(عذرا يا فيروز)

[✪KlaRa ALmaRghi✪]

(عذرا يا فيروز)


نسم علينه ..البـــــــــــجي


اشتم رياح الدمع واختنك من الحزن..
خلصنه كل العمر
نمسح دموع الجفن
مابقت عندي ثقه لاباليروح ويرد
بالوطن حته الورد
بالعطر حمل جذب
حته الورد مايحن
من عنده لاتقترب
(باي لحظه هم ينفجر)
ونموت بأرخص سعر
نندفن مره بحجر
(ومرات مانندفن)
وفيروز من الصبح ياخذنه الهه الطرب
بس نسمع بغير اذن
(نسم علينه البجي من بجت بغدادي
يا حزن دخل الحزن بس فارك بلادي
اخواني ماتو غدر .. وانذبحو اولادي)
فيروز ماضل صبح..
الصبح عاف الوطن
بالشمس ماضل ضوه
اخذوهه للمعتقل
(زينو ضواهه صفر)
وذبو شمسنه بسجن
كاتلهه هسه القهر
وتوصي خيط الفجر
بلكت يمر بالعجل ..
ينطيهه لكمة أكل
رادت جكاره وغطه
وفراش دافي الحضن
جي ماتت من البرد
اتدخن وتنتضر ...خلصت كل التتن..
والليل كاعد يون ..
ويبوس جف الكمر
والكمر ضل يعتذر
ميريد يطلع بعد
ويخاف من النجم ..(خاف النجم ينفجر)
بصحراء ضعنه كبل وهسه احنه ضعنه ابحر
وشنهوه يعني الفرق ؟؟
بالحالتين اعتقد
ميتين من العطش
ميتين من الصبر
لا قافله الي تمر
ولابينه ننطر سفن..
لو كلنه نطلع سوه
لو نسكت وننطمر
واتمنه لو نتحد وشيصير لو نتحد؟؟
ونحرر احنه الشمس ويرد بدينه الضوه
وندوس ذاك الحزن
ونعيش بس بفرح
ومن يجينه الصبح
نغني كلنه سوه
نسم علينه الهوه
من مفرق الوادي
ياهوه دخل الهوه
خدني لبغدادي

مما راقـــــــ لي

[nabil maria]

يسلمو يا ورد على هذه الكلمات الرائعة

تحياتي

[ღ♥ღ LoVely__87ღ♥ღ]

يســــلموو عزيزتي  KlaRaaaa علــ هـذه الـكلمات الجميــله

[عيون العراق]

يسلمووووووووووووو عيوني موضوع وركلمات روعه عاااااااشت الانامل الرقيقه على ماخطت من ابداع ننتظر الاحسن ورده
تقبلي مروري وتحياااااااااااااااااتي

عيون العراق

[ann_alnoury]

مااجملها ومااعذبها من عبارات سلمت يداكِ المبدعة عزيزتي ..لاتحرمينا بهاء وجمال حرفك سلمت لنا وسلم نبض حرفك...باقات الجوري لروعتكِ...

[رهام القوشيه]

تسلمين كلارا كلمات رووووعه
عاشت ايدج ورده

[nuhra]

كلمات مؤلمة ومؤثرة
عاااشت الايادي يا كلارا

(نسم علينه البجي من بجت بغدادي
يا حزن دخل الحزن بس فارك بلادي
اخواني ماتو غدر .. وانذبحو اولادي)

[✪KlaRa ALmaRghi✪]

شكراا يااحلى ورود منورين الموضوع بمروركم الحلوووووووووو

[Loleeee]

يسلمووووو الايادي ام يوسف عالكلمات الحلوة و المؤلمة 

[✪KlaRa ALmaRghi✪]

منوره ياورده يسلموو لولي