نفط ماكو .. غاز ماكو .. كاز ماكو .. ماء ماكو .. كهرباء ماكو .. بانزين ماكو

مسكين أبن العراق والله .... لقد اصبح العراق عباره عن بوابه مفتوحه للجميع وأصبح حال العراقيين شبه خياليه من كثر ما يسمعون ويشاهدون من أشياء غير معقوله ومن شده المناظر الطبيعيه التي وصلت بحال العراقيين صار العراقي مجنون ان لم نقل اشبه بمجنون .... والله مسكين ابن العراق ...
أذا تسأل اي عراقي الأن وتقول له كيف الحال فسوف يضحك من شده اليأس الذي وصل اليه فيرد عليك وهو بقهقه سؤالك كلش حلو ( شلون الحال ) واذا كل شي موجود والخيرات اصبحت موجوده في كل بيت وتسألني شلونك ... وسوف يرد عليك ويقول لك (زين انت شلونك ) فماذا يكون ردك ؟
أذا لا السائل مرتاح ولا المجيب مرتاح لأنهم عراقيين وكل عراقي في دوامه من أمره لانه لا يعرف ما ذا ينجز او ماذا يؤمن لأهله من متطلبات الحاة ....
نفط ماكو
غاز ماكو
كاز ماكو ( اي متكولولي الله عليكم شوكت نتلمسكم ونشوفكم )
ماء ماكو
كهرباء ماكو
بانزين ماكو

النفط \\\ ومن كثره الابار الموجوده في العراق اختفى وان وجد فان سعره أغلى من عمليه استخراجه ..
الغاز\\\ أصبح سعره أغلى من تعبأته ووصل سعره الى (13) وبالبطاقه ( وهم زين )
كاز \\\ الله يرحم ايام زمان ما كان له اسم والان اصبح اغلى من البانزين (وابو المولدات يضربون بالاسعار مال الامبير
ويكولون ماكو كاز ) والله مع الاسف ..
ماء \\\ ( وجعلنا من الماء كل شيء حي ) صدق الله العظيم .. فقط أسمه في القرآن والانجيل ونحن بلد النهرين (اعتقد
جف )
الكهرباء \\\ الله كم انا مشتاك لنتلاته العزيزه على قلوبنا هذا ألأسم أصبح من الخيال ...
بانزين \\\ يا عيني عليه والله صار اغلى من الروح والطوابير شكد عليه طبعا لانه صار مشهور (تره أحنه بلد النفط ها بس بيني وبينكم لا يحسدونه العالم ) ..
فما هو الحل أذا يا أبناء العراق الغالي يا أغلى تراب واقدس وطن (تره والله ما يصير أحنه أغنى بلد وأحنه بطاله )
لو نأتي الى الحكومه المؤقره التي صارله ثلاث سنوات وراح ندخل بالرابعه وبعدهم يقولون اننا نناقش الأوضاع ودراسه الحال العراقي ونحن .. واني واني والله الذي يسمع أقوالهم يقول هيجي حكومه او لا ... (بس هم الله كريم )
صارت أنتخابات والحكومه ما مشكله (ما ادري شنو السالفه ) لحد الان ما اعلنوا شنو تاليتهم شنو السالفه يا حكومتنه نبقه هيجي (هب بياض ) أسألكم بالله يا حكومتنه الغاليه الى متى نبقى على هذا الحال (تره شعب العراقي مسكين ) الشيء الوحيد الذي تنفذونه انكم تظهرون على شاشه التلفز أكثر وأكثر (وبس كلام فعل ماكو ) فلا اعرف الى اين توصلون بالعراقيين انرجع الى نفس البوابه المغلقه من جديد (وبعدين انكول الله على ايام زمان والله احسن ) خوفي من هذا الشيء
يا ابناء العراق الغالي يا من أنكتب عليكم العيش تحت نير الظالمين سوف يأتي يوم وتشرق الشمس من جديد ونكون أحرار وأسياد لوطننا الغالي وحينئذ نلعن اليوم الذي اوصل العراق بايدي هؤلاء( الكتاكيت ) الذين اوصلوا العراق الى هاويه الانحطاط ونعود ونبني عراقنا بانفسنا ونصون امانه وطننا بانفسنا ونطرد الخونه والاشرار من ارض العراق ونكتب على سماء العراق وسهول العراق وجبال العراق هذا الوطن (ملك للعراقييت فقط ) وان ناظري لقريب
الف الف تحيه وسلام لعراق الامجاد
ملايين البوسات لوجنه العراق
ونغني وبصوت عال وواحد موطني موطني
ونرفع العلم كل صباح خميس ونشدوا العلموا اننا بك بعد الله نعتصموا
الله اكبر والعزه للعراق واهل العراق

ابن الانبار