جوازي G بي غلط سقط سهوا

[ابوجنة]

السلام عليكم جميعا

   اخواني واخواتي اعضاء المنتدى الكرام .. طلعت جواز جي قبل فترة واتضح انه المواليد بيها غلط بالسنة وتقريبا مكبريني 5 سنوات .. اذا اريد اصلحه ويتسجل بالملاحظات التصليح ترهم اذا اطلع بي لو لا؟ علما انه اني سنفور جديد مقدم على SIV ...

[rafid82]

نعم يفضل تصلح الخطا  و اتصور ماراح ينكتب على الجواز مثل قبل بس يضيفون ورقة  عادي احمد الله الخطا بالمواليد وليس بالاسم لان الاسم مشكلة روح للسفارة و صححه ماخسران شئ
اخوك رافد

[siv2007]

صحح الجواز لانه هنا كللللللللللللللللللللللللش مهم شغلة الجواز وخصوصا لجماعة الهجره

[القرش الاسود]

الاخ ابو جنة
               اول شي انت وين ؟ اذا بالعراق انصحك بتغير الجواز لان الدول الاوربية وامريكا متقبل التصحيح عليه  واذا انته خارج العراق يمكن عمل كتاب من السفارة يؤيد صحة المستمسكات الموجودة عندك التي بيها تاريخ ميلادك  وكتابة المواليد في صفحة الملحوظات اذا كانت موجودة في الجواز لان اكو نوعين من جواز الg اكو بيه ملحوظات والثاني ما بيه عموما الله سهل امرك بس الافضل اذا عندك وقت بدل الجواز وصور الجواز القديم الذي بيه غلط واحتفظ بيه وخبر ان الجواز القديم بيه غلط وكمل الاجراءات والله ايكون بعونك


اخوك


القرش الاسود

[بغدادي76]

اكو جواز عراقية مابيه غلط ! , هوه العراق كله غلط .

[سندباد العراق]

والله يا اخي ما اعرف شكلك انت فتحت علية باب ثاني اني مولود يوم 10   مسويهة يوم 01 هاي شلون بلة مو والله لعبت نفسنة  هسة لو دولة الرئيسة اتسوي شغل جان تصححنا الجوازات  شدكولون مثل هذا الخطا ياثر ؟
علما انه الجماعة بالاوراق الكاتبيليها كاتبين ولادتي صحيحة 
 والله حيرة

[vincenzo]

اصدقائي اي واحد عنده خطأ بجوازه يروح للجوازات العامة والشغلة ساعة زمان متطول
ويطلعولة بالحاسبة بلحظة اذا الاستمارة اللي هو مقدمهه هي الخطأ لو موضف الجوازات هو الغلطان
وبالحالتين بيومين لو تلاثة يستلم جواز جديد (بس بغير رقم ديروا بالكم لان القديم راح يتلفوه هو ورقمه)
وهذا الشي صار وياية مو سامعه قبل شهرين تقريبا
الشغله الاخيرة انه اذا المواطن هو الغلطان بتقديم معاملته فيخسر صك جديد (25000 دينار للجواز الواحد او 30000 اذا يشتريه من العرضحالجية اللي بره بدون ميروح لبنك ويسوي صك) اما اذا هم غلطانين فيخسرون الموضف والمواطن كلشي ميخسر

ملاحظة: اكو شبه اتفاقية بين كاتب الطابعة بالدائرة مالة المنطقة بالتقديم الاول انه يغلط بالمواليد حتى يذبوهه براسنه فارجو من الجميع تجييك هاي الورقة زين قبل تقديمهه
وهم ذبوهه عالحكومة!!!! هو منو بزمن صدومي يحصل جواز اذا مو عضو فلكه او من محافظة معينه او يعوج حلكه من يحجي

[مشوار]

اخي حسب علمي وعند سؤالي للناس ذوي الاختصاص بهذا المجال اقصد الجوازات
الخطاء لا يصحح بل يبدل الجواز حسب التعليمات الصادره قبل سنه ونصف من تأريخ اليوم
ومن الله التوفيق

[ابوجنة]

عمي الف رحمة على والديكم والله اسف تاخرت بالرد كنت مشغول بهذه السالفة واني باذن الله راح اغيره اني داخل العراق بس مو من بغداد وهذه طبعا مشكلة عظيمة لانه اذا اريد اغير الجواز بس المالكي يبقى ما يعرف بسالفتي ... اشكركم جزيل الشكر على الردود الحلوة ويارب استفاد منكم اكثر ومن خبرتكم

[المتوكلة]

 اخوي ابو جنة نصيحة من اختك اذا بعد ممبلش  بشغلة المحلفين انه تغير الجواز مالتك لا تخليه بيه شخطة او خطاء او اي شي لان صارت بينه  تاءخير موافقتنا الامنية على جواز الجي لزوجي هو مواليد 58 كاتبين 85  وعود احنا مصححيين السهو الي حاصل بس الاخوان الامريكيان ميرضون الا ان يجيكون المواليد كلها وحتى لو كانت عندك 5 مواليد وهذا كله تاءخير برد التجييك الامني ومن هذا المنطلق انصحك قبل متقدم سوي واحد غير ه اصرف فلوس ولا تهدر صحتك بالانتظار الممل اساءل مجرب ولا تساءل حكيم اختك المتوكلة من مصررررررر

[جوني جاك]

اخي العزيز
كل اللي كالة الاخ vincenzo هو صحيح وللعلم انو انت ثاني يوم يخلص الجواز بس هم يكولون تعال عكب باجر
ثانيا لنت لازم تصححة وتدزة وتكللهم انو جوازي كان بي خطا وهذا الجواز الصحيح
تحياتي
جوني

[العربيد الأزرق]

يابا خلي يبدلو يتلفو المهم يسووله جارة اوووف  من هذا شلعان القلب

[نودي]

لازم تحل المشكلة اي مشكلة لان راح يحطوك قيد الانتظار مثل ماصار وياية علمود الفسفورة هويتي بيه غلط بمكان الولادة وكالتلي هاي مزورة ومصدكت وحطتني قيد الانتظار
اختك نودي قيد الدراسة سوريا