المحرر موضوع: مابعد استلام الظرف 11/7 __ عمان (زيارة 183423 مرات)

الاسد الجامح · « **رد #2000 في:** 19:12 28/11/2010 »

شلونكم اخواني الاعزاء
طمنوني عنكم ها شصار وياكم سويتو اجازة سوق اشتغلتو لا
اريد اعرف اخباركم
اني اخباري قبل شهر طلبت من الجماعة المحروسين

فصل ملفي عن ملف اخت زوجتي
اليوم يكولولي احنا ما فصلنا الملف

يابا ليش ؟
لانه اني على اساس ما انطيتهم السبب
ثانيا يكولولي حرامات تفصلة انتو ماشين سوية
بمجرد يخلص التشييك الامني ننطيكم موعد سفر

طبعا اني شبعت من هذا الكلام
اكول بيهم حسبي الله ونعم الوكيل

ستروبري · « **رد #2001 في:** 03:47 29/11/2010 »

اخوية العزيز ابو سرمد ما اكدر اكول غير الله يكون بعونكم انتو الباقين لان صدك تا احس بيكم ويارب تفرج عليكم وتخلصون من هل القهر وتجون هنا بخير وسلامة وتبدون حياتكم
اني بالنسبة الي ورة موصلت بأسبوع رحت امتحنت البرمت ولان عندي اجازة سوق مال الامارات اخدت اجازة سياقة مؤقتة يعني اكدر اسوق براحتي حالي حال الي عندة اجازة سياقة الحمد الله
من صدك اتمنى تخلصون من قهر الانتظار القاتل والمشل للحياة

ريم عبد · « **رد #2002 في:** 12:36 29/11/2010 »

مقتبس من: ستروبري في 03:47 29/11/2010

اخوية العزيز ابو سرمد ما اكدر اكول غير الله يكون بعونكم انتو الباقين لان صدك تا احس بيكم ويارب تفرج عليكم وتخلصون من هل القهر وتجون هنا بخير وسلامة وتبدون حياتكم
اني بالنسبة الي ورة موصلت بأسبوع رحت امتحنت البرمت ولان عندي اجازة سوق مال الامارات اخدت اجازة سياقة مؤقتة يعني اكدر اسوق براحتي حالي حال الي عندة اجازة سياقة الحمد الله
من صدك اتمنى تخلصون من قهر الانتظار القاتل والمشل للحياة

ستروووووبريي
عااااااااااااااااااااااااااااا
كمت اتسوق بامريكاااااااااا
واني بعدني اسوق بالعرااااااااااااااق
يبووووووووو
عفتلي الكرسي المشؤؤؤؤؤؤؤم وانت اخذت الطياره وفلتتتتتتت
عيني ابو سرمد بقينا بس احنا بهاي الجمعيه
راح اذب الكرسي من الشباك لان جابلنه النحس
وخلي نغلقهاااا لهاي الجمعيه لاسباب صحيه وانسويلهااااا تعفير من وباااااء الامنيه وفايروسات الانتظار

*انتظار* · « **رد #2003 في:** 20:00 30/11/2010 »

السلام على من بقى في هذه الجمعيه المشؤومه
شلونك اخويه ابو سرمد الله يسهل عليك وعلينا ...
اخ ستروبري زين والله بعدك متواصل ويانه , مبروك عليك السياقه ..تحياتنا للعائله
شلونج ريم ؟؟؟ادري من تسدين الجمعيه غير تاخذين موافقة كافة الاعضاء !!!!!
من هسه اني مموافقه الا اذا نطيتوني الكرسي الي خلي كرسي منحوس بس كل اسمه كرسي
ما ادري شاخبار اخونه السفير ...بلكي نسمع انه سافر ...

دعائى للجميع بالفرج

اختكم / انتظار

الاسد الجامح · « **رد #2004 في:** 20:55 30/11/2010 »

هلو اختنا انتظار هاي وين هلغيبة
ادري تريدين الكرسي على البارد المستريح
غير انسوي انتخابات وتصويت

بعدين قائدنا سلمني الراية وسافر
يعني اني هسا القائد بالنيابة

*انتظار* · « **رد #2005 في:** 19:36 02/12/2010 »

ادري انتخابات وتصويت وهوسه وصرف وتخلصون ميزانية الجمعيه المكروده اللي ماظل بيها ولا فلس , هسه غير اكو اعضاء اللي تنتخب دشوف عيني كلها شردت ظلينا بس اربع نفرات ....
اني اقترح ان نتناصف المركز هذا هو الحل الديمقراطي الوحيد ..
شنو رأيك؟؟؟؟؟؟؟؟؟؟؟؟؟
او اذا تريد اخذ انت الكرسي وانطيني الامنيه وموعد السفر من جوه الكرسي

..مو احسن !!!
الله يفرجها ع الجميع

اختكم انتظار

aws1987 · « **رد #2006 في:** 03:19 04/12/2010 »

مرحبا عندي سؤال مهم ومصيري
اني كنت اعمل موظف في دائرة معينه في بغداد في مقابلهun هل اذكر هذا ام للا علما اني عمر صغير جدا
مع جزير شكر
وهل صح ياخروها لان يعرفو اني اعمل موظف في حكومه حاليه ولاكن تم تهديدي وخرجت فهل يفيدني ام لا
وشكرا

alsafeer · « **رد #2007 في:** 03:17 05/12/2010 »

السلام عليكم جميعا شلونكم اخوان شخباركم ان شاء الله بخير تكونون

اخت انتظار انا هنا مدام المحروسة عاصية مادري وين

اسف على الانقطاع بس والله من الضوجة والتفكير بهل الامنية

اسال الله ان يفرجها عليه وعليكم كولو امين

تحياتي الكم

اخوكم السفير

abo kemo · « **رد #2008 في:** 10:07 16/12/2010 »

بعد التحية والسلام على المشاركين المتبقين المخضرمين والذي انا واحد منهم اساهم اول مرة في هذه الجمعية علما باني متابعها بكل صفحاتها الاربعة عشر لقد طال الانتظار كثيرا ودخلنا مرة الياس ونفذ الصبر أستلمنا الظرف يوم 11|7|2009 وقد أجرينا الفحص الطبي ثلاثة مرات ودخلنا الدورة التثقيفية والفحص الطبي الرابع قريب جدا علما باننا قد مضى على اخذ بصماتنا اكثر من سنة ونصف في يوم 25 \5\2009 تقريبا نفس تاريخ الاخ ابو سرمد تقبلوا تحياتي

الاسد الجامح · « **رد #2009 في:** 00:19 18/12/2010 »

اخوي ابو كيمو هلا بيك
وان شاء الله راح الكثير باقى القليل

العفو انت يا ولاية

abo kemo · « **رد #2010 في:** 08:28 18/12/2010 »

بعد التحية والسلام على جميع المشتركين بهذه الجمعية ..اخي العزيز ابو سرمد انا تقديمي من عمان الى ولاية كاليفورنيا
(سان ديغو) احب استفسر هل هناك فحص طبي رابع علما انه اصبح قريب جدا في بداية شهر الواحد تقريبا وهل قمت باعادة البصمات لاننا لم نقم باعادتها لحد الان
تقبلو تحياتي

الاسد الجامح · « **رد #2011 في:** 21:00 21/12/2010 »

اخوي ابو كيمو
نعم اكو فحص طبي رابع
اني همين بنهاية شهر الواحد استحق اعادة فحص طبي
اني لحد الان ما عايد بصمات

Baguncero · « **رد #2012 في:** 22:32 22/12/2010 »

أخوان
ترة آني هم وياكم نفس الحالة وهسة دزو علية أعادة فحص للمرة الثالثة ورفضت وأجلت لأني خارج الأردن ... رجعوا هسة دزو على زوجتي وأمي أعادة بصمات وحيعيدون سبوع لجاي
طبعآ آني من المقدمين 9 شهر 12 سنة 2008 من مصر و محلفين 28 حزيران2009 بمصر واول فحص 29 حزيران2009 بمصر ونقلت الملف يوم 2 تموز 2009 لعمان - الظرف يوم 11 سبعة الأردن وعدت بصمات يوم 22 تموز 2010 بعمان وعدنة الفحص مرة لخ يوم 25 تموز 2010 هم بعمان والحبل علجرار وحسبي الله عليهم ونعم الوكيل
Baguncero

الاسد الجامح · « **رد #2013 في:** 18:01 23/12/2010 »

اخوي العزيز Baguncero

الله يساعدك وينطيك وينطينا الصبر على هاي المنظمة الفاشلة

Baguncero · « **رد #2014 في:** 21:54 23/12/2010 »

اي والله يا ابو سرمد ماقصرت .......... فاشلة فشل ذريع ... والله من يحترمهم يتفرعنون ومن تلبسهم حشاك يومية يخابرون ويلحون .......... هذا هوة ماكو غير الصبر

بالتوفيق أخوية للجميع

كل عام وأنتو بخير يومآ نخلص من هالأذية

Baguncero

الاسد الجامح · « **رد #2015 في:** 00:53 25/12/2010 »

اخوي بما انه اني وياك كاعدين كاعدين بهاي الجمعية

خلينا نسولف
اسالك
شنو معناة لقبك Baguncero

Baguncero · « **رد #2016 في:** 16:04 27/12/2010 »

ههههههههه قوية بشرفي .. مال كاعدين والله آني بعد مأصدك أروح لأمريكا ... والله العظيم أيست وكمت أكرههة
يمعود آني علستهم وطلعت اشتغل وكلما يخابرون على فحص أرككعهم بأيميل أكلهم آني دأشتغل بالبحر حتة أعيل أهلي لأن أنتو صارلكم سنتين بما معناه تلعبون بأعصابنة وكلشي مقابضين منعدكم ..... عاد همة يخابرون البيت ويكلولهم ننتظر ابو البيت من يجي يكممل الأجراءات ..... شون أجراءات فاشلة هية عاد هسة
عيني
لقبي هوة من اللغة البرتغالية معناه ((أبو المشاكل - أو - طربككة يعني باللهجة مالتنة)) لأن آني أحجي برتغالي تعلمتهة بالبرازيل عشت 3 سنوات هناك - شون عيشة؟؟؟ مكانك خالي عيني ابو سرمد ... ليروح للبرازيل يرجع70 سنة ليورة بعد ماسولفلك لأن الجماعة يبطلون من أمريكا وكلهة تروح للبرازيل

يابة الله يسهل عليك وعلجميع

تحياتي وأحتراماتي

أخوك

Baguncero

الاسد الجامح · « **رد #2017 في:** 22:54 29/12/2010 »

مشكور اخوي ابو المشاكل

اني رافع شعار لو اني لو همه
وبعدين ما بقى شي 4 اشهر ويصيرلي سنتين بالتمام والكمال
هذا اني حسب من تاريخ اول مقابلة وهي مقابلة توطين ب ال un عمان
بتاريخ 26\4\2009

abo kemo · « **رد #2018 في:** 12:58 30/12/2010 »

بعد التحية والسلام على جميع الباقين من هذه الجمعية المخضرمين الصابرين والذي انا واحد منهم نودع عام ونستقبل عام جديد أنشاءالله يكون عام الخير والبركة والامان والاستقرار لجميع العراقيين بكافة فئاته واطيافه من الشمال الى الجنوب أخي أبو سرمد نحن ماعدنا البصمات لحد الان صار اكثرمن سبعة عشر شهرا وقد اتصلنا بهم بخصوص هذا الموضوع يقولون من يحتاجون يعيدوها يخابروكم اريد رايك بالموضوع علما الي ما عاد البصمات كلش قليلين

الاسد الجامح · « **رد #2019 في:** 17:46 30/12/2010 »

اخوي العزيز ابو كيمو اشكرك
و ان شاء الله تكون سنة سعيدة عليك

بالنسبة لاعادة البصمات راح اسولفلك اشصار ويايه يوم 2\8\2010
جان عندي مقابلة محلفين لاضافة الطفل ومن سالت المحلفة عن الموافقة الامنية كالت انتو
CLEAR يعني جايتكم الموافقة ومن سالت عن اعادة البصمات كالتلي انه الي جايته الموافقة ميحتاج
يعيد بصمات ...... خوش
اخابرهم يكولولي موافقة ماكو وانت بقسم اعادة البصمات

شنو السالفة راح اتخبل

ستروبري · « **رد #2020 في:** 03:34 01/01/2011 »

اخواني كل عام وانتو بالف خير وانشاء الله تكون السنه الجديدة سنة مسرات وافراح والله يفرجه على كل واحد تعبان ويارب تلاقون راحة البال والاستقرار

ريسكم سابقا
ستروبري
C A

الاسد الجامح · « **رد #2021 في:** 20:53 02/01/2011 »

كل عام وانت بخير ريسنا

الصبر طيب · « **رد #2022 في:** 01:18 08/01/2011 »

مرحبا شباب

شلونكم شنو اخباركم صارلي فترة ما اعلق على شي

من الكأبة رح ايصير سنتين وكلشي ماكو

مكانك راوح ملينا

وأنشاء الله تكون سنة خير على الجميع

اخوكم المخضرم الصبر طيب

الاسد الجامح · « **رد #2023 في:** 16:57 09/01/2011 »

هلا مية هلا
هاي وين هلغيبة
اني عبالي سافرت طمني شصار وياك عدت بصمات لا

الصبر طيب · « **رد #2024 في:** 20:44 09/01/2011 »

هلا بيك ياوردة

لا والله بعدني ما سافرت ولا طلبو منياعادة بصمات

بس هذا الشهر يخلص الفحص الطبي 3 ما اعرف اذا اكو فحص 4

الصبر طيب

من عمان

abo kemo · « **رد #2025 في:** 17:34 26/01/2011 »

بعد السلام والتحية للباقين المخضرمين جماعة استلام الظرف لشهر السابع 2009 البارحة اتصلوا بينا لاجراء الفحص الطبي الرابع واليوم اكملنا الفحص بالكامل مرحلة واحدة بنفس اليوم علما كان معنا في مستشفى بلازا الخالدي اكثر من خمسة عوائل من جماعة 11|7 سلام خاص للاخ ابو سرمد وانشاءالله الفرج قادم بعون الله أخوكم في الصبر والانتظار ابو كيمو

الرسام1973 · « **رد #2026 في:** 15:16 30/01/2011 »

اخوان انى من جماعة 5\12\2009 عمان هل اعتبر من المخضرمين .................

الرسام ابو علاوى

الاسد الجامح · « **رد #2027 في:** 19:26 31/01/2011 »

شلونهم الطيبين
اني لا جديد اعتذر عن الانقطاع لانه ما عندي نت

اخوي ابوكيمو مبروك على الفحص وتاكد تماما انه ماكو فحص خامس

ابو علاوي الوردة اذا انت مو من المخضرمين لعاد منو

Baguncero · « **رد #2028 في:** 23:08 31/01/2011 »

أبو سرمد شلون ماكو فحص خامس؟ شلون تأكدت؟؟

Baguncero

الاسد الجامح · « **رد #2029 في:** 09:48 01/02/2011 »

هلا باخوي Baguncero
هاي وين هلغيبة
اخت زوجتي عادت الفحص الطبي للمرة الرابعة فسالت الدكتورة اكو فحص خامس كالت لا ماكو ولا مرة صارت
خابرت المنظمة وسالتهم كالو لا ماكو فحص خامس لانه يصير للمعاملة سنتيت وهو الحد الاقصى للمعاملة وراها
لازم يتخذون اجراء اما يسفروك او يعديون توطينك بدولة ثانية
بس انت تعرف ذولي iom متكدر تاخذ حجاية منهم
والله كريم

Baguncero · « **رد #2030 في:** 23:11 02/02/2011 »

عاشت ايدك اخوية ان شاء الله تتوكل وتستقر وتخلص من هالمغثة
هذا هوة ننتظر والتساهيل يم الله

تحياتي

الرسام1973 · « **رد #2031 في:** 17:37 05/02/2011 »

الله كريم

شكرا حبيبي الاسد الجامح على الجواب

الرسام ابو علاوي

الاسد الجامح · « **رد #2032 في:** 20:26 13/02/2011 »

شلونهم اخواني الطيبين

اليوم خابروني على اعادة بصمات

Baguncero · « **رد #2033 في:** 21:41 14/02/2011 »

أبو سرمد سفرك قريب
كول ان شاء الله

Baguncero

alsafeer · « **رد #2034 في:** 15:46 15/02/2011 »

الف مبرووك ابو سرمد اخوية ان شاء السفر القريب

اخوك السفير

الاسد الجامح · « **رد #2035 في:** 19:27 15/02/2011 »

ان شاء الله

مشكورين اخواني السفير و Baguncero

يوم الي اسمع خبر سفركم

ستروبري · « **رد #2036 في:** 08:06 17/02/2011 »

ما اعرف شكلكم بس يكون الله يسهله عليكم وتخلصون من هاي المغثة والفهر ان شاء الله تتسهل اموركم وتسافرون بأسرع وقت يا رب الله يساعدكم الله يعوض صيركم وانتظاركم خير

ريسكم سابقا ستروبري
كاليفورنيا

*انتظار* · « **رد #2037 في:** 11:13 17/02/2011 »

مبروك اخويه ابو سرمد ان شاء الله تكون فاتحة خير
بس اني سويت اعاده البصمات من شهر العاشر والى هسه انتظروسويت فحص طبي رابع
والله ملينا من الانتظار زين احنه الى متى نبقى مو صرنا اقدم وجبة
يعني معقوله كل هالوكت تجييك ابد مو معقوله
على كل حال الامل بلله ....

عيني ابوكيمو ماكو شي جديد يمك ؟؟؟؟؟
اخويه السفير انت شاخبارك؟؟؟؟

ربي يفرجها علي وعليكم ..

الاسد الجامح · « **رد #2038 في:** 21:04 17/02/2011 »

شكرا اختي انتظار والله يفرجها علينا وعليكم
تفائلو بالخير تجدوه

قائدنا الحبيب

وزميل النضال هاي انت بعدك مرابط علخط ويانا

ها اميركا حلوة يعني تستاهل الانتظار

abo kemo · « **رد #2039 في:** 06:36 18/02/2011 »

بعد التحية والسلام على جميع الطيبين المشتركين في هذه الجمعية أبو سرمد وشكرا أنتظار لاسوالك عني والاخ الرسام المبدع بلوحاتك الجميلة بعد اجراء الفحص الطبي الرابع بشهر الاول اتصلوا بنا لاعادة البصمات يوم 12\2 وكان معنا عائلتين من جماعة 11\7 وماعندنا غير الصبر والله ارحم الراحمين

alsafeer · « **رد #2040 في:** 01:00 19/02/2011 »

السلام عليكم اخواني واخواتي الاعزاء

اخت انتظار بالنسبة الى اخر اخباري وهي لا جديد اني سويت اعادة البصمات بشهر السادس ولحد الان مفحصت الرابع في شهر اربعة استحق الفحص وان شاء الله خير .

اسال الله العظيم رب العرش العظيم ان يسهل لكم بالسفر ولي ايضا كولو امين

تحياتي اخوكم السفير

ستروبري · « **رد #2041 في:** 05:27 20/02/2011 »

اخوية العزيز ابو سرمد اكيد بعد معشت بعمان تشوف امريكا تستاهل كل الانتظار هي حلوة بس مو سهلة ينرادلة حيل وتعب علمود تنجح بيه او لازم تكون لا ابالي وتعيش على الطكة اني بس اكول الشاطر وين ميكون يفلح والكسلان وين ميكون يفشل
الله يسهل اموركم وتخلصون بأسرع وقت

ستروبري

ريم عبد · « **رد #2042 في:** 09:52 20/02/2011 »

السلام عليكم
ياهلالالالالالا بالشعب الصاااااامد
رئيسنا طاير وكاعد بامريكااااااا
واحنا مصرين على البقااااء
ونمشي على مقولة البقاء للاصلح $:-\$ $:-\$ $:-\$ $:-\$ $:-\$
خخخخخخخخخخخ
احنا مارسنا عملية خلع الرئيس قبل الدول العربيه كلهااااا
ومحد ديقبل يكعد على الكرسي مالته خوفا من الخلع

اخويه ابو سرمد اجيت اشوفك طرت لو بعدك

اشو الظاهر بعدك دتنتضرني

واني حالفه مااسافر الا انت تسافر قبلي
وهاي شلون راح نحلهاااااا

ستروبري · « **رد #2043 في:** 06:13 21/02/2011 »

يبووووووووووووووووووووووووووووو ريمو هاي بعدج اويلي

اكولج اني طلعت من الرئاسة بدون محد يطلعني طلعت معزز مكرم بعد مرور سنة ونص انتظار هههههههههههههههههههههه بس خوش باب فتحت وراية مو اللكم انتو الشعب

للرئساء الاخرين ( تدرين مو جنة نلعب دعبل سوة هههههه)

والله مشتاقلكم يارب يطيروكم مثل ما طيرو روئساء الدول العربية

اويلي عليكم هذولة طارو وانتو بعدكم

ريم عبد · « **رد #2044 في:** 12:41 21/02/2011 »

اييييييييييييييييييييييييييييييييي
سترووووووووبريييييييييييي
بعدنيييييييييييييييي
اني مصره تكون فترة حكمي اطول من معمر القذافي

يبوووووووووووووووووو
والله ياااااازمن
كعدت بامريكاااااااا
وكمت تضحك علينااااااا
مو ذاك اليوم جنا نلعب دعبل سوه هنا بهاي الجمعيه
هسه كمت تمر عليناااا ضيف اجنبي ههههههههههههه
والله يادنياااااااااا

الاسد الجامح · « **رد #2045 في:** 16:20 21/02/2011 »

هاي لاخوي ستروبري

هذا الريس ريسنا يا نور العين منا وبينا ومعدنا ريسنا الزين

اخت ريم لازم انت طيرين بالبداية لانه السيدات اولا

باوعي اشلون احنا ديمقراطين وندعو لتحرير المراة

ابو كيمو ان شاء الله خير

السفير عيوني الله ينطيك الصبر

ستروبري · « **رد #2046 في:** 06:11 22/02/2011 »

تسلملي يا ابو سرمد الورد صدك هذا الريس من ذاك القائد ونعم الريس الجديد انت الله يسهل امورك وطير انت هم بأسرع وقت
ريممممممممممممو ادري شلون وياج دعوفي للكرسي مو بعدين رح تصير بالدفرات وانتي ليدي ما تتحملين واحنة هم نخاف عليج شفتي اخوية الاسد شلون نطاج سراه بالاين تفلتي ترة الفرصة متجي كل مرة
خلوني احجيلكم شوية على امريكا
هنا بكليفورنيا العيشة عدة انواع
الاول هو الي يشد حيلة اول ما يوصل ويفوت درب الدراسة ويذب نفسة علمود يعادل شهادته وهاي الي يسوها كثرهم اصحاب الشهادات مثل المهندس والدكتور والصيدلي واصحاب الشهادات مثل مكتلكم

الثاني هو الي عندة مهنة مثل الخباز والحلاق وبالنسبة للنسوان الحلاقة والي عده استعداد تشتغل بيبي ستر وكاشيرة وهم مو دائما تلكي شغل بس اكو فرص عمل اكثر لهاي الاشغال

الثالث والي هو عطال بطال ودئما تعبان وبس يركض منا ومناك بلكي يحصل شي يوزعوه او شي يجيه بلاش وهذا النوع عايش على الطكة ابد ما يطور ويظل يراوح مكانة طبعا ما احجيلكم هنا شفت ناس صالهم سنتين ولا طكة انكليزي ما يعرفون يحجون

الرابع هو الوسط الي باقي محترم نفسة ومشي حالة وتيروح للمدرسة وتيحاول يتعلم ويطور علمود بعدين يكدر يعيش ويندمج بالمجتمع
وبعد اكو بس هسة هذا الي شفتة
عموما اريدكم تعرفون انو هنا الشغل ابد مو عيب والشاطر هو الي يكدر على العيشة ويكدر يندمج بالمجتمع امريكا حلوة وبيه فرص حلوة بس تعتمد على الشخص نفسة وعلى طريقة تفكيرة وهو شلون يريد يعيش

اخوكم ستروبري

ابو طبر · « **رد #2047 في:** 06:59 26/02/2011 »

السلام عليكم اخواني واخواتي الاعزاء الصابرين والصامدين البواسل وعلى رئسهم المناضله مرررربمووووووو
اخواني وين تلكون مثل ريسنا ستروبري احنه دوم ايد بايد لتصورون يجي يوم ونغير الريس حتى لو نروح للمريخ يبقى ريسنا وحبيبنا ستروبري
ذهب ذهب ذهب -- ريسنا حجيه ذهب
ذهب ذهب ذهب -- ريسنا كله ذهب

اخواني شنو لزكتوا تره والله مصايره هاي الشغله ربي يكون بالعون
اضافه لاقوال القائد اكو ناس شغلتهم قفاصه ( اي قفاصه تمام ) يكونون متواجدين باماكن تواجد العراقيين او العرب الجدد مثل المقهى وحتمان تسكن معاهم بنفس الشقه

يسوولك البحر شوربه عدس وكلشي يعرفون من تسئلهم ويندلون كل درابين امريكا من الشرق للغرب وهم عطاله بطاله بس يعرفون انته جديد وعندك كم فلس

ربي يبعد عنا وعنكم كل شر

اخوكم : ابو طبر

ريم عبد · « **رد #2048 في:** 16:27 26/02/2011 »

مقتبس من: الاسد الجامح في 16:20 21/02/2011

هاي لاخوي ستروبري

هذا الريس ريسنا يا نور العين منا وبينا ومعدنا ريسنا الزين

اخت ريم لازم انت طيرين بالبداية لانه السيدات اولا
باوعي اشلون احنا ديمقراطين وندعو لتحرير المراة

ابو كيمو ان شاء الله خير

السفير عيوني الله ينطيك الصبر

لا والله ميصير ابو سرمد
الا انت كبلي
اني لازكه بسيكوتين ابو العصارتين
مااهد الكرسي حتى لو القذافي عاف كرسيه
ابقى صاااامده لاخر خشبه بالكرسي

ريم عبد · « **رد #2049 في:** 16:30 26/02/2011 »

عيني ستروبري ابدااااااا ولايمكن
ليش مااعرف ابو سرمد ليش دينطيني مكانه
غير طمعان بكرسي الرئاسه
واني مراح انفهله
اذا مبارك تقشمر وراح تنحى من اول مضاهره
اني متهزني الهزايز
وادي ائعده

ريم عبد · « **رد #2050 في:** 16:34 26/02/2011 »

هلا هلا هلا بابو طبر
عيني يارئيسكم
هاي انت دتحجي على ايام العهد المباااااااد
مو تحررنااااا من زماااان وطار رئيسكم
هسه هذا العهد الجديد بقيادتي

اني متت لمل طيرتكم وخلصت
وهسه مش حاتنازل عنك ابدااااا مهما يكوووووووووووووون

الاسد الجامح · « **رد #2051 في:** 16:48 26/02/2011 »

هههههههههههههههههه

اذا هلشكل لعاد اني اسس حزب معارض لحكم دولة الرئيسة

ستروبري · « **رد #2052 في:** 00:57 27/02/2011 »

تسلم ابو طبر الوردة الله يخليك للقيادة ذخر
طبعا كلامك كلش صحيح على القغاصة وازيدك من الشعر بيت اكو عراقين يترجمون كم كلمة لاخوانهم العراقيين الميعرفون انكليزي وياخذون منهم فلوس مثل مصار بالمدرسة مال بنتي اجت مرة خطية تريد تسجل طفله ومجانت تتعرف انكليزي زين وجان واكف يمه ابو طالب هم جاي جديد بس كلتلة شنو يعني اسجل ابني بالانكليزي كلة اوكي انطيني فلوس واني اكولهم يعني الاخ لا مترجم ولا اي شي مجرد جاي للمدرسة ويان ابنة يصير هيجي يا واحد منكم احد يسألة ويكلة شنو معنى هاي الكلمة بلانكليزي وتيشوف شخص محتاج ميعرف شلون يسوي الشغلة ويطلب فلوس من المقابليلة وهو لا مجاز ولا مترجم ولا اي شي والمرة بس رادت مساعدة بسيطة تتشوفون الناس شلون صايرة
اكيد اكو ناس زينة لان لو خليت قلبت بس شوفو النفسيات
ريمووووو يا خشبة مو اني اخذت الكرسي وياية بس لا تقصدين الكرسي البلاستك الي عفتة هناك
اخوية ابو سرمد انت ان شاء الله متحتاج الرئاسة لا انت ولا ريمووو ولا اي واحد كم الجماهير بلكي نسمع اخباركم الحلوة عن قريب بأذن الله

اخوكم الصغير ستروبري

ريم عبد · « **رد #2053 في:** 10:07 27/02/2011 »

طلع كرسي بلاستيك ومعاد وهيج لازكين بي هالزكه
لعد لو خشب صاج شجان سويتوااااااااااااااا $:-\$ $:-\$ $:-\$

ميخالف عيني ستروبري اسمه كرسي رئاسي مو مشكله المعدن المهم الجوهر خخخخخ $:-\$

والله اخي ابو سرمد كان غيرك اشطر
الى هسه محد اشتغل معارضه عليه وفلح
صدكني كلهم اطيرهم

اذا تريد تطير عارض سياسة الرئيسه

ودنشوف البقاء المن راح يصير
اشو بس اني وياك خالين كولين بالساحه او وحدنا نلعب بيها ههههههههههه

alsafeer · « **رد #2054 في:** 04:24 29/03/2011 »

السلام عليكم جميعا....

يابه وينكم اشو ساكتين هم امنيه ماكو وهم محد يشارك ؟

خلونه نسولف عاد احسن من السكته نلهي رواحنا .

يله اخوان نشاط الى الامام الى الامام لاسكوت ههههه.

الله كريم قربت تفرج والله

تحياتي لكم

abo kemo · « **رد #2055 في:** 12:25 29/03/2011 »

مر حبا أخوان السفير وابو سرمد والاخت انتظار وكل جماعة 11|7 الباقين دخل اليأس والاحباط والملل والكابة والانتظار القاتل بدون أمل واضح وحتى الجماعة الي حددولهم موعد سفر يوم 12|4 أتصلوا بيهم ولغوالاسباب غير معروفة نصبر والله أرحم الراحمين علما هم من جماعة 11|7

*انتظار* · « **رد #2056 في:** 00:22 30/03/2011 »

مرحبا اخواني في النضال السفير وابو كيمو وابو سرمد والباقين جميعا( اذا اكو بعد احد)
شلونكم عيني
ان شاء الله تكونون بخير انتو وعوائلكم
طبعا اني لاجديد على كولة ابو كيمو الكابة صاعده والاحباط عامل بينا العمايل
يعني ما ادري رح نقبط سنتين واحنه مكانك راوح وتاليها شلون مادري
شنو ناسينا ؟ شوكت تفض علينا ؟
والله صرنا نحجي ويه رواحنا من القهر ...يعني معقوله سنتين تجييك !!!!!
اخ ابو كيمو ذوله الجماعه اللي تكول عليهم شوكت اتصلوا بيهم و نطوهم الموعد؟
الله كريم ..ان بعد العسر يسرا

الاسد الجامح · « **رد #2057 في:** 07:22 30/03/2011 »

هلا بالطيبين

والله اني خفت اكتب اخباري عبالي ماكو احد ويايه
ونوب عبالهم مخبل يحجي ويا روحه

قبل اسبوع خابروني على الفحص الطبي الرابع

لحيت شوي على الموظف ورا ما قريتله اليتيمة والحزينة والغزالة

كال انت ملفك ومجموعة من الملفات يمي مكتوب عليها

سرعة الاجراءات

حاولت اسال اكثر كال ان شاء الله خير

ملاحظة اني بيوم 26\4 اقبط سنتين من تاريخ مقابلة التوطين ب un
الي كالتلي بيها الموظفة انه المعاملة اطول سنتين كحد اقصى
ويوم 28\5 من تاريخ اول مقابلة بال iom

alsafeer · « **رد #2058 في:** 03:02 01/04/2011 »

كنا قبل نكول بس ينطونا موعد سفر حتى نرتاح هسه هم صرنه نخاف ينطونه الموعد ونصفي امورنا وتالي يأجلون الموعد

والله دوخه وحيره .

الله كريم الله يسر ان اشاء الله

مبروك اخويه ابو سرمد على الفحص الرابع وان شاء الله يكون الختامي وتسافر

وتحياتي للجميع

Engineer82 · « **رد #2059 في:** 07:23 03/04/2011 »

سلام عليكم شباب
والله بصراحه كلش فرحت من شفت ستروبري بامريكا هههههههههههههههه لان هو رفيقي بالنضال وانتظر هوايه خطيه
بعد ما اعرف توفي سافر لو لا؟؟؟؟
والله هاي مال اترجملك وجيب فلوس بعد راح اضيفه للقذاره الي شفته من العراقيين حشه الطبيبن
بس شفت عراقيين هنا مشفت منهم طول حياتي
اني من اشوف عراقي افرح
بس هنا اغلبيتهم من يشوفون عراقين يدرون وجهم لو ميحجون عراقي
نفسيات تعبانه واحنه بيدنه وصلنه بلدنه هيج
اغنى بلد بالمنطقه وشارع بيه خير ماكو

اما عن اليو ان فمسعت من موظفين 2 من داخل اليو ان هنا والله اعلم
بانه صار هل التوقف لسببين الاوا العراقيين الي ديجون لامريكا ديشتكون وومرتاحين والسبب الثاني وضع الشرق الاوسط وخاصه مصر الي بيه اعتقد مقر اليو ان هنا ويصير التجيك الامني اغلبه هناك

ونفسهم كالوا بانه خلال شهرين راح يرجع نشاط اليون من جديد
بس همين اكو حجي بانه الي خلصانه معاملته ميه بالميه يسافر بس الي جديد
يجوز يحول لدوله اخرى
والخيره فيما اختاره الله اخوان ذبوة على الله هو ارحم الراحمين

alsafeer · « **رد #2060 في:** 21:00 10/04/2011 »

السلام عليكم شلون الجماهيريه الصامده

احب اخبركم اخر اخباري اليوم كملت الفحص الطبي الرابع .

بس الصراحه اكو ناس فاحصين الخامس لان سالت الدكاتره كلهم هل اكو فحص خامس وكلهم كالولي نعم اكو ناس فحصو خمس مرات .

طبعا يؤسفني على نقل هيج خبر بس حبيت ابلغكم حتى تكونون بالصوره

الاسد الجامح · « **رد #2061 في:** 20:55 11/04/2011 »

هلا باخوي السفير

ومبروووووك على الفحص وان شاء الله يكون الاخير

اخوي اني العكس تماما صار ويايا انه من سالتهم على فحص خامس كلهم كالو لا
زين هاي شلون

abo kemo · « **رد #2062 في:** 10:08 22/05/2011 »

بعد التحية والسلام على البقية الباقية من الاعضاء الكرام من هذه الجمعية التي ليس لها مثال من حيث الصبر والانتظار القاتل والملل الذي ليس له حدود الرجاء اعلامي بالبقية الباقية ومنهم الاخ ابو سرمد والسفير وأنتظار وعذرا اذا لم اعرف الباقين الرجاء كتابة أي شي يخص الموضوع والذي سافر الله معه ويوفقه لاني بصراحة أحس بقيت اني بحدي بهاي الجمعية ومن الله التوفيق للجميع

*انتظار* · « **رد #2063 في:** 10:12 24/05/2011 »

بعد التحية

انا لازلت انتظر ولا جديد وكلما اخابر يكولون تجييك امني .

للاسف الحال من بعضه والكابة صاعده ومن دا اقرا بالمنتدى عن جماعات المتاخرين اللي ديعيدولهم المحلفين اكول بلكي يخابرونه ويعيدوها ويهتمون شويه بينا ويكولون اكو ناس صارلها كل هالفترة تنتظر ...
بس بصراحه اني مأيسه .

اختكم انتظار

alsafeer · « **رد #2064 في:** 01:58 25/05/2011 »

السلام عليكم جميعا شلونكم ان شاء الله تكونون بخير

اخويه ابو كيمو لاتخاف كلنا وياك لل لوحه وبعدنا مكانك راوح

ابو سرمد اخويه طمنا عنك

تحياتي للجميع واسال الله العلي القدير ان ييسرها لي ولكم باقرب وقت وهو القادر على ذلك.

اخوكم السفير

الصبر طيب · « **رد #2065 في:** 20:41 26/05/2011 »

شلونهم الاخوان الطيبين الصابيرين

اني لا جديد

والاخ ابو سرمد همين يسلم عليكم ويكللكم لا جديد

هو غايب لانه النت مفصول

sameh_majeed · « **رد #2066 في:** 23:28 31/05/2011 »

السلام عليكم اخواني الاعزاء,,, اكو سؤال محيرني و مأخرني اشهر طويله , اني وصلت مرحله ارسال الاوراق الى نبراسكا بالدي اج ال,,و بس عندي مشكله وحده وهي انه اني لازم زوجتي و ابني يجون ويايه بس ما مسويلهم جوازات لحد اليوم ,,و مدا يصير الوقت الملائم حتى اسويلهم الجوازات ,, سؤالين عندي : اول سؤال: اكدر ادز اوراقي (كامله مع الجواز) و اوراق زوجتي و ابني (بدون الجوازات ) لنبراسكا حتى ابقي امامله مستمره بدون توقف؟ صارلي ارب او خمس اشهر واكف بهاي المرحله !!! لو ميصير لازم ادز الاوراق كامله مره وحده ؟؟؟ و السؤال الثاني : اني ما اعرف اي تغييرات بموضو الSIV اكو بيه اي تغييرات لحد اليوم شهر السادس 2011؟؟؟؟؟
ارجو من اللي عنده رد يتصل بيه على ايميلي sameh_majeed@yahoo.com

abo kemo · « **رد #2067 في:** 16:45 16/06/2011 »

بعد التحية والسلام على جميع الأخوة الباقين من هذه الجمعية ومنهم ابو سرمد والسفير وأنتظار والصبر طيب وعذرا لاني لاأعرف الاخوان البقية أخواني هل صحيح ان المحلفين تنعاد بعد مرور سنتين عليها علما باني لم يتصل بي اي احد لحد الان وكان تاريخ المحلفين 14|6|2009 الرجاء أفيدوني بمعلوماتكم ولكم مني جزيل الشكر والتقدير

Baguncero · « **رد #2068 في:** 17:22 16/06/2011 »

نعم ابو كيمة تنعاد وحيتصلون بيك حبيبي واذا ما اتصلوا انتة بادر واتصل نصيحة من اخوك ماطول موجود المحلفين بلكي يقابلوك وتخلص لان حيولون حشاك يوم 23

الله يهجمهة للآي او ام حتة نكّطع المل من تنهجم

هجم وردم

Baguncero

*انتظار* · « **رد #2069 في:** 21:11 16/06/2011 »

السلام عليكم اخواني جميعا

عيني ابو كيمو اني هم ماحد خابرني لحد الان وخابرتهم قبل كم يوم نفس الشي هم تجييك امني بس ماكال اي شي عن المحلفين مع تحياتي للجميع
دعائي للجميع بالفرج

اختكم انتظار

الصبر طيب · « **رد #2070 في:** 18:44 17/06/2011 »

اخوي ابو كيمو
نعم تنعاد المحلفين ورا سنتين
اني الاسبوع الماضي عدت المحلفين

الاخ الاسد الجامح كالوله من خابرهم انه متحتاج اتعيد محلفين لانه انت السنة الماضية
قابلتهم لاضافة طفل

Baguncero · « **رد #2071 في:** 23:57 17/06/2011 »

أخوية الصبر طيب
آني هم ظفت طفل بشهر 2 سنة 2010 جانت محلفين قابلونة
بس جانت مقابلتي وياهم الأولى سنة 2009 شهر 6 يوم 28 يعني بعد كم يوم يصير سنتين علأولى المقابلة شتكول رأيك؟؟ هم أعيد ؟؟ لو يعتبرون مال ابني المقابلة هية الأخيرة

ممنون لرأيك بالجواب

Baguncero

الاسد الجامح · « **رد #2072 في:** 18:03 22/06/2011 »

ها خوتي ها

اليوم الصبح خابرونا ............... ايههههههههه

جان يفرحوكم ويفرحونا ......... لك ايهههههههه

وعلى دورة تثقيفية صاحونا ............. ها خوتي ها

خابرونا خابرونا لاريزونا لارريزونا

اخوان بعد انتظار شنيع اخيرا دورة تثقيفية وياها الامنية

يوم الي الكم

اخوي bancero نعم انت ميحتاج اتعيد محلفين لانك قابلتهم السنة الماضية
اني ضفت الطفل يوم 2\8\2010 يم المحلفين

Baguncero · « **رد #2073 في:** 20:39 22/06/2011 »

ابو سرمد مو عندي الحجية هم ويانة بكيس مرتبط ربط قوي بس مجتي بيوم أضافة ابني الكرخي
شتكول؟؟ يعني يصير بس امي اكسباير؟؟؟
أفتونــــــــــــــــــــــــــــــا مأجوريــــــــــــــــــــــــــــن

Baguncero

ابو طبر · « **رد #2074 في:** 08:11 23/06/2011 »

اخونا الاسد الجامح الف مبرووووووووووووووووووووووووك والله فرحتلك كثيررررررررررررررر
اي يمعودين خلي تنفك جبسه هذه الجماهيريه وتخلص
يارب تتحرك كل الملفات وتوصلون بسلامه
مره ثانيه اخويه الاسد الجامح الف الف الف الف مبروك

اخوكم : ابو طبر

كاليفورنيا

alsafeer · « **رد #2075 في:** 16:59 24/06/2011 »

اخوووووووووووية ابو سرمد المناضل الف الف الف عشرة الاف مبروك والله فرحتلك من كلبي وان شاء الله السفر القريب

وان شاء الله يوم اللي تفرج علينا بحق لا اله الا الله .

abo kemo · « **رد #2076 في:** 07:25 25/06/2011 »

ألف مبروك أبو سرمد وتحقيق كل أمانيك بعد الصبر الطويل وانشاءالله تفرج على الجميع وخصوصا المخضرمين الصابرين بأذن الله تعالى

الاسد الجامح · « **رد #2077 في:** 13:19 25/06/2011 »

مشكوريييييييييييييييييين اخواني الطيبين

ابو طبر وابو كيمو والسفير

Baguncero اخوي الحجية الله يخليها نعم اتعيد محلفين

اني الي صار ويايه انه اخت زوجتي وهي ارتباط قوي ويانا عادولها محلفين
اني من خابرتهم سالتهم اني الي اعادة محلفين كالو لا
لانه انت قابلتهم السنة الماضية علمود اضافة طفل

ريم عبد · « **رد #2078 في:** 14:44 25/06/2011 »

هااا خوووووتي هاااااااااااااااااااااااااااااااا
هاااااااااااااااا
وضل البيت لمطيييييييييييره وطاااارت بي فرد طييييييييييره

وطاااااق طااااق طااااااق

واخيراااااااااااااااااااااااااا
شلعت اخر رجااااال الموهيكااانز

بس هوه الي جان عااااصي
والله هواااايه كلفني غااالي الى ان طلعته $:-\$

واخيرااا صفالي الجو وبقيت وحدي على سدة الحكم
والكرسي باقي لصاحبته الشرعيه
ايييييييييييه ولايدووووم الا وجهه الكريم

اخي ابو سرمد فرحتي بشلعتك لاتوووووصف
اخيراااا تحقق الحلم بسفرك وسيطرتي على الامبراطوريه العظمى خخخخخخخخخخخخخخخخ
ياربي بالتوفيق وشايف كل الخير
وسلمنااااا هناك على كل الرؤساء المخلوعين

Baguncero · « **رد #2079 في:** 23:02 25/06/2011 »

أبو سرمد أشكر جوابك ياورد
الله يوفقك ويفتحهة بوجهك آميـــــــــــــــــن

أخوك

Baguncero

ستروبري · « **رد #2080 في:** 08:06 29/06/2011 »

الف مبرووووووووووووووووووووووووووووووك فرحتنة وصدك فرحنالك ويوم الباقين كلهم يفرحون اللف مبروك مرة ثانية وفرحنة اول متاخذ موعد السفر واني لو بأرزونا جان مقصرت وياك ان شاء الله تنفك جبسة الباقين وكلكم تسافرون وتستقرون

*انتظار* · « **رد #2081 في:** 21:49 29/06/2011 »

مبروك اخونا ابو سرمد ندعولك بالموفقية وراحة البال وتحقيق الاماني
ويوم لجميع الباقين ان شاء الله ...

texasy · « **رد #2082 في:** 01:54 24/07/2011 »

شلونكم اخواني واخواتي الاعزاء
مشتاق للجميع هواية هواية ... ادري اني مقصر بالابتعاد عن الكتابة بالمنتدى بس الكل باقين بالبال واتابع اخباركم بين فترة وفترة لمن يصيرلي وقت لان هنا الوكت يطييييييييييييييير متعرفون شلون ومرح تصدكوني الا تجون وتجربون وان شاء الله جيتكم تكون قريبة وتخلصون من الانتظار الممل (الله يساعدكم)

الف مبروووووووك يا اسد الجماهيرية ماشاء الله نفسك طويل وهذا خوش اختبار للصبر اللي رح تحتاجه هنا والله يوفقك بحياتك الجديدة ولتنسى فرحنا بموعد الطيارة (صدك تكدر تستعمل طيارة الريس وتشلع لان توفي يمكن دافنها بالحديقة ههههههه)

الله يسهل اموركم كلكم وتفرحون ان شاء الله عن قريب ولو صوموا رمضان وبعدين هلة بيكم ترة رمضان يمكم احلى

اخوكم تكساسي من تكساس الحبيبة
النائب الثاني (المخلوع) بس خوش خلعه هههههههههههههههههههههههههههه

alsafeer · « **رد #2083 في:** 16:25 30/07/2011 »

السلام عليكم اخواني واخواتي .

كل عام وانت بالف خير ورمضان كريم واسال الله ان يتقبل صيامنا وقيامنا ويجعل هذا الشهر الفضيل شهر الفرج والسعادة لنا وان شاء الله يتصلون بنا في اقرب وقت ويعطونا مواعيد سفر بقدرة الله تعالى وهو القادر على كل شي .

اخوان ماعدنة غير الصبر والدعاء ومن الله الفرج وحدة

تحياتي الى الجميع

الاسد الجامح · « **رد #2084 في:** 17:00 30/07/2011 »

كل عام وانتم بالف خير
رمضان كريم

اني لا جديد بعدني بعمان منتظر الفرج

اخوي تكساسي اشكرك بس الطيارة صايرة زنجار

وصدك رمضان يمنا احلا

ريم عبد · « **رد #2085 في:** 21:37 30/07/2011 »

ابو سرمد هاي بعدك؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لا هوايه راح نسافر اذ الي مخلص الامنيه صاره شكد كاعد ينتظر موعد السفر
$:-\$ $:-\$ $:-\$ $:-\$

يله خلص رمضان احسن ميتخربط عليك والعيد هم يمكم احلى
بس مو تبقى لعيد الجبير

كااااااافي عااااااااااااااد جلبتتتتتتتتتتتتتتتتتتتتتتتتت

رمضان كريم على كل الجماهيريه
هاي اذا بقه بيها احد

toofy · « **رد #2086 في:** 20:03 03/08/2011 »

حبايبي الغاليين......مشتاااااقييين جدا...........الف الف مبروووووووك ابو سرمودي الورد ....هاي بعدكم هنا ؟؟؟توقعت راح الكة الموضوع صاير بالارشيف

رمضان مبارك عليكم ...وكل عام وانتو بالف خير وان شاء الله رمضان الجاي تصوموه بامريكا ولو رمضان بعمان احلى بس صبرتو هوايه والله يعوض صبركم خير
عذروني لان صارلي هوايه مداخل عالمنتدى بس من تجون لهنا وتشوفون الحياة شلون طربكه تعذروني واكيد ريسنا السابق ستروبيري واخونا الغالي ابو طبر وتكساسي الورد يوافقوني الرأي...
ريمو هاي بعدج هنا ؟؟؟

الله يفرجها عليكم كلكم بجاه هذا الشهر الفضيل
تحياتي toofy

abo kemo · « **رد #2087 في:** 11:06 05/08/2011 »

بعد التحية والسلام على الاخوان جميعا ورمضان الخير والبركة على العراقين اجمعين داعيا من الله الفرج وحياة جديدة بأذن الله أخواني في هذه الجمعية اود اعلامي هل اعادة مقابلة المحلفين شي روتيني وشرط لازم علما باني قد مضى على مقابلة المحلفين سنتان وشهرين تقريبا ولم يتصل بي احد والفحص الطبي الرابع اصبح منتهي لمرور اكثر من ستة اشهر ونصف عليه ولم يتصل بي احد الرجاء اخواني افيدوني بمعلوماتكم مشكورين ومن الله التوفيق

alsafeer · « **رد #2088 في:** 14:05 05/08/2011 »

السلام عليكم

اخ ابو كيمو بالنسبة لاعادة الفحص لايضل بالك يخابروك واما بالنسبة لاعادة المحلفين فنصيحتي الك بان تتصل بيهم انت وتسالهم كوللهم هل اني مستحق اعادة محلف ام لا وهمة راح يجاوبوك بس اصور اذا انت مستحق اعادة المحلفين راح يخابروك بهاي الايام لان المحلفين موجودين حاليا والله اعلم

وتحياتي الك والى كل اعضاء الجمعية الصابرة

اخوكم السفير

*انتظار* · « **رد #2089 في:** 22:56 05/08/2011 »

السلام عليكم جميعا وكل عام وانتم بالف خير اعاد الله شهر الخير على الجميع بالبركات والفرج باذن الله .
اعذروني صارلي كم يوم ماداخله ع المنتدى تعرفون صيام وملتهين .
ادعو الله ان يستجيب دعاءنا بالفرج والسفر القريب بأذن الله تعالى .
عيني ابو كيمو تره اني هم لحد الان ماخابرونه على اعادة المحلفين وتواريخي نفس تواريخك وانا ايضا بانتضار الفحص الخامس بعد ما ادري يسووا برمضان لو لا؟ والله ياريت يأجلوه وره رمضان اشو امنيه وماكو علويش هالفحوصات بعد!!!!!!
سلامي للجميع المنتظرين وشكر لجميع من سافر ولازال يذكر هذه الجمعيه المسكينه البائسه ..
عيني ريم تعليقاتج حلوة وتضحك وتخفف من كابتنا الله يفرج ع الجميع
كولوا امييييييييييييييييييييييييييييييييييييييين,

اختكم انتظار

ريم عبد · « **رد #2090 في:** 00:19 06/08/2011 »

توفي في بيتناااااااا
يامرحبااا يامرحباااااااا
هاي وينك ؟؟؟؟؟وشنهو اخبااررك؟؟؟
حييييل شكد اطلبك دعواااااات
واطلبك سنتات عدد 2 مو تاكلها عليه

بعدني طبعااااااا اذا انتواااا نكضتوني لما طلعتك ودفعتكم خارج الجماهيريه
بعد مبقه بيه حيل اطلع روحي

عزيزتي انتظار الفحص الطبي لحد أربع مرات وراها بعد مينعاد لحين ان تخلص الامنيه ويحصل موعد سفر
لان هذا يكلفهم هوايه وميضلون يعيدون بيه
بلكت يصير عدهم دم عاد ويخلصون الامنيه

*انتظار* · « **رد #2091 في:** 17:06 07/08/2011 »

عزيزتي ريم بس اني سمعت من اعضاء المنتدى كتبوا انهم سووا فحص خامس بعد ما ادري !!!
الله يسمع منج لان صدك كمت اضوج من هذي الفحوصات الفارغه.
تسلمين حبي ع الرد

اختكم انتظار

ريم عبد · « **رد #2092 في:** 17:56 07/08/2011 »

حبيبتي انتظار هذا حسب مابلغونا بي بالدوره التثقيفيه انه ميسوون فحص طبي خامس الا عند السفر لانه مكلف جدااااا

اما الي مسوين الفحص الخامس هاي اكو موضوع ثاني عدهم وهو تغير في مسار الكيس
اما باضافة طفل جديد ..او نقل الكيس مالتهم ..او صاير فصل بالكيسات لامر ما.. او اضافة زوجه واعادة المقابلات
بهاي الحاله تعامل معامله كيس جديد فتصير عدهم فحص طبي خامس بالاجمال لكن بالنسبه للكيس الجديد الي غيروا بي يكون الفحص الاول او الثاني
واكو حاله ايضا للي مشكوك انه عدهم مرض معين خصوصا الرئوي يحتاج اعادة الفحص كل 3 اشهر للتاكد من شفائهم او خلوهم من المرض
هاي الحالات فقط الي تنعاد بيها الفحوصات اكثر من اربع مرات
اما الحالات الاعتياديه المفروض متتجاوز هذا العدد الا لوقت السفر

*انتظار* · « **رد #2093 في:** 12:35 08/08/2011 »

شكرا ريومه ع التوضيح والله ماجنت ادري الله ينطيج العافيه

ابو كيمو انت مو خلصت الفحص الرابع ؟؟؟؟لو اني غلطانه؟؟؟

الله يسهل ع الجميع

abo kemo · « **رد #2094 في:** 05:56 09/08/2011 »

بعد التحية والسلام على جميع الاخوان والاخوات في هذه الجمعية الصابرين واخص بالذكر ابو سرمد والسفير وأنتضار وريم بالنسبة لسوال الاخت انتضار أكملت الفحص الطبي الرابع أي اصبح اكسباير لمرور ستة اشهر ونصف عليه المفروض أذا اكو فحص خامس لاأعلم ومقابلة المحلفين كانت في 14|6|2009 أي مضى عليها سنتان وشهرين تقريبا وشكرا لسوالك أختي العزيزة

امير المنكيشي · « **رد #2095 في:** 10:51 10/08/2011 »

سلام عليكم شباب انا سويت البصمات 10-2-2011 و قابلت المحلفين بل خامس وستلمت الضرف وخابرو الكفيل ورا 10 ايام من استلام الضرف ممكن احد يحجيلي شنو معناهة

ريم عبد · « **رد #2096 في:** 14:47 10/08/2011 »

اخي امير
انت الان بانتظار الموافقات الامنيه والاتصال بالكفيل هيه احدى الاجراءات لاتخاذ موافقة الولايه

abo kemo · « **رد #2097 في:** 14:55 31/08/2011 »

عيد فطر مبارك عاده الله على جميع العراقين بكل اطيافهم بالخير والبركة وان يزيل كل الهموم والاحزان عن هذا الشعب الصبور الصابر وان ينعم بالخير والبركة على جميع العراقين الطيبين الأصلاء وان تنغلق هذه الجمعية الصابرة والكل تسافر انه سميع مجيب

امل الوصول · « **رد #2098 في:** 23:14 07/09/2011 »

مرحبا ممكن اسال واحد يساعدني بلجواب ؟اريد اعرف الي ينتضر ردمقابلة المحلفين يعني الموافقة الاولى ؟وياجلون موعد استلامالظرف شنو يعني رفض لو انتضار لو شنو؟؟؟؟؟؟؟وشكرا

الصبر طيب · « **رد #2099 في:** 22:11 20/09/2011 »

مساء الخير على الجميع

اخباركم عساكم بخير اني بعدني مكانك راوح

مقابلة محلفين مرتين
اعادة بصمات مرتين
فحص طبي خمس مرات
دورة تثقيفية مرة

ما اعرف اكو فحص سادس

اخوكم الصبر طيب

من عمان

alsafeer · « **رد #2100 في:** 00:54 21/09/2011 »

مساء النور اخوية .

السلام عليكم جميعا.

اخوية الصبر طيب احب اكولك الحال من بعضة ماكو شي ما عدناه مرتين بس شنسوي الله كريم ان شاء الله ربك ما يضيع لنا هذا التعب والصبر . ان شاء الله ربك يفرج لنا

تحياتي للجميع

اخوكم السفير

abo kemo · « **رد #2101 في:** 06:10 22/09/2011 »

صباح الخير والبركة على الجميع ومنهم الاخ السفير والصبر طيب والاخت أنتظار وريم وأبو سرمد ومتى تنتهي معاناتنا أستلمت الظرف يوم 10|9 |2011 للمرة الثانية واكملت الفحص الطبي الرابع والذي اصبح منتهي لمرور 8أشهر عليه ولم يتصلوا على الفحص الخامس لحد الان بصمة اصابع مرتين ودورة ثقافية اكملناها قبل سنة تقريبا الرجاء افيدونا بمعلوماتكم وأنا تقريبا نفس توايخ الاخ الصبر طيب وابو سرمد الى متى الانتظار لو ماكو بعد امل لسفرنا رجاءا الي يعرف معلومة يذكرها وله الشكر

عراقي كرادي · « **رد #2102 في:** 22:17 23/09/2011 »

و اني الي اكول عن نفسي متاخر, الله يساعدكم , 19 شهر بانتظار الامنية من عمان.

*انتظار* · « **رد #2103 في:** 09:16 28/09/2011 »

السلام عليكم جميعا ايها الطيبون الصابرون
اختكم لحد الان تنتظر اعادة المحلفين ..
لاادري متى يجون لعمان ..
بعد ماعندي شي احجي لان اليأس رح يقتلني
اعذروني

اختكم انتظار

الاسد الجامح · « **رد #2104 في:** 16:40 12/10/2011 »

السلام عليكم اخواني الطيبيين

اني لاجديد

نسال الله الصبر

Baguncero · « **رد #2105 في:** 18:14 12/10/2011 »

الله يكون بالعون
حسبنا الله ونعم الوكيل

أنا أيضآ قربت أكمال 3 سنوات

Baguncero

alsafeer · « **رد #2106 في:** 01:02 04/11/2011 »

السلام عليكم جميعا وكل عام وانتم بخير مقدما واسال الله ان يفرجها علينة بهاي الايام الفضيلة

اخوان هل فحصتو الفحص الخامس ام لا ؟
لان الي اعرفة بس اخونه الصبر طيب فاص خمس مرات بس الباقين ياريت كل واحد يحجيلنه مع خالص احترامي للجميع

اخوكم السفير

الاسد الجامح · « **رد #2107 في:** 11:41 04/11/2011 »

اخوي السفير اني بعدني ما فحصت الخامس

قبل يومين خابرتهم كالولي تنتظر اعادة محلف

لانه السستم الجديد صارت المحلفين اكسباير كل سنة

حسبي الله ونعم الوكيل

his · « **رد #2108 في:** 16:59 04/11/2011 »

السلام عليكم
وكل عام وانتم جميعا بالف خير
رقم الكيس يبدا ب 109
يوم الاثنين الماضي فحصنا الفحص الخامس وكان معانا عوائل ايضا يعيدون الفحص الخامس وعوائل اخرى
سالنا الممرضة التي هيات اوراقنا بالاشعة هل في ناس اعادوا الفحص للمرة السادسة اجابت نعم السادسة وحتى السابعة
نحن من جماعة استلام الظرف في 5-9-2009 واعدنا المحلفين بالشهر التاسع الماضي اي 9- 2011
وصبرا جميلا والله المستعان
دعواتنا في هذه الايام المباركة ان يسهل الله امرنا جميعا لنتخلص من مرحلة الانتظار
والله المستعان
ابو محمد- عمان

الاسد الجامح · « **رد #2109 في:** 10:41 05/11/2011 »

abo kemo · « **رد #2110 في:** 08:58 06/11/2011 »

عيد أضحى مبارك أعاده الله على العراق والعراقين الطيبين بالخير والبركة تم أعادة الفحص الطبي الخامس يوم الاثنين الفائت وابلغتنا مشكورة انه يوجد فحص طبي سادس ايضا اسف لاحباط المعنويات ولكن هذه الحقيقة المرة مع الاسف وشكرا ونسال الله الفرج القريب

alsafeer · « **رد #2111 في:** 03:01 07/11/2011 »

كل عام وانتم بالف خير واسال الله العلي القدير ان ييسر امورنا اجمعين بالسفر خلال هذة السنة

تحياتي للجميع

اخوكم السفير

ميمي2010 · « **رد #2112 في:** 08:34 05/12/2011 »

ربي يسهل عليكم وتجيكم مواعيد للسفر باقرب وقت يارب

Baguncero · « **رد #2113 في:** 18:25 08/12/2011 »

اليوم ذكرى مرور 3 سنوات على تقديمي لل iom
يوم أسود تورطت بيه ورطة سودة مصخمة
حسبي الله ونعم الوكيل

Baguncero

abo kemo · « **رد #2114 في:** 07:47 28/12/2011 »

نودع 2011 ونستقبل 2012 وكل عام وشعبنا الطيب بألف خير ونتمنى من الله تعالى الفرج القريب لكل المنتظرين للسفر باذن الله لايوجد اي جديد غير الانتظار القاتل علما قد مضى اكثر من اربعة اشهر على استلام المغلف الثاني واكثر من ثلاثة اشهر على اكمال الفحص الطبي الخامس الرجاءالتواصل بالمعلومات بيننا ولكم اشكر والتقدير ........

*انتظار* · « **رد #2115 في:** 09:10 28/12/2011 »

كل عام وكل الطيبين الصابرين بالف خير وبركه
جعل الله عام 2012 عام الفرج والسفر للجميع
نشكرك ابو كيمو كونك انت دائما المبادر في الكتابه كلما صارت الجمعيه صنطه
اخر اخبار اختكم اني كملت اعادة محلفين واستلمت الظرف السبت اللي فات ولحد الان لم اعيد الفحص الخامس
لا ادري اخواني من اللي عدهم كفيل ماذا يقولون لهم المنظمات اللي هناك ؟؟؟
ياريت لو احد يجيبلنا خبر منهم يفرح شويه بلكي ترفع المعنويات الهابطه ..
تحياتي الى كل الاخوة اللي بالجمعيه ويارب احد يبشرنا بالسنه الجديده " بموعد سفر "

اختكم \ انتظار

abo kemo · « **رد #2116 في:** 08:45 11/01/2012 »

بعد التحية والسلام على جميع الصابرين والمنتظرين السفر وأخص بالذكر المتاخرين جدا وخصوصا جماعة استلام الظرف في 11|7|2009 حبت أشارك وأكتب بالسنة الجديدة 2012 بلكت بداية خير للجمعية المنسية خصوصا دنسمع اكو مواعيد سفر من عمان ولو قليلة الرجاء الي يسمع شي ومتاكد منا لايبخل علينا ويفرحنا بي ومن الله التوفيق .

*انتظار* · « **رد #2117 في:** 11:30 07/02/2012 »

السلام عليكم (هاي اذا بقى احد بالجمعيه)
شلونكم ؟؟؟؟؟اكيد محبطين مثلي ..
عيني بس ردت اخذ الحظور حتى نعرف منو سافر ومنو ينتظر ؟؟؟
اذا ممكن اطلب من الاعضاء الرد من اللي سافروا حتى يصير عدنا امل ومن اللي باقين حتى واحد يواسي الثاني على هالورطه...

ارجوكم لاتبخلون بالرد

اختكم انتظار

الاسد الجامح · « **رد #2118 في:** 16:26 08/02/2012 »

ما مصدك روحي اكو احد بعده ويايه

اختي انتظار اني بعدني موجود

واخونا الصبر طيب همين موجود

ريم عبد · « **رد #2119 في:** 20:07 08/02/2012 »

يبووووووووووووووووو هاي بعدكم

اغيب وارجع اكول بلكت سدوهاااا الجمعيه

تالي الكي سجل التواقيع بعده عااااامر
ياربي تنهجم هاي الجمعيه ونخلص منها
محد كيس شغلتنا غير الكعده على هذا الكرسي

اني سجلت حضووووووور
تره بعدني مسافرت $:-\$ $:-\$ $:-\$

abo kemo · « **رد #2120 في:** 10:26 10/02/2012 »

بعدني معاكم في الانتظار الذي ليس له نهاية والبارحة اتصل بي صديق من جماعتنا استلام الظرف 11\7\2009المرة الاولى و10\9\2010 المرة الثانية راح عاد البصمات للمرة الثالثة نعم الثالثة لمرور 15 شهر عليها جيب ليل أخذ عتابة سلامي الى الاخت انتظار وريم (التي اقرأ مشاركاتها الرائعة في اكثر من موضوع ) والاخ ابو سرمد والصبر طيب والسفير وجميع المنتظرين رحمة رب العالمين الرجاء عدم ترك التعليق والتواصل بيننا لان الحقيقة اتوقعت عزلت الجمعية وخلصنا بأذن الله

*انتظار* · « **رد #2121 في:** 19:46 10/02/2012 »

رحمه الله والدين اللي ردوا ...مشكوريييييييييييييييييييين
وان شاء الله يكون الباقين اللي ما شاركوا سافروا بأذن الله تعالى , زين يعني اكو امل!!!!!

الاسد الجامح ابو سرمد الله يسهل امرك وامرنا سلملنا على الاخ الصبر طيب....ليش ما ديشارك ؟؟مو صارت الجمعيه مهجورة ودننفض بالتراب وما نلحك.

ريم حبي ..من اقرأ تعليقاتج اموووووت من الضحك يارب يفرحج بموعد سفر ...يامعوده ياكرسي يا بطيخ بعد كلشي ما بعيننا بس نريدها تفض .اني بالنسبه الي متنااااااازله عنه وابصم بالعشرة بس طلعوني منا لان طلعت روحي.

ابو كيمو اخونا العزيز يعني اذا كان عندي ذرة امل هم قضيت عليه ضربة قاضية ,بالخبر هذا .فعلا معناها الشغلة مطوله وهذوله ما رح يفضوها علينا لان الظاهر ماعدهم مانع يعيدون كل شي من جديد ونظل رايحين جايين بلا فائده...ورحم الله والديك ومشكور حجيتلنا ..

مو والله تعبنا ورح يضيع مستقبل اولادنا اللي على مودهم متحملين هالقهر هذا كمت اتمناهم لو بعدهم صغار لان "اذا "رحنا بعد سنتين او اكثر احس رح يكون فات الاوان وراح تكون اصعب عليهم بالمدارس .مو حتى الفود ستامب ما رح نلحك عليه خخخخخخ.

ماعرف وكلاءكم هم يسألون عن قضيتكم هناك لو لا وشيكولولهم ؟؟؟؟؟؟

الله يخليكم ابقوا متواصلين ولاتخلون التربان تملي الجمعيه مرة اخرى ترة ما بينا حيل ننظف لان تعبنا هوايه بالتنظيف مو بالله ريم ؟ واي شي تسمعوا عن الملفاتهم متاخرة اكتبوا سواء كان سلبي ام ايجابي . لان صارت عدنا روح رياضية عاليه نكدر نتحمل اي خبر

واسلموا لاختكم انتظار التي ملت الانتظار

ريم عبد · « **رد #2122 في:** 08:03 11/02/2012 »

اخي ابو كيموووووو هلا بهالطله
وكلامك خلاني اتفاااااااااائل

:'(اكثر مااني متفائله $:-\$
خلي ندخل موسوعة كينز بعدد مرات اعادة البصمات

زين يعني هم بيها صالح لان راح يسجلنا التاريخ بالموسوعات

ريم عبد · « **رد #2123 في:** 08:11 11/02/2012 »

حبيبتي انتظار فدوه بس غيري اسمج

لان راح تبقين انتظار الى اجل غير مسمى

هاي ياااااااا تنظيف ينفع بيهاااااااا يرادلنه هووووز مال حريق
اشو ياهو الي يطلع يشمر غراضه ويشيل جنطته ويطلع
وضلت كراسي توفي وفراويله ونخله وفسيلتها .....الخ ... الخ
وصرنا عكس الدنيا كراسي مكومه ونفرات قليله
واحنا كل واحد ياخذله فد كرسيين لو تلاثه حتى يمدد عليها لان رجلينا تعبت من الوكفه وبعد وراها نوووووومه طوييييله
يبوووووو انكتلت من هاي الجمعيه راح اخلي بيها عبوه ناسفه وافجرهاااااا

بس يكولولي خلصت الامنيه المهجومه

alsafeer · « **رد #2124 في:** 01:47 12/02/2012 »

السلام عليكم جميعا شلونكم اخباركم ان شاء الله تكونون بخير ...

هاي شنو يمعودين اشو نسيتوني عدا الاخ ابو كيمو مناسي وتحياتي الك وللجميع ...

شلون اسافر بدون ما افرحكم هو احنه كلنه خمس نفرات عصينه عصيه بت كلب اسف على التعبير بس والله من ظيمنة .

اخ ابو كيمو احب اكولك انو كلام صاحبك صحيح ميه بالميه لان ابو داعيك عاد البصمة الثالثه وبجدارة لا وازيدكم من الشعر بيت عدتها
بشهر ال 11 والى هسه لا احم ولا دستور .

بس نرجع ونكول الله كريم وهو ارحم الراحمين وان شاء الله ربنا ما يضيع تعبنا وصبرنا بلاش

اخوكم السفير عمان

*انتظار* · « **رد #2125 في:** 18:59 12/02/2012 »

شلون ننساك عيني سفير مو كلنه اللي ماشاركو ا ان شاء الله يكونون مسافرين ...بس عبالنا سافرت وصرت سفيرنا هناك وراح تطالب بحقوقنا الضايعه بس طلعت( جبتك يا سفير عشان تعيني طلعت يا سفير عاوز تنعان )
سفير عيني شلون يعني لحكت تعيد تلث مرات بين كل مرة ومرة شكد ؟؟؟
اويلي يابه يعني انتظر بعد سنه حتى اعيد بصمه ...مو حتى رح نتصكط من اعادة الفحوصات والله من كثر الاشعه رح يصير بينه 100 عله .

ريم حبيبة ما اغير اسمي لالالالالالاوالف لا عيني هذا الاسم معبر يعبر عن واقع الحال ...ما الكه احسن منه .

زين ما ادري ليش ما تجاوبون على سؤالي المنظمه هناك شيكولون للكفيل مالكم ؟؟؟؟؟؟

لو ماعدكم كفلاء لو شنو؟

تحياتي الكم جميعا
اختكم انتظار (بلا حس ريم)

ريم عبد · « **رد #2126 في:** 22:26 12/02/2012 »

حبيبتي انتظار
طبعا عدنا كفيل ...والكفيل قبل سنتين ونص اتصلوا بي المنظمه

وكل مايسال يكولوله ملفهم يبين عدنا خلصان وهمه باقين على موعد السفر وهذا الحجي من سنتين واحنا على هاي الحطه
وهم فتره ضل يروح عليهم ويلح وياهم كلوله احنا كل الي نكدر نسوي نسال من مسولينا
ويدزولهم ايميل والجواب كالعاده انه ماكو شي على ملفهم
ومحد يعرف شوكت تخلص ولا وين وصلت
لان هاي المنظمات انسانيه مالها اي صفه رسميه ولا تكدر تستفسر من جهات امنيه عن وضع الملف
وهاي الجهات الامنيه هم محد يعرف بشغل الثاني لان تجيهم من عدة وكلاء ومن تخلص يله تنجمع يمهم
وحتى اذا كانت يمهم هم محد راح يكول وين وصلت وشوكت تخلص
لحين ماتوصل للمنظمه بعمان يله يصرحون بيها
يعني ااااايييييس يا عبيييس

الصبر طيب · « **رد #2127 في:** 23:41 12/02/2012 »

صباح الخير

أخواني كيمو

ريم

السفير

أبو سرمد

أسف على عدم المشاركة

لأن ماردت يصير وياكم أحباط من تشوفوني بعدني موجود وقررت من كثر الانتظار وأعادة الفحوصات

أن اغير أسمي ألى عجز صبري

وترا اكو خبر كلش حلو يقولون ان اللي منتسبين لجمعيتنا رح ينطوهم كل واحد شقة سوبر ديلوكس بضاحية صبرني وأصبرك

حي جديد بنولنا ياه هناك

اخوان والله العظيم تعبنا ودمرونا

وبالنهاية أقول الكم اخواني اللي صبرنا على اللي شفناه يصبرنا على اللي ديصير ويانا

وربكم كريم

تحياتي

التوقيع

عجز صبري والصبر طيب

أحترامي وتقديري للجميع

*انتظار* · « **رد #2128 في:** 12:06 13/02/2012 »

حبيبتي ريم مشكورة عالرد
والله اني هم نفس الشي بالنسبه للكفيل والمنظمه ...ما دناخذ منهم لاحق ولا باطل..
يعني كلنا في الهوى سوى ...
يارب يفرجها علينا وعلى كل منتظر ...
تسلمين عيوني مرة ثانيه ..

alsafeer · « **رد #2129 في:** 16:22 13/02/2012 »

مساء الخير على الجميع شلونكم ان شاء الله زينين...

اختي انتظار بالنسبه للبصمات مالتي كانت كالتالي الاولى شهر الخامس 2009 والثانيه شهر السابع 2010 والثالثه شهر ال 11 في سنة 2011
والفحوصات خمسة وخميسة بعين العدو ومحلفين مرتين والله ارحم الراحمين

وتحياتي لكم

السفير

ابو طبر · « **رد #2130 في:** 03:28 09/05/2012 »

السلام عليكم ورحمه الله وبركاته
شلونكم اخوتي يارب تكونون سافرتوا كلكم

$:-\$
الصبر طيب -- الاسد الجامح --- السفير -- انتظار
يمعودين شنو القصه يارب يكون انقطاعكم عن هذه الجمعية خير وتكونون مسافرين
سلامي لكل الاخوه والاخوات

اخوكم : ابو طبر

*انتظار* · « **رد #2131 في:** 01:44 13/05/2012 »

احب ابشر الجميع اني اخذت موعد سفر منتصف شهر الخامس يوم الكم جميعا
واحب ابشر الجميع بوجود حركة سفر كبيرة في المنظمه
لاتقلقون ان شاء الله رح يجيكم السرة وكولو انتظار كالت ..والله مو علمود اصبركم بس والله هاي الحقيقه اللي شفتها بعيني
اتمنالكم كلكم الفرج ان شاء الله لان كلنا صبرنا هوايه ...

اسالكم الدعاء لنا بالتوفيق

اختكم انتظار

ابو طبر · « **رد #2132 في:** 09:09 13/05/2012 »

الف مبروووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووك
يارب بالتوفيق وتكون سفره مريحه امين
يارب الكل يسافرون يمعودين جلبو بذيال انتظار بلكي تنسحلون

اخوكم :ابو طبر

ام الهنا · « **رد #2133 في:** 09:20 13/05/2012 »

مقتبس من: *انتظار* في 01:44 13/05/2012

احب ابشر الجميع اني اخذت موعد سفر منتصف شهر الخامس يوم الكم جميعا
واحب ابشر الجميع بوجود حركة سفر كبيرة في المنظمه
لاتقلقون ان شاء الله رح يجيكم السرة وكولو انتظار كالت ..والله مو علمود اصبركم بس والله هاي الحقيقه اللي شفتها بعيني
اتمنالكم كلكم الفرج ان شاء الله لان كلنا صبرنا هوايه ...

اسالكم الدعاء لنا بالتوفيق

اختكم انتظار

ااالف مبروك اختي انتظار وان شاء الله تعالى يعوض صبركم خير ، اختي انتي شوكت عدتي الفحص الطبي لان اني عدت الفحص يوم 7/5/2012 وكانت ويانة عائلة وحده من جماعة 11/2009 ، وعادوا الفحص الخامس .
طبعاً آني من جماعة 4/9/2010 .
ان شاء الله خبر سفرك خير علينه اجمعين ونسافر ونخلص

ام الهنا

Baguncero · « **رد #2134 في:** 11:55 13/05/2012 »

مبروك عليكم جميعآ أخواني وبالتوفيق للجميع ان شاء الله

Baguncero

*انتظار* · « **رد #2135 في:** 16:22 13/05/2012 »

شكرا الكم اخواني في النضال والانتظار والله والله والله ادعيلكم من كل قلبي بالفرج
اختي الغاليه ام الهنا
اني سويت الفحص الطبي الخامس بشهر الواحد
بس صدكيني ما الها اي علاقه لان اللي كانوا موجودين كل واحد كانت مواعيده شكل فمو قياس .

تحياتي الكم جميعا

اختكم انتظار

ام الهنا · « **رد #2136 في:** 20:18 13/05/2012 »

مقتبس من: *انتظار* في 16:22 13/05/2012

شكرا الكم اخواني في النضال والانتظار والله والله والله ادعيلكم من كل قلبي بالفرج
اختي الغاليه ام الهنا
اني سويت الفحص الطبي الخامس بشهر الواحد
بس صدكيني ما الها اي علاقه لان اللي كانوا موجودين كل واحد كانت مواعيده شكل فمو قياس .

تحياتي الكم جميعا

اختكم انتظار

تسلمين عزيزتي عالرد ،، وربي ييسر امرك وامورنا اجمعين ...
ودعائي للجميع بالسفر ومصحوبين بأمان الله وتوفيقه ...

ام الهنا

ORCA · « **رد #2137 في:** 11:18 27/06/2012 »

تمنياتي لكم بالسفر

الاسد الجامح · « **رد #2138 في:** 21:10 20/07/2012 »

السلام عليكم اخوتي الطيبين
ورمضان كريم عليكم

واشكر كل واحد سال عني

بالنسبة الي لا جديد

اما اخونا الصبر طيب فيسلم عليكم هواية انطوه موعد سفر يوم 19\7

وهو حاليا وصل اريزونا

يوم اللكم

nand · « **رد #2139 في:** 17:07 10/09/2012 »

اخواني الاعزاء راح انسوي اعتصام يوم الاحد 16-9-2012 وراح ايكون اعتصام كبير وراح ايشاركونا العوائل والمعوقين والمرضى واتمنى من كل المنتضرين المشاركه على باب الهجره الساعه العاشره صباحا

dr_toffee · « **رد #2140 في:** 20:17 11/09/2012 »

السلام عليكم
طبعا اني جديد بالمنتدى ومثلكم منتضر صار هواية
ولو اني كلش ما متابع التواريخ
بس اريد اعرف ال دينتضرون هنا مقدمين على ال يون ان لو على اي او ام ؟؟؟
بالنسبة الي اني مقدم على اي او ام ومقابل محلفين مرة وحدة وباصم مرة وحدة وفاحص طبي مرة وحدة والضاهر اني بعدلي حصبة وجدري مو بلة ؟؟؟

Maro 83 · « **رد #2141 في:** 09:18 28/11/2012 »

واني هم من جماعة 11/7 /2009

خمس مرات فحص طبي

ومرتين بصمات

ودورة تثقيفية

يعني كلشي مكملة ودننتظر الفرج السفر شلعو كلوبنا

Maro 83 · « **رد #2142 في:** 13:02 15/12/2012 »

معقولة بس اني ضليت من هاي الجماعه

Baguncero · « **رد #2143 في:** 18:11 15/12/2012 »

لا أخوية آني هم بعدني وياك
صار 4 سنوات و 5 أيام من أول مقابلة الي بلمنظمه المهجومة

Baguncero

Maro 83 · « **رد #2144 في:** 18:54 15/12/2012 »

اني يوم 11/12 عدت الفحص الطبي السادس

ahmadsabryahmad · « **رد #2145 في:** 16:44 27/07/2013 »

مرحبا اني كمات الفحص الطبي قبل شهر وكلشي مكو لااحد اتصل بينه ولا اي شي برئيكم شنو الخطو الثانية مع تحياتي الكم

Hassan1983 · « **رد #2146 في:** 20:17 11/08/2013 »

السلام عليكم اني متقدم للهجرة على IOM منذ 2009 وكنت اعمل سابقا مترجما مع الامريكان ولكن اقل من سنة ثم عملت مع شركات امريكية ولم تعطيني الشركات توصيات
ولحد الان لم ينتهي التشييك الامني
الله يخليكم اكو ان انسانة تقبل تزوجني على الورق او حقيقي وان تكون ايضا متقدمة لهذا البرنامج
لذا نستطيع ضم القضيتين وتسريع العملية
عمري 30 سنة ومطلق ولدي طفلة
ارغب بزواج حقيقي او على الورق
هذا ايميلي من رخصة الادمن

hasan_alsabag@yahoo.com
سهلو امري الله يخليكم
كل من يقرا هذه الرسالة
حسن

Baguncero · « **رد #2147 في:** 20:34 12/09/2013 »

لسلام عليكم
أكو أحد ظل هنا لو بس آني بعدني؟؟
آني خلصت 5 سنوات أنتظر

هل من منافس؟؟

Baguncero

الأخبار:

المحرر موضوع: مابعد استلام الظرف 11/7 __ عمان (زيارة 183423 مرات)