واني شعلية!

[✪KlaRa ALmaRghi✪]

هلاووو شلونكم يارب بخير
اليوم عندي موضوع وحبيت نتناقش بيه
هوايه نواجه بحياتنا انواع مختلفه من الاشخاص مختلفه بشخصياتهم وافكارهم ومعتقداتهم
والموضوع هو عن الناس اللا اباليين الي ميهتمون الغيرهم وميهم غير نفسهم وبس
هسه ومع الاسف بزمنا هذا صار الشخص منا ميهتم بس بنفسه
ويتبع مبدأ " انا ومن بعدي الطوفان "
مع العلم الانسان من العصور القديمه من بدايات ظهور الدول ذكر افلاطون وارسطو ان الانسان ميكدر يعتمد على نفسه بس
وميكدر يستمر بالعيش وحده بس وانما تكون الحياة حضارية متقدمه



"مشهد من الحياة اليومية"
رجل كبير بالسن يعبر الشارع بدلا من الذهاب ومساعدته نشوف من بعض الشباب الاستهزاء بهذا الرجل والضحك عليه !



منا راح اطرح اسأله


1- انت من هذا النوع من الناس الي دائما يكولون" واني شعلية " ؟؟


2- صحيح اختفى حب العراقيين لبعضهم البعض ومساعدتهم لبعضهم البعض وصارهذا الشي من الماضي ؟؟


3- اذا كان هذا واقع منو سببه وليش الرحمه اختفت من قلوب الناس؟؟


النقاش مفتوح الكم
وتحياااااااتي

[nabil maria]

يسلمو يا وردة على الموضوع

فعلا يوجد الكثير الكثير مثل هؤلاء الاشخاص الذي يعمدون القول ( اني شعلية ) او ( ليش اني ) او ( ماكو واحد لاخ ) وغيرها من التعابير التي تدل على عدم اكتمال شخصية الفرد وعدم الاعتماد على نفسه. انهم مثل هؤلاء الاشخاص -- اتكاليين . وللاسف

اما في الوقت الحاضر وبالاخص في العراق -- الظروف التي جعلت من الناس ان يتصرفوا هكذا ولكن علينا ان لا ندع الظروف تحكمنا وانما علينا ان نحكم الظروف ، لهذا عزيزتي لا تستغربي من وجود مثل هؤلاء في وقتنا الحاضر...


تحياتي يا وردة

[silent_love]

موضوووووووع حلوووووو ومن صلب الواقع

  اكيييييييد يوجد هووايا نااس الي يكلون اني شعلية وبنفس الوقت لا اكو نااس يضحون ويدافعون ع مقابيلهم مثل ميسون لنفسهم  واكثر بس عددهم صار  قليل جداا

بس المشكلة اعتقد وبرئي طبعاا بانة الضروف الي واجهت البلد خلت بعض النااس والي نفسيتهم وشخصيتهم ضعيفة  بعيدين عن الانسانية والمصلحة العامة وميفكرون بمصلحة  او بمساعدة مقابيلهم يعني كول واحد ياروحي مجتمعناا صار مريض وهذا اخطر شي يصيب اي مجتمع وينرالاااا علاج من الجذور

  تحياتي ياوردة 
  برتد القوووووش

[nuhra]

شكراااا كلارا عالموضوع الحلوووو
فعلا اكو من الناس الي يكولون اني شعلية وليش ماكو غيري خوما بس اني
اعتقد السبب هو الشعور الدائم بالاستغلال انه الشخص ميريد يكون مستغل لذلك من ينطلب منة شي يتحج بانه اكو غيرة
وبالنسبة لاول فقرة ذكرتيها عن العجوز الذي يعبر الشارع للاسف بعض الناس اصبحو متحجري القلب

[✪KlaRa ALmaRghi✪]

تسلمون حبايب منورين الموضوع بمروركم وردكم الحلوووووووووووو

تحياتي

[Loleeee]

موضوع حلو ام يوسف
بصراحة اكو مواقف تخليج تكولين اني شعلية لانه لو تدخلتي يا اما راح تلكين حجي او تصرفج ميعجبج او بعدين راح تشوفين الزينية اللي سويتيها غرقت بالبحر

واكو شغلات لازو تسويها حتى لو طلعتي مو زينة بالاخير


وشكرا جزيلا عالموضوع

[✪KlaRa ALmaRghi✪]

صحيح كلامج لبي نورتي الموضوع شكرااااا

[مهند هادي]

تسلم ايدك

[✪KlaRa ALmaRghi✪]

شكراااااااااااا

[rotana]

لايخفى عليكي عزيزتي كلارا بانه الناس تغيرت كثيرا والقسوة تتملك الكثيرين وتحجر القلب اصبح

صفة ليش نروح بعيد الاهل عندما يكبروا بالسن قليل من هم في هذا الزمن من يتحملهم من الاولاد

ودور العجزة كثرت بشكل كبير يتحججون بضغوطات الحياة الاولاد وعدم استطاعتهم   اسفة

يجوز انا خرجت عن صلب الموضوع ولكن اعطيت مثال فقط فكيف الغريب وطبعا اعتقد انه الخوف

في مجتمعنا في الوقت الحاضر الخوف من الناس نفسهم تسبب ردة فعل سلبية تجاه من  طلبت

منه المساعدة ولكن هذا لايعني انو الخير انقرض او حب المساعدة انمحى من قلوب الناس

الخير موجود طبعا في الكثيرين                                        وشكرا


                                                                روتانا