حاجيت الوطن والوطن حاجاني وبجاني**

[✪KlaRa ALmaRghi✪]

حاجيت الوطن والوطن حاجاني وبجاني**



هنا ناديت وطني وقلت
عذرا ً

عذرا يا وطن مغصوب مــو بيدي طلعـــتي

وبكل نفس انطــق هلي والعذر بدمعتـــي

ما اعرف الوم الزمن لو احسد الناس البيك؟

لــو اضحك ضحك جـذاب وابقــه بحسرتـي؟

يا وطن .. بيك الناس وهـــم تسال عليـــك

كيف انه وسط الغــرب وبس انطـر رجعتي؟

يـــا وطن اترجــاك لـو مــره بس مـر طيـف

بس احــظـن ترابك حييييل واتذكر صحبتي

ناويــن نرجــع الك بس تصحه من البــــيك

يا وطــن دونـــك ابد ما تنصـــح ضحكتــي

بــس ادعـــي انت بخيــر وكل الاهل وياك

واتمنـّـه اعود بيــوم بس راضي بقسمتـــي


***************************************

هنا جواب الوطن لي بعد ما سمع مني

لا تعتذر

غــريب انته وتحن من صوتك عــرفت

وكل يوم ابجي عليك بس ما عذرتـك

امك وابوك تريد ؟ انه احن من الثنين

لا تضحك ضحك جذاب محتاج لدمعتك

اذا يمي وتسال الناس هم تسال عليك

وتتامل عليها تعود محتاجه لعشرتك

امرك اني بطيف بس شايل عتاب وياي

ليش الي هداك الروح تجازيه بهجرتك

اولادي انتو واتمنه تلتمون احميكم هنا

ومحلاها يم الاهل لو تنصح ضحكـتـك

ادعيلي انتــه تعود وكل الضلــم ينزاح

واذا صابك الم وياي هم هيه قسمتــك

*******************************


مما راقــــــــ لي

[ღ♥ღ LoVely__87ღ♥ღ]

كلمات في غايه الروعه يســلمووو  عزيزتي

[Loleeee]

يسلمووووووووووو الايادي ام يوسف عالكلمات الحلوة

[nabil maria]

عاشت الايادي عزيزتي على هذه الكلمات الرائعة ولكن

اين هذا الوطن وبيد من صار اليوم؟؟

للاسف اتمنى ان يصحى الضمير العراقي ويعود العراق بيد من فولاذ لطرد كل طامع ومغتصب.

تحياتي يا وردة

[rotana]

كلمات جميلة جدا عزيزتي كلارا ااخ يا وطن ااخ   


                                                                   روتانا                               

[✪KlaRa ALmaRghi✪]

شكرااا لمروركم الحلووو ياورود

[nuhra]

كلمات جميلة يسلمو يا كلارا

[احلى عيون عراقيه]

                        ان شالله يلتم شملنا والعراق بالف خير

                                     عاشت الايادي ورده

[رهام القوشيه]

يسلموااااااااااا يا احلى ورده يا احلى كلارا
وانشاء الله يرجع وطنه مثل ما كان واحسن

[✪KlaRa ALmaRghi✪]

شكرااا ياورود منورين الموضوع بمروركم الرائع