تركيا من اين

[عاشق السفر]

مرحباً اخواني عندي كم سؤال 
اني امقرر اروح ابشهر العاشر الى تركيا اقدم على الامم المتحدة و عندي فيزة من السفارة و اريد اروح بري من بغداد  الى اي محافظة  اطلع حتى ادخل تركيا و اني شفت مواضيع با المنتدى على الطريق البري انو  ايصير اتجيب مواد  غذائية بس اكو با الاجوبة اختلاف اريد اعرف اشكد  ايصير اجيب وياي مواد غذائية و ايصير اجيب لاب توب و موبايل و اريد اعرف  في تركيا اول ما ادخل انزل في فندق في انقرة و اقدم و انتضر لامم المتحدة هيه اتحددلي مكان سكن لازم انزل في هاي المنطقة لو اني ابكيفي وين ما اروح اروح و ايجار شقة مال نفرين مؤثثة من كولشي اشكد  اتكلف با الشهر و اشلون  اكدر احصل شقة اكو مكاتب لو اشلون
 ممكن الجواب يا غالين  و اني اتمنه اعرف منكم

[مشوار]

اخي العزيز احب ان انوه لك شيء وسوف اجاوبك على الي اعرفه
وان شاء الله الاخوان مايقصروون ابد
المهم بالنسبه للطريق عن طرق البر فهو جدا متعب جدا جدا أما بالنسبه لى التقديم في الامم المتحده للاسف اقول هذا الموضوع جدا لديه نفس طويل وعميق المهم الخير فيما اختاره الله
على كل حال جائز انت اتقدم في انقره ولكن هم يختارون لك مكان ثاني للتقديم هذا ماصار مع بعض الاصدقاء والله اعلم
اما عن الموبايل فهو شيء شخصي فأكيد لا يوجد اي ممانعه بحمله اما عن الاب توب فلا اعرف اعذرني
اما اسعار الفنادق اي الغرفه ثلاث اسره بستون دولار مع وجبه فطور
اتمنى ان  استفدت بشيء ولو القليل
تحياتي الك
اخوك مشوار

[ابو روزا]

مرحبا اخي عاشق
مو انته قبل فترة سألت وجاوبوك الاخوان المهم اسمع اخويه------------------

الطريق البري متعب بس بما انته اسمك عاشق السفر فعادي جدا اتمتع بالمناظر الجميله لآن راح تقطع مسافه طويله  بالمناسبه انته راح تجي ع طريق لو كركوك لو الموصل وبعدين منطقة كردستان
الى زاخو الجميله جدا وتوصل الحدود معبر ابراهيم الخليل واللي يقابله معبر الخابور بالجانب التركي  بعد انته سيارتك وين توصلك للحدود لو داخل تركيا اذا للحدود اكو سيارات تكسي تركي واكفين اذا غراضك اهوايه لو تشترك بالكروه ويه واحد والاحسن اخذه وحدك ب 50  دولار  انته كلت نفرين مو   اوكي لحد الان

بالحدود لاتنطي شي لآن راح ياخذهه السايق
  بعد اجراأت الحدود التركيه وطبعا هاي كلهه السايق التركي هو يكملهه تدخل الاراضي التركيه اول مدينه راح اتشوفهه اسمهه  سلوبي  وهيه تابعه لولاية شيرناك ومن سلوبي تصعد الى اي مدينه في تركيا
 
بالمناسبه شتريد اجيب وياك جيب لاب توب اي شي عادي مواد غذائيه كلشي وكلاشي زين موتكول مكتلك

وراح تمر بالمدن التركيه الجزيره وماردين و اورفا وهي مدينة المطرب ابراهيم تاتلسيس وغازي عنتاب و ادنا وغيرها هاي بداية الطريق وبعدين راح تتعب ويمكن تنام اذا تكدر طبعا الطريق بيه استراحات اهوايه

وبما اني مااعرف وجهتك وين بالضبط  يعني اذا تروح الى انقره او الى اسطنبول شي واذا الى احدى المدن الاخرى شي ثاني  زين

اهنا الاجهزه الكهربائيه غاليه كلش لاب توب كاميرا وملحقات اللابتوب انصحك اجيبهن من العراق وجيب خط اسيا  لآن يسقبل رسائل اهنا وجيبلك اقراص افلام اغاني وغيرهه  لآن اهنا كله مدبلج تركي اذا انته اتحب هاي الاشياء زين

ومن تروح لليو-ان الله كريم شوف شيصير وياك


اما موضوع الايجارات فكلشي بسعره واكو اختلافات حسب المدن --- اني عايش بمدينه تبعد عن انقره تقريبا 5 ساعات

اذا عندك استفسار اخر راجع السكرتيره

[ابو روزا]

نسيت اكلك شركة الرغد عدهه خطوط من بغداد واذا تريد انطيك رقم سائق جمسي ينطلقون من امام جامع النداء

[help]

ممكن يااخ زوونا تنطيني رقم السايق

[عاشق السفر]

مشوار يا غالي اشكرك جزيل الشكر  يا غالي يا اصيل يا طيب

وzoona  اشكرك يا فنان على كل شي بس كولي السكرتيره حلوة لو لا هههههههههههههه
اتشاقة وياك صديقي الغالي على كل شي

[غريب عن الوطن]

مشكور على الاجوبة ولكن لم يحدد احد سعر الشقة اذا كانت في انقرة او اسطنبول او اي محافظة اخراء ممكن احد ايجاوب ماهو السعر لشقة المفروشة ياريت الجواب و هل يوجد اكثر من منفذ للتقديم على اليو ان مع جزيل الشكر

[عاشق السفر]

اي  والله يا ريت واحد ايحدد سعر الشقة لان  اني الى الان ما اعرف بيش تحياتي الك يا غريب  و انشاء لله التوطين الى الجنة ههههههههههه

[toneyosf]

اخي مرحبا اخوك صارلي سنه وخمسه اشهر اهنا بتركيا اوكي
اليوان ينطيك المحافضه بس انت اطلب محافضه جرم لان ما بيها غرامات هايه  وحده وثنين محافضه اسمها  توكات هم زينا لان بيها شغل اهوايا  وهسه قليل عالم تجي التركيا فقصدي  سهل تطلب المحافض الي  تريدها وبعدين الايجار زين عموما ميجاوز 200 دولار  بلمحافضات الي هي جنه بلنسبه الى جو العراق والطبيعه يعني بنايات اتخبل مو قرى والثالثه ماكو داعي شقه مفروشا لان الغراض اهنا بلاش يعني اكو مستعمل كلشي مثل تلفزيون  وثلاجه وطباخ اربع عيون وزوالى مختصر مفيد 300 دولار كلش زايده والله شاهد ومتفيدك اسطنبول لان غاليه وياخذون دلاليه على الشقق وبلمناسبه  كلما اتروح مقابله الى اسطنبول هما ينطوك حق الروحه والجيه واذا عندك اي سوال اني حاضر  اخوك ابو مريم

[عاشق السفر]

مشكور يا غالي اشكرك جزيل الشكر والله ما قصرت ربي يفرج عنك  بس اذا اجي اشلون احصل شقة يعني افتر ادور لو شنو اكو  مكتب خاص ابهذا الشي و انشاء لله اخذ كلامك  لان مناسب الية

[toneyosf]

اخي العزيز كل محافضه بيها مكتب او مكاتب دلاليه وهم اسمها مثل اسم العراق دلال اوكي لا ادوخ كلها سهله جدا   وابشرك وين متروح الله ايدزلك واحد ابن حلال وماشاء الله تركيا  متروسه عراق وسودان وصومال وغيرها وكلها ابهيجى حاله  العالم اتساعد لان لحد هسه اكو رحمه وبلتوفيق

[عاشق السفر]

مشكور يا صديقي الغالي على الجواب اشكركم على كل شي

[عاشق السفر]

زين ولو طولة هسه اكو تقديم على  un  اشلون صار التقديم يعني  اكو تسريع با الكيسات و اريد اعرف ما هيه الفترة بين التقديم اول مرة و المقالبة الاولة

[toneyosf]

البارحه كنت في انقره واجى عراقي ديسجل لان عالئه كانت في اسطنبول انطو علساس موعد بعيد 31 -8 يعني لوز هسه

[عاشق السفر]

مشكور  على الخبر الجميل المفرح ربي ايفرحك

[سومر حضارة]

تحية حلوة لكل العراقين في تركيا واللذين يرغبون السفر الى تركيا
1- تركيا غالية وليست كالعراق
2- توجد مساعدات لكنها تختلف من مكان الى اخر من 10 بالمئة مساعدات في بعض المناطق وفي غيرها تصل الى 85 بالمئة .
3- العمل في اسطنبول وارد جدا لكن يجب الانتباة انة اصحاب العمل 80 بالمئة قد اخذوا صفات الاردنيين ( تشتغل بالاحل وبعدين ايد من ورا وايد من كدام )
4-كن صبور الاتراك لايحبون العرب.
سلامي للجميع
23-8-2009
سومر حضارة

[fady azir]

    اخي العزيز اكو سيارات جيمسي اسمها شركة الجندول الي هي مقابل بريد العلويه بالفرع المؤدي الى كنيسة ام الطاق الاخوان كلش زينين راح ايساعدوك يوصلوك الى الحدود التركيه يعني تنزل من سيارتهم ايصعدوك ابسياره اتعبرك الحدود طبعا هاي التكسيات الرينو الصفراء
 ايكون ابو الجندول امخبرهم حتى يستلموك او مراح تتعب بالغراض او شيلتها  سعر التكسي الواحد 50 دولار

بس مثل مفهموك الاخوان ابد لتنطي شيء بالحدود التركيه واذا صارت وياهم فد مره سويه كل نفرين انطي 50 دولار لان المشكله السايق متفق وياهم والسايق يتكلم العربيه يعني مراح اشوف مشكله بالتعامل مع ابو التكسي راح اتنام في اسلوبي او تحجز حتى اتروح الانقره ثاني يوم اسجل باليو ان  راح تترك غراضك في انقره في محطة الباصات اسمها الاوتو كار وامن عليها ماكو بوك في تركيا  وشوف وين راح ينطوك اي محافظه او انت اتكللهم على المحافظه بس احسن محافظه بالنسبه للماعندا  جرم  حتى بدون اقامه يعني ميدفون غرامات .......بعد اي شيء تحتاجه راح انجاوبك او توصل بالسلامه

                         اخوك فادي

[fady azir]

  اخي العزيز كلولك محافظة توكات زينه بس بيها غرامات يعني تدفع غرامات او مينطون كلشي ايجار  بس اكو عشوي الحمدلله والشكر ينطون غداء مطبوخ او كل يوم امخضر او فواكه شكل والايجار اكثر شيء ورقتين
بس انت ابكيفك بس الاتراك في محافظة توكات خوش اوادم ويحبون ايساعدون العراقين

بعد محتاج شيء احنا ابخدمتكم


                    فادي

[عاشق السفر]

مشكور يا فادي والله خير ابن خير انت الف رحمة على اهلك و ربي ايحرسك و ايوفقك على هاي المعلومات اشكرك من اعماق قلبي 

[fady azir]

             اخي العزيز معلومه جديده تعجبك

 انشالله اذا كنت صائم ففطورك عليهم بالخيمه هم هاي اتوفرلك كم فلس بس انت جاي ابشهرالعاشر

او صدق لو جاي انت قبل شهر العاشر كان ساعدناك قدر امكانه بس امسافرين في نصف شهر التاسع

او يوم الكم انشالله او تسهل اموركم مثل ماسهلها رب العالمين علينا

والتوفيق من الله

                     اخوك العراقي فادي
 

[عاشق السفر]

مشكور فادي يا غالي با المفوقية ياربي تحقيق كل ما اتريدة اشكرك

[ابو روزا]

 الله والله ايام صارت سوالف

[غربه]

سلام عليكم
اخون شنو سالفه الغرامات عفيه واشمعنى جرم مبيها غرامات وشكد تقريبا الغرامه وكل شكد يدفعوها
وشكد تبعد جرم عن انقره وبيها مساعدات لولا ......... ياريت الي يعرف يجاوب الله يخليكم

[المهاجر التائه]

موضوع الغرامات هو موضوع يتعلق بالوالي فوالي اذا صدر قرار يمنع الغرامات فراح تنشال الغرامات قبل مده صدروا عفوا على كل العراقيين الي موجودين في تركيا بعدم دفع اي غرامات وسابقا جانوا العراقيين يقدمون يم الوالي طلب بانه يخفضون قيمه الغرامات او يلغوه والوالي كان  دائما يوافق على الموضوع ولو الان حسب علمي انه الغرامات هي مموجوده ممكن في اي منطقه تقدم بس نصيحتي الابتعاد عن المدن الكبرى مثل اسطنبول وانقرة لانه بيه غرامات وبالاضافه الى الترحيل بعد 6 اشهر لغير مدينه

[غربه]

تسلم اخوي المهاجر ع الرد يعني ماكو غرامات حاليا باي محافضه من المحافضات
وطبعا احنا منطلب لا اسطنبول ولا انقره لان نريد مكان رخبص وبي مساعدات
وحسب المعلومات الي جمعتها من المنتدى كالو انو كوتاهيا وسكاريا هي افصل
المحافضات تقريبا انت بالمساعدات والرخص ولو تعرف شي ثاني عن غير هالمحافضتين
ياريت تكتبلي واكون ممنونه
ربي يسهل امرك

[ابو ايمن المياحي]

من الله التوفيق