صباح الخير يا رفقاء دربي العزاز
شلونكم مشتاقيين يارب اسمع اخباركم الحلوة عن قريب طبعا مثل ما وعدكم رح اكتب كل الي صار وياية وان شاء الله يصير وياكم عن قريب
بصراحة اني بعد ما ايست من سفري بس طبعا مايست من رحمة رب العالمين اتصلو بية على الفحص الطبي الثالث واني كلش انقهرت بوكته لان حسيت الشغلة رح اطول اقل شي فد ست شهور اخرى بس بسسسسسسسسسسسسسسسسسسسسسسسس المفاجئة انو بعد الفحص الطبي الثالث خابروني علمود الدورة التثقيفة ويادوب فرحت شوية وما اسمع الا ناس تكول احنة ماخذين الدورة التقيفية قبل اربعة شهور وكلشي ماكو وناس تكول اخذناها قبل ست شهور وكلشي ماكو
بس بسسسسسسسسسسسسسسسسسسسسسسسسسسس لا تاسون من رحمت ربكم لان ورها خابروني علمود استلم خط الرحلة
وجانت على الخطوط الفرنسية والحمد الله وصلت هنا وبصراحة اكولكم تسوة الشغلة الانتظار والتعب
نجي هسة على موظوع الرئاسة يابة وين راح هتافكم اللي مو انتو جنتو تكولون يبقة الريس ريسنة يا نور العين هاااااااااا
اشو من عمان لامريكا كلشي تغير ههههههههه لا عمي بالعافية عليكم الكراسي بس لا تسوهة مثل الي ابالي ولي هسة باقي الكرسي فارغ
سلامي وتمنياتي لكلكم بالخير وسماع الاخبار الزينة وبأذن الله عن قريب الكل تسافر وترتاح وتبدي حياة جديدة
ملاحظة الي جاي على على الكاهون كلشي لا يجيب وياه لان كلشششششششششششششششششششششششي اكو وحتة قاموس ماكو داعي لان نص القطع مكتوبة بالعربي والموضفين تقريبا كلهم عراقين وهسة اكدر اكول اني وصلت لنيو بغداد ههههه
صدكوني اني كلش هواية اعزكم وعذروني بصراحة محجيت لان اني اؤمن بمقولة ( داري على شمعتك تأيد ) بس الصدك اني مو س علمود هاي وانما اني جنت حالفة ما اكتب اي شي الا لمن اوصل عدا الكأبة والقرف الي جنت عايشة
ريمووووووووووووووووووووووو هسة اجة دوري اني اجيب الحفارات واشلعكم انتي والاسد الجامح والسفير وكل الي باقين كولو امين
وان شاء الله اي شي رح اعرف يفيد اخواني رح اكتبة وما اقصر
اخواني اي سؤال اني حاظر وابد لا تترددون بسؤال والي اكدر اسوي مرح اقصر بأذن الله
ستروبري _ كالفورنيا - الكاهون U S A
