لماذا يتغيير قسم من العراقيين عندما يصلون لدول اجنبيه وقسم منهم يبقى كما هو ؟ وهل لمستم هذا ا

[ماجد يلدو]

   تحيه  من جديد  لكل  الاعضاء وكل من  سيدخل  او يقرا  الموضوع...................

1-  طبعا  من  الجميل  ان  يكون  لكم  رد  ولو  بسيط  بخصوص الموضوع  هذا وخصوصا  انا بدات  ارى
    ان  هنا  اشخاصا رائعيين  يكتبون ببالغ  الروعه  والدقه وانا  استمتع  بكتاباتكم  وحبكم  للبلد  والوطن
 
2-  وكما  احب  ان  ارى  المختلفين  معنا لانه هذا  يعمق  حل  المشاكل  او  يوضح  لنا صورا  جديده
    لهذا المنتدى  الرائع

3-   واشكركم  جدا  لطول بالكم  وحسن  قرائتكم

وساكون  الباديء
========


كثيرا  من العراقيين  يتغيرون  بتصرفاتهم  واعمالهم  واقوالهم  وحتى  لبسهم  احيانا  وهذا شي مؤلم حقا

والمرلم الاكثر  انهم يستهزاون  بالقادمين  جددد  باعتبارهم  شبه  متخلفين(  مع  احترامي  للقاريء)

والمرلم اكثر  انهم  حتى  ينسون  اهاليهم  ومعاناتهم ببلد الوطن  ويبرسلون  لهم  مبلغ  بسيط  لايساوى

وليمه  عشاء هناك  باوربا؟   وبصراحه  اكثر  حتى تلفون ما يخابروهم

فيا ترى  لماذا  نتحول  هكذا؟

لماذا  تتغير  اشكالنا  وتصرفاتنا؟

لماذا هذا  الهجوم المفاجيء  لشخصياتنا

اكيد  القسم  راح  يزعل مني  او  راح  اشوف المهاجمين  الشرسين هنا  لكن  ميخالف  مهاجم شرس

احسن  من  اسد مفترس1!!@!!!!!!!!!!!!!!!!!!!!!!


تقبلو  تحياتي........................ماجد يلدو[/shadow][/u][/size][/font][/color]

[haigo]

اويدك يا اخي يلدا انا هنا في كندا رايت اشكال والوان وخاصتا جماعتنا تغيرو من كل ناحيه مثلما قلت وحتى عندما اقول اه وطني يضحكون عليه وعندما اناقش من ناحيه اللبس يقولون لي من اي كوكب انت طبعا لا اقبل منهم هذا الكلام ويكون النقاش يبننا واخيرا هم مقتنعون بما يعملون لان طبعهم اصبح كندي

[LOVE ALQUSH]

اخي العزيز عجبني الموضوع الي منزله فحبيت اعلق عليه بالمثل الي يقول
الي ما شايف ويشوف +++++ صعبة جدا

[angel_f]

فيا ترى  لماذا  نتحول  هكذا؟

لماذا  تتغير  اشكالنا  وتصرفاتنا؟

لماذا هذا  الهجوم المفاجيء  لشخصياتنا

مشكور يا ماجد على الموضوع الجميل بالفعل..
أني عايشة ببغداد لكن أحيانا كثيرة أسمع مثل هذة الاشياء من خلال الاصدقاء والاقرباء ومن خلال مواضيعك الجميلة بالفعل....
هناك الكثير من الاشخاص الذين يتغيرون أكيد بسبب الحرية الزائدة ومع الاسف بسبب الطيش ,
 تحياتي لك Angel_F.

[angie-dawood]

لا حبيبتي مو كل الناس اكو ناس بعدهم نفس عاداتهم وتقاليدهم وما تغيروا ابدا كل واحد واصله حبيبتي

[angel_f]

أكيد مو كلهم ليش أخذتي الحجاية على نفسج بس متأكدة 99% يتغيرون أذا مو أول سنة لو سنتين بعد عشر سنين يتغيرون ....
وأكيد بالمستقبل أطفالهم راح ينسون شنو أصلهم وأنتي متأكدة ....
تحياتي Angel_F.

[angie-dawood]

لا حياتي ماخذتها على نفسي مجرد رد كتبت مو قصدي عليج عمري انت كان جوابي على الموضوع حبي لا يضل خاطرج لباتي اني اسفة اذا ازعجتك لبي

[بسمة 2009]

يسلمو وردة على الموضوع الجميل

[charger]

هاي شلون شغلة وياك يا ماجد يعني كل مواضيعك كارثة ... بس اريد اعرف انتا وين عايش ,,, ليش مترجع للعراق و تريح راسك ... ليش دائمن تاخذ الامور جماعية ... ليش تحكم على الناس بدون متعرف شنو ظروفهم انتا ليش متكول الي عايشين بل عراق يخابرون اهلهم الي عايشن بل خارج ليش دائمن الي متغرب يكون مظلوم هاي فوك غربتة عن بلدة .... اخي العزيز كل انسان و ضروفة بل حياة و كل انسان و امكانيتة انتا تكول يدزون شي رسمي مو كل الي عايش خارج العراق هوة مليونير و اكو بعض منهم الدولار الي معاجبك اذا طلعة يضرة انتا ليش متشوف ظروف الناس ليش متكول اكو عوائل هواية متظررين و شخص واحد يشتغل بيهم و يادوب ديلحك على الايجار مالتة و مصاريفة .... و ثاني شي شغلت انو ميتصل ليش متكول ليش متكول الي عايش بل عراق هوة الي يتصل يعني الي عايشين خارج العراق حالتهم طاكة و الي بل عراق ميت من الجوع ,,,, اخي كون موصف بحجيك و شوف العالم شلون دتعيش ... والله دتعجبني بكلامك صدكني الي عايشين خارج العراق اكثرهم حالتهم تعبانة ..... و ثاني شي من ناحية البس انتا شعليك بل عالم انتا امشي عدل و حافظ على تقاليدك و اخلاقك اخلاق عائلتك و الناس نارهم تاكل حطبهم مثل ميكولون شعلك انتا بل ناس شلون تلبس و شنو تاكل و شلون تعيش ..... اني هسة يومية اخابر اقربائي و اصدقائي الي عايشين بلاردن و الي بل عراق و الي بسوريا بس غيري ميكدر يسوي هيجي فا لتحكم على الناس اذا متشوف بعينك ..... من ناحية ثانية تكول من يسافرون يتبدلون ... و شنو الي يبدلهم ظروف الحياة الي تبدلهم و تعبهم و قهرهم ..... تعرف شي .... يكلك اذا تسمع هموم الناس يهون عليك همك .....

تحياتـــــــــــــــــــــــــــــــي

[المظلوم العراقي]

  الللللللللللللللللللللللللللللللله

موت  على  ه8يج  مواضيع  تسلم  ايدك ماجد يلدا وداعتك  كلهم  يتغيرون  باللبس  والشكل  والاخلاق

وبصراحة  كلللللللللللللللش  حلوة  عركات  النسوان  تجنن  ياريت  تتعاركون  ليل  نهار   امزح  معاكم

اخي  يلدا...............ز  كلامك  منطقي ومع  الاسف هذا البلد  المسيحي  ما بقاله  قيمه  بيه وهذا

كلامي طائفي  بس حقيقه والعيب علينا  ال  بقينا هناك  سنين  وبدون  فايده

اسف  للصراحه  بس  اني  قتلو  اربعه  من اخواني  وحقه  الانسان يتغير مرات  مو  نحو  الاسوء

[ماجد يلدو]

  السلام  عليكم

اخواني  وخواتي  المحترمين.......    بصراحة  انا  من قريت  اجاباتكم استغربت  شويه  تعرفون  ماهو السبب

1-    اكو  قسم  من الاجابات  يسالوني  انت  وين  عايش  او  ليش  ما ترجع  ووووووو   الخ    وهـــذا
      الموضوع  عام  مو  شخصي  لانه  اني  جدا  مرتاح بالبلد  ال  عايش  بيه  والحمد لله اكثر  من عشرين
     بلد  عشت  بيه والحمد  لله  تعايشت  مع  كل  الاجناس منها  الطيب  والسيء  اذن  اني  مو هدفي
     شرح  مشكلتي  مثل ما ظنوا  البعض............بل  يجب  ان  نغيير طريقه المواضيع  ونكتب  عن  اشياء
    نعيشها  منها  الجيد  والسي  ونكتب  ارائنا  فقط  لا  انتقاداتنا2-   فارجوكم  قللوا  الهجوم  علي  لانني  اخوكم  لا عدوكم  وانا  اكتب  موضوعي اجتماعي  لا ديني ولا
     طائفي[/color] 

3-  واكرر  اعتذاري  لو  بيه  اساءه  لشخص  لانكم  كلكم  اخوان  واصدقاء  ولا واحد  من  عدنا  يعرف الاخر


maick    شكرا   لكلماتك  الرائعه  وانا معك

charger    شكرا  لمشاركتك  يارائع وانا  جدا ممتن  منك  لاننا  الكل  غرضنا  ايصال  فكره  وعلاج  لا  شي شخصي

AnGie  شكرا  للصراحه  وطريقه  الحوار


 angel_f   شكرا  لمشاركاتك  ويكفي  انتي  لحد  الان  ببغداد  وهذا  وسام  لك ستعتزين به  بمرور الزمن
               وستكونين  انتي  التي تروين  قصص  العراقيين  من  عام 2003  -2009


LOVE ALQUSH   والله  كرمك  صح  ما اكدر  اعلق  عليه  بس!ّ!!!!!!!!!!!!!!!!!!!!!!!!

 haigo    جماعة  كندا  مختلفين  بس  يمكن  احسن  من ديترويت  وانا  زرت  تورنتو  واونتاريو  واتوا   يمكن  احسن

[روزماري]

 الأخ ماجد يلدا أرجو أن تأخذ كلامي بكل روح رياضية ولا أقصد به أي أساءة مادام لديك حوار مرن

 بصراحة حاسة حالي بمحكمة العدل العليا أخي كاتب الموضوع ماجد يلدا أرجو منك أن تنضر لأخوك الانسان بكل محبة أرجوك ولاتقف لهم بالمرصاد لماذا لم يتصلوا بأهلهم ولماذا يتغيرون ولماذا تغيروا في المأكل ووووووو ألخ جميل أن يكون لديك الأحساس بالقيم وقلقك على شعبك ولكن نحن لم نأتي للعالم لمحاسبة فلان وفلانة كلا ياأخي فهناك ديان يحاكم هو رب العباد رحيم وكريم وله وحده القضاء قلا تكيل بنفس الكيل ولاتدين حتى لاتدان

أتي لفقرة الملبس أنت تستغرب بالنسبة للتغيير الطاريء بالنسبة بشكل الملبس عذرا أذهب لترى منطقة بشمالنا العزيز وانا أقول شمالنا للأمان في حرية التصرف نوعا ما  ماذا يلبسون وأنا رأيتهم بأم عيني مالم أراه في أمريكا
لماذا نذهب الى العراق أذهب الى الدول العربية وخصوصا بلاد الشام

وبعيدا عن الملبس صدقني لا اللبس ولا الشكل يقرر ويحكم على شخصية الأنسان أهم شيء التعامل وخلينا نتحرر من هل أفكار ونقبل بعضنا الأخر كما نحن فالله محبة وحب لقريبك ماتحب لنفسك

وكلمة أخيرة عيش أنت حياتك بقيم وحافض على تقاليدك لماذا مهتم بأمور ثانوية شيء ليس فيه فائدة ولن يجدي  ويكفينا تفاق ونميمة فهي نار لاتنتهي وأكو مثل عراقي قديم يكول .......
وصفي النية ونام بالبرية

تقبل مروري ودعواتي لك بالموفقية

[ابو خالد]

نشكرك اخوي ماجد على موضوعك الي ماعرفت لحد الان الى ماذا يهدف
ولكن سوف اجاوبك على اسئلتك بالنسبه للعراقي ليش يتغير ..يااخي شي حلو انه يتغير ويتكيف مع المجتمع الموجود بلبسه وثقافته وحلو ان ياخذ الجانب الجيد منه ويترك السيء وكل مجتمع بالعالم فيه السيء وفيه الجيد ...يعني من ناحية اللبس اعتقد نشاز اذا تلبس زوجتك او اختك او بنتك عبايه بالدول الاوربيه فحلو ان الواحد يتكيف معهم باللبس المعقول والمحتشم وبالنسبه للعادات والتقاليد مالت اهلنا مو عيب الواحد يطور نفسه من يشوف ناس اثقف منه يحاول يقلدهم بالتصرفات على سبيل المثال انا بالعراق اكل تمن بيدي واضرب بالخمسه هاي تقاليد اهلنا غير بس من سافرت للدول الاوربيه وكعدت بمطاعم حاولت اطور نفسي وضليت اعرف الزم الجطل والسكين وضليت اعرف اكل بالملعقه فمو مشكله الواحد ياخذ من المجتمعات الاجنبيه الجانب الجيد والمفيد

وبالنسبه للعراقي ليش مايتصل بأهله وليش مايحول الهم فلوس ..انت ذكرت بموضوعك الاخر ان اللاجىء حال الضيم حاله وطبيب ويشتغل بالحمامات فسامحهم ظروفهم صعبه بس الي بالعراق ضروفهم زينه والاتصالات رخيصه خلي هما يخابرون   
وبالنسبه للذين يستهزؤن بالقادمين الجدد هذا من حقهم لان انا اتذكر كنا نستهزء بالقادمين الينا من القرى الى المدينه نستهزء بلبسهم وبتصرفاتهم ولكن من يتطبعون اهل القرى مع اهل المدينه ويضلون يلبسون لبس المدينه ويتصرفون مثلنا يتذكرون ايامهم ويضلون يضحكون على نفسهم لانهم تطورو وتأقلمو مع اهل المدينه فهذا حال القادمين الان اكو هواي امور ماشايفينها ويرادلهم وقت حتى يتأقلمون ويعرفون يتصرفون نفس تصرفات اهل المدينه

[ماجد يلدو]

   شكرا  لمن  مروا  مرور  الكرام  وخصوصا  متالقي  عين كاوه  او هذا المنتدى الرائع


      لكن  يبقى  السوال.............   الاصيل  اصيل  وين ما يروح  لاامريكا ولا فرنسا  ولا روما  تغير  الاصيل

واعتقد  العادات  المهمه  ومنها  الالتزام  بالقيم  والمبادي والشرف  مو عيب  والسؤال  عن  الاهل  بالعراق

مو عيب.......................زبس  العيب  من  نتلون  بلون  سيء كان الافضل التلون  باللون الجيد  وشكرا

لكم  اخواني

[haigo]

والله اويد كلامك 100 /100 القيم والاخلاق يا ريت ميدغيرون

[تلكيفي وعراقي]

   الموضوع  رائع  واعتقد  السبب  الفلوس  وشاف ومشاف

[sandy_usa]

     شكر  لعنوان الموضوع

اعتقد  السبب  هو  الجهل  وعدم  الثقافة  والغيـــــــــــــــــــــــره   ولو  تراقب  المنتدى  ستجد  اخي كاتب الموضوع  اسلوب  رد الاخرين  واستهزائهم  ومع الاسف  للصراحة  احنا  قسم من العراقيين  ما نتطور ابدا
واكثال  هذاvincenzo  الي  يتجول  بالمنتدى  وبدون  جدوى

[فواز المصلاوي]

    موضوع  جميل


انا  اعتقد  سبب  تغيير  العراقيين  هي  الفلوس  والمال وضعف  الشخصيه


نحن  تحولنا  لشعب مادي جدا جدا واسف  لقول هذا


شكرا  لكاتب الموضوع ولاتزعل  احنا مراح  نتطور ابدا

[فادي الاردني]

التربيــــــــــــــــــــــــــــــــــــــه  هي السبب  بضعف  الشخصيه


والان  اعتقد  العراقيين  يعانون من هذا بسبب  الحرب  وكلنا  هكذا


لكن الناجح  لا يكون  ضعيف

[ماجد يلدو]

كلمات رائعه جدا واشكر  كل  من  اجاب ودخل

[ماجد يلدو]

الرد  الوحيد هو ان العالم مليء  بامور غريبه

[جواهر بغداد]

عاشت ايدك أخ ماجد على الطرح الجميل 

بالنسبة الي اكيد اللبس ديتغير بأعتبار أنه لبسهم وهمه أبلدهم أو بالغربة قبل ميوصلون للدول الاوروبية ( لبس معقدين ) غير ملائم لطبيعه الحياة الي راح يعيشوها ولأنه مع الاسف بعقولهم الي يلبس بطريقة مغرية يكون هو العايش بحرية وبدون أي قيود .. واني اعتقد الي يتصرف على اساس انه الحرية هي منطق للعيش بسعاده يكون مقيد بجهل كل عمره ومفد يوم كان اللبس سبب للعيش بسعاده بالعكس اللبس المحترم والتصرفات الحسنة هي الي تأثر على الشخص بالمجتمع وتزيد من مكانته واحترامة بين المجتمع
أما بالنسبة لطريقة الاستهزاء بالاشخاص القادمين الجدد فأعتقد مالها داعي لان اكو ناس عايشين بالدول الاوربية لسنين طويلة والتخلف عاميهم وحتى حجي بأسلوب وأحترام وية المقابيل ميعرفون واكو بعض الي يوصلون جدد يكونون متفتحين للصح اكثر ويعيشون بأحترام  وبنفس طبائع و تقاليد بلدهم .. يعني مااعتقد التخلف يجي من وطن حضارته وأصالته عريقة بالعكس الي يكون عايش بحضارة متقدمه واساها الحرية وتكون تصرفاته كلها مجرد مظاهر هذا الي يكون متخلف ولازم يتطور
اما بالنسبة لتغير الشكل فهذا شي عادي اذا كان التغير ايجابي وبشكل يخلي احترام الناس باقي للشخص
و بالنسبة تليفون ميخابرون فأعتقد ماكو احد مرتاح لا بالغربة ولا ابدله لان مشاغل الحياة هوايه وكلمن وظروفه.