~~~ Ladies First~~~

[Ritta]

-----------------------------------------------------------

هذه المقوله لها قصه عجيبة حدثت في ايطاليا فى القرن الثامن عشر ميلادي ومفادها انه كان هناك شاب من احدى الاسر الغنيه في احدى مقاطعات ايطاليا وقع في حب فتاه من أسره أقل منه في المستوى المعيشي والطبقات التي ينتمون إليها

اتفق الاثنان على الزواج ولكن الشاب لقي معارضة من قبل أسرته والتي أضطرت لتهديده بعدم مباركة هذا الزواج

كبرت الضغوط على الشاب وعلى الفتاة وقررا أن لا يفرقهما إلا الموت وبالفعل بعد أن كثرت الضغوط خافا أن يفترقا وقررا الإنتحار وتوجها الى صخرة عالية جداً ومطلة على البحر عندها قررت الفتاه القفز اولاً ولكن الشاب منعها من القفز بحجة أنه لا يستطيع أن يراها تموت أمامه واتفقا على أن يقفز الشاب أولاً وبالفعل قفز الشاب
وسقط ومات

ولكن عندما رأت الفتاه هذا المنظر غيرت رأيها وغدرت بالشاب وعدلت عن مرافقته في الموت  نذله درجه أولى ورجعت إلى البلدة وتزوجت شخص آخر من طبقتها وخانت حبيبها الذي ضحى بنفسه من أجلها.. وعندما علم أهل القريه بذلك قرروا أن تكون النساء اول من يقوم بالأعمال وطلعت مقولة
~~~ النساء اولا ~~~
~~~ First Ladies ~~~

[/size][/color]

[الملحق حذف بواسطة المشرف]

[mimirita]

ههههههههههههههههههه   ريتا  خوش  حجه  شفتي  للشباب  هسى  بس  شوفي  الردود  شراح  يحجون  علينا ,,,,

شكرا  على الموضوع  ريتي

[hewy]

لالالالالالالالالالالا خاثي ريتا
احنا بلا شي مخلصانين من تعليقاتهم هسة راح يستلمونة بتعليقاتهم .استفاد
بس بصراحة القصة تقهر شكرا خاثي ريتا لان عرفنة هذا المثل منين جاي احنا عبالنا من يكولون ليديز فيرست  من احترامتهم الزايدة طلعت من رعبهم من ان تغدر بيهم المراة هههههههههههههه

[وسام سيبو]

جاك الموت يا تارك الصلاة من اكول ماكو ثقة بالبنات طلعت صدك لعد راح اخلي كل امراة تسويلي اي شي ادجربة الاول وين ما كان مو هيجي فيفيان لو لا هههههه

[nasir yako]

ههههههههههههههههههه   ريتا  خوش  حجه  شفتي  للشباب  هسى  بس  شوفي  الردود  شراح  يحجون  علينا ,,,,

شكرا  على الموضوع  ريتي

ههههههههههههههههه  ....وشهد شاهد من اهلها...ليش خاثي ليش تنطين هيجي لزمه للشباب.

[Ritta]

هههههههه لا خاثي فيفيان اصلا اني  متقصدة من نزلت الموضوع حتى كل نساء العالم تعرف اذا اي رجل كال الها  ليديس فيرست معناها خايف هههههه


شكرا على مروركم*

[ابن العراق]

يعني اني محاجة احجي وأكول الولد شنو سوه والبنية شنو سوت ؟؟؟؟ شوفوا عيني البنات الولد شلون يضحون وانتوا ؟؟؟ بس خاثي ريتا صدك شورطج بهذا الموضوع ونزلتي لوووووووووووول

[رشا البغدادية]

ههههههههه صدك خطية الولد بس تعرفون ياولد مو كل اصابعكم سوا مو لو مو مو

[Sermed]

اخ واني مطفي ...كضيت عمري اكولها من اصل يم باب او ممر  . .. بس هم معذور لان !!!!!!!!!!!!

المهم هسه عرفت بس هم حستمر اكولها لان !!!!!!!!!!! طبعا هاي العلامه مال *!* صعب اشرحها

ابو المثل يكول يا مئمن الركاله يامئمن الميه في الغربال ...طلع حمار والميه طلعت على النسوان هم
 
خاثي رشا اذا ا نلم ايدنا حتصير كل اصابيعنا سوه.. مو .....
لا تزعلين دا اشاقه لان اكيد اصابيعنا مو سوه بس كلها اصابع ....

خاثي ريتا اريدك دوم هيجي تحكين الحقيقه ....

[Ritta]

ههههههه خون سرمد انت اكثر واحد يعرفني اشكد حقانية  ودماغي يصير  ناشف ن اكون على حق ـ مو لو مو مو؟؟؟ :-))

اشكركم جميعا عالردود والمشاركات الحلوة

[nuhra]

هههههههههه شكرا على الموضوع خاثي ريتا هاية كلش خوش معلومة واحنا من نشوف شاب يطبق عبارة لايديز فيرست نكول عليه شهم طلع السبب مو الشهامة شكرا ريتا مرة ثانية

[Ritta]

ههههههه اي لعد  شنو  خاثي  ،شكرا عالمرور عزيزتي؟؟؟


سرمد بمناسبة الموضوع عالانتحار  ردت اكولك  البارحة جيرانتنة هم انتحرت ذ بت  نفسها من الطابق  11   ترة مدا اتشاقة ههههه وطبعا  كبل اتذكرتك

[Sermed]

يا ستار خو ما تعورت ؟؟؟ بصراحه  الواحد ينصدم من يسمع اكوا ناس بهلقدر من ضعف الشخصيه ....
طبعا الغريب همه ينتحرون لاتفه الاسباب والعراقين بنص حهنم عايشين ومتحملين
** عجيب امور غريب قضيه**
يله شنسوي ....البقاء في حياتنا .....بس هاي صدك ليديس فرست

[Ritta]

اي والله خون وشلون صدفه احنه  بالطابق ال 12 وجنت البارحه دا انظف للبالكون ولاول  مرة بعد شهر ونص من تحولنه بهذا البيت اتجرئت الزم السياج وبكل قوة باوعت جوة  خلال ثانيتين  وفكرت وية نفسي كلت الله شوف الناس  تبين  مثل (شكوانا) (نمل)  منا عجبا اذا واحد وكع شيصير بيه؟؟ اشو بالليل ال11 منسمعلك اله  الاخت منتحرة اما عن  سؤالك  اذا  صار بيها  شي او  لا اني مشفتها والليل كله منايمه , اخوية مخلاني اشوف وكال  انه بس راسها انفتح ، كلتله يعني مجان  تكدر تنزل على  ر جليها لو  اديها ؟؟

هذه  كانت اخر  موجز الاخبار  لليله البارحه

ريتا ...../ميونخ

اترككم مع الصورة من ااطابق ال 12

[الملحق حذف بواسطة المشرف]

[kamall]

هههههههههههههههههه اكيد هذه البنت كانت حاطه عينهااا على الرجل الثاني والموضووع كله مفبرك منهاا بحنكه وشطاره عشاان تتخلص منه

و حبيبهاا المغفل عندماا اصرت ان تنتحر قبله اكيد تذكر المثل القائل = شاروهااا وخالف شوورهااا

فقال بينه بين ونفسه لازم اطبق على نفسي ما جاء في هذا المثل فقرر ان ينتحر قبلهاااا

والاحتمال الثاني بعد ان انتحر عشيقهااا واصبح لا شيء قالت لنفسهااا لماذا انا انتحر والمثل يقوول سترة البنت جيزتهااا وذهبة لتبحث عن عشيق آخر

[Capricorn]

مهما يكن فاعلموا ايها الرجال وانا من ظمنهم ان الفتاة اذا حبت رجلا تحبه ضعف ما تحبها في 1000000 ولكن اذا احبتك لغرض مالك كما حصل لهاذا المسكين فاعلم انها تخونك ضعف حبك لها في 10000000000000000000مرة ولك يا اختاه (ريتا) الف تحية على هذه القصة الجميلة

[Ritta]

اشككم على  ردودكم وطلتكم الحلوة

[مهند الكانون]

أهاااااااااااااااااااااااااااااااا

وخابصينا ليدي فرست  و ليدي فرست ....... بسطية ليدي ههههههههههه

شكراً خاثي ريتا على القصة الجميلة

http://www.6rbwow.com/song.php?id=5667
 

[Ritta]

شكرا لك عزيزي ابو ماريو وشكـــــــرا عالاغنيـــة المزوئة *

[sozan_2008]

ههههههههه صدك خطية الولد بس تعرفون ياولد مو كل اصابعكم سوا مو لو مو مو

[Ritta]

شكرا سوزي عالمرور

[rayd kurial]

هذي القصة عني انكتبت


[الملحق حذف بواسطة المشرف]

[Ritta]

?  صدك؟؟؟ واخيرا شباب افرحو  لكينه صاحب القصة !!! 

شكرا  على  مرورك   وصورتك  حلوة  :-)  بس لتكول ليديس فيرست

[Sermed]

خاثي ريتا ...هاي تكدرين تشوفيني من الشقه مالتكم ..لان اوربا كلها كدامك ...
هاي المطيرجيه يكيفون على هيجي علوا
(مو الي يربون طيور ..لا اقصد الي يصيدون طيور بلناضور ..افتهمتيها؟ )
بس اشو انتوا هم معرسين بلثلج مثلنا؟
على شغله الي انتحرت ..هيه غير تلبس خوذه قبل ما جيت؟ بس غباء .....اني صديقي رزن علك روحه بلرباط

خوني رائد ...اذا هاي القصه عنك نكتبت ..لعد اشو انت عايش ؟لان بطلها انتحر ...

[Ritta]

هههههههههههههههههههههههههههههههههههههههههه
بالنسبة  للاوربا فاني اشوفها واشوفك هم دائما بس محبيت احرجك واكثر شي شجعي نسكن بيها علمود نتحضر للعبة كاس العالم، يعني منحتاج ناخذ تكت ههههه

بالنسبة لموضوع الثلج  اي بوقتها  قبل  3  اسابيع لو  4  هيج ان بس هسه  5 بعين الي ميصلي  الدنيا ربيع والكو بديع ،افلل على كل المواضيع  افلل افل  افللل
اما بالنسبة  لموضوع المطيرجيه  فافتهمتك وهمزين غرفتي مو باتجاه الناضور    هههههه  واسم الله عليبيفهم**

[rayd kurial]

منو كالكم اوربا حلوه ؟

[rayd kurial]

نسيت اضيف على التعليق حبيبتي ريتا شنو قصدج ؟؟ ب بس لا تكول ليديس فيرست، للعلم لغتي بالانكليزية و العربية تعبانة، والموضوع خرج من نطاقه المعنوي / اي كان الكلام عن القصة / مو لو مو مو
marco

[Ritta]

خون ماركو   ليديس فيررست   يعني  Laides First  وبالعربية معناها  النساء  اولا  لعد  اشو  كلت القصة مكتوبة عليك وانت اصلا متعرف شنو القصة هههههههه   دا اتشاقة لتزعل***

[rayd kurial]

بعد زعلت واسحب منكم قصة حياتي الجزء الاول، و لا اعرفكم ولا تعرفوني
ALISANDRO

[rayd kurial]

ترى الصورة مو اكبر من اسمك الي حاطه صفح
بالمناسبة اني كضيت المتوسطة و الاعدادية، و انته كضيتها لو بعدك على الطريق... لا تزعل عيوني دا اشاقة مو لو مو مو.
ALISANDRO