تركيا اين انتم يا اهل الخير ولو خجلان منكم

[عاشق السفر]

اخواني اخواتي

اني اعتذر  منكم حيل من كثرة الاسئلة و اني خجلان من منكم و من نفسي بس صدوكني مجبور

اغاتي انتم اني هسه با العراق و عندي بس 2000 دولار واريد اجي الى تركيا اقدم على un
و اني  وحدي يعني مو عائلة هل هذا المبلغ كافي  و قررة اجي با الشهر التاسع هل هذا الؤقت يعتبر  مناسب و الي امحيرني با الموضوع وين انطي وجهي اذا اوصل و اني محد عندي اهناك سكن شغل هذا اكثر شي امحيرني واني هسه با العراق تعبان حيل مناه التهديد والوضع التعبان و متبهذل حيل و العجيب با الموضوع اني مااعرف شنو ذنبي والله ابوي انقتل ومحلي احترك و هسه مهدد و صارة مشاكل وياه البيت من عرفو اني مهدد اتكول اني السبب والله ما اعرف شنو اسوي اريد منكم نصيحة للخوكم  ضايج من روحة واني اسف لان ازيد من هموكم و انتم همومكم امكفيتكم  بس اني مقهور اريد اطلع الي ابكلبي و لكيت هذا المكان خلاني  احسن ابورح التواصل و حب المساعدة 
و مشكور  منكم حيل

شحجي و تريد الناس من عندي شحجي دمعتي ابطرف العين بس احجي ابجي

[help]

اكلك اتريد الصراحه 2000دولار متكفي اول شي غرامات ايجار ماكو شي رخيص فنصيحه روح عمان لو سوريا لان اكو راتب مال يوان او شغل

[martins]

بصراحه اخويه لتورط روحك ممكن يدبر الايجار اذا كعدت و يه سكورتيه بس مثل مكال الاخ هيلب الامنيات و غيرها مراح تدبر و بنسبه للشغل بدون تعليق خلي بالك أنو مجرد تحويل الملف من المقابله الاوله للثانيه ديطول من 6 الى 8 اشهر

[عاشق السفر]

مشكور شباب على التوضيح مشكورررررررررررررررررررررر

[عاشق السفر]

ربي ايعينك خوية بس والله ترة كولهم  نشالة و ما يهتمون بينه بس بوك  و داعتك حايرين با البوك مالتهم انت واني وغيرنة شنو والله ايسهلك و ربي ايوفقك و تحقق الي اتريدة مشكور على المشاركة يا غالي تحياتي  للمجيع

[ميدو الرومانسي]

الله يساعدك والله كلنه مرينه بنفس ضروفك ويمكن ازيد
وما عدنه غير الله نطلب منة العون

خوية اني هم اريد اهج من العراق وهم ماعندي غير بس الفين دولار
وحاير وين اولي بيهن
ان شاء الله بعد العيد اتوكل على الله واطلع لتركيا
اذا تريد نطلع سوية حتى هماتين نتشايل المصاريف شتكول؟..
اني هذا ايميلي
mohammad.almadany@yahoo.com
اذا تحب راسلني

[proph1]

الله يكون معاك اخوية عاشق السفر ولا تضوج, ترى اذا تسمع باقي مصايب العراقيين والله تهون عليك مصيبتك

ربي يوفقك ويكون معاك وين ما رحت

تحياتي 

[كرم كوكو]

السلام عليكم مرحبا اخوان
اخوية العزيز عاشق السفر مثل ما كالو الاخوة 2000 دولار  لاتكفي لانة  الحياة صعبة والايجار غالي وعندك  واهنا  شغل تقريبا ماكو وصعب و الامنيات يجب عليك ان تدفع واظافة الى ذلك انت  لاتعلم كم سوف تبقى اهنا لان الشغلة صارت صعبة حيل  واللة يكون معك ويعين الجميع  تحياتي كرم كوكو
 

[الشجاعة]

حبيبي الخجلان اريدك واثق من نفسك ولا تكون خجلان

اني من اللاجئين العراقيين بتركيا من اكثر من سنة
1- تركيا بلد ذو تكلفة معاشية غالية
2- لايوجد عمل الا نادرا لانة صاحب الشغل يشغل ابن بلده  لو الغريب والحليم تكفيه الاشارة
3- مساعدات ضئيلة جدا
4- اجhttp://سن شي تختار بلد عربي هم تشتغل بية وهم المعيشة اقل تكلفة وهم مساعدات انسانية موجودة
5- بلدان التوطين بالبلاد العربية اوربية وغيرها يعني خيارات عديدة بس بتركيا اذا رفضتك الامريكية مثل هسة رفضوا 90 عائلة من 150 عائلة دفعة واجدة يعني تدمير وتحطيم وانت افهم

[عاشق السفر]

مشكور على كل من ساهم يا غالين و اشكركم من اعماق قلبي

[زيد]

مرحبا انا اخوكم زيد انا لاجئ في تركيا صارلي سنة دخولي كان يوم 8/8/2008 وقابلت اخر مقابلة الثالثة يوم 27/5/2009 واجاني كتاب تأخير وراها بشهرين ولي حد هسة ماكو نتيجة اني والدتي وياي وهي قبلوها طبعا الملف مالتها مكتوب عليه تم قبول الملف واني ما نطوني جواب طبعا عندي عسكرية عشر سنين وماجنت مخالف بيها وما ادري علمودها لو لا اذا تعرفون شي او سمعتم كلولي لان راح اموت من القهر والله دمرونا دمرونا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ رد الي يعرف بحالتي رجاءا رجاءا