كان فيه اثنين من الشباب راحوا البحر ، و جلسو على الشاطئ ومعاهم عشاهم. وهم
جالسين يتعشون جاتهم عجوز كبيره في السن وقعدت تلقط الأكل المنثور على الأرض
وتأكل !!!
ولما شافوها قالولها أنتي جوعانة قالت أنا هنا من الصبح وما أكلت شئ !!! جابني ولدي
من الصبح وراح وخلاني وقالي راح أجي آخذك بعد شوي.
المهم جابوا لها عشاء وتعشت. وبعد ما تأخر الوقت شالوا أغراضهم ، وحسوا الشباب إن
الوقت متأخر والجو بدأ يبرد ومايصير يتركون العجوز على الشاطئ لحالها في الليل
وجاء واحد من الشباب وقال لها عندك رقم ولدك نتصل عليه نخليه يجي يآخذك . قالت
العجوز إيه معي الرقم في ورقه . ولما طلعت الورقه . ايش تتوقعوا مكتوب فيها ؟؟؟؟؟
مكتوب ( من يجد هذه المرأه يآخذها لدار العجزه) !!!!! انصعقوا الشباب من المكتوب
في الورقة وجلسوا ساعة يترجون العجوز تمشي معاهم. ويحاولون فيها إنهم يوصلوها أي
مكان هي تبيه . أكيد العجوز رفضت أنها تروح معاهم لأن ولدها وعدها إنه يجي يأخذها
وتبي تستناه لما يجي.وكانت تقول ولدي راح يجي يآخذني وأنا راح استناه .
ماتدري المسكينه إن ولدها تنكر لها ورماها في الوقت الي هي فيه محتاجه له. المهم
راحوا الشباب عنها وأتركوها على أمل إن ولدها راح يجي يآخذها حسب وعده لها.
فيه واحد من الشباب قعد يتقلب في الفراش وماقدر يرقد يفكر في مصير العجو
ز المسكينه وقام من فراشه وغير ملابسه وركب سيارته وراح للشاطئ. ولما وصل.
شاف الاسعاف والشرطة والناس مجتمعين ودخل بينهم شاف العجوز قد فارقت الحياه!!!
ولما سألهم عن سبب وفاة العجوز قالوا له أرتفع معها الضغط وماتت. ماتت من خوفها
على ولدها يمكن يكون صار له شئ. ماتت وهي تستنا ولدها يجي يآخذها. ماتت وهي
بعيده عن أهلها.
الله يرحمها برحمته ويدخلها من أوسع ابواب جنته.أدعوا معي آمين. أرجو من كل من
يقرأ هذه القصة أن ينشرها لتكون موعظة لكل عاق لوالديه وأن يعلق على هذا
الموضوع لتكون الفائده أكثر !!
منقووووووووووووووووول
يارب تعجبكم القصة
