الى الاخوان في امريكا هل صحيح انه الذي يسافر على ال siv يحصل على الجنسيه خلال 3 سنوات؟؟

[$$$$$]

اخواني سمعت خبر يكول انه اللي يسافر على برنامج ال siv يحصل على الجنسيه خلال 3 سنوات؟؟؟ ارجو المساعده

[SIV]

السلام عليكم...... اني مقدم عل اس اي في ....وحصلت عل فيزه وما باقي بس احدد موعد سفري...المهم صديقي وصل قبلي لامريكا وبعده مو مشتري تليفون ..فجنت اسولف وياه قبل جم يوم عل ماسنجر ...وحجالي هيج شي بس ما افتهمت الموضوع بالكامل لانه جنه نحجي مايك والنت يمي جان ضعيف..بس كال بالضبط انه الاس اي في وره 3 سنين بيها مجال يحصل جنسيه .....صدك ؟؟ جذب ؟؟؟؟ الله اعلم

[mozart]

اخي العزيز

لحد هسه ماكو تاكيد على الموضوع بس اكو شائعات

[angie-dawood]

اعتقد اي ياخذ الجنسية بعد ثلاث سنوات اكو موضوع الاخ شبح بغداد بالمواضيع الثابتة تكدر تقراه بيه كل شي عن البرنامج موجود بالمواضيع المهمة

[بغدادي76]

أخوان آني متأكد من المعلومات التالية
1- ألأيس آي في ياخذ الكرين كارد اول مايوصل
2- حامل الكرين كارد يحصل على الجنسية خلال 3 سنوات في حال زواجه من حاملة جنسية امريكية.

لذا استبعد احتمالية حصول الأيس آي في على الجنسية خلال 3 سنوات , ولو ما متأكد.