حوار صحفي مع افلاونزا الطيور

[ابن العراق]

المُقدِم: : اهلا و سهلا يا أستاذ فيروس
الفيروس: اهلا اهلا ...
المُقدِم: لو سمحت ياريت تعرف اخوانا المستمعين بنفسك..
الفيروس: اسمي في الهوية h5.. و اسمي الفني ( فيروس انفلونزا الطيور)..
المُقدِم: ما هو محل الاقامة ؟
الفيروس: محل الاقامة مو ثابت للأسف.. لأنه ( بيني وبينك ) آني غاوي سفر..المُقدِم: زين.. ما هو محل الميلاد ؟
الفيروس: أنا انولدت أساساً في جنوب شرق آسيا.. تكدر إدكول بالصين ..
المُقدِم: سولفلنا عن نفسك شوية..
الفيروس: أنا فيروس عادي مثل بقية الفيروسات في الساحة الطبية.. بس كل ما هنالك إني وجه جديد و انت تعرف وسائل الاعلام تهتم بكل ما هو جديد..
المُقدِم: شنو الجديد اللي قدمته ؟
الفيروس: يمكن الجديد إني غاوي طيور ودجاج وبط وفسيفس.. وشهيتي مفتوحة أكثر من البقية .. هاي هية والله..
المُقدِم: زين... شجابك عندنا يا استاذ h5 ؟
الفيروس: أبدا.. شفت كلشي عندكم بالسوق ( صيني ) وانتم فرحانين بيها.. كلت أجي أني همين.. يمكن ترحبوا بيا !
المُقدِم: نرحب بيك ؟؟ يعني جاي تخرب بيتنا و نرحب بيك ؟؟ مدكولي إشلون دبرتها ؟؟
الفيروس: يا به مو البضائع يلي دتجيكم من الصين..هم دتخرب بيوتكم وإنتوا مكيفين وإدكون إصبعتين إشمعنة آني لا؟؟؟
المُقدِم: مفتهمت قصدك والله ..وضحلي؟؟ ..
الفيروس: اسمع يا آغاتي.. البضائع الصينية من تتشتريها ..إنت وحظك.. (لو يوم لو دوم) وغالبا ما تكون ( يوم ) ووراها تخرب.. وروح إشتري وحدة ثانية... وهكذا.... إي هذا مو تخريب وتبذير.. لوآني غلطان ؟؟
المُقدِم: وجهة نظر مقبولة! !
الفيروس : هاي الحكمة بشغلي...!!!
المُقدِم: والله إطلعت فيروس مثقف وإحنا مندري..وراح إدخلنا بإيراد ومصرف وية الحكومة والضريبة والكمارك..ما إلنه خلك..خلي إنغير الموضوع
الفيروس: بكيفك أغاتي..إنت تفصّل وآني ألبس
المُقدِم: زين.. إنت إشلون دخلت الأراضي العراقية؟؟
الفيروس : هاي إشلون طركاعة؟؟ مو هسة كلت لا نسولف بالسياسة... أشو هم رجعت.. آني ما إلي خلك وية الداخلية مالتكم... سمعت أنه إبليس راضع من عندهم
المُقدِم: مراح أغير السؤال..لازم إتجاوبني ؟
الفيروس: دخلت مع بطة مهاجرة وصلتني في طريقها .. أوتو ستوب يعني !
المُقدِم: أكيييييييييييييييد ؟ أشو جوابك مو مُقنع
الفيروس : تعال يمي دا أشاورك...البطة جانت متسللة من وحدة من حدودكم ..تريد إتسوي عمليات إنتحارية بالعراق ..وفوتتني وياها...بس رحمة لوالديك ..لا تكول لأحد
المُقدِم: زين همين سؤالي..عجب جيت للعراق؟؟
الفيروس: غير إنت متدري...إنتوا لا رقابة صحية أكو عدكم ..لا على الدجاج ولا على البط ..أصلا رقابة صحية على البشر ماكو... وآني صراحة إرتاحيت يمكم كلش ..لا نظافة ولا خدمات صحية ولا أدوية..قصر بجمع بيئتكم مثالية لتكوين سلالة من الأولاد والأحفاد عندكم بالعراق وشكرا على كرمكم يا عراقيين... من صدك كرماء.
المُقدِم: زين..إنت ناوي تنتقل للأوادم همين هنا ؟
الفيروس : لا طبعا ..
المُقدِم: شعجب!! ..فاجئتني بجوابك والله ؟
الفيروس: شوف أخوية .. احنا الفيروسات غاويين أذية صحيح , بس منحب واحد يأذي أخوه الفايروس لو يتجاوز على شغله ومجال تخصصه وعمله
المُقدِم: إشلون يعني؟؟
الفايروس: بيني وبينك .. أنا جربت أدخل بجسم مواطن عراقي.. أول ما طبيت..لكيتلك جماعتي كلهم موجودين .. (التهاب كبدي و بائي) على (بلهارسيا) على (التهاب سحائي) على (سرطان) على (لوكيميا)..والقائمة مال أصدقائي طويلة.. همة بس شافوني جاي ..أخذوني على صفحة...لك عيني .. ( كتله ) غسل ولبس..حتى الداخلية مالتكم هم مو مثلهم!
المُقدِم: و بعدين ؟؟
الفيروس : أبدا.. بعد ما ما إنكتلت كتلة محترمة, كعدنا كعدة عشاير.. و اتكلمنا كلام فيروسات واتفقنا على المفيد..
المُقدِم: اتفقتوا على شنو بالضبط ؟
الفيروس: اتفقنا على إنه آني مو من هاي الديرة فلازم ألتزم بالأصول وما أخربط الشغل على الفايروسات الأصلية وسموني ( منفيست ) رحمة لوالديك ..شنو يعني منفيست؟؟
المُقدِم: بعدين أكلك شنو منفيست... جاوبني هسة.. إتفقتوا؟؟؟
الفايروس: نعم إتفقنا على قاعدة ( صباح الخير يا جاري ,انت في حالك و انا في حالي!) يعني آني تخصصي طيور ودجاج وهمة تخصصهم أوادم ولا أوصل يمهم ولا يوصلون يمي وهذا راح نعلنه في مؤتمر صحفي باجر بعد أن كملنا مباحثاتنا بواحدة من المزابل المنتشرة بكل مكان عدكم
المُقدِم: تشرفنا بلقاءك يا سيد h5 ممكن أخيرا نعرف شنو هية محطتك القادمة
الفيروس: الصدك..الصدك.. آني مشايف سبب لسفري هسه لأن إنتوا العراقيين طلعتوا كرماء جداً والبيئة مالتكم ( ما شاء الله ) مناسبة إلي كلش وراح أوزع أولادي وأحفادي على كل محافظات العراق وشكلي عبالك راح أستقر يمكم فترة طويلة وأكيد راح ( أبربع ) وياكم
المُقدِم: أهلا وسهلا بكل مخرّب بالعراق..عمي هي بقت عليك..أشو الكل جاي يخرّب من صفحة.. حالك حال ( وُلاة أمورنا ) يلي جونه مثل ما إجيت إنت...( قجغ يعني ) وإقامة سعيدة

أعزائي المستمعين كنّا وإياكم في لقاء مع أحد المخرّبين الجدد لهذا البلد..الأستاذ الفايروس h5 شكرا لحُسن إستماعكم


منقول [/color] [/size] [/b]

[stivn al iraqi]

حلوة جدا جدا جدا وبيها معاني حقيقية من والواقع الحالي
للعراق،وخاصتا  الفايروسات  القاتلة القادمة من الخارج  دول
الجواررررررررر*[/size][/b]

[Nazar Gharib]

حلوة جدا جدا جدا وبيها معاني حقيقية من والواقع الحالي
للعراق،وخاصتا  الفايروسات  القاتلة القادمة من الخارج  دول
الجواررررررررر*[/size][/b]

[walaa]

عاشت ايدك ابن العراق على ها الحوار
وشر البلية ما يضحك

[Sermed]

ههههه هاي قويه ،
صدك هيه بقت عليه... ماشالله احنا العراقين صرنا مثل فيران المختبرات البيض كلشي جربوه علينا
تسلم خوني ابن الراق

[Malka]

عاشت ايدك ابن العراق على ها الحوار
وشر البلية ما يضحك

[Ritta]

عاشت ايدك ابن العراق على ها الحوار
وشر البلية ما يضحك

[Noor Al Shams]

عاشت ايدك ابن العراق على ها الحوار
وشر البلية ما يضحك

[nasir yako]

عاشت ايدك ابن العراق على ها الحوار
وشر البلية ما يضحك

[ابن العراق]

شكراً لكم جميعاً على مروركم وعلى تعليقاتكم الحلوة كلكم ذوق

[sazan]

عاشت ايدك ابن العراق على ها الحوار
وشر البلية ما يضحك

[ابن العراق]

تسلمين خاثي سازان على مرورج وعلى ردج الجميل كلج ذوق

[roz mere]

عاشت ايدك ابن العراق على ها الحوار
وشر البلية ما يضحك

[ابن العراق]

تسلمين خاثي روز على مرورج الحلو

[nuhra]

المُقدِم: زين همين سؤالي..عجب جيت للعراق؟؟
الفيروس: غير إنت متدري...إنتوا لا رقابة صحية أكو عدكم ..لا على الدجاج ولا على البط ..أصلا رقابة صحية على البشر ماكو... وآني صراحة إرتاحيت يمكم كلش ..لا نظافة ولا خدمات صحية ولا أدوية..قصر بجمع بيئتكم مثالية لتكوين سلالة من الأولاد والأحفاد عندكم بالعراق وشكرا على كرمكم يا عراقيين... من صدك كرماء.
المُقدِم: زين..إنت ناوي تنتقل للأوادم همين هنا ؟
الفيروس : لا طبعا ..
المُقدِم: شعجب!! ..فاجئتني بجوابك والله ؟
الفيروس: شوف أخوية .. احنا الفيروسات غاويين أذية صحيح , بس منحب واحد يأذي أخوه الفايروس لو يتجاوز على شغله ومجال تخصصه وعمله

الموضوع كلة حلووو وصدك بيه هوايا معاني شكراااااااااا ابن العراق عاشت ايدك

[hewy]

هههههههههههههه والله حيرة اضحك ابجي على هذا اللقاء بس عاشت ايدك صدك قوية

[sweet girl]

شكرا الك ابن بلدي على الموضوع عاشت ايدك

[ابن العراق]

شكراً لكم على مروركم وعلى ردودكم الحلوة

نوهرا ,,,

          هيوي ,,,

                     sweet girl ,,,


اخوكـــــــم ابن العراق