الهجرة للولايات المتحدة عن طريق كفالة الأقرباء

[Mark_usa]

سلام الله عليكم،

يتم التطرق لهذه الموضوع احياناً، واحببت تلخيصه ببضع نقط لتسهيل فهمه لجميع المهتمين به.

فيزة الهجرة للولايات المتحدة عن طريق كفالة الاقرباء (وتدعى لم الشمل ايضاً)، هي احد انواع فيز الهجرة الامريكية حيث يقوم الشخص المقيم في الولايات المتحدة بتقديم معاملة لكفالة (سحب) قريب له وبعد الموافقة على الطلب يتم اصدار فيزة لهذا القريب للدخول الى البلد، ويعتبر من يوم الدخول مقيم دائمي في الولايات المتحدة (يستلم الكارت الاخضر بالبريد بعد دخوله بفترة وجيزة)، ويمكن تلخيصها على الوجه التالي:

1. اذا كنت من حاملي الگرين كارد، فانك تستطيع ترويج معاملة سحب للزوجة (او الزوج) وكذلك الابناء والبنات غير المتزوجين (فقط) وبأي عمر كانو. بعد الموافقة على المعاملة يتم تحويلها الى المركز الوطني للفيزا حيث تنتظر دورها لاصدار الفيزة لمدة سنوات عديدة، وتعتمد فترة الانتظار على عدد فيز الهجرة المتاح سنوياً في مقابل عدد طلبات الكفالة الكلية المقدمة. (حالياً تقدر مدة الانتظار للازواج والابناء بعمر اقل من (21) بخمس سنوات، أما الابناء الاكبر فتقدر بـ ثمانية سنوات).

2. اذا كنت متجنساً، فأن الزوجة (او الزوج) والاب والام والابناء غير المتزوجين الاقل من (21) سنة، تستطيع سحبهم مباشرة دون الانتظار في دور المركز الوطني للفيزة (باستثناء فترة الموافقة الامنية للفيزة بعد التقديم)، اما بالنسبة للابناء المتزوجين(زائداً زوجاتهم وابنائه القاصرين) فيجب عليهم الانتظار لدورهم في الفيزة (حالياً المدة اكثر من ثمان سنوات)، واخوة واخوات (المواطن المتجنس) فيمكن سحبهم ايضاً (مع زوجاتهم أو ازواجهم و اولادهم تحت سن ال21 والغير متزوجين) لكن مدة انتظارهم للفيزة تتراوح حالياً بين 10-11 سنة.

3. اذا كنت انت طالب اللجوء الرئيسي من خلال IOM أو SIV فبالاضافة الى افراد زوجتك وابنائك (وعائلاتهم اذا كانو متزوجين)، فان الابوين والاخوة والاخوات (وافراد عوائلهم كافة باستثناء ابناء الاخوة الاكبر من سن الـ21 او المتزوجين منهم) يحق لهم الاستفادة من اللجوء على منظمة الهجرة الدولية. IOM (اتصل بالمنظمة للمزيد من الاستفسار).

4. لم شمل العائلة المباشرة لللاجئين وتشمل الزوج/الزوجة زائداً الاطفال دون 21 سنة للاجئين:يجب تقديم الاستمارة I-730 من داخل الولايات المتحدة بعد وصول اللاجئ او بعد الموافقة على لجوئه من داخل الولايات المتحدة وخلال سنتين فقط من تاريخ الحصول عليه. المعاملة قد تاخذ مدة ستة اشهر زائداً اي موافقة امنية مطلوبة، للسفر راجع تعليمات الاستمارة في الملحقات ادناه.


ملاحظة:

- يتم الترويج لمعاملات لم الشمل من داخل الولايات المتحدة من قبل الاشخاص الكافلين لاقاربهم حصرياً باستثناء المشمولين بالنقطة الثالثة فعليم هم (المسحوبين) ان يقدموا الى IOM بانفسهم وكذلك المشمولين ببرنامج P2.
- هناك فترة انتظار اخرى للموافقة الأمنية لكل الحالات اعلاه قبل صدور الفيزة النهائية.
- يجب على الشخص الكافل للاقرباء ان يقدم تعهداً بدعم المكفولين مادياً في حال الحاجة اذ انهم (المسحوبين) غير مشمولين بالمساعدات الحكومية المالية او الصحية (باستثناء القادمين منهم على iom)
- وزارة الخارجية الامريكية ارسلت (وما زالت) رسائل الى مقدمي طلبات سحب الاقارب تبلغهم بامكانية شمول مكفوليهم (العراقيين) على برنامج الاولوية الثانية لللاجئين (I-130/P2) ،وتحثهم فيها على الطلب من اقاربهم (الذي ينطبق عليهم تعريف لاجئ) التقديم على منظمة الهجرة الدولية في مكاتبها المحلية في بغداد، عمان أو مصر.

وتقبلو تحياتي

مصادر:
- دائرة الهجرة والجنسية
 http://www.uscis.gov/portal/site/uscis/menuitem.5af9bb95919f35e66f614176543f6d1a/?vgnextoid=0775667706f7d010VgnVCM10000048f3d6a1RCRD&
vgnextchannel=4f719c7755cb9010VgnVCM10000045f3d6a1RCRD

- تعليمات عن كيفية ترويج المعاملة ومليء الاستمارة + رابط للاستمارة I-130
http://www.uscis.gov/portal/site/uscis/menuitem.5af9bb95919f35e66f614176543f6d1a/?vgnextoid=c67c7f9ded54d010VgnVCM10000048f3d6a1RCRD&vgnextchannel=db029c7755cb9010VgnVCM10000045f3d6a1RCRD

تعليمات عن الاستمارة I-730 + رابط الاستمارة
http://www.uscis.gov/portal/site/uscis/menuitem.5af9bb95919f35e66f614176543f6d1a/?vgnextoid=59cf8875d714d010VgnVCM10000048f3d6a1RCRD&vgnextchannel=db029c7755cb9010VgnVCM10000045f3d6a1RCRD

- المركز الوطني للفيزة http://travel.state.gov/visa/frvi/bulletin/bulletin_4539.html
- السفارة الامريكية في العراق http://iraq.usembassy.gov/root/pdfs/siv-vs-usrap.pdf

-مركز متابعة اللجوء http://www.wrapsnet.org/LinkClick.aspx?fileticket=rhdy3zIx5HM%3D&tabid=75&mid=790&language=en-US
-وزارة الخارجية http://www.state.gov/g/prm/rls/115888.htm

[geb]

مشكورMark_usa لان الموضوع بصراحة يهمني كلش لان عندي اخوية دخل امريكا عن طريق اس اي في وانتظر بلكت لمن يحصل  الكرين كارد يسويلي معاملة لجوء ....

[Wingo]

مشكور عيني مارك و عاشت الأيادي على الموضوع المفيد جدا

تحياتي
 Wingoمن الأردن

[SIV]

مشكووور على الموضوع ...وبارك الله بجهودك وتعبك

[Alawi]

حبيبي ولو اضوجك...
اني عندي كرين كارت وجاي عن طريق الاس اي في
واريد اجيب امي وياية من العراق .. هسة بيمن اتصل واشلون ووين واروح..
اذا ممكن اتجاوبني باختصار اكون ممنون الك...
وهية متريد تجي هجرة بس زيارة واني مقتدر على كفالتهه ...

انتظر ردك اخي والف شكر مقدما...
اخوك
علاوي
كولورادو

[cooliraqi80]

حبيبي مارك الحقيقة معلوماتك كلش دقيقة ومفيدة تنفع تشتغل محلمي , بالموفقية وردة

[AbU.SaRa]

مشكور يا وردة وبارك الله بيك عالمعلومة والتوضيحات..........

[Mark_usa]

اخي العزيز،

بالحقيقة هذا الموضوع قديم، لكن شكراً لجميع الاخوة على الاطراء،
اذا رغبت والدتك بالقدوم بفيزة زيارة فعليها هي ان تقدم على الفيزة (دون تدخل منك) في اي قنصلية امريكية قريبة تمنح فيز.
وعند المقابلة عليها ان تقدم ادلة مقنعة على امتلاكها روابط اسرية ومادية وسكنية ببلدها الام لتثبت بانها سترجع اليه بعد انتهاء مدة الفيزة وانها لاتنوي ابداً الاقامة في الولايات المتحدة او تقديم اللجوء ولم يتم ترويج معاملة سحب او لجوء لها من قبل...الخ.

هذه الادلة قد تكون بيت باسمها راتب تقاعدي عمل او مصلحة تمتلكها (مسجلة باسمها) زوج او ابناء يعتمدون عليها...الخ مما يتوفر.
وكل ما عليك فعله هو تزويدها بعنوانك وبعض المعلومات لمساعدها في ملىء استمارة التقديم للسفارة.
راجع موقع القنصلية التي تنوي والدتك التقديم من خلالها للمزيد من التفاصيل.

لا تستطيع سحب والدتك بالكرين كارد حالياً لكنها تستطيع ان تستفيد من التقديم على الآي او ام (لو ارادت ذلك) اذا كنت انت مقدم الطلب الرئيسي على SIV، وهنا عليها ان تتصل بالمنظمة في البلد التي ستقدم منه لمعرفة تفاصيل ترويج المعاملة والمقابلات.

تقبل تحياتي

[Alawi]

الف شكر عيني مارك والله اني ممنون
اني اتصلت بالسفارة كالو ماكو زيار بس اكو هجرة وهية متريد اتهاجر اتريد تجي هناية اتشوفني
ما اعرف بيمن اتصل والمن اودي اوراقي
السفارة في بغداد ما تمنح زيارات ..
عندك غير فكرة مثلا؟

تحياتي
والف شكر مرة لاخ عيني...

علاوي

[dr.sarmad]

اخي العزيز mark_usa

بلحقيقه انت اثرت اهتمامي لنقطة كلش مهمه قد تساعدني بلبدء باول خطوة في طريق الهجرة

احنا كعائله عدنا معامله لم شمل من سنه ال2001,,,تقدم بيها قريبنا الامريكي الي هيه في حالتنا خالتي ,,وبذلك تكون والدتي هيه المستفيدة الرئيسيه من هاي المعامله
قبل سنه من الان خالتي استلمت رساله من دائرة الهجرة تبلغنا باننا نستطيع ان نقدم على اعادة توطين في حال مطابقتنا لتعريف اللاجئ وبانه علينا ملئ فورم مرفق بلرساله في حالة انه كنا مهتمين بهذا الموضوع وانه راح يتصلون بنا لتبليغنا بلمستجدات ومواعيد المقابلات الي راح تكون فقط في مصر او الاردن.....وبلفعل ملينا الفورم وبعثنا الهم وهذا يوم وذاك يوم وماكو اي خبر منهم وحتى نسينا الشغلة بس من قريت الموضوع مالتك وانت دتكول بيه انه عندي حق انه اقدم من بغداد وبصورة مباشرة,,,رجعلي الامل ,,وحبيت اتاكد منك انه بلفعل يحقلي او لا وشلون ابدي باول خطوة مع العلم انه احنا مازلنا في العراق

تحياتي للجميع

[المتشرد]

سؤال هل تستطيع والدتي ان تسحب اختها في الاردن ارجو ان تعطوني بالمعلومات اذا امكن

[Mark_usa]

اخي العزيز،

 نعم تستطيع ان تقدم (صاحب الطلب) مباشرةً على منظمة IOM على اي من مكاتبهم في الاقليمية في المنطقة
راسلهم على عنوان بغداد واذكر لهم حالتك للمزيد من التفاصيل عنوانهم هو BaghdadInfoCenter@iom.int

عناوين مكاتب مصر والادرن
AmmanInfoCenter@iom.int
CairoInfoCenter@iom.int

كذلك تستطيع ان تجد ارقام هواتفهم اذا بحثت في ارشيف المنتدى

بالنسبة الى الاخ متشرد،

نعم، تستطيع ان تسحبها اذا توفرت احدى شروط لم الشمل في الموضوع المطروح اعلاه.

تحياتي

[dr.sarmad]

شكرا جزيلا اخي mark_usa

[mechano]

السلام عليكم ورحمة الله وبركاته

اخواني الاعزاء رحمة على والديكم عندي سؤال واريد جواب وم اريد تكولولي اكو مواضيع مثبته وروح اقراهه الله يخليكم

اني قدمت لبرنامج اعادة التوطين في بغداد واني اسكن في بغداد وبعد ان طلبوا مني ال(iom) الوثائق دزيتلهم كل الوثائق ونطوني كيس نمبر يبدي ب (BGD)وكالولي معاملتك قيد المعالجة واذا احتاجينه شي منك نتصل بيك

السؤال : اول شي المواضيع الي قريته والي كان تاريخهه 2008 متبشر بخير هل حدث تغيرر في 2009 بخصوصو المقابلات وقبول المتقديمن ثانيا هل كل شخص يقدم ينطونه كيس نمبر لو بس الي راح يقابلون وثالثا بالنسبة الى موعد المقابله قصروا الفتره لو بعدهه طويله واذا رفضوني يبلغوني انه اني مرفوض لو يغلسون واخيرا اكو احد نقبل عن طريق المراسله لبرنامج التوطين وسافر لاميركا ؟


وشكرا لكم جميعا

[مهند هادي]

الف الف شكر

[سوسن كليانه]

مشكور عالموضوع المفيد عاشت يدك ياورده

[شناشيل]

شكرا اخي العزيز مارك على المعلومات المفيده

لدي فقط سؤال ارجو ان اجد اجابته عندك

بالنسبه للنقطه رقم اربعه(( لم شمل العائلة المباشرة لللاجئين وتشمل الزوج/الزوجة زائداً الاطفال دون 21))

ماذا عن من هم فوق عمر ال 21 سنه

وساكون ممتنا جدا لك

تحياتي

[الحديقه]

مشكو أخويه مارك على هاي المعلومات
بس ردت اسالك شي اني اختي قبل اسبوع وصلت هي وزوجه وأطفاله من الاردن الى أميركا تكدر هسه هي تسحب أهلي والدي والدتي يمهم همه طبعا اني ويه ملف والدي والدتي وعمري 31 سنه وممزوج والملف باسم ابويه مع العلم احنه مقدمين من 2007 ولحد الان ماكو شي وبعده ملفنه باليوأن (UNHCR) أكو أجراءات هي لازم أسويه النه أو أحنه نسوي شي منا........

تقبل مروري......

أخوك
الحديقه-عمان   

[عيني بغداد]

شكرا على الموضوع والمعلومات المفيدة.

تقبل مروري
عيني بغداد

[عكعك التطوى]

اخي العزيز mark_usa

بلحقيقه انت اثرت اهتمامي لنقطة كلش مهمه قد تساعدني بلبدء باول خطوة في طريق الهجرة

احنا كعائله عدنا معامله لم شمل من سنه ال2001,,,تقدم بيها قريبنا الامريكي الي هيه في حالتنا خالتي ,,وبذلك تكون والدتي هيه المستفيدة الرئيسيه من هاي المعامله
قبل سنه من الان خالتي استلمت رساله من دائرة الهجرة تبلغنا باننا نستطيع ان نقدم على اعادة توطين في حال مطابقتنا لتعريف اللاجئ وبانه علينا ملئ فورم مرفق بلرساله في حالة انه كنا مهتمين بهذا الموضوع وانه راح يتصلون بنا لتبليغنا بلمستجدات ومواعيد المقابلات الي راح تكون فقط في مصر او الاردن.....وبلفعل ملينا الفورم وبعثنا الهم وهذا يوم وذاك يوم وماكو اي خبر منهم وحتى نسينا الشغلة بس من قريت الموضوع مالتك وانت دتكول بيه انه عندي حق انه اقدم من بغداد وبصورة مباشرة,,,رجعلي الامل ,,وحبيت اتاكد منك انه بلفعل يحقلي او لا وشلون ابدي باول خطوة مع العلم انه احنا مازلنا في العراق

تحياتي للجميع

شكرا للاخ مارك على هذه المعلومات وارجوا ان يسمحلي بالاجابه عن بعض الاسئله نيابه عنه


اخي دكتور سرمد من حقك والدتك التقديم المباشر على منظمه الهجره  iom في بغداد على ايميلهم

BaghdadInfoCenter@iom.int


الأفراد العراقيون الذين هم  الأزواج/ الزوجات و الأبناء/ البنات و الاباء / الأمهات و الاخوان/ الأخوات لمواطن امريكى , أو الافراد الذين هم أزواج /زوجات أو أبناء غير متزوجين /بنات غير متزوجات لأجنبى حاصل على اقامة دائمة فى الولايات المتحدة , و بحكم إنهم او سيصبحون المستفدين من معاملات تأشيرة الهجرة الموافق عليها I-130)) و المبنية على صلة القرابة الأسرية.

  بخصوص الأشخاص الذين تم ذكرهم فى البند السادس , على أقاربهم من المواطنين الأمريكيين و الذين قد قاموا بملء معاملة تأشيرة الهجرة الموافق عليها (I-130) للأقاربهم من العراقيون أن يتم أستلامهم خطاب من وزارة الخارجية يعلمهم بأحقية أقاربهم فى تقديم طلب اللجوء . و ان لم يتم تسلم القريب الأمريكى هذا الخطاب أو انهم لم يقدموا على  تأشيرة الهجرة (I-130)

[عكعك التطوى]

السلام عليكم ورحمة الله وبركاته

اخواني الاعزاء رحمة على والديكم عندي سؤال واريد جواب وم اريد تكولولي اكو مواضيع مثبته وروح اقراهه الله يخليكم

اني قدمت لبرنامج اعادة التوطين في بغداد واني اسكن في بغداد وبعد ان طلبوا مني ال(iom) الوثائق دزيتلهم كل الوثائق ونطوني كيس نمبر يبدي ب (BGD)وكالولي معاملتك قيد المعالجة واذا احتاجينه شي منك نتصل بيك

السؤال : اول شي المواضيع الي قريته والي كان تاريخهه 2008 متبشر بخير هل حدث تغيرر في 2009 بخصوصو المقابلات وقبول المتقديمن ثانيا هل كل شخص يقدم ينطونه كيس نمبر لو بس الي راح يقابلون وثالثا بالنسبة الى موعد المقابله قصروا الفتره لو بعدهه طويله واذا رفضوني يبلغوني انه اني مرفوض لو يغلسون واخيرا اكو احد نقبل عن طريق المراسله لبرنامج التوطين وسافر لاميركا ؟


وشكرا لكم جميعا

اخي الفاضل الاجراءات تتغيير بين يوم وليله فلا يمكن التخمين بالمده وطول فته المقابلات

نعم كل شخص من يقدم يزود برقم ملف خاص به وبعد ان يتاكدون من الاوراق ومديرك بالعمل حول خدمتك ستزود ب iz نمبر وتعتبر انك قد دخلت البرنامج وتمت موافقه شروط التقديم عليك وبعده يتم تحديد موعد لاجراء المقابلات

لا توجد مراسله بدون اجراء مقابلات

في حاله القبول او الرفض لا سامح الله ترسل النتيجه اليك عن طريق الاميل

[عكعك التطوى]

شكرا اخي العزيز مارك على المعلومات المفيده

لدي فقط سؤال ارجو ان اجد اجابته عندك

بالنسبه للنقطه رقم اربعه(( لم شمل العائلة المباشرة لللاجئين وتشمل الزوج/الزوجة زائداً الاطفال دون 21))

ماذا عن من هم فوق عمر ال 21 سنه

وساكون ممتنا جدا لك

تحياتي

مشمول بلم الشمل بشرط ان يكون غير متزوج

[ابو طبر]

السلام عليكم ورحمة الله وبركاته
اخي عكعك جزاك الله الف خير  على هذا التعب  . اريد من توضيح لحالتي 
اني عندي اخت حاصله على الجنسيه الامريكيه من سنه 2002  وتمتلك كل حقوق المواطن الامريكي  ولاتزال في امريكا لحد الان  . اتصلت بيه لغرض لم الشمل وطلبت اسافر للاردن  والاتصال بمنظمه iom  عمان لغرض لم الشمل ومثل متفضلت الموجود بالبند السادس  . عند اتصالي بالمنظمه  اول سؤال انطرح هل انته  عملت مع قوات التحالف  كان جوابي لا  بس كنت اعمل بمنظمه انسانيه دوليه  ؟  اختي اتصلت بالمنظمه في امريكا وكان نفس السؤال  .. بعده قدمت على  un والحمد لله مشت الاوراق وتحولت لل iom   وحصلت موافقه المحلفين  11/7 ولحد الان انتضر  الامنيه علما اني حصلت على الكفاله بتاريخ 1/8  الي تتضمن 119 سؤال بخصوص الكفيل  واني  وكانت معي من اول مقابله في un  سؤالي هل الطريق الي اتبعته صحيح  لو كان في طريق ثاني  ممكن اسلكه  ..
جراك الله الف خير

[Mark_usa]

النقطة الثالثة تخص حامل الوايت كارد والمقدم الرئيسي على IOM أو SIV، والمشمولين بهذه النقطة من الاقارب المقيمين خارج امريكا يقع عليهم العاتق الاكبر في التقديم والمتابعة مع المنضمات الدولية في المنطقة التي يعيشون بها، لاحظ ان الاقارب هنا لايشترط عملهم المباشر مع مؤسسات اجنبية لكن يجب ان ينطبق عليهم تعريف لاجئ.

النقطة الرابعة تخص حاملي الوايت كارد من الحاصلين على اللجوء من داخل او خارج الولايات المتحدة وعلى عكس النقطة الثالثة فان الشخص مروج المعاملة (الذي يعيش داخل الولايات المتحدة) يقع عليه العبء الاكبر في متابعة ومليء الاستمارات اللازمة.

بالنسبة للمشمولين على برنامج 130/P2 فايضاً بعد ان يروج الشخص القريب المعاملة فان عبء التقديم على المنضمات الدولية والمتابعة يقع الى الشخص المسحوب ايضاً. راجع ارشيف المنتدى وهو غني بالمعلومات والخبرات عن التقديم على الامم المتحدة من دول الشرق الاوسط. لاحظ ايضاً عدم اشتراط عمل المشمول بهذه الفقرة مع اي مؤسسة اجنبية لكن يجب ان يكون معرض للاضطهاد اي ينطبق عليه تعريف لاجئ.
تبقى فترة الموافقة الامنية في كل الحالات تمتد بين اشهر الى اكثر من سنة، وهي مدة تكاد تكون عشوائية، ولايمكن باي طريقة من الطرق معرفتها واحتسابها بدقة.وهي روتينية وتستوجب الصبر.

لمعرفة اي طريقة مشمول بها للسحب كل ما عليك فعله هو معرفة من الساحب ومن المسحوب وماهي وضعية اقامته وبالتالي اي من الفقرات الاربع اعلاه تنطبق عليه (زائداً ملاحظة الـ P2)...وابوك الله يرحمه.

تحياتي

[الامل 2]

انا وعائلتي مقدمين على الامم في الكويت من 2007 واختي مجنسه بامريكا بشنو تكدر تساعدني  ووين انا اكدر اراجع غير اليو ان وشنو هي iom        siv     اكدر اقدم عليهم لو هذه تابعه ليو ان  ساعدوني الله يخليكم ترى انا كلشي ماعرف بهذه الشغلات

[syrianlover]

الاخوة الاعزاء ارجو ان اجد رد شافي على سؤالي انا كتبته في موضوع سابق و هذا هو رابط موضوعي لكي لا اكرر السؤال مرتين في اكثر من موضوع و لكم مني كل الشكر و التقدير
 
http://www.ankawa.com/forum/index.php/topic,364229.0.html

[بغدادي76]

طيب إذا عراقي وصل أمريكا على الأيس آي في وبعدين تزوج من العراق , تكدر زجته تقدم على الآي او ام ؟ حته تلحكه لأمريكا ؟

[Ayob84]

اخــــــــــــــــــــــــــــــــــــــي  العــــــــــــــــــــــزيز
مشكـــــــــــــــــــــــــــــــــــورررررر على مساعدتك
ارجو منك الجـــــــــــــــــــــواب
اني عندي عمي وعندي خالي في امريكا توطين صار الهم 7 شهور
هل يقدرون يسون حق اهلي امي وابوي لم شمل
وكيف طريق التقديم وشكثر تطول
وللعلم اهم في سوريا وعندهم ورقة حمايه من الامم المتحدة
وشــــــــــــــــــــــــكرااااااااااااااا    اخـــــــــــــــــــــــــــــــــي
العزيز

[sad-doctor]

اخونيا مارك ممكن توضح النقطة الرابعة اكثر يعني تطول 6 اشهر بس؟؟؟ بعدين هاي الشغلة مضمونة لو؟؟؟
مع جزيل الشكر

[ابو وطن]

مرحبا اخي اني اختي صارله 8 اشهر في امريكا تكدر سويلي لم شمل اني وعائلتي مع العلم اني مقدم على اليون وشكرا الك

[ســـرى]

موضوع يستاهل الرفع عاشت ايدك اخي مارك

[ام مشمش]

تسلم اخي موضوع غني بالمعلومات المفيدة
وشكر للاخ عكعك الي ماقصر بمعلوماته

[aboryan]

اخوية مارك كلامك حلو كلش واني محتاج جواب منك وهو انه اني عندب كرين كارد على الا اس اي في بس زوجتي هية صاحب الكيس الرئيسي تكدر تقد هية العائلتي يعني ابوية و امي و اخوتي  طبعا تقدملهم على ال اي او ام او بمعنى اخر يكدرون همة يقدمون بناء عليها

[UASF]

للرفع

[jacksparrow]

ارجو المساعده في الاجابة لمن عندهم معلومات اكيدة

انا قدمت على الامم المتحدة وحصلت لجوء في امريكا
ومن المفروض بعد كم شهر اروح لامريكا

انا عازب واريد ان اتزوج الان لكن الامم المتحدة اخبروني ان لا افعل هذا لان سيوءخر معاملتي وسفري

اريد ان اعرف اذا اروح لامريكا شلون اكدر ارجع لدولة عربية اتزوج فيها وبعدين اسوي لم شمل مع مرتي؟
يعني اني ما اريد اتزوج من داخل امريكا
اريد اروح اكمل اجراءات الاقامة واللجوء وبعدين ارجع للدولة العربية اتزوج

شنو الخطوات الي اكدر بيه اسحب مرتي لامريكا بعد ما ارجع؟
وهل العملية سهلة لو صعبة
وكم تاخذ وقت ؟

[ام الحلوة]

اخونا العزيز مارك بارك الله فيك على طرح مثل هذا الموضوع وان شاء الله يتسع صدرك لاسئلتنا لان كل واحد بينا في باله الف سؤال وسؤال ومشكور مقدما بس اخونا الكريم سؤالي هو: اني جيت امريكا عن طريق الاس اي في والكيس كان باسم زوجي وحصلنا على الكرين كارد باول شهر لوصولنا والحمد لله اريد بس اعرف هل لكوني احمل الكرين كارد اكدر اسوي معاملة لم شمل لاخي البالغ 21 سنة وهو موجود في العراق ولم يسبق له العمل مع اي جهة امريكية  واذا ممكن بس تدليني على الاجراءات المطلوبة  واكون شاكرة الحضرتك وتقبل تحياتي

[ســـرى]

اختي ام الحلوة الاخ مارك صارله فترة ما داخل للمنتدى ان شاء الله يشوف سؤالك بس اني اللي متأكدة منه انه ما يحقلك بس بالكرين كارد انه تسحبين اي شخص من عائلتك عدا: الزوج والاولاد تحت سن ال21


الاخ ابو ريان اذا وجتك صاحبة الكيس بالsiv فما تكدر تقدم لاهلك.

[angie-dawood]

Smart ActiveX Control Fixer Pro has many strong performances. Besides dealing with Activex Control problems also can clean registry and repair common problems including dll errors, runtime error, Windows install errors  and as much as you can imagine. So, if you want to keep your computer healthy, just download ActiveX Control Fixer.

Intel Drivers Download Utility will keep your drivers up-to-date. Intel Drivers is in line with comprehensive database. No matter what drivers do you want to update, Intel Drivers Downloading will do a good job. Just have a try!

Registry Cleaner is the best registry cleaner. It is recommended by so many computer users as Registry Cleaner for Windows 7 has powerful features and can really settle the matters. If your computer registry needs to be cleaned, you can just download and install Smart Registry Cleaner Pro.

Ati Drivers Download concentrates in finding drivers for computers automatically. It makes updating your computer's drivers out of trouble. Ati Drivers Download Utility mission is to scan your computer for outdated drivers, searches compatible drivers and download for your computer. Downloading Ati Drivers can also fix driver errors and make your computer as a new one.

Undelete SD card Pro supports many scenarios that can lead to pictures loss. So if you have already erased some precious pictures, Recovering SD card can recover without doubt. It can even unerase formatted SD card. Just try!

Registry Errors Fixer is regarded as a famous registry error fixer as Smart Registry Errors Fixer Pro is good at fixing all registry issues such as registry error or registry cleaning and more.  With a few easy meatures Registry Errors Fixer can scan your entire Windows registry, find errors and repair them.

 
SD Card Recovery 82581
SD Card Recovery 50716
SD Card Recovery 59528
SD Card Recovery 76
SD Card Recovery 78
SD Card Recovery 86863
SD Card Recovery 18547
SD Card Recovery 36215
SD Card Recovery 92
SD Card Recovery 92653

[ســـرى]

انجي هي ما عدها جنسية بس كرين كارد ما تكدر تقدم اي معاملة لاخوها.

وهذا القانون للي يحب يطلع عليه:

Family member of a permanent resident in a preference category
You are a family member of a permanent resident in a preference category if you are:
The spouse of a permanent resident
The child (unmarried and under 21 years old) of permanent resident
The unmarried son or daughter (21 years or older) of a permanent resident

[angie-dawood]

اعرف اختي سرى هي ماعدها جنسية اعرفها الاخت حلوه زين ويصير اختي بالكرين كارت بدون ما ترفقين روابط حبي كم مرة اكول الكم القانون الامريكي بين فترة وفترة تتبدل بعض البنود به وتكدرين تتصلين باي محامي وتتاكدين من كلامي

[ســـرى]

اخت انجي يعني هسه ابو الكرين كارد يكدر يسحب اخوته واخواته؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ اختي انجي اني ما خليت رابط اني خليت القانون وانتي دتكولين (((القانون الامريكي))) وترة من يتبدل القانون ينحط بالموقع مال دائرة الهجرة القانون الجديد لانه هاي حياة ناس معتمدة عليه قابل هو موقع حكومي عراقي علمود ما يعتمد على كلامه واني واثقة من كلامي جدا بس ابو الجنسية يكدر يسحب اخوه ومستحيـــــــــــــــــــــــــــــــــــل ابو الكرين كارد يكدر.او يكون الشخص عمل مع الامريكان فهاي بحث اخر.

[angie-dawood]

عزيزتي هاي الارقام خلي اي واحد الي يقراه ردي يتصل بالرقم ويتاكد

1313 هاي مفتاح

الرقم 7195522  اسمه فاذر حنا

والرقم الثاني

1313 هم مفتاح هذا
8921264  
كاتب عدل  الي من خلاله يقدمون على معاملة لم الشمل والسحب بالكرين كارت

واذا تريدين ارقام غيرهم موجود خلي تخابر الاخت حلوه او اي شخص يريد التاكد

[ســـرى]

هو هذا المحامي اللي خليتي رقمه هسه يكول يصير سحب الاخ بالكرين كارد اختي انجي؟

[angie-dawood]

نعم اختي خابريه وهم خابري محامي امريكي للتاكد اكثر

[ســـرى]

والله ما ادري اني راح اتصل بيه واشوف لانه اذا هيج رأيه لازم واحد يناقشه على الاقل

In order to bring your sibling (brother or sister) to live in the United States as a permanent resident (green card holder), you must be a U.S. citizen and over 21 years of age. Note: Permanent residents may not bring siblings to live permanently in the United States.



http://www.uscis.gov/portal/site/uscis/menuitem.eb1d4c2a3e5b9ac89243c6a7543f6d1a/?vgnextoid=b8c93e4d77d73210VgnVCM100000082ca60aRCRD&vgnextchannel=b8c93e4d77d73210VgnVCM100000082ca60aRCRD

[ريم عبد]

اخونا العزيز مارك بارك الله فيك على طرح مثل هذا الموضوع وان شاء الله يتسع صدرك لاسئلتنا لان كل واحد بينا في باله الف سؤال وسؤال ومشكور مقدما بس اخونا الكريم سؤالي هو: اني جيت امريكا عن طريق الاس اي في والكيس كان باسم زوجي وحصلنا على الكرين كارد باول شهر لوصولنا والحمد لله اريد بس اعرف هل لكوني احمل الكرين كارد اكدر اسوي معاملة لم شمل لاخي البالغ 21 سنة وهو موجود في العراق ولم يسبق له العمل مع اي جهة امريكية  واذا ممكن بس تدليني على الاجراءات المطلوبة  واكون شاكرة الحضرتك وتقبل تحياتي

حبيبتي ام الحلوه
اذا كان الكيس باسم  زوجك فمتكدرين اتسحبين اخوج البالغ 21 سنه من العراق
والطريقه الوحيده انه يسافر الى احدى دول الجوار ويقدم على اليو ان وانتي اتكونين كفيلته
لان ماممكن يلتحق بالكيس مال زوجك لعدم ارتباطه بقرابة من الدرجه الاولى والثانيه مع صاحب الكيس
وبما انه لايعمل مع الامريكان فلازم ايقدم على اليو ان وهاي مكان تواجدها خارج العراق
وياخذ وياه كل مستمسكاته وينتضر بالاردن الى ان همه ايسووله توطين وايحولوا على ال اي او ام
و قضية هجرتكم انتي وزوجك متفيده غير بس بالكفاله وتحديد الولايه
واذا حبيتي اي توضيح اخر احنا بالخدمه

[angie-dawood]

ام الحلوه تريدين تتاكدين من الجواب اتصلي بالمحامي بدل من تدخلي بدوامات الاراء المتضاربة وتاكدين من الجواب بنفسك

[ام الحلوة]

مشكورين اخواتي الغاليات على ردودكم وان شاء الله اتصل بالمحامي اللي كالت عنه اختنا الغالية انجي واستفسر منه بالضبط  لان اخوية يشتغل بشركة وميكدر يطلع لسوريا او الاردن ويبقى هناك  بس هو الله يحفظه يكول اذا بيهة مجال من العراق يكدر يتابعهة طيب ولو ازعجتكم مثلا نفرض ميصير لم شمل لا سمح الله يصير  يقدم على فيزة زيارة ومن يوصل لهنا يطلب لجوء ويتمتع بحقوق اللاجئ لو صعبة ؟ تسلمون وما قصرتو بالرد وجزاكم الله خير

[angie-dawood]

اخت ام الحلوة رجاء اي جواب يكوله الج المحامي ارجو منك كتابة هنا رجاء مهما كان رده يصير او ما يصير بليسسسسسسسسسس

[ســـرى]

اني وية الاخت انجي عود نزلينا الاحداث اذا ما بيها زحمة عليج اختي ام الحلوة مو بس رأي المحامي يعني تجربتك.

[حايرة كلش]

هذا الموضوع كلش مهم ولو جنت اعرف المعلومات البيه من زمان جان كلشي اتغير بس هلمعلومات عرفتها بالاخير من تجربتي وياريت يتغير اسم الموضوع ويتسمة لم الشمل لانه اني جنت اسوي سيرج تحت اسم لم الشمل ومحصلت هيجي معلومات قيمة بوكتها الى ان خابرتهم نفسهم المركز الوطني يالة شرحولي كلشي بس بعديش

[OK H.K]

عاشت الايادي ...معلمومات مهمة جدا

رفع الموضوع للأخوان الي يتسائلون عن لم الشمل

[Zaid73]

thax for this informations

[افاق المستقبل]

مرحبا ممكن سؤال لذوي الخبرة
اختي تعيش في الولايات المتحدة وحاملة للجنسية الامريكية حصلت عليها قبل شهور كيف ممكن ان تقدملي لم شمل علما اني متزوجة ولدي طفلين واني اعيش في العراق وارغب بالجوء هناك لان الوضع في العراق اصبح بائس جدا جدا ياريت تساعدوني وتنطوني اسرع  طريق ممكن اتبعه

[مارسيل بطرس]

موضوع جدا رائع اني عندي بيت عمي بامريكا بس ما صارلهم هوايه من رايحين سنتين اقدر اروح زيارة ومن هناك اطلب لجوء يصير ؟؟؟؟؟؟؟

[ATHEER.ALAZAWI]

عاشد الايادي موضوع جدا مهم

[عطر بغداد]

السلام عليكم اني مشتركة جديدة في المنتدى  سؤالي كيف اقدم للهجرة الى اميركا كيف اقدم مع جزيل الشكر

[عطر بغداد]

عاشت الايادي على هاي المعلومات

[Leroy Jethro Gibbs]

موضوع مفيد ورائع جدا

[lمصطفى الحجي]

حبيبي مارك  شلون  اقدم  ع طلب هجرة لمريكا 

[الماس ستي]

اخوان اريد واحد يشتغل بل سفارة يساعدني ارجوكم

[assaad2011]

مساكم الله بالخير  
شكرا لكم على هذا الموضوع القيم  
سؤالي انا اي او ام  وبعد شهر  ساحصل على الكرين كارت وعندي  بنتان متزوجتان  ولديهم اطفال  هل استطيع دعوتهم هنا  ؟؟؟؟؟؟؟؟؟؟؟
او هل يستطيعون  القدوم  لامريكا  بفيزة زيارة  ومن ثم  اقوم هنا  بتقديم طلب قبولهم كلاجئين عن طريق محامي  علما  لديهم رابط قوي  الاب والام في امريكا  والاخ 
وبارك الله فيكم 

[فيكتور سامي]

معلومات رائعة

[ابو مريان]

اخي فيزة الزياره الى امريكا انغلقت ببغداد اعتبارا من 18\6\2014 والى اشعار اخر يكدرون يقدمون من دولة اخرى .

[أبن البصرة]

الله يباركم بيكم معلومات قيمة ومفيدة

[طوطي١]

up

[طوطي١]

احتاج مساعدتكم رجاءا اني اجاني رفض من الي او ام وقدمت على الاستاناف هم اجاني رفض عندي اختي بالمريكا نصحوها ان تقدم على I-130 /p2 هذا ممكن انقدم عليه من ال اي او ام فهل يحق لي ان اقدم على هذا البرنامج كوني مرفوض من اي او ام

[Rokka]

الافضل تتصلون بالي او ام و تسألوهم معلوماتي بسيطة عن البرنامج لكن بعد ما الاخت اللي عدها جنسية تقدم استمارة لم الشمل i-130 و يتأكدون من صلة القرابه راح يبعثلوها بالبريد استمارات لبرنامج الp2 الخاص باللاجئين العراقيين  لغرض تسريع لم الشمل الذي يأخذ فترات طويله ( ١٠-١١ سنه للاخوة) للمواطن الامريكي

بعد ما يوافق مقدم الطلب على الاشتراك ببرنامج الاولية الثانية p2 و يملي الاستمارات راح يحولون المعامله من مركز الفيزا القومي بامريكا الى السفارة الامريكية في الاردن/ مصر/ لبنان حسب  سكن المستفيد و من السفارة سيتم تحويل الملف الى الاي او ام و اعطاء رقم ملف و الاتصال بالمستفيد لحضور مقابلة و تحديد اذا ما كانت شروط اللاجئ تنطبق عليهم و بعدها مقابلة محلفين .. الخ