيه مستجدات 

بالمناسبة باب الترشيح لانتخاب رئيس ونوابه مفتوح لان يمكن المنصب عم علينه  اني بالنسبة اللي متنازل

اختنا العزيزه ريم ... ابشري مواققتج عن قريب راح توصل  ....لان اي عضو يدخل لجماهيريتنا عدانا الله ديفرجهه عليه....فراح نسوي الدخول بفلوس 

تحياتي toofy بانتظار المهجومه 7 اشهر بالتمام والكمال

[نخله عراقية]

مـــــــــــــــــرحبا .....شلونكم ياجماعه ....
قبل شويه رجعت من الفحص ...هذا ثاني يوم ...والجماعه  اللي ويانا اليوم كلهم من جماعه 4/7 ...الف مبروك اخي حبيب بغداد ...وان شاء الله موعد سفر قريب...
هلو قائدنا شلونك ...انا اصوت لزوجة الريس ..حتى ندعم المراه  ...والله لو المراه هي اللي تحكم جان ولاشفنا حروب ..كل الحروب من وره الرياجيل  ....
تووووووووووفي اخويه شلونك ...اشو انت الحاضر الغائب ...يارب تكون بخير ...وتفرج قريبا عليك وعلى الجميع ..وعلى كوله ريمه الورده ..ان شاء الله محد يبقى هنا ..
ريم my iraq اختي وهي نفس تواريخ مقابلاتي تماماااااااااااا...
اختكم نخله عراقيه
عمان

[تايتنك]

السلام عليكم اخوان انى ادرى انتو حيل مشتاقين الى ادرى هسه انتو داخين بس دورون وتسالون وتكولون هاى وين راح جاك ابو رجل الخضره المهم اخوان انى حيل مشتاق الكم  والله ملتهى بلعزايم  لاتزعلون بس يكولون جماعه 7/11 كلهم سافرو انى مستعد اسوى عزيمه والله عمركم ماماكليهه والله اندعيلكم بلخير والله يوفق الجميعاخوكم تايتنك

[حبيب بغداد]

اخوية توفي الوردة اني جدا شاكرلك تمنياتك الحلوة  وحبي انشاللة يوم الي الك وتفرج علة الجميع بجاه الحبيب محمد 

اختي نخلة انشاللة يارب بالتوفيق انشاللة عن قريب يخابروج علة الدورة التثقيفية وبعدها خط الرحلة   كولي امين   

سلامي لكل الجماهيرية الحبيبة مع خالص التمنيات بالتوفيق


اخوكم حبيب بغداد

[حبيب بغداد]

السلام عليكم ورحمه الله وبركاته 
اليكم اخر المستجدات
خابرني اليوم صديق الية من الدورة التثقيفية  ومنطي اليوم خط الرحلة يوم
1.25 
ندعيلة بالتوفيق وتحقيق الاماني وبداية موفقة انشاللة امين رب العالمين




اخوكم حبيب بغداد

[ريم عبد]

اخويه العزيز توفي
ان شاء الله اني ابشرك بسفرتك بالقريب العاجل
اما بالنسبه الي اني خاصيتي التطشيييييييير بس اني مااطشششششششرر
و لتتفائل  بطلعتي لان اني بصراحه حلتلي الكعده هنا
هم جماهيريه وهم كراسي رئاسيه وهم افتر على الجمعيات الم الوارد وماشاء الله بله حسد
قل اعوذ برب الفلق وارد زين وخلي لما الملي فلوس بيت بامريكا يله اطلع

حبيبتي نخلتنا الحلوه هنوبه العوائل ديصير بيها انشطار
احنا مصدكنا دنقلص الاسماء والاعضاء هنوبه كمتوا كل واحد ايصير اثنين
الريس صار ريس وحرمه واخونا حبيب بغداد جابلنا كسب جديد اخ استبرق
وحبيبتنا نخله جابت اختها
شنو السالفه اكلكم اخاف علمود قواطي جبن الكرافت دتزيدون
اووووووووووووووووووووووووف ياااااااااااااااااااربي
شادعي عليكم
عساكم بالنقصاااااااااااااااااااان
ويوميه اسمع خبر بيكم ايفرحكم ويقهر اعدائكم يارب
كولواااااااا امييييييييييين

[ابو طبر]

مساء الورد والرياحين على جماهيرنه الطيبين
ريمووووووووووووووووو
آآآآآآآآآآآآآآآآآآآآآآآآآآآآآآآآآآآآآمييييييييييين
يمكموعه هو شنو عم علينه غير  جبن الكرفت مو حمض بالمعده وبعد ميفيد لا اكتيفيا ولا سفن خلص 
 عيني نخله  يعني هسه خلصتي اعاده الفحص الحمد لله ويارب موعد الدوره التثقيفيه وتحديد السفر  ونسمع الاخبار الحلوه  كولي امين   
اخونه توفي شنو انته ليش تتنازل عن المنصب هاي شنو يمعود انته من المؤسسين لهذه الجماهيريه ومثل مدشوف اشو الجماعه متكاسلين مدري ليش اشو هي نفس الطاس والمنجاس الكل كاعده وصافنه على الجوال وابد مديرن جنني  اتصدك اني سويت الرنه مالته هلاهل  ويارب اسمعه فد هلهوله مو انشلع قلبي 
اخواني اخواتي الواضح احنه راح نسوي انتخابات للرئاسه واني من اول يوم كنت ارشح صوتي للداخليه وبعد ونطتني وصفه تمن باكله خلص ثبت عيد
ياناس ياعسل -- الكرسي للداخليه وصل 
تايتانك عاش من شافك  هاي وين هاي الغيبه اشو محد يشوفك شنو انته زعلان يمعود شوفتك تكفي بدون اي عزيمه بس مثل ميكول ابو المثل ايد الخير وممدت اتريد تعزم احنه حاضرين وين متحب شكو ورانه اكل ونوم مال الكوم

 اخونه حبيب والله مدري شكلك بس صدك انته مراسل فله  ويارب يتم تحديد موعد سفرك باسرع وقت كول امين

اخونه تكساسي شو غايب عن ساحه المعركه يمعود انزل واترك الجنبر اشويه شنو لزكت بي اني احذرك من اخنته ريم اتريد اتسوي انقلاب وتسيطر على الجمبر متعرف الجنبر ايجار وعليه كمبيالات  يارب اتكون بخير ونسمع صوتك

اخواني واخواتي مبقه غير يومين وتخلص هاي السنه  ويارب اتكون سنه 2010 سنه خير وافراح بس نطلب منكم  مواصله الدعاء وانشاء الله تسهل الامور

اخوكم : ابو  طبر     
عمان

[ستروبري]

اميييييييييييييييييييييييييييييييين رب العالمين

عيوني اخوية حبيب بغداد ان شاء الله عن قريب انت تبدي تغيرنة وتكللنة على موعد سفرك بأدن الله 

نخلة وفسيلة شلونكم يارب يكون الفص الثاني بشارة خير عليكم وتكتبيلنة موعد الدورة التثقيفية وموعد السفر سوه

عيوني اخوية تايتنك طلعت شيف واني عبالي شيفة  كل الهلا بيك وفعلا احنا مشتاقيلك بالتوفيق اخوية بس بشرنة انت ما خابروك علمود اعادة الفحص

ريموووووووووووووووووووو متعرفين اني شكد اتونس على عركة النسوان علمود هاي خليت زوجتي ترش نفسهة وافتصلي انتي وياها 

ويارب اخوية العزيز ابو طبر تكون سنة 2010 خير على الجميع وبدايته تبدي البشاير تهل وتهلل

غانديكو بأنتضار دعوات ريمو ام رجل الخضرة

[تايتنك]

 السلام عليكم اخوان  انى اسفه لان مدا اواصل معكم  بس والله اخباركم وقت بوقت توصلنى  الحمد لله الاخبار تبشر بخير  لاخوتنا واخوتنا  وللجميع  يارب الله يسهل امر الجميع وبلمناسبه انى جدا مشتاق لاخونا جعفر اخوك تايتنك

[الاسد الجامح]

السلام عليكم اخواني جميعا
والله اني متونس وياكم وفرحان بيكم
ويا رب على السنة الجديدة ايجمعنا بجماعة  اعرف جيرانك
اخوي توفي اني اكول بما انه احنا باكثر من دولة اشوف لو لنخلي الدخولية بالدولار

 

واني ارشح نفسي امين الصندوق
 

[حبيب بغداد]

السلام عليكم اخواني واخواتي وحبايب گلبي اعضاء ومنتسبين وضيوف  وكل من يعز عليكم

طبعا اليوم جان عندي الفحص  ورحنة فحصنة والحمد لله

وانطونة موعد الفحص الثاني  1.4  وانشاللة خير

ياجماعة الخير  شنو وين اخونة توفي مختفي 

اخوية جعفر حبيب الشعب انشاللة يارب تسمع الهلهولة مال تلفونك عن قريب امين يارب وتفرحنة بخبر سفرك
بعون اللة
وانشاللة يارب الكل اتسافر  وترتاح ونعزل الجماهيرية هاية ونفتحها بمريكا 
ونسميها (المحاربين القدامى) ترة احنا مناضلين بعرضي 


تمنياتي بالتوفيق للجميع اخوكم حبيب بغداد

[الاسد الجامح]

شايف كل الخير اخونا حبيب بغداد
وان شاء الله الفر القريب

[نخله عراقية]

مرحبا ..شلونكم ياجماعه ان شاء الله زينين...
اشكرك قائدنا على الامنيات والله يسمع منك ...ماعرف ليش خايفه والله ...اخاف يخلونا ندخل بدوامه  انتظار ثانيه ..وانا والله تعبت ....
شلونك اخويه ابو طبر ..شخبارك ...اكول اخويه ابو طبر  ماسمعت شي عن الانتخابات ..مو انتخابات جمهوريتنا المسالمه الوديعه  الجميله ..ماكو مثلنا احنه ...من اشوفنا اتذكر الدببه الطيبون ... ....لا انا اقصد الانتخابات الحقيقية ...خليني وياك على الخط وتقبل شكري
هلو ريمه ...شلونج حبيبتي...يابه لو علينا مانريد الانشطار ..نريد اختزال..بس مو بيدنا ..والله مو بيدنا ...تعاي دائما ..منوره الصفحه...
اختكم نخله عراقية
عمان

 

[toofy]

شلونكم جماهير وقيادة ....اشكر كل من سأل عني فردا فردا ....وانا موجود ولم اغيب يوما عنكم لكن ليس لدي جديد اضيفه 
اتجول بمواضيع المنتدى وادخل في جمعية الاخوان المستلمين الظرف حديثا واتذكر ايام شبابنا بالصفحات الاولى والثانيه والثالثه والرابعه عندما كان عدنا تفاؤل وامل وننتظر الفرج وادعي لهم ان لا يكون حظهم مثل حظنا .....وان شاء الله عالصفحة التاسعة يرجع تفاؤلنا باخبار حلوة للجميع
وانا بدوري اسأل عن الاخوه اللي صار هوايه مسامعين اخبارهم مثل الاخ العزيز iraqi83  والاخ SALEM HMODI والاخ العزيز ابو البيانو   والاخ B2J
وارحب بعودة اخونه تايتنك
ادعي من الله العلي القدير ان يكون عام 2010 عام خير على الجميع وان شاء الله تتحقق جميع امانينا بالاستقرار والبدأ بحياة جديده خارج عمان 

كل عام وانتم بخير



تحياتي toofy

[ريم عبد]

وسعواااااااااااااااااااااا وفتحوووووولي الطريق
اني اول وحده اريد ادخل عليكم بهاي السنه
واول وحده ادخل على الصفحه التاسعه وبالسنه الجديده
لان اعرف وجهي خير  او وين مااروح اجيب البشاير ويايه
ياربي ان شاء الله سنةخير عليكم اجمعين
وتتحقق امانيكم بالقلع المباشر والجذري من الجذور السفليه
وياربي مااطلع من هاي الجمعيه الا واسمع الهلاهل والتبريكااااااااااااااااات
وياربي لاتبقي منهم في هذه الجمعيه دياراااااااااااااا
وياربي ماريدهم ايكتبون بعد هنا غير المواضيع التاليه
باركولي انطوني موعد سفر
وصلنا بسلام امنين
نكتب لكم من ارض الاحلام
يبووووووو ساعة السوده الي وصلنا بيهااااااااا
متنا جوع انريد نرجع
ايصير نرجع بالكرين كارت
ودمتم سالمين

[ستروبري]

كل عام وانتم بالف خير يارب تكون السنة الجديدة سنة خير وافرا وانفراج علينة وعلى الكل
ريم الوردة يا رب الله يسمع منج وتخلص من الانتضار ونسافر بأسرع وقت ونستققققققققققققققققققر وان شاء الله انتي هم تكونين من المشمولين بالدعوات
اخوية توفي العزيز شكرا على الامنيات اللوة وان شاء الله تتحقق
والى كل اخواني واخواتي الي صمدو بالموضوع الى الصفحة الثامنة يارب تكون هاي الصفحة نهاية الانتضار وفعلا تكون الصفحة التاسعة بداية الافراح

اخوكم غاندي بأنتضار الامنية ست شهور بالتام والكمال

[الاسد الجامح]

الى اخوتي الطيبين الصابرين
كل عام وانتم بالف خير

[نخله عراقية]

HAPPY NEW YEAR TO ALL

[ابو البيانو]

كل عام و انتو بالف خير شباب !
 و اضم صوتي لصوت ريم عبد على الامنيات الحلوة انشالله تتحقق الاماني و نروح نكنب من هناك وتصير ايامنا هاي سوالف كولو اميـــــــــــــــــــــــــــــــــــــــــــــــن ..

[حبيب بغداد]

اميـــــــــــــــــــــــــــــــــــــــــــــــــــــــــــــــــــــــــــــنــــــــــــــ

[toofy]

آميــــــــــــــــــــــــــــــــــــــــــــــــن يا رب العالمين

[نخله عراقية]

آمــــــــــــــــــــــــــــــــــــــــــــــــــين

[ستروبري]

اميييييييييييييييييييييييييييييييييييييييييييييييييييييييين يارب العالمين

[ابو طبر]

صباح الفل ويالياسمين على اطيب جماهير حلوين
ولو اني متاخر بس شسوي الدنيا ومشاكله وبالاخص احنه الي ننتظر وباقين معلكين لاطايلين ارض ولا سماء بس انشاء الله خير
 ♥¸¸.•*¨*•♫♪...Happy New Year!♪♫•*¨*•.¸¸♥

تـمـر الايآم والشهـور لنبـدآ سنـة جديدة
ونطـوي سنـة مرت بكل مافيها من ذكريات
في كل سنـة تختلف مشاعرنا وآحاسيسنا
فقد مرت السنة بالعديد من الذكريآت
المؤلمة والجميلة
والتي كان لها الاثر الكبير في نفوسنا
ولايسعنا عند نهاية كل عام سوى آن نتمنى
لانفسنا ولمن نحب سنة مليئة بالافراح
وندعـو الله (( بالرحمة والمغفرة))


وسنه خير للجميع ان شاء الله


♥¸¸.•*¨*•♫♪...Happy New Year!♪♫•*¨*•.¸¸♥

وكل عام و انتم بخير
بمناسبة السنة الجديدة 2010
و انشاء الله تكون سنة سعيدة

I Wishing Happy New Year... And ...Happy Life


اخوكم : ابو طبر   
عمان

[texasy]

اميـــــــــــــــــــــــــــــــــــــــــــــــــــن يارب العالمين

[الاسد الجامح]

السلام عليكم اخوان
اشو صنطة
 

[الاسد الجامح]

السلام عليكم
شباب هي الصفحة الوحدة كم رد بيها  ؟؟؟؟؟
علمود نعبيها وننتقل الى التاسعة بعون الله

[toofy]

اخي العزيز ابو سرمد كل صفحه بيهه 150 رد وما بقالنه غير 3 ردود ونتحول للتاسعه
اشورانه بس نعد صفحات
تحياتي toofy

[الاسد الجامح]

اخوي توفي
الثامنة افتتحناها اني وياك
خليني نفتتح التاسعة
 
ونشوف بلكت الله

[الاسد الجامح]

السلام عليكم اخوان
هسل كنت يم جماعة 5\12
مخابرين على صقر البيدا و حددوله فحص طبي وكلولو انه الدورات التثقيفية
راح تبدي من الاسبوع القادم
بلكت الله احنا همين

[حبيب بغداد]

السلام عليكم ورحمة الله وبركاته

شلونكم حبايب جماهيريتنة الحبيبة
اخوان اني اليوم والحمد لله خلصت الفحص الثاني وهسة رجعت من الفحص وانشاللة خير
وبقة بس خط الرحلة وانشاللة يارب ميتاخر لان اني صرت اكسباير مو بس الفحص   


مع التمنيات والدعوات لجميع الاخوان والاخوات بجماهيريتنة الحبيبة مع خالص حبي

اخوكم حبيب بغداد

[الاسد الجامح]

          مبروك علينا التاسعة
     

[ستروبري]

مبرووووك دخلنة بالتاسع مباقي شي على الولادة 


غاندي مؤسس جمعية مابعد استلام الظرف 11/7/2009 وبالمنتظر الامنية لحد هدة الصفحة

[ابو طبر]

مساء الورد والياسمين على الجماهير الطيبين
الف مبروك التاسعه وربي حطمنه الرقم القياسي ودخلنه لكتاب غينسسسسسسسسسسسسس والحلم صار حقيقههههههههههههههه يارب تتحقق الامنيه الكبيره ونطشر 
اخواني اخواتي زيدوا الدعاء حته اتكوم اموووووله بالسلامه وتكون ولاده طبيعيه ومتحتاج لعمليه قيصريه  ونفرح ونشوف المولود المنتظر  ( فرج ) ويعم الفرح والسرور  والاستقرار ونزيل الهم والغم والقهر   
آمييييييييييييييييييييييييييييييييييييييييييييييييييييين
يارب يجي فرج 
يارب يجي فرج
يارب يجي فرج


اخوكم : ابو طبر     
عمان - امام غرفه الولاده

[texasy]

مساء الخير على جميع الجماهير الهلكانة من الانتظار
ماشاء الله صرنة بالتاسعة ومكانك راوح ... اويلي يابة اخ راسي
هذي اموووولة شلعت كلبنا واحنا ندور عليها ولمن لكيناها كالت عوفوني ترة حامل بفرج وخلي اجيب وبعدين نتفاهم يعني هذا فرج شالع كلبنا وهو ببطن امه شوكت ييجي ويفضها ههههههه

يارب ميخلص هالشهر الا والكل فرحان برنة حتى لو بس فحص لو بس دورة او اي شي المهم الواحد يحس شغلته دتتحرك وماع الثلج من فوكاها ..

تكساسي بانتظار فروجي حبيب الكلب
ابو طبر ترة اني واكف برة ومحضر المزيقة بس جيبها بهلهولة واني افوت هعهعهع

[ابو طبر]

صباح الورد والياسمين على احله جماهير طيبين
اخواني اخواتي  اريد ابشركم اليوم  قبل عشر دقايق اتصل بي iom  وكلي  تعال باجر لمستشفى الخالدي ساعه 8 الصبح اعاده فحص 
سئلته عن الموافقه الامنيه كلي اني ما اكدر انطيك اي خبر  كتله احنه هوايه متاخرين من شهر السابع مستلمين الموافقه للمحلفيين  جان يكلي اخويه هاي نشاء الله خير اعرف عدكم تاخير بس مبقه شي اشويه صبر   
يعني باجر راح اروح للمستشفى واستلم صور السونار مال فرج  وانشاء الله اتكوم اموووله بسلامه ونسئلكم الدعاء
 
اخويه تكساسي اتحضر وحضر المزيقه ونشاء الله الكل يستلمون السونار مال فرج كولوا امين

اخوكم : ابو طبر     
عمان - احر من الجمر

[ستروبري]

اللف اللف مبرووووك اخوية العزيز ابو طبر وان شاء الله خير يا رب بلكي فرج يجي بالسلامة ونتفل بي

[الاسد الجامح]

مبروووووووووووك عيني ابو طبر حسب ما يكولون الاخوان انه ما يعيدوه
الا اذا جاي الموافقة والسفر قريب
ان شاء الله خير


بس فدوة اروحلك كله للدكتور خلي الولادة قيصرية
 


 

[ستروبري]

اخوان عندي اقتراح والي يأيدني بي يصوت
اني تا افكر اسد هدا الموضوع النحس وياريت احد من الزملاء يكتب موضوع جديد ويسمي جماعة 11/7/2009 المنتضرين الامنية بلكي الموضوع الجديد يكون خير علينة لان اني بصراحة صرت اتكهرب من هدا الموضوع
فياريت تصوتون وتحتارون شخص يكتب الموضوع الجديد ويكون هو المؤسس
شنو رأيكم بريمووووووووووو


غاندي الي صار عودة وعظم من ورة انتظار فرووووووووووووووجي ابن امل

[toofy]

لا لا لا انا ارفض وبشددددده وانا عن نفسي لن  اشارك باي موضوع اخر يحمل نفس الاسم

ان شاء الله ولادة فروجي تكون خير علينه كلنا وتكون هذه اخر صفحة لكل الجماهير الصابرين
اعتذر عن عدم المشاركة المتواصلة بالفترة الاخيره وذلك لتعرضي لوعكه صحيه ومراجعاتي للاطباء واخذ العلاج
واثناء ذلك اتصلو بي الIOM ونطوني موعد لاعادة الفحص الطبي واليوم والحمد لله  كملت اعادة الفحص الطبي وكان معنا تقريبا 20 كيس بين عوائل وعزاب ونساء واطفالهم والاكثريه من جماعتنه 11\7 واثنين صارلهم سنه من استلمو المغلف  وكل حالة لا تشبه الاخرى
بعضهم دخل دورة تثقيفيه من شهر العاشر ولحد الان بالانتظار واخر قيل له بانه في مرحلة ختم الملف والاخر بدلو له الولايه رغم انه عنده كفيل شي ميشبه شي 
الكل قلق من الانتظار وطالعه روحهم لكن ما باليد حيله
لكن الشيء الذي اثار انتباه كل الموجودين هو ان اليوم كان اكو مجموعه ديفحصون قبل السفر وانهم كانو جميعا من المجموعتين  5\9  و5 \12 
الله يسهل امورنا اجمعين
تحياتي toofy

[حبيب بغداد]

السلام عليكم ورحمة الله وبركاته

اولا اخوية ابو طبر الف الف مبروك وانشاللة يارب   تسافر وتخلص امين رب العالمين   

اخوية توفي اني همات خلصت الفحص قبل كم يوم  ويمكن اني وياك سوة   اذا  تكدر اتكلي انتة شسمك ممكن انكون اتقابلنة 

واخونة غاندي الوردة يمعود توكل على رب العباد اتهون حبي كلنة نفس المشكلة ونجي اهنا اشوية انفس عن نفسنة  فخلينة  الى ان رب العباد يفرجهة واللة كريم حبي تهون


تحياتي اخوكم حبيب بغداد بس ينتضر خط الرحلة

[ابو البيانو]

الف مبروك اخوية توفي و ابو طبر انشالله يوم موعد السفر,
عيني جعفر خلينة بنفس الموضوع و الله كريم على كولتك ما باقي شي علولادة , اذا دخلنا عل عاشرة لا لا لا سمح الله عود نغير الموضوع !!!   

[الاسد الجامح]

اني ما اوافق
لانة صرنا قدوة للباقين بالصبر
فحرامات هذا التعب يروح سدى
 

[نخله عراقية]

مرحبا شلونكم ياجماعه  ...ان شاء الله زينين ...
مبروك اخي ابو طبر ان شاء الله  بشرى خير ...
 شلونكم اخواني  ..ابو البيانو ..الاسد الجامح .حبيب بغداد toofy ..texasy ان شاء الله كلكم بخير ..شلونك ريسنا...يابه والله انت ريس ورده شنو  هالديمقراطيه الرائعه..تسأل الشعب قبل لا تاخذ قرار يابه هاي مو جمهوريه 11/7 هاي جمهوريه افلاطون الفاضله ...
بس انا هم ما موافقه  ...لانه  راح الكثير ماظل الا القليل ولو تعبنا بس ميخالف ان شاء الله ختامها مسك .
اختكم نخله عراقيه
عمان

[ستروبري]

طبعا اني بالبداية كلش اشكركم
بس اني كلت اسوي تغير وعلمود لا تضوجون من عندي ومن الموضوع
ومدام هدا رأيكم فأني ماشي بي لان انتو كلش عزاز علية وما اكدر ازعلكم ابدا ابدا
وان شاء الله تكون هاي الصفة خير علينة وواحد يهني الاخ يا رب

غاندي بأنتضار  الامنية ست شهور و 8 ايام

[ابو طبر]

صباح الفل والياسمين على جماهيرنه الطيبين
ريسنه شنو هاي اتريد اتغير نظام الحكم من جمهوريه الى ملكيه تره هاي مصايره الشغله  وانا من مكاني هذا اندد واشجب وارفض هذا الاقتراح  انشاء الله مبقه شي  ان الله مع الصابرين
الف شكر لكل الاخوه والاخوات الي فرحوا بخبر اعاده الفحص واتمنالهم كل الخير والموفقيه وكافي بعد الصبر هم بزع من عدنه
اني الخميس رحت للفحص وكنه اكثر من 20 شخص اكثر الموجودين من جماعته 11/7 يعني شكللكم جماعه 11/7 محد مسافر بس الي عرفتهم وحكيت معاهم 12 شخص كلهم ويايه بالنتيجه مال محلفين ويهم عنده كفيل وبيهم لا  - وبيهم عوائل
فياقائدنه الهمام اصبر مبقه شي الحمد لله كامت تتحرك الملفات
ويارب تسمع خبر مفرح ونسافر بالطياره 
اني يوم الاثنين عندي موعد تكمله الفحص السريري ساعه 8 الصبح
اللهم نسئلك العفو والغفران وتسهيل هذا الامر لي ولاخوتي واخواتي  ...... آ مين

اخوكم : ابو طبر       
عمان

[الصبر طيب]

مساع الفل والياسمين والورد الجوري
شلونكم احبائي الغاليين
اسف لسبب انقطاعي عنكم لان بعت الكمبيوتر
صدك جذب صارت الصفحة التاسعة
كلت هسة كل الحبايب سافرو
حطمتوني دمرتوني

اخوكم الصبر طيب

[texasy]

اخواني واخواتي الاعزاء
شلونكم ان شاء الله الكل بخير وبصحة وعافية ...
طبعا يوم الاربعاء ردت ابشركم بشارة صغيرونة بس مع الاسف الكومبيوتر والنت عندي ثنيناتهم كاموا يغنون اغنية شخبط شخابيط .. لخبط لخابيط
المهم الاربعاء الصبح اتصلوا بية ال IOM بعد انقطاع طويل وكتلة للشخص اللي اتصل بيه يمعود مشتاقين هاي وين هالغيبة ههههههه وانطوني موعد اعادة فحص يوم الخميس الصبح .. طبعا هسة فتت وقريت انه ابو طبر هم جان هناك وكلش ضجت لان جنة بنفس المكان ومتشاوفنا مع الاسف .. لو ادري جان شلت وياية وردة وسويت شعري سبايكي علمود تعرفني ههههههههه ولو احنا الحكومة دائما نطلع بالتلفزيون بس الظاهر انت ماعندك قنوات SHOW TIME ...
صدك كلي ابو طبر انت شجنت لابس ؟؟؟؟؟؟
بالنسبة للفحص الاغلبية العظمى من جماعتنا جماعة 7/11 يعني بس واحد جان من جماعة 7/4 وجانوا الكل اعادة فحص والدكتورة بالبداية كالت المفروض اليوم اكو فحص ل 66 حالة بس مجانوا هالعدد المهم نفس الفحص اول شي اشعة وبعدين دم.والدكتورة بالبداية تكلمت عن موضوع الاعادة لاكثر من مرة وكالت اكو حالات عادت اكثر من مرتين بس كالت انه الفحص يكلفهم لل IOM
هاي كل الاخبار عن الفحص واني توصياتي للنائب الاول العزيز توفي انه تبيع هاي الطيارة مالتنا وتشوفلنا اكبر وحدة من المنطقة الحرة لان جماعتنا كلها بعدها ورح نطك خوش طكة من الحجوزات لان الكل ماشاء الله نايمة عليهم مو طابوكة وانما سياج كونكريت.
اختي نخلة عراقيـــــــة شلونج ان شاء الله بخير وشكرا على سؤالج .. مخابروج بعد منا منا ؟؟
سيدي الرئيس هاي وين تريد تروح وتعوفنا يمعود بعدين نتبهذل اني وتوفي ويسحلونة بالشوارع ههههههههه لو نطفر لمنتدى الجوار هعهعهع

يارب ميكون اعادة الفحص بس مجرد تخدير اعصاب ... ويارب يسهل عالجميع

تكساسي بانتظار المكموع فروجي

[ستروبري]

وين اروح هياني ها اها كاعععععععععععععد قابل اروح واعوفكم بس هاي يسموهة حركة دكية علمود اسوي جو بالموضوع 
عبالكم رح اتنازل لا واللف لا ومن ثم لا  اني ما اتنازل الا اترجعولي قواطي الكرافت وباقات المعدنوس وشوية الطماطة الي وزعته بلاخير 
تكساسي هاي يا طيارة تحجي عنه مو اني من زمان تا اكبر بيه ومتا اللحك هسة  طيارة ملحققققققققققات مو ملحق واحد 
توفي اشو متتلم المقسوم شنو القصة مو استحق الدفع لو اني غلطان 
شلونك عيوني الصبر طيب بس لو اعرف شلون طيب جان ارتاحيت بس الحمد الله والشكر على كلشي
ابو طبر مبروك الفحص الطبي  انت ونخلة وكلمن استحق الفحص بس تدرون اني خايف من الاشعة هلكد ما شربت جكايرررررررررر لان بصراحة اني ما وزعتلكمياها لان اني استهلكته كله هههههه بعدين كلت ليش أدي جماهيري الطيبين وانتو تدرون التدخين يضر بالصحة فأني علمود هيج موزعتلكمياها 

ابو البيانو عاش من شاف كتابتك اخوية هاي ويننك شنو هلغيبة ان شاء الله تكون خير
الاسد الجامح شلونك اغاتي سمعنة اخبارك الطيبة على طول والله يسهلك امورك كلة يا رب


غانديكو بأنتضار الامنية ست شهور وتسع ايام بالتمام والكمال بدون اعادة الفحص الطبي وبدون وصول الامنية وبدون الدورة التثقيفية وبدون ختم الملف وبدون تحديد موعد سفر وحتة بدون اي رنة ولا سؤال صنطة سكوت

[ابو طبر]

صباح الفل والياسمين على جماهيرنه الطيبين
قائدنه المفدى شنو انته صدك قلبك علينه وتخاف على صحتنه من احتكرت الجكاير وبقيته لنفسك يمعود دوزعلنه ولو كل اثنين بجكاره هم ميخالف مو كمنه ندخن لف ودمرت الاعصاب وبعدين لتخاف كلشي ميطلع بالاشعه هي سوده ومصخمه  بس اني متاكد راح تطلع بس القهر والظيم وسهر الليالي واكيد راح يطلع جهاز جوال بالقلب مرسوم ومديرن
قائدنه انشاء الله تسمع رنه وتككون رنه فروجي وتستقر وترتاح انته والعائله وسلامي للاخت الداخليه بس اريد اعرف وصفه تمن الجزر  بدون زحمه (الجزر يقوي البصر ) 
اخويه تكساسي انته جنت موجود صدك جذب ليش معرفتك اي واحد كنت انته تعرف عددنه كان قليل بس لازم اتعرف عليك احنه عدنه موعد ثاني يوم الاثنين  ساعه 8 الصبح
اخبار  اختنه نخله وفسيله شو ماكو لاحس ولا نفس خير انشاء الله
اخونه توفي الورد وين الاحصائيات ليش انته متقاعس عن الواجد يعني بس لفط ولغف
كل الهلا بالعوده الميمونه لاخونه الصبر طيب

اخوكم : ابو طبر     
عمان - سهر عيني ونام  ( فروجي )

[ابو البيانو]

صباح الخير شباب اشلونكم , اخوية جعفر والله ضايج شوية علمود هاي مدا اكتب بس طبعا كل يوم امر علموضوع 3 مرات بعد الاكل  

حبيت اخبركم هسة خابروني علمود اعادة الفحص باجر (الاثنين) الساعة 8 الصبح بالخالدي

انشالله التقي بجماعتنة ,, اكيد ابو طبر و تكساسي هناك مو ؟ لو غير بناية الفحص مالتهم ؟؟

[الاسد الجامح]

مبروك حبيبي وان شاء الله يسهل امر الجميع

[toofy]

مبرووووك لكل الجماهير على اعادة الفحص الطبي والظاهر احنه التطور الوحيد لجمعيتنه  هو اعادة الفحص الطبي ونرجع ننتظر 9 صفحات جديده لولادة فرج الحقيقي   

ترقبو التقرير القادم لاخر تطورات الجماهير 
تحياتي toofy

[ابو طبر]

صباح الفل والياسمين على جماهيرنه الطيبين
الف مبروك اخويه ابو البيانو والله الظاهر ملفاتنه اشويه اتحركته  يالله ربي يسهل لاموله وتكوم بالسلامه ونشوف فرج آآآآآآآآآآآآآآآآآمين
اخويه ابو البيانو احنهنفس المستشفى ونفس الطابق الاول ونفس الوقت ساعه 8 الصبح

[اخوكم : ابو طبر     
عمان

[حبيب بغداد]

مبروك اخو
ية ابو الابيانو وانشاللة يوم السفر القريب بعون اللة امين رب العالمين

اخوكم حبيب بغداد

[abo abo]

الف مبروك اخوتي الحمدلله عله اعادة الفحص والله كيفتلكم انشالله سفركم جميعا عن قريب وانشالله الاسد الجامح سفره قريب بأذن الله الف مبورك عليكم جميعا


اخوكم ابو علي عمان بنتظار الامنيه

[الاسد الجامح]

عيوني ابو البيانو واغاتي ابو طبر
اذا التقيتو باجر بلغونا اشلون عرفتو بعض

[ابو البيانو]

والله اخوية الاسد اني راح اودي البيانو وياية ! اكيد هو راح يجيب الطبر خخخخخخخ 

[الاسد الجامح]

  a6fal.net/forum/t37118.htmlhttp://

[الاسد الجامح]

 a6fal.net/forum/t37118.html

[الاسد الجامح]

اخوان حاولت اخلي صورة كارتون توم اند جيري البزون وهو ديعزف على البيانو
والثانية شايل طبر بس ما رهمت وياية

[الاسد الجامح]

عيني ابو طبر وابو البيانو الغالي
طمنوني اشصار وياكم وبالتفصيل الممل

[ابو طبر]

صباح الفل والياسمين على حبايبي الحلوين
اخويه الاسد الجامح الني اليوم الحمد لله خلصت الفحص وكنت اول واحد يدخل ويخلص وطلعت بسرعه والفحص كان عادي بس الدكتوره سئلتني على امكانيتي تحمل الجلوس في الطائره لمسافه طويله وما اعرف شنو صار ويه البقيه وهسه اني راح ارجع لنفس الحاله القديمه اكابل الجوال وانتظر رنه ام الهلهولللللله بس الصراحه اني مشفت اي بيانو موجود بالقاعه ومعرفت منو اخونه ابو البيانو حرامات انشاء الله نتعارف كلنه سوه بطياره القائد المفدى 
صدك حبيت اخبركم شي اليوم اني وصلت للمستشفى ساعه 7 ونص وبالصدفه  صعدت بالمصعد وكانت معي الدكتوره الي تلقي محاضره عن الايدز غرفه 105  ودار حديث  وسئلته  شغلتنه شنو بعد تتاخر  جاوبتني كالت انشاء الله متتاخر  اكثر من هذا لانه ال iom يبعثولهم الفايلات والاسماء للاشخاص الي راح تخلص معاملاتهم حته يعيدون الفحص 
ومثل متعرفون الغركان يتعلك بكشايه ونشاء الله يكون كلامه صحيح والي اكدلي هذا الكلام انه التقيت بشخص عنده اعاده الفحص للمره الثانيه بس كان فاحص قبل 10 اشهر ومن اتصلوا ال iom بي كالوا لزوجته انتوا شنو متريدون اتسافرون زوجج موجود لو طالع خارج الاردن روحوا عيدو الفحص
 
اخوكم : ابو طبر     
عمان

[الاسد الجامح]

شكرا حبيبي ابو طبر
ننتظر ردك ابو البيانو


اخوان دزيتلهم ايميل
خابروني     كالووووووووووووووووووووووووووووو يما كالوووو كالووووووو

انت بمرحلة    تشييك     البصمات


 

[texasy]

شلونكم اخواني واخواتي الطيبين
الحمد لله اليوم خلصت الفحص الطبي الثاني بس مع الاسف مشفت لا ابو طبر ولا ابو البيانو لان اني موعدي جان ساعة 10 الصبح .. بس اكو اخبار شوية مزعجة لان اليوم هم سألت دكتورتين لمن دخلت للفحص اذا اكو ناس عادوا الفحص اكثر من مرتين؟؟ وجان الجواب اي وسألتهم اذا كم واحد لو اعداد جبيرة؟؟ كالوا اعداد جبيرة وهنا انصدمت وكلتلي الدكتورة الفحص ماالة علاقة بتحريك ملفك بس مجرد لانه صار اكسبايرد فرجعت للبيت وكلت خلي اخابر ال IOM واتاكد اذا جاي شي يعني حجي الدكتورة ممضبوط بس طلع الجواب انه الموافقة الامنية بعدها مجاية اصلا وهنا انصدمت وانغثيت وتعبت اعصابي..
مااعرف ابو طبر جايبلنا خوش خبر ويارب يكون هو الصح وحجي الدكتورة اللي اني سالتها غلــــــــــــــــط.
هذا فرج ابن ال (امولة) تعبنا وبهذلنا بس خلي ييجي اني اعلمة

يارب يسر وعجل موافقاتنا الامنية ... اميــــــــــــن

تكساسي المصدوم من حجي الدختورة

[ستروبري]

شلونكم شباب مبرووك للي عادو الفحص الطبي وانشاء الله يوم تديد مواعيد السفر بأدن الله للكل
اني اخوان بعدهم ممخابريني علمود اعادة الفحص رغم انو صار اكسباير وهليوم اتصلت وسالت وطبعا الامنية مجاية ولمن سألتهم  على اعادة الفحص كال هدا مو ينة هاي قسم اخر يخابروك انحا مالنة علاقة

اخوكم غاندي من عمان بأنتضار الامنية ست شهور و11 يوم

[ابو البيانو]

سلام شباب .. اسف شوية تاخرت عليكم لان هسة رجعت , جان عندي شغل برة !!

المهم يا اخوان مثل ما كلت الفحص جان الساعة 8 وصلت للطابق الاول الساعة 8 الا خمسة طبعا اني جنت لابس جاكيت و بنطلون جينز, شفت جماعة ابو طبر كاعدين و هو وين ؟ العلم عند الله  

الفحص عادي مثل المرة الاولى محاضرة طبعا,,, الايدز صار اختياري يعني اذا متريد فحص ايدز لاتفحص !! بس فحص الزهري (السفلس) اجباري.. و بعدين سوينة اشعة  ,, و بعدها سحب دم  من طابق الاول بنفس غرفة المحاضرة اللي هي 105 ..
والفحص الثاني يوم الاربعاء , عكب باجر.

شفت عائلة مسيحية من جماعتنة هم اعادة فحص . و اكو عائلة مو من جماعتنة فاحصين شهر 12 /2008 و اليوم الفحص الثاني .

و لما صعدت للطابق الاول شفت واحد اعتقد من جماعتنة لان جان ديحجي وي واحد اكرع ديكلة جماعتنة 11\7 محد ضل منهم الا عدد قليل . والله يجوز جان تكساسي والله اعلم .

[الاسد الجامح]

صباح الخير جميعا
اني اليوم يخلص الفحص الطبي مالتي لانه سويته يوم 12\7\2009
اخوان انتو يا يوم سويتوه علمود اعرف ورا شكدمن يصير الفحص اكسباير
يخابرون على الاعادة

[الاسد الجامح]

صباح الخير    عنوان الصورة    ابو طبر في انتظار فروجي 

[osama5477]

اخواني الاعزاء ترة موضوع اعادة الفحص نالة علاقة بالموافقة الامنية بس يصير اكسباير يدزون عليكم على اعادة الفحص ، واحد من اصدقائي عاد الفحص للمرة الثالثة بس الحمد لله سافر الامنية مالته طولت سنة وشهرين ، وبالمناسبة اخر مرة خابرتهم كالولي الامنية بالمراحل الاخيرة , شوكت تخلص الاخيرة محد يدري  صار اسبوعين يكلولي بالمراحل الاخيرة ، الله يكون ابعونه والله تعبنه كلش تعبنه

[ستروبري]

ههههههههههههه حلوة هاي الصورة
اخوية اسامة على كيفك استهدي بالرحمان بعدك جديد  مصارك هواية تنتضر وثاني شي هم بعدك جديد من جيت هنا الله يعيني خابوني وجابوني على مله وجهي بسرعة بسرعة تعال صفي كلشي وتعال مطول اربعة الى ست شهور مو ازيد واني كل البطل صفيت واجيت هنا من الشهر الثالث وهياني كدامك الجهال بلا مدارس وحالنا حال    فلوسنة خلصت وضالين لا معلكين ولا مطلقين تتشوف السعادة الله كريم الله يعوض صبرنة خير يا رب وصدقني اني متا اقلل من تعب انتضارك بس تا اريد اكولك الي يشوف مصيبة غيرة تهون علية مصيبتة
اخواني اريد اسألكم على شي اني اسمع مرات يكولون انو انت بالمراحل الاخيرة ومرات رأسا يكولون جتي الامنية ممكن اعرف شنو الفرق يعني ليش ناس يكلوله انتو بالمراحل الاخيرة وناس يكلولة جتي الامنية

لان اني ثابرهم اكولهم مجتي الامنية يكلولي لا اكولهم ولا حتة بالمراحل الاخيرة يكلولي ما نعرف

سلامي لكل جماهيري الطيبين

اخوكم غاندي بلا امنية ولا اعادة فحص ولا مراحل اخيرة ولا دورة تثقيفية ولا ختم ملف ولا موعد سفر ولا حتى استفسار وعلى الشحن ست شهور و14 يوم

[osama5477]

اخوية العزيز والغالي جعفر ، الله يكون بعونك بالمناسبة اني هم جابوني على وجهي مثلك بس تعال وكلشي يكمل بخمس اشهر وصفيت كلشي واجيت ( اني هم مباشر مثلك ) ان شاء الله تخلص ، بالنسبة للمراحل الاخير معناه انتهاء اهم مرحلة بالتجيك الامني وال هية ال SAO واكو ناس ميكلولهم بالمراحل الاخير لآن امنيتهم تجي بسرعة بس لاحظت اغلب الي طولت امنيتهم 4 اشهر او اكثر يكولولهم بالمراحل الاخير فبل متجي الامنية بس شكد اتطول محد يعرف

[ريم عبد]

السلام عليكم
شلونهم جيرانه الحبابين
اشو سنطه لا حس ولاخبر
محد انتحر محد اتكل
يله يله اشو كوموا حضروا جنطك وطيارتكم نظفوها من التربااان
بعد كافي سكتت واتحملت وعبرتلكم هاي الفتره
 هسه نبدي نشتغل من جديد
 راح اشتغللكم بالازرق
ولحكوا على روووووووحكم تره المواعيد وصلت لنهاية شهر الثاني
يعني الي تجي هسه الامنيه هوه وشهر الرابع يله يجي موعد السفر
شسوي بعد كتلكم انطوني الكرسي اشو صار عزيز والرجال ايهده تجي الست حرموا اتجلب بي
وتالي ادزولي الاسد الجامح يجي ايهددني بعقر داري وايكلي بعد لتطبيا اذا مدفعين دولار
اني ادفع دولار؟؟؟؟؟؟؟؟؟
هسه تنفضني وتعصرني سنت ميطلع مني
اني الجمعيات كلها تتوسل بي اطبلهم وهمه ايضيفوني وينطوني مصاري
عميتوا على روووحكم
ياربي لاتبقي منهم على ارض هذه الجمعيه ديارا
طشرهم وين مجان بس متبقيهم بهاي الجمعيه

[حبيب بغداد]

السلام عليكم حبايب الجماهيرية نفر نفر
اخوان اني البارحة خابرتهم وكلتلهم يابة اني شنو الفلم اشو مخلص كلشي راح ايصير شهر
وصنطة لا حس ولا خبر كالو انتضر اشوية عبين ميجي خط الرحلة كتلة يابة متعرف اشوكت مو راح اجيب وخط الرحلة بعدة مجاي كال اصبر فد شهر شهرين حسب
بيني وبينكم اني اشو فرحت لان قبل جانو ايكولون يمكن شهر ويمكن اسنين هسة من كلي شهرين عبالك كلي يومين  اتفائلت كتلة اذا شهرين سهلة   
وبس
اخوكم حبيب بغداد  خلصت كلشي حتة افلوس هم خلصت

[ابو طبر]

صباح الورد والياسمين على جماهيرنه الطيبين
هاي شنو اخويه الاسد الجامح ليش هيج مو اني احبك شو طلعتني بكل اسلحه الدمار الشامل يمعود بس ليشوفون iom الصوره وبعدين ياخذون نضره ثانيه ولاحظت برجيله ولا اخذت سيد علي 
بس صوره حلوه كلششششششش صدك اني متحظر بس يجي فروجي المكموع ويطلع راسه لا اكطعه اتكطع واثرمه ثرم واسويه هريسه اريد ابرد قلبي المشتوي بس تره هاي الصوره مو بس عليه تنطبق ( الاسد اصله قطه )
حبيبي حبيب بغداد انشاء الله تخلص الايام بسرعه ويحجزولك على اقرب طياره وتوصل بالسلامه ويرتاح بالك

اخويه ابو البيانو ليش اني معرفتك ولا شفتك تعرف اني كنت واكف اخر الصف الي بالممر ودخلت اول واحد على الدكتوره انته كنت لابس حزام ابيض 
توفي حبيبي ونخله وفسيله والداخليه شو لاحس ولا نفس خير انشاء الله
قائدنه المفدى انشاء الله تسمع خبر مفرح ويرن الجوال رنه تسمعه كل البلد ونسوي هذا اليوم عطله رسميه وراح يكون ( يوم الرنه ) العالمي كول آمييييين
هلا وكل الهلا باختنه ريموووووووو اكيد مثل مكال الاسد الجامح من تدخلين لازم تدفعين دولار شنو قابل احنه خراعه خضره  جماهيريه بيه قائد ونواب وداخليه وعلم وسفاره (جنبر ) جوه جسر سيفوي اشحده الي يوصل يم حدنه 


اخوكم : ابو طبر       
عمان - ياحوم اتبع لو جرينه

[ابو البيانو]

هلا ابو طبر !

الظاهر لا شفتك ولا شفتني ولا اني لابس حزام ابيض !!

مو مشكلة اخوية نتشاوف بالطيارة كلنا انشالله وي القائد و عصابة 11\7 

[اخت زين من امريكا]

السلام عليكم شخباركم شلونكم
طبعا اني دائما اتفرج وية اختي بس اليوم  ردت رقم مال مصر ودخلت
بس اتفاجئت مالكيت الموضوع كلت يمكن كلهم سافرو وسدو الموضوع اتفاجئت بعدين كلت خاف صار 10 صفحات وصار وية مواضيع  مهمة فا للاسف لكيت الصفحة تاسعة والكل مثل ماهمة 
الله يعينكم ويساعدكم  وانشاءلله فد اسبوع الكى الكل مسافر ولا واحد باقي يلا مابقى شيء هانت 
بس اذا يكدر واحد يكتبلي ارقام IOMمصر لان كلش محتاجتها طبعا مو الي شغلة بس ناس طلبوها مني واني طبعا ودعت المأسى هناك اجيت لكيت مأسى اخرى اهنا 

[حبيب بغداد]

لا خوتي لا وسفة ليش هيجي محد ديسجل حضور دخلت ادور على موضوعنة لكيتة شامري جوة بالزاوية
شنو مال يتامى ليش هيجي ليش لا على بختكم يمعودون شنو هالاحباط  يلة خوتي كومو غسلو وجوهكم وافتحو الموضوع وكل واحد يحط توقيعة  وفد ابتسامة حلوة هيج    ها ويلة باجر سبت وانشاللة اسبوع خير علينا كلنة وكولو امين   واللة يجيب الي بي الخير 

اختي العزيزة  (اشكد عيب الابنية طالبنة الرقم من البارحة ومحد راد عليهة ) شتكول باللة هسة علينة وهية جاية خطار  ميخالف عيني امسحيهة بلحيتي  الاخوان جانو مجازين
عيني رقم مصر 0020223595060
بس ترة عيني كامو ترة مينطون جواب  يكولون كل بلد ابلدها يعني ابو مصر بس يخابر علة مصر والاردن من الاردن وهكذا   بس هوة هذا الرقم اذا حبيتي اتحاولين 



تحياتي للجميع اخوكم حبيب بغداد

[toofy]

مساء الورد على الجماهير الصابرين المختفين   يمعودين وييينكم؟؟؟؟
اخويه حبيب بغداد العزيز ....كلنا مقابلين المنتدى وكاعدين وندخل لموضوعنا وماكو خبر جديد يعني شنكتب؟؟؟اشو التطور الوحيد اللي صار هو اعادة الفحص   واللي بحد ذاته ميدل على اي تطور  
وحتى غاندي ميبسهه فد مره هالايام....كان قبل يوزع حصة بالويك اند تسويلنا واهس منعوف المنتدى..... هو صام وسوالنا صيام اجباري للجماهير كلها  لا كرافت لا معدنوس ولا حتى فاليوم ابو ؟؟؟واحنه بامس الحاجه
بس خللي نكون متفائلين ونتامل انه الاسبوع الجاي يحمل اخبار ساره للكل
يا رب تزول الغمه عن هذه الامه (امة 11\7) ويجي الفرج وتهل التبريكات والتهاني والافراح والمسرات ....وكل عشيرة امل  
تحياتي toofy بانتظار الامنيه الكشرة 7 اشهر ونصف  

[الاسد الجامح]

صباح الخير
البارحة كاعد ويى روحي دا افكر ليش معاملتنا طولت حركت باكيت جكاير
طلعت بنتيجة انه  : -
     المحلفة الي قابلتنا والي هي امريكية من اصل صيني استقالت ؟؟؟؟؟؟؟؟؟
وحولت ملفاتنا لوحدة او واحد ثاني !!!!!!!!!
وركنت ملفاتنا على الرف   اها هسا منو بيكم قابلته نفس المحلفة   
وان شاء الله يكون كلامي خطا
 
هو مو تشاؤم   بس راح اتخبل كمت احجي ويى روحي

والله يفرجها على الجميع
اللهم افرغ علينا صبرا

[ستروبري]

حبيبي اسودي لا دوخ احنا جماعة المغضوب عليهم كلنة الي قابلنى شهر 5 و 6 نايمة عليهم طابوقة وادا تمشي معاملة واحد فتتمشي مثل السلحفاه ومنعر شنو السبب لان لو عرف السبب بطل العجب
 توفي هاي شلك بيه هسة مو تنغلس على على الحصة شدكرك بيه هسة اني اضل اوزع وماكو قبض اخاف بعدين انطول ازيد ومنلكي شي ناكلة   
حبيبي بغداد شلونك اغاتي ان شاء الله تكون بخير ادا ماكون غلطان انت من جماعة السلحفاة لان احنا جماعة الشرنقة ر نخيس وبعدنة جوه بس الله يفرجه علينة ونطلع ونرتاح منريد غير شي


غانديكو في انتضار فتح الشرنقة ست شهور ونص

[osama5477]

ترة كلنة نفس الموضوع جماعة 5-9 الي سافروا هم قليلين والي ينتظرون الامنية هواية كلش ، يعني الامنيات كامت تتأخر على حظنة

[حبيب بغداد]

يابة شنو السالفة اشو كمت اطب للمنتدى اكول السلام عليكم اسمع (صدى) من كد ما فارغ وكلة اتراب محد ديسويلة ادامة شنو هالاحباط صلو على النبي يابة  كمت اطب ادور ادوارة  علة موقعنة الكا مشمور جوة 

اللة كريم تهون حبايب


اخوكم حبيب بغداد

[ريم عبد]

السلام عليكم
شلونكم حبايبي
بالخير عليكم بدت البشاير تندل طريقها الى جمعيتكم
وراح تشتغل التبريكات منا وجاي
وان شاء الله هاي الايام حافله بالمسرات ومواعيد السفر
وحضرولي قواطي النساتل وباقات الورد
الحمد لله اليوم اخونا اسامه خلصت امنيته
وان شاء الله اول الغيث قطر ثم يتطشرواااااااااااااااا

[osama5477]

وداعتج ريم احلى قوطية نستلة الج مو طبيعية لأن دعائج بالمكان جديات بس كليلي وين اجيبه والله محظرلج قوطية نستلة سوسرية تخبل

[ستروبري]

اللف مبروك لاخونا اسامة ولكل الاخوان الي طلعو من الشرنقة وبالموفقية ويوم الي نطلع احنا هم
غاندي
بأنتضار الامنية ست شهور ونص

[ريم عبد]

اخونا الغالي اسامه
الف الف مبروك الك على هاي البشاره الحلوه
 ولتستعجل على النستله بس ضمها بالفريز لتعدم
وانتضر موعد السفر وان شاء الله ميطول عليك
مو على شي بس لتعتك النستله

[osama5477]

ريم اختي العزيز دعواتج بالمكان ، اليوم خابروني وانطوني موعد دورة يوم الاحد 24-1 ، اتمنى ان شاء الله جماعة 11-7 تسمعون اخبار عن قريب ان شاء الله

[ريم عبد]

الف مبروك على تحديد الدوره
اخويه اسامه بعد لتدير بال مادام قوطية النستله موجوده  وخصوصا سويسريه
بعد اخذ دعوات متشوف الا محدديلك موعد سفر
راح ادعيلك دعوه من هاي الزينه السويسريه مو تغليط

[الاسد الجامح]

الف الف الف مبروك اخوي العزيز اسامة وان شاء الله السفر القريب
ملاحظة اني همين اسمي اسامة بلكت الله تسهل امورنا كليتنا

[الاسد الجامح]

صباح الخير اخواني الطيبين
البارحة دزيت ايميل استفسر بي عن الملف الساعة 10 ونص الصبح
وتوقعت ورا ساعة ايخابروني مثل كل مرة بس الي صار كلشي ماكو
شنو السالفة ما ادري

اخونا حبيب بغداد شنو اشصار وياك

[myiraq]

مرحبـــــــــــا ... سلامنا لاهلنا الطيبين والجماهير الصابريييييييييييين 

اولا" الف مبرووووك لاخونة اسامة وان شاء الله تكون بداية الافراح والاخبار السارة ...
احنا هم اتصلنا بيهم بس مو ايميل وطبعا" خلصوا الرصيد كله بس ميخالف تستاهل امل والنتيجة طبعا" لسة مكتش وسألتها زين بالمراحل الاخيرة يعني حتى اواسي نفسي فكان ردها لا مو بالمراحل الاخيرة بعد بدها وقت .
 الحمد لله على كل شي ... دوام الحال من المحال فلابد يجي اليوم الي راح نسافر بيه ..الله كريم

اختكم myiraq

[myiraq]

شلونك اخوية الاسد الجامح انا اسفة أنا رأسا" دخلت بالموضوع وماسلمت اعذرني ..

[الاسد الجامح]

السلام عليكم اخوان
اني اشوف لو انزود عدد المشاركات حتى انلحك ابموضوع الاخت انجي اسأل وانا اجاوب
بلكي رفعوننا  اداريين 


شباب همتكم ويايا     

[ستروبري]

الله بالخير شباب


غاندي بأنتضار الامنية سبع شهور الا ست ايام

[toofy]

الله بالخير...شنو القصة اشو فد مرة سكته

[حبيب بغداد]

السلام عليكم اخواني واخواتي (ولو هوة اشو مابقة خوات بس اخوان )اعضاء جماهيريتنة الصامدة

سلامي للجميع بدون استثناء
اخوية حبيبي الاسد الجامح شكرا للسؤال اخوية العزيز واللة حبي اني لحد الان كلشي ماكو خابرتهم قبل عشر تيام تقريبا  وكالو بس خط الرحلة باقي وانشاللة خير كالو اكثر شي شهرين كلت لا حول ولا قوة صبرنة اهواي انشاللة هانت حتة سالتهم كلت اخاف الموافقة مجاية واني مخربط كالو لا جاية  وكلشي كامل يابة الملف اخاف بعدة ما مختوم كالو مختوم من زمان شنو الي باقي ما اعرف الدورة مخلصهة الفحص وعدتة
انشاللة تتسهل بعون اللة على الجميع امين رب العالمين

بالمناسبة اخونة ابو الابيانو اشو مختفي لا اهنا ولا علة الايميل  انشاللة يكون بخير

تحياتي للجميع اخوكم حبيب بغداد

[osama5477]

اخر اخبار الدورة التثقيفية اليوم ، بس اني كنت من جماعة 5-9 والكل كانوا من جماعة 5-12 وكم واحد صارلهم سنة الامنية مالتهم ، المهم اثنين بس انطوهم مواعد سفر وهمة الي امنيتهم كانت متأخرة سنة وموعد السفر 24-2 بالنسبة الهم ، واحنة كالولنة موعد السفر قريب الملف انختم وكلشي تمام بالمناسبة بالنسبة لموضوع اعادة الفحص اكو نوعين فحص اكو صلاحية 6 اشهر للي يعانون من امراض معينة مثل الضغط ةوالسكر واي امراض اخرى البقية الفحص صالح لمدة سنة كاملة ، يعني مو الكل يعيدون بعد 6 اشهر ، وسئلته على على جماعة 11-7 و 4-7 هم وكالت ليش اكو باقين لحد الان كلتله اي كالت مرات الامنية تاخذ سنة ياله تجي ، وجماعة 5-12 كلهم ملفاتهم مختومة وامنياتهم جاية الي جانوا وياي

[toofy]

مشكوووووووور اخ اسامة ...............ما قصرت ....الله يبشرك بالخير....وان شاء الله يحددولك موعد سفر قريب وابنك الجديد ياخذ الجنسيه الامريكيه قبلكم   
اما بالنسبه لاعادة الفحص الطبي فيشمل الكل وما اله اي علاقه بالامراض المزمنه ....والحمد لله هسه كل جماعتنه عادو الفحص الطبي شيبا وشبابا عزابا وعوائل... ومستعدين لاستلام الموافقات الامنيه عن قريب باذن الله
معلومة هامه للجماهير....لتنقهرون ولا تضوجون لان حسب احصائياتي انه عدد اللي عادو الفحص الطبي خلال هذا الشهر كانو اكثر من 80% من جماعة 11\7 والعدد ما يقارب 160 كيس او اكثر مما يعني ان الموافقات متاخرة بالجمله لجماعتنه لان المحلفين اللي قابلونه جانو ضايجين 
وان شاء الله تفرج عن قريب علينا وعلى كل المنتظرين واولهم اخونه حبيب بغداد والاسد الجامح   
بس نريد مشاركاتكم اخوان ....ابو البيانو ..ابو طبر... تكساسي ...بنات ولايتي نخله وفسيله لا تكطعون
تحياتيtoofy

[osama5477]

اني احد اصدقائي من جماعة 4-7 واستلم موعد سفر الخميس وماعد الفحص الطبي رغم مرور اكثر من 6 اشهر وسئلهم كالولة الفحص صلاحيته سنة ومراح اتعيده بس الفحص النهائي قبل السفر
(ضغط وسكر وياخذ الحباية مال الدود )

[لوس أنجلس]

اخواني الاعزاء
اني جماعه 11\7
وعدت الفحص الطبي قبل اسبوعين
وكالولي الفحص خلال 6 اشهر يصير اكسباير
بس ما شاء الله على جماعه 5-12 وو 5-9 كلش امورهم دتمشي سريعه
بحيث اكثر من عائله مستلمين ب 5-12  ومنطيهم موعد سفر بحيث مملحكين يتصلون بالكفيل وموطنيهم عشوائي ومنطيهم موعد سفر بنهايه 1
الله كريم اني شفت ولد واحد من جماعتنه منطيه موعد سفر
ترة كله بيد الله محد يعرف
تحياتي واتمنى الموفقيه للجميع

[texasy]

ماعندي شي اكولة غير :
ياجماعة 12/5 بخــــــــــــــــــــــــــــــــــــــــــــــــــــــــــــــــــــــــــــــــــــــت 

برد ورياح ومطر وضوجة وملل.

[ستروبري]

الله بالخير اخوان شلونكم
اكو مثل كلش يعجبني بيت اشاركم بي
المثل يكول
لا تصدق كل ما يقال           ولا تقل كل ما تسمع
ودمتم سالمين

اخوكم غاندي بأنتضار الامنية سبع شهور وبنجاح ساحق

[لوس أنجلس]

لا خويه صارت اعتراضات كدامي  بين العائله والموظفه والعائله رفضوا الولايه
لان عدهم كفيلين وممتصلين بيهم وكالولهم موعد سفر نهايه 1
يعني مو سامع القصه
على العموم هسه رجعت المعاملات تمشي سريعه مو مثل نهايه السنه
بالتوفيق للجميع

[ستروبري]

اخوية العزيز لوس انجلس اتشرفنة بيك وكل الهلا بيك بين اخوتك
واني ابدا ما قصدك بكلامي انت تضل من الجماهير وعزيز
اتمنالك الموفقية

غاندي بأنتضار الامنية سبع شهور

[toofy]

كل الهلا بالزميل لوس انجلس نتشرف بيك ويانه ....طلعنا كلنا مهندسين 
يجوز هذا السبب متأخره امنياتنا؟؟؟
تحياتي toofy

[لوس أنجلس]

اخ عزيز جعفر ولا يهمك يمعود وداعتك تجي الامنيه وين تروح لضوج
ولو حقك كلنه ضايجين وطكت روحنه
اخر مرره خابرت كلتلهم دكولولي مرفوض خل اخلص

اخ توفي اشكرك هوايه
حبيبي مهندس ومقدم دايركت كيس(الله يجرم)وليهسه
الله كريم اخوان اني الي الشرف
انشاء الله تجي الامنيه وتبشرونه

[نخله عراقية]

مرحبا ياجماعه شلونكم .....والله مشتااااااقين هواي ..اعذرونا عن الانقطاع ...توفي على عيني وعلى راسي وراح يوميه اكتب واوصل الموضوع للصفحه 100. ..كلشي ماعدنا لا شغل ولاعمل مقابلين اللاب توب وكاعدين...
شلونكم يا جماهير وقياده جمهوريتنا الفاضله الصابره ...سلامي لكم فردا فردا ...اهلا اخي لوس انجلوس...نتشرف بمعرفتك ...
مبروك اخي اسامه وان شاء الله موعد سفر قريب واطير بسرعه بسرعه وتوصل بالف سلامه ... ...شكرا على المعلومات .
بالنسبة النا كل شي ماكو ...خابرتهم الخميس الماضي ..بعدني بالتجييك الامني ..والله كريم..
اختكم نخله عراقيه
عمان

[حبيب بغداد]

السلام عليكم حبايب الجماهيرية العزيزة
اول شي طبعا احب اسلم على جميع الي شاركو  والي جانو مفقودين 
وبعدين حبيت اصحح معلومات اخوية اسامة لان يمكن سامع غلط بالنسبة لموضوع الفحص الطبي
حبي الفحص او اعادة الفحص بالاحرى مالة اي علاقة بالمرض لان بالفحص الثاني ورة متخلص كلشي يخبروك اذا عندك شي او لا والحمد لله اغلب الي عادو الفحص مجان بيهم شي اثنين حبي ما اعرف اذا خبروكم بالدورة التثقيفية او لا لان اني من سويت الدورة التثقيفية  سالنة بهذا الموضوع للي انطتنة الدورة وكان الجواب  انو زمان جان الفحص يعاد كل سنة لكن من فترة  اتغير هذا النضام واعتمدو نضام ال6 اشهر وهذ القرار اجة من امريكا ليش لانو حبي والكلام للجميع عافانا وعافاكم الله من الامراض مرض الايدز يكدر يتكيف بالجسم لمدة اقصاها 6 اشهر منغير ميكتشفو ولو عملولة الف فحص فللتاكيد سوو الفحص كل ست اشهر الي هية فترة حضانة هذا المرض الخبيث اللة يعافي الجميع امين
وبما انك يا اخوية الوردة دخلت الدورة اتمنة انو تسال الي تنطيكم الدورة  قبل ما تحبط الجماهيرية الي مو ناقصة احباط بيهة الي مكفيهة  ;Dاتمنى انو ايكون كلامي خفيف  وما ازعجتك حبي بس اني من باب انو احنة اسرة وحدة اهنا
تحياتي للجميع
اخوكم حبيب بغداد

[osama5477]

اخي العزيز الغالي حبيب بغداد

اني من كتبت هذا الكلام بعد ما سئلت هذا السؤال بالدورة اليوم وكان الجواب واضح جداً انه الفحص يعاد ويصير اكسباير بعد سنة من تاريه الفحص فقط في حالة وجود امراض معينة ، والكلام للي انطانه الدوره مو من عندي وعلى كل حال باجر هم راح اسئل مرة لخ بالموضزع واتأكد ، بس للمعلومات احد اصدقائي وهوة من جماعة 4-7 استلم موعد السفر الخميس وما عايد الفحص الطبي والمفروض هوة اكسباير من زمان بس هم راح اسئل للتاكيد

[حبيب بغداد]

حبيبي اسامة كلامك صحيح لان همة يعتمدون اعادة الفحص بالنسبة للمدة الي اجت بيهة الموافقة الامنية يعني صاحبك جاية الموافقة الامنية مالتة قبل ليصير اكسباير مو بعد وملهة علاقة بموعد السفر يعني ممكن جاية الموافقة الامنية قبل شهرين او اكثر وبعديهة صار اكسباير ميعيد الفحص

[osama5477]

كلامك وارد وممكن لأن هذا الشي المنطقي الوحيد وهم راح اتأكد باجر

[الاسد الجامح]

السلام عليكم اخوان   
اليوم خابروني    غدا  اعادة الفحص الطبي

[abo abo]

السلام عليكم اخويه اسامه الاسد الجامح الف مبروك عل اتصال بيك واعاده الفحص يارب تكون هاي اخر مره تعيد بيه الفحص وانشالله الاسبوع الجاي يتصلون بيك عل دوره وياها موعد السفر انت تستاهل اخويه كل خير وانشالله اخويه تتيسر كل امورك يارب

اخوك ابو علي عمان بنتظار الامنيه

[نخله عراقية]

ان شاء الله خير اخي ابو سرمد ...يارب بشرى خير ...وتتسهل الامور
نخله عراقيه
عمان

[حبيب بغداد]

عالخير حبي ابو سرمد وانشاللة يارب موعد سفر قريب بعون اللة كولو امين

امين يارب


اخوك حبيب بغداد

[osama5477]

مبروك اخوية العزيز بس كلي طلعت الامنية مالتك وانختم الملف لو بعد ؟؟؟

[الاسد الجامح]

السلام عليكم
اليوم كنت بالفحص وكان وياي عائلتين من جماعة 11\7 همين اعادة فحص
وشاب عازب من جماعة عيني باردة عليهم 5\12 عنده فحص قبل السفر
وعائلتين من ملفات 2008 همين مسويين مرتين فحص طبي واليوم كان عندهم فحص قبل السفر
وبقية العائلات على بريطانيا   كندا    استراليا
ويوم الخميس عندي الفحص السريري
 
وان شاء الله تتسهل امور الجميع

[osama5477]

ماكتلي اخوية الاسد الجامح اجتي الامنية مالتك وانختم الملف ياله عدت الفحص لو بعده الامنية مالتك ما كاملة وملفك ما مختوم

[الاسد الجامح]

اخوي اسامة لا الامنية لسا ما جايا ولا مختوم الملف


 اكو      اشـــــــــــــــــــــــــــــــــــاعـــــــــــــــــــــــــــــــة  تكول
انه جماعة 11\7 الي طالعلهم اريزونا سفرهم بشهر الثاني
وان شاء الله تكون صحيحة

[نخله عراقية]

صبـــــــــــــــــــــــاح الورد والفل والياسمين على جمهوريتنا الصابره ..قياده وجماهير ...
شلونكم مشتاقين ...اكلكم والتالي شلون  شنو الحل...انا اجتني حاله الفرح المؤقته ..بس هالمره علامامت الجنون اكيد  ...لان الجماعه هم رجعوا نسونا ...بس هم بعدني فرحانه ....
تفرج ...الله كريم...اخويه ابو سرمد ماسمعت شي حتى لو اشاعه عن جماعه سياتل
نخله فرحانه
عمان

[الاسد الجامح]

صباح الخير اخوان
اليوم التقيت بعائلة همين من جماعتنة 11\7
وما جاية الامنية مالتهم بس مسوين دورة تثقيفية
واليوم كان عندهم اعادة فحص

اختي نخلة لا كلشي ما سمعت اليوم لانه الموجودين كلش قليلين

اخوان والله اعلم جماعة 11\7 اعدادنا كبيرة جدا جدا جدا بعكس بقية الجماعات
واتوقع والله اعلم انه هذا السبب الي ماخر معاملاتنا
وان شاء الله تفرج على الجميع

[ستروبري]

ان شاء الله اخوية الاسد الجامح وفعلا حجيك صحيح جماعتنة من المغضوب عليكعهم



غاندي اليوم خابرت بمناسبة مرور سبعه اشهر ولسة مكتششششششششششششششششششششششششششششششششششششششششششششششششششششششششششششششششششششششششششششششششششششششششششششششششششش

[ستروبري]

يابة اخوان جماهير  هم هلووووو
شنو القصة اشو لا حس ولا خبر حالكم من حالي الله يعينة


غاندي بأنتضار الامنية سبع شهور وفتت بالثامن

[ابو طبر]

صباح الورد والياسمين على احله جماهير طيبين وحلوين
مشششششششششتاقلكم
اسف اخواني على الانقطاع وذلك بسبب ضروف طارئه وجبريه والحمد لله مرت بسلامه
اشلونكم اخباركم يارب اتكونون بخير وسلامه


اخوكم : ابو طبر     
عمان

[toofy]

الف الحمد لله على سلامتك اخويه العزيز ابو طبر.....يعني الظروف الطارئه معناها سافرت لو بعدك؟؟؟؟
زين باقي الجماهير وين صارو اشو لا حس ولا خبر مثل ما كال غاندي 
نريد ننزل تبريكات بصفحتنا  :-\دتلاحظون كل الجمعيات ناس تبارك لناس واحنه ...
ان شاء الله هذا الشهر يحمل كل الاخبار الحلوة لكل الجماهير وكل المنتظرين والسفر القريب للجمييييع
تحياتي toofy

[ابو طبر]

اخويه توفي وحبيببي ونور عيني وين اسافر مو عيب  احنه جماهير 11/ 7  نسافر   
اني كاعد اهنا ومتربع  وين اكو احله من هاي الكعده ... اكل ونوم مال الكوم  .. 
عندي اقتراح اريد اقدمه للقياده اذا امكن
قائدنه المفدى وزعيم الجماهير احنه شعبك العظيم الصابر   
رحمه لهلك ليش مناجر كوستر ونطلع سفره للبحر الميت يكولون الجو يجنن واحنه ناقصين اشويه جنون 
راح انجن  قبل الجوال يرن


اخوكم : ابو طبر       
عمان

[ستروبري]

ابو طبر الورد شلونك اخوية مشتاقيييين هاي وين هالغيبة
اخوية مثل لاما تعرف اني قاءد ديمقراطي واحب اتفرج على برنامج من سيربح الامنية ولدلك اني رح استعمل طريقة اخد رأي الجمهور
الطوبة بملعبكم جماهيري بس لا تطولون بالجواب مثل الامنية شهور

غاندي الي تينتضر الامنية سبع شهور  ويومين

[الاسد الجامح]

السلام عليكم اخوان
اخيرا كعدتو من النوم 
اشو اخونا ابو البيانو مختفي لازم ديحظر سفونية لاستقبال المحروسة
بس بلا زحمة ابو البيانو نريد مزيقة وياها 

بعدين اخوان ما بقى شي 153 رد ونفوت بالعاشرة .

النكتة وين اخر مرة طبت بيها اختنا ريم عود اتريد اطشرنا كمنا احنا عمينا عليها خطية
 

وان شاء الله يطلع كلام الاخوان صحيح وهاي اللجنة اتفظ كل المعاملات

[ستروبري]

اي والله اخوية الاسد الجامح ان شاء الله يطلع صدك لان صدك تعببببببببببببببنة
ويارب تكوم اختنا العزيزة ريم بالسلامة وترجع تكتبلنة وتنور المنتدى

غانديكو بأنتضار الامنيكو

[texasy]

شلونكم يااحلى جماهير واكبر جماهيرية (هو غير نخلص ونعزل الجماهيرية مو ملينة )
والله البارحة جتني تلفونات ثنين شوية رفعت المعنويات عندي اول تلفون اجاني من واحد جان ويانة بأعادة الفحص الطبي وجان هو الوحيد من جماعة 7/4 وبشرني انه حددولة موعد سفر يوم 24 بالشهر ووراهة بشوية خابرني صديقي هم من جماعة 7/4 ومخابريهم الاي او ام ومحدديلهم دورة البارحة وكلي اللي جانوا بالدورة اكثرهم من جماعة 7/11 ... حسيت بدت الامور تمشي وبدت الامنيات تجي ويارب نسمع خبرها عن قريـــــــــــــــــــــــــــــــــب كولوا اميــــــــــــــــــــــــــــــــــــــن

اميــــــــــــــــــــــــــــــن يارب العالمين .

تكساسي بانتظار شوفة تكساس الحبيبة

[نخله عراقية]

آمــــــــــــــــــــــــــــــــــــــــــــــــين
هلو ياجماعه شلونكم ...
هلو اخويه تكساسي وين هالغيبه ...وشنو هالاخبار اللي ترفع المعنويات...الله يسمع منك يارب.
شلون الجماهيريه ..وقادتها وجماهيرها فردا فردا ...
نخله عراقيه
عمان

[ستروبري]

اخواني واخواتي الاعزاء بمناسبة هبوط الثلج احب اهنيكم بهد المناسبة واكولكم
احنا ما صدكنة يمعوع الثلج على ملفاتنا الي بأمريكا هنوب يجي الثلج هنا


ودمتم سالمين

[ابو طبر]

صباح الورد والياسمين على جماهيرنه الطيبين
الف شكر اخويه تكساسي الورد على هاي الاخبار  صدك ترفع المعنويات وتزيد الحماسه رغم الظروف الجويه والمنخفضات الي نزلت حدره عليه ومنعرف ليش  ويارب يرفع المنخفض عن ملفات جماهيريتنه الصابره   
اشلونكم اخواني واخواتي والله صار ملل حته من دخول المنتدى وشنو نكتب منعرف صار برود واعصاب مضلت انشاء الله راح الكثير وما بقه غير القليل وماعدنه غير الصبر والدعاء انشاء الله تفرج
آمين يارب العالمين


اخوكم : ابو طبر     
عمان ---برد ورياح ومطر

[نخله عراقية]

مســـــــــــــــــــــــاء الورد والثلوج ...شلونكم
شلونك اخويه ابو طبر هاي وين هالغيبه ...اشو كلكم مختفين ...عودا محمودا ...هلو قائدنا شلونك تهون وتخلص وتصير سوالف ان شاء الله ...
اليوم رحت لليو ان حتى اجدد الورقه ..وماكنت اتصور هشكل بارده ...جمدت ..متت من البرد...وهم شفت ناس من جماعتنه ..اول ماشافتني الام قالت هاي شنو ما سافرتو...كتلهه مو عيب نسافر ... ...قالت انه همه عادوا الفحص قبل شهر او اكثر ...انا منين مااديرها اشوف جماعتنه كلهم على الحطه الا من رحم ربي  ...ان شاء الله نسمع اخبار حلوه قريبا ...
نخله جمدت من البرد
عمان

[texasy]

مساء الخير على جميع الاخوة والاخوات الصابرين والمجرشين من الثلج والبرد اليوم

عاجل .. عاجل .. عاجل .. (عاجل عكلة) 

اليوم جتني اخبار ترفع المعنويات اكثر واكثر ... عن طريق صديقي اللي جان عنده دورة تثقيفية وخلصها البارحة واللي خليتة يصير مراسل ويجيبلي اخر الاخبار وكتلة ضروري ضروري يسأل على الامنيات المتاخرة وخاصة لجماعتنا.. بعد سؤاله للمسؤولة عن اعطائهم الدورة التثقيفية كالتله التأخير مو بيدنا بس وركزوا علة كلمة (بس) ههههه .. انه هسة جايتهم 200 امنية وكالتلة ماعندي صلاحية اشوفلك الاسماء ولا اعرف من جماعة منو هاي الاامنيات اللي جاية .. فالحمد لله اولا على سماع مثل هاي الاخبار اللي تريح الاعصاب والواحد ديعرف انه الامور دتمشي ومبين انه الثلج مايع من فوك الملفات بواشنطن بس ليروح تجمد الملفات هنا على هالبرد ههههههه.
بالمناسبة انطوا بالدورة مواعيد سفر بشهر الثالث يوم 15,5,1 .. يوم الالنا.

شلونج اختي نخلة عراقيـــــــــــــة شلونج وية البرد ... اخوية ابو طبر شلونك اشو مدتمر للجنبر ؟ .. سيدي الرئيس شلون امورك وشلون الاعتصام ؟ عوف الاعتصام عن الاكل واطلع اعتصم برة بهالثلج اكيد رح تفرج هههههه .. وين خويي والنائب الاول توفي الوردة اشو ماكو ؟؟ وين باقي الاخوان يارب تكون عدهم اخبار حلوة بهاي الايام.

ها شلون مورفين انطيتكم هذا بس للاعزاء على كلبي وبعده مفعولة قوي مو اكسبايرد ههههه

يارب تكون اسمائنا من ضمن ال 200 امنية ودنروح ونخلص عاااد .. اميــــــــــــــــــــــــــــن

[ستروبري]

اخوية تكساسي عاجل عكلة ياس خضر خضيري ابو عزيز اي واد المهم تسلم على هاي المعلومات ويارب تكون امنياتنا من ضمنه ونخلصصصصصصصصصصصصصصصصصصصصصصص هاي شكلت ص من البرد اعدروني
يارب تفرجه يارب تفرحنة يا يسوع تبشرنة ويا مريم تفحتة بوجهنة
ان شاء الله نسمع كل الاخبار الزينة هدا الشهر


غاندي بأنتضار الامنية داخل بالشهر الثامن

[toofy]

الله يبشرك بالخير تكساسي الورد....هايه الاخبار اللي تفرح   
الله يسمع من حلكك وتبدي تهل علينا الموافقات ومواعيد السفر بالقريب العاجل 
غاندي يرادلنا فد كم نكته حتى توصل الموافقات ...متكللي انت ليش بطلت تلطف الجو للجماهير ؟؟؟
مدتشوفهم كلهم كاابه بس يطلعون عالموضوع ويروحون بدون تعليق 
بالمناسبه ..اني مع اقتراح ابو طبر الورد بضرورة تنظيم سفره سياحيه للجماهير وانت اختار المكان
تحياتي toofy

[نخله عراقية]

هلو شلونكم ....اهلا اهلا اهلا منورين الصفحه 
هلو اخويه تكساسي شلونك ...الله يسمع منك وتكون موافقاتنا جايه يارب والله تعبنا ...
شلونك قائدنا الديمقراطي...ان شاء الله زين
توفي وين هالغيبه ...انا موافقه على الاقتراح بس كون المكان قريب...
طبعا ابو طبر هسه يقول انا حجيت حجايه وكنت اشاقه اشو الجماعه صدكوا  ...
عموما الله يسهل الامور وتفرج ...
نخله عراقيه
عمان

[ابو طبر]

مساء الورد والياسمن على جماهيرنه الطيبين
اروحلك فدوه اخويه تكساسي على هذا الخبر اشلون ابشاره تستاهل عليه من السما وحلاوه دهينيه 
عيني نخله شنو تره اني كده وكدود  وحاضر  بخدمة الطيبين  انتوا بس حددوا موعد وياريت يكون يوم خميس وعليه الكيه لو منشاءه ونطلع للبحر الميت  وناخذ ويانه المنقله واللحم والفحم والطرشي ونطير طيران ونغني ياسايقنه دوس دوس حته ندورلك عروس   
الدعوه عامه للجميع وكل العوائل



اخوكم : ابو طبر     
عمان -- شركة نقليات 11/ 7 السياحيه

[الاسد الجامح]

السلام عليكم اخواني الطيبين

عاشت ايدك اخوي تكساسي على هاي الاخبار
شجعتني ادزلهم ايميل بلكت الله جاي الموافقة

هاي شنو عيني قائدنا صاير فراولة 
لازم على مود عيد الحب   

صدكني كون بس تجي الموافقة لا ادك اصبعتين وياها يا البرتقالة
وابو خدود تفاحة ........راح اكلبها امخظر 

[ستروبري]

لا مو بمناسبة عيد الحب وبس وانما بمناسبة قرار توزيع فراولة لكل الجماهير الصابرة
اخواني تدرون كلت خلي اغير اسمي بالكي اسوي تمويه للامنية وتجي 
تا اشوف اجرب ادا نجحت الخطة خير على خير وادا لا  اعتزل وبعد ما اجي ويان احد ولا اكتب شي ولا اكل ولا اشرب ولا اطلع ولا اطب ولا انام ولا اكعد ولا كلششششششششششي



فراولة بأنتضار الامنية سبع شهور ونص

[نخله عراقية]

مرحبا ...شلونكم ياجماعه ..ان شاء الله زينين...
شلونك اخويه ابو طبر .....والنعم منك كلكم خير وبركه......
هاي شنو قائدنا شافله اسم ستايلش ... ...الله يسهل ونسمع اخبار حلوه ....ملينا والله..الحمد لله على كل حال.
نخله عراقيه
عمان

[texasy]

شلونكم اخواني واخواتي ان شاء الله الكل بخير ودفيانين وية هالبرد اللي اجانة ابد مو خوش جية

يلة خويي ابو طبر علواه نروح سفرة مو ملت روحنة على الاقل نغير جو بس شوفلنا فد سايق جاكي يطلع بينا كبل لامريكا ويتجاوز الامنية ههههه
ها شنو قائدنا الحلو ستروبري (والله اسم مو سهل) ومنتبهت عليه لو ماتكولون يعني القائد صاير قوي بالتمويه بس على امولة متعبر من هسة دااكلك هههههه
 يلة خويي توفي شد الحيل واطبع بطاقات مال سفرة رجعتلنا فرص التمويل والخمط ورح ارجع افتح الجنبر وكل من يشتري كيلو ستروبري الة بطاقة مال سفرة ببلاش

تكساسي بردان بأنتظار شمس تكساس الحبيبة

[ستروبري]

ادري مو فضحتوني شبقيتو هدا شلون تمويه يعني شسوي بعد بس كلولي
يابة تكساسي شنو يشترون الجماهير ستروبري مو اني رح اوزعة بالحصة الجاية على كيفك بالجماهير مو كافي الامنية مدمرتنة انوب تصير انت والامنية علينة
ابو طبر عيوني انت بس اتفق تمام وضبطلنة الامور وسهلة عود نطلع سفرة لبركر كنك لا دير بال

فراولاية بأنتضار الامنية سبع شهور ونص والحبل على الجرار

[toofy]

قائدنا المفدى (فراولة)....شنو هااااااي ....نيو لوك  كلش حلو 
يعني هسه صرنا جمهورية الفراوله؟؟؟
كلنا لازم نغير اسمائنا تضامنا مع القائد ..ونظريته بضرورة التمويه 
نصيحه ..كل واحد من الجماهير يراجع الجنبر باسرع وقت لاستلام حصته من الستروبري قبل ميخلص....
تحياتي toofy النائب الاول لستروبري 

[ابو طبر]

مساء الورد والرياحين على اهلنه الطيبن
اخواني بس عندي سؤال والله عليكم لتخجلوني  ولحد يضحك اريد اعرف شنو معنى ستروبر ي = ؟
هل هو = دواء للكحه او ماركت سياره او لفه جديده من KFC
اخواني اني اليوم معزوم على عشاء يم مطعم هاشم وسط البلد واليحب يتفظل بدون احراج   




اخوكم : ابو طبر       
عمان --- مطعم هاشم

[ستروبري]

ابو طبر حبيبي انت بس روح استلم الحصة مالك مال الستروبري الي بدينة نوزعة بالجنبر مال تكساسي وانت تعرف شنو يعني ستروبري ولا تشيل هم يمعود انت عزيز علينة

اخوية هدا نيو لوك جديد وبعدين اني ردت اكسر الجمود بين الجمهور العزيز


فراولية اقصد ستروبراية  بأنتضار الامنية سبع شهور ونص وبنجاح ساحق ماحق

[ابو طبر]

هيا الى النوم هيا 

[نخله عراقية]

صباح الخير والورد والياسمين .............
هاي وينكم ياجماعه ...صدك جذب ..يانوم دكعدوا .....
نخله نشيطه
عمان

[ستروبري]

صباح النور عيوني نخلة وفسيلة شلونكم اخباركم ان شاء الله تكونون بخير 
ابو طبر اغاتي كوم حضر المنشأه لان الجو اليوم كلششششششش  خلو خلي نطلع سفرة بالطيارة  :-\الجديدة الي امبارة وصلتني وابشركم بعده بالباكيت  يعني ان شاء الله توصلنة تة لو على وجبات
تكساسي الاجايز يمك كوم حبيب انفض التراب وخلونة نتوكل على الله
ابو البيانو اخوية العزيز بشر ما خلصت السنفونية الجديدة وصدق اشو انت ماكو لا حس ولا خبر خير ان شالله
الاسد الجامح اخوية كافي فرران اشو صاير هواية تمر على اخوانة جماعة 5/9 شنو القصة 
اما انت توفي فلازم اليوم تحضر الاجتماع المغلق علمود توزيع صة الستروبري ونشوف شلون انحله لان صار ادفع بين الاخوان واكو كم واد جانة من غير جماعة 11/7 واستلم حصة 
والختام سلام لكل جماهيري الصابرة

فراولالالالالالالالالالالالالالالالالالالالالالالالاية بأنتضار الامنية سبع شهور ونص

[نخله عراقية]

هاي شنو والله انت قائد ورده .... توارد خواطر رائع بين القائد والجماهير  ... والله نفس الفكره عندي.....
اليوم الجو كلللللللللللللللش حلو ...مال واحد يطلع ....يالله خلي نفكر بالموضوع بجديه
شنو رايكم بحدائق الحسين ونجيب الغدا ويانا وحصيره ههههههه او اي شي نكعد علي...... الحدائق حلوة وحتى هم والاطفال يصيرلهم مجال يلعبون (طبعا انا مو بس علمودهم بس انا هم اريد العب وباهم ) ونجيب طوبه....يالله فكرو بجديه بالموضوع ...وكعدوا ياجماعه وينكم....وانا بالنسبة اللي راح اجيك الجو على الايام الجايه .....واكتبلكم....
نخله مشتاقه للجو العائلي والسفرات
عمان

[texasy]

والله ياريت ياريت نطلع سفرة وهي هم فرصة حلوة نتعارف على بعض علمود يصير الانتظار صورة وصوت وكتابة ههههههههه
يلة شد الهمة ابو طبر وسويلنا الترتيبات علمود نرووووووووح ونغني لقائدنا (ياقائدنا دوس دوس حتى نحصلك عروس) ووراها الداخلية تطلع السفرة من خشمك هعهعهع

تكساسي بانتظار سفرة الجماهيرية

[نخله عراقية]

هلو اخويه تكساسي.......شلونك ....كلش زين يعني مبدئيا اكو موافقه ...خلي نشوف الجماعه بلكي يجاوبونه ...
اهم شي الجو يكون حلو حتى الاطفال يلعبون على راحتهم ..بكره الجو مثل اليوم تقريبا ...هذا اللنك حتى نجيك الجو
http://www.worldtimeserver.com/weather_in_JO.aspx?forecastid=JOXX0002
نخله منتظره السفره
عمان

[الاسد الجامح]

هلو اخوان اشلونكم
بالنسبة للسفرة اني ما عندي مانع بس المشكلة بالشغل اني اشتغل بمطعم ودوامي كله مسائي
من 3 ال 12 باليل فعذروني اهواي
قائدنا الحبيب صدقني روحتي يم جماعة 5\12 هي بس مجرد رد زيارة لاخونا ابو علي

[ستروبري]

ادا هيج اخوية الاسد الامح ماكو مشكلة بس ياريت تجيبلنة شوية بخـــــــــــــــــــــــــــــــــــت وياك من عدهم  مرة لخ علمود نوزعة على الجماهير  الصابرة وينولهم من الحب جانب
وسلملنة هواية على ابو علي

فراولاية بأنتضار الامنية سبع شهور ونص

[ستروبري]

شوفو شجبتلكم اليوم وصلني هدا الايمل وبيت اشاركم بي
 إعلان هام جداً...

فقد وطن أخضر اللون يدعى وادي الرافدين. يرتدي مليون نخله وأهوار بحجم معاناته. عمره آلاف السنين. يتجول في أزقته الموت. كان ملاذاً للخائفين وأصبح خوفا للآمنين تزين أرصفته دماء الأطفال الأبرياء الذاهبين إلى المدارس ليتعلموا كيف تكتب كلمه وطن. فعلى من يعثر عليه أن يصلي من اجله... ويضمد جراحه اللهم احفظه وأهله الطيبين (آمين) ...

ملاحظات مهمة ...........!!!

تعرف ماهو الظلم؟؟؟؟؟

 عندك وطن وما تقدر تسكن بيه..........

تعرف ماهو الصعب؟؟؟؟؟

 عندك وطن و تريد تبنيه..........

تعرف ماهو القهر؟؟؟؟؟

 عندك وطن مجروح و تزيد الألم بيه..........

تعرف ماهو أكبر جرم؟؟؟؟؟

 عندك وطن و ما تعتني بيه..........

   

 عشقتك يا عراق مو بس علمود بيك ميزة --

بس علمود بيك اندفنت أرواح وهي على قلبي عزيزة..............


الله يرحم كل الميتين ويشفى كل المرضى ويعين كل شخص مضلوم ويصبر كل واحد تعبان ويفرجه على كل واحد ينتضر الامنية ويارب نسافر ونستقر بأسرع وقت


 

 

 

 

[نخله عراقية]

اهلا اخويه الاسد الجامح ..الله يساعدك ...بعد كلمن وظروفه والتزاماته طبعا...
قائدنا ستروبيري...شكرا على هاي الكلمات الرقيقه ....
انقهرت والله ..هاي ليش هشكل كلبتوها تراجيدي....مو جانت الدنيا ربيع والجو بديع ...
يالله الله يفرجها على العراق وعلينا وعلى كلمن ينتظر الفرج...
نخله عراقيه
عمان

[حبيب بغداد]

السلام عليكم جميعا اخواني واخواتي اعضاء الجماهيرية والبيت الثاني من بعد البيت الكبير  من بعد وطنة الغالي
 حبايبي مشتاقلكم نفر نفر     
   احب اشارك بموضوع الفرة على اعتبار هوة الموضوع المطروح حاليا  واللة الفكرة جدا جميلة وحلوة  واحنة بحاجة الهة من باب التعارف وتغيير   جو واترجاع الحياه العائلية الي مفتقديهة وخاصة الشباب

فياريت واللة     نسوي سفرة   لاي مكان  مثل عراق الامير   اي مكان ما بي ازدحام او حتة للبحر الميت

واي شي تحتاجو مني اني حاضر   اذا تحبون ااجرلكم سيارة كيا مثلا  اي شي  اني جاهز 

تحياتي للجميع اخوكم حبيب بغداد

[toofy]

افكاااار رهييبه   

اني من اشد المؤيدين...يلله خللي نشوف الباقيين شنو رئيهم
اطمئن ستروبيري ....ما انطي اي حصه بدون ما اشوف ظرف الاستلام ....
عاشت ايدك ستروبيري عالمقاله الرائعه
عيوني ابو سرمد انت حدد الوقت اللي يناسبك واحنه كلنا نرتب امورنا واذا ابو علي يحب يتفضل ويانه كل الهلا بيه وبجماعته 
حبيب بغداد شلونك؟؟؟؟هاي وين هالغيبه عبالنا سافرت!!!!!كيا متكفينا حبيبي لازم تاتا
بنت ولايتي انتي عليج جدر البرياني ....
تحياتي toofy

[نخله عراقية]

اهلا توفي اشرقت وانورت غالي والطلب رخيص .....
هلو اخويه حبيب بغداد....فدوه الله يخليكم لا تودونه مكان بعيد ..نريد مكان بنص عمان ...
نخله
عمان

[ابو طبر]

مساء الورد والياسمين على احله جماهير طيبين
هاي شنو اشوكت كعدتوا يمعودين اني البارحه دخلت اتكول رايح زياره لصحاب الكهف محد اكو الكل نايمه صار يومين بس الف حمد لله على سلامة الجميع نورتوووووووووونا   
بالنسبه للسفره اني من اشد المؤيدين لانه طاكه روحي  واختي نخله البحر الميت  يبعد ساعه تقريبا بالسياره يعني مو بعيد والجو اهناك يجنننننننننننننننن  يكون اكثر حراره من عمان ومكان حلو وبي عوائل كثيره  ومثل متعرفون احنه العراقيين اذا مو ويانه المنقله والفحم  واللحم ونشوي تكه وعلاك واهم شي طماطه شوي منرتاح  يالله اتوكلوا وخلي نطلع وعلى اعناد امووووووله الكشره     
اني اليوم رحت اخذت موعد تجديد ورقه التوطين من un  تعرفون صار مرتين اجدده وبنجاح ساحق وانطوني موعد تجديد  يوم الخميس الجاي ( اني الي اعرفه الموعد بعد شهر ليش صاير اسبوع  الله اعلم ) يمكن خلصوا العراقيين وكلهم سافروا بس اهل 11/7 الي نايمه عليهم طابوكه 
انشاء الله خير



اخوكم ابو طبر     
عمان ---- الدنيه ربيع والجو بديع

[abo abo]

السلام عليكم اخويه ابو طبر اذا ممكن سؤال شنو الورقه لتجدده البيضه لو الزرقه ليش هو البيضه مااخذوه منك من استلمت الزرقه اني الزرقه لح تخلص بعد اسبوعين يعني هم تجدد اني شاكر لك جزيل الشكر

اخوك ابو علي عمان

[ابو طبر]

وعليكم السلام ورحمة الله وبركاته
اخويه ابو علي لا ماخذوا الورقه البيضه ليش ياخذوه وهاي ثاني مره اجدده وعندي البطاقه الزركه
بالنسبه للبطاقه الزركه متجدد مره وحده تصدر بس الي يجدد الورقه البيضه كل ست شهور مو بس اني عندي الورقه البيضه والزركه اعرف كثير  نفس الشي
الورقه البيضه تثبت انته لاجئ والبطاقه الزركه موافقه الحكومه الاردنيه باللجوء  داخل الاردن وترفع عنك الغرامات



اخوكم : ابو طبر       
عمان

[ستروبري]

اني ما عندي البطاقة الزركة
اكول اشو انتو كلكم صايرن بس حجي وتسيس مثل الناس الي ابالي رح نطلع سفرة وخلي نطلع سفرة وماكو قبض بس ججججججججججججججججي ماكو فعل

حبيب بغداد اشلونك اغاتي هاي وينك واحنا ماكو ان شالة خير


فراولية بأنتضار القطف

[texasy]

شلونكم ياخواني الطيبين

هاي وينكم يمعودين طلعت الصبح ومحظر الغراض وانتظركم يم الجنبر اشو محد اجة شنو بطلتوا هههههه
على كولة القائد اشو ماكو فعل بس سوالف يمعودين خلي نسويها من صدك وخلي نستغل الجو هالاسبوع الجو يخبل كل الايام ....

تكساسي ... بطلت انتظر امولة هسة بانتظار السفرة

[abo abo]

الف شكر اخويه ابو طبر

اخويه اني من استلمت الورقه الزرقه اخذو الورقتين البيض مني ومن العائله كالو بعد متحتاجوها يعني بهيجي حاله اني ليش سحبوها شنو معلوماتك ويعني شنو مااروح اجدد الزرقه واني اكدت عل موظفه لسلمتنه الورقه الزرقه كلتلها ليش تسحبيها مني ومن العائله كالت بعد متحتاجها ابقه بس عل زرقه والله اخويه هذا الصار ويايا واني اشكرك اهوايه عل اهتمام والرد  والله يفرجه عليك وعلى كل جماعه 11-7

اخوك ابو علي عمان

[نخله عراقية]

اهلا اخي ابو علي ....والله حسب اللي صار وياي انه ورقة اليو ان لازم تبقى ...وانا اللي صار وياي انه كان تجديد ورقه اليون مالتي قبل استلام الكارت الازرق بيوم واحد...جددت الورقه ويوم ثاني استلمت الكارت ...واحتفظت بيهم اثنينهم ...ومن صار الكارت اكسباير خابرت حتى استفسر من عدهم محد جاوب فرحت لليو ان ...الحارس كلي ..اجيتي عالفاضي لانه حتى لوصار الكارت الازرق اكسباير احنه اهم شي عدنا ورقه اليو ان ؟
اما بالنسبه للسفره ياجماعه ...(طبعا هسه ابو طبر يصير عصبي عليه )بس والله الحدائق حلوه شبيهه..لو اي مكان قريب....يالله عفيه قرروا حتى نرتب امورنا ونطبخ ...باجر لو لا.....؟؟؟؟؟؟؟قرروا..ونحن بانتظاركم
نخله
عمان
 

[abo abo]

الف شكر اختي نخله عراقيه عل توضيح بارك الله فيكي


اخوكم ابو علي عمان

[ابو طبر]

مرحبا
اشلونكم اخواني واخواتي الاعزاء يارب اتكونوا بخير وصحه وعافيه
عيني نخله هي وين بقت اعصاب حته اصير عصبي هي اموله الورده بقت بينه اعصاب  الله لا يعطيه العافيه دمرتنه دماررررررررررررررررررر
بالنسبه للسفره راح اتصير قصته قصت عنتر 
وين متحبون  خلونه على رئي اختنه نخله لحدائق الحسين  شتكولون يوم الاثنين ساعه 11  الصبح نتشاوف بالحدائق    الي يوافق يكتب  اوافق   
والحاضر يعلم الغايب
اني اول واحد اكتب

موافق


اخوكم : ابو طبر       
عمان -- بنتظار الدولمه

[نخله عراقية]

هلو اخويه ابو طبر ادري انت ماتصير عصبي ...بس خليت احتمال انه اطلع حركه اموله بيه  ....ان شاء الله الجو يوم الاثنين يكون حلو .....
وانا هم موافقه ...myiraqهم موافقه ....ابو طبر جيب طوبه وياك
اخي ابو علي ...لا شكر على واجب...
نخله ...
عمان

[ستروبري]

مو        وافق    

[toofy]

I agree         
وابصم بالعشرة

[نخله عراقية]

صباح الخير والورد والياسمين .....شلونكم ياجماعه
اشو مختفين ...اخونا تكساسي ماثبت موافقته....كعدوا ياجماعه صدك جذب ..
نخله عراقيه
عمان

[نخله عراقية]

نتيجه للحروب الكثيره اللي مرينا بيها (طبعا هسه تكولون نخله شبيهه وين طايح الاريل اليوم )...القصد انه احنه قبل غيرنا لازم نستغل مناسبات الحب حتى نشيع المحبه والالفه والسعاده ...حب الوطن حب ماما وبابا  .....
الوطن باقي للابد ان شاء الله ..والله يخليلكم الاهل والاحبه والاولاد ولحياة سعيده وللافضل دائما ...
نخله عراقيه
عمان


Happy Valentine's Day

[ستروبري]

Happy Valentine's Day to alll



فراولاية بأنتضار الموافقات

[toofy]

ما ظل عيد ما احتفلنابيه واحنه ننتظر المحروسه تشرف   

[ستروبري]

ها بايب مو كتلكم انتو مثل اجماعة الي ابالي بس حجيييييييييييييييييي وينكم
شنو هل السفرة الرهيبة كلش تنوسنة بيه مو تونسنة اخوان وينكم اي لو لا فضوهة عاد

فراولية تعبت من كتابة بأنتضار الامنية

[نخله عراقية]

انا شخصيا جاهزه ...جبت الدجاج ونظفته ....وباجر من الصبح اطبخه ...وسلطه وببسي...
بس انتو مختفين ....وينكم......باجر لو شنو ...

[حبيب بغداد]

يابة السلام عليكم حبايب   اشلونكم 

ولو دا اتاخر عليكم بس تعرفون ملتهي باللغف

اخوان شنو الفلم شنو باجر نلتقي بالحدائق   

ادري غير نتفق شنو كلمن له
غير نحدد شلون نعرف الواحد الاخ لو شنو كلمن يكعد بوحدة  هههه   
لو شنو ناخذ الاب توب ويانة   ونسوي شات بالحدائق شلون باللة   ويسويهة الحض وماكو وايرلس   
ساعتهة  كل واحد يطلع سفرة وية نفسة   
اذا تحجون جديات خلي انشوف طريقة نتعرف بيهة  ونعرف بعض اقلها ولو هوة موضوع الحدايق شوية   تعبان احنة انريد انغير جو   يعني لو للبحر الميت اي   وناخذ طوبة ومنقلة والسوالف الباقية وتصير صدك سفرة خوما انروح للحدايق شنسوي نركب مراجيح لو شنو


تحياتي للجميع اخوكم حبيب بغداد

[JET]

صباح الخير:
اليوم حبيت ان ادخل الى جمعيتكم ولو انا متاخر جدا على الانضمام الها لكن الظروف هي الي اخرتني واتمنى ان تقبلوني بيها ولو انتو ملتهين بالسفرة حاليا بس حبيت اسال اكو اخبار جديدة لو لا؟؟؟
وشكراً

[toofy]

كل الهلا بيك اخويه JET نتشرف بانضمامك النا
اما عن الجديد.....لو اكو جديد ما كان شفتنا دنخطط لسفره بس شنسوي ما عدنا غير الصبر 
ويا ريت تذكرلنا بالضبط تفاصيل مقابلتك ومواعيد الفحص وانت عائله لو اعزب؟؟؟
وكل الهلا بيكمرة ثانيه نتمنى التواصل
اني افتتحت العاشره ...وفاتحة خير ان شاء الله عالجميع
تحياتي toofy

[ستروبري]

اويلي اويلي اويلي  العاششششششششششششششششششرة بعد وين رح نوصل
اخوان هليوم بمناسبة افتتاح الصفحة العاشرة رح اوزع باكيتات كلينس لان اعرف اليوم الكل رح يبجي  علينة 
اهلا وسهلا اخوية العزيز ولو انت جاي بالتوالي وراحت عليك الححصص الي توزعت بس ميهم يلة همزين لحكت على الكلينس انت املي الاستمارة الي دكرة الناءب توفي وكل الهلا بيك بين اخوتك وخواتك 
حبايب الولادة  هسة اكيد صارت قيصرية لان دخلنة بالعاشر بس هية خلي الاول نلكي امل علمود نجفص بطنهة ونطلعة بشرى مو دمرتنة
توفي ان شاللة يكون وجهك خير وتكون الصفحة الاخيرة وتبدي تهل علبة بشرى


ستروبري ما بيه حيل اكمل

[JET]

مساء الخير :
انا مقدم مع عائلتي ولدي طفلان :
                                          اول مقــــــــابله:20-4-2009
                                          ثاني مقــــــابله:21-4-2009
                                          محلــــــــــــفين 27-5-2009
                                          الفحــــــص الاول 9-6-2009
                                          الفحص الثاني 24-12-2009
                                       طبعا اني على عمان وننتظر الفرج كلنا سوا بكوستر واحد لو يبنجر بينه لو  يوصلناالى بر الامان
وشكراً

[JET]

مساء الخير:
شكرا الك اخ توفي وستروبري والسالفه ما يرادلها كلينكس بس منشفه من الحجم الكبير واحنا نشوف الوجبات الي ورانه دا تمشي والله يسهل عليهم الظاهر انه اصعب وجبه هي 11-7 وما اعرف ليش بحيث يوم اعادة الفحص ما شاء الله كانما احنا بيوم المحلفين تقريبا 80% من الي كانو معانا لاازالو ينتضرون والله يفرجها علينا وعليكم ان شاء الله ...
وشكراً

[الاسد الجامح]

السلام عليكم اخواني الطيبيين الصابريين ومن الانتظار ماليين و للسفرة مطالعيين
مرحبا اخوي جت لي وهلا بيك ويانا
اخوان فروجي دخل بالعاشر وميريد يطلع ترى راح ايصير طرشي

 

اضاهر فروجي خايف من ابو طبر والاسد الجامح والنوبة اجي جت لي اويلي يابا 

[حبيب بغداد]

السلام على جميع الاخوان والاخوات بالجماهيرية

اخيرا والحمد لله رب العالمين استلمت خط الرحلة اليوم   
وتاريخ السفر بأذن الله يوم 24/3/2010

اتمنى السفر القريب لجميع الاعضاء امين رب العالمين


اخوكم
حبيب بغداد

[ستروبري]

اللف مبرووووووك اخوية العزيز حبيب بغداد يارب تشوف كل الموفقية بحياتك الجاية وان شاء الله تكون فاتة خير على جماعتنة وتمشي الامور  وتكون انت السابقون ونن الاحقون ادعيلنة اخوية الله يفرجه على جماعتنة كلهم ونسد هدا الموضوع ونبدي بموضوع جديد يكون اسمة جماعة 11/7 في امريكا ان شاء الله
مبرررررررررررررررررررررروك مرة ثانية كلش فرحنه بهدا الخبر السعيد


فراولية بأنتضار الامنية

[نخله عراقية]

تعجز الكلمات عن التعبير بالحقيقه ....واخيراااااااا...الف مبروك اخويه حبيب بغداد انت معقدني طبعا بس ماتدري  لان من اتذكرك اتكأب بالزايد اكول انت طالعه الامنيه مالتك ولحد الان ماكو شي ....
الحمد لله والشكر ...انتم السابقون ونحن اللاحقون ان شاء الله .....بالتوفيق...
ها يابه اجتي امل لو لا ....حتى بعد لا تحجون عليها .
نخله
عمان

مبــــــــــــــــروك

[ستروبري]

العراقييون في الخارج ( نكتة )

 1- تشوفه ماشي من بعيد والسبحه بايده وعاكد ايده ليوره ويباوع عالمحلات مال
victoria secret
2- يروح للديسكو فاتح قميصه للنص مطلع شعر صدره عبالك حديقه الشعب املا ان تجي حاته بالغلط
3- الكل معلك خريطه العراق على صدره ومن تسأله البنيه انت منين يكوللهه ايطالي وامي اسبانيه بس احجي عربي
4- الشوارب تنجلط بنفس يوم الدخول للبلد الجديد تماشيا مع القوانين والاعراف الجديده
5- الكل يركص بس الشباب العراقي مسّطر عالبار بايده بطل بيره
6- عادي كلّش ان يسكر ببطلين بيره ويسوي عركه علمود واحد باوع بخلفته
7- أول سنه يوصل يتعرف عليك وكلشي تمام , ثاني سنه تلكاه ماشي بالشارع ويه وحده اجنبيه بكد الفيل بس من يشوفك ميسلم عليك
8- الوحيد اللي يتذمر بالمطاعم من كلشي علساس السيرفس بالعراق جان عالثانيه
9- ميستوعب فكره البخشيش ويعتبر نفسه انزوج اذا دفع
10- اذا وحده اجنبيه ضحكت وياه يعني حبته ويلزكلهه ويصيرلها مطي اما اذا عراقيه حجت وياه فهي مو خوش بنيه
11- اول ميحجي ويه جماعته بالعراق يكوم يهمبل ويفيك انه حايد نص بنات المنطقه وتلكاه يكرب الاسبوع كله حتى يطلّع صاحبته
2- اذا مشى ويه مرته بالمول تسمع حسها تعامل البياع من الباركينك مال السيارات
13- البنيه متجوز من العاده المزمنه ان تحط كحل عبالك دب الباندا والشفايف مخططه بقلم حمره غامق عبالك حفله هالوين
14- اذا البنيه تلبس بنطرون حصر لازم وياه بوت صيف شتا
15- التفياك بالاجنبي بين الاب وابنه بالشارع عادي كلش
16- كل شاب عراقي لازم عنده تجربه انو صاير زلمه وضارب صاحبته وصايحه عليه الشرطه
17- من الطبيعي جدا ان تشوف سياره سبورت بالصيف وحسام الرسام للسكف وبس تمر من مجموعه بنات تكلب اسباني
18- عادي جدا تكون انت سرسري وادبسز بعين نص البنات العراقيات الوياك بالمدينه وانت متدري ومتعرف ليش
19- اذا تشوفه لازم بوحده حضن وبوس بحديقه عامه ولابس بنطرون قماش وحذاء رياضه , اعرف الاخ من ذاك الصوب
20- لازم تمر البنيه العراقيه بمرحله صبغ الشعر اصفر وتطلع مخازي وتترزل وترجع لأصلها
21- بالحفلات العراقيه تنعرف الوجوه الجديده كاعده وساكته ومحترمه نفسها , ثاني سنه بنفس الحفله الردح للستّار يصير
22- العراقيات الوحيدات اللي يروحن للأعراس بتنوره او بنطرون جينز علساس بره غير العراق
23- كل العراقيين الجدد بره يحجون لو سوري لو فلسطيني ويه العرب مع بعض الفيكات بالاجنبي وخصوصا البنات
24- من الوارد جدا ان يجيك واحد بحفله عراقيه يكولّك لاتباوع على فلانه هاي بت خالتي وهيه وحده مالهه علاقه ضاربته بوري وهوه بعده مجلب. عادة هاي تصير ويه الجايين جدد
25- اذا صارت عركه ويه عراقي لازم الكل يجيت حتى لو الثاني غلطان وخصوصا في حضور الحاتات العراقيات
26- الكل يحجي عن الخير اللي جان عايش بيه قبل ميوصل هنا "شكو ذبحت روحك وجيت لعد"؟
27- اذا جنت مواليد الخارج او صارلك فتره بالخارج فانت كيكي بعين اللي جايين من العراق ومشايف ضيم
28- اول متسجل مدرسه لغات يتحول اسمك بقدره قادر من محمد ,جاسم, حيدر, عمر الى
Sam, Mike, Ben and Gino
29- اول متفوت محل تدور على بنطرون حصر وعريض من جوه لمن يكولولك هاي الفيكه مال جماعه سعدي الحلي تحول بنطرون عريض وبندانه وتشيرت طويل مكتوب عليه فشار وانت متعرف وزناجيل وسوارات عبالك تي باك
30- اول كلمه يتعلمها هيه الفشار وهوه اسمه ميعرف يكتبه
31- احصائيه 1 من كل 4 عراقيين طلعوا للخارج زرفوا وحطوا تراجي لفتره من الزمن
32- مع العلم انهو موده بنطرون ابوالكسرات انقرضت بس تظل معلم من معالم الشاب العراقي
33- مع تقنيات العلم الحديث والتطور الديصير لازم الحفافه تاخذ مكانهه بالموضوع , الشاب العراقي لازم ياخذ حواجبه , مو علمود شي بس تحت شعار " بقت على هاي" ؟
34- باعتبار انو الاخ بالخارج فكلش منظر مألوف ان بليلة نزوله من الطياره يطلع يتمشى بدشداشه تخيل واستلم مناظر خلابه
ويستمر على هالحاله الى ان واحد يكوله يمعود لباسك يبين عود يغير يصير يلبس شورت عليه فراشات وتشيرت بدون ردن وكاسكيته ونظارات شمسيه بالليل
35- اذا واحد عراقي انطاه نصيحه بالشارع يضوج ويتعارك اما اذا واحد اجنبي رزله على نفس السالفه فينجب ويحترم نفسه مثل الأرنب
36- اذا اجه شاب جديد عالبلد وتعرف على كومه بنات عراقيات وانتو شلة شباب صارلكم من عصر الجاهليه ومكدرتوا تحجون وياهن. ينحقد عالولد والا تكتلوا يالله ترتاحون
37- من جمله المظاهر ان تكون وحده بالجيم ولابسه طخم ذهب 21 ومتمكيجه وتركض على التريدمل وتزخ عرك , من الطبيعي جدا تكون عراقيه
38- بالنسبه للعراقيه بالنقطه 37 ممكن يجيها تلفون وهيه دتلعب رياضه وترد عليه وتكوم تعيط حتى رجلها المكرود ينتبه عالتمن وميحترك
39- اي عراقي جاي جديد تسأله من وين من بغداد يكولك المنصور
40- لمن الاخ يفوت محل ملابس لازم يفتهم بكل شي والاّ يقنع البايع انه بضاعته صينيه ولازم يرخصله وانه قبل جم يوم اشتره نفس الشغله من الاردن بربع السعر
41- اول شي يطلعه الشرطي من الجنطه مال العراقي الجديد جيس باميه يابسه .. محد يعرف سر رفض العراقيين فكرة انه اكو باميه بغير دول
42- تسأله شنو اول شي تريد تسويه بهالبلد؟
يكوللك اصادق وحده شكرة
43- العراقي من الاجنبيه تطبخله معلبات يظل ياكل ويكول اللللله عاشت ايدج بس من العراقيه تقضي يوم كامل تطبخ و تنفخ يمشي و يدردم هو هذا الاكل


مع خالص الأعتذار
 
 
 
 
 
 

[toofy]

الف الف مبرووووووووووووووك حبيب بغداد وان شاء الله فاتحة خير على كل الجماهير والقياده

[حبيب بغداد]

هاي شلة هههههههههههه 
مو علة اساس راح اروح لمريكا على كولة اخونة جعفر   ههههههههه  عاشت ايدك اخوية

اول شي السلام عليكم اخواني  حبايبي   بالجماهيرية
شاكركم تهانيكم ويوم انشاللة الي ننجمع سوة بامريكا امين رب العالمين

اخوية جعفر  اني شاكر لك دعواتك حبيبي ويوم الي الك يارب بعون اللة

اختي نخلة عراقية   وردة المنتدى وزهرة جماهيريتنة تسلمين عيني على مشاعرج الحلوة ويارب تتوفقين وتسافرين باقرب مما تتخيلي امين رب العالمين 

اخوية توفي  الوردة  يابة  اطلاقاتك النارية حسستني بساحة الاحتفالات    اخوية اني ممنون مشاعرك حبي وانشاللة بجاه الحبيب محمد انتة وكل اخواني بالجماهيرية تسافرون باقرب وقت يارب كولو امين 

ما ضاقت الا فرجت واللة ارحم الراحمين 

اخوكم     حبيب بغداد

[نخله عراقية]

اشكرك اخويه حبيب بغداد...بالتوفيق ان شاء الله....
نخله

[abo abo]

الف الف مبروك اخويه حبيب بغداد انشالله فرجت عليك يوم التفرج على كل جماعتكم وانشالله اخونه اسامه الاسد الجامح نسمع خبر سفره عن قريب وكل واحد ينتظر السفر الله يسهل امره واحنه وياكم انشالله بطياره وحده سفره ميسره وصول بيخر وسلامه اخويه

اخوكم ابو علي من جماعه 5-12 عمان

[ريم عبد]

هههههههههههههههههههههههههههههههه
هااااااااااااااااااااي    لييييييييييييييييييييييييييييييييييييييييييييييش


 
هيجي لعبتوني ادور على بيتكم ماكو
افتر بالشوارع يمعودين وينها جمعية السعاده محد ايدليني
عبالي شلتوااااااااااااااا
انقرضتوااااااااااااااااا
اتشمرتواااااااااااااا بالولاياااااااات
اثاري القائد المؤسس متنكر 

 

[ستروبري]

ريمو اني كلت عرفتيني من اول مرة لان محد غيري يصحيج ريمووووووووووووووووووو
بس بعدين كلت خلي اخليج تكتشفين بنفسج المفجأة ههههههههه
كل الهلا بيج اختي العزيزة نورتي وها اها حتة اسمي بدلتة بلكي رجلج الخضرة تصيبني وتصيب الجماهير ولو الشهادة لالة بس نويتي تزورينة طيرتي حبيب بغداد اللف مبروك علية
عزيزتي شدي حيلج علينة مباقي بينة هواية خلصينة وخلصي


فراولية بأنتضار حبيبتي الامنية   

[الاسد الجامح]

الف الف وملييييييييييييييييييييييييييييون مبرووك اخونا حبيب بغداد

[ابو طبر]

مساء الورد والياسمين على اهلنه الطيبين
الف الف الف مبروووووك اخونه حبيب ويارب اتكون سفره مريحه وتستقر  ربي يبشرك بالخير احنه كل مندخل صفحه جديده نسمع خبر مفرح وبعدين جيب ليل واخذ عتابه   
اني اليوم رحت لل un  وجددت الورقه البيضه لشهر  الثامن (منو يكول عايشين ) وتصلت بال iom  وكان الجواب نفس الشي  بعد الموافقه الامنيه مجايه (ساعه السوده ) سئلت الموضف اخويه احنه حمضنه  متكولي تاليه اشلون  جاوبني الموافقه الامنيه تحسب بعد المحلفين من 6 اشهر للسنه ( ياصبر ايووووب) 
اخواني اني صار اكثر من مره اتصل اشو متجاوبني الموظفه الاموره  يجاوبني رجال ليش صاير شي مو جنه نتفائل بصوت الصبايا ونكول ميخالف اكو امل  هسه كلشي ماكو   

كل الهلا بيك اخونهJET  نورتنا بس بلا زحمه عليك مر للجنبر يم النائب الثاني تكساسي  جوه جسر المشاة يم سيفوي واملي الاستماره  ( ادفع المقسوم ) انته هم استلمت الظرف 11/ 7  مثلته احنه المغظوب عليهم 

الف عافيه تكساسي اليوم راح يطلع الغده 

عيني نخله الف عافيه الدجاج  دذكرينه ولو بطاسه تشريب



اخوكم : ابو طبر       
عمان

[JET]

مساء الخير:
الف مبروك للاخ (حبيب بغداد )على السفر وان شاء الله تتوفق في سفرك وحياتك الجايه ...
شكرا للاخ ابو طبر بس ملينا من الاستمارات ههههههههه ...وان شاء الله الفرج قريب لان جاي الاحظ كل واحد مستلم الموافقه ومرت عليه مثل هاي الفترة سواء بوجبتنا اوالي قبلنا جاي يسافر فالنتيجه وحده سواء طالت ام قصرت الفتره وهي السفر ان شاء الله لان ماقصرنا بالصبر والله كريم...
وشكراً...

[ريم عبد]

اول شي اريد ابارك لاخويه العزيز حبيبنا وحبيب بغداد
وياربي دائما ادخللكم على البشاير والاخبار الحلوه
ولتضوجون تره مبقه شي ان شاء الله هالمره بعد متطول
واجا الربيع وراح نسمع احلى الاخبار يوم وره يوم
بس اني اكلكم مواعيد السفر شويه اتطول هسه بسبب الزخم
 بس انتوا ان شاء الله جاي سراكم
وراح اشوف بيكم يوم وان شاء الله متلحكون على الصفحه العاشره
بس لتحجون هوايه وخالين مواضيع الدردشه والطبخ كلها هنا
لعد ليش مسولكم قسم دردشه
خلوا مشاركاتكم قصيره حتى لتعبرون بسرعه
تره هاي اطول جمعيه

اي اخويه ستروبري
ادري شجاب الدولمه على المدري شنو
شلون جعفر ايصير ستروبري وجماله ترجمتها فراوليه 
اني اشوف هاي النظرات اعرفها وهاي الحجايات مالت جماعتي
زين اشو الاسم ليش مداذكره
واكول اني الحادث سوالي فقدان ذاكره
زين مو اني كل الدعوات الي دعيتها على جعفر هسه راحت حرامات
يبوووووووووووو راح نبدي من جديد
لازم ادخل اسمك مره لخ للديسك

[ستروبري]

ريمو اني مالي علاقة اسم جديد دعوة جديدة اني اريد الصافي اريد جلاق برجلج الخضرة 
وهمزين هسة عرفتي انو انتي مفاقدة الداكرة 
هاي مسألة تبديل الاسم مسألة تموية علمود الامنية تحي    بس مع الاسف مجابت نتيجة 
بس يلة هم سوينة شوية حركة ونيو لوك جديد 

فراولالالالالالالالالالالالالالالالالالالالالالية بأنتضار الحبيببة الحلوة ام عيون حراكة

[ريم عبد]

لا عيني ستروبري خخخخخخخخخخخخخخ
والله مراهمه اذا  ذاك الاسم الي مينكتب ولا ينلفض ايصير اسم الدلع فراوليه
لعد ريم شيدلعوهاااااااا عبدالموكود
على كل راح من عدنا هوايه وكت مستقطع بس ان شاء الله انعوضه هسه
وبس انطوها شووووووووووووووووووويه صبر بعد
 وفوكاها رشه خفيفه صبر وعطروها بنكهة الصبر
واتفالواااااااااا وهسه الخير جاي ان شاء الله
وبعد راح اتصير الامنيات بالكرك انشيل ونشمر
وياربي اتسهل عليهم كلهم وبشهر واحد حتى مالحك الم قواطي النساتل
وكولوااااااااااااااا اميييييييييييين

[نخله عراقية]

مرحبــــــــــــا شلونكم يا جماعه شخباركم ...مشتاقين
هلو ريمه ...الله لا يحرمنا من هاي الطله يارب ...ياقاهرة الارهاب الاسود ...big big hug   ...
هلو ابو طبر شلونك ...صدك جذب بس دجاج ادلل بس هي وينها السفره صدك صارت قصه عنتر  ...مثل ما تنبأت جنك تدري ...
سلامي للجماهير والقياده فردا فردا
نخله عراقيه
عمان

[ريم عبد]

حبيبتي نخلتنا ونخلة الجيران وكل نخله عراقيه مشتاااااااااقه كومه الكم
عبالك مضيعه بيتي اي والله فرييييي بيك هاااااااااااك
حبيبتي نخوله الارهاب الاسود مكدور عليه بس هاي جمعيتكم الي مداكدر عليهاااااااا
اي مدكولولي اذا سيكوتين هم عدنه طرق ازاله بس انتوا ازالتكم ابيش
بس لو اعرف هذا المستحضر الي يشلعكم
تالي دزيتولي صاروخ موجه بله اني لو رايحه بيها منو جان ايطلعكم منااااااا
خلي اروح اشوف خالتي ام محمود شدزتلي خرز من مصر بلكت هاي تنفع وياكم
ماكول شي غير اشووووووووووف فيكم يووووووووووووووم
اتركضون بالمطارات ومتلحكوووووووووون:o

[ستروبري]

ريمو خرز من مصر خرز من موزنبيق خرز مدري منين ما تتفيد انتي احسن شي روحي جيبلنة العرافة مالتج    ( الاستادة الي تلمدتي على ايده ) الي اكبر منج بلكي تجيب نتيجة ويانة وتنفض الشغلة

فرولية بأنتضار العرافة

[ابو طبر]

مساء الورد والياسمين على اهلنه الطيبين
شلونكم اخوتي واخواتي  في النضال 
عندي صديق استلم الضرف بيوم 5/12/2009  وعنده عائله حددوله موعد سفر يوم 2/3/2010  الف مبروك وشايف خير  انشاء الله يوم النه يارب
اخوتي شنو القصه اشو احنه يطبقون علينه  قانون انتظر من 6  اشهر الى سنه  حته تكمل الموافقه الامنيه  رحمه لهلكم ممكن اتفسرولي ليش هاي احنه هيج   

اخوكم : ابو طبر     
عمان --- معنويات مرررررررتفعه حييييل

[JET]

مساء الخير:
والله يا اخ ابو طبر ما نعرف السالفه شنو الوجبات الي بعدنا 5-9 .5-12 جاي يستعجلون باجراءات سفرهم وكل ما نتصل على المنظمه تكول انتظر 6اشهر الى سنه ليش ما اعرف مع العلم ان اجراءات الخاصه باغلب ملفاتنا في الولايات منتهيه ومن نتصل على الكفيل يكلك انه كل شي جاهز وباقي على حجز التذكره ما اعرف هل ان منظمه الهجرة جاي تقوم باجراءات جديده حتى تاخر الملفات عدها بعد وصول الامنيه ؟؟؟وليش؟؟؟وما اعرف اذا احد يعرف فد جهه نقدم شكوى الها حتى نعرف الي النا والي علينا واسف على الاطاله والله يفرجها
وشكراً....

[ستروبري]

اي والله اخواني صدك موضوعنة صار بلا ملح وطالت الشغلة والمشكلة ماكو احد يفهمنة شنو القصة هسة معقولة المجموعات البعدنة كلهم تيسفروهم بدون تجيك والله الواحد رح يتخبل لاو عود الانسان اهم شي
حسبي الله ونعم الوكيل بصراحة اني فد مرة واصلة عندي والله كلمى اشوف هل الاطفال كدامي صايرين يجون ويان نفسهم المساكين واني صار كم مرة احس قلبي يوجعني اموت من القهر المشكلة انو ماكو شي بيدنة نسوي
يارب لايأس من رحمتك
ماعدنة غير رب العالمين نطلب منة
والشكوة لغير الله مدلة

 

[alashoty10]

سلام الرب على جميع اعضاء الجمعيه الصابره 11-7


حبيت انقل لكم اخبار اول ايام الدورة التثقيفيه اليوم الاحد


عائله واحدة جماعه 11-7

5 عوائل جماعه 5-9

عائلتين مخضرمين ما عرفت يوم استلام الظرف

عائله واحدة جماعه 5-12

4 عوائل + 7 عزابي  لم يستلمو الظرف بعد موعد استلام الظرف 20-3-2010

مواعيد السفر

4 مواعيد سفر تاريخ الرحلات    ( 7   ابريل -2010  )



هذوله لي تعرفت عليهم لان العدد كان كبير


انا من جماعه استلام الظرف 5-9



                                                                             
                                                                           

                                              مع حبي واحترامـــــي
 
                                                 الاشــــــوتي 10
                                                                             
                                        اداري الاخبار الرياضيه . عنكاوة كوم


 

[IraqiFreedom]

أعزائي منتظري الموافقة الأمنية...على كولت جيري, هاو!!! أكيد الكل تعبانه من الأنتظار...اللي صارله أشهر ديغني نطرتك بالصيف نطرتك بالشتي واللي صارله اسبوعين ديكول سلملي عليه!!! وعلى العموم السمك في البحر بيعوم...أرجع واكللكم الموضوع مو قياس...أبو المنظمة من يكلك ما اعرف شكد تطول هيه مو حقارة بس هوه فعلا ميدري...الشغلة مو يمهم يم وزارة الخارجية وهاي الأجراءات سرية متطلع لأي شخص...أكو أسامي تمر بسرعة...أكو أسامي تتاخر, ليش؟ أني أكللكم ليش.

احيانا يصير تشابه أسماء...تدرون العراقيين عدهم خمس أسماء صارلهم مية سنة يسمون بيها...علي ومحمد ومصطفى وأحمد وحسين...أحيانا يصير تشابه أسماء...يصير تاخير.

مرات تصدف أنو يكون زخم بالفترة اللي يمر ملفك عى جهه معينة أو أكثر...يصير تأخير.

مرات سفرة معينة أو نشاط معين يثير شكوك الجهات الأمنية فيطلبون أجراء تحقيقات أكثر على الشخص المعني...يصير أيش؟ استفاد!

مرات يصير كل هذا لواحد بيبيته داعية عليه...فبالتالي يصير شنو؟ يصير اشتريلك قيثارة مستعملة واكعد.

وبعدين بالنسبة للأخوان المتزوجين لويش بس تذكرون الجوانب السلبية للقضية؟ على الأقل عدكم نسوان يطبخولكم يغسلولكم يسلوكم مو مثل جماعتنه العزاب كاعدين............. كاعدين

هذاك اليوم اتصلوا بيه المنظمة اني كلت أي وان جتي الحجية تالي طلعت كفتة طلعوا ناسين يوقعوني على ملف الفحص الطبي كلولي تعال وقع

المهم, اني ألي صديق موظف بالIOM  وهو مصدر معلوماتي يكول الموافقة يرادلها شهر شهرين بالحالة الطبيعية...وهاي كاعدين دك نت من الصبح لليل...وأعتقد هذا روتين أغلبية العزابيه أمثالي بعمان الحبيبة.

بالمناسبة, اني من جماعة 28 / 1 / 2010 محلفين. 8+10 / 1 / 2010 فحص طبي. 20 /3 / 2010 استلام الظرف...يعني بعد شهر يله أستلم الظرف شايفين السعادة!!!!!

أكو عندي مشروع توب سيكرت أنو أدبرلكم طريقة تكدرون من خلالها تشوفون سير المعاملة الأمنية ولأي مرحلة وصلت...بس شويه خلي يصفى دماغي...طبعا اذا تحقق هذا الشي معناته انجاز غير مسبوق للمنتدى يريحكم من عذاب التساؤل.

ونشوف تاليها شلون.

جاو

[ابو البيانو]

هاي شنـــــــــــــــــــــــــــــــــــــــووووو !!!!! داخلين عل عاشرة ؟؟؟

والله اني جنت حالف ما ادخل للمنتدى اذا ما اسمع خبر حلو ,
بس اشو ولا واحد اتذكرني ! عدا اخوية الاسد , شلونك عيني الاسد الجامح 
والله تطورات هواية صايره عندكم الحبيب راح يسافر بالسلامة توصل انشالله
و جعفر صاير فراولة شنو القصة ؟؟
 المهم اخوان هليوم خابروني علدورة التثقيفية 3 ايام احد ثنين ثلاثاء, الصبح 9 الا ربع,
حبيت اخبركم و اكول يوم الكم انشالله. عاد ما ادري الموافقة جاية لو لا 

[abo abo]

الف مبروك اخويه ابو البيانو على موعد الدوره التثقيفيه انشالله بيها ينطوك موعد السفر وترتاح من هل الانتظار الطويل اني اخوك ابو علي من جماعه 5-12 استلام الملف بس حبيت اباركلك واتمنالك الموفقيه وكل جماعه 11-7 لان هوايه طولو عليكم وانشالله الفرج قريب لكم ولنا وللجميع تقبل مروري

اخوك ابو علي عمان

[toofy]

الف الف الف مبرووووووووووووووووووووووووووووووك اخويه العزيز ابو البيانو وان شاء الله يبشروك بموعد سفر قريب ..بس انت تقصد الاحد الجاي؟؟؟......
اخوية العزيز متحتاج وصيه نريدك تكون مراسلنا هناك وجيبلنا اخر الاخبار
واذا على السؤال ...لو تعرف اني وستروبيري يوميه بسيرتك وبالنا يمك بس توقعنا سافرت وانشغلت بترتيب امورك هناك   



شكلها الصفحة العاشره راح تحمل اخبار حلوة للكل ان شاء الله لان اني افتتحتها
مشكور اخويه العزيز ابو علي عالدعوات وان شاء الله تفرج علينا وعليكم وعلى كل المنتظرين
تحياتي toofy

[ستروبري]

كللللللللللللللللللليش اللف مبروك اخوية ابو البيانو اللف اللف مبروك الك ولكل واد خابرو على الدورة ويوم الي يخابرونة
واله كلش فرحنه بهدة الاخبار الحلوة على الاقل رجعلنة الامل شوية
ريمووووووووووووووووو وين الجلاق مالتج بس سنتري اختي العزيزة

مبروك عليك اخوية ابو البيانو ويارب هاي الصفحة كله تبريكات واحد يبارك للاخ بأدن الله



فراولالالاية بأنتضار الامنية

[حبيب بغداد]

الف مبروك اخوية ابو الابيانو   انشاللة السفر القريب بعون اللة     حبي انتي اختفيت عبالنة سافرت لان حتة على الايميل ماكو المهم حبي الف الف مبروك بالموفقية انشاللة
   




تحياتي اخوك حبيب بغداد

[alashoty10]

اليوم الثاني من الدورة التثقيفيه

 موعدين سفر

التاريخ 19-4

 عائله جماعه 5-12
 
 عائله مخضرمه يمكن مستلمين الظرف شهر ثالث لو الخامس

[ابو طبر]

مساء الورد والرياحين على اهلنه الطيبين
الف الف الف مبروك اخويه ابو البيانو والله الاخبار الطيبه كامت اتهلللللللللللللللللللللل
ويارب يحددولك موعد سفر قريب وتخلص  وتستقر 
انشاء الله الكل يتصلون بيهم ونفظه عاد شنو لزكنه ويارب اتكون طياره وحده كوووووولوا امييييين
اخونه ابو البيانو اريد اوصيك وصيه  من اول يوم بالدوره اريدك تعزفلهم اللحن الحزين وتذكرهم بجماهيريه 11/7 وسمي اللحن (كي لا ننسى ) يمكن نسونه 
مره ثانيه اخونه الف مبروك


اخوكم : ابو طبر     
عمان

[الاسد الجامح]

مية هلا والف مرحبا   ومليون ترليوووووووووووووووووووووووون مبرووووووووووووووك
وان شاء الله السفر القريب


اخوي ابو البيانو غبت عنا صحيح بس رجعتلنا بخوش خبر
مرة ثانية مبروك وتستاهلها

وابو المثل ايكول لا توصي حريص

[ابو البيانو]

ول ول ول ول ,,,, والله خجلتوني على هل الترحيب الحار اخواني (الاسد, ابو طبر,حبيب بغداد, وقائدنا ستروبري, توفي, abo abo )
والله مثل ما كتلكم هواية جنت ظايج بحيث لا دخلت علمنتدى ولا عل ياهو ماسنجر, يعني معتكف  والحمد لله الاخبار الحلوة دائما تجي باوقات غير متوقعة, اخوان اني عندي احساس انه جماعتنة 11\7 الصفحة العاشرة راح تكون الخاتمة والاخيرة انشاء الله , كولو اميــــــــــــــــــــــن .

ياريت اللي عنده خبرة يكولي كم ساعة اتطول الدوره ؟ يعني يحتاج اودي اكل وياية ؟

[نخله عراقية]

مرحبــــــــــــا ياجماعه ان شاء الله دائما مجمعين على الافراح
الف الف الف مبروك اخي ابو البيانو والله فرحتنه وانت والاخوان المختفين بالذاكره والله  ...عموما خلصت ان شاء الله ...والله انا من اسمع خبر سعيد هنا معنوياتي جداااااا ترتفع وماقصرنا بالصبر واخرته خير وان شاء الله السفر القريب...
نخله عراقيه
عمان
الف مبــــــــــــروك

[حبيب بغداد]

السلام عليكم جميعا
اخوي ابو الابيانو ترة الدورة من العشرة تبلش لل2 ونص  وماكو داعي لا اكل ولا شي  هم ايجيبولك معجنات  وهم اكو فرصتين  يعني استراحة  وحدة ربع ساعة والثانية نص ساعة   واكو بيبسي واكو  همات نسكافيه  وصالة انترنت حبي وبالعكس كثير مريحة   وتتعرف على ناس يعني كانو رايح سفرة   وبالتوفيق انشاللة


اخوك حبيب بغداد   

[الاسد الجامح]

السلام عليكم اخوان
دزيتلهم ايميل يوم السبت بالليل كلت بلكت يخابروني ما خابرو
ودزيت الاحد والاثنين وهمين كلشي ماكو
وهسا راح ادزلهم

شنو السالفة ما ادري ليش ما كامو يردون على الايميلات
ان شاء الله خير

[ابو البيانو]

شكرا اختي نخلة و انشالله كلنا نخلص و الله يفرجهة علينة,
اخوية الاسد خابرهم على هذا الرقم انشاللة تحصلهم
065625080

اني هليوم خابرت و حصلت من اول دكة 

[الاسد الجامح]

مشكور حبيبي ابو البيانو
خابرتهم على القم الي انطيتني اياه
بعدها بالتشييك الطركاعة   

 

[ابو البيانو]

الله كريم اخوية , والله هي بين لحضة و لحضة الفرج !!

[ستروبري]

نكات
كردي اشترى لأمه عصفورين واحد بس يغرد والثاني ساکت گلتله هذا ليش ساکت گلها هذا الملحن
واحد اهلة علمو الادب والاحترام .... كام يدك باب الثلاجة قبل ما يفتحها
احد عنده سرطان كال لابنه ادا متت كول للناس ابويه جان عنده ايدز علمود امك محد يتزوجها
غبي جيرانه أجنبي شافه الصبح شال ايدة وكاله : كود مورننك .. جاوبه الغبي مورننك كود سألته زوجته شنو كتله ... كال هو كلي السلام عليكم واني كتله وعليكم السلام ..!!
شو الفرق بين الفنانة صباح وحزب الله في لبنان؟ صباح مساوية عمليات أكتر
أكو واحد محشش كال لصاحبه شلون صحتك؟كاله..انت مصحتني اني جيت
كردي كاعد من النوم كال حلمت فات برجلي بسمار كاله صديقة صوجك ليش تنام حافي
كردي سأل هندي كله:كاكا انتو شتسوون بالميت؟كلله:كاكا احنا نحركه . و انتو؟كله كاكا احنا ندفنه و ربك يحركه
أكو واحد محشش سئلو سيطره وهميه انت شسمك؟ كللهم عمر ويدلعوني علاوي
محشش سئلوه ماهو سبب عدم زرع التين بالارجنتين ؟ اجاب قائلا : لانها من الدول اللا – تينية
مجانين أثنين منهم يدكون و يركصون والثالث كاعد هادئ فتوقع الدكتور ان الثالث صار زين فسأله ليش مدتركص وياهم؟؟فأبتسم و كال : لا مو اني العروسة
فد تلميذ معلمته كالت له اذا تحسب من الواحد للعشره ابوسك ... قال الهة واذا احسب للميه تطلعين ويايه؟؟؟؟
اثنين محششين يباوعون على الضوه مال الشارع واحد يكول هذا كمر والثاني يكول هاي شمس مر من يمهم دليمي سالوه هذه شمس لو كمر كال والله اني مو من هذه المنطقه
دليمي فتح مطعم بالصين سماه فوتو موتو
مرية ورجال ماعدهم شعر ازوجو اجالهم ولد عندة شعرايتين سموه ابو كفشة
تبدأ بحرف العين تزرع في يوم واحد وتنبت في يوم واحد وتقطف في يوم واحد فما هي ؟!! الجواب ....... عبوة ناسفة
فد مرة صيني وعراقي واحد يتحدى الثاني بالانجازات والحضارة الصيني يكول للعراق ي احنه عدنه سور الصين العظيم العراقي جاوبه احنه عدنه سرة البنزين العظيم
واحد لوتي سألوه: امك حيه؟؟ گال لا عگربه گالوله: لأ.. يعني هيه عايشه؟؟ گال: لا خديجه گالوله: قصدنا عدله؟؟ گال: لعد قابل عوجه
دليمية وگعت بالدرج.. إنفصخت رجلهه.. انطاهه الطبيب مرهم، گللهه حطيه على مكان الوگعه.... راحت حطته عالدرج ........
وحده شافت زوجها يقرأ كتاب (الرجل سيد المنزل) قالتله اشكد اتحب القصص الخيالية
وحدة عصبية كالت لزوجها: ياريت ماخذة ابليس ولا ماخذتك جاوبه الزوج: لاعيني ميصير الاخ ياخذ اخته
,احد گل لصاحبة ماظلت وحدة بنفسي من البنات ماخلليتهه تركض ورايه گلله صاحبه شچنت تسويلهن؟ گلله أبوك جنطهن
واحد ناصرية يبجي على صديقه وهو ميت سألوه ليش؟ قال سمعت البكاء يعذب الميت
حكمة اليوم: لاتلبس ماوي ترة الوضع عاوي
مرة دليمي سجل اختة بمن سيربح المليون :حتى يشوفهة تتصل بيا صديق
احتفظ دائما بصورة زوجتك في محفظتك وكل ما مريت بمصيبه طلعها واتمعن بيها حتى تتذكر عندك مصيبه اكبر من كل المصايب
دليمي عزم كردي كلله: كاكا اني اليوم عازمك على دليمية.. كلله الكردي: كاكا تسلم.. اني ما يدور بنات
 

[ريم عبد]

ههههههههههههههههههههههههه
حلووووووووووووووه فراوله فراوييييييله
اشو اليوم نفسكم مفتوحه واكو تبريكات خير ان شاء الله

الف الف مبرووووووووووك اخونا البيانو وياربي موعد سفر قريب بأذن الله

وياربي كبل متنطفي الصعادات مالتكم ان شاء الله كلكم اتجيبونا بشاير حلوه

[ابو البيانو]

شكرا اختي ريم
انشاءالله اجمعين، نروح و تصير سوالف.

[ابو طبر]

صباح الورد والياسمين على كل العراقيين الطيبين
اشلونكم اخوني واخواتي هاي شنو شو سكته يالفته والله امبين المنخقظ هذا مفعوله قوي الكل داخله سبات انشاء الله تطلع الشموسه ويروح البرد وجع المفاصل وتجي اموله ونسافر وناكل موطه من امريكا ونشوف الدب الامريكي والزرافه والفيل  وكلشي وكلاشي 
عيوني اريد اسئلكم اشو انتوا هم كاعدين بالبيوت وماكو طلعه تره اني صارلي يومين باب العماره مشايفه انزل يم الحارس عبدو المصري اشرب شاي وادخن وبعدين اصعد  بحجه الجو بارد والصراحه كتلني الملل 
يمعودين احجواااااااااااااااااااااااااااااااااااااااااا


اخوكم : ابو طبر       
عمان -- ولازك بعمان

[نخله عراقية]

مرحبا.... هلو اخوية ابو طبر شلونك.... والله ومن سمعك احنا نفس جدولك بس الفرق مانشرب شاي و جكاير يم عبدو المصري ....

نخلتكم الي تعبت من الوكفة ..... عمان

[الاسد الجامح]

السلام عليكم  جميعا
كان بودي ان اكتب اخبار جديدة لاكن مع الاسف كلشي ماكو
بلكت اخونا ابو البيانو ايفرحنا باخبار جديدة

[ستروبري]

لا خبر لا خبر لا جفية لا امض حلو ولا شربت
ننتضر اخونة ابو البيانو يوافينا بأخر الاخبار وان شاء الله تكون اخبارة مفرحة

[toofy]

شلونكم جماهير...اخويه العزيز ابو البيانو ...ننتظر تقريرك المفصل عن الدورة التثقيفيه
بشرنا ان شاء الله حددولك موعد سفر قريب وتفرح جماعتك وترجعلنا الامل بالحياة
تحياتي toofy

[ابو البيانو]

اسف اخوان شوية تاخرت عليكم !!!

المهم الدورة كلش حلوة , و اكو تقريبا 5 عوائل من جماعة 11\7 و من ضمنهم (تايتانك)  
طبعا مجموعتنا بالدورة موافقاتنا جاية وباقية بس الختم , و كالت الاف الموافقات جاية انشالله مالاتكم من ضمنهة اخوان.

و مواعيد سفر هم ماكو اليوم!

و تايتانك تسلم عليكم هواية .

و اي سوال اني جاهز

[abo abo]

السلام عليكم اخويه ابو البيانو الف مبروك على اكمال اول يوم بل الدوره التثقيفه وانشالله ينطوك موعد السفر بهل يومين
اخويه سؤال اذا امكن اكو ناس من جماعه 5-12 واكو مواعيد سفر نطوها اليوم بل الدروه اني شاكر لك جزيل الشكر   اخوكم ابو علي عمان

[ابو البيانو]

اي اخوية ابو ابو اكو بس واحد من حماعة 5\12 بس الموافقة مجاية , 

[toofy]

مشكوووور ابو البيانو على رفع المعنويات ...ان شاء الله يحددولك موعد سفر خلال اليومين الجايه 

[abo abo]

مشكور اخويه ابو البيانو عل الرد الله يبارك بيك ويسهل امرك

اخوك ابو علي عمان

[ابو طبر]

مساء الورد والياسمين على كل الطيبين
بشرك الله بالخير اخونه ابو البيانو على هاي الاخبار الحللللللوه يعني هم كلولك اكو الاف الموافقات جايه  افيييييييييش هسه ارتاح قلبي عيني شدعيلك روح وربي يسهل امرك
عيني ابو البيانو لتنسانه بالاخبار اول باول
يارب نسمع رنه وتكون ام الهلهووووووووووووووله


اخوكم : ابو طبر     
عمان ---- بنتظار هلهوله

[ستروبري]

مشكور اخوية ابو البيانو واللف مبروك عليك وعلى تايتنك تستاهلون كل الخير ويارب تبشرونة بموعد سفركم عن قريب

فراولاية بأنتضار وحدة من الاف

[الاسد الجامح]

اخونا ابو البيانو     الله يبشرك بالخير

اعزف اعزف اخوي العزيز اريد اخبار بعد بعد     عليهم

 

[ساندى بيل]

الووووووووووووووووووووووووووووووووووووو
 السلام عليكم
 اخوان انى كلش مشتاق بس انتو تعرفون الظروف والله حتى الدوره التثقيفيه مفرحان بيهلان انى نفسيتى كلش تعبانه المهم اخوان احنا اليوم ثانى ايام الدروه التثقيفيه والحمد لله تعرفون اكو شغله حتى هيه ام الدوره التثقيفيه كالت ترا الجماعه ما ينطوكم نشده المهم احنا سالنا وكان هذا الجواب بلنسبه لجماعه 11/7 الامور تبشر بخير  وبلمناسبه ترا ختم الملف اهنا مو يروح لامريكا اهنا بلاردن اما بلنسبه النا كالت فقط على ختم الملف وتقريبا يطول من شهرين الى ثلاثه هذا كلام المس
اخوكم تايتنك

[ابو البيانو]

ها ها ها والله ضحكتني يا الاسد  
اخوية القائد انشالله نسمع اخبار حلوة لكل جماعتنة  (ها ها ها وحدة من الالاف), اعرف انت اشكد ضايج بس الرب مراح ينسي اي احد.
شكرا ابو طبر لا ياس مع الحياة,
توفي حبيبي انت بس شيل الجادر من الطيارة و وديه للغسل والتشحيم و شوف اشلون اخبار راح نسمع  

[ستروبري]

توفي توفي توفي دكوم عيوني هسة وكت نوم دكوم عاد خلي نسمع كلام ابو البيانو ونضبط الطياة بس اكولك تكساسي وينة اشو مختفي بس لا ماخد الطياة وفالت بيه

فاولاية بأنتضار وحدة من الاف

[نخله عراقية]

صبــــــــــــــــاح الورد والفل والياسمين على عيونكم ياورود ...ماعندي شي جديد بس اجتلي حاله الفرح المفاجئه ... ....الله كريم ان شاء الله تفرج عالجميع .
ياجماعه ادري تعبانيين والدنيا طالعه من عيونه وقد نكون محبطين ...بس ترى العراق عزيز مو هشكل ...وكلكم خير وبركه ...ياجماعه ادري ماكو احد نزيه 100%...بس الانتخاب هو طريقنا لصنع الحياة والمشاركه بتشكيل صوره العراق المستقبليه ..ادري يراد وكت والله ادري ..بس لازم نبدي ...واذا ماعاجبنا الوضع فهذا سبب ادعى انه منضيع اصواتنا ...روحوا انتخبو اللي تردونه حتى لو العفاريت الزرك المهم مانبقى اغلبيه صامته ..ولازم نحجي خصوصا انتم مثقفين وطالعين وشايفين شلون الناس عايشه فلازم يكون النا دور...
ان شاء الله كلامي ميكون ثقيل عليكم ...انا هواااااي احبكم والله ودائما افتح قلبي الكم ...وحبيت اشاركم بهذا الشي اليوم ...يارب تفرج عليكم وعلى الجميع
نخله عراقيه
عمان..........

[نخله عراقية]

ياجماعه ياجماعه ...قبل شوي اتصلوا بيه على دوره تثقيفيه باجر والخميس والاحد ...
توفي عيني انا تلفوني انكسر وجاي استخدم تلفون myiraq والارقام كلها راحت ولهذا ماكدرت اتصل ..وشكرا على الارشادات عن كيفية وضع الصورة ....
انا فرحانه ..بس بصراحه ماريد افرح هواي اخاف هم ورانا جوله ثانيه ....يارب تفرج عالجميع...
نخله عراقيه
عمان

[الاسد الجامح]

هلا والله بدت البشاير تهل
الف مليون ترليون مبرووووووووووووووك
جبناها واجت ويانا

نخلة عيني تستاهلين  ويوم تحديد السفر ان شاء الله

[ستروبري]

اللف اللف اللف مبرررررررررررررروك ويوم للباقين ان شاء الله
توفي صدق وجهك خير يارب الكل تفرح وتكون هاي نهاية المعانات   

[JET]

مساء الخير :
الف الف الف مبروك وان شاء الله يوم سفرج وتفرج على هاي الجمعيه الي لازم نعزلها لان طولت هواي وان شاء الله تتيسر امور باقي اعضاء الجمعيه .

[toofy]

الف الف مبروووووووووووووك نخلة وفسيلة الجماهيريه....يا رب يحددولكم موعد سفر قريب وكل الجماهير والقيادة وراكم
يا رب تكون الصفحه العاشره كلها تبريكات وتهاني للكل وتكون اخر صفحه النا من عمان
اليوم طلعتها للطياره من جوه الجادر ابشرو يا حبايب 
تحياتي toofy

[toofy]

اخواني واحبابي ............قبل اقل من ربع ساعه اتصلو بيه وبلغوني ان موعد الدورة التثقيفيه لي هو غدا صباحا مع بنات ولايتي العزيزات
اتمنى للكل ان يتصلون بيهم باقرب وقت...احبابي فروجي ابن امل اجه

تحياتي toofy

[نخله عراقية]

اشكركم جداااااااااااااا...والله انتم عزاز عليه واهلي وناسي ...ماعرف شنو اقول بس يارب تفرج عليكم عاجلا غير اجل يارب....
شكرا اخويه ابو سرمد
شكرا قائدنا الورده
شكرا اخويه العزيز JET...
شكرا توفي الورده ....
يوم الكم وللجميع يارب
نخله عراقيه
عمان ...

[ستروبري]

مبرووووووووووووووووووو توفي ناءبي الاول وان شاء الله يوم الكل الباقين ومنظمنهم اني يارب يخابونة انا الباقين وكلنة نطلع من هاي الجمعية الطططططططططططططططططططططططططططويلة كلش ونسد الباب مالها ونشمعهة بالشمع الاحمر
ان شاء الله يخابرونة احنا الباقين بأقب وقت

فرولاية بأنتضار  دكة الموبايل   

[نخله عراقية]

الف الف الف مبروك

[حبيب بغداد]

السلام عليكم حبايب قلبي اعضاء جماهيريتنة الموقرة


اول شي احب ابارك لاختي العزيزة نخلة على الدورة التثقيفية   ويارب موعد سفر قريب جدا بأذن الله

وابارك لاخوية توفي واكلة الف مبروك  اخوية موفق انشاللة ويارب سفر قريب بعون اللة عز وجل كولو امين 

وانشاللة يارب ما تخلص هذه الصفحة الة الكل مسافر بعون اللة   

اخوكم حبيب بغداد

[IraqiFreedom]

شلونكم شباب ومبروك للأخت نخلة عراقية...اني هم نفس الشي اليوم اتصلوا بيه المنظمة وكلولي عالدورة...فلحد يفقد الأمل

تحياتي للجميع.

[texasy]

قبل مااكول مرحبا وشلونكم اكللكم مبروووووووووووووووووووووووووووووووووووووووووووووووووووووووك على هاي الاخبار الحلوة واللي تبعث الروح والامل بجماهيريتنا الصامدة البطلة
طبعا صارلي فترة ماكو لسببين الاول بعت اللابتوب مالتي لان ضوجني ولهسة بعدني مشتريت واحد والسبب الثاني انه ماكو خبر جديد افرحكم بيه
اخوية العزيز توفي الف ترليون تزليون توفليون مبروك على هالخبر وان شاء الله موعد سفر باقرب وقت بس مو تاخذ الطيارة وتديحنا تاليهة شلون نروح ركض ؟؟
اختي العزيزة نخلــــــــــــــــــة عراقية الف مبروووووووووووووووووك ينرادلها كليجة  ويوم السفر القريب ان شاء الله ورح تكعدين واخيرا ورة هالوكفة الطويلة هههههههه
الف مبروك عزيزي ابو البيانو وان شاء الله موعد سفر قريب
انتوا ميحتاج نوصيكم تجيبولنا اخر الاخبار وتشتغلون مراسلين بارت تايم هههههه
قائدنا المفدى فراولاية (هاي شنو ترة مترهم قائدنا وجماهيرية طويلة عريضة ومنتظرة صارلهة كومة والها هيبتها وقائدها اسمه فراولاية هههههههه) بس والله اسم خير عالجميع ان شاء الله .. انت تكول يجوز تكساسي ماخذ الطيارة وطالع فرة بس الحجي بيناتنا الطيارة مزرفة ومزنجرة لتكلة لتوفي هعهعهع
ابو طبر خويي شلونك ان شاء الله بخير يلة حد الطبر مبقة شي علمود تكصلنا الحبل السري مال فروجي
سلامي للاسد الجامح اخونا وعزيزنا وتحية للاخ الجديد jet وانت جيت وجتي وياك الاخبار الحلوة .. ومبروك للاخ iraqifreedom وان شاء الله كلكم تشبعون معلومات ومعجنات وبيبسي بالدورة هههههههه

سيدي القائد اذا ماكو دورة قريبة لتنسى تزيدلي الراتب والحصة لان عيني على منصب توفي ورة ميسافر هههههه

سلامي لكل من يسال عني ... والى اخبار مفرحة بأذنه تعالى

تكساسي من عمان بانتظار الامل

[ريم عبد]

لالالالالالالالالالالالالالالالالا ممعقووووووووله
واخيييييييييرا هلت البشااااااااير على هاي الجمعيه
وماشاء الله مثل مكتلكم الافراح راح اتصير بالجمله
حبيبتي نخلتنا الحلوه وفسيلتهاااااااااا
اخونا الغااالي توفيييييييي
عزيزنا حرية العراق
ياربي ان شاء الله متلحكون اتخلصون الدوره تجيكم اخبار السفر
وان شاء الله بعد ميلحك اينام الملف وكبل على الطياره
وبعد راح اخصص دعواتي لاخونا القائد المؤسس
بقه التركيز عليك ان شاء الله
هالمره نسمع منك احلى البشاير
كولو اميييييييين[/center]

[abo abo]

الف الف مبروك عليكم اخوتي وخواتي فرجت انشالله عليكم وصبركم الله عوضه خير وانشالله يوم الاخونه الاسد الجامح ونسمع اخباره المفرحه عن قريب وتسدون هاي الجمعيه عن قريب ومواعيد السفر كلكم انشالله عن قريب توصلكم

اخوكم ابو علي عمان جماعه 5-12

[ابو البيانو]

مبروك اختي نخلة انشالله الامور سهلة الى يوم السفر

ها يابة توفي !! اشكتلك !! مو كتلك شيل الجادر مال الطيارة  

يلله قائدنة هسة الدور عليك و على الاسد انشالله  

[ابو طبر]

مساء الورد والياسمين على احله جماهير حلوين وطيبين
الف الف الف الف الف الف الف الف الف الف مبووووووووووووووووووووووووووك لاخنته نخله واخونه توفي يارب تحديد موعد السفر عن قرييييييييب  والله فرحت من كل قلبي صدك هاي الصفحه خييييير ربي يبشركم بالخير  اخبار كلششششششششش حلوه انشاء الله للجميع  
اخويه تكساسي الورد ميحتاج احد الطبر واكطع الحبل السري مال فروجي بس خلي يجي لا اكطع الحبل بسنوووووووني
يالله يالله يالله اخواني واخواتي كل واحد يحضر الجوال ويخلي على الشحن يارب نسمه هلهوله  ونخلص
آآآآآآآمين



اخوكم : ابو طبر    
عمان

[الاسد الجامح]

مبروووووووووووووووووووووووووووووووك
مبروووووووووووووووووووووووووووووووووك
مبروووووووووووووووووووووووووو


يا وردة يا سكر  الف مبروك اخونا     توفي

تستاهل وان شاء الله موعد السفر قريب

[نخله عراقية]

والله ماعرف شنو اقول ...انا سعيده جدا بيكم وبمشاعركم هوااااي
اشكرك اخويه تكساسي ..مشتاقين هاي وين هالغيبة ..يوم الك يارب
iraqifreedom شكرا اخي على التهاني والله يسهل عليك وعلى الجميع
اخويه حبيب بغداد اشكرك على الامنيات ..والله انتو اهلنا هنا بالغربه
اشكرك اخي ابو البيانو شكر جزيل للجميع ان شاء الله...
اشكرك اخويه ابو ابو على مرورك الكريم والله يسهل عالجميع ...
ابووووووو طبر ..يوم الك ياااااارب ...بس هم بعدني مصره عالسفره 
وختامها مسك ...يااحلى ريمه ...اشكرج ياورده يارب يخليج ويحفظج وينطيج الصحه والعافيه ...
اختكم دائما  نخله عراقيه
عمان

[toofy]

اشكركم حبايبي عالتبريكات...وان شاء الله كل البقيه يتصلون بيكم باقرب وقت
قائدنا المفدى فراولايه...تغيير اسمك اللي فك الجبسه عن الجماهير ويتصلون بيك عالاحد ان شاء الله ونسافر بطيارتك الحلوة وبقيادتي سوى لان ما اكدر افاركك 
النائب الثاني تكساسي..حبيبي بعدني ما طرت حطيت عينك على الكرسي مالتي ان شاء الله نوصل سوى ونعوف الكراسي كلها هنا بعمان 
ابو طبر الورده....صدكني متكمل الفرحه اذا مو الكل تتبشر بمواعيد سفر لان صرنا مثل الاهل 10 اشهر انتظار سوى ايد بايد وقلب على قلب
حبيب بغداد....مشكووور عالتهاني وتوصل بالف سلامه ان شاء الله
ابو البيانو حبيبي بشرني ما حددولك موعد سفر؟؟انت اللي  تفاولتلنا بالخير الله يسهل امرك يا رب
ابو سرمد ...اسدنا الجامح يوم الالك...ولكل احبابك جماعة 5\12
ريم وردتنا ام رجل الخضره...قريت موضوعج بخصوص كفيل بسياتل تمنيت لو اطير باسرع وقت حتى اكدر اكفلج....مشكوره عالتهاني ويوم اللي نفرح بموعد سفرج ان شاء الله
بنت ولايتي نخله...نلتقي باجر ونتفق منو يصير مراسل الدوره التثقيفيه للجماهير
ابو علي aboabo اخويه الغالي ان شاء الله نباركلك عن قريب لان انت تستاهل كل خير
iraqifreedom...نتشرف بمعرفتك غدا والف مبروك
اخوان عندي احساس انه الجبسه انفكت من على هالجمعيه بعد سفر اللي ببالي قبل ايام وان شاء الله وصل بالف سلامه... اكيد عرفتو منو
تحياتي toofy

[azxs]

السلام عليكم اخوان ...
اهنئ كل اللي اتصلوا بيهم ع الدورات (نخله وتوفي وعراق فريدم )الله يفتحها عليكم وعلينا والله اليوم رجعتولنا الامل بعد ان اخذ منا اليأس مأخذة .... يوم للكل ان شاء الله ...ننتظر على احر من الجمر تفاصيل الدورات ....
تقبلوا مروري.
azxs
جماعه11|7 المناظلة

[ابو البيانو]

طبعا خلصنا الدورة و لا تغيير على الملف ! كالت انتظروا تلفون منهم .

و اخر يوم وزعوا 6 دنانير لكل واحد بدل تكسي , يعني كل يوم 2 دينار , و اذا غبت يوم ينقص دينارين.

و اللي بيتهم خارج عمان ياخذ 5 دنانير لكل يوم ! يعني 15 دينار لثلاث ايام دورة 

[الاسد الجامح]

ابو البيانو الوردة شكرا على المعلومات
توفي ونخلة عيني انريد تفاصيل مملة يعني من لمن كعدتو من النوم الى ان رجعتو
 

اخوي العزيز  IraqiFreedom اني اسف ما قريت انه انت همين دورة تثقيفية

الف الف الف مبروووووووووووووووووووووووووووووووك وان شاء الله السفر القريب 

[azxs]

عيني ابو البيانو بالعافيه عليك ال 6 دنانير
بس ما كلتلنا نطوك موعد سفر ؟؟؟الك او للموجودين وياك بالدوره ؟؟؟؟ولو اني نسيت بس انت طالعه موافقتك لو لا؟ مع الشكر مقدما

[toofy]

مساء الخير والعافيه على جماهيرنا المناضلين الصابرين 
مثل متعرفون اليوم كان اول يوم بالدورة التثقيفيه....راح احاول  اكتب اهم المعلومات اللي عرفتها من خلالها لكن عذروني يا اخوان لان الاحصائيات ما راح تكون دقيقة جدا لعدة اسباب اهمها ان العدد كان كبير والمفروض نقسم الى ثلاث قاعات لكن لغياب احدى المحاضرات قسم العدد على قاعتين فكانت القاعتين مزدحمه...
بالبدايه صار تعارف ...ثم جمع الاسئلة ...ثم معلومات عامه عن امريكا وتاريخها والمناخ والولايات الخ..معلومات معظمنا مشتركي هذا المنتدى الرائع نعرفها خصوصا اللي صارلهم 10 اشهر ينتظرون 
بعد البريك كان الشرح حول الحقائب وابعادها وما يمكن اخذه وما لا يمكن ...والخطوات التي تلي تحديد خط الرحله ومعلومات اخرى عامه
بعد الغداء ..عرض فلم عن اللاجئين في امريكا وعن دور المنظمه والوثائق اللي راح يستلمها وفائدة كل وحده...معلومات حلوة
اما عن الاشخاص الموجودين بالدوره....فالاحصائيات الاوليه اللي جمعتها انه كان اكو كم كيس من جماعة 11\7 من ضمنهم اني واختنا نخله  وكيسين من 4\7 وكيس من 2008 اما البقيه واللي هو الغالبيه العظمى من جماعة 5\12 وعدد كبير من جماعة اللي ما مستلمين المغلف الى هسه :oموعد استلامهم 20\3
هذه اهم اخباري باليوم الاول واعذروني اخوان من التقصير
واي سؤال اني حاضر 
علما بان باجر هو ثاني يوم والاثنين سيكون اخر يوم لان الاحد يوم الانتخابات 
تحياتي toofy مراسل 11\7 من الدورة التثقيفيه 

[IraqiFreedom]

شلونكم شباب, طبعا اليوم كان اول يوم بالدورة...درس حلو وبيه معلومات جدا مفيدة...ولأنو المعلومات أغلبها معروفة...فبس حبيت أنو أنبه على بعض النقاط اللي لفتت نظري.

اولا جواز الأس مو ساري بأميركا...يعني اللي عنده أس يدبر جي...حتى جان أكو واحد ويانه مخلص وكلشي ما باقيله غير تحديد موعد سفر بس مراح يحطوا عالجداول لغاية ميشوف صرفه لجوازه الأس.

ثاني شي الكفيل مو مسؤول قانونيا عن ألتزامه أو عدم أتزامه باتفاقه مع وكالة التوطين...يعني بين قوسين لأي سبب اختلفت وياه يكلك روح شتسوي سوي...ولهذا أنصح محد يجيب كفي هو ميعرفه لأن ممكن يحاول يستغلك لاحقا بهاي النقطة.

أكو فد موضوع بصراحة خجلني للغاية...وهو أنو الموظفة كالت أنو السمعة المأخوذة بأميركا عن العراقي أنو (يتصور جاي بأجازة دافع حقها) على حسب تعبيرها...يعني ميعجبه العجب...ميريد يشتغل...تكول أكو واحد جابوله سبع شغلات وهو كاعد رجل على رجل ورفضها لحد ما اضطروا انو يكطعون عليه الراتب...أي ليش؟ يعني لو الحجاية تشمل بس واحد لو اثنين جان موصلت السمعة للأردن...واني دائما أسمع هذا الشي...يكولون العراقي ميعجبه كلشي عبالك مقضي عمره بموناكو...كالت واحد وصلوه لبيته استحيف يشيل جنطه راد الموظف مال الوكالة يشيللهيا...اللاخ ميقبل ينزل من السيارة والله شكو شكو شفت واحد أسود براس الشارع...هسه شنو حيعضك؟ يعني انت جنت عايش بالعراق بنص الذبح والكتل هسه تجي تتعيقل والله شنو شفتلي واحد أسود؟! تره هذا مو حجي...مو انتوا هيج حتعمون عالبقية...المساعدات شويه شويه دتقل الى أن فد يوم يجوز تنكطع وحتى اللجوء احتمال ينلغي...يعني فعلا وصلت لدرجة مع الاسف أكولها أنو تعبير المصلحة العامة صار مجرد كلام جرايد الكل توافقك بيه واني متأكد غالبيتهم يكولون بينهم وبين نفسهم باع هذا البطران شديحجي..

أكو موقف اخر هم بصراحة أزعجني...بالقاعة كان أكو مجموعة شباب ما اعتقد أكو واحد بيهم يقل عمره عن واحد وعشرين سنة...كاعديلي عبالك حضانة...دك تعليقات تافهه وكهكهيات الليسمعهم يكول هذوله متخلفين عقليا...هاي جماله يعني فوق القهر...هذوله همه الناس المسيئة لسمعة العرافي...واني متأكد همه نفسهم اللي مناوين يشتغلون...مستعدين يظلون عالة على غيرهم مدى الحياة...يعني والله لو تشوفون الاجنبي بره بلده يكون عشر مرات أكثر محافظ مما ببلده ليش يكول اني واجهة لبلدي...وهنا الناس تروح ركض تحجز كراسي وأكل من يصير وكت الغدا بالدورة عبالك جايين من مجاعة أفريقيا مع العلم اللي يشوف هندامهم يستغرب...فأذا واحد حب يعرف ليش العالم هايه نظرتها للعراقي...هايه بعض الأسباب.

تحياتي

[ابو البيانو]

هلة اخوية ازكسس
اني موافقتي جاية باقي بس الختم تقريبا 80% من المجموعة نفس الشي,

و محد حددولة سفر لحد الان,
طبعا اللي عندهم الدورة خلي يسالون المدرسة حتي تنطيهم معلومات علي ملفاتهم , لان احنا كلنالهة من اول يوم و انطتنة ياها.

[azxs]

مبروك اخويه عراقي فريدم ...وان شاء الله يوم موعد السفر .
شكرا اخويه ابو البيانو الله يتمم عليكم بالتوفيق والسلامه...
اخويه توفي مشكور على مجهودك .بس حبيت اعرف منك ومن الاخ عراقي فريدم هل الموافقات مال المجموعه اللي وياكم طالعه؟؟؟
بس اليوم وين نخلتنا العراقيه اشو سنطه؟؟؟والله ظل بالي ؟؟بس لا نطوها موعد سفر ومن الفرحه صار بيها شي!!!!!! ان شاء الله خير ونسمع اخباركم الحلوة جميعا...

[حبيب بغداد]

السلام عليكم ورحة الله وبركاته لجميع الاخوان
حبيبي العراق الحر    اول شي حجيك حبي كلة صح مع الاسف الشديد لان اني  عشت هاي الحالة بالدورة والمشكلة   انو كانت السخافات والتعليقات تطلع من ناس اكبر  من الاعمار الي ذكرتهة حضرتك  بكثير
بحيث حمدت ربي انو ما اخذت خط الرحلة وياهم   همة اخذو خط الرحلة قبلي تقريبا بشهر ونص   وكنت جدا فرحان لان مو وياهم اتكون السفرة

اما بالنسبة حبي لجواز الاس فساري المفعول حبي لحد اخر السنة  لانو  الجواز الوحيد الي ممكن ان يطلع بسرعة بالنسبة للجوااتهم منتهية   مثال اني صاحبي سافر قبل شهرين وكان جوازة محجوز لمدة اربع سنوات  ولمن اجا خط الرحلة  اخذ كتاب من الامم المتحدة  وطلع جوازة وراح طلع جواز اس ونقل الاختام وسافر   واني همات حبي اجاني خط الرحلة  واني جوازي منتهي فهسة كالولي انو اروح اطلع الاس   وانقل الاختام     
تمنياتي بالموفقة الك ولجميع الاخوان 



اخوكم حبيب بغداد

[IraqiFreedom]

مساء الخير جميعا,

اليوم كان ثاني يوم بالدورة, الدرس كان عن السكن والدراسة والأتصالات والمواصلات بأميركا...درس حلو وجدا مفيد...ولمراعاة عدم تكرار المواضيع راح أحاول أنو اذكر النقاط اللي مجنت أعرفه سابقا أو جذبت انتباهي...بس طبعا اللي عنده سؤال اني حاضر للأجابة.

-بالنسبة لموضوع السكن من الأحصائيات اللي ذكرتها المدرسة أنو الأيجارات تتراوح بين 400 و 1200 دولار هذا طبعا متوسط أيجار شهر لشقة (فارغة) غرفتين وصالة...الأسعار تختلف باختلاف الولايات والمدن...من الولايات اللي ذكرتها أرخص ولاية كانت تينسي وأغلى شي كان مدينة نيو يورك وواشطن العاصمة...هاي الأسعار طبعا لا تشمل فواتير الكهرباء والماء والغار و التخلص من النفايات...بالنسبة لفواتير الكهرباء فهايه تعتمد على الاستهلاك اللي يعتمد بشكل أساسي على الجو...متوسط فاتورة الكهرباء بالشتى 120 دولار وبالصيف 30 دولار...طبعا من أهم الأشياء هو أبقاء سجلك نظيف من المشاكل لأن هذا شي ممكن يسويلك مشاكل في أمكانية أيجاد سكن بالمستقبل...ولأبقاء سجلك نظيف حاول تلتزم بدفع الفواتير وعدم أزعاج الجيران من حولك.


-بالنسبة للدراسة أول شي لفت انتباهي هو موضوع سجل التلقيحان بالنسبة للي يريدون يسجلون بمدارس...لازم يكون موجود وألا تعاد كافة التطاعيم المنصوص عليها بالقانون من جديد.

معادلة الشهادات الأردنية يكون أسهل من الشهادات العراقية لتقارب أنظمة التدريس لتلك المتبعة في الولايات المتحدة...وعلى الرغم من هذا الشي جلب الشهادات من وين ما كانت يكون أكيد أفضل من عدم احضارها.

أما بالنسبة للبالغين اللي كانوا تاركين الدراسة وماعدهم شهادة سادس أعدادي وحبوا يكملون دراستهم...أكو فد أمتحان يسموه ال (GED Test (General Equivalency Diploma, هذا يخول اللي يجتازه أنو يدخل كلية أو معهد حتى لو ممكمل اعدادية وهذا طبعا راح أتناوله بموضوع منفصل شامل نظرا لأهميته بس أكيد بعد ما أجمع تفاصيل وافيه عنه لأن بصراحة هذي كانت أول مره أسمع بأسمه...بس هذا لنك حلو عالسريع ممكن تستفادون منه http://www.careertoolkits.com/test-prep/GED/


- الأتصالات: بأول وصولكم مراح تكدرون تشترون خط موبايل ولا أرضي ليش؟ لأن بعدكم ماعدكم رقم ضمان أجتماعي...فأذا تريدون تخابرون عدكم بطاقات الهاتف العمومي اللي هيه جدا رخيصة على حسب قول المدرسة

-تبقى المواصلات هاي عندك باص ومترو وقطار وسيارة شخصية وتكسي...التكسي غالي...البقية رخاص...حتى السيارات هم مو غالية...يعني على حسب قول المدرسة اللي رايحة لأميركا تكدر تحصللك سيارة تودي وتجيب بحسبة ألف ألف وميتين دولار...عاد هاي شنو لاده نصر شبح محد يعرف...بس أعتقد الأمريكي مالت التسعينات مثل أعمال جينيرال موتورز...الرخص الأجنبية متاكل...الرخص الدولية شغالة بولايات محدودة جدا ولفترة أشهر قليلة...بس العنده رخصة حتى لو منتهيه هم خلي يجيبها...لأن ممكن تغنيكم عن دروس السياقة يعني مباشرة عالأختبار...وبالمناسبة الأمنتحان يكون نظري وعملي.


بالنسبة للأخ حبيب بغداد جواز الأس ملغى بأميركا...بس من حجيك وحجي غيرك أعتقد أنو ممكن الاجئين وضعهم غير شكل نظرا الى أن أصدار الجواز الجي قد يطول لأكثر من فترة معاملة اللجوء

والاخ أسدنا الجامح شكرا عالتهنئة وما قصرت انت وكل اللي هنوا...اني جدا ممنون ألكم وألف شكر..

تحياتي.

[نخله عراقية]

مرحبا ياجماعه شلونكم ..اسفه جدا على عدم الكتابه البارحه ...اخواني  توفي و iraqifreedom الورود كفو ووفو ..وكنت محبطه شوي ....
اليوم الدوره حلوه والعدد اقل لانه داومت المعلمه اللي كانت غائبه البارحه ...اليوم ناقشنا درس البارحه اللي هو منظمات التوطين اللي هي جهات غير حكوميه ..وناقشنا ايضا الخدمات الاجتماعيه اللي توفرها في اغلب الاحيان جهات حكوميه ...
ناقشنا السكن ودور الكفيل في البحث عن سكن وعن انه من الضروري عدم التوقيع على اي عقد او اي ورقه بشكل عام قبل معرفه محتوياتها وبنودها ....
ناقشنا العمل ...اللي هو يتقسم الى اعمال بسيطة واعمال حرفيه واعمال مهنيه ...ووزعت علينا اوراق مثل استفتاء ..يعني هل لديك مشكله بارتداء الزي الخاص بعمل ما (اليونيفورم) او هل لديك مشكله بالعمل بالاعمال البسيطه كالتنظيف وناقشنا الاجوبه وانطينا الاسباب...وهكذا ...
بعدين شرحت كيفيه التقديم على عمل وشنو هي الاشياء اللي ضروري المتقدم للعمل يسويها ...مثل التواجد قبل الموعد بعشر دقائاق والاهتمام بالمظهر ..النظر في عين الشخص اللي يقابلك(الاي كونتاكت) لانه يدل على الثقه ..عدم التعالي على العمل وان كان بسيط ...وابداء الرغبه بالتعلم لانهم يقدرون هذا الشي هوااااي ....بعدين ناقشت الضرائب وكيف انه احيانا يتم ارجاع قسم من هذه الاموال المعطاة كضرائب في نهاية السنه ....
سألتها شلون ممكن الشخص ينطلق بالعمل ويندمج بالمجتمع وميكون اسير للمنظمه ومساعداتها ..يعني شلون يتخلص من خوفه ..اخاف اشتغل اخاف اخسر المساعدات ..او مثلا اخاف اخسر شغلي وبعدين اصير صفر اليدين ..قالت بالبدايه امشي وي المنظمه بعدين حتى لو حصلتي على شغل وقطعوا المساعدات ..وره فتره مثلا صاحب العمل استغنى عن خدماتج بهيج حاله اكو برنامج حكومي للرعايه الاجتماعيه تقدمين علي وهمه يخصصون راتب الج الى ان توجدين عمل مره ثانيه والامريكان نفسهم يقدمون على هذا البرنامج ...
وان شاء الله يوم الاثنين راح اناقش التعليم ...ونوافيكم بالتفاصيل ...اغلب الموجودين همه في مرحله ختم الملف ...بس قالت لا احد يسألني يمته لانه ممكن خلال شهر اقل اكثر ماعرف ...
عذروني على التقصير ...وان شاء الله تفرج ياورود
اختكم دائما
نخله عراقيه
عمان

[ابو طبر]

مساء الورد والرياحين على كل الطيبين
شكرا جزيلا على هاي التفاصيل المفيده والمعلومات الوافيه عن الدوره ونشاء الله تخلصوه بسرعه ويحددولكم موعد سفر   
اني يوم الخميس اتصلت وبعده مواصله الامنيه وسئلت ليش مجاوبني  عادي 
المهم اخواني واخواتي اليوم الجمعه رحت انتخبت  وكان المركز الانتخابي بمدرسه رشيد طليع خلف بن العميد شارع الجاردنز  والحمد لله كان في اجواء من البسمه يقدمه كل موظف موجود والله حسيت اني ببلدي والحمد لله نبقه دووووووم قلب على قلب  وراح يبقه المركز الانتخابي ليوم الاحد -- اخواني اخذوا وياكم جواز السفر + هويه او جنسيه او اقامه او ورقه un
اسف لكل المراقبين وما اريد واحد يفهمني غلط لانه نوهت للانتخابات وطلعت عن الموضوع بس احنه عراقيين والعراق يحتاج اصواتنه ومشاركاتنه صحيح احنه انشاء الله نسافر اذا مو اليوم انشاء الله باجر بس نبقه عراقيين والعراق غالي علينه  اسف مره ثانيه


اخوكم : ابو طبر       
عمان

[نخله عراقية]

ابووووو طبر ...شلونك اخويه ...والنعم منك والله ...وعلى شنو تعتذر اصلا العراق يفخر بيك وبامثالك ويارب تفرج قريبا عليك وعلى جماهير جمهوريتنا الفاضله....
انا اليوم وmyiraq على اساس نروح ننتخب باجر بس بعدين شفت التغطيه بالتلفزيون والناس بكل انحاء العالم والاغاني الوطنيه ..ماكدرنا نصبر رحنا انتخبنا بمركز بصويلح بشارع الاميره هيا قرب الدفاع المدني ثانويه صويلح للبنين ...وكانوا راااااائعين والله احتفوا بينا بشكل مو طبيعي وانطيتهم الجواز بس مثل ماتفضلت اخويه يردون وثيقه اخرى حتى لو ورقه اليو ان ...والحمد لله انتخبنا وحسيت انه انا صوتي غالي وشعرت بقيمتي ودوري وان كان بسيط وواجبي تجاه بلدي وهذا اللي بايدنا نسوي ...يارب الخير والامان والسلام لبلدنا ....
اختكم داااائما
نخله عراقيه
عمان

[الاسد الجامح]

السلام عليكم اخوان
شكرا اختي نخلة على هاي المعلومات ما قصرتو
بس ردنا تسالون ليش جماعتنا 11\7 متاخرين بينما بقية الجماعات ركظ ركظ
قائدنا اشو وينك لا حس ولا خبر
والله شوقتوني اروح انتخب بس ما اعرف المراكز القريبة علي وين اني ساكن
بجبل الزهة

[نخله عراقية]

شلونك اخويه ابو سرمد ..ان شاء الله يوم الاثنين نسال المس ...ولو انا اعرف شنو راح تقول مسبقا بس تتدلل...
ابو سرمد اصبرلي شوي هسه اكتبلك المراكز الانتخابيه اللي بالاردن ...اخويه انت غالي وصوتك غالي روح انتخب اللي انت  تريده بس لا تضيع الفرصه ...
نخله عراقيه
عمان

[نخله عراقية]

اخي ابو سرمد لو سمحت افتح هذا الفولدر بي كل مراكز الاقتراع بالاردن...شوف اي واحد قريب منك وروح انتخب اذا تريد ...مع كل الحب والاحترام
اختك نخله عراقيه
عمان

[ابو طبر]

السلام عليكم
عيني نخله انتي ليش بس اتصيحين عليه اني شنو سويتلج  
اخويه ابو سرمد الورد انته تدلل وغالي علينه راح انطيك مواقع المراكز الانتخابيه وانته شوف شنو قريب عليك على عناد الدمه حار وبس يصيح عليه    ابووووووووو طبر  

   الاستفسار المباشر عن طريق الهاتف 065544354 وعن الشروط الواجب توافرها في الناخب قال انها تتمثل في ان يكون عمره اكثر من 18 عاما ويحمل معه الوثائق العراقية التالية: هوية الاحوال المدنية ، شهادة الجنسية العراقية ، جواز السفر العراقي ، ودفتر النفوس لعام 1957 ، اما الوثائق الدولية فهي بطاقة اللاجئين الصادرة عن الامم المتحدة. وحدد المكتب مراكز الاقتراع على النحو التالي: دير غبار ـ مدرسة الصويفية الثانوية للبنات وتلاع العلي ـ مدرسة تلاع العلي الثانوية للبنات والمدينة الرياضية ـ مدرسة رشيد طليع الثانوية للبنين وصويلح ـ مدرسة صويلح الثانوية للبنين وجبل عمان ـ مدرسة شكري شعشاعة الثانوية للبنين وحي نزال ـ مدرسة ميسلون الثانوية الشاملة للبنات وجبل الحسين ـ مدرسة سكينة بنت الحسين الثانوية للبنات والهاشمي الشمالي ـ مدرسة نايفة الثانوية الاولى وماركا ـ مدرسة الشريف حسين الثانوية الشاملة للبنين ومادبا ـ مدرسة النطافة الثانوية للبنين والزرقاء ـ مدرسة سكينة بنت الحسين الشاملة للبنات واربد ـ مدرسة رقية بنت الرسول الاسلامية

 
اخوكم : ابو طبر      
عمان

[نخله عراقية]

ههههههههه....لا والله مو قصدي ...يابه بعد مااصيح اسفه ...
اقول انت تشتغل بالمفوضيه ...ههههههههه...منين جبت كل هاي المعلومات ...يااخي ا ب و ط ب ر
  ...
نخله عراقيه
عمان

[ابو طبر]

هاي شنو النوب ن خ ل ه  هاي المره فصختيني تفصيخ   


اخوكم : ابو طبر     
عمان

[نخله عراقية]

اسم الله عليك ابو طبر من التفصيخ ...يمعود نريدك سالم علمود الدوره التثقيفيه والسفر ..ان شاء الله قريبا الك وللجميع ...هاي شبيك من حباك لاشاك ...
اختك ن خ ل ه عراقـــــــــية
عمان

[الاسد الجامح]

مشكورين     اختي نخلة  واخوي ابو طبر

اني رحت اليوم  وانتخبت


قائدنا يمعود  وينك
كالولك فك التشادر مو فصخ الطيارة
 

[ستروبري]

اني هنا بس ايدي دهن من ورة الطيارة تا اسويه علمود تكون جاهزة

[ستروبري]

  :'(تصبحون على رنة

ستروبي بأنتضار الامنية والدورة التثقيفية

[ستروبري]

هاي علمود لا تبجون وياية


عراقي مهزوم من مصايب الحروب راح لفد بلد عربي,
يدور على سكن رخيص ماكو.
فد يوم لكه ابن حلال دلاه على شقه كلش رخيصه,
مصدك المسكين كال مامعقوله هاي اخت البلاش.
كله ابو الشقه عيبهه الوحيد بيهه جنّي !!
قبل وكعد بيهه وراح اشتره بطل عرك حتى يحتفل.
بالليل طلع الجني شاف واحد بالشقه كال لازم اهججه.
اجه يمه وسوّه عيونه حمره واذنه يطلع منهه دخان وكله,
اخونه ممكن جكاره ؟ عاين عليه العراقي وانطاه جكاره ورجع يشرب ويغني مقام
 !! الجني داخ,
رجع يم ربعه وحجالهم وكال إلا اخبله,
كام شلع عينه وكسر ايده وراح يم العراقي وكله اخونه ممكن جكاره ؟
عاين عليه العراقي وانطاه جكاره ورجع يسكر ويغني!!
اتخبل الجني ورجع الجماعته,
كلهم تره ماكو واحد هالكد اعصابه قويه بس إلا اخوفه.
كام صلخ جلده وعوج حلكه وكص خشمه,
راح يم العراقي كله اخونه ممكن فد جكاره ؟؟
عاين عليه العراقي زين وكله انت مدا تلاحظ انو الجكاير د تضر صحتك

[الاسد الجامح]

السلام عليكم
اخوان هاي شنو
محد كتب شي بسيطة 

قائدنا فد قرار وزاري بعزل النائب توفي وتعيين الاسد الجامح
بمنصب 1- النائب العام 
          2- المسؤول الاول على توزيع الجبن
         3- المشرف العام والوحيد على سلامة الطيارة
         4- رئيس مجلس امناء الصندوق
 

[نخله عراقية]

مرحبـــــا ياجماعه شلونكم ....مشتاقين ...
اهلا قائدنا الورده ...عن جد حلوه النكته .....
اليوم مثل متعرفون اخر يوم بالدوره التثقيفيه وانا قلت الاخويه توفي الورده انه راح اكتب التقرير...
اليوم كان الحديث كله على التعليم ..والوضع القانوني للاجئ ومشاهدة بعض الافلام عن اللاجئين ...
بالنسبه للدراسه ...قالت انه التعليم الزامي من سن 5- 17 سنه ...والاطفال من يرحون هناك راح يختبرونهم باللغه ومو من المتوقع انه يخسرون سنوات لانه الاطفال يتأقلمون ويتعلمون بسرعه وضروري تجيبون وثائقهم وشهايدهم من المدارس مصدقه من وزاره التربيه والخارجيه ...بالنسبه للي عدهم بكلوريوس ممكن معادلة الشهاده بس مادخلت بتفاصيل بصراحه لانه قالت من ترحون هناك راح تكونون بتماس اكبر مع هاي التفاصيل ولانه هاي الاجراءات تختلف من ولايه الى ولايه ومن جامعه الى اخري ...
بعدين حكت عن الكرين كارد وقالت يفضل عدم السفر والتنقل كثيرا خلال السنه الاولى حتى لا يتأخر اصدار الكرين كارد ..وبعد اكمال الفترة الفدراليه اللي تختلف من ولايه الى اخري وتتراوح من 9 اشهر في بعض الولايات الى سنه في ولايات اخري يحق للشخص التقدم بمعامله الكرين كارد ...بعد الحصول على الكرين كارد يمكن السفر الى اي بلد ماعدا العراق بشرط عدم البقاء اكثر من سته اشهر لانه راح تسقط الاقامه ويمكن السفر للعراق بالتقدم لطلب الترافل دوكيومنت واذا وافقوا عليها يمكن السفر للعراق ...
بعدين سألته عن جماعتنه المتأخرين قالت الجواب الازلي ..انه السالفه مو يمنا احنه من تجي الموافقات نبدي اجراءاتنا  ...
يارب تفرج قريبا عالجميع
اختكم دائما نخله عراقيه
عمان

[toofy]

هاي شنو ابو سرمودي يمعود والله ما نطوني موعد سفر   
حبايبي اسف عالتاخير بالكتابه لان اتفقنا ان  اختنا العزيزه نخلة  تكتب التقرير المفصل
على العموم كان اليوم اخر يوم بالدورة وما نطو اي شخص من الحضور في القاعات الثلاث موعد سفر
وزعو علينا الشهادات ومصاريف النقل ودليل اللاجئون وملزمة التوجيه الثقافي للولايات المتحده
كانت الدورة جدا ممتعه ومفيده وبيهامعلومات مهمه جدا  يوم الالكم جميعا 
الشغله الوحيده اللي بيها مغثه هي شغلة الجواز الs لان حسب ما انذكر انه ما راح يستعمل بعد 1\4 عموما الخبر الاكيد لازم نحصله من اليو ان...
ان شاء الله عن قريب يتصلون بالبقيه لان اللي سمعنا ان موافقات هوايه واصله بس ديمشون بالسره والله كريم
ولو معظم الحضور كان من الجماعه اللي بعدهم ما مستلمين الظرف وما شاء الله امورهم جدا ماشيه لان كالولهم توقعو اتصال خلال ايام 
بقى ننتظر تقرير الاخ iraqifreedom من القاعه الثالثه لان بصراحه تقاريره كلش حلوة ومفصله وكل محاضره الها اسلوبها بطرح المواضيع!!
الله يوفق الجميع وان شاء الله اخر صبرنا خير وتفرج عالجميع
تحياتي toofy

[نخله عراقية]

اسفه اخويه ابو سرمد انا السبب ..انا اتأخرت بالكتابه ...بس العقاب ماراح يسري عليه... اصلا انا من الجماهير فقيره لاعندي منصب وتاخذه مني ولاعقوبه اتاثر بيه  ..
بالمناسبه جدا فرحت من عرفت انك انتخبت والله
نخله عراقيه
عمان

[الاسد الجامح]

هاي لخاطرك نخولة راح اسامحة هاي المرة
عيني  انت العنصر النسائي الوحيد بجماعتنة
تريدين يكولون علينا جماعة رجعيين مو ديموقراطيين
 لا والف لا ما انشمت احد بينا

استاذ توفي  هاي شنو النوب مال شغلة جواز ال s
     

[ابو طبر]

مساء الورد والياسمين على احله جماهير حلوين
مشكورين عيوني توفي ونخله (ولو احنه عداوه وصايرين مثل الحيه والبطنج ) بس ميخالف تفصيخ الحبيب مثل اكل الزبيب  يارب يحددولكم موعد سفر عن قريب وترتاحون وتخاصون وتستقرون  كولوا امين
قائدنه المفدى والله هاي قصه حلوه  هو هذا الجني ملكه غير واحد عراقي يريد يهججه اني متاكد هذا الشخص كان من جماعه 11/7 وطاكه روحه 
اخونه ابو سرمد شنو السالفه شو اتريد كل المناصب بعدين انته مطلوب دجاجه بالتنور  شو طافر منه  وياه جيس طرشي غده اخونه النائب الثاني تكساسي الي مدري وين صار بي الدهر  بس لا علسته البلديه 
اخواني بالمناسبه اليوم اني رجعت من العقبه الجو كان حارررررررر  عبالي اغير جو  وابرد قلبي المشتوي شوي كلت هو هذا حضي كت الحزينه تفرح ملئتش مطرح 


اخوكم : ابو طبر     
عمان

[نخله عراقية]

مساء الورد والفل والياسمين على جماهيرنا  الطيبه والقياده ...
شلونك اخويه ابو سرمد ..والله انا اعتذر مره ثانيه من توفي الورده لانه عن جد البارحه اتاخرت بالكتابه , اي عفيه ابو سرمد انا نخلتكم ديرو بالكم عليه  ...
اما بالنسبه الك يااخي اب و ط ب ر ....شلووووووووون تروح سفره بدون جماهيرنا الطيبين  ..وين الاخوه وين الانتماء ..عموما انا شورت بيك وماتونست ومتت من الحر ... . .(هو انا لو اشور كان شورت بجماعه الموافقه الامنيه اللي شتلوني 7 اشهر  )
راح اقول فد شي بس لا تقولون عليه بطرانه ...اشو من اذكر السفر قلبي يظل يدك حيل واموت من الخوف ......ماادري ادبرها لو لا ...
ياااااااااااااااارب تفرج عالجميع ...وقريبا ان شاء الله ...وادعوا من الله سبحانه وتعالى انه يصير سفرنا وي عائلة توفي ومعاكم ..حتى مانشعر بغربة ...
اختكم دائما
نخله عراقيه
عمان

[الاسد الجامح]

السلام عليكم اخوان حبيت انقللكم اخر التطورات
اليوم خابرت اسائل عن الملف فاجاب الموظف
المـلف  مـــــتـــــوقـــــف HOLD   

يابا ليش لانه عندي معاملة اضافة طفل والي تستغرق ثلاثة اشهر  بعد الولادة

اني زوجتي حامل بالثامن
ومن سالته على جواز s صدك لازم يتبدل كال
ابتداءا من 1\4 \2010 لا تستطيعون ان تسافرو به   

يابا ليش لانه الحكومة الاردنية وبناءا على طلب من الحكومة العراقية انه ولا واحد ايسافر الا بجواز g او a

كلته زين ايصير ادز وكالة لبغداد واطلع جواز g لانه اسرع ولانه ماعندي شهادة جنسية فاجاب قائلا
المهم اتغير الجواز حبيبي وهاي التعليمات ماشية على الكل
شايفين صدك لو كالو لا صايرة ولا دايرة
 

نطلب من الله الصبر

[الاسد الجامح]

السلام عليكم
اخوان شنو وينكم
يعني هم ملفي متوقف وهمين المنتدى

هلوووووووووووووووووووو





هلووووو  هذا صدا صوتي
 

[azxs]

شنو القصه اخوان اشو لاحس ولانفس هاي شصار ؟؟؟؟؟؟

[ستروبري]

حبايبي بس كولولي شنكتب ادا ماكو شي جديد والكأبة صاعدة وصايرة فوووووووووووووووول وطعمية 
تدرون الاسبوع الجاي ر اح اوزع اينو مال لعبان النفس فوار اكو باليمون وعادي لوجه الله

ستوبي بدون امنية ولا محاضرة تثقيفية ولا حتة رنة 

[ابو طبر]

مساء الخير
هلو اشلونكم زينين والحمد لله
قائدنه صدك يرادله اينو  الحموضه فووووووووووول وفوكاه صخونه ولعبان نفسين مو نفس وحده 
زين الاخوه الي خلصوا دوره شو ماكو وينهم شنو اخبارهم ليش لاحس ولانفس يموعدين احجولنه حددولكم موعد سفر لو بعد
اخواني اني البارحه اتصلت  كلت خلي اشوف حظي بيامكبره نايم . طلعلي موظف كتله عيني اشصار من الموافقه الامنيه  كان نفس الجواب بعده مواصله كتله اني عندي سفره اشلون شسوي اسافر لو ابقه كلي انته خلصت دوره تثقيفيه    اكيد لا بعدني  كلي انصحك لتسافر  انته ملفك بالمرحله الاخيره  ( ابره مورفيييين بالعضله)  كتله يعني بعد اشكد احنه راح نكمل سنه بعد المحلفين وبعدنه كلشي ماكو حته الفحص عدنا  جاوبني الحباب مو شرط  عادي اذا تكمل سنه ونصصصصصصصصصص 


اخوكم : ابو طبر     
عمان -- يكلي عادي سنه ونص

[toofy]

حبايبي   الغالين...ان شاء  الله كلكم  يتصلون بيكم  باجر على موعد دورة التثقيفيه وتفرحونا
امابالنسبه  لاخر اخباري..  اليوم اتصلو الاي او ام بلغوني انه لازم ابدل جوازات الs ب جوازات جديده  حتى  يخلون اسمي على جدول مواعيد السفر     يعني جت الحزينه  تفرح ................
نصيحتي اخوان  اللي   جواز اي  شخص من  اللي بالكيس ويا ا س  خللي يدبر  جوازجديد من هسه
الله كريم   تفرج عالكل ان شاء الله
ريسنا  اريدحصه دبل مال اينو  !!!!!
 تحياتي toofy بانتظار تبديل الجوازات 

[azxs]

زين لعد دا احجيلكم الفلم مالتي خابرت الاسبوع الفات كالوا الامنيه بالمراحل الاخيره اليوم اتصلت تكلي الموظفه ماجايه الامنيه كلتلها يعني مو بالمراحل الاخيره تكول.......لا
شنو رأيكم ؟؟؟؟؟؟




azxs
بانتظار الامنيه اللي لو بالمراحل الاخيرة لو لا

[فيروز تنتظر الامنية]

السلام عليكم

يا جماعة الخير تسمحولي اشارك وياكم بانتظار الامنية الي مدتريد تريحنا المهم آني من جماعة 5/9 وحصل وياية نفس الشي اخوية azxs الاسبوع الفات خابرتهم وكالي الموظف بالمراحل الاخيرة واليوم خابرت والموظفة تكلي الامنية بعدها ماجتي سالتها لعد شنو بالمراحل الاخيرة تكلي لا مراحل اخيرة ولا ابد بعدها ومن يصير اي شي احنا نخابركم وهسة مدنعرف احنا بالمراحل الاخيرة لو لا لو شنو الفلم

اصبروا ان الله مع الصابرين

مع امنياتي بالموفقية للجميع وورود الامنية باقرب وقت

[toofy]

الاعزاءazxs   واختنافيروز  ....كل  الهلا بيكم
شنو رئيكم  باللي صار  ويايه...كملت الدورة التثقيفيه  قبل  اسبوع  والمسؤؤله عن  الدورة بلغتنا  انه الموجودين كلهم بمرحلة ختم  الملف وكالت  ختم الملف يعني ان الامنيه واصله لعمان...لحد هنا اوكي
اني اتصلت  الخميس عالIOM استفسر عن الجواز وسالتها عن   ملفي  كالت الاموره انت بمرحلة security clearanceكتلها اختي اني مخلص الدورة وبلغوني اني بمرحلة ختم الملف  تكللي مو مبين  عندي
واليوم الشاب  بلغني ان  ابعثلهم جوازات  جديده  حتى يتحدد  موعد السفر
شنو رئيكم؟؟؟
ديلعبون باعصابنا.....
تحياتيtoofy

[نخله عراقية]

صبـــــــــــــــــــــــاح الخير والفل والياسمين على جماهيرنا الطيبين ...
والله انا على حطة ايدكم لا جديد ...لا انا اتصلت بيهم ولا احد اتصل بيه ...وان شاء الله تفرج عالجميع قريبا ...ولا انسى ان ارحب بالاعزاء azxs ...واختنا فيروز ...وانا هوااااي احب فيروز  ...منورين الصفحه ...
وختامها مسك وتحيه لقائدنا الورده مبتكر الحلول لمكافحة الازمات...
اختكم نخله عراقيه
عمان

[فيروز تنتظر الامنية]

صباح الخير على الجميع

شكرا جزيلا على الترحيب الحلو ويا رب تفرج على الجميع
والله صدق ديلعبون باعصابنا ومد نعرف شنو سبب التاخير
حبيت بس انطيكم امل عسى ولعل فاتحة خير، اثنين من اصدقائنا من جماعة 11/7 قبل اسبوع جانت الدورة التثقيفية مالتهم ويوم الاثنين خابروهم نطوهم موعد سفر على منتصف الشهر الرابع بلكي تكون بس شغلة وقت.

وشكرا اختي نخلة عراقية واخوية توفي على الترحيب الحلو تسلمون

مع امنياتي بالموفقية للجميع

[الاسد الجامح]

اهلا وسهلا بالاخت فيروز
ومرحبا بيك ويانا
اختي هذا خبر حلو بس انريد نعرف اصدقائك جوازاتهم s لو g

[فيروز تنتظر الامنية]

شكرا للاسد الجامح الجوازات كلهم g

[ستروبري]

اخوان اني صدك رح انفجر لان كلش طاخت القصة وصارت بلا ملح ادري يعني شلون نظل هيج مو رح ننجلط
هسة على الاقل خلي يمشون جماعتنة المتأخرين ادا همة حتة محاظرة تثقيفية متيخابرونة تيخابرون جماعتنة بالقطارة ادري شلون وين الواحد ينطي وجه 

[azxs]

شكرا للاخوان توفي ونخله عراقيه على الترحيب ....هذا من اصلكم الطيب...

عيني قائدنا اذا انت بهيجي معنويات لعد احنه شنكووووووووووول ,هاي عود انت القائد واللي لازم تشحن معنوياتنا وترفع بيها كلما تهبط هبوط اظطراري ...والله وداعتك اني الكابة كلش صاعده عندي وبصراحه مليت واولادي ملوا من الانتظار خاصه وانهم بلا مدارس يعني راحت عليهم السنه زين اني خايف لاتطول الشغله للسنه الدراسية الجديده شاسوي ذاك الوكت هم اضيع سنه لاخ؟؟؟؟؟؟؟؟
شراح يقضي الصيف علينا!!!!!!!
زين اذا طولت القضية وره شهر السادس هم نعيد الفحص الطبي ؟؟؟لو احتمال يفضوها علينا قبل مايصير الفحص اكسبايرد...

   دعائي لي ولكل منتظر بالفرج

[texasy]

اويلي يابة ... اخ راسي ...
تاليهة شلون .. شنو مكتوبتلنة منسمع ونشوف اخبار زينة وتفرح .

كلشي ماشاء الله في حالة صعود .. الكابة صاعدة والملل صاعد والحموضة صاعدة ولعبان النفس صاعد بس طيارتنا مدتصعد ...

ماادري شحجي شكول ..
عيوني ريسنا ستروبرياية لتتأخر علينة بحصة الاينو فدوة اروحلك واريد وياها صندوك سفن

تكساسي من عمان
اخ لو الكفج امل

[الاسد الجامح]

صباح الخير
هلا باخونا تكساسي هاي وينك اشوي صارلك هواي ماكو
اخوان البارحة الساعة 3 العصر ودك التلفون اني كلت يا الله   

بس مع  الاسف    طلعت الموظفة تريد اتبلغني بانه المعاملة متوقفة تماما
وانه لازم اغير الجواز الى g

اخوان اني صدك لعبت نفسي  و 90 % راح ابطل اسافر
لانه  اذا كدرت اطلع الجواز تعال ظيف الطفل وهاي تستغرق 3 اشهر
والنوب انتظر الموافقة الامنية مال الطفل هذا اذا جتي موافقتي والى ان تجي موافقة الطفل اتكون مالتي اكسباير
والنوب نرجع من جديد  يعني المختصر شغلة عاوية وتعبانة
لا والقهر اتشوف بقية الجماعات الي وراك باشهر سافرو وستلمو الكرين كارد
وانت بعدك ابمكانك يومية طالعيلنا بسالفة جديدة
بس سوال اخوان اذا ابلغهم انه ما اريد امريكا هسا يعني بطلت ما اريد اسافر شيصير
 

[نخله عراقية]

مرحــــبــــــــــــا .....شلونكم ياجماعه ان شاء الله زينين ...
شلونك اخويه تكساسي ان شاء الله بخير ...صاير مثل هلال العيد ماتنشاف  ....
ابو سرمد اخويه صدك جذب ...بعد هذا الصراع والمشوار المرثوني تريد تنسحب ...بعدين ممكن موافقه ابنك تجي وي موافقتك ولا يصير تأخير ولاهم يحزنون ...بعدين يااخي ابو سرمد اللي يسمعك يقول انه اليو ان والدول الاخرى مابيها تاخير ...احنه ماصدكنا مشت السالفه ..صح مثل مشية السلحفاة بس جاي تمشي ...ماصدكنا طلعنا من دير غبار تريد ترجع مره ثانيه ..انا هذا رأيي وبالتاكيد القرار الك اولا واخيرا ...بس انت لان اليوم ضايج هشكل تقول ...هسه يجي البيبي الجديد وكل الخير يجي ويا ان شاء الله 
نخله جوازها جي بس محد رن عليها 
عمان...

[ابو طبر]

مساء الورد والياسمين على اهلنه الطيبين
اخويه ابو سرمد اول شي الطفل يتربه بعزك  والف مبروك وانشاء الله اتشوف كل الخير بجيته
ثاني شي انته بكل الاحوال لازم تنتظر 3 شهور حته لو غيرت الدوله بسبب الطفل  عندي صديق طلعتله المانيا واجا طفل كلوله انتظر 3 شهور والحمد لله خلصت ونهايه الشهر راح يسافر وربي يسهله
ثالث شي والاهم اسمع كلام خالتك  ن خ ل ه  انته صبرت صبرت وانشاء الله تجي الموافقات كله بسرعه  كول يالله  وانته استغل الفرصه والوقت وغير الجواز وسوي الاضافه للطفل
اشجابرك على المر غير الامر منه


اخوكم : ابو طبر     
عمان

[نخله عراقية]

مساء الخيرات  ...شلونكم ...
شوف اخويه ابو سرمد بس عرضت مشكلتك تهافتت عليك الجماهير تعرض المساعده ...استغل خبراتنا الحياتيه ...وخصوصا جدو ا ب و ط ب ر ...استغل وجوده اليوم بما انه ماعنده سفره حاليا ...ايباااا السفرات ناس وناس ....
نخله عراقيه
عمان

[ستروبري]

الله بالخير شباب شلونكم هاي شنو لحكنة نجيب اطفال عمي ابو سرمد ان شاء الله يجي الطفل بالسلامة ويتربة بعزك
بعدين عزيزي انت ليش ضايج هاي اني كدامك لا طفل ولا جواز اس ولا اي شي وبعديني كاعد ويكلولي لسة مكتش شفرقت اخوية انتضر فأن الله مع المنتضرين
بس لو اعرف شنخليله وطيب جان ارتاحيت


ستوبري خلص موسمة ومحد كطعة

[نخله عراقية]

قائدنا .شلونك ..نورت الصفحه  ...والله كلامك صحيح والتسهيل من رب العالمين ...وان شاء الله تصير سوالف ...
نخله عراقيه
عمان

[ستروبري]

الصفحة منورة بصحابة نخولة

[azxs]

اخوان صار كم حالة اسمع عنها جوازهم اس سفروهم قبل 1\4 لان كالولهم احنا ما نكدر نطلع جي
فانصح الاخوة اللي جوازهم اس ان يتصلون بيهم ويكولولهم انه هم ما يكدرون يطلعون جواز جي لانه يطول هوايه ....واخص بالذكر اخويه الاسد الجامح..
والله يجعل الصلاح بالتاخير ...

[الاسد الجامح]

اشكركم اخواني هواي هواي
 من قريت ردودكم الحلوة شوي ارتاحيت
اشكركم وادعو من الله ان يفرجها على الجميع

[نخله عراقية]

مســـــــاء الخير ...شلونكم ...شخباركم ...شكوماكو ....
وينكم ليش ماكو احد ....يااااالله مااطول يوم الجمعه ....كتب وقرينا ..طبخ وطبخنا ...
معنوياتي هابطه جدا ....ملل ملل ملل...انا مشتاقه لماما وبابا هواااااااااااااااي...وحتى طلعه ماكو myiraq ماتشجع عالطلعه ابدا ...بيتوتيه جدا ...
اكلكم عندي سؤال : همه ليش مارنو علينا واحنه جوازنا جي ....تدرون اختنا الحلاويه منزله موضوع بالصفحه الاولى ...تدرون اخونا ابو ابو انطو موعد سفر ....
ادري ادري هاي مشاركتي شي ميشبه شي ...بس عن جد ضايجه وحزينه ....
نخله فقدت الامل
عمان

[ستروبري]

يصبرني يصبرني الي ما يدري بقصتي ويكولي تهون

 

[toofy]

مساءالخير على جماهيرنا الصابرين المكتئبين 
اليوم  عجبني  اذكركم بايام نضالنا السلبي  ...بس  اني والقائد المؤسس كنا موجودين 
بمناسبة انه  باجر  جماعة 20\3  يستلمون الظرف وان  شاءالله كلهم يحصلون موافقات وتتسهل امورنا وامورهم
تعرفون  كم دورة تخرجت ورانا واحنه صامدين؟؟؟ 5\9---5\12وهسه 20\3 
الله يفرجها عالجميع  وتصير سوالف
http://www.ankawa.com/forum/index.php/topic,315167.0.html

اتمنى يعجبكم  الموضوع  وفراولة لتضوج اني وياك صامدين ان شاء الله
تحياتيtoofy بانتظار تبديل الجوازات

[abo abo]

الله يفرجها عليك اخويه toofy وتصير سوالف والصبر الصبرته الله يعوضك فرج قريب
وانشالله كلكم اخوتي جماعه 11-7 سفركم قريب وانشالله جماعتنه 5-12 كلهم يسافرون وجماعه 20-3 هم اموهم انشالله تمشي بسرعه وانشالله الفرج القريب لنا ولكم ولجميع الاخوه والاخوات المنتظرين

اخوكم ابو علي عمان

[ستروبري]

تسلم اخوية ابو علي ان شاء الله تف على كل الناس ونرتاح ونستقر ومو بس علمودنة بس لان الاطفال ادمرو خطية من حالة عدم الاستقرار  اللك كيم بس كون الله يفرجه علينة وعلى كل تعبان يارب

[ابو طبر]

صباح الورد والياسمين على كل الطيبين
اخواني هاذا اسبوع جديد دخلنه بي ويارب يكون خير ما اعرف اتصل بهم لو لا  والله طكت رحي ومليييييييت شسوي ما اعرف قائدنه المفدى اشو هذا الاينو مديفيد والحموضه كاعده اتزيد يوم بعد يوم يمكن راح اتصير قرحه من وره القهر
اخواني بشروا اكو اتصالات لو لا  وبالاخص اخواني الي خلصوا دوره  بشروا اكو شي
اني عندي صديق من جماعتنه 11/7 اتصلوا بي قبل اسبوعين وحددوله موعد دوره وخلصه الحمد لله وعنده موعد سفر يوم 22/3 ربي يسهله عليه وعلينه (آمين ) تعرفون من اتصلوا بي على الدوره كلوله انته عند موعد سفر يوم 22/3 تعال ادخل للدوره الحمد لله 
هو سئل علينه كلوله كل جماعتك يسافرون قبل الشهر الخامس بس همه صاير زخم عليهم  :oوانشاء الله نسافر ونخلص كولووووووووووا
آميييييييييييييييييييييييييييييين


اخوكم : ابو طبر     
عمان -- محمض ومصخن وطاكه روحي

[ابو البيانو]

لك اميـــــــــــــــــــــــــــــــــــــــــــــــــــــــــــــن

[ستروبري]

يارب اميييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييين
وبهاي المناسبة ر اوزع حبوب تحت اللسان ودوة مال القرحة

[toofy]

آميــــــــــــــــــــــــــــــــــــــــــــــن

toofyبانتظار اصدار  الجوازات الجديدة 

[texasy]

رحم الله والديك ابو طبر على هالمورفين اللي يخبل هذا ابو الالفين
الله يسمع من حلكك وتصير صدك .. اميـــــــــــن

سلامي للجميع وعذروني مابية حيل احجي من الحموضة والقهر

تكساسي بحصرة شوفة تكساس الحبيبة

[نخله عراقية]

آآآآآآآآآآآآآآآآآآآميــــــــــــــــــــــــــــــــــــــــــن

[azxs]

يشرفني ان افتتح الصفحه  الحاديه عشر والله يجعلها فاتحه خير والاخيرة ان شاء الله...
تسلم ابو طبر على هالخبر الحلو وان شاء الله يطلع صدك ...ونخلص من هالعذاب ..