إستفتاء أحلى 3 شغلات عجبتك بأمريكا

[ألمــــدرس]

مرحبا شباب

لنكسر الملل قليلا
كل شخص يذكر احلى او اغرب ثلاث اشياء في امريكا بس 3 شغلات موأكثر

واني راح اذكر احلى 3 شغلات شفتهن.

مصاعد عربات التسوق.
من عندك عربانه ودتتسوق بمول وتريد تصعد لغير طابق تروح للدرج الكهربائي تلكى درج خاص للعربات تدفع العربه بيه وانته تصعد بالدرج وتصعد انته والعربه تصعد بصفك وانته توصل قبلهه تستلمهه.هههه

يمكن تشوفوه شئ سخيف بس اني حيل عجبتني ما ادري ليش
وهذا رابط فديو شوفو حتى الامريكان متعجبين عليه
http://www.youtube.com/watch?v=_H42uEZK8yk&feature=related

******************
ثانيا تنظيم الشوارع وتقسميهه وخاصة اشاره عبور المشاة.
على كل اشارة مرور تلكى زر من تريد تعبر تدوسه وبعدين تصير اشارة بيضاء أو كلمة walk (يعني اعبر) وبعدين تصير ايد حمرة أو stop أو dont walk(يعني انتظر) وشحده ابو السيارة يريد يتحرك وانته تمشي هههههههههه.
وهذا فديو ولو مضحك بس علمود تفهمون الفكرة
http://www.youtube.com/watch?v=YNBVKnaCP1Y
*******************
ثالثا السرة.
وهذا والله لو بس العراقيين يتعلمون يلزمون سرة بضمير والله هسه 99% من المشاكل بالعراق تنحل.

مع التقدير

[storm2]

بصراحة غسان الموضوع حلو وحمستني اكثر بعد حتى اروح الاميركا واشوف احلى 3 شغلات واكلك عليهن انشالله ماضل شي اني احلى 3 شغلات تعجبني باميركا حاليا بصفتي عشت وياهم وعرفتهم على مدار 5 سنوات

1- النظام
2- الانسانية
3- الصدق

وبلدنه والحمد لله يفتقر جدا الهاي الامور مع الاسف هواي ناس باعت ضمائرها

[nice.girl]

يسلمو اخي غسان على الموضوع الرائع واحلى ثلاثة اشياء نظام المرور اني من جنت بالعراق جنت اخاف من السياقة بس هسه  لا  لان هنا بالامريكا نظامهم غير شكل  وثاني شي الامريكان هواية يعجبوني  ليش لان كلبهم طيب وحتى من يشوفون اي شخص يسلمون عليه ويبتسمون مو مثلنا العراقيين ياخذوها بغير نظرة  وثالث شي اي شخص سوى حادث خلال دقائق تصل سيارات الاسعاف وطبعا من تمشي سيارة الاسعاف لبالشارع لازم السيارات كولها توكف  مو مثل سيارات الاسعاف مال العراق الشخص يموت والسيارة بعدها بالطريق  واني بصورة عامة امريكا كولها عجبتني بالنظام مالتها

[alen franso]

احلى 3 شغلات عجبتني بامريكا هي اول مااشتريت سيارة اكو كامرة بالاشارة والاشارة حمرة واني مااعرف كل قوانين السياقة لفت ورة عشر ايام اجالي بالبريد ضرف فتحتة طلعت صورتي وصورة سيارتي شلون ضربت اشارة حمرة والحجي مو اهنا السالفة طلعت لازم اتفع غرامة 430 دولار واروح 8 ساعات مدرسة  وبس يكون عندي سكنر لح اشوفكم الصورة    هاي من احلى الشغلات الشفتها بامريكا

تحياتي الن فرنسو التلكيفي
كالفرونيا سان ديكو

[tanea iraq]

موضوع جميل اخ غسان ، وكل مواضيعك جميلة ومفيدة واني متابعة الهة ، ودتعيشنة في اجواء امريكا من خلال مواضيعك ، شكرا ،
وياربي مو بس 3 شغلات تعجبكم في حياتكم الجديدة انشاء اللة كل حياتكم تكون حلوة بس اكيد يرادلهة صبر وتعب في البداية ، بالتوفيق للجميع

[ورقاء]

عاشت ايدك وافكار حلوة لاتنضب

[ريم عبد]

فكره حلوه اخ غسان وراح اتضيفلنا  معلومات عن كل ولايه اذا شاركوا الاخوان بامريكا
وياريت اتخلي وياها عن الشغله الي معجبتك بامريكا ان وجدت( هاي بس للتوضيح حتى نرضي المتشائمين)
اختكم ريم

[صابرين]

عاشت ايدك اخ غسان
انا كلش تونست من قرأت الموضوع ... الله يوفقك ويفتحها في وجهك

[haitham40]

الشغلة الي عجبتني من تكون مريض وتروح للمستشفى يعالجوك بدون ما يآخذون منك فلوس واذا تحتاج الى لا سامح الله عملية يجرولك العملية بدون ما احد يسئلك اذا عندك فلوس تدفع وانما تتلقى العلاج الازم وبعدين وره مايصر عندك تدفع الهم وحته اذا تبقى تراجع ما يكولولك انت مطلوب ...وتقبلو تحياتي

[الضايع]

اخويه هيثم40 سبحان الله نفس اللي كلته موجود بالمستشفيات الخاصه بعمان هم بعدين ايحاسبوك هاااااااااااااااااااااااااااااااااااااااااااااااااااااااااااااا

[ali-jabbar]

السلام عليكم


عاشت ايدك عالموضوع الحلو

احلى شغلة عجبتني انو مرة اشتريت باكيت جكاير ويا بعض الاغراض من السيفوي ونسيت الباكيت عالميز مال الكاشيير

اني رجعت وملكيت الباكيت بس  جنت بعد بعيد حوالي 120 ميل عنهم ههههه

المهم خابروني همة وكلولي اذا تكدر تجي تاخذة موجود واذا تريد كريدت هم موجود وفعلا كلتلهم كردت وجان ترجعلي ال4 دولارات ونص عالكارد مالتي ... شكد يفتهمون (سحبو معلوماتي من الكارد الدفعت بي)

ترى التكنولوجيا حلوة

[ali-jabbar]

شغلة لخ هم قوية وحلوة وهواي عجبتني

اول مطلعت ماستر كارد رحت  للاي تي ام اريد اسحب فلوس بس نسيت الكود مال الكارد ههههههههه

دخلت الكود اول مرة غلط دخلت ثاني مرة هم غلط دا اكتب للمرة الثالثة وجان يدك الموبايل ... شلتة وجان يكلي سيد علي؟؟ كتلة اي ... كال احنة البنك ...  كال انت بالمنطقة الفلانية عند الصراف الالي الفلاني؟؟؟ كتلة اي ... كال ودتحاول تدخل الكود بس يكلك غلط ؟؟؟ ... اني بعد ما اعرف شحجي هههههه

المهم احوللني على غير موظفة واخذت مني جم معلومة وكلتلي بالكود

شكد طاكين من ناحية السكيوريتي مال البنوك



للمعلومات: الساعة جانت بال2  بليل

[angie-dawood]

اكو شغلة كلش مهمة الكل الاخوة لازم ينتبهون عليها هي الشقق لو انكم اول ما تكملون اوراقكم المهمة روحوا سجلوا عليها ما يهم شكد المدة الي راح تطلع لانه انتوا ما خسرانيين شي هذة الشقق لاشخاص كبار بالعمر والاشخاص الي ما عدهم وارد او شغل هواية يعني الراتب يكون قليل ما يكفي انه تاجر بغير مكان المهم هذة الشقق اذا انت انقطعت عنك المساعدات او بطلت من الشغل ما يطردوك منها بالعكس راح تكعد ابلاش وهم راح الحكومة تدفعلك فلوس الكهرباء والهيت والاكل لهذا السبب اكو الكم كبداية حياتكم ابدوا بيها اذا سجلتوا وطلعت الكم عن قريب هذا الشي كلش رائع هنا وهواية اشياء بين الزينة وبين الموا زينه بالتوفيق لكم جميعا

[القرش]

                                       السلام عليكم

موضوع شيق عاشت ايدك اخ غسان .

اول شي شفته هو النظام وخصوصآ سير المركبات في الشارع والنظام المروري .

ثاني شي المعامله الحلوه في كافة الاسواق والمحلات (يعني تاخذ اي حاجه وتستعملها واذا بعد كم يوم ماعجبتك تكدر ترجعها وهمه الممنونين ويتشكرون منك ..واكو محلات كبيره من تتسوق منهم يسوولك بطاقه مثل كارت البنك وتكدر كل ماتزورهم تبرز البطاقه بعد التسوق ويسوولك تنزيل بالاسعار .الثالثه هي بطاقات الباص تكدر تشتري بطاقة باص لمدة يوم كامل وتكدر تركب بيه الباص
اشكد ماتريد حتى انتهاء اليوم وسعرها 5ونص% .

وبعد وبعد هناك هوايه شغلات غريبه عجيبه يعني بصراحه الواحد هنا في هذا البلد العظيم يحس بانه انسان وله تقديره واحترامه ...والعرب مايصلون هاي المرحله من التقدم ولو بعد مليون سنه .

واكو شغلات غريبه شفتها ..مثلآ عائله متوسطة الدخل وعدهم حفلة عرس او عيد ميلاد او او او  يذهبون الى اي محل للملابس ويشترون ملابس فاخره ويلبسوها يوم واحد في الحفله وثاني يوم يرجعوها ..يعني كشخه ببلاش لمدة يوم هههههههه الجماعه هم لوتيه .

وشغله غريبه وحلوه شفتها البارحه في اسواق تارجت !!!!  مسوين سياره صغيره للمسنين تركب بيها وتسوق وتتسوق وبيها سله وتمشي مثل السياره العاديه بس بسرعه محدوده وابني الصغير ركب بيها وكام يفتر والعامل يركض وراه ويكوله  no  no وابني يفتر وجماله يدك هورن هههههههههههه.

اخوان الحجي هوايه والعجيب والغريب هوايه وان شاء الله يجي اليوم وتوصلون وتتندمون على الايام الي عشتوها بالدول العربيه وتحسون بقيمة نفسكم ...اتمنالكم كل الخير والموفقيه .

ابو انس
شيكاغو

[arizona]

احلى شي عجبني هي مدارس الاطفال التعامل والتوعيه شي خرافي ولا بل الاحلام اطفالي الان بس يردون يخلص اليوم حتا يداومون ثاني يوم المدرسه مع توفير وجبتي طعام يوميا ثاني الدراسه الجامعيه اي شي تريد تدرس بدون واسطات ولا كتب من الاحزاب وفوكاها ينطوك راتب طول فتره الدراسه وثالث شي هي محلات غسل السيارات عباره عن اجهزه تخلي بيها المبلغ المطلوب يعني ماكو شي اسمه اكراميات

[اهلي ياعراقين]

تسلم وتعيش يا أشقر على هذا الموضوع الجميل والمفيد والممتع , الله يبارك بيك وبكل اخواننا

[ابو عبد الله التكساسي]

اللهيساعدك اخويه غسان
موضوعك كلش حلو بس اني عندي سؤال
هاي من توصل امريكا اتكوم اتدور هيج سوالف ؟ههههههههههه
راح احجيلك 3 شغلات كلش حلوه اهنا بالعراق
1. كهرباء ماكو وابو المولده ما يشغل اكثر من 7 ساعات باهذا الحر الزمهرير واحنا برمضان ((كلش حلو))
2. كل قانون ماكو غير قانون الواسطه والسلطه وهسه بالجديد الي عنده باج هم اموره شوي تمشي
3. كل انواع الخدمات مفقوده وماكو احد يكلب المواطن شبيه ما بيه

تحياتي و تقبل مروري
م\ هسه ماكو كهرباء ِ

[سوسن كليانه]

اكثر شي حلو بمريكا هو

النظافه
النظام
الابتسامه الي دائما على وجهوهم

[tiger-ALtlkefy]

القانون الذي هو سلطة فوق الجميع ويتساوى الجميع به
النظام  والحرية  التي يحترم بها الاخر
الانسان قيمته والحرية التي يمتلك لكن هو حر شرط ان لا يضر  ويحفظ حق الاخر وليس بمفهوم الحرية بالبلدان النايمة التي تاتي من سلطة والجاه او من ينضر اليها بالقوة

تحياتي
تايكر

[blackwater]

النظام ...الاحترام ...والنسوان الحلوة ...

[siv2007]

شكراً أخ غســان على الموضوع الحلو..فعلا موضوع راقي ما بيه لا تهاني ولا تبريكات

الأشياء الجميله التي لمستها في مدينة سياتل(بالتاكيد موجود في بقية المدن)

الطبيعه الخلابه التي يستحقها هكذا شعب فالطبيعه تتناسب وطبيعة الشعب الطيب

المتعه في التسوق لانك تشعر بالرضا في كل ما تشتريه دون غش او خداع
 
مبدأ التكافل الاجتماعي الذي لم نراه الا في زمن الرسول (ص) مثلا الشخص الذي يمتلك تلفزيون او حتى سياره لا يبيعها وانما يتبرع بها للمنظمات الخيريه او يعلن عنها في الانترنت

[jayjay]

شلون الشباب او عاشت ايدكم على الردود والموضوع,
ولو اني بعدني ما واصل بس سمعت او عجبتني شغلة كلش حلوة.

انه من تريد اتأجر شقة او بيت, اذا ابو البيت ما يقبل يأجرلك لئن انت زكرتي اي اعزب اي ما متزوج.ههه

تروح تشتكي عليه  او فوكاها يدفعلك تعويض. هاي كون هذا  القانون هنا يتطبق.

الشغلة الثانية الانترنيت كلش سريع!! يعني مو يصير السحور او انت بعدك دا تجيك ايميلك.

او اكيد الشغلة الثالثة الحرية. وما احلى الحرية.

جاي جاي
قريباً انشاء الله كاليفورنيا.

[عراقي اليمن]

السلام عليكم

موضوع جميل ولطيف وحبيت اشارك رغم ابتعادي قليلا عن المنتدى بالكتابة فقط ولكن معظم الايام اني موجود واتصفح

المهم احلى ثلاثة اشياء وجدتها هنا هي:

- الثقة بكلامك: كل ما تقوله صحيح ومصدق به على الفور وفي جميع الامكان ولاداعي ان تنزل اي حلفان!!!!.
- الابتسامة والتحية: وتلاقيها على وجوه الجميع وتسمع التحية قبل ان تبادر بها وخاصة في الامكان الرسمية الحكومية !!!!.
- المساعدات التي تقدم للشعب بمختلف المجالات !!!!.

واذا اردنا ان نعدد للصبح مانخلص وشبيه جداً في (دولنا العربية !!!!!!)

اخوكم
اركان

[سوسن كليانه]

هههههه والله فنجوز عليك سوالف ,,,,اخويه هاي الاغرات راح اتخلينا الا نطلب لجوء للعراق وننتظر كم سنه حتى نسافر

[storm2]

واكو فايخين يكولولك نصيحة لتروح الاميركا لان تموت من الجوع اني هنا وانشالله ماضل شي واطلع بس اتحدى واحد يكلي اني جعت فد يوم باميركا والله ياخوان صديقي دزلي ايميل اليوم صارلة 3 اشهر هناك بعدة مامشتغل يكلي غيرت المجمع بجمع احلى ذاك ماعجبني بعدة ما مشتغل وفايخ اذا يشتغل شيسوي لعد

تحياتي وموضوع اكثر من رائع

[Sasy]

شكرا اخي على هذا الموضوع الجميل والاجمل كلام الاخوه الاعضاء ابدي بالاشياء الشفتها الجميله ولو الجماعه مقصروا

١- احلى شي من يجي الباص واكو عربانه معوقين واكفه بالمنطقه يوكف ابو الباص وينزع الحزام ويفتح مثل السلايد علمود العربانه تصعد ها والعرباين هنا كلها اوتماتيك من تصعد العربانه بدايه السلايد يصعد شويه لان اخاف العربانه تزحلك وترجع فهاي توكفها وبعدين اكو كراسي بالبدايه تنطبك وصير مكان للعربانه وطبعا اذا اكو احد كاعد على هاي المصطبه اوتماتيكيا ايكومون بدون اي نقاش او احد يطلب منهم ويجي السايق ويرتب العربانه وحطله حزام الامان ويرتب كعدت المعوق ويرجع المكانه ويحرك على فكره محد يحجي ولا يكول اتأخرنه بالعكس الكل متساهله ومتعاطفه.
٢-بالنسبه لمعوق يجون لجان للبيت (هذا الحجي صار العائله عراقيه الابن اختي) وجيكوا شلون ياكل شلون ينام وهو طبعا عمره ١٤ سنه بس لا يحجي ولا يمشي شلل رباعي بي اجوي حطوا بالمدرسه والله مادام هو بشر لازم احنه نهتم بي الاخر لحظه
ياخذوا الى مدرسه عاديه الهاي سكول على عمر المعوق ويهتم بي كل الطلاب وحاطيلهم ناس تهتم بيهم مثل المساج الطبيعي .... وهم الطلاب يوكلوهم ويلعبوهم، وهم يجون ياخذوا من البيت للمدرسه ومن المدرسه للبيت وسووله كرسي مال حمام علمود امه متتعب وياه وتنيمه وتسبحه وسووله كرسي متحرك وبي كل المواصفات وحته نوع القماش وسمكه ولونه الاهل هم يختاروا، واله راتب شهري واكله وشربه والطبابه مجانيه،
٣-اذا رحت لاسامح الله للطوارء وكان اكو حتمال تنام يسألوك على الديانه يابه ليش علمود يعرفون نوع الاكل الي رح يوفروا الك اكو هيجي دلال.

اسفه على الاطاله بس الحياة اكثر من رائعه وناس يقدرون شنو يعني بشر

تحياتي
ساسي
ساسي

[siv2007]

بلد فيه القيم الانسانيه التي لم يتطرق لها الاعلام العربي الكاذب والمنافق..بلد يجد فيه من فقد هويته ووطنه وبيته..بلد فيه الانسانيه التي لم ولن نراها في بلداننا التي تدعي الوطنيه وحب المواطن.. انك ستعشق اميركا ليس من خلال الصحافة والتلفزيون والاغاني الحماسيه بل ستعشقها من اول خطوة ستطئها قدماك الى هذه الارض المعطاة.. اتمنى لهذا البلد كما اتمنى لبلدي العراق السلام والخير والامان وبارك الله في بلد تسود فيه العدالة الاجتماعيه والتكافل الاجتماعي.

أخت ساسي.. كلما ذكرتيه هو قليل بحق المعاقين والاطفال فهنا المريض يشعر بانه بين اهله واحبائه تصور في قاعة الانتظار تجد الكراسي المريحه ومزهريات الورود والموسيقى الهادئه.. لاتجد فيها شرطي ولا مرتشي ولا صور للسيد القائد ..لا تجد فيها الا ملائكة الرحمه مبتسمين مستبشرين يجعلوك تشعر انك بصحة جيده هذا الشيء لمسته خلال هذه الايام عند مراجعاتي للاطباء لاني كنت انتظر هذا اليوم الذي اعرض فيه نفسي للاطباء من اجل التجييك العام الذي نفتقده في العراق العظيييييييم كلللللللش

[Leo-Iraq]

الاخ  siv2007  الاخت  sasy 

تحية طيبة...

أذا ممكن عنوان تواجد العراقين والعرب في مدينة سياتل يعني اسم المنطقة او  ال  zip code  ولكم كل الشكر والتقدير

[vincenzo]

بس انت اخوية 2007 انته وساسي كلبتوهه كلهه مستشفيات وامراض
داحجولنا عالورد
عالطبيعه
عالشاورمه هههههههههههههه

[hussein5582]

النظام وسلطة القانون
الاهتمام بنظام المدرسه يعني مو بكيفه الطالب يروح لو لا مع العلم ما عندي احد بالمدرسه
شغل 40 ساعه بالاسبوع اذا حصلته  متفكر منين راح اجيب وشلون ادبره وتكون من الطبقه الوسطى

الشغله الي مستغربله بامريكا انو الناس تمدح طبيعتعه و جماله بشكل مو طبيعي و هي فعلا طبيعه خلابه و المطر ميوكف عدهم يعني الزرع ينسكي اوتوماتيكي صيف شتى كولة واحد صاحبي كو الاضرحه والائمه عدهم مو عدنا بس الي مستغربله انو ولا شجره عدهم مثمره يعني خضار بس وشكل

يعني احنا سبحان الله ماكو بيت بالعراق ما بي نخله و تمره حتى بدون تلقيح يطلع و البرتقال و العنب خوب النبك انتوا ادره

[Sasy]

اخي العزيز فنزووووو اي مفتهمنا نحجي بالطبيعه والورد والجبال تعترض نحجي بالمستشفيات والامراض تعترض متكلي بيش نحجي هههههههههههههههه ومع هذا هم رح نحجي بس المشكله الحجي قليل وميوفي
طبعا كدام كل مجمع او بدايه مدينه تلكي كاتبين لوحه باسم المكان (لوحه على الارض) وكدامها باقه من الورود الي متعرف شنو الالوان والتناسق، واكو مناطق اشجار بس حامله تفاح عباره عن ارض مليئه بالتفاح شي جدا جميل.
واكو منطقه بسياتل اسمها سياتل سنتر بيها نافوره جدا كبيره وجميله وتحيطها الخضار من كل جانب الشي الحلو الموجود طيور النورس تمشي بين العالم ومحد اله علاقه بيها والاطفال يلعبون وياها بكل رقه اما اذا شفت طفل يركض وراها فكول هذا اكيد من الشرق الاوسط هههههه تلكي الطير يركض مستغرب شنو السالفه اشو صارت حرب ههههههههههههههه


بالنسبه للاخ Leo-Iraq المجمع هو اصلا بين العوائل العراقيه واكو جامع بمنطقة بيورن

تحياتي
اختكم
ساسي

[siv2007]

الاخ  siv2007  الاخت  sasy 

تحية طيبة...

أذا ممكن عنوان تواجد العراقين والعرب في مدينة سياتل يعني اسم المنطقة او  ال  zip code  ولكم كل الشكر والتقدير

أخي العزيز العراقيون لا يتواجدون في مكان واحد في سياتل بل منتشرين في هذه المدينه وكذلك يتواجدون في مدينة كينت و ايفريت أما عن ال zip codes فلا اعرف ماذا تفيدك ومع هذا فمدينة سياتل عادة تبدا ب 98101
تحياتي لك

[سيزر]

الحريه وبنظام + النظافه بالشوارع + احترام الشرطي للمواطن بشكل لا يصدق .

اني بعدني بالعراق بس هذا رأي صديق ساكن بأمريكا..
واحلى شي هو سرعة تكييف العراقي هناك على التكنلوجيا اللي عدهم ... ليش حكوماتنا متخلفه لهسه ما اعرف !!!


شكراً غسان على الموضوع


تحياتي
سيزر

[ذاكر ابو فابيان]

موضوع جدا جميل اخ غسان عاشت ايدك انت واللي شاركو بمعلومات ....


                               تحياتي اخوك ذاكر ابو فابيان

[siv2007]

بس انت اخوية 2007 انته وساسي كلبتوهه كلهه مستشفيات وامراض
داحجولنا عالورد
عالطبيعه
عالشاورمه هههههههههههههه

حبي ابو الفناجز مو  تدلل اني ما راح احجي لان الصوره راح تحجي .بالمناسبه هسه تكول شنو الربط بين الصورة الاولى والثالثه اني اجاوبك, الفرق انه هنا معظم اعمدة الأضاءة للشوارع الرئيسيه تحتوي على سنادين ورد بكل الالوان كما تلاحظ في الصوره واما نحن بلد الخير والثروات فالصورة الثالثه تتكلم!!

[رامي سلام]

السلام عليكم :

عندي سؤال صغير موجه الى الاخت ساسي ممكن اعرف اشكد راتب المعاقين ؟  لأن اني عندي نفس الحالة

اللي ذكرتيها.

(( نتمنا الشفاء إلى مريضكم و اتمنالكم الاقامة السعيدة )) 





رامي سلام

[Sasy]

اخي العزيز المعاق حاله حال اي متقاعد راتبه ٦٦٧$ بصراحه ال ٦٠٠$ متأكده منها بس الكسر هي يآما ٦٧ او ٧٦ دولار  طبعا وهنا يحددوله الفود ستامب والمدكل كله مدى الحياة وممكن تقدم على الهاوسنك وتكون الك الافضليه واذا يحب ياكل اكل معين هم يتكفلون بي + الحفاظات ولوازم اخرى تحددها الدولة.

تحياتي
ساسي

[ام منية]

هههههه واللله خوش موضوع وحلو بس مو مال 3 شغلات وبس
ال 3 شغلات الي عجبتني
1  الكوبوناااات هههههه صدك متونسة عليهه وكومة دا استفاد من عدهه يعني قبل اسبوع رحت اتسوكت من سوبر ماركت اسمه رالفس واشتريت خوش كمية وبعدين طلعت كوبوناتي هههه وشكد دفعت بعدين بس 5 سنت  ههههههه شلون هسه اكولكم شللون اول شي اني اجمع كوبونات من النت او من الجرايد وهذه الكوبونات تسوي خصم مثلا على نوع جبن او جبس يعني اي شي تسوي مثلا دولار واصلا السوبر ماركت هم دازلي كوبونات ومرة اشتريت وهم انطوني كوبونات مال السوبر ماركت فيعني شنو مشكل يا لوز كوبونات ههههه اجيت دا ادفع الحساب وانطيت كوبوناتي وجان يطلع حسابي5 سنت ههههه
هاي اني مستلمة الكوبونات لانه لا شغل ولا عمل هسه يجوز من نشتغل ما عدنة وكت ندور هيجي شغلات

2  الحرية والاحترام يعني اني محجبة الكل محترمني ومحد سمعني كلمة زايدة ناقصة بس مرات  بس مرات يعجبهم يسألون ليش لابسته وهيجي شغلات

3 اكثر شي عاجبني انه ماكو شي مستحيل  بامريكا وان شاء الله الكل يحقق الي يتمناااه

[ranaa_karam]

يسعد مساكم جميعااا

هو الموضوع خاص بس للعايشين باهل امريكا لو ممكن نشارك بغير دول

[ألمــــدرس]

يمعوده ranaa_karam

الكثيرين جاوبوا وهمه اصلا بعدهم مواصلين.يعني الموضوع مو خاص بس للعايشين باهل امريكا

وبكيفج شتكتبين كتبي.حتى لو مو على امريكا لان انتي عضوة جديده ونرحب بيج.

[fady azir]

     الاخ غسان بالعافيه عليك او على الامريكان عايشين بمثل هكذا بلد  مو مثل حظنا  الحلو بلد الخيرات او مشايفين كلشي

بس انشالله توصلنا التكنلوجيا  ههههههههههه

بس اهم ثلاثة شغلات اطرقت الها  كلش  توب بس  هي الانسان يعامل انسان او عدهم نسانيه


 او الف عافيه انشالله جايك شهر التاسع كاليفورنيا


                      العراقي

[ألمــــدرس]

اخي fady azir
ياهلا ومرحبا
اذا ميشيلك ارنولد نشيلك فوك روسنه .

واذا اناهايم متعجبك فألكاهون ترحب بيك.

هههههههههه

كل الهلة ومرحبه اخوية العراقي

[ابو الحسن]

عمي غسان الاشقر مواضعيك حلوة وانته احلى عمي
عمي ولو اني بعدي بالجماهيرية الماليزية الشعبية الاشتراكية
وماادري بقة النا عمر نوصل لامريكا لو لا
بس اللي يعجبيني  ب يو اس اي  هو
يو
اس
اي
يعني كلها شي على شي
الله يسهل للي وصلوا
والله يسهل للمنتظرين ويوصلون بسلامة وخير
ابو الحسن - ماليزيا

[رامي سلام]

اخت ساسي الورده اني اشكرك على هذا الشرح والحقيقه اني فرحت خليت بنتي بحضني وابوس بيه وكلت يمكن هاي راح تعيشني تحياتي.

[fady azir]

 السلام عليكم اخويه غسان

والله احنا حايرين
كفيلنا
ابلس انجلس  بس منعرف اذا نكدر نجي السنديغو  لو ميصير  اريد تسألنا  اذا مصير زحمه عليك  او لوس انجلس احسن بالنسبه للمساعدات اكون شاكر جدا الك ياخويه العراقي ابن العراقي الحر


ومن الله التوفيق

                     اخوك بن العراق

[nice.girl]

هاي اخي العزيز فادي اريد اجاوب على سؤالك  انت تكدر  تتحول هنا بسانتيكو   ورا ما تصل لوس انجلوس  تكدر تكول للمنظمة اريد اتحول بسانتيكو راح يحولون اوراقكم هنا لان جماعة كرايبنا هم جان كفيلهم بلوس انجلوس  واتحولو هنا  وللعلم ترا لوس انجلوس مو بعيدة عن سانتيكو ساعة ونص او ساعتين بسيارة وبالنسبة للمساعدات سانتيكو احسن ولاية بس المشكلة هواية  غالية والشقق هم غالية والصراحة الشغل هم قليل بيها واحنا ما نريد نكذب عليكم  بس سانتيكو احلى ولاية واحلى مناخ  من هيجي غالية بس الله يوفقك اخي
 

[nice.girl]

هاي اخي  اني هم عايشة بسانتيكو واحنا سجلنا بهل شقق ولو اطول سنة واسنتين او اكثر انت لازم تروح على الجمعية الكلدانية الي موجودة بالكاهون وهناك راح تسال وراح تملي ابلكيشن  وهذا يسموها سكشن ايت  واكو برنامج لاخ اسمه لو ان كم  هذا شوية اسرع وهاي راح تسال عليها بنفس جمعية وهما راح ينطو اسماء المجمعات السكنية  وراح تروح عليها وتطلب منهم ابلكيشن  وراح تمليه وترجعه  عليهم وهاهية وشكرا

[fady azir]

   شكرا جزيلا بالبنت الجميله  على اجابتكي السريعه للاسألتنا

الحمدلله توضحت لنا كل الامور بخصوص سانتياكو وانشالله  نوصل عن قريب ادعو لنا بالسلامه

  وانا اشكر كل من الاخوه غسان الاشقر والاخت انجي والاخت مارتينا والاخ ابو عبودي الوره وانشالله مرتاح هسه والاخ رامي سلام والاخ فرات شاكر والاخ ابو الحسن  نسيت الاخ ماجلان دائما منور المنتدى والاخ شوقي وعذروني الاعداد كبيره ولن استطيع ادراجها  وشكرا الى جميع الاعضاء الذين لن اذكر اسمائهم

          الموفقيه للجميع

                                              اخوكم العراقي
                                                    فادي عازر

[لوتس]

 الاخوان الاعزاء

التسجيل على هاي الشقق شنو شروطهة , يعني مثلا هل يجب ان يكون المتقدم حامل كرين كارت ؟

تحياتي

[nice.girl]

لا ما بيها اي شروط ولا تحتاج الى كرين كارت  بس اسئلة عادية  عدد افراد العائلة وسوشل سيكيورتي نمبر وعنوانك الحالي ومثل هل اسئلة وشكرا

[ألمــــدرس]

يعني معقولة بس هاي الشغلات اللي عجبتكم.

شنو الباقين معاجبهم شئ

[ســـرى]

والله اول مرة اشوف هذا الموضوع لان ما شاء الله مواضيعكم كلش حلوة تخلي الواحد يحتار شيقرا منها

عالعموم اني عجبني:

1) بالروضة من دنسجل ابني (هي دي كير بالحقيقة) ما عدهم طبعا اكل حلال واكو وجبة غدا فمن سألتهم كالوا اكدرادز وياه اكل بس اي شي ممكن يسوي حساسية ميصير ادزه واللي عجبني اكثر كالتلي حتى لو ابنج اكو شي ما يحب ياكله احنا نوفرله الشي اللي يعجبه

2) الجي بي اس بالسيارة حياااااة وهواية يوفر وقت بالايام الولى وانت بعدك كلشي ما تندل

3) الحاسبا توالموبايلات كدامك تشوفها وتكدر تستخدمها وتشوفها تعجبك لو لا يالله تشتريها بينما بالعراق ممنوع تاخذ صورة باي موبايل تريد تشتريه وبصراحة اعتبرها شغلة مهمة انه انت تحب الموبايل او الحاسبة قبل ما تشتريهم

تحيتي اخوية غسان والله يوفقك موضوع صدك حلو

[Safaa Alkhrkhy]

up

[vincenzo]

ههههههههههه صفاء غير دتلكة شغلات !!!

هسه اني بالحقيقة والواقع وباعتبار رجلية صارت بأمريكا اعتقد يحقلي اصرح برأيي عن احلى واسوأ 3 شغلات بامريكا

الاحلى:
1. ماكو حر
وتراب
وصوت مولدات
وتقفيص
و تفخيخ
وكاتم
وتكفير
وزيارات تعزل العالم
وصدام
ومالكي
وعلاوي
وجعفري
ونفاق
وقيل وقال
وعشاير وفصول
وانتهاك لحقوق المرأة
ودراسة وشهايد كلاوات
وبطالة مقنعة
وهمبلة
وجذب
وخربطة
وزبل
وسيارات عتيكة باسعار خرافية
وماكو امل
ولا ضمان للمستقبل
وراح اضيف للقائمة بعد من اتذكر غير شغلات

2. اي كتاب يصدر بالعالم تكدر تشتريه مستعمل بفلس ونص اونلاين ومتحتاج تستنسخ ويطلع عليك اغلى من الجديد

3. الانترنت القوي اللي احلم بيه

اسوأ 3:

1. طرق التقفيص الجديدة علينه

2. اعمارنه اللي كضيناهه بالعالم التعبان خلتنه نضيع سنين دراسة كلاوات راح يكلفنه هواي حتى نرجع لاعمال مشابهه لاعمالنه السابقة

3. كلهه تحجي انكليزي وتعال يا فنجنزو اتعلم...اهوووووووووووووو

[ابو عبد الله التكساسي]

اني جاوبت الموضوع قبل من جنت بالعراق
وهسه راح اجاوب
1. نضام الطرق الي بهيوستن ايخبل الواحد وكلش احب السياقه على الطرق السريعه
اخوان فد شي خرافي والله

2. احب السيارات مالتهم اموت على دين السيارات الامريكيه الي برخص التراب مقارنة باسعار العراق

3. الانسان محترم ومحد اله علاقه بالثاني بس بالشده الكل توكف وياك حتى لو غريب (( وهاي بيهه قصه ويايه شخصيا بس مو مكانهه هسه لان طويله ))


4.مهما كان دخلك الشهري تكدر اتعيش بيه وانت بكيفك اذا تريد اتعيش فخفخه او تريد الستر والامان المالي لعائلتك وهذا شي خاص بيك

5. تجيك الفرصه وانت متدري بيهه وتكلبلك الحاله 180 درجه

6. ابنك بالمدرسه (( محصن)) بكل انواع التحصينات المعنويه والتعليميه مو مثل العراق

7. اشياء هوايه حلوه بس ما لها مجال هسه

اكثر شي اكرهه بامريكا هو البيروقراطيه المبطنه مال الموضفين الحكوميين ونفس الخريط مال موضفين العراق بالضبط
وكل المعاملات شلعن كلب وروح تعال باجر بس الفرق ماكو احد يكلك ورقلي امشيلك المعامله (( لان يخافون من القانون)) بالمناسبه معضم الموضفين من اصول غير امريكيه يمنه بهيوستن

[kunda]

عشت ابو الفناجز بس بشرنا انت وصلت لو بعدك أشو ماكو اخبارك هالايام من اخذت الكوم وجنك اتكبرت على اخوانك الزغار منتظرين الكوم ههههههه راح احجي على ثلاثة شغلات مو هي الشغلات التعجبني او الزينة بامريكا لانه اخوكم كوندا العبد الفقير الى الله بعده ماواصل ويارب انقبل واستلم كوم واشوف امريكا قبل ما الله ياخذ امانته اما الاشياء الثلاثة اللي احلم واطمح ان اسويها فهي :
1- أشوف اهلي المقيمين في سان دياكو بعد غربة سنوات طويييلة وفراق عتيدوتصوروا الحجية (أمي)تكولي ويلكم سنwelcome son

2-بس استلم كرين كارت اسافر اوربا اذا الله سهل واحضر مباراة كرة قدم مثل هاي اللي نشوفها طول عمرنا بالتلفزيون وهالشي مايتحقق الا اكون بامريكا اكيد (مستحيل يصير وانا بالعراق)

3احضن مياه المحييييط حيث اني امووووت على السباحة وخاصة مو بالمسبح العاوي بالعراق

[** يدكو **]

والله عيني غسان موضوعك كلش حلو واني حرت يارد اقرا بصراحه نفسيه الواحد تنفتح من يقرا هيجي ردود من كل الاخوة والخوات

ربي يوفقكم كلكم ويوم النوصل ونسولف احنا همينا

[salam83a]

كلش حلو الموضوع وراح ابجي شوكت تفرج والله يسهل مر الجميع

[hussam2010]

والله الموضوع كلش حلو من كاعدين دتحجون دا اعيش حجيكم ودتخلوني الوب بس اريد الله يسهلها وانروح كلنة بس يلا الله كريم الله يفرجها على الجميع

[الغريب في الوطن]

احلة ثلاث شغلات بامريكا هي شغلتين
الجو الصافي والكهرباء المستقرة
هههههههههههههههه

[Sama83]

اني بعدني مو بامريكا بس صدك احب العلم المريكي والسلام الوطني المريكي والافلام المريكية ههههههههههه خصوصا كارتون صدك تخبل ومح يلحكهم ومن اروح اكتبلكم شنو اللي يعجبني هناك بس ادعولي عفية

[kunda]

أجمل خمس اشياء بامريكا ثلاثة   القهوة والجاي هههههه
اخوان اني من محبي وعشاق الكارتون الامريكي ساوث بارك واعتبرة شي خرافي كلش

[abomagid]

السلام عليكم

احلى ثلاث شغلات بالعراق ؟؟؟

صعود الناس الي ميستاهلون الى سلم الوظيفه المرموقه ؟

الكهرباء    الماء    الصبات     الطرق الي عمرها 50 سنه على حالها


المستقبل الغاممممممممممممض

باعتباري اني بعدني في بغداد وهاي هيه حالنا ؟؟

ابو ماجد

[sakhar]

رحت لأمريكا وشفتها ورجعت ويا ريتني ما رجعت
اكثر 3 اشياء عجبتني هناك

1-البساطه
2- النظافه
3-الالتزام

وهواي شغلات بعد

شكرأ عالموضوع
تحياتي

[(بغدادي)]

افضل شغلة عجبتني هي مدينة الصدر المقدسة في جنوب سان دييغو!!
مدا اتشاقة واللي مو مصدكك يجي ويشوف المنطقة. هي تحمل نفس الاسم والاخ غسان زاير المنطقة!!!.

[nameless]

بصراحه موضوع كلش حلو وشكرا اخ غسان على مواضيعك الحلوه
اذا نريد نعد 3 شغلات حلوه بأمريكا فراح نظلم امريكا
بس اذا تكلي 3 شغلات مو حلوه اتحدي اي شخص يطلع شغله وحده مو حلوه مو 3
اني بس عندي سؤال وصدك ما اعرف شلون اجاوبه و ولا واحد كدر ينطيني جواب مقنع
اكيد كلكم سامعين هاي المقوله (ذهبت للغرب ورأيت الاسلام لكن لم ارى المسلمين..وذهبت للشرق فرأيت المسلمين ولم ارى الاسلام)
سؤالي انه هل هذه الامه سوف تدخل النار لانهم ليسوا مسلمين..لكنهم يطبقون كل تعاليم الاسلام
وأن العرب او الذين يسمون بالمسلمين سوف يدخلون الجنه لانهم مسلمين..ولكن ليس لهم صله بالاسلام
خلي احدد السؤال
يعني اسحاق نيوتن الي فاد العالم بنظرياته وعلمه راح يدخل النار لانه يهودي
ولكن مقتدى الصدر او حارث الضاري و اللي عشرات اللاف من العراقيين ماتوا بسببهم راح يدخلون الجنه لانهم مسلمين
اتمنى واحد يقنعني بالجواب

[(بغدادي)]

(ذهبت للغرب ورأيت الاسلام لكن لم ارى المسلمين..وذهبت للشرق فرأيت المسلمين ولم ارى الاسلام)

هذه المقولة وانشاءالله اكون مو غلطان للعلامة المصري الشعراوي بعد عودته من اوروبا..
"انما اكرمكم عند الله اتقاكم"..هذا جوابك..

بغدادي

[jumbo]

شكرالك جدا على هاي المعلومات المفيدة . يارب يسوون الناس في بلدنا مثل هذا الشئ

[طريق الغربة]

وعلى شنو ترضين المتشائمين كل واحد وظرفه

[مــــان]

والله امريكا يكفي انه هي اقوى دولة بالعالم بالقوة والقانون

بس اكثر شي اتمنى احققه هي الجنسية الامريكية

يعني هذا شي فعلا رووووووعة

وان شاء الله

الله يسهل امورنة اني وبقيت الاخوة العراقيين ونروح لمريكا

ونكول شنو الشغلات الي  عجبتنه

تحياتي حبيبي غسان ومشكور ع الموضوع الجمييل

[دع شيبك يسفر]

ثلاث امور تعجبني بامريكا

1- الانترنيت السريع

2- الشقراوات الحسناوات

3- البريد اللي يوصل لكل بيت وشقه

[Safaa Alkhrkhy]

انيبعدني باب الشرجي ومامسافر الى بلاد العم سام بس.............
اني متاكدانه بامريكا ماكو هاي الصور:

[ابو الحسن]

عمي انه اجاوب حسب النطاق الجغرافي
احلى شغلات بماليزيا
الباميا الناعمة كلششش طولها 9 سم
الخيار الناعم القلم مال الطرشي طوله 14 سم
يشربون النسكافية وياها ثلج
يشربون الماء حار نار مفور يصلخ اللثة
وووووو
ابو الحسن - ماليزيا

[لاكي وطن]

عاشت ايدك اخ غسان الاشقر على هذا الموضوع الرائع وحبيت ان اشارك بهذا الموضوع.
علما اني لا اعيش في امريكا وانما في دوله اخرى.
1النظافه
2النظام
3المساحات الزراعيه الواسعه

[alazawi]

الامان
القانون
الوعي !

[vincenzo]

شنو الوعي !!!! ليش ما ينامون؟؟؟

[ميريام المهاجره]

والله العيشة بالعراق أضطهاد للبشرية اضطهاد
الكهرباء
الماء
سرعة الانترنيت وكل ساع تنطفي والله اريد اكتب رد اقسم لكم يمكن 10 مرات او15 مه النيت منطفي هاي الأمور اللي تعجبني في امريكا يا أخي نقصي ومعاناتي هي اللي تعجبني اولا في بلد العم سام  وشكرا

[vincenzo]

اذا وايرلس خاف الاريل كلساع يفتر لان الهوى قوي هالايام والجو طقص

[(strawberry)]

شوقتوني شوكت اجي لامريكا 

[Q8Bedon]

اذا تسمح لي اشارك اخي الكريم غسان

انا بعدني ماكو شي للحين لكن أحلم بالوصول لأمريكا,,, !

اكثر 3 اشياء عجبتني من قرائاتي للمواضيع الخاصة بأمريكا

1- النظام
2-فرص بدء حياة جديدة
3-شعورك بحقوقك كبشر !

[رائد واشنطن]

كلشي هنا عجبني، وشكد ما تتعب نفسك اكثر هنا راح تتحول احلامك الى حقيقة ويمكن اكثر

[Safaa Alkhrkhy]

up

[عراقي كرادي]

بعدني ماواصل.
ههههههههههه

[اسراء بغداد]

احلى شي شفتة بامريكا

هوة من تريد تطب الى مول او سوبر ماركت الشخص الي طب كدامك يبقة لازم الباب الى حد متفوت انت

الابتسامة موجودة كل متباوع على شخص مو احنة خل ابنية تبتسم الى شخص ثاني بلعراق غير 

واحترام المرأة الي مو طبيعي  ايخبل والله

[فداء الروح]

الإنسانية ,
الابتسامة الصادقة
النظام
كثير من الامور تنحب هنا

[rayanchase]

حب الخير
حب الانسانية ومساعدة الاخرين
عدم النظر للاخرين بعنصرية وغرور    مع العلم اني   بعدني ببغداد بس احس هذا الشي  100 المية  هناكه

[فانتوم]

والله موضوع كلش حلوووووووووو وروعة وخلاني انسى ضيم الأنتظار وبأنتظار المزيد من مشاركات الأخوة اللي بأمريكا
تحياتي

[noor usa]

ههههههههههه صفاء غير دتلكة شغلات !!!

هسه اني بالحقيقة والواقع وباعتبار رجلية صارت بأمريكا اعتقد يحقلي اصرح برأيي عن احلى واسوأ 3 شغلات بامريكا

الاحلى:
1. ماكو حر
وتراب
وصوت مولدات
وتقفيص
و تفخيخ
وكاتم
وتكفير
وزيارات تعزل العالم
وصدام
ومالكي
وعلاوي
وجعفري
ونفاق
وقيل وقال
وعشاير وفصول
وانتهاك لحقوق المرأة
ودراسة وشهايد كلاوات
وبطالة مقنعة
وهمبلة
وجذب
وخربطة
وزبل
وسيارات عتيكة باسعار خرافية
وماكو امل
ولا ضمان للمستقبل
وراح اضيف للقائمة بعد من اتذكر غير شغلات

2. اي كتاب يصدر بالعالم تكدر تشتريه مستعمل بفلس ونص اونلاين ومتحتاج تستنسخ ويطلع عليك اغلى من الجديد

3. الانترنت القوي اللي احلم بيه

اسوأ 3:

1. طرق التقفيص الجديدة علينه

2. اعمارنه اللي كضيناهه بالعالم التعبان خلتنه نضيع سنين دراسة كلاوات راح يكلفنه هواي حتى نرجع لاعمال مشابهه لاعمالنه السابقة

3. كلهه تحجي انكليزي وتعال يا فنجنزو اتعلم...اهوووووووووووووو

هههههههههههههههههههههههه عجبتني الشغلات الاحلى

[noor usa]

افضل شغلة عجبتني هي مدينة الصدر المقدسة في جنوب سان دييغو!!
مدا اتشاقة واللي مو مصدكك يجي ويشوف المنطقة. هي تحمل نفس الاسم والاخ غسان زاير المنطقة!!!.

ههههههههههههه صدك تحجي يعني وين مانروح لاحكينة يابووووووووووووووووووووو

[noor usa]

بصراحه موضوع كلش حلو وشكرا اخ غسان على مواضيعك الحلوه
اذا نريد نعد 3 شغلات حلوه بأمريكا فراح نظلم امريكا
بس اذا تكلي 3 شغلات مو حلوه اتحدي اي شخص يطلع شغله وحده مو حلوه مو 3
اني بس عندي سؤال وصدك ما اعرف شلون اجاوبه و ولا واحد كدر ينطيني جواب مقنع
اكيد كلكم سامعين هاي المقوله (ذهبت للغرب ورأيت الاسلام لكن لم ارى المسلمين..وذهبت للشرق فرأيت المسلمين ولم ارى الاسلام)
سؤالي انه هل هذه الامه سوف تدخل النار لانهم ليسوا مسلمين..لكنهم يطبقون كل تعاليم الاسلام
وأن العرب او الذين يسمون بالمسلمين سوف يدخلون الجنه لانهم مسلمين..ولكن ليس لهم صله بالاسلام
خلي احدد السؤال
يعني اسحاق نيوتن الي فاد العالم بنظرياته وعلمه راح يدخل النار لانه يهودي
ولكن مقتدى الصدر او حارث الضاري و اللي عشرات اللاف من العراقيين ماتوا بسببهم راح يدخلون الجنه لانهم مسلمين
اتمنى واحد يقنعني بالجواب

يا عيوني كل انسان ينبعث يوم القايمة واوزارة وياه واصلا كل واحد يتحاسب على عملة واكثر ناس راح يتعاقبون رجال الدين لانه مع الاسف همة الي شوهو الدين وخلو الناس تنفر منه وهم نرجع ونكول العلم عد رب العالمين ونسئل الله انه يسكننا جنات الفردوس .........
عفية لاتحجون على حارث الضاري لانه شيخ المجاهدين (( بس لو اعرف شسوة وصار شيخ المجاهدين ارتاح )) هههههههههههههههههههههههههههههههههه .

[noor usa]

هلوووووووووووووووووو
شكراً على الموضوع الروعة واكيد راح اشارك وياكم واكتبلكم الاشياء العجبتني والمعجبتني بس اكيد اكثر من 3
الحلو
النظام النظافة الوجه الباسم السينما المولالالالالالالالالالات وول مارت الكهرباء النت الطلقة المي حار 24 ساعة يعني ماكو حمي جدورة الامان .الكونكرس والساحة الكدامة اتخبل الاشجاااااااار كلهه لون اخضر ماكو لون بيجي
الاشياء الي اكرهه
المكسيك ومن وراهم كرهت شاكيرا ونادال والفرق الاسبانية كلهه وشكو واحد يحجي اسباني
الهنووووووود
الصراصر
محمد الصومالي

[Tulip]

زين لعد لو أكللكم انو صارلي حوالي السنة هنا وليهسة من اريد ادخل دائرة او سوبر ماركت اريد اسلم الموبايل مالتي داأخليه بالأستعلامات شايفين هيج شي، فهاي شغلة حلوة ان انت تتصرف بحريتك ومحد يكللك على عينك حاجب اذا متندك بأحد. ثانيا اذا كان اكو تصليح بأحد الهاي ويز تشوف مسويلك تحويلات مؤقتة والكل يأشرلك اضافة لللأشارات مع تواحد سيارة للشرطة في موقع العمل. اما أرضهم رائعة وجمال الطبيعة شي نشوفة بس بالأفلام.

[** يدكو **]

احلى ثلاثه اشياء هي الصدق والامانه الاخلاص وحب المساعده وسائل الراحه المختلفه من الكهرباء والماء والامان الخ
اسوء شغلات شفتها وهاي اعتقد بس بمنطقتي بالكاهون كاليفورنيا واكيد هي مو مساوئ الامريكان ولكن مساوئ جماعتنا العراقيين واكيد مو كلهم ولكن اصحاب الاعمال والسوبر ماركات والكار ووش والى اخره ويتمييزون
1- استغلال الايدي العامله من قبل (اهل  اي اصحاب الكار ووشات واصحاب السوبر ماركت )
2- النفق والدجل وعدم احترام لا الزبون ولا العامل من قبل اصحاب العمل
3- احتيال والغش الموجود في بعض الجاليه العراقيه
4- الكراهيه والحسد الموجوده في بعض الجاليه
5- لو يشوفك بالشارع مايكولك مرحبا وهو يعرفك كلش زين اغلب جماعتنا

[Ghassan2]

موضوع جميل, ارفعه لكي نسمع من قبل الواصلين الجدد خلال ثلاث سنين الاخيرة انشاءاللة.

[ضياع]

Uuuuuuppp


موضوع فعلاً جميل ولاحظت كل اصحاب الردود قبل ٤ سنوات كلهم ماكو

ولا واحد فاتح حاليا واعتقد ميفتحون الموقع حالياًً

وياريت من الاخوة الجدد ب امريكا تكولولنة شنو احلا الشغلات ب usa

[Ahmeedmansoor]

 عاشت الايادي موضوع جميل معزز بالفيديو
نادرا ما نراه عاشت ايدك وبانتظار المزيد

[raadshab]

السلام عليكم الموضوع كلش حلو
بلنسبة الي ربما مو لغيري يختلف وياي برئي
هنة النضام والامان والاستقرار منتهين منةكلهن زينات
اول شغلة تخلص من تطفل العراقيين وبسهولة
ثاني شغلة تخلص من نفاق العراقيين  مو كلهم اغلبيتهم
وتخلص من الالتزامات الي ما بيهة معنة وتتفرغ لعائلتك فقط
تحياتي للجميع كلمن الة رئي

[Ghassan2]

هذة الفقرة الي احبها كلش :
وتخلص من الالتزامات الي ما بيهة معنى
ولو باقي الفقرات ايضا مهمات

شكرا

السلام عليكم الموضوع كلش حلو
بلنسبة الي ربما مو لغيري يختلف وياي برئي
هنة النضام والامان والاستقرار منتهين منةكلهن زينات
اول شغلة تخلص من تطفل العراقيين وبسهولة
ثاني شغلة تخلص من نفاق العراقيين  مو كلهم اغلبيتهم
وتخلص من الالتزامات الي ما بيهة معنة وتتفرغ لعائلتك فقط
تحياتي للجميع كلمن الة رئي

[texasddddd]

ا- السلام واحد يسلم عالثاني بدون ميعرفة نفس اخلاق الاسلام الي تعلمناها بلمدارس

ومما ينبغي أن يحرص عليه المسلمون: إشاعة السلام وإظهاره وإعلانه بينهم, حتى يكون شعارًا ظاهرًا لهم لا تُخص به فئة دون أخرى, أو إنسان دون آخر, وقد قال النبي صلى الله عليه وسلم: « أفشوا السلام بينكم »   .

[1kd1]

مبدأ التكافل الاجتماعي الذي لم نراه الا في زمن الرسول (ص)

هل لك ان تاتي باي دليل تاريخي على ما قلت؟؟؟؟؟؟؟؟؟؟؟؟!!!!!!!!!!!!!

[1kd1]

٣-اذا رحت لاسامح الله للطوارء وكان اكو حتمال تنام يسألوك على الديانه يابه ليش علمود يعرفون نوع الاكل الي رح يوفروا الك اكو هيجي دلال.

اما الدول الاسلامية فيسئلونك عن ديانتك لكي يضطهدونك!!!!
الله دين السلام.

[1kd1]

الشغله الي مستغربله بامريكا انو الناس تمدح طبيعتعه و جماله بشكل مو طبيعي و هي فعلا طبيعه خلابه و المطر ميوكف عدهم يعني الزرع ينسكي اوتوماتيكي صيف شتى كولة واحد صاحبي كو الاضرحه والائمه عدهم مو عدنا بس الي مستغربله انو ولا شجره عدهم مثمره يعني خضار بس وشكل

يعني احنا سبحان الله ماكو بيت بالعراق ما بي نخله و تمره حتى بدون تلقيح يطلع و البرتقال و العنب خوب النبك انتوا ادره

الله مبارك العراق لذلك تنبت اشجاره ثمار !!!!!
اما هؤلاء الكفار الويل لهم حتا اشجارهم لا تثمر لان الله لاعنهم!!!!!!
ولانها بلاد ملعونه من الله لذلك ناتي ونطلب اللجوء فيها!!!!

[1kd1]

..
واحلى شي هو سرعة تكييف العراقي هناك على التكنلوجيا اللي عدهم ... ليش حكوماتنا متخلفه لهسه ما اعرف !!!
تحياتي
سيزر

لان بعدهم مشغولين يحلون مشكلة منو وهابي منو شيعي منو رافضي منو مسيحي منو يزيدي منو كافر ومنو كافر مهدور الدم ومنو داعشي !!!!!!!!!
انشاء الله هل مشكلة كلش بسيطة قريبا يحلوها ويصير عراق مثل السعودية او ايران لان هاي دول مسلمة ولا يجوز ان يصبح كامريكا الكافرة!!!!!!!!!

[1kd1]

واما نحن بلد الخير والثروات فالصورة الثالثه تتكلم!!

قصدك بلد الشقاق والنفاق!!! وتكفير كل من خالفنا باي شيء نحن نضن بانه صحيح!!!!!!

[1kd1]

2  الحرية والاحترام يعني اني محجبة الكل محترمني ومحد سمعني كلمة زايدة ناقصة بس مرات  بس مرات يعجبهم يسألون ليش لابسته وهيجي شغلات

اكيد هاي الشغله هم متعلميها من الدول الاسلامية التي تحترم الكل بلا تفرقه سواء بين الرجل والمرءة !!!
اوين بين مسلم وغير المسلم!!!!

[1kd1]

3-شعورك بحقوقك كبشر !

وكيف لك ان تشعر بانك بشر وانت في ارض الكفار!!!
حاول ان تذهب الى ارض ايران او سعودية فتلك بلاد المسلمين هناك تعرف معنى الانسانية!!!!!!

[1kd1]

Uuuuuuppp
وياريت من الاخوة الجدد ب امريكا تكولولنة شنو احلا الشغلات ب usa

اهم شغلة تريحك وتريح عائلتك متحتك لا بالعرب ولا المسلمين فراح تعيش بسعاده بهل بلد من تحتك بيهم حتى لو تروح ل سابع سمة فمراح تطلع من دوامة الشقاق والنفاق!!!!!!!!!

[1kd1]

ا- السلام واحد يسلم عالثاني بدون ميعرفة نفس اخلاق الاسلام الي تعلمناها بلمدارس

ومما ينبغي أن يحرص عليه المسلمون: إشاعة السلام وإظهاره وإعلانه بينهم, حتى يكون شعارًا ظاهرًا لهم لا تُخص به فئة دون أخرى, أو إنسان دون آخر, وقد قال النبي صلى الله عليه وسلم: « أفشوا السلام بينكم »   .

انا الي اعرفه انو الاسلام يعلم انو متبدي بالسلام اذا الشخص مو مسلم !!!!!!!!!
اما جملة افشوا السلام بينكم !!! فمن هم هولاء المقصودين بكلمه بينكم!!!!!

[Humanitarian]

السلام عليكم
موضوع لطيف ويلطف الاجواء ... حبيت اكتب اشياء عجبتني بامريكا
اني ساكن في بوسطن عاصمة ماساشوستس
الفصول 4 وكاملة واجمل شيء من تشوف فصل الخريف وتساقط الاوراق لمدة 3 اشهر او الربيع والاشجار تمليهه الاوراق وايضا 3 اشهر ...
الشي اللي حيل عجبني اجرت سيارة وطلعت الى ولاية انديانا بولص وتبعد سياقة 17 ساعة واكيد يتخلله التوقف ومحطات التوقف الجميلة .. بس اكيد امر على عدة ولايات يالله اوصل مثل كنكتكت,نيويورك ستي , بنسلفانيا , اوهايو وطريق العودة كان على ويست فرجينيا وفرجينيا و واشنطن ديسي العاصمة الى بوسطن مره ثانية ... ماكو واحد كالي شلونك ولو زحمة بلكي هويتك او حته سالني شنو اسمك .....
كنت سامع ان المدارس والاختلاط اللي بيهه يصير فساد .. لكن واني اتكلم عن ولاية ماساشوستس عدهم نظام رائع والتعليمات مايصير البنت تلبس القصير جدا لازم ويه مستوى الايد من تمدهه .. واذا الطالب ما داوم راسا تلفون الى الاهل وايميل ايضا والتعليم مو فقط الدراسة بل المشاركه في الفعاليات والحضور ايضا عليه درجات مهمه والاخلاق ايضا .....
احترامهم للانسان وان اختلفوا ويا ... عدهم كبير السن من يطلع ابد لا تخاف عليه لان الكل اتساعده وتفتحله الباب واذا اي شخص خله رجله على الشارع السيارات راسا توكف حته يعبر ...
هواي اكو اشياء جميله بس ردتوا فقط 3 اشياء

[Ghassan2]

عاشت يداك و شكرا على المشاركة.

انا اهلي اليوم يوصلون الى بوسطون, انا على تواصل مع المنظمة في بوسطون و متعاونين ويانه جدا.

السلام عليكم
موضوع لطيف ويلطف الاجواء ... حبيت اكتب اشياء عجبتني بامريكا
اني ساكن في بوسطن عاصمة ماساشوستس
الفصول 4 وكاملة واجمل شيء من تشوف فصل الخريف وتساقط الاوراق لمدة 3 اشهر او الربيع والاشجار تمليهه الاوراق وايضا 3 اشهر ...
الشي اللي حيل عجبني اجرت سيارة وطلعت الى ولاية انديانا بولص وتبعد سياقة 17 ساعة واكيد يتخلله التوقف ومحطات التوقف الجميلة .. بس اكيد امر على عدة ولايات يالله اوصل مثل كنكتكت,نيويورك ستي , بنسلفانيا , اوهايو وطريق العودة كان على ويست فرجينيا وفرجينيا و واشنطن ديسي العاصمة الى بوسطن مره ثانية ... ماكو واحد كالي شلونك ولو زحمة بلكي هويتك او حته سالني شنو اسمك .....
كنت سامع ان المدارس والاختلاط اللي بيهه يصير فساد .. لكن واني اتكلم عن ولاية ماساشوستس عدهم نظام رائع والتعليمات مايصير البنت تلبس القصير جدا لازم ويه مستوى الايد من تمدهه .. واذا الطالب ما داوم راسا تلفون الى الاهل وايميل ايضا والتعليم مو فقط الدراسة بل المشاركه في الفعاليات والحضور ايضا عليه درجات مهمه والاخلاق ايضا .....
احترامهم للانسان وان اختلفوا ويا ... عدهم كبير السن من يطلع ابد لا تخاف عليه لان الكل اتساعده وتفتحله الباب واذا اي شخص خله رجله على الشارع السيارات راسا توكف حته يعبر ...
هواي اكو اشياء جميله بس ردتوا فقط 3 اشياء

[Ahmeedmansoor]

السلام عليكم
موضوع لطيف ويلطف الاجواء ... حبيت اكتب اشياء عجبتني بامريكا
اني ساكن في بوسطن عاصمة ماساشوستس
الفصول 4 وكاملة واجمل شيء من تشوف فصل الخريف وتساقط الاوراق لمدة 3 اشهر او الربيع والاشجار تمليهه الاوراق وايضا 3 اشهر ...
الشي اللي حيل عجبني اجرت سيارة وطلعت الى ولاية انديانا بولص وتبعد سياقة 17 ساعة واكيد يتخلله التوقف ومحطات التوقف الجميلة .. بس اكيد امر على عدة ولايات يالله اوصل مثل كنكتكت,نيويورك ستي , بنسلفانيا , اوهايو وطريق العودة كان على ويست فرجينيا وفرجينيا و واشنطن ديسي العاصمة الى بوسطن مره ثانية ... ماكو واحد كالي شلونك ولو زحمة بلكي هويتك او حته سالني شنو اسمك .....
كنت سامع ان المدارس والاختلاط اللي بيهه يصير فساد .. لكن واني اتكلم عن ولاية ماساشوستس عدهم نظام رائع والتعليمات مايصير البنت تلبس القصير جدا لازم ويه مستوى الايد من تمدهه .. واذا الطالب ما داوم راسا تلفون الى الاهل وايميل ايضا والتعليم مو فقط الدراسة بل المشاركه في الفعاليات والحضور ايضا عليه درجات مهمه والاخلاق ايضا .....
احترامهم للانسان وان اختلفوا ويا ... عدهم كبير السن من يطلع ابد لا تخاف عليه لان الكل اتساعده وتفتحله الباب واذا اي شخص خله رجله على الشارع السيارات راسا توكف حته يعبر ...
هواي اكو اشياء جميله بس ردتوا فقط 3 اشياء

حبي ليش بس ثلاث اشياء ذكرت وانت عايش بامريكا اذكر اكثر من رخصة صاحب الموضوع نريد نعرف شنو حقيقة الحياة اللي يتكلم عنها الناس في امريكا واحنا اكيد لازمين سرة للسفر وان شاء الله نسافر ونوصل وبفضل ردود الاعضاء اللي عايشين هناك اكيد راح يكون لنا دافع اكبر حتى لو اضطررنا لترك الوظيفة والسفر الى امريكا مع التحية

[Humanitarian]

سلام عليكم
بالبداية احب اكول شغلة اني اعتبرهه جدا مهمة ... اللي يرزقك بالعراق اكيد يرزقك وين ما تروح .. المهم الانسان يسعى ... امريكا متخلي واحد ينام بالشارع واذا تشوفون اشخاص نايمين همه يردون ينامون والا اكو هواي برامج نعم قد تاخذ وقت بس بالاخير ينطوك مكان تسكن بي ..
ولاية ماساشوستش واللي اني اشوفة والمسة الحياة جميلة جدا والعمل متوفر للي يريد صدك يشتغل ... بس مو يفكر يشتغل اول شغلة وطاكه او ورة مكتب .. لازم يتدرج بالعمل والدخل يكفي للعيش بكرامة ..مع العلم هي من الولايات الشمالية وفرص العمل اقل من غير ولايات حسب ما اسمع ... ولاية غالية جدا صحيح بس التعليم متوفر ومساعادات مالية للي يريد يكمل ...
النظام المروري جدا رائع ... نظام التعليم اكيد اكثر من رائع وماكو حسب العمر ... نظام الامن فد شي رهيب خلال 2 الى 5 دقائق تجي الشرطة والاسعاف والحريق ... وهذه شي ثابت ...
اي شخص تطلعلة الموافقة يكول يا الله ويجي ولا يسمع كلام انو الحياة صعبه ذولة اللي ما يحبون يشتغلون يكلون الحياة صعبة ....
حبيت اكول يا رب كلكم تجون وترتاحون وتكملون دراسة انتوا واولادكم

[أبو كرم البغدادي]

أكثر الاشياء اللي عجبتني
1- الـ Return income tax يرجعلك اضعاف بداية كل سنة جديدة
2- الـGPS تشده بالسيارة ويوديك وين ماتريد وهو ايدك ورجلك
3- كل شي ممكن تشتري اون لاين وتكدر تدور سيارات وبيوت حسب رغبتك بالانترنيت

أكثر الاشياء اللي اخاف منها
1- اساليب التقفيص الجديدة عدهم كلاوات مادية ولتصدك من يضحكون بوجهك
2- عدهم قوانين صارمة وميتساهلون من ناحية الشروط وعلمود اشياء سخيفة متستوجب مثلا باص المدرسة منعوا عن ابنائي لان القانون يكول لازم 1.5 ميل المسافة اقل شي واحنه بيتنا عن المدرسة 1.48 اتصور علمود فرق بسيط خلوني انقلهم لمدرسة بعيدة وروح وتعال علمود نحصل على باص, واذا بلغت ابو العمارة انه راح تشيل من يخلص العقد مالتك وفات يوم واحد وظليت كاعد رأسا ياكل عليك الديبوست
3- حالات الطلاق عدهم عادي وبنسبة كبيرة جداً
4- بعض الكائنات الحية من الهسبانك والهنود والصراصر

[Ahmeedmansoor]

سلام عليكم
بالبداية احب اكول شغلة اني اعتبرهه جدا مهمة ... اللي يرزقك بالعراق اكيد يرزقك وين ما تروح .. المهم الانسان يسعى ... امريكا متخلي واحد ينام بالشارع واذا تشوفون اشخاص نايمين همه يردون ينامون والا اكو هواي برامج نعم قد تاخذ وقت بس بالاخير ينطوك مكان تسكن بي ..
ولاية ماساشوستش واللي اني اشوفة والمسة الحياة جميلة جدا والعمل متوفر للي يريد صدك يشتغل ... بس مو يفكر يشتغل اول شغلة وطاكه او ورة مكتب .. لازم يتدرج بالعمل والدخل يكفي للعيش بكرامة ..مع العلم هي من الولايات الشمالية وفرص العمل اقل من غير ولايات حسب ما اسمع ... ولاية غالية جدا صحيح بس التعليم متوفر ومساعادات مالية للي يريد يكمل ...
النظام المروري جدا رائع ... نظام التعليم اكيد اكثر من رائع وماكو حسب العمر ... نظام الامن فد شي رهيب خلال 2 الى 5 دقائق تجي الشرطة والاسعاف والحريق ... وهذه شي ثابت ...
اي شخص تطلعلة الموافقة يكول يا الله ويجي ولا يسمع كلام انو الحياة صعبه ذولة اللي ما يحبون يشتغلون يكلون الحياة صعبة ....
حبيت اكول يا رب كلكم تجون وترتاحون وتكملون دراسة انتوا واولادكم

الله يبارك فيك ويوفقك ان شاء الله على التفاصيل الدقيقة مع الشكر مرة اخرى

[raadshab]

السلام عليكم زين اخوان انطوني احلى ثلاث شغلات بلعراق اذا اكو بس كون شغلات حقيقية ومحد يكدر يناقش بيهة

[Humanitarian]

السلام عليكم .... العراق وما اجمل شيء فيه
فيه اهل البيت ع .... الاقارب والاحبة .... ذكريات الطفولة الجميلة التي لا تعوض ...
الخبز الحار .... الذ الطعام موجود في العراق .... البساطة شيء مهم نحتاجه في حياتنا
من تمر بالسوك على جماعة تكلهم سلام عليكم .. يردون وعليكم السلام الف هله تفضل استريح اشرب جاي ... ايباااااااااه ... ولكن :::::
مع كل التقدير والاحترام للجميع

[raadshab]

السلام عليكم .... العراق وما اجمل شيء فيه
فيه اهل البيت ع .... الاقارب والاحبة .... ذكريات الطفولة الجميلة التي لا تعوض ...
الخبز الحار .... الذ الطعام موجود في العراق .... البساطة شيء مهم نحتاجه في حياتنا
من تمر بالسوك على جماعة تكلهم سلام عليكم .. يردون وعليكم السلام الف هله تفضل استريح اشرب جاي ... ايباااااااااه ... ولكن :::::
مع كل التقدير والاحترام للجميعالسلام عليكم
اهل البيت والاماكن المقدسة لا نقاش بها هية افضل مكان
الاقارب والاحبة  اضن بعض الناس يسمونهم بلعقارب يعني ليس هم الافضل دائما
ذكريات الطفولة هية اجمل شيء في اي مكان بلعالم رغم الحرمان الموجود في العراق واضن لو عشتها في مكان اخر لكانت احلى وافضل
وبنسبة للخبز نحن لا نعرف فقط الصمون الحجري وخبز التنور . ولاكن هناك انواع عديدة ولها طعم جيد
وين متروح موجود الاكل الذيذ وانواع متعددة
اضن خارج العراق الحياة بسيطة ولا احد يهتم لما تلبس او تاكل او ماذا تتصرف تتصرف على ما يحلو لك وليس لما يحلو للاخرين لكي لا ينتقدوك
وبنسبة للجماعة الي يشيلوك بصلوات من سلم عليهم اضن من تبعد عنهم او تغيب يتغير الحجي   مو كلهم ولا  انت المعني ولاكن بصورة عامة
احلة شغلات بلعراق ولاكن size]

[Humanitarian]

السلام عليكم
اخي العزيز raadshab بعد التحية والسلام
انا اتكلم عن نفسي وليس عنك او عن الاخرين والمثل يقول ... لولا الاذواق لبارت السلع ...
اقاربي افتقدهم ولا اعتبرهم عقارب ... اصدقائي اوفياء معي ونتواصل كاخوة لحد الان ...
اذا تجي الى امريكا او انت بامريكا نعم كلشي موجود بس ماتلكه مثل طعم خبزة العراق ولا اكله ...
المهم اتحدث عن اشياء اعتز بيهه ولان طفولتي بالعراق اكيد ذكريات حلوة ولو كنت مولود في القمر لاشتقت الى القمر...
اخي انا تكلمت عن ما يخصني واعتز به
مع التقدير والاحترام

[أبو كرم البغدادي]

السلام عليكم زين اخوان انطوني احلى ثلاث شغلات بلعراق اذا اكو بس كون شغلات حقيقية ومحد يكدر يناقش بيهة

بالعراق سهل ان تبحث عن زوجة وارتباط.ومن يصير عرس الكل تشارك القريب والبعيد.
 واي مشكلة تصير ممكن بمساعدة الاهل الطيبين تتصالحون اما هنا بامريكا اي مشكلة كبيرة تصير يتطلكون
بالعراق من تريد تأجر بيت تروح تتفق ويا ابو الملك وتتحول وشوكت متريد تشيل براحتك ميلزمك بعقد وشروط
بالعراق الجيران ناس تسلم على ناس وناس تساعد ناس, مو مثل هنا كلمن عليه بروحه ويادوب يركض لمصالحه
بالعراق من تريد تاخذ اجازة زمنية بالشغل ممكن تحجي ويا المدير ويمكن يقدر ضروفك وميكطع شي من راتبك اما هنا من تريد تاخذ اجازة المدير يسمعك محاضرة عن قواعد الشغل وكلها تنكص من ساعات الاجور

[raadshab]

السلام عليكم صحيح كلامكم
كلمن يحجي عن وضعة وناسة بنسبة الي ماكو اي مقارنة بين العراق وامريكة مع احترامي لكل الاراء ولحد الان ما شفت شي مو زين  بس بلعراق شفت هواي شغلات مو زينة واحس ضاع عمري بلعراق  واعتقد كلمن طلع من العراق يمكن يحس مثلي وما اعتقد واحد يعوف الشي الزين ويروح على المكان الموزين فاكثر الي طلعو محد رجع  والسبب واضح لان لو ما لاكي شي احسن ما بقة  وكلمن الة رئي  ومع احترامي لكل الاراء

[Ahmeedmansoor]

أكثر الاشياء اللي عجبتني
1- الـ Return income tax يرجعلك اضعاف بداية كل سنة جديدة
2- الـGPS تشده بالسيارة ويوديك وين ماتريد وهو ايدك ورجلك
3- كل شي ممكن تشتري اون لاين وتكدر تدور سيارات وبيوت حسب رغبتك بالانترنيت

أكثر الاشياء اللي اخاف منها
1- اساليب التقفيص الجديدة عدهم كلاوات مادية ولتصدك من يضحكون بوجهك
2- عدهم قوانين صارمة وميتساهلون من ناحية الشروط وعلمود اشياء سخيفة متستوجب مثلا باص المدرسة منعوا عن ابنائي لان القانون يكول لازم 1.5 ميل المسافة اقل شي واحنه بيتنا عن المدرسة 1.48 اتصور علمود فرق بسيط خلوني انقلهم لمدرسة بعيدة وروح وتعال علمود نحصل على باص, واذا بلغت ابو العمارة انه راح تشيل من يخلص العقد مالتك وفات يوم واحد وظليت كاعد رأسا ياكل عليك الديبوست
3- حالات الطلاق عدهم عادي وبنسبة كبيرة جداً
4- بعض الكائنات الحية من الهسبانك والهنود والصراصر

عاشت ايدك يا ورد وهل صحيح انك لا تستطيع السيطرة على اطفالك عندما يكبرون في امريكا ...؟

[raadshab]

السلام عليكم
واحب اضيف شغلة حلوة من تروح تفول بانزين محد يكلك بخشيش او اكرامية غصبا عليك تنطيهة خاف يكلب وجهة لو يضل يدرم تكول انتة لمشغلة وما منطي اجرتةيعني تكول يطلبك عبالك العامل.
وتنسة موضوع الكرامية والرشوة بكل مكان تروحلة
وبنسبة لموضوع الاطفال صح متكدر سيطر عليهم الى يبقة نفس اسلوب العراق بتربية الخوف بس يكبر يكوم ميخاف يسوي الي يريدة مو بس بامريكا بكل مكان
ولاكن بلحب والصداقة للطفل من البداية تاخذ وتوصلة الي تريدة ويبقة الستر من الله ياما ناس تعبو وربو وطلعو ولدهم طالعين عن الطريق
وياريت كلمن عندة وجهة نضر يطرحهة حتة اني وغيري نستفاد
مع تحياتي للجميع

[أبن البصرة]

عاشت ايدك على هذا الموضوع وشكراً لكل من وضع بصمته عليه وانشاء الله التوفيق للجميع

[1kd1]

السلام عليكم زين اخوان انطوني احلى ثلاث شغلات بلعراق اذا اكو بس كون شغلات حقيقية ومحد يكدر يناقش بيهة

الكذب
النفاق
الدجل

[raadshab]

الكذب
النفاق
الدجل

هاي صدك محد يكدر يناقش بيهة

[dododoo]

اني بعدني بلبنان ماادري شوكت الفرج

[final port]

انا جديد العهد في امريكا
الي اعجبني واثار انتباهي
1. لا يوجد سن للتقاعد عن العمل والكل يستطيع العمل بغض النظر عن عمره ووضعه الصحي...ماكو تقاعد
2. التكافل الاجتماعي او الزكاة بمفهمونا....الغني يساعد الفقير...تاكس رتيرن
3. لا توجد عنصرية او تفرقة على اساس اللون المذهب الطائفة المنصب .... الكل سواسية

[1kd1]

انا جديد العهد في امريكا
الي اعجبني واثار انتباهي
1. لا يوجد سن للتقاعد عن العمل والكل يستطيع العمل بغض النظر عن عمره ووضعه الصحي...ماكو تقاعد
2. التكافل الاجتماعي او الزكاة بمفهمونا....الغني يساعد الفقير...تاكس رتيرن
3. لا توجد عنصرية او تفرقة على اساس اللون المذهب الطائفة المنصب .... الكل سواسية

بالضبط مثل العراق علمود هذا امريكا حلوة!!!