الي بداخل امريكا ممكن احد يساعدني

[amino]

الي بداخل مريكا  ممكن احد يساعدني
اني حاليا بامريكا عندي فيزا B1-B2
هل ممكن اقدم على لجوء واشكد ياخذ وقت
والى اي منظمه اقدم او اخلي محامي ياريت احد يساعدني لعدم قدرتي العوده الى العراق

[Mark_usa]

أخي الكريم،

لتقديم اللجوء من داخل الولايات المتحدة يجب عليك تقديم طلب مباشر الى دائرة الهجرة الامريكية حصرياً، حيث يتم مليء استمارة خاصة تدعى I-589 وارسالها بالبريد (وهي استمارة من 12 صفحة) وينصح بتوكيل محامي لهذا الغرض، وستحتاج ايضاً الى ارفاق افادة تشرح فيه حالتك وتقدم تبريرات مقنعة عن الخطورة التي ستواجهك اذا ما عدت ويجب ان تكون هذه التبريرات مبنية على اسس شخصية مباشرة تحديداً وليس بناء على الجو العام للوضع في بلدك الام.

بعد التقديم ببضعة اسابيع سترسل لك دائرة الهجرة رسالة تحدد فيها موعداً لاجراء مقابلة معك ومناقشة حججك في الافادة التي ارسلتها لهم. وتتوفر لدائرة الهجرة ثمانية مكاتب لمقابلات اللجوء في كل الولايات المتحدة لذلك قد يتطلب منك السفر الى مدينة اخرى لاجراء المقابلة.(مكاتب مقابلة طلبات اللاجئين متوفرة فقط في: لوس انجلس، سان فرانسيسكو، هيوستن، شيكاغو، ميامي، آرنكتون/فيرجينيا، نيويورك و نيوآرك)

في حالة الموافقة (وقد تأخذ بعض الوقت) سترسل لك دائرة الهجرة اخطار بذلك، وسيتم اصدار بطاقة I-94 لك مختومة بختم لاجئ تحت الفقرة 208 وسيتم شمول زوجتك واطفالك من اللذين هم تحت 21 عاماً باللجوء ايضاً بعد تقديم الاستمارة I-730.

في حالة الرفض ستشعرك الدائرة بذلك وتطلب منك تصفية امورك والمغادرة خلال 60 يوم (وسيؤثر ذلك على امكانية التقديم المستقبلي على الفيزة او اللجوء)، لكن بامكانك الاستئناف وسيتطلب ذلك بعض الوقت وان تكون جاهز لصرف مبالغ اضافية للمصاريف واتعاب المحامين.

واليك موقع الاستمارات للاطلاع عليها http://www.uscis.gov/files/form/I-589.pdf

http://www.uscis.gov/portal/site/uscis/menuitem.5af9bb95919f35e66f614176543f6d1a/?vgnextoid=de9814836a14d010VgnVCM10000048f3d6a1RCRD

http://www.uscis.gov/portal/site/uscis/menuitem.5af9bb95919f35e66f614176543f6d1a/?vgnextoid=59cf8875d714d010VgnVCM10000048f3d6a1RCRD&vgnextchannel=db029c7755cb9010VgnVCM10000045f3d6a1RCRD


متمنياً التوفيق،
تحياتي

[angie-dawood]

انت باي ولاية حاليا حتى اكدر اساعدك وانطيك ارقام الاشخاص الي شغلتهم يساعدون الواحد لاخذ الجوء ممكن تكول باي ولاية انت ؟

[amino]

ممنون الك اخوية خلي اكلك اني دخلو كسرو محلي وباكو وخطفوني
واخذو فدية وكالولي اذا انشوفك بعد نقتلك
بس اني عندي محضر مسوي بالمحل وعندي صور وعندي الملكية مالمحل
اني حاليا بلاس فيجاس
بس اريد اعرف يعني مدى القبول او رفض اللجوء
واشكد تاخذ الفترة
واذا امقدم على غير دولة  لجوءكندا  ومرفوض
وشنو مخصصات اللجوء

يعني ممكن تعطيني تفاصيل عن كلشي  ولو اسوي زحمة عليك

[hussein5582]

مسالة الموافقه على االلجوء غير معلومه و الاغلبيه الي ديقمون من داخل امريكا دا تاخذ سنه تقريبا

[Mark_usa]

اخي الكريم،
ستحتاج الى كافة الادلة المتوفرة لديك والمفيدة لقضيتك لادراجها في الافادة، اذا كنت مقيم في نيفادا فان مقابلة اللجوء ستكون أما في سان فرانسينكو كاليفورنيا ، او لوس انجيليس (اقرب عليك وتكدر تروحلها بالسيارة)، لاعطائك فكرة عن المقابلة تكدر تاخذلك فد فرة بالمنتدى وتقرا عن مقابلات الاعضاء والي هي راح تكون مشابهة لما ستلاقيه، اقترح لك موضوع كتبة احد رواد المنتدى المتألقين اسمه عكعك التطوة (هذا اسم مستعار)، وبيه معلومات قيمة عن مقابلات اللجوء. حاول تدور عليه.

بالنسبة الى مخصصات اللجوء في الولايات المتحدة فلا يعول عليها كثيراً كونها محدودة مادياً وزمنياً، وهي تشمل تأمين صحي وراتب بسيط لسد احتياجك من الغذاء وبعض المصاريف، الشيء الي راح تعول عليه هي الوايت كارد/208 وبعد سنة تكدر تقدم على الكارت الاخضر الاقامة الدائمية بعد الكرين كارد بأربع سنوات تكدر تقدم على الجنسية في حال عدم مخالفتك لشروط الاقامة.

تقبل تحياتي

[Anwar Al-ardiny]

اخي العزيز
اني ما اعرف باللجوء داخل اميركا ، بس اهم شي ما تگول دافع فدية لان رأسا يجيك رفض ...
و اتأكد من الاخوة بالمنتدى

[amino]

ممنونين اخواني على هاي المشاركة
الله يكثر من امثالكم

[vincenzo]

بله زحمه انته دخلت لامريكا لجوء لو SIV ؟؟؟

[amino]

لا عزيزي اني دخلت فيزا عادية

[vincenzo]

يعني لجوء لو اس اي في
لان اذا انت عراقي فماكو غير طريقة تدخل بيهه لامريكا هالوكت لا عادي ولا ملون
واللا جان كلنا رحنا هناك ومناك قدمنا
بلكي تنورنه عن شنو الفيزا العادية بالضبط؟؟؟

[Mark_usa]

اخ فينشينزو/
للمزيد من المعلومات عن انواع الفيز راجع الرابط التالي:
<a href="http://www.uscis.gov/portal/site/uscis/menuitem.5af9bb95919f35e66f614176543f6d1a/?vgnextoid=e6c08875d714d010VgnVCM10000048f3d6a1RCRD >>>http:>uscis_Visa>>>[/url]

جميع انواع الفيز تتطلب موافقة أمنية وفق متطلبات معينة

تحياتي

[ssrr]

مرحبا ياجماعة،اني نفس شغلة اخونا امينو،عندي فيزا زيارة امريكية واريد اطلب لجوء ياريت احد يساعدنه،اخويه امينو تكدر تنطيني اي معلومات عندك بهذا الخصوص ...

تحياتي

سرمد

[amino]

اخواني اني عندي فيزة زيارة
مااعرف شنو تقصد بيها siv
وحاليا محتار ماادري ارجع اقدم لان احتمال الرفض جبير
هيجي سمعت بعد ماادري
بس شكر لااخوان الي مقصرو وياية بالمعلومات
والله كريم
كلشي بهالدنيا نصيب

[vincenzo]

يا اخي كول زيارة من الاول
حبيبي
توكل على الله وقدم
عندي صديق هم سوة مثلك
وهسة لاجئ رسمي

[ssrr]

اخويه الورد شكرا على مشاركتك بهمومنا وارجو منك ان تفيدنا بما يتوفر لديك من خبرة وبعض تفاصيل ما حدث مع صديقك بلكي نستفاد من تجربته

تحياتي
سرمد

[الذكي]

حبيبي كاتب الموضوع ما اتصور اكو واحد اجة زيارة لامريكا ورجع للعراق مرة ثانية فاخي العزيز حاول توكل محامي بخصوص هذا الشي وتصير لاجئ حالك حال الناس وانصحك تراسل الاخت انجي وهي تدليك لانه متاكد اني هية عدها خبرة بهذا الشي مع الشكر

[amino]

اخواني الاعزاء
ممكن اسال على السكيورتي وال تصريح العمل
لح احصل عليه بعد قبولي اللجوء 
ارجو ممن يعرف هاي الامور  يوضحهالي
وشكر

[angie-dawood]

نعم اخي اذا قبلوك لاجئ طبعا راح تحصل على كل شي حالك حال اي لاجئ دخل امريكا من اي دولة

[Sasy]

تكاليف المحامي من ٣٠٠٠$ الى ٤٠٠٠$ حسب المحامي الهجره وتاخذ الشغله من سنه الى سنه ونص
وهم جانوا كلش سهلين خلال ٤ اشهر بالزايد تطلع موافقه الهجره الى اي طالب هجره عربي بعد تفجير برج التجاره العالمي ١١ سبتمبر فصار تشديد على كل العرب بأجراءات الهجره فصارت تاخذ هذا الوقت الطويل وانشاءالله يقبلوكم اخواني.


تحياتي
اختكم
ساسي

[amino]

اختي انجي
ان شاء الله اتكونين مرتاحة
اذا امكن رقم محامي بفلوريدا علمود اتصل بيه علمود اللحوء

وشكرا مقدما

[angie-dawood]

فلوريدا ؟
اني كلت كلفونيا مو فلوديدا اذا تريد رقم محامي بمكشن عندي كلفونيا هم عندي بسسسسسس فلوريدا سوري ما عندي بس احاول ادبرلك  اشوف بيا طريقة