دخلو وابدعوا بتقاليدكم عن الزواج

[القوشيه طاووسيه]

هااااااااااااااااااااي شباب شابات

كل واحد منا يدخل ويذكر فد واحده من تقاليد قريته عن الزواج وراح نشوف اشكيت اكو تقاليد
وراح ابدي اني
طبعا تعرفون اني من القوش
واكو شي كلش يعجبني من ميفتحون الباب للعريس الا يفرغون جيوبا واني بصراحه متفقه ويا اخوتي انو يكعدوا ع الحديده هههههههههههههههه

تحياتي
القــــــــ طاووسيه ــــــــــوشيه

[daloo3a]

هااااااااااااي طاووسية موضوع كلش حلو
وبما انه احنا تلكيف فسامعة عدنا نفس العادة مال نفرغ جيب العريس
يعني بزواج بنت عمي من إجا العريس عمي الكبير كال للشباب احنا تلكيف وهاي تقاليدنا كومو طلعو استقبلوه وما يفوت إلا ينطي لكل واحد 100 دولار على الأقل عاد هاي تخبلت بنت عمي لا ولا خطية لان ما شاء الله عائلتنا كلش كبيرة وكومة شباب عدنا هههههههههههههه فما اخذوا منه (واني هم ما اريد ياخذون منه خطية ولو ما اعرف منو هو) لوووووووووووول

[ღ♥ღ LoVely__87ღ♥ღ]

لوووول

لا تعليق 

يســلمووو

[القوشيه طاووسيه]

ثانكس دلوعتنه ع المداخه الحلوه تعرفين اني سامعه عن التلكيفيين انو ثاني يوم العرس شباب من اهل العريس يلزمون العريس ويكولون لحماته اذا متسويلنه كعده منفكه واذا مسوتلهم ينكتل فمااعرف سمتعه من صديقتي تلكيفيه
؟؟؟؟؟؟؟؟

بس كنت احب ذكرون اشياء جديده اذا تعرفون
وتحياتي الك لوفلي وع مرورك

القــــــــــــ طاووسيه ـــــــــوشيه

[✪KlaRa ALmaRghi✪]

تسلمين عزيزتي عالموضوع الحلو

اني مركيثا او تقاليدنا عاديه يعني منفرغ جيب العريس  او اني من زوجت قبل ميطلعوني من بيت ابويه اخويه سد الباب كال متطلع فا كلوله شتريد ههههههههههههههه اني باوعت على اخويه ههههه كال بكيفكم  يعني اخذو من العريس فد شي بسيط لوووووووووول او عدنا هم من احنا نروح بيت العروسه قبل متطلع من بيت ابوها ناخذ تحفه صوره اي شي تبقى ذكرى يمنا او ثاني يوم العرس هم من يجون العرسان للبيت لو نكسر شي يم رجلهم لو نذبح ذبيحه لووووووووووووول تقاليد بعد او حلوه كلش 

او بعد لووووووول عجبتني السالفه  او زوجي اثوري تقاليدهم تقريبا مثل مالتنا بس عدهم شي كلش حلو يلبسون الزي الاثوري بلعرس يعني تقريبا فد 20 لو 25 واحد لابسين زاي الاثوري فد شي مو طبيعي روعه  او هاي هيه

تحياتي

[القوشيه طاووسيه]

ثانكس لوفلي ع المرور الحلوووووو بس ليش بدون تعليق

القــــــــــ طاووسيه ـــــــــــوشيه

[القوشيه طاووسيه]

اهلا بيج وبكل مركايي
طبعا هذا الكلتي ياخذون شي من بيت العروسه للذكرى اهل دهوك هم يسوو

واكوشي اضيفه عنا احنا الالقوشيين
من يجون ياخذون البنت اهل الشاب ياخذون ديج من اهل البنت وطبعا هايه الحاله كنت رايحه سفره ع القوش وحضرت حفله بيها
 
تحياتي الج وثانكس ع المداخله الحلوه
القـــــــــ طاووسيه ـــــــــ وشيه

[عيون العراق]

هلوووووو حبي طاوؤسية بما انو هم اني القوشية فاكيد كل الي كلتيه نفس الشي بس اضيفلج شغلة  انو قبل الزواج اهل العريس يخبزون خبز العروس ويوزعة على المعارف من الناس واخر شي العصر يترسون فد صينية جبيرة ويودوها لااهل العروسة واهل العروسة يفرخوها ويترسوها حلويات وفواكة وكل شي حلو وينطوها لااهل العريس  ههههههه




واكو فقرة ثانية حلوة همين انو بعد الزواج بيوم الثالث تروح العروسة يم بيت اهلها ويجون العصر اهل العريس مسوين دولما وياكلون يم اهل العروسة وطبعا يكون مخلين بالدولما فد زر واكثر شي الحاضرين يكونون بنات وخالات وعمات العروسة والعريس وصديقاتهم والي تاكل الزر يعني اذا يجي بحلكها فهي الي راح تتزوج بعد العروسة هههههههه

تحياتي
عيون العراق
القوشنيثاااا

[القوشيه طاووسيه]

حلوه حبي عيون جديده هايه مال زر هسه سمعت بيها من عندج




اكو شي هسه اذكرته من خطبنا لاخويه طبعا هم القوشيه فرحنا للبيت يمهم وخطبناها رسمي فكام ابويه وانطه للعروسه هديه 300 دولار هديه الخطوبه وبعدين ابوها كال هديه مني هايه الفلوس لعمها وعمها كال انطيها لخال العروسه والله خال العروسه يصير خال العريس لان اولاد خاله كال هديه مني للعريس
هههههههههههه
فطلعت الفلوس منا ورجعت النا بس بالتصوير الفيديو طالعه حلوه

تحيااااااااااااااتي

[nuhra]

وااااو موضوع روعة ياوردة
وكل الي كاتبيه تقاليد حلوووة كلش وبعضها ماعرفها اول مرة اسمعها

بالنسبة لتقاليدنا بالعرس يجون العريس واهلة لبيت العروسة يدخلون جوة البيت وشوية يهوسون ويركصون وبعدين يطلعون العروسة بس قبلها هم ينسد الباب وينطلب فت مبلغ حتى ينفتح ودائما يطلبة اقرباء العروسة من الدرجة الاولى فبعد بكيفهم اذا يريدون ينفضون العريس ويبجوه

بس من يطلعون اهل العريس ياخذون بعض الاشياء من بيت العروسة مثلا ياخذون ملعقة او ماعون يعني اشياء مطبخ او مرايا من البيت ويخلوها يمهم بالبيت يعني ابيت العريس  فالمفروض اذا العروسة شطورة كلش من تشوفها تعرف هذي الملعقة مال بيتهم او بقية الاغراض


واكو تقليد انه يوم السابع العريس والعروسة واهلة يروحون بيت اهل العروسة يسون كعدة وحفلة صغيرة

وتقليد اخر اذا بالعرس اجى احد عندة طفل صغير وانطاه للعروسة وشالتة لازم العريس يطلع فت مبلغ ينطيه للطفل او اهلة بس ليش ماعرف لووول

وايضا من يجون العرسان يريدون يكعدون عالكوشة بالعرس هم يجون بعض المزعجين يوكفون بمكانهم ويلزكون وميتحركون اذا ميرضون فت مبلغ همة يحددوه لووول
 

وها هية هذا كل الي اتذكرتة وطبعا هاي تقاليد الاثوريين بس هم تختلف يعني مو الكل يسوي التقاليد ولا الكل يسويها بحذافيرها لانها اختيارية بس حلوة كلش

[القوشيه طاووسيه]

يسلموا نهرى ع المشاركه
طبعا الي كلتي يسوه هم اهل شيز

اكو شي جديد من جماعتنا اهنا ديقلدون غير دول بتقاليد الزواج مثلا اكو شي يسوو اللبنانين وديطبقوا بالحفلات بحيث شفته بكم حفله انو البنت تربط شريط ع فخدها وبنص الحفله يطلبون من العريس انو يفتح الشريط فيدخل العريس جوا البدله ويفك الشريط ويرمي ع مجموعه من الشباب والي يلتقطه يكولون يزوج ورا وهذه تقاليد لبنانيه تحياتي